"አላየሁሽም… ግን ሰማሁሽ!" ሞትን ታግሎ ታዳጊዋን ከሞት ያደነው ድንቅ ውሻ!
#ethiopia | ራሱን ማዳን ያልቻለ በአላፊ አግዳሚው ተስፋ ተቆርጦበት ጎዳና ላይ የተጣለ አንድ ውሻ የኋላ ኋላ የሰው ልጅ ሕይወት ያድናል ብሎ ማን ገመተ?

ኖርማን ይባላል የመጀመሪያ ሕይወቱ በብቸኝነትና በችግር የተሞላ ነበር።

በጎዳና ላይ ተጥሎ ከቆየ በኋላ ወደ እንስሳት መንከባከቢያ ማዕከል እንዲገባ ተደረገ።

በዚያም አኔት እና ስቲቭ ማክዶናልድ የተባሉ ደግ ባልና ሚስቶች ጉልበቱን አይተው አሳደጉት።

ነገር ግን ደስታቸው ብዙ አልዘለቀም ብዙ ሳይቆይ ኖርማን በድንገት እንስሳትን በሚያጠቃ የዓይን ሕመም ምክንያት ሙሉ በሙሉ እይታውን አጣ።

ዓለሙ በጨለማ ተዋጠች።

ነገር ግን በአሜሪካ ኦሪገን ግዛት በተከሰተው አስገራሚ አጋጣሚ ይህ ዓይነ ስውር ውሻ የብዙዎችን አፍ ያስያዘ ተአምር ሠራ።

ሊዛ የተባለች ታዳጊ ሴት ጥልቀት ባለው ውሃ ውስጥ ገብታ በሞትና በሕይወት መካከል ሆና "እርዱኝ!" እያለች ትጮህ ነበር።

በአካባቢው የነበሩ ሰዎች በድንጋጤ ተጨነቁ በዚህ መሀል እይታውን ያጣው ኖርማን ግን ቅጽበታዊ ውሳኔ ወሰነ።

ኖርማን ልቡና ጆሮዎቹ ትክክለኛውን የልጅቷ አቅጣጫ ጠቆሙት።

ኖርማን ለህይወቱ ምንም ሳይሰጋ ወደ ጥልቁ ውሃ ውስጥ በመግባት የጩኸቱን አቅጣጫ ተከተለ።

ውቅያኖስ የሚመስለውን ውሃ እየቀዘፈ ሊዛ ዘንድ ደረሰ።

ሊዛ በፍርሃት ተውጣ ኖርማንን አጥብቃ ያዘችው።

ዓይነ ስውሩ ውሻ የሴት ልጅቷን ሕይወት ተሸክሞ ከዳር የሚመጣውን የሰዎች ድምፅ እንደ መሪ ኮምፓስ በመጠቀም ሊዛን ከሞት አተረፋት።

አንድ ጊዜ በሰው ልጅ ተጥሎ የነበረ በኋላም ዓይነ ስውር የሆነ ውሻ በአስቸጋሪው ሰዓት ግን የሰውን ልጅ ሕይወት ለማዳን ብቸኛውና ትክክለኛው መሪ እሱ ሆነ።

ኖርማን ማየት አይችልም ነበር እርዳታ የሚፈልግ የነፍስ ጥሪ ሰምቶ በደመ ነፍስ የተመራ እውነተኛ የዘመናችን እውነተኛው ጀግና ውሻ እንዲባል አስገድዷል።

ይህ ፊልም አይደለም ይልቁን የአንድ እውነተኛ ውሻ የጀግንነት ታሪክ እንጂ።

ሔኖክ ወ/ገብርኤል
#ethiopia #getutemesgen #america #oregon #blind #rescue #dog #teenagegirl #norman

ደፋሮቹ የጦርነት ዘጋቢዎች ተሸለሙ !

በድፍረት በሙያዊ መታመን በእሳት ውስጥ ደፍረው በመግባት ጋዛ፣ ሶሪያ፣ ዩክሬን ኢትዮጵያ የተከሰቱ ግጭቶችና ጦርነቶች ለአለም ያሳወቁ የጦርነት ዘጋቢዎች ዓመታዊው የBayeux ሽልማት ማግኘታቸው ተነገረ ።

በትላንትናው እለት የፈረንሳዩዋ የባዩ ከተማ በተካሄደው የጋዜጠኞች የጦርነት ዘጋቢ የሽልማት ስነ ስርዓት ለ32ኛ ጊዜ የተከናወነ ሲሆን፤ ፍልስጤማዊው የፎቶ ጋዜጠኛ ሳሄር አልግሆራ፣አሊ ጀዳላህ (አናዶሉ ኤጀንሲ)፣ ጄሃድ አልሽራፊ፣ ቮልፍጋንግ ባወር (ዘይት ማጋዚን) የስዊዘርላንድ-ካናዳዊ ጋዜጠኛ ሞሪን ሜርሲየር እንዲሁም ስለኢትዮጵያ ዶክመንተሪ ፊልም የሰራችው ማሪያኔ ጌቲ (ክራከን ፊልምስ/አርቴ) ጨምሮ በርካታ ዘጋቢዎች ተሸልመዋል ።

ለዙማ ፕሬስ የሚዘግበው ፍልስጥኤማዊ የፎቶ ጋዜጠኛ ሳሄር አልግሆራ ለሁለት ዓመት ገደማ በጋዛ ሰርጥ በሃማስና እስራኤል መካከል ሲካሄድ የቆየውን አውዳሚ ጦርነትና የደረሰውን አስከፊ ሰብአዊ ቀውስ «በእሳት እና ረሃም መካከል » በተሰኘውና በተከታታይ በሰራቸው የፎቶ ዘገባዎች በመስራቱ ለሽልማት መብቃቱ እንዲሁም ከሳሄር በተጨማሪ የጀርመኑ የሳይት ጋዜጣ ዘጋቢ ዎልፍ ጋንግ ባየር፣ በህትመት ጋዜጠኝነት ዘርፍ አሸናፊ መሆኑ ተነግሯል።

በሕትመት ጋዜጠኝነት ዘርፍ ቮልፍጋንግ ባወር (ዘይት ማጋዚን) በሱዳን ዋና ከተማ ካርቱም አሁንም ቀዶ ጥገና በማድረግ ተግድሎ እየፈፀመ የሚገኝ ሆስፒታል “የተረሳው” በሚል በሰራው ስራ አንደኛ በመሆን አሸንፏል።

ጋዜጠኛው በእንባ ታጅቦ ባስተላለፈው የቪዲዮ መልእክት በሆስፒታሉ የሚገኙትን "ዶክተሮች፣ ነርሶች እና በጎ ፈቃደኞች በየቀኑ የሚቻለውን ሁሉ ለሚያደርጉ በሙሉ" ምስጋና አቅርቧል።

በቴሌቭዥን ዘርፍ ጁሊ ደንገልሆፍ፣ ጀምስ አንድሬ እና ሶፊያ አማራ ከፈረንሳይ 24 አንደኛ በመሆን አሸንፈዋል፣ “ውስጥ የአሳድ የሽብር ማሽን” በሚል ዘገባ በሶሪያ መንግስት ነፃ ባወጣቸው እስር ቤቶች ላይ ያተኮረ ስራቸዉ ለዚህ ክብር አብቅቷቸዋል ።

በኢትዮጵያ ስላለው ግጭት “ትግራይ፡ መደፈር፣ ዝምተኛው መሳሪያ” የተሰኘው ዘጋቢ ፊልም የሰራች ማሪያኔ ጌቲ (ክራከን ፊልምስ/አርቴ) በኬን መታሰቢያ ሙዚየም በተካሄደው ሽልማቴ ግራንድ ፎርማት የቴሌቭዥን ዋንጫ አሸንፋለች ።

ከሲኤንኤን ዘጋቢዎች ጆማና ካራድሼህ፣ ታረቅ አል ሂሉ፣ መሀመድ አል ሳዋሊ፣ ሚክ ክሬቨር እና ማርክ ባሮን ስለ ጋዛ ህፃናት ህይወት በሰሩት ዘጋቢ ፊልም በተማሪዎች እና በሰልጣኞች የተሰየመውን ልዩ የኖርማንዲ ሪጅን ሽልማት አግኝቷል።

በአሜሪካዊው ጋዜጠኛ ጆን ሊ አንደርሰን የሚመራው የBayeux Calvados-Normandy Award ለ32ኛ ጊዜ ባዘጋጀው ሽልማት በመቶዎች የሚቆጠሩ ዓለም አቀፍ ዳኞች ድምፅ መሰረት በማድረግ በአስሩ ምድቦች አሸናፊዎችን እንደመረጡ ተናግረዋል ።

አሸናፊዎች በጣም ጠንካራ የጋዜጠኝነት ሙያ የገባቸው መሆኑን በመግለፅ አክብሮታቸዉን ገልፀዋል ።

በስነ ስርዓቱ ላይም በቅርቡ በስራ ላይ እያሉ ለተገደሉ ጋዜጠኞች ክብር ተሰጥቷል ሲል ያስነበበው France 24 ነዉ ።

የኔታ ቲዩብ ዘጋቢ ፦ ታዴ የማመይ ልጅ