ዕድለኛው ግን ዕድለ ቢሱ
የ12.8 ሚሊዮን ዶላር ሎተሪ አሸንፎ ከሥራው የተባረረው የሱቅ ሥራ አስኪያጅ
#ethiopia | በአሪዞና ግዛት ስኮትስዴል ከተማ በሚገኝ Circle K (ክበብ ኬ) በተባለ መደብር ውስጥ በሥራ አስኪያጅነት ይሠራ የነበረው ሮበርት ጋውሊትዛ (Robert Gawlitza)

በኖቬምበር 2025 $12.8 ሚሊዮን ዶላር የሚያወጣ ባለዕድል የሎተሪ ቲኬት ከገዛ በኋላ ከሥራው ተባረረ። በአሁኑ ወቅት ከቀድሞ አሠሪው ጋር በከፍተኛ የሕግ ክርክር ውስጥ ይገኛል።

በመደብሩ ውስጥ የነበረች አንድ ሠራተኛ $85 የሚያወጡ የሎተሪ ቲኬቶችን ስታሳትም፣ የተወሰኑት ከማተሚያው (printer) ጀርባ ወድቀው ይቀራሉ።

እንደ መደብሩ ውስጣዊ መመሪያ፣ በሠራተኞች ስህተት የተሳሳቱ ወይም ሳይሸጡ የቀሩ የሎተሪ ቲኬቶችን ሠራተኞቹ ራሳቸው ከኪሳቸው ከፍለው እንዲገዟቸው ይገደዳሉ።

ጋውሊትዛ በማግስቱ ወደ ሥራ ሲመጣ ከተረፉት ቲኬቶች መካከል አንዱ የ **$12.8 ሚሊዮን** ጃክፖት (Jackpot) አሸናፊ መሆኑን አወቀ።

ጋውሊትዛ የሥራ ሰዓቱን ጨርሶ ከወጣ በኋላ፣ ዩኒፎርሙን አውልቆ በሌላ ሠራተኛ አማካኝነት ቲኬቱን በ$10 ዶላር በመግዛት ደረሰኝ ተቀበለ። ከሌላ የሥራ ባልደረባው ጋር በመሆንም ከጀርባው ፈረሙበት።

ጋውሊትዛ አሸናፊነቱን ይፋ አድርጎ ገንዘቡን ለመቀበል ሲሞክር የCircle K መደብር “የደንበኛን ገንዘብ ለመውሰድ ሞክሯል” በሚል ከሥራው አባረረው።

Circle K ለፍርድ ቤት ባቀረበው አቤቱታ፣ ጋውሊትዛ ዕጣው መውጣቱን ካወቀ በኋላ ነው ቲኬቱን የገዛው ሲል ይከሳል። ኩባንያው ዕጣው መጀመሪያ የገዛው ደንበኛ (እሱም የሱቁ ሠራተኛ ነው) የባለቤትነት መብት ሊኖረው ይችላል በሚል ጉዳዩ በዳኞች እንዲወሰን ወደ ፍርድ ቤት ወስዶታል።

የጋውሊትዛ ጠበቃ የሆኑት ጆሽ ኮልስሩድ (Josh Kolsrud) እንደሚሉት፣ ደንበኛቸው የመደብሩን ሕግና መመሪያ ሙሉ በሙሉ ተከትሎ ነው ቲኬቱን የገዛው። ይህንን የሚያረጋግጡ የስድስት የቀድሞና የአሁኑ ሠራተኞች የምስክርነት ቃል (affidavits) ለፍርድ ቤት አቅርበዋል። ጠበቃው "ኩባንያው የባለቤትነት ጥያቄ ያነሳው ቲኬቱ $12.8 ሚሊዮን እንደሚያወጣ ካወቀ በኋላ ብቻ ነው" ሲሉ ይከሳሉ።

በአሁኑ ወቅት ይህ ከፍተኛ የገንዘብ መጠን በአሪዞና ስቴት ሎተሪ (Arizona State Lottery) እጅ ተይዞ ይገኛል። ፍርድ ቤቱ የዚህን ቲኬት እውነተኛ ባለቤት ለመለየት በዳኞች (jury) የሚታይ የፍርድ ሂደት እንዲጀመር ወስኗል። ሮበርት ጋውሊትዛ ለ20 ዓመታት ያገለገለውን ድርጅት እየተጋፈጠ ያለው ስሙን ለማስከበርና ሕጋዊ መብቱን ለማረጋገጥ እንደሆነ ገልጿል።

💰 60 ሚሊዮኑ ብር ባሌ ጎባ ገባ! 🎉
#ethiopia | ​"የሻይ ቡና ነጋዴው የ60 ሚሊዮን፣ የታክሲ አሽከርካሪው የ20 ሚሊዮን አሸናፊ ሆኑ!"

​በኢትዮጵያ ሎተሪ ታሪክ ከፍተኛው እና ለመጀመሪያ ጊዜ ሙሉ በሙሉ በዲጂታል መንገድ የወጣው የ60 ሚሊዮን ብር ሎተሪ ዕጣ ወጥቷል።

​የዕጣው ውጤት:

​🥇 1ኛ ዕጣ (60,000,000 ብር)
​ቁጥር: 6361547
​ቦታ: ባሌ ጎባ (አሸናፊው በሻይ ቡና የሚተዳደሩት አቶ ብርሀኑ ጎበዜ)

​🥈 2ኛ ዕጣ (20,000,000 ብር)
​ቁጥር: 5681025
​ቦታ: አዲስ አበባ ኮልፌ (የታክሲ አሽከርካሪ)

​🥉 3ኛ ዕጣ (10,000,000 ብር)
​ቁጥር: 7699884

​ዲጂታል አብዮት! 📱
የኢትዮጵያ ሎተሪ አገልግሎት ከታምኮን ሶፍትዌር ሶሉሽን ጋር በመተባበር ያካሄደው ይህ ሎተሪ፤ ከ2 ሚሊዮን በላይ ዜጎችን ያሳተፈ ሲሆን አሸናፊዎቹ በ8989፣ በቴሌብር እና በድህረ-ገጽ አማካኝነት ዕድላቸውን የሞከሩ ናቸው።

​ለአሸናፊዎች እንኳን ደስ አላችሁ!
ሎተሪው የእናንተ ቢሆን በ60 ሚሊዮኑ ምን ትሰሩበት ነበር? ኮሜንት ላይ ያጋሩን! 👇

Getu Temesgen - (ጌጡ ተመስገን)

​#ethiopia #lottery #jackpot #60million #balegoba #digitalethiopia #ethiotelecom #tamcon