“ የቪንሰስን ስነልቦና ለመጉዳት ሞክረዋል ” ሞሪንሆ

የሪያል ማድሪዱ አሰልጣኝ ጆዜ ሞሪንሆ ቪንሰስ ጁኒየርን በስነልቦና ለመጉዳት ሙከራ መደረጉን ተናግረዋል።

የቪንሰስ ጁኒየር ቅጣት ሆን ተብሎ ጨዋታው ሊጀምር ሲል ይፋ ተደርጓል ሲሉ ጆዜ ሞሪንሆ ተናግረዋል።

“ የተጫዋቹን ስነልቦና ለመጉዳት ሞክረዋል ” ያሉት ሞሪንሆ “ ምንም እፈረት የለባቸውም "ሲሉ ተደምጠዋል።

“ እኛ የስፔን ክለብ ሆነን ለምን ይሄን ታደርጋላችሁ ? " ሲሉ ጆዜ ሞሪንሆ ጠይቀዋል።

አክለውም " ምን እየተደረገብን እንዳለ ሰው አይኑን ገልጦ እንዲመለከት ሁሉንም አደርጋለሁ "ብለዋል።

@tikvahethsport      kidusyoftahe ቪንሰስ ጁኒየር ከባድ ቅጣት ተጣለበት ! የሪያል ማድሪዱ ተጨዋች ቪንሰስ ጁኒየር የተጋጣሚውን ፀጉር በመጎተቱ ምክንያት ቀይ ካርድ መመልከቱ ይታወሳል። በዚህም ምክንያት ቪንሰስ ጁኒየር የ 4️⃣ ጨዋታዎች ቅጣት እንደተጣለበት ይፋ ተደርጓል። ቪንሰስ ፀጉር በመጎተቱ ምክንያት ሁለት ጨዋታ እንዲሁም ዳኞች ላይ ያልተገባ ባህሪ በማሳየት ሁለት ጨዋታ ተቀጥቷል። ሪያል ማድሪድ ውሳኔውን በመቃወም ይግባኝ…

ኬፊ በቱሉ ካፒ የሚያካሂደውን የወርቅ ማዕድን ፕሮጀክት በድጋሚ ጀመረ።

"ኬፊ ጎልድ ኤንድ ኮፐር" (KEFI) የተባለው የውጭ ማዕድን ኩባንያ በኦሮሚያ ክልል በሚገኘው የቱሉ ካፒ የወርቅ ፕሮጀክቱ ላይ አጋጥሞት በነበረው የፀጥታ ችግር ምክንያት አቋርጦት የነበረውን ሥራ በድጋሚ መጀመሩን አስታወቀ።

ባለፈው ዓመት መጨረሻ የተከሰተውንና በ12 ዓመታት የፕሮጀክት ስራው የሰው ህይወት ያለፈበትና ጉዳት የደረሰበትን የደህንነት እንዲሁም የፀጥታ ችግር ክስተት "የገንጂ ሁነት" በማለት ጠርቶታል።

ኩባንያው ከአካባቢው ማህበረሰብ፣ ከፌደራልና ከኦሮሚያ ክልል ባለስልጣናት፣ ከጸጥታ አካላት ጋር ውይይት በማድረግ ችግሩ መፍታቱን ገልጿል።

ውይይቱ  ፦
- የማህበረሰቡ ማህበራዊ ደኅንነትና ጥቅሞች፣
- የሥራ ዕድል ፈጠራ፣
- የጸጥታና አጠቃላይ የደህንነት ጉዳዮች፣
- የሥራ ቦታ ደህንነት ... ላይ ትኩረት ያደረገ ነበር ተብሏል።

ኩባንያው በፕሮጀክቱ ላይ ከሚሰሩ ዓለም አቀፍ ባለሙያዎችና ተቋራጮች በተጨማሪ በኦሮሚያ ክልል ውስጥ በቂ የሥራ ልምድ ያላቸውን የአካባቢው/የሀገር ውስጥ ተቋራጮችን ቅድሚያ እንደሚሰጥ አስታውቋል።

አሁን ላይ ሥራውን በደረጃ የሚጀመር ሲሆን፣ በመጀመሪያ መብራትና መንገድ የማመቻቸት፣ በመቀጠልም የአካባቢውን ተፈናቃዮች የመካስና የማሰፈር ሥራዎች ይከናወናሉ።

ፕሮጀክቱ ሙሉ በሙሉ ወደ ምርት ሲገባ ለአካባቢው 1,000 ለሚሆኑ ሰዎች የሥራ ዕድል ይፈጥራል ተብሏል።

#kefi
ጥቅምት 4 ቀን 2019 ዓ/ም

@tikvahethiopia " ዛሬ በእጃችን ገብቷል " ፤ " ልግደልልሽ ታዲያ ? " ... የመጨረሻው የስልክ ጥሪ በምዕራብ ወለጋ ገንጂ ወረዳ በሚገኘው የቱሉ ካፒ የወርቅ ልማት ፕሮጀክት ላይ ከሁለት ሳምንት በፊት በታጣቂዎች ተፈጸመ በተባለ ጥቃት በርካታ ሰዎች ተገድለዋል። ከተገደሉት መካከል አቶ ዳንኤል ቀልቤሳ አንዱ ናቸው። አቶ ዳንኤል ለዘጠኝ ዓመታት በወርቅ ማዕድን ልማት ፕሮጀክቱ ውስጥ ሰርተዋል። ከዚህ በፊትም በኦሮሚያ…

ፒኤስጂ ማንቼስተር ሲቲን አሸነፈ

አዲስ አበባ፣ ጥቅምት 4፣ 2019 (ኤፍ ኤም ሲ) በአውሮፓ ሻምፒየንስ ሊግ የ2ኛ ዙር መርሐ ግብር ፒኤስጂ ማንቼስተር ሲቲን 4 ለ 2 በሆነ ውጤት አሸንፏል፡፡

ምሽት 4 ሰዓት ላይ በተደረገው ጨዋታ የፒኤስጂን የማሸነፊያ ግቦች ዱዌ፣ ዴምቤሌ፣ ቪቲንሀ እና አክሎቼ አስቆጥረዋል፡፡

ማንቼስተር ሲቲን ከሽንፈት ያልታደጉ ሁለት ግቦችን
ኤርሊንግ ብራውት ሃላንድ ከመረብ አሳርፏል፡፡

በሌላ ጨዋታ ሪያል ማድሪድ ሮማን 4 ለ 3 በሆነ ውጤት አሸንፏል፡፡

የሪያል ማድሪድን የማሸነፊያ ግቦች ኪሊያን ምባፔ፣ ኢስፒ፣ ኤንድሪክ እና ሩዲገር አስቆጥረዋል፡፡

ድንቅነሽ (ሉሲ)፦ ከ3.2 ሚሊዮን ዓመታት በፊት በኢትዮጵያ የኖረችው የሰው ዝግመተ ለውጥ ታሪካዊ ምስክር

የሉሲ ግኝት፣ የዶናልድ ጆሃንሰን ሚና፣ የስሟ አመጣጥና ከጥንታዊው አዞ ጋር ያላት ግንኙነት

ድንቅነሽ (Lucy) ማን ናት?
#ethiopia | ድንቅነሽ ወይም ሉሲ፣ ከ3.2 ሚሊዮን ዓመታት በፊት በዛሬዋ ኢትዮጵያ ምድር ላይ የኖረች የጥንታዊ የሰው ዘር ዝግመተ ለውጥ ታሪክን ለመረዳት ከፍተኛ አስተዋጽኦ ያደረገች ቅሪተ አካል ናት። በ1974 በኢትዮጵያ አፋር ክልል፣ ሃዳር በተባለ አካባቢ የተገኘችው ይህች ቅሪተ አካል፣ በሳይንሳዊ ስሟ Australopithecus afarensis በሚባለው ጥንታዊ የሰው ዘር ቅድመ አያቶች ዝርያ ውስጥ ትመደባለች።

የሉሲ የሳይንሳዊ መለያ ስም AL 288-1 ነው። በሳይንስ ዓለም እጅግ ዝነኛ ካደረጓት ምክንያቶች አንዱ፣ ከአንድ ግለሰብ አጥንቶች በርካታ ክፍሎች ተገኝተው መቆየታቸው ነው። ይህም ተመራማሪዎች የአካል ቅርጿን፣ አካሄዷንና የአኗኗር ሁኔታዎቿን በማጥናት ስለ ጥንታዊ የሰው ዘር ቅድመ አያቶች የበለጠ እንዲያውቁ አስችሏል።

የስሚዝሶኒያን ብሔራዊ የተፈጥሮ ታሪክ ሙዚየም መረጃ እንደሚያመለክተው፣ ሉሲ የኖረችው ከ3.2 ሚሊዮን ዓመታት በፊት ሲሆን፣ የቅሪተ አካሏ መገኘት የሰው ዝግመተ ለውጥ ጥናትን በእጅጉ ያበረከተ ነው።

ሉሲ በሁለት እግሯ መራመድ ትችል ነበር?

የሉሲ አጥንቶች የሚያሳዩት አስደናቂ ሳይንሳዊ ማስረጃ፣ በሁለት እግሮቿ ቀጥ ብላ መራመድ ትችል እንደነበር ነው። የዳሌዋ፣ የጭን አጥንቷና የእግሮቿ ቅርጽ በሁለት እግር ለመራመድ የሚያስችል የአካል አወቃቀር እንደነበራት ያሳያሉ።

ሆኖም የሉሲ አካል ሙሉ በሙሉ ከዘመናዊው ሰው ጋር አይመሳሰልም። ረጃጅም የእጅ አጥንቶቿና የተጠመዘዙ የጣት አጥንቶቿ ዛፍ ላይ ለመውጣትም የሚያግዙ ባህሪያት እንደነበሯት ይጠቁማሉ።

ይህ ማለት ሉሲ በመሬት ላይ በሁለት እግሮቿ መራመድ እና በዛፎች ላይ መውጣት የሚያስችላት የአካል ባህሪያት ነበሯት ማለት ነው። ይህም የሰው ዝግመተ ለውጥ በተለያዩ የአካል ባህሪያት ላይ በተለያየ ፍጥነት የተከናወነ ሂደት መሆኑን ለመረዳት ይረዳል።

ሌላው ጠቃሚ ነጥብ የሉሲ አንጎል ከዘመናዊው ሰው አንጎል ያነሰ መሆኑ ነው። ይህ በሁለት እግር መራመድ የመሳሰሉ የሰው ዘር ባህሪያት ትልቅ አንጎል ከመፈጠሩ በፊት መዳበራቸውን የሚያሳይ አስፈላጊ ማስረጃ ነው።

ሉሲን ያገኘው ዶናልድ ጆሃንሰን ማን ነው?

ዶናልድ ሲ. ጆሃንሰን (Donald C. Johanson) አሜሪካዊ የሰው ልጅ አመጣጥና ዝግመተ ለውጥ ተመራማሪ፣ የቅሪተ አካላት ሳይንቲስትና ደራሲ ናቸው። በ1974 በሃዳር የምርምር ሥራ ላይ ሳሉ ከተማሪያቸው ቶም ግሬይ (Tom Gray) ጋር ሉሲን የሚያካትቱ ቅሪተ አካላትን አግኝተዋል።

ግኝቱ የተካሄደው ኅዳር 24 ቀን 1974 እ.ኤ.አ. ነው። ጆሃንሰንና ግሬይ በአካባቢው የቅሪተ አካላት ፍለጋና የመስክ ሥራ እያከናወኑ ሳሉ፣ ከመሬት ላይ የክርን አጥንት ክፍል አዩ። በአቅራቢያው የተበተኑ ሌሎች አጥንቶችንም በማየታቸው አንድ የጥንታዊ የሰው ዘር ግለሰብ ቅሪተ አካል መሆኑን ተገነዘቡ።

ከዚያ በኋላ የተካሄደው ቁፋሮ ከአንድ ግለሰብ የመጡ በርካታ አጥንቶችን አስገኘ። ቅሪተ አካሉ የሰው ዘር ቅድመ አያቶች በሁለት እግር የመራመድ ችሎታ እንዴት እንደዳበረ ለመረዳት ወሳኝ ማስረጃ ሆነ።

የጆሃንሰን ሥራ የኢትዮጵያን የቅሪተ አካላት ሀብት በዓለም አቀፍ የሳይንስ መድረክ ላይ የበለጠ እንዲታወቅ ካደረጉ ጠቃሚ ምርምሮች አንዱ ነው።

“ሉሲ” የሚለው ስም ከየት መጣ?

የሉሲ ቅሪተ አካል ከተገኘችበት ዕለት ምሽት የምርምር ቡድኑ ግኝቱን ሲያከብር፣ የቢትልስ (The Beatles) ባንድ “Lucy in the Sky with Diamonds” የተሰኘው ዘፈን በካምፑ ውስጥ ይጫወት ነበር። ከዚያም ቅሪተ አካሉን “ሉሲ” ብለው መጥራት ጀመሩ።

በኢትዮጵያ የምትታወቀው ሌላዋ ስሟ “ድንቅነሽ” ሲሆን፣ በአማርኛ “ድንቅ ነሽ” ወይም “የሚደነቅ ነገር ነሽ” የሚል ትርጉም አለው። ይህ ስም የሉሲን ልዩ ሳይንሳዊ አስፈላጊነትና ከኢትዮጵያ ታሪክ ጋር ያላትን ቁርኝት ይገልጻል።

ስለ ሉሲ የተጻፉ ታዋቂ መጻሕፍት

የሉሲን ግኝት ታሪክና ሳይንሳዊ ጠቀሜታ ለመረዳት ከሚያግዙ መጻሕፍት መካከል በዶናልድ ጆሃንሰንና በማይትላንድ ኤዲ (Maitland Edey) በጋራ የተጻፈው “Lucy: The Beginnings of Humankind” ይገኝበታል። መጽሐፉ በ1981 ታትሞ የሉሲን ግኝት፣ በሃዳር የተካሄደውን የመስክ ሥራና ግኝቱ በሰው ዝግመተ ለውጥ ምርምር ላይ ያሳደረውን ተፅዕኖ ያብራራል።

ሌላው ተጠቃሽ መጽሐፍ “Lucy’s Legacy: The Quest for Human Origins” ሲሆን፣ በዶናልድ ጆሃንሰንና በኬት ዎንግ (Kate Wong) የተጻፈ ነው። መጽሐፉ ስለ ሉሲ፣ ስለ ሰው ልጅ አመጣጥና በዚህ ዘርፍ ስለተካሄዱ ሳይንሳዊ ምርምሮች ያብራራል።

እነዚህ መጻሕፍት የሉሲን ታሪክ በቀላሉ ከመናገር በላይ፣ በሰው ዝግመተ ለውጥ ላይ የነበሩ ሳይንሳዊ ግንዛቤዎች እንዴት እንደተለወጡ ለመረዳት ይረዳሉ።

ሉሲና ጥንታዊው አዞ፦ ምን ያገናኛቸዋል?

በሃዳር አካባቢ የሉሲ ቅሪተ አካል በተገኘበት የጂኦሎጂ ክፍል ውስጥ የተገኙ ሌሎች ቅሪተ አካላትም የዚያን ዘመን ሥነ-ምህዳር ለመረዳት አስፈላጊ ናቸው። በቅርብ ጊዜ በሳይንሳዊ ምደባ የተጠቀሰው Crocodylus lucivenator የተባለ የጥንት አዞ ዝርያም ከእነዚህ ግኝቶች ጋር የተያያዘ ነው።

ይህ የአዞ ዝርያ ስም ከሉሲ ጋር በተያያዘ የተሰየመ ቢሆንም፣ አዞው ሉሲን በተለይ አድኖ እንደበላት የሚያረጋግጥ ቀጥተኛ ማስረጃ የለም። የስሙ ትርጉም ወይም የቅሪተ አካላቱ በአንድ አካባቢ መገኘት ብቻ አንዱ እንስሳ ሌላውን አድኖ እንደበላ ለማረጋገጥ አይበቃም።

ነገር ግን የሉሲ ቅሪተ አካልና የጥንታዊው አዞ ግኝት በአጠቃላይ የዚያን ዘመን የኢትዮጵያ አካባቢ፣ የውሃ ምንጮች፣ የእንስሳት ሕይወትና የሥነ-ምህዳር ሁኔታዎች ለመረዳት የሚያግዙ ሳይንሳዊ ማስረጃዎች ናቸው።

ይህ ጉዳይ የሚያስተምረን፣ የሰው ዝግመተ ለውጥን ለመረዳት የሰው ቅሪተ አካላትን ብቻ ሳይሆን፣ በዚያ ዘመን የነበሩ ሌሎች እንስሳትንና የአካባቢውን ታሪክ ጭምር ማጥናት እንዳለብን ነው።

ሉሲ ለኢትዮጵያ ያላት ታሪካዊና ሳይንሳዊ ጠቀሜታ

ሉሲ ከኢትዮጵያ የተገኘች ብቻ ሳትሆን፣ የዓለም ሳይንሳዊ ቅርስ አካል ናት። ግኝቷ በሰው ልጅ አመጣጥ ምርምር ውስጥ የኢትዮጵያን ልዩ ቦታ አጉልቶ አሳይቷል።

ኢትዮጵያ በሃዳር፣ በዲኪካና በሌሎች አካባቢዎች የተገኙ የጥንታዊ የሰው ዘር ቅድመ አያቶች ቅሪተ አካላት የተጠኑባት አስፈላጊ የምርምር ምድር ናት። ከእነዚህ ግኝቶች መካከል በዲኪካ የተገኘችው “ሰላም” የተባለችው የጥንታዊ ሕፃን ቅሪተ አካል አንዷ ናት። ዕድሜዋ ወደ 3.3 ሚሊዮን ዓመታት ሲሆን፣ ከሉሲ በግምት 100 ሺህ ዓመታት የምትበልጥ ናት።

እነዚህ ግኝቶች ኢትዮጵያ በሰው ልጅ አመጣጥና ዝግመተ ለውጥ ጥናት ውስጥ ያላትን የማይተካ ሚና ያሳያሉ። እነዚህን ቅርሶች በሳይንሳዊ ምርምር፣ በትምህርት፣ በሙዚየሞችና በዘላቂ ቱሪዝም ማስተዋወቅ ለሀገሪቱ ታሪካዊ ክብርን ከማስጠበቅ ባለፈ፣ ለወጣቶች የእውቀትና የሙያ ዕድሎችን ሊፈጥር ይችላል።

ማጠቃለያ

ድንቅነሽ ወይም ሉሲ፣ ከ3.2 ሚሊዮን ዓመታት በፊት የኖረች ቅሪተ አካል ብቻ አይደለችም፤ ስለ ሰው ልጅ አመጣጥ፣ ስለ አካላዊ ዝግመተ ለውጥና ስለ ጥንታዊው የአፍሪካ ሥነ-ምህዳር የምታስተምር ውድ ሳይንሳዊ ምስክር ናት።

የሉሲ ታሪክ የኢትዮጵያ ታሪክ ብቻ ሳይሆን፣ የመላው የሰው ዘር ታሪክ አካል ነው።

✍️ በሚካኤል አስራት (Michael Asrat)
#ethiopia #lucy #dinknesh #donaldjohanson #humanevolution #afar #hadar #science #ጌጡተመስገን

ሊቨርፑል ተከታታይ ድሉን አሳክቷል !

የመርሲሳይዱ ክለብ ሊቨርፑል ከላስክ ያደረገውን የሻምፒየንስ ሊግ መርሐግብር 6ለ3 አሸንፏል።

በጨዋታው ብራድሌይ ባርኮላ ሶስት ግቦችን በማስቆጠር ሀትሪክ መስራት ችሏል።

ቀሪዎቹን የሊቨርፑል የማሸነፊያ ግቦች አራውሆ ፣ ፍሪምፖንግ እና ኩማስ ከመረብ አሳርፈዋል።

ለኦስትሪያው ክለብ ላስክ ግቦችን ፍሌከር 2x እና ጁቢቺች አስቆጥረዋል።

ሊቨርፑል የመጀመሪያ ሁለት የሻምፒየንስ ሊግ ጨዋታዎችን በአሸናፊነት መወጣት ችሏል።

በሌላ ጨዋታ ፌይኖርድ ከኮሞ ጋር ያደረገውን ጨዋታ 3ለ2 በሆነ ውጤት ማሸነፍ ችሏል።

@tikvahethsport      kidusyoftahe

ጠቅላይ ሚኒስትር ዐቢይ አሕመድ ከአሜሪካው የውጭ ጉዳይ ሚኒስትር ማርኮ ሩቢዮ ጋር ተወያዩ

ጠቅላይ ሚኒስትር ዶክተር ዐቢይ አሕመድ ከአሜሪካው የውጭ ጉዳይ ሚኒስትር ማርኮ ሩቢዮ ጋር የስልክ ውይይት ማድረጋቸውን አስታወቁ።

በስልክ ውይይቱ ወቅት አመራሮቹ በሁለትዮሽ፣ በቀጣናዊ እንዲሁም በባለብዙ ወገን ጉዳዮች ዙሪያ ፍሬያማ ምክክር ማድረጋቸው ተገልጿል። ይህ ውይይት በእንደገና አዲስ ምዕራፍ ላይ በሚገኘው የሁለቱ አገራት ግንኙነት ውስጥ በኢትዮጵያና በዩናይትድ ስቴትስ መካከል ያለውን ታሪካዊ ወዳጅነት ወደ ላቀ ስትራቴጂካዊና ተግባራዊ አጋርነት ለማሳደግ ያለውን ቁርጠኝነት የሚያሳይ መሆኑ ተጠቅሷል።

አሜሪካ ለኢትዮጵያ የምታደርገውን ዘላቂ ድጋፍ አጠናክራ እንደምትቀጥል የሰጠችውን ማረጋገጫ ያደነቁት ጠቅላይ ሚኒስትሩ፤ ኢትዮጵያም በበኩሏ የሁለትዮሽ ትብብሩን ለማጠናከር እና የጋራ ትኩረት በሚሹ አህጉራዊና ዓለም አቀፋዊ መድረኮች ላይ በቅንጅት ለመሥራት ዝግጁ መሆኗን አረጋግጠዋል።

Fikerassefa Fikerassefa

ጠቅላይ ሚኒስትር ዐቢይ አሕመድ ከአሜሪካው
የውጭ ጉዳይ ሚኒስትር  ጋር በስልክ ተወያዩ

ጠቅላይ ሚኒስትር ዐቢይ አሕመድ (ዶ/ር) ከአሜሪካ የውጭ ጉዳይ ሚኒስትር ማርኮ ሩቢዮ ጋር በሁለትዮሽ፣ በቀጣናዊ እና በጋራ ትኩረት በሚሹ ጉዳዮች ላይ በስልክ ተወያይተዋል። ውይይቱ ሁለቱ አገራት ያላቸውን የቆየ ወዳጅነት  ይበልጥ ወደ ጠንካራ ስትራቴጂካዊ አጋርነት ለማሳደግ ያላቸውን ቁርጠኝነት ያረጋገጠ እጅግ ፍሬያማ መሆኑ ተገልጿል።

በውይይቱም አሜሪካ ለኢትዮጵያ የምታደርገውን ድጋፍ አጠናክራ እንደምትቀጥል ማረጋገጫ የሰጠች ሲሆን፤ ጠቅላይ ሚኒስትሩም  አድናቆታቸውን ገልጸዋል። አገራቱ የሁለትዮሽ ትብብራቸውን ለማጠናከርና በቀጣናዊ ጉዳዮች ላይ በጋራ ለመሥራት ያላቸውን ጽኑ ፍላጎት አረጋግጠዋል።

Seledadotio
Seledadotio

በነቀምቴ ከተማ በማተሚያ ቤት ውስጥ ሐሰተኛ ገንዘብ ሲያትም የነበረው ግለሰብ እጅ ከፍንጅ ተያዘ

በነቀምቴ ከተማ አስተዳደር አንድ የህትመት ቤት ባለቤት የሆነው ወጣት የሁለት መቶ ብር የሐሰተኛ ገንዘብ ሲያትም ከሕዝብ በደረሰ ጥቆማ መሰረት እጅ ከፍንጅ መያዙን የከተማው አስተዳደር ፖሊስ መምሪያ አስታውቋል።

የነቀምቴ ከተማ አስተዳደር ፖሊስ ዋና መምሪያ የወንጀል ምርመራ ክፍል ሀላፊ ኮማንደር ፍሮምሳ ቂጤሳ እንደገለጹት ጥቅምት 3 ቀን 2017 ዓ.ም በግምት ከቀኑ 11:30 ገደማ በጨለለቂ ቀበሌ በሚገኘውና ፍራኦል አብዲሳ ገለታ በተባለው ወጣት በሚመራው የህትመት ቤት ውስጥ የሐሰት ገንዘብ እየተዘጋጀ መሆኑን ከሕዝብ ጥቆማ ይደርሳቸዋል።

በጥቆማው መሠረት ስፍራው ድረስ በመሄድ በተደረገው ፍተሻ የተሰጠው ጥቆማ ትክክል ሆኖ መገኘቱንና የሁለት መቶ ብር የሐሰት ገንዘብ በፎቶ ኮፒ ማሽን እየተባዛ በመውጣት ላይ እያለ መመልከታቸውን ተናግረዋል።

በዚህም የተባዛው የሐሰት ገንዘብ መጠን 33 ሺህ 600 ብር መሆኑንና ተጠርጣሪውም በቁጥጥር ሥር መዋሉን ገልጸዋል።እንደዚህ ዓይነት ወንጀሎች የሕብረተሰቡን ኢኮኖሚ ከመጉዳታቸው ባሻገር የአገርንም ኢኮኖሚ የሚጎዱ በመሆናቸው ሕብረተሰቡ መሰል ወንጀሎችን በሚመለከትበት ጊዜ ለጸጥታ አካላት ጥቆማ መስጠት እንዳለበት አሳስበዋል።

ከዚህ ወንጀል ጋር በተያያዘም ፖሊስ ከዐቃቤ ሕግ ጋር በመተባበር ምርመራ መጀመሩንና ተጣርቶ የሕግ የበላይነት እንደሚረጋገጥ ምክትል ኮማንደር ፍሮምሳ ተናግረዋል።

ሕብረተሰቡ በግዢና ሽያጭ ወቅት አስፈላጊውን ጥንቃቄ ሊያደርግ እንደሚገባ አሳስበዋል ሲል የነቀምቴ ከተማ አስተዳደር ፖሊስ መምሪያ ኮሙኒኬሽን ዘግቧል።

#ዳጉ_ጆርናል

#ethiopia
#usa

ጠ/ሚ ዐቢይ አሕመድ (ዶ/ር) ከአሜሪካ የውጭ ጉዳይ ሚኒስትር ማርኮ ሩቢዮ ጋር በስልክ ተወያዩ።

ውይይቱ በሁለትዮሽ፣ በቀጣናዊ እና በባለብዙ ወገን የጋራ ትኩረትን በሚሹ ጉዳዮች ላይ እንደነበርና እጅግ ፍሬያማ እንደሆነ ጠ/ሚ ዐቢይ (ዶ/ር) ገልጸዋል።

" ያካሄድነው ውይይት በኢትዮጵያና በአሜሪካ መካከል ያለውን እድሜ ጠገብ ወዳጅነት ወደ ላቀ ስትራቴጂካዊና ተግባራዊ አጋርነት ለማሳደግ በሁለቱም አገራት በኩል ያለውን ቁርጠኝነት ማረጋገጫ ነው " ብለዋል።

በውይይቱ አሜሪካ ለኢትዮጵያ የምታደርገውን ቀጣይነት ያለው ድጋፍ በተመለከተ ማረጋገጫ መስጠቷን የገለጹት ጠቅላይ ሚኒስትሩ ይህንንም እንደሚያደንቁ ገልጸዋል።

" የሁለትዮሽ ትብብራችንን ለማጠናከር እንዲሁም በቀጣናዊና ባለብዙ ወገን መድረኮች ቅድሚያ በምንሰጣቸው የጋራ ጉዳዮች ላይ አብረን ለመሥራት ያለንን ቁርጠኝነት አረጋግጣለሁ " ሲሉም አሳውቀዋል።

ቲክቫህ ኢትዮጵያ
ጥቅምት 4 ቀን 2019 ዓ/ም

@tikvahethiopia #ethiopia #israel ጠ/ሚ ዐቢይ አህመድ (ዶ/ር) ከእስራኤሉ ጠቅላይ ሚኒስትር ቤንያሚን ኔታንያሁ ጋር ውጤታማ እና ፍሬያማ የስልክ ውይይት ማድረጋቸውን ገልጸዋል። " በሁለትዮሽ ግንኙነት እንዲሁም በጋራ ቀጠናዊ ጉዳዮች ላይ ፍሬያማ ውይይት አድርገናል " ያሉት ጠቅላይ ሚኒስትሩ " በጋራ በሆኑ ዘርፎች ላይ በትብብር ለመስራት ያለንን ቁርጠኝነት አረጋግጠናል " ሲሉ አስታውቀዋል። ጥቅምት 2 ቀን…

❗️ሸራሮ ምን እየተካሄደ ነው!!?

በኢትዮጵያ እና ኤርትራ ድንበር አቅራቢያ ከባድ የአየር ድብደባዎች እየተደረጉ ነው።

የኢትዮጵያ አየር ኃይል ባለፉት 2 እና 3 ቀናት ውስጥ በኢትዮጵያ እና ኤርትራ ድንበር አካባቢዎች ከባድ ድሮን እና የአየር ድብደባዎችን ሲያካሂድ ቆይቷል።

የኤርትራ ጦር እና የትግራይ ተዋጊዎች ከዋና ዋና ከተሞች ሲወጡ፣ የኢትዮጵያ አየር ኃይል ደህንነታቸው ወደተጠበቁ ቦታዎች እንዳይሸሹ እና ጥቃቶችን እንዳይሰነዝሩ ለመከላከል ቀጣይነት ያለው የአየር ዘመቻዎችን እያደረገ ይገኛል።

ከአዲግራት እስከ ዛላምበሳ፣ ከአድዋ እስከ ራማ፣ እና ሺራሮ አካባቢዎች በኢትዮጵያ አየር ኃይል በከፍተኛ ሁኔታ ጥቃት እየፈፀመ ይገኛል።

ይህንን ተከትሎ በኤርትራ አዋሳኝ ሽራሮ አካባቢ የእሳት አደጋ የተነሳ ሲሆን ባለፉት ሁለት ወይም ሶስት ቀናት ውስጥ ወደ ኤርትራ ድንበር እየተዛመተ መሆኑን ከሳታላይት ምስሎች ለማየት ተችሏል።

@Yenetube Fikerassefa

❗️ሸራሮ ምን እየተካሄደ ነው!!?

በኢትዮጵያ እና ኤርትራ ድንበር አቅራቢያ ከባድ የአየር ድብደባዎች እየተደረጉ ነው።

የኢትዮጵያ አየር ኃይል ባለፉት 2 እና 3 ቀናት ውስጥ በኢትዮጵያ እና ኤርትራ ድንበር አካባቢዎች ከባድ ድሮን እና የአየር ድብደባዎችን ሲያካሂድ ቆይቷል።

የኤርትራ ጦር እና የትግራይ ተዋጊዎች ከዋና ዋና ከተሞች ሲወጡ፣ የኢትዮጵያ አየር ኃይል ደህንነታቸው ወደተጠበቁ ቦታዎች እንዳይሸሹ እና ጥቃቶችን እንዳይሰነዝሩ ለመከላከል ቀጣይነት ያለው የአየር ዘመቻዎችን እያደረገ ይገኛል።

ከአዲግራት እስከ ዛላምበሳ፣ ከአድዋ እስከ ራማ፣ እና ሺራሮ አካባቢዎች በኢትዮጵያ አየር ኃይል በከፍተኛ ሁኔታ ጥቃት እየፈፀመ ይገኛል።

ይህንን ተከትሎ በኤርትራ አዋሳኝ ሽራሮ አካባቢ የእሳት አደጋ የተነሳ ሲሆን ባለፉት ሁለት ወይም ሶስት ቀናት ውስጥ ወደ ኤርትራ ድንበር እየተዛመተ መሆኑን ከሳታላይት ምስሎች ለማየት ተችሏል።

Seledadotio
Seledadotio

#assosauniversity

በ2019 ዓ.ም በትምህርት ሚኒስቴር በትግራይ ክልል ከሚገኙ ዩኒቨርሲቲዎች ወደ አሶሳ ዩኒቨርሲቲ የተመደባችሁ ተማሪዎች እስከ ጥቅምት 10/2019 ዓ.ም ዋና ሬጅስትራር ቢሮ በአካል በመገኘት ሪፖርት እንድታደርጉ ዩኒቨርሲቲው አሳውቋል፡፡

ለምዝገባ ስትሔዱ ልትይዟቸው የሚገቡ፡-
● ማንነታችሁን የሚገልፅ መታወቂያ፣
● ከ8-12ኛ ክፍል ትራንስክሪፕት ዋናውና ኮፒው፣
● የ12ኛ ክፍል ሰርተፊኬት ዋናውና ኮፒው፣
● ሁለት መጠኑ 3X4 የሆነ ጉርድ ፎቶግራፍ፣
● አንሶላ፣ ብርድ ልብስ እና የትራስ ልብስ።

@tikvahuniversity

አንጋፍው ዘነበ ፍሬው ሪል እስቴት 🏠

በተግባር ከተረጋገጠ ታማኝነት፣ ከበፊቱ በበለጠ ኃይል፣ በአዲስ ራዕይ እና ዘመናዊነትን በጠበቀ አቅም በጎተራ ፕሮጀክት ዳግም ተመልሷል።
ከዚህ በፊት ሁለት ግዙፍ ፕሮጀክቶችን በተሳካ ሁኔታ አስረክቧል አሁን ደግሞ

👉ለመኖር፣ ለማከራየት፣ ለማትረፍ በሚመቸው መሃል ከተማ ጎተራ በከፍተኛ ጥራት እና በልዩ ዲዛይን የተገነቡ ዘመናዊ አፓርትመንቶች በማስታወቂያ ዋጋ ለሽያጭ አቅርበናል::

ከ10 % ቅድመ ክፍያ ጀምሮ፤
👉በካሬ ከ95,500ብር ጀምሮ
👉በ3 አመት የሚረከቧቸው አማራጮች

👉የንግድ ሱቆች ከ 16 ካሬ -300 ካሬ በ net Area እየሸጥን እንገኛለን

ስቱዲዮ = 66 ካሬ
ጠቅላላ ዋጋ፦ 6,303,000 ብር
የ10% ቅድመ ክፍያ፦ 630,300 ብር
✨ባለ አንድ መኝታ 83 ካሬ
✨ባለ 2 መኝታ 122 እና 137 ካሬ
✨ባለ 3 መኝታ=168 ካሬ

የጋራ መገልገያወች

✅ የህፃናት ማቆያ ( ደይ ኬር )
✅ የመዋኛ ገንዳ
✅ የከርሰ ምድር ውሃ
✅ የቆሻሻ ማስወገጃ
✅ ዘመናዊ ሊፍቶች
✅ አረንጉአዴ ስፍራ
✅ የስፖርት ቦታወች (ጅም,ስፓ)

ለበለጠ መረጃ፣ ለቢሮ ቀጠሮ፣ ሳይት ለመጎብኘት
ይደውሉ ☎️0977390883

🌍አጫጭር መረጃዎች

የሳውዲ አረቢያ ጦር ጥምረት ወደ ሳዑዲ አረቢያ ዋና ከተማ ሪያድ የተተኮሰውን የሃውቲ ባላስቲክ ሚሳኤል ማግኘቱን እና ማውደሙን አስታወቀ።

ሁቲዎች በዳህራን እና በሪያድ በሚገኙት የሳዑዲ የነዳጅ አራምኮ ተቋማት እንዲሁም በኪንግ ካሊድ ዓለም አቀፍ አውሮፕላን ማረፊያ ላይ ጥቃት ካደረሱ በኋላ፣ በቀጣዮቹ ቀናትም የሳዑዲ አውሮፕላን ማረፊያዎችን እና የነዳጅ ማዕከላትን ማጥቃታቸውን እንደሚቀጥሉ ዝተዋል። ቃላትን

የፓኪስታን ጠቅላይ ሚኒስትር ሼህባዝ ሻሪፍ ኢስላማባድ “የሳዑዲ አረቢያን ሉዓላዊነት፣ የግዛት አንድነት እና ደህንነት ለመጠበቅ ያላትን የማይናወጥ ቁርጠኝነት” በድጋሚ አረጋግጠዋል።

🕋የሙስሊም ዓለም ሊግ በሳውዲ አረቢያ ላይ የሚሰነዘረውን የሁቲ ጥቃቶች ሆን ተብሎ በሲቪሎች እና በሲቪሎች ቦታዎች ላይ ያነጣጠረ ነው ሲል አውግዟል።

አንድ ከየት እንደተነሳ ያልታወቀ ድሮን በኢራን ሆርሞዝጋን ግዛት ባንዳር ኮላሂ አቅራቢያ አንድን ጀልባ በመምታቱ ሶስት አሳ አጥማጆች ቆስለዋል ሲል የግዛቱ ገዢው ቢሮ ገልጿል።

ግብፅ በመካከለኛው ምስራቅ ሰላምን ለማጠናከር እና የሁለት ሀገራት መፍትሄን ለማራመድ ያላትን ቁርጠኝነት አረጋግጣለች፣ ይህም የሻርም ኤል-ሼክ የሰላም ጉባኤ የመጀመሪያ አመት መሆኑን የውጭ ጉዳይ ሚኒስቴር አስታውቋል።

በስምኦን ደረጄ
#ዳጉ_ጆርናል

(ዘ-ሐበሻ ዜና) በትራምፕ አንድ የዘመቻ መድረክ ንግግር ውስጥ በድንገት የተወረወረች አንዲት ቃል፣ በአፍሪካ ቀንድ የፖለቲካ ትኩሳት ላይ አዲስ ቤንዚን አርከፍክፋለች፤ ሶማሊላንድ ቃሏን በአየር ላይ ጠልፋ የዓለም አቀፍ እውቅና ማረጋገጫዋ ለማድረግ በከፍተኛ የዲፕሎማሲ ፍጥነት እየተንቀሳቀሰች ነው።

የአሜሪካው ፕሬዝዳንት ዶናልድ ትራምፕ በኦሃዮው የምርጫ ዘመቻቸው መድረክ ላይ ስለ አሜሪካ የውስጥ ፖለቲካና የድንበር ጉዳዮች ሲሞግቱ፣ በድንገት ስለ ሶማሊላንድ አንስተዋል። "እኔ 'ሶማሊያ ላንድ' ነው የምለው፤ ምክንያቱም ሙሉ ለሙሉ የተለየች ሀገር ናት... ስሟንም ወዲያውኑ መቀየር አለባት" ሲሉ መናገራቸውን ተከትሎ፣ የሶማሊላንድ መንግሥት ይህንን አጋጣሚ ወደ ትልቅ የፖለቲካ ድል ቀይሮታል።
የሶማሊላንድ የውጭ ጉዳይ ሚኒስቴር ባወጣው ይፋዊ መግለጫ፣ የትራምፕን ንግግር "ሉዓላዊነታችንን ያረጋገጠ እና ከ30 ዓመታት በላይ ራሷን ችላ የኖረችውን ሀገር እውነታ ያንጸባረቀ ነው" ሲል በደስታ ተቀብሎታል። የሀገሪቱ ፕሬዝዳንት አብዲራህማን መሐመድ አብዲላሂ (ኢሮ) በቅርቡ በሰጡት ቃለ ምልልስ፣ ዶናልድ ትራምፕ ሶማሊላንድን እውቅና በመስጠት "ታሪክ እንዲሰሩ" እና በቀይ ባህር ደህንነት ዙሪያ ስትራቴጂካዊ አጋር እንዲሆኑ መጠየቃቸው ይታወሳል። ምንም እንኳን የትራምፕ ንግግር ይፋዊ የአሜሪካ መንግሥት የዲፕሎማሲ ውሳኔ ባይሆንም፣ ሀርጌሳ ግን እስራኤል በ2025 ከሰጠቻት እውቅና ቀጥሎ፣ ይህንን ንግግር የአሜሪካን በር የሚያንኳኳ ትልቅ የፖለቲካ እርምጃ አድርጋ እየቆጠረችው ትገኛለች።

የዚህ ዜና ከባድ ማዕዘን ያለው የትራምፕ ንግግር በተነገረበት አውድ እና ሶማሊላንድ ለጉዳዩ በሰጠችው የፖለቲካ ትርጉም መካከል ባለው ሰፊ ልዩነት ላይ ነው። ትራምፕ ጉዳዩን ያነሱት ግልጽ የሆነ የውጭ ጉዳይ ፖሊሲን ለማሳወቅ ሳይሆን፣ ለሀገር ውስጥ የፖለቲካ ፍጆታና በስደተኞች ላይ ያላቸውን አቋም ለማብራራት ነው። ሆኖም፣ በዓለም አቀፍ የዲፕሎማሲ መድረክ የኃያላን ሀገራት መሪዎች ከንፈር የሚያመልጣት አንዲት ቃል ህጋዊ እና ፖለቲካዊ ክብደት ሊኖራት ይችላል።

ሶማሊላንድ ይህንን የፖለቲካ ጨዋታ ጠንቅቃ የተረዳችው ትመስላለች። የትራምፕን "የተለየች ሀገር ናት" የምትለዋን ሐረግ ብቻ በመንጠቅ፣ ጉዳዩን ከበርበራ ወደብ ስትራቴጂያዊ አቀማመጥ፣ ከጸረ-ሽብር ትብብር እና ከቀይ ባህር ደህንነት ጋር በማስተሳሰር የአሜሪካን ይፋዊ እውቅና ለመጠምዘዝ እየተጠቀመችበት ነው። ይህ የሀርጌሳ አካሄድ ሁለት ትላልቅ አንድምታዎች አሉት። አንደኛው፣ በሞቃዲሾ እና በሀርጌሳ መካከል ያለውን የሉዓላዊነት ውጥረት ይበልጥ ማጦዙ ሲሆን፤ ሁለተኛው ደግሞ የአፍሪካ ቀንድን የጂኦ-ፖለቲካ ቼዝ ጨዋታ ይበልጥ ውስብስብ በማድረግ ኃያላን ሀገራት በይፋ አቋም እንዲወስዱ ማስገደዱ ነው።

የሶማሊላንድ መንግሥት የዶናልድ ትራምፕን የዘመቻ መድረክ ንግግር እንደ ሉዓላዊ ሀገር እውቅና በመቁጠር ከፍተኛ ፖለቲካዊ ትርፍ እያካበተበት ይገኛል። አሜሪካ በይፋ የውጭ ጉዳይ ፖሊሲዋን ቀይራ እውቅና ባትሰጥም፣ ይህ ክስተት ሀርጌሳ በቀንዱ ቀጣና ያላትን የዲፕሎማሲ ተሰሚነት ለማስፋት እና የዓለም አቀፉን ማህበረሰብ ትኩረት ለመሳብ የምትጠቀምበት ስልት እጅግ ፈጣን እና ንቁ መሆኑን በተግባር ያረጋገጠ ነው።

(ዘ-ሐበሻ ዜና) በኢራን የሚደገፉትን የሁቲ ታጣቂዎችን የሚዋጋው እና በሳዑዲ አረቢያ የሚመራው ጥምር ጦር፣ ማክሰኞ ዕለት በዋና ከተማዋ ሰነዓን ጨምሮ በምዕራብ የመን በሚገኙ የነዳጅ ማዕከላት ላይ የአየር ጥቃት መፈጸሙን አረጋገጠ። ይህ እርምጃ የተወሰደው፣ ከቅርብ ዓመታት ወዲህ በሳዑዲ አረቢያ ምድር ላይ የደረሰውን እጅግ የከፋ ጥቃት ተከትሎ አጸፋውን ለመመለስ መሆኑ ተገልጿል።

ይህ የጥምር ጦሩ ጥቃት ከተፈጸመ ከጥቂት ጊዜ በኋላ፣ በሳዑዲ ዋና ከተማ ሪያድ እና በምስራቃዊው የሀገሪቱ ክፍል በሚገኘው ግዙፉ የነዳጅ ማውጫ 'አራምኮ' (Aramco) ማዕከል ፍንዳታዎች መሰማታቸውን የዓይን እማኞች እና ጋዜጠኞች ለኤኤፍፒ (AFP) ተናግረዋል።
የጥምር ጦሩ ቃል አቀባይ ቱርኪ አል-ማሊኪ በ'ኤክስ' (X) ገጻቸው ላይ እንዳሰፈሩት፤ በሰነዓ፣ ዳማር እና ሳዳ ግዛቶች የተካሄዱት ጥቃቶች፣ ሁቲዎች ሳዑዲ አረቢያን፣ የመንን፣ የደቡብ ቀይ ባህርን እና የባህር ላይ መስመሮችን ለማስፈራራት እንዲሁም ለጦርነቱ ግብዓትነት የሚጠቀሙባቸውን የነዳጅ ማዕከላት ኢላማ ያደረጉ ናቸው። በሰነዓ የሚገኝ የኤኤፍፒ ዘጋቢ የፍንዳታ ድምጽ መስማቱን ሲዘግብ፣ የሁቲ ልሳን የሆነው 'አል-ማሲራህ' የቴሌቪዥን ጣቢያ "የሳዑዲ ወረራ የነዳጅ ተቋማትን ኢላማ አድርጓል" ሲል በሰበር ዜና አሰራጭቷል።

በሌላ በኩል፣ ወደ ሳዑዲ አረቢያ የተተኮሱ የሁቲ ሚሳኤሎች በሪያድ ሰማይ ላይ መመታታቸውን ተከትሎ ቢያንስ በአራት ሰዎች ላይ ጉዳት መድረሱን ባለስልጣናት አስታውቀዋል። የሳዑዲ አረቢያ የሲቪል መከላከያ እንደገለጸው፣ የተመቱት ሁለት ሚሳኤሎች ስብርባሪዎች በሪያድ የመኖሪያ ሰፈሮች ላይ በመውደቃቸው አራት ሰዎችን ሲያቆስሉ፣ በ15 ቤቶች ላይ ጉዳት አድርሰዋል። በመንግሥት የሚተዳደረው የሳዑዲ ፕሬስ ኤጀንሲ እንደዘገበው ከተጎጂዎቹ መካከል ሁለት ሴቶች፣ አንድ ወንድ እና አንድ ህጻን ይገኙበታል። የሲቪል መከላከያው ያወጣቸው ምስሎች በሚሳኤሉ ስብርባሪዎች የተሰባበሩ የመኖሪያ ቤቶች መስኮቶችን አሳይተዋል።

መድኃኒትን በቀላሉ ለማግኘት የሚያስችል አዲስ የዲጂታል መተግበሪያ ይፋ ሆነ
‎
‎#ethiopia | ታካሚዎች በሐኪም የታዘዘላቸውን መድኃኒት ለማግኘት ከፋርማሲ ወደ ፋርማሲ ከመዘዋወር የሚያድን «ሄሎ ፋርማሲ» የተሰኘ ዲጂታል መተግበሪያ ይፋ ሆነ። መድረኩ ታካሚዎችን ከመድኃኒት አቅራቢ ፋርማሲዎች በቀጥታ በማገናኘት ጊዜንና ወጪን ለመቆጠብ ያለመ ነው።
‎
‎የ«ጤና ፈርስት ፕላስ» መስራችና ዋና ሥራ አስኪያጅ አቶ አብርሃም አሰፋ እንደገለጹት፣ ተጠቃሚዎችበሞባይል መተግበሪያ የሚፈልጉትን መድኃኒት መመዝገብ የሚችሉ ሲሆን፣ ስማርት ስልክ የሌላቸው ደግሞ በነፃ የ6037 የስልክ መስመር በመደወል ጥያቄያቸውን ማቅረብ ይችላሉ ብለዋል። በመድረኩ ከ560 በላይ ፋርማሲዎች የተመዘገቡ ሲሆን፣ የታካሚዎችን ጥያቄ ተከትሎ መድኃኒቱ በእጃቸው መኖሩን በማረጋገጥ ምላሽ ይሰጣሉ።
‎
‎መተግበሪያው ተጠቃሚዎች አቅራቢያቸው ያለውን ፋርማሲ እንዲያውቁ፣ ርቀቱን እንዲመለከቱና የጉግል ማፕ አቅጣጫን በመጠቀም በቀላሉ እንዲደርሱ ያግዛል። በተጨማሪም ፋርማሲዎች የተለያዩ የዋጋ ቅናሽ አማራጮችን እንዲያቀርቡ በማስቻል ተጠቃሚዎች በዋጋና በቦታ ረገድ የተሻለ ምርጫ እንዲያደርጉ ዕድል ይፈጥራል። በመድረኩ መመዝገብ የሚፈልጉ ፋርማሲዎችም የቅድመ ክፍያ ሳይጠየቁ የምዝገባ መረጃቸውን በማስገባት ወደ ስርዓቱ መቀላቀል እንደሚችሉ አቶ አብርሃም ገልጸዋል።
‎
‎በቴሌ-ሕክምና ዘርፍ ላለፉት ሁለት ዓመታት ሲሠራ የቆየው «ጤና ፈርስት»፣ በአዲሱ መድረክ አማካኝነት ከሕክምና ምርመራ ጀምሮ እስከ መድኃኒት ግዥ ድረስ ያለውን ሂደት የበለጠ ቀላልና ፈጣን ለማድረግ እየሠራ መሆኑ ተገልጿል። አገልግሎቱ በአዲስ አበባ ብቻ ሳይወሰን በሌሎች የኢትዮጵያ አካባቢዎች ለሚገኙ ዜጎች እና በመላው አለም በአረብ አገራት ለሚኖሩ ኢትዮጵያዊያን ተደራሽ እየሆነ እንደሚገኝ መተግበሪያው በተዋወቀበት መድረክ ላይ ገልጸዋል።
‎
‎ጌትነት ተመስገን
‎📷 ከበደ መክብብ
‎
‎#hellopharmacy #tenafirstplus #digitalhealth #healthcareinnovation #pharmacyservices #ethiopia #ethiopiantechnology #telemedicine #digitaltransformation

🤩ወጣት ዮርዳኖስ አምበሉ🤩

የአካውንቲንግ የማዕረግ ተመራቂዋና በስራ ላይ የተሰማራችው ዮርዳኖስ አምበሉ የተባለች ወጣት በአዲስ አበባ ከተማ ወመዘክር እያለች ምሽት ላይ " በስለት ተወግታ " ተገድላለች።

ግድያውን በመፈጸም የተጠረጠረው አብሯት ይሰራ የነበረና የፍቅር ጥያቄ አቅርቦ ያልተቀበለችው ግለሰብ ነው።

ቲክቫህ ኢትዮጵያ ሟቿ ላይ ስለተፈጸመው ትክክለኛ ነገር የቅርብ ቤተሰቦቿን አነጋግረናል።

ጠበቃና የሕግ ባለሙያ የሟቿ የቅርብ ቤተሰብ አቶ በርታ በቀለ ለቲክቫህ ኢትዮጵያ ምን አሉ ?

ወጣት ዮርዳኖስ ባለፈው ሳምንት ወመዘክር ግቢ ውስጥ ምሽት ላይ በስለት ተወግታ ሕይወቷ ማለፉን ገልጸዋል።

" አስከሬኗን አይቻለሁ። በመጀመሪያ ከጀርባ ሽንጧ ላይ ነው የወጋት፤ ልትከላከል ዞር ስትል ቦርሳዋ ሁሉ ተወግቷል " ሲሉም እማኝነታቸውን ሰጥተውናል።

" ስድስት፣ ሰባት ቦታዎች ላይ ነው በስለት የተወጋችው። አንገቷ፣ ጡቷ፣ እግሯ፣ ደረቶቿ ላይ ተወግታለች " ብለዋል።

" በጩቤ ነው የወጋት ጩቤው ጽድ ውስጥ ጥሎት ተገኝቶ በኤግዚቢትነት ተይዟል። አዲስ ጩቤ ገዝቶ ነው፤ መሸፈኛ ሁሉ አለው። ወመዘክር ግቢ የደረጃው በር ላይ ነው የወደቀችው። ወንጀሉ የተፈጸመበት ቦታ ዛሬ ራሱ ሄጄ ነበር ደሟን ሁሉ አይቸዋለሁ " ነው ያሉት።

" ዛሬ ወመዘክር ሄጄ ነበር ለአንዳንድ ጉዳይ፥ የወመዘክር ካሜራ በሩ ላይ ስትወድቅ የሚያሳየው ምሽት 1 ሰዓት ከ45 ደቂቃ አካባቢ ነው " ሲሉ ዛሬ የተነገራቸውን መረጃ ተናግረዋል።

ሟች ከመገደሏ በፊት ምን ብላ ነበር?

እኚሁ ቤተሰብ፦

" ዮርዳኖስ በተገደለችበት ምሽት 1 ሰዓት 30 ደቂቃ ገደማ 'ዛሬ ሙዴ መጥቷል፤ ወመዘክር ነኝ። አጠናለሁ፤ አመሻለሁ፤ በራይድ እመጣለሁ' ብላ ለእህቷ የፅሑፍ መልዕክት ልካለች።

ከምሽት 3 ሰዓት 30 ደቂቃ ጀምሮ ግን እኔም ባለቤቴም ስንደውል ስልኳ አይነሳም። 5 ሰዓት አካባቢ ተነሳ። ግን ፖሊስ ነው ለካ ያነሳው።

ፖሊስ መሆኑን በኋላ ላይ ነው ያወቅሁት ስልኩን አንስቶ 'ማነህ?' ሲለኝ ወንድሟ ነኝ አልኩኝ፤ ልመጣ ነበር 'ወመዘክር ላይብራሪ ነኝ' ብላ አመሸችብን አልኩ፤ 'ስልኳ ወድቆ አግኝተን ነው' ተባልኩ።

እየሮጥኩ ሄድኩ፤ ስደርስ ግን ዮርዳኖስ ተገድላለች " ሲሉ አስረድተዋል።

" ፖሊስ 'የምትጠረጥሩት ቤተሰብ፣ ጠላት አላችሁ ወይ?' " እንዳላቸው፣ እሳቸውም " የምንጠጥረው የለም፤ ምክንያቱም ሰላማዊ ቤተሰብ ነን። ግን የሆነ ልጅ 'በአንቺ ሕይወት በጣም እቀናለሁ' ብሏት ቤተክርስቲያን ትወስደው ነበር። በኋላ ሁኔታውን ወደ ፍቅር ቀይሮ 'እሺ ካላልሽኝ ራሴን አጠፋለሁ' ይል ነበር። ከዚህ የዘለለ ጓደኛም የላትም " ብለው እንዳስረዱም ነግረውናል።

👉 ከተጠርጣሪ ወደ ሟች ቤተሰብ የተደወለው ስልክ ነገር

የዮርዳኖስን አስከሬን ከጳውሎስ ሆስፒታል ይዘው እየወጡ እያለ ከተጠርጣሪ ቤተሰብ ስልክ ተደውሎ ጉዳዩ "በሽምግልና" እንዲያዝ መጠየቃቸውን ጠበቃ በርታ ነግረውናል።

የተባሉትን ሲያስረዱ፦

" ለካ በግድያ ተጠርጣሪው 'ሰው በስለት ወግቻለሁ' ብሎ ለአባቱ ተናግሯል። የተጠርጣሪ አባት በባለቤቴ ስልክ ደውሎ 'የሆነው ነገር ምንድን ነው ? እባክህ አስረዳኝ' ሲለኝ ማነህ? ዘመድ ነህ? አልኩት።

'አይ ዘመዳማ እናንተ ናችሁ' አለኝ፤ ከዛ እንደ ሕግ ባለሙያ ነገሮችን ማሰብ ጀመርኩና ድምጹን ላውድ አድርጌ ጓደኞቼ ንግግሩን መቅዳት ጀመሩ። 'ሞታለች ወይ?' ሲለኝ የሚነግረኝ ለመረጃ ይጠቅማል በሚል 'አልሞተችም' አልኩት።

አባትዮው ግራ ተጋብተዋል ጉዳዩ 'በሽምግልና ይያዝ፤ ልጄ ቁጭ ብዬ እያለቀስኩ ነው' አሉኝ። የድምፅ ማስረጃውን ያዝኩ። ትሩኮለር ላይ ስም ስንፈልግ እንዳለ ረጋሳ ይላል የተደወለበት ስልክ፤ ተጠርጣሪው ኢዮብ እንዳለ ነው ስሙ።

በኋላ ቢሮ አብረውት የሚሰሩ ልጆችን የተጠጣሪውን ስም ከነአያቱ ፈልጉልኝ አልኩ። ስሙም ኢዮብ እንዳለ ረጋሳ ሆነ" ብለዋል።

" ተጠርጣሪው የፍቅር ጓደኛዋ አይደለም " ያሉት የሟች ቤተሰብ፣ የፍቅር ጥያቄ አቅርቦላት ስትከለክለው "ይከታተላት" እንደነበር ገልጸዋል።

"በማህበራዊ ሚዲያ ላይ ተጠርጣሪው 'ፍቅረኛዋ ነው' መባሉ ውሸት ነው። ፍቅረኛዋ አይደለም 'እምቢ' ስላለችው ነው የገደላት" ብለዋል።

"ተጠርጣሪው ቤተክርስቲያን አካባቢ 'በፍቅር የጠየኳት ልጅ እምቢ ብላኛለች፤ ፀልዩልኝ እንቅልፍ አልተኛም ስለማለቱ ማስረጃዎች አሉን" ነው ያሉት።

ስለሟችና ተጠርጣሪ ግንኙነት አቶ በርታ ምን አሉን?

" ሟቿና ተጠርጣሪው አንድ ቢሮ ውስጥ ይሰሩ ነበር። ዮርዳኖስ በጣም ጎበዝ ልጅ ነበረች። የማዕረግ ተመራቂ ነች ስራም በተመረቀችበት ይዛ ነበር።

እየሰራች እያለች ልጁ ይተዋወቃታል።

'ግን ምንድን ነው እንደዚህ ያረጋጋሽ ነገር? በጣም ብዙ ነገር ላይ ኮንፊደስሽ፣ ስርዓትሽ?....ይላታል። እሷም 'እኔ በእምነቴ ጠንካራ ነኝ' ስትለው፥ 'አንቺ የምትሄጅበት ቦታ መሄድ እፈልጋለሁ' ይላታል። ይህን ሁሉ እንደቤተሰብ ትነግረናለች።

ይዘሽው ሂጂ ምን ችግር አለው አልናት፤ ቤተክርስቲያን ይዛውም ትሄድ ነበር። ስለልጁም ነግራናለች፤ ሜዲሲን ይማር ነበር፤ ከዚያ በኋላ ነው አካውቲንግ ተምሮ እነዮርዳኖስ ጋር ሲሰራ የነበረው።

ይህ በእንዲህ እያለ አንድ እለት በባለቤቴ ስልክ ሌሊት 6 ሰዓት ተደወለ።

ባለቤቴ ስታነሳው 'ዮርዳኖስ አለች?' አለ፤ ባለቤቴ ተናዳ 'ምን የሚሉት ብልግና ነው፤ እንዴት በዚህ ሰዓት ይደወላል?' ብላ ስልክ ዘጋች።

ተደውሎ ተፈልጋ እንደነበር ጠዋት ለዮርዳኖስ ነግርናት፤ ስልኩንም ስንነግራት 'ያ ባለፈው የነገርኳችሁ 'ቸርች ውሰጅኝ ሲለኝ የነበረ ልጅ በኋላ ላይ ተቀይሮ 'አፈቅርሻለሁ' አለኝ፤ ሲያስቸግረኝ ስልኩን ብሎክ አደረኩኝ። ባንቺ ከደወለማ ብልግና ነው ራሴ ጉዳዩን Handle አደርጋለሁ' አለች።

'እምቢ' ብላዋለች፤ ምንም ግንኙነት የላቸውም። አላማየን ላሳካ የምትል ልጅ ነች፣ ምልልሷ ቢሮ፣ ወመዘክር እና አብርሆት ላይቦረሪ ነው። እዛ ድረስ ያለውን እናውቃለን " ብለዋል።

ዮርዳኖስ በአካውንቲንግ የማዕረግ ተመርቃ በስራ የተሰማራች፤ የACCA ትምህርቷን ለማጠናቀቅ ሁለት ኮርሶች ብቻ የቀሯት ጎበዝና ፈጣን የ23 ዓመት ወጣት እንደነበረች ገልጸዋል።

የሟች ቤተሰቦች ስጋትና መልዕክት ምንድን ነው ?

የሟች እህት ወ/ሮ ለምለም አምበሉ፣ " አገራችን ወዴት እየሄደች እንደሆነ ራሱ ግራ እየገባኝ ነው " በማለት ለቲክቫህ ኢትዮጵያ ተናግረዋል።

" እንዲህ አይነት ጉድ ማንም ላይ አይድረስ፤ ይህን ነው የምለው ሌላ ምንም አቅም የለኝም " ሲሉ እምባ እየተናነቃቸው ገልጸዋል።

ጠበቃ በርታ፣ " የኢትዮጵያ ፍርድ ቤቶችን እንደሚያውቅ ሰው ፍርድ ቤትን እፈራለሁ፤ ፍርዱ በጣም ይዘገያል፤ ሲዘገይ ነገሮች ይበላሻሉ፤ የዘገዬ ፍትህ እንደተነፈገ ይቆጠራል " ብለዋል።

" ዮርዳኖስ ያሳደገቻቸው ሴት ልጆች አሉኝ። እዚህ አገር ላይ ልጆቼን ማሳደግ እየፈራሁ ነው። አስተማሪ ቅጣት ካልተሰጠ በስተቀር ማንም እየተነሳ ልጆች ይገደላሉ። ዮርዳኖስ 'አልፈልግም' ስላለች ነው የተገደለችው። ልጆቻችን ሀሳባቸውን መግለጽ የማይችሉበት ደረጃ እየደረስን ነው " ብለዋል።

" ዮርዳኖስ ላይ ክትትል ሲያደርግባት እንደነበር ጓደኟቿ ናቸው በኋላ የነገሩን፤ እሷ ብትነግረን የሆነ ነገር እናደርግ ነበር " ሲሉም ሌሎቹን አስጠንቅቀዋል።

ተጠርጣሪው መያዙን ገልጸው፣ ከአዲስ አበባ ፖሊስ ኮማንደር አበበ እና ኢንስፔክተር ዮሐንስን አመስግነዋል።

ቲክቫህ ኢትዮጵያ
ጥቅምት 3 ቀን 2019 ዓ/ም

@tikvahethiopia

የኢትዮጵያ ኦሊምፒክ ኮሚቴ ከኦሊምፒክ ሶሊዳሪቲ ጋር በመተባበር ያዘጋጀው ሁለተኛው ዙር የጋዜጠኞች ስልጠና ተጠናቀቀ ።

ጥቅምት 03 ቀን 2019 ዓ.ም. (አሐዱ ሬድዮ) ከተለያዩ መገናኛ ብዙሀን ለተውጣጡ የስፖርት ጋዜጠኞች የኦሊምፒክ ፅንሠ ሃሳብ፣ መርሆዎችና አስተዋፅኦ፣የኦሎምፒክ ቻርተር፣የስፖርት አስተዳደር እና የስፖርት ጋዜጠኝነትና ኮሚኒኬሽን ርዕሶች ዙሪያ ለሁለት ቀናት ስልጠናው ተሰጥቷል።

በስልጠናው የተካፈሉ ጋዜጠኞች ሙያዊ አቅምን ለማሳደግ የጋዜጠኞችን እውቀት ለማጎልበት የኦሊምፒክን ቻርተር በተገቢ መንገድ እንዲሁም የስፖርት አስተዳደር ፅንሰ ሀሳብ ለመረዳት ያግዛል ብለዋል።

የስፖርት ውጤቶችን ከመግለፅ ባለፈ የሚታዩ ችግሮችን በሙያዊ እውቀት በመተንተን፣ የሚዲያ እና የስፖርት አመራሮችን ግንኙነት ማዳበር እና ተጠያቂነትን በማስፈን ተሰጥኦዎችን በማበረታታትና ብሔራዊ ስሜትን በመስበክ ረገድ የስፖርት ጋዜጠኞች ኃላፊነት የላቀ ነው።

የኦሊምፒክ መሠረታዊ ፅንሰ ሀሳቦችን በመያዝ ጋዜጠኞች በስልጠናው ያገኟቸውን ሀሳቦች በስራዎቻቸው በተሻለ አጎልብተው ይጠቀሙበታል ተብሎ ይጠበቃል ።

ስልጠናውን ኢንስትራክተር ሙሉነህ ግርማ፣ ኢንስትራክተር ዘሪሁን ቢያድግልኝ፣ አምሮት ግዛው (ዶ/ር)፣ ጋዜጠኛ ፍቅር ይልቃል እና የኢትዮጵያ ኦሊምፒክ ኮሚቴ ምክትል ዋና ፀሀፊ ገዛኸኝ ወልዴ ሰጥተዋል።

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

እነ ጄነራል ታደሰ ወረደ ከእገታ ተለቀቁ ? ወይስ አመለጡ ?

ከመቐለ እስከ ኤርትራ ድንበር ድረስ ... 📍

በረጅም ጊዜ የትግል አጋሮቻቸው ታግተው የነበሩት የትግራይ ጊዜያዊ አስተዳደር ፕሬዚዳንት ሌ/ጄነራል ታደሰ ወረደን ጨምሮ አራት የክልሉ ከፍተኛ አመራሮች ከእስር/እገታ አምልጠው ዛሬ መቐለ ገብተዋል።

ከእስር ካመለጡት አመራሮች አንዱ የሆኑት  ኮሎኔል ተወልደ ገብረትንሣኤ ከቢቢሲ ትግርኛ ጋር ባደረጉት ልዩ ቆይታ፣ የእገታቸውን ሂደት፣ የነበሩበትን ሁኔታ እና እንዴት ሊያመልጡ እንደቻሉ አጭር መረጃ ሰጥተዋል።

ኮሎኔል ተወልደ እንደገለጹት፣ እሳቸውን ጨምሮ የታገቱ አመራሮች ከመቐለ ይዘዋቸው የወጡት የኢትዮጵያ መንግሥት ኃይሎች ወደ መቐለ በገቡበት ዕለት ነው።

በዕለቱ ሙሉ ሌሊት ሲጓዙ አድረው መጀመሪያ ወደ አክሱም እና ዓድዋ ከተሞች ተወስደዋል።

በወቅቱም ታጋቾቹ የተበታተኑ ሲሆን፣ ሌ/ጄነራል ታደሰ ወረደ እና አቶ ኢሳይያስ ታደሰ አክሱም ውስጥ፤ ኮሎኔል ተወልደ ገብረትንሣኤ እና ኮሎኔል ገብረእግዚአብሔር ዓለምሰገድ ደግሞ ዓድዋ ውስጥ በተለያዩ ቦታዎች ታስረው እንዲቆዩ ተደርጓል።

በዓድዋ አምስት ቀናት ከቆዩ በኋላም አመራሮቹ ወደ ኤርትራ ድንበር አቅራቢያ ወደምትገኘው ራማ ከተማ ተወስደዋል።

አመራሮቹ ታስረው የቆዩት በሆቴሎች እና በመኖሪያ ቤቶች ውስጥ ሲሆን፣ ከቤተሰብም ሆነ ከማንኛውም አካል ጋር እንዳይገናኙ ተከልክለው በጥብቅ ጥበቃ ሥር እንደነበሩ ኮሎኔል ተወልደ ገልጸዋል።

በዓድዋ በነበሩበት ወቅት አካላዊ ድብደባና ስድብ ባይኖርም አያያዙ ግን መጥፎ እንደነበር የገለጹት ኮሎኔሉ እሳቸው በቆዩበት ቤት ውስጥ ለ4 ቀናት ያህል ምንም ዓይነት ምግብ ሳይሰጣቸው እንደቆዩና ከ4 ቀን በኋላ በቀትር ወቅት ብቻ እንጀራ በሽሮ እንደቀረበላቸው ተናግረዋል። ይህም ሆነ ተብሎ የተደረገ መሆኑን አመልክተዋል።

በተጨማሪም ጥበቃ የሚያደርጉላቸው አካላት ልዩ ትዕዛዝ የተሰጣቸውና ሆነ ተብለው የተመረጡ በመሆናቸው ከእነሱ ጋር ምንም ዓይነት ንግግር የማድረግ ፈቃድ እንዳልነበራቸው ገልጸዋል።

ለምን እንደታገቱ ለቀረበላቸው ጥያቄ ኮሎኔል ተወልደ ሲመልሱ፣ ምክንያቱ ሙሉ በሙሉ የሃሳብ ልዩነትና ፖለቲካዊ መሆኑን ገልጸዋል።

በወቅቱ " የታገደው መንግሥታችን ይመለስ " እና " የፕሪቶሪያው የሰላም ስምምነት ይፍረስ " የሚሉ አካላት በነበሩበት ወቅት፣ እሳቸውና አብረዋቸው የታገቱት አመራሮች ግን " የፕሪቶሪያ ስምምነት ሊጣስ አይገባውም፤ 'መንግሥታችን ይመለስ' የሚለውን አንቀበልም፤ ይህም ወደ ሌላ ጦርነትና ዓለም አቀፍ መገለል የሚያስገባን በመሆኑ ትግራይ በአሁኑ ወቅት ሌላ ጦርነት የመሸከም አቅም የላትም፤ ሕዝቡም የሚፈልገው ሰላምና ምግብ ነው " የሚል ጽኑ አቋም በመያዛቸው፣ በአጋቾቻቸው ዘንድ እንደ "ፀረ-መከታችን" እና " ፀረ-ሥልጣናችን " ተቆጥረው እንደታገቱ አስረድተዋል።

ታጋቾቹን ለመፍታት የዲፕሎማሲ ጥረቶች እንደነበሩ የተጠየቁት ኮሎኔል ተወልደ፣ አጋቾቹ የውጭ ሀገራትንም ሆነ የዲፕሎማቶችን ተጽዕኖ የሚቀበሉና የሚሰሙ ሳይሆን ሥልጣናቸውንና ፍላጎታቸውን ብቻ የሚያዩ በመሆናቸው የዲፕሎማሲ ጥረቱ ተጽዕኖ እንዳልፈጠረ ገልጸዋል።

በሌላ በኩል ታጋቾቹ ባሉበት ሁኔታ የትግራይ ፖሊስም ሆነ ፍርድ ቤት " ጉዳዩ አይመለከተኝም " ማለታቸውን አሳውቀዋል።

" የሚመለከተውን አካል ልናውቅ አልቻልንም፤ ማን ነው ወስኖ ያሰረን ? ማን ነው ከላይ የሚያዘው ? አናውቅም። ይነጋገሩ ነበር፤ ያወሩ ነበር፤ 'ለያዩአቸው' የሚል ትዕዛዝ ይወርድ ነበር፤ ማን ነው ግን እንደዚያ የሚያደርገው አናውቅም " ሲሉ አክለዋል።

" ለደህንነታቸው ብለን ነው የያዝናቸው " የሚለው ወሬም ከእውነት የራቀና በመሳሪያ ጥበቃ ሥር የተፈጸመ እገታ መሆኑን ገልጸዋል።

አመራሮቹ ወደ ራማ ከተማ ከተወሰዱ በኋላ 5 ቀን በሆቴል እና ስማቸውን መግለጽ ባልፈለጓቸው የአንድ ግለሰብ መኖሪያ ቤት መታሰራቸውን አመልክተዋል።

በራማ የተሻለ አያያዝ ቢኖርም፣ የኤርትራ ድንበር ማረፊያ በሆነችው መረብ አካባቢ ሰዎች ሲሻገሩ በመመልከታቸውና መረጃዎችን በማደራጀታቸው፣ አጋቾቹ ወደ ኤርትራ ሊያሸግሯቸው እንደወሰኑና ሊለቋቸው እንደማይፈልጉ ማረጋገጣቸውን ኮሎኔል ተወልደ ተናግረዋል።

በዚህም ምክንያት አመራሮቹ " ከዚህ በላይ አልፈን መሄድ የለብንም፤ መውጣት አለብን " የሚል ውሳኔ በመወሰን፣ በሕይወት የመቆየት ተስፋቸው ዝቅተኛ ቢሆንም እና መስዋዕትነት ሊከፍሉ እንደሚችሉ ቢያውቁም፣ ብዙ ሰው የተሳተፈበትና ከፍተኛ ጥረት የተደረገበት እቅድ በማውጣት ከአጋቾቻቸው ፈቃድ ውጪ ማምለጥ ችለዋል።

" ተለቀው ነው " የሚባለው ውሸት መሆኑና በሌላ መንገድ እንዳመለጡ ነገር ግን አሁን ላይ በዝርዝር ለመናገር እንደማይፈልጉ ገልጸዋል።

በመጨረሻም ኮሎኔል ተወልደ ከጓደኞቻቸው ጋር በሕይወት በመውጣታቸው ደስተኛ መሆናቸውን ቢገልጹም፣ አጠቃላይ ክስተቱ የተጋሩን ክብርና ጀግንነት የሚያዋርድ፣ እንዲሁም የትግራይን ሕዝብ ህልውና ለአደጋ የሚያጋልጥ በመሆኑ እንደ ትግራዋይ ከፍተኛ ሃዘን እንደተሰማቸው ገልጸዋል።

ቲክቫህ ኢትዮጵያ ይህ መረጃ ባለቤትነቱ የቢቢሲ ትግርኛ መሆኑን ይገልጻል።

ጥቅምት 3 ቀን 2019 ዓ/ም

@tikvahethiopia #mekelle📍 እነ ሌ/ጄነራል ታደሰ ወረደ መቐለ ገቡ። ለሁለት ሳምንታት በቀድሞ የትግል ጓዶቻቸው ታግተው የቆዩት የትግራይ ጊዚያዊ አስተዳደር ፕሬዜዳንት ሌ/ጄነራል ታደሰ ወረደ የሚገኙባቸው 4 ከፍተኛ አመራሮች አሁን መቐለ መግባታቸውን ቲክቫህ ኢትዮጵያ አረጋግጧል። ወደ መቐለ ይዟቸው የገባው የሀገር መከላከያ ሰራዊት ነው። መቐለ የገቡት ፦ 1. ሌተናል ጀነራል ታደሰ ወረደ 2. ኮሎኔል ተወልደ ገብረትንሳኤ…

አትሌት ኃይሌ ገብረሥላሴ በፎርብስ አፍሪካ 15 አርአያ አፍሪካውያን ተርታ ውስጥ ተካተተ

መጽሔቱ 15ተኛ ዓመቱን በማስመልከት ይፋ ባደረገው ዝርዝር ውስጥ ሃሳባቸው፣ ድምጻቸው እና ሥራቸው በአፍሪካ አኅጉር ያለፈ፣ የአሁን እና የወደፊት እጣ ፈንታ ላይ አዎንታዊና ዘላቂ ተፅዕኖ ማሳደር የቻሉ አፍሪካውያንን አካቷል።

ሁለት የኦሎምፒክ ወርቅ ሜዳሊያዎች፣ ስምንት የዓለም ሻምፒዮናዎች፣ 27 የዓለም ሪከርዶችን መስበሩ በስፖርት ዘርፉ የተጠቀሱ የተጎናፀፋቸው ድሎች ባለቤት ሃይሌ ገብረስላሴ።

በንግድ መስክ፤ በ "ኃይሌ እና አለም ኢንተርናሽናል" ኩባንያ ስር በሆቴል፣ በመኪና ማምረቻ፣ በሪል እስቴት እና ግብርና ዘርፎች ተሠማርቶ ያገኘው ስኬት በዝርዝሩ ውስጥ እንዲካተት አስችሎታል።

አሊኮ ዳንጎቴ፣ የቀድሞዋ የላይቤሪያ ፕሬዚዳንት ኤለን ጆንሰን ሰርሊፍ፣ የዓለም ንግድ ድርጅት ዋና ዳይሬክተር ንጎዚ ኦኮንጆ-ኢዌላ እንዲሁም የቀድሞው የኮትዲቯር እና ቼልሲ አጥቂ ዲዲዬር ድሮግባ በዝርዝሩ ውስጥ የተካተቱ ሌሎች ጉልህ አፍሪካውያን ናቸው ሲል ስፑትኒክ ዘግቧል።
 
@Yenetube Fikerassefa

#እንድታውቁት

ከነሐሴ 1 ቀን 2018 ዓ/ም ጀምሮ እስከ መስከረም 30/2019 ዓም በከፊል ዝግ ሆነው የቆዩት የፌደራል ፍርድ ቤቶች ከትላንት ሰኞ ጥቅምት 2/2019 ዓ/ም ጀምሮ መደበኛ አገልግሎት መስጠት ጀምረዋል።

የፌደራል ፍርድ ቤቶች ዳኞች የሚሰጡት የዳኝነት አገልግሎት ክብደትና ዉስብስብነትን ግምት ውስጥ በማስገባት በቂ የሆነ እረፍት እንደሚያስፈልጋቸው ታምኖበት በየዓመቱ መጨረሻ ለተከታታይ ለሁለት ወራት ማለትም ከነሐሴ 1 - መስከረም 30 በከፊል ዝግ እንደሚሆኑ ይታወቃል።

ፍ/ቤቶቹ በከፊል ዝግ ሆነው በሚቆዩባቸው የሁለት ወራት ጊዜ በባህሪያቸዉ አስቸኳይ የሆኑና ጊዜ የማይሰጡ እንዲሁም ለዉሳኔ የደረሱ መዛግብትን መርምረው ውሣኔ የመስጠት አገልግሎቶች ቀጥለው ቆይተዋል።

በከፊል ዝግ ሆነው የቆዩት ፍርድ ቤቶች ከትላንትና ሰኞ ጥቅምት 2 ቀን 2019 ዓ/ም ጀምሮ መደበኛ አገልግሎታቸውን መስጠት ጀምረዋል።

ቲክቫህ ኢትዮጵያ
ጥቅምት 3 ቀን 2019 ዓ/ም

@tikvahethiopia

የቀድሞው የኮንጎ ፕሬዝዳንት ጆሴፍ ካቢላ ኤም23ን ያካተተ አዲስ ወታደራዊ ጥምረት መሰረቱ

ጥቅምት 03 ቀን 2019 ዓ.ም. (አሐዱ ሬድዮ) የቀድሞው የዴሞክራቲክ ሪፐብሊክ ኮንጎ ፕሬዝዳንት ጆሴፍ ካቢላ፣ በሩዋንዳ የሚደገፈውን ኤም23ን ጨምሮ የተለያዩ የታጠቁ ቡድኖችንና የፖለቲካ ሃይሎችን ያካተተ አዲስ ጥምረት መስርተዋል ።

ፕሬዝዳንቱ ጥምርቱን የመሰረቱት በሃገሪቱ ለዜጎች አዲስ ተስፋ ለማምጣት ነው ሲሉ ገልፀዋል። እርምጃው በሃገሪቱ ያለውን የፀጥታውን ሁኔታ አደጋ እንዳይጥል ስጋት ደቅኗል ።
ወታደራዊ ጥምረቱን ያቋቋሙት ካቢላ ባለፈው ዓመት በሀገር ክህደት እና በጦርነት ወንጀሎች ተከሰው በሌሉበት ሞት ተፈርዶባቸዋል ። በወቅቱ ፕሬዝዳንቱ ክሱን ውድቅ አድርገውታል።

ከ120 በላይ አማፂያን ቡድን በሚንቀሳቀስባት ዲሞክራቲክ ሪፐብሊክ ኮንጎ፣ ከሁለት አስርት ዓመታት በላይ ለዜጎች ሞት፣አስገድዶ መደፈርና መፈናቀል ምክንያት ሆኖ ቀጥሏል ።

በደረጀ መንግስቱ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

በሞተር ብስክሌት ላይ ተጥሎ የነበረው እገዳ ተነሳ

በከተማችን አዲስ አበባ ሞተር ብስክሌትን በመጠቀም ወንጀል የመፈፀም፣ የተሰረቁ እቃዎችን ከቦታ ቦታ የማዘዋወር፣ የመንገድ ትራፊክ ህጎችን የመጣስ ( በተለይ ቀይ መብራትን መጣስ፣ ሌሎች ተሽከርካሪዎችን በመግጨት ማምለጥ፣ ሄልሜት ሳያደርጉ ማሽከርከር፣ የተፋፋቀ እና ለእይታ አስቸጋሪ የሆኑ የሠሌዳ ቁጥሮችን መጠቀም ወ.ዘ.ተ.) በአሽከርካሪዎቹ በስፋት የሚስተዋሉ የደንብ ጥሰቶች መሆናቸውን በመግለፅ ከመስከረም 15 ቀን 2019 ዓ/ም ጀምሮ ባለ ሁለት እግር ሞተር ብስክሌት በአዲስ አበባ ማሽከርከር መከልከሉን ይታወቃል፡፡

የአዲስ አበባ ፖሊስ ዋና ጠቅላይ መምሪያ ህግን የማስከበር ስልጣንና ኃላፊነቱን በመጠቀም ጥብቅ ቁጥጥርና ክትትል እንደሚያደርግ አሳስቦ የሞተር ሳይከል መንቀሳቀሻ ፈቃድ ያላቸው እና መንቀሳቀሻ ፈቃድ ያደሱ ሞተር ሳይከል አሽከርካሪዎች ከነገ ጥቅምት 04 ቀን 2019 ዓ/ም ጠዋት 12:00 ሠዓት ጀምሮ የትራንስፓርትና የትራፊክ እንቅስቃሴን ለመቆጣጠር የወጡ ህጎችን አክብረው እንዲንቀሳቀሱ የተፈቀደ መሆኑን አስታውቋል፡፡

ዋና ጠቅላይ መምሪያው የመንቀሳቀሻ ፈቃድ የሌላቸው እና ፈቃድ ሳያድሱ በሚንቀሳቀሱ የሞተር አሽከርካሪዎች ላይ በህግ አግባብ እርምጃ የሚወሰድ መሆኑንም አሳስቧል፡፡

በሜክሲኮ በአውሎ ነፋስና ከባድ ጎርፍ የነዋሪዎች ህይወት አለፈ

በሜክሲኮ የፓሲፊክ ውቅያኖስ ዳርቻ በአውሎ ነፋስ ሲሞንና በሞቃታማ አውሎ ነፋስ ሬቸል ምክንያት በደረሰው ከባድ ዝናብና ጎርፍ ቢያንስ አምስት ሰዎች ሲሞቱ፣ ሌሎች ደግሞ መጥፋታቸው ተዘግቧል። አደጋው ቤቶችንና መንገዶችን ከመጉዳቱም በላይ፣ ነዋሪዎችን ከተጥለቀለቁ አካባቢዎች ለማውጣት በሄሊኮፕተር የማዳን ሥራ እንዲካሄድ አስገድዷል።

ከሞቱት መካከል አንድ የ71 ዓመት አዛውንት በጉሬሮ ግዛት በሚገኘው ቺልፓንሲንጎ ከተማ በከባድ ዝናብ ምክንያት የፈረሰ ግድግዳ ወድቆባቸው ሕይወታቸው አልፏል። በባጃ ካሊፎርኒያ ግዛት ደግሞ በሬቸል ያስከተለው ጎርፍ አራት የአንድ ቤተሰብ አባላትን፣ ሁለት ሕፃናትን ጨምሮ፣ ሕይወት እንዳሳጣ ባለሥልጣናት ገልጸዋል። በተመሳሳይም በኤንሴናዳ አካባቢ በጎርፍ የተጠቁ 32 ሰዎች በሄሊኮፕተር ከአደጋው ቦታ መውጣታቸው ተገልጿል።

በሌላ በኩል፣ አውሎ ነፋስ ሲሞን የባህር ዳርቻውን እያጠቃ ሲሆን፣ በአካባቢው የሚገኙ ቤቶችና መንገዶች በውኃ ተጥለቅልቀዋል፤ የኤሌክትሪክ መስመሮችና ዛፎችም ወድቀዋል። ሲሞን ወደ ሜክሲኮ ምዕራባዊ ዳርቻ እየተጠጋ ቢሆንም፣ ኃይሉ ከአራተኛ ደረጃ ወደ ሁለተኛ ደረጃ ዝቅ ማለቱ ተዘግቧል። ይሁን እንጂ ከባድ ዝናብ፣ የመሬት መንሸራተትና አደገኛ የባህር ሞገድ ስጋት እንዳልተወገደ የአየር ሁኔታ ባለሙያዎች አስጠንቅቀዋል።

ባለሥልጣናት በአደጋው ሊጠቁ በሚችሉ አካባቢዎች ለሚኖሩ ሰዎች ከጎርፍ አደጋ እንዲጠነቀቁ ጥሪ አቅርበዋል። በተለይም በወንዞችና በጅረቶች አቅራቢያ የሚኖሩ ሰዎች አስፈላጊ ሲሆን ከአደጋ ቦታዎች እንዲወጡ ተመክረዋል። በሜክሲኮ የተከሰቱት እነዚህ አውሎ ነፋሶች በዚህ ዓመት በፓሲፊክ ውቅያኖስ የተመዘገበው ከፍተኛ የአውሎ ነፋስ እንቅስቃሴ አካል ሲሆኑ፣ የኤል ኒኞ የውቅያኖስ ሙቀት መጨመር ክስተትም ለአየር ሁኔታው መጠናከር አስተዋጽኦ እያደረገ እንደሆነ ባለሙያዎች ያመለክታሉ መባሉን ዘ ጋርዲያን አስነብቧል፡፡

በቤዛዊት አራጌ
#ዳጉ_ጆርናል Photo

በሞተር ብስክሌት ላይ ተጥሎ የነበረው እገዳ ተነሳ  አዲስ ፖሊስ 

በከተማችን አዲስ አበባ ሞተር ብስክሌትን በመጠቀም ወንጀል የመፈፀም፣ የተሰረቁ እቃዎችን ከቦታ ቦታ የማዘዋወር፣ የመንገድ ትራፊክ ህጎችን የመጣስ ( በተለይ ቀይ መብራትን መጣስ፣ ሌሎች ተሽከርካሪዎችን በመግጨት ማምለጥ፣ ሄልሜት ሳያደርጉ ማሽከርከር፣ የተፋፋቀ እና ለእይታ አስቸጋሪ የሆኑ የሠሌዳ ቁጥሮችን መጠቀም ወ.ዘ.ተ.) በአሽከርካሪዎቹ በስፋት የሚስተዋሉ የደንብ ጥሰቶች መሆናቸውን በመግለፅ ከመስከረም 15 ቀን 2019 ዓ/ም ጀምሮ ባለ ሁለት እግር ሞተር ብስክሌት በአዲስ አበባ ማሽከርከር መከልከሉን ይታወቃል፡፡

የአዲስ አበባ ፖሊስ ዋና ጠቅላይ መምሪያ ህግን የማስከበር ስልጣንና ኃላፊነቱን በመጠቀም ጥብቅ ቁጥጥርና ክትትል እንደሚያደርግ አሳስቦ የሞተር ሳይከል መንቀሳቀሻ ፈቃድ ያላቸው እና መንቀሳቀሻ ፈቃድ ያደሱ ሞተር ሳይከል አሽከርካሪዎች ከነገ ጥቅምት 04 ቀን 2019 ዓ/ም ጠዋት 12:00 ሠዓት ጀምሮ የትራንስፓርትና የትራፊክ እንቅስቃሴን ለመቆጣጠር የወጡ ህጎችን አክብረው እንዲንቀሳቀሱ የተፈቀደ መሆኑን አስታውቋል፡፡

ዋና ጠቅላይ መምሪያው የመንቀሳቀሻ ፈቃድ የሌላቸው እና ፈቃድ ሳያድሱ በሚንቀሳቀሱ የሞተር አሽከርካሪዎች ላይ በህግ አግባብ እርምጃ የሚወሰድ መሆኑንም አሳስቧል፡፡ 

ዘገባ፦ ም/ኢንስፔክተር ዳዊት እርገጤ

Seledadotio
Seledadotio

በሞተር ብስክሌት ላይ ተጥሎ የነበረው እገዳ ተነሳ አዲስ ፖሊስ

በከተማችን አዲስ አበባ ሞተር ብስክሌትን በመጠቀም ወንጀል የመፈፀም፣ የተሰረቁ እቃዎችን ከቦታ ቦታ የማዘዋወር፣ የመንገድ ትራፊክ ህጎችን የመጣስ ( በተለይ ቀይ መብራትን መጣስ፣ ሌሎች ተሽከርካሪዎችን በመግጨት ማምለጥ፣ ሄልሜት ሳያደርጉ ማሽከርከር፣ የተፋፋቀ እና ለእይታ አስቸጋሪ የሆኑ የሠሌዳ ቁጥሮችን መጠቀም ወ.ዘ.ተ.) በአሽከርካሪዎቹ በስፋት የሚስተዋሉ የደንብ ጥሰቶች መሆናቸውን በመግለፅ ከመስከረም 15 ቀን 2019 ዓ/ም ጀምሮ ባለ ሁለት እግር ሞተር ብስክሌት በአዲስ አበባ ማሽከርከር መከልከሉን ይታወቃል፡፡

የአዲስ አበባ ፖሊስ ዋና ጠቅላይ መምሪያ ህግን የማስከበር ስልጣንና ኃላፊነቱን በመጠቀም ጥብቅ ቁጥጥርና ክትትል እንደሚያደርግ አሳስቦ የሞተር ሳይከል መንቀሳቀሻ ፈቃድ ያላቸው እና መንቀሳቀሻ ፈቃድ ያደሱ ሞተር ሳይከል አሽከርካሪዎች ከነገ ጥቅምት 04 ቀን 2019 ዓ/ም ጠዋት 12:00 ሠዓት ጀምሮ የትራንስፓርትና የትራፊክ እንቅስቃሴን ለመቆጣጠር የወጡ ህጎችን አክብረው እንዲንቀሳቀሱ የተፈቀደ መሆኑን አስታውቋል፡፡

ዋና ጠቅላይ መምሪያው የመንቀሳቀሻ ፈቃድ የሌላቸው እና ፈቃድ ሳያድሱ በሚንቀሳቀሱ የሞተር አሽከርካሪዎች ላይ በህግ አግባብ እርምጃ የሚወሰድ መሆኑንም አሳስቧል፡፡

ዘገባ፦ ም/ኢንስፔክተር ዳዊት እርገጤ
@Yenetube Fikerassefa

ሉሲዎቹ ወደ ቀጣዩ ዙር አልፈዋል !

የኢትዮጵያ ሴት ብሔራዊ ቡድን ከሩዋንዳ ጋር ያደረገውን የኦሎምፒክ ማጣሪያ የመልስ ጨዋታ 1ለ1 አጠናቋል።

የሉሲዎቹን ግብ መሳይ ተመስገን ከመረብ ማሳረፍ ችላለች።

ሀገራችን ኢትዮጵያ ሩዋንዳን በድምር ውጤት 2ለ1 በማሸነፍ ወደ ሶስተኛው ዙር አልፋለች።

የኢትዮጵያ ሴት ብሔራዊ ቡድን የሶስተኛ ዙር ጨዋታውን ከታንዛኒያ አቻው ጋር ያደርጋል።

ታንዛኒያ ከቦትስዋና ጋር ያደረገችውን ጨዋታ በድምር ውጤት 7ለ0 አሸንፋ ለሶስተኛው ዙር ማለፍ ችላለች።

የሴቶች ኦሎምፒክ የማጣሪያ ውድድር ከዚህ በኋላ ሶስት ዙሮች የሚቀሩት ይሆናል።

በ ሎስ አንጀለስ ኦሎምፒክ ላይ አፍሪካን በመወከል #ሁለት ሀገራት ብቻ ተሳታፊ ይሆናሉ።

@tikvahethsport      kidusyoftahe

በመዲናዋ በሞተር ብስክሌት ላይ ተጥሎ የነበረው እገዳ ተነሳ

በአዲስ አበባ ከተማ ከመስከረም 15 ቀን 2019 ዓ.ም ጀምሮ ባለ ሁለት እግር ሞተር ብስክሌት ላይ ተጥሎ የነበረው ክልከላ ተነስቷል አለ የከተማዋ ፖሊስ ጠቅላይ መምሪያ።

የሞተር ሳይከል መንቀሳቀሻ ፈቃድ ያላቸውና መንቀሳቀሻ ፈቃድ ያደሱ ሞተር ሳይከል አሽከርካሪዎች ከነገ ጠዋት ጀምሮ የትራንስፖርትና የትራፊክ እንቅስቃሴን ለመቆጣጠር የወጡ ህጎችን አክብረው እንዲንቀሳቀሱ መፈቀዱን አስታውቋል፡፡

የመንቀሳቀሻ ፈቃድ የሌላቸውና ፈቃድ ሳያድሱ በሚንቀሳቀሱ የሞተር አሽከርካሪዎች ላይ በህግ አግባብ ርምጃ የሚወሰድ መሆኑንም አሳስቧል፡፡

በሞተር ብስክሌት ላይ ተጥሎ የነበረው እገዳ ተነሳ ፤ከነገ ጠዋት 12:00 ሠዓት ጀምሮ መንቀሳቀስ ይቻላል።

በአዲስ አበባ ሞተር ብስክሌትን በመጠቀም ፦
- ወንጀል የመፈፀም፣
- የተሰረቁ እቃዎችን ከቦታ ቦታ የማዘዋወር፣
- የመንገድ ትራፊክ ህጎችን የመጣስ
• በተለይ ቀይ መብራትን መጣስ፣
• ሌሎች ተሽከርካሪዎችን በመግጨት ማምለጥ፣
• ሄልሜት ሳያደርጉ ማሽከርከር፣
• የተፋፋቀ እና ለእይታ አስቸጋሪ የሆኑ የሠሌዳ ቁጥሮችን መጠቀም ወ.ዘ.ተ. በአሽከርካሪዎቹ በስፋት የሚስተዋሉ የደንብ ጥሰቶች መሆናቸውን በመግለፅ ከመስከረም 15 ቀን 2019 ዓ/ም ጀምሮ ባለ ሁለት እግር ሞተር ብስክሌት በአዲስ አበባ ማሽከርከር ተከልክሎ ነበር።

አሁን እገዳው መነሳቱን የአዲስ አበባ ፖሊስ ዋና ጠቅላይ መምሪያ አሳውቋል።

የሞተር ሳይከል መንቀሳቀሻ ፈቃድ ያላቸውና መንቀሳቀሻ ፈቃድ ያደሱ ሞተር ሳይክል አሽከርካሪዎች ከነገ ጥቅምት 4 ቀን 2019 ዓ/ም ጠዋት 12:00 ሠዓት ጀምሮ የትራንስፓርትና የትራፊክ እንቅስቃሴን ለመቆጣጠር የወጡ ህጎችን አክብረው እንዲንቀሳቀሱ ተፈቅዷል።

ፖሊስ ህግን የማስከበር ስልጣንና ኃላፊነቱን በመጠቀም ጥብቅ ቁጥጥርና ክትትል እንደሚያደርግ አሳስቧል።

ዋና ጠቅላይ መምሪያው የመንቀሳቀሻ ፈቃድ የሌላቸው እና ፈቃድ ሳያድሱ በሚንቀሳቀሱ የሞተር አሽከርካሪዎች ላይ በህግ አግባብ እርምጃ እንደሚወሰድ አስጠንቅቋል።

#ዳጉ_ጆርናል