ከ100 ሚሊዮን በላይ አረጋዊያን ያለ ጡረታ ቀርተዋል፦ የአለም የስራ ድርጅት

ከ850 ሚሊዮን አረጋውያን መካከል የጡረታ አበል የሚያገኙት 700 ሚሊዮኖቹ ናቸው ሲል ድርጅቱ ገልጿል።
#ethiopia |እንደ ዓለም አቀፉ የሥራ ድርጅት መረጃ መሠረት በዓለም ላይ ካሉ አረጋውያን መካከል መደበኛ የጡረታ ክፍያ የሚያገኙት 70 በመቶ ያህሉ ብቻ ናቸው ብሏል።

በመላው አለም በጡረታ ዕድሜ ክልል ውስጥ የሚገኙ ዜጎች ቁጥር ከ830 ሚሊዮን በላይ እንደሆነ ድርጅቱ ገልጿል።

በአብዛኞቹ የዓለም ሀገራት መደበኛ የጡረታ ዕድሜ ከ60 እስከ 65 አመት እንደሆነ ተቀምጧል።

በአሁኑ ወቅት በዓለም አቀፍ ደረጃ ዕድሜያቸው ከ65 ዓመት በላይ የሆኑ ሰዎች ቁጥር 830 ሚሊዮን እስከ 850 ሚሊዮን ይጠጋል ይህም ከአለም አጠቃላይ ህዝብ 10 በመቶ ያህሉን ይይዛሉ።

ዕድሜያቸው ከ60 አመት በላይ የሆኑ ዜጎች ቁጥር 1.1 ቢሊዮን ይደርሳል።

ከዚህ ቁጥር ውስጥ የጡረታ ገቢ እያገኙ የሚኖሩ ዜጎች ቁጥር 700 ሚሊየኖቹ ብቻ ናቸው።

ቀሪዎቹ በተለይ በታዳጊ ሀገራት ያሉ የጡረታ እድሜ ላይ ቢደርሱም የጡረታ አበል ስለሌላቸው በቤተሰብ ድጋፍ ወይም እስከ እርጅናቸው መጨረሻ ድረስ ሥራ በመሥራት ይኖራሉ ብሏል።

ሔኖክ ወ/ገብርኤል
#ethiopia #getutemesgen #ilo #retirement #pension #economy #salary #professional

የ2026ቱ የዓለም ዋንጫ ጨዋታዎችን ፍጹም ፍትሃዊ እና ከስህተት የጸዱ ለማድረግ፣ ሙሉ በሙሉ በባትሪ ኃይል የሚሰራ ዘመናዊ የቴክኖሎጂ ኳስ ጥቅም ላይ ሊውል መሆኑ ተመልክቷል።

ዘንድሮ ውድድሩን በጋራ የሚያስተናግዱት አሜሪካ፣ ካናዳ እና ሜክሲኮ ከመላው ዓለም የሚመጡ ስፖርተኛችንና የእግር ኳስ አፍቃሪያንን ለመቀበል የመጨረሻ ዝግጅታቸውን እያጠናቀቁ ይገኛሉ።

ይህ የዓለም ዋንጫ በታሪክ ለመጀመሪያ ጊዜ በሶስት ሀገራት በአንድ ጊዜ የሚስተናገድ ከመሆኑም በላይ በስፖርቱ ዓለም አዲስ የቴክኖሎጂ ምዕራፍ የሚከፍትበት ሆኗል።

ከ1970 ጀምሮ ለዓለም ዋንጫ ኳሶችን እያመረተ የሚገኘው አዲዳስ ኩባንያ፣ ዳኞችን በከፍተኛ ሁኔታ ለመርዳት የሚያስችል “ኮኔክቲድ ቦል ቴክኖሎጂ” (Connected Ball Technology) የተገጠመለትንና ትሪዮንዳ የተሰኘውን አዲስ የኤሌክትሮኒክስ ኳስ ይፋ አድርጓል።

የአዲዳስ ቃል አቀባይ እንደገለጹትብበኳሱ ውስጥ የተገጠመው መመርመሪያ (Sensor) ያለ ባትሪ ኃይል መስራት ስለማይችል ኳሱ ከእያንዳንዱ ጨዋታ በፊት የግድ ቻርጅ መደረግ ይኖርበታል።

ኳሱ ሙሉ አቅሙን ተጠቅሞ ሙሉ ጨዋታውንና ከዚያ በላይ በብቃት ማገልገል እንዲችል በጨዋታው ዕለት በስታዲየሙ ውስጥ በተዘጋጀ ልዩ የኃይል መሙያ መደርደሪያ (Cradle) ላይ ቻርጅ ይደረጋል።

ለዚህም በኢንደክሽን አማካኝነት በገመድ አልባ ሥርዓት ቻርጅ የሚደረግ ከፍተኛ ጥራት ያለው ባትሪ ጥቅም ላይ ውሏል።

ይህ ባትሪ ሙሉ በሙሉ ለመሙላት 90 ደቂቃ አካባቢ የሚፈጅ ሲሆንንበጨዋታ ላይ እያለ እስከ 6 ሰዓታት የማገልገል አቅም አለው።

ይህም የአንድን ከፍተኛ የደረጃ ጨዋታ ክፍለ-ጊዜ እጥፍ መቆየት የሚችል ያደርገዋል። በተጨማሪም ኳሱ ከሜዳ ውጭ በሚሆንበት ጊዜ ራሱን ወደ እረፍት ሁነታ (Hibernation mode) በመቀየር ባትሪው ሳይባክን ለቀናት እንዲቆይ ያደርጋል።

በኳሱ ውስጥ በልዩ የመደገፊያ ስርዓት (Suspension system) ተይዞ የተገጠመ 500Hz inertial measurement unit (IMU) የተሰኘ የቪዲዮ ረዳት ዳኝነት (VAR) መረጃዎችን የሚልክ ስስ የኮምፒውተር ቺፕ ይገኛል።

ይህ ሴንሰር እያንዳንዱን የኳስ ንክኪ በከፍተኛ ፍጥነት የሚከታተል ሲሆን የሚከተሉትን ውሳኔዎች በሜዳ ላይ በሴኮንዶች ውስጥ ለመወሰን ይረዳል፦

* ከጨዋታ ውጪ (Off-side) የሆኑ አቋቋሞችን በትክክል መለየት፣
* ኳስ በእጅ መነካቱን (Handballs) ማረጋገጥ፣
* እና ሌሎች አወዛጋቢ ሁነቶችን በቪዲዮ ረዳት ዳኝነቱ (VAR) አማካኝነት በፍጥነት መፍታት።
አዲዳስ እና የቴክኖሎጂ አጋሩ ኪኔክሶን (Kinexon) እንዳስታወቁት፣ ይህ ቴክኖሎጂ ቀደም ሲል በሁለት የፊፋ ውድድሮች እንዲሁም በዩሮ 2024 እና 2025 ላይ የተሞከረ ሲሆን፣ በጨዋታ መሃል ባትሪ አልቆበት የተቀየረ አንድም ኳስ አጋጥሞ አያውቅም።

ባለፈው የ2022ቱ የኳታር ዓለም ዋንጫ ላይም ተመሳሳይ ቴክኖሎጂ ጥቅም ላይ ውሎ የነበረ ቢሆንም፣ የዘንድሮው የ2026ቱ ኳስ ግን የሴንሰር አቀማመጥ ለውጥ ተደርጎበታል። በቀደመው ኳስ ሴንሰሩ የተቀመጠው በኳሱ መሃል ላይ ሲሆን፣ በዘንድሮው ስሪት ግን ሴንሰሩ የተገጠመው በኳሱ የጎንዮሽ አካል (Side) ላይ ተቀብሮ ነው።
ኳሱ ከቴክኖሎጂው ባሻገር፣ ሶስቱን አስተናጋጅ ሀገራት ለማክበርና ለመወከል ሲባል በደማቅ ቀይ፣ አረንጓዴ እና ሰማያዊ ቀለማት የተሸለመ ሲሆን፤ የካናዳው የሜፕል ቅጠል (Maple leaf)፣ የሜክሲኮው ንስር (Eagle) እና የአሜሪካው ኮከብ (Star) ምልክቶች በሥነ-ጥበባዊ መልኩ ተካተውበታል።

ድምፃችን ይሰማ!
የረድኤት ተራድኦ ሠራተኞች
#ethiopia | እኛ የረድኤት ተራድኦ ድርጅት የነበርን ሰራተኞች የአሁኑን አሳሳቢ ሁኔታችንን ለማሳወቅ ይህንን ግልጽ ምክረ ሀሳብ እና ቅሬታ ያቀረብን ሲሆን ጉዳዩን ከዚህ እንደሚከተለው እናቀርባለን ።

በNovember 2024 ከአሜሪካ የትራምፕ አስተዳደር ከመጣ ጊዜ ጀምሮ፣ በአዲሱ የመንግስት ቅልጥፍና ዳይሬክቶሬት (Department of Government Efficiency) ትእዛዝ ሁሉም የእርዳታ እና የሕይወት አድን የእርዳታ ስራዎች በሙሉ ተቋርጦ የነበረ መሆኑ ይታወሳል።

በአሁኑ ጊዜ ከጥቂት የዘርፉ አስፈፃሚዎች በስተቀር አብዛኛዎቻችን ከስራ ተባረረን ወይም በእንጥልጥል(suspension )ላይ እንገኛለን ከእነዚህ ሠራተኞች መካከል IOM, Ocha, World Vision, CRS, IRC እና ሌሎችም ይገኙበታል ።

ቀደም ሲል እኛ እንደ ዶላር ገቢ ምንጭ (Hard Currency Source) ማግኛ ስለነበር ከተለያዩ ባንኮች የቤት እና መኪና ብድሮችን በአነስተኛ ወለድ ወስደን ነበር። ነገር ግን በተለይም የኢትዮጵያ ንግድ ባንክ ያለ ቅድመ ማስጠንቀቂያ የወለድ ተመን ማሻሻያ (Interest Rate Revision) ከማርች 7፣ 2025 ጀምሮ በቀጥታ ተግባራዊ አድርጓል። ይህ ለአብዛኛዎቻችን ከፍተኛ የኑሮ ጫና እና የፋይናንስ ችግር ፈጥሯል።

ባንኩ ሰራተኞቹ ያሉበትን አሁናዊ ሁኔታ ከግምት ያላስገባ ሲሆን፣ ምንም አይነት የእፎይታ ጊዜ አላስገኘልንም። በአሁኑ ጊዜ የሰራተኞቹ ቤተሰቦች ከፍተኛ የኑሮ ስጋት ውስጥ ይገኛሉ። በተለይም በባንክ የገዛንባቸው ንብረቶች ለሃራጅ ሽያጭ እየተጋለጡ ይገኛሉ ።

በዚህ ረገድ፣ የባንኩ አስተዳደር እና የቦርድ አመራሮች የቅሬታው ሰምተዉ ተገቢውን እርምጃ እንዲወስዱ በአክብሮት እንጠይቃለን።

የሚከተሉት እርምጃዎች አስፈላጊ ናቸው፦

1. የወለድ ተመን ማሻሻያውን እንደገና መገምገም
2. ለተበላሹ ብዱሮች ደንበኞች የእፎይታ ጊዜ መስጠት
3. የተበላሹ የብድር ክፍያ ዕቅዶችን ማዘጋጀት እንዲሁም
4. የመኪና ባለንብረቶች ኮድ 2 ወደ ኮድ 3 እንዲቀይር እና ሰርተን እንከከፍሉ ማመቻቸት የሚሉ የመፍትሔ ምክረ ሃሳቦችን እናቀርባለን።

በአክብሮት፣
የረድኤት ተራድኦ ሰራተኞች