ንግድ ፈቃድ ሳይኖራቸው በሙያ ፈቃድ ብቻ ሲሰሩ ለነበሩ አካላት የግብር ስሌት አሰራር ተዘረጋ

ጥቅምት 01ቀን 2019 ዓ.ም. (አሐዱ ሬድዮ) የአዲስ አበባ ከተማ አስተዳደር ገቢዎች ቢሮ የ2018 የግብር ዘመን ማስታወቂያን አስመልክቶ ይፋ ባደረገው አዲስ አሰራር በሙያ ፈቃድ ብቻ ሲሰሩ ለነበሩ አካላት የሚሆን የግብር ስሌት አሰራር መዘረጋቱን አስታውቋል።
 
አሐዱ ሬዲዮ በተመለከተው በዚህ አዲስ አሰራር መሠረት ንግድ ፈቃድ ሳይኖራቸው በሙያ ፈቃድ ብቻ አገልግሎት የሚሰጡ እንደ ጠበቆች ፣ የኢንሹራንስ ወኪሎች ፣ የኢንሹራንስ ጉዳት ገማቾች እና ሌሎች ተመሳሳይ ባለሙያዎች ይካተታሉ።

እነዚህ አካላት የሂሳብ መዝገብ የማቅረብ ሕጋዊ ግዴታ ቢኖርባቸውም፣ መዝገብ ሳያቀርቡ ሲቀሩ የነበረውን ክፍተት ለመሙላት መመሪያው ግልጽ የስሌት አሰራር አስቀምጧል። 

በአሰራር ስርዓቱ መሠረት በሙያ ፈቃድ ብቻ ሲሰሩ የነበሩ ግብር ከፋዮች የሂሳብ መዝገብ ባላቀረቡበት ሁኔታ ከአጠቃላይ ገቢያቸው ላይ 35 በመቶው እንደ ወጪ ታስቦ ቀሪው 65 በመቶ ደግሞ ግብር የሚከፈልበት ገቢ እንደሆነ ተቆጥሮ ግብራቸው እንዲሰበሰብ ይደረጋል። 

ይህ አሰራር ህጋዊ አሰራርን ለማስፈንና በሙያዊ አገልግሎቶች ዘርፍ ላይ የሚስተዋሉ የግብር ስወራዎችን ለመቀነስ አልሞ የተዘጋጀ እንደሆነ የተገለጸ ሲሆን ለ2018 የግብር ዘመን ብቻ ተግባራዊ እንደሚሆን ቢሮው አመልክቷል።

እነዚህ ባለሙያዎች ወደፊት ህጋዊ የሂሳብ መዝገብ ይዘው እንዲንቀሳቀሱ የማስተካከያ እርምጃዎችና የቃል መሐላ ስነ ስርዓቶች እንደሚከናወኑ ተገልጿል።

በፋሲል አረጋይ

#አሐዱ_ሬዲዮ_94
#አሐዱ_የኢትዮጵያውያን_ድምጽ

#mekdelaambauniversity

በ2019 ዓ.ም በመደበኛ መርሐግብር መቅደላ አምባ ዩኒቨርሲቲ አዲስ የተመደባችሁ ተማሪዎች፣ በ2018 ዓ.ም የሪሚዲያል ትምህርታችሁን በመቅደላ አምባ ዩኒቨርሲቲ ተከታትላችሁ የማለፊያ ውጤት ያመጣችሁ ተማሪዎች እንዲሁም በትግራይ ክልል ከሚገኙ የመንግሥት ዩኒቨርሲቲዎች በጊዜያዊነት መቅደላ አምባ ዩኒቨርሲቲ የተመደባችሁ ተማሪዎች የምዝገባ ቀናት ጥቅምት 09 እና 10/2019 ዓ.ም መሆኑን ዩኒቨርሲቲው አሳውቋል።

የምዝገባ ቦታ፦
● የተፈጥሮ ሳይንስ ተማሪዎች በዋናው ግቢ (ጊምባ ካምፓስ)
● የማኅበራዊ ሳይንስ ተማሪዎች በመካነ-ሰላም ካምፓስ

ለምዝገባ የሚያስፈልጉ፦
● የ12ኛ ክፍል ሰርተፊኬት ዋናውና ኮፒው፣
● ከ9-12ኛ ክፍል ትራንስክሪፕት ዋናውና ኮፒው፣
● የ8ኛ ክፍል ሰርተፊኬት ዋናውና ኮፒው፣
● አራት መጠኑ 3X4 የሆነ ጉርድ ፎቶግራፍ፣
● የፋይዳ መታወቂያ (Digital ID)፣
● የግብር ከፋይ መለያ ቁጥር (TIN)፣
● አንሶላ፣ ብርድ ልብስ፣ የትራስ ልብስ እና የስፖርት ልብስ።

በ2019 ዓ.ም ለሪሚዲያል ፕሮግራም መቅደላ አምባ ዩኒቨርሲቲ የተመደባችሁ አዲስ ገቢ ተማሪዎች የመግቢያ ቀናት በቀጣይ ይገለጻል ተብሏል፡፡

@tikvahuniversity

በግብር አመቱ ከተፈቀደላቸው ዘርፎች ውጪ የሂሳብ መዝገብ ሳያቀርቡ በሚቀሩ ግብር ከፋዮች ላይ በግብር ህጉ መሰረት ቅጣት በማድረግ ህጉ ተፈጻሚ እንዲሆን መመሪያ ተሰጠ።

​የአዲስ አበባ ከተማ አስተዳደር ገቢዎች ቢሮ በህጉ የተቀመጠውን የሂሳብ መዝገብና መግለጫ የማቅረብ ግዴታ ወደ ጎን በመተው ገቢያቸውን ለመደበቅ በሚሞክሩ አካላት ላይ አስተማሪ እርምጃ እንዲወሰድ መመሪያ ሰጥቷል።

ቢሮው የ2018 የግብር ዘመን የማሳወቂያ ጊዜ የሂሳብ መዝገብ የማይዙ ግብር ከፋዮች የሚስተናገዱበትን የአሰራር ስርዓትን የሚዘረጋ መመሪያ አውጥቷል።

ቢሮው ባወጣው መመሪያ እንዳስታወቀው፣ የሂሳብ መዝገብ አለመያዝ እንደ አማራጭ ሊወሰድ እንደማይችልና አሰራሩን ጥሰው በሚገኙ ከፋዮች ላይ አስተማሪ የህግና የአስተዳደር ቅጣቶች ይጣላሉ።

​እንደ ገቢዎች ቢሮ ማብራሪያ፣ በተሻሻለው የፌዴራል ገቢ ግብር አዋጅ ቁጥር 1395/2017 አንቀጽ 3/ሀ፣ 6 እና አንቀጽ 50/ለ እንዲሁም በገቢ ግብር አዋጅ ቁጥር 979/2008 አንቀጽ 21፣ 33 እና 82 ድንጋጌዎች መሰረት ማንኛውም የደረጃ «ሀ» እና ደረጃ «ለ» ግብር ከፋይ አመታዊ ጠቅላላ ገቢውን በሰነድና በሂሳብ መዝገብ አስደግፎ የማሳወቅ፣ ሰነዶችን የመያዝ እና ግብር የመክፈል ሙሉ ግዴታ አለበት።

ሆኖም መመሪያው በልዩ ሁኔታ ካካተታቸው የተወሰኑ ዘርፎች ውጪ ሆነው ሰነድ ሳያቀርቡ የሚቀሩ አካላት ድርጊት በቀጥታ «ግብርን ለመሰወር የሚደረግ ድርጊት» ተደርጎ የሚወሰድ ነው ብሏል።

​በመሆኑም ይህንን የህግ ጥሰት በፈጸሙ ግብር ከፋዮች ላይ በግብር ህጉ መሰረት የሚከተሉት ቅጣቶች ተፈፃሚ የሚደረጉ መሆኑም ገልጿል፦

- በገቢ ግብር አዋጅ ቁጥር 979/2008 አንቀጽ 80 መሰረት፣ በደንብ ቁጥር 410/2009 ለደረጃ «ሐ» ግብር ከፋዮች የተቀመጠው የትርፋማነት ህዳግ ለእነዚህ አካላት በእጥፍ  አድጎ እንዲሰላ ይደረጋል።

- በታክስ አስተዳደር አዋጅ ቁጥር 983/2008 አንቀጽ 109 እና 110 ድንጋጌዎች መሰረት፣ ታክሱን ባለማሳወቃቸው ምክንያት በሚፈጠረው የታክስ ጉድለት ላይ 40 በመቶ እንዲሁም በዋናው የታክስ መጠን ላይ 200 በመቶ ተጨማሪ የገንዘብ ቅጣት እንዲጣል ይደረጋል።

​የአዲስ አበባ ከተማ ገቢዎች ቢሮ አክሎ እንዳሳሰበው፣ በዚህ መልኩ በቅጣትና በእጥፍ የትርፍ ህዳግ የሚስተናገዱ ማናቸውም ግብር ከፋዮች ዝርዝር ፋይልና መረጃ ተደራጅቶ ለህግ ተገዥነት ዘርፍ እንዲተላለፍ ይደረጋል።

ቲክቫህ ኢትዮጵያ
አዲስ አበባ
መስከረም 30 ቀን 2019 ዓ/ም

@tikvahethiopia Photo

🔥 በ40/60 አከፋፈል — ቀሪውን 60% ቤቶትን ሲረከቡ ያለምንም ወለድ እና የዕቃዎች ጭማሪ በኢትዮጵያ ብር የሚከፍሉት!

📍 መገናኛ | የካ ክፍለ ከተማ (ከዲያስፖራ አደባባይ አጠገብ)

ከ8 በላይ ፕሮጀክቶችን ያስረከበው ቴምር ፕሮፐርቲስ አዲስ አስደሳች የክፈያ አማራጭ ይዞልዎ መጥቷል!

በሙሉ ክፍያ ለምትገዙ ደንበኞቻችን የ 35% ቅናሽ አዘጋጅተንላችኃል

🏢 የቤት አማራጮች:

▪️ ባለ 1 መኝታ ከ 60 ካሬ ጀምሮ

▪️ ባለ 2 መኝታ ከ 90 ካሬ ጀምሮ

▪️ ባለ 3 መኝታ ከ 112 - 154 ካሬ

🖊 ፔንታውስ ከ209 - 354 ካሬ

🎁 ተጨማሪ ጥቅሞች:
👉 40% ቅድመ ክፍያ ለሚከፍሉ 10% ልዩ ቅናሽ!

📲 ለበለጠ መረጃ እና ቦታ ለማስያዝ አሁኑኑ በምስሉ ስር ባለው ቁጥር ይደውሉልን ወይንም በ WhatsApp ያዋሩን

☎️ 09 30 65 30 47

WhatsApp: https://wa.me/251930653047

Telegram: SELAMH21

           Temer Real Estate Temer Properties

በብልሽት ምክንያት የተቋረጠ የኃይል አቅርቦት

መስከረም 30 ቀን 2019 ዓ.ም. (አሐዱ ሬድዮ) በአዲስ ዌስት ኃይል ማከፋፈያ ጣቢያ ላይ ባጋጠመ የትራንስፎርመር ብልሽት ምክንያት ዛሬ መስከረም 30 ቀን 2019 ዓ.ም የኃይል አቅርቦት የተቋረጠባቸው እና የሚቋረጥባቸው አካባቢዎች፡፡

ከጠዋት 12፡00 - ቀኑ 8፡00

👉እህል በረንዳ፣ አማኑኤል ቤ/ክ ፊትለፊት፣ ሻንቅላ ወንዝ፣18 ማደያው ጋር፣ ፈጥኖ ደራሽ፣ ኮልፌ ኮምርሄንሲቭ ት/ቤት እና አካባቢው

ከቀኑ 8፡00 - ምሽት 4፡00

👉 አማኑኤል ሆስፒታል ፊት ለፊት፣ ሰባተኛ፣ ድሬ ህንጻ ፊት ለፊት፣ ኮልፌ 18 ጤና ጣቢያ፣ ኮልፌ 18 ድልድዩ ድረስ፣ አውጉስታ፣ ወይራ ሰፈር፣ ወይራ ኮንዶሚኒየም፣ ሞቢል፣ ራሺያ ካምፕ የነበረው፣ ተዘንአ ሆስፒታል፣ ሙስና ሰፈር፣ ጦር ኃይሎች ጎልፍ ክለብና አካባቢው፣ እና አካባቢው

ከምሽት 4፡00 - ጠዋት 12፡00

👉እህል በረንዳ፣ አማኑኤል ቤ/ክ ፊትለፊት፣ ሻንቅላ ወንዝ፣18 ማደያው ጋር፣ ፈጥኖ ደራሽ፣ ኮልፌ ኮምርሄንሲቭ ት/ቤት እና አካባቢው

👉 አማኑኤል ሆስፒታል ፊት ለፊት፣ ሰባተኛ፣ ድሬ ህንጻ ፊት ለፊት፣ ኮልፌ 18 ጤና ጣቢያ፣ ኮልፌ 18 ድልድዩ ድረስ፣ አውጉስታ፣ ወይራ ሰፈር፣ ወይራ ኮንዶሚኒየም፣ ሞቢል፣ ራሺያ ካምፕ የነበረው፣ ተዘንአ ሆስፒታል፣ ሙስና ሰፈር፣ ጦር ኃይሎች ጎልፍ ክለብና አካባቢው፣ እና አካባቢው

ስለሆነም በተጠቀሱት አካባቢዎች የምትገኙ ክቡራን ደንበኞቻችን የጥገና ሥራው ተጠናቆ አገልግሎቱ ሙሉ በሙሉ እስኪመለስ ድረስ በትእግስት እንድትጠብቁ በአክብሮት እናሳውቃለን ሲል የኢትዮጱያ ኤሌትሪክ አገልግሎት አስታውቋል።

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

(ዘ-ሐበሻ ዜና) የጠቅላይ ሚኒስትር ጽሕፈት ቤት ዛሬ መስከረም 30 ቀን 2019 ዓ.ም. ባወጣው ይፋዊ መረጃ፣ ጠቅላይ ሚኒስትር ዐቢይ አሕመድ አቶ ጌታቸው ረዳን በሚኒስትር ማዕረግ የምስራቅ አፍሪካ ጉዳዮች አማካሪ አድርገው በድጋሚ ሾመዋቸዋል።

ሹመቱ ይፋ በሆነበት እና የኤርትራ ጦር የኢትዮጵያን ድንበር ጥሶ ገብቷል በሚባልበት በዚህ ሰዓት፣ በድጋሚ የተሾሙት አማካሪ ሚኒስትር አቶ ጌታቸው ረዳ በኤክስ ገጻቸው የአስመራን መንግስት ኢላማ ያደረገ አጭር መልዕክት አስተላልፈዋል። አቶ ጌታቸው "አስመራ የስሌት ስህተትን አራቅቃ ወደ ጥበብነት ቀይራዋለች" በማለት የኤርትራ መንግስት ጦሩን ወደ ኢትዮጵያ ለማስገባት የወሰደው እርምጃ ትልቅ ስትራቴጂካዊ ክሽፈት እና መዘዙ የከፋ ስህተት መሆኑን አመላክተዋል።

ይህ ሹመት እና ተያይዞ የመጣው ጠንካራ የቃላት ጦርነት፣ በቀጣይ በኢትዮ-ኤርትራ ቀውስ ላይ አዲስ የፖለቲካ ምዕራፍ ሊከፍት እንደሚችል ይጠበቃል።

ሹመቱን በተመለከተ የእርስዎ አስተያየት ምንድን ነው? ኮመንት ላይ ያጋሩን!

(ዘ-ሐበሻ ዜና) የየመኑ አንሳር አላህ (ሁቲ) ቡድን በሳዑዲ ዓረቢያ በሚመራው ጥምረት በሰንዓ እና በሆዴይዳ ዓለም አቀፍ አየር ማረፊያዎች ላይ የተጣለውን ከበባ እና የበረራ እገዳ ለመመከት፣ በሁሉም የሳዑዲ አየር ማረፊያዎች ላይ አጸፋዊ እገዳ ለመጣል ማቀዱን አስታወቀ። ቡድኑ ይህንን "የእገዳ በእገዳ" እና "የአየር ማረፊያ በአየር ማረፊያ" ስሌት ተግባራዊ እያደረገ የሚገኘው፣ በሳዑዲ አየር ማረፊያዎች ላይ ተከታታይ ጥቃቶችን በመሰንዘር የሳዑዲ መንግስት የጣለውን ከበባ እንዲያነሳ ዲፕሎማሲያዊ እና ወታደራዊ ጫና ለመፍጠር እንደሆነ ተገልጿል።

ይህ እንቅስቃሴ ሁቲዎች በምዕራባዊ ታኢዝ፣ በባቢል መንደብ የባሕር መተላለፊያ አቅራቢያ፣ በዱህባብ እና በሞቻ ከተሞች ላይ በሳዑዲ ጥምረት የተከፈተባቸውን መጠነ-ሰፊ የአየር ጥቃቶች ለማስቆም የሚጠቀሙበት የመከላከያ ስልት መሆኑ ተመላክቷል። በሳዑዲ የሚደገፈው እና በዓለም አቀፍ ደረጃ እውቅና ያለው የየመን መንግስት በበኩሉ፣ የተፈጠረውን ወታደራዊ ጫና እንደ ምቹ አጋጣሚ በመጠቀም ባለፈው ወር በሁቲዎች ተይዘውበት ወደነበሩ ቁልፍ ይዞታዎች ዳግም ለመጠጋት እና ለመቆጣጠር ጥረት እያደረገ ይገኛል።

በሁለቱ ወገኖች መካከል እየተባባሰ የመጣው ይህ የተካረረ ግጭት፣ በቀይ ባሕር አካባቢ ያለውን የንግድ መርከቦች ጉዞ እና ዓለም አቀፍ የበረራ ደህንነት ዳግም ወደ ከፋ ቀጠናዊ አለመረጋጋት እንዳይከተው ስጋት አጭሯል።

ቆም ብለው ያረጋግጡ!

ተመሳስሎ በተዘጋጀ የቴሌብር ደረሰኝ በክፍያ ወቅት የማጭበርበር ተግባር እየተፈጸመ እንደሚገኝ ደርሰንበታል።

በመሆኑም በቴሌብር የሽያጭ ወይም የአገልግሎት ክፍያ ሲቀበሉ ከፋዮቹ ከመሔዳቸው በፊት ገንዘቡ ወደ ሒሳብዎ መግባቱን ያረጋግጡ፡፡

ቴሌብር ሱፐርአፕን https://bit.ly/telebirr_Su... ጭነን ስንከፍል እንዲህ ነን!

ቴሌብር - እጅግ ቀላል፣ ፈጣን፣ ምቹ እና አስተማማኝ!
#ደንበኛ_ስንሆን_እንዲህ_ነን #ስንመዘገብ_እንዲህ_ነን #ስንጭን_እንዲህ_ነን #ስናስጀምር_እንዲህ_ነን

ኩባ ከ11ሺ በላይ የዴንጊ ትኩሳት ታማሚዎችን መዘገበች

👉 ዴንጊ በቫይረስ አማካኝነት የሚመጣና በትንኞች ንክሻ ወደ ሰው የሚተላለፍ ከባድ የትኩሳት በሽታ ነው።

ኩባ እ›አ›አ በ2026 11ሺ 235 በበሽታው የተያዙ ሰዎችን የመዘገበች ሲሆን ይህም ባለፉት አምስት ዓመታት መረጃ ላይ ተመስርቶ ከሚጠበቀው አማካይ መጠን ጋር ሲነፃፀር የ 9.2 እጥፍ ብልጫ እንዳለው የኢንፎቤ የዜና ምንጭ ዘግቧል፡፡

በቅርብ ወራት ውስጥ የሕመምተኞች ቁጥር በከፍተኛ ሁኔታ መጨመሩ የተነገረ ሲሆን በመስከረም ወር ብቻ 4,102 ተጠቂዎች ተመዝግበዋል።

የጥቅምት ወር በሽታው በከፍተኛ ሁኔታ የሚሰራጭበት ወቅት መሆኑ ተገልጿል፡፡ የሕመምተኞች ቁጥር ሊጨምር የቻለው በደሴቲቱ ላይ ከከፋው የኃይል እና የነዳጅ እጥረት ጋር ተያይዞ የመጣ እንደሆነ ተጠቁሟል፡፡
እንደ ዘገባው ከሆነ የመብራት መቋረጥ ቤተሰቦች በሞቃታማ ሌሊቶች በሮችንና መስኮቶችን ክፍት አድርገው እንዲተኙ አስገድዷቸዋል፤ ይህም ለትንኞች የመጋለጥ እድልን ሊጨምር ይችላል። የነዳጅ እጥረትም የትንኝ ማጥፋት ስራዎችን የጎዳ ሲሆን የትንኞችን ቁጥር የመቀነስ እና የበሽታውን ስርጭት የመከላከል ስራዎችን ገድቦታል።

አብዛኞቹ ታማሚዎች ያለ ከባድ ችግር የሚያገግሙ ቢሆንም፣ ከባድ የዴንጊ ህመም ግን ደም መፍሰስን፣ ድንገተኛ የደም ግፊት መውደቅን እና የሰውነት ክፍሎች ጉዳትን ሊያስከትል ስለሚችል ሆስፒታል መተኛትን ሊጠይቅ ይችላል ነው የተባለው፡፡

የዓለም ጤና ድርጅት ዴንጊ በዓለም አቀፍ ደረጃ በትንኞች አማካኝነት ከሚተላለፉ የቫይረስ በሽታዎች መካከል በከፍተኛ ፍጥነት እየጨመሩ ካሉት መካከል አንዱ እንደሆነ ይፋ አድርጓል፡፡

ሰላማዊ ነጋሲ
#ዳጉ_ጆርናል

💥በመገናኛ የካ ክፍለ ከተማ (ዲያስፖራ አደባባይ) የሚገኘውን የቴምር ፕሮፐርቲስ ዘመናዊ አፓርትመንት የሽያጭ መረጃ;

​የክፍያ አማራጭ፦ በ40/60 አከፋፈል (40% አሁን፣ ቀሪውን 60% ቤት ሲረከቡ) ወይም ቀሪውን 80% እስከ 15 ዙር ያለምንም ወለድና የዕቃዎች ጭማሪ መክፈል ይቻላል። ለ40% ከፋዮች የ10% ቅናሽ አለ እንዲሁም 100% ለከፈለ 35%ቅናሽ አለው
👉​ሌሎች ሳይቶች፦ በሳርቤት፣ አዋሬ፣ ቡልጋሪያ፣ ፒያሳ የመኖሪያና የንግድ ሱቆች/ቢሮዎች ይገኛሉ

💥💥💥(ባለ 2መኝታ)

💥99ካሬ*115,000ብር=11,385,000
20%ቅድመ ክፍያ =2,277,000
100%ስትከፍሉ35%ቅናሽ ከቅናሽ በኋላ =7,400,250ሙሉ ዋጋ ይሆናል

💥103ካሬ*125,000ብር =12,875,000ብር
ቅድመ ክፍያ 20%=2,575,000
100%ስትከፍሉ 35%ቅናሽ =8,368,750ብር

💥💥💥 (ባለ3መኝታ)

💥123ካሬ*125,000ብር=15,375,000ብር ሙሉ ክፍያ
ቅድመ ክፍያ 20%=3,075,000ብር
100%ለከፈለ ከሙሉ ክፍያ 35% ቅናሽ
ያማለት =9,993,750ብር ሙሉ ክፍያ ይሆናል

     💥145ካሬ*125,000ብር =17,750,000ብር
ቅድመ ክፍያ 20% 3,550,000ብር
100%ለከፈለ 35% ቅናሽ ከቅናሽ በኋላ 11,537,000 ብር ይሆናል

🌟🌟ፔንታውስ ለምትፈልጉ🌟🌟
        👇
   💥 235*115,000=27,025,000ብር ይሆናል ።
ቅድመ ክፍያ 20%=5,405,000ብር
100%ለሚከፍል 18,917,500ብር ይሆናል

   💥302ካሬ*115,000ብር =34,730,000birr
ቅድመ ክፍያ 20%=6,946,000ብር
100%ለሚከፍል 35% ቅናሽ ተደርጎ 24,311,000ብር ይሆናል።

ለበለጠ መረጃ +251978791342

#update

በአዲስ ዌስት ማከፋፈያ ጣቢያ  ጉዳት የደረሰበትን ትራንፎርመር በሌላ ለመተካት ከአርባምንጭ ተነስቶ ሲጓጓዝ የነበረው ትራንስፎርመር ዛሬ ጠዋት ከቢሾፍቱ ተነስቶ አዲስ አበባ ገብቷል።

" ትራንስፎርመሩ ማከፋፈያ ጣቢያው ወደሚገኝበት ኮልፌ አካባቢ እየተጓጓዘ ቢሆንም ሆላንድ ኤምባሲ አካባቢ ደርሶ ዳገቱ ላይ ቆሟል " ሲል የኢትዮጵያ ኤሌክትሪክ ኃይል ገልጿል።

ትራንስፎርመሩ ማከፋፈያ ጣቢያው ሲደርስ መልሶ የመገጣጠም ሥራዎች ወዲያውኑ የሚጀመሩ ይሆናል ተብሏል።

በአዲስ ዌስት ማከፋፈያ ጣቢያ ጉዳት ከ15 ቀናት በላይ በርካታ የአዲስ አበባ ከተማ አከባቢዎች በመደበኛነት የኤሌክትሪክ ኃይል እያገኙ አይደለም።

Update : 8:30 ላይ ትራንስፎርመር የማጓጓዙ ስራ መጠናቀቁ ተገልጿል።

መስከረም 29 ቀን 2019 ዓ/ም

@tikvahethiopia #update የአዲስ ዌስት ኃይል ማከፋፈያ ጣቢያን ወደ አገልግሎት ለመመለስ አማራጭ የመፍትሔ እርምጃዎች በትይዩ እየተከናወኑ መሆኑ የኢትዮጵያ ኤሌክትሪክ ሃይል ለቲክቫህ ኢትዮጵያ ገልጿል። • የተበላሸውን ትራንስፎርመር በሌላ ለመተካት የሚያስችል ተለዋጭ ትራንስፎርመር ከአርባ ምንጭ የማጓጓዝ ሥራ ከተጀመረ ሁለት ቀናት መቆጠሩንም ተገልጿል። በቴክኒክ ብልሽት ምክንያት አገልግሎት መስጠት ያቆመውን የአዲስ…

ከ4.2 ሚሊየን ብር በላይ ዋጋ ያላቸው የወተት ጥራት መመርመሪያ መሳሪዎች በ11 ክፍለ ከተሞች መሰራጨት ጀመረ

መስከረም 29 ቀን 2019 ዓ.ም. (አሐዱ ሬድዮ) በአዲስ አበባ ለህብረተሰቡ የሚቀርበውን ወተት ጥራት እና ደህንነት ለማረጋገጥ የሚያስችሉ ከ4.2 ሚሊዮን ብር በላይ ግምት ያላቸው ዘመናዊ መመርመሪያ መሳሪያዎች በ11ዱም ክፍለ ከተሞች መሰራጨት መጀመሩን የአዲስ አበባ አርሶ አደርና ከተማ ግብርና ልማት ኮሚሽን አስታውቋል።

የኮሚሽኑ ምክትል ኮሚሽነር ዶክተር ጸጋ ለማ ለአሐዱ ሬዲዮ እንደገለጹት ወተትን ከባዕድ ነገር ጋር ተቀላቅሎ ለገበያ ሲቀርብ በዓይን አይቶ ለመለየት እጅግ አስቸጋሪ በመሆኑ ቴክኖሎጂን መጠቀም የግድ ይላል።

በመሆኑም ከጥርጣሬ የጸዳ እና ውጤታማ የሆነ የቁጥጥር ስራ ለመስራት የሚያስችሉ እና ከፍተኛ ካፒታል የሚጠይቁ ዘመናዊ መፈተሻ መሳሪያዎችን ለሁሉም ክፍለ ከተሞች የማከፋፈል ስራ ተጀምሯል።

የመሳሪያዎቹ አቅርቦት SNV ከተባለ ግብረ ሰናይ ድርጅት ጋር በተደረገ ትብብር የተገኘ መሆኑን የገለጹት ምክትል ኮሚሽነሩ ከቁሳቁስ አቅርቦቱ ጎን ለጎን የቁጥጥር ስራውን የሚያከናውኑ ባለሙያዎች የአቅም ግንባታ ስልጠና መውሰዳቸውን ተናግረዋል።

በዚህም መሰረት ከሁሉም ክፍለ ከተሞች የተውጣጡ 22 ተቆጣጣሪዎች በዘርፉ በታወቁ ሀገር አቀፍ አሰልጣኞች አማካኝነት ለአምስት ተከታታይ ቀናት ተግባር ተኮር ስልጠና ተሰጥቷቸዋል።

ከዚህ ቀደም የወተትን ደህንነት እና ጥራት ነባራዊ ሁኔታ ለማጥናት ከተለያዩ የከተማው እና የፌደራል ባለድርሻ አካላት ጋር የዳሰሳ ጥናት መደረጉን ያስታወሱት ዶክተር ጸጋ በጥናቱ ላይ በመመስረትም የወተት ጥራትን የሚቆጣጠር የህግ ማዕቀፍ የማዘጋጀት ስራ መሰራቱን አብራርተዋል።

በአሁኑ ሰዓትም በሰለጠነ የሰው ሀይል እና በተሟላ ዘመናዊ ቴክኖሎጂ በመታገዝ የከተማዋን የወተት ጥራትና ደህንነት የማስጠበቅ ስራን በስፋት ለመጀመር የሚያስችሉ ቅድመ ዝግጅቶች እየተጠናቀቁ መሆኑ ተገልጿል።

በፋሲል አረጋይ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

ለ7 ዓመታት በህመም ስትሰቃይ ከነበረቸዉ እናት 25 ኪሎ ግራም እጢ በቀዶ ህክምና ተወገደ

የ52 ዓመት ዕድሜ ያላቸዉ እኚህ እናት ለሰባት ዓመታት ያህል በህመም ሲሰቃዩ የነበረ ሲሆን በደብረ ብርሃን አጠቃላይ ስፔሻላይዝድ ሆስፒታል መስከረም 27 ቀን 2019 ዓ.ም በተደረገላቸው ህክምና 25 ኪሎ ግራም ክብደት ያለዉ የማህፀን እጢ ተወግዶላቸዋል።

በሆስፒታሉ የማህፀንና ፅንስ ስፔሻሊስት ሃኪም ዶክተር ሳሙኤል በዛብህ ለብስራት ሬዲዮ እንደተናገሩት ታካሚዋ በሰባት ዓመታት ዉስጥ ሆዳቸዉ አከባቢ እየጨመረ የመጣዉን እብጠት የክብደት መጨመር ሊሆን ይችላል በሚል ትኩረት ሳይሰጡት ቆይተዋል።

የማህፀን እጢ በአፋጣኝ ህክምና ካላገኘ ወደ ካንሰር ተቀይሮ ለህይወት አስጊ የሚሆንበት አጋጣሚ ሊኖር እንደሚችል የሚገልፁት ዶክተር ሳሙኤል ለታካሚዋ እስካሁን በተደረገዉ ምርመራ እብጠቱ ከጊዜ ወደ ጊዜ ከመጨመሩ ዉጪ የካንሰር ባህሪይ እንዳልተገኘበት ገልጸዋል ።

በሆድ አከባቢ ህመሞች እና እብጠቶች ሲኖሩ ወደ ህክምና ተቋም በመሄድ ምርመራዎችን ማድረግ አስፈላጊ መሆኑ የተገለፀ ሲሆን ከከፋ ስቃይና ህመም መዳን እንደሚቻል ተጠቁሟል፤ 1 ሰዓት ተኩል የፈጀ ቀዶ ህክምና የተደረገላቸዉ የ52 ዓመቷ እናት አሁን ላይ በጥሩ ጤንነት ላይ እንደሚገኙ ታውቋል።

በመባ ወርቅነህ
#ዳጉ_ጆርናል

በብልሽት ምክንያት የተቋረጠ የኃይል አቅርቦት መኖሩ ተገለፀ

መስከረም 28 ቀን 2019 ዓ.ም. (አሐዱ ሬድዮ) በአዲስ ዌስት ኃይል ማከፋፈያ ጣቢያ ላይ ባጋጠመ የትራንስፎርመር ብልሽት ምክንያት ዛሬ መስከረም 28 ቀን 2019 ዓ.ም የኃይል አቅርቦት የተቋረጠባቸው እና የሚቋረጥባቸው አካባቢዎች፡፡
 
ከጠዋት 12፡00 - ቀኑ 8፡00
 
👉እህል በረንዳ፣ አማኑኤል ቤ/ክ ፊትለፊት፣ ሻንቅላ ወንዝ፣18 ማደያው ጋር፣ ፈጥኖ ደራሽ፣ ኮልፌ ኮምርሄንሲቭ ት/ቤት እና አካባቢው
 
👉 አማኑኤል ሆስፒታል ፊት ለፊት፣ ሰባተኛ፣ ድሬ ህንጻ ፊት ለፊት፣ ኮልፌ 18 ጤና ጣቢያ፣ ኮልፌ 18 ድልድዩ ድረስ፣ አውጉስታ፣ ወይራ ሰፈር፣ ወይራ ኮንዶሚኒየም፣ ሞቢል፣ ራሺያ ካምፕ የነበረው፣ ተዘንአ ሆስፒታል፣ ሙስና ሰፈር፣ ጦር ኃይሎች ጎልፍ ክለብና አካባቢው፣ እና አካባቢው
 
ከቀኑ 8፡00 - ምሽት 4፡00
 
👉አዲስ ዌስት ሰብስቴሽን፣ ኮልፌ መናፈሻ፣ ፊሊጶስ፣ ኮልፌ ጤና ጣቢያ በከፊል፣ ቀራንዮ መድኃኒዓለም ቤ/ክ፣ ቤተል ሆስፒታል፣ ቤተል ቢጫ ፎቅ፣ መስኪድ፣ ቤተል ፓስታ ቤት አካባቢ፣ ኮልፌ ወ.8 ፅህፈት ቤት እና አካባቢው፣
 
👉እህል በረንዳ፣ አማኑኤል ቤ/ክ ፊትለፊት፣ ሻንቅላ ወንዝ፣18 ማደያው ጋር፣ ፈጥኖ ደራሽ፣ ኮልፌ ኮምርሄንሲቭ ት/ቤት እና አካባቢው
 
ከምሽት 4፡00 - ጠዋት 12፡00

👉 አማኑኤል ሆስፒታል ፊት ለፊት፣ ሰባተኛ፣ ድሬ ህንጻ ፊት ለፊት፣ ኮልፌ 18 ጤና ጣቢያ፣ ኮልፌ 18 ድልድዩ ድረስ፣ አውጉስታ፣ ወይራ ሰፈር፣ ወይራ ኮንዶሚኒየም፣ ሞቢል፣ ራሺያ ካምፕ የነበረው፣ ተዘንአ ሆስፒታል፣ ሙስና ሰፈር፣ ጦር ኃይሎች ጎልፍ ክለብና አካባቢው፣ እና አካባቢው
 
👉አዲስ ዌስት ሰብስቴሽን፣ ኮልፌ መናፈሻ፣ ፊሊጶስ፣ ኮልፌ ጤና ጣቢያ በከፊል፣ ቀራንዮ መድኃኒዓለም ቤ/ክ፣ ቤተል ሆስፒታል፣ ቤተል ቢጫ ፎቅ፣ መስኪድ፣ ቤተል ፓስታ ቤት አካባቢ፣ ኮልፌ ወ.8 ፅህፈት ቤት እና አካባቢው፣
 
ስለሆነም በተጠቀሱት አካባቢዎች የምትገኙ ክቡራን ደንበኞቻችን የጥገና ሥራው ተጠናቆ አገልግሎቱ ሙሉ በሙሉ እስኪመለስ ድረስ በትእግስት እንድትጠብቁ በአክብሮት እናሳውቃለን።

የኢትዮጵያኤሌክትሪክአገልግሎት

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ Photo

(ዘ-ሐበሻ ዜና) የቀድሞው የትግራይ ጊዜያዊ አስተዳደር ፕሬዚዳንት፣ አሁን የጠቅላይ ሚኒስትሩ አማካሪ አቶ ጌታቸው ረዳ፣ በዋናው የህወሓት አመራር እና በኤርትራው ፕሬዚዳንት ኢሳይያስ አፈወርቂ መካከል አዲስ ጥምረት መፈጠሩን በመግለጽ ሁኔታውን በጽኑ ነቅፈዋል። አቶ ጌታቸው ዛሬ ባወጡት ጽሑፍ፣ የህወሓት አመራሮችን "የተሳሳተ ስሌት በመሥራት የሚታወቁ" ሲሉ የገለጿቸው ሲሆን፣ ፕሬዚዳንት ኢሳይያስን ደግሞ "የአውዳሚ ስህተቶች አባት" እና "የአስመራው ትልቁ ሞኝ" በሚሉ ጠንካራ ቃላት ተችተዋል። ይህ የሁለቱ አካላት ጥምረትም አብረውት የሚቆሙትን ኃይሎች ወደ ጥፋት የሚመራ መሆኑን በጽሑፋቸው አስፍረዋል።

ይህ የአቶ ጌታቸው መግለጫ በትግራይ ክልል ውስጥ ባሉ የፖለቲካ ኃይሎች መካከል ያለውን መከፋፈል ይበልጥ አጉልቶ የሚያሳይ ነው። በጽሑፉ ላይ እንደተንጸባረቀው፣ በመቐለ እና በአስመራ መካከል ተፈጥሯል የተባለው ግንኙነት በስትራቴጂካዊ ጥንካሬ ላይ የተመሠረተ ሳይሆን፣ የፖለቲካ ህልውናን ለማስጠበቅ የተደረገ ሙከራ መሆኑን አቶ ጌታቸው ሞግተዋል። በተጨማሪም ፕሬዚዳንት ኢሳይያስ ህወሓትን እንደ መጠቀሚያ መሣሪያ አድርገው ማሰባቸው የተሳሳተ የጂኦፖለቲካ እርምጃ መሆኑን ጠቁመዋል።

መግለጫው የህወሓት አመራሮች በጦርነቱ ወቅት ከፍተኛ ግጭት ከነበረበት የኤርትራ መንግስት ጋር ግንኙነት መፍጠራቸውን በይፋ የሚያነሳ በመሆኑ፣ በትግራይ ፖለቲከኞች ዘንድ የፖለቲካ ውይይትም አስነስቷል። በአቶ ጌታቸው ረዳ እና በዋናው የህወሓት አመራር መካከል ያለው ይህ መቃቃር፣ የክልሉን እና የቀጠናውን የፖለቲካ አሰላለፍ በቀጣይ ሊቀርጸው የሚችልበት ዕድል ሰፊ መሆኑን ያሳያል። ይህ አዲስ የፖለቲካ ክስተት በቀጠናው ላይ ሊያመጣ የሚችለው ተጽዕኖ የብዙዎችን ትኩረት ስቧል።

በዩኒቨርሲቲዎች ስር ለሚተዳደሩ ማስተማሪያ ሆስፒታሎች የሚመደበው የሕክምና አገልግሎት በጀት ከመደበኛው የትምህርት በጀት ስሌት ቀመር ውጪ በተናጠል ተጣርቶ የበጀት ድጋፍ እንዲቀርበለት የሚያዘው ደንብ በስራ ላይ ውሏል።

የሚኒስትሮች ምክር ቤት ለራስ-ገዝ ዩኒቨርሲቲዎች ከመንግሥት የሚሰጠውን የብሎክ ግራንት የበጀት አፈጻጸም ለመደንገግ ያወጣው ደንብ ቁጥር 594/2018 በስራ ላይ ውሏል።

ደንቡ ተቋማቱ በፋይናንስ ራሳቸውን እስኪችሉ ድረስ በሂደት እየቀነሰ የሚሄድ ዓመታዊ የበጀት ድጋፍ የሚመደብበትን ሥርዓት ያካተተ ሲሆን፣ ዩኒቨርሲቲዎቹ ከተጨባጭ ነባራዊ ሁኔታዎቻቸውና ስትራቴጂካዊ ዕቅዶቻቸው በመነሳት በበጀታቸው በነፃነት እንዲጠቀሙና ተልዕኳቸውን በጥራት እንዲወጡ ማስቻልን ዓላማ ያደረገ መሆኑን ያስረዳል።  

ደንቡ ለራስ-ገዝ ዩኒቨርሲቲዎች የሚመደበው ዓመታዊ የብሎክ ግራንት እንደ አግባብነቱ  ፍትሐዊ ተጠቃሚነትን ለማረጋገጥ ሲባል፣ የመግቢያ መስፈርቱን አሟልተው ነገር ግን የትምህርት ወጪያቸውን መሸፈን ለማይችሉ ተማሪዎች የሚደረግ የበጀት ድጋፍ ሊያካትት እንደሚችል ያስረዳል።

በተጨማሪም ዩኒቨርሲቲዎች በሚያስተዳድሯቸው ማስተማሪያ ሆስፒታሎች አማካኝነት፣ በሕግ አግባብ በነፃ ሊሰጡ ለሚገባቸው የሕክምና አገልግሎቶች እና በነፃ ማግኘት ለሚገባቸው የኅብረተሰብ ክፍሎች የሚውል የበጀት ድጋፍ እንዲያገኙ ለማስቻልም ሊመደብ እንዲሚችል ይገልጻል።

እንዲሁም ዩኒቨርሲቲዎች የሚያከናውኗቸውን የምርምርና ጥናት፣ የማኅበረሰብ ጉድኝት አገልግሎት እንዲሁም ብቁ ተቋማዊ አቅምን ለመገንባት የሚያስፈልግ የፋይናንስ ድጋፍ ሊመደብ እንደሚችል ተደንግጓል።

በዚህ ደንብ መሠረት አጠቃላይ የራስ ገዝ ዩኒቨርሲቲዎች የበጀት ድልድል የግብዓት፣ የውጤትና የፍትሐዊነት መስፍርቶችን መሰረት የሚያደርግ ሲሆን ይህም

• የመማር-ማስተማር ሂደቱን መደበኛ ተማሪዎች ቁጥር፣

• የሳይንሳዊ ምርምር ውጤትና ተፅዕኖን፣

• የቴክኖሎጂ ሽግግርና ማህበረሰብ ጉድኝት ስራዎችን እንዲሁም

• ልዩ ድጋፍ የሚሹ ተማሪዎችን እና የተቋማቱን መልክዓ-ምድራዊ አስቸጋሪ ሁኔታዎች ታሳቢ ያደርጋል።

ይህ የበጀት ማከፋፈያ ቀመር እንደ አስፈላጊነቱ በገንዘብ ሚኒስቴር እና በትምህርት ሚኒስቴር ትብብር የሚዘጋጅ ሲሆን፣ ወቅታዊ ሁኔታዎችን ለማጣጣም በየሁለት ዓመቱ ክለሳ ይደረግበታል።  

በተለየ መልኩ፣ በዩኒቨርሲቲዎች ስር ለሚተዳደሩ ማስተማሪያ ሆስፒታሎች የሚመደበው የሕክምና አገልግሎት በጀት ከመደበኛው የትምህርት በጀት ስሌት ቀመር ውጪ በተናጠል ተጣርቶ የበጀት ድጋፍ እንደሚደረግለት ተደንግጓል።

ይህ ድጋፍ ሆስፒታሎቹ በሕግ አግባብ በነፃ ሊሰጡ ለሚገባቸው የሕክምና አገልግሎቶችና ተጠቃሚ ለሆኑ የኅብረተሰብ ክፍሎች የሚውል ሲሆን፤ ድልድሉም በሆስፒታሉ አገልግሎት ያገኙ ታካሚዎች ብዛት፣ የህክምና አልጋዎች ቁጥር፣ የአገልግሎቶቹ ውስብስብነት እንዲሁም ለመድኃኒትና ለአላቂ የሕክምና ቁሳቁሶች የሚወጣውን ወጪ መሠረት በማድረግ ይወሰናል።

በዚህም ማንኛውም ራስ-ገዝ ዩኒቨርሲቲ የሚያገኘው ዓመታዊ ድጋፍ አጠቃላይ የመማር-ማስተማርና የምርምር በጀቱን እንዲሁም ለማስተማሪያ ሆስፒታሎች በጥናት ላይ ተመስርቶ የሚመደበውን ልዩ በጀት በአንድ ላይ ያካተተ የተቀናጀ የብሎክ ግራንት ሆኖ ይቀርባል።  

የበጀት ጥያቄ አቀራረብና አስተዳደርን በተመለከተ፣ ማንኛውም ራስ-ገዝ ዩኒቨርሲቲ ዓመታዊ የበጀት ጥያቄውን በየዓመቱ እስከ የካቲት ወር መጨረሻ ድረስ ለገንዘብ ሚኒስቴር ማቅረብ እንዳለበት እና የተፈቀደው በጀትም በቀጥታ ወደ ተቋማቱ ፈሰስ እንደሚደረግ ተመላክቷል።

የቁጥጥር ሥርዓቱን ለማጠናከርም ትምህርት ሚኒስቴር በቁልፍ ውጤት አመላካቾች ላይ የተመሠረተ የአፈጻጸም ውል በመፈራረም በዓመት ሁለት ጊዜ ሁለንተናዊ ግምገማ እንደሚያካሂድ ተደንግጓል።

በተጨማሪም የዩኒቨርሲቲዎቹ የብሎክ ግራንት ሒሳብ በፌደራል ዋና ኦዲተር እንደሚመረመርና የሒሳብ ሰነዶችም ቢያንስ ለአስር ዓመታት ተጠብቀው እንዲቆዩ በማድረግ ተጠያቂነትና ግልጽነት እንዲሰፍን ይደረጋል።

ቲክቫህ ኢትዮጵያ
መስከረም 27 ቀን 2019 ዓ/ም

@tikvahethiopia

ጃፓን ለየመን እና ለጅቡቲ የ10 ሚሊዮን ዶላር የድንገተኛ ጊዜ እርዳታ ለመስጠት ወሰነች

የጦርነቱ ተፅዕኖ ወደ ጎረቤት ሀገራት መዛመቱን እና በየመን እየከፋ የመጣውን የሰብአዊ ሁኔታ ግምት ውስጥ በማስገባት ጃፓን ለየመን እና ለጅቡቲ የ10 ሚሊዮን ዶላር የድንገተኛ ጊዜ እርዳታ እንደምትሰጥ አስታውቃለች።

የጃፓን መንግስት እርዳታውን ማክሰኞ ዕለት ማጽደቁን የሀገሪቱ ኤምባሲ ባወጣው ጋዜጣዊ መግለጫ ላይ ገልጿል።እርዳታው የባብ አል-መንደብ ወሽመጥ ዙሪያን ጨምሮ በመካከለኛው ምስራቅ ሰላምና መረጋጋትን ለመደገፍ አልሞ የተዘጋጀ መሆኑም ተነግሯል።

የጃፓን መንግስት ይህ የባህር ወሽመጥ በኢነርጂ ደህንነት ረገድ ለጃፓንም ሆነ ለዓለም አቀፉ ማህበረሰብ “እጅግ ከፍተኛ አስፈላጊነት” ያለው መሆኑን ገልጿል።

በዚህም መሰረት የመን በተባበሩት መንግስታት ድርጅት የዓለም የምግብ ፕሮግራም ፣ በዓለም አቀፉ የሬድ ክሮስ ኮሚቴ እና በዓለም አቀፉ የስደተኞች ድርጅት በኩል 8 ሚሊዮን ዶላር የምታገኝ ሲሆን፣ ጅቡቲ ደግሞ በተመድ የስደተኞች ኤጀንሲ በኩል 2 ሚሊዮን ዶላር ይደርሳታል ተብሏል ።

በሚኪያስ ጸሐዬ
#ዳጉ_ጆርናል

የፖለቲካ አለመረጋጋትን ተከተሎ ሄይቲ ምርጫዋን አራዘመች

​የምርጫ ኮሚሽኑ የዕጩዎች ምዝገባ ጊዜን እስከ ጥቅምት 21 ቀን ድረስ ያራዘመ ሲሆን የተሻሻለ የብሔራዊ ምርጫ መርሃ ግብር በማዘጋጀት ላይ ይገኛል።

በሄይቲ ቀጣይነት ያለው የፖለቲካ አለመረጋጋት በመከሰቱ ምክኒያት ሀገሪቱ ልታካሂደው ያቀደችውን ምርጫ ማራዘሟን አስታውቃለች።የሀገሪቱ የምርጫ ኮሚሽን የተሻሻለ ብሔራዊ የምርጫ መርሃ ግብር በማዘጋጀት ላይ እንደሚገኝ ተገልጿል።

ጊዜያዊ የምርጫ ኮሚሽኑ ሰኞ ዕለት ባወጣው መግለጫ ከፖለቲካ ተዋንያን ጋር ከተደረጉ ውይይቶች በኋላ በሚኒስትሮች ምክር ቤት ሰኔ 2 ቀን 2026 የወጣውን የምርጫ አዋጅ ለማሻሻል ጥቅምት 5 ቀን 2026 የፀደቀውን ድንጋጌ በማስመልከት፣ የተወሰኑ የምርጫ ሂደት መርሃ ግብሮች እንዲቀየሩ ተደርጓል ብሏል።

ኮሚሽኑ አክሎም የምርጫ ቅስቀሳው ጊዜ የታገደ መሆኑን ገልጾ ከተፈቀደላቸው የፖለቲካ አካላት ጋር የተሻሻለ የምርጫ ማዕቀፍን አዘጋጅቶ ሲያጠናቅቅ አዳዲስ ቀናትን ይፋ እንደሚያደርግ አስታውቋል።የፖለቲካ ፓርቲዎችን ለማስተናገድ ሲባል ኮሚሽኑ የዕጩዎች የኦንላይን ምዝገባዎች እንዲቀጥሉ አሳስቧል።

ፕሬዝዳንትን ፣ የምክር ቤት፣ የክፍለ ሀገር እና የከተማ አስተዳደር አባላትን ለመምረጥ ታስቦ የነበረው ጠቅላላ ምርጫ ታህሳስ 13 ይካሄዳል ተብሎ ታቅዶ ነበር። ሀገሪቱ ከ2016 ጀምሮ ምንም አይነት ጠቅላላ ምርጫ ስላላካሄደች በህዝብ የተመረጡ ብሔራዊ ባለስልጣናት የሏትም።

እ.ኤ.አ. ሀምሌ 2021 የፕሬዝዳንት ጆቨኔል ሞይስ መገደልን እና የህግ መውጫ ዘመናት መጠናቀቅን ተከተሎ ሄይቲ ወደ ከፋ የፖለቲካ ቀውስ ውስጥ ገብታለች። ​በአሁኑ ወቅት ይህችን የካሪቢያን ሀገር እ.ኤ.አ. በ2024 የተዋቀረ ጊዜያዊ የፖለቲካ ስርዓት እየመራት ይገኛል። የቀድሞው ጠቅላይ ሚኒስትር አሬል ሄንሪ በታጣቂዎች ጫና ስልጣናቸውን ከለቀቁ በኋላ የተዋቀረው ጊዜያዊ የፕሬዝዳንት ምክር ቤት፣ በሹመት ወደ ስልጣን በመጡት ጠቅላይ ሚኒስትር አሊክስ ዲዲየር ፊልስ-አይሜ ከሚመራውና በአዋጅ ከሚያስተዳድረው የካቢኔ አካል ጋር በመሆን ሀገሪቱን እያስተዳደሩ ይገኛሉ።

​
ስላማዊ ነጋሲ
#ዳጉ_ጆርናል Photo

የየካ አባዶ ምዕመናን እንኳን ደስ አላችሁ‼️

ከመስከረም 28- ጥቅምት 1 የትም አይኬድም🔴

ለየካ አባዶ ምዕመናን አገልግሎት ከሚሰጡ አብያተ ክርስቲያናት መካከል
የደብረ ልዕልና ቅድስት አርሴማ ቤተክርስቲያን አንዷ ናት።ይህች ቤተ ክርስቲያን ከፍተኛ ውጣ ውረድ ያሳለፈችና በተለያዩ ምክንያቶች 3ት ጊዜ ፈርሳ የተሰራች ቆራጥ በሆኑ የአካባቢው ምዕመናን ከታላቅ እስከ ታናሽ በእንባ፣ ጸሎት በአንድነትና በልዩ ተጋድሎ የጸናች የአካባቢው ልዩ መገለጫ ስትሆን ለምዕመኑን ከምትሰጠው የበረከት አገልግሎት ጎን ለጎን ልዩ የማስተሳሰሪያ ገመድ ሆና እያገለገለች ትገኛለች።

የየካ አባዶ ደ/ልዕልና ቅድስት አርሴማ ከምስረታዋ አንስቶ በብዙ ተዓማራት እና ጸሎትን በመስማት የምትታወቅ ቤተክርስቲያን ናት። ልዩ ልዩ ውስጣዊ እና ውጫዊ ደዌዎችን(የካንሰር፣ የኩላሊት፣ የአንጀት፣ የአጽም፣ የቆዳ፣ የደም ግፊት፣ የስኳር እና መሰል ህመሞች) እንዲሁም የሚጥል በሽታዎችበመፈወስ የሚታወቅ ሲሆን ለዚህም ከህመማቸውና ከደዌአቸው የተፈወሱ ልዩ ልዩ እርዳታዋን ያገኙ በርካታ ምዕመናን በየጊዜው ምስክርነታቸውን ሰጥተዋል። ጸበሏን በመጠጣት እምነቷን በመቀባት በሚገባ እምነትና ሕይወት የተመላለሱባት ብዙ ችግራቸው ተወግዷል፤ ልጅ ያጡ አግኝተውበታል፤ ሥራ ያጡ ሥራ ይዘውበታል፤ ሠላም ያጡ ሠላማቸው ተመልሶላቸዋል፤ በእምነት የጠየቀ የሚገባውንበየሚመለስለት ልዩ የበረከት አደባባይ ናት።

ይህች ቤተ ክርስቲያን ታዲያ ለዚህ ሁሉ የማኅበረሰብ ክፍል ይህንን ዘርፈ ብዙ አገልግሎት የምትሰጠው ሦስት ጊዜ ፈርሶ በተሰራው የቆርቆሮ መቃኞ የነበረ ሲሆን ይህም፡-

1ኛ. የከበረ ታቦተ ሕጉ ያረፈበት ቤተ መቅደስ ለእግዚአብሔር ክብር ይሁን ለአገልግሎት አመቺ ባለመሆኑ

2ኛ. የአካባቢው ምዕመናን የሚገባ ቤተ ክርስቲያን ይሰራለትና አገልግሎቱ ተደራሽ ይሆንለት ዘንድ ለብዙ ጊዜ የሚጠይቅና ለዚህም ሳያቋርጥ የሚተጋ ስለነበር

3ኛ. የአካባቢው ምዕመን ቁጥር በየጊዜው እየጨመረ በመሆኑና ለዚሁ ምዕመን አገልግሎት ለመስጠት እጅግ ፈታኝ በመሆኑ ሕንጻ ቤተ ክርስቲያኑን መገንባት አስፈላጊ ሆኖ ተገኝቷል
በአምላክችን በመድኃኒታችን በኢየሱስ ክርስቶስ አምላካዊ ፈቃድ፣ በሰማዕቷ ቅድስት አርሴማ ረድኤት በአዲስ አበባ ሀገረ ስብከት እና በለሚ ኩራ ክ/ከተማ ወረዳ ቤተ ክህነት ፈቃድ

1ኛ. የቤተ ክርስቲያኗን የይዞታ ካርታ በሚመለከተው የመንግሥት አካል ሕጋዊ በማድረግና ሕጋዊ ካርታ በመያዝ

2ኛ. ከሚመለከተው የመንግሥት አካል የግንባታ ፈቃድ በማውጣት

3ኛ. በሀገረ ስብከቱ አሰራር መሠረት ሁሉንም ሕጋዊ ሁኔታዎችን በማሟላት

4ኛ. የተለያየ የሙያ ስብጥር ያለው ብቁ የሕንጻ አሰሪ ኮሚቴ በሚመለከተው ሕጋዊ አካል በማዋቀር

5ኛ. ደረጃውንና ሕጋዊነቱን የጠበቀ የኮንትራክተር እና የአማካሪ ድርጅት እንዲሁም ሁሉንም የምህንድስና ሞያዎች ያካተተ የቴክኒክ ኮሚቴ በማዋቀር

6ኛ. ሥርዓተ ቤተ ክርስቲያንንና የቦታ አቀማመጡን ያማከለሁለት ቤተ መቅደስ (ቤዝመንት ጨምሮ) ያለው የሕንጻ ቤተክርስቲያን ዲዛይን ለመስራት በሚመለከተው የቤተ ክርስቲያኗ አካል በማጸደቅ ወደ ሕንጻ ግንባታው ሥራ ተገብቷል

የየካ አባዶ ደ/ልዕልና ቅድስት አርሴማ ቤተ ክርስቲያን ሰበካመንፈሳዊ ጉባኤና የሕንጻ አሰሪ ኮሚቴው አስፈላጊ ቅድመ ሁኔታዎችን በማሟላት የዛሬ አንድ ዓመት ከ3 ወር የቤተክርስቲያኗን ቁፋሮ፣ የፓድ መሙላትና ማዋቀር እንዲሁም እንዲሁም ኮለን ማቆም ሥራ የጀመረ ሲሆን የአካባቢው ምዕመናን፣ ማኅበረ ካህናት፣ በሃገር ውስጥም ውጭም ሃገርም ያሉ የሰማዕቷ ወዳጆች እና የሚዲያ ባለሞያዎች ባደረጉት ከፍተኛ ርብርብ እና እጅግ ቆራጥነት የታየበት ልዩ ድጋፍበአንድ ዓመት ከሦስት ወር ጊዜ ውስጥ ተዓምራዊ በሆነ መልኩ

1ኛ. የታችኛው ቤተ መቅደስ (Basement)፡- የውጨኛው የድንጋይጥርብ ጌጥ ሥራና የበር ሥራ ጨምሮ ሙሉ በሙሉ ያለቀናለአንዳንድ አገልግሎቶች ዝግጁ ለማድረግ የቻክ እና የመብራትገጠማ ሥራ ብቻ የቀረው

2ኛ. የላይኛው ቤተ መቅደስ፡- (ዋናው) ሥራ structure” ሥራአልቆ የካንች ሥራ እየተገባደደ ሲሆን የጣራ ቆርቆሮለማልበስም የቆርቆሮ ማምረት (በፋብሪካ) ሥራ እየተሰራ ነው

3ኛ. የብሎኬት ሥራ የተገባደደ ሲሆን የውጩ የጥርብ ድንጋይጌጥ ሥራም በግማሽ አልቋል
4ኛ. አካባቢውን የማጽዳትና እና የቤተልሔም ሥራንምለመጀመር ቅድመ ሁኔታዎችን የጨረሰን በመሆኑ ይህ ጋዜጣዊመግለጫ ለሦስት ምክንያቶች አስፈልጓል።

1ኛ. በዚህ ደረጃ ለተሠራው ሥራ እግዚአብሔርን አምላካችንንእና ሰማዕቷ ቅድስት አርሴማን እንዲሁም በከፍተኛመሰዋዕትነት ሥራውን ከዚህ ላደረሱት ለአካባቢው ምዕመናን፣ ማኅበር ካህናት፣ የሰማዕቷ ወዳጆችና የሚዲያ ባለሞያች ምስጋናለማቅረብ፣ የሥራውን ውጤት ያለበትን ደረጃ መግለጽ የሚገባበመሆኑ

2ኛ. በዋናነት በጥቅምት 01/2019 ዓ.ም እሁድ ዕለት (ከ05 ቀናትበኋላ) ብፁአን ሊቃነ ጳጳሳት፣ የሚመለከታቸው የቤተ ክርስቲያንየአዲስ አበባ ሀገረ ስብከትና ወረዳ ቤተ ክህነት ኃላፊዎች፣ የቤተክህነት አስተዳዳሪዎች፣ ጥሪ የተደረገላቸው አካላት፣ ሙሉየአካባቢው ምዕመን፣ በርካርታ የሚዲያ አካላት እና የሰማዕቷወዳጆች በሚገኙበት የጉልላት መስቀል መርሐ ግብር የተዘጋጀበመሆኑ ሁሉም የሰማዕቷ ወዳጆች፣ የሚዲያ አካላት እና አጋርአካላት ከጠዋቱ 1 ሰዓት ጀምሮ በየካ አባዶ ደ/ልዕልና ቅድስትአርሴማ ቤተ ክርስቲያን በመገኘት አብራችሁ በመሆን የበረከቱእና የደስታችን ተከፋዮች እንዲሆኑ ጥሪ ለማስተላለፍ ነው

3ኛ. ቤተ ክርስቲያናችንን በአጭር ጊዜ አጠናቀን ለአገልግሎትምቹ ለማድረግና ለማሳወቅ በብዙ እንግልትና ፈተና ውስጥላለው ምዕመንም ለማስረከብ የሚከተሉትን ቀሪ ሥራዎች
1. የቤተልሔም ሥራ
2. የማርብል ሥራ
3. የቻክ ሥራ
4. የስዕል ሥራ
5. የቤተ መቅደስ በሮች
6. የዶም መስኮቶች ሥራ
7. የመብራት ሥራ
8. የሳውንድ ሲስተም ሥራ
9. ምንጣፍ እና የመሳሰሉት
እነዚህን ሥራዎች ሁሉም የሰማዕቷ ወዳጆች በተለመደውትብብርና ዕርብርብ አስተዋጽኦ እንድታደርጉልንበእግዚአብሔር ስም ለመጠየቅ ነው
በሀገር ውስጥም ሆነ ውጭ ያላችሁ ምዕመናን
1ኛ. በዕለቱ የጉልላት መስቀል መርሐ ግብር በጋራ በመስቀልበአካልና በተለያዩ የሚዲያ አውታሮች የበረከቱ ተሰታፊእንድትሆኑ
2ኛ በአካል መምጣት የምትችሉ የሰማዕቷ ወዳጆች በአካልበመምጣት የሥራውን ሁኔታ እንድታዩ የቦታውን በረከትንእንድትሳተፉ በማለት መንፈሳዊ ጥሪያችንን እናስተላልፋለን

የደብሩ ሕንጻ አሰሪ ኮሚቴ ከሰበካ ጉባኤ ጋርበመተባበር

አዲስ አበባ ኢትዮጵያ

የዓዲግራት ከተማ ነዋሪዎች የኤርትራ (ሻዕቢያ) ጦር ሠራዊት ወደ ከተማቸው እንደገባ አሳወቁ።

የኤርትራ ጦር በኢትዮጵያ ምድር፣ ትግራይ ክልል ወደ ምትገኘው የዓዲግራት ከተማ መግባቱን ነዋሪዎች ለጀርመን ድምጽ ሬድዮ ተናግረዋል።

ነዋሪዎቹ ፥ ወታደሮቹ ወደ መቐለ መስመር / አቅጣጫ ሲያመሩ እንደተመለከቱ ገልጸዋል።

በመቐለ ከተማ የሚገኙ የመረጃ ምንጭ የኤርትራ ወታደሮች " በበርካታ ከባድ ተሽከርካሪዎች ተጭነው ወደ ደቡብ አቅጣጫ " እየተጓዙ መሆናቸውን በዓዲግራት ከሚገኙ ነዋሪዎች መስማታቸውን ለሬድዮ ጣቢያው ተናግረዋል።

ከኢትዮጵያ እና ኤርትራ ድንበር በ40 ኪሎ ሜትር ገደማ ርቀት ላይ በምትገኘው ዓዲግራት የኤርትራ ወታደሮች እንደገቡ በተመሳሳይ የፈረንሳይ ዜና አገልግሎት (AFP) ዘግቧል።

ወታደሮቹ ከዓዲግራት በደቡባዊ አቅጣጫ ወደ መቐለ መስመር በመጓዝ ላይ እንደሚገኙ የዜና ወኪሉ የመረጃ ምንጮቹን ዋቢ አድርጎ ዘግቧል።

በተመሳሳይ አልአረቢያ የዜና ወኪል የኤርትራ ወታደሮች መግባታቸውን ይፋ አድርጓል።

ቲክቫህ ኢትዮጵያ ያነጋገራቸው ነዋሪዎች ደግሞ ከዛላኣንበሳ እስከ የጉሎመኸዳ ወረዳ ዋና መቀመጫ የሆነችው የፋፂ ከተማ የሻዕብያ ወታደሮች ማየታቸውን አመልክተዋል።

ነዋሪዎቹ በፋፂ ከተማ በሚገኘው የመንግስት ኮሌጅ ማረፍያ እንዳላቸው፤ ከፋፂ ወደ ዓዲግራት በሚወስደው ፊያ ቐሺ የተባለ ከፍታ ያለው (በባለፈው የትግራዩ ጦርነት ጊዜ ምሽግ ሰርተው ከትግራይ ኃይል ጋር ሲዋጉበት ነበር) ኮረብታ ምሽግ መስራታቸው ፤ ከዛላኣንበሳ እስከ ምሽግ የሰሩበት ቦታ በፓትሮል ቅኝት እንደሚያደርጉ ተናግረዋል።

ከቀናት በፊት የፌዴራል መንግሥት ባለስልጣን የሆኑት አብርሃም በላይ (ዶ/ር) በቅርብ ዳግም ባገረሸው ጦርነት የሻዕቢያ ጦር እንደተሳተፈ አሳውቀው ነበር።

የአፋር ክልላዊ መንግሥትም ለቲክቫህ ኢትዮጵያ ሰጥቶ በነበረው ቃል በጦርነት የተሳተፉ የሻዕቢያ ጦር አባላት በቁጥጥር ስር መዋላቸውን ማሳወቁ አይዘነጋም።

በሌል በኩል ፥ የኢትዮጵያ ሀገር መከላከያ ሰራዊት እና የትግራይ የሰላም ኃይል ከመቐለ በስተሰሜን የምትገኘውን አጉላዕ የተባለች አነስተኛ ከተማ መቆጣጠራቸውን ነዋሪዎች ለጀርመን ድምጽ ሬድዮ ተናግረዋል።

ዛሬ ረቡዕ መስከረም 27 ቀን 2019 ዓ/ም ማለዳ ላይ በከተማዋ ዙሪያ ከፍተኛ ውጊያ እንደነበረ የገለጹት ነዋሪዎች የትግራይ ኃይል (ህወሓት ኃይል) ከተማዋን ለቅቆ ወደ ዉቅሮ አቅጣጫ ማምራቱን ገልጸዋል።

ባለፈው መስከረም 23 ቀን 2019 ዓ/ም የመቐለ ከተማን የተቆጣጠሩት የመንግስት ኃይሎች ከመቐለ በስተደቡብ ምዕራብ በተንቤን መስመር በምትገኘው ሀገረ ሰላም የተባለች አነስተኛ ከተማ መድረሳቸው ነዋሪዎች ተናግረዋል።

ፎቶ ፦ ፋይል
መስከረም 27 ቀን 2019 ዓ/ም

@tikvahethiopia " እጁን እያስገባ የማያርፍ አካል ካለ ምላሹ ምን እንደሆነ በጣም ግልጽ ነው " - አብርሃም በላይ (ዶ/ር) 👉 " ... ሻዕቢያ ሰሞኑን በጦርነት በአካል ተሳትፏል ፤ መልሱ እጥፍ ሆኖ እንደሚመለስ ምንም ጥያቄ የለውም ! " ዳግም ጦርነት ካገረሸ በኋላ የፌዴራል መንግሥት ስላለው አጠቃላይ ሁኔታ ለመጀመሪያ ጊዜ አስተያየቱን ሰጠ። የፌዴራል መንግሥትን ወክለው አስተያየት የሰጡት አብርሃም በላይ (ዶ/ር)…

“ እወዳቹሀለው ❤️፣ አርጀንቲናዊ በመሆኔ ኩራት ይሰማኛል “

የመጨረሻ ጨዋታውን ለሀገሩ ያደረገው ሊዮኔል ሜሲ አንድ ጎል እና ሁለት ለግብ የሚሆኑ ኳሶችን አመቻችቶ አቀብሎ ፍፃሜውን በጎሎች አጅቦ አጠናቋል።

ሜሲ ሙሉ ዘጠና ደቂቃዎችን በተጫወተበት የመጨረሻ መርሐ ግብሩ አርጀንቲና 3ለ0 ቤኒን በቦነስ አይረስ አሸንፋለች።

የ 8️⃣ጊዜ የቦሎን ዶር አሸናፊው ሊዮኔል ሜሲ ጨዋታው 1️⃣0️⃣ኛው ደቂቃ ሲቋረጥ ደጋፊዎች ለኮከባቸው ሊዮኔል ሜሲ ምስጋና እና አክብሮታቸውን አቅርበዋል።

መርሐ ግብሩ ለአለማችን የእግር ኳስ ኮከቡ ሊዮኔል ሜሲ የመጨረሻ የብሔራዊ ቡድን ጨዋታው ነበር።

ሜሲ በስንብት መልዕክቱ “ ለሀያ አመታት ለዚህ ማልያ ያለኝን ሳልሰስት ሰጥቻለሁ ፣ ከዚህ በኃላ አለመኖሬን ማሰብ ያስከፋኛል “ ብሏል።

“
ውሳኔው የኔ ቢሆን ሁሌም እዚህ መሆንን እፈልግ ነበር ፣ ምክንያቱም ለአርጀንቲና መጫወት ከሁሉም የተሻለው ቆንጆ ነገር ነው “
ሊዮኔል ሜሲ

በብሔራዊ ቡድን ባሳለፈው ጊዜ ደስተኛ መሆኑን የገለፀው ሜሲ “ አለም ዋንጫ ፣ ኮፓ አሜሪካ እና ፊናሌሲማ ዋንጫዎችን አሸንፈናል “ ሲል ተደምጧል።

ሜሲ ይህን ስኬት ሲያሳኩ አብረውት የነበሩ የቡድን አጋሮችን “ አመሰግናለሁ “ ሲል “ ህልሜን እንዳሳካ እና የአለም ሻምፒዮን እንድሆን አግዘውኛል “ ብሏል።

“ ሁላችሁም ትናፍቁኛላችሁ ፣ ሁሌም ከጎናችሁ ነኝ ፣ ሁሌም አርጀንቲናን ከጎናችሁ ሆኜ እደግፋለሁ “
ሊዮኔል ሜሲ

የአለም ሻምፒዮኑ ሊዮኔል ሜሲ በመጨረሻ ንግግሩም “ እወዳቹሀለው አርጀንቲናዊ በመሆኔ ኩራት ይሰማኛል ፣ ለሁሉም ነገር አመሰግናለሁ “ ብሏል።

@tikvahethsport kidusyoftahe “ ጊዜው ደርሷል ፤ በሰላም እሄዳለሁ ” ሜሲ የስምንት ጊዜ ባሎን ዶር አሸናፊው ሊዮኔል ሜሲ የአርጀንቲና ብሔራዊ ቡድን ስንብት መልዕክቱን አስተላልፏል። “ አሁን ጊዜው ደርሷል ” ያለው ሜሲ “ በሰላም እሰናበታለሁ ያለኝን ሁሉ ሰጥቻለሁ " ሲል ተናግሯል። አክሎም “ የብሔራዊ ቡድኑ ማልያ ለአመታት ህልሜ እና ክብሬ ነው “ ሲል ተደምጧል። “ በጣም ስለወደዳችሁኝ አመሰግናለሁ ለሰጣችሁኝ ደጋፍ…

ከ1986 በኋላ ለመጀመሪያ ጊዜ በኳታር 2022 የዓለም ዋንጫ ክብርን ሲያመጡ፣ ከዚሁ በፊትና በኋላ ተከታታይ የኮፓ አሜሪካ ድሎችን ሲያጣጥሙ፣ እና በዚህኛው የክረምት የ2026 ዓለም ዋንጫ እስከ ፍጻሜ ሲጓዙ... አርጀንቲና ለአንድ ትውልድ ርቋት የነበረውን ስኬት በሜሲ መሪነት አግኝታለች።

በወንዶች የዓለም ዋንጫ ታሪክ ከሜሲ (34 ጨዋታዎች) በላይ የተጫወተ ማንም የለም። በስድስት የዓለም ዋንጫዎች ላይ በመሳተፍም ክብረወሰን ይጋራል። ከሁሉ በላይ ግን የእሱ ትሩፋት ከኳታሩ 2022 እና ከሰሜን አሜሪካው 2026 ዓለም ዋንጫዎች ጋር በጥብቅ የተቆራኘ ነው። በዓለም ዋንጫ ታሪክ 33 ግቦች ላይ ቀጥተኛ ተሳትፎ በማድረግ ሪከርድ የያዘ ሲሆን፣ ከነዚህ ውስጥ 22ቱ የመጡት በ2022 እና 2026 ውድድሮች ላይ ነው።

በዘንድሮው ዓለም ዋንጫ በኦስትሪያ ላይ ያስቆጠራቸውን ሁለት ግቦች ተከትሎ አጠቃላይ የዓለም ዋንጫ ግቦቹን 18 በማድረስ፣ የጀርመኑን ሚሮስላቭ ክሎዜን ሪከርድ ሰብሮ ነበር (ምንም እንኳን በመጨረሻ በ21 ግቦች ውድድሩን ቢያጠናቅቅም፣ ኪሊያን ምባፔ በ22 ግቦች በልጦታል)። ይሁን እንጂ ሜሲ በዘጠኝ ተከታታይ የዓለም ዋንጫ ጨዋታዎች ላይ ግብ በማስቆጠር (ከኳታር 2022 ጀምሮ እስከ 2026) ሌላ አዲስ ታሪክ ጽፏል። በሦስት የወንዶች የዓለም ዋንጫ ፍጻሜዎች (2014፣ 2022 እና 2026) በቋሚነት በመሰለፍም የመጀመሪያው ተጫዋች ሆኗል (ካፉ በሦስት ፍጻሜዎች በመጫወት ብቸኛው ሌላ ተጫዋች ነው)።

ከሁሉም በላይ ግን የኳታር 2022ቱ ድል ትርጉሙ የላቀ ነበር። በ2021 የኮፓ አሜሪካን ዋንጫ ቢያነሳም፣ "ፔሌ እና ማራዶና የዓለም ዋንጫ አላቸው" እያሉ ለሚያብጠለጥሉት ተቺዎቹ፣ ኳታር ላይ አርጀንቲናን አነቃቅቶ ዋንጫውን በማንሳት የመጨረሻውን የክብር ካባ ደረበ። ያ የመጨረሻው ምሽግ ነበር። የ2026ቱ የፍጻሜ ሽንፈት ቢያስከፋም፣ የኳታሩ ድል ግን የሜሲን ትሩፋት ጥይት የማይበሳው አድርጎታል።

የስካሎኒን አበርክቶ ማሳነስ አይቻልም። ከእሱ በፊት የነበሩ በርካታ አሰልጣኞች፣ ምናልባትም በግለሰብ ደረጃ የተሻለ ክህሎት ያላቸውን ተጫዋቾች ይዘው፣ ሜሲን እያሰለፉ ዓለም አቀፍ ዋንጫዎችን ማምጣት ተስኗቸው ነበርና።

የዛሬው ጨዋታ አርጀንቲና ወደ አዲስ ዘመን መሸጋገሯን የሚያበስር ነው። ያለ ሜሲ ጥበብ፣ ያለ እሱ አስማት፣ አርጀንቲና ምን ልትሆን ትችላለች? የሚለው የጥርጣሬ ደመና አጥልቶባታል። አንበላቸው፣ ኮከባቸው፣ የመጨረሻ ጨዋታው ድረስ የቡድኑ ምርጥ ተጫዋች ሆኖ ቆይቷል። ታዲያ ያለ እሱ የፈጠራ ብልሃትና ወሳኝነት ቡድኑ እንዴት ይላመዳል? ወይስ ያዳበሩት የጋራ የስራ ባህል እና ህብረት ያስቀጥላቸው ይሆን?

ጊዜ የሚመልሰው ይሆናል። ለጊዜው ግን፣ አርጀንቲናውያን በሜሲ ያገኙትን ክብር በልዩ ድምቀት የሚያከብሩበት ወቅት ላይ ናቸው። ምክንያቱም፣ ይህን የመሰለ ድንቅ ጊዜ ዳግም ስለመምጣቱ ምንም ዋስትና የለም። አርጀንቲና ከዚህ ቀደም በማራዶና የመጀመሪያውን የእጣ ማውጣት (Lottery) አሸንፋ ነበር፤ በሜሲ ደግሞ ሁለተኛውን ወርቅ ዘገነች። ሶስተኛውን ወርቅ ለማግኘት፣ በእርግጠኝነት ረዥም ጊዜ መጠበቅ ሊኖርባቸው ይችላል። እንደ እድል ሆኖ ግን፣ ሊዮኔል ሜሲ ለዘመናት የማይጠወልግ፣ እድሜ ልክ የሚዘከር የማይሞት ትዝታን አውርሷቸዋል።

እንኳን ለዚህ ክብር በቃህ... ስንብት ለአረንጓዴው ሜዳ ንጉስ!

(ዘ-ሐበሻ ዜና) በተባበሩት መንግሥታት ድርጅት የኤርትራ አምባሳደር ሶፊያ ተስፋማርያም፣ ዓለም አቀፉ ማኅበረሰብ ለዘመናት በኢትዮጵያ ላይ ሲከተለው የቆየውን ፖለቲካዊ አካሄድ እና "የስትራቴጂካዊ መቻቻል" ፖሊሲን በጽኑ የሚተች ሰፋ ያለ ትንታኔ አውጥተዋል። አምባሳደሯ በትንታኔያቸው ዓለም አቀፉ ማኅበረሰብ "የኢትዮጵያን ችግር እንዴት እንፍታው?" የሚል የተሳሳተ ጥያቄ ከማንሳት ይልቅ፣ ለተከታታይ የኢትዮጵያ መንግሥታት ሲሰጥ የነበረውን ያለገደብ የፖለቲካ እና የደህንነት ድጋፍ ሊመረምር ይገባል ብለዋል። ዋናው ችግር የኢትዮጵያ ሕዝብ ሳይሆን፣ መንግሥታት የሀገሪቱን ጂኦ-ፖለቲካዊ አቀማመጥ በመጠቀም ከተጠያቂነት የሚያመልጡበት የውጭ ኃይሎች የድጋፍ ስልት መሆኑን አስረድተዋል።

ከቀዝቃዛው ጦርነት ጊዜ ጀምሮ እስከ አሁን ያለው የብልጽግና ፓርቲ መንግሥት ድረስ፣ ተከታታይ የኢትዮጵያ መሪዎች ሀገሪቱ ያላትን ስትራቴጂካዊ አስፈላጊነት በመጠቀም የውጭ ፖለቲካዊ፣ ወታደራዊ እና የገንዘብ ድጋፍን ማግኘት መቻላቸውን ትንታኔው ያብራራል። ይህ የውጭ ኃይሎች ስትራቴጂካዊ ትብብርም ለመንግሥታቱ እንደ ፖለቲካዊ ጋሻ በማገልገል፣ የሰብዓዊ መብት ጥሰቶች እና የውስጥ ጭቆናዎች ተጠያቂነት እንዳይኖራቸው ማድረጉን አምባሳደሯ ተችተዋል። በዚህም ሳቢያ ተራው ዜጋ ከፍተኛ የሆነ ሰብዓዊ እና ኢኮኖሚያዊ ዋጋ እየከፈለ እንደሚገኝ አክለዋል።

በተጨማሪም ከቅርብ ጊዜ ወዲህ ጎልቶ የመጣውን የቀይ ባህር እና የባህር በር ጉዳይ በተመለከተ፣ አምባሳደር ሶፊያ የኢትዮጵያ ፍላጎት በድርድር፣ በንግድ ስምምነቶች እና በጋራ ተጠቃሚነት ላይ በተመሰረተ ቀጠናዊ ትስስር ሊፈታ እንደሚችል አመላክተዋል። ዓለም አቀፍ ሕግ ወደብ አልባ መሆንን የሌላን ሉዓላዊ አገር ግዛት ወይም የባህር ሃብት የመጠየቅ መብት አድርጎ እንደማይቀይረው በማስገንዘብ፣ የጂኦግራፊያዊ አቀማመጥ እጥረትን ለመፍታት ትብብር እንጂ አዲስ የሉዓላዊነት መብት መፍጠር መፍትሄ አይሆንም ሲሉ ሞግተዋል።

አምባሳደሯ "የኢትዮ-ኤርትራ ቀውስ" እየተባለ የሚራገበው ትርክት፣ የኢትዮጵያን ውስጣዊ የፖለቲካ መከፋፈል እና የትጥቅ ግጭቶች ለመሸፈን በፖለቲካ ልሂቃን እና በግጭት ነጋዴዎች ሆን ተብሎ የተፈበረከ መሆኑን አስታውቀዋል። ኤርትራ ለሚሰነዘሩ ትንኮሳዎች እና አነቃቂ ንግግሮች አጸፋዊ ምላሽ አለመስጠቷን እንደ መባባስ መቆጠር እንደሌለበት እና ይህ እራስን የመግታት እርምጃ ለቀጠናው መረጋጋት ትልቅ አስተዋጽኦ እንዳለው አብራርተዋል። የኢትዮጵያን የውስጥ ችግሮች ውጫዊ በማድረግ ወደ ኤርትራ ማላከክ መፍትሄ እንደማያመጣ ጠቁመዋል።

አምባሳደር ሶፊያ ጽሁፋቸውን ሲቋጩም... ዓለም አቀፉ ማኅበረሰብ የኢትዮጵያን ሕዝብ መደገፍ ቢኖርበትም፣ ለመንግሥት ግን ያለገደብ ነጻ ፈቃድ (መስጠቱን ሊያቆም ይገባል ሲሉ አሳስበዋል። የውጭ አጋሮች ፖለቲካዊ መቻቻልን ከማስቀደም ይልቅ ተጠያቂነትን፣ የዓለም አቀፍ ሕግጋት መከበርን እና የጎረቤት አገራትን ሉዓላዊነት የሚያስከብር ጠንካራ የዲፕሎማሲ አካሄድ ሊከተሉ እንደሚገባ ጥሪ አቅርበዋል።

#update

የአዲስ ዌስት ኃይል ማከፋፈያ ጣቢያን ወደ አገልግሎት ለመመለስ አማራጭ የመፍትሔ እርምጃዎች በትይዩ እየተከናወኑ መሆኑ የኢትዮጵያ ኤሌክትሪክ ሃይል ለቲክቫህ ኢትዮጵያ ገልጿል።

• የተበላሸውን ትራንስፎርመር በሌላ ለመተካት የሚያስችል ተለዋጭ ትራንስፎርመር ከአርባ ምንጭ የማጓጓዝ ሥራ ከተጀመረ ሁለት ቀናት መቆጠሩንም ተገልጿል።

በቴክኒክ ብልሽት ምክንያት አገልግሎት መስጠት ያቆመውን የአዲስ ዌስት ኃይል ማከፋፈያ ጣቢያ ትራንስፎርመር ወደ ሥራ ለመመለስ የሚያስችሉ ሁለት አማራጭ ሥራዎች በትይዩ (ፓራላል) እየተከናወኑ መሆኑን የኢትዮጵያ ኤሌክትሪክ ኃይል ለቲክቫህ ኢትዮጵያ ገልጿል።  

እንደ ተቋሙ መረጃ የተበላሸውን ትራንስፎርመር በሌላ ለመተካት የሚያስችል ተለዋጭ ትራንስፎርመር ከአርባ ምንጭ የማጓጓዝ ሥራ ከተጀመረ ሁለት ቀናት ተቆጥረዋል።

ተለዋጭ ትራንስፎርመሩ ተፈቶ በሎውቤድና በሦስት አይሱዙ ተሽከርካሪዎች የተጫነ ሲሆን፣ ሎውቤዱ በቀን በአማካይ ከ50 እስከ 70 ኪሎ ሜትር በከፍተኛ ጥንቃቄ እየተጓዘ ይገኛል ተብሏል።  

የማጓጓዝ ሥራው በሰላም እንዲጠናቀቅና በትራንስፎርመሩ ጉዞ ወቅት የሚገኙ የኃይል ማስተላለፊያ መስመሮችና ድልድዮች እንቅፋት እንዳይፈጥሩ የቅየሳ ባለሙያዎች አስቀድመው ከፊት በመንቀሳቀስ መንገዶችን ምቹ የማድረግ ሥራ እያከናወኑ መሆናቸው ተመላክቷል።

በሌላ በኩል፣ የተበላሸውን ነባር ትራንስፎርመር በአዲስ አበባ ገላን ወርክሾፕ ማዕከል የመጠገን ሥራ በትይዩ እየተከናወነ ይገኛል ነው የተባለው።

የኢትዮጵያ ኤሌክትሪክ ኃይል የኮምዩኒኬሽን ዳይሬክተር ሞገስ መኮንን "የጥገናው ሥራ ወይም ከአርባ ምንጭ እየተጓጓዘ ያለው ተለዋጭ ትራንስፎርመር ከሁለቱ ቀድሞ የደረሰውና የተጠናቀቀው አማራጭ አስቸኳይ ኃይል ለመስጠት ተግባራዊ ይደረጋል" ብለውናል።  

ከአርባ ምንጭ የሚጓጓዘው ተለዋጭ ትራንስፎርመር በተወሰኑ የቴክኒክ ስፔሲፊኬሽን ልዩነቶች ምክንያት መጠነኛ የሲቪል ሥራዎችን ሊጠይቅ እንደሚችል ጠቁመዋል።  

ሥራው ሙሉ በሙሉ የሚጠናቀቅበትን ትክክለኛ ቀን ወስኖ ማስቀመጥ አስቸጋሪ የሚያደርገው የቴክኒክ ሥራው ውስብስብነት መሆኑ የተገለጸ ሲሆን፣ በጉዞው ወቅት የሚያጋጥሙ ሁኔታዎችና የቴክኒክ ሂደቶች የሚወስዱት ጊዜ ሊለያይ እንደሚችል አቶ ሞገስ መኮንን ተናግረዋል።

የኢትዮጵያ ኤሌክትሪክ አገልግሎት በበኩሉ በመጓጓዝ ላይ ያለው ተለዋጭ ትራንስፎርመር በቦታው ደርሶ በኃይል ማከፋፈያ ጣቢያው ላይ ያጋጠመው የቴክኒክ ብልሽት ሲፈታ አገልግሎቱ ሙሉ በሙሉ የሚመለስ መሆኑን የገለጸ ሲሆን፣ እስከዚያው ድረስ ደንበኞች በትዕግሥት እንዲጠብቁ ጠይቋል።

በአዲስ አበባ ከላይ በምስሉ የተያየዙ በርካታ አካባቢዎች ላይ የሚኖሩ ነዋሪዎች ላለፉት 15 ቀናት በኤሌክትሪክ ኃይል እጦት ችግር እንደሆነባቸው ይገኛል።

ቲክቫህ ኢትዮጵያ
አዲስ አበባ
መስከረም 26 ቀን 2019 ዓ/ም

@tikvahethiopia Photo

🎈 በየወሩ 1 ፐርሰንት በመክፈል ብቻ የሱቅ ባለቤት ይሁኑ!!!

💫 የአዲስ አመት ስጦታ ከቴምር ፕሮፐርቲስ!!

✅ገበያ በሚደራባቸው…
       ⚫️ሳርቤት
       ⚫️ቡልጋሪያ እና 
       ⚫️ገላን

✅በተመጣጣኝ ዋጋ በእውነተኛ ቅናሽ እና
ከወለድ ነጻ አከፋፈል፤ ስርአቱ የሚታወቀው
ቴምር ፕሮፐርቲስ

🔔 በ2019 ተጨማሪ ብስራት ይዞ ብቅ ብሏል!

🌟 ነጋዴው በአንድ ጊዜ ክፍያ ወረቱን ሳያጣ የሱቅ ባለቤት የሚሆንበትን እድል!!
ሱቅዎን ከነገበያው ለመውሰድ የሚጠበቅብዎት

✅25 በመቶ ቅድመ ክፍያ
✅ለ24 ወራት በየወሩ የሱቁን ዋጋ 1 በመቶ ብቻ መክፈል ነው!
✅ቀሪውን ክፍያ በ4 የግንባታ ምዕራፎች ሳይጨናነቁ ይከፍላሉ!

✅ቴምር የህልምዎን ማረፊያ በአዲስ አበባ አራቱም አቅጣጫ እየገነባ ነው!

☑️ የእርስዎ ትልቁ ህልም ቋሚ አድራሻ ስለሚያስፈልገው ምርጫዎን ብቻ ይንገሩን!
በፈለጉት አካባቢና ካሬ ንግድ ሳይጀምሩ የሚያተርፉባቸው ሱቆች አሉን!

☎️ለበለጠ መረጃ 09-88-34-49-12  ይደውሉልን

በጫካ የሚገኙ ወገኖች የትግልና የመከፋፈል አካሄድን በመተው ወደ ሰላማዊ መንገድ እንዲመለሱ ጥሪ ቀረበ

ኢትዮጵያን ትልቅ ብቻ ሳይሆን ታላቅ የማድረግ ታሪካዊ ዕድል ከፊቷ ተዘርግቶ እንደሚገኝ ጠቅላይ ሚኒስትር አብይ አሕመድ(ዶ/ር) ገለጹ። ሀገራዊ ሕብረብሔራዊ አንድነትን፣ ሰላምን እና የልማት ምዕራፍን እውን ለማድረግ ትልቅ አጋጣሚ የተፈጠረ ሲሆን፣ የኢትዮጵያን አዲስ ትንታኔና ሉዓላዊነት የመገንባት ታሪካዊ ኃላፊነት በዜጎች እጅ ላይ እንደሚገኝ ተመላክቷል።

ይህን ተከትሎም በጫካ የሚገኙ ኢትዮጵያውያን ወገኖች የትግልና የመከፋፈል አካሄድን በመተው ወደ ሰላማዊው መንገድ እንዲመለሱ ጥሪ ቀርቧል። እንዲሁም ያኮረፉ ወገኖች የይቅርታ መንፈስ ተላብሰው በሀገር ግንባታ ሂደት ውስጥ በንቃት እንዲሳተፉ ተጠይቋል። ተፎካካሪ ፓርቲዎች በብሔራዊ ጥቅም ላይ በጋራ በመቆም፣ በአማራጭ ሀሳቦች ብቻ እንዲፎካከሩ አጽንኦት ተሰጥቷል።

በተጨማሪም የዛሬ ወጣቶች ካለፈው ስህተት በመማር፣ ከአቤቱታ ትግል ራቅ ብለው በዕውቀት፣ በክህሎትና በሥነ ምግባር ታንጸው አዲስ ኢትዮጵያን ለመውረስ ዝግጁ እንዲሆኑ ተመላክቷል።

የሀገር አባቶችና እናቶች ለነገዋ ኢትዮጵያ ታላቅነት እንዲጸልዩ፣ ታሪካቸውን እንዲያወርሱ እና ትውልዱን እንዲገነቡ ጥሪ ቀርቧል።

ትናንት ያለፈ ቢሆንም፣ ነገ ገና አለመድረሱን እና የዛሬው ቀን ለሀገር እድገትና ለተፈለገው አቅጣጫ ምቹ አጋጣሚን የፈጠረ መሆኑ ተገልጿል። ዛሬን በትጋትና በሰላም ከሰራንበት ነገን ማስተካከልና የፈለግነው ዓይነት የሀገር መንገድ መቅረጽ እንደሚቻል ተረጋግጧል።

Seledadotio
Seledadotio

የቅርጽ፣ የቀለም እና የማኅበራዊ ትርክት ውህደት፡ የአርቲስት ሉልስገድ ረታ የምስል ጥበብ ፍልስፍና
#ethiopia | በኢትዮጵያ ዘመናዊ የምስል ጥበብ (Ethiopian Visual Art) መድረክ ላይ ቀለሞችና ቅርጾች ተራ የውበት መግለጫ ብቻ ከመሆን አልፈው የሰውን ውስጣዊ ስሜት፣ ማንነትና ማኅበራዊ ሕይወት መተረኪያ መሣሪያ ሲሆኑ ይታያሉ። በዚህ የፈጠራ ምህዳር ውስጥ አርቲስት ሉዑልስገድ ረታ (Leulsged Retta) የሚያቀርባቸው የሥዕል ሥራዎች በቀለም ህብረ-ዜማ፣ በሰው ምስል ቅርጻ ቅርጽ እና በጠንካራ ማህበራዊ ይዘታቸው ተመልካቹን ወደ አዲስ የእይታና የህሊና ምልከታ የሚያስገቡ ናቸው።

የሰው ፊት እና የጂኦሜትሪያዊ ቅርጾች ውህደት

የአርቲስት ሉዑልስገድ ረታ የጥበብ ሥራዎች ዋነኛ ማዕከል የሰው ፊትና የሰው ልጅ ማንነት ነው። አርቲስቱ የሰው ፊትን በተፈጥሯዊ ምሳሌያዊነት (Realistic Style) ብቻ ከመሳል ይልቅ በጂኦሜትሪያዊ ቅርጾች፣ በተቆራረጡ የቀለም ክፍሎችና በጠንካራ መዋቅራዊ መስመሮች ከፋፍሎ ያቀርበዋል።

ይህ አቀራረብ ተመልካቹ ሥዕሉን እያየ አልፎ እንዲሄድ ሳይሆን፣ “በእነዚህ ፊቶች ጀርባ ያለው ታሪክ ምንድን ነው? የፊቶቹ እይታ ምን ዓይነት ማህበራዊና ስሜታዊ እውነትን ይናገራል?” ብሎ እንዲጠይቅ ያደርጋል።

በፊቶቹ ላይ የሚታዩት የተቆራረጡና የተያያዙ ቅርጾች የሰውን ልጅ ውስብስብ ማንነት፣ የባህሪይ ልዩነትና የሕይወት ውጣ ውረድን የሚያመላክቱ የእይታ ምልክቶች ናቸው።

የጠንካራ ቀለሞች ኃይልና የቀለም ንፅፅር (Color Dynamics)

በሉዑልስገድ ረታ ሥራዎች ውስጥ ቀለም እንዲሁ የሚቀባ ሳይሆን የራሱ ድምፅና መልእክት ያለው የቋንቋ አካል ነው። በጥቁር፣ በቀይ፣ በሰማያዊ፣ በቢጫ፣ በነጭ እና በብርቱካናማ ቀለሞች መካከል የሚፈጠረው ከፍተኛ ንፅፅር (High Contrast) ለሥራዎቹ ከፍተኛ የእይታ ኃይልና ሕያውነት ይሰጣቸዋል።

የቀለም ተምሳሌትነት፡
ጥቁርና ጠንካራ መስመሮች መዋቅራዊ ጥንካሬን ሲሰጡ፣ ሞቃት ቀለሞች (ቀይ፣ ቢጫ፣ ብርቱካናማ) የሕይወትን ጉልበትና ውስጣዊ ስሜትን ያንፀባርቃሉ።

የተደራረቡ ቀለሞች (Layering):
በሥዕሎቹ ላይ የሚታየው የቀለም መደራረብ ለሥራው ጥልቀት (Depth) በመስጠት ተመልካቹ በተለያየ የርቀት ደረጃ የተለዩ ምስሎችንና ትርጉሞችን እንዲያስተውል ያመቻቻል።

ከግለሰብ ፊት ወደ ማኅበራዊ ትርክት

የአርቲስቱ ጥበብ በአንድ ግለሰብ ምስል ወይም ፊት ላይ ብቻ የሚወሰን አይደለም። በሸራው ላይ የሚደረደሩት በርካታ ፊቶች፣ ጎን ለጎንና ተደራርበው የሚታዩት የሰው ምስሎች ሰውን እንደ ማህበራዊ ፍጡር (Social Being) ያቀርባሉ።

በሥዕሎቹ የሚንጸባረቁት የፊቶች ስብስብ የማህበረሰብን የጋራ ትውስታ፣ ተስፋ፣ ጭንቀትና ትስስር ያሳያሉ።

አርቲስቱ ተመልካቹን ከሥዕሉ ጋር በቃላት ያልተደገፈ ነገር ግን በስሜትና በህሊና የሚደረግ የውስጥ ውይይት (Silent Dialogue) እንዲጀምር ይጋብዛል።

በኢትዮጵያ ዘመናዊ ጥበብ ውስጥ ያለው ድርሻ

የኢትዮጵያ ሥነ-ጥበብ ታሪክ ከቤተ-ክርስቲያን ሥዕላትና ከባህላዊ የብራና ቅደሶች ተነስቶ ዛሬ ላይ የራሱ ዘመናዊ መልክና ዓለም አቀፋዊ ይዘት ይዟል። በዚህ የዕድገት ሂደት ውስጥ የሉዑልስገድ ረታ አቀራረብ፡

የኢትዮጵያን ባህላዊና ማህበራዊ እሴቶች ከዘመናዊ ረቂቅና ቅርጻዊ የሥዕል ስልቶች (Abstract / Figurative Expression) ጋር አዋህዶ ያቀርባል።

ባህላዊ የፊት ቅርጾችንና የቀለም አመራረጥን በዘመናዊ የምስል ጥበብ ውበት (Modern Visual Aesthetics) በማሸጋገር የራሱን መለያ አሻራ ያሳያል።

የአርቲስት ሉዑልስገድ ረታ “The Art of Leulsged Retta” በሚለው ማዕቀፍ ሥር የሚቀርቡት ሥራዎች በጠቅላላው ሲቃኙ፣ ሥዕል ከቀለም ድብልቅነት በላይ የሰው ልጅን ማንነት፣ ማህበራዊ ህልውና እና ውስጣዊ ስሜት መግለጫ መሆኑን ይመስክራሉ።

ቀለሞች ሲናገሩ፣ መስመሮች ሲጠይቁ እና ፊቶች ታሪክ ሲተርኩ የሚፈጠረው ይህ የእይታ ጥበብ፣ በኢትዮጵያ ዘመናዊ የምስል ጥበብ ዕድገት ውስጥ የራሱን ጠንካራ ድምፅና አሻራ የሚያሳርፍ የፈጠራ ጉዞ ነው።

Getu Temesgen - (ጌጡ ተመስገን)

🚨 Update 🔥 ከቴምር ፕሮፐርቲስ

በ1.8 ሚሊዮን ብር ስንሸጥ የነበረው የንግድ ሱቅ ተሸጦ በማለቁ ለተከፋችሁ ደንበኞች አዲስ ዜና አለን::

ከ 2 ሚሊዮን ብር ጀምሮ ያሉት የንግድ ሱቆች ሽያጭ በፍጥነት እየተከናወነ ነው::

በ25% ቅድመ ክፍያ ብቻ በየወሩ 1% እየከፈላቹ የንግድ ሱቆች ባለቤት መሆን ትችላላቹ::

በተጨማሪም በተመሳሳይ የአከፋፈል ሁኔታ
☕️ ለካፌ
🍽 ለሬስቶራንት
🛒 ለሱፐር ማርኬት
🏋️‍♂️ ለጂም

እና ለመሳሰሉት የሚሆኑ ሰፋፊ የካሬ አማራጮችም አሉን።
100% ለከፈለ 30% በነፃ ነው

በተጨማሪም ለአፓርታማ በእነዚህ የክፍያ አማራጮች ቅድመ ክፍያ በመክፈል መግዛት ይቻላል:

📍መገናኛ ሳይት

100% ለከፈለ 35% በነፃ ነው
40/60 አከፋፈል አመቻችተናል

    ቀሪ ክፍያ
👉 ያለ ምንም ዋጋ ጭማሪ
👉 ከወለድ ነፃ አከፍፈል
👉 በግንባታ ሂደት የሚከፈል

ስለ ሱቆቹም ሆነ ስለ መኖሪያ ቤቶች ሙሉ መረጃ ለማግኘት በ 0998878106 ይደውሉ።

እንዲሁም ከታች ያለውን ሊንክ በመንካት ቴምር ፕሮፐርቲስ ውስጥ ስላሉት አማራጮች ይመልከቱ

👇🏽👇🏽👇🏽
http://t.me/realtorbisrat_...

(ዘ-ሐበሻ ዜና) የኢራን እስላማዊ አብዮታዊ ዘብ ከፍተኛ አዛዥ አሊ ፋዳቪ ዋሽንግተን በቴህራን ላይ የየብስ ወረራ የምትከፍት ከሆነ፣ ኢራን በአካባቢው የሚገኙትን የዩናይትድ ስቴትስ የጦር ሰፈሮች እና መርከቦች በሙሉ ኢላማ እንደምታደርግ አስጠንቅቀዋል። አዛዡ በእሁድ ምሽት በብሔራዊ ቴሌቪዥን ቀርበው እንዳሉት፣ "አሜሪካውያን የሚገባቸው ቋንቋ የጦር መርከቦቻቸው እና ሰፈሮቻቸው በሚሳኤል ሲመቱ ብቻ ነው" ሲሉ ጠንካራ ዛቻ ሰንዝረዋል።

አሊ ፋዳቪ በመግለጫቸው፣ የኢራን የጦር መሳሪያ ምርት መጠን አሁን ላይ ጥቅም ላይ ከሚውለው በላይ መሆኑን ገልፀው፤ አገራቸው ካለፉት ሁለት ጦርነቶች አንፃር ወታደራዊ አቅሟን በከፍተኛ ደረጃ ማሳደጓን ተናግረዋል። በስትራቴጂካዊው የሆርሙዝ ባህረ ሰላጤ (ላይ ከኦማን ጋር በመሆን አዳዲስ የባህር ላይ ህጎችን እያወጡ እና እያስከበሩ መሆኑን ያነሱት አዛዡ፣ አሜሪካ በአካባቢው የምታሰማራቸው ማናቸውም መርከቦች ለጥቃት 100 በመቶ ተጋላጭ ናቸው ብለዋል።

አክልውም ኢራን እስካሁን በማንኛውም የእስልምና ሀገር ላይ ጥቃት አለመክፈቷን እና ኢላማዋ በእነዚህ ሀገራት ውስጥ የሚገኙት የአሜሪካ የጦር ሰፈሮች ላይ ብቻ መሆኑን አስረድተዋል።

ይህ የኢራን ከፍተኛ ዛቻ የተሰማው የዩናይትድ ስቴትስ ጦር ግዙፍ የጦር መርከቦችን፣ የአየር እና የሚሳኤል መከላከያ ስርአቶችን ወደ መካከለኛው ምስራቅ በከፍተኛ ሁኔታ በማንቀሳቀስ ወታደራዊ ስምሪቱን እያጠናከረ ባለበት በአሁኑ ወቅት ነው። የሁለቱ ሀገራት የቃላት ጦርነት እና ወታደራዊ ፍጥጫ፣ መላውን ቀጠና ወደ ከፋ አጠቃላይ ጦርነት ሊያስገባው ይችላል የሚለው ስጋት በከፍተኛ ደረጃ አሻቅቧል።





(ዘ-ሐበሻ ዜና) የኢራን እስላማዊ አብዮታዊ ዘብ ከፍተኛ አዛዥ አሊ ፋዳቪ ዋሽንግተን በቴህራን ላይ የየብስ ወረራ የምትከፍት ከሆነ፣ ኢራን በአካባቢው የሚገኙትን የዩናይትድ ስቴትስ የጦር ሰፈሮች እና መርከቦች በሙሉ ኢላማ እንደምታደርግ አስጠንቅቀዋል። አዛዡ በእሁድ ምሽት በብሔራዊ ቴሌቪዥን ቀርበው እንዳሉት፣ "አሜሪካውያን የሚገባቸው ቋንቋ የጦር መርከቦቻቸው እና ሰፈሮቻቸው በሚሳኤል ሲመቱ ብቻ ነው" ሲሉ ጠንካራ ዛቻ ሰንዝረዋል።

አሊ ፋዳቪ በመግለጫቸው፣ የኢራን የጦር መሳሪያ ምርት መጠን አሁን ላይ ጥቅም ላይ ከሚውለው በላይ መሆኑን ገልፀው፤ አገራቸው ካለፉት ሁለት ጦርነቶች አንፃር ወታደራዊ አቅሟን በከፍተኛ ደረጃ ማሳደጓን ተናግረዋል። በስትራቴጂካዊው የሆርሙዝ ባህረ ሰላጤ (ላይ ከኦማን ጋር በመሆን አዳዲስ የባህር ላይ ህጎችን እያወጡ እና እያስከበሩ መሆኑን ያነሱት አዛዡ፣ አሜሪካ በአካባቢው የምታሰማራቸው ማናቸውም መርከቦች ለጥቃት 100 በመቶ ተጋላጭ ናቸው ብለዋል።

አክልውም ኢራን እስካሁን በማንኛውም የእስልምና ሀገር ላይ ጥቃት አለመክፈቷን እና ኢላማዋ በእነዚህ ሀገራት ውስጥ የሚገኙት የአሜሪካ የጦር ሰፈሮች ላይ ብቻ መሆኑን አስረድተዋል።

ይህ የኢራን ከፍተኛ ዛቻ የተሰማው የዩናይትድ ስቴትስ ጦር ግዙፍ የጦር መርከቦችን፣ የአየር እና የሚሳኤል መከላከያ ስርአቶችን ወደ መካከለኛው ምስራቅ በከፍተኛ ሁኔታ በማንቀሳቀስ ወታደራዊ ስምሪቱን እያጠናከረ ባለበት በአሁኑ ወቅት ነው። የሁለቱ ሀገራት የቃላት ጦርነት እና ወታደራዊ ፍጥጫ፣ መላውን ቀጠና ወደ ከፋ አጠቃላይ ጦርነት ሊያስገባው ይችላል የሚለው ስጋት በከፍተኛ ደረጃ አሻቅቧል።

የመንግሥት እና የግል የሕክምና ተቋማት የመረጃ ልውውጥ ሲስተም በሙከራ ደረጃ መጀመሩ ተገለጸ

የመንግሥት እና የግል የሕክምና ተቋማት የታካሚዎችን መረጃ በወጥነት እንዲለዋወጡ የሚያስችል "ሼርድ ኸልዝ ሪከርድ" የተባለ ዲጂታል ሲስተም በሙከራ ደረጃ መተግበሩን የጤና ሚኒስቴር አስታውቋል።

አዲሱ አሠራር በኢትዮጵያ የሕክምና ሥርዓቱን ለማዘመንና የጤና መረጃዎችን በተቀናጀ መልኩ ለመያዝ ያለመ ነው ተብሏል።

በጤና ሚኒስቴር የዲጂታል ጤና መሪ ሥራ አስፈጻሚ አቶ ገመቺስ መልካሙ ለአሐዱ ሬድዮ እንደገለጹት፣ ሲስተሙ ታካሚዎች በመንግሥት እና በግል ተቋማት ያላቸውን የሕክምና ታሪክ በቀላሉ ለመለዋወጥ ያስችላቸዋል።

የመረጃ ልውውጡን ለማሳለጥ ከፋይዳ ዲጂታል ጋር በመተባበር ልዩ የጤና ፋይዳ መታወቂያ በመዘጋጀት ላይ እንደሆነ ሥራ አስፈጻሚው ተናግረዋል።

አክለውም፤ "እስከአሁን አምስት ሺሕ የሚጠጉ መለያዎች በቋት ውስጥ ተካተዋል" ብለዋል።

አሠራሩ በፋይናንስ ተቋማት መካከል ያለውን የመረጃ ልውውጥ ሥርዓት ወደ ጤናው ዘርፍ የማምጣት እቅድ ስለመያዙ ተገልጻል።

በመሰረት ሙሉ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ