አጂባደም ኸልዝኬር ግሩፕ  በአዲስ አበባ አዲስ የታካሚዎች መረጃ መስጫ ቢሮ  ከፈተ።

በቱርኪዬ ከጤና አገልገሎት ሰጪ ተቋማት ስመጥር የሆነው አጂባደም ኸልዝኬር ግሩፕ በአዲስ አበባ አዲስ የታካሚዎች መረጃ ቢሮ መክፈቱን አስታውቋል።

የኢትዮጵያ ታካሚዎች እና ቤተሰቦቻቸው በቱርክ ስለሚገኙ ልዩ የህክምና አገልግሎቶች እና የህክምና አማራጮች መረጃ ለማግኘት እንዲሁም በሀገር ቤት ሆነው ከሀኪሞች ጋር በቀጥታ መረጃ ለመለዋወጥ የሚያስችል አገልግሎት ይሰጣልም ተብላል።

ማዕከሉ፤ የታካሚዎችን ነባር የህክምና መረጃዎችን ግምገማ ከማከናወን እና ተጨማሪ የባለሙያ ምክር ከመስጠት ጀምሮ እስከ ህክምና ዕቅድ ዝግጅት፣ የጉዞ ዝግጅት ማስተባበር እና ከህክምና በኋላ የሚደረግ ክትትል ድረስ ባሉት ሂደቶች ሁሉ ለታካሚዎች ድጋፍ እንደሚሰጥ የአጂባድም ኸልዝኬር ግሩፕ የአለም አቀፍ ግንኙነት ዳይሬክተር የሆኑት ሚስተር ኢሊያስ ቤንቬኒስቴ ለብስራት ሬድዮ ተናግረዋል።

የጤና መረጃ መዓከሉ ትኩረት ከአደረገባቸው የጤና ዘርፎች ውስጥ የኒውሮሎጂ እና ኒውሮሰርጀሪ፣ የኩላሊትና ጉበት ንቅለ ተከላ ፣ የሜዲካልና ራዲዬሽን ኦንኮሎጂ ወይም ካንሰር፣ እና አይ.ቪ.ኤፍ እንዲሁም የፅንስና ማህፀን ህክምናዎች ይገኙበታል ተብሏል።

ቢሮው ለታካሚዎች አገልግሎት ከመስጠት ባለፈ በኢትዮጵያና በቱርክ ሀኪሞች መካከል የልምድ ልውውጥ፣ የስልጠናና የልዩ ሙያ  እድሎችን በማመቻቸት የሁለቱን ሀገራት የጤና ትብብር ያጠናክራል ሲሉ ሚስተር ኢሊያስ ጨምረው ተናግረዋል።

አጂባደም በዓለም ዙሪያ 30 ሆስፒታሎችና 15 ክሊኒኮች ያሉት ሲሆን፣ ይህ የአዲስ አበባው ማዕከል በዓለም አቀፍ ደረጃ 52ኛው የመረጃ ቢሮው መሆኑም ተገልፃል።

#ዳጉ_ጆርናል

ሽንት መጠጣት መድኃኒት ነው? አርቴፊሻል ኢንተለጀንስ (AI)ን ለሽንት ሕክምና ፕሮፓጋንዳ የሚጠቀሙት ሰዎች ቁጥር እየበዛ ነው ተባለ

አንዳንድ ጊዜ የሰዎች እምነት እና የማኅበራዊ ሚዲያ አዝማሚያዎች ከሳይንስ ጋር ሲጋጩ የምናየው እውነታ እጅግ አስገራሚ ይሆናል። በተለይም ሽንት የተለያዩ በሽታዎችን ማዳን ይችላል የሚለውን ሳይንሳዊ መሠረት የሌለው አሰራር (Urine Therapy) አጥብቀው የሚያምኑ ግለሰቦች፣ አሁን ደግሞ ሐሳባቸውን ለማጽናት ወደ አርቴፊሻል ኢንተለጀንስ (AI) ቻትቦቶች እየተመሙ ይገኛሉ።

የዚህ የግብይትና የእምነት ሂደት አካሄድም ቀለል ያለ አይደለም። ተጠቃሚዎች መጀመሪያ ላይ ቻትቦቶች ለእነዚህ የውሸት የጤና መረጃዎች ጠንካራ ተቃውሞ ያቀርቡባቸው እንደነበር ይገልጻሉ። ነገር ግን ጥያቄዎችን በ«ምሥጢራዊ እውቀት» (esoteric knowledge) መልክ በመቀረጽ ጥበቃዎቹን ማለፍ ችለዋል፤ በዚህም የተነሳ ቻትቦቶቹ ለሚያነሷቸው ሐሳቦች ድጋፍ የሚሰጡ ይዘቶችን እንዲያመነጩላቸው አድርገዋል።

ከአባላቱ መካከል አንዷ የጎግል ጀሚኒን እርዳታ በመጠቀም ለስድስት ዓመታት ያህል በቀን ማለት ይቻላል ሽንት እየጠጣች ቢሆንም ኩላሊቷና ኃሞቷ በጥሩ ሁኔታ ላይ እንደሚገኙ ማረጋገጫ እንዳገኘች አጋርታለች። ሌሎች ተጠቃሚዎች ደግሞ ሽንትን መጠጣትና በሽንት መታጠብን የሚያበረታቱ የፕሮፓጋንዳ ፖስተሮችን እና መመሪያዎችን ለማዘጋጀት አርቴፊሻል ኢንተለጀንስን (AI) ተጠቅመዋል ነው የተባለው።

የሕክምና ባለሙያዎች በበኩላቸው የሽንት ሕክምና ምንም ዓይነት የሕክምና መሠረት የሌለውና የተወሰኑ የሰውነት ጉዳቶችን ሊያባብስ እንደሚችል በ«Journal of Urology» ሪፖርት አረጋግጠዋል።

Seledadotio
Seledadotio

የመንግሥት እና የግል የሕክምና ተቋማት የመረጃ ልውውጥ ሲስተም በሙከራ ደረጃ መጀመሩ ተገለጸ

የመንግሥት እና የግል የሕክምና ተቋማት የታካሚዎችን መረጃ በወጥነት እንዲለዋወጡ የሚያስችል "ሼርድ ኸልዝ ሪከርድ" የተባለ ዲጂታል ሲስተም በሙከራ ደረጃ መተግበሩን የጤና ሚኒስቴር አስታውቋል።

አዲሱ አሠራር በኢትዮጵያ የሕክምና ሥርዓቱን ለማዘመንና የጤና መረጃዎችን በተቀናጀ መልኩ ለመያዝ ያለመ ነው ተብሏል።

በጤና ሚኒስቴር የዲጂታል ጤና መሪ ሥራ አስፈጻሚ አቶ ገመቺስ መልካሙ ለአሐዱ ሬድዮ እንደገለጹት፣ ሲስተሙ ታካሚዎች በመንግሥት እና በግል ተቋማት ያላቸውን የሕክምና ታሪክ በቀላሉ ለመለዋወጥ ያስችላቸዋል።

የመረጃ ልውውጡን ለማሳለጥ ከፋይዳ ዲጂታል ጋር በመተባበር ልዩ የጤና ፋይዳ መታወቂያ በመዘጋጀት ላይ እንደሆነ ሥራ አስፈጻሚው ተናግረዋል።

አክለውም፤ "እስከአሁን አምስት ሺሕ የሚጠጉ መለያዎች በቋት ውስጥ ተካተዋል" ብለዋል።

አሠራሩ በፋይናንስ ተቋማት መካከል ያለውን የመረጃ ልውውጥ ሥርዓት ወደ ጤናው ዘርፍ የማምጣት እቅድ ስለመያዙ ተገልጻል።

በመሰረት ሙሉ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

አቶ ደስታ ሌዳሞን በመተካት የሲዳማ ክልልን በፕሬዚደንትነት እንዲመሩ የተሾሙት ዶ/ር መሳይ ኃይሉ ማናቸው ?

‎በዛሬው ዕለት የሲዳማ ክልል ፕሬዚዳንት ሆነው የተሾሙት ዶ/ር መሳይ ኃይሉ ከዚህ ቀደም የሲዳማ ዞን ጤና መምሪያ ኃላፊ እንዲሁም የሐዋሳ ዩኒቨርሲቲ የአስተዳደርና ተማሪዎች አገልግሎት ምክትል ፕሬዝዳንት ሆነው አገልግለዋል።
‎
‎በትምህርት ዝግጅታቸው፦
- የመጀመሪያ ዲግሪ በሕዝብ ጤና ከሐዋሳ ዩኒቨርሲቲ ፣
- ሁለተኛ ዲግሪ በሕዝብ ጤና ከጅማ ዩኒቨርሲቲ
- የዶክትሬት ዲግሪ (PhD) በኤፒዲሚዮሎጂ ከኖርዌይ በርገን ዩኒቨርሲቲ አግኝተዋል።
‎
‎ዶ/ር መሳይ በጤናው ዘርፍ በመሪነት፣ በኤፒዲሚዮሎጂስትነትና በከፍተኛ ትምህርት ተቋማት ውስጥ ረጅም ዓመታት የካበተ የአመራር ልምድ አላቸው ተብሏል።
‎
‎በፌዴራል ተቋም ውስጥ የኢትዮጵያ የህብረተሰብ ጤና ኢንስቲትዩት (EPHI) ዋና ዳይሬክተር ሆነ በመሾም የኢንስቲትዩቱን አጠቃላይ ጥናትና ምርምር፣ የድንገተኛ ጤና አደጋዎች አስተዳደር፣ የላቦራቶሪና የጤና መረጃ ትንተና ፕሮጀክቶችን በበላይነት ሲመሩ ቆይተዋል።

የአፍሪካ የበሽታ መከላከልና መቆጣጠሪያ ማዕከል (Africa CDC) የቴክኒክና አማካሪ ምክር ቤት አባል ሆነው በማገልገል ከአህጉራዊው ተቋም የሥራ እውቅና አግኝተዋል።

በተጨማሪም የኢትዮጵያ ሳይንስ አካዳሚ እና የኢትዮጵያ አንቲ-ዶፒንግ ባለሥልጣን የቦርድ አባል ሆነው አገልግለዋል።
‎
‎የጤና ሚኒስቴር የሥራ አስፈጻሚ ኮሚቴ አባልም በመሆን በብሔራዊ የጤና ፖሊሲዎችና ስትራቴጂዎች ላይ ተሳትፎ አድርገዋል።
‎
‎በአጠቃላይ በአካዳሚክ ዕውቀታቸው በሙያዊ ሥነ-ምግባራቸው እና በየደረጃው ባሳዩት የተረጋገጠ የአመራር ብቃት ወደ ክልሉ ፕሬዝዳንትነት መምጣታቸውም ተነግሯል።

ቲክቫህ ኢትዮጵያ
ሀዋሳ
መስከረም 21 ቀን 2019 ዓ/ም

@tikvahethiopia ዶክተር መሳይ ኃይሉ የሲዳማ ክልል ፕሬዝዳንት ሆነው ተሾሙ። ‎ ‎የፌዴራል ሕብረተሰብ ጤና ኢንስቲትዩት ዋና ዳይሬክተር የነበሩት ዶክተር መሳይ ኃይሉ የሲዳማ ክልል ፕሬዜዳንት ሆነው ተሹመዋል። ‎ ‎የሲዳማ ክልል ምክር ቤት ዛሬ መስከረም 21 ቀን 2019 ዓ/ም የመንግስት ምስረታ ጉባኤውን እያካሄደ ነው። በዚህም ዶ/ር መሳይ ኃይሉን የክልሉ ፕሬዚዳንት አድርጎ ሾሟቸዋል። ‎ ‎ዶክተር መሳይ ኃይሉ ሲዳማ ክልል…

አሜሪካን ያስደነገጠው የጋና መንግስት ውሳኔ‼️
የጋና መንግሥት ከወደ ዋሽንግተን የቀረበለትን የ109 ሚሊዮን ዶላር የጤና ድጋፍ ስምምነት "ብሔራዊ ክብርንና ሉዓላዊነትን ይነካል" ሲል ውድቅ አደረገ።
ኢትዮጵያ ይህንን ስምምነት መፈረሟ ይታወሳል።
የምዕራብ አፍሪካዊቷ ሀገር ጋና ከአሜሪካ የጤና ድጋፍ ጀርባ የተቀመጡት ቅድመ ሁኔታዎች "የሚያዋርዱ እና የአገሪቱን ሉዓላዊነት የሚጋፉ ናቸው" ብላለች።

በዚህም የቀረበላትን የ5 ዓመት ዕቅድ እንደማትቀበለው አስታውቃለች።

የጋናው ፕሬዚዳንት ጆን ማሃማ ካቢኔያቸው ስምምነቱን ውድቅ ማድረጉን ሲገልጹ ለአሜሪካ እጅ ላለመስጠት ምክንያት የሆኑትን ዋና ዋና ነጥቦች ይፋ አድርገዋል።

ስምምነቱ ጋና አጠቃላይ የዜጎቿን የሕክምና መረጃዎች ለዋሽንግተን እንድታስረክብ የሚያስገድድ አንቀጽ ይዟል።

አሜሪካ በዚሁ ፕሮግራም ሥር ወደ ጋና የምታስገባቸውን መድኃኒቶችና የሕክምና ቁሳቁሶች የጋና ምግብና መድኃኒት ቁጥጥር ባለሥልጣን እንዳይመረምርና እንዳይፈትሽ የሚከለክል አ አሰራር ተካቶበታል ብለዋል።

አሜሪካ ድጋፍ እንደምታደርግ ብትገልጽም ጋና ለፕሮግራሙ ማስፈጸሚያ የራሷን በጀት አውጥታ እንድትመድብ መጠየቋ ቅሬታን ፈጥሯል።

ፕሬዚዳንት ማሃማ ሁኔታውን "አዋራጅ" ሲሉ የገለጹት ሲሆን ጋና ይህ ድጋፍ ቢቀርባትም በራሷ አቅም መቆም እንደምትችል ገልጸዋል።

በጉዳዩ ላይ ምላሽ የሰጠው በአክራ የሚገኘው የአሜሪካ ኤምባሲ በበኩሉ ውዥንብር መፈጠሩን ጠቅሷል።

ኤምባሲው የቀረበው ጥያቄ የሕመምተኞችን ግላዊ ማንነት የሚያሳይ መረጃ ሳይሆን የፕሮግራሙን ውጤታማነት ለመለካት የሚያግዝ አጠቃላይ የጤና መረጃ ብቻ መሆኑን አስረድቷል።

Seledadotio
Seledadotio

አሜሪካን ያስደነገጠው የጋና መንግስት ውሳኔ!
#ethiopia | የጋና መንግሥት ከወደ ዋሽንግተን የቀረበለትን የ109 ሚሊዮን ዶላር የጤና ድጋፍ ስምምነት "ብሔራዊ ክብርንና ሉዓላዊነትን ይነካል" ሲል ውድቅ አደረገ።

የምዕራብ አፍሪካዊቷ ሀገር ጋና ከአሜሪካ የጤና ድጋፍ ጀርባ የተቀመጡት ቅድመ ሁኔታዎች "የሚያዋርዱ እና የአገሪቱን ሉዓላዊነት የሚጋፉ ናቸው" ብላለች።

በዚህም የቀረበላትን የ5 ዓመት ዕቅድ እንደማትቀበለው አስታውቃለች።

የጋናው ፕሬዚዳንት ጆን ማሃማ ካቢኔያቸው ስምምነቱን ውድቅ ማድረጉን ሲገልጹ ለአሜሪካ እጅ ላለመስጠት ምክንያት የሆኑትን ዋና ዋና ነጥቦች ይፋ አድርገዋል።

ስምምነቱ ጋና አጠቃላይ የዜጎቿን የሕክምና መረጃዎች ለዋሽንግተን እንድታስረክብ የሚያስገድድ አንቀጽ ይዟል።

አሜሪካ በዚሁ ፕሮግራም ሥር ወደ ጋና የምታስገባቸውን መድኃኒቶችና የሕክምና ቁሳቁሶች የጋና ምግብና መድኃኒት ቁጥጥር ባለሥልጣን እንዳይመረምርና እንዳይፈትሽ የሚከለክል አ አሰራር ተካቶበታል ብለዋል።

አሜሪካ ድጋፍ እንደምታደርግ ብትገልጽም ጋና ለፕሮግራሙ ማስፈጸሚያ የራሷን በጀት አውጥታ እንድትመድብ መጠየቋ ቅሬታን ፈጥሯል።

ፕሬዚዳንት ማሃማ ሁኔታውን "አዋራጅ" ሲሉ የገለጹት ሲሆን ጋና ይህ ድጋፍ ቢቀርባትም በራሷ አቅም መቆም እንደምትችል ገልጸዋል።

በጉዳዩ ላይ ምላሽ የሰጠው በአክራ የሚገኘው የአሜሪካ ኤምባሲ በበኩሉ ውዥንብር መፈጠሩን ጠቅሷል።

ኤምባሲው የቀረበው ጥያቄ የሕመምተኞችን ግላዊ ማንነት የሚያሳይ መረጃ ሳይሆን የፕሮግራሙን ውጤታማነት ለመለካት የሚያግዝ አጠቃላይ የጤና መረጃ ብቻ መሆኑን አስረድቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #ghana #presidentmahama #ghanaus #healthfunding #nationalsovereignty #dataprivacy #biosecurity






አሜሪካን ያስደነገጠው የጋና መንግስት ውሳኔ!
#ethiopia | የጋና መንግሥት ከወደ ዋሽንግተን የቀረበለትን የ109 ሚሊዮን ዶላር የጤና ድጋፍ ስምምነት "ብሔራዊ ክብርንና ሉዓላዊነትን ይነካል" ሲል ውድቅ አደረገ።

የምዕራብ አፍሪካዊቷ ሀገር ጋና ከአሜሪካ የጤና ድጋፍ ጀርባ የተቀመጡት ቅድመ ሁኔታዎች "የሚያዋርዱ እና የአገሪቱን ሉዓላዊነት የሚጋፉ ናቸው" ብላለች።

በዚህም የቀረበላትን የ5 ዓመት ዕቅድ እንደማትቀበለው አስታውቃለች።

የጋናው ፕሬዚዳንት ጆን ማሃማ ካቢኔያቸው ስምምነቱን ውድቅ ማድረጉን ሲገልጹ ለአሜሪካ እጅ ላለመስጠት ምክንያት የሆኑትን ዋና ዋና ነጥቦች ይፋ አድርገዋል።

ስምምነቱ ጋና አጠቃላይ የዜጎቿን የሕክምና መረጃዎች ለዋሽንግተን እንድታስረክብ የሚያስገድድ አንቀጽ ይዟል።

አሜሪካ በዚሁ ፕሮግራም ሥር ወደ ጋና የምታስገባቸውን መድኃኒቶችና የሕክምና ቁሳቁሶች የጋና ምግብና መድኃኒት ቁጥጥር ባለሥልጣን እንዳይመረምርና እንዳይፈትሽ የሚከለክል አ አሰራር ተካቶበታል ብለዋል።

አሜሪካ ድጋፍ እንደምታደርግ ብትገልጽም ጋና ለፕሮግራሙ ማስፈጸሚያ የራሷን በጀት አውጥታ እንድትመድብ መጠየቋ ቅሬታን ፈጥሯል።

ፕሬዚዳንት ማሃማ ሁኔታውን "አዋራጅ" ሲሉ የገለጹት ሲሆን ጋና ይህ ድጋፍ ቢቀርባትም በራሷ አቅም መቆም እንደምትችል ገልጸዋል።

በጉዳዩ ላይ ምላሽ የሰጠው በአክራ የሚገኘው የአሜሪካ ኤምባሲ በበኩሉ ውዥንብር መፈጠሩን ጠቅሷል።

ኤምባሲው የቀረበው ጥያቄ የሕመምተኞችን ግላዊ ማንነት የሚያሳይ መረጃ ሳይሆን የፕሮግራሙን ውጤታማነት ለመለካት የሚያግዝ አጠቃላይ የጤና መረጃ ብቻ መሆኑን አስረድቷል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #ghana #presidentmahama #ghanaus #healthfunding #nationalsovereignty #dataprivacy #biosecurity

የዜጎቿን የጤና መረጃ በያዘ የኤአይ ወኪል ተቋም ላይ የደህንነት ጥሰት መፈፀሙን አውስትራሊያ አስታወቀች

የአውስትራሊያ ጠቅላይ ሚኒስትር አንቶኒ አልባኔዝ በሰዉ ሰራሽ አስተውሎት ዙሪያ “አፋጣኝ ዓለም አቀፍ የጥበቃ ማዕቀፎች” እንዲዘጋጁ የሚጠይቅ የጋራ ጥሪ ላይ ከፈረሙ ከአንድ ቀን ባነሰ ጊዜ ውስጥ፣ የአውስትራሊያ ዜጎችን የጤና መረጃ በያዘ የመንግስት ድረ-ገጽ ላይ በአንድ “የኤአይ ወኪል ተቋም ላይ” የደህንነት ጥሰት መፈጸሙን ይፋ አድርገዋል።

ጠቅላይ ሚኒስትሩ ማክሰኞ ዕለት በኒው ዮርክ እየተካሄደ ካለው የተባበሩት መንግስታት ድርጅት ጠቅላላ ጉባኤ ጎን ለጎን፣ ካናዳ፣ ስፔን እና ጀርመንን ጨምሮ ከ21 ፈራሚዎች ጋር በመሆን “የሰው ሰራሽ አስተውሎት ሞዴሎችን ለመቆጣጠር የቀረበ ጥሪ” በሚል መግለጫ ላይ በጋራ ፈርመዋል።

ረቡዕ ዕለት ለጋዜጠኞች መግለጫ የሰጡት አልባኔዝ፣ በ ኦፕን AI የበለጸገው ይህ ተቋም በሰኔ ወር በመንግስት የሜዲኬር ወደብ ላይ የሚገኙ ህዝባዊ እና ህዝባዊ ያልሆኑ መረጃዎችን ሰብሮ መግባቱን ተናግረዋል።

አልባኔዝ አያይዘውም ኩባንያው የደህንነት ጥሰቱን አምኖ ለመቀበል ሶስት ወራት መውሰዱ እንዳሳዘናቸው ተናግረዋል።

ከጋዜጣዊ መግለጫው ከጥቂት ሰዓታት በኋላ ምላሽ የሰጠው ተቋሙ ጉዳዩን አሁንም እያጣራ መሆኑን ቢገልጽም፣ የታካሚዎች የህክምና ታሪክ መረጃዎች መወሰዳቸውን የሚያሳይ ምንም ዓይነት ማስረጃ እንደሌለ አስታውቋል።

በሚኪያስ ጸሐዬ
#ዳጉ_ጆርናል

የአፍሪካ አገራት የጤና ሉዓላዊነትን ለማረጋገጥ መስራት አለባቸው - ዶ/ር መቅደስ ዳባ
*******************

በአዲስ አበባ ሲካሄድ የቆየው 76ኛው የዓለም ጤና ድርጅት የአፍሪካ ቀጠና ኮሚቴ (RC-76) ጉባኤ በስኬት ተጠናቅቋል፡፡

የዓለም ጤና ድርጅት የአፍሪካ ቀጠና ኮሜቴ ሊቀመንበር እና የጤና ሚኒስትር ዶ/ር መቅደስ ዳባ በዚሁ ወቅት፤ የአፍሪካ አገራት የጤና ሉዓላዊነትን ለማረጋገጥ መስራት አለባቸው ብለዋል፡፡

ዶ/ር መቅደስ ዳባ አክለውም፤ በመድረኩ የተወሰኑ ውሳኔዎችን ወደ ተጨባጭ የጤና ውጤቶች መተርጎም እንደሚያስፈልግ ተናግረዋል።

በ76ኛው የዓለም የጤና ድርጅት የአፍሪካ ቀጠና ጉባኤ የተለያዩ የጤና ጉዳዮች የተወሰኑ ሲሆን በጉባኤዉ የተካሄዱ ውይይቶችና የተደረሱ የጋራ መግባባቶች የአፍሪካን የጤና ሥርዓት ለማጠናከር፣ የጤና ደህንነትን ለማስፋፋት፣ ፈጠራንና ትብብርን ለማጎልበት ስምምነት ላይ መደረሱ ተገልጿል።

በተጨማሪም የአየር ንብረት ለውጥ ተጽእኖ፤ ጠንካራ የክትባት ተደራሽነትን ማሳደግ እና ሌሎች የማዕቀፍ ጉዳዮች ለውይይት ቀርበው ምክክር ተደርጎባቸዋል።

በተጨማሪም መድረኩ የዓለም የጤና ድርጅት የአፍሪካ የጤና መረጃ ማዕከል በይፋ መቋቋሙን የጤና ሚኒስቴር መረጃ አመልክቷል።

ጊኒ ሪፐብሊክ ቀጣዩ የጉባኤው አስተናጋጅ ሆና የተመረጠች ሲሆን፤ ጉባኤው በሚቀጥለው ዓመት ከነሐሴ 21 እስከ ነሐሴ 24 ድረስ ይካሄዳል።

የኢትዮጵያን የሕክምና ዘርፍ የሚያዘምን የዲጂታል ኢንቨስትመንት መርሐ ግብር ይፋ ሆነ
********************

የጤና ሚኒስቴር ሀገራዊ የሕክምና ዘርፍ በቴክኖሎጂ ለማዘመንና የኢንጂነሪንግ ሕክምና ትራንስፎርሜሽንን ለማሳካት ያለመ "የብሔራዊ የኢንጂነሪንግ ሕክምና ኢንቨስትመንት ማስተዋወቂያ መርሐ ግብር" በአዲስ አበባ በይፋ አስጀምሯል።

ይፋ የተደረገው የዲጂታል ሥርዓት በሀገር አቀፍ ደረጃ እስካሁን የተሠሩና ወደፊት የሚከናወኑ የጤና መረጃዎችን በአንድ የመረጃ ማዕከል ስር ለማሰባሰብ የሚያስችል መሆኑ ተገልጿል።

ይህም የተቀናጀና ዘመናዊ የመረጃ ፍሰት እንዲኖር በማድረግ፣ የኢትዮጵያን የጤና ሥርዓት ወደ ዲጂታል ምዕራፍ ለማሸጋገር የሚደረገውን ጥረት የሚያግዝ ሲሆን፣ ሥርዓቱ በተለይም ጊዜንና ወጪን በመቆጠብ ረገድ ከፍተኛ አስተዋጽኦ እንደሚኖረው ታምኖበታል።

የጤና ሚኒስትር ዴኤታ ሳህረላ አብዱላሂ በማስጀመሪያ መርሐ ግብሩ ላይ እንደገለጹት፣ ተበታትነው የሚገኙ የጤና መረጃዎችን ወደ አንድ የተቀናጀ የዲጂታል ሥርዓት ማምጣት እጅግ አስፈላጊ ነው።

ይህም ለዜጎች ቀልጣፋና አስተማማኝ አገልግሎት ለመስጠት ከማስቻሉም በላይ፣ ተገልጋዮች የሚገጥሟቸውን እንግልቶች የሚያስቀር መሆኑን ጠቁመዋል።

"ከሐሳብ ወደ ተግባር ለዘላቂ የኢንጂነሪንግ ሕክምና ትራንስፎርሜሽን" በሚል መሪ ሐሳብ የተዘጋጀው ይህ መርሐ ግብር፣ የዘርፉን ትራንስፎርሜሽን በተግባር ለመተርጎም የሚያስችል መሠረት ይጥላል ተብሏል።

የዲጂታል አገልግሎቱን ተግባራዊ ለማድረግም የተለያዩ ሀገራት ተሞክሮዎች በጥልቀት የተጠኑ ሲሆን፣ የሀገራችንን ነባራዊ ሁኔታ ያገናዘቡ ምርምሮች ተካሂደውበታል።

የቴክኖሎጂ ልማት ኢትዮጵያ ወደ ዲጂታሉ ዓለም እያደረገች ላለው ሰፊ ጉዞ አዲስ በር የሚከፍትና የጤናው ዘርፍ የዲጂታል ትራንስፎርሜሽን አካል መሆኑን የጤና ሚኒስቴር አስታውቋል፡፡

በመሃሪ አለሙ
#ethiopia #ebc #heathsector #healthsystemdigitalization #digitaltransformation

''ከእናቶችና ህጻናት ጉርስ ተቀንሶ ቅንጡ ስልኮች ተገዙ'' እውነታው ምንድን ነው?
#ethiopia | ​በደቡብ ምዕራብ ኢትዮጵያ ህዝቦች ክልል ጤና ቢሮ በእናቶችና ህፃናት ጤና ዳይሬክቶሬት “ከእናቶችና ህጻናት ጉርስ ተቀንሶ ቅንጡ ስልኮች ተገዙ” ተብሎ በማህበራዊ ሚዲያ ሲሰራጭ የቆየውን መረጃ በተመለከተ ቢሮው ምላሽ ሰጥቷል ሲል ዶች ኤች ዲ ዘግቧል።

የስልኮቹ ግዢ መፈጸሙን ያረጋገጠው ቢሮው ግዢው ግን በማህበራዊ ሚዲያ እንደሚወራው ኢሰብአዊ በሆነ መንገድ የተፈጸመ ሳይሆን፣ ከአለም አቀፉ የምግብ ፕሮግራም (WFP) ፕሮጀክት የሥራ ማስፈጸሚያ ወጪ (operation cost) ተቀንሶ ለተቋማዊ የመረጃ ልውውጥ አገልግሎት መሆኑን አስታውቋል።

​በፕሮጀክት ውሉ መሠረት እስከ ታችኛው የወረዳ መዋቅር ድረስ ለሚከናወነው የጤና መረጃ ልውውጥ ሥርዓት ከተንቀሳቃሽ ስልኮች በተጨማሪ ላፕቶፕ ኮምፒውተሮች ታብሌቶች እና ፓወር ባንኮች ተገዝተው ወደ ሥራ መግባታቸው ተገልጿል።

ንብረቶቹ ለረጅም ጊዜ አገልግሎት እንዲሰጡና የግዢው ሂደት ግልጽ እንዲሆን ሙሉ በሙሉ ከመንግስታዊው ተቋም ኢትዮ ቴሌኮም የተገዙ ሲሆን፣ እነዚህ ቁሳቁሶች በጨታ፣ መኤኒት ጎልዲያ፣ ዛባ ጋዞ፣ ጌና እና ሎማ ቦሳ ወረዳዎች ለሚገኙ የጤና መዋቅሮች አገልግሎት እንዲውሉ መደረጉም ተብራርቷል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

የተስፋ ቀንዲል
#ethiopia | እኒህ እናት ኗሪነታቸው በሸገር ሲቲ በመናገሻ ከተማ ሲሆን ልጃቸው ዘር፤ ቀለም፤ፆታ፤ እድሜ እና የኑሮ ደረጃ በማይለየው ልጃቸው የአእምሮ ህመም ተጠቂ በመሆኑ ምክንያት ከግንቦት 2012 ዓ.ም ጀምሮ በአማኑኤል የአእምሮ ስፔሻላይዝድ ሆስፒታል ክትትል እያደረጉለት ይገኛሉ፡፡

ወ/ሮ አስናቀች ፍስሃ ይባላሉ፡፡ እጅግ ጠንካራ፤ ልበሙሉና ለነገው ትውልድ ጥንካሬን ብርታትን የሚያስተጋቡ እናት ናቸው፡፡

ወ/ሮ አስናቀች ልጃቸው የነበረበትን የቀድሞ ሁኔታ ሲገልፁ ልጄ ፍፁም መናገር አይችልም ነበር አሁን ግን ፈጣሪ ይመስገን በሆስፒታሉ በተደረገለት ህክምናና ክብካቤ መናገር ችሏል ይላሉ፡፡

በእርግጥ እግረ መንገዳችንን ልንገልፅላችሁ የፈለግነው የልጁን የጤና መሻሻል ይሁን እንጅ ዋናቁምነገር ግን ወ/ሮ አስናቀች ፍስሃን ያቀረብንበት ምክንያት ከሌሎች የቤተሰብ አስታማሚዎች ልዩ ሆነው በማግኘታችን ነው፡፡

ወ/ሮ አስናቀች የህክምና ባለሙያም አይደሉም ነገር ግን ተግባራቸው እንደማንኛውም ቤተሰብ ልጃቸው ከህመሙ ተፈውሶ መደበኛ ህይወቱን ሲመራ ማየት ጉጉታቸው ቢሆንም ልጃቸው ሲከታተሉበት የነበረው ሂደት ግን አድናቆትን ስለጫረብን ዛሬ ለእናንተ ልናካፍላችሁ ወደድን፡፡

ወ/ሮ አስናቀች ልጃቸውን በሆስፒታሉ ውስጥ ሲያስታምሙ እንደማንኛውም የቤተሰብ አስታማሚ ጠዋት ቁርሱን፤ ቀን ምሳውን፤ ማታ እራቱን አለፍ ሲልም ንፅህናውን ማስጠበቅ ብቻ አልነበረም ከሚከታተለው ሃኪም ባልተናነሰ የልጃቸውን የመድሃኒት አወሳሰድ፤ አይነት፤ መጠን እንዲሁም የጎንዮሽ ጉዳቱን፤ መድሃኒቱን ሲወስድ የሚታዩ አካላዊና የባህሪ ለውጦችን በሙሉ አጀንዳ አዘጋጅተው የየዕለቱን መዝግበው ይይዛሉ፤፤ ይህንኑ መረጃም ለሚከታተለው የጤና ባለሙያ (ሃኪም) የታዩ ለውጦችን (progress) ቃል በቃል በመዘገቡት መሰረት ያስረዳሉ፡፡

እኒህ እናት በየጊዜው ተኝቶ ለሚታከመው ልጃቸው በሃኪም የሚታዘዙትን መድሃኒቶች የወረቀት ቢን ካርድ አዘጋጅተው ከቢን ካርዱ ላይ የመድሃኒቱን ሳምፕል በመለጠፍ ከስሩ የመድሃኒቱን አይነት (ስም/ብራንድ)፤ መጠን(ዶዝ)፤ የሚወሰድበትን ጊዜ በመመዝገብ ተግባራዊ ያደርጋሉ፡፡

በተመሳሳይ ታካሚው መድሃኒቱን ሲወስድ የሚያሳያቸውን ለውጦች የጎንዮሽ ጉዳት ጨምሮ ለልጃቸው ሃኪም በሚያስረዱበት እናት መዝገብ(አጀንዳ) ላይ ያሰፍራሉ፡፡ ይህንን ተግባር ለአንድ ጊዜ ወይም ለሁለት ጊዜ ወይም ደግሞ ለሶስት ጊዜ አይደለም እየከወኑት የሚገኙት ከ2012 ዓ.ም ጀምሮ እስከ አሁን 2018 ዓ.ም ድረስ እንጅ፡፡

ወ/ሮ አስናቀች እሳቸው የሄዱበትን የህክምና መረጃ አያያዝ የጋን ውስጥ መብራት ሆኖ እንዲቀር አልፈለጉም ፡፡በመሆኑም በአጠገባቸው ለሚገኙ ሌሎች አስታማሚዎችም ተሞክሯቸውን አካፍለዋል፡፡

በቃል ያለ ይረሳል በፅሁፍ ያለ ይወረሳል የሚሉት ወ/ሮ አስናቀች መረጃ በአግባቡ ተሰንዶ መያዞ ከፍተኛ ጠቀሜታ ያለው እንደሆነ እረዳለሁ ይላሉ፡፡

ያ መጀመሪያ ላይ ቃል የማይናገረው ብላቴና አልጋ ላይ ሆኖ እናቴ መፅሃፍ ግዥልኝ ይለኛል እኔም ገዝቼ አመጣሁለት እሱም በስርዓቱ አንብቦ የተረዳውን በወረቀት ላይ ያሰፍራል፤ እኔም እከታተለዋለሁ ይሉናል የዛሬዋ እንግዳችን ወ/ሮ አስናቀች፡፡

በአማኑኤል የአእምሮ ስፔሻላይዝድ ሆስፒታል የቤተሰብ ህክምና ስፔሻሊስት ሀኪም የሆኑት ዶ/ር ሚኪያስ ታደለ በበኩላቸው የጤና መረጃ ሰነድ አያያዝን አስመልክቶ በሃገራችን በታካሚ ወይም በአስታማሚ ደረጃ ስለሚደረገው ህክምናና ስለህመሙ ሁኔታ መዝግቦ መያዝ የተለመደ እንዳልሆነ አንስተው ነገር ግን ቁርጠኝነት ያላቸውና የችግሩ አሳሳቢነት የገባቸው እንደ ወ/ሮ አስናቀች ያሉ ሰዎች የህክምና መረጃን ሰንደው በመያዝ ግንባር ቀደምና ምሳሌ ሊሆኑ የሚችሉ ናቸው በማለት ያነሳሉ፡፡

ዶ/ር ሚኪያስ አያይዘውም የህክምና መረጃ መያዝ ጠቀሜታው ለታካሚው ብሎም ለቤተሰብ ጭምር ነው፡፡ አንድ ታካሚ ወይም አስታማሚ የሚወስደውን መድሃኒት አይነት፤ የሚያመጣውን ለውጥና የጎንዮሽ ጉዳት ለይቶ ማወቅ የጤንነቱን ሁኔታ እያሻሻለ እንዲሄድ ያግዘዋል ይላሉ፡፡

ምክንያቱን ሲገልፁም በክትትል ወቅት የመድሃኒቶች መደጋገም እንዳይኖር፤ በሃኪሞች መካከል የሚኖረውን መናበብ ለማሻሻል እንዲሁም የጎንዮሽ ጉዳት ለመቀነስ ያግዛል ብለዋል፡፡ በአጠቃላይ የህክምና ፍሰቱን ወይም ሰንሰለቱን ለመጠበቅ ከፍተኛ ሚና ይጫወታል በማለት ያነሳሉ፡፡

እንግዲህ እኛም እንደ ወ/ሮ አስናቀች ያሉ ብርቱ፤ ቁርጠኛ እና የህክምና መረጃ ጤና መሆኑን የተረዱ ቤተሰቦችንና ተንከባካቢዎችን ያብዛልን እያልን እንሰናበታለን፡፡

ለአእምሮ ጤናዎ እንተጋለን!

አማኑኤል ሆስፒታል

አስደሳች ዜና

የቅዱስ ጴጥሮስ ሆስፒታል የጥሪ ማዕከል ለማህበረሰቡ የጤና አገልግሎት ተደራሽነትን ለመጨመር በአጭር ጥሪ መስመር 8939 ላይ የተለያዩ አገልግሎቶችን መስጠት ጀምሯል።

በአጭር ጥሪ መስመር 8939 ላይ የሚሰጡ አገልግሎቶች ምን ምን ናቸው?

1. ስለ ሆስፒታሉና በሆስፒታሉ የሚሰጡ አገልግሎቶችን በተመለከተ መረጃ መስጠት

2. በስነ-መመረዝ ዙሪያ መረጃ መስጠት

3. የህክምና ቀጠሮ ማስያዝና ቀጠሮ መቀየር

4. ክትትል በሚፈልጉ ህመሞች ዙሪያ ለታካሚዎች ክትትል ማድረግ

5. በተለያዩ ህመሞች ዙሪያ የጤና መረጃና ትምህርት መስጠት

6. በሆስፒታሉ ቀዶ-ህክምና ተደርጎላችው ለወጡ ታካሚዎች ክትትል ማድረግ

7. ከእርግዝና እና ከድህረ ወሊድ ጋር ተያይዞ ሊከሰቱ ስለሚችሉ አደገኛ ምልክቶችና መወሰድ ስላለበት ጥንቃቄ መረጃ መስጠት

8. የግል ህክምናን (Private Wing) በተመለከተ መረጃ መስጠት

▬▬▬▬▬▬▬▬▬

"መኖራችን ለእርስዎ ነው!"

"OUR EXISTENCE IS FOR YOU!"

የጤና መረጃ፡ የሃንታ ቫይረስ ስርጭት እና የዓለም ጤና ድርጅት ስጋት

በአሁኑ ሰዓት "ኤምቪ ሆንድየስ" (MV Hondius) በተሰኘች የቱሪስት መርከብ ላይ የተከሰተው የሃንታ ቫይረስ ስርጭት ዓለም አቀፍ ትኩረትን ስቧል።

ቫይረሱ በፈረንሳይ፣ ስፔን እና አሜሪካ በሚገኙ ተጓዦች ላይ እየታየ ሲሆን፣ የዓለም ጤና ድርጅት (WHO) ሁኔታውን በቅርብ እየተከታተለ ይገኛል።

ዋናው ስርጭት የተከሰተው በአትላንቲክ ውቅያኖስ ላይ በነበረችው MV Hondius በተባለች የደች (Dutch) መርከብ ላይ ነው።

ከመግለጫው ጀምሮ በቫይረሱ የተያዙ ሰዎች ፈረንሳይ፣ ስፔን፣ ደቡብ አፍሪካ፣ ጀርመን፣ ስዊዘርላንድ እና አሜሪካ ውስጥ በሚገኙ ሆስፒታሎች ክትትል እየተደረገላቸው ነው።

እስከ አሁን ድረስ በመርከቧ ላይ በነበሩ 3 ሰዎች ላይ የሞት አደጋ ደርሷል።

እስካሁን በኢትዮጵያም ሆነ በጎረቤት አገራት የተመዘገበ ስርጭት የለም። ነገር ግን ቫይረሱ ከአይጥ ወደ ሰው የሚተላለፍ በመሆኑ ጥንቃቄ አስፈላጊ ነው።

ቫይረሱ እንዴት ይተላለፋል?

ይህ ቫይረስ በዋነኝነት የሚተላለፈው በአይጥ ዝርያዎች ሲሆን፦

1. በአይጥ ንክሻ ወይም አይጦች በነኩት ምግብ።

2. የአይጥ ሽንት ወይም ቆሻሻ ያለበትን አቧራ በመተንፈስ።

3. አሁን የተከሰተው "የአንዴስ" (Andes virus) ዝርያ በጣም አልፎ አልፎ ከሰው ወደ ሰው ሊተላለፍ እንደሚችል ባለሙያዎች ያስጠነቅቃሉ።

ምልክቶቹ ምንድን ናቸው?

* ከፍተኛ ትኩሳት እና ብርድ ብርድ ማለት

* ከባድ የጡንቻ እና የራስ ምታት

* የመተንፈስ ችግር (ሳንባ ላይ ውሃ በመቋጠር)

* ማቅለሽለሽ እና ተቅማጥ

ራስዎን እንዴት ይጠብቁ?

* መኖሪያ ቤትዎን እና የስራ አካባቢዎን ከአይጥ ንክኪ ነጻ ያድርጉ።

* ቆሻሻዎችን በአግባቡ ያስወግዱ።

* ምግብዎን በደንብ ሸፍነው ያስቀምጡ።

* አይጥ ያለባቸውን ቦታዎች ሲያጸዱ የአፍና አፍንጫ ማስገጃ (Mask) እና ጓንት ይጠቀሙ።

ቫይረሱ በአሁኑ ሰዓት እንደ ኮቪድ-19 አይነት የጎላ ስርጭት ባይኖረውም፣ የታየባቸው ሰዎች ላይ ግን እስከ 50% የሞት አደጋ ሊያደርስ ስለሚችል ከፍተኛ ጥንቃቄ ያስፈልጋል።

ይህንን መረጃ ለወዳጅ ዘመድዎ በማጋራት የበኩዎን ይወጡ!

Via WHO

seledadotio
seledadotio

ገዳይ ቫይረስ የተሸከመችው መርከብ እየገሰገሰች ነው
#ethiopia | ​በአደገኛው የሃንታ ቫይረስ (Hantavirus) ወረርሽኝ የተመታችው 'ኤም.ቪ ሆንዲየስ' (MV Hondius) የተሰኘችው መርከብ፣ በከፍተኛ ስጋት ውስጥ ሆና ወደ ስፔን የካናሪ ደሴቶች እየተቃረበች መሆኑ ተሰምቷል።

​በመርከቧ ላይ በድንገት በተከሰተው በዚህ ወረርሽኝ እስካሁን የሦስት ሰዎች ሕይወት ማለፉ የተረጋገጠ ሲሆን፣ ቀሪዎቹ 150 ተጓዦችም በቫይረሱ ሊያዙ ይችላሉ የሚለው ስጋት በዓለም አቀፍ የጤና ባለሙያዎች ዘንድ ከፍተኛ ትኩረት አግኝቷል።

​የሕክምና ባለሙያዎች እንደሚጠቁሙት፣ በመርከቧ ላይ የተከሰተው የቫይረስ ዝርያ 'አንዴስ' (Andes strain) የተሰኘው እጅግ ገዳይ ዝርያ ነው። ይህ ዝርያ ከሌሎች የሃንታ ቫይረስ አይነቶች ለየት የሚያደርገው በሰው እና በሰው መካከል የመተላለፍ ከፍተኛ አቅም ያለው መሆኑ ነው። ይህም በመርከቧ ጠባብ ክፍሎች ውስጥ ለሚገኙ ተጓዦች ሁኔታውን ይበልጥ አሳሳቢ እና ወረርሽኙን ለመቆጣጠር አስቸጋሪ አድርጎታል።

​መርከቧ ወደ የብስ ከመድረሷ በፊት የስፔን የጤና ባለሥልጣናት የካናሪ ደሴቶችን ከወረርሽኙ ለመጠበቅ ጥብቅ የኳራንቲን (የለይቶ ማቆያ) ዝግጅቶችን እያጠናቀቁ ነው። ቫይረሱ ወደ ደሴቶቹ ነዋሪዎች እንዳይሰራጭ ለማድረግ መርከቧ በባሕር ላይ እንድትቆይ ወይም በልዩ የሕክምና ክትትል እንድትገባ ለማድረግ ከፍተኛ ጥንቃቄ እየተደረገ ይገኛል።

​የዓለም ጤና ድርጅትና የሚመለከታቸው አካላት ሁኔታውን በቅርበት እየተከታተሉት ሲሆን፣ በቀጣይ ሰዓታት መርከቧ ወደ ወደብ የምትገባበት ሁኔታ ይወሰናል ተብሎ ይጠበቃል።

Getu Temesgen - (ጌጡ ተመስገን) #getutemesgen #getu
​#mvhondius #hantavirus #spain #healthalert #andesvirus #breakingnews #globalhealth #የጤና_መረጃ #ሰበር_ዜና

በጤና ተቋማት የሰው ሰራሽ አስተውሎት ቴክኖሎጂን ተግባራዊ የማድረግ ስራ መጀመሩ ተገለጸ
#ethiopia |​ የጤና ሚኒስቴር የዲጂታል ጤና አገልግሎት መሪ ስራ አስፈጻሚ አቶ ገመቺስ መልካሙ እንደገለጹት በኢትዮጵያ የጤና አገልግሎት አሰጣጥን ለማዘመንና ከዲጂታል ኢትዮጵያ 2030 ስትራቴጂ ጋር ለማጣጣም የሰው ሰራሽ አስተውሎት ቴክኖሎጂን ጥቅም ላይ የማዋል ስራ በስፋት እየተሰራ ይገኛል።

​ይህ አዲስ የቴክኖሎጂ አሰራር በዋነኝነት የመረጃ አያያዝ ስርዓትን ለማጠናከርና በጤና ተቋማት የሚሰጡ የህክምና ምርመራዎችን በቴክኖሎጂ የታገዙ ለማድረግ ያለመ ሲሆን በአሁኑ ወቅት የመረጃ አያያዝን በማሻሻል ረገድ ከፍተኛ ሚና እየተጫወተ መሆኑ ተመልክቷል።

​በተለይም በጤና ኬላዎች ተግባራዊ እየተደረገ ያለው የኤሌክትሮኒክ ኮሚዩኒቲ ሄልዝ ኢንፎርሜሽን ሲስተም (eCHIS) እና የሄልዝ ፖስት አሲስታንት (Health Post Assistant) የተባሉ ሶፍትዌሮች የጤና ኤክስቴንሽን ባለሙያዎችን ስራ እያቀለሉ ይገኛሉ።

እነዚህ ሶፍትዌሮች የጤና ባለሙያዎች የህብረተሰቡን የጤና መረጃ እንዲመዘግቡ ከማስቻላቸው ባለፈ በስራ ላይ ለሚገጥሟቸው ውስብስብ የህክምና ጥያቄዎች በጽሁፍና በድምጽ አማራጭ ፈጣን ምላሽና መረጃ እንዲያገኙ የሚያግዝ የሰው ሰራሽ አስተውሎት የተቀናጀባቸው ናቸው።

​እንደ ሀገር እስካሁን ባለው መረጃ የኤሌክትሮኒክ ኮሚዩኒቲ ሄልዝ ኢንፎርሜሽን ሲስተም የዲጂታል አሰራር በ9 ሺህ የጤና ኬላዎች ላይ ተግባራዊ የተደረገ ሲሆን በዚህም ከ31 ሚሊዮን በላይ የሚሆን የህዝብ ቁጥር በመረጃ ቋት ውስጥ ተካቶ አገልግሎት እንዲያገኝ ተደርጓል።

ከዚሁ ጋር ተያይዞ የባለሙያዎችን አቅም የሚደግፈው የ ሰው ሰራሽ አስተውሎ ቴክኖሎጂ በተወሰኑ ወረዳዎች ላይ በሙከራ ደረጃ እየተተገበረ ሲሆን የሙከራ ሂደቱ ውጤታማነት እየታየ ወደ ቀሩት የሀገሪቱ ክፍሎች በስፋት ለማድረስ እቅድ ተይዟል።

​ይህ ቴክኖሎጂ በተለይ ራቅ ባሉ የገጠር ቀበሌዎች የሚገኙ የጤና ባለሙያዎች እውቀታቸውን በየጊዜው እንዲያዳብሩ፣ ስለ አዳዲስ በሽታዎችና መድሃኒቶች ፈጣን መረጃ እንዲያገኙ በማድረግ ረገድ ትልቅ ለውጥ እያመጣ መሆኑን መሪ ስራ አስፈጻሚው ጠቁመዋል።

በቀጣይም የቴክኖሎጂው ተጠቃሚነት በገጠር ብቻ ሳይወሰን በከተማም ደረጃ ሰፊ ተደራሽነት እንዲኖረው ሚኒስቴሩ በትኩረት እየሰራ መሆኑ ተገልጿል።

ጌትነት ተመስገን
Getu Temesgen - (ጌጡ ተመስገን)
#getutemesgen #getu #ጌጡ

📷 ሳውራ

የኔ ሄልዝ ከባለድርሻ አካላት ጋር ተወያየ
#ethiopia | በኢትዮጵያ የሴቶችን የጤና አገልግሎት እና የመድኃኒት አቅርቦት ስርአትን ለማቃለል በቴክኖሎጂ የታገዘ ስራ የጀመረው "የኔ ሄልዝ" ፣ አገልግሎቱን ይበልጥ ተደራሽ የሚያደርጉ አዳዲስ አሰራሮችን ይፋ አደረገ።

የድርጅቱ መስራችና ስራ አስኪያጅ ቅድስት ተስፋዬ እንደገለጹት፣ "የኔ ሄልዝ" ባለፉት አራት ዓመታት በሴቶች ጤና እና በፋርማሲዩቲካል ዘርፍ ላይ ትኩረት አድርጎ ሲሰራ ቆይቷል። ድርጅቱ በተለይ በሞባይል መተግበሪያው (App) አማካኝነት ለሴቶች ሦስት ዋና ዋና አገልግሎቶችን ይሰጣል፡

* የጤና መረጃ፡ ስለ እርግዝና፣ ስለ የወር አበባ ዑደትና ስለ ተለያዩ መድኃኒቶች ግንዛቤ የሚሰጡ መረጃዎች።

* የቴሌ ሄልዝ (Tele-Health) አገልግሎት፡ ታካሚዎች በቪዲዮ፣ በቻት ወይም በስልክ ከሐኪሞችና ከፋርማሲስቶች ጋር በቀጥታ በመገናኘት ምክክር የሚያደርጉበትና መድኃኒት የሚታዘዝበት ሥርዓት።

* የኦንላይን ፋርማሲ፡ የታዘዘላቸውን መድኃኒት ወይም የውጭ አገር የሕክምና ትዕዛዝ (Prescription) በመተግበሪያው ላይ በመጫን መድኃኒቱን ባሉበት ቦታ ድረስ እንዲመጣላቸው የሚያደርግ አገልግሎት።

ድርጅቱ አሁን ላይ አገልግሎቱን በማስፋት ከባንኮች ጋር በመተባበር ለፋርማሲዎችና ለጤና ተቋማት የብድር አቅርቦት ማመቻቸት መጀመሩን ገልጿል። ይህ አሰራር ፋርማሲዎች የገንዘብ እጥረት ሳይገጥማቸው መድኃኒቶችን በቋሚነት እንዲያቀርቡና ህብረተሰቡ የመድኃኒት እጥረት እንዳይገጥመው ለማድረግ ያለመ ነው።

በተጨማሪም "የኔ ሄልዝ" ከ60 በላይ ከሚሆኑ አምራቾች፣ አስመጪዎችና የጤና ተቋማት ጋር የጅምላ ግብይት ትስስር (Online Wholesale Platform) መፍጠሩ ተጠቁሟል።

በአገሪቱ ያለውን ዝቅተኛ የዲጂታል ቴክኖሎጂ ግንዛቤ (Digital Literacy) ለመቅረፍ፣ ድርጅቱ ለጤና ባለሙያዎች፣ ለተማሪዎችና ለተጠቃሚዎች መተግበሪያውን እንዴት መጠቀም እንደሚችሉ ስልጠናዎችን እየሰጠ ሲሆን መተግበሪያውም ተጠቃሚዎች እንዳይሰላቹ በቀላልና ምቹ በሆነ መንገድ (User Friendly) እንዲዘጋጅ ተደርጓል።

"የኔ ሄልዝ" ዛሬ ባካሄደው ዓመታዊ የውይይት መድረክ ላይ ከመንግሥት አካላት (ከኢትዮጵያ መድኃኒትና ምግብ ቁጥጥር ባለሥልጣን - EFDA) እና ከኢትዮጵያ መድኃኒት ማህበር ጋር በመሆን የኦንላይን መድኃኒት ግብይትና አቅርቦት ሕጋዊ ማዕቀፎች እንዲጠናከሩ ውይይቶችን አድርጓል።

Getu Temesgen - (ጌጡ ተመስገን)
#getutemesgen #getu #ጌጡ #የኔ_ሄልዝ #የሴቶች_ጤና #ቴክኖሎጂ #ጤና #ኢትዮጵያ #yenehealth #telehealth #digitalhealth

ችላ ሊባሉ የማይገባቸው 10 የኩላሊት ህመም ምልክቶች
#ethiopia | የኩላሊት ህመም ብዙ ጊዜ "ጸጥተኛ ገዳይ" በመባል ይታወቃል። ምክንያቱም በሽታው በከፍተኛ ደረጃ ካልደረሰ በቀር ግልጽ ምልክቶችን ላያሳይ ይችላል። ሆኖም ግን፣ ሰውነታችን ኩላሊታችን እርዳታ በሚፈልግበት ወቅት የሚልካቸው ቀይ መብራቶች አሉ። እነዚህን 10 ምልክቶች ልብ በማለት የራስዎንና የቤተሰብዎን ጤና ይጠብቁ።

1. የሽንት ባህሪና መጠን ለውጥ
በተለይም ማታ ማታ በተደጋጋሚ ለሽንት መነሳት እንዲሁም በሚሸኑበት ወቅት የሽንቱ መታረፍ (አረፋ መፍጠር) የኩላሊት ማጣሪያ አቅም መቀነሱን የሚጠቁም የመጀመሪያው ምልክት ሊሆን ይችላል።

2. ያልተለመደ ድካምና ትኩረት ማጣት
ኩላሊት ሲታመም ቀይ የደም ሴሎችን የሚያመርተው ሆርሞን ስለሚቀንስ ለደም ማነስ ይዳርጋል። ይህም ከፍተኛ የድካም ስሜት፣ የአቅም ማጣትና ነገሮችን ለማስተዋል መቸገርን ያስከትላል።

3. የሰውነት እብጠት (Edema)
ኩላሊት ከመጠን በላይ የሆነን ፈሳሽና ጨው ማስወገድ ሲያቅተው፣ ፈሳሹ በሰውነት ውስጥ ይከማቻል። ይህም በእግር፣ በእጅ፣ በሆድ አልያም ረጅም ሰዓት ሲቀመጡ በጣትና በጉልበት አካባቢ እብጠት እንዲፈጠር ያደርጋል።

4. የጀርባና የጎን ህመም
ከጎንዎ ዝቅ ብሎ የሚሰማ ተደጋጋሚና ስቃይ ያለው የጀርባ ህመም የኩላሊት ኢንፌክሽን አልያም የጠጠር ምልክት ሊሆን ስለሚችል ጥንቃቄ ይሻል።

5. የምግብ ፍላጎት ማጣትና የክብደት መቀነስ
በደም ውስጥ መወገድ ያለባቸው መርዛማ ነገሮች ሲከማቹ፣ የምግብ ፍላጎት እንዲጠፋና ያለምንም ምክንያት የሰውነት ክብደት እንዲቀንስ ያደርጋሉ።

6. ማቅለሽለሽና ማስመለስ በተለይ በማለዳ እና ምግብ ከተመገቡ በኋላ በተደጋጋሚ የማቅለሽለሽ ስሜት የሚሰማዎት ከሆነ፣ ኩላሊትዎ ስራውን በአግባቡ እየሰራ እንዳልሆነ ሊያመለክት ይችላል።

7. የእንቅልፍ መዛባት የሽንት መብዛት፣ የእግር እረፍት ማጣት (Restless legs) እና የጡንቻዎች መኮማተር ጥልቅ እንቅልፍ እንዳይወስድዎት እንቅፋት ይሆናሉ።

8. በአፍ ውስጥ የሚሰማ የብረት ቃና
በደም ውስጥ ያሉ ቆሻሻዎች ሲበዙ፣ የምግብ ጣዕም እንዲቀየርና በአፍ ውስጥ "ብረት ብረት" የሚል መጥፎ ቃና እንዲሰማ ያደርጋል።

9. የጡንቻ መሰነፍና መኮማተር
በካልሺየም እና ፖታሺየም መዛባት ምክንያት የጡንቻ መሳሳብና ቁንጥጥ የሚያደርግ ስሜት ሊከሰት ይችላል።

10. የስሜት መለዋወጥ
ያለ ምክንያት ቶሎ መናደድና የሙድ መዘበራረቅ ከላይ ከተጠቀሱት የጤና እክሎች ጋር ተዳምሮ የኩላሊት ጤና መታወክ ምልክት ሊሆን ይችላል።

ማሳሰቢያ፦ እነዚህ ምልክቶች ከታዩብዎት ሳይዘገዩ ወደ ህክምና ተቋም በመሄድ የባለሙያ ምክርና ምርመራ እንዲያደርጉ ይመከራል። ቀድሞ መታከም ህይወትን ያድናል!

Getu Temesgen - (ጌጡ ተመስገን)
#getutemesgen #getu #ጌጡ #aradafm #ጤና #ኩላሊት #የጤና_መረጃ #ኢትዮጵያ #kidneyhealth #prevention #ethiopia

በቴክኖሎጂ የታገዘው የጤና መረጃ አያያዝ በይፋ ተጀመረ!
#fastmereja I የኢትዮጵያ ሕብረተሰብ ጤና ኢንስቲትዩት የሕብረተሰብ ጤና አደጋዎች ቁጥጥር ስርዓትን የሚያዘምን ዲጂታል አሰራር ይፋ የሚደረግበት መድረክ በዛሬዉ እለት አካሂዷል፡፡

ይህ መድረክ ''የሕብረተሰብ ጤና አደጋ ቁጥጥር ስርዓትን በማዘመን፤ የሕብረተሰብ ጤና አደጋዎች ቁጥጥር የልህቀት ማዕከል እቅድን ለማሳካት" በሚል መሪ ቃል የተመራ ሲሆን፣ በዘርፉ ትልቅ ለውጥ የሚያመጡ ተግባራት ተከናዉኗል።

በአዲስ መልክ የተደራጀውና እጅግ ዘመናዊ የቴክኖሎጂ አሰራርን የተላበሰው የሕብረተሰብ ጤና አደጋዎች ማስተባበሪያ ማዕከልም በይፋ ተመርቋል።

ማዕከሉ በሀገር አቀፍ ደረጃ የሚከሰቱ የጤና ስጋቶችን በንቃት ለመከታተልና ፈጣን ምላሽ ለመስጠት እንደ ዋና የቁጥጥር ማማ ሆኖ እንደሚያገለግል ተገልጿል።

እንዲሁም ከ800 ሚሊዮን ብር በላይ የሚያወጡ የተለያዩ የICT መሣሪያዎች ለክልል ጤና ቢሮዎች የተሰራጩ ሲሆን ከ3,900 በላይ ላፕቶፕና ዴስክቶፕ ኮምፒውተሮች እንዲሁም የተለያዩ ቁሳቁሶች ለክልል የጤና መዋቅሮች መሰራጨቱ ተገልጿል።

ይህ ድጋፍ ክልሎች መረጃን በወቅቱ እንዲያስተላልፉና ወረርሽኞችን ገና በጅምራቸው እንዲለዩ ትልቅ አቅም እንደሚፈጥርላቸዉም ነዉ የተገለፀዉ።

ይህ ታላቅ ንቅናቄ ኢትዮጵያ እንደ ኮቪድ-19 እና ሌሎች ወረርሽኞች ያሉ ድንገተኛ አደጋዎችን አስቀድማ ለመለየትና የዜጎችን ሕይወት ለመታደግ ያላትን ዝግጁነት በከፍተኛ ደረጃ ያሳድገዋል ሲሉ ገልፀዋል።

እነዚህ የቴክኖሎጂ ግብዓቶቹ መሰራጨታቸው ደግሞ የጤና መረጃ አያያዛችንን ከወረቀት ወደ ዲጂታል በማሸጋገር የውሳኔ አሰጣጥ ሂደቱን ያፈጥነዋል።

የኢትዮጵያ የሕብረተሰብ ጤና ኢንስቲትዩት ከአጋር አካላት ጋር በመተባበር እያከናወነ ያለው ይህ ተግባር የሀገሪቱን የጤና ሴክተር የልህቀት ማዕከል(Center of Excellence) ለማድረግ የተያዘውን ግብ የሚያሳካ መሆኑ ታምኖበታል።

በመርሐ ግብሩ የጤና ሚኒስትር ዶ/ር መቅደስ ዳባን ጨምሮ ከፍተኛ የመንግስት የስራ ሀላፊዎች እንዲሁም ጥሪ የተደረገላቸው እንግዶች ተገኝተዋል።

ከመጠን ያለፈ የሰውነት ውፍረት ለሞት ለሚያደርሱ ኢንፌክሽኖች የመጋለጥ እድልን በከፍተኛ ሁኔታ እንደሚጨምር ተገለጸ::

ከመጠን ያለፈ የሰውነት ውፍረት ከ10 በመቶ በላይ ለሚሆኑ ከኢንፌክሽን ጋር ለተያያዙ የሞት አደጋዎች መንስኤ ሊሆን እንደሚችል አንድ አዲስ ጥናት ይፋ አድርጓል።

በታዋቂው የሕክምና መጽሔት ላንሴት ላይ የታተመው ይህ ጥናት እንደሚያመለክተው፣ ከፍተኛ የሰውነት ክብደት መመጠኛ(BMI) ያላቸው ሰዎች ለተለያዩ ተላላፊ በሽታዎች የመጋለጥ እድላቸው በከፍተኛ ሁኔታ የጨመረ ነው።

ተመራማሪዎቹ በፊንላንድ እና በዩናይትድ ኪንግደም የሚገኙ ግማሽ ሚሊዮን የሚጠጉ አዋቂዎችን የጤና መረጃ ለ14 ዓመታት ያህል የተነተኑ ሲሆን፣ ከመጠን ያለፈ ውፍረት ያላቸው ሰዎች በኢንፌክሽን ምክንያት ለሞት ወይም ለከባድ ሕመም የመጋለጥ እድላቸው ከጤናማ ሰዎች በ70 በመቶ እንደሚበልጥ አረጋግጠዋል።

በተለይም የሰውነት ክብደት መመጠኛቸው 40 እና ከዚያ በላይ የሆኑ ወይንም በደረጃ 3 ውፍረት ውስጥ የሚመደቡ ሰዎች በበሽታው የመጠቃት እድላቸው በሦስት እጥፍ የጨመረ ሆኖ ተገኝቷል።

ይህ የጤና ስጋት አሳሳቢ የሚሆነው ደግሞ ችግሩ የታየው ከመጠን ያለፈ ውፍረት ባለባቸው ሰዎች ላይ ብቻ ሳይሆን፣ እንደ ስኳር እና የልብ ሕመም ያሉ ተጓዳኝ የጤና እክሎች በሌለባቸው ሰዎች ላይም ጭምር መሆኑ ነው።

ጥናቱ እንደ ኮቪድ-19፣ የሳንባ ምች፣ የሽንት ቧንቧ እና የመተንፈሻ አካላት ኢንፌክሽኖችን ጨምሮ ከ900 በላይ የባክቴሪያ፣ የቫይረስ እና የፈንገስ በሽታዎችን የመረመረ ሲሆን፣ አካላዊ እንቅስቃሴ ማድረግ እንኳን ይህንን ከመጠን ያለፈ ውፍረትና ከኢንፌክሽን ስጋት ጋር ያለውን ቁርኝት ሊያስቀረው አለመቻሉ ተመልክቷል።

ተመራማሪዎቹ ባደረጉት ስሌት መሠረት፣ በፈረንጆቹ 2021 ከተመዘገቡት የኢንፌክሽን ሞቶች ውስጥ እስከ 15 በመቶ የሚሆኑት ከሰውነት ውፍረት ጋር ቀጥተኛ ግንኙነት ነበራቸው።

ይህም የሰውነት ክብደትን በአግባቡ መቆጣጠር ከተላላፊ በሽታዎች ራስን ለመጠበቅና የመከላከል አቅምን ለማሳደግ ወሳኝ መሆኑን እንደሚያሳይ ፎክስ ኒውስ ዘግቧል፡፡

seledadotio
seledadotio

አሜሪካ እና ኢትዮጵያ በቅርቡ በ1.6 ቢሊዮን ዶላር የተፈራረሙት የጤና ትብብር ሰነድ የኢትዮጵያውያንን የግል የጤና መረጃ አሳልፎ መስጠትን እንደሚያካትት ይፋ ሆነ ‼️

ስምምነቱን ፈጥነው ፈርመው ከነበሩ ሀገራት መሀል አንዷ በነበረችው ኬንያ የሀገሪቱ ከፍተኛ ፍርድ ቤት ውሉ የዜጎችን መረጃ አሳልፎ ይሰጣል በሚል ማገዱ ታውቋል።

ወደ አሜሪካ ለሚጓዙ ኢትዮጵያዊያን ክትባት ስለመውሰዳቸው፣እንዲሁም schistosomiasis በሽታን ለመከላከል ሲባል Unchlorineted water መጠቀም እንደሌለባቸው በስምምነቱ ላይ ተገልጿል።

seledadotio
seledadotio

📢 የማርበርግ ቫይረስ በሽታ ዕለታዊ መረጃ

​ታህሳስ 20 ቀን 2018 ዓ.ም
#ethiopia | ​የኢፌዴሪ ጤና ሚኒስቴር እና የኢትዮጵያ የሕዝብ ጤና ኢንስቲትዩት በሀገራችን ያለውን የማርበርግ ቫይረስ በሽታ (Marburg Virus Disease) ወቅታዊ ሁኔታ በተመለከተ የዕለቱን መረጃ ይፋ አድርገዋል።

​🔍 የዕለቱ ዋና ዋና ነጥቦች፦

​የክትትል ሁኔታ፦ የጤና ባለሙያዎች በሽታው ሊከሰትባቸው ይችላል ተብለው በተለዩ አካባቢዎች እና የድንበር መግቢያዎች ላይ ጥብቅ ቁጥጥር እና ክትትል እያደረጉ ይገኛሉ።
​የላቦራቶሪ ምርመራ፦ ጥርጣሬ የታየባቸው ናሙናዎች በብሔራዊ የላቦራቶሪ ማዕከል ምርመራ እየተደረገባቸው ሲሆን፣ ውጤቱም በየጊዜው ለሕዝብ ይፋ ይደረጋል።

​የቅድመ ዝግጅት ስራዎች፦ የሕክምና ማዕከላት አስፈላጊውን ግብዓት በማሟላት እና የሰው ኃይል በማሰልጠን ዝግጁነታቸውን አጠናክረዋል።

​⚠️ ማስታወስ ያለብዎት ጥንቃቄዎች፦

​የማርበርግ ቫይረስ በሽታ በከፍተኛ ትኩሳት፣ በራስ ምታት እና በጡንቻ ሕመም የሚጀምር ሲሆን፤ በሽታውን ለመከላከል የሚከተሉትን ነጥቦች ይተግብሩ፦
​ንክኪን ማስወገድ፦ የታመመ ሰው ፈሳሽ (ደም፣ ምራቅ፣ ላብ) ጋር ከመነካካት ይቆጠቡ።

​ንጽህናን መጠበቅ፦ እጅን በሳሙና እና በውኃ ደጋግሞ መታጠብ።

​ሪፖርት ማድረግ፦ ከፍተኛ ትኩሳት እና መሰል ምልክቶች የታየበት ሰው ሲኖር በአቅራቢያዎ ለሚገኝ የጤና ተቋም ወይም በነፃ ስልክ መስመር 8335 በመደወል ያሳውቁ።

​ውድ ተከታታዮቻችን፦ የጤና መረጃዎችን ከትክክለኛ ምንጮች ብቻ በመውሰድ ራስዎንና ቤተሰብዎን ከሐሰተኛ ወሬዎች ይጠብቁ።

Getu Temesgen - (ጌጡ ተመስገን)
​#marburgvirus #healthupdate #ethiopia #moh #ephi #publichealth #staysafe #prevention

ወጥ የጤና መታወቂያ እንዲኖር እየተሰራ ነው ተባለ

ጤና ሚኒስቴር ከብሔራዊ መታወቂያ አገልግሎት ጋር በመተባበር በሀገር አቀፍ ደረጃ የሚሰራ አንድ ወጥ የሆነ የጤና መታወቂያ ስርዓት ለመዘርጋት እየሰራ መሆኑን ገልጿል።

ይህ አዲስ አሰራር ከብሔራዊ መታወቂያ ጋር በሚናበብ መንገድ ተግባራዊ የሚደረግ ሲሆን፤ የጤና ስርዓቱን በማሻሻልና የማኅበረሰብ የጤና መረጃ አሰባሰብን ለማቀላጠፍ ከፍተኛ አስተዋጽኦ ይኖረዋል ተብሏል።

የጤና ሚኒስቴር ሚኒስትር ዴኤታ ሳህረላ አብዱላሂ፤ "ይህ ሥራ የዲጂታል የጤና ስርዓትን ለማስፋፋት እየተደረገ ካለው ሰፊ ጥረት ጋር የተያያዘ ነው" ብለዋል፡፡

ሚንስትሯ በማብራሪያቸው፤ አዲሱ ወጥ የጤና መታወቂያ ስርዓት ተግባራዊ ሲደረግ የመረጃ ክፍተትን ያሻሽላል አገልግሎት አሰጣጥን ያቀላጥፋል ብለዋል፡፡

የጤና ኤክስቴንሽን ባለሙያዎችም የተሻሻሉ የቴክኖሎጂ ውጤቶችን በመጠቀም መረጃዎችን በዘመናዊ መንገድ እንዲሰበስቡ የሚያግዝ አሰራር እየተዘረጋ እንደሆነ ሚኒስትር ዴኤታዋ አብራርተዋል።

ይህ አሠራር በተለይም በማኅበረሰብ ደረጃ የሚገኙ የጤና መረጃዎችን በፍጥነት በመሰብሰብ የሚፈጠረውን የመረጃ ክፍተት የሚያቀል ይሆናል።

ይህንን አዲስ አሠራር በመጠቀም እስካሁን ድረስ 29 ሚሊየን የሚሆኑ በከተማ አካባቢ የሚኖሩ ዜጎችን መመዝገብ መቻሉን ወይዘሮ ሳህረላ ተናግረዋል።

በተጨማሪም የዲጂታል የጤና ስርዓትን ለማስፋት በሚሰራው ሥራ ውስጥ ባንኮች እና ሌሎችም አገልግሎቱን ማቅረብ የሚችሉ ተቋማት ተሳታፊ ሊሆኑ እንደሚችሉ ተገልጿል።

seledadotio
seledadotio

የኩራት ቀን ለኢትዮጵያ!
#ethiopia | ግዙፉ የህንድ አስተር ሆስፒታሎች (Aster Hospitals india) የመረጃ ማእከል በአዲስ አበባ በይፋ ተከፈተ፡፡

ህሙማን እና ቤተሰቦቻቸው ዘመናዊ እና አስተማማኝ የጤና መረጃዎችን የሚያገኙበት ማእከል ነው፡፡

በዓለማችን አንቱታን ያተረፉ ስፔሻሊሰት ሃኪሞችን ለማግኘት ማእከላችን ሁኔታዎችን ያመቻቻል፡፡

ግባችን ቀላል ነው!

ማንኛውም አይነት የጤና ችግር ሲገጥምዎ ሊጨነቁ አይገባም፡፡ የመረጃ ማእከላችን በእያንዳንዱ እርምጃ ይመራዎታል፤ ከግዙፉ አስተር ሆስፒታሎች (Aster Hospitals india)
ጋር ያገናኝዎታል፤ ይደግፍዎታል፡፡

በአስተር ሆስፒታል (Aster Hospitals india)

ዓለም አቀፍ ጥራቱን የጠበቀ የጤና አገልግሎት ያገኛሉ፡፡ የአስተር ልህቀት ማእከላት

በልብ ህክምና

በኦርቶፔዲክስ

በካንሰር ወይም ኦንኮሎጂ

በነርቭ ህክምና

በማህፀን እና ፅንስ ጤና

በህፃናት እና ጨቅላ ህፃናት ጤና

በዩሮሎጂ እና ኔፍሮሎጂ

በንቅለ ተከላ

በክሪቲካል ኬር እንድሁም ድንገተኛ እና አስቸኳይ እንክብካቤ ስፔሻሊቲዎችን በቴክኖሎጂ ተደግፎ ለማቅረብ ዝግጁ ነው፡፡

ለስፖርት ህክምና ላይ ትኩረት እንሰጣለን!!

👉አድራሻችን ጋዜቦ አደባባይ ከደንበል ጀርባ ኤንኬ ህንፃ 1ኛ ፎቅ

ይምጡ ይደውሉልን 0906 91 9193
አስተር ሆስፒታል (Aster Hospitals india) የመረጃ ማእከል

ጤናዎ ትኩረታችን ነው!

የሄሞራጂክ ፊቨር ህመም ምንድን ነው?
▬▬▬▬▬▬▬▬▬▬▬▬▬▬

የሄሞራጂክ ፊቨር በተለያዩ የቫይረስ ዓይነቶች የሚከሰት አጣዳፊ የሆነ ተላላፊ ህመም ነዉ፡፡

የሄሞራጂክ ፊቨር ከፍተኛ የሆነ የጤና እክል ከማምጣትም አልፎ ለሞት የሚዳርግ አደገኛ ህመም ነዉ፡፡

🩺 የህመሙ መንስኤ

ለሄሞራጂክ ፊቨር መከሰት መንሰዔዎች ፡-

🔹ኢቦላ ቫይረስ
🔹ማርበርግ ቫይረስ
🔹ላሳ ፊቨር ቫይረስ
🔹ደንጉ ፊቨር ቫይረስ
🔹የሎዉ ፊቨር ቫይረስ
🔹ሪፍት ቫሊ ፊቨር ቫይረስ
🔹ክሪሚያን ኮንጎ ቫይረስ

🔸የሄሞራጂክ ፊቨር አምጪ በሆኑ ቫይረሶች ከተበከሉ እንስሳት ጋር በሚኖር ንክኪ (መዥገር ፣ አይጥ ፣ የወባ ትንኝ ፣ የሌሊት ወፍ እና ሌሎች የቤት እንስሳት)

🔸በህመሙ ከተያዘ ሰዉ ጋር የሚኖር የሰዉነት ፈሳሽ ንክኪ

🩺 የህመሙ ምልክቶች

➪ ከፍተኛ የሆነ ትኩሳት
➪ ከአፍ ፣ ከአይን ፣ ከአፍንጫ እና ከተለያዩ የሰዉነት ክፍሎች ደም መፍሰስ
➪ ራስ-ምታት
➪ ማቅለሽለሽ እና ማስመለስ
➪ የጡንቻና የመገጣጠሚያ ህመም
➪ ድካም እና የሰዉነት መዛል
➪ የቆዳ ላይ ሽፍታና መበለዝ

⚕️ ለሄሞራጂክ ፊቨር በይበልጥ ተጋላጭ የሆኑት እነማን ናቸው ?

🔸የህመሙ ምልክት ወዳለበት ቦታ የጉዞ ታሪክ ያላቸዉ

🔸የህመሙ ምልክት ከታየባቸዉ ሰዎች ጋር ንክኪ ያላቸዉ

⚕️ህክምናው ምንድን ነው?

ህመሙን በቀጥታ ማከም የሚያስችል መድሀኒት ባይኖርም ምልክቶቹን እና ሌሎች ጉዳቶችን መቀነስ የሚያስችል የህክምና እርዳታ ይሰጣል፡፡

⚕️መከላከያ መንገዶቹ ምንድን ናቸው?

🔹ሁልጊዜ እጅን በዉሃና በሳሙና ወይም በሳኒታይዘር ማፅዳት
🔹ምልክቱ ከታየባቸዉ ሰዎች ጋር በሚገናኙበት ጊዜ የመከላከያ መንገዶችን መጠቀም
🔹የህመሙ አስተላላፊ ከሆኑ እንስሳቶች ጋራ ንክኪ ማስወገድ
🔹ቢንቢ ፣ የወባ ትንኝና መዥገርን ከቤት እና ከአካባቢ ማስወገድ
🔹አጎበር መጠቀም
🔹ህመሙ ወደአለበት ቦታ ሲጓዙ ቀድመዉ ክትባት መዉሰድ

ያስታውሱ ፦ የሄሞራጂክ ፊቨር ምልክት የታየበት ሰዉ በአፋጣኝ ወደ ህክምና ተቋም በመሄድ የህክምና እርዳታ ማግኘት ይኖርበታል። በቤት ዉስጥ ማንኛዉንም ህክምና መሞከር ፈፅሞ አይመከርም!!

ለተጨማሪ መረጃዎች ፦ ወደ 8335 እና 952 በነፃ ይደዉሉ፡፡

✍️ በቅዱስ ጴጥሮስ ሆስፒታልየጤና ትምህርት ክፍል የተዘጋጀ

ወቅታዊ የጤና መረጃዎችን ለማግኘት የሆስፒታሉን የፌስቡክ ገፅ ይወዳጁ! 👇

https://www.facebook.com/s...

▬▬▬▬▬▬▬▬▬

🏆 "ቅዱስ ጴጥሮስ ሆስፒታል ፤ የሀገርዓቀፍ ጥራት ሽልማት የ3'ኛ ደረጃ የልህቀት ዋንጫ ተሸላሚ!" 🏆

▬▬▬▬▬▬▬▬

"መኖራችን ለእርስዎ ነው!"

"OUR EXISTENCE IS FOR YOU!"