ከስኬት ማማው በስተጀርባ ያሉት ብርቱ እናቶች
************************

እናትነት በቃላት የማይገለጽ ጥልቅ ፍቅር ብቻ ሳይሆን፣ የሕይወት መጀመሪያ ትምህርት ቤት እና የማያልቅ የጥንካሬ ምንጭ ነው።

ዛሬ በዓለም አቀፍ ደረጃ በታላቅ የክብር ስፍራ ላይ የምናያቸው ስመ-ጥር ግለሰቦች፣ ለደረሱበት የስኬት ማማ ትልቁን መንገድ የጠረጉላቸው በጸሎትና በጽናት ከጎናቸው የቆሙት እናቶቻቸው መሆናቸውን ታሪካቸው ምስክር ነው።

ለአብነት ያህል "የአፍሪካዋ ቴሬዛ" በመባል የሚታወቁት አበበች ጎበና፣ በረሃብ ለተጎዱ በሺዎች የሚቆጠሩ ሕፃናት እናት ለመሆን የገዛ ትዳራቸውንና ምቾታቸውን መስዋዕት በማድረግ ለሀገር የሚጠቅሙ በርካታ ዜጎችን አፍርተዋል።

በዓለም መድረክ ስማቸው በጉልህ የሚጠቀሱ ታላላቅ አትሌቶች እና በተለያዩ ዘርፎች የተሰማሩ ታዋቂ ሰዎች ለዛሬው ዝናቸውና ክብራቸው መሠረቱ በገጠር ሕይወት ውስጥ በታታሪነትና በሥነ-ምግባር ያሳደጓቸው እናቶቻቸው መሆናቸውን በኩራት ይናገራሉ።

በጥበቡ ዓለምም ብንመለከት፣ ድምፃዊ ሮፍናን በ"ነፀብራቅ" አልበሙ ላይ የእናቱን ምክር አካቶ ያቀረበበት መንገድ፣ የእናቶች ቃል ለስኬት ያለውን ጉልህ ሚና ያሳየበት አጋጣሚ ነው።

ዓለም አቀፉ የእግር ኳስ ኮከብ ክርስቲያኖ ሮናልዶም ቢሆን፣ ለዛሬው ዝናው እናቱ በልጅነቱ የከፈለችው መስዋዕትነት ትልቁን ድርሻ እንደሚይዝ ደጋግሞ ይገልጻል።

ታላቁ የፈጠራ ሰው ቶማስ ኤዲሰን ዓለምን በብርሃን የሞላ ግኝት እንዲያበረክት፣ እናቱ ናንሲ ኤዲሰን በልጃቸው ላይ የነበራቸው ጽኑ እምነት እና በቤት ውስጥ ያስተማሩት ትምህርት መሠረት ሆኖታል።

እነዚህ ጥቂት ምሳሌዎች እንጂ፣ ስማቸው በታሪክ መዝገብ ላይ ባይሰፍርም ለልጆቻቸው ሕልም ሲሉ የራሳቸውን ፍላጎት መስዋዕት ያደረጉ እልፍ እናቶች አሉ።

ከአንድ ስኬታማ የጥበብ ሰው፣ ሳይንቲስት ወይም ባለሙያ በስተጀርባ፤ ዓለም ሁሉ ፊቱን ሲያዞር "ትችላለህ" ብላ ተስፋ የሰጠችና የደከመች ብርቱ እናት ሁሌም ትገኛለች። እናትነት የዓለም ሁሉ ስኬት መነሻ ነችና ሁሌም ልትከበር ይገባታል።

በልዩ እሸቱ
#mothersday #successstories #ethiopia #inspiration

"ታላቋ ሴት"
በውቢቷ ሀዋሳ የደመቀው የሴቶች የክብር ምሽት!
#ethiopia | ​ሄራ ኢቨንት እና ፕሮሞሽን በወ/ት እውነት ይሻል አዘጋጅነት፣ መጋቢት 12 ቀን 2018 ዓ.ም በሳውዝ እስታር ኢንተርናሽናል ሆቴል 100 ተፅዕኖ ፈጣሪ ሴቶችን ማዕከል ያደረገ ደማቅ የሽልማትና የክብር ፕሮግራም አካሂዷል።
​
ሀዋሳን ያቀኑ 15 አንጋፋ ባለሀብትና ተፅዕኖ ፈጣሪ ሴቶች የተሸለሙ ሲሆን፣ 10 ተስፋ የተጣለባቸው ወጣት ሴቶች ደግሞ ለቀጣይ ዓመት ትልቅ ኃላፊነት ተረክበዋል።
​
አንጋፋዋ ዲዛይነር ወ/ሮ አበባ ዘነበ ተሰማ (የአበባ ሹራብና ባህላዊ አልባሳት ባለቤት) የሲዳማን ባህላዊ ይዘት የጠበቁ ዘመናዊ አልባሳትን በአፍሮ እና አንቅ ሞዴሎች አማካኝነት ለታዳሚው አስነኝተዋል።

​የሆሊ ቤቴል ልዩ የጥርስ ሕክምና ባለቤት ወ/ሮ መስከረም አበራ ካለፉበት ከባድ ውጣ ውረድ እስከ ዛሬው ስኬታማ ደረጃ ያደረሳቸውን የጥንካሬ ጉዞ በእንባ በተሞላ ስሜት ለታዳሚው አካፍለዋል።
​
የ3 ዶክተሮች እናትና ስኬታማዋ የቢዝነስ ሴት ወ/ሮ አያልነሽ አለሶ እንዲሁም በኢኮኖሚና በበጎ ተግባር ተፅዕኖ ፈጣሪ የሆኑት ወ/ሮ ይርጋለም አሰፋ በልዩ ተሸላሚነት ደምቀው የታዩበት ምሽት ነበር።

​ የአዘጋጇ መልዕክት
​የሄራ ኢቨንት እና ፕሮሞሽን መስራች ወ/ት እውነት ይሻል ዝግጅቱ በየዓመቱ በሴቶች ቀን የሚቀጥል መሆኑን ገልጸው፣ ለፕሮግራሙ መሳካት አብረዋቸው የቆሙትን ደጋፊ ድርጅቶችና ግለሰቦችን በሙሉ ከልብ አመስግነዋል።
​
​🙏 ልዩ ምስጋና
​ሳውዝ እስታር ሆቴል፣ የደቡብ ቴሌቪዥን፣ ንጉስ ቢራ፣ ቤዛ ስፕሪንግ ዋተር፣ አበባ ሹራብ፣ የሀዋሳ ከንቲባ ጽ/ቤት እና ለሄራ ኢቨንት ቡድን አባላት፣ አበባ ሹራብና ባህላዊ አልባሳት ማምረቻ ኢንተርፕራይዝ፣ የሀዋሳ ከተማ አስተዳደር ሴቶችና ወጣቶች ማህበራዊ ጉዳይ መምሪያ፣ አበባ ሹራብና ባህላዊ አልባሳት ማምረቻ ኢንተርፕራይዝ
​ #thegreatwomen #hawassa #ethiopia #heraevents #womenempowerment #successstories #fashionshow #southstarhotel #sidamaculture #inspiration #getutemesgenmedia