ሆርሙዝ የመዘጋት ዕድል ተጋርጦባታል!
#ethiopia | በመካከለኛው ምስራቅ ያለው ወታደራዊና ፖለቲካዊ ፍጥጫ ወደ ከፋ ምዕራፍ እየተሸጋገረ ይገኛል። የአሜሪካው ፕሬዝዳንት ዶናልድ ትራምፕ ኢራን የሆርሙዝ የባህር መስመርን በ48 ሰዓታት ውስጥ ክፍት እንድታደርግ የሰጡትን ጥብቅ ማሳሰቢያ ተከትሎ፣ ከቴህራን በኩል ጠንከር ያለ ምላሽ ተሰጥቷል።

የኢራን ፓርላማ አፈ ጉባኤ መሀመድ ባጋር ቃሊባፍ በሰጡት መግለጫ፣ አሜሪካና እስራኤል በኢራን መሰረተ ልማቶች ላይ ጥቃት የሚፈጽሙ ከሆነ "በአጸፋ ይወድማሉ" ሲሉ ዝተዋል። አፈ ጉባኤው አክለውም ስትራቴጂካዊው የሆርሙዝ ሰርጥ "ሙሉ በሙሉ ይዘጋል" ሲሉ አስጠንቅቀዋል።

ቃሊባፍ በኤክስ (X) ገፃቸው ላይ ባሰፈሩት መልዕክት፣ እስራኤል የኢራንን ሚሳዔሎች መከላከል አለመቻሏ ቀጠናው ወደ አዲስ የጦር ግንባር መሸጋገሩን የሚያሳይ ግልጽ ምልክት መሆኑን ገልጸዋል። ይህ መካረር በዓለም አቀፍ የነዳጅ ንግድና በፀጥታው ሁኔታ ላይ ከፍተኛ ስጋት ደቅኗል።

Getu Temesgen - (ጌጡ ተመስገን)
#getutemesgen #getu #ጌጡ #middleeastconflict #hormuzstrait #irannews #trump #worldpolitics #breakingnews #internationalrelations