📱 አንድን አይፎን 17 ፕሮ ገዝቶ ለመያዝ በስዊዘርላንድ 3 የሥራ ቀናት ብቻ እንደሚያስፈልግ ተገለጸ
 
አዲሱ አይፎን 17 ፕሮ በዓለም አቀፍ ገበያ ላይ የሚሸጥበት የገንዘብ መጠን በየትኛውም የዓለማችን ክፍል ተመሳሳይ ሊሆን ይችላል፤ ነገር ግን አንድ ግለሰብ ይህንኑ ስልክ ገዝቶ ለመያዝ የሚያወጣው የሥራ ጊዜና ድካም ግን እጅግ የተራራቁ የኢኮኖሚ እውነታዎችን ያንፀባርቃል ተብሏል።
 
ይህን የገቢና የኢኮኖሚ ልዩነት በግልጽ በሚያሳየው መረጃ መሠረት፣ በስዊዘርላንድ የሚኖር አንድ ሠራተኛ አዲሱን አይፎን 17 ፕሮ ለመግዛት 3 የሥራ ቀናት ብቻ የሚያስፈልጉት ሲሆን፣ በፊሊፒንስ 101 የሥራ ቀናት፣ በሕንድ 160 የሥራ ቀናት፣ እንዲሁም በመካከለኛው አፍሪካ ሪፐብሊክ ደግሞ 540 የሥራ ቀናት ሙሉ መሥራት ይጠይቃል ነው የተባለው።
 
አንድ አይነት ቴክኖሎጂ እና ተመሳሳይ የገበያ ዋጋ፤ ነገር ግን እጅግ የተራራቁ የሰዎች የኑሮ እውነታዎች! ይህ ንጽጽር አይፎን በዓለማችን ላይ ያለውን የገቢና የኢኮኖሚ እኩልነት ማጣትን የሚያሳይ ትልቅ ማሳያ መሆኑን እና አንድ ሰው የተወለደበት ወይም የሚኖርበት ሀገር የሚገዛቸውን ዕቃዎች የመወሰን አቅሙ ምን ያህል ከፍተኛ እንደሆነ በተግባር ያረጋገጠ መሆኑ ተመላክቷል፡፡
 
Seledadotio
Seledadotio