ቻይና እነ አሜሪካ የለኮሱት እሳት ቀጠናውን ይበላል አለች
#ethiopia | የመካከለኛው ምስራቅ ውጥረት በአስቸኳይ መፍትሄ ካልተበጀለት ቀጣናውን ወደ ከፋ የሰብአዊ እልቂት ሊቀይረው እንደሚችል ቻይና አስጠነቀቀች። የቻይና ውጭ ጉዳይ ሚኒስቴር ቃል አቀባይን ዋቢ በማድረግ ሲጂቲኤን (CGTN) እንደዘገበው፣ በኢራን፣ አሜሪካና እስራኤል መካከል ያለው ፍጥጫ ለቀጣናው ብቻ ሳይሆን ለዓለም አቀፍ ሰላም ትልቅ ስጋት እየሆነ መጥቷል።

ቻይና ባወጣችው መግለጫ ላይ ያሰፈረቻቸው ዋና ዋና ነጥቦች፦

* የእልቂት ስጋት፦ ጦርነቱ አሁን ባለው ሁኔታ የሚቀጥል ከሆነ መላውን የመካከለኛው ምስራቅ ቀጣና በማዳረስ ወደማይቀለበስ እልቂት ሊያመራ ይችላል።

* የኃይል አማራጭ ውጤት አልባነት፦ በማንኛውም የጦርነት መስክ ኃይልን እንደ ብቸኛ መፍትሄ መውሰድ የጥፋት አዙሪቱን ከማራዘም ባለፈ ዘላቂ መፍትሄ እንደማያመጣ ቤጂንግ አሳስባለች።

* የአደራዳሪነት ሚና፦ ቻይና ግጭቱን ለማርገብና ሀገራቱን ወደ ድርድር ጠረጴዛ ለማምጣት የአደራዳሪነት ሚና ለመውሰድ ዝግጁ መሆኗን ገልጻለች።

አዲስ የሰላም ጥረት

ቤጂንግ እስካሁን ያልተሞከሩ አዳዲስ ዲፕሎማሲያዊ መንገዶችን በመጠቀም ሶስቱን ወገኖች በአንድ ጠረጴዛ ለማስቀመጥ አቅዳለች። ለዚህም ስኬታማነት ቻይና ከዶናልድ ትራምፕ ጋር የመጀመሪያ ደረጃ ንግግሮችን መጀመሯን ዘገባው አመላክቷል።
ይህ የቻይና እንቅስቃሴ በቀጣናው ላይ ያላትን ተሰሚነት ለመጠቀምና የምዕራባውያኑን ተፅዕኖ ለመመገጣጠም የምታደርገው ጥረት አካል ተደርጎ ተወስዷል።

Getu Temesgen - (ጌጡ ተመስገን)
#getutemesgen #getu #ጌጡ #middleeastconflict #chinadiplomacy #peacetalks #iranisraelusa #globalsecurity #breakingnews