የአሜሪካ እና እስራዔል ፍላጎት ለየቅል ሆኗል
#ethiopia | የአሜሪካው ምክትል ፕሬዚዳንት ጄዲ ቫንስ ሀገራቸውና እስራኤል ከኢራን ጋር ስላለው ጦርነት ማጠቃለያ የተለያየ አቋም እንዳላቸው ይፋ አድርገዋል። እንደ ምክትል ፕሬዚዳንቱ ገለጻ፣ ሁለቱ ሀገራት በብዙ ጉዳዮች ላይ አብረው ቢሰሩም ጦርነቱ እንዴት መቋጨት አለበት በሚለው ነጥብ ላይ ግን ፍላጎቶቻቸው ይለያያሉ።

​ዋሺንግተን የኢራንን የኒውክሌር መርሐግብር በዘለቄታው የሚፈታና ሀገሪቱ የኒውክሌር መሣሪያ እንዳይኖራት የሚያረጋግጥ የረጅም ጊዜ ስምምነት ላይ ለመድረስ እየሰራች መሆኑን ቫንስ ጠቁመዋል። ይህ ስምምነት በእስራኤል በኩል ተቀባይነት ሊኖረውም ላይኖረውም እንደሚችል የገለጹት ምክትል ፕሬዚዳንቱ፣ ጉዳዩ ግን የአሜሪካ መሠረታዊ ጥቅም በመሆኑ ፕሬዚዳንት ዶናልድ ትራምፕ በትኩረት እንደሚገፉበት አስታውቀዋል።

​በአሁኑ ወቅት አሜሪካና ኢራን የስምምነት “የመጨረሻው ጥረት” ላይ እንደሚገኙና በመጪዎቹ ሳምንታት ወይም ወራት ውስጥ ስምምነት ላይ ሊደርሱ እንደሚችሉ ተገልጿል። በዚህ የሰላም ጥረት ውስጥ ሁለቱን ሀገራት በማሸማገል ላይ የምትገኘው ፓኪስታን በበኩሏ፣ የመጨረሻው ግብ ላይ ለመድረስ የሁሉንም ወገኖች ከጥቃት መቆጠብ እንደሚያስፈልግ አሳስባለች።

Getu Temesgen - (ጌጡ ተመስገን)
#getutemesgen #getu
​#አሜሪካ #እስራኤል #ኢራን #ጄዲ_ቫንስ #ዶናልድ_ትራምፕ #የመካከለኛው_ምሥራቅ_ጦርነት #የኒውክሌር_ስምምነት

ሰበር‼️ ጦርነቱ ዳግም ተጀምሯል‼️
እስራኤል ኢራንን ለማጥቃት እየተዘጋጀች ነው።
የመካከለኛው ምሥራቅ ጦርነት ዳግም ተጀምሯል።

Seledadotio
Seledadotio

የመካከለኛው ምሥራቅ ጦርነት በኢትዮጵያ አየር መንገድ ላይ የደቀነው የ137 ሚሊዮን ዶላር ስጋት

​በመካከለኛው ምሥራቅ የተቀሰቀሰው ጦርነት በኢትዮጵያ አየር መንገድ ላይ ከፍተኛ የኢኮኖሚ ጫና እያሳደረ ይገኛል።

አሜሪካ እና እስራኤል በኢራን ላይ የከፈቱትን ጥቃት ተከትሎ፣ አየር መንገዱ ወደ አስር መዳረሻዎች የሚያደርጋቸውን በረራዎች ለመሰረዝ መገደዱን ለቢቢሲ አስታውቋል።

​የአየር መንገዱ የንግድ ዋና ሥራ አስፈጻሚ አቶ ለማ ያዴቻ እንደገለጹት፣ ይህ ቀውስ አየር መንገዱን በሳምንት እስከ 137 ሚሊዮን ዶላር የሚገመት ገቢ ሊያሳጣው ይችላል።

ጦርነቱ ስድስተኛ ቀኑን በያዘበት በዚህ ወቅት፣ የበረራ መስመሮች መዘጋትና የደህንነት ስጋቶች በአፍሪካ ግዙፍ በሆነው አየር መንገድ የሥራ እንቅስቃሴ ላይ ትልቅ እንቅፋት እየሆኑ ይገኛሉ።

​ምንጭ፦ ቢቢሲ አማርኛ