ኢትዮጵያን ይምረጡ | Vote

አትሌት ትዕግሥት አሰፋ በ2026 የዓለም አትሌቲክስ የዓመቱ የላቀ አትሌት ሽልማት እጩዎች ስብስብ ውስጥ ተካተተች
#ethiopia | ስመ-ገናናዋ የኢትዮጵያ የማራቶን አትሌት ትዕግሥት አሰፋ ለ2026 የዓለም አትሌቲክስ የዓመቱ ምርጥ አትሌት ክብር በዕጩነት መመረጧን የዓለም አትሌቲክስ በዛሬው ዕለት ባወጣው መግለጫ አስታውቋል።

አትሌቷ በ2026 የለንደን ማራቶን በሴቶች ብቻ ውድድር የዓለም ክብረወሰንን በ2 ሰዓት ከ15 ደቂቃ ከ41 ሴኮንድ በማሻሻል አንደኛ ወጥታለች።

በተጨማሪም በበርሊን ማራቶን የቦታውን ውድድር ለሦስተኛ ጊዜ በበላይነት ማጠናቀቋ የሚታወስ ሲሆን፣ ያስመዘገበችው የ2 ሰዓት ከ11 ደቂቃ ከ04 ሴኮንድ ሰዓት በሴቶች ማራቶን ታሪክ ሦስተኛው ፈጣን ሰዓት ሆኖ ተመዝግቧል።

በ2023 የዓለም አትሌቲክስ ከስታዲየም ውጭ የዓመቱ ምርጥ አትሌት ተብላ የተሸለመችው አትሌት ትዕግሥት አሰፋ፣ በያዝነው ዓመት በማራቶን ያሳየችው የላቀ ብቃት አሁንም ለታላቁ ሽልማት በዕጩነት እንድትቀርብ አድርጓታል።

አሸናፊውን ለመለየት የሚረዳው የደጋፊዎች የድምፅ አሰጣጥ ስነ-ስርዓት ከመስከረም 26 እስከ ጥቅምት 7 ቀን 2019 ዓ.ም ድረስ የሚካሄድ ሲሆን፣ የስፖርቱ አፍቃሪያንና የኢትዮጵያ አትሌቲክስ ቤተሰቦች ድምፅ በመስጠት ድጋፋቸውን እንዲሰጡ ጥሪ ቀርቧል።

ድምፅዎን ለትዕግሥት አሰፋ ለመስጠት ከታች ያለውን ሊንክ ይጠቀሙ።

Who has your vote?
👉 https://bit.ly/4y66IHT
#tigistassefa #worldathletics #marathon #ethiopianathletics #athletics #getutemesgen #getu #ጌጡ #ጌጡተመስገን #addisababa

በፌርፎርድ ጦር ሰፈር ላይ ጥቃት ለማድረስ አቅዶ የነበረ የ22 ዓመት እንግሊዛዊ በዩኬ ፖሊስ በቁጥጥር ስር ዋለ

​የእንግሊዝ ፖሊስ ማክሰኞ ዕለት እንደገለጸው፤ አሜሪካ በኢራን ላይ ጥቃት ለመሰንዘር በሚያገለግለው የራፍ ፌርፎርድ የአየር ኃይል ጦር ሰፈር አካባቢ የታሰበውን የሽብር ጥቃት ዝግጅት ተሳትፎበታል በሚል ጥርጣሬ አንድ የ22 ዓመት እንግሊዛዊ በለንደን በቁጥጥር ስር ውሏል።

​የብሪታንያ ፖሊስ እንዳስታወቀው፣ ግለሰቡ በለንደን የተያዘው አሜሪካ፣ በኢራን ላይ ጥቃት ለማድረስ የምትጠቀምበትን የራፍ ፌርፎርድ አየር ኃይል ጦር ሰፈርን ለማጥቃት የታቀደውን ሴራ በተመለከተ እየተካሄደ ባለው ምርመራ አካል እንደሆነ ተናግሯል።

​የፀረ-ሽብርተኝነት ፖሊስ ክፍሉ ግለሰቡ በዌስትሚኒስተር አካባቢ መያዙንና ፖሊሶች በዚያው አካባቢ የሚገኝን አንድ መኖሪያ ቤት መበርበራቸውን ገልጿል። ተጠርጣሪው በአሁኑ ወቅት በቁጥጥር ስር ይገኛል።

​የአሜሪካው ፕሬዚዳንት ዶናልድ ትራምፕ ከኢራን ጋር የተያያዘ ስጋት በመኖሩ ምክንያት አሜሪካ B-1 ቦምብ ጣይ ጄቶቿን ከጦር ሰፈሩ እንድታወጣ አድርጓል ካሉ በኋላ ይህ እስራት የአለም አቀፍ ትኩረትን የሳበው ምርመራ የቅርብ ጊዜ እርምጃ ነው።

ኢራን በተሰነዘረባት ክስ ላይ ምንም አይነት እጅ እንደሌላት አስተባብላለች። 

ሰላማዊ ነጋሲ
#ዳጉ_ጆርናል

አትሌት ትዕግስት አሰፋ የዓለም የዓመቱ ምርጥ ሴት አትሌት እጩ ሆነች

አትሌት ትዕግስት አሰፋ የ2026 የዓለም አትሌቲክስ የዓመቱ ምርጥ ሴት አትሌት እጩዎች ዝርዝር ውስጥ ተካተተች።

የዓለም አትሌቲክስ በሁለቱም ጾታዎች በተመሳሳይ 10 የዓለም ምርጥ አትሌት እጩዎችን ዛሬ ይፋ አድርጓል።

ከሴት እጩ አትሌቶች መካከል ኢትዮጵያዊቷ አትሌት ትዕግስት አሰፋ ትገኛለች።

አትሌት ትዕግስት ከዚህ ቀደም በእ.አ.አ በ2023 እና በ2025 የዓለም አትሌቲክስ የዓመቱ ምርጥ ሴት አትሌት እጩ እንደነበረች የሚታወስ ነው።

አትሌቷ በቅርቡ በተካሄደው የበርሊን ማራቶን በጉዳት ተፈትና 2 ሰዓት ከ11 ደቂቃ ከ04 ሰከንድ በማጠናቀቅ የዓለም ሶስተኛውን ፈጣን ሰዓት አስመዝግባለች ።

እንዲሁም በ2026 የለንደን ማራቶን በ2 ሰዓት ከ15 ደቂቃ ከ41 ሰከንድ በማጠናቀቅ የሴቶች ብቻ ማራቶን አዲስ የዓለም ክብረ ወሰን አስመዝግባለች።

የቼልሲ እና ቶተንሀም ታሪካዊ ተጨዋቾች ጨዋታ ያደርጋሉ !

የሁለቱ የለንደን ክለቦች ቼልሲ እና ቶተንሀም ታሪካዊ ተጨዋች የወዳጅነት ጨዋታ ሊያደርጉ መሆኑ ተገልጿል።

የወዳጅነት ጨዋታው የቼልሲ ፋውንዴሽን ለሚያደርገው የበጎ አድራጎት ስራ ገንዘብ ለመሰብሰብ እንደሚረዳ ተዘግቧል።

የቀድሞ ታሪካዊ የቼልሲ ተከላካይ ጆን ቴሪ በጨዋታው እንደሚሳተፍ ያሳወቀ የመጀመሪያ የቀድሞ ተጨዋች ሆኗል።

የወዳጅነት ጨዋታው መጋቢት 18/2019 ዓ.ም ይካሄዳል።

@tikvahethsport      kidusyoftahe

ሜሲ በባሎን ዶር ሽልማት ላይ ይገኛል ?

ፍራንስ ፉትቦል ሊዮኔል ሜሲ በባሎን ዶር ሽልማት ስነ ስርዓት ላይ እንዲገኝ እየሰራ መሆኑን አስታውቋል።

ሊዮኔል ሜሲ በሽልማት ስነስርዓቱ ላይ እንዲታደም በንግግር ላይ እንገኛለን ሲሉ የሽልማቱ አዘጋጆች አሳውቀዋል።

የስምንት ጊዜ የሽልማቱ አሸናፊ ሊዮኔል ሜሲ ከባሎን ዶር ሰላሳ እጩዎች መካከል አንዱ ነው።

የዘንድሮው የ ባሎን ዶር ሽልማት ስነ ስርዓት ጥቅምት 16/2019 ዓ.ም ለንደን ከተማ ይካሄዳል።

@tikvahethsport      kidusyoftahe

🎟️ ትኬት አልቋል! — TICKETS ARE SOLD OUT! 🎉

ክቡራትና ክቡራን፣ የጥበብ አፍቃሪያን፣

በሀገር ቤት እንደተለመደው በተመልካች ዘንድ ተወዳጅነትን ያተረፈው የለንደን (London) ሾው ትኬቶች በሙሉ ተሽጠዋል። 🙏❤️

በዚህም ምክንያት ቲያትሩን በድጋሚ በለንደን ለማቅረብ ሀሳብ ስላለን፣ ፍላጎት ያላችሁ በተጠባባቂ ዝርዝር (Waiting List) በመመዝገብ የተጨማሪ ትዕይንት ዕድል ሲኖር እንድትሳተፉ እንገልጻለን።

📍 ቀጣይ የቲያትር መድረኮች

🎭 Leeds — October 4
🎭 Glasgow — October 10
🎭 Birmingham — October 17

👉 በቀጣይ በሚካሄዱት መድረኮች ላይ ለመታደም ከፈለጋችሁ፣ ትኬታችሁን ቀድማችሁ በመቁረጥ ተዘጋጁ! 🎟️🔥

ከእናንተ ላለው የማያቋርጥ ፍቅርና ድጋፍ እጅግ እናመሰግናለን! ❤️

ኖር ኢንተርቴይንመንት (Nor Entertainment)

📞 ለበለጠ መረጃ፦
07827864359
07585 131830







🎟️ ትኬት አልቋል! — TICKETS ARE SOLD OUT! 🎉

ክቡራትና ክቡራን፣ የጥበብ አፍቃሪያን፣

በሀገር ቤት እንደተለመደው በተመልካች ዘንድ ተወዳጅነትን ያተረፈው የለንደን (London) ሾው ትኬቶች በሙሉ ተሽጠዋል። 🙏❤️

በዚህም ምክንያት ቲያትሩን በድጋሚ በለንደን ለማቅረብ ሀሳብ ስላለን፣ ፍላጎት ያላችሁ በተጠባባቂ ዝርዝር (Waiting List) በመመዝገብ የተጨማሪ ትዕይንት ዕድል ሲኖር እንድትሳተፉ እንገልጻለን።

📍 ቀጣይ የቲያትር መድረኮች

🎭 Leeds — October 4
🎭 Glasgow — October 10
🎭 Birmingham — October 17

👉 በቀጣይ በሚካሄዱት መድረኮች ላይ ለመታደም ከፈለጋችሁ፣ ትኬታችሁን ቀድማችሁ በመቁረጥ ተዘጋጁ! 🎟️🔥

ከእናንተ ላለው የማያቋርጥ ፍቅርና ድጋፍ እጅግ እናመሰግናለን! ❤️

ኖር ኢንተርቴይንመንት (Nor Entertainment)

📞 ለበለጠ መረጃ፦
07827864359
07585 131830

(ዘ-ሐበሻ ስፖርት) አርሰናል ከሶስት ሳምንታት የእረፍት ጊዜ በኋላ ወደ ፕሪሚየር ሊጉ ሲመለስ ኦክቶበር 10 ቀን ከሊድስ ዩናይትድ ጋር ለሚያደርገው ጨዋታ የበርካታ ቁልፍ ተጫዋቾችን የጉዳት ሁኔታ በቅርበት እየተከታተለ ይገኛል። የክለቡ የቅርብ ጊዜ የጉዳት ዜናዎች እና ተጫዋቾቹ ወደ ሜዳ የሚመለሱበት ጊዜ እንደሚከተለው ቀርቧል፦

ክሪስቶስ ቶሊስ፡
ለግሪክ ብሔራዊ ቡድን ከኔዘርላንድስ ጋር ባደረገው ጨዋታ ላይ በ18ኛው ደቂቃ የቋንጃ (Hamstring) ጉዳት አስተናግዶ ከሜዳ ወጥቷል። ለተጨማሪ ምርመራ ወደ አርሰናል አምርቶ የተገመገመ ሲሆን፣ ወደ ሜዳ የሚመለስበት ጊዜ እስካሁን አልታወቀም።

ካይ ሀቨርትዝ፡
በጀርመን ብሔራዊ ቡድን ከኔዘርላንድስ ጋር ሲጫወት ከኩዊንተን ቲምበር ጋር በተፈጠረ ግጭት የጡንቻ መወጠር (Muscle strain) አጋጥሞታል። ከቡድኑ ስብስብ ወጥቶ ወደ ለንደን የተመለሰ ሲሆን፣ የሚመለስበት ቀን ለጊዜው አልተረጋገጠም።

ማርቲን ኦዴጋርድ፡
ኖርዌይ ከፖርቹጋል ጋር ስትጫወት ከበርናርዶ ሲልቫ በደረሰበት አስቀያሚ ጥፋት ጉዳት ቢያስተናግድም፣ ከዌልስ ጋር በተደረገው ቀጣይ ጨዋታ ሙሉ 90 ደቂቃ ተጫውቷል። በኦክቶበር 10 ከሊድስ ጋር በሚደረገው ጨዋታ ላይ ይሰለፋል ተብሎ ይጠበቃል።

ዴክላን ራይስ፡
በእንግሊዝ ብሔራዊ ቡድን ስብስብ ውስጥ ያልተካተተ ሲሆን፣ ባለፉት 12 ወራት ሲያሰቃየው ለነበረው የቋንጃ ነርቭ ህመም እረፍት ተሰጥቶታል። ከሊድስ ጋር ለሚደረገው ጨዋታ ሙሉ ለሙሉ ዝግጁ ይሆናል።

ቤን ኋይት፡
በመስከረም 12ቱ የሰንደርላንድ ጨዋታ የብሽሽት (Groin) ጉዳት አጋጥሞት የቆየ ሲሆን፣ ከብራይተን ጋር የነበረው ጨዋታ አምልጦታል። ከብሔራዊ ቡድን እረፍት በኋላ ሙሉ ለሙሉ አገግሞ በኦክቶበር 10 ይመለሳል።

ኤዝሪ ኮንሳ፡
ከስፔን ጋር ሙሉ ጨዋታ ካደረገ በኋላ ከዋናው የእንግሊዝ ቡድን ጋር ልምምድ አቋርጦ በግል ሲሰራ የነበረ ቢሆንም፣ በፕራግ በተደረገው ጨዋታ በቋሚ ተጠባባቂነት ተቀምጦ ነበር። ከሊድስ ጋር ለሚደረገው ጨዋታ ይደርሳል።

ፒዬሮ ሂንካፒ፡
በአካላዊ ብቃት እጥረት እና በጉዳት ምክንያት ከኢኳዶር ብሔራዊ ቡድን ስብስብ ውጪ ሆኗል። የሶስት ሳምንቱ እረፍት ለማገገም በቂ ጊዜ የሰጠው ሲሆን፣ በኦክቶበር 10 ወደ ሜዳ ይመለሳል ተብሎ ይጠበቃል።

ክርስቲያን ሞስኬራ፡
ከኦገስት 31 አንስቶ በጡንቻ ጉዳት አምስት ተከታታይ ጨዋታዎችን ያመለጠ ቢሆንም፣ ከብራይተን ጋር ለነበረው ጨዋታ ከቡድኑ ጋር አብሮ ተጉዞ ነበር። ከእረፍቱ በኋላ ለሊድስ ጨዋታ ዝግጁ ይሆናል።

ዊሊያም ሳሊባ፡
ከሀምሌ ወር ጀምሮ በከባድ የጀርባ ጉዳት ከሜዳ የራቀ ሲሆን፣ ቀዶ ጥገና ባያስፈልገውም የማገገሚያ ጊዜው የረዘመ ነው። አርሰናል ተጫዋቹን እስከ 2026 የክረምት ወራት (Winter 2026) ድረስ ወደ ሜዳ ይመልሰዋል ተብሎ አይጠበቅም።








(ዘ-ሐበሻ ስፖርት) አርሰናል ከሶስት ሳምንታት የእረፍት ጊዜ በኋላ ወደ ፕሪሚየር ሊጉ ሲመለስ ኦክቶበር 10 ቀን ከሊድስ ዩናይትድ ጋር ለሚያደርገው ጨዋታ የበርካታ ቁልፍ ተጫዋቾችን የጉዳት ሁኔታ በቅርበት እየተከታተለ ይገኛል። የክለቡ የቅርብ ጊዜ የጉዳት ዜናዎች እና ተጫዋቾቹ ወደ ሜዳ የሚመለሱበት ጊዜ እንደሚከተለው ቀርቧል፦

ክሪስቶስ ቶሊስ፡
ለግሪክ ብሔራዊ ቡድን ከኔዘርላንድስ ጋር ባደረገው ጨዋታ ላይ በ18ኛው ደቂቃ የቋንጃ (Hamstring) ጉዳት አስተናግዶ ከሜዳ ወጥቷል። ለተጨማሪ ምርመራ ወደ አርሰናል አምርቶ የተገመገመ ሲሆን፣ ወደ ሜዳ የሚመለስበት ጊዜ እስካሁን አልታወቀም።

ካይ ሀቨርትዝ፡
በጀርመን ብሔራዊ ቡድን ከኔዘርላንድስ ጋር ሲጫወት ከኩዊንተን ቲምበር ጋር በተፈጠረ ግጭት የጡንቻ መወጠር (Muscle strain) አጋጥሞታል። ከቡድኑ ስብስብ ወጥቶ ወደ ለንደን የተመለሰ ሲሆን፣ የሚመለስበት ቀን ለጊዜው አልተረጋገጠም።

ማርቲን ኦዴጋርድ፡
ኖርዌይ ከፖርቹጋል ጋር ስትጫወት ከበርናርዶ ሲልቫ በደረሰበት አስቀያሚ ጥፋት ጉዳት ቢያስተናግድም፣ ከዌልስ ጋር በተደረገው ቀጣይ ጨዋታ ሙሉ 90 ደቂቃ ተጫውቷል። በኦክቶበር 10 ከሊድስ ጋር በሚደረገው ጨዋታ ላይ ይሰለፋል ተብሎ ይጠበቃል።

ዴክላን ራይስ፡
በእንግሊዝ ብሔራዊ ቡድን ስብስብ ውስጥ ያልተካተተ ሲሆን፣ ባለፉት 12 ወራት ሲያሰቃየው ለነበረው የቋንጃ ነርቭ ህመም እረፍት ተሰጥቶታል። ከሊድስ ጋር ለሚደረገው ጨዋታ ሙሉ ለሙሉ ዝግጁ ይሆናል።

ቤን ኋይት፡
በመስከረም 12ቱ የሰንደርላንድ ጨዋታ የብሽሽት (Groin) ጉዳት አጋጥሞት የቆየ ሲሆን፣ ከብራይተን ጋር የነበረው ጨዋታ አምልጦታል። ከብሔራዊ ቡድን እረፍት በኋላ ሙሉ ለሙሉ አገግሞ በኦክቶበር 10 ይመለሳል።

ኤዝሪ ኮንሳ፡
ከስፔን ጋር ሙሉ ጨዋታ ካደረገ በኋላ ከዋናው የእንግሊዝ ቡድን ጋር ልምምድ አቋርጦ በግል ሲሰራ የነበረ ቢሆንም፣ በፕራግ በተደረገው ጨዋታ በቋሚ ተጠባባቂነት ተቀምጦ ነበር። ከሊድስ ጋር ለሚደረገው ጨዋታ ይደርሳል።

ፒዬሮ ሂንካፒ፡
በአካላዊ ብቃት እጥረት እና በጉዳት ምክንያት ከኢኳዶር ብሔራዊ ቡድን ስብስብ ውጪ ሆኗል። የሶስት ሳምንቱ እረፍት ለማገገም በቂ ጊዜ የሰጠው ሲሆን፣ በኦክቶበር 10 ወደ ሜዳ ይመለሳል ተብሎ ይጠበቃል።

ክርስቲያን ሞስኬራ፡
ከኦገስት 31 አንስቶ በጡንቻ ጉዳት አምስት ተከታታይ ጨዋታዎችን ያመለጠ ቢሆንም፣ ከብራይተን ጋር ለነበረው ጨዋታ ከቡድኑ ጋር አብሮ ተጉዞ ነበር። ከእረፍቱ በኋላ ለሊድስ ጨዋታ ዝግጁ ይሆናል።

ዊሊያም ሳሊባ፡
ከሀምሌ ወር ጀምሮ በከባድ የጀርባ ጉዳት ከሜዳ የራቀ ሲሆን፣ ቀዶ ጥገና ባያስፈልገውም የማገገሚያ ጊዜው የረዘመ ነው። አርሰናል ተጫዋቹን እስከ 2026 የክረምት ወራት (Winter 2026) ድረስ ወደ ሜዳ ይመልሰዋል ተብሎ አይጠበቅም።

ሴባስቲያን ሳዌ ተመልሷል!
#ethiopia | የTCS የለንደን ማራቶን በኤፕሪል 2027 በሁለት ቀናት ቅዳሜና እሁድ እንደሚካሄድ ተገልጿል።

ቅዳሜ ኤፕሪል 24 ላይ በሚካሄዱት የኤሊት ወንዶች እና የወንዶች የዊልቸር ውድድሮች፣የኤሊት ሴቶች እና የሴቶች የዊልቸር ውድድሮች ደግሞ እሁድ ኤፕሪል 25 ቀን ይካሄዳል።

ሴባስቲያን ሳዌ ተመልሷል!

በለንደን ማራቶን 1:59:30 በመግባትና ለሪከርድ ብቁ በሆነ ውድድር ከሁለት ሰዓት በታች የሮጠ የመጀመሪያው ወንድ በመሆን ታሪክ የሠራው ኬንያዊው ሳባስቲያን ሳዌ ለ2027ቱ TCS የለንደን ማራቶን (ኤፕሪል 24) ተሳታፊ እንደሚሆን ተረጋግጧል።

1:59:30 በማሴመዝገብ ታሪክ የሠራው ሰባስቲያን ሳዌ 1:58:00 በሠግባት አለምን በሙሉ ጉድ ያሠኝ ይሆን?ጊዜ ምላሹን ይሠጣል።

✍️✍️በጋዜጠኛ ይስሀቅ በላይ(ሀትሪክ ስፖርት ኦፊሺያል)

በማንቸስተር ዩናይትድ «ኦልድ ትራፎርድ» ስታዲየም ጸሎት ተደረገ
#ethiopia | በማንቸስተር ዩናይትድ «ኦልድ ትራፎርድ» ስታዲየም በናይጄሪያዊው ፓስተር ጄሪ ኢዜ በተመራው ታላቅ የጸሎት ጉባኤ ላይ በ75 ሺ የሚቆጠሩ ክርስቲያኖች መሳተፋቸው ተገለጸ።

«ስትሪምስ ኦፍ ጆይ ኢንተርናሽናል» በተሰኘው አገልግሎት የተዘጋጀው ይህ «NSPPD UK Prayer Conference» የተሰኘው ጉባኤ፤ ከመላው እንግሊዝ እና ከተለያዩ የዓለም ክፍሎች የተወጣጡ ክርስቲያኖችን ለአንድ ቀን የጸሎት፣ የምስጋና እና የአምልኮ ጊዜ አንድ ላይ አሰባስቧል።

በቅድሚያ ምዝገባ ይጠይቅ የነበረው ይህ መርሃ ግብር፣ እስከ 74 ሺህ ሰዎችን የመያዝ አቅም ያለውን ታሪካዊውን ስታዲየም ሙሉ በሙሉ በምእመናን አጥለቅልቋል።

በጉባኤው ላይ እንደ መርሲ ቺንዎ ፣ ደንሲን ኦየካን ፣ ሰንሚሶላ አግቤቢ እና ኬስትሪንግስ ያሉ የወንጌል ዘማሪዎች አምልኮን መርተዋል።

ፓስተር ጄሪ ኢዜ በየዕለቱ በኢንተርኔት አማካኝነት በሚሊዮኖች የሚቆጠሩ ሰዎችን የሚስበው «ኒው ሲዝን ፕሮፌቲክ ፕሬየርስ ኤንድ ዲክላሬሽንስ» (NSPPD) የተሰኘው ታዋቂ የጸሎት መድረክ መስራች ሲሆን፤ በናይጄሪያ፣ በእንግሊዝ፣ በአሜሪካ እና በካናዳ ቅርንጫፎች ያሉት «ስትሪምስ ኦፍ ጆይ» ቤተክርስቲያን መሪ ነው።

የዘንድሮው የማንቸስተር ጉባኤ ቀደም ሲል በለንደን ከተማ ከተካሄዱት ተመሳሳይ ታላላቅ የጸሎት መርሃ ግብሮች ቀጥሎ የተደረገ ሲሆን፣ያለፈውጰሁለት ዓመት በትዊከንሃም ስታዲየም በተካሄደው ጉባኤ ላይ ከ80 ሺህ በላይ ሰዎች መሳተፋቸው ይታወሳል።

የNSPPD ተከታዮች በየዕለቱ በሚደረጉት እነዚህ የጸሎት ፕሮግራሞች ላይ የተለዩ ተአምራት እና የፈውስ ምስክርነቶች እንደሚስተናገዱ ይናገራሉ።

ከመርሃ ግብሩ ፍጻሜ በኋላ ፓስተር ጄሪ ኢዜ በኢንስታግራም ገጹ ባሰፈረው ስሜታዊ መልእክት «ይህንን ሁሉ ያደረግኸው አንተ እንደሆንክ እኔና አንተ እናውቃለን፤ ልቤ በደስታ ተሞልቷል... እኔን ሁልጊዜ የምትረዳው ጌታ» ሲል የጸሎት ጉባኤው ስኬት ከአቅም በላይ እና በቃላት የማይገለጽ እንደነበር አስታውቋል።

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

አትሌት ቀነኒሳ በቀለ ከእሁዱ የበርሊን ማራቶን ውጭ ሆኗል

የበርሊን ማራቶን የሁለት ጊዜ አሸናፊ የሆነው ጀግናው አትሌት ቀነኒሳ በቀለ በጀርመን ዋና ከተማ ጎዳናዎች ላይ ዳግም ለመሮጥ ወስኗል የሚል ዘገባ ከስድስት ቀናት በፊት ማስነበባችን ይታወሳል።

ሶስት የኦሎምፒክ የወርቅ ሜዳሊያዎችን እና የ11 የአለም የክሮስ ካንትሪ (Cross Country) አሸናፊውና በአሁን ሠዓት 44ኛ ዓመት ዕድሜው ላይ የሚገኘው አትሌት ቀነኒሳ በቀለ የፊታችን እሁድ ከሚካሄደው 52ተኛው የበርሊን ማራቶን ውጪ መሆኑን ከውድድሩ አዘጋጆች የደረሠን መረጃ ይጠቁማል።

እ.ኤ.አ. በ2016 የበርሊን ማራቶንን በ2:03:03 እንዲሁም በ2019 በ2:01:41 በማሸነፍ ለዓለም ክብረ ወሰን እጅግ ተቀራራቢ ውጤት (ከክብረ ወሰኑ በሁለት ሰከንዶች ብቻ ልዩነት) በማሸነፍ በበርሊን ማራቶን የራሱ የደመቀ ታሪክ ያለው፣ እ.ኤ.አ. በ2024 ደግሞ በለንደን ማራቶን 2:04:15 በሆነ ጊዜ በመጨረስ ሁለተኛ ደረጃን ይዞ ያጠናቀቀው አትሌት ቀነኒሳ በቀለ በ2026 እንደገና ወደ በርሊን ጎዳናዎች ለአሸናፊነት ይሮጣል ቢባልም ቀነኒሳ በቀለ መጥፎ ዕድል እንዳጋጠመውና የፊታችን እሁድ በበርሊን ጎዳናዎች ለአሸናፊነት ሲሮጥ እንደማይታይ ነው የደረሠን መረጃ የሚጠቁመው።

ከውድድሩ አዘጋጆች እንደደረሠን መረጃ ከሆነ ኢትዮጵያዊው ቀነኒሳ በቀለ በጉዳት ምክንያት ከውድድር ውጪ ለመሆን መገደዱ ተረጋግጧል።

አትሌት ቀነኒሳ በቀለ ወደ በርሊን ከማቅናቱ በፊት ባደረገው የመጨረሻ ልምምድ ወቅት በግራ እግሩ የአኪሊስ ጅማት (Achilles tendon) ላይ ጉዳት እንደደረሠበትና የፊታችን እሁድም በጀርመን ዋና ከተማ በበርሊን ጎዳና ላይ ሲሮጥ የማይታይ መሆኑ ተረጋግጧል።

✍️በጋዜጠኛ ይስሀቅ በላይ(ሀትሪክ ስፖርት ኦፊሺያል)








አትሌት ቀነኒሳ በቀለ ከእሁዱ የበርሊን ማራቶን ውጭ ሆኗል

የበርሊን ማራቶን የሁለት ጊዜ አሸናፊ የሆነው ጀግናው አትሌት ቀነኒሳ በቀለ በጀርመን ዋና ከተማ ጎዳናዎች ላይ ዳግም ለመሮጥ ወስኗል የሚል ዘገባ ከስድስት ቀናት በፊት ማስነበባችን ይታወሳል።

ሶስት የኦሎምፒክ የወርቅ ሜዳሊያዎችን እና የ11 የአለም የክሮስ ካንትሪ (Cross Country) አሸናፊውና በአሁን ሠዓት 44ኛ ዓመት ዕድሜው ላይ የሚገኘው አትሌት ቀነኒሳ በቀለ የፊታችን እሁድ ከሚካሄደው 52ተኛው የበርሊን ማራቶን ውጪ መሆኑን ከውድድሩ አዘጋጆች የደረሠን መረጃ ይጠቁማል።

እ.ኤ.አ. በ2016 የበርሊን ማራቶንን በ2:03:03 እንዲሁም በ2019 በ2:01:41 በማሸነፍ ለዓለም ክብረ ወሰን እጅግ ተቀራራቢ ውጤት (ከክብረ ወሰኑ በሁለት ሰከንዶች ብቻ ልዩነት) በማሸነፍ በበርሊን ማራቶን የራሱ የደመቀ ታሪክ ያለው፣ እ.ኤ.አ. በ2024 ደግሞ በለንደን ማራቶን 2:04:15 በሆነ ጊዜ በመጨረስ ሁለተኛ ደረጃን ይዞ ያጠናቀቀው አትሌት ቀነኒሳ በቀለ በ2026 እንደገና ወደ በርሊን ጎዳናዎች ለአሸናፊነት ይሮጣል ቢባልም ቀነኒሳ በቀለ መጥፎ ዕድል እንዳጋጠመውና የፊታችን እሁድ በበርሊን ጎዳናዎች ለአሸናፊነት ሲሮጥ እንደማይታይ ነው የደረሠን መረጃ የሚጠቁመው።

ከውድድሩ አዘጋጆች እንደደረሠን መረጃ ከሆነ ኢትዮጵያዊው ቀነኒሳ በቀለ በጉዳት ምክንያት ከውድድር ውጪ ለመሆን መገደዱ ተረጋግጧል።

አትሌት ቀነኒሳ በቀለ ወደ በርሊን ከማቅናቱ በፊት ባደረገው የመጨረሻ ልምምድ ወቅት በግራ እግሩ የአኪሊስ ጅማት (Achilles tendon) ላይ ጉዳት እንደደረሠበትና የፊታችን እሁድም በጀርመን ዋና ከተማ በበርሊን ጎዳና ላይ ሲሮጥ የማይታይ መሆኑ ተረጋግጧል።

✍️በጋዜጠኛ ይስሀቅ በላይ(ሀትሪክ ስፖርት ኦፊሺያል)

(ዘ-ሐበሻ ሕይወት) ቴይሪ ሄነሪ የኒውዮርክ መኖሪያ ቤቱን በ25 ሚሊዮን ዶላር ለገበያ አቀረበ፡፡ የቀድሞው የፈረንሳይ ብሄራዊ ቡድንና የአርሰናል ክለብ ተጨዋች ቴይሪ ሄነሪ በኒውዮርክ የሚገኘውን ‹‹ፔንት ሀውስ›› መኖሪያ ቤቱን ለሽያጭ ማቅረቡ ተዘገበ፡፡ ይህ መኖሪያ ቤት ዙሪያውን በመስታወት የተከበበና አረንጓዴ እፅዋትን ያካተተ ከርቀት በቀላሉ የሚታይ ድንቅ መኖሪያ ቤት መሆኑን ገልፍ ኒውስ ገልጿል፡፡ ተጨዋቹ ይህንን ቤት የገዛው እ.ኤ.አ በ2010 ለኒውዮርክ ሬድ ቡልስ በሚጫወትበት ወቅት መሆኑን የጠቀሰው ዘገባው የገዛውም በ15 ሚሊዮን ዶላር እንደነበር አውስቷል፡፡

በ6000 ካሬ ጫማ ላይ ያረፈውን ይህን መኖሪያ ቤት እድሳት አድርጎለት የሀድሰን ወንዝን ለማየት የሚያስችል እርከን የጨመረለት ከመሆኑም በላይ ከጣሪያው ላይ የብሩክሊንንና ዊሊያምስበርግ ድልድዮችን ማየት ይቻላል፡፡ በቤቱ ውስጥ ያሉት ግድግዳዎች ከሞላ ጎደል በመስታወት የተሰሩ በመሆናቸው ከርቀት እንዲታዩ አድርጓቸዋል፡፡ ከመሬት እስከ ጣራ የተዘረጉት እነዚህ መስኮቶች የኒውዮርክን ከተማ ገፅታ ወደክፍሉ ውስጥ የሚያስገቡ ናቸው፡፡ ሄነሪ ይህንን ድንቅ መኖሪያ ቤት ከ10 አመታት በኋላ መልሶ ለመሸጥ ማቀዱን የገለፀው ዘገባው ለንብረቱ ያወጣለት ዋጋም 25 ሚሊዮን ዶላር መሆኑን አስታውቋል፡፡ አጠቃላይ ሀብቱ 130 ሚሊዮን ዶላር የሚገመተው ይህ የእግር ኳስ ኮከብ በለንደን ውስጥም 10 ሚሊዮን ፓውንድ የሚያወጣ መኖሪያ ቤት አለው፡፡ ሄነሪ የኒውዮርክ ቤቱን ሸጦ በሲቢኤስ ስፖርት ያለውን ስራ አጠናክሮ መቀጠል እንዳቀደ ዘገዘው ጨምሮ አስረድቷል፡፡

በፈርዖኖቹ ሚዛን፤ ኢትዮጵያ አትመዘንም!

የካይሮ ፖለቲከኞች የለመዱትን የዛቻ እና የለቅሶ ዜማ መልሰው ሲያዜሙት መስማት አዲስ ነገር መሆኑ ቀርቷል።

ሰሞኑን የግብፅ መስኖና ውሃ ሀብት ሚኒስትር የታላቁ የኢትዮጵያ ሕዳሴ ግድብን “ሕገ-ወጥ” ሲሉ ፈርጀው፣ “ብሔራዊ የውሃ ደህንነታችንን ለመጠበቅ አስፈላጊውን እርምጃ የመውሰድ መብታችን የተጠበቀ ነው” ሲሉ በቁጭትና በትዕቢት መካከል የተሰነቀረ መግለጫ ሰጥተዋል።

ይህ አባባል ግን በበሰለ ዲፕሎማሲያዊ ሚዛን ሲመዘን፣ ሌሊት አልፎ ቀን በፈነጠቀበት ዘመን የሚቃዥ የትላንት ሕልመኛ ሰንካላ ምክንያት እንጂ ሌላ ሊሆን አይችልም።

የፈርዖኖች ምድር ፖለቲከኞች አሁንም ድረስ ዓለም የተቀየረች አይመስላቸውም። በቅኝ ግዛት ዘመን የተጻፉና ኢትዮጵያ ያልፈረመችባቸውን ያረጁ የውሃ ክፍፍል ስምምነቶች እንደ ሕግ እየቆጠሩ፣ “ታሪካዊ መብታችን አልተከበረም” ብሎ መጮህ ራስን ማታለል ነው።

የሕዳሴው ግድብ ግንባታ በአካል ተጠናቅቆ፣ የኤሌክትሪክ ኃይል ማመንጨት በጀመረበትና የካይሮን የዛቻ ‘ማዕበል’ በዲፕሎማሲያዊ እና በሳይንሳዊ እውነታዎች ባፈረሰበት በዚህ ወቅት፣ ግድቡን “ሕገ-ወጥ” ብሎ መጥራት የተጨባጩን ዓለም እውነታ ከመካድ የሚመጣ የፖለቲካ ቅዥት ነው።

የታላቁ ኢትዮጵያ ሕዳሴ ግድብ መሠረት የተጣለው በካይሮ ፈቃድ ወይም በፓሪስና ለንደን የቅኝ ግዛት ውሎች አይደለም። ግድቡ በኢትዮጵያውያን የደም፣ የላብ እና የእንባ ጠብታ የተገነባ የሉዓላዊነት ሐውልት ነው።

እያንዳንዱ የኮንክሪት ክምችት፣ እያንዳንዱ የስባሪ ሳንቲም መዋጮ እና የሕዝባችን ቁርጠኝነት ያቆመው እውነት እንጂ በካይሮ ጠረጴዛ ላይ በሚፈረም የይሁንታ ወረቀት የሚጸድቅ የልመና ፕሮጀክት አይደለም።

ኢትዮጵያ የራሷን የተፈጥሮ ሀብት ተጠቅማ ሕዝቧን ከጨለማ ለማውጣት የምታደርገው ጥረት በማንም ሀገር ፈቃደኝነት ላይ አይንጠለጠልም።

ግብፅ ለዓመታት በዓባይ ውሃ ላይ ብቻዋን ስትደሰትና ስታባክን፣ ኢትዮጵያ ግን 85 በመቶ የሚሆነውን የውሃ ምንጭ እያመነጨች በጨለማ ስትማቅቅ መኖሯ የታሪክ መዛባት ነበረ። ዛሬ ያ የታሪክ መዛባት በኢትዮጵያውያን ክንድ ታርሟል። ካይሮ ይህንን እውነት “የተጠናቀቀ እውነታ” ብላ ለመቀበል መቸገሯ የራሷ የፖለቲካ ሥነ-ልቦና ቀውስ እንጂ የኢትዮጵያ የቤት ሥራ ሊሆን አይችልም።

የኢትዮጵያ ብሔራዊ ጥቅም እና ሕልውና በአንድ ወንዝ ፍሰት ላይ ብቻ የተገደበ አይደለም። ዛሬ የኢትዮጵያ ጂኦፖለቲካዊ ቁመና በዓባይ ወንዝ እና በቀይ ባሕር በሁለቱ ወሳኝ ውሃዎች ላይ የተመሰረተ ነው።

ዓባይ የሀገር ውስጥ የኢኮኖሚ ትንሳኤ፣ የኢንዱስትሪ ልማት እና የብርሃን ምንጭ ሲሆን፤ ቀይ ባሕር ደግሞ የውጭ ንግድ፣ የቀጣናው ስትራቴጂካዊ ተጽዕኖ እና የሉዓላዊነት ማረጋገጫ ማማ ነው። እነዚህ ሁለት ውሃዎች የኢትዮጵያ የሕልውና ሁለት ገፆች በመሆናቸው አንዱ ለአንደኛው ዋስትና ነው።

ግብፅ በዓባይ ላይ የምታሳየው እምቢተኝነት እና የምሥራቅ አፍሪካን ቀጣና የማመስ ፍላጎት፣ ኢትዮጵያ በቀይ ባሕር ላይ ያላትን ስትራቴጂካዊ የባሕር በር ይዞታ ይበልጥ እንድታጠናክር የሚያስገድዳት እንጂ ወደኋላ የሚያስፈገፍጋት አይደለም።

ካይሮ ፈረሶቿን ጋልባ በኢትዮጵያ ጓሮ ለመቅበዝበዝ የምታደርገው ሙከራ፣ የዚሁ በቀይ ባሕር እና በዓባይ ውሃዎች መካከል የተዘረጋውን የኢትዮጵያን ስትራቴጂካዊ የበላይነት ለመቀነስ የሚደረግ አቅመ-ቢስ መወራጨት ነው።

ሚኒስትሩ በመግለጫቸው ላይ ያቀረቧቸው ቁጥሮች የራሳቸውን ስግብግብነት የሚያጋልጡ እንጂ ለኢትዮጵያ ወቀሳ ሊሆኑ አይችሉም። እርሳቸው እንዳሉት የግብፅ ዓመታዊ የውሃ ኮታ 55.5 ቢሊየን ኪዩቢክ ሜትር ሲሆን፣ ኢትዮጵያ ግን በየዓመቱ በቢሊየኖች የሚቆጠር የዝናብ ውሃ ታገኛለች ይላሉ። ይህ ትልቅ የፖለቲካ ስላቅ ነው!

ተፈጥሮ የሰጠንን የዝናብ ውሃ እየቆጠሩ፣ እኛ ግን ከምንጩ የሚመነጨውን ወንዝ እንዳንነካ መከልከል ምን ይባላል?

ዝናብ ስለዘነበ ብቻ አንድ ሀገር የተፈጥሮ ወንዟን የመጠቀም መብቷ ይገፈፋልን? ግብፅ በረሃ ላይ ተቀምጣ፣ የዓባይን ውሃ ብቻ ሳይሆን በከርሰ-ምድር ውስጥ ያለውን ግዙፍ የውሃ ክምችት እና የባሕር ውሃ ማጣሪያን መጠቀም እየቻለች፣ የኢትዮጵያን የልማት ሕልም በውሃ ጥማት ሰበብ ለማገት መሞከሯ ፍጹም ስግብግብነት ነው።

ኢትዮጵያ የምትከተለው መርህ ግልጽ ነው፦ ፍትሃዊ እና ምክንያታዊ የውሃ አጠቃቀም። የታችኞቹ ተፋሰስ ሀገራት ላይ ጉልህ ጉዳት ሳታደርስ፣ የራሷን ሕዝብ ከድህነት የመታደግ መብቷን ትጠቀማለች። ካይሮ ግን “የእኔ ብቻ ካልሆነ” በሚል የድሮው የባለቤትነት መንፈስ “ሕጋዊ ስምምነት” እያለች የምታቀርበው ሰነድ የኢትዮጵያን እጅ ለመጠፍነግ የሚደረግ ሴራ ስለሆነ ፍጹም ተቀባይነት የለውም።

የካይሮ ፖለቲከኞች የዛቻ መግለጫዎችን ማውጣት እና ግድቡን “ሕገ-ወጥ” ማለታቸውን ሊቀጥሉ ይችላሉ፤ ምክንያቱም ለውስጥ ፖለቲካቸው ፍጆታና ለሕዝባቸው ማስተገሻ ፕሮፓጋንዳ ያስፈልጋቸዋል። ነገር ግን በምድር ላይ ያለው እውነታ አይቀየርም።

የሕዳሴው ግድብ የኢትዮጵያ የቁርጠኝነት ሐውልት ሆኖ ዓባይን እየገደበ፣ ብርሃን እየፈነጠቀ ይኖራል። ኢትዮጵያ በዓባይ እና በቀይ ባሕር ላይ ያላት ብሔራዊ ጥቅም በማንም ዛቻ አይገታም። የካይሮ ስጋት የሚቀረፈው ወደ እውነት በመመለስ እና ከኢትዮጵያ ጋር በእኩልነት መርህ ላይ በመነጋገር እንጂ፣ ያረጀ የቅኝ ግዛት ሕልምን እያዩ “እርምጃ እወስዳለሁ” በሚል የድሮ ፉከራ አይደለም።

የዓባይ ውሃ በካይሮ ፈቃድ አይፈስም፤ የኢትዮጵያ ልማትም በፈርዖኖች ሚዛን አይመዘንም።

በኃይለኢየሱስ መኮንን

የኢትዮጵያ አየር መንገድ የ2026 የዓመቱ ምርጥ የአፍሪካ አየር መንገድ ሽልማትን ለ9ኛ ተከታታይ ዓመት አሸነፈ
 
የኢትዮጵያ አየር መንገድ በአቪዬሽን ኢንዱስትሪው ትልቅ ክብር የሚሰጠውን የስካይትራክስ ወርልድ ኤርላይን አዋርድስ (የ2026 የአፍሪካ ምርጥ አየር መንገድ ሽልማትን ለዘጠነኛ ተከታታይ ዓመት አሸንፏል። ትናንት መስከረም 8 ቀን 2019 ዓ.ም. በለንደን በተካሄደው የሽልማት ሥነሥርዓት ላይ፣ አየር መንገዱ ከአፍሪካ ምርጥነቱ በተጨማሪ የአፍሪካ ምርጥ የኢኮኖሚ ክላስ የምግብ አቅርቦት እና ምርጥ የቢዝነስ ክላስ አገልግሎት ሽልማቶችንም በጋራ ተቀብሏል።
 
የአየር መንገዱ ዋና ሥራ አስፈፃሚ መስፍን ጣሰው ይህ ስኬት ደንበኞች በኩባንያው ላይ ያላቸውን እምነት እና የሠራተኞችን ትጋት የሚያሳይ መሆኑን ገልጸው፣ ባለፈው ዓመት ብቻ አየር መንገዱ ከ21 ሚሊዮን በላይ መንገደኞችን በዓለም ዙሪያ ወደሚገኙ 140 መዳረሻዎቹ ማጓጓዙን አስታውቀዋል።

Seledadotio
Seledadotio

የኮከቡ ሰው በለንደን

(ዘ-ሐበሻ ስፖርት) ማክሰኞ ዕለት ማንቸስተር ዩናይትድን ለመልቀቅ በይፋ ደብዳቤ ያስገባው የጄጄ ገብርኤል ውሳኔ፣ በእግር ኳሱ ዓለም ያልታሰበ ማዕበል ፈጥሯል። ገና በ15 ዓመቱ በአውሮፓ ከሚገኙ እጅግ ተሰጥኦ ያላቸው ወጣቶች አንዱ ተብሎ የሚታሰበው ይህ ድንቅ አጥቂ፣ ከዘጠኝ ዓመቱ ጀምሮ ያሳለፈበትን ክለብ ለመሰናበት ቋምጧል፤ የአውሮፓ ታላላቅ ክለቦችም እሱን ለመጥለፍ አሰፍስፈዋል።

ሪያል ማድሪድ ዝውውሩን ለማጠናቀቅ በጥሩ ቁመና ላይ ሲገኝ፣ ባርሴሎና፣ ፓሪስ ሴንት ጀርሜን እና ባየር ሙኒክም ሁኔታውን በቅርበት እየተከታተሉ ነው። ዩናይትዶች ልጁን ለማቆየት ከፍተኛ ጥረት እያደረጉ ቢሆንም፣ ነገሮች ግን ከቁጥጥር ውጭ የሆኑ ይመስላሉ። ገብርኤል ባለፈው ሀሙስ በካሪንግተን የልምምድ ማዕከል ከ19 ዓመት በታች ቡድኑ ጋር በዩኤፋ የወጣቶች ሊግ ሀትሪክ ከሰራ በኋላ ወደ ስፍራው ድርሽ አላለም፤ አሁን ባለው ሁኔታም ይመለሳል ተብሎ አይጠበቅም። በዘርፉ ያሉ ባለሙያዎች ዩናይትድ ወደፊት 100 ሚሊዮን ፓውንድ ሊያወጣ የሚችልን አልማዝ በገዛ እጁ እያጣ መሆኑን ይገምታሉ።

ይህ ውሳኔ ድንገት የመጣ አይደለም። የችግሩ ጭላንጭል የታየው ባለፈው ሀሙስ ነበር። ገብርኤል በኦልድ ትራፎርድ በሻምፒዮንስ ሊግ ከሚጫወተው ዋናው ቡድን ጋር ከመሰለፍ ይልቅ፣ ከአዘርባጃኑ ሳባህ ጋር ለሚጫወተው የ19 ዓመት በታች ቡድን እንዲሰለፍ ተደረገ። በጨዋታው ሶስት ግቦችን ቢያስቆጥርም፣ እሱና ቤተሰቡ ግን የሻምፒዮንስ ሊግ ድባብን በዋናው ቡድን ውስጥ ሆኖ እንዲቀምስ ፈልገው ነበር። ይህ ክስተት ትልቅ ስብራት ፈጠረ፤ ውሳኔውም ወዲያውኑ ለክለቡ ተነገረ። ቅዳሜ ዕለት ከዋናው ቡድን አሰልጣኝ ማይክል ካሪክ ጋር ልምምድ ማድረግ ሲገባው፣ ከካሪንግተን በመቅረት ትልቅ የማስጠንቀቂያ ደወል አቃጨለ። ወዲያውም ከኢንስታግራም ገጹ ላይ ስለ ዩናይትድ የሚገልጹ መረጃዎችን በሙሉ አጠፋ። ሰኞ ዕለት ደግሞ ምዝገባው እንዲሰረዝለት የሚጠይቅ ደብዳቤ ለክለቡ አስገባ። የማንቸስተር ዩናይትድ ኃላፊዎች፣ በተለይም ዋና ስራ አስፈፃሚው ኦማር ቤራዳ እና አብሮ ባለቤቱ ሰር ጂም ራትክሊፍ በጉዳዩ ክፉኛ ተደናግጠዋል።

ሪያል ማድሪድ ይህንን ታዳጊ ለማስፈረም በስውር ሲሰራ ወራት አልፈውታል። ዕድሜው ከ18 ዓመት በታች በመሆኑ፣ የፊፋን ጥብቅ ህጎች ላለመጣስ ሲባል ክለቡ እጅግ ከፍተኛ ጥንቃቄ አድርጓል። የማድሪድ እቅድ ልጁን መጀመሪያ ለካስቲላ (የማድሪድ ሁለተኛ ቡድን) እና ከ19 ዓመት በታች ቡድን እንዲጫወት አድርጎ፣ ቀስ በቀስ ወደ ዋናው ቡድን ማሳደግ ነው። ይህ ከዚህ ቀደም በአያክሱ የ17 ዓመት ታዳጊ አብደላ ኦዋዛኔ ላይ ሊሞክሩት ያሰቡት ዓይነት ስልት ነው። የማድሪድ ሰዎች የገብርኤልን የሀሙስ ዕለት ሀትሪክ በቅርበት ሲከታተሉና ሲያከብሩ ነበር።

በህግ አግባብ ዩናይትድ የልጁን ውል የመቀደድ ፍላጎት የለውም። ነገር ግን ገብርኤል የአውሮፓ ህብረት ፓስፖርት ካገኘ፣ ልክ ጥቅምት 6 ቀን 16 ዓመት ሲሞላው ወደ ሌላ የአውሮፓ ክለብ መዘዋወር ይችላል። አባቱ ጆ ኦኬሩይል የተወለደው ለንደን ቢሆንም ለአየርላንድ ብሄራዊ ቡድን ተጫውቷል፤ እናቱም የሳይፕረስ ትውልድ አላት። ይህ ደግሞ ፓስፖርቱን በቀላሉ እንዲያገኝ በር ይከፍትለታል። ከዚህም ባሻገር፣ ገብርኤል መደበኛ የትምህርት ቤት ትምህርቱን በቤት ውስጥ የሚከታተል በመሆኑ፣ በዩናይትድ ሙሉ ጊዜ አካዳሚ ስር አይወድቅም፤ ይህም ክለቡ በልጁ ላይ ያለውን ሙሉ ቁጥጥር ያላላዋል። ገብርኤል ዩናይትድን የሚለቅ ከሆነ፣ ፊፋ ባስቀመጠው የካሳ ስሌት መሰረት ዩናይትድ ከ100,000 ፓውንድ በላይ የማሳደጊያ ካሳ ሊያገኝ ይችላል።

ገብርኤል ገና በዘጠኝ ዓመቱ የዩቲዩብ ቪዲዮዎች ላይ ሲወጣ ከሊዮኔል ሜሲ ጋር ይነጻጸር ነበር። ነገር ግን የእሱ ተወዳጅ ተጫዋች ኔይማር ሲሆን፣ ኳስን አጣብቆ የመያዝ፣ ፈጣን እንቅስቃሴ የማድረግ እና በሁለቱም እግሮቹ ግሩም አጨራረስ ያለው በመሆኑ የጨዋታ ስታይሉ ከብራዚላዊው ኮከብ ጋር በእጅጉ ይመሳሰላል። በዩናይትድ የዋናው ቡድን ልምምዶች ላይ በተደጋጋሚ በመሳተፍ፣ አንጋፋ ተጫዋቾችን ሳይቀር በቴክኒክ ብቃቱ አስገርሟል። በአካላዊ ጥንካሬ ከእሱ በሚበልጡ ተጫዋቾች ቢገፋም፣ በተፈጥሮ ያገኘው ክህሎት ወደፊት ከዓለማችን ምርጥ ተጫዋቾች ተርታ እንደሚያሰልፈው ብዙዎች ይስማሙበታል። ባለፈው ታህሳስ በኤፍኤ የወጣቶች ዋንጫ ለዩናይትድ በመሰለፍ እና ግብ በማስቆጠር ታሪካዊ ሪከርድ ሰብሯል፤ በወጣቶች ሊግ ባደረጋቸው 34 ጨዋታዎችም 31 ግቦችን እና 6 ለግብ የሚሆኑ ኳሶችን አመቻችቶ አቀብሏል።

ዩናይትድ ታዳጊዎችን ወደ ዋናው ቡድን በማሳደግ ታላቅ ታሪክ አለው። "በቂ ብቃት ካለህ፣ በቂ ዕድሜ አለህ" የሚለው የሰር ማት ባስቢ ብሂል ክለቡን ለዘመናት መርቶታል። ገብርኤልም የዚህ ታሪክ ቀጣይ አካል ይሆናል ተብሎ ሲጠበቅ ነበር። ነገር ግን በቅርብ ጊዜ የተፈጠሩ ክስተቶች ጥርጣሬን አጭረዋል። በክረምቱ የቅድመ ውድድር ዝግጅት ላይ በቂ የመጫወት ዕድል አላገኘም፤ በአትሌቲኮ ማድሪዱ ጨዋታ ከተፈጥሮ ቦታው ውጪ እንዲጫወት ሲደረግ፣ አዲሱ ፈራሚ የ18 ዓመቱ ታይናን ቶምሰን ግን በገብርኤል ተወዳጅ ቦታ በግራ ክንፍ ላይ የመሰለፍ ዕድል አግኝቷል። በሻምፒዮንስ ሊግ የ'ኤ' ዝርዝር ውስጥ ሳይካተት መቅረቱም ሌላው ቅር ያሰኘው ጉዳይ ነው። አርሰናል የ15 ዓመቱን ማክስ ዶውማንን በዝርዝሩ ውስጥ አካቶ ክብረ ወሰን ሲሰብር፣ የገብርኤል ስም ግን አልነበረም። አላማው በቋሚነት መሰለፍ ሳይሆን፣ ክለቡ በእሱ ላይ ያለውን እምነት በተጨባጭ ማየት ነበር።

ባለፈው ክረምት ማንቸስተር ሲቲ ገብርኤልን ለማስፈረም ከጫፍ ደርሶ የነበረ ቢሆንም፣ የዩናይትድ የስፖርት ዳይሬክተር ጄሰን ዊልኮክስ እና የድርድር ዳይሬክተሩ ማት ሀርግሪቭስ ጣልቃ ገብተው አክሽፈውት ነበር። ወደ ሌላ የእንግሊዝ ፕሪሚየር ሊግ ክለብ ማምራቱ በህግ አግባብ እጅግ ፈታኝ ነው። ባለፈው አንድ ዓመት ውስጥ ዩናይትድ ልጁን ለማሳመን ከቀድሞው አሰልጣኝ ሩበን አሞሪም እና ከታላቁ ሰር አሌክስ ፈርጉሰን ጋር ጭምር አገናኝቶታል። ማይክል ካሪክ በቅርበት ያሰለጠነው ሲሆን፣ የዋናው ቡድን ማሊያ ቁጥር 77ም ተሰጥቶታል።

አሁን ላይ ዩናይትዶች በቀጣዩ ወር 16ኛ ዓመት የልደት በዓሉን ሲያከብር የማበረታቻ የትምህርት ኮንትራት እና በ17 ዓመቱ ፕሮፌሽናል ውል ለማቅረብ እየተዘጋጁ ነበር። በፋይናንስ አቅርቦት ማንም ክለብ እንደማይበልጣቸው ያምናሉ። ነገር ግን የገብርኤል ውሳኔ የተቆረጠ ይመስላል፤ ስለዚህ ዩናይትድ ውጤቱን በትዕግስት ከመጠበቅ ውጪ ሌላ አማራጭ የለውም። አርብ ዕለትም ክለቡ ለቀረበው የምዝገባ ስረዛ ደብዳቤ ይፋዊ ምላሽ እንደሚሰጥ ይጠበቃል።

ቀነኒሳ በቀለ ወደ በርሊን ማራቶን ይመለሳል
#ethiopia | የበርሊን ማራቶን የሁለት ጊዜ አሸናፊ የሆነው ጀግናው አትሌት ቀነኒሳ በቀለ በጀርመን ዋና ከተማ ጎዳናዎች ላይ ዳግም ለመሮጥ ወስኗል።

በታሪክ ውስጥ እጅግ ስኬታማ ከሆኑ አትሌቶች መካከል አንዱ የሆነውና አሁን 44ኛ ዓመት ዕድሜው ላይ የሚገኘው አትሌት ቀነኒሳ በቀለ ሶስት የኦሎምፒክ የወርቅ ሜዳሊያዎችን እና 11 የአለም የክሮስ ካንትሪ (Cross Country) ሻምፒዮና አሸናፊነቶችን ያስመዘገበ ሲሆን፣ለዓመታትም በ5ሺ እና በ10ሺ ሜትር የዓለም ክብረ ወሰኖችን ላይ በበላይነት ይዞ የቆየ ታላቅ አትሌትም ነው።

ዳግም በጀርመን ዋና ከተማ ጎዳናዎች ላይ ለመሮጥ የወሠነው አትሌት ቀነኒሳ በቀለ በበርሊን የማራቶን ታሪክ ውስጥም ጉልህ ስፍራ ያለው ታላቅ አትሌትም ነው፤

እ.ኤ.አ. በ2016 የበርሊን ማራቶንን በ2:03:03 እንዲሁም በ2019 በ2:01:41 በማሸነፍ ለዓለም ክብረ ወሰን እጅግ ተቀራራቢ ውጤት (ከክብረ ወሰኑ በሁለት ሰከንዶች ብቻ ልዩነት) አስመዝግቧል።

እ.ኤ.አ. በ2024 ደግሞ በለንደን ማራቶን 2:04:15 በሆነ ጊዜ በመጨረስ ሁለተኛ ደረጃን የያዘ ሲሆን፣ በዚህም የማስተርስ (Masters) የዓለም ክብረ ወሰን አስመዝግቧል።

ይህ በውጤትና በሪከርዶች ያሸበረቁ ወርቃማ ታሪኮች ያሉት አትሌት ቀነኒሳ በቀለ በ2026 እንደገና ወደ በርሊን ጎዳናዎች ለአሸናፊነት ይሮጣል።

52ኛው የበርሊን ማራቶን ከ10 ቀናት በኋላ እ.ኤ.አ September 27/2026 ይካሄዳል።

✍️✍️በጋዜጠኛ ይስሀቅ በላይ(ሀትሪክ ስፖርት ኦፊሺያል)

ከተስፋ ወደ ክብር፤ አርቴታ ያልጨረሰው ጉዞ

✍️ በጋዜጠኛ ብሩክ ተስፋዬ
#ethiopia | የሰሜን ለንደን ቀይ ለባሾቹ አርሰናል በእንግሊዝ እግር ኳስ ታሪክ ከታላላቅና ስኬታማ ክለቦች ተርታ ቢመደቡም፣ በአውሮፓ ትልቁ መድረክ ያላቸው ሕልም እስካሁን እውን አልሆነም።

“ባለትልቅ ጆሮው” በሚል ቅጽል የሚጠራውን የUEFA ቻምፒየንስ ሊግ ዋንጫ የማንሳት ሕልማቸው በ2006 በፍራንክ ራይካርድ ባርሴሎና ፊት ተገትቶ ቀርቷል። በቅርቡም በፓሪስ ሴን-ዠርመን ፊት የደረሰባቸው ሽንፈት ያንን የቆየ ቁጭት ዳግም ቀስቅሶታል።

ከክለቡ ታሪካዊ አሰልጣኝ አርሰን ቬንገር ስንብት በኋላ የውጤት መንገዱን ያጣውን አርሰናል የተረከበው የፔፕ ጋርዲዮላ ደቀ መዝሙር ሚኬል አርቴታ፣ መድፈኞቹን በትዕግሥት እና በተከታታይ ሥራ ወደ ከፍታቸው መልሷል።

አርቴታ የረጅም ዓመታትን የዋንጫ ጥማት በማስታገስ ክለቡን እንደገና ከእንግሊዝ ታላላቅ ክለቦች ጋር በአንድ ደረጃ አስቀምጧል። አሁን ግን የቀረው አንድ ትልቅ ፈተና ብቻ ነው—የቻምፒየንስ ሊግ ዋንጫን ወደ ኢሚሬትስ ማምጣት።

በአለት የጠነከረ የተከላካይ ክፍል፣ በአውሮፓ ምርጥ ከሚባሉ የአማካይ ስብስቦች አንዱ እና በዝውውር መስኮቱ የተጨመሩ አዳዲስ ኃይሎችን ይዘው፣ መድፈኞቹ ለታላቅ የአውሮፓ ዘመቻ ዝግጁ ናቸው።

ያለፈው የቁጭት ስሜት ገና አልበረደም፤ የዘንድሮው ጉዞ ግን የታሪክ ጉዞ ሊሆን ይችላል?

ከቻምፒየንስ ሊግ ዋንጫ አሸናፊነት እጩዎች ቀዳሚዎቹ መካከል የሚጠቀሱት መድፈኞቹ፣ የአውሮፓ ዘመቻቸውን ከኔፕልስ ይጀምራሉ።

ጥያቄው አንድ ነው...

በመጨረሻ ባለትልቅ ጆሮውን ዋንጫ ወደ ኢሚሬትስ ያመጣሉ?

ባለሃብቱ በወንድ መራቢያ ክፍል መጠን ማስጨመር ህክምና ህይወቱ አለፈ
#ethiopia | ​በማህበራዊ ሚዲያ በቅንጡ አኗኗሩና በስራ ፈጣሪነቱ የሚታወቀው የ 43 ዓመቱ ብሪታንያዊ-ናይጄሪያዊ ባለሀብት አይጎ "ታይኒ" ኡቢሪቦ በታይላንድ ያደረገው የወንድ ብልት መጠን ማሳደጊያ ህክምና ለሞት ዳርጎታል።

የሬሳ ምርመራ እና የለንደን ፍርድ ቤት መረጃዎች አይጎ ከባለቤቱ ጋር ወደ ታይላንድ ባደረገው ጉዞ ወቅት በክሊኒክ ውስጥ 40 ሚሊሊተር የሚሆን የሃያሉሮኒክ አሲድ እና የሊዶካይን መርፌ ተወግቶ ነበር።

ህክምናው ከተጠናቀቀ በኋላ በሰውነቱ ውስጥ የተሰራጨው ንጥረ ነገር ወደ ሳንባው ደም መላሾች በመግባት የሳንባ ደም መዘጋት በማስከተሉ ህይወቱ ልትያልፍ ችላለች።

​የህክምና ባለሙያዎች እንደሚናገሩት መሰል ያልተረጋገጡ ህክምናዎች ከባድ የጎንዮሽ ጉዳቶችና እስከ ህይወት ማጣት የሚያደርስ ከፍተኛ የጤና ስጋት አላቸው።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

የሰው ሕይወት ማለፉን ተከትሎ የቱሉ ካፒ ወርቅ ማዕድን ፕሮጀክት የሥራ እንቅስቃሴ ታገደ።

በለንደን የአክሲዮን ገበያ የተመዘገበው የማዕድን ኩባንያ "ከፊ ጎልድ ኤንድ ኮፐር" በኦሮሚያ ክልል በሚገኘው ዋናው የቱሉ ካፒ የወርቅ ማዕድን ፕሮጀክት ላይ እየተከናወኑ የነበሩትን ሁሉንም የልማት ስራዎች ማገዱን አስታወቀ።

እገዳው የተጣለው ከሦስት ቀናት በፊት በፀጥታ አካላትና በአካባቢው ማህበረሰብ መካከል በተፈጠረ የጸጥታ ችግር የሰው የህይወት ማለፉን ተከትሎ ነው።

በወቅቱ በተፈጠረው ግጭት የኩባንያው ሠራተኛ ህይወት አልፏል።

ኩባንያው ከህብረተሰቡ ተወካዮች፣ ከክልል የስራ ኃላፊዎችና ከጸጥታ አካላት ጋር በመነጋገር የደህንነት ሁኔታውን ለመገምገም እና ቀጣይ ስራዎችን በሰላም ለመጀመር የሚያስችል ምቹ ሁኔታ እስኪፈጠር ድረስ የመስክ ስራዎች ሙሉ በሙሉ እንደተቋረጡ ገልጿል።

Seledadotio
Seledadotio

28" Arsenal 1 Vs 1 Chealse
ለንደን ቀይ ወይስ ሰማያዊ?
#ethiopia | መላው የእግር ኳስ አፍቃሪ ዓይኑን ኤምሬትስ ላይ ጥሏል።

አርሰናል እና ቼልሲ በታላቁ ደርቢ ጨዋታ በኤምሬትስ ፊት ለፊት ተገናኝተዋል።

መድፈኞቹ በሜዳቸው ኤምሬትስ በሚያደርጉት በዚህ ወሳኝ ጨዋታ ሦስቱን ነጥብ በመውሰድ የዋንጫ ፉክክራቸውን አጠናክረው ለመቀጠል ሙሉ ዝግጅት አድርገዋል።

ሰማያዊዎቹ ደግሞ የለንደን የበላይነታቸውን ለማስጠበቅ እና ጠንካራ ተፎካካሪነታቸውን ለማሳየት ወደ ሜዳ ገብተዋል።

የሁለቱም ቡድኖች ወጣት እና ክህሎት ያላቸው አጥቂዎች የሚያደርጉት ፈጣን እንቅስቃሴ የጨዋታው ዋነኛ ማዕከል ሆኗል።

የለንደን ንጉሥ ማን ይሆን?

መድፈኞቹ በሜዳቸው ይደሰታሉ ወይስ ሰማያዊዎቹ ያልተጠበቀ ድል ያስመዘግባሉ?

መልሱን አብረን የምናየው ይሆናል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #arsenal #chelsea #londonderby #premierleague #footballnews

የእንቁጣጣሽ ባዛር በለንደን ፊንስበሪ ፓርክ

Habesha Gifts እና Gleamstone Events በጋራ በመተባበር ያዘጋጁት የእንቁጣጣሽ ባዛር በለንደን ፊንስበሪ ፓርክ ተካሂዷል።

ዝግጅቱን Teamer Properties በTitle Sponsor ደረጃ ሲደግፍ፣ Emmal Money Transfer ደግሞ በGold Level Sponsor ደረጃ ዝግጅቱን ደግፏል።

በዘንድሮው ባዛር 31 የተለያዩ የቢዝነስ ድርጅቶች ተሳትፈው፣ ምርቶቻቸውንና አገልግሎቶቻቸውን ለጎብኚዎች አቅርበዋል።

ከዚህ ቀደም Habesha Gifts ያዘጋጃቸው ኤክስፖዎች በIndoor ሲካሄዱ የቆዩ ሲሆን፣ ዘንድሮ ግን ከGleamstone Events ጋር በመተባበር ዝግጅቱን ወደ Outdoor በማውጣት በፊንስበሪ ፓርክ አዘጋጅተውታል።

እንደዚህ ያሉ ዝግጅቶች በተለይ ከቤተሰብና ከወዳጆቻቸው ርቀው በውጭ ሀገር ለሚኖሩ ኢትዮጵያውያን የአዲስ ዓመትን ደስታ በጋራ እንዲያጣጥሙ፣ እንዲገናኙ፣ ባህላቸውን እንዲያከብሩ እና የሀገር ቤት ስሜትን እንዲጋሩ ልዩ አጋጣሚ ይፈጥራሉ።

ባዛሩ የእንቁጣጣሽን በዓል ከማክበር ባለፈ፣ የዳያስፖራ ማህበረሰብን ያቀራረበ፣ አነስተኛና ታዳጊ ቢዝነሶችን ያስተዋወቀ እና ባህልን፣ ቢዝነስንና ማህበረሰባዊ ትስስርን በአንድ መድረክ ያገናኘ ዝግጅት ሆኖ ተጠናቋል።

216ኛው የለንደን ደርቢ አርሰናል ከ ቼልሲ

ሁለቱ የባስክ ግዛት ተወላጆች እና አብሮ አደጎቹ ሚኬል አርቴታ እና ዣቢ አሎንስ በዓለም ትልቁ ሊግ የእንግሊዝ ፕሪሚየር ሊግ ሁለት ትልልቅ ክለቦችን ይዘው ተፋጠዋል።

እግር ኳስን በተወለዱበት አካባቢ በሚገኝው የአንቲጎኩ አካዳሚ የጀመሩት እና ለ6 ዓመት በዚሁ አካዳሚ አብረው የተጫውቱት አርቴታ እና አሎንሶ ለሪያል ሶሴዳድ ዋናው ቡድንም ተጫውተው አሳልፈዋል።

በባየር ሊቨርኩሰን ድንቅ ጊዜ ካሳለፈ በኋላ በማድሪድ የተወሰን ጊዜ የቆየው ዣቢ አሎንሶ በቼልሲ ራሱን ለትልቁ ፈተና አዘጋጅቷል።

በሊጉ የመጀመሪያ ሁለት ጨዋታዎችን ያሸነፈው አሎንሶ፤ የመጀመሪያ ትልቁን ፈተና ዛሬ ይጋፈጣል። ምሽት 12፡30 በኤምሬትስ ከሊጉ ሻምፒዮን አርሰናል የሚያደርገው ጨዋታ ይጠበቃል።

በተመሳሳይ አርሰናልም የመጀመሪያ ሁለት ጨዋታዎችን ያሸነፈ ሲሆን በአሸናፊነቱ ለመቀጥል በለንደን ደርቢ ጠንካራ የፊት መስመር ካለው ቼልሲ ይገናኛል።

በኤምሬስት የሚደረገው ጨዋታ 7 ግቦችን ያስቆጠረው የቼልሲ የፊት መስመር ምንም ግብ ካልተቆጠረበት የአርሰናል ተከላካይ የሚያደርጉት ትንቅንቅ በመሆኑ ጨዋታውን እንዲጠበቅ የሚያደርግው ሲሆን በሌላ በኩል ሁለቱ ስፔናዊያን ታክቲሺያን ጨዋታውን እንዴትባለ መልኩ ይወጡታል የሚለው የሚጠበቅ ነው።

አርሰናል ከቼልሲ በተገናኝባቸው ያልፉት 9 ጨዋታዎች በአንዱም ያልተሸነፍ ሲሆን 6ቱን አሸንፏል።

በጨዋታው በመድፈኞቹ በኩል ዩሪየን እና ዊሊያም ሳሊባ አሁንም ከጉዳቱ ያልተመለሱ ተጨዋቾች ሲሆኑ፤ ኤዝሪ ኮንሳ በመድፍኞቹ ማልያ ለመጀመሪያ ጊዜ በቋሚነት ሊጀምር ይችላል ተብሏል።

ሞይሰስ ካይሴዶ የመሰለፉ ነገር ያልተረጋገጥ ሲሆን ጆርዳን ሄንደርሰን እና ፓሊስትራ አሁንም በጉዳት ከስብስቡ ውጪ ናቸው።

Seledadotio
Seledadotio

ለጠቅላላ እውቀት‼️
አማርኛ ቋንቋ ትምህርት የሚሰጥባቸው አለም አቀፍ ዩኒቨርሲቲዎች‼️
የአማርኛ ቋንቋ በዓለም አቀፍ ደረጃ በበርካታ ሀገራት በሚገኙ ታዋቂ ዩኒቨርሲቲዎች፣ የምርምር ተቋማት እና የቋንቋ ማዕከላት ውስጥ በጥናት፣ በምርምር እንዲሁም በዲግሪና በሰርተፊኬት ደረጃ ይሰጣል።

ለአብነት ለመጥቀስ ያህል፣

ጀርመን፡-
በሀምቡርግ ዩኒቨርሲቲ (University of Hamburg)፣ በፍራንክፈርት ዩኒቨርሲቲ እና በላይፕዚግ ዩኒቨርሲቲ በኢትዮጵያ ጥናት (Ethiopian Studies) እና በሴማዊ ቋንቋዎች ትምህርት ክፍል ሥር።

ሩሲያ፦
በሞስኮ ስቴት ዩኒቨርሲቲ (Moscow State University - ISAA) እና በሴንት ፒተርስበርግ ስቴት ዩኒቨርሲቲ በአፍሪካ ጥናት ክፍሎች።

ጣሊያን፡-
በናፖሊ ዩኒቨርሲቲ (University of Naples "L'Orientale") እና በሮም ሳፒየንዛ ዩኒቨርሲቲ (Sapienza University of Rome)።

እንግሊዝ (ብሪታንያ)፡-
በለንደን ዩኒቨርሲቲ የአፍሪካ እና ምስራቅ ጥናት ትምህርት ቤት (SOAS - School of Oriental and African Studies)።

ፈረንሳይ፡-
በፓሪስ ከንቲባ የውጭ ቋንቋዎች እና ሥልጣኔዎች ተቋም (INALCO)።

ፖላንድ፡-
በዋርሶ ዩኒቨርሲቲ (University of Warsaw) በአፍሪካ ቋንቋዎችና ባህሎች ክፍል ውስጥ።

አሜሪካ (ዩናይትድ ስቴትስ)፡-

- በሃርቫርድ ዩኒቨርሲቲ (Harvard University)

- በኮሎምቢያ ዩኒቨርሲቲ (Columbia University)

- በስታንፎርድ ዩኒቨርሲቲ (Stanford University)

- በኢንዲያና ዩኒቨርሲቲ (Indiana University)

- በፎሎሪዳ ዩኒቨርሲቲ (University of Florida)

- በሚቺጋን ስቴት ዩኒቨርሲቲ (Michigan State University)

እስራኤል፡-
በቴል አቪቭ ዩኒቨርሲቲ እና በኢየሩሳሌም ዕብራይስጥ ዩኒቨርሲቲ (Hebrew University of Jerusalem)።

ጃፓን፡-
በኦሳካ ዩኒቨርሲቲ እና በቶኪዮ የውጭ ሀገራት ጥናት ዩኒቨርሲቲ (TUFS)።

ቻይና፡-
በቤጂንግ የውጭ ሀገራት ጥናት ዩኒቨርሲቲ (Beijing Foreign Studies University)።

ኬንያ፡-
በናይሮቢ ዩኒቨርሲቲ እና በሌሎች የቋንቋ ማዕከላት።

ጂቡቲ፡-
በጂቡቲ ዩኒቨርሲቲ እና በባህል ማዕከላት።

ደቡብ አፍሪካ፡-
በኬፕ ታውን ዩኒቨርሲቲ (በአፍሪካ ጥናቶች ሥር በተለያዩ ጊዜያት)።

Seledadotio
Seledadotio

ጋብሬል ማርቲኔሊ፣ በአርሰናል ቤት የተጻፈ የትጋት ታሪክ

አዲስ አበባ፣ ነሐሴ 29፣ 2018 (ኤፍ ኤም ሲ) በአርሰናል የቅርብ ዓመታት የዳግም ግንባታ ጉዞ ውስጥ ስማቸው በጉልህ ከሚጠቀሱ ተጫዋቾች መካከል ጋብሬል ማርቲኔሊ አንዱ ነው። ወጣቱ ብራዚላዊ በፍጥነቱ፣ በጉልበቱ፣ ተከላካዮችን በአንድ ለአንድ ለመጋፈጥ ባለው ድፍረቱ እና ጎል ለማስቆጠር ባለው ክህሎት የመድፈኞቹ ደጋፊዎችን ልብ ማሸነፍ ችሏል።

ጋብሬል ቴዎዶሮ ማርቲኔሊ ሲልቫ በፈረንጆቹ 2001 በብራዚል ሳኦ ፖሎ ግዛት ጉዋሩልዮስ ተወለደ።

የእግር ኳስ ህይወቱን በኮረንቲያንስ አካዳሚ በመጀመር በኋላም በኢቱዋኖ ቀጠለ። በኢቱዋኖ በዋናው ቡድን ዕድል ካገኘ በኋላ የብራዚላዊው ወጣት ችሎታ በአውሮፓ የተለያዩ ክለቦች ዓይን ውስጥ ገባ።

በመጨረሻም እ.ኤ.አ በ2019 አርሰናል፣ ተስፈኛውን ታዳጊ ተጫዋች ወደ ሰሜን ለንደን አመጣው። ማርቲኔሊ በአርሰናል ቤት የተሰጠውን ዕድል በፍጥነት በመጠቀም ለቡድኑ የሚያስፈልገው የግብ ስጋት ሆነ።

ማርቲኔሊ ወደ አርሰናል ሲመጣ ብዙዎች እንደ ተስፈኛ ወጣት ተጫዋች ብቻ ይመለከቱት ነበር። እሱ ግን የሰዎችን ግምት በፍጥነት ለወጠው። ፍጥነቱን በመጠቀም በግራ ክንፍ ተከላካዮችን መጫን፣ ወደ ፍጹም ቅጣት ምት ሳጥን ውስጥ መግባት እና ጎል ማስቆጠር የአጨዋወቱ ዋነኛ መለያዎች ሆኑ።

በተለይም በ2019/20 የውድድር ዘመን ያሳየው ብቃት የአርሰናል ደጋፊዎች በወጣቱ ላይ ትልቅ ተስፋ እንዲጥሉ አደረገ። እሱ በሜዳ ላይ የሚያሳየው ትጋትና የማይታክት ሩጫ ለቡድኑ አጨዋወት መለያ እየሆነ መጣ።

ለማርቲኔሊ የአርሰናል ቆይታ እጅግ የሚታወሰው የ2022/23 የውድድር ዘመን ነው። በዚያ ወቅት ተጫዋቹ በፕሪሚየር ሊጉ 36 ጨዋታዎች በመሳተፍ 15 ጎሎችን አስቆጠረ፤ በተጨማሪም 5 የግብ እድሎችን ፈጥሯል፡፡

ይህ የግል ብቃቱ ብቻ ሳይሆን አርሰናል እስከ መጨራሻው ሰዓት የሊጉ አሸናፊ ለመሆን ከፔፕ ጓርዲዮላው ማንቼስተር ሲቲ ጋር የተፋለመበት ወቅት ነበር። ማርቲኔሊ፣ ቡካዮ ሳካ እና ሌሎች ወጣት ተጫዋቾች የአርሰናልን የወደፊት ቡድን ምስል እንዲያሳይ አጨዋወት አሳይተዋል።

ማርቲኔሊን ከሌሎች የክንፍ ተጫዋቾች የሚለየው ነገር በኳስ ላይ ያለው ችሎታ ብቻ አይደለም። ኳስ ሲበላሽበት ወዲያውኑ መልሶ ለመንጠቅ የሚያደርገው ጥረት፣ ተከላካይን በፍጥነት ለመጫን ያለው ፍላጎት እና ከኳስ ውጭ የሚያደርጋቸው ሩጫዎቹ ናቸው።

የግራ ክንፍ ቦታውን በመያዝ ወደ ውስጥ በመግባት በቀኝ እግሩ ጎል ለመሞከር የሚያደርገው እንቅስቃሴም የተለመደ ነበር። በአርሰናል ቤት ቆይታው 41 ግችንና 24 ግብ የሚሆኑ ኳሶችን አመቻችቶ ማቀበሉ የሚያሳየውም በቡድኑ የማጥቃት ሥርዓት ውስጥ ያለውን ከፍተኛ ተፅዕኖ ነው።

በመጨረሻዎቹ የአርሰናል ቆይታው የማርቲኔሊ የመጫወቻ ጊዜ እንደ ቀድሞው የተረጋጋ አልነበረም። የቡድኑ የማጥቃት አማራጮች መጨመር፣ የተጫዋቾች ውድድር እና ራሱ የማርቲኔሊከቡድኑ እኩል ማደግ አለመቻል በቋሚ 11 ውስጥ የመሰለፍ እድሉን አመነመነው፡፡

በ2025/26 የውድድር ዓመት 30 ጨዋታዎች ቢያደርግም በ11 ብቻ ነው በመጀመሪያ አሰላለፍ ውስጥ ለመግባት የቻለው፡፡ በዚህም አንድ ግብና 4 የግብ እድሎችን ብቻ አስመዝግቧል።

በአጠቃላይ በአርሰናል ቆይታው 191 የፕሪሚየር ሊግ ጨዋታዎችን በማድረግ 41 ግቦችና 24 የግብ እድሎችን በማስመዝገብ በመድፈኞቹ ቤት የራሱን ታሪክ አኑሯል፡፡

ብራዚላዊው አቦ ሸማኔ በተዘጋው የዝውውር መስኮት ወደ ሳዑዲው አል ሂላል እግር ኳስ ቡድን ተዛውሯል፡፡ ከአርሰናል መለየቱ ለብዙ የመድፈኞቹ ደጋፊዎች ቀላል የሆነ ዜና አልነበረም። በተለይም በቡድኑ ውስጥ ካሳለፈው ረጅም ጊዜ እና ከደጋፊዎች ጋር ከፈጠረው ትስስር አንፃር መሰናበቱ የአንድ ዘመን የታሪክ ምዕራፍ መዝጊያ ይመስላል።

ከአርሰናል ጋር ያሳለፋቸው ዓመታት ሲደመሩ ማርቲኔሊ በክለቡ ታሪክ ውስጥ የራሱን ምዕራፍ ጽፏል። ወደ ክለቡ የመጣው እንደ ወጣት ተስፈኛ ነበር፤ የወጣው ግን የፕሪሚየር ሊግ ሻምፒዮን በመሆን ነው፡፡

ማርቲኔሊም ከአርሰናል የሚወጣው በፍጥነቱ ተከላካዮችን ሲያስጨንቅ፣ ግብ ሲያስቆጥር፣ በሜዳ ላይ ሲሮጥ እና የመድፈኞቹን ማልያ በኩራት ሲለብስ የታዩትን ትዝታዎች ትቶ ነው።

ከለንደን ወደ ሳዑዲ የተደረገው ጉዞ ለማርቲኔሊ አዲስ ምዕራፍ ቢሆንም፣ በአርሰናል የተጻፈው ታሪክ ሁሌም የእግር ኳስ ሕይወቱ አንድ ትልቅ ክፍል ሆኖ ይዘልቃል።

በአቤል ነዋይ

(ዘ-ሐበሻ ዜና) የአሜሪካ የገንዘብ ሚኒስቴር የቦንድ ግዢ ዕቅዱን ማሳወቁን ተከትሎ የዶላር አቅም መዳከሙ፣ ዓለም አቀፍ ባለሀብቶች አዳዲስ የትርፍ አማራጮችን ፍለጋ ፊታቸውን ወደ ታዳጊ ገበያዎች እንዲያዞሩ እያደረጋቸው መሆኑን የኢኮኖሚ ትንታኔዎች አመለከቱ። ባለፈው ወር የአሜሪካው የገንዘብ ሚኒስትር ስኮት ቤሰንት የዋጋ ንረትን እና የዕዳ ጫናን ለማርገብ በማሰብ፣ የረዥም ጊዜ የመንግስት የዕዳ ሰነዶችን (ቦንዶችን) መልሶ የመግዛት ዕቅድን በእጥፍ ማሳደጋቸው ይታወሳል።

በብሩኪንግስ ኢንስቲትዩት ከፍተኛ ተመራማሪ የሆኑት ሮቢን ብሩክስ እንዳሉት ታዳጊ ገበያዎች በቀጣይነት ከፍተኛ የሆነ "የገንዘብ ጎርፍ" ያስተናግዳሉ ተብሎ ይጠበቃል። ይህ የሆነበት ዋነኛ ምክንያት ታላላቅ ያደጉ ሀገራት የመንግስት ቦንድ ወለድን ለመቀነስ የሚያደርጉት ጥረት፣ ባለሀብቶች በዝቅተኛ ወለድ ገንዘብ ተበድረው ከፍተኛ ትርፍ ወደሚያስገኙ ታዳጊ ገበያዎች እንዲያፈሱ ምቹ ሁኔታ ስለፈጠረላቸው ነው። የአሜሪካ መንግስት በገበያው ውስጥ ጣልቃ መግባቱ፣ የብድር ወለድ በድንገት እንዳያሻቅብ በማድረግ የባለሀብቶችን ስጋት በእጅጉ ቀንስዋል።

በቲዲ ሴኪዩሪቲስ የወጡ መረጃዎች እንደሚያሳዩት ዓለም አቀፍ የታዳጊ ገበያ የቦንድ ፈንዶች ባለፈው ሳምንት ብቻ 967 ሚሊዮን ዶላር የሚገመት የገንዘብ ፍሰት አግኝተዋል፤ ይህም ካለፈው ሳምንት ጋር ሲነጻጸር የ15 በመቶ ብልጫ አለው። በሌላ በኩል ባለሀብቶች ይበልጥ አስተማማኝ ወደሆኑ የሀብት ማከማቻ አማራጮች ፊታቸውን በማዞራቸው፣ የአሜሪካው ውሳኔ ለወርቅ ዋጋ መናርም ትልቅ አስተዋጽኦ አድርጓል።

በለንደን የዩኒየን ባንኬር ፕራይቪ የውጭ ምንዛሬ ስትራቴጂ ኃላፊ ፒተር ኪንሴላ...የአሜሪካ መንግስት እርምጃ ዶላርን በማዳከሙ ምክንያት ከፍተኛ ወለድ የሚከፍሉ የታዳጊ ሀገራት ገንዘቦች ዋነኛ ተጠቃሚ መሆናቸውን ገልጸዋል። ለምሳሌ የቦንድ ግዢው ከተዋወቀ ወዲህ የደቡብ ኮሪያ ዎን በ2.83 በመቶ፣ የብራዚል ሪያል በ0.64 በመቶ፣ እንዲሁም የደቡብ አፍሪካ ራንድ በ0.59 በመቶ በዶላር ላይ ብልጫ ማሳየት ችለዋል።
እንደ ትንታኔው ከሆነ ብራዚል እና ቱርክ አሁንም ድረስ ከፍተኛ የኢንቨስትመንት መዳረሻ በመሆን ቀዳሚውን ስፍራ ይዘዋል። ብራዚል 14 በመቶ እንዲሁም ቱርክ 37 በመቶ የሆነ ከፍተኛ የወለድ ምጣኔ በማቅረባቸው በባለሀብቶች ዘንድ ተመራጭ ሆነዋል። በተመሳሳይ ኮሎምቢያም በዚህ ዓመት ከፍተኛ የውጭ ኢንቨስትመንት መሳብ የቻለች ሲሆን፣ የሀገሪቱ የገንዘብ ዋጋም ከዓመቱ መጀመሪያ አንስቶ በ20 በመቶ እድገት አሳይቷል።

በአንጻሩ እንደ ህንድ ያሉ የእስያ ሀገራት ዝቅተኛ የወለድ ምጣኔ ያላቸው በመሆኑ (የህንድ ማዕከላዊ ባንክ የወለድ ምጣኔ 5.25 በመቶ ነው)፣ ከሌሎች ታዳጊ ገበያዎች አንጻር ተመራጭነታቸው ዝቅተኛ መሆኑን የስክዋክ ቦክስ እስያ ዘገባ አመልክቷል። የኢራንን ጦርነት ተከትሎ ከታዳጊ ገበያዎች በከፍተኛ ፍጥነት ወጥቶ የነበረው የውጭ ገንዘብ፣ አሁን በአሜሪካ የቦንድ ግዢ ፖሊሲ ምክንያት ዳግም እያንሰራራ መሆኑን የዘርፉ ባለሙያዎች አስረድተዋል።

ድህነት የአእምሮን መጠን ያሳንሳል፤ እርጅናንም ያፋጥናል ተባለ

​የረዥም ጊዜ ሳይንሳዊ ጥናት እንደሚያመለክተው፣ ዝቅተኛ ገቢና ስር የሰደደ የገንዘብ እጥረት የአእምሮን መጠን ለማሳነስና የአስተሳሰብ ብቃትን ለመቀነስ ምክንያት ይሆናሉ።

​በለንደን ዩኒቨርሲቲ ኮሌጅ (UCL) ተመራማሪዎች የተካሄደ አዲስ ጥናት እንደሚያሳየው፣ በወጣትነት እና በጎልማሳነት እድሜ የሚከሰት ዘላቂ የገንዘብ እጥረት ወይም ዝቅተኛ ገቢ በዕድሜ መግፋት ወቅት የአእምሮ ህመም እና የማስታወስ ችሎታ መቀነስ አደጋን ያፋጥናል።

​በኢኖቬሽን ኢን ኤጅንግ ጆርናል ላይ የታተመው ይህ ጥናት በዩናይትድ ኪንግደም የሚገኙ 2,759 ሰዎችን መረጃ መሠረት ያደረገ ነው።

ተመራማሪዎቹ የረጅም ጊዜ የገንዘብ ችግር ያጋጠማቸው ሰዎች በ53 ዓመታቸው ባደረጉት የአእምሮ ብቃት ምርመራ ዝቅተኛ ውጤት ማምጣታቸውን አረጋግጠዋል።

በተጨማሪም ከ69 እስከ 71 ባለው እድሜ ውስጥ በኤምአርአይ (MRI) ስካን ከተመረመሩት መካከል፣ ለረጅም ጊዜ ዝቅተኛ ገቢ የነበራቸው ሰዎች ከፍተኛ የአእምሮ መንጠፋጠፍ  ታይቶባቸዋል።

​ችግሩ በተለይም በወንዶች፣ በልጅነታቸው ችግር ውስጥ ባደጉ እና በአልዛይመር በሽታ የመያዝ አደጋን በሚጨምረው 'APOE-ε4' ጄን ተሸካሚዎች ላይ የጎላ ሆኖ ተገኝቷል።

በገንዘብ ጭንቀት የሚፈጠር የረጅም ጊዜ ውጥረት (chronic stress) ለአእምሮ እርጅና መፋጠን ዋነኛ ምክንያት እንደሆነ ተገልጿል።

​በጥናቱ የተሳተፉ አነስተኛ ገቢ ያላቸው ሰዎች፣ ምንም እንኳ የትምህርት ደረጃቸውና የአእምሮ ብልህነት (IQ) ምጣኔያቸው ግምት ውስጥ ቢገባም፣ በትውስታና መረጃ የመተንተን ፍጥነት ፈተናዎች ላይ ዝቅተኛ ውጤት አስመዝግበዋል።

​የኤም.አር.አይ ምስል ምርመራዎች ዝቅተኛ ገቢ ባላቸው ሰዎች ላይ ከፍተኛ የአእምሮ ሴሎች መኮማተር (Brain Atrophy) ታይቶባቸዋል።

​ስለ ገንዘብ ሁልጊዜ መጨነቅ በሰውነት ውስጥ እብጠትን (Inflammation) በመጨመር የሰውነትን የእርጅና ሂደት እንደሚያፋጥነው በጥናቱ ተገልፇል።

Seledadotio
Seledadotio

(ዘ-ሐበሻ ዜና) እስከ ቅርብ ጊዜ ድረስ የጦር ውርወራ ስፖርተኛ የነበረው የሃያ አንድ ዓመቱ ወጣት አትሌት አዲሱ ጎበና፣ እሁድ ዕለት በተካሄደው የሲድኒ ማራቶን የቦታውን ክብረ ወሰን በማሻሻል ደማቅ ታሪክ ጽፏል። አርባ ሺህ ገደማ ተወዳዳሪዎች በተሳተፉበት እና ኮረብታማ በሆነው በዚህ ታላቅ ውድድር ላይ፣ አዲሱ ርቀቱን በሁለት ሰዓት ከ አራት ደቂቃ ከ አርባ ሁለት ሴኮንድ በማጠናቀቅ ነው አሸናፊ የሆነው። ይህ ሰዓት ቀድሞ ከነበረው ክብረ ወሰን በአንድ ደቂቃ ተኩል ያህል ፈጣን ሆኖ ተመዝግቧል።

በውድድሩ የመጨረሻ ሁለት ኪሎ ሜትሮች ውስጥ አዲሱ ከሌላው ኢትዮጵያዊ አትሌት ጭምዴሳ ደበሌ ጉደታ ጋር በመሆን መሪ ከነበሩት ስድስት ተወዳዳሪዎች ተነጥሎ መውጣት ችሎ ነበር። ወደ ሲድኒ ኦፔራ ሃውስ በሚያመራው ቁልቁለት የማጠናቀቂያ መስመር ላይ በከፍተኛ ፍጥነት በመፈትለክም በአራት ሴኮንዶች ልዩነት አንደኛ ወጥቷል። ባለፈው ዓመት በተመሳሳይ ውድድር ከኃይለማርያም ኪሮስ ቀጥሎ ሁለተኛ ወጥቶ የነበረው አዲሱ፣ ዘንድሮ ድሉን ሲቀዳጅ ደስታውን በአየር ላይ ቡጢ በመሰንዘር አክብሯል። አትሌቱ ከድሉ በኋላ በሰጠው አስተያየት፣ ባለፈው ዓመት ከሰራው ስህተት ተምሮ እና ጠንክሮ በመስራት ዘንድሮ ለዚህ ስኬት መብቃቱን በደስታ ገልጿል።

በዚሁ የውድድር መደብ የሌሴቶው ተበሎ ራማኮንጎአና ሶስተኛ ደረጃን ይዟል። አምና ኃይለማርያም ኪሮስ አስመዝግቦት የነበረውን ክብረ ወሰን፣ ዘንድሮ ከአንደኛ እስከ ሰባተኛ የወጡት አትሌቶች በሙሉ መስበር መቻላቸው የዘንድሮውን ውድድር አስገራሚ ፍጥነት አስመስክሯል።

በሴቶች የማራቶን ውድድር ኬንያዊቷ ፔሬስ ጄፕቺርቺር ገና ከጅምሩ ርቃ በመምራት በሁለት ሰዓት ከ አስራ ስምንት ደቂቃ ከ ሰላሳ አንድ ሴኮንድ አሸናፊ ሆናለች። ይህ ድል አትሌቷ ቀደም ሲል በቦስተን፣ ኒውዮርክ እና ለንደን ካስመዘገበቻቸው ድሎች በመቀጠል ያገኘችው አራተኛው ታላቅ የማራቶን ድል ነው። በውድድሩ ሌላዋ ኬንያዊት አይሪን ቼፕታይ ሁለተኛ ስትወጣ፣ ኢትዮጵያዊቷ ሹሬ ደምሴ ዋሬ ሶስተኛ ደረጃን በመያዝ አጠናቃለች።

ከውድድሩ ድምቀት ጎን ለጎን አዘጋጆቹን አሳፋሪ ሁኔታ ውስጥ የከተተ ስህተት በሜዳሊያዎቹ ላይ ተከስቷል። ለአሸናፊዎች በተዘጋጀው ሜዳሊያ ላይ የሲድኒው አሊያንዝ ስታዲየም ምስል መታተም ሲገባው፣ በስህተት የጀርመኑ አሊያንዝ አሬና ስታዲየም ምስል ታትሞበት መገኘቱን አዘጋጆቹ አምነዋል።

በተሽከርካሪ ወንበር በተካሄደው ውድድር ደግሞ፣ አሜሪካዊው ዳንኤል ሮማንቹክ በወንዶች፣ እንዲሁም ስዊዘርላንዳዊቷ ማኑዌላ ሻር በሴቶች የቦታውን ክብረ ወሰን በማሻሻል አሸናፊ ሆነዋል። ዳንኤል ርቀቱን በአንድ ሰዓት ከ ሃያ ስድስት ደቂቃ ከ ሃምሳ ሴኮንድ ሲያጠናቅቅ፣ ማኑዌላ በአንድ ሰዓት ከ አርባ ሁለት ደቂቃ ከ አራት ሴኮንድ በመግባት የበላይነታቸውን አሳይተዋል።

የሁሊያን አልቫሬዝ የመጨረሻው ቀን

ወደ አርሰናል ወይስ በይቅርታ በአትሌቲኮ ይቆያል?

በሁሊያን አልቫሬዝ የዝውውር ጉዳይ ላይ አትሌቲኮ ማድሪድ እና አርሰናል ያስቀመጡት የጊዜ ገደብ ዛሬ የሚያበቃ ሲሆን፣ አርጀንቲናዊው አጥቂ የአርሰናልን ጥያቄ ተቀብሎ ወደ ለንደን ማመራት ወይም ለአትሌቲኮ ማድሪድ ይቅርታ ጠይቆ በክለቡ መቆየት እንዳለበት ተገልጿል።

በአሁኑ ወቅት አልቫሬዝ ለአትሌቲኮ ማድሪድ፣ ለአሰልጣኞች፣ ለቡድን አጋሮቹ እና ለደጋፊዎች ይቅርታ የመጠየቅ እድሉ እጅግ አነስተኛ እንደሆነ ይገመታል።

ተጫዋቹ ማክሰኞ ዕለት የተመከረውን ልምምድ በማቃለሉ አትሌቲኮ ማድሪድ ደስተኛ ያልነበረ ቢሆንም፣ በወቅቱ ነገሩን በዝምታ አልፎታል።

ነገር ግን በማክሰኞ ምሽት የታመመ መሆኑን ቤተሰቦቹ ለክለቡ ካሳወቁ በኋላ፣ ተጫዋቹ የረቡዕ፣ የሐሙስ እና የዓርብ ልምምዶችን ሙሉ በሙሉ አቃጥሏል።

በተለይም የረቡዕ ዕለት ልምምድ መቅረቱ ሁኔታውን ሙሉ በሙሉ የቀየረው ሲሆን፣ አልቫሬዝ ለሚላኩለት መልእክቶች ምላሽ በመከልከሉ የክለቡ ከፍተኛ አመራር ማቴው አለማኒ ወደ ቤቱ በአካል በመሄድ መፍትሔ ለመፈለግ ተገዷል።

ይህንን ተከተሎም አልቫሬዝ ከቤተሰቦቹ፣ ከተወካዮቹ እና ከህግ አማካሪዎቹ ጋር ረጅም ስብሰባ ያደረገ ሲሆን፣ የዝውውር አማራጮቹ ከጊዜ ወደ ጊዜ እየጠበቡ መምጣታቸው ተጠቅሷል።

(ዘ-ሐበሻ ስፖርት) የእንግሊዝ ፕሪሚየር ሊግ የመክፈቻ ጨዋታ በምዕራብ ለንደን ደርቢ ሲጀምር፣ ቼልሲዎች በአዲሱ አሰልጣኛቸው ሻቢ አሎንሶ እየተመሩ በክሬቨን ኮቴጅ ስታዲየም ፉልሃምን በመገጠም 3 ለ 2 በሆነ ውጤት አስደናቂ ድል አስመዝግበዋል። የዚህ ምሽት ዋና ተዋናይ ደግሞ ሌላ ማንም ሳይሆን የ24 ዓመቱ ኮል ፓልመር ነበር።

ጨዋታው በተጀመረ ገና በ31ኛው ሰከንድ ፓልመር ባቀበለው ኳስ ጆአዎ ፔድሮ ቼልሲን ቀዳሚ ሲያደርግ፣ ስታዲየሙ በሰማያዊዎቹ ደጋፊዎች ጩኸት ተናጋ። ፓልመር በሜዳ ላይ ለማቆም የሚያስቸግር የነበረ ሲሆን፣ የክለቡ የክረምቱ የዝውውር ሪከርድ የሆነው ሞርጋን ሮጀርስ በሌላኛው አዲስ ፈራሚ ማክሰንስ ላክሯ በተመቻቸለት ኳስ የመጀመሪያ ጎሉን አስቆጥሯል። ፓልመር እራሱ በበርንድ ሌኖ እግሮች መሃል ባሳለፋት ድንቅ አጨራረስ የቼልሲን የማሸነፊያ ጎል ከመረብ አዋህዷል። አዲሱ የጆአዎ ፔድሮ፣ የኮል ፓልመር እና የሞርጋን ሮጀርስ የፊት መስመር ጥምረት አሎንሶ በእጁ ላይ አስፈሪ የማጥቃት ኃይል እንዳለው ገና ከጅምሩ አስመስክሯል።

ይሁን እንጂ ፉልሃሞች ለስፔናዊው አሰልጣኝ ሻቢ አሎንሶ የፕሪሚየር ሊግ ጅማሮውን አልጋ በአልጋ አላደረጉለትም። ሌላኛው ስፔናዊ አልቫሮ አርቤሎዋ የሚመራው ፉልሃም ጠንካራ ፉክክር አሳይቷል። የ19 ዓመቱ ታዳጊ ጆሽ ኪንግ ባሳየው አስደናቂ የመሀል ሜዳ እንቅስቃሴ ፉልሃም ወደ ጨዋታው ለመመለስ ሞክሯል። ኪንግ የቼልሲውን ግብ ጠባቂ ሮበርት ሳንቼዝን በቅርብ ቋሚው በኩል በኃይል በመምታት ጎል በማስቆጠር ድንቅ ብቃቱን አሳይቷል። በተጨማሪም ከሪያል ማድሪድ የመጣው አዲሱ ፈራሚ ጎንዛሎ ጋርሺያ በቅርብ ርቀት በግንባሩ በመግጨት ጎል አስቆጥሮ ለፉልሃም ነጥብ የማግኘት ተስፋን ፈጥሮ ነበር። ይህ ግቡም ከግንቦት 2014 በኋላ ለፉልሃም በመክፈቻ ጨዋታ ጎል ያስቆጠረ የመጀመሪያው ተጫዋች አድርጎታል።

በቼልሲ በኩል የግብ ጠባቂው ሮበርት ሳንቼዝ ኳስን በማሰራጨት ረገድ የሰራቸው ስህተቶች እና የሌቪ ኮልዊል የመከላከል ክፍተቶች ቼልሲን አደጋ ውስጥ ጥለውት ነበር። በተለይም ሳንቼዝ ለጆሽ ኪንግ ጎል ክፍት ቦታ መተዉ አሁንም በክለቡ የግብ ጠባቂ ቦታ ላይ ጥያቄ እንዲነሳ አድርጓል። ሆኖም የፊት መስመሩ አስፈሪነት እና የኮል ፓልመር የጨዋታ አቀጣጣይነት የመከላከሉን ክፍተት ሸፍኖት ቼልሲ ከ2022-23 የውድድር ዘመን በኋላ ለመጀመሪያ ጊዜ የመክፈቻ የሊግ ጨዋታውን በድል መጀመር ችሏል። በአንጻሩ ፉልሃም የመክፈቻ የለንደን ደርቢን ሲያጣ ለ4ኛ ተከታታይ ጊዜ ሆኗል።

ኢትዮጵያዊው አትሌት ዮሚፍ ቀጄልቻ የግማሽ ማራቶን የዓለም ሪኮርድን በአስደናቂ ሁኔታ ሰበረ
#fastmereja I ኢትዮጵያዊው የረጅም ርቀት ሯጭ ዮሚፍ ቀጄልቻ በቡኤኖስ አሬስ በተካሄደው የግማሽ ማራቶን ውድድር 56 ደቂቃ ከ51 ሰከንድ በመግባት አዲስ የዓለም ሪኮርድ አስመዝግቧል።

በአርጀንቲና ዋና ከተማ ቡኤኖስ አሬስ ዛሬ ነሐሴ 17 ቀን 2018 ዓ.ም በተካሄደው የግማሽ ማራቶን ውድድር ዮሚፍ፣ ከዚህ ቀደም በኡጋንዳዊው አትሌት ጃኮብ ኪፕሊሞ ተይዞ የነበረውን የ57 ደቂቃ ከ20 ሰከንድ ሪኮርድ በ29 ሰከንዶች ማሻሻል ችሏል። በዚህም ውጤት ዮሚፍ በታሪክ የመጀመሪያው የግማሽ ማራቶን ርቀትን ከ57 ደቂቃ በታች በመግባት ያጠናቀቀ አትሌት በመሆን አዲስ ታሪክ ፅፏል።

ይህ አስደናቂ የስፖርት ስኬት ዮሚፍ ቀጄልቻ በዘመናዊው የረጅም ርቀት ሩጫ ላይ እያሳየ ያለውን የበላይነት ያረጋገጠበት ሌላው ክስተት ነው። አትሌቱ ባለፈው ሚያዝያ ወር በለንደን ማራቶን ለመጀመሪያ ጊዜ በይፋዊ የውድድር መስመር ማራቶንን በ1 ሰዓት ከ59 ደቂቃ ከ41 ሰከንድ በመጨረስ ከሁለት ሰዓት በታች በይፋ ከሮጡ ጥቂት አትሌቶች አንዱ መሆኑ ይታወሳል።