"ለልምድ ልውውጥ ኢትዮጵያ ለተገኙት የናይጄሪያ ምክትል ፕሬዚዳንት ካሺም ሼቲማ እና ከፍተኛ ልዑካቸው መልካም ቆይታ እንዲሆንላቸው እመኛለሁ" - የምክትል ጠቅላይ ሚኒስትር ተመስገን ጥሩነህ መልዕክት

በደቡባዊ ናይጄሪያ 32 ሰዎችን አሳፍሮ የነበረ የወታደራዊ አውሮፕላን ተከሰከሰ

25 ተሳፋሪዎችን እና 7 የካቢን አባላትን አሳፍሮ የነበረ ወታደራዊ አውሮፕላን ትናንት በደቡባዊ ናይጄሪያ የተከሰከሰ ሲሆን፤ይህም አስቸኳይ የፍለጋ እና የማዳን ሥራ እንዲጀመር ማድረጉን ባለሥልጣናት ገልጸዋል።

የጉዳት መጠን ወይም በሰው ሕይወት ላይ ስለደረሰው አደጋ እስካሁን የተረጋገጠ መረጃ የለም።

አውሮፕላኑ ወደ ሌጎስ መደበኛ በረራ በማድረግ ላይ እያለ መከሰከሱን የናይጄሪያ አቪዬሽን ሚኒስቴር አስታውቋል።

የናይጄሪያ አየር ኃይል ወዲያውኑ የፍለጋ እና የማዳን ሥራ መጀመሩን አስታውቋል። በአውሮፕላኑ ላይ ምን ያህል ጉዳት እንደደረሰ ግን እስካሁን ግልጽ አልሆነም።

ሚኒስትሩ እንደገለጹት አውሮፕላኑ በሀገር ውስጥ ሰዓት አቆጣጠር ጠዋት 3 ሰዓት ገደማ ከራዳር የተሰወረ ሲሆን፤ከኤዶ ግዛት ወደ ሌጎስ ያደርገው በነበረው በረራ እኩሌታ ላይ ደርሶ መከሰከሱ ታውቋል።

Seledadotio
Seledadotio

በቀጣናው የሚዘንብ የለውጥ ዝናብ ኢትዮጵያን ሳያገኛት ያልፋል ማለት ዘበት ነው፡- ጠቅላይ ሚኒስትር ዐቢይ አሕመድ (ዶ/ር)
************************

ዓለም በፈጣን የጂኦፖለቲካዊ ለውጥ ማዕበል ውስጥ በምትናጥበት በዚህ ወቅት፣ ኢትዮጵያ በቀይ ባሕርና በህንድ ውቅያኖስ መገናኛ ላይ ያላት ስትራቴጂያዊ አቀማመጥ ፈተናም ዕድልም ይዞ መጥቷል።

ጠቅላይ ሚኒስትር ዐቢይ አሕመድ (ዶ/ር) በመደመር መንግሥት ምስረታ ላይ ባደረጉት ንግግር፣ የዓለም ፖለቲካና ኢኮኖሚ አይገመቴነት የዘመኑ ዋነኛ መገለጫ መሆኑን ገልጸዋል።

የአፍሪካ ቀንድ፣ የቀይ ባሕር አካባቢ እንዲሁም መካከለኛው ምስራቅ የኃያላን ሀገራት የሽኩቻ ቀጣና መሆናቸውን ያወሱት ጠቅላይ ሚኒስትር ዐቢይ፣ ይህ ውጥንቅጥ ኢትዮጵያን በቀጥታ እንደሚነካት አስረድተዋል።

የሁኔታውን አሳሳቢነት ሲያብራሩም፣ "ናይጄሪያውያን ሲተርቱ ‘ዝናብ ጣሪያ ለይቶ አይዘንብም' ይላሉ፤ በቀጣናው የሚዘንብ የለውጥ ዝናብም እኛን ሳያገኘን ያልፋል ማለት ዘበት ነው፤ ፈለግንም፣ አልፈለግንም የዚህ አካባቢ ለውጥ እኛንም ይጎበኘናል" ብለዋል።

በመሆኑም ኢትዮጵያውያን አንዳቸው የሌላውን እንከን ከመንቀስ ይልቅ፣ ዓይናቸውን ወደ ውጭ ሊያማትሩ እንደሚገባ ጠቅላይ ሚኒስትሩ አመላክተዋል።

ኢትዮጵያ በለውጥ ጎዳና ላይ እየተጓዘች ባለችበት በአሁኑ ወቅት፣ ሀገራችን ዓለምን እያናወጣት ያለውን ማዕበል ተቋቁማ መዝለቅ እንድትችል የሁሉንም ዜጋ ንቁ ተሳትፎና ዝግጁነት እንደሚጠይቅም ተናግረዋል።

በበረከት ሽመልስ
#ትልቅ_ሀገር ! #ትልቅ_ሕዝብ ! #ታላቅ_ርዕይ !
#ethiopia #hornofafrica #geopolitics #redsea #abiyahmed #ebc

Africa 🌍

ናይጄሪያዊው ቢሊየነር አሊኮ ዳንጎቴ " ከእኛ ከአፍሪካውያን ውጭ ማንም አህጉሯን ታላቅ ማድረግ አይችልም " ሲሉ አፍሪካውያን በውጭ ላይ ጥገኛ ከመሆን ይልቅ የአህጉራቸውን መፃዒ እድል በእጃቸው እንዲያደርጉ አሳሰቡ።

ቢሊየነሩ ይህን ያሉት በኬንያ፣ ላሙ የነዳጅ ማጣሪያ ግንባታ ማስጀመራቸውን ተከትሎ ከ ' ቢቢሲ ፎከስ ኦን አፍሪካ ' ጋር ባደረጉት ቃል ምልልስ ነው።

የአፍሪካ ትልቁ ችግር የሰዎች፣ የምርቶች እና አገልግሎቶች ዝውውር አለመኖር እንደሆነ የተናገሩት ዳንጎቴ " የአፍሪካ የነፃ ንግድ ስምምነት በተግባር መስራቱን ማረጋገጥ አለብን " ብለዋል።

አፍሪካ ወጣት እና ታታሪ ሕዝብ ያላት እንዲሁም የነዳጅ ድፍድፍን ጨምሮ የሌሎች ማዕድናት ባለቤት መሆኗ ለአፍሪካ ትልቅ እድል መሆኑን ዳንጎቴ ገልጸዋል።

ሆኖም " አፍሪካውያን በገዛ አህጉራችን ኢንቨስት ማድረግ ስለምንፈራ እና የውጭ ሰዎች መጥተው ያንን እንዲያደርጉ ስለምንፈልግ አፍሪካ ያላትን አቅም መጠቀም አልቻለችም " ብለዋል።

" የውጭ ሰዎች የእኛን አህጉር ታላቅ ማድረግ አይችሉም፣ ከእኛ በስተቀር ማንም መጥቶ አፍሪካን ታላቅ ማድረግ እንደማይችል እኛ አፍሪካውያን መረዳት ይኖርብናል " ሲሉም አስረድተዋል።

ቢሊየነር አሊኮ ዳንጎቴ ከቀናት በፊት በኬንያ ላሙ 16 ቢሊዮን ዶላር የሚያወጣ የነዳጅ ማጣሪያ ግንባታን አስጀምረዋል።

የነዳጅ ማጣሪያው ሲጠናቀቅ በቀን 700 ሺህ በርሜል ድፍድፍ ነዳጅ እንደሚያመርት ይጠበቃል።

ቢቢሲ ፎከስ ኦን አፍሪካ
መስከረም 22 ቀን 2019 ዓ/ም

@tikvahethiopia #dangote አሊኮ ዳንጎቴ በኬንያ 16 ቢሊዮን ዶላር የሚገመት ግዙፍ የነዳጅ ማጣሪያ ፋብሪካ (East Africa Petroleum Refinery) ግንባታ አስጀመሩ። የናይጄሪያው ቢሊየነር እና የአፍሪካ ቁጥር አንድ ባለሃብት አሊኮ ዳንጎቴ ከኬንያው ፕሬዜዳንት ዊሊያም ሩቶ ጋር በመሆን በኬንያ ሰሜናዊ የባህር ጠረፍ ላሙ (Lamu) አካባቢ 16 ቢሊዮን ዶላር የሚፈጅ ግዙፍ የነዳጅ ማጣሪያ ፋብሪካ የመሰረት…

የኢትዮ-ኬንያ የጋራ ብልፅግና ራዕይ፡ ከታሪካዊ ወዳጅነት እስከ ላሙ የነዳጅ ማጣሪያ
*****************

ከታላቁ የምሥራቅ አፍሪካ ስምጥ ሸለቆ እስከ ስትራቴጂያዊው የላፕሴት (LAPSSET) ኮሪደር የተዘረጋው የኢትዮጵያ እና የኬንያ ጂኦግራፊያዊ ቁርኝት በቀጣናው ታሪክ ውስጥ እጅግ የላቀ የኢኮኖሚ፣ የፖለቲካ እና የማኅበራዊ ውህደት ምዕራፍ ላይ ይገኛል።

በተፈጥሮ የየተበረከተ የቅርብ ጉርብትና እና የረጅም ጊዜ የሕዝብ ለሕዝብ ትስስር በቀጣናው አስተማማኝ የሰላም ደሴት እንዲፈጠር ትልቅ መሰረት ጥሏል።

ይህ ወንድማማችነት ከቀዳማዊ ኃይለሥላሴ እና ከጆሞ ኬንያታ ዘመን ጀምሮ የተዘራ የዲፕሎማሲ ዘር ነው።

በተለይም ኬንያ በ1963 ነፃነቷን ስትጎናፀፍ ኢትዮጵያ ካደረገችው ድጋፍ አንስቶ በ1964 ከተፈረመው የጋራ የመከላከያ ስምምነት ጋር ተዳምሮ የጸጥታ ስጋቶችን በጋራ ለመመከት የሚያስችል ጠንካራ መሰረት የጣለ ታሪካዊ ግንኙነት ነው።

ይህ ጠንካራ መሰረት በቀጣናው የፖለቲካ ውጣ ውረድ ውስጥ የመንግሥታት ለውጥ ሲደረግ እንኳን ሳይናጋ የፀና የሰላም እና የትብብር ማሳያ ሆኖ ዘልቋል።

በአሁኑ ወቅት በጠቅላይ ሚኒስትር ዐቢይ አሕመድ (ዶ/ር) እና በፕሬዚዳንት ዊሊያም ሩቶ የሚመራው የሁለቱ መንግሥታት ወዳጅነት ከባህላዊ የዲፕሎማሲ ንግግር አልፎ ወደ ተጨባጭ የልማት ትስስር ተሸጋግሯል።

የትናንትናውን የሞያሌ አቧራማ መንገድ ታሪክ አድርጎ ከአዲስ አበባ ናይሮቢ የሚያገናኘው ዘመናዊ ድንበር አቋራጭ አስፋልት መጠናቀቁ፣ የኬንያው ሳፋሪኮም በኢትዮጵያ የቴሌኮም ዘርፍ ፈሰስ ያደረገው መዋዕለ ንዋይ እና ኢትዮጵያ ለኬንያ ማቅረብ የጀመረችው የኤሌክትሪክ ኃይል የአፍሪካ ቀንድን በጋራ የማስተሳሰር ትልቅ ማሳያ ነው።

የዚህ ታሪካዊ ትስስር ሌላኛው አህጉራዊ ማሳያ ጠቅላይ ሚኒስትር ዐቢይ አሕመድ (ዶ/ር) በኬንያ የሕንድ ውቅያኖስ ዳርቻ በላሙ ወደብ ተገኝተው ጉብኝት በማድረግ ለነዳጅ ማጣሪያ ግንባታ የመሰረት ድንጋይ ማኖራቸው ነው።

ይህ ሁነት የምሥራቅ አፍሪካ ቀጣና በዜሮ ድምር ፖለቲካ ሳይሆን በመደመር ዕሳቤ አብሮ ለማደግ ያለውን ቁርጠኝነት ያሳያል።

በግንባታው ሂደት እስከ 16 ቢሊዮን ዶላር መዋዕለ ነዋይ ሊፈስስበት የታቀደው እና በናይጄሪያዊው ቢሊየነር አሊኮ ዳንጎቴ የሚገነባው ይህ ግዙፍ ፕሮጀክት፣ በቀን እስከ 700 ሺህ በርሜል ድፍድፍ ነዳጅ የማጣራት አቅም ያለው ሲሆን ለ60 ሺህ ዜጎች የሥራ ዕድል ይፈጥራል ተብሎ ይጠበቃል።

በሦስት ዓመታት ውስጥ ተጠናቅቆ አገልግሎት ይሰጣል ተብሎ የታቀደው ይህ ማጣሪያ፣ ለኢትዮጵያ እና ለሌሎች የምስራቅ አፍሪካ ሀገራት አስተማማኝ የነዳጅ አቅርቦት በመፍጠር የሎጂስቲክስ ወጪን በከፍተኛ ሁኔታ ይቀንሳል።

ከ130 ሚሊዮን በላይ ሕዝብ ያላት እና በፍጥነት እያደገች ለምትገኘው ኢትዮጵያ፣ የላሙ ወደብ አጠቃቀም እና ይህ ግዙፍ ፕሮጀክት አማራጭ የባሕር በር ከማግኘት ባለፈ የቀጣናውን የንግድ ደም ስር የሚያነቃቃ ነው።

ይህ አህጉራዊ ስኬት የመንግሥታት ጥረት ብቻ ሳይሆን የግል ዘርፉም አበርክቶ የሚጠይቅ ነው።

ጠቅላይ ሚኒስትር ዐቢይ አሕመድ (ዶ/ር) ይህንኑ የጋራ ልማት በማስመልከት በአህጉራችን የሚገኙ የኢንዱስትሪ መሪዎች ባለሀብቶች እና ሥራ ፈጣሪዎች በአፍሪካ ላይ ኢንቨስት እንዲያደርጉ እንዲሁም አህጉራዊ መፃኢ ዕድላችንን የሚወስኑ ለውጥ አምጪ ፕሮጀክቶችን እንዲገነቡ ታላቅ ጥሪ ማቅረባቸው ይታወሳል።

በአጠቃላይ የኢትዮ-ኬንያ ታሪካዊ ወንድማማችነት ከምንጊዜውም በላይ የፀና ሲሆን የሁለቱ ሕዝቦች የኢኮኖሚ ትስስር ወደማይቀለበስበት ምዕራፍ ተሸጋግሯል።

የትልቅ ሕዝብ እና የታላቅ ራዕይ ጉዞ የሆነው ይህ ትስስር የቀጣናውን ብልፅግና እውን ማድረጉ አይቀርም።

በሜሮን ንብረት
#ትልቅ_ሀገር #ትልቅ_ሕዝብ #ታላቅ_ርዕይ
#ethiopia #ethiokenyarelations #lapsset #dangoterefinery #eastafrica #ebc
የኢትዮ-ኬንያ የጋራ ብልፅግና ራዕይ፡ ከታሪካዊ ወዳጅነት እስከ ላሙ የነዳጅ ማጣሪያ
*****************

ከታላቁ የምሥራቅ አፍሪካ ስምጥ ሸለቆ እስከ ስትራቴጂያዊው የላፕሴት (LAPSSET) ኮሪደር የተዘረጋው የኢትዮጵያ እና የኬንያ ጂኦግራፊያዊ ቁርኝት በቀጣናው ታሪክ ውስጥ እጅግ የላቀ የኢኮኖሚ፣ የፖለቲካ እና የማኅበራዊ ውህደት ምዕራፍ ላይ ይገኛል።

በተፈጥሮ የየተበረከተ የቅርብ ጉርብትና እና የረጅም ጊዜ የሕዝብ ለሕዝብ ትስስር በቀጣናው አስተማማኝ የሰላም ደሴት እንዲፈጠር ትልቅ መሰረት ጥሏል።

ይህ ወንድማማችነት ከቀዳማዊ ኃይለሥላሴ እና ከጆሞ ኬንያታ ዘመን ጀምሮ የተዘራ የዲፕሎማሲ ዘር ነው።

በተለይም ኬንያ በ1963 ነፃነቷን ስትጎናፀፍ ኢትዮጵያ ካደረገችው ድጋፍ አንስቶ በ1964 ከተፈረመው የጋራ የመከላከያ ስምምነት ጋር ተዳምሮ የጸጥታ ስጋቶችን በጋራ ለመመከት የሚያስችል ጠንካራ መሰረት የጣለ ታሪካዊ ግንኙነት ነው።

ይህ ጠንካራ መሰረት በቀጣናው የፖለቲካ ውጣ ውረድ ውስጥ የመንግሥታት ለውጥ ሲደረግ እንኳን ሳይናጋ የፀና የሰላም እና የትብብር ማሳያ ሆኖ ዘልቋል።

በአሁኑ ወቅት በጠቅላይ ሚኒስትር ዐቢይ አሕመድ (ዶ/ር) እና በፕሬዚዳንት ዊሊያም ሩቶ የሚመራው የሁለቱ መንግሥታት ወዳጅነት ከባህላዊ የዲፕሎማሲ ንግግር አልፎ ወደ ተጨባጭ የልማት ትስስር ተሸጋግሯል።

የትናንትናውን የሞያሌ አቧራማ መንገድ ታሪክ አድርጎ ከአዲስ አበባ ናይሮቢ የሚያገናኘው ዘመናዊ ድንበር አቋራጭ አስፋልት መጠናቀቁ፣ የኬንያው ሳፋሪኮም በኢትዮጵያ የቴሌኮም ዘርፍ ፈሰስ ያደረገው መዋዕለ ንዋይ እና ኢትዮጵያ ለኬንያ ማቅረብ የጀመረችው የኤሌክትሪክ ኃይል የአፍሪካ ቀንድን በጋራ የማስተሳሰር ትልቅ ማሳያ ነው።

የዚህ ታሪካዊ ትስስር ሌላኛው አህጉራዊ ማሳያ ጠቅላይ ሚኒስትር ዐቢይ አሕመድ (ዶ/ር) በኬንያ የሕንድ ውቅያኖስ ዳርቻ በላሙ ወደብ ተገኝተው ጉብኝት በማድረግ ለነዳጅ ማጣሪያ ግንባታ የመሰረት ድንጋይ ማኖራቸው ነው።

ይህ ሁነት የምሥራቅ አፍሪካ ቀጣና በዜሮ ድምር ፖለቲካ ሳይሆን በመደመር ዕሳቤ አብሮ ለማደግ ያለውን ቁርጠኝነት ያሳያል።

በግንባታው ሂደት እስከ 16 ቢሊዮን ዶላር መዋዕለ ነዋይ ሊፈስስበት የታቀደው እና በናይጄሪያዊው ቢሊየነር አሊኮ ዳንጎቴ የሚገነባው ይህ ግዙፍ ፕሮጀክት፣ በቀን እስከ 700 ሺህ በርሜል ድፍድፍ ነዳጅ የማጣራት አቅም ያለው ሲሆን ለ60 ሺህ ዜጎች የሥራ ዕድል ይፈጥራል ተብሎ ይጠበቃል።

በሦስት ዓመታት ውስጥ ተጠናቅቆ አገልግሎት ይሰጣል ተብሎ የታቀደው ይህ ማጣሪያ፣ ለኢትዮጵያ እና ለሌሎች የምስራቅ አፍሪካ ሀገራት አስተማማኝ የነዳጅ አቅርቦት በመፍጠር የሎጂስቲክስ ወጪን በከፍተኛ ሁኔታ ይቀንሳል።

ከ130 ሚሊዮን በላይ ሕዝብ ያላት እና በፍጥነት እያደገች ለምትገኘው ኢትዮጵያ፣ የላሙ ወደብ አጠቃቀም እና ይህ ግዙፍ ፕሮጀክት አማራጭ የባሕር በር ከማግኘት ባለፈ የቀጣናውን የንግድ ደም ስር የሚያነቃቃ ነው።

ይህ አህጉራዊ ስኬት የመንግሥታት ጥረት ብቻ ሳይሆን የግል ዘርፉም አበርክቶ የሚጠይቅ ነው።

ጠቅላይ ሚኒስትር ዐቢይ አሕመድ (ዶ/ር) ይህንኑ የጋራ ልማት በማስመልከት በአህጉራችን የሚገኙ የኢንዱስትሪ መሪዎች ባለሀብቶች እና ሥራ ፈጣሪዎች በአፍሪካ ላይ ኢንቨስት እንዲያደርጉ እንዲሁም አህጉራዊ መፃኢ ዕድላችንን የሚወስኑ ለውጥ አምጪ ፕሮጀክቶችን እንዲገነቡ ታላቅ ጥሪ ማቅረባቸው ይታወሳል።

በአጠቃላይ የኢትዮ-ኬንያ ታሪካዊ ወንድማማችነት ከምንጊዜውም በላይ የፀና ሲሆን የሁለቱ ሕዝቦች የኢኮኖሚ ትስስር ወደማይቀለበስበት ምዕራፍ ተሸጋግሯል።

የትልቅ ሕዝብ እና የታላቅ ራዕይ ጉዞ የሆነው ይህ ትስስር የቀጣናውን ብልፅግና እውን ማድረጉ አይቀርም።

በሜሮን ንብረት
#ትልቅ_ሀገር #ትልቅ_ሕዝብ #ታላቅ_ርዕይ
#ethiopia #ethiokenyarelations #lapsset #dangoterefinery #eastafrica #ebc

እናት ባንክ የGABV የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው
‎
‎#ethiopia | እናት ባንክ የዓለም አቀፍ እሴት መር ባንኮች ህብረት (GABV) የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው።
‎
‎“የባንክ ሥርዓትን መለወጥ፤ የአካባቢ፣ የማህበራዊና የአስተዳደር መርሆችን እና ቴክኖሎጂን ለፋይናንስ ተጽዕኖ ማዋል” በሚል መሪ ሃሳብ የሚካሄደው ስብሰባው መስከረም 21 እና 22 ቀን 2019 ዓ.ም. በአዲስ አበባ እየተካሄደ ሲሆን፣ የGABV የአፍሪካ ቀጠና ስብሰባ በኢትዮጵያ ሲካሄድ ይህ የመጀመሪያ መሆኑ ተገልጿል።
‎
‎የእሴት መር ባንክ አሠራር የፋይናንስ ተቋማት የኢኮኖሚ ጥቅምን ብቻ ሳይሆን ማህበራዊና አካባቢያዊ ተጽዕኖንም በማገናዘብ ዘላቂ እና ረጅም ጊዜ የሚያስገኝ እሴት ለመፍጠር የሚያተኩር የባንክ አሠራር ነው።
‎
‎GABV በ45 አገራት የሚገኙ ከ70 በላይ የባንክና የፋይናንስ ተቋማትን ያሰባስባል። በአፍሪካ ቀጠናውም ከኢትዮጵያ፣ ኡጋንዳ፣ ማዳጋስካር፣ ናይጄሪያ፣ ዲሞክራቲክ ኮንጎ እና ጋና የተውጣጡ ዘጠኝ ባንኮች ተሳታፊ ናቸው። እነዚህ ባንኮች በጋራ ወደ 12 ሚሊዮን የሚጠጉ ደንበኞችን እንደሚያገለግሉ፣ ወደ 2 ቢሊዮን የአሜሪካ ዶላር ሀብት እንደሚያስተዳድሩና 15 ሺህ የሚጠጉ ሰራተኞችን እንደሚያሰማሩ ተገልጿል።
‎
‎የዘንድሮው የአፍሪካ ቀጠና ስብሰባ ከተለያዩ የአፍሪካ አገራት የተውጣጡ የባንክና የፋይናንስ ተቋማት መሪዎችን፣ የልማት ፋይናንስ አጋሮችን፣ ተቆጣጣሪዎችንና የዘርፉን ባለሙያዎች በአንድ መድረክ አሰባስቧል። ተሳታፊዎቹም የአፍሪካ የባንክ ዘርፍ እየተጋፈጣቸው ባሉ ዕድሎችና ተግዳሮቶች ላይ ልምድና ሀሳብ እየተለዋወጡ ነው።
‎
‎በስብሰባው ከሚመከሩ ቁልፍ ጉዳዮች መካከል የሳይበር ደህንነት፣ ሰው ሰራሽ እውቀት፣ ዲጂታል ለውጥ፣ የዘላቂነት ሪፖርት አያያዝ እና ለታዳሽ ኃይል ፕሮጀክቶች ፋይናንስ መስጠት ይገኙበታል።
‎
‎የGABV ዋና ሥራ አስፈጻሚ ማርቲን ሮነር ኢትዮጵያ በፋይናንስ ዘርፍ ልማት አዲስ ምዕራፍ ውስጥ እየገባች መሆኗን ጠቁመው፣ በዘርፉ የሚካሄዱ ማሻሻያዎች ለአዳዲስ ዕድሎችና ለበለጠ ውድድር መንገድ እየከፈቱ መሆናቸውን ገልጸዋል። ፈጠራን፣ አካታችነትንና የረጅም ጊዜ እሴት መፍጠርን የሚያጣምሩ የባንክ አሠራሮች እንደሚያስፈልጉም አመልክተዋል።
‎
‎የእናት ባንክ የቦርድ ሰብሳቢ ወ/ሮ አስቴር ሰሎሞን በበኩላቸው፣ ባንኩ የተመሰረተው በኢትዮጵያ ሴቶችና ቤተሰቦች የፋይናንስ ተደራሽነትን በማስፋት የኢኮኖሚ ዕድል ለመፍጠር መሆኑን ገልጸዋል። የእሴት መር የባንክ አሠራርና ዘላቂ የንግድ እድገት ተቃራኒ ጉዳዮች ሳይሆኑ ተደጋጋፊ መሆናቸውንም አስረድተዋል።
‎
‎እናት ባንክ በ11 ራዕይ ባላቸው ሴቶች የተመሰረተ ሲሆን፣ ከመጋቢት 5 ቀን 2005 ዓ.ም. ጀምሮ የባንክ አገልግሎት ሲሰጥ ቆይቷል። ባንኩ ከ24 ሺህ በላይ ባለአክሲዮኖችና ከ1.5 ሚሊዮን በላይ ንቁ ደንበኞች እንዳሉት ሲገለጽ፣ በመላ አገሪቱ 225 ቅርንጫፎችን በመክፈት ዘመናዊ የዲጂታል ባንክ አገልግሎቶችንም እያቀረበ ይገኛል።
‎
‎የሁለት ቀናት የGABV የአፍሪካ ቀጠና ስብሰባ በኢትዮጵያ ከሚካሄደው የፋይናንስ ዘርፍ ለውጥ ጋር የአፍሪካና የዓለም አቀፍ የባንክ ተቋማትን ልምድ ለማገናኘት፣ ትብብርን ለማጠናከር እንዲሁም በፈጠራ፣ በዲጂታል ለውጥ፣ በአካታች ፋይናንስና በዘላቂ ፋይናንስ ዙሪያ የጋራ ልምድ ለመፍጠር ያለመ መድረክ መሆኑ ተገልጿል።
‎
‎ጌትነት ተመስገን
‎📷 ከበደ መክብብ
‎
‎#enatbank #gabv #ethiopia #banking #finance #digitaltransformation #financialinclusion #sustainablefinance






እናት ባንክ የGABV የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው
‎
‎#ethiopia | እናት ባንክ የዓለም አቀፍ እሴት መር ባንኮች ህብረት (GABV) የአፍሪካ ቀጠና ዓመታዊ ስብሰባን በአዲስ አበባ እያስተናገደ ነው።
‎
‎“የባንክ ሥርዓትን መለወጥ፤ የአካባቢ፣ የማህበራዊና የአስተዳደር መርሆችን እና ቴክኖሎጂን ለፋይናንስ ተጽዕኖ ማዋል” በሚል መሪ ሃሳብ የሚካሄደው ስብሰባው መስከረም 21 እና 22 ቀን 2019 ዓ.ም. በአዲስ አበባ እየተካሄደ ሲሆን፣ የGABV የአፍሪካ ቀጠና ስብሰባ በኢትዮጵያ ሲካሄድ ይህ የመጀመሪያ መሆኑ ተገልጿል።
‎
‎የእሴት መር ባንክ አሠራር የፋይናንስ ተቋማት የኢኮኖሚ ጥቅምን ብቻ ሳይሆን ማህበራዊና አካባቢያዊ ተጽዕኖንም በማገናዘብ ዘላቂ እና ረጅም ጊዜ የሚያስገኝ እሴት ለመፍጠር የሚያተኩር የባንክ አሠራር ነው።
‎
‎GABV በ45 አገራት የሚገኙ ከ70 በላይ የባንክና የፋይናንስ ተቋማትን ያሰባስባል። በአፍሪካ ቀጠናውም ከኢትዮጵያ፣ ኡጋንዳ፣ ማዳጋስካር፣ ናይጄሪያ፣ ዲሞክራቲክ ኮንጎ እና ጋና የተውጣጡ ዘጠኝ ባንኮች ተሳታፊ ናቸው። እነዚህ ባንኮች በጋራ ወደ 12 ሚሊዮን የሚጠጉ ደንበኞችን እንደሚያገለግሉ፣ ወደ 2 ቢሊዮን የአሜሪካ ዶላር ሀብት እንደሚያስተዳድሩና 15 ሺህ የሚጠጉ ሰራተኞችን እንደሚያሰማሩ ተገልጿል።
‎
‎የዘንድሮው የአፍሪካ ቀጠና ስብሰባ ከተለያዩ የአፍሪካ አገራት የተውጣጡ የባንክና የፋይናንስ ተቋማት መሪዎችን፣ የልማት ፋይናንስ አጋሮችን፣ ተቆጣጣሪዎችንና የዘርፉን ባለሙያዎች በአንድ መድረክ አሰባስቧል። ተሳታፊዎቹም የአፍሪካ የባንክ ዘርፍ እየተጋፈጣቸው ባሉ ዕድሎችና ተግዳሮቶች ላይ ልምድና ሀሳብ እየተለዋወጡ ነው።
‎
‎በስብሰባው ከሚመከሩ ቁልፍ ጉዳዮች መካከል የሳይበር ደህንነት፣ ሰው ሰራሽ እውቀት፣ ዲጂታል ለውጥ፣ የዘላቂነት ሪፖርት አያያዝ እና ለታዳሽ ኃይል ፕሮጀክቶች ፋይናንስ መስጠት ይገኙበታል።
‎
‎የGABV ዋና ሥራ አስፈጻሚ ማርቲን ሮነር ኢትዮጵያ በፋይናንስ ዘርፍ ልማት አዲስ ምዕራፍ ውስጥ እየገባች መሆኗን ጠቁመው፣ በዘርፉ የሚካሄዱ ማሻሻያዎች ለአዳዲስ ዕድሎችና ለበለጠ ውድድር መንገድ እየከፈቱ መሆናቸውን ገልጸዋል። ፈጠራን፣ አካታችነትንና የረጅም ጊዜ እሴት መፍጠርን የሚያጣምሩ የባንክ አሠራሮች እንደሚያስፈልጉም አመልክተዋል።
‎
‎የእናት ባንክ የቦርድ ሰብሳቢ ወ/ሮ አስቴር ሰሎሞን በበኩላቸው፣ ባንኩ የተመሰረተው በኢትዮጵያ ሴቶችና ቤተሰቦች የፋይናንስ ተደራሽነትን በማስፋት የኢኮኖሚ ዕድል ለመፍጠር መሆኑን ገልጸዋል። የእሴት መር የባንክ አሠራርና ዘላቂ የንግድ እድገት ተቃራኒ ጉዳዮች ሳይሆኑ ተደጋጋፊ መሆናቸውንም አስረድተዋል።
‎
‎እናት ባንክ በ11 ራዕይ ባላቸው ሴቶች የተመሰረተ ሲሆን፣ ከመጋቢት 5 ቀን 2005 ዓ.ም. ጀምሮ የባንክ አገልግሎት ሲሰጥ ቆይቷል። ባንኩ ከ24 ሺህ በላይ ባለአክሲዮኖችና ከ1.5 ሚሊዮን በላይ ንቁ ደንበኞች እንዳሉት ሲገለጽ፣ በመላ አገሪቱ 225 ቅርንጫፎችን በመክፈት ዘመናዊ የዲጂታል ባንክ አገልግሎቶችንም እያቀረበ ይገኛል።
‎
‎የሁለት ቀናት የGABV የአፍሪካ ቀጠና ስብሰባ በኢትዮጵያ ከሚካሄደው የፋይናንስ ዘርፍ ለውጥ ጋር የአፍሪካና የዓለም አቀፍ የባንክ ተቋማትን ልምድ ለማገናኘት፣ ትብብርን ለማጠናከር እንዲሁም በፈጠራ፣ በዲጂታል ለውጥ፣ በአካታች ፋይናንስና በዘላቂ ፋይናንስ ዙሪያ የጋራ ልምድ ለመፍጠር ያለመ መድረክ መሆኑ ተገልጿል።
‎
‎ጌትነት ተመስገን
‎📷 ከበደ መክብብ
‎
‎#enatbank #gabv #ethiopia #banking #finance #digitaltransformation #financialinclusion #sustainablefinance

ሐሰተኛ የመንግስት መስሪያቤት ያቋቋመው ናይጄሪያዊ ፍርድ ቤት ቀረበ

⚫የ1 ሚሊዮን ዶላር የመንግሥት በጀትም ተመድቦለት ነበር ተብሏል።

በናይጄሪያ የሐሰት የፌደራል መስራቤት በማቋቋም፣ ራሱን በዋና ዳይሬክተርነት በመሾም እና የ1 ሚሊዮን ዶላር የመንግሥት በጀት በማስመደብ የተከሰሰው አደኒዪ አደየሚ ማቲው የተባለ ግለሰብ በቁጥጥር ስር ውሎ በፍርድ ቤት ቀረበ።

አቃቤ ሕግ ባቀረበው የክስ መዝገብ መሠረት፣ ተከሳሹ እ.ኤ.አ. ከ2024 ጀምሮ "የፕሬዝዳንት የውጭ ኢንቨስትመንት ማስተዋወቂያ ምክር ቤት" (PFIPC) የተሰኘ ተቋም በፕሬዝዳንቱ እንደተቋቋመ በማስመሰል በዋና ዳይሬክተርነት ሲያንቀሳቅስ ቆይቷል።

ከሁሉም የሚገርመው በዚህ ዓመት የመንግሥት በጀት ውስጥ 1 ሚሊዮን ዶላር ገደማ እንዲመደብለት ማድረግም ችሎ ነበር።

ተከሳሹ የሀገሪቱን ፕሬዝዳንት ቦላ ቲኑቡን እና የጽሕፈት ቤት ኃላፊያቸውን ፈሚ ግባጃቢያሚላን የሐሰት ፊርማና የፕሬዝዳንት ጽሕፈት ቤት አርማ ያለበት የሹመት ደብዳቤ በመጠቀም በፌደራል ሴክሬታሪያት ሕንፃ ውስጥ የቢሮ ተረክቧል።

ኤጀንሲው ሕጋዊ እንደሆነ በማስመሰልም በናይጄሪያ ማዕከላዊ ባንክ ኦፊሴላዊ የባንክ ሂሳቦችን ለመክፈት ሙከራ አድርጓል።

በተጨማሪም በርካታ የመንግሥት ተቋማት ኤጀንሲው ሕጋዊ መሥሪያ ቤት እንደሆነ በማመን ያቀረባቸውን ጥያቄዎችና አስተዳደራዊ ደብዳቤዎች ሲያስተናግዱ እንደነበር በክስ መዝገቡ ላይ ተመላክቷል።

ዘገባው የሮይተርስ ነው።

መስከረም 21 ቀን 2019 ዓ.ም

@TikvahethMagazine

የምሥራቅ አፍሪካን የነዳጅ ማነቆ የሚፈታው ፕሮጀክት
***************

የምሥራቅ አፍሪካን ወቅታዊ የነዳጅ ፍላጎት ከመሸፈን ባሻገር ለሌሎች የአፍሪካ ሀገራት የነዳጅ ጥያቄ ምላሽ ይሰጣል የተባለለት የላሙ ግዙፍ የነዳጅ ማጣሪያ ፕሮጀክት ግንባታ ዛሬ በይፋ ተጀምሯል፡፡

በናይጄሪያዊው ባለሀብት አሊኮ ዳንጎቴ የሚገነባው ይህ የላሙ የነዳጅ ማጣሪያ በምሥራቅ አፍሪካ ትልቁ የነዳጅ ማጣሪያ እንደሚሆን ተገልጿል።

ጠቅላይ ሚኒስትር ዐቢይ አሕመድን (ዶ/ር) ጨምሮ ሌሎች የአፍሪካ መሪዎች በኬንያ በተካሄደው የላሙ ግዙፍ የነዳጅ ማጣሪያ ፋብሪካ የመሰረተ ድንጋይ የማስቀመጥ ስነሥርዓት ላይ ተገኝተዋል፡፡

ጠቅላይ ሚኒስትሩ በሥነ-ሥርዓቱ ላይ ባደረጉት ንግግር፤ በአህጉራችን የምትገኙ የኢንዱስትሪ መሪዎች፣ ባለሀብቶችና ሥራ ፈጣሪዎች፤ በአፍሪካ ላይ ኢንቨስት ልታደርጉ፣ ባለን አቅምና የጋራ ጸጋ ላይ እምነት ልትጥሉ እንዲሁም የአህጉራችንን መፃኢ ዕድል የሚወስኑ ለውጥ አምጪ ፕሮጀክቶችን ልትገነቡ ይገባል ሲሉ ጥሪ አቅርበዋል፡፡

ለግንባታው 16 ቢሊዮን ዶላር የተመደበለት ይህ ፕሮጀክት በቀን እስከ 700 ሺህ በርሜል ድፍድፍ ነዳጅ የማጣራት አቅም ያለው ነው፡፡

ፕሮጀክቱ የምሥራቅ አፍሪካን ወቅታዊ የነዳጅ ፍላጎት ከመሸፈን ባሻገር ለሌሎች የአፍሪካ ሀገራት ነዳጅ ለመላክ ያስችላል።

በሶስት ዓመታት ውስጥ ተጠናቆ አገልግሎት መስጠት ይጀምራል ተብሎ የሚጠበቀው ይህ ማጣሪያ፤ ቤንዚን፣ ናፍጣና የአውሮፕላን ነዳጅን በማቅረብ የቀጠናውን ሀገራት የአቅርቦት እጥረት እንደሚፈታ ይታመናል።

በዓይናለም ሃድራ
#ትልቅሀገር_ትልቅሕዝብ_ታላቅርዕይ #ethiopia #pmoethiopia #lamurefinery #ebc


የምሥራቅ አፍሪካን የነዳጅ ማነቆ የሚፈታው ፕሮጀክት
***************

የምሥራቅ አፍሪካን ወቅታዊ የነዳጅ ፍላጎት ከመሸፈን ባሻገር ለሌሎች የአፍሪካ ሀገራት የነዳጅ ጥያቄ ምላሽ ይሰጣል የተባለለት የላሙ ግዙፍ የነዳጅ ማጣሪያ ፕሮጀክት ግንባታ ዛሬ በይፋ ተጀምሯል፡፡

በናይጄሪያዊው ባለሀብት አሊኮ ዳንጎቴ የሚገነባው ይህ የላሙ የነዳጅ ማጣሪያ በምሥራቅ አፍሪካ ትልቁ የነዳጅ ማጣሪያ እንደሚሆን ተገልጿል።

ጠቅላይ ሚኒስትር ዐቢይ አሕመድን (ዶ/ር) ጨምሮ ሌሎች የአፍሪካ መሪዎች በኬንያ በተካሄደው የላሙ ግዙፍ የነዳጅ ማጣሪያ ፋብሪካ የመሰረተ ድንጋይ የማስቀመጥ ስነሥርዓት ላይ ተገኝተዋል፡፡

ጠቅላይ ሚኒስትሩ በሥነ-ሥርዓቱ ላይ ባደረጉት ንግግር፤ በአህጉራችን የምትገኙ የኢንዱስትሪ መሪዎች፣ ባለሀብቶችና ሥራ ፈጣሪዎች፤ በአፍሪካ ላይ ኢንቨስት ልታደርጉ፣ ባለን አቅምና የጋራ ጸጋ ላይ እምነት ልትጥሉ እንዲሁም የአህጉራችንን መፃኢ ዕድል የሚወስኑ ለውጥ አምጪ ፕሮጀክቶችን ልትገነቡ ይገባል ሲሉ ጥሪ አቅርበዋል፡፡

ለግንባታው 16 ቢሊዮን ዶላር የተመደበለት ይህ ፕሮጀክት በቀን እስከ 700 ሺህ በርሜል ድፍድፍ ነዳጅ የማጣራት አቅም ያለው ነው፡፡

ፕሮጀክቱ የምሥራቅ አፍሪካን ወቅታዊ የነዳጅ ፍላጎት ከመሸፈን ባሻገር ለሌሎች የአፍሪካ ሀገራት ነዳጅ ለመላክ ያስችላል።

በሶስት ዓመታት ውስጥ ተጠናቆ አገልግሎት መስጠት ይጀምራል ተብሎ የሚጠበቀው ይህ ማጣሪያ፤ ቤንዚን፣ ናፍጣና የአውሮፕላን ነዳጅን በማቅረብ የቀጠናውን ሀገራት የአቅርቦት እጥረት እንደሚፈታ ይታመናል።

በዓይናለም ሃድራ
#ትልቅሀገር_ትልቅሕዝብ_ታላቅርዕይ #ethiopia #pmoethiopia #lamurefinery #ebc

#dangote

አሊኮ ዳንጎቴ በኬንያ 16 ቢሊዮን ዶላር የሚገመት ግዙፍ የነዳጅ ማጣሪያ ፋብሪካ (East Africa Petroleum Refinery) ግንባታ አስጀመሩ።

የናይጄሪያው ቢሊየነር እና የአፍሪካ ቁጥር አንድ ባለሃብት አሊኮ ዳንጎቴ ከኬንያው ፕሬዜዳንት ዊሊያም ሩቶ ጋር በመሆን በኬንያ ሰሜናዊ የባህር ጠረፍ ላሙ (Lamu) አካባቢ 16 ቢሊዮን ዶላር የሚፈጅ ግዙፍ የነዳጅ ማጣሪያ ፋብሪካ የመሰረት ድንጋይ አስቀመጡ።

በስነስርዓቱ ላይ ፦

- የኢትዮጵያ ጠ/ሚ ዐቢይ አሕመድ (ዶ/ር)
- የአፍሪካ ኅብረት የአፍሪካ ቀንድ ልዩ መልዕክተኛ እና የቀድሞ የናይጄሪያ ፕሬዚዳንት ኦሊሴንጉን ኦባሳንጆ
- የኡጋንዳ ፕሬዜዳንት ዩዌሪ ሙሴቬኒ
- የቶጎ ፕሬዝዳንት ጂን-ሉክ ሳቪ ዴቶቭ
- የቤኒን ፕሬዝዳንት ሮማልድ ዋዳኝ ... እና ሌሎችም እንግዶች ተገኝተዋል።

የነዳጅ ማጣሪያ ፋብሪካው ግንባታ ተጠናቆ ስራ ሲጀምር በቀን 700,000 በርሜል ድፍድፍ ዘይት የማጣራት አቅም ይኖረዋል። ይህ አቅም በምስራቅ አፍሪካ ትልቁ የኢንዱስትሪ ፕሮጀክት ያደርገዋል።

ፋብሪካው ከቀጣዩ ህዳር 1 ጀምሮ ግንባታው የሚጀመር ሲሆን በእቅዱ መሰረት በ2030 ይጠናቀቃል ተብሎ ይጠበቃል።

የፕሮጀክቱ አካል የሆነ 1,000 ሜጋ ዋት የማመንጨት አቅም ያለው የኃይል ማመንጫ ጣቢያም ይገነባል ተብሏል።

ከዚሁ ፋብሪካ ጋር በተገናኘ አንዳንድ የአካባቢው ነዋሪዎች ለፋብሪካው በሚውለው መሬት ላይ የተሻለ ካሳ እንዲከፈላቸው በመጠየቅ ተቃውሞ እንዳላቸው ተነግሯል።

አሊኮ ዳንጎቴ እነዚህን ተቃውሞዎች " በአካባቢው ነጋዴዎች እና በዓለም አቀፍ አካላት የሚደረጉ ጨዋታዎች " ናቸው በማለት ውድቅ አድርገዋቸዋል። ፋብሪካው በታቀደለት ጊዜ እንደሚጠናቀቅ አጽንኦት ሰጥተዋል።

በሌላ በኩል እንደ "ሴቭ ላሙ" የሚባል ዘመቻ ቡድኖች ፋብሪካው በአካባቢው ማህበረሰብ እና ስነ-ምህዳር ላይ ሊያደርስ የሚችለውን ተፅዕኖ አስመልክቶ የአካባቢ ጥበቃ ግምገማ ውጤቶች እንዲፋጠኑ ጠይቀዋል።

ሌላው ዳንጎቴ ለቀጣው መንግስታት በድምሩ 30 በመቶ ድርሻ  ማቅረባቸውን ሮይተርስ ዘግቧል።

ፋብሪካው በከፍተኛ የግንባታ ሂደት ወቅት እስከ 60,000 የሚደርሱ የስራ ዕድሎችን እንደሚፈጥር ተገልጿል።

ለምን ኬንያ ተመረጠች ?

ኬንያ ድፍድፍ ዘይት እንደማታወጣ በመጥቀስ ፋብሪካው እዛ እንዲሆን መመረጡ ላይ ጥያቄዎች ተነስተው ነበር። ለምሳሌ እነ ታንዛኒያ እና ዩጋንዳ እያሉ ለምን ኬንያ ተብሎ ነበር።

ይሁን እንጂ የኬንያ የኢነርጂ እና ፔትሮሊየም ሚንስትር ኦፒዮ ዋንዳይ እና አሊኮ ዳንጎቴ እንደገለጹት፣ ማጣሪያዎች ድፍስፍ ዘይትን ከዓለም አቀፍ ክፍት ገበያ የሚያገኙ በመሆኑ የሀገር ውስጥ ድፍድፍ ዘይት መኖር ግዴታ አይደለም።

ዳንጎቴ ሲንጋፖር አንድ ጠብታ ዘይት ሳታወጣ በርካታ ማጣሪያዎች እንዳሏት ለአብነት አንስተዋል።

ይህ የላሙ የነዳጅ ማጣሪያ ፕሮጀክት ከናይጄሪያ ውጭ በዳንጎቴ የሚከናወን ትልቁ ኢንቨስትመንት መሆኑ ታውቋል።

ቲክቫህ ኢትዮጵያ
መስከረም 20 ቀን 2019 ዓ/ም

@tikvahethiopia

ጠቅላይ ሚንስትር ዐቢይ አህመድ ኬንያ ናይሮቢ ገቡ ።

ጠቅላይ ሚንስትሩ ወደ ኬንያ የተጓዙት በላሙ የነዳጅ ማጣሪያ ጣቢያ የመሠረተ ድንጋይ የማስቀመጥ ስነስረዓት ለመታደም መሆኑን ጽ/ቤታቸው አስታውቋል። ናይጄሪያዊው ባለሃብት አሊኮ ዳንጎቴ ትልቁን ድርሻ በሚወስዱት እና በኬኒያዋ የላሙ ወደብ የሚገነባው የምስራቅ አፍሪቃ ግዙፍ የነዳጅ ማጣሪያ 16 ቢሊዮን ገደማ መዋዕለ ነዋይ ሊወስድ እንደሚችል ተገምቷል።

ዛሬ በይፋ የመሰረ ድንጋይ እየተቀመጠለት ያለው የነዳጅ ማጣሪያው በቀን እስከ 700 ሺ በርሜል ድፍድፍ ነዳጅ የማጣራት አቅም እንዳላው ተገልጿል። የነዳጅ ማጣሪያው ግንባታ 60 ሺ ያህል የስራ ዕድል እንደሚፈጥርና ይህም ለኬንያዉያን የተለየ ዕድል ይዞላቸው እንደሚመጣ የኬንያው ፕሬዚዳንት ዊልያም ሩቶ በኤክስ ገጻቸው አስፍረዋል። የነዳጅ ማጣሪያው ተገንብቶ ሲጠናቀቅ ቤንዚን ፤ ባፍጣ እና የአውሮፕላን ነዳጅን ጨምሮ በምስራቅ እና ማዕከላዊ አፍሪቃ ስምንት የገበያ መዳረሻዎች ይኖሩታል ተብሏል።
ከገበያ ማዳረሻዎቹ ኬንያን ጨምሮ ኢትዮጵያ፣ ኡጋንዳ፣ ታንዛኒያ፣ ሩዋንዳ፣ ብሩንዲ፣ ፣ ደቡብ ሱዳን እና ዲሞክራቲክ ሪፐብሊክ ኮንጎ ዋናዎቹ ናቸው ተብሏል። የነዳጅ ማጣሪያው ባለሃብቱ አሊኮ ዳንጎቴ 70 በመቶ ድርሻ ሲኖራቸው ባለሃብቱ ባቀረቡት ግብዣ መሰረት ኬንያ ፣ ኢትዮጵያ ፣ እና የሩዋንዳ መንግስታት እያንዳንዳቸው የ10 በመቶ ድርሻ ይኖራቸዋል ተብሏል። የነዳጅ ማጣሪያው ተገንብቶ ለመጠናቀቅ ሶስት አመታት ይወስዳል ፤ ተብሏል ።

የነዳጅ ማጣሪያው በላ ወደብ መገንባት እንደ ኢትዮጵያ ላሉ የተጣራ ነዳጅ ከርቀት ለሚያስገቡ ሃገራት የቅርብ መፍትሔ ይዞ ይመጣል ተብሎ ተስፋ ተጥሎበታል።
የነዳጅ ማጣሪያው መገንባቱ ለአፍሪቃ አዲስ ምዕራፍ ይዘው መምጣቱን የተናገሩት ባለሃብቱ አሊኮ ዳንጎቴ የአፍሪቃ መንግስታት አብረው አፍሪቃን መገንባት ስለመጀመራቸው ማሳያ ነው ብለዋል።

DW Amharic

የኬንያ ፍርድ ቤት የአሊኮ ዳንጎቴን የነዳጅ ማጣሪያ ፕሮጀክት ግንባታ በጊዜያዊነት እንዲቆም አዘዘ።

የኬንያ ፍርድ ቤት በናይጄሪያው ቢሊየነር አሊኮ ዳንጎቴ በምስራቅ አፍሪካ ሊገነባ የታቀደውን የ16 ቢሊዮን ዶላር የነዳጅ ማጣሪያ ፕሮጀክት ግንባታ በጊዜያዊነት እንዲቆም ትዕዛዝ አስተላለፈ።

በኬንያ ሰሜን ምስራቅ የባህር ዳርቻ በሚገኘው ላሙ አካባቢ ሊገነባ በታቀደው በዚህ ፕሮጀክት ላይ ውሳኔው የተላለፈው 133 የአካባቢው አርሶ አደሮችና ነዋሪዎች ባቀረቡት አቤቱታ መሰረት ነው።

አመልካቾቹ ፕሮጀክቱ ያለ በቂ ምትክ ቦታና ካሳ ከመሬታቸው በኃይል እንደሚያፈናቅላቸው፣ ንብረታቸውን እንደሚያወድም፣ ህጋዊ የአካባቢ ተፅዕኖ ግምገማ (EIA) ሳይደረግበትና ህገ-መንግስታዊ የህዝብ ውይይት ሳይካሄድበት የተጀመረ ነው ሲሉ ከሰዋል

መስከረም 30 ቀን የመሰረተ ድንጋይ የማስቀመጥ ስነ-ስርዓት ለማካሄድ አቅዶ የነበረው ዳንጎቴ ፔትሮሊየም ሪፋይነሪ፣ ፍርድ ቤቱ በሚቀጥለው ወር መዝገቡን እስኪያይ ድረስ በቦታው ላይ ምንም አይነት ግንባታ እንደማያካሂድ ገልጾ፣ የመሰረተ ድንጋይ የማስቀመጥ ስነ-ስርዓቱን ግን በታቀደለት ጊዜ ለማካሄድ ማሰቡን አስታውቋል።

መረጃው የብሉምበርግ ነው።

መስከረም 19 ቀን 2019 ዓ.ም

@TikvahethMagazine

በማንቸስተር ዩናይትድ «ኦልድ ትራፎርድ» ስታዲየም ጸሎት ተደረገ
#ethiopia | በማንቸስተር ዩናይትድ «ኦልድ ትራፎርድ» ስታዲየም በናይጄሪያዊው ፓስተር ጄሪ ኢዜ በተመራው ታላቅ የጸሎት ጉባኤ ላይ በ75 ሺ የሚቆጠሩ ክርስቲያኖች መሳተፋቸው ተገለጸ።

«ስትሪምስ ኦፍ ጆይ ኢንተርናሽናል» በተሰኘው አገልግሎት የተዘጋጀው ይህ «NSPPD UK Prayer Conference» የተሰኘው ጉባኤ፤ ከመላው እንግሊዝ እና ከተለያዩ የዓለም ክፍሎች የተወጣጡ ክርስቲያኖችን ለአንድ ቀን የጸሎት፣ የምስጋና እና የአምልኮ ጊዜ አንድ ላይ አሰባስቧል።

በቅድሚያ ምዝገባ ይጠይቅ የነበረው ይህ መርሃ ግብር፣ እስከ 74 ሺህ ሰዎችን የመያዝ አቅም ያለውን ታሪካዊውን ስታዲየም ሙሉ በሙሉ በምእመናን አጥለቅልቋል።

በጉባኤው ላይ እንደ መርሲ ቺንዎ ፣ ደንሲን ኦየካን ፣ ሰንሚሶላ አግቤቢ እና ኬስትሪንግስ ያሉ የወንጌል ዘማሪዎች አምልኮን መርተዋል።

ፓስተር ጄሪ ኢዜ በየዕለቱ በኢንተርኔት አማካኝነት በሚሊዮኖች የሚቆጠሩ ሰዎችን የሚስበው «ኒው ሲዝን ፕሮፌቲክ ፕሬየርስ ኤንድ ዲክላሬሽንስ» (NSPPD) የተሰኘው ታዋቂ የጸሎት መድረክ መስራች ሲሆን፤ በናይጄሪያ፣ በእንግሊዝ፣ በአሜሪካ እና በካናዳ ቅርንጫፎች ያሉት «ስትሪምስ ኦፍ ጆይ» ቤተክርስቲያን መሪ ነው።

የዘንድሮው የማንቸስተር ጉባኤ ቀደም ሲል በለንደን ከተማ ከተካሄዱት ተመሳሳይ ታላላቅ የጸሎት መርሃ ግብሮች ቀጥሎ የተደረገ ሲሆን፣ያለፈውጰሁለት ዓመት በትዊከንሃም ስታዲየም በተካሄደው ጉባኤ ላይ ከ80 ሺህ በላይ ሰዎች መሳተፋቸው ይታወሳል።

የNSPPD ተከታዮች በየዕለቱ በሚደረጉት እነዚህ የጸሎት ፕሮግራሞች ላይ የተለዩ ተአምራት እና የፈውስ ምስክርነቶች እንደሚስተናገዱ ይናገራሉ።

ከመርሃ ግብሩ ፍጻሜ በኋላ ፓስተር ጄሪ ኢዜ በኢንስታግራም ገጹ ባሰፈረው ስሜታዊ መልእክት «ይህንን ሁሉ ያደረግኸው አንተ እንደሆንክ እኔና አንተ እናውቃለን፤ ልቤ በደስታ ተሞልቷል... እኔን ሁልጊዜ የምትረዳው ጌታ» ሲል የጸሎት ጉባኤው ስኬት ከአቅም በላይ እና በቃላት የማይገለጽ እንደነበር አስታውቋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

"በኢትዮጵያ ስማርት ስልክ ካላቸው ሴቶች መካከል 27 በመቶ የሚሆኑት ኢንተርኔት ተጠቃሚ አደሉም" - ሪፖርት

⚫10 በመቶ የሚሆኑ ስማርት ስልክ ያላቸው ኢትዮጵያዊያን ሴቶች ስለ ሞባይል ኢንተርኔት እውቀቱ የላቸውም።

የዓለም አቀፍ የሞባይል ኦፕሬተሮች ማኅበር (GSMA) በቅርቡ የሞባይል አጠቃቀም ላይ የጾታ ልዩነትን የሚዳስስ ሪፖርት አውጥቷል። ጥናቱ በ14 ሀገራት ላይ የተሰራ ሲሆን መረጃዎችም እስከ 2025 እ.ኤ.አ መጨረሻ ድረስ ያካትታል።

ጥናቱ በኢትዮጵያ በተለያዩ ክልሎች የሚገኙ 1,000 ዕድሜያቸው ከ 18 እና በላይ የሆኑ ዜጎችን መጠይቅ መሰረት አድርጎ የተሰራ ሲሆን 73% የሚሆነውን የሀገሪቱን ክፍል የሚሸፍን እንደሆነ በጥናቱ ተጠቅሷል። ኢትዮጵያ ከ2022 ጀምሮ በተከታታይ አራት ዓመታት በዚህ ጥናት ውስጥ ተካትታለች።

ጥናቱ ምን አለ ?

በኢትዮጵያ ስማርት ስልክ ካላቸው ሴቶች መካከል 27 በመቶ የሚሆኑት ሞባይል ኢንተርኔት ፈጽሞ አይጠቀሙም ሲል ይህ ቁጥር ከጥናቱ ውስጥ ከተካተቱት 14 ዝቅተኛና መካከለኛ ገቢ ካላቸው ሀገራት ሁሉ ትልቁ ነው።

ከዚህ በተጨማሪ፣ 10 በመቶ የሚሆኑ ስማርት ስልክ ያላቸው ኢትዮጵያዊያን ሴቶች ስለ ሞባይል ኢንተርኔት አገልግሎት መኖር እንኳ አያቁም ሲል ይጠቅሳል። ከወንዶች (5%) ጋር ሲነጻጸር በእጥፍ ይበልጣል።

የግንዛቤ፣ የክህሎት ክፍተትን አጉልቶ በሚያሳየው በዚህ ሪፖርት በአጠቃላይ 74% ወንዶች እና 59% ሴቶች ብቻ ስለ ሞባይል ኢንተርኔት ግንዛቤ እንዳላቸው ይጠቅሳል።

ሪፖርቱ በግልጽ እንደሚያመለክተው፣ በኢትዮጵያ ሴቶች ከወንዶች ይልቅ ሞባይል ኢንተርኔት የመጠቀም ዕድላቸው በ36 በመቶ የሚያንስ ሲሆን ይህም ከባንግላዴሽ (38%) ቀጥሎ ሁለተኛዋ ትልቁ ልዩነት ያላት ሀገር አድርጓታል። ከኡጋንዳ (33%)፣ ናይጄሪያ (26%) እና ህንድ (25%) ልዩነት የተመዘገበባቸው ሀገራት ናቸው።

በጥሩ ጎኝ በሪፓርቱ እንደተጠቀሰው ኢትዮጵያ የሚገኙ ሴቶች በ6 በመቶ ስለኢንተርኔት ያላቸው ግንዛቤ ከ2024 ከነበረው በ2025 ከፍ ብሏል።

በኢትዮጵያ የሚገኙ ሴቶች የሌላ ሰው ስልክ ተውሰው ኢንተርኔት በስፋት ከሚጠቀሙባቸው ሀገራት አንዷ ናት። በዚህም የሌላ ሰው ስልክ ተውሰው ዕለታዊ ተጠቃሚ የሆኑ ሴቶች 24% ብቻ ሲሆኑ የራሳቸው ስልክ ኖሯቸው ዕለታዊ ተጠቃሚ ከሆኑት ሴቶች (53%) በግማሽ ያነሰ ተጠቃሚ ናቸው።

ሪፖርቱ በተጨማሪ ስለ እንቅፋቶች ሲገልጽ፣ ገና ወደ አጠቃቀም ላልገቡ ሴቶች ዋና እንቅፋት የዋጋ ተመጣጣኝነት፣ ቀጥሎ የዲጂታል ክህሎት ማነስ፣ ሦስተኛ ደግሞ "ኢንተርኔት ምን ይጠቅመኛል?" የሚል የአግባብነት ጥያቄ እንደሆነ ይጠቅሳል። ይህ ለወንዶች በተመሳሳይ ደረጃ የማይታይ፣ ለሴቶች ብቻ ጎልቶ የሚወጣ እንቅፋት ነው።

ቀድሞውኑ ኢንተርኔት ለሚጠቀሙ ሴቶች ደግሞ ተጨማሪ አጠቃቀምን የሚገድበው ዋነኛ ምክንያት አሁንም የዋጋ ተመጣጣኝነት ሲሆን፣ ቀጥሎ የሚነሳው እንቅፋት የግንኙነት ጥራት ችግር (ኔትወርክ ፍጥነት/ተደራሽነት) እንደሆነ ያነሳል።

ቲክቫህ ኢትዮጵያ
መስከረም 17 ቀን 2019 ዓ/ም

@TikvahethMagazine

ትላንት የተደረጉ ጨዋታዎች

የአውሮፓ ኔሽንስ ሊግ

ጆርጂያ 0-1 ሰሜን አየርላንድ
አርሜንያ 2-0 ላቲቪያ
ጣልያን 0-2 ቤልጂየም
ቱርክ 0-1 ፈረንሳይ
ሃንጋሪ 0-1 ዩክሬን
ፖላንድ 0-0 ቦስኒያ እና ሄርዞጎቪና
ሲዊደን 2-1 ሮማኒያ
ሞንቴኔግሮ 2-1 ሳይፕረስ

🌍 የአፍሪካ ዋንጫ ማጣሪያ

ሞዛምቢክ 1-1 ሴኔጋል
ታንዛኒያ 0-2 ጊኒ ቢሳው
ኒጀር 2-1 ሌሶቶ
ጋምቢያ 2-1 ሶማሊያ
ማላዊ 2-1 ደቡብ ሱዳን
ናይጄሪያ 2-1 ማዳጋስካር
ሩዋንዳ 3-1 ላይቤሪያ
ሱዳን 1-0 ኢትዮጵያ
ቶጎ 1-0 ቡሩንዲ
አልጄሪያ 3-1 ዛምቢያ
ቡርኪና ፋሶ 1-1 ቤኒን
ግብፅ 0-0 አንጎላ
ማሊ 3-1 ኬፕ ቨርዴ
ሞሮኮ 2-0 ጋቦን

@Bisrat_Sport_433et @Bisrat_Sport_433et

በ660 ሚሊዮን ዶላር ወጪ የሚገነባው የነዳጅ ማስተላለፊያ ቧንቧ መስመር የማጓጓዣ ጊዜን በ80% ይቀንሳል።

የኢትዮጵያ ኢንቨስትመንት ሆልዲንግስ (EIH) እና የዳንጎቴ ግሩፕ በጋራ አክሲዮን (Joint Venture) የሚያለሙት የ660 ሚሊዮን ዶላር የነዳጅ ማስተላለፊያ ቧንቧ መስመር በሁለት ዓመታት ጊዜ ውስጥ ተጠናቆ ወደ ሥራ እንደሚገባ በትላንትናው ዕለት ይፋ ተደርጓል።

ጠቅላይ ሚኒስትር ዐቢይ አህመድ ባስተላለፉት መልዕክት "ይህ ታሪካዊ የመሠረተ ልማት ፕሮጀክት የሎጂስቲክስ ወጪዎችንና መዘገየቶችን የሚቀንስ፣ የኢነርጂ ደህንነትን የሚያጠናክር እንዲሁም የኢትዮጵያ-ጂቡቲ የንግድ ኮሪደርን ውጤታማነትና ጽናት የሚያሳድግ ነው" ሲሉ ገልጸዋል።

​ጠቅላይ ሚኒስትሩ  በጅቡቲ በተካሄደው የመሰረት ድንጋይ ማኖሪያ ሥነ-ስርዓት ላይ ባደረጉት ንግግር፤ ነዳጅ በጭነት መኪና ሲገባ አምስት ቀናት እንደሚወስድ አንስተው፣ አዲሱ የቧንቧ መስመር ይህንን ጉዞ ወደ አንድ ቀን ዝቅ እንደሚያደርገው አስረድተዋል።

ለመሆኑ ይህ ፕሮጀክት ምን ያካትታል ?

የጠቅላይ ሚኒስትር ጽህፈት ቤት ቃል አቀባይ ቢልሌኔ ሥዩምን ጠቅሶ ብሉምበርግ እንደዘገበው፤ በፕሮጀክቱ ፥

- የ120 ኪሎሜትር የቧንቧ መስመር ዝርጋታን፤

- በዳሜርጆግ 375,000 ኩቢክ ሜትር እንዲሁም በደወሌ 800,000 ኩቢክ ሜትር የመያዝ አቅም ያላቸው ሁለት የነዳጅ ማከማቻ ተርሚናሎችን ግንባታ ይካሄዳል።

የኢትዮጵያ ኢንቨስትመንት ሆልዲንግስ (EIH) ዋና ሥራ አስፈጻሚ ዶክተር ብሩክ ታዬ ከኢቲቪ ጋር በነበራቸው ቆይታ እንደገለጹት፤ የቧንቧ መስመሩ በተቋሙ እና በናይጄሪያው ዳንጎቴ ግሩፕ በጋራ አልሚነት የሚገነባና እንደሚተዳደር አንስተዋል።

ከጂቡቲ ዳሜርጆግ ወደብ እስከ ኢትዮጵያ ደወሌ የሚዘረጋው ይህ የ120 ኪሎሜትር መስመር፤ በጭነት መኪኖች ይካሄድ በነበረው ረጅም የጉዞ ሂደት ላይ ይታይ የነበረውን ቅሸባ፣ ብክነት እና ህገ-ወጥ አሰራር በዘላቂነት እንደሚቀርፍም ገልጸዋል።

ዶክተር ብሩክ አክለውም፥ ኢትዮጵያ የራሷ ዴፖ ባልነበራት ጊዜ መርከቦች ቦታ ጠብቀው ለማራገፍ ከሁለት ቀን እስከ ሁለት ሳምንት ድረስ ይወስዱባት የነበረውን መዘግየትና አሁንም ድረስ የምትከፍለውን የዲሞሬጅ (የመጠበቂያ) ወጪ እንደሚያስቀር ነው የተናገሩት።

በደወሌ የሚገነባው ሁለተኛው ዴፖ ደግሞ ከአዋሽ በተጨማሪ ለወራት የሚበቃ ስትራቴጂካዊ የነዳጅ ክምችት ከመፍጠሩም ባሻገር፣ ከኢትዮ-ጂቡቲ የባቡር ሃዲድ ጋር በመገናኘቱ ነዳጅ በቧንቧ ከተቀበለ በኋላ በባቡርና በጭነት መኪኖች ወደ አገር ውስጥ ለማሰራጨት የሚያስችል ነው።

ፕሮጀክቱ በመጪዎቹ ሁለት አመታት እንደሚጠናቀቅም ነው የኢትዮጵያ ኢንቨስትመንት ሆልዲንግስ (EIH) ዋና ሥራ አስፈጻሚ ዶክተር ብሩክ ታዬ የገለጹት።

​ጠቅላይ ሚኒስትር ዐቢይ አህመድ ለፕሮጀክቱ የፋይናንስ ድጋፍ ላደረጉት ለአፍሪካ ኤክስፖርት-ኢምፖርት ባንክ (Afreximbank) ፕሬዝዳንት ዶክተር ጆርጅ ኤሎምቢ ምስጋና አቅርበዋል።

@TikvahethMagazine

የፌዴራል ቴክኒክና ሙያ ስልጠና ኢንስቲትዩት የዚህ ዓመት የምዝገባ መርሐግብር እስከ መስከረም 25/2019 ዓ.ም ድረስ ይቀጥላል፡፡ - ኢንስቲትዩቱ

የኢንስቲትዩቱ የመረጃ ሳምንት ከመስከረም 14/2019 ዓ.ም ጀምሮ ለጎብኚዎች ክፍት የሆነ ሲሆን፣ ኢንስቲትዩቱ ከመጀመሪያ እስከ 3ኛ ዲግሪ የሚሰጣቸውን የስልጠና መስኮች እያስተዋወቀ ነው።

ኢንሰቲትዩቱ አዳዲስ ሰልጣኞችን ለቅድመ-ምረቃ እና ለድኅረ-ምረቃ ፕሮግራሞች እየመዘገበ መሆኑን ገልጿል፡፡

ኢንስቲትዩቱ ከናይጄሪያ እና ከቻይና መንግሥት ጋር በመሆን የጥምር ትምህርት ፕሮግራም በመስጠት ላይ የሚገኝ ሲሆን፣ ከጎረቤት አገራት የመጡ 300 ተማሪዎችን ተቀብሎ በማሠልጠን ላይ እንደሚገኝ ተገልጿል።

@tikvahuniversity

ዛሬ የሚደረጉ ጨዋታዎች

የአውሮፓ ኔሽንስ ሊግ

01:00 | ጆርጂያ ከ ሰሜን አየርላንድ
01:00 | አርሜንያ ከ ላቲቪያ
03:45 | ጣልያን ከ ቤልጂየም
03:45 | ቱርክ ከ ፈረንሳይ
03:45 | ሃንጋሪ ከ ዩክሬን
03:45 | ፖላንድ ከ ቦስኒያ እና ሄርዞጎቪና
03:45 | ሲዊደን ከ ሮማኒያ
03:45 | ሞንቴኔግሮ ከ ሳይፕረስ

🌍 የአፍሪካ ዋንጫ ማጣሪያ

10:00 | ሞዛምቢክ ከ ሴኔጋል
10:00 | ታንዛኒያ ከ ጊኒ ቢሳው
12:00 | ኒጀር ከ ሌሶቶ
01:00 | ጋምቢያ ከ ሶማሊያ
01:00 | ማላዊ ከ ደቡብ ሱዳን
01:00 | ናይጄሪያ ከ ማዳጋስካር
01:00 | ሩዋንዳ ከ ላይቤሪያ
01:00 | ሱዳን ከ ኢትዮጵያ
01:00 | ቶጎ ከ ቡሩንዲ
04:00 | አልጄሪያ ከ ዛምቢያ
04:00 | ቡርኪና ፋሶ ከ ቤኒን
04:00 | ግብፅ ከ አንጎላ
04:00 | ማሊ ከ ኬፕ ቨርዴ
04:00 | ሞሮኮ ከ ጋቦን

@Bisrat_Sport_433et @Bisrat_Sport_433et

በኢትዮጵያ የአሜሪካ አምባሳደር ኤርቪን ማሲንጋ የህወሓት አመራሮች ጥቃት በመክፈታቸው ማዘናቸውን ገለጹ
#fastmereja I ​በኢትዮጵያ የአሜሪካ አምባሳደር ኤርቪን ማሲንጋ በህወሓት (TPLF) አመራሮች የተወሰደውን ውሳኔና የተከፈተውን ሰፊ ወታደራዊ ጥቃት በመቃወም መግለጫ አውጥተዋል። አምባሳደሩ በአዲሱ መግለጫቸው፣ በአሜሪካ ማዕቀብ የተጣለባቸው የህወሓት አመራሮች ሰፊ ጥቃት ለመሰንዘር የወሰዱት ውሳኔ አሳዛኝ እና የተሳሳተ እርምጃ መሆኑን ጠቅሰው፤ የቀድሞ የናይጄሪያ ፕሬዝዳንት ኦሉሴጉን ኦባሳንጆ ባመቻቹት የአፍሪካ ኅብረት የሰላም ውይይት ከመሳተፍ ይልቅ ወደ ማሸነፍ ወደማይቻል አላስፈላጊ ግጭት መግባት ለህዝቡ ምንም ዓይነት ጥቅም እንደማያመጣ አስገንዝበዋል ሲል በኢትዮጵያ የአሜሪካ ኤምባሲ ዘግቧል።

​አምባሳደር ማሲንጋ አክለውም ሌሎች ታጣቂ ቡድኖችም ተመሳሳይ አጥፊ መንገዶችን ከመከተል እንዲቆጠቡ መክረዋል። አሜሪካ ኢትዮጵያን ወደተሳሳተ እና አጥፊ መንገድ የሚገፉ ተጨማሪ አመራሮች ላይ ማዕቀብ የመጣል አማራጮችና መሳሪያዎች ያሏት ቢሆንም፣ አሁንም ቢሆን የከረረውን ችግር ለመፍታት ብቸኛው እና ትክክለኛው መንገድ ምክንያታዊ የፖለቲካ ውይይት ማድረግ እንደሆነ የሚያምኑ መሆኑን አምባሳደሩ ባወጡት ይፋዊ መግለጫ ላይ አጽንኦት ሰጥተው ገልጸዋል።

የአፍሪካ ኅብረት በሰሜን ኢትዮጵያ ባጋጠመው ውጥረት አፋጣኝ ንግግር እንዲጀመር ጥሪ አቀረበ
#fastmereja I ​የአፍሪካ ኅብረት ኮሚሽን ሊቀመንበር ማህሙድ አሊ የሱፍ በሰሜን ኢትዮጵያ ባሉ አካባቢዎች ዳግም እያየለ በመጣው ውጥረት እና ወታደራዊ እንቅስቃሴ ጥልቅ ስጋታቸውን ገልጸዋል። ሊቀመንበሩ ይፋ ባደረጉት ጋዜጣዊ መግለጫ፤ የህወሓት ኃይሎች የመቀሌ፣ የአክሱምና የሽሬ አየር ማረፊያዎችን መቆጣጠራቸውን፣ የፌደራል አካላትን ማሰራቸውን እና የሲቪል አቪዬሽን አገልግሎቶችን ማስተጓጎላቸውን አውግዘዋል። በተጨማሪም በደቡብ ትግራይ እና በአፋር ክልል አዋሳኝ ቦታዎች ላይ እያየለ የመጣው ግጭት እንዲሁም አዳዲስ የፖለቲካ እና ወታደራዊ ጥምረቶች መፈጠር ቀጠናውን የበለጠ እንዳያደፈርሰው ስጋት ፈጥሯል ተብሏል።

​ሊቀመንበሩ አክለውም በኖቬምበር 2022 እ.ኤ.አ በፕሪቶሪያ በኢትዮጵያ መንግሥት እና በህወሓት መካከል የተፈረመው ዘላቂ የተኩስ ማቆም ስምምነት ለሀገሪቱ ሰላምና መረጋጋት ብቸኛው መሰረት መሆኑን ገልጸዋል። የሲቪል አየር ማረፊያዎችን በኃይል መቆጣጠር ከፕሪቶሪያው ስምምነት መርሆች ጋር የሚቃረን እና የተገኙትን የሰላም ፍሬዎች የሚያበላሽ በመሆኑ፣ ወገኖች ሁሉ ከማንኛውም ውጥረትን ከሚጨምሩ እንቅስቃሴዎች ታቅበው በስምምነቱ ማዕቀፍ ውስጥ አፋጣኝ የቀጥታ ውይይት እንዲጀምሩ ጥሪ አቅርበዋል።

​በተጨማሪም የአፍሪካ ኅብረት ኮሚሽን የኢትዮጵያ ጎረቤት ሀገራት ውጥረቱን ከሚያባብሱ እርምጃዎች በመቆጠብ ለሰላምና ውይይት ድጋፍ እንዲያደርጉ የጠየቀ ሲሆን፤ የቀድሞ የናይጄሪያ ፕሬዝዳንት እና የአፍሪካ ኅብረት የቀድሞ የአፍሪካ ቀንድ ልዩ መልዕክተኛ ኦሉሴጉን ኦባሳንጆ አፋጣኝ የዲፕሎማሲ ጥረት በማድረግ ወገኖችን ወደ ውይይት እንዲመልሱ ጥሪ ማቅረባቸውን የአፍሪካ ኅብረት የመረጃና ኮሙኒኬሽን ዳይሬክቶሬት ይፋ ያደረገው መግለጫ ያመለክታል።

የጥገና ሥራ ለማከናወን የሚቋረጥ የኃይል አቅርቦት

ነገ መስከረም 14 ቀን 2019 ዓ.ም የጥገና ሥራ ለማከናወን የኃይል አቅርቦት የሚቋረጥባቸው አካባቢዎች፡-

✅ከጠዋቱ 2፡00-10፡30

👉🏽ባሻ ወልዴ ኮንዶሚኒየም፣ አራዳ ፓርክ ፊት ለፊት ፣ ብርሀንና ሰላም ማተሚያ ፣ ቅድስተ ማርያም፣ ቱሪስት ሆቴል፣ ኢኖቬሽን ሚኒስተር ፣ ወዳጅነት ፓርክ ፣ ሸራተን አንባሳደር ፣ ዘውዲቱ ሆስፒታል፣ ጋንዲ ሆስፒታል፣ ኮሜርስ ፣ ለገሀር እና አካባቢው፣

👉🏽ግብፅ ኤምባሲ፣ 6 ኪሎ ዩኒቨርስቲ፣ የካቲት 12 ሆስፒታል፣ ኤፍቢ ግቢ፣ ናይጄሪያ ኤምባሲ፣ 20 ቀበሌ ፣ አፍንጮ በር ፣ቀጨኔ ጉቶ ሜዳ ፣ ቤላ ኮሪያ ሰፈር ( ቤላ 05 ) ፣ ጃንሜዳ ፣ ጃንሜዳ መከላከያ እና አካባቢው

👉🏽ጉሙሩክ ፣ ቅመማ ቅመም ፣ ነጋ ቦንገር ፣ አደይ አበባ በከፊል ፣ ሳሪስ አዲስ ሰፈር በከፊል እና አካባቢው፣

✅ከረፋዱ 5:00-ቀን 8:00

👉ማዕድን ሚንስቴር ፣ላምበረት መናኸሪያ እና አካባቢው፣

✅ከጠዋቱ 3፡00-6፡00

👉🏽አርባምንጭ፣ቦንቄ፣ ዘጊቲ፣ ጋቾባባ እና አካባቢው፣

✅ከጠዋቱ 2:00-10:00

👉🏽ባህርዳር አባይማዶ፣ ማራኪ 120 ካሬዎች፣ ማራኪ ቀበሌ ቢሮ፣ ማራኪ ቀበሌ ፖሊስ ጣቢያ እና አካባቢው የኃይል አቅርቦት ይቋረጣል ፡፡

ስለሆነም በአካባቢው የምትገኙ ክቡራን ደንበኞቻችን ይህንኑ በመገንዘብ አስፈላጊውን ቅድመ ዝግጅት እንድታደርጉ በአክብሮት እናሳውቃለን፡፡
#የኢትዮጵያኤሌክትሪክአገልግሎት

ናይጄሪያ በሮቦት የተደገፈ የመጀመሪያውን ቀዶ ሕክምና አከናወነች

የናይጄሪያ የሕክምና ባለሙያዎች በካንሰር የተጠቃን ኩላሊት በሩቅ ሆኖ በሮቦት እርዳታ በስኬት በማስወጣት አዲስ ታሪክ አስመዝግበዋል። ይህ እመርታ በሀገሪቱ የሕክምና እድገት ላይ ትልቅ ምዕራፍ ከፍቷል።

የሕክምና ባለሙያዎቹ እንደገለጹት፤ የቦታ ርቀት ሰዎች ደህንነቱ የተጠበቀ ሕክምና የማግኘት መብታቸውን ሊከለክላቸው አይገባም። ይህ አዲስ ቴክኖሎጂ ህሙማን ጥራት ያለው ሕክምና ለማግኘት ወደ ውጭ ሀገር የሚያደርጉትን ጉዞ በእጅጉ ይቀንሰዋል።

ይህን ስኬት ለማስቀጠልም በሚቀጥሉት ሁለት ዓመታት ውስጥ 150 የሕክምና ባለሙያዎችን የሚያሰለጥን አዲስ የሮቦቲክ አካዳሚ እንደሚቋቋም ተነግሯል።

Seledadotio
Seledadotio

አፍሪካውያን ቻይናውያን ነጋዴዎች ይውጡልን እያሉ ነው
#ethiopia | ​በናይጄሪያ ሌጎስ የንግድ ማዕከል የሚሰሩ የሀገር ውስጥ ነጋዴዎች፣ ቻይናውያን ነጋዴዎች በችርቻሮ ንግድ ዘርፍ ውስጥ ገብተው በቀጥታ ለደንበኞች ዝቅተኛ በሆነ ዋጋ እቃዎችን ማቅረባቸውን በመቃወም አደባባይ ወጥተዋል።

ነጋዴዎቹ "ቻይናውያን ለቀው ይውጡ" የሚሉ መፈክሮችን በማንገብ ያካሄዱት ተቃውሞ የፖሊስን ትኩረት የሳበ ሲሆን የናይጄሪያ ባለስልጣናት ደግሞ የተቃውሞው አስተባባሪዎች ለእስር ሊዳረጉ እንደሚችሉ አስጠነቅቀዋል።

​ይህ በቻይናውያን ነጋዴዎች እና በሀገር ውስጥ ስራ ፈጣሪዎች መካከል የተነሳው የንግድ ውድድር ስጋት በናይጄሪያ ብቻ የተወሰነ አይደለም።

መሰል ቅሬታዎች እንደ ጋና እና ኡጋንዳ ባሉ ሌሎች የአፍሪካ ሀገራትም እየተስተዋሉ ይገኛሉ። የኬንያው ፕሬዝዳንት ዊሊያም ሩቶም በቅርቡ ባደረጉት ንግግር፣ ቻይናውያንን ጨምሮ የውጭ ሀገር ዜጎች በጎዳና ላይ ንግድ እና በትንንሽ የችርቻሮ ዘርፎች ውስጥ ገብተው ከሀገር ውስጥ ዜጎች ጋር መፎካከር እንደሌለባቸው ገልጸው ነበር።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

የአፍሪካ ትልቁ የነዳጅ ማጣሪያ ለሕዝብ ባለቤትነት ክፍት ሆነ

ናይጄሪያዊው የኢንዱስትሪ ባለቤት አልኮ ዳንጎቴ ከየአህጉሩ በሚሰበሰቡ የግል ኢንቨስተሮች 1.6 ቢሊዮን ዶላር ለማሰባሰብ ባቀደውና የአፍሪካ ትልቁ የመጀመሪያ ደረጃ የአክሲዮን ሽያጭ (IPO) በሆነው መርሃ ግብር፣ የነዳጅ ማጣሪያውን ለሕዝብ ባለቤትነት ክፍት ማድረጉን ሰኞ ዕለት አስታውቋል።

የአፍሪካ ቁጥር አንድ ባለሀብት የሆኑት ዳንጎቴ የአክሲዮን ሽያጩን «የሕዝብ» ሲሉ የጠሩት ሲሆን፣ እያንዳንዱ ዜጋ የድርሻው ባለቤት እንዲሆን እንደሚፈልጉ ተናግረዋል።

የግል ኢንቨስተሮች በሌጎስ በሚገኘው በዚህ ሰፊ የማጣሪያ ተቋም ውስጥ አነስተኛው የኢንቨስትመንት መጠን የሆነውን የ10 አክሲዮኖች ጥቅል በ5,250 ናይራ ($4) መግዛት ይችላሉ።

ዳንጎቴ የአፍሪካ ትልቅ በሆነው በዚህ የነዳጅ ማጣሪያ ውስጥ የ87 በመቶ ባለቤትነቱን ይዞ ይቆያል።

Seledadotio
Seledadotio

ድምጻዊት ቬሮኒካ አዳነ ለትልቁ ህልሟ ስትል
መኖሪያ ቤቷን በባንክ ማስያዟን ገለጸች

ታዋቂዋ ድምጻዊት ቬሮኒካ አዳነ በአዲስ አበባ ከተማ ትልቅ የሙዚቃ ኮንሰርት የማዘጋጀት ህልሟን  ለማሳካት መኖሪያ ቤቷን በባንክ ማስያዟን በማህበራዊ ገጿ አስታወቀች። ላለፉት ሦስት ዓመታት በሀገር ውስጥ ኮንሰርቶችም ሆነ ክለቦች ውስጥ ሳትታይ የቆየችው ድምጻዊቷ፣ ከ20 በላይ ከሚሆኑ ፕሮሞተሮች ጋር ብታወራም የኮንሰርቱ ወጪ ከፍተኛ በመሆኑ አብረዋት ለመስራት ሳይችሉ መቅረታቸውን ገልጻለች።

በዚህም ምክንያት ህልሟን እውን ማድረግ የምትችለው ራሷ ብቻ መሆኑን በመረዳት «መጠሪያዬ ቱር» የተሰኘውን ታላቅ ኮንሰርት በራሷ ወጪ ለማዘጋጀት ወስና ቤቷን በባንክ አስይዛለች። ከአዲሱ አልበሟ ዝግጅት ጋር ተያይዞ ሀብቷ ሙሉ በሙሉ ስራ ላይ በመዋሉ ይህን ውሳኔ ማሳለፏን የገለጸች ሲሆን፣ ለዚህ ስኬትም ከቡድኗ ጋር በመሆን ከፍተኛ ዋጋ መክፈላቸውን አብራርታለች።

ይህ በዓለም አቀፍ ደረጃ የሚዘጋጀው ኮንሰርት ከአሜሪካና ከናይጄሪያ ከተወጣጡ ባለሙያዎች ጋር በመተባበር የሚከናወን ሲሆን፣ በህልሟ ላይ የተሳለቁትን አፍ የሚያስይዝ ስራ እንደምታቀርብም ተናግራለች። «ለህልም ዋጋ ቢከፈል አያግደውም» ያለችው ቬሮኒካ፣ ታላቁን የሙዚቃ ኮንሰርት በ2019 ዓ.ም እንደምታቀርብ ገልጻለች።

Seledadotio
Seledadotio

(ዘ-ሐበሻ ዜና) የኦሮሞ ነፃነት ሠራዊት (በመንግሥት አጠራር ኦነግ ሸኔ) በኦሮሚያ ክልል ውስጥ በማዕድን ማውጣት እና የተፈጥሮ ሀብት ብዝበዛ ዘርፍ ለተሰማሩ የውጭም ሆነ የሀገር ውስጥ ኩባንያዎች "አስቸኳይ" ያለውን ጥብቅ ማስጠንቀቂያ አውጥቷል። ቡድኑ በማኅበራዊ ትስስር ገጹ ባሰራጨው ይፋዊ መግለጫ፣ ከዚህ በኋላ በክልሉ ውስጥ የሚደረጉ ማናቸውም የማዕድን ማውጣት እንቅስቃሴዎች አዲስ በተቀመጡ አስገዳጅ መስፈርቶች ላይ የተመሰረቱ መሆን እንዳለባቸው አስታውቋል።
በመግለጫው መሰረት ኩባንያዎቹ ሊያሟሏቸው የሚገቡ ሁለት ዋና ዋና ቅድመ ሁኔታዎች ተቀምጠዋል።

አንደኛው በክልሉ የሚንቀሳቀስ ማንኛውም ተቋም የአካባቢው ማኅበረሰብ በፕሮጀክቶቹ ውስጥ በቀጥታ ስለሚሳተፍበት እና ተጠቃሚ ስለሚሆንበት መንገድ ግልጽ እና ሁሉን አቀፍ ውይይት ማድረግ አለበት የሚል ነው። ምንም ዓይነት የማዕድን ማውጣት ስራ ይህንን የሕዝብ ተጠቃሚነት ስምምነት ሳያሟላ መጀመር እንደማይችል ተገልጿል። ሁለተኛው ደግሞ፣ ለማዕድን ቁፋሮው የሚያስፈልጉ የአካባቢ ጥበቃ መስፈርቶች በማንኛውም የሥራ ደረጃ ላይ ጥብቅ በሆነ እና ሊረጋገጥ በሚችል መልኩ ተግባራዊ መደረግ አለባቸው የሚል ነው። መግለጫው አክሎም፣ እነዚህ የአካባቢ ጥበቃ መስፈርቶች በፍጹም ለድርድር የማይቀርቡ መሆናቸውን አጽንኦት ሰጥቶ ገልጿል።

ቡድኑ እነዚህን ቅድመ ሁኔታዎች በማያሟሉ እና ትዕዛዙን ወደ ጎን በሚሉ ኩባንያዎች ላይ ለሚደርሰው ማንኛውም ነገር ሙሉ ኃላፊነት እንደሚወስዱና ከባድ እርምጃ እንደሚወስድ ዝቷል። ለዚህም በማሳያነት በምዕራብ ኦሮሚያ የሚገኘውን እና በጸጥታ ችግር ምክንያት በተደጋጋሚ ስራ ያቆመውን፣ እንዲሁም ሠራተኞቹ ጥቃት ሲደርስባቸው የነበረውን የግዙፉን የቱሉ ካፒ የወርቅ ማዕድን ፕሮጀክት እጣ ፈንታ እንደ ምሳሌ ጠቅሷል።

ይህ የኦሮሞ ነፃነት ሠራዊት ማስጠንቀቂያ፣ በታጠቁ ኃይሎች እና በመንግሥት መካከል ያለው ጦርነት ከፖለቲካዊ እና ወታደራዊ ፍልሚያ አልፎ ወደ ኢኮኖሚያዊ ማዕቀብ መሸጋገሩን ያሳያል። ታጣቂ ቡድኖች የውጭ ኢንቨስትመንቶችን እና የተፈጥሮ ሀብት ማውጫ ስፍራዎችን ኢላማ ማድረግ በዓለም አቀፍ ደረጃ የተለመደ የጦርነት ስትራቴጂ ነው። ለምሳሌ በዲሞክራቲክ ሪፐብሊክ ኮንጎ የሚገኙ ታጣቂዎች በማዕድን ማውጫዎች ላይ፣ ወይም በናይጄሪያ የኒጀር ዴልታ አማጺያን በነዳጅ ኩባንያዎች ላይ የሚያደርሱት ጫና ከመንግሥት ጋር ለመደራደር ወይም መንግሥትን ኢኮኖሚያዊ ደም ለማስለቀስ የሚጠቀሙበት ዋነኛ ስልት ነው። የዚህ ማስጠንቀቂያ ዋነኛ መዋቅራዊ ትርጉምም፣ ኢትዮጵያ በከፍተኛ የውጭ ምንዛሪ እጥረት በምትሰቃይበት እና የውጭ ቀጥታ ኢንቨስትመንት በምትሻበት በዚህ ወቅት፣ ዓለም አቀፍ የማዕድን ኩባንያዎች በጸጥታ ስጋት ምክንያት ኢንቨስትመንታቸውን እንዲያሽሹ የሚያደርግ ከባድ የስነ-ልቦና እና የተግባር ጫና መፍጠር ነው።

ከመቅደስ ጀርባ ያለው የጨለማ ገበያ፡

የኔልሰን ሳምቦኮ እና የፓስተሮቹ የመንፈሳዊ ማጭበርበር ሚስጥር

በናይሮቢ ኬንያ የሚኖረውና ቀደም ሲል በሉሲፈሪያን የጨለማ አስማትና መተት ውስጥ ለዓመታት ሲሰራ የነበረው ኔልሰን ሳምቦኮ፣ በቅርቡ ይፋ ያደረጋቸው ምስጢሮች በአለም አቀፍ ደረጃ አፍ የሚያስከፍቱ እና "ወይ ጉድ!" የሚያስብሉ ናቸው።

ኔልሰን እንደሚናገረው ከሆነ፣ ስማቸው በትልልቅ መድረኮች በሚጠሩ እና በሺዎች በሚቆጠሩ ተከታዮቻቸው በሚመለኩ ታዋቂ ነቢያት እና ፓስተሮች ጀርባ የነበረው ዋና የሃይል ምንጭ መጽሐፍ ቅዱሳዊ ጸሎት ሳይሆን፣ እሱ ከጨለማው ዓለም እያዘጋጀ የሚሸጥላቸው እቃ እና የተደገመባቸው አስማቶች ነበሩ።

አንድ ፓስተር ወደ እሱ ሲመጣ የመጀመሪያው ነገር "የሰው አእምሮ የመቆጣጠር እና የመሳብ" (Mind Control) ሀይል መጠየቅ ነው። ኔልሰን እነዚህን አገልጋዮች ነን ባዮች እንዴት ህዝቡን እንደሚያታልሉ ሲያጋልጥ፣ በየቤተክርስቲያኑ "የተፀለየበት" ተብለው በውድ ዋጋ የሚሸጡ ቁሳቁሶች ሙሉ በሙሉ በእኩይ ድግምት የታሸጉ እንደነበሩ ይናገራል።

እያንዳንዱ እቃ እንዴት ለደብቅ አላማ እና ሰዎችን በስሜት ባሪያ ለማድረግ እንደዋለ ኔልሰን ሚስጥሩን እንደሚከተለው ይተረክበታል፡

የተፀለየበት ዘይት እና ውሃ (Hypnotic Anointing Oil & Water)

ምእመናን በሽታ ይፈውሳል ወይም በረከት ያመጣል ብለው በየቀኑ የሚቀቡትና የሚጠጡት ዘይትና ውሃ፣ በእውነቱ አእምሮን የሚያደነዝዝ እና የመታዘዝ ስሜት የሚፈጥርበት ድግምት ይደረግበታል።

ኔልሰን እንደሚለው፣ ዘይቱ የተወሰነ የመተት ድብልቅ ከተቀላቀለበት በኋላ ፓስተሩ በሰውነት ወይም በግንባር ላይ ሲቀባው፣ ግለሰቡ ለአገልግሎቱ ሙሉ በሙሉ እጅ እንዲሰጥ፣ ያየውን ተአምር ሁሉ ሳያወጣ አምኖ እንዲቀበል እና ገንዘቡን ያለ ምንም ጥያቄ እንዲያፈስ ያደርገዋል።

የተፀለየበት ጨው (The Binding Salt)

በብዙ ጉባኤዎች ላይ "የእርግማን መስበሪያ" ተብሎ የሚበተነው ወይም የሚሰጠው ጨው ሌላው ትልቅ የማታለያ መሳሪያ ነበር። ኔልሰን እንደሚያስረዳው፣ ይህ ጨው በቤተክርስቲያኑ መግቢያ ላይ ወይም በምእመናን ቤት እንዲበተን ይደረጋል።

ዋና አላማውም የሰዎችን የጸሎት እና የመንፈስ ንቃት ማደንዘዝ፣ ከዛም አልፎ አእምሯቸው ስለ ፓስተሩ ብቻ እንዲያስብ እና ከቤተክርስቲያኑ ፈጽመው እንዳይወጡ አድርጎ በካቴና ማሰር ነው።

የተፀለየበት ማር (The Sweet Deception / Honey)

በአገልግሎት መድረክ ላይ ማር ተባርኮ ለሰዎች ሲታደል፣ ተከታዮቹ "የህይወት ጣፋጭነት" ይመጣል ብለው ያስባሉ። ኔልሰን ግን እውነቱን ሲያጋልጥ "ወይ ጉድ" ያሰኛል።

ማሩ የሚዘጋጀው የፓስተሩን ቃል እና ንግግር በሰዎች ዘንድ እጅግ ተወዳጅ እና ጣፋጭ ለማድረግ ነው። ማሩን የቀመሰ ወይም የወሰደ ሰው የፓስተሩን ውሸት እና አስመሳይነት በፍጹም ማየት አይችልም፤ ይልቁንም ንግግሩ ሁሉ እንደ ማር ይጣፍጠዋል፣ ስህተቱንም እንደ ጽድቅ ይቆጥራል።

የተፀለየበት ፎጣ እና ጨርቆች (The Touch of Possession)

ፓስተሮች ከመድረክ ላይ ሆነው ሰዎችን የሚጥሉበት ወይም ላባቸውን አብሰው የሚጥሉት ፎጣ ሌላው የተደገመበት እቃ ነው። ኔልሰን እንደሚናገረው፣ እነዚህ ፎጣዎች የሰዎችን ስሜት በቅጽበት የሚያደነዝዝ የርኩስ መንፈስ አሰራር ይጫንባቸዋል። ፎጣው ሰዎችን ሲነካ በድንገት የመውደቅ፣ የመጮህ እና የመደንገጥ ስሜት ይፈጥራል።

ህዝቡ ይህን እንደ "መንፈስ ቅዱስ ሀይል" ሲቆጥረው፣ ከበስተጀርባው ግን በፎጣው አማካኝነት የተላለፈ የሳይኮሎጂ እና የጨለማ አሰራር ግፊት ነበር። ኔልሰን በቃለ መጠይቁ ላይ እንደገለጸው፣ እነዚህን የጨለማ ዘዴዎች የሚጠቀሙ በርካታ ታዋቂ አገልጋዮች አሉ።

ምንም እንኳን በህግ እና በደህንነት ስጋት ምክንያት የሁሉንም ስም ዝርዝር ባይዘረዝርም፣ በተለይም በምዕራብ እና በምስራቅ አፍሪካ (እንደ ናይጄሪያ፣ ኬንያ እና ደቡብ አፍሪካ ባሉ ሀገራት) የሚንቀሳቀሱ፣ በሺዎች የሚቆጠሩ ተከታዮች እና ግዙፍ ሜጋ-ቸርች (Mega-churches) ያላቸው ታዋቂ "ነቢያት" እና "ሐዋርያት" ወደ እሱ ይመጡ እንደነበር አረጋግጧል።

እነዚህ መሪዎች ፈጣን ዝና፣ የሰዎችን አእምሮ የመቆጣጠር አቅም እና ከፍተኛ ሀብት ለማከማቸት ሲሉ የቅርብ ዘመዶቻቸውን እና የተከታዮቻቸውን ህይወት እንደ መስዋዕትነት አሳልፈው ለመስጠት እንኳን ወደኋላ እንደማይሉ አጋልጧል።

ይህ የኔልሰን ሳምቦኮ አስደናቂ ምስክርነት፣ ሰዎች በመድረክ ላይ የሚዩትን ተአምር፣ ዘይት፣ ጨው እና ፎጣ በጭፍን ከመከተል ይልቅ እያንዳንዱን ነገር በንቃትና በምክንያት መመርመር እንዳለባቸው ትልቅ ማቂያ ደወል ሆኖ አልፏል።

(ዘ-ሐበሻ ዜና) የአሜሪካ አፍሪካ ዕዝ እንዳስታወቀው፣ የዩናይትድ ስቴትስ አየር ኃይል 'ሲ-17' ግዙፍ የጭነት አውሮፕላን በዚህ የሳምንት መጨረሻ ለናይጄሪያ አየር ኃይል ልዩ ወታደራዊ ትጥቆችን እና ቁሳቁሶችን አድርሷል። ይህ የጦር መሣሪያ ርክክብ በሁለቱ ሀገራት መካከል የተደረሰውን "የውጭ ወታደራዊ ሽያጭ ስምምነት" አካል ሲሆን፣ የአሜሪካ እና ናይጄሪያን የሁለትዮሽ አጋርነት በተግባር የሚያሳይ መሆኑ ተገልጿል። ዕዙ አክሎም፣ ይህ ወታደራዊ ድጋፍ ናይጄሪያ በቀጣናው እያካሄደች ያለውን የጸረ-ሽብርተኝነት ዘመቻ በከፍተኛ ደረጃ እንደሚያግዝ አስታውቋል።

ናይጄሪያ በምዕራብ አፍሪካ ቀጣና፣ በተለይም ቦኮ ሃራምን ከመሳሰሉ አሸባሪ ቡድኖች ጋር ሰፊ ጦርነት ውስጥ ትገኛለች። አሜሪካ ይህንን ወታደራዊ ትጥቅ ማቅረቧ፣ ዋሽንግተን በአፍሪካ ያላትን የጸጥታ እና የጂኦፖለቲካ ተጽዕኖ ለማስጠበቅ የምታደርገው ስትራቴጂካዊ ጥረት አካል ነው። በቅርቡ ከኒጀር እና ከሌሎች የሳህል ቀጣና ሀገራት ጦሯን እንድታስወጣ የተገደደችው አሜሪካ፣ አሁን ላይ ናይጄሪያን በቀጠናው ዋነኛ ወታደራዊ እና የጸጥታ አጋሯ አድርጋ ለመያዝ እየሰራች መሆኑን ይህ የጦር መሣሪያ ሽያጭ በግልጽ ያሳያል።

አሜሪካ በምዕራብ አፍሪካ ያጣችውን ወታደራዊ ተጽዕኖ በናይጄሪያ በኩል ለማካካስ ቆርጣ ተነስታለች! ይህ ወታደራዊ አጋርነት ለናይጄሪያ የጸረ-ሽብር ትግል ትልቅ አቅም የሚፈጥር ቢሆንም፣ በቀጠናው ላይ እየተካሄደ ያለውን የኃያላን ሀገራት የጂኦፖለቲካ ፉክክር ይበልጥ እንደሚያጦፈው ልብ ይሏል።

(ዘ-ሐበሻ ዜና) የአፍሪካው ቁጥር አንድ ባለጸጋ ናይጄሪያዊው አሊኮ ዳንጎቴ፣ ትልቁ ሀብታቸው የሆነውን 'ዳንጎቴ ፔትሮሊየም ሪፋይነሪ' በናይጄሪያ የአክሲዮን ገበያ ላይ በይፋ ለማቅረብ ተዘጋጅተዋል። የናይጄሪያ ሴኪዩሪቲስ ኤንድ ኤክስቼንጅ ኮሚሽን ይሁንታን ተከትሎ፣ ከመስከረም 14 እስከ ጥቅምት 13 ቀን 2026 (እ.ኤ.አ) ባለው ጊዜ ውስጥ 4.1 ቢሊዮን አክሲዮኖች ለሕዝብ ሽያጭ ይቀርባሉ። የአንዱ አክሲዮን ዋጋ 525 ናይራ (ወይም 0.40 ዶላር) ሆኖ የተቆረጠ ሲሆን፣ ከዚህ ሽያጭም 1.6 ቢሊዮን ዶላር ለመሰብሰብ ታቅዷል። ይህ ታሪካዊ የአክሲዮን ሽያጭ፣ በናይጄሪያ ለሚገኙም ሆነ በውጭ ለሚኖሩ ባለሀብቶች፣ አጠቃላይ ግምቱ እስከ 49 ቢሊዮን ዶላር በሚደርሰው በዚህ ግዙፍ የነዳጅ ማጣሪያ ተቋም ውስጥ የባለቤትነት ድርሻ እንዲኖራቸው ብርቅዬ ዕድል ፈጥሯል።

ይህ የአክሲዮን አቅርቦት በአፍሪካ ታሪክ ትልቁ (IPO) እንደሚሆን ይጠበቃል። በቀን 650 ሺህ በርሜል ማጣራት የሚችለው እና አሁን አቅሙን እጥፍ ለማድረግ እያቀደ ያለው ይህ የ20 ቢሊዮን ዶላር ፕሮጀክት፣ የናይጄሪያን የነዳጅ ገበያ ሙሉ በሙሉ የቀየረ ነው። ይሁን እንጂ ወደ ኢንቨስትመንቱ ለሚገቡ ሰዎች ሊዘነጋ የማይገባው ትልቅ ቁምነገር አለ። ለሕዝብ የቀረበው የድርሻ መጠን የኩባንያውን 3.3 በመቶ ብቻ የሚሸፍን በመሆኑ፣ ዳንጎቴ አሁንም 84.3 በመቶ ድርሻ ይዘው የተቋሙን ሙሉ ውሳኔ ሰጪነት በእጃቸው አስቀርተዋል። በተጨማሪም ፋብሪካው በ2025 ኪሳራ አሳይቶ በ2026 የመጀመሪያ አጋማሽ ላይ ወደ ከፍተኛ ትርፍ የተሸጋገረ እንደመሆኑ መጠን፣ ኢንቨስትመንቱ የራሱ የሆኑ የገበያ ስጋቶች እንዳሉት መገንዘብ ያሻል።

አሊኮ ዳንጎቴ የአፍሪካን ትልቁን የነዳጅ ማጣሪያ ለሕዝብ ክፍት በማድረግ ታሪክ እየሰሩ ነው፤ ነገር ግን ይህ ማለት ኩባንያውን ለቀውታል ማለት አይደለም! ለሽያጭ የቀረበው እጅግ አነስተኛ የሆነው የ3.3 በመቶ ድርሻ፣ ዋናው የቁጥጥር ስልጣን ምንጊዜም በእርሳቸው እጅ እንዲቆይ ታስቦ የተቀመረ የቢዝነስ ስትራቴጂ ነው። ስለዚህ በዚህ ግዙፍ ኩባንያ ውስጥ አክሲዮን ለመግዛት ለምታስቡ ሁሉ፣ ዕድሉ ማራኪ ቢሆንም ከመግዛታችሁ በፊት መረጃዎችን በጥልቀት መመርመር እንዳለባችሁ አትዘንጉ!

(ዘ-ሐበሻ ዜና) በኦሮሚያ ክልል በተለያዩ አካባቢዎች በጸጥታ ስጋትና በምሽት የሰዓት እላፊ ገደብ ምክንያት በየከተሞቹ ለማደር የሚገደዱ የጭነት ተሽከርካሪ አሽከርካሪዎች፣ ህገ-ወጥ "የኮቴ ክፍያ" እንዲከፍሉ እየተገደዱ መሆኑ ተሰምቷል። አሽከርካሪዎቹ እንደሚያነሱት ከጅቡቲ እና ከሌሎችም አካባቢዎች እቃ ጭነው የሚመጡ ባለ ተሳቢ ከባድ ተሽከርካሪዎች ለአንድ አዳር 1 ሺሕ 200 ብር ለመክፈል ይገደዳሉ። እንዲሁም ገልባጭ ሲኖትራክና በተለምዶ "ካሶኒ" ተብለው የሚጠሩ ከባድ ተሽከርካሪዎች 800 ብር፣ ኤፍ ኤስ አር (FSR) 700 ብር፣ የጭነት አይሱዙዎች ደግሞ 500 ብር የኮቴ ክፍያ እንዲከፍሉ ግዳጅ ተጥሎባቸዋል።

ይህ ጉዳይ የአሽከርካሪዎች ምሬት ብቻ አይደለም፤ በሀገር ኢኮኖሚ ላይ የተጠመደ የሰዓት ቦምብ ነው። አሽከርካሪዎች በመንገድ ላይ የሚከፍሉት እያንዳንዱ ህገ-ወጥ ክፍያ በመጨረሻ የሚጫነው በሸማቹ ላይ በመሆኑ፣ ለኑሮ ውድነት መባባስ ቀጥተኛ ምክንያት ነው።

በዓለም አቀፍ ደረጃ ታሪክን ስንመረምር በመንገድ ትራንስፖርት ላይ የሚደረግ እንዲህ ዓይነት ያልተገባ ብዝበዛ መንግስታትን ክፉኛ አናውጧል። ለምሳሌ እ.ኤ.አ. በ2018 በብራዚል የጭነት መኪና አሽከርካሪዎች በነዳጅ ዋጋ እና በህገ-ወጥ የኬላ/የመንገድ ክፍያዎች ምክንያት ያደረጉት ሀገር አቀፍ የስራ ማቆም አድማ፣ የሀገሪቱን ኢኮኖሚ ሽባ ከማድረጉም በላይ የሚሼል ቴመርን መንግስት ህልውና እስከመፈታተን ደርሶ ነበር። በናይጄሪያም በኬላዎች ላይ በፖሊስና በታጠቁ ኃይሎች የሚፈጸም ህገ-ወጥ የገንዘብ ዝርፊያ ታላላቅ ሀገር አቀፍ ተቃውሞዎችን አስነስቷል። የትራንስፖርት እና የንግድ መስመሮች በህገ-ወጥ "ቀረጥ" ሰብሳቢዎች እጅ መውደቅ የመንግስትን የሕግ የበላይነት የሚያሳጣ፣ የዜጎችን አመኔታ የሚሸረሽርና አደገኛ የፖለቲካ ቀውስ የሚጋብዝ ነው።

መንግስት የንግድ እና የትራንስፖርት መስመሮቹን ደህንነት ማስጠበቅ ካልቻለ፣ እየፈጠረ ያለው የኢኮኖሚ ቀውስ ብቻ ሳይሆን የፖለቲካ ማዕበልም ጭምር ነው! ህገ-ወጥ "የኮቴ" ሰብሳቢዎችን ዝም ማለት፣ የኑሮ ውድነትን በይፋ መፍቀድ እና የመንግስትን ስልጣን ለጎዳና ኃይሎች አሳልፎ መስጠት ነው። ትራንስፖርት የሀገር ደም ስር በመሆኑ፣ መንግስት የነፃ ንግድ ዝውውርን በማረጋገጥ በአስቸኳይ ህግ ሊያስከብር ይገባል!

ባለሃብቱ በወንድ መራቢያ ክፍል መጠን ማስጨመር ህክምና ህይወቱ አለፈ
#ethiopia | ​በማህበራዊ ሚዲያ በቅንጡ አኗኗሩና በስራ ፈጣሪነቱ የሚታወቀው የ 43 ዓመቱ ብሪታንያዊ-ናይጄሪያዊ ባለሀብት አይጎ "ታይኒ" ኡቢሪቦ በታይላንድ ያደረገው የወንድ ብልት መጠን ማሳደጊያ ህክምና ለሞት ዳርጎታል።

የሬሳ ምርመራ እና የለንደን ፍርድ ቤት መረጃዎች አይጎ ከባለቤቱ ጋር ወደ ታይላንድ ባደረገው ጉዞ ወቅት በክሊኒክ ውስጥ 40 ሚሊሊተር የሚሆን የሃያሉሮኒክ አሲድ እና የሊዶካይን መርፌ ተወግቶ ነበር።

ህክምናው ከተጠናቀቀ በኋላ በሰውነቱ ውስጥ የተሰራጨው ንጥረ ነገር ወደ ሳንባው ደም መላሾች በመግባት የሳንባ ደም መዘጋት በማስከተሉ ህይወቱ ልትያልፍ ችላለች።

​የህክምና ባለሙያዎች እንደሚናገሩት መሰል ያልተረጋገጡ ህክምናዎች ከባድ የጎንዮሽ ጉዳቶችና እስከ ህይወት ማጣት የሚያደርስ ከፍተኛ የጤና ስጋት አላቸው።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu