💵 የብሔራዊ ባንክ አዲስ መመሪያ፦ የውጭ ምንዛሬ ማጭበርበርን ለመከላከል ወሳኝ እርምጃ ተባለ
#ethiopia | የኢትዮጵያ ብሔራዊ ባንክ ሁሉም ባንኮች ለገቢ ዕቃዎች የብድር ሰነድ (LC) ሲፈቅዱ፣ የኢትዮጵያ ጉምሩክ ኮሚሽን የሚያወጣውን የተመን ዋጋ (Customs Valuation) እንደ መነሻ እንዲጠቀሙ ግዴታ ጥሏል። ይህ መመሪያ በገቢ ንግድ ሽፋን የሚደረገውን ሕገ-ወጥ የገንዘብ ዝውውር ለመግታት ትልቅ ሚና ይኖረዋል ተብሏል።

📉 የሀብት ሽሽቱ አስከፊነት

የምጣኔ ሀብት ባለሙያው ዶክተር ቆስጠንጢኖስ በርኸተስፋ "ግሎባል ፋይናንሻል ኢንተግሪቲ" የተባለውን ተቋም መረጃ በመጥቀስ እንደገለጹት፣ ኢትዮጵያ በገቢ ንግድ ማጭበርበር ምክንያት ብቻ በዓመት በአማካኝ ከ3.5 ቢሊዮን ዶላር በላይ ታጣለች። ነጋዴዎች የዕቃዎችን ዋጋ አጋንኖ በማቅረብ (Over-invoicing) የውጭ ምንዛሬን ወደ ውጭ እንደሚያሸሹም ባለሙያው አመልክተዋል።

🔍 አዲሱ አሰራር ምን ይፈይዳል?
እንደ ዶክተር ቆስጠንጢኖስ ገለጻ፣ አሁን ባለው የቴክኖሎጂ ዘመን የዕቃዎች ዓለም አቀፍ ዋጋ በግልጽ የሚታወቅ በመሆኑ፣ የጉምሩክን ተመን መጠቀም ለማጭበርበር የሚሞክሩ አካላትን ዕድል ያጠባል።
በሌላ በኩል የምጣኔ ሀብት ባለሙያው ዶክተር ሞላ አለማየሁ መመሪያውን ቢደግፉም፣ ስጋታቸውን እንዲህ ገልጸዋል፦

* የቴክኖሎጂ አስፈላጊነት፦ አሰራሩ ውጤታማ እንዲሆን ግልጽ በሆነ ቴክኖሎጂ መደገፍ አለበት።

* ቢሮክራሲን መከላከል፦ ዘርፉ ለብልሹ አሰራር የተጋለጠ በመሆኑ፣ ጥብቅ ቁጥጥርና ክትትል ካልተደረገበት ሌላ የቢሮክራሲ ጫና ሊፈጥር ይችላል።

💡 መፍትሔው

የሀገሪቱ የንግድ ሚዛን አሁንም በገቢ ንግድ ላይ ያጋደለ በመሆኑ፣ ይህ አሰራር ቀልጣፋ፣ ግልጽ እና ፍትሐዊ በሆነ መንገድ ተግባራዊ ከተደረገ የሀገሪቱን የውጭ ምንዛሬ ክምችት ለማዳን ትልቅ ፋይዳ እንደሚኖረው ባለሙያዎቹ በአንድ ድምፅ ተስማምተዋል።

Getu Temesgen - (ጌጡ ተመስገን)
#ethiopia #nationalbankofethiopia #economy #importexport #foreigncurrency #financereform #customs #businessnews

አስመጪዎችን እና ባንኮችን የሚመለከት አዲስ መመሪያ ወጣ!

​"ከማክሰኞ ጀምሮ ባንኮች የጉምሩክን ዋጋ እንዲጠቀሙ ታዘዋል"
#ethiopia | ​የኢትዮጵያ ብሔራዊ ባንክ በባንኮች እና በጉምሩክ መካከል ያለውን የዋጋ ልዩነት ለማጥበብ ያለመ አዲስ አስገዳጅ መመሪያ አስተላልፏል።

​መመሪያው ምን ይላል?

ከፊታችን ማክሰኞ ጥር 19 ቀን 2018 ዓ.ል ጀምሮ፤ ሁሉም ባንኮች ለገቢ ዕቃዎች የብድር ሰነድ (LC) ሲፈቅዱ፤ የኢትዮጵያ ጉምሩክ ኮሚሽን የሚያወጣውን የዋጋ ተመን እንደ "አመላካች ዋጋ" (Indicative Price) እንዲጠቀሙ ታዘዋል።

​ለምን አስፈለገ?

1️⃣ የዋጋ ልዩነት:
ባንኮች የሚጠቀሙበት ዋጋ እና የጉምሩክ ዋጋ ሰፊ ልዩነት ስላሳየ።

2️⃣ መረጃን ለማጥራት:
በባንክ ሥርዓቱ የሚመዘገቡ የውጭ ምንዛሪ መረጃዎች ትክክለኛ እንዲሆኑ።

3️⃣ ህገ-ወጥ አሰራርን ለመግታት:
በውጭ ምንዛሪ አጠቃቀም ላይ የሚታዩ ክፍተቶችን ለመድፈን።
​ምን ተጽእኖ ይኖረዋል?

ከዚህ ቀደም ባንኮች የገቢ ዕቃዎችን ዋጋ በራሳቸው የማረጋገጥ ነፃነት የነበራቸው ቢሆንም፤ አሁን ግን የጉምሩክን ዋጋ ለመከተል ይገደዳሉ።

​⚠️ የባለሙያዎች ስጋት:

የጉምሩክ ኮሚሽን ዋጋ ከወቅታዊው የዓለም ገበያ ጋር በየጊዜው የማይዘመን ከሆነ፤ በአስመጪዎችና በባንኮች አሰራር ላይ መጓተት ሊፈጥር እንደሚችል የኢኮኖሚ ባለሙያዎች ሥጋታቸውን እየገለጹ ነው።

​አዲሱ መመሪያ ንግዱ ላይ ምን የሚፈጥር ይመስላችኋል?
​
​#nationalbank #customs #importexport #ethiopia #businessnews #economy