" በዚህ አስቸጋሪ ወቅት ኢትዮጵያ ራሷን ከመከላከል በቀር ሌላ አማራጭ የላትም " - ጌዲዮን ጤሞቲዮስ (ዶ/ር)

👉 " ሁለቱን አገራት በእኩል ሚዛን ለማስቀመጥ የሚሞክር ማንኛውም አቋም ለአፍሪካ ቀንድ ሰላም እና ደኅንነት አይጠቅምም ! "

ኢትዮጵያ በኤርትራ ወረራ እንደተፈጸመባት እና ራሷን ከመከላከል ውጪ ሌላ አማራጭ እንደሌላት በመግለጽ ለተባበሩት መንግሥታት ድርጅት (UN) በደብዳቤ አሳወቀች።

የውጭ ጉዳይ ሚኒስትር ጌዲዮን ጤሞቲዮስ (ዶ/ር) ወቅታዊ ሁኔታዎችን በተመለከተ ለመንግሥታቱ ድርጅት የፀጥታ ጥበቃ ምክር ቤት አባላት ደብዳቤ መጻፋቸውን ቢቢሲ ዘግቧል።

በዚህም ደብዳቤ፤ የኤርትራ ሠራዊት ድንበር አልፎ ወደ ኢትዮጵያ ግዛት መግባቱን ገልጸዋል።

ኢትዮጵያ በሁለት የተለያዩ ጊዜያት ለፀጥታው ም/ቤት አባላት በላከችው ደብዳቤ " ኤርትራ በተደጋጋሚ በፈጸመችው ጸብ አጫሪነት እና ድንበር ጥሶ የመግባት እርምጃ በኢትዮጵያ ብሔራዊ ደኅንነት ላይ አደጋ መደቀኑን " በመጥቀስ ትኩረት እንዲሰጠው መጠየቃቸውን አስታውሰዋል።

" ኤርትራ የፀብ አጫሪነት ድርጊቷን በአሁኑ ጊዜ ከፍ ወዳለ ደረጃ አሸጋግራ ሜካናይዝድ ክፍሎችን ጨምሮ ወታደሮቿን በጥልቀት ወደ ኢትዮጵያ ግዛት አሰማርታለች " ያሉት ጌዲዮን (ዶ/ር) ፥ " ይህም ሦስት የትግራይ ዞኖችን በማካተት በኢትዮጵያ ግዛት ውስጥ ከ30 አስከ 60 ኪሎ ሜትር በሚደርስ ርቀት ወደ ውስጥ ገብተዋል " ብለዋል።

ሚኒስትር ጌዲዮን የኤርትራ ድርጊት የተባበሩት መንግሥታት ድርጅት ቻርተር ውስጥ የሰፈሩትን መሠረታዊ መርሆዎች በግልጽ የሚጥስ ነው በማለት " ይህም ኢትዮጵያ ራሷን የመከላከል ሕጋዊ መብት እንድትጠቀም የሚያስገድድ ነው " ሲሉ ጽፈዋል።

ለፀጥታው ም/ቤት የጻፉት ደብዳቤ የተፈጸመውን ወረራ ለማሳወቅ ብቻ ሳይሆን ኢትዮጵያ ለምትወስደው የመከላከል እርምጃ ድጋፍ ጠይቀዋል።

" በዚህ አስቸጋሪ ወቅት ኢትዮጵያ ራሷን ከመከላከል በቀር ሌላ አማራጭ የላትም " በማለት ምክር ቤቱ ኢትዮጵያ የገጠማትን ሁኔታ በመረዳት ድጋፍ እንዲደያርግላት እና ከጎኗ እንዲቆም ጠይቀዋል።

ሚኒስትሩ፣ ኢትዮጵያ ከኤርትራ በኩል ለረዥም ጊዜ ሲፈጸሙ ለነበሩ ትንኮሳዎች በትዕግሥት እና ራስን በመቆጠብ መቆየቷን አመልክተዋል።

በመሆኑም " ሁለቱን አገራት በእኩል ሚዛን ለማስቀመጥ የሚሞክር ማንኛውም አቋም ለአፍሪካ ቀንድ ሰላም እና ደኅንነት አይጠቅምም " ብለዋል።

" ኤርትራ ወራሪ ናት፤ ኢትዮጵያ ደግሞ የወረራ ሰለባ ናት። ኤርትራ የኢትዮጵያን ሉዓላዊነት እና የግዛት አንድነት እየጣሰች ነው " ሲሉም አሳውቀዋል።

ኢትዮጵያ ራሷን ከመከላከል በቀር ሌላ አማራጭ እንደሌላትም ገልጸዋል።

መስከረም 28 ቀን 2019 ዓ/ም

@tikvahethiopia ኢትዮጵያ ዓለም አቀፍ ሕግን መሠረት በማድረግ ሉዓላዊነቷ እና የግዛት አንድነቷን የመከላከልና የማስጠበቅ ሕጋዊ መብት እንዳላት አሳወቀች። የተባበሩት መንግስታት (UN) ምክትል ዋና ፀሐፊ አሚና ጄን ሙሀመድ አዲስ አበባ ይገኛሉ። ዛሬ ከውጭ ጉዳይ ሚኒስትር ጌዲዮን ጢሞቴዎስ (ዶ/ር) ጋር ተገናኝተው መክረዋል። ሚኒስትሩ፥ ኤርትራ በኢትዮጵያ ላይ እየፈጸመች ስላለው ቀጣይነት ያለው የጠብ አጫሪነት ተግባና…

አዋሽ ባንክ ከማስተር ካርድ ጋር በመተባበር አምስት አዳዲስ የክፍያ ካርዶችን ይፋ አደረገ
​ #fastmereja I ​አዋሽ ባንክ ከአለም አቀፉ የክፍያ ቴክኖሎጂ ኩባንያ ማስተርካርድ ጋር በመተባበር፣ የደንበኞችን ፍላጎት ያማከሉ አምስት አዳዲስ እና ልዩ ጥቅም የሚያስገኙ የውጭ ምንዛሬ እንዲሁም የሀገር ውስጥ የክፍያ ካርዶችን ይፋ አደረገ። ባንኩ መስከረም 28 ቀን 2019 ዓ.ም. በኢሊሊ ሆቴል ባካሄደው ይፋዊ ስነ-ስርዓት፣ አዲሶቹን የካርድ ክፍያ አማራጮች ለግል ተጠቃሚዎች እና ለድርጅት ደንበኞች አስተዋውቋል። አዲሶቹ ካርዶች የኢትዮጵያ ብሔራዊ ባንክ የውጭ ምንዛሬ ገበያን ለማሻሻል ካወጣው መመሪያ ጋር ተጣጥመው የተዘጋጁ መሆናቸው ተገልጿል።

​በዚህም መሰረት ይፋ ከተደረጉት አምስት የካርድ አይነቶች መካከል ለአለም አቀፍ ግብይት የሚያገለግሉት፡- “አዋሽ ወርልድ ኤሊት ዴቢት” (Awash World Elite Debit)፣ “አዋሽ ፕላቲነም የቅድመ ክፍያ” (Awash Platinum Prepaid)፣ “አዋሽ ጎልድ የቅድመ ክፍያ” (Awash Gold Prepaid) እና ለድርጅቶች የታለመው “አዋሽ ኮርፖሬት የቅድመ ክፍያ” (Awash Corporate Prepaid) ካርዶች ይገኙበታል። በተጨማሪም በሀገር ውስጥ በኤቲኤም (ATM) እና በPOS መሳርያዎች ላይ በንክኪ አልባ (Contactless) ቴክኖሎጂ የሚሰራው “አዋሽ ፕላስ” የዴቢት ካርድ ለተጠቃሚዎች ቀርቧል።
እነዚህ ካርዶች የውጭ ምንዛሬ ሂሳብ ላላቸውም ሆነ ለሌላቸው ዜጎች፣ ለኦንላይን (E-Commerce) ግብይት፣ ለጉዞ እና ለተለያዩ የድርጅት ወጪዎች አገልግሎት የሚሰጡ ናቸው።

​በስነ-ስርዓቱ ላይ የተገኙት የአዋሽ ባንክ ዋና ስራ አስፈፃሚ አቶ ፀሐይ ሺፈራው እንደገለጹት፤ አዲሶቹ የካርድ ምርቶች የኢትዮጵያ ብሔራዊ ባንክ በወሰደው የፋይናንስ ሪፎርም መሰረት የተዘጋጁ እና የደንበኞችን የዲጂታል ክፍያ ፍላጎት ዘመናዊ በሆነ መንገድ የሚያሟሉ ናቸው። የማስተርካርድ ምስራቅ አፍሪካ እና ህንድ ውቅያኖስ ደሴቶች ሲኒየር ምክትል ፕሬዚዳንት እና ካንትሪ ማኔጀር ሸህሪያር አሊ በበኩላቸው፣ ከአዋሽ ባንክ ጋር የተደረገው ይህ አጋርነት በኢትዮጵያ የዲጂታል ክፍያ ስነ-ምህዳርን ለማጠናከር እና አካታች የፋይናንስ አገልግሎትን ለማስፋፋት ትልቅ አስተዋፅኦ እንደሚኖረው ገልጸዋል።

​አዲሶቹ የካርድ ምርቶች ደህንነታቸው የተጠበቀ፣ ለአጠቃቀም ቀላል እና ደንበኞች በሀገር ውስጥም ሆነ በውጭ ሀገር ያሉ የዲጂታል ክፍያዎችን በቅልጥፍና እንዲፈጽሙ የሚያስችሉ መሆናቸው ተመላክቷል።

አዲሱ ካቢኔ በተቻለ መጠን አካታች እንዲሆን ተደርጓል ሲሉ ጠ/ሚ ዐብይ አህመድ ተናገሩ

መስከረም 28 ቀን 2019 ዓ.ም. (አሐዱ ሬድዮ) የህዝብ ተወካዮች ምክር ቤት በዛሬው ዕለት መደበኛ ጉባኤውን ሲያካሂድ አዳዲስ የካቢኔ ዕጩዎችን ያቀረቡት ጠቅላይ ሚኒስትር ዐብይ አህመድ የካቢኔ አባላት ሹመት በተቻለ መጠን አካታች እንዲሆን ጥረት መደረጉን ተናግረዋል።

በዚህም መሰረት ከዚህ ቀደም አንድ የካቢኔ አባል ብቻ የነበረው የትግራይ ክልል አሁን ሁለት አባላት እንዲኖሩት መደረጉን ጠቅሰዋል። በተጨማሪም በዚሁ ሹመት ለመጀመሪያ ጊዜ የሐረሪ ክልል ተወላጅ በሚኒስትር ደረጃ እንዲሾሙ መደረጉን ጠቁመዋል።

ከአካታችነት አንጻር አሁንም ያልተሟሉ ነገሮች ሊኖሩ እንደሚችሉ የገለጹት ጠቅላይ ሚኒስትሩ ሆኖም ከዚህ ቀደም ከነበረው ሁኔታ ጋር ሲነጻጸር ትልቅ መሻሻል መኖሩን ገልጸዋል።

አክለውም ሹመቱ ቅድመ ሁኔታዎችና መስፈርቶች ግምት ውስጥ የገቡበት መሆኑን ተናግረዋል።

ጠቅላይ ሚኒስትሩ ሹመታቸው ለጸደቀላቸው አዳዲስ ሚኒስትሮች መጪው የስራ ጊዜ ቀላል የሚባል እንዳልሆነ በመጠቆም በትኩረትና በትጋት እንዲሰሩ አሳስበዋል።

በተመስገን ተጋፋው

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

አንድ የኢቦላ ሞት በኬንያ መመዝገቡ አህጉራዊ ስርጭት ሊሰፋ ይችላል የሚል ስጋት ፈጠረ፡፡

በዲሞክራቲክ ሪፐብሊክ ኮንጎ የተከሰተው የኢቦላ ወረርሽኝ ወደ ጎረቤት ሀገራት ሊስፋፋ ይችላል የሚል ስጋት እያየለ መምጣቱ ተገልጿል።

በተለይም በኬንያ አንድ ሰው በኢቦላ ምክኒያት ህይወቱ በማለፉ የበሽታው ስርጭት ከታሰበው በላይ ሊሆን ይችላል የሚለውን ስጋት አባብሶታል።የዓለም ጤና ድርጅት እንዳስታወቀው በኬንያ ህይወቱ ያለፈው ሰው ኢቦላ ከተከሰተበት የዲሞክራቲክ ሪፐብሊክ ኮንጎ መነሻውን ያደረገ ሲሆን ግለሰቡ በየብስ ወደ ዩጋንዳ ከተጓዘ በኋላ በአውሮፕላን ወደ ኬንያ ናይሮቢ መግባቱ ተገልጿል።

ይህ ሁኔታ ቫይረሱ በሰዎች እንቅስቃሴ ከአንድ ሀገር ወደ ሌላ ሀገር ሊሰራጭ የሚችልበትን አደጋ ከፍ አድርጎታል። በተጨማሪም ከወረርሽኙ ነፃ መሆኗን ያስታወቀችው ዩጋንዳ በእርግጥ ከበሽታው ነፃ መሆኗን በተመለከተም ጥያቄ አስነስቷል።የኢቦላ ወረርሽኙ ከዲሞክራቲክ ሪፐብሊክ ኮንጎ ተነስቶ በአካባቢው በመስፋፋት ከፍተኛ የሰው ህይወት እንዲጠፋ ማድረጉን የዓለም ጤና ድርጅት መረጃ ያመለክታል። በወረርሽኙ ቢያንስ 4 ሺህ 148 ሰዎች ህይወታቸውን ሲያጡ 8 ሺህ 300 በላይ የተጠረጠሩ የበሽታው ተጠቂዎችም ተመዝግበዋል።

የበሽታው ወረርሽኝ ወደ ዩጋንዳም ተሻግሮ የነበረ ሲሆን በሀገሪቱ 20 የሚጠጉ ታካሚዎች መመዝገባቸውን ተከትሎ በሐምሌ ወር ከኢቦላ ነፃ መሆኗ ተገልጾ ነበር። በኬንያ የተመዘገበው ሞት ግን በክልሉ ያለውን የበሽታውን ስርጭት በተመለከተ አዲስ ስጋትን ፈጥሯል።

በዚህም የተነሳ ኬንያ ከፍተኛ ተጋላጭነት ባላቸው የመግቢያ በሮች ላይ የጤና ምርመራን እያጠናከረች መሆኑን የዓለም ጤና ድርጅት ገልጿል። በተለይም ከተጠቂ አካባቢዎች የሚመጡ ሰዎችን መከታተልና የበሽታውን ምልክቶች በፍጥነት መለየት ላይ ትኩረት ተደርጓል።

የኬንያው የኢቦላ ሞት በክልሉ የበሽታውን ስርጭት በጥብቅ የመከታተል፣ የጤና ምርመራን የማጠናከርና ቫይረሱ ወደ ሌሎች ሀገራት እንዳይስፋፋ የጋራ ጥረት የማድረግ አስፈላጊነትን አጉልቶ አሳይቷል።

በትግስት ላቀው
#ዳጉ_ጆርናል Photo

ተጨባጭ መረጃ ከተገኘ ከ24 ሰዓት በኋላም የተሾሙ ሚኒስትሮችን የማንሳትና የመቀየር እርምጃ እንደሚወሰድ ጠቅላይ ሚኒስትር ዶ/ር ዐቢይ አሕመድ ገለጹ፡፡

መስከረም 28 ቀን 2019 ዓ.ም. (አሐዱ ሬድዮ) የኢፌዲሪ የሕዝብ ተወካዮች ምክር ቤት ጠቅላይ ሚኒስትር ዐቢይ አሕመድ ያቀረቡትን የሚኒስትሮች ሹመት የምክር ቤት አባላት በይፋ አፅድቋል።

በአዲሱ የካቢኔ ስብጥር ላይ የተሰጠው ሹመት ቋሚ አለመሆኑንና ከሕዝብ ተወካዮች ምክር ቤትም ሆነ ከሕዝብ ተጨባጭ መረጃዎች ከተገኙ ከ24 ሰዓት በኋላም ቢሆን የተሾሙ ሚኒስትሮችን የመቀየር እርምጃ እንደሚወሰድ ጠቅላይ ሚኒስትር ዶ/ር ዐቢይ አሕመድ በምክር ቤቱ ባደረጉት ንግግር ገልጸዋል፡፡

አዲሱ የካቢኔ ስብጥር አንድ በመቶ ሙሉ ነው ተብሎ እንደማይታመንና የሰው ልጅ የሚሰራው ስራ ክፍተት ሊኖረው እንደሚችል ያነሱት ጠቅላይ ሚኒስትሩ በየጊዜው ክፍተቶችን የማረምና የማስተካከል ስራ እንደሚሰራም ተናግረዋል።

በዚህም መሰረት ከምክር ቤቱ አባላትም ሆነ ከማኅበረሰቡ የጎደለ፣ የሚታረም ወይም ያልተገባ አዝማሚያን በተመለከተ ተጨባጭ ማስረጃዎች ከቀረቡ፣ መንግስት ወዲያውኑ ማስተካከያ ለማድረግና የተሾሙትን ሰዎች ለመቀየር ዝግጁ መሆኑን ጠቅሰዋል፡፡

አክለውም ፤አዲሶቹ የካቢኔ አባላት ስራቸውን ከጀመሩ በኋላም ቢሆን ጥብቅ ክትትልና ግምገማ እንደሚደረግባቸው እና በውጤት እና በስራ ብቻ የሚቀጥል መሆኑን አብራርተዋል።

ሚኒስትሮች በኃላፊነታቸው ውጤታማ ካልሆኑ፣ በተመደቡበት ተቋም የሚጠበቀውን ግብ ማሳካትና በአካባቢያቸው ያለውን አሰራር ፈትሸው ማስተካከል ካልቻሉ እርምጃ እንደሚወሰድባቸውና በሌሎች እንደሚተኩ አጽኖት ሰጥተውበታል፡፡

በወልደ ሐዋርያት ዘነበ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

በሚስጥር ክትትል ሲደረግባቸው ነበር

ሹም ሽሩ ዝም ብሎ አልተከናወነም ላለፉት 1 ዓመታት በሚኒስቴሮች እና በሚኒስቴት ዴኤታዎች ከፍተኛ የሆነ ሚስጥራዊ ክትትሎች ሲደረግባቸው ነበር ::

በሃገር ውስጥ እና በውጪ ሃገር የነበራቸውን እንቅሳቃሴ በልጆቻቸው በሚስቶቻቸው በአጎቶቻቸው በዘመዶቻቸው እና ከሃብታሞች ጋር የሚያደርጉት ግንኙነት ክትትል ይደረግበት ነበር ::

በዚህም መሰረት ሲሪየስ የሆነ ግምገማ አድርገናል ዝም ብሎ አይደለምሹም ሽሩ የተከናወነው ... ጠ/ሚ አብይ አህመድ

“ የመጨረሻ ውሳኔው ዛሬ አይነገርም ” TAS

ባለፈው የአፍሪካ ዋንጫ አሸናፊነት ውዝግብ ዙሪያ ሴኔጋል ፣ ሞሮኮ እና ካፍ በክስ ላይ መሆናቸው ይታወቃል።

ጉዳዩ ወደ አለም አቀፉ የስፖርት ገላጋይ ፍርድ ቤት ማምራቱ የሚታወቅ ሲሆን ካስ ጉዳዩን ዛሬ ለማየት ቀጠሮ ይዞ ነበር።

የካስ ዋና ዳይሬክተር ማቲው ሬብ ከችሎቱ በፊት በሰጡት ቃል “ ውሳኔው ዛሬ ወይም ነገ አይታወቅም " ብለዋል።

“ ነገርግን በሚቀጥሉት ቀናት እናውቃለን “ ሲሉ ካስ በተቻለ ፍጥነት ፍርድ መስጠት እንደሚፈልግ አረጋግጠዋል።

የፍርድ ሂደቱ ለህዝብ ክፍት እንዲሆን የጠየቀ አካል ባለመኖሩ በዝግ እንደሚደረግ ተገልጿል።

@tikvahethsport      kidusyoftahe የሴኔጋል እና ሞሮኮ ክርክር ከምን ደረሰ ? ባለፈው የአፍሪካ ዋንጫ አሸናፊነት ውዝግብ ዙሪያ ሴኔጋል ፣ ሞሮኮ እና ካፍ በክስ ላይ መሆናቸው ይታወቃል። ሴኔጋል ጨዋታውን አሸንፋ የነበረ ቢሆንም ካፍ ከሜዳ ወጥተዋል በሚል አሸናፊነቱን ለሞሮኮ መስጠቱ አይዘነጋም። በዚህም ምክንያት የሴኔጋል እግርኳስ ፌዴሬሽን ጉዳዩን ወደ አለም አቀፉ የስፖርት ገላጋይ ፍርድ ቤት " TAS " ወስዶታል። አሁን ላይ…

ሀሰተኛ ሰነዶችን በመጠቀም  ፓስፖርት ለማውጣት የሞከረው ኤርትራዊ ግለሰብ በቁጥጥር ስር ዋለ

​የጋሞ ዞን ፖሊስ መምሪያ እንደገለፀው ግለሰቡ ሀሰተኛ ሰነዶችን ተጠቅሞ ፓስፖርት ለማውጣት ሲሞክር መያዙን አስታውቋል።

ግለሰቡ  ዳዊት ጎይቶም የተባለ ሲሆን በኦንላይን ያመለከተውን የፓስፖርት ጥያቄ ለማስፈጸም ሀሰተኛ ሰነዶችን በመያዝ ወደ ኢሚግሬሽንና ዜግነት አገልግሎት አርባምንጭ ቅርንጫፍ ጽሕፈት ቤት በመጣበት ወቅት በተፈጠረ ጥርጣሬ እና በተሰጠ ጥቆማ በቁጥጥር ስር ውሏል።

የዞኑ ፖሊስ ባደረገው ማጣራት ተጠርጣሪው ከአዲስ አበባ የተሰጠ ሀሰተኛ የፋይዳ መታወቂያ፣ ከትግራይ ክልል ትምህርት ቢሮ የተሰጠ የ8ኛ ክፍል የትምህርት ሰነድ  ኮፒ እንዲሁም ከአርባምንጭ ከተማ የተሰጡ ሀሰተኛ የቀበሌ መታወቂያና የወሳኝ ኩነት ሰነዶችን አዘጋጅቶ ሲጠቀም ተገኝቷል።

​በተደረገው የማጣራት ስራ ግለሰቡ  የቀድሞ የኤርትራ ባሕር ኃይል አባል እንደነበርና ከሠራዊቱ በመኮብለል በትግራይ ክልል በኩል ወደ አዲስ አበባ ገብቶ ይኖር እንደነበር ተረጋግጧል።በዚህም ፖሊስ ግለሰቡን በቁጥጥር ስር አውሎ የክስ መዝገቡን በማጣራት ላይ እንደሚገኝ  የደቡብ ኢትዮጵያ ክልል ፖሊስ ኮሚሽን የሕዝብ ግንኙነትና ገፅታ ግንባታ ዳይሬክተር ምክትል ኮማንደር አሸናፊ ኃይሌ ለብስራት ሬዲዮ ተናግረዋል።

የጋሞ ዞን ፖሊስ መምሪያ ተጠርጣሪውን በቁጥጥር ስር ለማዋል ጥቆማ በመስጠትና በማስፈጸም ረገድ ላደረጉት ከፍተኛ ትብብር ለኢሚግሬሽንና ዜግነት አገልግሎት አርባምንጭ ቅርንጫፍ ጽሕፈት ቤት አመራሮችና ሠራተኞች ምስጋና አቅርቧል።

በሳምራዊት ስዩም
#ዳጉ_ጆርናል

በሚኒስትርነት ያልተሾሙ / ከካቢኔ አባልነት የተነሱ እነማን ናቸው ?

1. በለጠ ሞላ (ዶ/ር)
2. አቶ መላኩ አለበል
3. አብርሃም በላይ (ዶ/ር)
4. ካሳሁን ጎፌ (ዶ/ር)
5. ኢ/ር አይሻ መሀመድ
6. አቶ አህመድ ሽዴ
7. ወ/ሮ ሙፈሪሃት ካሚል
8. ኤርጎጌ ተስፋዬ (ዶ/ር)
9. ወ/ሮ ጫልቱ ሳኒ
10. ኢ/ር ሃብታሙ ተገኝ
11. አለሙ ስሜ (ዶ/ር)

ቲክቫህ ኢትዮጵያ
መስከረም 28 ቀን 2019 ዓ/ም

@tikvahethiopia የሚኒስትሮች ሹመት ፀደቀ። ጠ/ሚ ዐቢይ አሕመድ (ዶ/ር) ለህ/ ተ/ም/ቤት ያቀረቧቸው ዕጩ ሚኒስትሮች በሙሉ ድምጽ ፀድቀዋል። በዚህም መሰረት፦ 1. አቶ ተመስገን ጥሩነህ - ምክትል ጠቅላይ ሚኒስትር 2. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር 3. አቶ አዲሱ አረጋ (ዶ/ር) - የግብርና ሚኒስትር 4. ፍጹም አሰፋ (ዶ/ር) - የገንዘብ ሚኒስትር 5. አቶ መሃመድ እድሪስ - የመከላከያ ሚኒስትር…

ሁሉም ሚኒስትሮችና ሚኒስትር ዲኤታዎች ለአንድ አመት ያክል ከፍተኛ ሚስጥራዊ ክትትል ሲደረግባቸው እንደነበር ጠቅላይ ሚኒስትር አብይ አህመድ ገለጹ፡፡

መስከረም 28 ቀን 2019 ዓ.ም. (አሐዱ ሬድዮ) ጠቅላይ ሚኒስትር ዓብይ አህመድ በዛሬው እለት ሹመታቸው የፀደቀላቸውን የሚኒስትሮች መመዘኛ አስመልክቶ ለምክርቤት አባላት ባደረጉት ንግግር ሁሉም ሚኒስትሮችና ሚኒስትር ዲኤታዎች ቢያንስ ላለፉት አንድ አመታት ከፍተኛ ሚስጥራዊ ክትትል ሲደረግባቸው እንደነበር አስታውቀዋል።

ሚኒስትሮች በሌብነት የተሳተፉ እንዳይሆኑ ከፍተኛ ጥንቃቄ መደረጉን ያነሱት ጠቅላይ ሚኒስትሩ ሲደረግባቸው የቆየው ክትትልም በሀገር ውስጥና በውጪ ያላቸውን እንቅስቃሴ ያጠቃለለ ሲሆን ቤተሰቦቻቸውን ጨምሮ ከሚያገኙቸው ሀብታሞች ጋር በሙሉ የመረጃ ክትትል ይደረግ ነበር ብለዋል፡፡

በዚህም መሰረት በልዩ ትኩረት ግምገማዎች መደረጉን ገልፀው ሹም ሽር የተካሄደው ያለምክንያት እንዳልሆነም ጠቅሰዋል፡፡

ነገርግን አንድ ሚኒስትር ራሱ ሌባ ላይሆን ይችላል ሲሉ ገልፀው በከባቢው ያለውን ሌብነት የመቆጣጠርና ጥቆማ ሲሰጠው እንደ ግብዓት ወስዶ የመፈተሽ አንዱ ለተሿሚዎች መመዘኛ እንደነበር አንስተዋል።

ክትትል ብቻም ሳይሆን እያንዳንዱ ግለሰብ በሚጠረጠርበት ጉዳይ ለራሱ እንዲከላከል መገምገሙን የገለፁት ጠቅላይ ሚኒስትሩ በዚህም አንዳንዱ ወቀሳ ብቻ እና አንዳንዱ ደግሞ በቂ መረጃ ያልተገኘባቸው ሊሆኑ እንደሚችሉ አንስተዋል።

ምንም አይነት የጥርጣሬ ዝንባሌ ያለባቸውን ግን የካቢኔ አባላት አላደረግናቸውም ሲሉ ተናግረዋል። በዚህ አግባብ ግምገማቸው ካለፈ በኋላም እስከ አንድ ወር ከሁለት ሳምንት ድረስ ስልጠና እና ተደጋጋሚ ፈተና እንደነበር ገልፀዋል።

በስፍራሽ ደመላሽ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ተጨማሪ ሹመቶሽ ተሰጡ።

ጠ/ሚ ዐቢይ አሕመድ (ዶ/ር) በዛሬው ዕለት የተለያዩ ተጨማሪ ሹመቶችን ሰጥተዋል፡፡

በዚህም መሰረት ፡-

1) አቶ አደም ፋራህ በም/ጠ/ሚ ማዕረግ የዴሞክራሲ ስርአት ግንባታ አስተባባሪ
2) አምባሳደር በትረ መንግስቱ የጠ/ሚ ፅ/ቤት ሃላፊና የካቢኔ ጉዳዮች ሚኒስትር
3) ወ/ሮ እናትአለም መለሰ የመንግስት ኮሙኒኬሽን አገልግሎት ሚኒስትር
4) አቶ ፍቃዱ ተሰማ የመንግስት ዋና ተጠሪ ሚኒስትር

መስከረም 28 ቀን 2019 ዓ/ም

@tikvahethiopia

ብርሃኑ ነጋ (ፕ/ር) በድጋሜ የትምህርት ሚኒስትር ሆነው ተሹመዋል፡፡
 
የሕዝብ ተወካዮች ም/ቤት በጠቅላይ ሚኒስትር ዐቢይ አሕመድ (ዶ/ር) የቀረቡ ዕጩ ሚኒስትሮችን በዛሬው ዕለት በሙሉ ድምጽ አጽድቋል።
 
በዚህም የትምህርት ሚኒስትሩ ብርሃኑ ነጋ (ፕ/ር) በኃላፊነታቸው ቀጥለዋል፡፡
 
ብርሃኑ ነጋ (ፕ/ር) ከመስከረም 26 ቀን 2014 ዓ.ም ጀምሮ የትምህርት ሚኒስትር በመሆን እያገለገሉ ይገኛሉ፡፡
 
@tikvahuniversity

የሚኒስትሮች ሹመት ፀደቀ።

ጠ/ሚ ዐቢይ አሕመድ (ዶ/ር) ለህ/ ተ/ም/ቤት ያቀረቧቸው ዕጩ ሚኒስትሮች በሙሉ ድምጽ ፀድቀዋል።

በዚህም መሰረት፦

1. አቶ ተመስገን ጥሩነህ - ምክትል ጠቅላይ ሚኒስትር
2. ጌዲዮን ጢሞቲዮስ (ዶ/ር) - የውጭ ጉዳይ ሚኒስትር
3. አቶ አዲሱ አረጋ (ዶ/ር) - የግብርና ሚኒስትር
4. ፍጹም አሰፋ (ዶ/ር) - የገንዘብ ሚኒስትር
5. አቶ መሃመድ እድሪስ - የመከላከያ ሚኒስትር
6. ብርሃኑ ነጋ (ፕ/ር) - የትምህርት ሚኒስትር
7. ወ/ሮ ሃና አርአያሥላሴ - የፍትሕ ሚኒስትር
8. ወ/ሮ ያስሚን ወሃብረቢ - የንግድና ቀጣናዊ ትስስር ሚኒስትር
9. ፍስሃ ይታገሱ (ዶ/ር) - የኢንዱስትሪ ሚኒስትር
10. ሃብታሙ ኢተፋ (ዶ/ር) - የውሃ እና ኢነርጂ ሚኒስትር
11. መቅደስ ዳባ (ዶ/ር) - የጤና ሚኒስትር
12. አቶ አወሉ አብዲ- የሥራና ክህሎት ሚኒስትር
13. ወ/ሮ አይናለም ንጉሴ - የገቢዎች ሚኒስትር
14. አቶ በረከት ፍስሃጽዮን - የብሔራዊ ስትራቴጂ ሚኒስትር
15. ወ/ሮ ሰላማዊት ካሳ- የባህልና ቱሪዝም ሚኒስትር
16. ወ/ሮ ዓለምጸሃይ ጳውሎስ - የማዕድን ሚኒስትር
17. አቶ ሳዳት ነሻ - የሎጂስቲክስ ሚኒስትር
18. ወ/ሮ ሻዊት ሻንካ - የሴቶችና ማህበራዊ ጉዳይ ሚኒስትር
19. አቶ ሙሳ አደም - የሰላም ሚኒስትር
20. ወ/ሮ ፍሬሕይወት ታምሩ - የኢኖቬሽንና ቴክኖሎጂ ሚኒስትር
21. መሃመድ አብዱራሃማን (ኢ/ር) - የከተማና መሰረተ ልማት ሚኒስትር
22. ሱልጣን ወሊ (ዶ/ር) - የመስኖ እና ቆላማ አካባቢ ሚኒስትር
23. አክሊሉ ታደሰ (ዶ/ር) - የወጣቶችና ስፖርት ሚኒስትር ሆነው ተሹመዋል።

መስከረም 28 ቀን 2019 ዓ/ም

@tikvahethiopia

በዩኒቨርሲቲዎች ስር ለሚተዳደሩ ማስተማሪያ ሆስፒታሎች የሚመደበው የሕክምና አገልግሎት በጀት ከመደበኛው የትምህርት በጀት ስሌት ቀመር ውጪ በተናጠል ተጣርቶ የበጀት ድጋፍ እንዲቀርበለት የሚያዘው ደንብ በስራ ላይ ውሏል።

የሚኒስትሮች ምክር ቤት ለራስ-ገዝ ዩኒቨርሲቲዎች ከመንግሥት የሚሰጠውን የብሎክ ግራንት የበጀት አፈጻጸም ለመደንገግ ያወጣው ደንብ ቁጥር 594/2018 በስራ ላይ ውሏል።

ደንቡ ተቋማቱ በፋይናንስ ራሳቸውን እስኪችሉ ድረስ በሂደት እየቀነሰ የሚሄድ ዓመታዊ የበጀት ድጋፍ የሚመደብበትን ሥርዓት ያካተተ ሲሆን፣ ዩኒቨርሲቲዎቹ ከተጨባጭ ነባራዊ ሁኔታዎቻቸውና ስትራቴጂካዊ ዕቅዶቻቸው በመነሳት በበጀታቸው በነፃነት እንዲጠቀሙና ተልዕኳቸውን በጥራት እንዲወጡ ማስቻልን ዓላማ ያደረገ መሆኑን ያስረዳል።  

ደንቡ ለራስ-ገዝ ዩኒቨርሲቲዎች የሚመደበው ዓመታዊ የብሎክ ግራንት እንደ አግባብነቱ  ፍትሐዊ ተጠቃሚነትን ለማረጋገጥ ሲባል፣ የመግቢያ መስፈርቱን አሟልተው ነገር ግን የትምህርት ወጪያቸውን መሸፈን ለማይችሉ ተማሪዎች የሚደረግ የበጀት ድጋፍ ሊያካትት እንደሚችል ያስረዳል።

በተጨማሪም ዩኒቨርሲቲዎች በሚያስተዳድሯቸው ማስተማሪያ ሆስፒታሎች አማካኝነት፣ በሕግ አግባብ በነፃ ሊሰጡ ለሚገባቸው የሕክምና አገልግሎቶች እና በነፃ ማግኘት ለሚገባቸው የኅብረተሰብ ክፍሎች የሚውል የበጀት ድጋፍ እንዲያገኙ ለማስቻልም ሊመደብ እንዲሚችል ይገልጻል።

እንዲሁም ዩኒቨርሲቲዎች የሚያከናውኗቸውን የምርምርና ጥናት፣ የማኅበረሰብ ጉድኝት አገልግሎት እንዲሁም ብቁ ተቋማዊ አቅምን ለመገንባት የሚያስፈልግ የፋይናንስ ድጋፍ ሊመደብ እንደሚችል ተደንግጓል።

በዚህ ደንብ መሠረት አጠቃላይ የራስ ገዝ ዩኒቨርሲቲዎች የበጀት ድልድል የግብዓት፣ የውጤትና የፍትሐዊነት መስፍርቶችን መሰረት የሚያደርግ ሲሆን ይህም

• የመማር-ማስተማር ሂደቱን መደበኛ ተማሪዎች ቁጥር፣

• የሳይንሳዊ ምርምር ውጤትና ተፅዕኖን፣

• የቴክኖሎጂ ሽግግርና ማህበረሰብ ጉድኝት ስራዎችን እንዲሁም

• ልዩ ድጋፍ የሚሹ ተማሪዎችን እና የተቋማቱን መልክዓ-ምድራዊ አስቸጋሪ ሁኔታዎች ታሳቢ ያደርጋል።

ይህ የበጀት ማከፋፈያ ቀመር እንደ አስፈላጊነቱ በገንዘብ ሚኒስቴር እና በትምህርት ሚኒስቴር ትብብር የሚዘጋጅ ሲሆን፣ ወቅታዊ ሁኔታዎችን ለማጣጣም በየሁለት ዓመቱ ክለሳ ይደረግበታል።  

በተለየ መልኩ፣ በዩኒቨርሲቲዎች ስር ለሚተዳደሩ ማስተማሪያ ሆስፒታሎች የሚመደበው የሕክምና አገልግሎት በጀት ከመደበኛው የትምህርት በጀት ስሌት ቀመር ውጪ በተናጠል ተጣርቶ የበጀት ድጋፍ እንደሚደረግለት ተደንግጓል።

ይህ ድጋፍ ሆስፒታሎቹ በሕግ አግባብ በነፃ ሊሰጡ ለሚገባቸው የሕክምና አገልግሎቶችና ተጠቃሚ ለሆኑ የኅብረተሰብ ክፍሎች የሚውል ሲሆን፤ ድልድሉም በሆስፒታሉ አገልግሎት ያገኙ ታካሚዎች ብዛት፣ የህክምና አልጋዎች ቁጥር፣ የአገልግሎቶቹ ውስብስብነት እንዲሁም ለመድኃኒትና ለአላቂ የሕክምና ቁሳቁሶች የሚወጣውን ወጪ መሠረት በማድረግ ይወሰናል።

በዚህም ማንኛውም ራስ-ገዝ ዩኒቨርሲቲ የሚያገኘው ዓመታዊ ድጋፍ አጠቃላይ የመማር-ማስተማርና የምርምር በጀቱን እንዲሁም ለማስተማሪያ ሆስፒታሎች በጥናት ላይ ተመስርቶ የሚመደበውን ልዩ በጀት በአንድ ላይ ያካተተ የተቀናጀ የብሎክ ግራንት ሆኖ ይቀርባል።  

የበጀት ጥያቄ አቀራረብና አስተዳደርን በተመለከተ፣ ማንኛውም ራስ-ገዝ ዩኒቨርሲቲ ዓመታዊ የበጀት ጥያቄውን በየዓመቱ እስከ የካቲት ወር መጨረሻ ድረስ ለገንዘብ ሚኒስቴር ማቅረብ እንዳለበት እና የተፈቀደው በጀትም በቀጥታ ወደ ተቋማቱ ፈሰስ እንደሚደረግ ተመላክቷል።

የቁጥጥር ሥርዓቱን ለማጠናከርም ትምህርት ሚኒስቴር በቁልፍ ውጤት አመላካቾች ላይ የተመሠረተ የአፈጻጸም ውል በመፈራረም በዓመት ሁለት ጊዜ ሁለንተናዊ ግምገማ እንደሚያካሂድ ተደንግጓል።

በተጨማሪም የዩኒቨርሲቲዎቹ የብሎክ ግራንት ሒሳብ በፌደራል ዋና ኦዲተር እንደሚመረመርና የሒሳብ ሰነዶችም ቢያንስ ለአስር ዓመታት ተጠብቀው እንዲቆዩ በማድረግ ተጠያቂነትና ግልጽነት እንዲሰፍን ይደረጋል።

ቲክቫህ ኢትዮጵያ
መስከረም 27 ቀን 2019 ዓ/ም

@tikvahethiopia

#ችሎት

የፌደራል ጠቅላይ ፍርድ ቤት የስር ፍርድ ቤትን ውሳኔ በማጽናት በሽብር ወንጀል ተጠርጥረው በእስር ላይ የሚገኙት የኢህአፓ አባላት የዋስትና መብት እንዲከበር ብያኔ ሰጠ።

በሽብር ወንጀል ተጠርጥረው በእስር ላይ የሚገኙት የኢህአፓ አባላት የዋስትና ጉዳይ በዳኞች ፈረቃ መቀያየርና መዝገብ ባለመቅረቡ ምክንያት በተደጋጋሚ ተለዋጭ ቀጠሮ ሲሰጥበት መቆየቱ ይታወሳል።

የፌደራል ጠቅላይ ፍርድ ቤት የስር ፍርድ ቤት የዋስትና ውሳኔ ሊጸና ይገባል ወይስ አይገባም፤ እንዲሁም ለፖሊስ ተጨማሪ የምርመራ ጊዜ ያስፈልጋል ወይስ አያስፈልግም የሚለውን ለመመርመር የፌደራል ፖሊስ ያደራጀውን የምርመራ መዝገብ አስቀርቦ ሲመለከት ቆይቷል።

ጉዳዩን ሲመለከት የቆየው የፌደራል ጠቅላይ ፍርድ ቤት በዛሬው ዕለት በዋለው ችሎት፣ የስር ፍርድ ቤት የሰጠውን ውሳኔ ሙሉ በሙሉ አጽንቷል።

በዚህም መሠረት በሽብር ተግባር ተጠርጥረው በእስር ላይ የሚገኙት አቶ ይስሓቅ ወልዳይ፣ አቶ አበበ አካሉ እና ጠበቃ አቶ አበራ ንጉሥ የዋስትና መብታቸው ተከብሮ ከእስር እንዲፈቱ ብያኔ መሰጠቱን ጠበቃቸው አቶ ሰለሞን ገዛኸኝ ለቲክቫህ ኢትዮጵያ ገልጸዋል።

የፌደራል ከፍተኛ ፍርድ ቤት ልደታ ምድብ አንደኛ ጊዜ ቀጠሮ ችሎት፣ ነሐሴ 29 ቀን 2018 ዓ.ም በዋለው ችሎት፣ ፖሊስ የፎረንሲክ ውጤቶችን ለመጠበቅና ተጨማሪ ምስክሮችን ለመስማት በሚል የጠየቀውን የ14 ቀናት ተጨማሪ የምርመራ ጊዜ ውድቅ በማድረግ ተጠርጣሪዎቹ እያንዳንዳቸው በ50,000 (ሃምሳ ሺህ) ብር የገንዘብ ዋስትና ከእስር እንዲፈቱ ውሳኔ መስጠቱ ይታወሳል።

የፌዴራል ፖሊስ የተሰጠውን የፍርድ ቤት ውሳኔ በመቃወም ይግባኝ ማለቱን ተከትሎ ተጠርጣሪዎቹ ጉዳያቸውን እስከዛሬ መስከረም 27/2019 ዓም ድረስ በእስር ላይ ሆነው ሲከታተሉ ቆይተዋል።

ቲክቫህ ኢትዮጵያ
አዲስ አበባ
መስከረም 27 ቀን 2019 ዓ/ም

@tikvahethiopia #ችሎት ​በሽብር ወንጀል ተጠርጥረው በእስር ላይ የሚገኙት የኢሕአፓ አባላት የዋስትና ጉዳይ ዛሬም ውሳኔ ሳያገኝ ለአርብ ተቀጠረ። ​የፌደራል ጠቅላይ ፍርድ ቤት የስር ፍርድ ቤት የሰጠው የዋስትና ውሳኔ ሊጸና ይገባል ወይስ አይገባም? እንዲሁም ለፖሊስ ተጨማሪ የምርመራ ጊዜ ያስፈልጋል ወይስ አያስፈልግም? የሚሉትን ነጥቦች ለመመልከት የፌደራል ፖሊስ የምርመራ መዝገብ እንዲቀርብለት ማዘዙ ይታወሳል። ​ይሁን…

ጃፓን ለየመን እና ለጅቡቲ የ10 ሚሊዮን ዶላር የድንገተኛ ጊዜ እርዳታ ለመስጠት ወሰነች

የጦርነቱ ተፅዕኖ ወደ ጎረቤት ሀገራት መዛመቱን እና በየመን እየከፋ የመጣውን የሰብአዊ ሁኔታ ግምት ውስጥ በማስገባት ጃፓን ለየመን እና ለጅቡቲ የ10 ሚሊዮን ዶላር የድንገተኛ ጊዜ እርዳታ እንደምትሰጥ አስታውቃለች።

የጃፓን መንግስት እርዳታውን ማክሰኞ ዕለት ማጽደቁን የሀገሪቱ ኤምባሲ ባወጣው ጋዜጣዊ መግለጫ ላይ ገልጿል።እርዳታው የባብ አል-መንደብ ወሽመጥ ዙሪያን ጨምሮ በመካከለኛው ምስራቅ ሰላምና መረጋጋትን ለመደገፍ አልሞ የተዘጋጀ መሆኑም ተነግሯል።

የጃፓን መንግስት ይህ የባህር ወሽመጥ በኢነርጂ ደህንነት ረገድ ለጃፓንም ሆነ ለዓለም አቀፉ ማህበረሰብ “እጅግ ከፍተኛ አስፈላጊነት” ያለው መሆኑን ገልጿል።

በዚህም መሰረት የመን በተባበሩት መንግስታት ድርጅት የዓለም የምግብ ፕሮግራም ፣ በዓለም አቀፉ የሬድ ክሮስ ኮሚቴ እና በዓለም አቀፉ የስደተኞች ድርጅት በኩል 8 ሚሊዮን ዶላር የምታገኝ ሲሆን፣ ጅቡቲ ደግሞ በተመድ የስደተኞች ኤጀንሲ በኩል 2 ሚሊዮን ዶላር ይደርሳታል ተብሏል ።

በሚኪያስ ጸሐዬ
#ዳጉ_ጆርናል

የአፍሪካ ዋንጫ ውዝግብ፡ ሴኔጋል ይግባኙን ነገ በCAS ታቀርባለች
#ethiopia | የ2025 የአፍሪካ ዋንጫ ዋንጫ የማን ነው? የሚለው ክርክር ነገ ወደ ዓለም አቀፉ የስፖርት ዳኝነት ፍርድ ቤት (CAS) ይመራል።

የሴኔጋል እና የሞሮኮ የ2025 የአፍሪካ ዋንጫ ፍጻሜ ያስከተለው ውዝግብ እስካሁን መፍትሄ አላገኘም። ሴኔጋል በጨዋታ ሜዳ 1ለ0 አሸንፋ ዋንጫውን ከፍ ካደረገች በኋላ፣ ካፍ በኋላ የወሰደው ውሳኔ ውጤቱን ቀይሮ ሞሮኮን 3ለ0 አሸናፊ እንድትሆን አድርጓል።

ክርክሩ እንዴት ተጀመረ?

በጥር 18 ቀን 2026 በራባት በሚገኘው ፕሪንስ ሙላይ አብደላ ስታዲየም የተደረገው ፍጻሜ ለ90 ደቂቃዎች 0ለ0 ተጠናቀቀ። በመደበኛ የጨዋታ ጊዜ መጨረሻ ላይ ለሞሮኮ የተሰጠውን የፍጹም ቅጣት ምት በመቃወም የሴኔጋል ተጫዋቾች ሜዳውን ለቀው ወጥተው ጨዋታው ለተወሰነ ጊዜ ተቋርጦ ነበር። ተጫዋቾቹ ወደ ሜዳ ከተመለሱ በኋላ ጨዋታው ቀጥሎ የተሰጠው የፍጹም ቅጣት ምት በኤድዋርድ ሜንዲ ተመናፍሷል።

በተጨማሪ ጊዜ ላይ የሴኔጋሉ አማካይ ፓፔ ጉዬ ያስቆጠራት ጎል ሴኔጋልን 1ለ0 አሸናፊ አድርጋ፣ አገሪቱም ለሁለተኛ ጊዜ የአፍሪካ ዋንጫን እንድታሸንፍ አድርጓታል።

ካፍ በኋላ የወሰደው ውሳኔ

ከጨዋታው በኋላ ሞሮኮ ቅሬታ አቀረበች። በመጋቢት 17 ቀን 2026 የCAF Appeal Board የሴኔጋል ቡድን በጨዋታው የመልቀቅ ድርጊት የAFCON ደንቦችን እንደጣሰ በመወሰን ሴኔጋል ጨዋታውን በፎርፌ እንደተሸነፈች አውጇል። በዚህም ውጤቱ 3ለ0 ለሞሮኮ እንዲመዘገብ ወስኗል።

ይህ ውሳኔ ሴኔጋል በሜዳ ላይ በ1ለ0 ያሸነፈችውን ጨዋታ በማስቀረት ሞሮኮን የ2025 የአፍሪካ ዋንጫ አሸናፊ አድርጓታል።

ሴኔጋል ጉዳዩን ወደ CAS ወሰደች

የሴኔጋል የእግር ኳስ ፌዴሬሽን የካፍን ውሳኔ በመቃወም ወደ Court of Arbitration for Sport (CAS) ይግባኝ አቀረበች። CAS ይግባኙን በመጋቢት 25 ቀን 2026 መመዝገቡን አረጋግጧል። ሴኔጋል የካፍን ውሳኔ እንዲሻር እና የ2025 የአፍሪካ ዋንጫ አሸናፊ እንደሆነች እንዲወሰን ጠይቃለች።

የCAS ችሎት ነገ

CAS የሴኔጋልን ይግባኝ ሐሙስ፣ ጥቅምት 8 ቀን 2026 በላውዛን፣ ስዊዘርላንድ በሚገኘው ዋና መስሪያ ቤቱ ያዳምጣል። ችሎቱ ከጠዋቱ 9፡30 ላይ እንደሚጀምር እና ከሰዓት በኋላ ሊቀጥል እንደሚችል ተገልጿል። ችሎቱም በዝግ ይካሄዳል፤ ሚዲያዎች በችሎቱ ውስጥ እንዲገኙ አይፈቀድላቸውም።

በጉዳዩ ላይ የሚወስነው የCAS ፓነል በፕሮፌሰር Gérald Simon የሚመራ ሲሆን፣ ፕሮፌሰር Luigi Fumagalli እና ፕሮፌሰር ዶ/ር Ulrich Haas አባላት ናቸው። የሂደቱ ቋንቋም ፈረንሳይኛ እንዲሆን ተስማምተዋል።

ውሳኔው ነገ ይፋ ይሆናል?

አይሆንም። CAS በግልጽ እንዳስታወቀው ችሎቱ ከተጠናቀቀ በኋላ የዳኞች ውይይት ይጀምራል፤ ነገር ግን የመጨረሻ ውሳኔ በጥቅምት 8 ቀን እንደማይሰጥ ተገልጿል። የውሳኔው ቀንም እስካሁን አልተወሰነም።

በመሆኑም የነገው ችሎት የ2025 የአፍሪካ ዋንጫ ዋንጫ በሴኔጋል ወይስ በሞሮኮ እንደሚቀር ለመወሰን ወደ መጨረሻው የሚያቀርብ ወሳኝ ሕጋዊ ሂደት ነው።

አንተነህ ብርሃኔ

የኢትዮጵያ ምግብና መድኃኒት ባለስልጣን የጥራት ጉድለት በታየባቸው ሰባት የመድኃኒት ምርቶች ላይ ማሳሰቢያ አወጣ

የኢትዮጵያ ምግብና መድኃኒት ባለስልጣን የጥራት ጉድለት በታየባቸው እና ከገበያ እንዲሰበሰቡ በተወሰነባቸው ሰባት የመድኃኒት አይነቶች ላይ ህብረተሰቡ ጥንቃቄ እንዲያደርግ አሳስቧል።

ባለስልጣኑ ይህንን ማስጠንቀቂያ ያወጣው የኬንያ የመድኃኒት ተቆጣጣሪ አካል በሀገሪቱ በገበያ ላይ በተገኙ የተወሰኑ ምርቶች ላይ እርምጃ መውሰዱን መነሻ በማድረግ ነው።

ባለስልጣን መስሪያ ቤቱ የመድኃኒት ጥራት እና ደህንነት ክትትል ክፍል አማካሪ ዶ/ር ኤልሳቤት ወልደማርያም እንደተናገሩት ኢትዮጵያ እና ኬንያ ሰፊ ድንበር የሚጋሩ በመሆናቸው እነዚህ ምርቶች ወደ ኢትዮጵያ የመግባት ዕድል አላቸው።

በተለያዩ የጥራት እና የደህንነት ጉድለቶች ምክንያት ከገበያ እንዲሰበሰቡ ከተደረጉት ሰባት የመድኃኒት አይነቶች መካከል በህንድ የተለያዩ የመድኃኒት አምራች ኩባንያዎች የተመረቱት
👉ፍላዛርት ሽሮፕ
👉ሄፓካል 25000
👉ቱናክላቭ እና ክላክሲ 1.2 ግራም የተባሉ የመድኃኒት አይነቶች ይገኙበታል።

በተጨማሪም በቻይና ኩባንያ የተመረተው ሜታሚድ መርፌ እና በኬንያ አምራች የተመረተው ክሎክሳም ሽሮፕም ከተሰበሰቡት የመድኃኒት አይነቶች ውስጥ እንደሚገኙበት ተገልጿል።

በዚህም የክልል ተቆጣጣሪ አካላት የእነዚህን ምርቶች ስርጭት እና አጠቃቀም በቅርበት እንዲከታተሉ ያሳሰበው ባለስልጣኑ ህብረተሰቡም ምርቶቹ በእጁ የሚገኙ ከሆነ እንዳይጠቀምባቸው ጥብቅ ማሳሰቢያ ሰጥቷል።

በፋሲል አረጋይ

የጎንደር ዩኒቨርስቲ መምህራን ትምህርት ኮሌጅ ዓለም አቀፍ ዕውቅና ተሰጠው

መስከረም 27 ቀን 2019 ዓ.ም. (አሐዱ ሬድዮ) የጎንደር ዩኒቨርስቲ መምህራን ትምህርት ኮሌጅ በመምህራን ሙያ ብቃትና ትምህርት ጥራት ዘርፍ የ2026 ዩኔስኮ ሃምዳን ሽልማት አሸናፊ ሆኗል።

ኮሌጁ ከ124 የዓለም ሀገራት ከተውጣጡ የትምህርት ተቋማት ጋር ተወዳድሮ 1ኛ በመውጣት የ 100ሺህ ዶላር ተሸላሚ መሆኑ ተገልጿል።

የጎንደር ዩኒቨርስቲ መምህራን ትምህርት ኮሌጅ ዲን አቶ የሻምበል ጸሐይ ለአሐዱ ሬዲዮ እንደተናገሩት የዓለም አቀፍ መምህራን ቀንን አስመልክቶ በፈረንሳይ ፓሪስ ከተማ በተካሄደ ስነ ስርዓት የጎንደር ዩኒቨርስቲ በትምህርት መርጃ መሳሪያዎችን በማመረት ረገድ ባከናወናቸው ስራዎችና ለትምህርት ጥራት ባበረከተው አስተዋጽኦ ዕውቅና አግኝቷል።

ሽልማቱ የማስተማር ሂደትን ለማሻሻል ፣ የመምህራንን ብቃት ለማሳደግና የትምህርት ጥራትን ለማረጋገጥ የሚሰሩ ተግባራትን የሚያበረታታ መሆኑን አብራርተዋል።

የጎንደር መምህራንትምህርት ኮሌጅ ከሚሰጠው ስልጠና ጎን ለጎን ለቅድመ አንደኛ ትምህርት ቤቶች የሚያገለግሉ መርጃ መሳሪያዎችን ከ 98 ትምህርት ቤቶች ጋር እየሰራ መሆኑን ጠቁመው በዚህም ከ15ሺህ በላይ ተማሪዎችን ተደራሽ ማድረግ ተችሏል ብለዋል።

ኮሌጁ እስካሁን ከ65ሺህ በላይ መምህራን ማፍራት መቻሉ ተገልጿል። በ2018 በጀት ዓመት በክልል ደረጃ ካሉ 10 መምህራን ትምህርት ኮሌጆች መካከል 1ኛ ደረጃ በመውጣት ተሸላሚ መሆኑ ይታወሳል።

በቃልኪዳን ኃይሌ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

በአዲስ አበባ ፌስታል ይዘው የተገኙ ተቋማት ከ480ሺህ ብር በላይ ተቀጡ በ30 ማዳበሪያ ከረጢት የተከማቸ ፌስታል መወረሱ ተገልጿል

መስከረም 27 ቀን 2019 ዓ.ም.  የአካባቢ ጥበቃ ባለስልጣን በአዲስ አበባ ከተማ አዋጅ ቁጥር 1383/2017 መሰረት ያደረገ የፕላስቲክ ክልከላ፣ ቁጥጥርና የእርምት እርምጃ በሁሉም ክፍለ ከተሞች በተጠናከረ ሁኔታ እየተካሄደ እንደሚገኝ ገልፆ በዚህም ከ480ሺህ በላይ የገንዘብ ቅጣትን ጨምሮ በርካታ የተከለከሉ ኩንታልና ማዳበሪያ ፌስታሎች መወረሳቸውን አስታውቋል።

በተደረገው የቁጥጥር ዘመቻ መሰረትም በአቃቂ ቃሊቲ ክፍለ ከተማ በሚገኙ 38 ንግድ ተቋማት ማለትም ሱቆች፣ ዳቦ ቤቶች፣ ጫት ቤቶችና ስጋ ቤቶች ላይ በተደረገ ቁጥጥር አዋጁን ጥሰው የተገኙ 4 ተቋማት እያንዳንዳቸው 50 ሺህ ብር እንዲሁም 7 ተቋማት እያንዳንዳቸው 5ሺህ ብር በአጠቃላይ 235ሺህ ብር ቅጣት እንዲቀጡ ተደርጎ ፌስታሎች መወረሳቸው ታውቋል።

Seledadotio
Seledadotio

በአዲስ አበባ ፌስታል ይዘው የተገኙ ተቋማት ከ480ሺህ ብር በላይ ተቀጡ በ30 ማዳበሪያ ከረጢት የተከማቸ ፌስታል መወረሱ ተገልጿል

መስከረም 27 ቀን 2019 ዓ.ም. የአካባቢ ጥበቃ ባለስልጣን በአዲስ አበባ ከተማ አዋጅ ቁጥር 1383/2017 መሰረት ያደረገ የፕላስቲክ ክልከላ፣ ቁጥጥርና የእርምት እርምጃ በሁሉም ክፍለ ከተሞች በተጠናከረ ሁኔታ እየተካሄደ እንደሚገኝ ገልፆ በዚህም ከ480ሺህ በላይ የገንዘብ ቅጣትን ጨምሮ በርካታ የተከለከሉ ኩንታልና ማዳበሪያ ፌስታሎች መወረሳቸውን አስታውቋል።

በተደረገው የቁጥጥር ዘመቻ መሰረትም በአቃቂ ቃሊቲ ክፍለ ከተማ በሚገኙ 38 ንግድ ተቋማት ማለትም ሱቆች፣ ዳቦ ቤቶች፣ ጫት ቤቶችና ስጋ ቤቶች ላይ በተደረገ ቁጥጥር አዋጁን ጥሰው የተገኙ 4 ተቋማት እያንዳንዳቸው 50 ሺህ ብር እንዲሁም 7 ተቋማት እያንዳንዳቸው 5ሺህ ብር በአጠቃላይ 235ሺህ ብር ቅጣት እንዲቀጡ ተደርጎ ፌስታሎች መወረሳቸው ታውቋል።

@Yenetube Fikerassefa

የደጋፊዎች የወሩ ምርጥ ተጨዋች ማን ይሆናል ?

የ ፕሮፌሽናል እግር ኳስ ተጨዋቾች ማህበር ( PFA ) የወርሀ መስከረም የወሩ ምርጥ ተጨዋች እጩዎች ይፋ ተደርገዋል።

በዚህም መሰረት :-

⏩ ፓስካል ግሮስ

⏩ አሌክሳንደር አይሳክ

⏩ ጄርሚ ዣኬት

⏩ ኩስቱላስ

⏩ ኬቪን ሻድ እና

⏩ አንቶይን ሴሜንዮ በእጩነት መቅረብ ችለዋል።

@tikvahethsport      kidusyoftahe

የኢትዮጵያ ምግብና መድኃኒት ባለስልጣን የጥራት ጉድለት በታየባቸው ሰባት የመድኃኒት ምርቶች ላይ ማሳሰቢያ አወጣ

መስከረም 27 ቀን 2019 ዓ.ም. (አሐዱ ሬድዮ) የኢትዮጵያ ምግብና መድኃኒት ባለስልጣን የጥራት ጉድለት በታየባቸው እና ከገበያ እንዲሰበሰቡ በተወሰነባቸው ሰባት የመድኃኒት አይነቶች ላይ ህብረተሰቡ ጥንቃቄ እንዲያደርግ አሳስቧል።

ባለስልጣኑ ይህንን ማስጠንቀቂያ ያወጣው የኬንያ የመድኃኒት ተቆጣጣሪ አካል በሀገሪቱ በገበያ ላይ በተገኙ የተወሰኑ ምርቶች ላይ እርምጃ መውሰዱን መነሻ በማድረግ ነው።

ባለስልጣን መስሪያ ቤቱ የመድኃኒት ጥራት እና ደህንነት ክትትል ክፍል አማካሪ ዶ/ር ኤልሳቤት ወልደማርያም ለአሐዱ ሬዲዮ እንደተናገሩት ኢትዮጵያ እና ኬንያ ሰፊ ድንበር የሚጋሩ በመሆናቸው እነዚህ ምርቶች ወደ ኢትዮጵያ የመግባት ዕድል አላቸው።

በተለያዩ የጥራት እና የደህንነት ጉድለቶች ምክንያት ከገበያ እንዲሰበሰቡ ከተደረጉት ሰባት የመድኃኒት አይነቶች መካከል በህንድ የተለያዩ የመድኃኒት አምራች ኩባንያዎች የተመረቱት ፍላዛርት ሽሮፕ ፣ ሄፓካል 25000 ፣ ቱናክላቭ እና ክላክሲ 1.2 ግራም የተባሉ የመድኃኒት አይነቶች ይገኙበታል።

በተጨማሪም በቻይና ኩባንያ የተመረተው ሜታሚድ መርፌ እና በኬንያ አምራች የተመረተው ክሎክሳም ሽሮፕም ከተሰበሰቡት የመድኃኒት አይነቶች ውስጥ እንደሚገኙበት ተገልጿል።

በዚህም የክልል ተቆጣጣሪ አካላት የእነዚህን ምርቶች ስርጭት እና አጠቃቀም በቅርበት እንዲከታተሉ ያሳሰበው ባለስልጣኑ ህብረተሰቡም ምርቶቹ በእጁ የሚገኙ ከሆነ እንዳይጠቀምባቸው ጥብቅ ማሳሰቢያ ሰጥቷል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

በአዲስ አበባ ፌስታል ይዘው የተገኙ ተቋማት ከ480ሺህ ብር በላይ ተቀጡ

👉 በ 30 ማዳበሪያ ከረጢት የተከማቸ ፌስታል መወረሱ ተገልጿል

የአካባቢ ጥበቃ ባለስልጣን በአዲስ አበባ ከተማ አዋጅ ቁጥር 1383/2017 መሰረት ያደረገ የፕላስቲክ ክልከላ፣ ቁጥጥርና የእርምት እርምጃ በሁሉም ክፍለ ከተሞች በተጠናከረ ሁኔታ እየተካሄደ እንደሚገኝ ገልፆ በዚህም ከ480ሺህ በላይ የገንዘብ ቅጣትን ጨምሮ በርካታ የተከለከሉ ኩንታልና ማዳበሪያ ፌስታሎች መወረሳቸውን አስታውቋል።

በተደረገው የቁጥጥር ዘመቻ መሰረትም በአቃቂ ቃሊቲ ክፍለ ከተማ በሚገኙ 38 ንግድ ተቋማት ማለትም ሱቆች፣ ዳቦ ቤቶች፣ ጫት ቤቶችና ስጋ ቤቶች ላይ በተደረገ ቁጥጥር አዋጁን ጥሰው የተገኙ 4 ተቋማት እያንዳንዳቸው 50 ሺህ ብር እንዲሁም 7 ተቋማት እያንዳንዳቸው 5ሺህ ብር በአጠቃላይ 235ሺህ ብር ቅጣት እንዲቀጡ ተደርጎ ፌስታሎች መወረሳቸው ታውቋል።

በየካ ክፍለ ከተማ ደግሞ 116 ተቋማት ላይ ቁጥጥር ተደርጎ ለ 25 ተቋማት ማስጠንቀቂያ የተሰጠ ሲሆን 3 ሙሉ ኩርቱ ፌስታል ተወርሷል።

አዲስ ከተማ ክፍለ ከተማ በተደረገ ድንገተኛ ቁጥጥር ከ 200ሺህ ብር በላይ ግምት ያለው 30 መዳበሪያ ፌስታል ተወርሷል።

በተመሳሳይ በልደታ ክፍለ ከተማ ከአምስት ተቋማት ፣ በቂርቆስ ክፍለ ከተማ በወረዳ 10 ደብረ ወርቅ ህንፃ ውስጥ ካሉ ልብስና ጫማ ቤቶች እንዲሁም ቡቲኮች ላይ ቁጥጥር ተደርጎ ከ11 ተቋማት መካከል ስምንቱ ተኪ ምርት እንደሚጠቀሙ ተገልጿል።
ሕግ ተላልፈው በተገኙ ላይ የገንዘብ ቅጣት እንዲጣልባቸው ለደንብ ማስከበር መተላለፋቸው ታውቋል።

በንፋስ ስልክ ላፍቶ ክፍለ ከተማ ወረዳ 7፣ 9 እና 10 በተደረገ ቁጥጥር አዋጁን በተላለፉ ተቋማት ላይ እስከ 50 ሺህ ብር ቅጣት የተጣለ ሲሆን፣ በህገ ወጥ መንገድ የፕላስቲክ ክምችትና ችርቻሮ ያካሄዱ 8 ተቋማት ተጠያቂ ተደርገዋል ተብሏል።

በቦሌ ክፍለ ከተማ በወረዳ 13 እና 14 ገርጂ ሮባ አካባቢ አዋጁን በተላለፉ ተቋማት ላይ እርምጃ መወሰዱ ተገልጿል።

በለሚ ኩራ ክፍለ ከተማ ደግሞ በ 20 ተቋማት ላይ ቁጥጥር ተደርጎ አዋጁን በጣሱ ሁለት ተቋማት ላይ የ 200 ሺህ ብር ቅጣት እንደተጣለ ታውቋል።

በአጠቃላይ በአራዳ፣ ጉለሌ እና ልደታ ክፍለ ከተሞች በሚገኙ የንግድ ተቋማት ላይ ቁጥጥር ተደርጎ የተከለከሉ ፌስታሎች እንዲወረሱ፣ የእርምት እርምጃዎች እንዲወሰዱና ተኪ ምርት የሚጠቀሙ ነጋዴዎችን ደግሞ የማበረታታት ስራ መሰራቱ ተገልጿል።

የአካባቢ ጥበቃ ባለስልጣን ህብረተሰቡና የንግዱ ማህበረሰብ የአካባቢ ብክለትን ለመከላከል የተጣለውን የፕላስቲክ ክልከላ አዋጅ አክብረው እንዲንቀሳቀሱና ከተከለከሉ ፌስታሎች ይልቅ ተኪና አካባቢን የማይበክሉ ምርቶችን እንዲጠቀሙ አሳስቧል።
#አሐዱ_ሬዲዮ

ቪዛና ኢታ ሶሉሽንስ ለ148 ሺህ ነጋዴዎች ዲጂታል ክፍያ ሊያደርሱ ነው
‎
‎#ethiopia | ቪዛ (Visa) እና ኢታ ሶሉሽንስ (ETTA Solutions PLC) በኢትዮጵያ እስካሁን ከተጀመሩ የነጋዴ ዲጂታይዜሽን ፕሮግራሞች ትልቁ እንደሆነ የተገለጸውን የጋራ ፕሮግራም አስጀምረዋል። ፕሮግራሙ በመላ አገሪቱ ለ148 ሺህ ነጋዴዎች ደህንነቱ የተጠበቀ የዲጂታል ክፍያ መቀበያ አገልግሎት ለማዳረስ ያለመ ነው።

‎በስትራቴጂካዊ አጋርነቱ መሠረት 148 ሺህ የዞሪያ (Zoorya) ክፍያ መቀበያ መሳሪያዎችና በሺዎች የሚቆጠሩ ዘመናዊ የሽያጭ ቦታ (POS) ተርሚናሎች ለነጋዴዎች ይሰራጫሉ። ይህም በአዲስ አበባ ከሚገኙ ትላልቅ የችርቻሮ መደብሮች ባሻገር በአካባቢ ሱቆች፣ በገበያ ነጋዴዎች፣ በምግብ ቤቶች፣ በፋርማሲዎችና በትንንሽ ንግዶች የዲጂታል ክፍያ ተቀባይነትን ያሰፋል።
‎
‎ነጋዴዎች ቪዛ (Visa) ካርዶችን በንክኪ ብቻ መቀበል የሚያስችላቸው ሲሆን፣ ካርድ፣ የኪውአር (QR) ኮድ፣ የሞባይል ገንዘብና ከሂሳብ ወደ ሂሳብ የሚደረጉ ክፍያዎችንም በአንድ መሳሪያ መቀበል ይችላሉ። መሳሪያዎቹ የኤሌክትሮኒክ ደረሰኝ አሰጣጥንና የንግድ ሥራ አስተዳደርን ከክፍያ አገልግሎት ጋር በማጣመር ነጋዴዎች የሽያጭና የክምችት መረጃዎቻቸውን በቀላሉ እንዲያስተዳድሩ ያግዛሉ።
‎
‎የኢታ ሶሉሽንስ ዋና ሥራ አስፈጻሚና የዞሪያ ፔይ (ZooryaPay) ቦርድ ሰብሳቢ ዶክተር ተመስገን ገብረሕይወት፣ አጋርነቱ የኢትዮጵያን የንግድ ሥርዓት ወደ ንክኪ አልባ ዲጂታል ክፍያ ለማሸጋገር የሚያግዝ ትልቅ እርምጃ መሆኑን ገልጸዋል። እንደ እሳቸው ገለጻ፣ ኩባንያው ባለፈው ዓመት ብቻ ከ120 ቢሊዮን ብር በላይ የሚገመት የንግድ ልውውጥ በሥርዓቶቹ በኩል ማስኬዱን ጠቁመዋል።
‎
‎አዲሱ ፕሮግራም ከክፍያ መቀበያ በተጨማሪ ለነጋዴዎች የፋይናንስ ተደራሽነትን ለማሳደግም ያለመ ነው። በነጋዴዎች የግብይት ታሪክ ላይ በመመስረት የብድር ብቁነት መገለጫ እንዲዘጋጅላቸው የሚያደርግ ሲሆን፣ ኢታ ሶሉሽንስ ከኦፕታሲያ (Optasia) ጋር ባለው አጋርነት አማካይነት ነጋዴዎች ከአጋር ባንኮች የሥራ ማስኬጃ ብድር ለማግኘት የሚያመች ሁኔታ ለመፍጠር እየሰራ ነው።
‎
‎የኢታ ሶሉሽንስ መድረክ አውቶሜሽን፣ የክፍያ መቀበያ፣ ኢ-ኮሜርስና የብድር አገልግሎትን በአንድ ሥርዓት የሚያገናኝ ሲሆን፣ ይህም ነጋዴዎች ሽያጫቸውን ከማስተዳደር ጀምሮ ክፍያ እስከመቀበልና የፋይናንስ ዕድል እስከማግኘት ድረስ ያለውን ሂደት በተቀናጀ መልኩ እንዲያከናውኑ ያስችላል።
‎
‎ፕሮግራሙ በመጀመሪያ በአዲስ አበባ የሚጀምር ሲሆን፣ በቀጣዮቹ ወራት ወደ መላ ኢትዮጵያ እንደሚስፋፋ ተገልጿል። በዚህም በኢትዮጵያ የዲጂታል ክፍያ ተቀባይነትን ከማስፋት ባሻገር ትንንሽና ጥቃቅን ንግዶች የግብይት መረጃቸውን በመጠቀም ወደ መደበኛ የፋይናንስ አገልግሎት እንዲቀርቡ ለማድረግ ዕድል ይፈጥራል።
‎
‎ጌትነት ተመስገን
‎📷 ከበደ መክብብ
‎
‎#ethiopia #visa #ettasolutions #zoorya #zooryapay #digitalpayments #digitaltransformation #fintech #financialinclusion #contactlesspayments #merchantdigitization

የሚኒስቴር መስሪያ ቤቶች አዲስ አደረጃጀትና የስያሜ ለውጥ
#ethiopia | የሕዝብ ተወካዮች ምክር ቤት በ1ኛ ልዩ ስብሰባው የፌደራል መንግሥት አስፈጻሚ አካላትን ስያሜ፣ አደረጃጀት፣ ሥልጣንና ተግባር ለመወሰን በተዘጋጀው ረቂቅ አዋጅ ላይ ውይይት ማካሄድ ጀምሯል።

በስብሰባው ላይ የመንግሥት ተወካዩ አቶ ፍቃዱ ከተማ እና የፕላንና ልማት ሚኒስትሯ ዶክተር ፍጹም አሰፋ በረቂቅ አዋጁ አስፈላጊነት ላይ ማብራሪያ ያቀረቡ ሲሆን፣ የማሻሻያው ዋና ዓላማ የሥራ ክፍሎቹን አደረጃጀት ከተልዕኳቸው ጋር በማጣጣም የተቋማቱን አፈጻጸም ይበልጥ ውጤታማ ማድረግ እንደሆነ ገልጸዋል።

በቀረበው ረቂቅ መሠረት የአገሪቱ ሚኒስቴር መስሪያ ቤቶች ቁጥር 22 ሆኖ የሚቀጥል ሲሆን፣ በርካታ የመዋቅርና የስያሜ ማሻሻያዎች ተደርገዋል።

በዚህም መሠረት ቀድሞ የነበሩት የባሕልና ስፖርት ሚኒስቴር እና የቱሪዝም ሚኒስቴር ተቀናጅተው «የባሕልና ቱሪዝም ሚኒስቴር» በሚል በአዲስ መልክ እንዲደራጁ ተደርጓል።

በተጨማሪም «የፕላንና ልማት ሚኒስቴር» የነበረው ተቋም «የብሔራዊ ስትራቴጂ ሚኒስቴር» በሚል አዲስ ስያሜ የተካ ሲሆን፣ «የትራንስፖርትና ሎጂስቲክስ ሚኒስቴር» ደግሞ «የሎጂስቲክስ ሚኒስቴር» ተብሎ እንዲቀየር በረቂቅ አዋጁ ተመላክቷል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

ሰላም፣ እንደምን አደራችሁ?

በነባራዊ ሁኔዎች የተቃኙ የመደመር መንግሥት አቅጣጫዎች

አዲስ አበባ፣ መስከረም 27፣ 2019 (ኤፍ ኤም ሲ) የመደመር መንግሥት በ2019 ዓ.ም ትኩረት የሚሰጣቸውን ዋና ዋና ስትራቴጂካዊ አቅጣጫዎች በሕዝብ ተወካዮችና ፌዴሬሽን ምክር ቤቶች 7ኛ የሥራ ዘመን 1ኛ ዓመት የጋራ መደበኛ ስብሰባ መክፈቻ ላይ ይፋ አድርጓል።

አቅጣጫዎቹ ኢትዮጵያ እየተጓዘችበት ያለውን ሀገራዊ እድገት ብሎም የሀገር ውስጥ፣ ቀጣናዊ እና ዓለም አቀፋዊ ሁኔታዎች ከግምት ውስጥ ያስገቡ ናቸው፡፡

እነዚህ አቅጣጫዎች ሀገራዊ አንድነትን ከመገንባት ጀምሮ፣ ኢኮኖሚያዊ እድገትና ብልጽግናን ማረጋገጥ፣ የአገልግሎት ዘርፉን ማዘመን እና የዲፕሎማሲ ተጽዕኖን ማሳደግ የሚያስችሉ አጠቃላይ የፖሊሲ ግቦችን ያካተቱ ናቸው።

ሰላም ለሀገር ሕልውና፣ ለልማት እና ለዜጎች ሁለንተናዊ እድገት መሰረት መሆኑን በጥልቀት በመገንዘብ፣ በ2019 ዓ.ም ከመቼውም ጊዜ በላይ ለዘላቂ ሰላም መረጋገጥ ትልቅ ትኩረት ይሰጣል።

በዚህም የሀገርን ዘላቂ ጥቅም የሚያስቀድም፣ የዜጎችን አንድነት የሚያጠናክር እና ከልዩነቶች ይልቅ የጋራ እሴቶችን የሚያጎላ አሰራር ይተገበራል። ይህም በማንኛውም መስክ የሚከናወኑ ተግባራት በሙሉ ሀገራዊ ሕልውናን እና ልማትን ማዕከል ያደረጉ ይሆናሉ።

ሀገራዊ ኢኮኖሚው እና ማህበራዊ የአሰራር እይታው ከብዛት ወይም ከቁጥር ባሻገር በጥራት ላይ የተመሰረተ ሽግግር እንዲያደርግ ይደረጋል።

በየዘርፉ የሚከናወኑ ተግባራት ዘላቂነትን፣ ምርታማነትን እና ዓለም አቀፍ ተወዳዳሪነትን ማዕከል በማድረግ ኢኮኖሚና ማህበራዊ ዘርፎች እርስ በርስ እየተደጋገፉ የሚራመዱበት አጠቃላይ ሀገራዊ ሽግግር እውን ይሆናል።

ባለፉት ዓመታት በትምህርት፣ በጤና እና በማህበራዊ ጥበቃ ዘርፎች የተመዘገቡትን የተደራሽነት ወይም የስፋት ስኬቶች ወደ ላቀ ጥራት የማሸጋገር ትኩረት ቀጣይ ተልዕኮ ነው።

ሀገራዊ የኢኮኖሚ እድገትን አስተማማኝ እና ዘላቂ ይሆን ዘንድ መሰረታዊ ግብዓቶች ማለትም ለኢንዱስትሪና ለግብርና ዘርፍ የሚሆኑ ምርቶችን በሀገር ውስጥ የማምረት አቅም ይጎልብታል።

ታላላቅ ፕሮጀክቶችን የትራንስፖርት፣ የኃይል እና የዲጂታል መሰረተ ልማቶችን መገንባት፣ ማስፋፋት እና ማዘመን በራስ አቅም ይከናወናል።

በዚህም ቀደም ብለው በስኬት እንደተጠናቀቁት እንደ ታላቁ የኢትዮጵያ ሕዳሴ ግድብ ያሉ ትላልቅ የልማት ፕሮጀክቶች በተያዘላቸው ጊዜ እና በጀት እንዲጠናቀቁ ይደረጋል።

የፋይናንስ አጠቃቀምን እና የፕሮጀክት አፈጻጸምን በዘመናዊ አሰራር የታገዘ፣ ግልጽነት እና ተጠያቂነት የሰፈነበት ማድረግ ዋነኛ የትኩረት አቅጣጫ ነው።

ሀገራዊ ዕዳን በሥርዓት እና በኃላፊነት ማስተዳደር፣ የመንግሥትን ወጪና ገቢ በጥብቅ ዲሲፕሊን መቆጣጠር እና የሀገር ውስጥ ገቢን ማሳደግና የሕዝብ አገልግሎትን ቀላልና ቀልጣፋ ማድረግ የዚህ ዓመት ሌላኛው አንኳር አጀንዳ ነው።

ከዓለም አቀፍ አጋሮች ጋር ያለውን ግንኙነት ማጠናከር እና አዳዲስ ወዳጆችን ማፍራት፣ ለአፍሪካ ቀንድ እና ለቀጣናው ሰላም፣ ፈጣን የኢኮኖሚ ትስስር እና የጋራ እድገት ግንባር ቀደም በመሆን የኢትዮጵያ የውጭ ግንኙነት እና ዲፕሎማሲያዊ ምሕዳርም ከተራ ተቀባይነት ወደ ተጽዕኖ ፈጣሪነት የሚሸጋገርበት መንገድ ም በቀጣይ የሚተገበር ነው፡፡

የ2019 ዓ.ም የመደመር መንግሥት የትኩረት አቅጣጫ፣ ኢትዮጵያን በጠንካራ ኢኮኖሚያዊ፣ ማህበራዊ እና ዲፕሎማሲያዊ መሰረት ላይ ለማቆም ያለመና ሕዝባዊ ተሳትፎን ማዕከል ያደረገ አጠቃላይ ሀገራዊ የልማት ጥሪ ነው።
#የመደመር_መንግሥት

ስለ ወተት የተደረገው ጥናት ምንድነው የሚለው ?

የጥሬ ወተት ጥራትና ደህንነትን በተመለከተ ከእርባታ ሼድ እስከ ሽያጭ ባለው ሂደት አንዳንድ ለጤና አስጊ ሁኔታዎች እንዳሉ በጥናት ማረጋገጡን የአዲስ አበባ ከተማ አርሶ አደርና ከተማ ግብርና ልማት ኮሚሽን ለቲክቫህ ኢትዮጵያ ገልጿል።

የኮሚሽኑ ም/ኮሚሽነር ፀጋ ለማ፣ በከተማዋ 11 ክፍለ ከተሞች ስለወተት ጥራት ደህንነትና የግብይት ስርዓት ጥናት መደረጉን ነግረውናል።

በዚህም " ከእንስሳት እርባታ ሼዶች ጀምሮ እስከ ምርት መሸጫ ድረስ ባለው ሂደት ለጤና ስጋት የሚሆኑ ሁኔታዎች እንዳሉ ጥናቱ ጠቁሞናል " ሲሉ ተናግረዋል።

ከውሃ ባሻገር ለጤና ጠንቅ የሆነ "ባዕድ ኬሚካል" ጥሬ ወተት ላይ እንደሚጨመር ስሞታ ይቀርባል፤ "ኬሚካል" እንደሚጨመር ጥናቱ አሳይቷል ? ብለን ስንጠይቃቸው፣ "በጥናት ያረጋገጥነው በዋናነት ከፍተኛ ውሃ የሚጨምሩ አንዳንድ ነጋዴዎችና አርቢዎች እንዳሉ ነው" ብለዋል።

በጥናቱ " ወተቱ ዋናውን ይዘቱን እንዲያጣ የሚያደርጉ ችግሮች እንዳሉ አይተናል። ከማህበረሰቡ በኩል ግን 'ባዕድ ኬሚካል' የሚጠቀሙ እንዳሉ ጥቆማዎች ይመጣሉ። ያንን በቀጣይ ጥናት መመለስ ያስፈልጋል " ሲሉም ተናግረዋል።

ጥናቱ " በተጨባጭ የወተት አያያዛችን ለጤና ስጋት የሚያስከትል ስለሆነ ጥንቃቄ  ማድረግ ያስፈልጋል ፤ ቁጥጥር መደረግ አለበት " በሚል ኮሚሽኑ ከሌሎች ባለድርሻ አካላት ጋር ያጠናው ነው ሲሉ ገልጸዋል።

ለ " ካንሰር " የሚያጋልጥ ንጥረ ነገር ወተት ላይ መገኘቱን ጥናቱ በተጨባጭ አሳይቷል ?

ም/ኮሚሽነሩ፣ " በተጨባጭ ጥናቱ ይሄን አመላክቷል ሳይሆን አሁን ላይ ያለው የወተት አያያዝ ስርዓታችን ከሚፈለገው ስታንዳርድ አንጻር ሙሉ አይደለም ፤ ጉዳት ሊደርስ ስለሚችል ቅድመ ጥንቃቄ መደረግ አለበት " የሚል ነው ሲሉ ለቲክቫህ ኢትዮጵያ ገልጸዋል።

ይሁን እንጅ በዋነኛነት በየሱቁ የሚገዛው ወተት " በሁለት፣ ሦስት ቀንም አይረጋም፤ ችግሩ ምንድን ነው ? " በማለት ህብረተሰቡ ቢሮ ድረስ እየሄደ ጥቆማ እንደሚሰጥ አመልክተዋል።

" በጭምጭምታ ደረጃ ወተቱ ላይ ኬሚካል እንደሚጨመርበት ነው የምንሰማው " ሲሉ ተናግረዋል።

" ኬሚካሉ ደግሞ በጣም ከባድ ነው ወተቱን እንዳይረጋ ቢያደርግም በጊዜ ሂደት በጤና ላይ ጉዳት እንደሚያደርስ ሀኪሞች ያነሳሉ። በጊዜ ሂደት እነዚህ ነገሮች በከተማዋ በተጨባጭ ካሉ ካንሰር ሊያስከትል የሚችል ስጋት ሊያስከትል ይችላል " ብለዋል።

የተስተዋሉ ክፍተቶችን በተመለከተ ምን አሉ ?

የወተት አያያዝን በተመለከተ በእንስሳት እርባታ ሸዶች የሚደረጉ ጥንቃቄዎች ችግር ያለባቸው መሆኑንም ጥናቱ ማሳየቱን ገልጸዋል።

በእርባታ ቦታ ለላሞች የህክምና አሰጣጥ አንዲት ላም ህክምና ካገኘች ከስንት ጊዜ በኋላ ነው መታለብ ያለባት ? የሚለውን በሳይንሱ መሰረት አለመተግበር መስተዋሉን ገልጸዋል።

" የመድኃሃቱ ቅሪት እያለ አብሮ ወተቱን የማለብ እንቅስቃሴዎች እንዳሉ፣ የግንዛቤ ክፍተትም አለ " ሲሉ ተናግረዋል።

በመታለብ ላይ ያለች ላም በበሽታ ብትጠቃ መድኃኒት እንደሚሰጣት፣ መድኃኒቱ በላሚቷ ሰውነት ውስጥ ለምን ያክል ጊዜ እንደሚቆይ በሳይንስ የተረጋገጠ ነገር እንዳለ፣ የመድኃኒቱ ቅሪት የሚጠፋው ሀኪሞች በሚያስቀምጡት አግባብ በተለያዩ ጊዜ እንደሆነና የሀኪም ትዕዛዝ መተግበር እንደሚገባ አስገንዝበዋል።

" የመድኃኒቱ ቅሪት ከላሚቷ አካል ሙሉ ለሙሉ ሳይጠፋ ወተት ታልቦ ጥቅም ላይ የሚውል ከሆነ ግን የመድኃኒቱን ቅሪት ሰው እንዲመገበው እያደረግን ነው ማለት ነው " ብለው፣ ይህን በተመለከተ ዝርዝር ማዕቀፍ እየወጣ መሆኑን ገልጸዋል።

እንዲሁም፣ መኖ በተመለከተ በተለይ ከአቀማማጡ ጋር በተያያዘ "አፍላ ቶክሲን" የመፈጠር እድሉ ሰፊ መሆኑን ገልጸው፣ በዚህ ረገድ ክፍተቶች እንዳሉ ገልጸዋል።

" ከምንም በላይ የወተት ማለቢያ መሳሪያዎች ለምግብ ተስማሚ አለመሆናቸውን " የተናገሩት ፀጋ፣ በተለምዶ ወተት የሚገዛው በሃይላንድ፣ የሚጓጓዘውም ለማጽዳት አስቸጋሪ በሆኑ ጀርካዎች መሆኑን አንስተዋል።

በጊዜ ሂደት የፕላስቲኩ ፍቅፋቂ ከፀሐይ፣ ሙቀት ጋር ሲገናኝ የሚለቀቁ ነገሮች እንዳሉና ከፍተኛ የጤና ስጋት እንደሚያስትከሉ ሳይንሱ እንደሚያረጋግጥ ገልጸው፣ " እኛም በጥናታችን እነዚህ ነገሮች እየተተገበሩ እንደሆነ አይተናል " ሲሉ ለቲክቫህ ኢትዮጵያ ተናግረዋል።

(ተጨማሪ ይኖረናል)

ቲክቫህ ኢትዮጵያ
መስከረም 26 ቀን 2019 ዓ/ም

@tikvahethiopia

Update‼️

የመቀሌው አሉላ አባ ነጋ ኤርፖርት እድሳት ላይ መሆኑን ምንጮች ገለፁ።

በአውሮፕላን ማረፊያው ውስጥ ድንጋይ በመድፋት እንዲሁም አልፎ አልፎ በማሽን ተቆፍሮ በመገኘቱ አሁን ላይ በፌደራል መንግሥቱ አማካኝነት እድሳት እየተደረገለት መሆኑን ምንጮቻችን ገልጸዋል።

በዚህም ወደ መቀሌ በአጭር ጊዜ ውስጥ በረራ ለመጀመር እየተሰራ ይገኛል።

Seledadotio
Seledadotio

በ 2019 በጀት ዓመት የኢትዮጵያን ኤሌክትሪክ ተደራሽነትን 65 በመቶ የጤና መድህን ሽፋንን ደግሞ 85 በመቶ ለማድረስ መታቀዱ ተገለጸ

የሕዝብ ተወካዮችና የፌዴሬሽን ምክር ቤቶች 7ኛ የስራ ዘመን 1ኛ ዓመት የጋራ መደበኛ ስብሰባ ላይ ንግግር ያደረጉት ፕሬዝዳንት ታዬ አጽቀስላሴ በ 2019 በጀት ዓመት በማህበራዊ እና ኢኮኖሚያዊ ዘርፎች የዜጎችን ተጠቃሚነት የሚያረጋግጡ አበይት ተግባራ እንደሚከናወኑ አስታውቀዋል።

በዚህም መሰረት የሀገሪቱን የኃይል ተደራሽነት 65 በመቶ ለማድረስ ታቅዷል ብለዋል።

በሌላ በኩል የማህበረሰብ አቀፍ የጤና መድህን ሽፋንን ወደ 85 በመቶ ከፍ ለማድረግ ፣ በትምህርት ቤት የተማሪዎች የምገባ ሽፋንን ወደ 70 በመቶ ለማሳደግ እንዲሁም የአካባቢ ጥበቃና የደን ሽፋንን አሁን ካለበት 26 በመቶ በላይ ከፍ ለማድረቅ መታቀዱን ገልጸዋል።

በበጀት ዓመቱ የንጹህ ውሃ አቅርቦት ተጠቃሚነትን በስፋት ማዳረስ እንዲሁም የመሶብ አገልግሎት ማዕከላት ቁጥርና አቅም በከፍተኛ ደረጃ እንዲበራከቱ ማድረግ ሌላው የመንግስት አቅጣጫ መሆኑን ጠቁመዋል።

ይህንን ዕቅድ እውን ለማድረግ መንግስት አዳዲስ አሰራሮችና አደረጃጀቶች እንደሚከተል የጠቆሙት ፕሬዝዳንቱ የዓመቱን ዕቅድ የሚያስፈጽሙ አካላት ዋዛ ፈዛዛ ልምምዶችን በመተው በትጋትና በህዝብ አገልጋይነት ስሜት መስራት እንዳለባቸው አሳስበዋል።

በስፍራሽ ደመላሽ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ