የማርሻል አርት አሰልጣኙ ማስተር ሀሰን ሞሚን ከጆኒ ጋር ለመፋለም ዝግጁ መሆናቸውን ገለጹ

በሀገር ውስጥ የኤምኤምኤ (MMA) ስፖርት ዘርፍ አዲስ ውጥረት የሚያነሳስ መረጃ ወጥቷል። የአፋር ክልል ተወላጅ እና የዳካይቶ ሪዩ (Dakayto Ryu) ማርሻል አርት አሰልጣኝ ማስተር ሀሰን ሞሚን፡ በቅርቡ ትልቅ ትኩረት ከሳበው ተፎካካሪ ጆኒ (Johnny) ጋር በሪንግ ውስጥ ለመጋጠም ጥሪ ማቅረባቸው ተሰምቷል።

ማስተር ሀሰን የሀገር በቀል የትግል ስፖርት እና የባህል ማርሻል አርት ጥንካሬን በኦክታጎን ውስጥ ለማሳየት ሙሉ ዝግጅት ማጠናቀቃቸውን የገለፁ ሲሆን፡ አሁን ላይ የግጥሚያው መካሄድ በETFC አዘጋጆች እና በሚመለከታቸው አካላት ውሳኔ ላይ የተመሰረተ ሆኗል።

የሁለቱ ተወዳዳሪዎች የክህሎት ልዩነትና የተለያየ የስፖርት መነሻ የብዙዎችን ትኩረትስቧል።

የስፖርት ቤተሰቡ ግምት፦

• የዳካይቶ ሪዩ አሰልጣኙ ማስተር ሀሰን ሞሚን ያሸንፋሉ?
• ወይንስ የጆኒ የኤምኤምኤ ቴክኒክ የበላይነቱን ይይዛል?
እርስዎ የትኛውን ተወዳዳሪ ይደግፋሉ?

Seledadotio
Seledadotio

(ዘ-ሐበሻ መዝናኛ ዜና) ድምጻዊ ሳሚ ዳን ትናንትየተካሄደውን የድብልቅ ማርሻል አርት እና የቦክስ ውድድር አስመልክቶ በቪድዮ ትንታኔ ሰጥቷል። ድምጻዊው በዚሁ የቪዲዮ መልእክቱ ላይ በተለይም ታይሰን፣ ንቃተ ህሊና፣ ሮቤል፣ ሴዶ እና ጆኒ የተባሉትን ተወዳዳሪዎች ብቃት እና የስነ ልቦና ዝግጅት በስፋት ገምግሟል።

በመልእክቱ መጀመሪያ ላይ ታይሰን የተባለውን ወጣት ተወዳዳሪ አቅም ያደነቀው ሳሚ ዳን፣ ነገር ግን በውድድሩ ላይ ያሳየው ከመጠን ያለፈ በራስ መተማመን እና ትምክህተኝነት ትኩረቱን እንደሚሰርቀው ተችቷል። ተወዳዳሪው ተጋጣሚው ላይ ከማሾፍ እና ከመዘናጋት ተቆጥቦ ትኩረቱን በጨዋታው ላይ ብቻ ቢያደርግ ወደፊት ትልቅ ደረጃ ላይ መድረስ እንደሚችል አሳስቧል።

በሌላ በኩል ንቃተ ህሊና እና ሮቤል ባደረጉት ፍልሚያ ዙሪያ ሰፋ ያለ ትንታኔ የሰጠው ድምጻዊው፣ የንቃተ ህሊናን አስገራሚ መሻሻል እንደ ትልቅ የህይወት ፍልስፍና አቅርቦታል። ንቃተ ህሊና ከዚህ ቀደም ካጋጠመው ከባድ ሽንፈት እና ትችት በመማር የትግል ስልትን በሚገባ ሰልጥኖ ተመልሶ በማሸነፉ፣ ከውድቀት ተነስቶ ክፍተትን በመሙላት ማሸነፍ እንደሚቻል በተግባር ማሳየቱን አብራርቷል። ተጋጣሚው ሮቤል በበኩሉ አዳዲስ የትግል ስልቶች እውቀት ባለመኖሩ ምክንያት ለከፍተኛ ሽንፈት መዳረጉን ገልጿል።

በተጨማሪም በሴዶ እና ጆኒ መካከል በነበረው ፍልሚያ ጆኒ ስፖርቱ የጎዳና ላይ ዱርዬነት ሳይሆን የባለሙያዎች መሆኑን በተግባር ማሳየቱን መስክሯል። ሴዶ እስከዛሬ የነበረው ልምድ ከጆኒ ጋር ሲጋጠም ምንም ጥቅም እንዳልሰጠው እና በቀላሉ ተይዞ መሸነፉን አስታውሷል።

ድምጻዊው ለሴዶ ገንቢ ምክር ለግሷል። ሴዶ የውድድር ማስተዋወቅ ስራ ላይ እጅግ ጎበዝ መሆኑን የገለጸው ሳሚ ዳን፣ ይህንን ችሎታውን ከእውነተኛ የትግል አቅም ጋር ማዋሃድ እንዳለበት መክሯል። ማንአለብኝነትን ትቶ ለአንድ ዓመት ያህል አዳዲስ የትግል ስልቶችን ቢማር እና ቢሰለጥን፣ በቀጣይ ዓመት ከፍተኛ አሸናፊ መሆን እንደሚችል ጠቁሟል። የውጭ ሀገር ውድድሮችን ከማሰቡ በፊት በቅድሚያ በሀገሩ ላይ ያለውን ክፍተት ሞልቶ የሀገር ውስጥ አሸናፊ መሆን እንዳለበት በማስታወስ መልእክቱን አጠቃልሏል።

የታሪኩ ጋንጋሲ አነጋጋሪ መልእክት

ማደሪያ የሌለው ህዝብ - ሲገፋ የኖረ

እርግጫ ለማየት - ጎዳና አደረ (ታሪኩ ጋንጋሲ)

በአዲስ አበባ አድዋ ድል መታሰቢያ ሙዚየም በተካሄደው የኢትዮጵያ ታፕ ፋይት ቻምፒዮና (ETFC 002፤ Adwa Fight Night) ዋና ፍልሚያ ጆኒ ጁጁትሱ ሰዶን ማሸነፉን ተከተሎ፣ ታዋቂው ድምፃዊ ታሪቁ ጋንክሲ በማህበራዊ ሚዲያው ያስተላለፈው የትችት መልእክት ከፍተኛ መነጋገሪያ ሆኗል።

በሺዎች የሚቆጠሩ ተመልካቾችን በሳበው በዚህ ውድድር ዙሪያ ድምፃዊው «ማደሪያ የሌለው ህዝብ - ሲገፋ የኖረ፣ እርግጫ ለማየት - ጎዳና አደረ» የሚል ግጥማዊ ቅሬታ ያቀረበ ሲሆን፣ ይኸውም በአሁኑ ወቅት በሀገሪቱ ውስጥ እየተስፋፋ ያለውን የፍትህ ማጣት፣ የጦርነት ስቃይ፣ ተቋማዊ የሌብነትና የዘረፋ ወንጀል እንዲሁም የከፋ የኢኮኖሚ ውደቀት ችላ በማለት ህዝቡ ጥልቅ ማህበራዊና ፖለቲካዊ ችግሮች ውስጥ እያለ በእንደዚህ አይነት የትግል ትዕይንቶች ላይ ትኩረት ማድረጉን ለመኮነን እንደሆነ ተገልጿል።

ድምፃዊው ይህን ማህበራዊ ተቃርኖ በማንሳት የሰጠው አስተያየት በበርካቶች ዘንድ ድጋፍና የተለያየ ትችት በማስተናገድ በማህበራዊ ሚዲያ መድረኮች ላይ ሰፊ አከራካሪ አጀንዳ ሆኖ ቀጥሏል።

Seledadotio
Seledadotio

ጆኒ ተጋጣሚውን ሴዶን በመጀመሪያው ዙር በመርታት የMMA የክብር ቀበቶውን ተቀዳጀ
#​Ethiopia | በዓድዋ ድል መታሰቢያ በተካሄደው ደማቅ የድብልቅ ማርሻል አርት (MMA) ውድድር ጆኒ ተጋጣሚውን ሴዶን በመጀመሪያው ዙር በፍጥነት በማሸነፍ የክብር ቀበቶውን ተረክቧል።

​በተደራጀ የመድረክ ዝግጅት፣ በታዳሚዎች ደማቅ ተሳትፎና በስፖርተኞች ብርቱ ፉክክር የተካሄደው "አድዋ ፋይት ናይት 2" የሀገራችንን የማርሻል አርት ውድድር ደረጃ ከፍ ባደረገ መልኩ ተጠናቋል።

በመርሃ ግብሩ ላይ ከዋናው የMMA ፍልሚያ በተጨማሪ የቦክስ እና የሞይታይ (Muay Thai) ውድድሮች ተካሂደው የተመልካቹን ቀልብስበዋል።

​በዕለቱ ታዋቂ አርቲስቶች፣ የቲክቶክ ተፅዕኖ ፈጣሪዎችና በርካታ የስፖርት አፍቃሪዎች በተገኙበት ጆኒ የበላይነቱን በማስመስከር የደማቁ ምሽት አሸናፊ መሆን ችሏል።

​#mma #adwafightnight #adwafightnight2 #johnny #ethiopiamma #martialarts

የምሽቱ ትልቁን ፍልሚያ ጆኒ አሸነፈ

በዓድዋ ድል መታሰቢያ ሙዚየም በታላቅ ድምቀት ሲካሄድ የሰነበተው የኢቲኤፍሲ 2 (ETFC 2) ኮከቦች ምሽት በጉጉት በተጠበቀውና በዋናው የዋንጫ ፍልሚያ (Main Event) በይፋ ፍጻሜ አግኝቷል!

በሚድል ዌይት (Middleweight MMA Bout) ዘርፍ በጆኒ እና በሴዶ መካከል የተደረገው ይህ አስደናቂና አቃጣጣኝ ፍልሚያ የመላው ተመልካች ቀልብ የሳበ ነበር።

በከፍተኛ የኤምኤምኤ (MMA) ቴክኒክ፣ የላቀ ብቃትና ፍጹም የድል ወኔ ተጋጣሚውን ሴዶን ያሸነፈው ጆኒ፡ የምሽቱን ትልቅ ድል በመቀዳጀት አዲሱ የ ETFC 2 ቻምፒዮን (Champion) በመሆን ዘውዱን ደፍቷል!

Seledadotio
Seledadotio

(ዘ-ሐበሻ ዜና) "[ጆኒን] ከልቤ ነው የምወደው፤ ከፍ ያለ አክብሮትም አለኝ! ይህ ፍልሚያ የሁላችንንም ስሜት ያነቃቃ ነበር። ገና ከጅምሩ በግልጽ እንዳልኩት፣ በጂጂትሱ ጥበብ ላይ ያለውን አስደናቂ ብቃት እጅግ አደንቃለሁ። ዛሬ ድሉን የተነጠቅኩትም በዚሁ የጂጂትሱ ስልት እንጂ በቡጢ እና በርግጫ (Strike) አይደለም! እራሴን ይበልጥ አጠንክሬ የግራፕሊንግ (Grappling) ብቃቴን ከዚህም በላይ አሳድጌ ዳግም እመጣለሁ። ለቀጣዩ ታሪካዊ የመልስ ግጥሚያችን (Rematch) ግን... እዚህ ኢትዮጵያ ውስጥ ሳይሆን፣ ድንበር ተሻግረን ዱባይ ላይ በታላቅ ወኔ እጠብቀዋለሁ!"

ሲዶ ከሽንፈቱ በኋላ

በሴቶች የሞይ ታይ ፍልሚያ ዘሀራ የበላይነቷን አረጋግጣለች
#ethiopia | ሁለተኛው የአድዋ ፋይት ናይት ውድድር በታላቅ ድምቀት መካሄድ ጀምሯል።

ይህ የስፖርት ዘርፍ በአሁኑ ወቅት በሀገራችን ወጣቶች ዘንድ ከፍተኛ ፍላጎትና መነቃቃትን እየፈጠረ ይገኛል።

በኢትዮጵያ ታዋቂ ፋይቲንግ ቻምፒዮንሺፕ (ETFC) አዘጋጅነት በመካሄድ ላይ በሚገኘው በዚህ ውድድር በሴቶች የሞይ ታይ ፍልሚያ በዘሀራ እና በያብስራ መካከል ከተደረገው ተጠባቂ ጨዋታ ዘሀራ ማሸነፍ ችላለች።

በዛሬው ምሽት ከሚደረጉት ዋና ዋና ውድድሮች መካከል በጉጉት የሚጠበቀው የሴዶ እና የጆኒ የኤምኤምኤ ፍልሚያ እንዲሁም ሌሎች አጓጊ የቦክስ ውድድሮች ይከናወናሉ።
#etfc #adwafightnight #muaythai #mmamatch #getutemesgen #getu #ጌጡ #ጌጡተመስገን #addisababa

ውሃ ላይ እንደ ልቧ ስትዘንጥ ውላ፣ ስትንሳፈፍ የምታነጋው ቬነስ!
የጉዞ ማስታወሻ
ተስፋዬ እሸቱ (ረዳት ፕሮፌሰር)

ከቬነስ፣ ጣሊያን #ethiopia | ለመጀመሪያ ጊዜ ቬነስን ለማየት የተመኘሁት፣ አንጀሊና ጆሊ እና ጆኒ ዴፕ የተወኑበትን The Tourist የተሰኘውን ፊልም ካየሁ በኋላ ነው። ፊልሙን ካየሁት ዓመታት ስለተቆጠሩ ታሪኩ ብዙም ትዝ አይለኝም።

ቬነስ ግን ከአእምሮዬ አልወጣችም። የውሃ መንገዶቿ፣ ድልድዮቿ፣ በውሃው ላይ የሚንሸራሸሩት ጀልባዎች፣ ዕድሜ ጠገብ ሕንፃዎቿ.... አንድ ቀን በዓይኔ ላያቸው የምመኛቸው ምስሎች ሆነው ቀሩ።

አንዳንድ ጊዜ ፊልም ታሪክን ብቻ አይነግረንም፤ የማናውቀውን ቦታም ያስናፍቀናል። “የማያውቁት አገር አያናፍቅም” የሚለው ለቬነስ አይሠራም። ቬነስን ናፈቅኋት። “ባየኋት!” አልኩ በምኞት። እንዴት እንደማያት ግን አላውቅም ነበር፤ ምኞት ብቻ።

እነሆ ታዲያ ዛሬ ምኞቴ ሰምሮ ቬነስ እገኛለሁ፤ ደስ አይልም?!
ከብዙ ዓመታት በፊት በፊልም ስክሪን ያየኋቸውን የቬነስ መንገዶች ዛሬ በእግሬ ተራመድኩባቸው፤ ውሃዋን በጀልባ አቋረጥኩ፤ በድልድዮቿ ላይ ቆሜ ከተማዋን አየሁ።

ወቸው ጉድ! አልኩ።
ከ180 ዓመታት በፊት ቬነስን የጎበኘችው የFrankenstein ደራሲ Mary Shelley፣ “ቬነስ ከዓለም ከማንኛውም ስፍራ ፈጽሞ የተለየ ነገር አላት” ስትል ጽፋ ነበር። እኔም ቬነስን በዓይኔ ሳይ የተሰማኝ ይኸው ነው። ከ180 ዓመታት በኋላ የMary Shelleyን አባባል እንደገና ለመድገም የሚያስገድድ አንድ ነገር በቬነስ አለ። ከተማ ናት፤ ግን የለመድነውን አይነት ከተማ አትመስልም።

በቬነስ የለመድነው የከተማ ድምፅ የለም። የመኪና ጥሩምባ የለም፤ የሞተር ጩኸት የለም፤ የትራፊክ መብራት ፊት ቆሞ መንገድ እስኪከፈት መጠበቅም የለም፤ ትራፊክ ራሱ የለም፤ ለመቅጣት ያሰፈሰፈ ትራፊክም አታዩም፤ የታክሲ ግፊያም የለም። “መርካቶ! መርካቶ!” የሚሉ ሰማያዊ ታክሲዎች የሉም ብቻ ሳይሆን፣ ከነጭራሹ አይታሰቡም። የራሷ ብቻ የሆነ የከተማ ለዛ አላት።

በቬነስ ውሃ መንገድ ነው። ጀልባ አውቶቡስ ነው፤ ጀልባ ታክሲያቸውም ነው። በቬነስ ውሃ ላይ ብቻውን መዘነጥ ላሰበም፣ ጎንዶላ የተባለ የግል ጀልባ አለ። ከኋላ ቆሞ በጣሊያንኛ እያወራ፣ ተሳፋሪውን በውሃ ላይ የሚያንሳፍፈውን የጀልባ ቀዛፊ “ጎንዶሊየር” ይሉታል። ተሳፋሪውን ምን እንደሚሉት ግን አልጠየኩም። ጎንዶሊየሩ ጣሊያንኛ ሲያወራ የሚለው ገባኝ አልገባኝ ብሎ መጨነቅ የለም፤ ፈገግ ብለው “ሲ!” ካሉ ይበቃል። ጀልባቸው ይቅርብኝ ካሉ ደግሞ፣ ዕድሜ ለእግርዎ! “ልወዝወዘው በእግሬ” ብለው ሲወዘወዙ ይውላሉ።

በነገራችሁ ላይ፣ ቬነስ ውሃ የከበባት ከተማ ብቻ አይደለችም፤ ውሃ መንገዷ፣ ውሃ እንጀራዋ ነው። ቀና ስትል ውሃ፣ ዞር ስትል ውሃ። ውሃ ላይ እንደ ልቧ ስትዘንጥ ውላ፣ ስትንሳፈፍ የምታድር ትመስላለች። እኔም ሳልፈራ ስንሳፈፍ ነው ያደርኩት።
ግን ከመጠየቅ ወደኋላ አላልኩም።....

“እንዴት ነው እንዲህ ያለች ከተማ ውሃ ላይ ቀጥ ብላ የቆመችው?”
የብዙዎች ጥያቄ ይሄው ይመስለኛል። ጠይቄ ብቻ ግን አልቀረሁም፤ አነበብኩ። ቬነስ በላጎን ውስጥ ባሉ ትናንሽ ደሴቶች ላይ የተገነባች ሲሆን፣ የብዙዎቹ ታሪካዊ ሕንፃዎቿ መሠረት ወደ መሬት በተተከሉ የእንጨት ምሰሶዎች የተደገፈ ነው።

በድጋሚ፣ ወቸው ጉድ!
ግን...እንዴት ቀኑን ሙሉ ውሃ ሲመታው፣ ውሃ ሲጠጣ እየዋለ እንጨቱ አይነቅዝም?....

በዚህ ረገድ ቬነሳውያን ተፈጥሮን በእጅጉ የተረዱ ሰዎች ሆነው አገኘኋቸው። እንጨቶቹ በጭቃና በውሃ ውስጥ ተቀብረው ስለሚቆዩ ኦክስጅን በብዛት አያገኙም። ይህም በተለይ ፈንገሶች እንጨቱን በፍጥነት እንዳያበሰብሱት ያደርጋል። መበስበሱን ሙሉ በሙሉ አያስቆመውም፤ በእጅጉ ግን ያዘገየዋል። ለዚህም ነው እነዚህ የእንጨት ምሰሶዎች ለዘመናት የሕንፃዎቹ መሠረት ሆነው ሊቆዩ የቻሉት።

ልብ በሉ፤ ይህን ሲያስቡ ዛሬ ያለን ዘመናዊ የኢንጂነሪንግ ቴክኖሎጂ የለም፤ ኮምፒውተር የለም፤ AI የለም። የነበራቸው አንድ ነገር ተፈጥሮን መታዘብና በተሞክሮ ያካበቱት ዕውቀት ነበር። ይህን ሳስብ በውሃው መካከል ለዘመናት የጸናው የሰው ልጅ ጥበብ ደነቀኝ። ሰው ሆኖ መፈጠር እንዴት ያለ ጸጋ ነው! አልኩ፣ ደግሜ።

ከደሴት ወደ ደሴት፣ ከመንደር ወደ መንደር ለመጓዝ በቬነስ ከ400 በላይ ድልድዮች አሉ። ከእነዚህ መካከል ዝነኛው Rialto Bridge ነው። በፎቶ ብዙ ጊዜ ያየሁትን ሪያልቶ በእግሬ ስሻገረው፣ “ፎቶና ቦታውን በአካል ማየት አንድ አይደሉም” የሚለው አባባል እንደገና ትዝ አለኝ።

ከዚያም ቀጠልኩና ወደ ቅዱስ ማርቆስ አደባባይ (Piazza San Marco) አቀናሁ። የቅዱስ ማርቆስ ባዚሊካ፣ የዶጅ ቤተ መንግሥት፣ የዘመናት አርክቴክቸር፣ በየአቅጣጫው የሚፈሱ ጎብኚዎች... አረ ስንቱ ይነገራል!

ታዲያ በቬነስ ያየሁት አንድ ትልቅ ችግር አለ፤ “ነፃ” የሚባል ነገር ብዙም አይወዱም!

ቬነስ ውበቷን በነፃ አታሳይም። እንደማንኛውም ታዋቂ የቱሪስት ከተማ አረ ከዚያም በላይ ምንም ነገር በዋዛ አይቀመስም። ቡናው አለ፣ ምግቡ አለ፣ ጀልባው አለ፣ ጎንዶላው አለ። ብቻ በየቦታው “Paghi, per favore!” ነው።ቬነስ ከመጣሁ የተማርኩት አንድ የጣሊያንኛ ሐረግ ቢኖር፣ ይሄው ብቻ ነው፣ “እባክዎ ይክፈሉ!” የሚለው።

የሆነ ጊዜማ ተናድጄ፣ “ውሃውን እግዚአብሔር በነፃ አይደለ እንዴ የሰጣችሁ? ምናለ ይሄንን እንኳ ብትምሩኝ!” አልኩት።
ፈገግ ብሎ፣ “እግዚአብሔር ውሃውን በነፃ ቢሰጠንም፣ እኛ ግን እንዴት መሸጥ እንዳለብን አስበናል፤ የምትከፍለው ለውሃው ሳይሆን ለሐሳባችን ነው!” አለኝ፤ እውነት አለው።

ምን አለፋችሁ እያስጎበኙ የዓለምን ቱሪስት ያልቡታል። ቱሪስቱም እምቢ አይልም፤ ደስ እያለው ኪሱ ውስጥ ያለውን ያራግፋል። ባወጣው ግን ቅር አይሰኝም። ቬነስ ኪስህን ታራቁተዋለች፤ ልብህን ግን በሆነ ስሜት ትሞላዋለች።

እና እንዳልኳችሁ... ለቬነስ ውሃ እንጀራዋ ብቻ ሳይሆን ስጋቷም ነው። ቬነስ ከውሃ ጋር የኖረችውን ያህል፣ ዛሬ ውሃው ራሱ የወደፊት ሕልውናዋን እየተፈታተነው ነው። ቀስ በቀስ የመስመጥ ስጋትም ተደቅኖባታል። ይሄን ሳስብ ዝም ብሎ እንደ ሰው ስጋት ገባኝ።

ዋ! የፍቅር ከተማ የተባለችው ቬነስ፣ ልክ እንደ ታይታኒክ የብዙዎችን ፍቅርና ትዝታ ይዛ አንድ ቀን ውሃ ውስጥ ትሰምጥ ይሆን?...መቼስ ደግ አይበረክት! እያልኩ ማሰብ ጀመርኩ፤ ሐሳቡን ግን አልቀጠልኩበትም። ምክንያቱም የቬነስን የመጨረሻ ቀን ለመተንበይ አልመጣሁምና!!

መልካም ቀን!

ሴዶ ከግጥሚያው ሊያመልጥ አይችልም፤ ጆኒ እምቢ ቢል እንኳ ከእኔ ጋር ይደባደባል» — የETFC 2 አዘጋጅ ጌታቸው መለሰ

አዲስ አበባ — በETFC 2 Cage ውድድር ተወዳዳሪው ሴዶ ማርሻል "በተቃዋሚዬ ጆኒ ድግምትና መተት ተሰርቶብኛል" በሚል ከግጥሚያው ራሱን ማግለሉን ካስታወቀ በኋላ፣ የውድድሩ አዘጋጅ ጌታቸው መለሰ በሰጡት አጣዳፊ ምላሽ ሴዶ ከውድድሩ ሊያመልጥ እንደማይችልና ግጥሚያው እንደማይቀር በጽኑ አስታወቁ።

የውድድሩ አዘጋጅ ጌታቸው መለሰ በሰጡት ቃለ-መጠይቅ፣ ሴዶ አሁን ላይ ጨርቅ እየወረወረና የተለያዩ ምክንያቶችን እየደረደረ ከውድድሩ ለመውጣት ቢሞክርም በህግና በውል የተያዘ በመሆኑ ከፋይቱ ማምለጥ እንደማይችል ገልጸዋል። "ከ130 ሚሊዮን በላይ ህዝብ በሚከታተለው ውድድር ላይ እንደዚህ አይነት ሰበብ አያመልጥም" ያሉት አዘጋጁ፣ ሴዶ ከሀገር እንዳይወጣ በኤርፖርትና አስፈላጊ ቦታዎች ላይ የደህንነት ጥበቃ ክትትል እንዲደረግ መደረጉንም አብራርተዋል።

በተጨማሪም አዘጋጁ ሁኔታውን በቁጣና በቀልድ አቀላቅለው ሲናገሩ «ሴዶን ጆኒ እንኳ እምቢ ብሎ የማይደባደበው ከሆነ፣ ከእኔ ጋር ይደባደባል፤ ከእኔ ጋር ይገጥማል!» በማለት ውድድሩ በማንኛውም ሁኔታ እንደማይቀርና Cage ውስጥ መግባቱ ግዴታ እንደሆነ አጥብቀው ገልጸዋል።

የETFC 2 Cage ውድድር የታቀደበት ቀንና ሰዓት ሳይቀየር እንደሚካሄድ አዘጋጆቹ አረጋግጠዋል።

Via: ETFC 2

Seledadotio
Seledadotio

ሴዶ ማርሻል እስከ 1 ዓመት እስራት ሊቀጣ ይችላል» — ጠበቃ ሰብለ አሰፋ::

በETFC 2 Cage ውድድር ውዝግብ ዙሪያ ጠበቃ ሰብለ አሰፋ ሕጋዊ ማብራሪያ ሰጡ

አዲስ አበባ — በETFC 2 Cage ውድድር ዝግጅት ወቅት ተወዳዳሪው ሴዶ ማርሻል "በተቃዋሚዬ ጆኒ ድግምትና መተት ተሰርቶብኛል" በሚል ምክንያት ከውድድሩ ራሱን ማግለሉን አስመልክቶ ጠበቃ ሰብለ አሰፋ ሕጋዊ ማብራሪያ ሰጥተዋል።

ጠበቃ ሰብለ አሰፋ በቪዲዮ በሰጡት መግለጫ፣ ሴዶ ያቀረበው "በእንቁላል መተት ተሰርቶብኛል" የሚለው አቤቱታ በህግ ፊት ተቀባይነት ያለው ማስረጃ ካልቀረበበት በስተቀር በጆኒ ላይ የተፈጸመ የሐሰት ስም ማጥፋት ወንጀል እንደሆነ ገልጸዋል።

እንደ ጠበቃ ሰብለ ገለጻ፣ በኢፌዴሪ የወንጀል ሕግ አንቀጽ 613 መሠረት፣ አንድ ሰው ያለበቂ ማስረጃ በሌላው ሰው ላይ የሐሰት ክስና ውንጀላ በማቅረብ መልካም ስሙንና ክብሩን ካደፈረሰ ወይም በህብረተሰቡ ዘንድ ያለውን አመኔታ እንዲያጣ ካደረገ፣ በተጎጂው አቤቱታ አቅራቢነት እስከ አንድ ዓመት በሚደርስ ቀላል እስራት ሊቀጣ ይችላል።

በተጨማሪም ውድድሩ መሰረዙ ከተረጋገጠ ወይም የተወደዱ ተወዳዳሪዎች ባለመሰለፋቸው ምክንያት ቅሬታ ያላቸው የትኬት ገዢዎችና ተመልካቾች የውድድሩን አዘጋጆች ካሳ የመጠየቅ ሙሉ ሕጋዊ መብት እንዳላቸው ጠበቃ ሰብለ አብራርተዋል።

በሌላ በኩል ደግሞ የውድድሩ አዘጋጆች (ETFC) ሴዶ ማርሻል በገባው ውል መሠረት ባለመወዳደሩ ምክንያት ለደረሰባቸው የወጪና የገቢ ኪሳራ እንዲሁም ለተመልካቾች ለሚከፍሉት ካሳ በፍትሐብሔር ሕግ መሠረት ከሴዶ ላይ የጉዳት ካሳ የመጠየቅ መብት እንዳላቸው ገልጸዋል።

Seledadotio
Seledadotio

የሴዶ ማርሻል ''መልዕክት'' እስከ አንድ ዓመት በእስር ሊያስቀጣው ይችላል ተባለ
#ethiopia | ​የኢትዮጵያ ፋይቲንግ ቻምፒዮንሺፕ (ETFC) ውድድር ጥቂት ቀናት ብቻ በሜቀሩበት ወቅት ተወዳዳሪው ሴዶ "ድግምት ተሰርቶብኛል" በሚል ከውድድሩ መውጣቱን ማስታወቁ በማህበራዊ ሚዲያ እና በስፖርቱ አፍቃሪዎች ዘንድ ትልቅ መነጋገሪያ አጀንዳ ፈጥሯል።

​ሴዶ ከውድድሩ አራት ቀናት ቀደም ብሎ ባስተላለፈው መልዕክት ከተጋጣሚው ጆኒ ጋር ለሚያደርገው ፍልሚያ እንደማይቀርብ ይፋ አድርጓል።

ተወዳዳሪው በእንቁላል ድግምትና ስህር እንደተሰራበት በመግለጽ ከተለየ የውጭ አገር ተደባዳቢ ጋር ካልሆነ በስተቀር ከተጠቀሰው ተጋጣሚው ጋር ወደ ሪንግ እንደማይገባና የውድድሩን ቲሸርት አውልቆ በመመለስ አቋሙን አስታውቋል።

​ይህንን ጉዳይ አስመልክቶ አስተያየታቸውን የሰጡ የሕግ ባለሙያዋ ጠበቃ ሰብለ አሰፋ እንደሚያስረዱት ሴዶ ያቀረበውን የድግምት ክስ በህግ ፊት የሚያስረዳ አደራጅ ማስረጃ ካላቀረበ፣ በኢፌዴሪ የወንጀል ሕግ መሰረት በሰው ስም እና ክብር ላይ የሚፈጸም የሀሰት ሀሜትና ስም ማጥፋት ወንጀል ተደርጎ ሊወሰድበት ይችላል።

ይህም አሰራር የተጋጣሚውን መልካም ስም ያጎደለ በመሆኑ እስከ አንድ ዓመት በሚደርስ ቀላል እስራት ወይም በመቀጮ ሊያስቀጣው የሚችልበት ህጋዊ እድል እንዳለ ይጠቁማል።

​በሌላ በኩል ለውድድሩ ቲኬት የቆረጡ ተመልካቾች እና የውድድሩ ስፖንሰሮች መብት በህግ የተጠበቀ በመሆኑ የውድድሩ አዘጋጆች (ETFC) አማራጭ ውድድር የማቅረብ ወይም የገንዘብ ተመላሽ የማድረግ ግዴታ አለባቸው።

በተጨማሪም የውድድሩ አዘጋጆች ሴዶ በገባው ውል መሰረት ውድድሩን በማቋረጡ ምክንያት የደረሰባቸውን የገንዘብና የመድረክ ኪሳራ በፍትሐብሔር ክስ የመጠየቅ ሙሉ ህጋዊ መብት እንዳላቸው ተገልጿል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

የጆኒ እና ሴዶ MMA ፍልሚያ መግቢያ ትኬት VVIP 100 ሺ ብር መሆኑ ተገለፀ::

ቀን: ነሐሴ 21
ቦታ: አድዋ 00 ሙዚየም (Adwa 00 Museum)
ቲኬት ለመግዛት: በ M-Pesa

የቲኬት ዓይነቶች እና ዋጋ:

1. VVIP Ringside - 100,000 የኢትዮጵይ ብር

* ልዩ የሪንግ አጠገብ መቀመጫ
* ያልተገደበ የምግብ እና የመጠጥ አገልግሎት
* ወደ ተወዳዳሪዎች ልብስ መቀየሪያ ክፍል የመግባት እድል
* መቀመጫ የመምረጥ መብት

2. VVIP Premium - 50,000 የኢትዮጵይ ብር

* 2ኛ ተከታታይ ረድፍ መቀመጫ
* 2 የምግብ እና 10 የመጠጥ ኩፖኖች
* መቀመጫ የመምረጥ መብት

3. VVIP Normal - 30,000 የኢትዮጵይ ብር

* ከ 3ኛ እስከ 5ኛ ረድፍ መቀመጫዎች
* 2 የምግብ እና 7 የመጠጥ ኩፖኖች
* መቀመጫ የመምረጥ መብት

4. VIP - 20,000 የኢትዮጵይ ብር

* 1 የምግብ እና 4 የመጠጥ ኩፖኖች
* መቀመጫ የመምረጥ መብት

5. Regular - 10,000 የኢትዮጵይ ብር

6. Early Bird - 4,000 የኢትዮጵይ ብር
(በተወሰነ ቁጥር የቀረበ)
ቲኬትዎን አሁኑኑ በ M-Pesa ይቁረጡ!

ቲኬቱም እያለቀ ነው ተብሏል.......

Via ETFC

Seledadotio
Seledadotio

የሴዶ እና የጆኒ ታላቅ የMMA ፍልሚያ ነሐሴ 21 ይካሄዳል!
#fastmereja :-በኢትዮጵያ የማርሻል አርትስ እና የቦክስ ስፖርት ታሪክ ያልተነካውን እምቅ አቅም ለዓለም ለማሳየትና ስፖርቱን ለወጣቶች የቋሚ ገቢ ምንጭ ለማድረግ ያለመው ''አድዋ ፋይት ናይት 2" (ETFC 002) ታላቅ የውድድር ምሽት ነሀሴ 21 እንደሚካሄድ በዛሬዉ እለት ተገለፀ።

ነሀሴ 21 በሚካሄደው በዚህ ውድድር ላይ በስፖርት አፍቃሪያን ዘንድ ከፍተኛ ትኩረትን የሳበው እና በጉጉት የሚጠበቀው ዋና ፍልሚያ (Main Event) በጆኒ (Johnny) እና በሴዶ (Sedo) መካከል የሚደረገው ድብልቅ ማርሻል አርት (MMA) ግጥሚያ እንደሆነ ተገልጿል።

ዛሬ በተሰጠው የጋዜጣዊ መግለጫ ወቅት ተወዳዳሪዎች በፊት ለፊት ፍጥጫ (Face-to face) የተገናኙ ሲሆን እርስ በእርስ ያቀረቧቸው የተፎካካሪነት እና የስነ-ልቦና የበላይነት የመውሰጃ አስተያየቶች በስፍራው የነበረውን ስሜት ያጋገሉት ሲሆን፣ ሁለቱም ስፖርተኞች ለነሐሴ 21ዱ ታላቅ ፍልሚያ ያላቸውን ከፍተኛ ዝግጁነትና የማሸነፍ በራስ መተማመን አሳይተዋል።

የውድድሩ አዘጋጅና የስዊት ቦክስ መስራች እና ስራ አ አቶ ጌታቸው መለሰ በበኩላቸው፣ ETFC 002 የቀደመው ETFC 001 ከተካሄደበት ፍጥነትና ሁኔታ በተሻለ መልኩ በከፍተኛ ደረጃ ተዘጋጅቶ የቀረበ መሆኑን ገልጸዋል።

አዘጋጆቹ ለፕሮግራሙ መዘገየት ይቅርታ በመጠየቅ፣በተወዳዳሪዎቹ የስነ-ምግባር ጥንካሬ ላይ ሙሉ እምነት እንዳላቸውና ስፖርተኞቹ ሀገራቸውን በዓለም አቀፍ መድረክ ማስጠራት የሚችሉ መሆናቸውን አብራርተዋል።

በምሽቱ 11 የተመረጡ ፍልሚያዎች የሚካሄዱ ሲሆን፣ 4 የቦክስ (Boxing) 4 የኤምኤምኤ (MMA) 3 የሙአይ ታይ (Muay Thai) ፍልሚያዎች ናቸው።

በዝግጅቱ ላይ የሴቶች ተሳትፎ ልዩ ቦታ የተሰጠው ሲሆን፣ አትሌት አብስላት እና ዛራ በተወዳዳሪነት የሚሳተፉ ሲሆን በቀጣዩ «አድዋ ፋይት ናይት 003» ውድድር ላይ ደግሞ የሴት ተወዳዳሪዎች ቁጥር እንዲጨምርና ሰፊ ተሳትፎ እንዲኖራቸው ትኩረት ተሰጥቶ እንደሚሰራ ተጠቅሷል።

በሌላ በኩል፣ በቀደሙት ዝግጅቶች የነበረውን የመቀመጫ መደራረብ ችግር ሙሉ በሙሉ ለመቅረፍ የተሰራ ሲሆን በዚህም ተመልካቾች ትኬት በሚቆርጡበት ወቅት ቀጥታ የመቀመጫ ቦታቸውን (Seat) መርጠው እንዲይዙ እንደሚደረግም ነዉ የተገለፀዉ።

አዘጋጆቹ እንዳብራሩት፣ በቅርቡ በሚካሄዱት ETFC-003 እና ETFC-004 የውድድር መድረኮች ላይ የሀገር ውስጥ ስፖርተኞች ከውጭ ሀገር ተወዳዳሪዎች ጋር እንዲጋጠሙ እንደሚደረግ የተገለፀ ሲሆን ይህም በሚቀጥሉት ሁለት ዓመታት ውስጥ እንደ ኡሲክ (Usyk) ያሉ ታዋቂ የዓለም አቀፍ ቦክስ ውድድሮችን በኢትዮጵያ ውስጥ ለማዘጋጀት ለተያዘው ታላቅ ዕቅድ መንገድ የሚከፍት ነው ተብሏል።

ይህ ዝግጅት በአድዋ ድል መታሰቢያ፣ በአዲስ አበባ ወጣቶችና ስፖርት ቢሮ፣ የስፖርት አመራሮች እንዲሁም አጋር ድርጅቶች አስተዋጽኦ የሚካሄድ ሲሆን፣ የስፖርት አፍቃሪያን የነሐሴ 21ዱን የሴዶ እና ጆኒ ፍልሚያ በከፍተኛ ጉጉት በመጠበቅ ላይ ይገኛሉ።

📷 ከበደ መክብብ

(ዘ-ሐበሻ ስፖርት) የካርሎ አንቸሎቲዋ ብራዚል ሄይቲን በቀላሉ በማሸነፍ ምድቧን መምራት ጀመረች፤ ሄይቲ ከ2026ቱ የዓለም ዋንጫ ውድድሯን ያጠናቀቀች የመጀመሪያዋ ሀገር ሆናለች!

በማንችስተር ዩናይትዱ አጥቂ ማቲየስ ኩኛ ደማቅ የፊት መስመር እንቅስቃሴ ታጅባ ወደ ሜዳ የገባችው ብራዚል፣ ሄይቲን 3-0 በሆነ ሰፊ ውጤት አሸንፋለች። በካርሎ አንቸሎቲ የሚመራው የብራዚል ብሔራዊ ቡድን በመክፈቻው ጨዋታ ከሞሮኮ ጋር አቻ መለያየቱን ተከትሎ የገጠመውን ትችት፣ ፊላደልፊያ ላይ ባሳየው ማራኪ እና አሳማኝ እንቅስቃሴ አርቆታል።

በብሬንትፎርዱ አጥቂ ኢጎር ቲያጎ ምትክ በቋሚነት ጨዋታውን የጀመረው ኩኛ፣ ገና በ23ኛው ደቂቃ ላይ ብራዚልን ቀዳሚ አድርጓል። የሄይቲው ግብ ጠባቂ ጆኒ ፕላሲዴ የቪኒሲየስ ጁኒየርን ሙከራ ሲመልሰው፣ ኳሷ በሄይቲው ተከላካይ ሃንስ ዴልክሮክስ ተገጭታ በድንገት ወደ ኩኛ በማምራት መረብ ላይ አርፋለች።

ከዘጠኝ ደቂቃዎች በኋላ (በ36ኛው ደቂቃ)፣ ኩኛ በድጋሚ ደመቀ! ቪኒሲየስ ጁኒየር ያቀበለውን ኳስ በግሩም አጨራረስ ከግቡ የላይኛው ማዕዘን ላይ በማስቆጠር የብራዚልን መሪነት ወደ ሁለት አሳደገው። ያስቆጠራቸውንም ግቦች "ሰርፊንግ" (Surfing) በሚመስል የራሱ መለያ በሆነው የደስታ አገላለጽ አክብሯል።

የመጀመሪያው አጋማሽ ሊጠናቀቅ በተጨመረው የባከነ ሰዓት ላይ፣ የቀድሞው የዌስትሀም አማካኝ ሉካስ ፓኬታ ከተከላካዮች ጀርባ አሾልኮ የሰጠውን እጅግ ማራኪ ኳስ፣ የሪያል ማድሪዱ ኮከብ ቪኒሲየስ ጁኒየር በተረጋጋ ሁኔታ በማስቆጠር ብራዚልን 3-0 አደረገ። ቪኒሲየስ በዘንድሮው ውድድር ሁለተኛ ግቡን አስመዝግቧል።

የብራዚል ብቸኛ መጥፎ አጋጣሚ የባርሴሎናው የክንፍ ተጫዋች ራፊንሃ በጉዳት ምክንያት በመጀመሪያው አጋማሽ ሜዳን ለቆ መውጣቱ ሲሆን፣ በሱ ምትክ የቦርንማውዙ ሪያን ገብቷል። በሁለተኛው አጋማሽ የሄይቲው ሪካርዶ አዴ በማዕዘን ምት በግንባሩ የገጨውን አደገኛ ኳስ የብራዚሉ ግብ ጠባቂ አሊሰን ቤከር በሚያስደንቅ ብቃት አድኖታል።
በሌላ በኩል፣ ወጣቱ ኮከብ ኤንድሪክ በዓለም ዋንጫ የመጀመርያ ጨዋታውን አድርጎ በመጨረሻዎቹ ደቂቃዎች ላይ ግብ ቢያስቆጥርም፣ ከጨዋታ ውጭ (Offside) በሚል ተሽሮበታል።

የማቲየስ ኩኛ የሜዳ ላይ እንቅስቃሴ የብራዚልን የፊት መስመር ይበልጥ ፈሳሽ እና አስፈሪ አድርጎታል። ኳስ ለመቀበል ወደ ኋላ በማፈግፈግ ለክንፍ ተጫዋቾቹ ሰፊ ክፍተት በመፍጠር፣ ካርሎ አንቸሎቲ በውድድሩ የፊት መስመራቸውን የሚመራ ትክክለኛ ሰው ማግኘታቸውን አረጋግጧል።

በዚህ ውጤት ሄይቲ ሁለት ተከታታይ ሽንፈቶችን በማስተናገዷ ከምድብ ሲ (Group C) ግርጌ መሆኗ ስለተረጋገጠ፣ ከ2026ቱ የዓለም ዋንጫ ውድድሯን ያጠናቀቀች የመጀመሪያዋ ሀገር ሆናለች። ሄይቲ ምንም እንኳን የስኮትላንድን ነጥብ መጋራት ብትችልም፣ ስኮትላንድ በርስ በርስ ግንኙነት ስለምትበልጣት የማለፍ ተስፋዋ ሙሉ በሙሉ ተዘግቷል።
በአንጻሩ ብራዚል ሞሮኮን በግብ ልዩነት በልጣ ምድቧን መምራት የጀመረች ሲሆን፣ ቀጣይ እና የመጨረሻ የምድብ ጨዋታዋን ከስኮትላንድ ጋር ታደርጋለች። ምንም እንኳን 81ኛ ደረጃ ላይ ከምትገኘው ሄይቲ ይልቅ በቀጣይ ጠንካራ ፈተናዎች ቢጠብቋትም፣ ይህ የዛሬው ድል ለብራዚል ትልቅ የሞራል ስንቅ ሆኗታል።

ገለልተኛ ሆነን ካየነው የሴዶ አካሄድ ትክክለኛ ሆኖ እናገኘዋለን።
ምክንያቱም የሚካሄደው ውድድር ላይ በቦታውም ሆነ በዩቲዩብ ወይም በቲቪ ብዙ ተመልካች የሚያዬው ሴዶን ለማየት ብሎ ነው።

ምክንያቱም ይሄንን ሰውየ እነ ጆኒንና እነ ንቃተ ህሊናን ሳናውቃቸው
በተለያዬ መንገድ እራሱን በደንብ ለህዝብ አስተዋውቋል።
ስለዚህ ህዝቤ ከጆኒ በላይ ለአመታት ሀሽ ሀሽ እያለ ጆሮውን ሲያግለው የኖረውን ሴዶን ይነርታል ወይስ ይነረታል የሚለው ነው የሚያጓጓው።

ይሄ ለሴዶ ገብቶታል ችግር የሆነው አንድ አቋም አልይዝ አለ አንዴ አስር ሚሊዮን አንዴ ሀምሳ ሚሊዮን የሚለውን አቋሙን ትቶ ከፋይት በፊት ይሄንን ያህል ክፈሉኝ ማለት ፕሮፌሽናልነት ነው።

አዘጋጆቹ ደግሞ አንድ ችግር አለባቸው። እሱን የፈራ አስመስለው የሚያዋክቡበት መንገድ ልክ አይደለም። ካሸነፍክ አስር ሚሊየን ውሰድም አይባልም።

ከፋይት በፊት አምስት ሚሊዮን ነው የጠየቀው አደል በዛ ጉዳይ ተደራድረው ከፋይት በፊት አምስት መቶ ሺ ወይ ሌላም ከፋይት በኋላ ደግሞ ለአሸናፊ ይሄንን ያህል ለተሸናፊ ይሄንን ያህል ተብሎ ነው መግለጫ የሚሰጠው! ውርርድ አስመሰለባቸው ካሸነፍክ አስር ካላሸነፍክ በቁምጣህ አሉት😂

ለወደፊቱም እንደዚህ አይባልም በርግጥ እረዳችኋለሁ ዛሬ ለሴዶ ቅድሚያ ክፍያ ከሰጣችሁ ነገ ሁሉም ተወዳዳሪ ብር ሊጠይቃችሁ እንደሚችል ፈርታችሁ ነው።

ስለዚህ በስርዓት ተደራደሩና ተስማሙና ቅድሚያ ክፍያውን አቅርቡለት። ያኔ ብሩን ተሰጥቶት ወደ ኋላ ካለ በጋራ ፈሪ እንለዋለን!

አሁን ላይ ግን ሴዶን ፈሪ የምትሉበት የማዋከብ ሙድ ልክ አይደለም! Via Koan AD

'ንቃተ ህሊና' ዳግም መነጋገሪያ ሆነ
#ethiopia | ከደቡብ ምዕራብ ኢትዮጵያ ህዝቦች ክልል ካፋ ዞን ጠሎ ወረዳ ተነስቶ ቲክቶክ ላይ ከወጣባት ቀን ጀምሮ ብዙሃኑን አነጋግሯል። አዲስአበባ ከከተመ በኋላ የሁሉም ኢትዮጵያዊ ቲክቶክ ተጠቃሚን ትኩረት አግኝቷል።

በኢትዮጵያ የመጀመሪያው ድብልቅ ማርሻል አርት ውድድር እንዲካሄድ፣ በፈር ቀዳጅነት ለመወዳደር ራሱን ካጨበት ቀን ጀምሮም በራስ መተማመኑና በጂም የሚታየው ያልተቋረጠ ትግልና የላብ ጠብታ ብዙሃኑን አስገርሞም ያውቃል።

ሁልጊዜም 'ታሸፋለህ?' አልያም 'የምታሸንፍ ይመስልሃል?' ተብሎ ሲጠየቅ በልበ ሙሉነት የማሸንፍ አይመስለኝም ግን እንደማሸንፍ አውቃለሁ ይላል። በልቡ አንዳች ጥርጣሬ እንደሌለው ለማሳየት።

ተጋጣሚው ዮሐንስ ሲለሺ (ጆኒ)፣ ከውድድሩ አስቀድሞ በውድድሩ ምን እንደሚገጥመው ያውቃል ነገርግን ለስፖርቱ ጅማሮ ራሱን ሊሰዋ መጥቷል ያለው ከዚያም ከውድድሩ በኋላ ውጤቱ ምንም ይሁን ታሪክ ሥምህን በመዝገቡ ላይ አስፍሯል ሲል ያሞካሸው ወጣት፣ በሚታየው ፍልሚያ ቢሸነፍም ብዙ የማይታዩ የህይወት ትግሎችን ማሸነፉን ትናንት ማታ ለሚሊዮኖች አሳይቷል።

አባቱን በቀኙ፣ እናቱን ከግራው አስቀምጦ እንዲህ አለ፣ ወዳጆቼ፤ እስከዚህም አብራችሁን ስለሆናችሁ አመሰግናለሁ፤ ውድድሩን በደንብ ተወዳድሬ እንደማንኛውም ሰው ባሸንፍ ደስ ይለኝ ነበር። ይህንን ሲናገር ፍጹም ኩራት ከፊቱ ይታያል።

'አባቴን መሆን አልፈልግም። አባቴ ድሃ ነው። በብዙ ችግር አድጌያለሁ። ትልቁ ህልሜ ለእነሱ መድረስና ልጆቼ እኔ የኖርኩትን እንዳይኖሩ ማድረግ ነው' ሲል ከውድድሩ ቀደም ብሎ በአንድ ፖድካስት የተናገረው ዮሐንስ ምስክር አበበ (ንቃተ) አቶ ምስክር አበበ በስስት እያዩት ነበር የማታውን ንግግር ያደረገው።

በዚሁ ንግግሩ ቀጠለና፣ በመድረክ ላይ ወጥቼ ደረቴን ነፍቼ ስናገር፣ መንገድ ላይ ደረቴን ነፍቼ ስራመድና የምደርስበት አለ ስላችሁ የተነሳሱበትን ስለማውቅና የምደርስበትን አእምሮዬ ስለሚያሳየኝ ነው ሲል ተናግሯል።

በዚህ መካከል የአባቱን የለቅሶ ድምፅ ሰምቶ 'አታልቅስ አባቴ' ሲል የተናገራት ቃል በአሁኑ ሰዓት በማህበራዊ ሚዲያ በእጅጉ ከተወደዱና ብዙሃን ከተጋሯቸው ቃላት አንዷ ሆናለች።

እናቱ እቴነሽ ባዩ ከጎኑ ተቀምጣ ውድድሩ ብዙሃንን አስተዋውቆኛል፤ ሳንቲም ሰብስቤያለሁ ለእናቴም ቤት እገነባለሁ ያለው ንቃተ ህሊና ለእናቴ ስልም ምንም ነገር አደርጋለሁ ብሏል። ይህንን ከመናገሩ በፊት ከጭቃ የተሰራች ደሳሳ የቆርቆሮ ክዳን ቤታቸውን፤ ከውስጥ በሸራ የተለጠፈችን ደሳሳ ጎጆ እያሳየ ነበር።

ይህ ቪዲዮ በማህበራዊ ትስስር ገጹ ከሰፈረባት ሰዓት ጀምሮ እጅግ በጣም ብዙ ታዋቂ ሰዎች በዚያ ሥር ያላቸውን ክብርና ፍቅር ገልጽውለታል። ለተናገሩትም ቃል ይቅርታ ጠይቀውታል።

በተጨማሪም የህይወት መንገዱ ለብዙ ወጣቶች አበረታች እና አነቃቂ እንደሆነ ጠቅሰው 'አሸንፌያለሁ የምለው ለዚህ ነው' ያለውን ንቃተ ህሊና 'እውነትም አሸንፈሃል' ብለውታል። እሱም ኮሜንት ሳነብ አለቀስኩ ሲል መልሷል።

የዚህ ወጣት ህይወት የጀመረው ቲክቶክ ላይ አይደለም። ሰፈር ከማስቸገር፣ ከመደብደብ፣ ከመንጠቅና ወደ አዲስአበባ ጎዳናዎች ከመሰደድና ከመኖር እንጂ።

በአዲስአበባ በጎዳና የኖረው፣ በልጅነት ጉልበቱ ሳይፀና የቀን ሥራ ሰርቶ፣ ባሬላ ተሸክሞ የህይወት መንገዱን ለማቅናት በቆጠባት ሳንቲም ወደ ወላጆቹ ተመልሶ ጠንክሮም ተምሮ፣ ጎበዝ ተማሪ ሆኖ፣ ጅማ ዩኒቨርስቲ ገብቶ ከዚያም ወጥቶ ህይወትን ተጋፍጦ አሸናፊነቱን ያወጀ ወጣት ነው።

ህይወት ስለማሸነፍ አይደለችም። "ምን ያህል ትቀጠቅጣለህ ሳይሆን ተቀጥቅጠህ ምን ያህል ወደ ፊት መራመድ ትችላለህ' ነው ሲል የሚናገረው ንቃተ ህሊና በህይወትም በተፋላሚውም ተቀጥቅጦ፤ ራሱን ለስፖርቱ፣ ራሱን ለእናት አባቱ ሲል ሰውቶ ሳይቆም፣ የብዙሃኑን ልብ ዳግም አሸንፎ የቀጠለ የዚህ ዘመን ትውልድ ተምሳሌታዊ የአይበገሬነት ተምሳሌት ወጣት ሆኗል።

በበነገራችን ላይ የተለቀቀውን ቪዲዮ ብዙሃን ከ10 ጊዜ በላይ ደጋግመው አያዩት እንደሆነ እየተናገሩ ይገኛሉ። አኛም ለዚህች ፅሁፍ ስንሰናዳ፤ ከዚያም በኋላ ሳይጋነን ከ30 ጊዜ በላይ ተመልክተናል። በዝርዝር እናወራበታለን።

ዘገባው የ'ዶች ኤችዲ ነው

Getu Temesgen - (ጌጡ ተመስገን) #getutemesgen #getu

'ንቃተ ህሊና' ዳግም መነጋገሪያ ሆነ፤ በመጨረሻው ቪዲዮ ብዙሃኑን አስለቅሷል፤ ራሱም አልቅሷል

ከደቡብ ምዕራብ ኢትዮጵያ ህዝቦች ክልል ካፋ ዞን ጠሎ ወረዳ ተነስቶ ቲክቶክ ላይ ከወጣባት ቀን ጀምሮ ብዙሃኑን አነጋግሯል። አዲስአበባ ከከተመ በኋላ የሁሉም ኢትዮጵያዊ ቲክቶክ ተጠቃሚን ትኩረት አግኝቷል።

በኢትዮጵያ የመጀመሪያው ድብልቅ ማርሻል አርት ውድድር እንዲካሄድ፣ በፈር ቀዳጅነት ለመወዳደር ራሱን ካጨበት ቀን ጀምሮም በራስ መተማመኑና በጂም የሚታየው ያልተቋረጠ ትግልና የላብ ጠብታ ብዙሃኑን አስገርሞም ያውቃል።

ሁልጊዜም 'ታሸፋለህ?' አልያም 'የምታሸንፍ ይመስልሃል?' ተብሎ ሲጠየቅ በልበ ሙሉነት የማሸንፍ አይመስለኝም ግን እንደማሸንፍ አውቃለሁ ይላል። በልቡ አንዳች ጥርጣሬ እንደሌለው ለማሳየት።

ተጋጣሚው ዮሐንስ ሲለሺ (ጆኒ)፣ ከውድድሩ አስቀድሞ በውድድሩ ምን እንደሚገጥመው ያውቃል ነገርግን ለስፖርቱ ጅማሮ ራሱን ሊሰዋ መጥቷል ያለው ከዚያም ከውድድሩ በኋላ ውጤቱ ምንም ይሁን ታሪክ ሥምህን በመዝገቡ ላይ አስፍሯል ሲል ያሞካሸው ወጣት፣ በሚታየው ፍልሚያ ቢሸነፍም ብዙ የማይታዩ የህይወት ትግሎችን ማሸነፉን ትናንት ማታ ለሚሊዮኖች አሳይቷል።

አባቱን በቀኙ፣ እናቱን ከግራው አስቀምጦ እንዲህ አለ፣ ወዳጆቼ፤ እስከዚህም አብራችሁን ስለሆናችሁ አመሰግናለሁ፤ ውድድሩን በደንብ ተወዳድሬ እንደማንኛውም ሰው ባሸንፍ ደስ ይለኝ ነበር። ይህንን ሲናገር ፍጹም ኩራት ከፊቱ ይታያል።

'አባቴን መሆን አልፈልግም። አባቴ ድሃ ነው። በብዙ ችግር አድጌያለሁ። ትልቁ ህልሜ ለእነሱ መድረስና ልጆቼ እኔ የኖርኩትን እንዳይኖሩ ማድረግ ነው' ሲል ከውድድሩ ቀደም ብሎ በአንድ ፖድካስት የተናገረው ዮሐንስ ምስክር አበበ (ንቃተ) አቶ ምስክር አበበ በስስት እያዩት ነበር የማታውን ንግግር ያደረገው።

በዚሁ ንግግሩ ቀጠለና፣ በመድረክ ላይ ወጥቼ ደረቴን ነፍቼ ስናገር፣ መንገድ ላይ ደረቴን ነፍቼ ስራመድና የምደርስበት አለ ስላችሁ የተነሳሱበትን ስለማውቅና የምደርስበትን አእምሮዬ ስለሚያሳየኝ ነው ሲል ተናግሯል።

በዚህ መካከል የአባቱን የለቅሶ ድምፅ ሰምቶ 'አታልቅስ አባቴ' ሲል የተናገራት ቃል በአሁኑ ሰዓት በማህበራዊ ሚዲያ በእጅጉ ከተወደዱና ብዙሃን ከተጋሯቸው ቃላት አንዷ ሆናለች።

እናቱ እቴነሽ ባዩ ከጎኑ ተቀምጣ ውድድሩ ብዙሃንን አስተዋውቆኛል፤ ሳንቲም ሰብስቤያለሁ ለእናቴም ቤት እገነባለሁ ያለው ንቃተ ህሊና ለእናቴ ስልም ምንም ነገር አደርጋለሁ ብሏል። ይህንን ከመናገሩ በፊት ከጭቃ የተሰራች ደሳሳ የቆርቆሮ ክዳን ቤታቸውን፤ ከውስጥ በሸራ የተለጠፈችን ደሳሳ ጎጆ እያሳየ ነበር።

ይህ ቪዲዮ በማህበራዊ ትስስር ገጹ ከሰፈረባት ሰዓት ጀምሮ እጅግ በጣም ብዙ ታዋቂ ሰዎች በዚያ ሥር ያላቸውን ክብርና ፍቅር ገልጽውለታል። ለተናገሩትም ቃል ይቅርታ ጠይቀውታል።

በተጨማሪም የህይወት መንገዱ ለብዙ ወጣቶች አበረታች እና አነቃቂ እንደሆነ ጠቅሰው 'አሸንፌያለሁ የምለው ለዚህ ነው' ያለውን ንቃተ ህሊና 'እውነትም አሸንፈሃል' ብለውታል። እሱም ኮሜንት ሳነብ አለቀስኩ ሲል መልሷል።

የዚህ ወጣት ህይወት የጀመረው ቲክቶክ ላይ አይደለም። ሰፈር ከማስቸገር፣ ከመደብደብ፣ ከመንጠቅና ወደ አዲስአበባ ጎዳናዎች ከመሰደድና ከመኖር እንጂ።

በአዲስአበባ በጎዳና የኖረው፣ በልጅነት ጉልበቱ ሳይፀና የቀን ሥራ ሰርቶ፣ ባሬላ ተሸክሞ የህይወት መንገዱን ለማቅናት በቆጠባት ሳንቲም ወደ ወላጆቹ ተመልሶ ጠንክሮም ተምሮ፣ ጎበዝ ተማሪ ሆኖ፣ ጅማ ዩኒቨርስቲ ገብቶ ከዚያም ወጥቶ ህይወትን ተጋፍጦ አሸናፊነቱን ያወጀ ወጣት ነው።

ህይወት ስለማሸነፍ አይደለችም። "ምን ያህል ትቀጠቅጣለህ ሳይሆን ተቀጥቅጠህ ምን ያህል ወደ ፊት መራመድ ትችላለህ' ነው ሲል የሚናገረው ንቃተ ህሊና በህይወትም በተፋላሚውም ተቀጥቅጦ፤ ራሱን ለስፖርቱ፣ ራሱን ለእናት አባቱ ሲል ሰውቶ ሳይቆም፣ የብዙሃኑን ልብ ዳግም አሸንፎ የቀጠለ የዚህ ዘመን ትውልድ ተምሳሌታዊ የአይበገሬነት ተምሳሌት ወጣት ሆኗል።

Via: ዶች ኤችዲ

ጆኒ በ1ኛው ዙር አሸነፈ
* የ1 ሚሊዮን ብር የቦነስ ሽልማትም ተረከበ
* የንቃተ ህሊና ድፍረትና ፍልሚያ
#ethiopia | ​በኢትዮጵያ የስፖርት ታሪክ የመጀመሪያው ፕሮፌሽናል የድብልቅ ማርሻል አርት (MMA) ውድድር በአድዋ ድል መታሰቢያ ሙዚየም በዛሬው ዕለት በከፍተኛ ድምቀት ተካሂዷል። በጉጉት ሲጠበቅ የነበረው የጆኒ ጁጁትና የንቃተ ህሊና ፍልሚያ በጆኒ አሸናፊነት ተደምድሟል።

​ ጆኒ ውድድሩ በጀመረ ጥቂት ደቂቃዎች ውስጥ ንቃተ ህሊናን መሬት ላይ ጥሎ በመደብደብ የቴክኒክ ብቃቱን አስመስክሯል። ከድሉ በኋላም "ማርሻል አርቲስት ነኝ የምትሉ ሁሉ አስልፌ እቀጠቅጣችኋለሁ" ሲል በኩራት ተደምጧል።

​ ከቦንጋ ተነስቶ በአድዋ ድል መታሰቢያ ሙዚየም የቆመው ንቃተ ህሊና፣ ራሱን በኢንተርኔት ቪዲዮዎች አዘጋጅቶ ለመጀመሪያ ጊዜ ፕሮፌሽናል መድረክ መርገጡ ለብዙዎች መነቃቃትን ፈጥሯል። "ሽንፈት መነሻዬ ነው" በሚል መንፈስ ዳግም እንደሚመለስ ቃል ገብቷል።

​ ጆኒ በአድዋ ድል መታሰቢያ ሙዚየም ወርቃማ ታሪኩን ጽፏል።

የዳኞችና የአዘጋጆቹ ከጆኒ ጋር ያላቸው ቅርበት እንዲሁም በንቃተ ላይ የታየው የስነ-ልቦና ጫና በውድድሩ ፍትሃዊነት ላይ ጥርጣሬ ፈጥሯል የሚሉ የስፖርት ቤተሰቦች አስተያየት ነበር።

በኢትዮጵያ ታሪክ ለመጀመሪያ ጊዜ በአድዋ ድል መታሰቢያ ሙዚየም የተካሄደው የታላቁ የድብልቅ ማርሻል አርት (MMA) ፍልሚያ በጆኒ አስደናቂ የበላይነት ተጠናቋል።

መላው አዲስ አበባ በጉጉት ሲጠብቀው የነበረው ይህ መድረክ፣ ለጆኒ ታሪካዊ ድልን አጎናጽፎታል። የአሸናፊነት የክብር ቀበቶም ታጥቋል።

ታዛቢዎች ውድድሩ ለውድድሩ ድምቀት የተደረገ "ለኮፍ ለኮፍ" ነው ቢሉም፣ ክስተቱ ግን ለኢትዮጵያ MMA አዲስ ምዕራፍ ከፍቷል።

መሸነፍ መጨረሻ አይደለም፤ ለመቧቀስ መድረኩ ላይ መገኘት ራሱ ድል ነው። ንቃተ ህሊና ፍርሃትንና ግፊትን አሸንፎ መድረክ ላይ መቆሙ የጀግንነት አክሊል ነው።

​ነገ የታሪክ መጀመሪያ ሊሆን ይችላል!

ውድድሩ በሀገራችን ለሜክስድ ማርሻል አርት (MMA) ስፖርት እድገት አዲስ በር፤ አዲስ ምዕራፍ ከፍቷል።

​#getu #mmaethiopia #johnnyvsnkate #nkatehilina #sweetbox #boxingethiopia #adwavictorymemorial #mixedmartialarts #ጆኒ #ንቃተህሊና #ፍልሚያ #አዲስአበባ #ጌጡተመስገን #getutemesgen

የኢትዮጵያ እግር ኳስ ተስፋ
የወጣቶችን ህልም የማነቃቃት ታላቅ መርሃ ግብር
#ethiopia | ​በኢትዮጵያ እግር ኳስ ውስጥ ትልቅ አሻራ ካኖሩት አንጋፋው አሸናፊ ግርማ እና ለኢትዮጵያ እግር ኳስ ዓለም አቀፍ ድልድይ በመሆን ከሚታወቁት ዮሐንስ ዘውዱ (ጆኒ ቪጋስ) ጋር በመሆን ለታዳጊ ወጣቶች የስፖርት ቁሳቁሶችን የማሰራጨት ተግባር ትናንት በ 35 ሜዳ መስቀል ፍላወር አከባቢ ተከናውኗል።

​የዕለቱ መርሃ ግብር ለወጣቶች ቁሳቁስ ከመስጠት ባለፈ፣ በውስጣቸው ያለውን ተስፋ የማደስ፣ ህልማቸውን እንዲያሳድጉ የማነቃቃት እና የወደፊት ሕይወታቸው አሁን ካሉበት ሁኔታ በላይ መሆኑን የማሳሰብ ዓላማ ያለው ነው።

እንደ አሸናፊ ግርማ እና ዮሐንስ ዘውዱ ያሉ መሪዎች ለቀጣዩ ትውልድ አዳዲስ በሮችን በመክፈትና ዕድሎችን በመፍጠር ረገድ የሚያደርጉት ጥረት የሚደነቅ ነው።

​ወጣቶችን ማብቃት ማለት ሀገርን ማብቃት ነው። የኢትዮጵያ እግር ኳስ ብሩህ ተስፋ የሚጀምረው ዛሬ በእነዚህ ታዳጊዎች ላይ ከሚዘራው እምነትና ድጋፍ ነው።

ወጣቶች ማንኛውም ነገር እንደሚቻል እንዲያምኑ ማድረግ የሁላችንም ኃላፊነት ነው።

​#getu #ethiopia #football #youthempowerment #ashenafigirma #johnnyvegas #ethiopianfootball #inspiration #የኢትዮጵያእግርኳስ #ወጣቶች #ተስፋ #ጌጡተመስገን #getutemesgen

"የመድረክ ሰዓቴ ተሰርቋል" ጆኒ ራጋ በልጅ ሚካኤል (ፋፍ) ላይ ቅሬታውን ገለጸ
#fastmereja I ባለፈው ቅዳሜ ጥር 23 ቀን 2018 ዓ.ም በአዲስ አበባ ኤግዚቢሽን ማዕከል በተካሄደው የሙዚቃ ኮንሰርት ላይ፣ የድምጻዊ ጆኒ ራጋ መድረክ ላይ መቆየት አድናቂዎቹን ሳያረካ ቀርቷል። ለተፈጠረው የሰዓት መጥበብ እና የዝግጅቱ መስተጓጎል ድምጻዊው በታዲያስ አዲስ በኩል ማብራሪያ ሰጥቷል።

​ጆኒ ራጋ እንደገለጸው፣ ለኮንሰርቱ ለ18 ቀናት ያህል ከባንዱ ጋር ከፍተኛ ዝግጅት አድርጎ ነበር። ሆኖም ግን ከእሱ በፊት መድረክ ላይ የወጣው ድምጻዊ ልጅ ሚካኤል (ፋፍ) ከተሰጠው የሰዓት ገደብ በላይ በመቆየቱ የፕሮግራሙን ቅደም ተከተል አዛብቶታል ብሏል።

​"እያንዳንዱ አርቲስት አራት ወይም አምስት ሙዚቃዎችን እንዲያቀርብ ታቅዶ ነበር። ነገር ግን ልጅ ሚካኤል ሰዓቱን አክብሮ ባለመውጣቱ የእኔን የመድረክ ሰዓት ተሻምቶብኛል" ሲል ጆኒ ቅሬታውን ገልጿል።

​በዕለቱ በአዲስ አበባ በርካታ ዝግጅቶች ተሰርዘው የነበረ ቢሆንም፣ የኤግዚቢሽኑ ኮንሰርት ግን በልዩ ሁኔታ እስከ ምሽቱ 5፡00 ሰዓት እንዲቆይ ተፈቅዶለት ነበር። ሆኖም ግን የሰዓት አጠቃቀም ችግሩ መስተካከል ባለመቻሉ፣ የጸጥታ አካላት ዝግጅቱ እንዲያበቃ ጫና ማሳደር ጀመሩ።

​የታቀደው ዝግጅት ከ9 እስከ 10 የሚደርሱ ሙዚቃዎች ቢሆንም የተፈጠረው ተጽዕኖ አዘጋጆቹ ጆኒ ራጋ ሁለት ሙዚቃዎችን ብቻ እንዲጫወት ጠይቀውታል። ጆኒ አድናቂዎቹን ላለማስቀየም "በጉልበት" አራት ሙዚቃዎችን ተጫውቶ ለመውረድ ተገዷል።

​አርቲስቱ መድረክ ላይ አለመግባባት እንዳይፈጠር በማሰብ በልጅ ሚካኤል ላይ ጫና አላደረግኩም ያለ ሲሆን፣ በተፈጠረው ክፍተት ግን ማዘኑን አልሸሸገም። ጆኒ ራጋ "የሚጠበቅብኝን ያህል ባለማቅረቤ አድናቂዎቼን ይቅርታ እጠይቃለሁ" ካለ በኋላ፣ በቀጣይ ሰፊ ዝግጅት ተደርጎበት ይህንን ክፍተት የሚደፍን ትልቅ ኮንሰርት እንደሚያቀርብ ቃል ገብቷል።

​#johnnyragga #lijmichael #faf #ethiopianmusic #addisababa #tadiasaddis #showbizethiopia #concertupdate #ወቅታዊ #ጆኒራጋ #ልጅሚካኤል

የአርሰናሉ ተጫዋች በሚቀጥለው ሳምንት የኢትዮጵያን ምድር ይረግጣል
#ethiopia | የቀድሞ የአርሰናልና የማን.ሲቲ እንደዚሁም የፈረንሳይ ብሔራዊ ቡድን ተጫዋች የነበረው ባካሪ ሳኛ በሚቀጥለው ሳምንት ወደ ኢትዮጵያ ሊመጣ ነው።

የቀድሞው የአርሰናል እና የማንችስተር ሲቲ የመስመር ተከላካይ ባካሪ ሳኛ ወደ ኢትዮጵያ በመምጣት ልምዱን እንደሚያካፍል ነው የተነገረው።

ለኢትዮጵያ እግር ኳስ ፌዴሬሽን ከአለም አቀፍ ተቋሞች ጋር ግንኙነት እንዲፈጠር እየሰራ የሚገኘው ዮሀንስ ዘውዱ ወይንም በተለምዶ ጆኒ ቬጋስ አማካኝነት ነው ተጫዋቹ ወደ ኢትዮጵያ የሚመጣው ተብሏል።

ኢትዮጵያዊው የእግርኳስ ጋዜጠኛ መንሱር አብዱልቀኒ ተጫዋቹ ወደ ኢትዮጵያ እንደሚመጣም ይፋ አድርጓል።

ተጫዋቹ ወደ ኢትዮጵያ ሲመጣም ከአርሰናል ደጋፊዎች ጋር ይገናኛል የአርሰናል ኦርጅናል ማለያም ያበረክታል ብሏል።

ባካሪ ሳኛ በኢትዮጵያ የሚያደርገው ቆይታ ለምን ያህል ቀን እንደሆነ አልተገለጸም።

Getu Temesgen - (ጌጡ ተመስገን)

የአርቲስት ያየህይራድ አላምረው (1957-2017)÷ መዘክር እና የስብስቦቹ ቤተመጻሕፍት፤
(ሠርጸ ፍሬስብሐት)

አጭር ማስታወሻ
#ethiopia | ኹላችን በምናውቀው ታሪኩ፤ ያየህይራድ አላምረው፤ የግጥም እና ዜማ ደራሲ እንዲሁም ፕሮዲውሰር እንዲያም ሲል የታላላቅ ሙዚቃዊ ፕሮጀክቶች ነዳፊ ኢንተርፕረነር ነበር፡፡ ለብዙዎቻችን በሚያስገርም እና በሚያስደንቅ፣ ብዙም ባልተነገረለት፣ ጥቂት የቅርቦቹ በኾኑ ወዳጆቹ እና በቤተሰቦቹ ዘንድ ብቻ በሚታወቅ ልምዱ ደግሞ፤ የንባብ ፍቅሩን ብዙ እጥፍ የሚያስከነዳ መጽሐፍ ሰብሳቢነቱ አስደናቂ ነበር፡፡

ከኅልፈቱ በኋላ የተገለጸው ምሥጢሩ ይህ መጻሕፍትን እጅግ አድርጎ የመውደዱ ነገር ነው ቢባል ማጋነን አይኾንም፡፡ “ምን ሲያደርግ ሰበሰባቸው?” የሚያስብሉ መጻሕፍትን እና ያልታተሙ መዛግብትን ሰብስቧል፡፡ የኅልፈቱ ዜና ከተሰማበት ታኅሣሥ 24 ቀን 2017 ዓ.ም. ቀደም ባሉ ቀናት የወጡ ዐዳዲስ መጻሕፍትን ሳይቀር ገዝቶ እያነበበ ነበር፡፡ እነዚህን መጻሕፍት በወጉ አደራጅቶ የሚያስቀምጥበት ቤት እንደሚያስፈልገው ለቤቶች ኮርፖሬሽን ማመልከቻ እስከመጻፍ ባደረሰ ፍቅር፣ መጻሕፍቱን የሚያስቀምጥበት ክፍል ቢጠበውም እንኳ፣ መጻሕፍትን ከመሰብሰብ ግን አልቦዘነም፡፡

ምናልባት የግጥም ድርሰቶቹ ጠለቅ ማለት፣ የሀገር ፍቅርን፣ ታሪክን፣ ሃይማኖታዊ ጉዳዮችን፣ ለየት ያሉ የሕይወት ፍልስፍናዎችን እንዲያነሳ ሰበቡ ከንባብ ልምዱ የተነሳ ነበርን? ብለን እንድናስብ የሚያደርጉ፣ በሕይወት ዘመኑ ሙሉ የሰበሰባቸውን መጻሕፍት አግኝተን ተደንቀናል፡፡

በአንድ መልኩ በክዋኔ ጥበባት ባለሙያዎች (በከያንያን) ልማድ ውስጥ “እምብዛም አይስተዋልም” የሚባለውን የንባብን ጉዳይ፣ “ለካ እንዲህ በጥልቀት የሚያነበም አለ፤” እንድንል የ“ቆምታ” ዕድል ፈጥሮልናል፡፡

እንዲህ ለመኾን መቼም መሠረት ያስፈልጋል፡፡ መሠረቱ ከወላጆቹ፣ በተለይም ከወታደር አባቱ ከሻለቃ አላምረው መንገሻ የተነሳ ይመስላል፡፡ የእናቱ የወ/ሮ አዳም ከበደ አስተዋጽዖም ለያየህይራድ አላምረው በሀገር ፍቅር የነደደ ማንነት የራሱ ድርሻ ነበረው፡፡

የወታደሮች ካምፕ (ሚሊተሪ ካምፕ) የነበረው፣ የጦር ሠራዊት የሙዚቃ ክፍልን ዕያየ ለማደግ ዕድል የሠጠው የልደታ አቅራቢያው የቶሎሣ ሠፈር ልጅ መኾን በራሱ፣ የሙዚቃንም የሀገር ፍቅርንም አዛንቆ ለማደጉ ሰበብ ሳይኾን ይቀራል? የተማረባቸው ተማሪ ቤቶች÷ ተስፋ ኮከብ እና ልዑል መኮንን ከስማቸው በሚነሣ ማንነት፣ ያየህይራድን በሀገር እና በጥበብ ፍቅር አንጾ፣ በንባብ ልምድ ቀርጾ ለማሳደግ የሚበቃ የተማሪ ቤት ባህል የዘረጉ ነበሩ፡፡

እንዲያውም፤ ያየህይራድ ራሱ እንደገለጸው፤ ከዘፈን ግጥም የመጻፍ ዝንባሌው አስቀድሞ የጻፋት አንዲት የሬዲዮ ድራማ፣ በእሑድ ፕሮግራም ኢትዮጵያ ሬዲዮ ላይ የመተላለፍ ዕድል ማግኘቷ፣ በተማሪ ቤቱ መምህራን እና በተማሪ ጓደኞቹ ዘንድ ዝነኛ እና የወደፊት በጥበብ ሕይወት የመዝለቅ ተስፋውን በሩቅ እንዲያይ ዕድል የሠጠ የልጅነት አጋጣሚም ነበር ማለት ይቻላል፡፡

የጥበብ ሥራ ከክዋኔው በላይ፣ ከማጊያጊያጥ ከማሠማመሩ በላይ ፈጠራው እጅግ ጥልቅ ነው፡፡ መንገድ እና ሥልቱ የማይታወቅ፣ በቀመር የማይሠላ፣ ዛሬ የሔዱበት መንገድ ለነገው የማይሠራ፣ በየቀኑ ተአምር የመጠበቅ ያህል ከባድ ጉዳይ ነው፡፡

በተለይ እንደ ሥነ ግጥም ያለው፣ ከግጥምም፤ ለዜማ ወይም ለሙዚቃ የሚኾን ግጥምን መጻፍ እጅግ ከባድ ነው፡፡ ለዜማ የሚኾን ግጥምን የመድረስን ሥራ ከባድ የሚያደርገው፣ ግጥም ራሱ ዜማዊ መኾኑ ሲኾን፣ ይሄው ራሱ ሙዚቃዊ የኾነው ግጥም፣ ዜማዊ ሥልጣኑ ከፍ ባለው ሙዚቃ ውስጥ “ና ግባ” ሲባል፣ የራሱ መግደርደር እና እምቢ ባይነት ስላለው ነው፡፡ ግጥሙ ለዜማ ሥልጣን ለመሸነፍ ግዴታ አለበት፡፡

ዜማ ባወጣለት ሐዲድ ለመጓዝ ይገደዳል፡፡ ለዜማው ምጣኔ ሲባል ቃል ይቆረጣል፡፡ ቅርፁ እንዲያጥር ወይም እንዲረዝም ይደረጋል፡፡ የራሱን ምት ትቶ፣ የሙዚቃውን ሥልተ ምት፣ ባር እና ሪዝም እንዲከተል ይገደዳል፡፡

በብዙ የሚያከራክር ቢኾንም፤(ከዜማ ወደ ግጥም ድርሰት መምጣት ይሻላል? ወይስ ግጥሙን ወደ ዜማ መተርጎም ይሻላል? የሚለውን የማይቋጭ ክርክር ለጊዜው እናቆየውና፤) የዜማ ግጥም ጸሐፊ የኾነ ሰው፣ የዜማን ልሣን ወደ ቃል የመተርጎም ችሎታ የታደለ ቢኾን ይበልጥ ይሳካለታል፡፡

እንዲህ ያለው ተሠጥዖ ለገጣሚዎች ኹሉ የተሠጠ አይመስልም፡፡ የራሳቸውን የቃል እና የቤት ነጻነት ለሚፈልጉ ባለቅኔዎች፣ ይህ ዓይነቱ የሙዚቃዊ ዜማ ሥልጣን አይዋጥላቸውም፡፡ በቅኔያዊ መራቀቃቸው እጅግ የሚያስደንቁን ጠቢባን፣ ወደ ሙዚቃዊው የዜማ ግጥም ሲመጡ ግር የሚላቸው ለዚህ ነው፡፡

ያየህ ይራድ አላመረው፤ የዚህ ምሥጢር የተገለጠለት ድንቅ የዘፈን ግጥም ደራሲ ነው፡፡ በጻፋቸው የዘፈን ዜማ ግጥሞች ላይ ኹሉ የምናየው ጸጋው፣ የዜማን ልሳን በቃል የመተርጎም ችሎታውን ነው፡፡ ይህንንም በሕይወት ታሪኩ ላይ ለተጠቀሱት ድምጻውያን በሠጣቸው ሥራዎች ላይ ኹሉ ማረጋገጥ ይቻላል፡፡

በኢትዮጵያ ሙዚቃዊ ባህል ውስጥ ኾኖ የዘፈን ግጥም ጸሐፊ መኾን ሌላም ከባድ ነገር አለው፡፡ የጥንታዊ ሕዝብ ጠንካራ የገጣሚነት ጣጣ፡፡ በተለምዶ “ጥንታዊ ሕዝቦች ቀልድ እና ግጥም ዐዋቂዎች ናቸው፤” ይባላል፡፡

ለዚህም የመካከለኛው ምሥራቅ ጥንታውያን ሀገራትን፣ እና ኢትዮጵያንን ምሣሌ የሚያደርጉ ብዙዎች ናቸው፡፡ የኹሉንም እንተወውና የሀገራችን የገጣሚነት ባህል ጠንካራነቱ ምንም ጥያቄ የለውም፡፡ ጋሽ ጸጋዬ ገብረ መድኅን እንዳሉት “ኢትዮጵያዊ፤ ከአንቀልባው እስከ መቃብሩ በግጥም የተከበበ ነው፤” ጭራሽ፣ አዝማሪው የሚያዜመው ግጥም አልበቃ ብሎት፣ “ተቀበል” ብሎ ግጥም የሚሠጥ ሕዝብ ነው፡፡ እዚህ ገጣሚ ሕዝብ መሐል፣ አንጀት አርስ የዘፈን ግጥም ጸሐፊ ኾኖ መገኘት እጅግ ከባዱ ፈተና ነው፡፡

የያየህይራድ አላምረውን የጥበብ ሕይወት እጅግ እንድናደንቅ የሚያደርጉን ጉዳዮች ይሄንን መሠረትም ሊሰቱት አይገባም፡፡ ኹሉም የፈጠራ ጉዞዎች የየራሳቸው ፈተና ያለባቸው ቢኾንም፣ የዘፈን ግጥም ደራሲነት የሚጨምራቸው፣ ከሌላኛው የሙዚቃ ጥበብ ጓዝ እና ቅንጣቶች የሚነሱ ፈተናዎች አሉበት፡፡

እንደ ያየህ ይራድ አላመረው ያሉትን የዘፈን ግጥም ደራሲዎች እጅግ እንድናደንቃቸው የምንገደደው በዚህ እና ከራሱ ከገጣሚነት ችሎታቸው በሚመነጭ ጠቢብነታቸው ምክንያት ነው፡፡ የሻምበል አፈወርቅ ዮሐንስ፣ የተዘራ ኃይለ ሚካኤል፣ የተስፋዬ አበበ፣ የሸዋ ሉል መንግሥቱ፣ የዓለምፀሐይ ወዳጆ፣ የይልማ ገብረ አብ፣ የሙሉጌታ ተስፋዬ፣ የተመስገን ተካ እና የሌሎችም ታላላቅ የዘፈን ግጥም ደራስያን፤ የዜማ ግጥም ደራሲነት ጉዞ መንግድ፣ ሥልቱ እና ዐቅዱ ይሄንኑ ይመስላል፡፡

ያየህ ይራድ፤ ዜማን ወደ ግጥም የመተርጎም ሥራን ብቻ ሳይኾን፤ ዜማን እና ግጥምን በአንድ ላይ የመፍጠር ሥራ የሠራባቸው የሙዚቃ ሥራዎችም ቁጥራቸው ቀላል አይደለም፡፡ ዜማ እና ግጥም መንታ ኾነው ከአንድ የፈጠራ ሰው ሲወለዱ የሚታይ ሌላ ውበትም አለ፡፡

ታላቁ የዜማ እና ግጥም ደራሲ፣ ፕሮዲውሰር እና የትላልቅ ሙዚቃዊ ፕሮጀክቶች አዘጋጅ የነበረው፤ ያያየህ ይራድ አላምረው፤ ከበርካታ የድርሰት ሥራዎቹ መካከል፤

ለኩኩ ስብስቤ (“ይቺ ነች ሀገሬ” ያለበትን አልበም፤ በርካታ ሥራዎች ግጥም፤ በኋላ ደግሞ “የአፍሪካ ገናና” አልበም ውስጥ ያሉ ድርሰቶችን)፣

ለአስቴር ዐወቀ(የ“ሰበቡ” አልበም ሙሉ ድርሰት)፣

ለዳምጠው አየለ፣

ለኤልያስ ተባባል (“ቅሪብኝ”)፣

ለፀሐይ ዮሐንስ፣

ለቴዎድሮስ ታደሰ፣

ለተሾመ አሰግድ፣

ለተሾመ ወልዴ፣

ለኃይልዬ ታደሰ (ይሞታል ወይ አልበም ፕሮዲውሰሩ ራሱ ያየህ ይራድ ሲኾን፣ የኢትዮጵያ አምላክ እና ይሞታል ወይ የራሱ የያየህ ይራድ ድርሰቶች ናቸው፡፡

ለጽጌሮማን አስናቀ (ባቲ)፣

ለጸጋቸው ኃይለ ኢየሱስ (ለመለም)፣

ለታደለ ሮባ እና ለብርሃኑ ተዘራ፣

ለደረጀ ደገፋው፣

ለጌራወርቅ ነቅዓ ጥበብ፣ እና

በመጨረሻ ደግሞ፤ “ቆሜ ልመርቅሽ” የጥላሁን ገሠሠ አልበም ላይ ራሱን “ቆሜ ልመርቅሽ”ን ጨምሮ የአልበሙን ድርሰት የሠራው ያየህ ይራድ አላምረው ነበር፡፡

ያየህይራድ፤ በተምሣሌት እና በፈሊጥ የበለጸጉ ግጥማዊ ይዘቶችን እጅግ ይወዳል፡፡ በተለይም የአዝማሪዎችን የግጥም ሥልት አጅግ አድናቂ ሙዚቀኛ ነው፡፡ በአገጣጠም ሥልቶቹ ውስጥ የአዝማሪዎችን የግጥም መንገድ የተከተለባቸው ሥራዎች በርካታ ናቸው፡፡

ለማርታ አሻጋሪ፣ ለተሾመ አሰግድ፣ ለበዛወርቅ አስፋው እና ለኤልያስ ተባባል የሠጣቸው ድርሰቶች፤ ይህንን ፍላጎቱን በይበልጥ ጎልተው እንዲወጡ ያደረገባቸው ሥራዎቹ ናቸው፡፡ በአስቴር ዐወቀ ሰበቡ አልበም ውስጥ የፎክ ግጥሞችን መቀላቀሉ የዚህ አዝማሚያው ማሣያ ነው፡፡ ምናልባት፤ ታላቁን የባህል ጥበበኛ እና አዝማሪ ባሕሩ ቀኜን የማድነቁ እና ሥራዎቻችው ዓለም አቀፋዊ ዕውቅና እንዲያገኙ እና እንዲሸለሙ የማድረጉ ፍላጎትም ከዚህ የረዥም ጊዜ ጥረቱ የመነጨ ሊኾን ይችላል፡፡

በማኅበራዊ ጉዳይ ላይ ያተኮሩ በርካታ ሥራዎችንም ሠርቷል፡፡ በተለይ “እንኖራለን ገና” አልበም፤ ፕሮጀክቱን ከመምራት እስከ ድርሰት ትልቅ ሥራ የሠራበት አልበም ነው፡፡ ይህ አልበም፤ አንድን ማኅበረሰባዊ መልእክት በጥበብ ለማቅረብ ዘወትር የምንጠቀማቸውን የተሰለቹ መንገዶች እንደገና እንድንመረምር፣ በፖፕ ሙዚቃ ቅርጽ እና ደረጃ መልእክቱ ቀጥተኛ ትምህርት ሳይኾን፣ በጥበብ የተዋዛ መኾን እንደሚችል ያሣየበት ሥራው ነው፡፡

ለዚህ አልበም ስኬት፣ የሙዚቃ ባለሙያዎቹ እና የድምጻውያኑ አስተዋጽዖ ምንም ምትክ የማይገኝለት ቢኾንም፤ የፕሮዳክሽን አቅጣጫውን እና ፍልስፍናውን የመወሰን ሥራው አልበሙን እጅግ የተዋጣለት ያደርገዋል፡፡ ዛሬ ፍቅረዐዲስ ነቅዓ ጥበብ የተጫወተቺውን በዚያ አልበም ውስጥ የተካተተውን የዶ/ር ተሸገር ሺፈራው ድርሰት የኾነውን ሙዚቃ፣ ለኤች.አይ.ቪ. የተሠራ ሥራ ነው ብለን ብንናገር ብዙ ሰው እውነት አይመስለውም፡፡

ለአብነት ያህል እሱን አነሳን እንጂ፣ በዚህ አልበም ላይ የተካተቱት፤ የንዋይ ደበበ፣ የአስቴር ዐወቀ፣ የበዛወርቅ እና የኤልያስ፣ የቴዎድሮስ ታደሰ፣ የኄኖክ መሐሪ፣ የጼዴንያ ገብረ ማርቆስ፣ የዳዊት መለሰ… ሥራዎች ይሄንኑ እውነት የሚያረጋግጡልን ሥራዎች ናቸው፡፡

የዚሁ አልበም ማስተዋወቂያ ሌላ ሥራ ኾኖ የወጣው፤ ዘሪቱ ከበደ፣ አብነት አጎናፍር፣ ጆኒ ራጋ የተጫወቱት “መኖርህን ሌሎች ይሻሉ ይፈልጋሉ” የሚለው መዝሙር የግጥም ድርሰት ያየህ ይራድ አላምረው ከኤልያስ መልካ ጋር የጻፈው ነው፡፡ የመልእክት ጥልቀቱ ከኤልያስ ኅልፈት ጋር ተያይዞ በሰፊው የተተርኳል፡፡ ነገር ግን፤ የኤልያስ መልካ እና የያየህ ይራድ አላምረው ስሜት እና ሐሳብ ምን ያህል ውሕደት እንደነበረው ለማየት በአብነት የሚጠቀስ ድንቅ ሥራ ነው፡፤ የዚህ ሙዚቃ በእነዚህ ማኅበራዊ ጉዳይ ላይ በሚያተኩሩ ሥራዎቹ ውስጥ የሚታየው የጥበብ ልቀት፤ ማኅበራዊ ጉዳይን ርእሳቸው አድረገው የሚነሱ ሥራዎች፣ መዝሙር መሳይ ብቻ ሳይኾን፣ የዘመኑን የፖፕ ሙዚቃ ቅርጽ ተሸክመው፣ በጥበብ ልቀው መሠራት እንደሚችሉ መረጋገጫ እና ማስተማሪያ ጭምር ነው፡፡

ኢትዮጵያ በያየህ ይራድ ድርሰት ውስጥ የትልቅ ብዕሩ መገለጫ ነች፡፡ ከሀገር ውጪ በነበረው ሕይወት ናፍቆት ብቻ የተፈጠረች ጉዳይ አይደለቺም “ኢትዮጵያ” ለያየህ ይራድ አላምረው፡፡ እንዲያውም፤ በወታደር ልጅነቱ፣ በወታደር ሠፈር በማደጉ የተፈጠረች “ከ-ይቺ ነች ሀገሬ” እስከ “ቆሜ ልመርቅሽ የዘለቀች፣ የዕድሜ ልክ ጉዳዩ ነበረች ማለት ይቻላል፡፡ ትንቢትም ተናግሮላል፡፡

“የሺ ዓመታት የአፍሪቃ ገናና፣

ተከብራ የኖረች በዓለም ዙሪያ ገና፤

ኢትዮጵያ ዳግም እንደገና፣

ይታየኛል ያገር አውራ ኾና፤” (ኩኩ ሰብስቤ)

“የኢትዮጵያ አምላክ ይፈርዳል ሳይውል ሳያድር፣

ይጥልላታል ጠላቷን እባንዲራው ሥር፤

አይቀር አንድ ቀን መድረሱ ወቅቱን ጠብቆ፣

ማሪኝ ይላታል ጠላቷ እግሯ ላይ ወድቆ፤” (ኃይልዬ ታደሠ)

“አንገትሽ ራስሽን ችሎ ልየውና፣

ማግስቱን ይውሰደኝ ዐሥር ሞት ይምጣና፤”

(ቆሜ ልመርቅሽ-ጥላሁን ገሠሠ)

እነ “አንድ ብር ለአንድ” ወገን፣ “ሀገር ፍቅር ክብር፤ ኢትዮጵያ በፊትም ወደፊትም” የተሰኙ ትላልቅ ሀገራዊ መድረኮችን እና ፕሮጀክቶችን በመምራት፣ ከዩ.ኤስ.አይ.ዲ.፣ ከአሜሪካን ኤምባሲ፣ ከዚ.ዲ.ሲ.፣ ከወርልድ ባንክ፣ ከናይክ ፋውንዴሽን ጋር ሠርቷል፡፡

1957 ዓ.ም. ወደዚህች ዓለም መጥቶ፣ ታኅሣሥ 24 ቀን 2017 ዓ.ም. በድንገት ከዚህች ዓለም በሞት የተለየው ያየህይራድ አላምረው፣ በዚህች አጭር ማስታወሻ ተዘርዝረው የማያልቁ በጥበብ ሰውነቱ በግዝፈት ምንጊዜም የሚያስጠሩትን በርካታ ሥራዎች ሠርቶ አፏል፡፡

በሥራዎቹ ምንጊዜም የመታወሱ ነገር አንድና ኹሉት ባይኖረውም፣ በቤተሰቦቹ አማካኝነት፣ ለኢትዮጵያ ቤተመዛግብት እና ቤተመጻሕፍት አገልግሎት (ወመዘክር) የሚሠጡት(የሚበረከቱት) የዕድሜ ልክ ስብስብ መጻሕፍቱ እና እነዚህን መጻሕፍት ተረክቦ የሚያስነብብበት የማንበቢያ ክፍል ደግሞ፤ በልዩ ኹኔታ እንዲታወስ እንደሚያደርገው አይጠረጠርም፡፡

አንባብያን፤ በዚህ በያየህይራድ አላምረው ስም በተሰየመ የንባብ ክፍል ውስጥ የሚያሳልፉት ጊዜ ከንባብም በላይ ነው፡፡ የዚህን ታላቅ ደራሲ ቀልብ መግዛት የቻሉ፣ የእርሱ መዳፍ ይዟቸው፣ የዐይን ትኩረቱ ያረፈባቸውን መጻሕፍት ማንበብ ትርጉሙ “እንዲህ እና እንዲያ ነው” የሚባል አይደለም፡፡

ይህ ታኅሣሥ 22 ቀን 2018 ዓ.ም. መርቀን የምንከፍተው “የአርቲስት ያየህይራድ አላምረው÷መዘክር እና የስብስቦቹ ቤተመጻሕፍት”፤ ሌሎች ጠቢባንም እንዲሁ ሥራዎቻቸውን እና የመጻሕፍት ስብስቦቻቸውን ለዚህ ታላቅ ተቋም እንዲሠጡም ያነሣሣል የሚል ተስፋ አለን፡፡ በመጨረሻም፤ ይህ እንዲኾን ትልቁን ድርሻ የተወጡትን፣ የያየህይራድ አላምረውን ቤተሰቦች፣ በተለይም እኅቱን ወ/ሮ ኂሩት አላምረውን፣ መጻሕፍቱ በዚህ ተቋም እንዲህ ያለ ሥፍራ አግኝተው ለትውልድ የሚተርፍ ቁም ነገር እንዲሠራባቸው ላደረጉት ጥረት እና ልግስና፤ ተቋማችን እጅግ አድርጎ ያመሰግናል፡፡

ታህሳስ 12, 2018 የሳምንቱ ምርጥ 10 ኢትዮጵያዊ ሙዚቃዎች ከየኔ ቫይብ! #fastmereja #yenevibe #ethiopia
___
🔔📢የኔ ቫይብ ለሁሉም ሙዚቃዎች ደረጃ የሚሰጠዉ በሳምንቱ የጨመሩትን የዩቲዩብ የተመልካች ብዛት በማወዳደር በትክክለኛ መረጃ ላይ ተመርኩዞ ብቻ ነዉ!🔔

የሳምንቱ ምርጥ 10 ሙዚቃዎች ደረጃ የሚያገኙት አውቶማቲክ እና ከሰዉ ንክኪ ነፃ በሆነ ሲስተም YouTube ላይ በሳምንቱ በጨመሩት የተመልካች ብዛት መሰረት በሚደረግ ዉድድር ነዉ።

1. Robel Mideksa – Shall I Call you? | New Ethiopian Music 2025 (Official Lyrics Video) Track 12
• ያለው አጠቃላይ የተመልካች ብዛት 1,587,585 Views
‣ በዚህ ሳምንት ብቻ የጨመረው የተመልካች ብዛት + 791,163 Views

2. Ethiopian Music : Eyu Tsega እዩ ፀጋ (ከማን ጋር ላወዳድርሽ) – New Ethiopian Music 2025(Official Video)
• ያለው አጠቃላይ የተመልካች ብዛት 12,920,595 Views
‣ በዚህ ሳምንት ብቻ የጨመረው የተመልካች ብዛት + 555,715 Views

3. Robel Mideksa – Ney Enhid | ነይ እንሂድ – New Ethiopian Music 2025 (Official Lyrics Video) Track 01
• ያለው አጠቃላይ የተመልካች ብዛት 1,320,206 Views
‣ በዚህ ሳምንት ብቻ የጨመረው የተመልካች ብዛት + 498,710 Views

4. Nati Ker – Neger Neger | ነገር ነገር – New Ethiopian Guragigna Music 2025 (Official Video)
• ያለው አጠቃላይ የተመልካች ብዛት 10,228,824 Views
‣ በዚህ ሳምንት ብቻ የጨመረው የተመልካች ብዛት + 482,184 Views

5. Mak Ezra – Tewehade – ማክ እዝራ – ተወሓደ – New Tigrigna music 2025 (Official Video)
• ያለው አጠቃላይ የተመልካች ብዛት 22,861,049 Views
‣ በዚህ ሳምንት ብቻ የጨመረው የተመልካች ብዛት + 452,073 Views

6. Saint Mosses X Young CJ – GUNSHOT[4 ena 9] (Official Music Video)[New Ethiopian music 2025]
• ያለው አጠቃላይ የተመልካች ብዛት 1,666,073 Views
‣ በዚህ ሳምንት ብቻ የጨመረው የተመልካች ብዛት + 374,848 Views

7. ትምኒት ወልዳይ (ሻነ) – Timnit Welday (SHANE) New Tigrigna Music 2025 (Official Video)
• ያለው አጠቃላይ የተመልካች ብዛት 9,146,600 Views
‣ በዚህ ሳምንት ብቻ የጨመረው የተመልካች ብዛት + 349,634 Views

8. Merkeb Bonitua – Akayda / ኣካይዳ New Tigrigna music 2025 ( official video )
• ያለው አጠቃላይ የተመልካች ብዛት 1,373,427 Views
‣ በዚህ ሳምንት ብቻ የጨመረው የተመልካች ብዛት + 347,046 Views

9. Jonny Ragga feat. Lij Michael – Rozina (Esat ) | ጆኒ ራጋ ከልጅ ሚካኤል ጋር- ሮዚና (እሳት) – New Ethiopian Music
• ያለው አጠቃላይ የተመልካች ብዛት 4,055,366 Views
‣ በዚህ ሳምንት ብቻ የጨመረው የተመልካች ብዛት + 271,259 Views

10. Selamawit Yohannes l {mizan | ሚዛን} – New Tigrigna Music 2025 [Official Video]
• ያለው አጠቃላይ የተመልካች ብዛት 15,464,636 Views
‣ በዚህ ሳምንት ብቻ የጨመረው የተመልካች ብዛት + 257,517 Views

ዓርብ ታህሳስ 10, 2018 የሳምንቱ ምርጥ 100 ኢትዮጵያዊ ሙዚቃዎች ከየኔ ቫይብ! #yenevibe #ethiopia
___
🔔📢የኔ ቫይብ ለሁሉም ሙዚቃዎች ደረጃ የሚሰጠዉ በሳምንቱ የጨመሩትን የዩቲዩብ የተመልካች ብዛት በማወዳደር በትክክለኛ መረጃ ላይ ተመርኩዞ ብቻ ነዉ!🔔
👉 የሳምንቱን 100 ምርጥ የኢትዮጵያ ሙዚቃዎች ሙሉ ዝርዝር በ https://yenevibe.com/weekl... መመልከት ይችላሉ።
___
የሳምንቱ ምርጥ 100 ሙዚቃዎች ደረጃ የሚያገኙት አውቶማቲክ እና ከሰዉ ንክኪ ነፃ በሆነ ሲስተም YouTube ላይ በሳምንቱ በጨመሩት የተመልካች ብዛት መሰረት በሚደረግ ዉድድር ነዉ።

1. Robel Mideksa – Shall I Call you? | New Ethiopian Music 2025 (Official Lyrics Video) Track 12
• ያለው አጠቃላይ የተመልካች ብዛት 1,587,585 Views
‣ በዚህ ሳምንት ብቻ የጨመረው የተመልካች ብዛት + 791,163 Views

2. Ethiopian Music : Eyu Tsega እዩ ፀጋ (ከማን ጋር ላወዳድርሽ) – New Ethiopian Music 2025(Official Video)
• ያለው አጠቃላይ የተመልካች ብዛት 12,920,595 Views
‣ በዚህ ሳምንት ብቻ የጨመረው የተመልካች ብዛት + 555,715 Views

3. Robel Mideksa – Ney Enhid | ነይ እንሂድ – New Ethiopian Music 2025 (Official Lyrics Video) Track 01
• ያለው አጠቃላይ የተመልካች ብዛት 1,320,206 Views
‣ በዚህ ሳምንት ብቻ የጨመረው የተመልካች ብዛት + 498,710 Views

4. Nati Ker – Neger Neger | ነገር ነገር – New Ethiopian Guragigna Music 2025 (Official Video)
• ያለው አጠቃላይ የተመልካች ብዛት 10,228,824 Views
‣ በዚህ ሳምንት ብቻ የጨመረው የተመልካች ብዛት + 482,184 Views

5. Mak Ezra – Tewehade – ማክ እዝራ – ተወሓደ – New Tigrigna music 2025 (Official Video)
• ያለው አጠቃላይ የተመልካች ብዛት 22,861,049 Views
‣ በዚህ ሳምንት ብቻ የጨመረው የተመልካች ብዛት + 452,073 Views

6. Saint Mosses X Young CJ – GUNSHOT[4 ena 9] (Official Music Video)[New Ethiopian music 2025]
• ያለው አጠቃላይ የተመልካች ብዛት 1,666,073 Views
‣ በዚህ ሳምንት ብቻ የጨመረው የተመልካች ብዛት + 374,848 Views

7. ትምኒት ወልዳይ (ሻነ) – Timnit Welday (SHANE) New Tigrigna Music 2025 (Official Video)
• ያለው አጠቃላይ የተመልካች ብዛት 9,146,600 Views
‣ በዚህ ሳምንት ብቻ የጨመረው የተመልካች ብዛት + 349,634 Views

8. Merkeb Bonitua – Akayda / ኣካይዳ New Tigrigna music 2025 ( official video )
• ያለው አጠቃላይ የተመልካች ብዛት 1,373,427 Views
‣ በዚህ ሳምንት ብቻ የጨመረው የተመልካች ብዛት + 347,046 Views

9. Jonny Ragga feat. Lij Michael – Rozina (Esat ) | ጆኒ ራጋ ከልጅ ሚካኤል ጋር- ሮዚና (እሳት) – New Ethiopian Music
• ያለው አጠቃላይ የተመልካች ብዛት 4,055,366 Views
‣ በዚህ ሳምንት ብቻ የጨመረው የተመልካች ብዛት + 271,259 Views

10. Selamawit Yohannes l {mizan | ሚዛን} – New Tigrigna Music 2025 [Official Video]
• ያለው አጠቃላይ የተመልካች ብዛት 15,464,636 Views
‣ በዚህ ሳምንት ብቻ የጨመረው የተመልካች ብዛት + 257,517 Views

ሙሉ ዝርዝሩን እዚህ ተጭነው ይመልከቱ 👉 https://yenevibe.com/weekl...

"ጆኒ ቪዲዮ" ዮሐንስ ታጠቅ የAFFA Award አሸናፊ
#fastmereja I ስለ ጆኒ ቪድዮ ስናወራ ስለ ሜካፕና ስለ ኤዲቲንግ ብቻ ሳይሆን ስለ ፍቅር፣ ስለ ታማኝነትና ስለ ቤተሰብ ትሩፋት ነው። ጆኒ ቪድዮ በ1986 ዓ.ም በአንድ ትንሽ ላይቭ ስቱዲዮ እንደተጀመረ ተገልጿል። ጆኒ ቪዲዮ በኢትዮጵያ የቤተሰብ ሕይወት ውስጥ እንደ ታማኝ አጋር ሆኖ ማገልገሉ ተጠቅሷል።

በ1997 ዓ.ም. ጆኒ ቪዲዮ ፕሮዳክሽን ቤተሰቦች የሚመሰረቱበትን የኢትዮጵያን ውድ ጊዜያት ቀዳሚ ሰነድ አቅራቢ ለመሆን ቃል እንደገባ ተገልጿል። የመጀመሪያ ዳንስ የጨፈሩላቸው ጥንዶች ከ25 ዓመታት በኋላ ልጆቻቸውን ይዘው የብር ኢዮቤልዩ በዓላቸውን ሲያከብሩ እንደተመለከቱ ተነግሯል።

ጆኒ ቪድዮ የልማት ምዕራፎችን፣ የባህል በዓላትን እና የድርጅት ታሪኮችን ለቤተሰብ አልበም በሚሰጠው ያህል ፍቅርና ጥንቃቄ እንደሰነደ ተገልጿል። ጆኒ ቪድዮ ዛሬ ዘመናዊ የመልቲሚዲያ ስቱዲዮ ባለቤት ሆኗል፣ ሥራቸው ሁሉ የተመሠረተው ገና ከመጀመሪያው በነበራቸው ታማኝነት፣ ቅርርብና ለኢትዮጵያ ታሪኮች ያላቸው ጥልቅ ፍቅር እንደሆነ ተብራርቷል።

ከሁሉም በላይ በደንበኞች እንደ ዘመድ ይታመናል ተብሏል።

ቅዳሜ ታሕሳስ 4, 2018 የሳምንቱ ምርጥ 10 ኢትዮጵያዊ ሙዚቃዎች ከየኔ ቫይብ! #fastmereja #yenevibe #ethiopia

1. Robel Mideksa – Shall I Call you? | New Ethiopian Music 2025 (Official Lyrics Video) Track 12
• ያለው አጠቃላይ የተመልካች ብዛት 796,422 Views
‣ በዚህ ሳምንት ብቻ የጨመረው የተመልካች ብዛት + 599,134 Views

2. Robel Mideksa – Ney Enhid | ነይ እንሂድ – New Ethiopian Music 2025 (Official Lyrics Video) Track 01
• ያለው አጠቃላይ የተመልካች ብዛት 821,496 Views
‣ በዚህ ሳምንት ብቻ የጨመረው የተመልካች ብዛት + 582,184 Views

3. Ethiopian Music : Eyu Tsega እዩ ፀጋ (ከማን ጋር ላወዳድርሽ) – New Ethiopian Music 2025(Official Video)
• ያለው አጠቃላይ የተመልካች ብዛት 12,364,880 Views
‣ በዚህ ሳምንት ብቻ የጨመረው የተመልካች ብዛት + 553,668 Views

4. Nati Ker – Neger Neger | ነገር ነገር – New Ethiopian Guragigna Music 2025 (Official Video)
• ያለው አጠቃላይ የተመልካች ብዛት 9,746,640 Views
‣ በዚህ ሳምንት ብቻ የጨመረው የተመልካች ብዛት + 486,841 Views

5. Mak Ezra – Tewehade – ማክ እዝራ – ተወሓደ – New Tigrigna music 2025 (Official Video)
• ያለው አጠቃላይ የተመልካች ብዛት 22,408,976 Views
‣ በዚህ ሳምንት ብቻ የጨመረው የተመልካች ብዛት + 438,131 Views

6. Merkeb Bonitua – Akayda / ኣካይዳ New Tigrigna music 2025 ( official video )
• ያለው አጠቃላይ የተመልካች ብዛት 1,026,381 Views
‣ በዚህ ሳምንት ብቻ የጨመረው የተመልካች ብዛት + 379,442 Views

7. ትምኒት ወልዳይ (ሻነ) Timnit Welday (SHANE) New Tigrigna Music 2025 (Official Video)
• ያለው አጠቃላይ የተመልካች ብዛት 8,796,966 Views
‣ በዚህ ሳምንት ብቻ የጨመረው የተመልካች ብዛት + 355,064 Views

8. Saint Mosses X Young CJ – GUNSHOT[4 ena 9] (Official Music Video)[New Ethiopian music 2025]
• ያለው አጠቃላይ የተመልካች ብዛት 1,291,225 Views
‣ በዚህ ሳምንት ብቻ የጨመረው የተመልካች ብዛት + 323,644 Views

9. Jonny Ragga feat. Lij Michael – Rozina (Esat ) | ጆኒ ራጋ ከልጅ ሚካኤል ጋር- ሮዚና (እሳት) – New Ethiopian Music
• ያለው አጠቃላይ የተመልካች ብዛት 3,784,107 Views
‣ በዚህ ሳምንት ብቻ የጨመረው የተመልካች ብዛት + 275,673 Views

10. Selamawit Yohannes l {mizan | ሚዛን} – New Tigrigna Music 2025 [Official Video]
• ያለው አጠቃላይ የተመልካች ብዛት 15,207,119 Views
‣ በዚህ ሳምንት ብቻ የጨመረው የተመልካች ብዛት + 260,143 Views

የሳምንቱ ምርጥ 100 ኢትዮጵያዊ ሙዚቃዎች ከየኔ ቫይብ! #fastmereja #yenevibe #ethiopia
27/03/2018 ዓ.ም

🔔📢የኔ ቫይብ ለሁሉም ሙዚቃዎች ደረጃ የሚሰጠዉ በሳምንቱ የጨመሩትን የዩቲዩብ የተመልካች ብዛት በማወዳደር በትክክለኛ መረጃ ላይ ተመርኩዞ ብቻ ነዉ!🔔
___

1. Merkeb Bonitua – Akayda / ኣካይዳ New Tigrigna music 2025 ( official video )
• ያለው አጠቃላይ የተመልካች ብዛት 646,939 Views
‣ በዚህ ሳምንት ብቻ የጨመረው የተመልካች ብዛት + 646,939 Views

2. Ethiopian Music : Eyu Tsega እዩ ፀጋ (ከማን ጋር ላወዳድርሽ) – New Ethiopian Music 2025(Official Video)
• ያለው አጠቃላይ የተመልካች ብዛት 11,811,212 Views
‣ በዚህ ሳምንት ብቻ የጨመረው የተመልካች ብዛት + 528,020 Views

3. Nati Ker – Neger Neger | ነገር ነገር – New Ethiopian Guragigna Music 2025 (Official Video)
• ያለው አጠቃላይ የተመልካች ብዛት 9,259,799 Views
‣ በዚህ ሳምንት ብቻ የጨመረው የተመልካች ብዛት + 467,689 Views

4. Mak Ezra – Tewehade – ማክ እዝራ – ተወሓደ – New Tigrigna music 2025 (Official Video)
• ያለው አጠቃላይ የተመልካች ብዛት 21,970,845 Views
‣ በዚህ ሳምንት ብቻ የጨመረው የተመልካች ብዛት + 431,522 Views

5. ትምኒት ወልዳይ (ሻነ) – Timnit Welday (SHANE) New Tigrigna Music 2025 (Official Video)
• ያለው አጠቃላይ የተመልካች ብዛት 8,441,902 Views
‣ በዚህ ሳምንት ብቻ የጨመረው የተመልካች ብዛት + 328,534 Views

6. Hana Girma – Hayyee – New Ethiopian Oromo Music 2025 (Official Video)
• ያለው አጠቃላይ የተመልካች ብዛት 1,492,816 Views
‣ በዚህ ሳምንት ብቻ የጨመረው የተመልካች ብዛት + 275,196 Views

7. Jonny Ragga feat. Lij Michael – Rozina (Esat ) | ጆኒ ራጋ ከልጅ ሚካኤል ጋር- ሮዚና (እሳት) – New Ethiopian Music
• ያለው አጠቃላይ የተመልካች ብዛት 3,508,434 Views
‣ በዚህ ሳምንት ብቻ የጨመረው የተመልካች ብዛት + 262,102 Views

8. Saint Mosses X Young CJ – GUNSHOT[4 ena 9] (Official Music Video)[New Ethiopian music 2025]
• ያለው አጠቃላይ የተመልካች ብዛት 967,581 Views
‣ በዚህ ሳምንት ብቻ የጨመረው የተመልካች ብዛት + 256,712 Views

9. Sara T – Gora Bel | ሳራ ቲ – ጎራ በል | New Ethiopian Music 2025 (Official Video)
• ያለው አጠቃላይ የተመልካች ብዛት 314,989 Views
‣ በዚህ ሳምንት ብቻ የጨመረው የተመልካች ብዛት + 253,394 Views

10. Selamawit Yohannes l {mizan | ሚዛን} – New Tigrigna Music 2025 [Official Video]
• ያለው አጠቃላይ የተመልካች ብዛት 14,946,976 Views
‣ በዚህ ሳምንት ብቻ የጨመረው የተመልካች ብዛት + 247,089 Views

ዝርዝሩን እዚህ ተጭነው ይመልከቱ 👉 https://yenevibe.com/weekl...

ዓርብ ሕዳር 19, 2018 የሳምንቱ ምርጥ 100 ኢትዮጵያዊ ሙዚቃዎች ከየኔ ቫይብ! #yenevibe #ethiopia
___
🔔📢የኔ ቫይብ ለሁሉም ሙዚቃዎች ደረጃ የሚሰጠዉ በሳምንቱ የጨመሩትን የዩቲዩብ የተመልካች ብዛት በማወዳደር በትክክለኛ መረጃ ላይ ተመርኩዞ ብቻ ነዉ!🔔
👉 የሳምንቱን 100 ምርጥ የኢትዮጵያ ሙዚቃዎች ሙሉ ዝርዝር በ https://yenevibe.com/weekl... መመልከት ይችላሉ።
___
የሳምንቱ ምርጥ 100 ሙዚቃዎች ደረጃ የሚያገኙት አውቶማቲክ እና ከሰዉ ንክኪ ነፃ በሆነ ሲስተም YouTube ላይ በሳምንቱ በጨመሩት የተመልካች ብዛት መሰረት በሚደረግ ዉድድር ነዉ።

1. Ethiopian Music : Eyu Tsega እዩ ፀጋ (ከማን ጋር ላወዳድርሽ) – New Ethiopian Music 2025(Official Video)
• ያለው አጠቃላይ የተመልካች ብዛት 11,283,192 Views
‣ በዚህ ሳምንት ብቻ የጨመረው የተመልካች ብዛት + 604,571 Views

2. Nati Ker – Neger Neger | ነገር ነገር – New Ethiopian Guragigna Music 2025 (Official Video)
• ያለው አጠቃላይ የተመልካች ብዛት 8,792,110 Views
‣ በዚህ ሳምንት ብቻ የጨመረው የተመልካች ብዛት + 572,930 Views

3. Mak Ezra – Tewehade – ማክ እዝራ – ተወሓደ – New Tigrigan music 2025 (Official Video)
• ያለው አጠቃላይ የተመልካች ብዛት 21,539,323 Views
‣ በዚህ ሳምንት ብቻ የጨመረው የተመልካች ብዛት + 515,768 Views

4. Dj Ashu Tig Tig ft Tariku Gankisi – Ata Wedi ኣታ ወዲ – New Tigrinya Music 2025 (Official Video)
• ያለው አጠቃላይ የተመልካች ብዛት 449,763 Views
‣ በዚህ ሳምንት ብቻ የጨመረው የተመልካች ብዛት + 449,763 Views

5. ትምኒት ወልዳይ (ሻነ) – Timnit Welday (SHANE) New Tigrigna Music 2025 (Official Video)
• ያለው አጠቃላይ የተመልካች ብዛት 8,113,368 Views
‣ በዚህ ሳምንት ብቻ የጨመረው የተመልካች ብዛት + 393,037 Views

6. Jonny Ragga feat. Lij Michael – Rozina (Esat ) | ጆኒ ራጋ ከልጅ ሚካኤል ጋር- ሮዚና (እሳት) – New Ethiopian Music
• ያለው አጠቃላይ የተመልካች ብዛት 3,246,332 Views
‣ በዚህ ሳምንት ብቻ የጨመረው የተመልካች ብዛት + 330,405 Views

7. Selamawit Yohannes l {mizan | ሚዛን} – New Tigrigna Music 2025 [Official Video]
• ያለው አጠቃላይ የተመልካች ብዛት 14,699,887 Views
‣ በዚህ ሳምንት ብቻ የጨመረው የተመልካች ብዛት + 271,004 Views

8. Lemlem Hailemichael – Ende Amele – ለምለም ሃይለሚካኤል – እንደ አመሌ – New Ethiopian Music 2025 (Official Video)
• ያለው አጠቃላይ የተመልካች ብዛት 9,143,892 Views
‣ በዚህ ሳምንት ብቻ የጨመረው የተመልካች ብዛት + 266,505 Views

9. Embza Aligaz – Atinye – እምብዛ ኣሊጋዝ – ኣትንየ – New Ethiopian Tigrigna Music 2025 (Official Video)
• ያለው አጠቃላይ የተመልካች ብዛት 1,326,796 Views
‣ በዚህ ሳምንት ብቻ የጨመረው የተመልካች ብዛት + 262,971 Views

10. Hana Girma – Hayyee – New Ethiopian Oromo Music 2025 (Official Video)
• ያለው አጠቃላይ የተመልካች ብዛት 1,217,620 Views
‣ በዚህ ሳምንት ብቻ የጨመረው የተመልካች ብዛት + 256,138 Views

ሙሉ ዝርዝሩን እዚህ ተጭነው ይመልከቱ 👉 https://yenevibe.com/weekl...

አርቲስት ሐመልማል አባተ እና አርቲስት መቅደስ ጸጋዬ በAFFA አዋርድ ሊሸለሙ ነው።
‎ #fastmereja I ኔክስት ፋሽን ዲዛይን ‎ኮሌጅ ከተመሰረተ 20 አመት መሙላቱን እንዲሁም የAFFA award ምክንያት በማድረግ በዛሬው እለት መግለጫ ሰጥቷል።

በዲሊኦፖል ሆቴል በተካሄደው ጋዜጣዊ መግለጫ የኮሌጁ የ20አመታት ጉዞ፣ የፋሽን ሾው እና የAFFA ውድድርን በተመለከተ ገለፃ አድርጓል።
‎
በመግለጫውም የAFFA ተሸላሚዎች ይፋ የተደረጉ ሲሆን
‎
‎📌 ሳምራዊት መርስኢሀዘን - ከሳምራ ሌዘር (በኢንተርናሽናል ደረጃ የኢትዮጵያን ሌዘር በማስተዋወቅ)

📌 አርቲስት ሐመልማል አባተ (ፋሽንና የባህል አልባሳትን ለረጅም ጊዜ በመልበስና በማስተዋወቅ ዲዛይነሮችን በማገዝ)

📌 ዮሐንስ ታጠቅ- ጆኒ ቪዲዮ (ዲዛይነሮችና ሞዴሎችን ላለፉት 30 አመታት ፎቶ በማንሳት)

📌 አርቲስት መቅደስ ፀጋዬ (ፋሽንና የባህል አልባሳትን ለረጅም ጊዜ በመልበስና በማስተዋወቅ ዲዛይነሮችን በማገዝ)

📌 አርክቴክት ቃልኪዳን ታደሰ (ለ15 አመታት በባህላዊ የሽመና ጨርቆች ቤትን በማስዋብ)

📌 ሄኖክ ሲሳይ -ከሄኒ አፍሮ (ሞዴሎችን በበጎ ፈቃደኝነት ሜካፕና ፀጉር በመስራትና ብዙ ዲዛይነሮችን በመደገፍ)

📌 የፋሽን ዲዛይነር እና አርክቴክት ሜቲ ሀይለማርያም (ክርኤቲቭ ያንግ ዲዛይነር)

📌 ፎዚያ እንድሪስ የኢትዮዽያ የባህል አልባሳትን እለት እለት እንዲለበስ በማድረግ በመላው አለም እንዲታወቅ በማድረግ (ክርኤቲቭ ያንግ ዲዛይነር) ናቸው።

ኔክስት ፋሽን ዲዛይን በ2004 እ.ኤ.አ በዲዛይነርና ሞዴል ሳራ መሀመድ በሞዴሊንግ ስልጠና የተመሰረተና ስራውን ጀመረ።

ኮሌጁ ላለፉት 20 ዓመታት በመደበኛው የሥልጠና ፕሮግራም ከ5200 በላይ እንዲሁም በአጫጭር የስልጠና ዘርፍ ከ1000 በላይ ብቃት ያላቸው ስመጥር የሆኑ ዲዛይነሮችን በፋሽን ዲዛይን አሰልጥኖ በማስመረቅና ኢንደስትሪውን እንዲቀላቀሉ በማድረግ በዘርፉ ያለውን ትልቅ ክፍተት እየሞላ ያለ ኮሌጅ መሆኑ ተነግሯል፡፡

አሰልጥኖ ካስመረቃቸውም መካከል ሰላሳ በመቶ የሚሆኑት ሴት ሰልጣኞች ሙሉ በሙሉ በኮሌጁ ነፃ የትምህርት ዕድል አግኝተው የሰለጠኑ ናቸው፡፡

ሕዳር 7, 2018 የሳምንቱ ምርጥ 10 ኢትዮጵያዊ ሙዚቃዎች ከየኔ ቫይብ! #fastmereja #yenevibe #ethiopia
___
🔔📢የኔ ቫይብ ለሁሉም ሙዚቃዎች ደረጃ የሚሰጠዉ በሳምንቱ የጨመሩትን የዩቲዩብ የተመልካች ብዛት በማወዳደር በትክክለኛ መረጃ ላይ ተመርኩዞ ብቻ ነዉ!🔔
___
የሳምንቱ ምርጥ 100 ሙዚቃዎች ደረጃ የሚያገኙት አውቶማቲክ እና ከሰዉ ንክኪ ነፃ በሆነ ሲስተም YouTube ላይ በሳምንቱ በጨመሩት የተመልካች ብዛት መሰረት በሚደረግ ዉድድር ነዉ።

1. Hana Girma – Hayyee – New Ethiopian Oromo Music 2025 (Official Video)
• ያለው አጠቃላይ የተመልካች ብዛት 662,899 Views
‣ በዚህ ሳምንት ብቻ የጨመረው የተመልካች ብዛት + 662,899 Views

2. Nati Ker – Neger Neger | ነገር ነገር – New Ethiopian Guragigna Music 2025 (Official Video)
• ያለው አጠቃላይ የተመልካች ብዛት 7,602,334 Views
‣ በዚህ ሳምንት ብቻ የጨመረው የተመልካች ብዛት + 643,453 Views

3. Ethiopian Music : Eyu Tsega እዩ ፀጋ (ከማን ጋር ላወዳድርሽ) – New Ethiopian Music 2025(Official Video)
• ያለው አጠቃላይ የተመልካች ብዛት 10,038,278 Views
‣ በዚህ ሳምንት ብቻ የጨመረው የተመልካች ብዛት + 639,418 Views

4. Mak Ezra – Tewehade – ማክ እዝራ – ተወሓደ – New Tigrigna music 2025 (Official Video)
• ያለው አጠቃላይ የተመልካች ብዛት 20,481,190 Views
‣ በዚህ ሳምንት ብቻ የጨመረው የተመልካች ብዛት + 525,270 Views

5. ትምኒት ወልዳይ (ሻነ) – Timnit Welday (SHANE) New Tigrigna Music 2025 (Official Video)
• ያለው አጠቃላይ የተመልካች ብዛት 7,303,477 Views
‣ በዚህ ሳምንት ብቻ የጨመረው የተመልካች ብዛት + 447,257 Views

6. Jonny Ragga feat. Lij Michael – Rozina (Esat ) | ጆኒ ራጋ ከልጅ ሚካኤል ጋር- ሮዚና (እሳት) – New Ethiopian Music
• ያለው አጠቃላይ የተመልካች ብዛት 2,586,477 Views
‣ በዚህ ሳምንት ብቻ የጨመረው የተመልካች ብዛት + 344,843 Views

7. Lemlem Hailemichael – Ende Amele – ለምለም ሃይለሚካኤል – እንደ አመሌ – New Ethiopian Music 2025 (Official Video)
• ያለው አጠቃላይ የተመልካች ብዛት 8,584,454 Views
‣ በዚህ ሳምንት ብቻ የጨመረው የተመልካች ብዛት + 318,056 Views

8. Embza Aligaz – Atinye – እምብዛ ኣሊጋዝ – ኣትንየ – New Ethiopian Tigrigna Music 2025 (Official Video)
• ያለው አጠቃላይ የተመልካች ብዛት 749,041 Views
‣ በዚህ ሳምንት ብቻ የጨመረው የተመልካች ብዛት + 308,954 Views

9. Selamawit Yohannes l {mizan | ሚዛን} – New Tigrigna Music 2025 [Official Video]
• ያለው አጠቃላይ የተመልካች ብዛት 14,142,168 Views
‣ በዚህ ሳምንት ብቻ የጨመረው የተመልካች ብዛት + 307,709 Views

10. 17Studio – Buze Man – Gelilaye / ገሊላ’የ – New Ethiopian Music 2025 (Official Video)
• ያለው አጠቃላይ የተመልካች ብዛት 270,750 Views
‣ በዚህ ሳምንት ብቻ የጨመረው የተመልካች ብዛት + 270,750 Views