(ዘ-ሐበሻ መዝናኛ ዜና) የሟቹ ዕውቅ ድምፃዊ ማዲንጎ አፈወርቅ የመጨረሻ የድምፅ ቅጂዎችን ያካተተው አዲስ አልበም በመስከረም 2019 ዓ.ም. (በፈረንጆች ኦክቶበር 2026) መጨረሻ ላይ ለሕዝብ ይፋ እንደሚደረግ ተገለጸ። 'ዘ ሪፖርተር' ከድምፃዊው ቤተሰብ የሕግ ወኪሎች፣ የዝግጅት አዘጋጆች እና ከረጅም ጊዜ ማናጀሩ ዘላለም መኩሪያ ጋር በማረጋገጥ እንደዘገበው፣ ይህ የአልበም ሪሊዝ በአዲሱ ዓመት የኢትዮጵያ የሙዚቃ ኢንዱስትሪ ውስጥ ትልቅ የባህል ክስተት እንደሚሆን ይጠበቃል።

የድምፃዊው ማናጀር ዘላለም መኩሪያ በሰጡት ልዩ ቃለ-መጠይቅ፣ የአልበሙ ማስጀመሪያ ቀን በትክክል ባይገለጽም በመስከረም ወር ውስጥ እንደሚሆንና ቢዘገይ እንኳን በወሩ መጨረሻ እንደሚለቀቅ አረጋግጠዋል። ይህ አልበም የሚለቀቀው ማዲንጎ በድንገት ካረፈ ከአራት ዓመታት በኋላ ነው። ድምፃዊው ከማለፉ በፊት ከፍተኛ የጥበብ ጥራት ያለው ሥራ ለማቅረብ በማሰብ ለዓመታት ጽሑፎችን ሲያዘጋጅ፣ ምርምር ሲያደርግ እና ሥራዎችን በጥንቃቄ ሲመርጥ እንደነበር ተገልጿል።

አልበሙን የማጠናቀቁ ሂደት እጅግ ፈታኝ እንደነበር የገለጹት ማናጀሩ፣ ድምፃዊው ካረፈ በኋላ ስቱዲዮ ውስጥ የነበሩትን ድምፆች ለማዳን እና ለማቀነባበር ከፍተኛ ጥረት መደረጉን አብራርተዋል። ይህንን ከባድ ኃላፊነት የተሞላበት ጥረት በዋናነት ያስተባበረችው የድምፃዊው ብቸኛ ወራሽ የሆነችው ልጁ ዲቦራ ማዲንጎ ስትሆን፣ ከ1998ቱ "ስያሜ አጣሁላት" የመጀመሪያ አልበም ጀምሮ ማናጀሩ የነበረው ዘላለም መኩሪያ ደግሞ ከሌሎች አንጋፋ የሙዚቃ ባለሙያዎች ጋር በመሆን የማቀነባበር ሂደቱን በበላይነት መርቷል።

ድምፃዊው በሕይወት ባለመኖሩ ምክንያት የድምፅ ማስተካከያዎችን ለማድረግ ቴክኒካዊ ድጋፎች ላይ ማተኮር ግድ ብሎ እንደነበር ዘላለም ተናግረዋል። ግጥሞቹን በድጋሚ ለመቅዳት ባለመቻሉ፣ ከስቱዲዮ ስቱዲዮ በመዘዋወር ፋይሎቹን ከኤምፒ3 (MP3) ወደ ዌቭ ፎርማት ለማሳደግ እና የሙዚቃ መሣሪያዎችን ሙሉ በሙሉ እንደ አዲስ ለመሥራት መገደዳቸው የሥራውን አስቸጋሪነት ያሳያል።

ይህ በጉጉት የሚጠበቀው አልበም ከ11 እስከ 12 የሚደርሱ ሙሉ በሙሉ አዳዲስ ሙዚቃዎችን ያካተተ ነው። በግጥምና ዜማ ፋንታ ወጨፎ፣ ይልማ ገብረአብ፣ አበበ ብርሃኔ እና መኮንን ለማ (ዶክተር) የተሳተፉ ሲሆን፤ በሚኪ ጃኖ፣ ዶክተር፣ አዲስ ፍቃዱ እና በሳክስፎኒስት ዘሪሁን በለጠ የሙዚቃ ቅንብሩ ተሠርቷል። የኦዲዮ ማስተሪንግ ሥራው በክብረት ዘኪዮስ እና በኪሩቤል የተሠራ ሲሆን፣ ታዋቂ ኢትዮጵያውያን ድምፃውያን ደግሞ በጀርባ አጃቢነት ተሳትፈውበታል።

ከተለመደው የንግድ ሥርዓት በተለየ መልኩ፣ አልበሙ በአካላዊ ቅርጽ (በሲዲ ወይም በካሴት) ለገበያ አይቀርብም። ይልቁንም በልጁ ዲቦራ በሚተዳደረው የማዲንጎ አፈወርቅ ይፋዊ የዩቲዩብ ቻናል በኩል በቀጥታ ለሕዝብ ይደርሳል። የአልበሙን መለቀቅ ተከትሎም በቅርቡ ዝርዝሩ የሚገለጽ የማስጀመሪያ መርሐ-ግብር እንደሚኖር ዘላለም ጠቁመዋል።
ማዲንጎ አፈወርቅ በረጅም የሙዚቃ ዘመኑ "ስያሜ አጣሁላት" (1998/1999)፣ "አይደርገም" (2005) እና "ስወድላት" (2015) የተሰኙ ሦስት ብቸኛ አልበሞችን እንዲሁም በርካታ ነጠላ ዜማዎችን፣ የብሔራዊ ስሜት ቀስቃሽ ዘፈኖችን እና የወታደራዊ ባንድ ሥራዎችን ለሕዝብ ማቅረቡ ይታወሳል። አልበሙ የቴክኒክ ሥራዎች ስለበዙበት መዘግየቱን በማንሳት ይቅርታ የጠየቁት ዘላለም መኩሪያ፣ አድናቂዎች በጉጉት የሚጠብቁት ይህ የድምፃዊው የመጨረሻ ድምፅ የጥበብ ሌጋሲውን የሚመጥን ድንቅ ሥራ እንደሚሆን ያላቸውን ሙሉ እምነት ገልጸዋል።

(ዘ-ሐበሻ ዜና) በናይጄሪያ ታዋቂ የሆነው ድምፃዊ ዴቪድ አዴሌኬ ወይንም ዳቪዶ በማህበራዊ ሚዲያ በሰጠው ፖለቲካዊ አስተያየት ኢትዮጵያ ወይንም ሩዋንዳ ውስጥ ቢሆን ኖሮ ይታሰር እንደበር የፕሬዝደንት ቦላ ቲኒቡ የሚዲያ አማካሪ ገለፁ፡፡ የናይጄሪያው ፕሬዝደንት የሚዲያ ከፍተኛ አማካሪው ቴሚቶፔ እጃዬ ይህንን የተናገሩት በአገሪቱ ኦሱን ግዛት በተካሄደው ምርጫ ገዢው ፓርቲ መሸነፉን ተከትሎ የድምፃዊው ሚና ምን እንደነበር ሲያብራሩ ነው፡፡

በግዛቱ የተደረገውን ምርጫ ያሸነፉት የዳቪዶ አጎት የሆኑት አዴሞላ አዴሌኬ ሲሆኑ በምርጫ ቅስቀሳው ወቅት ድምፃዊው በማህበራዊ ሚዲያ ድጋፍ ሲሰጣቸው እንደነበር አውስተዋል፡፡ አማካሪው ሲናገሩ ‹‹ዳቪዶ በምርጫው ወቅት ገለልተኛ የፖለቲካ አስተያየት አልሰጠም፡፡ ለአጎቱ በንቃት ቅስቀሳ ሲያደርግ ነበር፡፡ በትዊተርና በማህበራዊ ሚዲያዎቹ በሙሉ የሚፅፋቸው ገለልተኛ ያልሆኑና አጎቱ እንደያሸንፉ ያለውን ፍላጎት የሚገልፁ መሆናቸው ግልፅ ነበር›› ካሉ በኋላ ድምፃዊው በናይጄሪያ ዲሞክራሲያዊ ስርአት የመናገር ነፃነት እንዳለው ገልፀው አንዳንድ ፅሁፎቹ ግን በህግ ያስጠይቁት እንደነበር አስረድተዋል፡፡

ጨምረውም ‹‹ዳቪዶ ከተናገረው ውስጥ 99 ፐርሰንቱ በብዙ አገራት ውስጥ የማይደፈር ነበር፡፡ ምክንያቱም እርምጃ ይወሰድበታል›› ብለዋል፡፡ የፕሬዝደንቱ አማካሪ በማስከተልም ለድምፃዊው ባስተላለፉት መልእክት ‹‹ዳቪዶ ኢትዮጵያ ወይንም ሩዋንዳ ብትሆን ትታሰር ነበር›› ማለታቸውን ሰሀራ ሪፖርተርስ ዘግቧል፡፡

ብሔራዊ ባንክ የግሎባል ባንክን ጊዜያዊ ዋና ሥራ አስፈጻሚ ሹመት ውድቅ አደረገ
#ethiopia | ​የኢትዮጵያ ብሔራዊ ባንክ ግሎባል ባንክ ኢትዮጵያ አቶ ሳህለሚካኤል መኮንን የባንኩ ጊዜያዊ ዋና ሥራ አስፈጻሚ አድርጎ ለመሾም ያቀረበውን ጥያቄ መስፈርቶችን አላሟላም በሚል ውድቅ እንዳደረገው ከ ዘ ሪፖርተር ማጋዚን ሰምተናል።

​ብሔራዊ ባንክ ለግሎባል ባንክ የዳይሬክተሮች ቦርድ በላከው ይፋዊ ደብዳቤ እንደገለጸው፣ የቀረቡት ሰነዶች ሲገመገሙ አቶ ሳህለሚካኤል በባንኩ መመሪያ ቁጥር SBB/89/2024 አንቀጽ 5.1.3 (ለ) ላይ የተደነገገውን ዝቅተኛ የሥራ ልምድ መስፈርት አያሟሉም።

በዚህም ምክንያት ግሎባል ባንክ በባንክ ሥራ አዋጅ ቁጥር 1360/2017 የተመለከቱትን ህጋዊ የብቃት መስፈርቶች የሚያሟላ ሌላ አማራጭ ዕጩ መርጦ እንዲያቀርብ ታዟል።

​የግሎባል ባንክ የዳይሬክተሮች ቦርድ የአቶ ሳህለሚካኤልን ሹመት በሐምሌ ወር 2018 ዓ.ም ያጸደቀ ሲሆን፣ የብሔራዊ ባንክን ፈቃድ ለማግኘት በሐምሌ 17 ቀን 2018 ዓ.ም ማመልከቻ ማስገባቱ ይታወሳል።

የባንኩ የማርኬቲንግ እና ኮሙኒኬሽን ዳይሬክተር አቶ ቢንያም ፍቃዱ የብሔራዊ ባንክን ውሳኔ ያረጋገጡ ሲሆን፣ ባንኩ በቀጣይ አዲስ ዕጩ አቅርቦ የሚያስጸድቅ ይሆናል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

በኢትዮጵያ ጥምር ዜግነት እንዳይፈቀድ ስምምነት ለይ ተደረሰ

የግል መገናኛ ብዙኋን በገለልተኛ ቦርድ እንዲተዳደሩ ስምምነት ላይ ተደርሷል ተብሏል

በኢትዮጵያ ጥምር ዜግነት ለጊዜው እንዳይፈቀድ፣ ወደፊት ግን የአገሪቱ ነባራዊ ሁኔታ እየታየ ውሳኔ እንዲሰጥበት፣ የተቋማት ግንባታ፤ የሕግ የበላይነትና ሰብዓዊ መብቶች አጃንዳ ላይ የ500  ቡድን ተመካካሪዎች መግባባት ላይ መድረሳቸው ተገለጸ።

የፖለቲካ ፓርቲዎችን ወክለው በዚህ አጀንዳ ላይ ተወያይ የሆኑት የቁጫ ሕዝቦች ዴሞክራሲያዊ ፓርቲ ተወካይ አቶ ዓለማየሁ እኩሌ፣ በዚህ አጀንዳ በቀረቡ 109 ምክረሐሳቦች ላይ ተመካካሪዎች ከመግባባት መድረሳቸውን፣ ሐሳብ በልዩነት፣ ባለመግባባት ወደ ቅርቃርና ወደ አስታራቂ ሽማግሌ አለመግባቱን ለሪፖርተር ገልጸዋል።

በውጭ የሚኖሩ ኢትዮጵያውያን (ዳያስፖራ) ጉዳይ፣ የጥምር ዜግነት መብት እውቅናና ሌሎች ጉዳዮች፣ በንዑስ አጀንዳነት የቀረቡ ሲሆን፤ የጣምራ ዜግነት፣ የመምረጥና የመመረጥ መብት ኢትዮጵያ አሁን ከደረሰችበት ዕድገት ደረጃ አኳያ ሙሉ ለሙሉ ከተሰጠ ለአገር ሉዓላዊነት አዳጋች እንደሚሆንና ወንጀል ሊያስፋፋ ስለሚችል ለጊዜው ሳይፈቀድ እንዲቆይ፣ ሆኖም ወደፊት ግን ተጨባጭ ሁኔታዎች እየታዩ የሚፈቀድበት ሁኔታ እንዲኖር የሚያስችለው ምህዳሩ ክፍት እንዲሆን በምክረሐሳብ ደረጃ መግባባት ላይ መደረሱን ገልጸዋል።

ጣምራ ዜግነት ይሰጥ ከተባለ እንደ ግብፅ፣ ኤርትራና ሱዳን ያሉ አገሮች ውስጥ የሚገኙ ዜጎች መብት እንዲያገኙ የሚያደርግ ነው። ይህ ደግሞ የአገርን ሚስጥር አሳልፎ ለመስጠት መፍቀድ ስለሚሆን ለጊዜው መሰጠት የለበትም።

Seledadotio
Seledadotio

የምክክር ኮሚሽኑ የተመሰረተበት ዋና አላማ የሆነው አጀንዳ ፀደቀ‼🙄🙄

ኢትዮጵያ በፕሬዚዳንት እንድትመራ ተመካካሪዎች ሙሉ በሙሉ መግባባት መደረሳቸው ታውቋል።

ኢትዮጵያ በጠ/ሚኒስትር ቀርቶ በፕሬዚዳንት እንድትመራ፣ የመንግሥት አደረጃጀትና ቅርጽ፣ እንዲሁም የፖለቲካ ሥርዓት፣ የፖለቲካ ውክልናና የምርጫ ሥርዓት አጀንዳ ላይ የ500 ቡድን ተመካካሪዎች ሙሉ በሙሉ ተሰምቷል።

በዚሁ አጀንዳ ላይ ተወያይ የነበሩ ተመካካሪዎች ለሪፖርተር በሰጡት አስተያየት፣ በቀረቡት አብዛኞቹ ምክረሐሳቦች መግባባት ላይ መደረሱን ሆኖም ያላግባቡና ወደ ቀጣይ የተሻገሩ ጉዳዮች መኖራቸውንም ገልጸዋል።

በዚህም የ500 ቡድን ተመካካሪዎች የአገሪቱ አስተዳደር ሥርዓት ፓርላሜንታሪ ሆኖ እንዲቀጥል፣ የአገሪቱ መሪ ፕሬዚዳንት እንዲሆን፣ አዲሱ ተመራጭ ፕሬዚዳንትም የጠቅላይ ሚኒስትሩና የፕሬዚዳንቱ ሥልጣንና ተግባርን ጠቅልሎ እንዲወጣ በምክረሐሳብ ደረጃ ከመግባባት ላይ መደረሱን፣ ይህም ጠቅላይ ሚኒስትር እንዲቀር የሚያደርግ መሆኑን ተናግረዋል።

የአገሪቱ መሪ የሥልጣን ዘመን 6 ዓመት ሆኖ ለሁለት ዙር እንዲደረግ፣ የክልል መሪዎችም ከፌዴራሉ ጋር ተመሳሳይ እንዲሆን በምክረሐሳብ ደረጃ ከመግባባት ላይ መደረሱን ገልጸዋል።

የሕገመንግሥት ጉዳዮች ተርጓሚ ፍርድ ቤት እንዲቋቋም፣ አሁን ያለው የፌዴሬሽን ምክር ቤት አሠራር ያልመለሳቸው የማንነትና የራስን በራስ የማስተዳደር ጥያቄዎች “ሕብረ ብሔራዊ አንድነት ኮሚሽን" የሚል ሥያሜ ያለው ገለልተኛ ተቋም በአስቸኳይ ተቋቁሞ በአጭር ጊዜ ውስጥ ምላሽ እንዲሰጥባቸው ለዚህም ይረዳ ዘንድ ልዩ የባለሙያዎች ቡድን እንዲቋቋም በምክረሐሳብ ደረጃ ከመግባባት ላይ ተደርሷል።

Seledadotio
Seledadotio

(ዘ-ሐበሻ ዜና) የኢትዮጵያ አየር መንገድ በሩሲያ የተቀመጠውን 45 ሚሊዮን ዶላር ለማግኘት መቸገሩን ገለፀ፡፡ የኢትዮጵያ አየር መንገድ በውጭ አገራት ከሚያደርገው የትኬት ሽያጭ ገቢውን ለመሰብሰብ ተግዳሮቶች እየገጠሙት መሆኑን ጠቅሶ በአሁኑ ወቅት በሩሲያ 45 ሚሊዮን ዶላር እንዳለው አስታውቋል፡፡ ይሁንና በዩክሬይን ጦርነት የተነሳ የአውሮፓ አገራት በጣሉት ማእቀብ ይህንን ገንዘቡን ማግኘት እንዳልቻለ አስረድቷል፡፡

ይህ በሞስኮ የሚገኘው የአየር መንገዱ ገንዘብ በጠቅላላው ለማግኘት ከተቸገረው 90 ቢሊዮን ዶላር ግማሽ ያህሉን የሚሸፍን ነው፡፡ የኢትዮጵያ አየር መንገድ ቺፍ ኮሜርሺያን ኦፊሰር አቶ ለማ ያዴቻ ለሪፖርተር መፅሄት ሲናገሩ ‹‹በሩሲያ ላይ በተጣለው ማእቀብ የተነሳ ከባንክ ወደባንክ መደበኛ የገንዘብ ዝውውር ማድረግ አልቻልንም›› ብለዋል፡፡ ጨምረውም ‹‹ቀደም ሲል በሞስኮ ከሚገኘው አካውንታችን በቀጥታ ወደአሜሪካ፣ እንግሊዝ፣ የተባበሩት አረብ ኤመሬትስ፣ ጀርመን ወይንም አዲስ አበባ ወደሚገኙ የባንክ አካውንታችን ማስተላለፍ እንችል ነበር፡፡

አሁን ግን ሲቲ ባንክን ጨምሮ የኢትዮጵያ አየር መንገድ አጋር የሆኑ አለም አቀፍ ባንኮች ከሩሲያ ባንኮች ገንዘብ መቀበልም ሆነ መላክን ከልክለዋል›› በማለት ገልፀዋል፡፡ በሩሲያ ውስጥ የሚገኘውን ይህንን 45 ሚሊዮን ዶላር ለማስለቀቅ ከኢትዮጵያ ውጭ ጉዳይ ሚኒስቴርና ከዲፕሎማሲያዊ ልኡካን ጋር እየሰሩ መሆናቸውንም አስረድተዋል፡፡ በአዲስ አበባ የሚገኘው የሩሲያ ኤምባሲ ፕሬስ ሰክሪተሪ ሊዮኔል ባርዘንዩክ ስለጉዳዩ ተጠይቀው ኤምባሲው በዚህ ላይ አስተያየት ያለመስጠት አቋም እንዳለው ገልፀዋል፡፡

ከ2010 በኋላ የወጡ አብዛኛዎቹ አዋጆች በችኮላ የተዘጋጁ በመሆናቸው በተደጋጋሚ እንዲሸሻሉ መደረጋቸው በጥናት ተመላከተ

ከ2010 ዓ.ም. በኋላ የወጡ አብዛኛዎቹ አዋጆች በችኮላ የተዘጋጁ በመሆናቸው ለተደጋጋሚ ማሻሻያ መጋለጣቸውንና ከአዋጆቹ ድንጋጌዎች ጋር የሚጋጩ ደንቦችና መመሪያዎች እንዲወጡ ምክንያት መሆናቸውን የፌደራል ሕግና ፍትሕ ኢንስቲትዩት ጥናት አመላከተ።

ኢንስቲትዩቱ ከዩኒቨርሲቲዎችና ከሌሎች አጋር ተቋማት ጋር በመተባበር ባካሄዳቸው አምስት ጥናቶች ላይ ባደረገው የማጽደቂያ ዓውደ ጥናት ግኝቶቹን አቅርቧል።

ጥናቱ ከ2010 እስከ 2018 ዓ.ም. በሕዝብ ተወካዮች ምክር ቤት የወጡ ሁሉንም አዋጆች የሸፈነ ሲሆን፣ በሀገሪቱ የሕግ አወጣጥ ሥርዓት መረጋጋትን የሚመለከት የተለየ ፖሊሲ እንደሌለ ጠቁሟል።

ለአብነትም የኢትዮጵያ ዜና አገልግሎትን እንደገና ለማቋቋም የወጣው አዋጅ በተመሳሳይ ዓመት በሌላ አዋጅ መሻሻሉንና ከሁለት ዓመት በኋላም በ2015 ዓ.ም. እንደገና መሻሻሉን ጥናቱ አመላክቷል።

በተጨማሪም አንዳንድ አዋጆች ከሕገ መንግሥቱ ጋር የሚጋጩ ድንጋጌዎች እንዳሏቸው ጥናቱ ጠቁሟል።

በሕገ መንግሥቱ ውስጥም አሻሚ ቃላት፣ ግልጽነት የጎደላቸው አንቀጾችና አንዳንድ የሚጋጩ መርሆዎች መኖራቸውን ጥናቱ አመላክቶ፣ የሕገ መንግሥቱ ትርጓሜ ጉዳይ በጥናት እንዲታይ ምክረ ሃሳብ አቅርቧል።

ደንቦችና መመሪያዎች በየጊዜው ሲሻሻሉም በቂ ጥናትና ትኩረት ሊደረግባቸው እንደሚገባ ጥናቱ አሳስቧል።ዘገባው የሪፖርተር ነው።

Seledadotio
Seledadotio

(ዘ-ሐበሻ ዜና) የኤርትራ መንግሥት የማስታወቂያ ሚኒስትር አቶ የማነ ገብረመስቀል፣ አንድ የኤርትራ ከፍተኛ ዲፕሎማት በተባበሩት መንግሥታት ድርጅት የሰብዓዊ መብቶች ምክር ቤት የ2026 የማህበራዊ መድረክ ሰብሳቢ ሆነው መሾማቸውን ተከትሎ የኤርትራ ተቺዎች በከፍተኛ ቁጣ ውስጥ እንደሚገኙ ገለጹ።

ነሐሴ 3 ቀን 2026 እ.ኤ.አ. በተጻፈው የተባበሩት መንግሥታት ድርጅት የሰብዓዊ መብቶች ምክር ቤት ፕሬዝዳንት ሲዳርቶ አር. ሱርዮዲፑሮ ይፋዊ ደብዳቤ መሠረት፣ የኤርትራው ጊዜያዊ ጉዳይ ፈጻሚ አቶ ሀብቶም ዘርዓይ ግርማይ በ2026ቱ የማህበራዊ መድረክ የሰብሳቢነት እና ሪፖርተርነት ሚናን እንዲወጡ ተሹመዋል። ይህ ሹመት የተሰጠው በአፍሪካ ሀገራት ቡድን አቅራቢነት ሲሆን፣ መድረኩም ከጥቅምት 29 እስከ 30 ቀን 2026 እ.ኤ.አ. እንደሚካሄድ ደብዳቤው ያስረዳል።

አቶ የማነ ኤክስ በተባለው የማህበራዊ ትስስር ገጻቸው ላይ ባሰፈሩት መልእክት፣ ይህ ሹመት የኤርትራን ተቺዎች ክፉኛ እንዳስቆጣቸው ገልጸዋል። አክለውም፣ ኤርትራ ከዚህ ቀደም በህፃናት መብት ተቋም (ዩኒሴፍ) ሥራ አስፈፃሚ ቦርድ ውስጥ መሾሟን፣ እንዲሁም በቅርቡ የ81ኛው የተባበሩት መንግሥታት ድርጅት ጠቅላላ ጉባኤ ምክትል ፕሬዝዳንት ሆና መመረጧን አስታውሰው፣ እነዚህ ተከታታይ የዲፕሎማሲ ድሎች በተመሳሳይ መልኩ ተቃዋሚዎችን ያስቆጡ እንደነበር አብራርተዋል።

ሚኒስትሩ የተቺዎቹን ቁጣ በሁለት ዋና ዋና ምክንያቶች ይገልጹታል። የመጀመሪያው፣ ኤርትራ በዓለም አቀፍ መድረክ ድምጿ መሰማቱ እና በባለብዙ ወገን ዲፕሎማሲ የምታበረክተው አስተዋጽኦ እውቅና ማግኘቱ፣ ተቺዎቹ ሀገሪቱን ለማጥላላት ያለማቋረጥ የሚያደርጉትን የፈጠራ ዘመቻ ክፉኛ ስለሚያከሽፍባቸው መሆኑን አብራርተዋል። ሁለተኛው ምክንያት ደግሞ፣ ይህ እውቅና በመጨረሻ ተቃዋሚዎች አግባቢዎችን (ሎቢስቶችን) ለመቅጠር የሚያፈሱትን ከፍተኛ ገንዘብ እና ጥቅም አደጋ ላይ ስለሚጥለው መሆኑን ገልጸዋል።

አቶ የማነ መልእክታቸውን "ውሻ ጮኸ ብሎ ግመል ጉዞውን አያቋርጥም!" በሚለው ታዋቂ አባባል በመቋጨት፣ ኤርትራ ምንም እንኳን የዲፕሎማሲያዊ ተቃዋሚዎች ጫጫታ ቢኖርባትም በዓለም አቀፍ መድረክ ያላትን ተሳትፎ አጠናክራ እንደምታስቀጥል አስረግጠው ተናግረዋል።

ይከፈላል ተብሏል‼️
በምርጫ ቦርድ እና በምርጫ አስፈጻሚዎች መካከል ያለው የክፍያ ውዝግብ።
​በሰባተኛው አገራዊ ምርጫ የተሳተፉ የመስክ አሠልጣኞች፣ የማስተባበሪያ ኃላፊዎችና የቆጠራ አስተባባሪዎች በገቡት ውል መሠረት ሊከፈላቸው የሚገባው የአገልግሎትና የጉዞ አበል ክፍያ እንዳልተፈጸመላቸው ገለጹ።

ባለሙያዎቹ ኃላፊነታቸውን በሰዓቱና በውሉ መሠረት ቢያጠናቅቁም ክፍያው በመዘገየቱ ከፍተኛ የኢኮኖሚና የሥነ ልቦና ጫና እንደደረሰባቸው በመግለጽ የቦርዱን ኃላፊዎች ለጥያቄያቸው ግዴለሽነት አሳይተዋል ሲሉ ከሰዋል።

​የኢትዮጵያ ብሔራዊ ምርጫ ቦርድ በበኩሉ ለሪፖርተር ጋዜጣ  በሰጠው ምላሽ፣ ክፍያው ከመፈጸሙ በፊት አሠልጣኞቹ በውላቸው መሠረት ሥራቸውን በአግባቡ መወጣታቸውን የማጣራትና የማረጋገጥ ሥራ መሠራት እንዳለበት አስታውቋል።

ቦርዱ አክሎም ምርጫው የተካሄደው የበጀት ዓመቱ መዝጊያ ላይ በመሆኑ የነበረው በጀት በማለቁ ተጨማሪ በጀት እንዲለቀቅለት መጠየቁንና በጀቱ ሲፈቀድ ማጣራቱ ተጠናቆ ክፍያው እንደሚፈጸም አብራርቷል።

Seledadotio
Seledadotio

ኢትዮጵያ ለመጀመሪያ ጊዜ የገነባችው ግዙፍ የወርቅ ማጣሪያ ፋብሪካ ሥራ ሊጀምር መሆኑን ብሔራዊ ባንክ አስታወቀ!!

የወርቅ ግዥን ወደ ንግድ ባንኮች ለማዘዋወር ጥናት እየተደረገ ነው ተብሏል

የኢትዮጵያ ብሔራዊ ባንክ ገዥ እዮብ ተካልኝ (ዶ/ር) የአገሪቱ የመጀመሪያው የወርቅ ማጣሪያ ፋብሪካ፣ በመጪው አንድ ወር ውስጥ ተመርቆ ሥራ እንደሚጀምር አስታወቁ።

ገዥው ይህንን የገለጹት የገንዘብ ፖሊሲ ኮሚቴ በሰባተኛ ስብሰባው የገመገማቸውን የኢኮኖሚና የፋይናንስ ሁኔታዎች፣ ያቀረባቸውን ምክረ ሐሳቦችና የብሔራዊ ባንክ ቦርድ ያፀደቃቸውን የፖሊሲ ውሳኔዎች አስመልክቶ ሰኞ ሐምሌ 6 ቀን 2018 ዓ.ም. ለመገናኛ ብዙኃን ማብራሪያ ሲሰጡ ነው።

ከአፍሪካ አልፎ ከዚያ በላይ በግዙፍነቱ የሚጠቀስ የወርቅ ማጣሪያ ፋብሪካ (ሪፋይነሪ) ግንባታ እየተከናወነ መሆኑን የገለጹት እዮብ (ዶ/ር)፣ ፋብሪካው በመጪው አንድ ወር ውስጥ ተጠናቆ ወደ ሥራ ሲገባ፣ ለአገሪቱ የወርቅ ገበያ እጅግ ከፍተኛ አቅም እንደሚፈጥር አስረድተዋል።

የአገር ውስጥ የወርቅ ማጣሪያ ፋብሪካ ወጪን በከፍተኛ ደረጃ ከመቀነሱም በላይ፣ ቀደም ሲል ወርቅ ወደ ውጭ በመላክ እንዲነጠር ተደርጎ ከዚያ በኋላ ለሌሎች ክምችት በዶላር የመሸጠን አሠራር ሙሉ ለሙሉ የሚያስቀር ነው ብለዋል። በመሆኑም ፋብሪካው ለኢትዮጵያ የወርቅ ገበያ ብቻ ሳይሆን ለአጠቃላይ ቀጣናው ትልቅ አቅም ሊሆን ይችላል ሲሉ ገልጸዋል።

ገዥው ይህንን ቢሉም ፋብሪካው የት አካባቢ እየተገነባ እንዳለና ሌሎች ዝርዝር ጉዳዮች ላይ ማብራሪያ ከመስጠት ተቆጥበዋል።

ዘገባው የኢትዮጵያ ሪፖርተር ነው

Seledadotio
Seledadotio

የ"ሸገሩ"፣ "የእነሆ መቆያው" እሸቴ አሰፋ!
#ethiopia | ባለፈው ሳምንት "እነሆ መቆያ" የተሰኘ መጽሐፉን ለንባብ ያበቃው፣ አንጋፋውና ስመ-ጥሩ ጋዜጠኛ እሸቴ አሰፋ (እሸቴ ከጃንሜዳ) ሐምሌ 19 ቀን 1953 ዓ.ም በሰሜን ሸዋ መንዝና ግሼ አውራጃ ተወለደ።

የአንደኛ ደረጃ ትምህርቱን በተወለደበት አካባቢ ራቤል የመጀመሪያ ደረጃ ትምህርት ቤት ያጠናቀቀ ሲሆን፣ ሁለተኛ ደረጃ ትምህርቱን ደግሞ በመሐል ሜዳ፣ በሆለታና በአቃቂ ተማሪ ቤቶች ተከታትሏል።

ገና በሁለተኛ ደረጃ ትምህርት ቤት እያለ በሚኒ-ሚዲያ በመሳተፍ የጋዜጠኝነት ፍቅሩን ያሳየው እሸቴ፣ ከአዲስ አበባ ዩኒቨርሲቲ በቋንቋና ሥነ-ጽሑፍ የመጀመሪያ ዲግሪውን አግኝቷል።

ለመጀመሪያ ጊዜ ጽሑፉ የታተመለት በአዲስ ዘመን ጋዜጣ "አድማስ" አምድ ላይ ነበር ይላል - ለዚህ ጽሑፍ ዋነኛ ምንጭ አድርገን የተጠቀምነው የ"ተወዳጅ ሚዲያ" መረጃ።

በተለይም "የካቲት" መጽሔት ላይ እንደ ጳውሎስ ኞኞ፣ ስብሐት ገብረእግዚአብሔር፣ ብርሃኑ ዘርይሁን፣ ወጋየሁ ንጋቱ፣ ይድነቃቸው ተሰማና ፕሮፌሰር አስራት ወልደየስ ያሉ ታላላቅ ሰዎችን ታሪክ በጥናት አስደግፎ በማቅረብ የአንባቢን ልብ መግዛት ችሏል።

በተለያዩ ዘርፎች ብዙ ውለታ የዋሉ ታላላቅ የሀገራችንን ሰብዕናዎችንም 'ቃለ-መጠይቅ' (Interview) አድርጓል።

በዚህ የጋዜጠኝነት ጉዞው ውስጥ የአጻጻፍና የጋዜጠኝነት ሙያዊ ዕውቀት የሰጡትንና እንደ መምህር የሚያያቸውን የመጽሔቷን ዋና አዘጋጅ አቶ ጸጋዬ ኃይሉ ተፈራን ምንጊዜም በታላቅ አክብሮት ያስታውሳል።

በአንድ ጊዜ በበርካታ ሚዲያዎች ላይ የመሥራት ልዩ ታታሪነት የነበረው እሸቴ፣ ከ1978 ዓ.ም ጀምሮ ለአምስት ዓመታት ያህል በለገዳዲ ሬዲዮ "የእሁድ ለአንዳፍታ" ፕሮግራም ላይ "እሸቴ ከጃንሜዳ" በሚል ስያሜ የገጠሪቱን ኢትዮጵያ ባህልና ውሎ የሚያሳዩ ማራኪ የሥነ-ቃል ስብስቦችን በራሱ አንደበት እያነበበ ለአድማጭ ያቀርብ ነበር።

በተያያዥነትም ከ1979 ዓ.ም ጀምሮ በኢትዮጵያ ቴሌቪዥን በፍሪላንስ ጋዜጠኛነት በመቀጠር፣ በተለይ ታሪካዊና ተፈጥሯዊ አካባቢዎች ላይ ያተኮሩ የተለያዩ ባለ አንድ ሰዓት ዘጋቢ ፊልሞችን (ዶክመንተሪዎችን) አዘጋጅቷል።

ከእነዚህም መካከል ስለ ጣና ሐይቅ አድባራት የሠራውና አዲስ አበባ 100ኛ ዓመቷን ስታከብር ያቀረበው ባለ አንድ ሰዓት ተኩል ልዩ ፕሮግራም ተጠቃሽ ናቸው።

በ1987 ዓ.ም "ሪፖርተር" ጋዜጣ ሲመሠረት ከዋና መሥራቾቹ አንዱ የነበረ ሲሆን፣ ከ1989 ዓ.ም ጀምሮ ደግሞ የ"ሪፖርተር" ጋዜጣና መጽሔት ምክትል ዋና አዘጋጅና ዋና አዘጋጅ በመሆን ሙያዊና እውነተኛ መረጃ ላይ የተመሠረተ ጋዜጠኝነት እንዲሰፍን ከፍተኛ አስተዋጽኦ አበርክቷል።

ላለፉት አስራ አምስት ዓመታት ደግሞ በሸገር 102.1 ኤፍ ኤም ሬዲዮ በቅዳሜው "እነሆ መቆያ" መሰናዶው የዓለም መሪዎችን፣ ታዋቂ ሰዎችንና ታላላቅ የስለላ ተቋማትን፣ ታሪካዊ ክስተቶችን እና ሌሎችንም ጉዳዮች በበቂ ንባብና ማስረጃ አደራጅቶ በማቅረብ ከፍተኛ ተወዳጅነትን አትርፏል።

በአሁኑ ወቅትም በሸገር fm 102.1 ሬዲዮ ጣቢያ በዋና አዘጋጅነት እያገለገለ ይገኛል። ጋዜጠኛ እሸቴ አሰፋ ባለትዳርና የሁለት ልጆች አባት ነው።

ስለራሱ በአንደበቱ ከማውራት ይልቅ በሥራው መናገርን የሚመርጠው ይህ በሳል ጋዜጠኛ፣ ባለፉት ሠላሳ ዓመታት በሀገሪቱ ሚዲያ ታሪክ ውስጥ የራሱን የማይረሳ ደማቅ አሻራ አስቀምጧል። እናመሰግናለን፤ እሼ!
#ወይ_አዲስ_አበባ_on_Sheger_fm_102 .1 #sheger_fm_102 .1 #zefenenazemen #jafarbooks #radio #አዲስ_አበባ

የዓለም ባንክ በቀጣዮቹ 10 ዓመታት በኢትዮጵያ ለሚያከናውናቸው ድጋፎች የፖሊሲ ለውጦች አደረገ

የዓለም ባንክ ከ2027 እስከ 2036 ያለውን የ10 ዓመታት የአጋርነት ማዕቀፍ ይፋ ያደረገ ሲሆን፣ በሚቀጥሉት 10ዓመታት ቅድሚያ ይሰጣቸው የነበሩ ትልልቅ ፕሮጀክቶችን ሙሉ በሙሉ ከዕቅዱ ውጪ ማድረጉን አስታወቀ፡፡

ሪፖርተር የተመለከተው የዓለም ባንክ አዲስ የስትራቴጂ ሰነድ ትኩረቱን በዋናነት በየዓመቱ ወደ ሥራው ዓለም ለሚቀላቀሉ ወደ ሁለት ሚሊዮን ገደማ የሚሆኑ ወጣቶች የሥራ ዕድል መፍጠር ላይ አድርጓል፡፡

ግዙፍ በመንግሥት የሚመሩ የኃይል ማመንጫ ፕሮጀክቶችን፣ ዋና ዋና የአስፋልት መንገዶችንና የቱሪዝም ዘርፍን በቀጣዮቹ አሥር ዓመታት ሙሉ በሙሉ ቅድሚያ ከሚሰጣቸው ፕሮጀክቶች ዝርዝር ውጪ አድርጓቸዋል፡፡

👉የኃይል ማመንጫ ፕሮጀክቶች ከዕቅዱ ውጪ እንዲሆኑ የተደረጉት ኢትዮጵያ ባለፉት ዓመታት ባደረገችው ኢንቨስትመንት በቂ የማመንጨት አቅም ስላላት ሲሆን፣ የቱሪዝም ዘርፍ ደግሞ በኢትዮጵያ ያለው የፀጥታና የመሠረተ ልማት ሁኔታ መሻሻል እስከሚታይበት ድረስ ከዝርዝሩ ውጪ እንዲሆን መደረጉን ጠቁሟል፡፡

የከተማ አውራ ጎዳናዎችን የመገንባት ዕቅድም ቀርቶ፣ በተመሳሳይ መልኩ የገጠር መንገዶችን ወደ ማስፋፋት እንዲዞር የተደረገ ሲሆን፣ ይህም አርሶአደሩ ምርቱን በቀላሉ ወደ ገበያ እንዲያቀርብ ለማገዝ፣ የጉምሩክ አሠራርን ለማዘመንና የወጪ ንግድ ወጪን ለመቀነስ ያለመ አዲስ መዋቅራዊ አቅጣጫ መሆኑ ተመልክቷል።

👉ባንኩ በቀጣይ እቅዶቹ የኤሌክትሪክ መስመር ዝርጋታ ማስተካከል፣ የኃይል መቆራረጥን መቀነስና በሚሊዮኖች ለሚቆጠር ሕዝብ የኤሌክትሪክ ተደራሽነትን አስተማማኝ ማድረግ የሚሉት ይገኙበታል፡፡

Seledadotio
Seledadotio

በቀዶ ሕክምና የስፔሻሊቲ ትምህርትን በሰው ሠራሽ አስተውሎት (AI) የታገዘ ለማድረግ እየተሠራ መሆኑን የጤና ሚኒስቴር ገለፀ፡፡

ይህ የተገለፀው የኢትዮጵያ የውስጥ ደዌ ሕክምና ማኅበር 11ኛ ጠቅላላ ጉባኤውን ባካሔደበት ወቅት ነው።

ጤና ሚኒስቴር ለስፔሻሊስት ሐኪሞች በሚሰጠው የቀዶ ሕክምና ትምህርት በAI የታገዙ ኮርሶችን አካቶ ለመተግበር፣ ከትምህርት ሚኒስቴር ጋር እየሠራ መሆኑን የጤና ሚኒስትር ደኤታ ሳህረላ አብደላ ገልፀዋል፡፡

የጤና ስርዓቱ በቴክኖሎጂ የተቃኘ እንዲሆን ሚኒስቴሩ ከአርቴፊሻል ኢንተለጀንስ ኢንስቲትዩት ጋር አብሮ ለመሥራት ከስምምነት መድረሱን ያስታወሱት ሚኒስትር ዴኤታዋ፤ ጤና ሚኒስቴር ካለፈው አንድ ዓመት ወዲህ በሰው ሠራሽ አስተውሎት የታገዙ የጤና አገልግሎቶችን መተግበር መጀመሩን ጠቁመዋል፡፡

የሰው ሠራሽ አስተውሎት (AI) የሕክምና አሰጣጥን ለማሳለጥ፣ አንዳንድ የዲያግኖስቲክ ችግሮችን ለማወቅ የሚፈጀውን ጊዜ ለማሳጠር፣ የላቦራቶሪ ውጤት ትክክለኛነትን ለማሻሻል፣ በሰው ዓይን ሊታዩ የማይችሉ ነገሮች ጎልተው እንዲታዩ ለማድረግና በሌሎችም ሕክምናዎች ላይ ከፍተኛ ዕገዛ እያደረገ እንደሚገኝ የኢትዮጵያ የውስጥ ደዌ ሕክምና ማኅበር ፕሬዝዳንት ዶ/ር ብሩክ ዓለማየሁ አብራርተዋል።

ይሁን እንጂ የሰው ሠራሽ አስተውሎት (AI) የሚሰጣቸው መረጃዎችን የማጥራት እንዲሁም የቁጥጥር ሥራዎች ሊጠናከሩ እንደሚገባ አሳስበዋል፡፡ #ሪፖርተር

Seledadotio
Seledadotio

''የውቦች ንግስት''
በምህረት
#​Ethiopia | ምህረት ደግፍ ትውልድና እድገቷ አዲስ አበባ ፤ በልዩ ስሙ ኮልፌ 18 ተብሎ በሚጠራው አካባቢ ነው።

የመጀመሪያ ደረጃ ትምህርቷን በሐምሌ 19 የመጀመሪያ ደረጃ ት/ቤት ፣ ሁለተኛ ደረጃን በየካቲት 23 ት/ቤት ፣ የመሰናዶ ትምህርቷን ደግሞ በአዲስ ከተማ መሰናዶ ተከታትላ ጨርሳለች።

ቀጥሎም በኮተቤ የትምህርት ዩኒቨርሲቲ በመምህርነት በመመረቅ ትምህርቷን ያጠናቀቀች ሲሆን ፤ በአሁኑ ወቅትም በዚሁ ዩኒቨርሲቲ የእንግሊዘኛ ቋንቋ እና ሥነ-ጽሑፍ የመጀመሪያ ዲግሪ ተማሪ ናት።
የጋዜጠኝነት ሞያን ከከፍታ የትምህርት ሥልጠና እና የማማከር ተቋም ያጠናቀቀች ሲሆን ፤ በፋክት ቼኪንግ እና ሌሎችም ተያያዥ ሥልጠናዎችን ከሌሎች የሃገር ውስጥ እና የውጪ ተቋማት በሰርተፊኬት ማግኘት ችላለች።

ከመደበኛው ትምህርት ባሻገር ሙሉ የልጅነት ሕይወቷ ያለፈው በደብረ ገሊላ አማኑኤል እግዚአብሔር ምስሌነ ሰንበት ትምህርት ቤት ነው። አሁን ላለችበትም መሰረት የጣለችው ሰንበት ትምህርት ቤት በነበረችበት ወቅት ነው። በተለይም በሥነ-ጽሑፍ ረገድ ዝንባሌ ሊኖራት የቻለው ከልጅነት ጀምሮ በሰንበት ት/ቤት እና በመደበኛ ት/ቤት በነበራት ተሳትፎ ነው። እንደ ግጥም ፣ መነባንብ ፣ ድራማ እና ሌሎችም ላይ የበዛ ተሳትፎ ታደርግ ነበር። ይህ ተሳትፎ አሁንም ድረስ ተከትሏት በመምጣት ለፍሬ እንደደረሰ ታምናለች።

በት/ቤት ፣ በወረዳ እና በክፍለ ከተማ ብሎም በከተማ አቀፍ በነበሩ የሥነ-ጸሑፍ ውድድሮች ፣ መድረኮች እና መሰል ዝግጅቶች ላይ በመሳተፍ የተለያዩ ሽልማቶችን እና የምስጋና ወረቀቶችን ማግኘት ችላለች። በመንፈሳዊም በኩል በተመሳሳይ ሁኔታ በነበሯት ተሳትፎዎች በርካታ ሽልማቶችን አግኝታለች። እስከዛሬ ድረስም በተለያዩ የሥነ-ጸሑፍ መድረኮች ሥራዎቿን እያቀረበች ትገኛለች።

ከኮተቤ የትምህርት ዩኒቨርሲቲ እንደተመረቀች በአጼ ፋሲል የመጀመሪያ ደረጃ ት/ቤት ለሁለት ዓመት ያህል በመምህርነት አገልግላለች። በሞያው በቆየችባቸው ጥቂት ዓመታት የተለያዩ የምስጋና እና የደረጃ ሽልማቶችን ማግኘት ችላለች።

ከዚያ በመቀጠል በተዋህዶ ሚዲያ ማዕከል ለአንድ ዓመት ያህል በፕሮግራም አዘጋጅነት የሠራች ሲሆን ፤ የራሷን መንፈሳዊ ፕሮግራሞች እና ሥራዎች በመሥራት ቆይታለች። በአሁኑ ወቅት በሐገሬ ቴሌቪዥን በከፍተኛ ሪፖርተርነት መደብ እየሠራች የምትገኝ ሲሆን ፤ ላለፈው አንድ ዓመት ያህል በዚሁ ጣቢያ የዜና ክፍል ባልደረባ በመሆን ቆይታለች።

ከልጅነት ጀምሮ የተከተላት የሥነ-ጽሑፍ ፍቅር አሁንም ድረስ ተከትሏት የመጣ ሲሆን ፤ የመጀመሪያ የሆነውንና ” የውቦች ንግሥት” ስትል የሰየመችውን መጽሐፏን ለአንባቢያን ለማድረስ ዝግጅቷን አጠናቃለች።

Getu Temesgen - (ጌጡ ተመስገን)
#getutemesgen #getu

(ዘ-ሐበሻ ዜና) የደቡብ አፍሪካው ፕሬዝደንት በጋና ሊያደርጉት ያቀዱት ጉብኝት መሰረዙ ተዘገበ፡፡ የደቡብ አፍሪካው ፕሬዝደንት ሲሪል ራማፎዛ በሚቀጥለው ወር ማለትም በኦገስት የመጀመሪያው ሳምንት ባሉት ቀናት በጋና ጉብኝት ለማድረግ የሚያስችል ፕሮግራም ተይዞላቸው ነበር፡፡ ይህ ጉብኝት በሁለቱ አገራት መካከል ያለውን ረጅም ጊዜ ያስቆጠረ ግንኙነት ለማጠናከር ያለመ መሆኑም ተገልጿል፡፡ ይሁንና የጋና መንግስት ይህንን ፕሮግራም መሰረዙን ሰሀራ ሪፖርተርስ ዘግቧል፡፡

እንደዘገባው ጉብኝቱ የተሰረዘው በደቡብ አፍሪካ ውስጥ በስደተኞች ላይ ባነጣጠረው ጥቃት አንድ ጋናዊ መገደሉ በሁለቱ አገራት ዲፕሎማሲያዊ ግንኙነት ውጥረት በመፍጠሩ ነው፡፡ የጋና መንግስት ጁን 30 በኬፕ ታውን በተደረገው መጤ ጠል የተቃውሞ ሰልፍ ወቅት የ40 አመቱ ባሽሩ ኢሳክ የተባለ ዜጋው መገደሉን አስታውቋል፡፡ የአክራ ባለስልጣናት እንደሚገልፁት የደቡብ አፍሪካው ፕሬዝደንት ጉብኝት ለሌላ ጊዜ እንዲተላለፍ የተደረገ ሲሆን ይህም በዚያ የሚገኙ ዜጎቻቸው ደህንነት እንዳሰጋቸው የሚያሳይ ምልክት ነው፡፡

ባለስልጣናቱ በውጭ አገር የሚገኙ ጋናዊያንን ደህንነት ማረጋገጥ ቅድሚያ ሊሰጠው እንደሚገባ አሳስበዋል፡፡ የጋና መንግስት የዜጋውን ግድያ በተመለከተ ለደቡብ አፍሪካ መንግስት በይፋ ተቃውሞ ያቀረበ ሲሆንም ደቡብ አፍሪካ ግን ጁን 30 በነበረው ተቃውሞ የተገደለ ምንም ሰው እንደሌለ በመናገር ላይ ናት፡፡ የደቡብ አፍሪካ የፍትህ ሚኒስትር በሰጡት ጋዜጣዊ መግለጫ ‹‹የጋና ባለስልጣናት ስለደቡብ አፍሪካ የተሳሳተ መረጃ እያሰራጩ ነው›› በማለት መግለፃቸውም ይታወሳል፡፡

አንጋፋው ጋዜጠኛ ዳንኤል ታደሰ አረፈ
#ethiopia | አዲስ አበባ – በኢትዮጵያ ሬዲዮና ቴሌቪዥን ለበርካታ ዓመታት ከሪፖርተርነት እስከ ከፍተኛ አዘጋጅነት በተለያዩ የሙያ ደረጃዎች ያገለገሉት አንጋፋው ጋዜጠኛ Daniel Tadesse በህመም ምክንያት ከዚህ ዓለም በሞት ተለይተዋል።

ጋዜጠኛ ዳንኤል ታደሰ ታኅሣሥ 26 ቀን 1959 ዓ.ም. በአዲስ አበባ ከአባታቸው ታደሰ ዳምጠው እና ከእናታቸው ፈለቀች ዳኜ ተወልደዋል።

ከታኅሣሥ 18 ቀን 1994 ዓ.ም. ጀምሮ በኢትዮጵያ ብሮድካስቲንግ ኮርፖሬሽን በተለይም በኢትዮጵያ ሬዲዮ ውስጥ ለ24 ዓመታት በሪፖርተርነት፣ በአዘጋጅነት እና በከፍተኛ የሙያ ኃላፊነቶች አገልግለዋል።

በሙያ ዘመናቸውም ለሕዝብ ትክክለኛና ተደራሽ መረጃ በማቅረብ ከፍተኛ አስተዋጽኦ ማድረጋቸው ይታወሳል።

የሟቹ ሥርዓተ ቀብር ሰኔ 16 ቀን 2018 ዓ.ም. ከቀኑ 5፡30 ሰዓት ጀምሮ በKidist Lideta Maryam Church እንደሚፈጸም ተገልጿል።

የኢትዮጵያ ብሮድካስቲንግ ኮርፖሬሽን በጋዜጠኛው ህልፈተ ሕይወት የተሰማውን ጥልቅ ሀዘን በመግለጽ፣ ለቤተሰቦቻቸው፣ ለወዳጅ ዘመዶቻቸው እና ለሙያ ባልደረቦቻቸው መጽናናትን ተመኝቷል።

ለአንጋፋው ጋዜጠኛ ዳንኤል ታደሰ ነፍስ ይማር። 🕊️

ታክስ ከፋዮች ከደረሰኝ መመዝገቢያ ሥርዓት ጋር ተስማሚ የኤሌክትሮኒክ ሽያጭ መመዝገቢያ እንዲኖራቸው የሚያስገድድ መመርያ ወጣ

የገቢዎች ሚኒስቴር በታክስ ሕጉ መሠረት የሒሳብ መዝገብ የሚይዙ ታክስ ከፋዮች፣ ራሱ ካበለፀገው የኤሌክትሮኒክ ደረሰኝ መመዝገቢያ ሥርዓት ጋር ተስማሚ የኤሌክትሮኒክ ሽያጭ መመዝገቢያ ሥርዓት እንዲጠቀሙ የሚያዝ መመርያ ተግባራዊ አደረገ።

ገቢዎች ሚኒስቴር የራሳቸውን የሽያጭ መመዝገቢያ ሥርዓት አበልፅገው ወይም ከአልሚዎች ገዝተው በማስፈቀድ ለሚጠቀሙ ታክስ ከፋዮች ዕውቅና እንዲያገኙ፣ የክትትልና ቁጥጥር ሥርዓት ለመዘርጋትና አሠራራቸውን በሕግ ለመወሰን የኤሌክትሮኒክ ደረሰኝ አስተዳደር ሥርዓት መመርያ ቁጥር 1142/2018ን ተግባራዊ ማድረግ መጀመሩ ተገልጿል፡፡

የኤሌክትሮኒክ ሽያጭ መመዝገቢያ ሥርዓት ስለመጠቀም በሚደነግገው የመመርያው አንቀጽ 19፣ የገቢዎች ሚኒስቴር ካዘጋጀው የኤሌክትሮኒክ ደረሰኝ መመዝገቢያ ሥርዓት ጋር ተስማሚ የኤሌክትሮኒክ ሽያጭ መመዝገቢያ ሥርዓት፣ የሒሳብ መዝገብ በሚይዙ ሁሉም ታክስ ከፋዮች ላይ ተፈጻሚ እንደሚሆን ይደነግጋል፡፡

የኤሌክትሮኒክ ሽያጭ መመዝገቢያ ሥርዓት፣ ታክስ ከፋዮች ሽያጫቸውን ለመመዝገብና የሽያጭ መረጃዎችን በቀጥታ በኤሌክትሮኒክ ደረሰኝ ሥርዓት ለማስተላለፍና ለመመዝገብ የሚያስችል መሆኑ ተገልጿል፡፡

ማንኛውም ታክስ ከፋይ በፈቃደኝነት ከኤሌክትሮኒክ ደረሰኝ መመዝገቢያ ሥርዓት ጋር ተስማሚ የኤሌክትሮኒክ ሽያጭ መመዝገቢያ ሥርዓት መጠቀም እንደሚችልም ተደንግጓል፡፡

ሆኖም በርካታ ደረሰኞችን የሚያመነጩና አሠራራቸው ለኦዲትና ለክትትል አመቺ የሆኑ ባንኮች፣ የሰነደ ሙዓለ ነዋይ ገበያዎች፣ የዲጂታል ከፍያ አሳላጮች፣ የቴሌኮም አገልግሎት አቅራቢዎች፣ ለሸማች ወይም ለግል አገልግሎት በሚውሉ ግብይቶችና አገልግሎቶች ላይ ከኤሌክትሮኒክ ደረሰኝ መመዝገቢያ ሥርዓት ጋር በቀጥታ መገናኘት ሳያስፈልጋቸው፣ ደረሰኝ የሚሰጡበትን አሠራር ሚኒስቴሩ በልዩ ሁኔታ ሊፈቅድ ይችላል ተብሏል፡፡

አጠቃላይ የሽያጭ መመዝገቢያ ሥርዓት ፈቃድ አሰጣጥ ሁኔታን በሚመለከት በተደነገገው የመመርያው ከፍል፣ የሽያጭ መመዝገቢያ ሥርዓቱ ከኢንፎርሜሽን መረብ ደኅንነት አስተዳደር የሶፍትዌር ደኅንነት ማረጋገጫ ሰርተፊኬት ሊያቀርብ እንደሚገባ ተደንግጓል፡፡

በተጨማሪም በኤሌክትሮኒክ ደረሰኝ መመዝገቢያ ሥርዓቱ ውስጥ የተተገበሩ የማንነት ማረጋገጫ፣ የግንኙነት መመስጠሪያና ሌሎች የደኅንነት አሠራሮችን መተግበሩና በዲጂታል ፊርማ የተረጋገጠ ግንኙነትና የመረጃ መላላክን ማስቻሉ ሊረጋገጥ እንደሚገባ ተመላከቷል፡፡
#ሪፖርተር

Seledadotio
Seledadotio

(ዘ-ሐበሻ ዜና) ጁን 15 ቀን 2026 እ.ኤ.አ. በጄኔቫ በተካሄደው የኤርትራ የሰብዓዊ መብት ሁኔታ ውይይት ላይ፣ የኤርትራ አምባሳደር ሶፊያ ተስፋማርያም የተባበሩት መንግሥታት ድርጅት ልዩ ሪፖርተር ያቀረቡትን ሪፖርት መሠረተ ቢስ እና ከእውነታው የራቀ ነው በማለት ውድቅ አድርገዋል።

አምባሳደሯ በጉባኤው ላይ ባደረጉት ንግግር የሪፖርቱ አዘገጃጀት (ሜቶዶሎጂ) ከፍተኛ ችግር ያለበት መሆኑን ተናግረዋል። ልዩ ሪፖርተሩ ያልተረጋገጡ እና ማንነታቸው ባልታወቁ ውጫዊ ምንጮች ላይ ብቻ ከመጠን ያለፈ ትኩረት ማድረጋቸውን የገለጹት አምባሳደሯ፣ በተቃራኒው በጤና፣ በትምህርት፣ በምግብ ዋስትና እና በመሠረተ ልማት ዘርፎች ኤርትራ ያስመዘገበችውን ዕድገት የሚያሳዩ የሌሎች የተመድ ተቋማትን እውነተኛ መረጃዎች ችላ ማለታቸውን ወቅሰዋል።

በኤርትራ ብሔራዊ አገልግሎት ዙሪያ በሪፖርቱ ለተነሳው ትችት ምላሽ የሰጡት አምባሳደር ሶፊያ፣ በአዋጅ ቁጥር 82/1995 መሠረት የተቋቋመው ይህ አገልግሎት የሀገርን ሉዓላዊነት፣ የግዛት አንድነት እና ብሔራዊ ደህንነት ለማስጠበቅ የሚውል ተቋም መሆኑን አስረድተዋል። አገልግሎቱ ከተቀመጠው አስራ ስምንት ወራት በላይ ሊራዘም የቻለው በቀጣናው ባሉ ያልተፈቱ ውጥረቶች እና ተከታታይ የውጭ የጸጥታ ስጋቶች ምክንያት መሆኑንም ገልጸዋል። በርካታ የአውሮፓ ሀገራት ጭምር የውትድርና አገልግሎትን ዳግም እየመለሱ፣ እያሰፉ እና እየተወያዩበት ባለበት በአሁኑ ወቅት፣ ኤርትራ የራሷን የጸጥታ ሁኔታ መሠረት አድርጋ በምትወስነው የሉዓላዊነት መብት ላይ ብቻ ትችት መቅረቡ ተገቢ አለመሆኑን ተናግረዋል።

ከዚህም በተጨማሪ ልዩ ሪፖርተሩ ብቸኛው የክትትል ተቋም ነኝ ማለታቸው የዓለም አቀፉን የሰብዓዊ መብት ግምገማ ሥርዓት ያላገናዘበ መሆኑን እና ከእርሳቸው የተለየ አቋም የያዙ ሉዓላዊ የአፍሪካ ሀገራትን መተቸታቸው ከኃላፊነታቸው ውጪ መሆኑን አምባሳደሯ አውስተዋል። የአውሮፓ ኅብረትን ጨምሮ ሌሎች አካላት በቅንጅት ለሚያሳዩት የአቋም እና የድምጽ አሰጣጥ ተመሳሳይነት ትኩረት ሳይሰጥ፣ የአፍሪካ ሀገራት የተለየ አቋም ማንጸባረቃቸው እንደ ችግር መታየቱ አግባብነት እንደሌለውም ሞግተዋል።

ኤርትራ ባለፉት አስርት ዓመታት ከነበሩባት ጦርነቶች፣ ማዕቀቦች እና የውጭ ጫናዎች ባሻገር ሉዓላዊነቷን እና ማኅበራዊ መረጋጋቷን ጠብቃ ማቆየቷን፣ እንዲሁም መሠረታዊ አገልግሎቶችን መስጠቷን የቀጠለች መሆኗን የጠቀሱት አምባሳደር ሶፊያ፣ የሰብዓዊ መብት ምክር ቤቱ የቀረበውን የተዛባ ሪፖርት እና የውሳኔ ሃሳብ ውድቅ በማድረግ የልዩ ሪፖርተሩ የሥራ ጊዜ (ማንዴት) እንዲያበቃ ጥሪያቸውን አቅርበዋል።

ከአቅም በላይ የሆነው የትራንስፖርት ዋጋ

አብዛኛው የመንግሥትም ሆነ የግል ሠራተኞች ነጋዴዎችም ሆኑ የቀን ሠራተኞች የዕለት ሥራቸውን የሚጀምሩትና የሚያጠናቅቁት በትራንስፖርት ነው። ይሁን እንጂ በየወቅቱ የሚወጡት አዳዲስ የታሪፍ ማሻሻያዎች በትራንስፖርት ተጠቃሚዎችን ላይ ተገማች ያልሆነ ጫና እያሳደረ ይገኛል፡፡ የዓለም አቀፍ የነዳጅ ዋጋ መናጋትን ተገን በማድረግ በአገር ውስጥ የሚደረጉ የዋጋ ማስተካከያዎች፣ ዛሬ ላይ የዜጎችን የመንቀሳቀስና የኢኮኖሚ አቅም በእጅጉ እየፈተኑት ነው፡፡ ታሪፍ በየወቅቱ ይጨምራል፣ የተሳፋሪው ደመወዝና ገቢ ግን ባለበት እንደቀጠለ ነው፡፡

አቶ መለስ አምሳሉ ከሸገር ከተማ ኮዬ ፈጨ ተነስተው ሽሮ ሜዳ በየዕለቱ ከባለቤታቸው ጋር ለሥራ ይመላለሳሉ፡፡ ‹‹አጋጣሚ የእኔም የባለቤቴም ሥራ አንድ አካባቢ በመሆኑ ሁሌም በጧት ተነስተን ተያይዘን ነው የምንወጣው›› የሚሉት አቶ መለሰ፣ ‹‹ብዙ ጊዜ በከተማ ባስ አንዳንድ ጊዜ ደግሞ በታክሲ እየተመላለሰን ነው የምንሠራው፡፡ እኔም ባለቤቴም አብረን ስለምንሄድ ነው መሰል የትራንስፖርቱ ክፍያ ከሁሉም በላይ ያሰለቻል የሚዘለቅ አይመስልም›› ሲሉ ይገልጻሉ፡፡

በቀን ከባለቤታቸው ጋር ከ300 እስከ 500 ብር ለትራንስፖርት እንደሚያወጡ የተናገሩት አቶ መለስ፣ የሚከፈላቸው ደመወዝና የሚያወጡት የቀን ወጪ ሊጣጣም እንዳልቻለ ይጠቁማሉ፡፡

በተለይ የትራንስፖርት ወጪው፣ ነዳጅ በጨመረ ቁጥርትራንስፖርት አገልግሎት ሰጪዎች ዋጋ መጨመር በየቀኑ የተለያየ ክፍያ መጠየቅና ተደራድሮ መጫን፣ መሸት ካለ በእጥፍ እስከመጨመር መድረስ ለሕዝቡ ሸክም መሆኑን ይጠቁሟሉ፡፡

መንግሥት አምስት ብር ወይም አሥር ብር ታሪፍ ጨመረ ሲባል እነሱ ከተባለው እጥፍ በላይ አድርገው ይጨምራሉ፣ ኅብረተሰቡ ተመጣጣኝ ክፍያን ያስከፍሉ የነበሩት የከተማ አውቶብሶች ዛሬ ላይ በተደረገ ጭማሪ ውድ መሆናቸውን ያስረዳሉ፡፡

‹‹በምግብ፣ በዕቃና በሌሎች ነገሮች ላይ የሚደረገውን የዋጋ ጭማሪ አንዳንዱን ልታልፈው ትችላለህ፡፡ አንዳንዱም ለጊዜው ላያስፈልግ ስለሚችል ልተወው ትችላለህ፡፡ ነገር ግን ትራንስፖርት ልተው ወይም ለነገ ሊባል የሚችል አይደለም፡፡ ከሥራህ ታክሲ አጣሁ ወይም ብር የለኝም ብለህ ብትቀርከደመወዝህ ይቀነሳል፤›› ሲሉም ያሉበትን ፈተና ይገልጻሉ፡፡

በተደጋጋሚ ከሥራ መቅረት እስከ መባረር ለሚያደርስ ቅጣት ይደረጋል በመሆኑም ትራንስፖርት ላይ የሚደረግ የዋጋ ጭማሪ በደንብ ሊታሰብበት እንደሚገባም በማለት አስተያየታቸውን ሰጥተዋል፡፡

‹‹ኅብረተሰቡም ቢሆን ችግር አለበት›› የሚሉት አቶ መለስ፣ ‹‹አንዳንድ ተቆጣጣሪዎች በተለይ መነሻው ላይ ስንት ብርእንደተጠየቅን ሲጠይቁን፣ ትክክለኛውን አንናገርም፡፡ በመሆኑም ይኼ ነገር ለመንግሥት ቁጥጥርም አስቸጋሪ ይመስለኛል፤›› ሲሉ አክለዋል፡፡

በተለይ ከቅርብ ጊዜ ወዲህ የሚታየው የትራንስፖርት እጥረትና እጥረቱን ተከትሎ የሚደረገው የዋጋ ጭማሪ በጣም እንዳስመረራቸው የሚናገሩት ደግሞ ወ/ሮ መሠረት ኃይሉ ናቸው፡፡

ወ/ሮ መሠረት ከአራብሳ ተነስተው መስቀል አደባባይአካባቢ ወደሚገኘው የሥራ ቦታቸው ዘወትር ይመላለሳሉ ‹‹አሁን ላይ የሚታየውን የትራንስፖርት ችግር ለየት የሚያደርገው ነገር ቢኖር ችግሩ ተደራራቢ መሆኑ ነው፣ የመጀመሪያው ረዥም ሠልፍ መሠለፍ፣ ከዚያም ከታሪፍ በላይ መክፈል፣ ታሪፍ ነው ብለን ለመከራከር ስንሞክር ነዳጅ ስለጨመረ ጨምሯል እንባላለን፤›› በማለት ያስረዳሉ፡፡

‹‹ቤት እንዳልውል ከቤት ኪራይ ጀምሮ ያለው ወጪ ከአቅም በላይ ነው፡፡ ተሯሩጦ ለመሥራት ደግሞ ከሁሉም በላይየትራንስፖርት ወጪው ያሰለቻል፣ ነገር ግን ቁጭ ከማለት ይሻላል በሚል እየለፋን ለቤት ኪራይና ለትራንስፖርት እንሰጣለን፣ ለነገ ብንታመም፣ ብንሞት ብለን የምናስቀምጠው ጥሪት የለንም፤›› ሲሉ ሐሳባቸውን አጋርተዋል፡፡

እነዚህና መሰል ቅሬታዎች በተለይ በመካከለኛው ምሥራቅ ጦርነት መቀስቀስ ጋር ተያይዞ በነዳጅ ላይ ከፍተኛ የዋጋ ጭማሪ ከተደረገ ወዲህ በስፋት ይስተዋላሉ፡፡ ጦርነት ከፍተኛ አሉታዊ ተፅዕኖ ከደረሰባቸው ሴክተሮች መካከልም የትራንስፖርት ዘርፉ ግንባር ቀደም ተጠቃሽ ነው፡፡

በነዳጅ እጥረት ምክንያት የሚከሰቱ ችግሮች ዞረው ዞረው ማረፊያቸው እንደ አቶ መለስና እንደ ወ/ሮ መሠረት ባሉ ተጠቃሚዎች ላይ መሆኑ ይታወቃል፡፡

ዓለም አቀፍ የነዳጅ ዋጋ ሲጨምር መንግሥት የትራንስፖርት ‹‹የታሪፍ ማሻሻያ በሚል በየወቅቱ ይጨምራል፡፡ መንግሥት ከሚጨምረው የታሪፍ ጭማሪ ባሻገር ጭማሪውን ተከትለው የሚጨምሩ አሽከርካሪዎች መበራከታቸውን አስተያየት ሰጪዎቹ ተናግረዋል፡፡

በሌላ በኩል የሚደረገው የታሪፍ ጭማሪ የኅብረተሰቡን ገቢ ያላገናዘበ መሆኑን ተሳፋሪዎች ይናገራሉ፡፡

‹‹በሁለት ዓመትና በሦስት ዓመት ምንም ዓይነት የደመወዝ ጭማሪ ሳይደረግልኝ በትራንስፖርት ታሪፉ ላይ ግን በቀላሉ ከሦስት ጊዜ በላይ የታሪፍ ጭማሪ በሚል ቢያንስ ከ2ዐ እስከ 3ዐ ብር በቀን በአንድ ጉዞ ላይ ጭማሪ መደረጉን አውቃለሁ፤›› ሲሉ የተናገሩት የሕዝብ ትራንስፖርት ተጠቃሚ አባት ናቸው፡፡

እሳቸው እንደሚሉት፣ አዘውትረው የሚጠቀሙት የከተማ አውቶብስን ነው፡፡ ምክንያታቸው ደግሞ ገቢያቸው ዝቅተኛ በመሆኑ በታክሲ መሄድ ስለማይችሉ ነው፡፡ ነገር ግን አሁን ያለው የባስ አገልግሎት ታሪፉም ቢሆን የሚቀመስ አልሆነም ይላሉ፡፡

ምንም እንኳን ኅብረተሰቡ መንግሥት ካስቀመጠው ታሪፍ በላይ የሚገደድባቸው ሁኔታዎች፣ በተለይ በምሽት ቢኖሩም፣ ተገቢው ቁጥጥር አለ ብለው እንደማያምኑም ያክላሉ፡፡

የሚኒባስ አሽከርካሪው ተስፋ ብርሃኑ፣ ተሳፋሪዎች የሚያቀርቡት ጥያቄም ሆነ አስተያየት ትክክል ነው፣ ነገር ግን ያላወቁልን ነገር ቢኖር የእኛን መቸገር ነው ሲል ተናግሯል፡፡

በአሁኑ ወቅት ነዳጅ ከማደያ እስከ 18ዐ ብር ነው እየከፈልን የምንቀዳው፡፡ ነገር ግን ነዳጅ ሲጨምር እኛ ታሪፍ አንጨምርም፡፡ ሰው በየዕለቱ ከቤት ወደ ሥራ ቦታ ከሥራ ቦታ ወደ ቤት ሲመላለስ 5ዐ ሆነ መቶ ሲያወጣ ከባድ ይሆንበታል፡፡

እኛ ደግሞ ከነዳጅ ባሻገር የምናወጣው የጥገና ወጪ እንዲሁ የሚነገር አይደለም፡፡ በዚያ ላይ የተለያዩ ሕጋዊ የሆነም ሕጋዊ ያልሆነም ምክንያቶችን በመፍጠር በየመንገዱ ለቅጣት የምናወጣው ወጪም ቀላል እንዳልሆነ ያስረዳል፡፡

እንደ አሽከርካሪው፣ አብዛኛው ሹፌር የሚሠራው በልቶ ለማደር ነው፡፡ ከሰዓት እላፊ በላይ ከሠራ ምን አልባት ጭማሪ ሊያደርግ ይችላል፡፡ ከዚያ ውጪ አብዛኛው ሰው ዘይትና ሽንኩርት መጨመሩን ያውቃል፡፡ ነገር ግን ትራንስፖርት ከአምስት ወር በፊት በነበረው የሚቀጥል የሚመስላቸው ሰዎች አሉ፡፡ ብዙ ሰዎች የትራንስፖርት ማሻሻያ ተደርጓል መባሉን የሚሰሙት ቆይተው ነው፡፡

እነዚህን መሰል ከኅብረተሰቡና ከአሽከርካሪዎች የተነሱ ጥያቄዎችን በተለይ የነዳጅ አቅርቦት ተስተካክሏል ከተባለ ወዲህ ያሉ መሻሻሎች ካሉ ምላሽና ማብራሪያዎችን ለማግኘት ጉዳዩ ወደሚመለከተው የአዲስ አበባ ትራንስፖርት ቢሮ ምላሽ ለማግኘት ሐሙስ ግንቦት 2ዐ ቀን 2018 ዓ.ም. ከሰዓት በቢሮው ብንገኝም፣ ከምርጫ ጋር የተያያዙ ጉዳዮች ስለሚበዙ በወቅቱ መረጃ ለመስጠት እንደማይችሉ በቃል አሳውቀውናል፡፡

ዘገባው የሪፖርተር ጋዜጣ ነው።

ምሕረት ደግፍ ትውልድና እድገቷ አዲስ አበባ ፤ በልዩ ስሙ ኮልፌ 18 ተብሎ በሚጠራው አካባቢ ነው። የመጀመሪያ ደረጃ ትምህርቷን በሐምሌ 19 የመጀመሪያ ደረጃ ት/ቤት ፣ ሁለተኛ ደረጃን በየካቲት 23 ት/ቤት ፣ የመሰናዶ ትምህርቷን ደግሞ በአዲስ ከተማ መሰናዶ ተከታትላ ጨርሳለች። ቀጥሎም በኮተቤ የትምህርት ዩኒቨርሲቲ በመምህርነት በመመረቅ ትምህርቷን ያጠናቀቀች ሲሆን ፤ በአሁኑ ወቅትም በዚሁ ዩኒቨርሲቲ የእንግሊዘኛ ቋንቋ እና ሥነ-ጽሑፍ የመጀመሪያ ዲግሪ ተማሪ ናት።

የጋዜጠኝነት ሞያን ከከፍታ የትምህርት ሥልጠና እና የማማከር ተቋም ያጠናቀቀች ሲሆን ፤ በፋክት ቼኪንግ እና ሌሎችም ተያያዥ ሥልጠናዎችን ከሌሎች የሃገር ውስጥ እና የውጪ ተቋማት በሰርተፊኬት ማግኘት ችላለች።

ከመደበኛው ትምህርት ባሻገር ሙሉ የልጅነት ሕይወቷ ያለፈው በደብረ ገሊላ አማኑኤል እግዚአብሔር ምስሌነ ሰንበት ትምህርት ቤት ነው። አሁን ላለችበትም መሰረት የጣለችው ሰንበት ትምህርት ቤት በነበረችበት ወቅት ነው። በተለይም በሥነ-ጽሑፍ ረገድ ዝንባሌ ሊኖራት የቻለው ከልጅነት ጀምሮ በሰንበት ት/ቤት እና በመደበኛ ት/ቤት በነበራት ተሳትፎ ነው። እንደ ግጥም ፣ መነባንብ ፣ ድራማ እና ሌሎችም ላይ የበዛ ተሳትፎ ታደርግ ነበር። ይህ ተሳትፎ አሁንም ድረስ ተከትሏት በመምጣት ለፍሬ እንደደረሰ ታምናለች።

በት/ቤት ፣ በወረዳ እና በክፍለ ከተማ ብሎም በከተማ አቀፍ በነበሩ የሥነ-ጸሑፍ ውድድሮች ፣ መድረኮች እና መሰል ዝግጅቶች ላይ በመሳተፍ የተለያዩ ሽልማቶችን እና የምስጋና ወረቀቶችን ማግኘት ችላለች። በመንፈሳዊም በኩል በተመሳሳይ ሁኔታ በነበሯት ተሳትፎዎች በርካታ ሽልማቶችን አግኝታለች። እስከዛሬ ድረስም በተለያዩ የሥነ-ጸሑፍ መድረኮች ሥራዎቿን እያቀረበች ትገኛለች።

ከኮተቤ የትምህርት ዩኒቨርሲቲ እንደተመረቀች በአጼ ፋሲል የመጀመሪያ ደረጃ ት/ቤት ለሁለት ዓመት ያህል በመምህርነት አገልግላለች። በሞያው በቆየችባቸው ጥቂት ዓመታት የተለያዩ የምስጋና እና የደረጃ ሽልማቶችን ማግኘት ችላለች።
ከዚያ በመቀጠል በተዋህዶ ሚዲያ ማዕከል ለአንድ ዓመት ያህል በፕሮግራም አዘጋጅነት የሠራች ሲሆን ፤ የራሷን መንፈሳዊ ፕሮግራሞች እና ሥራዎች በመሥራት ቆይታለች። በአሁኑ ወቅት በሃገሬ ቴሌቪዥን በከፍተኛ ሪፖርተርነት መደብ እየሠራች የምትገኝ ሲሆን ፤ ላለፈው አንድ ዓመት ያህል በዚሁ ጣቢያ የዜና ክፍል ባልደረባ በመሆን ቆይታለች።

ከልጅነት ጀምሮ የተከተላት የሥነ-ጽሑፍ ፍቅር አሁንም ድረስ ተከትሏት የመጣ ሲሆን ፤ የመጀመሪያ የሆነውንና ” የውቦች ንግሥት” ስትል የሰየመችውን መጽሐፏን ለአንባቢያን ለማድረስ ዝግጅቷን አጠናቃለች።

Via: Addis Books

"ኢትዮጵያ የበርበራን ወደብ በፈለገችው መንገድ መጠቀም ትችላለች"

የሶማሊላንድ የውጭ ጉዳይ ሚንስትር አብዲራህማን ዳሂግ ባካል ከሪፖርተር ጋዜጣ ጋር ባደረጉት ቃለ ምልልስ፣ ሀገራቸው በባሕር በር ዙሪያ ከኢትዮጵያ ጋር ለመተባበር አሁንም ሙሉ ዝግጁነት እንዳላት ገልጸዋል። ኢትዮጵያ የባሕር በር የማግኘት መብት እንዳላት ሶማሊላንድ በጽኑ እንደምታምን የጠቆሙት ሚንስትሩ፣ ኢትዮጵያ የበርበራን ወደብ በፈለገችው መንገድ መጠቀም እንደምትችል አረጋግጠዋል።

ሆኖም  ኢትዮጵያ በበርበራ ወደብ አግኝቻለሁ ያለችው የ19 በመቶ የባለቤትነት ድርሻ ምን ደረጃ ላይ እንዳለ ለቀረበላቸው ጥያቄ፣ ባካል ኢትዮጵያ ወደቡን በሙሉ አቅሙ እስካሁን አልተጠቀመችበትም የሚል አጭር ምላሽ መስጠታቸውን ተገልጧል።

በተጨማሪም ሚንስትር ባካል ኢትዮጵያ የሶማሊላንድን ቁልፍ አጋርነት ከግምት ውስጥ በማስገባት አንድ ቀን እውቅና እንደምትሰጣቸው እምነት እንዳላቸው ተናግረዋል። ነገር ግን ሶማሊላንድ ይህንን እውቅና እንድታገኝ በኢትዮጵያ ላይ ምንም ዓይነት ግፊት ማድረግ እንደማትፈልግና ጉዳዩን ለራሷ ለኢትዮጵያ እንደምትተወው አስገንዝበዋል። ይህ መግለጫ በሁለቱ ወገኖች መካከል ያለው የዲፕሎማሲና የኢኮኖሚ ትብብር ቀጣይነት ባለው መልኩ ሊመራ እንደሚችል አመላካች ሆኗል።

Seledadotio
Seledadotio

ታዛቢዎቼ ተደብድበዋል-ጎጎት‼️
#የምርጫ ታዛቢዎች ድብደባ እንደተፈጸመባቸው ጎጎት ፓርቲ ከሰሰ!!!

በማእከላዊ ኢትዮጵያ ወልቂጤ ምርጫ ጣቢያ የምርጫ ታዛቢዎች ተደብድበው ከምርጫ እንዲወጡ ተደርገዋል ሲል ጎጎት ፓረቲ ገለጸ። ፓረቲው በኦፊሸል የፌስ ቡክ ገጹ እንዳብራራው “ፓርቲዉ ይንቀሳቀስበት የነበረዉ ሞተር ተነጥቋል።

የምርጫ ወረቀት በፌስታል ይዘዉ ሲበትኑ ተመልክተናል። ለምርጫ ቦርድ ምርጫው እንዲቆም አሳዉቀናል” ብሎ፣ከምርጫ ቦርድ አፍጣኝ ምላሽ እንደሚፈልግ አስታውቋል፡፡
በስፍራው የምትገኘው የሪፖርተር ዘጋቢ የማዕከላዊ ኢትዮጵያ ክልል ዋና ምርጫ አስተባባሪ አቶ ነጋሽን አነጋግራቸው በሰጡት ምላሽ፣ ጎጎት ፓርቲ በማዕከላዊ ኢትዮጵያ ወልቂጤ ከተማ ምርጫ ጣቢያ የምርጫ ታዛቢዎች ተደብድበው ከምርጫ እንዲወጡ ተደርገዋል ማለቱን ተከትሎ ወደ ቦታው አስተባባሪዎች ልከው እንዳጣሩና ምንም ነገር እንዳልተደረገ ማረጋገጣቸውንተናግረዋል፡፡

ፓርቲው ይህ ሆኗል ባለበት የምርጫ ጣቢያ ሁለት ታዛቢዎቹ እንደነበሩ የገለጹት ዋና አስተባባሪው፣ ፓርቲው የተናገረው ከእውነት የራቀ መሆኑን አክለዋል። ሌላው ሱልካ በተባለ ጣቢያ አካባቢ የፓርቲው ታዛቢ ባጅ ስለተጠየቀ አኩርፎ ከመውጣቱ ውጭ ሌላ የተፈጠረ ነገር እንደሌለም አስረድተዋል።

Seledadotio
Seledadotio

<<የምርጫ አስፈጻሚዎች መራጮቾችን ቶሎ ቶሎ ማስተናገድ እንዳለባቸው ተናግሪያለሁ>> ካሙዙ ካሳ

ብልጽግናን የወከለውና በየካ ክፍለ ከተማ ወረዳ ስምንት ምርጫ ክልል 11/4 ቤተሰብ ሆቴል ምርጫ ጣቢያ የሚወዳደረው ካሙዙ ካሳ፣ የምርጫውን ሒደት አስመልክቶ ለሪፖርተር አስተያይቱን ሰጥቷል።

<<የምርጫ አስፈጻሚዎች መራጮቾችን ቶሎ ቶሎ ማስተናገድ እንዳለባቸው ተናግሪያለሁ>> ሲል ሙዚቃ አቀናባሪው ካሙዙ ካሳ ተናግሯል።

Seledadotio
Seledadotio

(ዘ-ሐበሻ ዜና) የኢትዮጵያን የቴሌኮም ዘርፍ ከጎረቤት ሀገራት ጋር ተወዳዳሪ ለማድረግ፣ ሀገሪቱ ተጨማሪ 5 ቢሊዮን የአሜሪካ ዶላር ኢንቨስትመንት እና የሶስተኛ ቴሌኮም ኦፕሬተር ወደ ገበያው መግባት በእጅጉ እንደሚያስፈልጋት ተጠቆመ። የቀድሞው የኢትዮ ቴሌኮም ዋና ሥራ አስፈጻሚ እና የአሁኑ የሳፋሪኮም ኢትዮጵያ የውጭ ግንኙነት ዋና ኃላፊ ዶክተር አንዱዓለም አድማሴ ለሪፖርተር ጋዜጣ በሰጡት ቃለ ምልልስ፣ የዘርፉን መዋቅራዊና መሰረተ ልማታዊ ክፍተቶች በግልጽ አብራርተዋል። ሀገሪቱ ለያዘችው የዲጂታል ኢትዮጵያ 2030 ራዕይ መሳካት፣ የቴሌኮም ማማዎችን ቁጥር አሁን ካለበት በሶስት እጥፍ ማሳደግ የግድ እንደሚልም አሳስበዋል።

በአሁኑ ወቅት በሀገሪቱ ያለው የቴሌኮም መሰረተ ልማት ከሕዝብ ቁጥሩ አኳያ ሲመዘን እጅግ ዝቅተኛ መሆኑን ኃላፊው በቁጥራዊ መረጃ ሞግተዋል። ለምሳሌ ያህል፣ አንጋፋው ኢትዮ ቴሌኮም ወደ 10 ሺሕ የሚጠጉ ማማዎች ያሉት ሲሆን፣ ሳፋሪኮም በበኩሉ 3,500 ማማዎች አሉት። ከሳፋሪኮም ማማዎች ውስጥ 40 በመቶ የሚሆኑት ከኢትዮ ቴሌኮም የተከራያቸው ሲሆኑ፣ ቀሪዎቹን ደግሞ ራሱ የገነባቸው ናቸው። በአጠቃላይ የሁለቱም ኦፕሬተሮች የቴሌኮም ማማዎች ድምር ከ15 ሺሕ በታች ነው። በጎረቤት ሀገራት ካለው የማማ እና የሕዝብ ቁጥር ንጽጽር አንጻር ሲታይ ይህ ቁጥር እጅግ አነስተኛ በመሆኑ፣ ኢትዮጵያ አሁን ካላት የሕዝብ ብዛት አኳያ ተጨማሪ 30 ሺሕ አዳዲስ ማማዎች ያስፈልጓታል። ይህንን ግዙፍ ክፍተት ለመሙላት ደግሞ የመንግሥትና የግል ዘርፍ አጋርነት (PPP) ወሳኝ ሚና እንዳለው ዶክተር አንዱዓለም አስረድተዋል።

ከዚህም ባሻገር፣ በቴሌኮም ዘርፉ ላይ መሠረታዊ የፖሊሲ እና የአሠራር ለውጥ ሊደረግ እንደሚገባ ባለሙያው ክሪቲካል የሆነ ሐሳብ ሰንዝረዋል። እስካሁን ባለው አሠራር የቴሌኮም ኦፕሬተሮች የመሰረተ ልማት ግንባታውንም ሆነ የቴሌኮም አገልግሎት አቅርቦቱን አጣምረው እየሠሩ ይገኛሉ። ይህ አሠራር ኦፕሬተሮችን ከዋናው ተልዕኳቸው እንዲዘናጉ እንደሚያደርጋቸው ኃላፊው ያምናሉ። በመሆኑም፣ የመሰረተ ልማት አውታሮችን (ማማዎችን) ብቻ የሚገነቡ ገለልተኛ ኩባንያዎች ፈቃድ አግኝተው ወደ ገበያው ሊገቡ ይገባል። ይህ አሠራር ቢተገበር፣ ኢትዮ ቴሌኮምን ጨምሮ ኦፕሬተሮቹ ማማዎቻቸውን ለእነዚህ ገለልተኛ ኩባንያዎች በመሸጥ በቢሊዮኖች የሚቆጠር የካፒታል ገንዘብ ማሰባሰብ ይችላሉ። አዳዲሶቹም ሆነ ነባሮቹ ኦፕሬተሮች ማማ ከመገንባት ውጣ ውረድ ተላቀው፣ ከመሰረተ ልማት አቅራቢዎች ማማዎቹን እየተከራዩ ጥራት ያለው የቴሌኮም አገልግሎት መስጠት ላይ ብቻ ትኩረት እንዲያደርጉ ያስችላቸዋል ሲሉ ተንትነዋል።

ወደ ሀገሪቱ የገባው ሁለተኛው ኦፕሬተር ሳፋሪኮም ኢትዮጵያ፣ ለቴሌኮም ፈቃድ ከከፈለው 850 ሚሊዮን ዶላር እና ለኤም-ፔሳ (M-Pesa) ፈቃድ ካወጣው 50 ሚሊዮን ዶላር በተጨማሪ፣ እስካሁን በሥራ ማስኬጃ እንቅስቃሴዎች ላይ ብቻ ወደ 2 ቢሊዮን ዶላር የሚጠጋ መዋዕለ ንዋይ አፍስሷል። ኩባንያው ባለፉት ሶስት የሥራ ዓመታት ውስጥ 12 ቢሊዮን ብር ግብር ለመንግሥት ገቢ አድርጓል። የዘርፉን ዕድገት ይበልጥ ለማፋጠንና ጤናማ ፉክክር ለመፍጠር የሶስተኛ ኦፕሬተር መግባት ቁልፍ መሆኑ ቢታመንም፣ በሁሉም ኦፕሬተሮች መካከል ፍትሐዊ የውድድር ሜዳ መኖሩን ማረጋገጥ ቀዳሚ ተግባር መሆን አለበት። ለዚህም ሲባል፣ የኢትዮጵያ የኢንተርኔት መለያ ጎራ (ዶሜይን - .et) በአንድ ኦፕሬተር ሥር ከመሆን ይልቅ፣ ሙሉ በሙሉ ገለልተኛ በሆነ ተቆጣጣሪ አካል ሥር ሊተዳደር እንደሚገባ ዶክተር አንዱዓለም በአጽንዖት አሳስበዋል።

አሜሪካ በኤርትራ ላይ የጣለችውን ማዕቀብ እንድትቀጥል ሂውማን ራይትስ ዎች ጥሪ አቀረበ
#ethiopia | የዩናይትድ ስቴትስ መንግሥት በኤርትራ ላይ የጣለው ማዕቀብ እንዲነሳ መደረጉ ወደፊት ይበልጥ የከፉ የሰብዓዊ መብት ረገጣዎች እንዲፈጸሙ ዕድል ይሰጣል ሲል ሂውማን ራይትስ ዎች አስጠነቀቀ።

ድርጅቱ ባወጣው መግለጫ በትግራይ ጦርነት ወቅትም ሆነ በኤርትራ ውስጥ ለተፈጸሙ ግፎች ተጠያቂነት ሳይረጋገጥ ማዕቀቡን ማንሳት አደገኛ መሆኑን ገልጿል።

የኤርትራ መንግሥት ካለበት አፋኝ የፖለቲካ ሥርዓት ወጥቶ ተጨባጭ የሆኑ የለውጥ እርምጃዎችን እስኪያሳይ ድረስ ዓለም አቀፉ ጫና ሊላላ አይገባም ብሏል።

ከዚሁ ጋር ተያይዞ ካናዳና የአውሮፓ ኅብረት ከኤርትራ ጋር የሚያደርጉት ዲፕሎማሲያዊ ግንኙነት ለሰብዓዊ መብት ጥሰቶች ሽፋን የሚሰጥና ተጠያቂነትን የሚያዳፍን የጥቅም ልውውጥ እንዳይሆን ድርጅቱ አሳስቧል።

በተጨማሪም የተባበሩት መንግሥታት ድርጅት የሰብዓዊ መብቶች ምክር ቤት በኤርትራ ጉዳይ ላይ የመደበው የልዩ ሪፖርተር የሥራ ዘመን በመጪው ሐምሌ ወር እንዲራዘም ሂውማን ራይትስ ዎች ለዓለም አቀፉ ማኅበረሰብ ጥሪ አቅርቧል።

በአገሪቱ ያለው የሰብዓዊ መብት አያያዝ አሁንም እጅግ አሳሳቢ መሆኑን የጠቀሰው ተቋሙ፣ ያለ ተገቢው ክትትልና ፍትሕ የሚደረግ ማንኛውም ዓይነት የዲፕሎማሲ መቀራረብ ለተጎጂዎች የሚሰጠውን የፍትሕ ተስፋ አደጋ ላይ ይጥላል ሲል በዝርዝር አስታውቋል።
#ኤርትራ #ሰብዓዊመብት #አሜሪካ #ማዕቀብ #ሂውማንራይትስዎች #የዓለምዜና #getutemesgen #getu #ጌጡ #ጌጡተመስገን #addisababa

ከኢትዮ ቴሌኮም አክሲዮን የገዙ ባለድርሻዎች ስለአክሲዮናቸው ምንም ዓይነት መረጃ ማግኘት እንዳልቻሉ ተናገሩ

ኢትዮ ቴሌኮም አሥር በመቶ ድርሻውን ለኢትዮጵያውያን በሽያጭ አቅርቦ አክሲዮን ከገዙ አንድ ዓመት ከግማሽ ቢሆንም፣ የድርሻው ገዥዎች እስካሁን የትርፍ ክፍፍልም ሆነ ሪፖርት፣ በሚመለከት ምንም ዓይነት መረጃ ደርሷቸው እንደማያውቅ ገለጹ፡፡

አክሲዮኑ ለሽያጭ መቅረቡ ይፋ እንደተደረገ መግዛታቸውን ለሪፖርተር የገለጹት አቶ ኃይሉ ታደሰ የተባሉ ባለድርሻ ፣ አንድ ዓመት ከስድስት ወራት ለሚሆን ጊዜ መጠበቃቸውን፣ ነገር ግን እስካሁን ‹‹እየሠራን ነው ጠብቁ›› ከሚል ምላሽ ውጪ ምክንያቱ ምን እንደሆነ በግልጽ እንዳልተነገራቸው ተናግረዋል፡፡

‹‹አክሲዮኑን የገዛነው ትርፋማ ሆነን ራሳችንን እንጠቅማለን በሚል ነበር፤›› የሚሉት አቶ ኃይሉ፣ ይህ እንኳን ባይሆን ቶሎ ምላሽ መሰጠት እንደነበረበትና ሥራው ምን ደረጃ ላይ እንደሚገኝ ለባለአክሲዮኖቹ በግልጽ ሊነገር ይገባል ብለዋል፡፡

ኩባንያው አክሲዮኑን ለሽያጭ ካቀረበ በኋላ ምክንያት ብሎ ያቀርብ የነበረው ባለአክሲዮኖች የዲጂታል መታወቂያ ባለማቅረባቸው ስለነበር፣ ዲጂታል መታወቂያቸውን በቀረበላቸው ጥያቄ መሠረት መላካቸውን ገልጸው፣ አሁንም ችግሩ ይህ ከሆነ ዲጂታል መታወቂያቸውን ለላኩና መሥፈርቱን ላሟሉ ገዥዎች የትርፍ ክፍፍልም ሆነ ሪፖርት መላክ እንዳለበት፣ ካልሆነም ምክንያቱን በግልጽ ማሳወቅ እንደሚገባው አስረድተዋል፡፡
Via_ሪፖርተር

seledadotio
seledadotio

ስለ 98 ቢ. ብሩ ዘረፋ የተሰራጨው መረጃ
ሐሰት መሆኑ  ፌደራል ፖሊስ አስታወቀ

የኢትዮጵያ ፌደራል ፖሊስ "ከፍተኛ ባለሥልጣናትና ታዋቂ አርቲስቶች 98 ቢሊየን ብር ዘረፉ" በሚል በሪፖርተር ጋዜጣ የቀረበው ዘገባ ፍፁም የተሳሳተና በሕዝብ ተወካዮች ምክር ቤት የቀረበውን የ9 ወር ሪፖርት ይዘት ያልተረዳ መሆኑን አስታውቋል። ጋዜጣው 133 ሚሊየን የሚበልጥ ዶላርን ወደ ብር በመቀየርና ከሌሎች የገንዘብ መጠኖች ጋር በመደመር የፈጠረው ስሌት እውነታውን ያዛባና የጋዜጠኝነት ሥነ-ምግባርን የጣሰ መሆኑን ፖሊስ ገልጿል።

እንደ ፌደራል ፖሊስ ማብራሪያ፣ በሪፖርቱ የተጠቀሰው 78 ቢሊየን ብር በተለያዩ የወንጀል ዓይነቶች (ሙስና፣ ታክስ ስወራ፣ ኮንትሮባንድና የሳይበር ወንጀል) ላይ የተከናወኑ ምርመራዎችን የሚመለከት እንጂ በአንድ ወንጀል የተዘረፈ አይደለም። በተለይም ከአርቲስቶች ጋር በተያያዘ የተጠቀሰው መረጃ በ1,400 ሰዎች ላይ የደረሰ 1.7 ቢሊየን ብር የንግድ ወንጀል ጉዳትን የሚመለከት ሲሆን፣ 133 ሚሊየን ዶላሩ ደግሞ ጉዳት ሳይደርስ በምርመራ ማዳን የተቻለ ገንዘብ መሆኑ በዝርዝር ተመልክቷል።

ፖሊስ በእነዚህ ወንጀሎች የተሳተፉ የውጭ ዜጎችን ጨምሮ 1,518 ተጠርጣሪዎች በቁጥጥር ሥር ውለው ክስ እንደተመሰረተባቸው ገልጾ፣ ሪፖርተር ጋዜጣ ግን ሁኔታውን አዲስና ሕዝብ እንደተዘረፈ አድርጎ በማቅረብ "ስውር ተልዕኮ" ያለው ተግባር ፈጽሟል ብሏል። በመሆኑም ፌደራል ፖሊስ ሐሰተኛ መረጃ ባሰራጨው ጋዜጣ ላይ በሕግ አግባብ እርምጃ እንደሚወስድ  አስታውቋል።

seledadotio
seledadotio

የቀድሞው የኢቢሲ ጋዜጠኛ አብዲ ከማል ከዚህ ዓለም በሞት ተለየ፤ ስርአተ ቀብሩም በዛሬው ዕለት ተፈፅሟል

ጋዜጠኛው በቆይታው ከሪፖርተርነት እስከ ዋና አዘጋጅነት በመድረስ በሙያው ከፍተኛ አስተዋጽኦ አበርክቷል።

ጋዜጠኛ አብዲ ከማል ባደረበት ህመም በህክምና ሲረዳ ቆይቶ ዛሬ ጠዋት ህይወቱ ያለፈ ሲሆን የቀብር ሥነ-ሥርዓቱም በኮልፌ የሙስሊሞች መቃብር ተፈጽሟል። ጋዜጠኛ አብዲ ከማል ባለትዳር እና የ3 ልጆች አባት ነበር።

አብዲ አሏህ ማረፊያህን ጀነተል ፍርደውስ ያድርግልህ
የታዋቂው ጋዜጠኛ አብዲ ከማል ሥርዓተ ቀብር ተፈጸመ
#ethiopia | ጋዜጠኛ አብዲ ከማል ለበርካታ ዓመታት በኢትዮጵያ ቴሌቪዥን ውስጥ በተለያዩ የሥራ ኃላፊነቶች ሠርቷል።

ጋዜጠኛው በቆይታው ከሪፖርተርነት እስከ ዋና አዘጋጅነት በመድረስ በሙያው ከፍተኛ አስተዋጽኦ አበርክቷል።

ጋዜጠኛ አብዲ በተለይ በወቅቱ አነጋጋሪ የነበሩ በርካታ ዘጋቢ ፊልሞችን በማዘጋጀትና በማቅረብ የሚታወቅ ሲሆን ከእነዚህም መካከል አኬልዳማ፣ ጂሃዳዊ ሀረካት እና አዲስ አበባን እንደባግዳድ የሚሉት ይጠቀሳሉ።

በሀገሪቱ የመንግስት ለውጥ ከተደረገ በኋላ ከቤተሰቦቹ ጋር ወደ ካናዳ በመሄድ እዚያ ይኖር የነበረ ቢሆንም ባጋጠመው የጤና እክል ምክንያት ሕክምናውን ሲከታተል ቆይቷል።

ከጥቂት ወራት በፊትም ወደ ሀገሩ ተመልሶ በአዲስ አበባ በመኖር ላይ ነበር።

ሕይወቱ ያለፈው ዛሬ ጠዋት ሲሆን የቀብር ሥነ ሥርዓቱም በዛሬው ዕለት በኮልፌ የሙስሊሞች መቃብር ተፈጽሟል።
#አብዲከማል #ኢቲቪ #ዜና #መረጃ #ኢትዮጵያ #getutemesgen #getu #ጌጡ #ጌጡተመስገን #addisababa

ኢትዮጵያ ቱርክን አሸነፈች
#ethiopia | ​በአዋሽ-ወልዲያ የባቡር መስመር ግንባታ ዙሪያ ሲካሄድ የነበረው ከፍተኛ የሕግ ክርክር በኢትዮጵያ ድል ተጠናቋል። የቱርኩ ኩባንያ ያፒ መርከዚ (Yapı Merkezi) በኢትዮጵያ ምድር ባቡር ኮርፖሬሽን ላይ አቅርቦት የነበረው የ979.9 ሚሊዮን ዶላር የካሳ ክስ በለንደን ዓለም አቀፍ የግልግል ፍርድ ቤት ውድቅ ተደርጓል።

​ይህ ውሳኔ ለኢትዮጵያ ትልቅ ስኬት ሲሆን፣ የውሳኔው ዋና ዋና ነጥቦች የሚከተሉት ናቸው፦

​ፍርድ ቤቱ ኩባንያው ከጠየቀው ግዙፍ ክፍያ ውስጥ 750 ሚሊዮን ዶላሩን ሙሉ በሙሉ ውድቅ አድርጎታል።

​ኩባንያው ቀደም ሲል በቅድሚያ ተከፍሎት የነበረውን 29.1 ሚሊዮን ዶላር ለኢትዮጵያ ምድር ባቡር ኮርፖሬሽን እንዲመልስ ተወስኗል።

​ለፕሮጀክቱ ግንባታ ወደ አገር ውስጥ የገቡ ማንኛቸውም ማሽነሪዎች፣ ተሽከርካሪዎች እና የግንባታ መሣሪያዎች በሙሉ ለኢትዮጵያ ምድር ባቡር ኮርፖሬሽን እንዲተላለፉ ፍርድ ቤቱ ትዕዛዝ ሰጥቷል።

​ሪፖርተር እንደዘገበው ከሆነ፣ ይህ ውጤት አገሪቱን ሊገጥማት ከነበረው ግዙፍ የገንዘብ ኪሳራ የታደገ ከመሆኑም በላይ፣ በዓለም አቀፍ ደረጃ የኢትዮጵያን ብሔራዊ ጥቅም ያስከበረ ስኬት ሆኖ ተመዝግቧል።

Getu Temesgen - (ጌጡ ተመስገን) #getutemesgen #getu #ቅ​ዳሜ_ገበያ #ኢትዮጵያ #ምድርባቡር #ያፒመርከዚ #የህግድል #አዋሽወልዲያ