የኢትዮጵያ ፌደራል ጠበቆች ማህበር የንግድና የኢንቨስትመንት ትስስርን የሚያፋጥን ጥናት በአለም አቀፍ መድረክ አቀረበ
#ethiopia | የኢትዮጵያ ፌደራል ጠበቆች ማህበር ምክትል ፕሬዝዳንት ወይዘሮ መሠረት አያሌው ከአለም አቀፍ ንግድና ኢንቨስትመንት እድገት ጋር የተያያዘ ጥናታዊ ጽሁፍ በማዘጋጀት በውጭ ሀገር ንግግር አድርገዋል።

በዚሁ መድረክ ላይ የቀድሞው የማህበሩ ፕሬዝዳንት እና የኮሜሳ ፍርድ ቤት የመጀመሪያ ደረጃ ምድብ ዳኛ አቶ ቴዎድሮስ ጌታቸው እንዲሁም የአሁኑ የማህበሩ ፕሬዝዳንት አቶ ተስፋዬ ደረሰ ተገኝተዋል።

ይህ ጥናት ኢትዮጵያ ከብሪክስ አባል ሀገራት እና ከሌሎች አለም አቀፍ የንግድ አጋሮቿ ጋር በሚኖራት ግንኙነት ወቅት የሚፈጠሩ አለመግባባቶችን በድርድር፣ በስምምነት እና በሽምግልና ለመፍታት የሚያስችል ነው።

በተጨማሪም የሀገሪቱን የንግድ መብቶች የሚያስከብር ሲሆን የኢትዮጵያ የህግ ባለሙያዎችና ጠበቆች በአለም አቀፍ ደረጃ ያላቸውን ተሳትፎ እና ሚና ለማሳደግ ከፍተኛ አስተዋፅኦ ይኖረዋል።
#ethiopianbarassociation #ethiopianinvestmentcommission #comesa #internationaltrade #law #brics #ethiopia #getutemesgen #getu #ጌጡ #ጌጡተመስገን #addisababa

ክቡር ቴዎድሮስ ጌታቸው በኮሜሳ ፍርድ ቤት በዳኝነት ተሾሙ
#ethiopia | በኬንያ ናይሮቢ ስቴት ሃውስ በተከናወነ ደማቅ ስነ ስርአት ክቡር ቴዎድሮስ ጌታቸው በኮሜሳ ፍርድ ቤት ዳኛ ሆነው በፕሬዝዳንት ዊሊያም ሩቶ አማካኝነት ቃለ መሀላ ፈጽመዋል።

ላለፉት ሁለት አመታት በአለም አቀፍ የህግ መድረኮች የህግ የበላይነትን ለማስከበርና አድሎአዊ አሰራሮችን ለመቃወም ሲደረግ የነበረው ከፍተኛ ጥረት በዚህ ሹመት በድል ተጠናቋል።

ይህ ሂደት በውጭ ሀገራት መገናኛ ብዙሀንና ተቋማት ዘንድ ትልቅ ትኩረት ተሰጥቶት የቆየ ቢሆንም በሀገር ውስጥ ግን በስፋት ሳይነገር ቆይቷል። በታህሳስ ወር በተካሄደው የኮሜሳ ሀገራት ምርጫ ኢትዮጵያዊው ባለሙያ ጥብቅ መስፈርቶችን አልፈው በከፍተኛ ድምጽ መመረጣቸው ይታወሳል።

በዚሁ የሹመት መርሃ ግብር ላይ ከኢትዮጵያ በተጨማሪ የዛምቢያ፣ ማዳጋስካር፣ ማላዊ፣ ብሩንዲ፣ ሱዳን፣ ኬንያ፣ ሲሼልስ፣ ኡጋንዳ፣ ዚምቧብዌ እና ግብፅ ተወካዮች የዳኝነት ስልጣን ተረክበዋል።

ከዚህም ባለፈ ሌላኛው ኢትዮጵያዊ የቀድሞ የከፍተኛ ፍርድ ቤት ፕሬዝዳንት አቶ ውብሸት ሽፈራው የፍርድ ቤቱ ሬጅስትራር በመሆን መሾማቸው ለሀገራችን ድርብ ስኬት ሆኖ ተመዝግቧል።
#comesa #justice #ethiopianexcellence #law #africa #nairobi #getutemesgen #getu #ጌጡ #ጌጡተመስገን #addisababa