በጥሩነሽ ቤጂንግ ሆስፒታል በአንድ ጊዜ አራት ህፃናት የወለደችው እናት
#ethiopia | በጥሩነሽ ቤጂንግ አጠቃላይ ሆስፒታል በአንድ ወሊድ አራት ህፃናትን በሰላም ያገላገለችው የ26 ዓመት ወጣት እናት ከተደረገላት ተከታታይ የህክምና ክትትል በኋላ ከነልጆቿ ሙሉ ጤንነቷ ተጠብቆ ወደ ቤቷ ተሸኝታለች።

አዲስ አበባ ጤና ቢሮ ነሀሴ 12 ቀን 2018 ዓም ባወጣው መረጃ መሠረት እናቲቱ ባለፈው ሳምንት በሆስፒታሉ ተገቢውን የወሊድ ህክምና አግኝታ ከተገላገለች በኋላ ላለፉት ስምንት ቀናት ከህፃናቱ ጋር አስፈላጊው የህክምና ክትትል ሲደረግላቸው ቆይቷል።

ህፃናቱ በተወለዱበት ወቅት የነበራቸው ክብደት ከ1 ነጥብ 4 እስከ 1 ነጥብ 9 ኪሎ ግራም የነበረ በመሆኑ በጨቅላ ህፃናት ማጠናከሪያ ክፍል ውስጥ በማሞቂያ ገብተው ልዩ የህክምናና የነርሲንግ ክትትል እንዲያገኙ ተደርጓል።

በተደረገላቸው ከፍተኛ የህክምና እንክብካቤ እና የቅርብ ክትትል አራቱም ህፃናት እንዲሁም እናታቸው በጥሩ ጤንነት ላይ በመገኘታቸው የሆስፒታል ቆይታቸውን አጠናቀው ወደ ቤታቸው እንዲመለሱ ተደርጓል።

Getu Temesgen - (ጌጡ ተመስገን)
#tiruneshbeijinghospital #healthsector #newborncare #ethiopianhealth #addisababahealth #getutemesgen #getu #ጌጡ #ጌጡተመስገን #addisababa

የፈገግታ ተአምር
በአንድ እናት ሕይወት ላይ የታየው አስገራሚ ለውጥ
#ethiopia | ​"መልክ ጥርስ ነው" የሚባለው አባባል በተግባር የታየበት አጋጣሚ!

በጥርሷ ምክንያት ትሸማቀቅ የነበረችውና ልጆቿ ሳይቀሩ ያፍሩባት የነበረችው እናት፣ ዛሬ በናታኖል የጥርስ ሕክምና ማዕከል አማካኝነት አዲስ ሕይወትና ሙሉ በራስ መተማመን አግኝታለች።

​የቀድሞው ፈተና፦
ባለታሪኳ ህይወት በጥርሷ አቀማመጥ ምክንያት አፏን ለመክፈት ትቸገርና በሰቀቀን ትኖር ነበር።

​የናታኖል በጎነት፦
ማዕከሉ ሙሉ ወጪዋን በመሸፈን በዶ/ር ህሊና እና ባልደረቦቿ አማካኝነት ድንቅ ስራ ሰርቶላታል።

​ውጤቱ፦
ፎቶዋ ላይ እንደሚታየው፣ ጥርሷ ከተስተካከለ በኋላ ያላት ፈገግታና ደስታ ለሕይወት ያላትን አመለካከት ሙሉ በሙሉ ቀይሮታል።

​ጥራትና እውቅና፦
በሀገር ውስጥና በውጭ ታካሚዎች ዘንድ ከፍተኛ ተመራጭነትን ያተረፈ ማዕከል።

"ውበት ከውስጥ ይጀምራል፤ በራስ መተማመን ደግሞ በፈገግታ ይገለጻል። ናታኖል የጥርስ ሕክምና ማዕከል ለአንዲት እናት የሰጠው ስጦታ ጥርስን ብቻ ሳይሆን ሕይወትን ነው የቀየረው። የዶ/ር ህሊና እና የቡድኗ ስራ በእውነት የሚያስመሰግን ነው!"

​📍 አድራሻና ስልክ፦

​ቦሌ ከሀያት ሆስፒታል አጠገብ፣ ከፕላቲኒየም ጂም ጀርባ፣ ኬኬር ህንፃ 4ኛ ፎቅ።

​📞 0930-30-3333 / 0983-77-9999

​ፈገግታዎ በራስ መተማመንዎ ነው!

​#getu #natanoldental #cosmeticdentistry #smilemakeover #ethiopianhealth #dentalcareaddis #confidencerestored #ናታኖል #የጥርስሕክምና #ፈገግታ #ውበት #ጌጡተመስገን #getutemesgen

ከንቲባ አዳነች አበቤ ዶ/ር ዐቢይ የሚመሩትን የህክምና ማእከል ጎበኙ
#ethiopia | የአዲስ አበባ ከተማ ከንቲባ ክብርት አዳነች አበቤ እና የከተማዋ ጤና ቢሮ ሀላፊ ዶ/ር ዮሀንስ ጫላ በኢሊት የአንገት በላይ ቀዶ ህክምና ማእከል የሥራ ጉብኝት አደረጉ።

በጉብኝቱ ወቅት ክብርት ከንቲባዋና የጤና ቢሮ ሀላፊው በማእከሉ እየተከናወኑ ያሉ የህክምና አገልግሎቶችን ተመልክተዋል።

የማእከሉ መስራች ዶ/ር ዐቢይ ታደሰ ለከንቲባዋና ለልዑካን ቡድኑ ባደረጉት ገለጻ፣ ለተቋሙ ላሳዩት ድጋፍና ማበረታቻ በራሳቸውና በስራ ባልደረቦቻቸው ስም ልባዊ ምስጋናቸውን አቅርበዋል።

ይህ አይነቱ የከፍተኛ የመንግስት ሀላፊዎች ጉብኝት በጤናው ዘርፍ ለሚሰማሩ የግል የህክምና ተቋማት ትልቅ መነቃቃትን የሚፈጥር መሆኑ ተገልጿል።

Getu Temesgen - (ጌጡ ተመስገን)
#getutemesgen #getu #ጌጡ #addisababa #ethiopia #elitemedicalcenter #healthsector #adanechababe #dryohanneschala #medicalnews #healthcare #ethiopianhealth

በኢትዮጵያ በየዓመቱ 41 ሺህ ህጻናት ከአፈጣጠር ችግር ጋር እንደሚወለዱ ተገለጸ፤ መፍትሄውስ ምን ይሆን?
#ethiopia | በኢትዮጵያ በየዓመቱ 41 ሺህ የሚጠጉ ህጻናት ከተለያዩ የአፈጣጠር የጤና ችግሮች ጋር እንደሚወለዱ የጤና ባለሙያዎች አስታወቁ። ከእነዚህ ችግሮች መካከል «ስፓይና ቢፊዳ» (Spina Bifida) እና ተያያዥነት ያለው የጭንቅላት ውስጥ ፈሳሽ መከማቸት ወይም «ሃይድሮሴፋለስ» (Hydrocephalus) በዋናነት ይጠቀሳሉ።

የሴንትራል መላ ሮተሪ ክለብ፣ ሪችአናዘር ፋውንዴሽን፣ አሊያንስ ፎር በርዝ ዲፌክት እና የጤና ሚኒስቴር በመተባበር «የአፈጣጠር ችግሮችን መቆጣጠርና መንከባከብ» በሚል ርዕስ ባዘጋጁት የግንዛቤ ማስጨበጫ መድረክ ላይ እንደተገለጸው፥ እነዚህ የጤና እክሎች ሕጻናትን ለዕድሜ ልክ የአካል ጉዳትና ብሎም ለሞት ያጋልጧቸዋል።

የችግሩ ዋነኛ መንስኤ ምንድነው?

ጥናቶች እንደሚያመለክቱት እስከ 70 በመቶ የሚሆነው የስፓይና ቢፊዳ (የአከርካሪ አጥንትና የህብለ ሰረሰር ክፍተት) ችግር የሚከሰተው በእናቶች የፎሊክ አሲድ (Folic Acid) እጥረት፣ በሌሎች ተጓዳኝ የጤና ችግሮች፣ እንዲሁም እናቶች በሚጠቀሟቸው አንዳንድ መድኃኒቶች ምክንያት ነው።

እንዴት መከላከል ይቻላል?

በመድረኩ ላይ የተገኙት የጤና ባለሙያዎች እና ፖሊሲ አውጪዎች የሚከተሉትን የመፍትሄ አቅጣጫዎች አስቀምጠዋል

* የአመጋገብ ዘይቤ፡ እድሜያቸው ከ15 እስከ 49 ዓመት የሆኑ ሴቶች በተፈጥሮ ፎሊክ አሲድ ያላቸውን ምግቦች ማዘውተር አለባቸው።

* ቅድመ ዝግጅት፡ እርግዝና ከማቀድ 3 ወራት በፊት ጀምሮ እና በእርግዝና ወቅት የፎሊክ አሲድ እንክብሎችን መውሰድ እጅግ አስፈላጊ ነው።

* የበለፀጉ ምግቦች፡ በፎሊክ አሲድ የበለፀጉ የስንዴ ዱቄቶችን እና ዘይቶችን መጠቀም ችግሩን በከፍተኛ ሁኔታ ይቀንሰዋል።

ይህ አገር አቀፍ መድረክ፤ ከአፈጣጠር ችግር ጋር የሚኖሩ ህጻናትን የህይወት ጥራት ለማሻሻል የሚያስችሉ ስልቶች ላይ ጥልቅ ውይይት በማድረግ ተጠናቋል።

Getu Temesgen - (ጌጡ ተመስገን)
#getutemesgen #getu #ጌጡ #ethiopia #healthnews #ethiopianhealth #ministryofhealth #spinabifidaawareness #folicacid #healthypregnancy #addisababa #የጤናመረጃ #ኢትዮጵያ