የታሪክ እና የንባብ ጉዞ በሆሳዕና
ዓመታዊው የተጓዥ ኪነ ጥበብ መርሐ ግብር ተጀመረ! ✨
#ethiopia | ​በቱሪዝም ሚኒስቴር፣ በወመዘክር እና በልዩ ሚዲያና ኹነቶች ትብብር የተዘጋጀው ዓመታዊው የተጓዥ ኪነ ጥበብ መርሐ ግብር በሆሳዕና ከተማ በደማቅ ሁኔታ ተጀምሯል።

ይህ መርሐ ግብር ንባብን፣ ታሪክን እና ቱሪዝምን በማስተሳሰር ዜጎች ሀገራቸውን እንዲያውቁ ለማድረግ ያለመ ነው።

​🌹 ደራሲ ፊርማዬ ዓለሙ ተዘከረች
የመርሐ ግብሩ መክፈቻ ደራሲ ፊርማዬ ዓለሙ በተማረችበት ታሪካዊው የካቲት 25 ትምህርት ቤት ላይ ተካሂዷል።

​የመጽሐፍት ልገሳ፦
ደራሲዋ ለሀገሯ ያበረከተችውን አስተዋጽኦ ለማስታወስ ከጃዕፋር መጽሐፍት መደብር እና ከጠይም መልቲ ሚዲያ የተሰበሰቡ መጽሐፍት ለትምህርት ቤቱ ተበርክተዋል።

​ባለውለታዋ፦
ፊርማዬ ዓለሙ የኢትዮጵያ ሴት ደራስያን ማኅበር መሥራችና ፕሬዚዳንት የነበረች፣ ፍልቅልቅና የመድረክ ንግሥት የነበረች ገጣሚ ነበረች።

"ያላነበበ ትውልድ ሀገር አይገነባም!"

በመርሐ ግብሩ ላይ የተገኙት አንጋፋዎቹ ደራሲ ዘነበ ወላ እና ደራሲና ተዋናይ ሥዩም ተፈራ ለተማሪዎችና ለታዳሚዎች ልምዳቸውን አጋርተዋል። "ሀገር የሚገነባው በማንበብ ብቻ ነው" በማለትም የወጣቱን የንባብ ባህል ማበረታታት እንደሚገባ አሳስበዋል።

​ የጉዞው ዋና ዋና ነጥቦች፦

​ጊዜ፦
ከየካቲት 18 እስከ መጋቢት 18 ቀን 2018 ዓ.ም ይቆያል።

​ትኩረት፦
ሴቶችን እና ሕፃናትን ያካተተ ሲሆን፣ ዓለም አቀፍ የሕፃናት፣ የሴቶች እና የእናቶች ቀናትን ታሳቢ ያደረገ ውይይት ይካሄድበታል።

​ተሳትፎ፦
የቱሪዝም ሚኒስቴር "ሀገርህን እወቅ" ክበባት እንዲጠናከሩ የተለያዩ የሀገርን መልክ የሚያሳዩ መጽሐፍትና ብሮሸሮችን አበርክቷል።

​🙏 ምስጋና፦
ይህንን የፈጠራ ሐሳብ በማመንጨትና መርሐ ግብሩን በዋናነት በማዘጋጀት ለደከመው ለጋዜጠኛ ጌታቸው ዓለሙ ምስጋና ይገባዋል።

​#የተጓዥኪነጥበብ #ሆሳዕና #ፊርማዬዓለሙ #ንባብ #ቱሪዝም #ኢትዮጵያ #getutemesgen #getu #ጌጡ #ጌጡተመስገን