"አንደኝነታችን በጥረትና በፍትሃዊ መንገድ የመጣ ክብር ነው " የአርሰናሉ አለቃ ሚኬል አርቴታ
#ethiopia | መድፈኞቹ ነገ ከወልቭስ ጋር ለሚያደርጉት ጨዋታ አስቀድሞ መግለጫ የሰጡት አርቴታ፣ ቡድኑ እዚህ ደረጃ ላይ ለመድረስ የረጅም ጊዜ ትጋትና የቀን ተቀን ስራ እንደጠየቀው አስረድተዋል።

የአርቴታ ዋና ዋና ነጥቦች፦

* ስለ መሪነቱ፦ "አሁን ያለንበት ደረጃ ለእኛ ትልቅ ክብር ነው፤ ምክንያቱም እዚህ የደረስነው በፍትሃዊ መንገድና በከፍተኛ ጥረት ነው" ብለዋል።

* ስለ ስኬቱ ሚስጥር፦ ውጤቱ በአንድ ጀምበር የመጣ ሳይሆን፣ በየቀኑ የሚጠበቅብንን ሁሉ አሟልተን በመስራታችንና በትጋታችን የመጣ ነው ሲሉ ገልጸዋል።

* ስለ ነገው ጨዋታ፦ ነገ ከወልቭስ ጋር የሚኖረው ፍልሚያ እጅግ ከባድ እንደሚሆን የጠቆሙት አሰልጣኙ፣ "ካለፈው ጨዋታችን እንደተረዳነው ከእነሱ ጋር በሚደረግ ጨዋታ ሶስት ነጥብ መያዝ ምን ያህል አዳጋች እንደሆነ አይተናል" በማለት ተጫዋቾቻቸው ንቁ እንዲሆኑ አሳስበዋል።

አርሰናል ይህንን መሪነቱን አስጠብቆ ለመጓዝ የነገው ጨዋታ ወሳኝ ፈተና እንደሚሆንበት ይጠበቃል።

Getu Temesgen - (ጌጡ ተመስገን)
#getutemesgen #getu #ጌጡ #አርሰናል #ሚኬልአርቴታ #መድፈኞቹ #የእንግሊዝፕሪሚየርሊግ #ስፖርት #arsenal #coyg #arteta #premierleague #ethiopiasports