ኢትዮጵያ በአይ ኤም ኤፍ እና ዓለም ባንክ ዓመታዊ ስብሰባ ላይ እየተሳተፈች ነው
#ethiopia | በኢትዮጵያ ብሔራዊ ባንክ ገዥ ኢዮብ ተካልኝ (ዶ/ር) የተመራ ልዑካን ቡድን በዓለም አቀፉ የገንዘብ ድርጅት (አይ ኤም ኤፍ) እና ዓለም ባንክ ዓመታዊ ስብሰባዎች ላይ ለመሳተፍ ታይላንድ ባንኮክ ገብቷል።

ልዑካን ቡድኑ ከስብሰባው ጎን ለጎን ውይይቶችን ማድረግ የጀመረ ሲሆን ስብሰባው ከዓለም አቀፍ የፋይናንስ ተቋማት፣ ከልማት አጋሮች እና ከፖሊሲ አውጪዎች ጋር ኢትዮጵያ ቅድሚያ በምትሰጣቸው የኢኮኖሚ ጉዳዮች ላይ ለመምከር፣ ስትራቴጂካዊ አጋርነትን ለማጠናከር የሚያግዝ ነው፡፡

እንዲሁም በዓለም አቀፍ የኢኮኖሚ ሁኔታዎች ላይ ልምድ ለመለዋወጥ ትልቅ እድል የሚፈጥር መድረክ መሆኑ ተመላክቷል።

የዓለም አቀፉ የገንዘብ ድርጅት (አይ ኤም ኤፍ) እና ዓለም ባንክ ዓመታዊ ስብሰባዎች ከዛሬ አንስቶ እስከ ጥቅምት 8 ቀን 2019 ዓ.ም ይካሄዳሉ።

(via amn)

በያፌት ገ/ህይወት

Getu Temesgen - (ጌጡ ተመስገን) #getutemesgen #getu

በአዲስ አበባ ለሚገኙ የምህንድስና ተማሪዎች የተዘጋጀ የዲዛይን ውድድር ይፋ ተደረገ

በአዲስ አበባ በሚገኙ የከፍተኛ ትምህርት ተቋማት ለሚማሩ የምህንድስና ተማሪዎች የተዘጋጀ የመርካቶ አካባቢን መልሶ የማልማት የዲዛይን ውድድር ዛሬ ይፋ ተደርጓል።

 
ውድድሩ በጣሊያን ንግድ ኤጀንሲ እና በጣሊያን ኤምባሲ አስተባባሪነት የተዘጋጀ ሲሆን የአዲስ አበባ ዩኒቨርሲቲ፣ የአዳማ ሳይንስና ቴክኖሎጂ ዩኒቨርሲቲ እንዲሁም እንደ ዩኒቲ ያሉ የግል ዩኒቨርሲቲ ተማሪዎችን ያሳተፈ መሆኑ ተገልጿል ።

 
በአዲስ አበባ ዩኒቨርሲቲ የህንፃ ኮሌጅ ተባባሪ ፕሮፌሰር ፋሲል ጊዮርጊስ ለብስራት ሬድዮ እንደገለጹት ውድድሩ ተማሪዎች በመርካቶ አካባቢ በሚገኝ ቦታ ላይ የዲዛይን ሀሳቦቻቸውን እንዲያቀርቡ እና እርስ በእርስ እንዲወዳደሩ ዕድል የሚፈጥር ነው ብለዋል። አሸናፊ የሚሆነው ተማሪ ወደ ጣሊያን ሀገር በመሄድ ለአጭር ጊዜ በዩኒቨርሲቲ ውስጥ አጭር የትምህርት እና የልምድ ልውውጥ እድል የሚያገኝ ይሆናል።

 
የኢትዮጵያ አርክቴክቶች ማህበር ፕሬዝዳንት ሀብታም ጌታቸው በበኩላቸው ውድድሩ ተማሪዎች ከከተማው ማህበራዊ እና ባህላዊ ሁኔታዎች ጋር የተጣጣሙ አዲስ የዲዛይን ሀሳቦችን እንዲያመነጩ ትልቅ አጋጣሚ ይፈጥራል ብለዋል። ውድድሩ በዘርፋ የሚሰማሩ ወጣት ተማሪዎች በከተማዋ ለውጥ ላይ አዎንታዊ አስተዋጽኦ እንዲያደርጉ እና ለፖሊሲ አውጪዎችም ጥሩ ግብአት የሚሆኑ ሀሳቦችን ለማመንጨት ያለመ መሆኑ ተጠቅሷል።

በሚኪያስ ፀሐዬ
#ዳጉ_ጆርናል

"በተቻለ አቅም ከካሙዙ ካሳ እራቅ። ለባህል ትርኢቶች የጥበብ ባለሙያ ካስፈለገህ.. ብዙ ድጋፍ የሚፈልጉ፣ የቤት ክራይ መክፈል እንኳ ያቃታቸው፣ ራሳቸውን ለዓመታት ለጥበብ የሰጡ፣ አንድም ቀን የውጭ እድል አግኝተው የማያውቁ ባለሙያዎች ብሔራዊ ቴአትር አሉልህ! - ሀገር ፍቅርም እንዲሁ። የአንድ ሰው ኪስ በሚሊዮን ዶላሮች ከምታደልብ ባለሙያዎቹን ዕድል ስጣቸው። ይኸው ነው!"
አበጀ በለው የላኩልን!

(ዘ-ሐበሻ ዜና) በሀረር የሕይት ፋና ካንሰር ህክምና ማዕከል የ'ጥቅምት የጡት ካንሰር አዳኞች የድጋፍ ቡድን' ስራ አስፈፃሚ የሆኑት ሚካኤል ለማ ዓለም አቀፍ የካንሰር ህክምና ማዕከላትን ከአውሮፓ እስከ አፍሪካ እንዲሁም ከእስያ እስከ አሜሪካ ከጎበኙ በኋላ ያዘዘቡትን ያዩትን እውነታ አጋርተዋል። የቅርብ ጊዜው የግሎቦካን 2024 መረጃ አንድ ትልቅ እና አስገራሚ ተቃርኖ ያሳያል። በአሜሪካ እና ኔዘርላንድስ በጡት ካንሰር የሚያዙ ሴቶች ቁጥር እጅግ ከፍተኛ ቢሆንም፣ ከበሽታው የሚያገግሙት ቁጥር ግን የዚያኑ ያህል ሰፊ ነው። በአንጻሩ በኢትዮጵያ፣ ጋና፣ ናይጄሪያ፣ ኬንያ እና ታንዛንያ ከ100 ታማሚዎች ውስጥ ወደ 50 የሚጠጉት ህይ*ወታቸውን ያጣሉ። በሽታው አንድ ነው፣ መድሃኒቱም ያው ነው፤ ነገር ግን ውጤቱ በታዳጊ ሀገራት ሶስት እጥፍ የከፋ ነው።

በሀገራችን ኢትዮጵያ በየዓመቱ 18,840 አዳዲስ የጡት ካንሰር ህሙማን ሲመዘገቡ፣ የ8,812 ሴቶች ህይ*ወት ያልፋል። ይህም የጡት ካንሰርን በሀገራችን በሴቶች ላይ ከሚከሰቱ ካንሰሮች አጠቃላይ 36 በመቶ በመያዝ ቀዳሚው አድርጎታል። ሚካኤል ለማ እንዳብራሩት፣ ለዚህ የህልውና ልዩነት ምክንያቱ የሰውነት ተፈጥሮ አይደለም። ዋናዎቹ ምክንያቶች በሽታው የሚታወቅበት ጊዜ መዘግየት፣ የህክምና መሳሪያዎች (እንደ ፓቶሎጂ እና ራዲዮቴራፒ ያሉት) አለመሟላት፣ የህክምና ወጪ መወደድ፣ እንዲሁም ፍርሃት፣ ማግለል እና ህክምናን አቋርጦ መተው ናቸው።

በዚህ የጡት ካንሰር ግንዛቤ ወር ባለሙያው የሚያስተላልፉት ወሳኝ መልዕክት ሴቶች የጡታቸውን ጤንነት በየጊዜው እንዲከታተሉ እና የማያም እብጠት ሁሉ ምንም አያመጣም ብለው ችላ እንዳይሉ ነው። በጡት ቆዳ ላይ የሚታዩ ሸብረቦችን፣ የጡት ጫፍ ፈሳሽን ወይም በብብት ስር ያሉ እብጠቶችን በንቃት ማስተዋል ይገባል። በተጨማሪም ህመም እስኪሰማ ድረስ ሳይጠብቁ በጊዜ ወደ ጤና ተቋም ማምራት እና የጀመሩትን ህክምና እስከመጨረሻው መከታተል ወሳኝ መሆኑን ይመክራሉ፤ ምክንያቱም በጊዜ ከተገኘ የጡት ካንሰር በቀላሉ ሊድን ከሚችሉ የካንሰር አይነቶች አንዱ በመሆኑ ነው። በመጨረሻም ባለሙያው ቦታው ይለያይ፣ ስርአቱ ይለያይ እንጂ ተልዕኳችን አንድ ነው፤ እያንዳንዱ ሴት ከጡት ካንሰር ተርፋ የመኖር እድል ይገባታል በማለት መልዕክታቸውን አስተላልፈዋል።

🕯️በጅቡቲ ባህር ዳርቻ እስካሁን በታወቀው የ139 ስደተኞች ህይወት አለፈ።

በጅቡቲ የባህር ዳርቻ አቅራቢያ ስደተኞችን የጫነ አንድ ጀልባ ትናትንት ሌሊት ላዛሬ አጥቢያ  ሰጥሞ እስካሁን 139 ሰዎች መሞታቸውን ዓለም አቀፍ የስደተኞች ጉዳይ ድርጅት (አይኦኤም) አሳወቀ።

ከሟቾቹ መካከል 15ቱ ህፃናት መሆናቸው ተገልጿል።

ከአደጋው 82 ሰዎች የተረፉ ሲሆን 84 ሰዎች ደግሞ እስካሁን የት እንዳሉ አይታወቅም።

ወደ የመን በመጓዝ ላይ የነበረውና 350 ሰዎችን አሳፍሮ እንደነበር የሚገመተው ይህ ጀልባ፣ አደጋ የገጠመው በጅቡቲዋ ኦቦክ  አካባቢ ነው።  

ድርጅቱ እንደገለጸው፣ ድንበር ለማቋረጥ ከሚክሩት መካከል አብዛኞቹ ከኢትዮጵያ እና ከሶማሊያ የሚመጡ ናቸው።

ከትላንት ለሊቱ አደጋ የተረፉት ከ80 በላይ ሰዎች ሁሉም ኢትዮጵያውያን መሆናቸውን ተገልጿል።

እስካሁን ከተገኙት አስከሬኖች መካከል 52ቱ ወንዶች፣ 42ቱ ሴቶች ሲሆኑ 15ቱ ደግሞ ህጻናት ናቸው።

እስካሁን የት እንዳሉ የማይታወቁ 84 ሰዎች ያሉ ሲሆን የፍለጋና የነፍሥ ማዳን ሥራው ተጠናክሮ መቀጠሉን ድርጅቱ አሳውቋል።

አይኦኤም እንደገለፀው በጎርጎሪያኑ 2025 ዓ/ም ይህንን ጉዞ ለማድረግ ሲሞክሩ ከ900 በላይ ስደተኞች ህይወታቸውን አጥተዋል።

በጂቡቲ የሚገኘው የአይኦኤም የተልዕኮ ኃላፊ አሌክሳንደር ኮይሳክ አደጋውን " አውዳሚ " ሲሉ ጠርተውታል። 

" ይህ አሳዛኝ ሁኔታ ስደተኞች የተሻለ የኢኮኖሚ እድል ለማግኘት በዚህ የፍልሰት መስመር ላይ የባብ ኤል-ማንዴብ ባሕረ ሰላጤ አቋርጠው ወደ የመን ለመድረስ  ሲሞክሩ የሚያጋጥሟቸውን አደጋዎች የሚያስታውስ ነው " ብለዋል።

ምንም እንኳ በመካከለኛው ምስራቅ አለመረጋጋት እየጨመረ ቢመጣም ድህነት፣ አለመረጋጋት እና የአየር ንብረት ለውጥ ተጽዕኖዎች ብዙዎች ይህንን ጉዞ እንዲያያደርጉ እንዳስገደዳቸው ድርጅቱ ገልጿል።

የመን ውስጥ ከፍተኛ የእርስ በርስ ጦርነት ቢኖርም፣ ስደተኞች አሁንም ሕይወታቸውን ለአደጋ አጋልጠው ወደ የባህረ ሰላጤው አገራት ለመድረስ አስቸጋሪውን መንገድ እየተጓዙ ይገኛሉ።

በአይኦኤም የስደተኞች ክትትል መረጃ፣ ባለፈው አንድ ወር ብቻ ከ20,000 በላይ ከኢትዮጵያ ወደ ጅቡቲ የገቡ ስደተኞች ተመዝግበዋል።

#iom
ጥቅምት 1 ቀን 2019 ዓ/ም

@tikvahethiopia

በትምህርት ቤቶች የዓይን ምርመራ ሊደረግ እንደሚገባ ተገለፀ።

‎ጥቅምት 01ቀን 2019 ዓ.ም. (አሐዱ ሬድዮ) በዓለም አቀፍ ደረጃ በተደረገ ጥናት አንድ ተማሪ የሚያገኘው እውቀት እና መረጃዎች ከ 80 በመቶ በላይ የሚሆነው በአይን ለመረዳት የሚያስችል በመሆኑ የእይታ ችግር ያለባቸው ተማሪዎች የሚፈለገውን ያህል ክህሎት እንዳይኖራቸው ተግዳሮት እንደሚሆን ተገልጿል።

በ ትምህርት ሚኒስቴር የትምህርት ጥራት ፕሮግራም ማሻሻያ መሪ ስራ አስፈፃሚ አቶ ዩሐንስ ወጋሶ
የማየት ችግር የሚያጋጥማቸው ተማሪዎች ችግር ለመፍታት በትምህርት ቤቶች የዓይን ምርመራ ማድረግ እንደሚያስፈልግ ተናግረዋል።

አንድ ተማሪ የዕይታ ችግር ካለበት የትምህርት አቀባበሉ ዝቅተኛ የሚሆንበት እድል በመኖሩ እንደሀገር አሉታዊ ተፅኖ እንደሚኖረው ተናግረዋል።

ችግሩን በዘላቂነት ለመፍታት በትምህርት ቤቶች የሚደረገው የአይን ምርመራ የሁሉም ዜጋ ቀዳሚ ትኩረት መሆን እንዳለበት ጠቁመዋል።
                   
በትምህርት ቤቶች ላይ የሚደረገው የዓይን ምርመራ ውጤታማ እንዲሆን መምህራን ማሰልጠን እንደሚገባ አንስተው በቀላሉ የተማሪዎች ችግር እንዲለዩ ያስችላል ብለዋል።

የዓይን ምርመራ ስራ በዘመቻ የሚካሄድ ሳይሆን መደበኛ በሆነ መንገድ ለነባር ተማሪዎች እና አዳዲስ ለሚገቡ ተማሪዎች ምርመራ ማድረግ እንደሚያስፈልግ ገልፀዋል።

ይሄ ተግባራዊ እንዲሆን ትምህርት ሚኒስቴር እና ጤና ሚኒስቴር በጋራ በመሆን የትምህርት ቤት ጤና እስትራቴጂ በማዘጋጀት እየተሰራ መሆኑን ጠቁመዋል።

በዓለም ለ 26 ተኛ ጊዜ በኢትዮጵያ ለ 18ተኛ ጊዜ የአለም አቀፍ የአይን ጤና ቀን ባለፈው ሳምንት በመከሩ ይታወቃል።

በህይወቴ ጌትነት

#አሐዱ_ሬዲዮ_94
#አሐዱ_የኢትዮጵያውያን_ድምጽ

#tigray

" ህወሓት ተመልሶ አይመጣም። .... የህወሓት አመራሮች ከኤርትራ ድንበር በስተደቡብ በኩል መረብ ወንዝ ዙሪያ ነው የሚገኙት " - አቶ ጌታቸው ረዳ

👉 " ወታደራዊ መልሶ ማጥቃት ለማድረግ ዝግጁ ነን ፤ የትኛውም ኃይል ከትግራይ አይወጣም " - ህወሓት

ለ6 ወራት ያህል ትግራይ በፌዴራል ኮማንድ ፖስት ስር እንደምትቆይና ከዚያ በኋላ ክልላዊ ምርጫ እንደሚካሄድ የቀድሞ የትግራይ ጊዜያዊ አስተዳደር ፕሬዚዳንትና የአሁኑ የጠቅላይ ሚኒስትሩ የምስራቅ አፍሪካ ጉዳዮች አማካሪ አቶ ጌታቸው ረዳ ገለፁ።

አቶ ጌታቸው ከቲቢኤስ ጋር ባደረጉት ቃለ ምልልስ እንደተናገሩት፣ የኮማንድ ፖስቱ ዋነኛ ተግባር ክልሉን ለአስተዳደር ስራ ምቹ ማድረግ፣ ጸጥታን ማስከበር እንዲሁም መልሶ ማቋቋምና ማገገምን ማመቻቸት ነው።

እንደ አቶ ጌታቸው ማብራሪያ፣ የፌዴራል ኃይል እና አጋሮቹ እያንዳንዱን ከተማ ሲቆጣጠሩ ሰብአዊ እርዳታ የሚቀርብ ሲሆን፣ የጸጥታ ጥበቃው በኢፌዴሪ መከላከያ ሠራዊት (ENDF) እና በትግራይ ሰላም ኃይል ይከናወናል።

በተጨማሪም ተፈናቃዮች ወደ ቀያቸው እንደሚመለሱ አሳውቀዋል።

የፖለቲካ ፓርቲዎች ከ6 ወር በኋላ በኢትዮጵያ ብሔራዊ ምርጫ ቦርድ ስር ለሚካሄደው ምርጫ ዝግጅት እንዲጀምሩ ጥሪ አቅርበዋል።

በወንጀል ድርጊት የተሳተፉት ካልሆኑ በስተቀር የህወሓት አባላት በትግራይ መልሶ ማቋቋም ስራ ላይ መሳተፍ እንደሚችሉ ገልጸዋል።

ከቀናት በፊት ከኤርትራ ድንበር 35 ኪሎ ሜትር ርቀት ላይ የምትገኘው ዓዲግራት በኢፌዴሪ መከላከያ ሠራዊትና በትግራይ ሰላም ኃይል ቁጥጥር ስር ውላለች።

አቶ ጌታቸው ረዳ ጦርነቱ ማብቃቱንና ህወሓት ተመልሶ የሚመጣበት እድል እንደሌለ ገልጸው፣ ዓድዋና አክሱም በቀጣይ ቀናት (ዛሬ ወይም ነገ) በቁጥጥር ስር እንደሚገቡ / እንደሚያዙ አመልክተዋል።

የህወሓት አመራሮች ከኤርትራ ድንበር በስተደቡብ በኩል መረብ ወንዝ ዙሪያ እንደሚገኙም ተናግረዋል።

በሌላ በኩል፣ የህወሓት አመራር የሆኑት አማኑኤል አሰፋ እና የድርጅቱ ኮሙኒኬሽን በሶሻል ሚዲያ ባወጡት መግለጫ " ወታደራዊ መልሶ ማጥቃት ለማድረግ ዝግጁ ነን ፤ የትኛውም ኃይል ከትግራይ አይወጣም " ሲሉ አስታውቀዋል።

ቲክቫህ ኢትዮጵያ
ጥቅምት 1 ቀን 2019 ዓ/ም

@tikvahethiopia #mekelle📍 ከአዲስ አበባ ወደ መቐለ ለሁለት ሳምንት ያህል ተቋርጦ ዛሬ መልሶ በጀመረው የኢትዮጵያ አየር መንገድ የመጀመሪያው በረራ፦ - አቶ ጌታቸው ረዳ - አብርሃም በላይ (ዶ/ር) - አምባሳደር ሬድዋን ሁሴን - የትግራይ የሰላም ኃይል አዛዥ ጀነራል ወዲ አንጥሩ - የትግራይ ሰላም ኃይል አመራር ሜጀር ጃነራል ዘውዱ ኪሮስ - ኮሎኔል ወዲ አባተ  ... እንደነበሩበት ተነግሯል። የቀድሞው የትግራይ…

(ዘ-ሐበሻ ዜና) ወይዘሪት ፍሬህይወት ታምሩ የኢትዮ ቴሌኮም ቦርድ ሰብሳቢ ሆነው መሾማቸው ተሰማ፡፡ በዚህ ሳምንት በተከናወነው ሹም ሽር ወይዘሪት ፍሬህይወት ታምሩ የኢኖቬሽንና ቴክኖሎጂ ሚኒስቴርን በሚኒስትርነት እንዲመሩ መመደባቸው ይታወሳል፡፡ ኢትዮ ቢዝነስ ቪው እንደገለፀው ሚኒስትሯ ከቀናት በኋላ ደግሞ ሌላ ሹመት አግኝተዋል፡፡ ይህንን ሹመት ያገኙት ትልልቅ የመንግስት የልማት ድርጅቶችን ከሚያስተዳድረው ‹‹ኢትዮጵያ ኢንቨስትመንት ሆልዲንግ›› ነው፡፡

እንደዘገባው ኢትዮጵያ ኢንቨስትመንት ሆልዲንግ ወይዘሪት ፍሬህይወት የአገሪቱን ግዙፍ የቴሌኮሚኒኬሽን ተቋም ቦርድ እንዲመሩ ተሾመዋል፡፡ በዚህም ለአመታት የመሩትንና ትልቅ ለውጥ የፈጠሩበትን ኢትዮ ቴሌኮም በዳይሬክተሮች ቦርድ ሊቀመንበርነት የመምራት እድል ማግኘታቸው ተገልጿል፡፡

ላለፉት 3 አመታት የኢትዮ ቴሌኮም ዳይሬክተሮች ቦርድ ሊቀመንበር የነበሩት ምክትል ጠቅላይ ሚኒስትር አቶ ተመስገን ጥሩነህ እንደነበሩ የሚታወስ ነው፡፡ ኢትዮጵያን ኢንቨስትመንት ሆልዲንግ ለኢትዮ ቴሌኮም የቦርድ ሊቀመንበር የሾመ ቢሆንም የድርጅቱን ስራ አስፈፃሚ ግን እስካሁን አልመረጠም፡፡

ዜጎችን ተጠቃሚ ያደረገ ለውጥ እና መሻሻል

አዲስ አበባ፣ መስከረም 30፣ 2019 (ኤፍ ኤም ሲ) የኢትዮጵያ የኢኮኖሚ፣ የመሰረተ ልማት እና የማህበራዊ ዘርፎች ለውጥና መሻሻል የዜጎችን የእለት ተለት ህይወት በበርካታ መንገድ እየቀየረ ይገኛል፡፡

ጠቅላይ ሚኒስትር ዐቢይ አሕመድ (ዶ/ር) የሕዝብ ተወካዮች ምክር ቤት የ7ኛ የስራ ዘመን 1ኛ መደበኛ ስብሰባ ላይ ባስተላለፉት መልዕክት፤ የኢትዮጵያን ፖለቲካዊ፣ ማህበራዊና ኢኮኖሚያዊ እንቅስቃሴ የሚመራውን መሠረታዊ እሳቤ በዝርዝር አስረድተዋል።

በዚህም የኢትዮጵያ ጥቅም፣ ለውጥ እና መሻሻል እያንዳንዱን ዜጋ የማይነካ ከሆነ ዋጋ የለውም ብለዋል።

ይህ ፍልስፍና ባለፉት ጊዜያት የተመዘገቡ ስኬቶች መለኪያ ከመሆኑም በላይ ለአዲሱ የመደመር መንግሥት አቅጣጫ ጠቋሚ ሆኖ ያገለግላል።

የማክሮኢኮኖሚ ስኬት አኃዞችና የታላላቅ ሀገራዊ ፕሮጀክቶች ትርጉም የሚያገኙት በዜጎች የዕለት ተዕለት ሕይወት ውስጥ ተጨባጭ መሻሻል ማምጣት ሲችሉ ብቻ ነው። በሀገሪቱ የሚታዩ ዋና ዋና የእድገት መለኪያዎች በእያንዳንዱ ዜጋ የእለት እንቅስቃሴ ላይ በጉልህ ለውጥ እያመጡ ይገኛሉ፡፡

ከነዚህ መካከል ጥቂቶቹን እንመልከት፡-

በአዲስ አበባና በክልል ከተሞች የተካሄደው የኮሪደር ልማት ፕሮጀክት የከተሞችን ገጽታ በመቀየር የቱሪስት ፍሰትን ከመጨመር ባሻገር የነዋሪዎችን የአኗኗር ዘይቤ በእጅጉ አሻሽሏል።

ለሕዝብ ክፍት የሆኑ አረንጓዴ ቦታዎችን፣ የጽዳትና የቆሻሻ አወጋገድ ሥርዓቶችን አለማምዷል፤ እንዲሁም ደህንነቱ የተጠበቀ የእግረኛ መንገድና የመሰረተ ልማት ዝርጋታን አስፋፍቷል።

በትምህርት ቤት ምገባ ፕሮግራሞችና በትምህርት ቤቶች ግንባታ ላይ የተደረጉ ኢንቨስትመንቶች አነስተኛ ገቢ ያላቸውን ቤተሰቦች የኑሮ ጫና በማቃለል፣ የእድገቱ ፍሬዎች ጠንካራ፣ ጤናማና ባለሙያ ትውልድ እንዲገነቡ እያደረጉ ነው።

በክልሎች የጤና ተቋማት ቁጥር መጨመር እና ዘመናዊ የጤና መሰረተ ልማቶች መስፋፋት የዜጎችን ጤንነት ለማስጠበቅ እንዲሁም ፍትሀዊ ተደራሽነትን ለማረጋገጥ እገዛ አድርጓል።

የስንዴ ሰብል ልማት፣ የኩታገጠም እርሻና የመስኖ ልማት የግብርና ምርታማነትን በመጨመራቸው አርሶ አደሮች ከራስ አልፎ ለገበያ የሚሆን ምርት በማስገኘት፣ የቤተሰብ ገቢያቸውን ማሳደግና የምግብ ዋስትናን ማጠናከር ችለዋል።

የከተማ ግብርና፣ የመስኖ ልማት እና የአረንጓዴ አሻራ ንቅናቄ የምግብ ዋስትናን ከማረጋገጥ በተጨማሪ ለዜጎች የሥራ እድልና ለአካባቢ ጥበቃ ከፍተኛ አስተዋጽኦ አበርክቷል።

በታዳሽ ኃይል፣ በንጹህ የመጠጥ ውሃና በዲጂታል ትስስር ላይ የተደረጉ ኢንቨስትመንቶች በከተማና በገጠር መካከል ያለውን ልዩነት እያጠበቡ ይገኛሉ።

እንደ ቴሌብር እና ፋይዳ (የዲጂታል መታወቂያ) ያሉ የቴክኖሎጂ ስርአቶች የባንክ፣ የክፍያ እና የመንግሥት አገልግሎቶችን በቀላሉ እና በፍጥነት ለማግኘት አስችለዋል፤ የንግድ እንቅስቃሴን ቀልጣፋ አድርገዋል።

የኤሌክትሪክ አገልግሎት እንዲሁም የመጠጥ ውሀ ተደራሽነት መስፋፋት ለአነስተኛ ነጋዴዎችና ለገጠሩ ማህበረሰብ አዳዲስ የኢኮኖሚ እድገት ዕድሎችን ከፍቷል።

በእነዚህ እና ሌሎችም የሚገለጸው የኢትዮጵያ የኢኮኖሚ፣ የመሰረተ ልማት እና የማህበራዊ ዘርፎች ለውጥና መሻሻል የዜጎችን የእለት ተለት ህይወት በበርካታ መንገድ እየቀየረ ይገኛል፡፡
#የመደመር_መንግሥት

በምሕረት ደምሴ

የህወሓት ታጣቂዎች “ከባድ የጦር መሣሪያዎችን ወደ ኤርትራ ድንበር እያሸሹ” መሆኑን ጄነራል ደርቤ መኩሪያ ገለጹ

በትግራይ ክልል ዳግም ባገረሸው ጦርነት፤ ህዝባዊ ወያነ ሓርነት ትግራይ(ህወሓት)፣ “ከባድ እና ሜካናይዝድ የጦር መሣሪያዎችን ወደ ኤርትራ ድንበር እያሸሸ” መሆኑን የብሔራዊ ተሃድሶ ምክትል ኮሚሽነር ብርጋዴር ጄነራል ደርቤ መኩሪያ ተናገሩ።

ምክትል ኮሚሽነሩ በሰጡት መግለጫ፤ የኢትዮጵያ ሀገር መከላከያ ሰራዊት ባካሄደው “የመልሶ ማጥቃት እርምጃ” በርካታ የአካባቢዎችን ነፃ ማውጣቱን ተከትሎ፣ የህወሓት ታጣቂዎች ተበትነው ሜካናይዝድና ከባድ መሳሪያዎችን ወደ ኤርትራ ድንበር የማሸሽ እና የመሸሸግ ተግባር ላይ እንደሚገኙ አረጋግጠዋል።

ብርጋዴር ጄነራል ደርቤ ከ30 ደቂቃዎች በላይ በወሰደው መግለጫቸው እንዳመለከቱት፣ ይህ አዲስ የጦርነት እንቅስቃሴ በሀገር ውስጥ ባሉ ተቃዋሚ ኃይሎች እና በውጭ ሀገራት መካከል በተፈጠረ የተቀናጀ ስትራቴጂካዊ ትብብር የሚመራ ነው።

“ጽንፈኛ” እያሉ የጠሩት የህወሓት ቡድን በሀገር ውስጥ ከሚንቀሳቀሱት የፋኖ ታጣቂዎች እና ራሱን የኦሮሞ ነፃነት ሰራዊት ብሎ ይጠራል ካሉትና “አሸባሪ ቡድን” ሲሉ ከገለጹት ታጣቂ ጋር ቅንጅት መፍጠሩን ገልጸዋል።

በተጨማሪም ቀጣናዊ ደህንነትን አስመልክቶ በሰጡት ማብራሪያ፣ የኤርትራ (ሻዕቢያ) መንግሥት ትግራይ ውስጥ ዘላቂ መረጋጋት እንዳይኖር የማዳከም ፍላጎት ይዞ ሂደቱን ከመደገፉ ባሻገር፣ በሱዳኑ ፕሬዝዳንት በጄነራል አብዱል ፋታህ አል -ቡርሃን የሚመራው ያሉት ቡድን እና የግብፅ መንግሥት የኢትዮጵያን የውስጥ ተጋላጭነት በመጠቀም ሀገሪቱን ለማዳከም “አደገኛ ጥምረት መፍጠራቸውን” አስረድተዋል።

የህወሓት አመራሮች የሚከተሉት የጦርነት ስልት “እጅግ ኋላቀር እና ከ30 ዓመታት በፊት ይተገበር የነበረ” ሲሉ ምክትል ኮሚሽነሩ ነቅፈውታል።

ቡድኑ በርካታ የትግራይ ወጣቶችን ያለፍላጎታቸው በማሰለፍ፣ ከፊት ታጣቂዎችን እና ከኋላ ደግሞ የሚያስገድድ “ግብረ-ኃይል” በማስቀመጥ ወጣቱን የመውጫ ቀዳዳ እንዳያገኝ አድርጎ በሁለቱ መካከል በማድረግ “የሰው ማዕበል” (ሂዩውማን ዌቭ) ስልት እየተጠቀመ እንደሚገኝ ገልጸዋል።

ለዲዲአር(ትጥቅ መፍታት፣ መበተንና መልሶ ማቋቋም) ተሃድሶ ፕሮግራም የተዘጋጁ እና አዳዲስ የተመለመሉ ወጣቶች በአስገዳጅ አዋጅ እና ህግ ተጠቅመው ወደ ጦርነቱ እንዲገቡ መደረጋቸውን የጠቆሙት ብርጋዴር ጄነራል ደርቤ፣ ከፍተኛ ወታደራዊ እና ፖለቲካዊ አመራሩ ራሳቸው ከሩቅ ሆነው ጦርነቱን እንደሚመሩና የትግራይ ህዝብና ወጣቱ ጦርነቱን እንደሚቃወሙት ተናግረዋል።

የሀገር መከላከያ ሰራዊት ያለው የአየር እና የቴክኖሎጂ የበላይነት ከፍተኛ ቢሆንም፣ ተገድደው ወደ ጦርነቱ የገቡ ወጣቶችን ሕይወት ለማትረፍ ሲባል እርምጃዎች ከፍተኛ ጥንቃቄ በተሞላበት ሁኔታ እየተካሄዱ እንደሚገኙ ተገልጻል።

የብሔራዊ ተሃድሶ ኮሚሽን በፕሪቶሪያው ስምምነት መሠረት የመቀበል እና መልሶ የማቋቋም ተልዕኮውን ለመወጣት ዝግጁ መሆኑን በመግለጽ፣ የታጠቁ ኃይሎችና አመራሮች የተዘጋጁትን የቅበላ ማዕከላት (እንደ ሽሬ፣ መቀሌ፣ አድዋ፣ ማይጨው እና አዲግራት ያሉ) በመጠቀም እጃቸውን እንዲሰጡ እና የቀረበውን የመጨረሻ የሰላም እድል እንዲጠቀሙ ጥሪ አቅርበዋል።

Seledadotio
Seledadotio

በኢትዮጱያ ዓመት 19 ሺ ሴቶች በጡት ካንሰር ሲያዙ ከ9 ሺ በላይ የሚሆኑት ህይወታቸውን ሊያጡ እንደሚችሉ ተገለፀ።

መስከረም 30 ቀን 2019 ዓ.ም. (አሐዱ ሬድዮ) በጤና ሚኒስቴር የበሽታዎች መከላከልና መቆጣጠር መሪ ስራ አስፈፃሚ ዶ/ር ህይወት ሰለሞን 70 በመቶ የሚሆኑት ሴቶች ወደ ጤና ተቋም የሚሄዱት የካንሰር በሽታው ከፍተኛ ደረጃ ከደረሰ በኋላ በመሆኑ የሞት መጠኑ ከፍ እንዲል አድርጎታል ብለዋል።
 
የጡት ካንሰርን ለመከላከልም ሆነ በጊዜ ለማከም መደበኛ በሆነ መልኩ የቅድመ ምርመራ ሊደረግ እንደሚገባ ተናግረዋል።

በኢትዮጱያ በዓመት 19 ሺ ሴቶች  በጡት   ካንሰር ሲያዙ   ከ9 ሺ በላይ የሚሆኑት  ሂወታቸውን ሊያጡ እንደሚችሉ ገልፀዋል።

የህመም ስሜት ከመጀመሩ በፊት ሴቶች ራሳቸውን በራሳቸው የሚመረምሩበት እንዲሁም በጤና ተቋም በመሄድ ቅደመ ካንሰር ምርመራ የሚያገኙበት ምቹ ሁኔታ ስላለ ይህን እድል ሊጠቀሙ እንደሚገባ ጠቁመዋል።

የሞት ቁጥሩ ከፍተኛ መሆኑ ህመሙ ከተባባሰ በኋላ ወደ ህክምና ተቋም መሄዳቸው የሚያሳየው በማህበረሰቡ ዘንድ ያለው ግንዛቤ አነስተኛ መሆኑን ነው ብለዋል።

በመሰረት ሙሉነህ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

(ዘ-ሐበሻ ዜና) የአሜሪካው ፕሬዝዳንት ዶናልድ ትራምፕ፣ የሀገሪቱ መከላከያ ሚኒስቴር (ፔንታጎን) አዳዲስ ወታደራዊ እርምጃዎችን ለመውሰድ አማራጮችን አዘጋጅቶ ቢጠብቅም፣ ከህዳር 3ቱ የአጋማሽ ዘመን ምርጫ (Midterm elections) በፊት በኢራን ላይ ምንም ዓይነት አዲስ ጥቃት እንደማያዙ አስታውቀዋል።

የዚህ ውሳኔ ጊዜ ፖለቲካዊ አንድምታው የጎላ ነው። የህዝብ አስተያየት ጥናቶች እንደሚያመለክቱት፣ በአሜሪካውያን ዘንድ ከኢራን ጋር የሚደረግ ጦርነት ከፍተኛ ተቃውሞ የሚገጥመው ሲሆን፣ ከጦርነቱ ጋር ተያይዞ እየጨመረ የመጣው የነዳጅ እና የምግብ ዋጋ መራጩን ህዝብ ከምርጫው በፊት ክፉኛ እያስቆጣው ይገኛል።

ይሁን እንጂ ትራምፕ ከምርጫው ማግስት ወታደራዊ እርምጃዎችን ሊያጠናክሩ የሚችሉበትን ሰፊ እድል ክፍት አድርገው ትተውታል። በቅርብ ሳምንታት ውስጥ ጦርነቱን በኃይል "እንደሚያጠናቅቁት" ዛቻ ያሰሙ ሲሆን፣ ከምርጫው በኋላ የቦምብ ጥቃቶችን ማጠናከር "ሊሆን የሚችል" ጉዳይ መሆኑን ተናግረዋል።

ከዚህ የፖለቲካ ዲስኩር ጎን ለጎን አሜሪካ በሺዎች የሚቆጠሩ ተጨማሪ የባህር ኃይል አባላትን በርካታ የጦር መርከቦችን እና ተጨማሪ አውሮፕላን ተሸካሚ የጦር መርከብ ስብስብ ወደ መካከለኛው ምስራቅ በመላክ በቀጠናው ያላትን ወታደራዊ አቅም በከፍተኛ ሁኔታ አጠናክራለች።

ይህ ሁኔታ አንድ ትልቅ የፖለቲካ ጥያቄን አስነስቷል፦ ትራምፕ በእርግጥም ከጦርነት ራሳቸውን አቅበዋል ወይንስ ከባድ ወታደራዊ ውሳኔዎችን አሜሪካውያን ድምጽ ሰጥተው እስኪያበቁ ድረስ ብቻ እያዘገዩት ነው?

ኩባ ከ11ሺ በላይ የዴንጊ ትኩሳት ታማሚዎችን መዘገበች

👉 ዴንጊ በቫይረስ አማካኝነት የሚመጣና በትንኞች ንክሻ ወደ ሰው የሚተላለፍ ከባድ የትኩሳት በሽታ ነው።

ኩባ እ›አ›አ በ2026 11ሺ 235 በበሽታው የተያዙ ሰዎችን የመዘገበች ሲሆን ይህም ባለፉት አምስት ዓመታት መረጃ ላይ ተመስርቶ ከሚጠበቀው አማካይ መጠን ጋር ሲነፃፀር የ 9.2 እጥፍ ብልጫ እንዳለው የኢንፎቤ የዜና ምንጭ ዘግቧል፡፡

በቅርብ ወራት ውስጥ የሕመምተኞች ቁጥር በከፍተኛ ሁኔታ መጨመሩ የተነገረ ሲሆን በመስከረም ወር ብቻ 4,102 ተጠቂዎች ተመዝግበዋል።

የጥቅምት ወር በሽታው በከፍተኛ ሁኔታ የሚሰራጭበት ወቅት መሆኑ ተገልጿል፡፡ የሕመምተኞች ቁጥር ሊጨምር የቻለው በደሴቲቱ ላይ ከከፋው የኃይል እና የነዳጅ እጥረት ጋር ተያይዞ የመጣ እንደሆነ ተጠቁሟል፡፡
እንደ ዘገባው ከሆነ የመብራት መቋረጥ ቤተሰቦች በሞቃታማ ሌሊቶች በሮችንና መስኮቶችን ክፍት አድርገው እንዲተኙ አስገድዷቸዋል፤ ይህም ለትንኞች የመጋለጥ እድልን ሊጨምር ይችላል። የነዳጅ እጥረትም የትንኝ ማጥፋት ስራዎችን የጎዳ ሲሆን የትንኞችን ቁጥር የመቀነስ እና የበሽታውን ስርጭት የመከላከል ስራዎችን ገድቦታል።

አብዛኞቹ ታማሚዎች ያለ ከባድ ችግር የሚያገግሙ ቢሆንም፣ ከባድ የዴንጊ ህመም ግን ደም መፍሰስን፣ ድንገተኛ የደም ግፊት መውደቅን እና የሰውነት ክፍሎች ጉዳትን ሊያስከትል ስለሚችል ሆስፒታል መተኛትን ሊጠይቅ ይችላል ነው የተባለው፡፡

የዓለም ጤና ድርጅት ዴንጊ በዓለም አቀፍ ደረጃ በትንኞች አማካኝነት ከሚተላለፉ የቫይረስ በሽታዎች መካከል በከፍተኛ ፍጥነት እየጨመሩ ካሉት መካከል አንዱ እንደሆነ ይፋ አድርጓል፡፡

ሰላማዊ ነጋሲ
#ዳጉ_ጆርናል

የኢትዮጵያ ሥልጣኔ ያለ ባሕር በር እውን ሊሆን አይችልም!
*******************

ከጥንታዊቷ እስከ ዘመናዊቷ ኢትዮጵያ ቀይ ባህር የግዛቷ አካል ሆኖ መርከቦቿ ሲጠቀሙበት የኖሩ ሲሆን ጥንታዊት ኢትዮጵያን በአለም ላይ ከነበሩት ታላላቅ ሀይሎች አንዷ እንድትሆን ያደረጓት በወቅቱ ታስተዳድራቸው የነበሩት ወደቦቿ፣ የንግድ ትስስሮቿ እና "ባህረ ነጋሽ" የሚለው የማእረግ መጠሪያ ስያሜ እንደነበሩ ይታወቃል።

ሆኖም ሀገራችን በታሪክ አጋጣሚዎች እና በተደረጉባት እኩይ ሴራዎች ምክንያት ከሶስት አስርት አመታት በላይ የባህር በር አልባ ሆና በመቆየቷ ለከፍተኛ የኢኮኖሚ የጂኦ ፖለቲካ እና የብሄራዊ ደህንነት ማነቆዎች ተዳርጋ ኖራለች።

በተባበሩት መንግስታት የንግድና ልማት ጉባኤ መረጃ መሰረትም የባህር በር የሌላቸው ሀገራት ከአለም አማካይ የትራንስፖርትና ሎጂስቲክስ ወጪ በላይ ተጨማሪ ክፍያ ለማውጣት የሚገደዱ በመሆኑ ይህ ተፅእኖ በዜጎች እለታዊ የሸመታ አቅም፣ በሀገራችን የኢንቨስትመንት እድሎች እንዲሁም በአለም አቀፍ ደረጃ ከ95 በመቶ በላይ የሚሆነውን የዲጂታል መረጃ በሚያስተላልፉት ከባህር በታች ያሉ የፋይበር ኦፕቲክስ መስመሮች ተጠቃሚነት ላይ ከፍተኛ ጫና ሲፈጥር ቆይቷል።

ጠቅላይ ሚኒስትር ዐቢይ አሕመድ (ዶ/ር) የመደመር መንግስት ምስረታ ወቅት በህዝብ ተወካዮች ምክር ቤት እንደገለፁት የኢትዮጵያ ስልጣኔ ያለ ባህር በር እውን ሊሆን አይችልም፡፡

በመሆኑም በሰጥቶ መቀበል መርህ ኢትዮጵያ ወጥቶ መግቢያ በር እንዲኖራት አጥብቀን እንሰራለን ያሉም ሲሆን፤ ይህንን ታሪካዊ ስህተት እና የትውልድ ቁጭት ለመቅረፍ "የመደመር መንግስት" የባህር በር ጥያቄን ከወቅታዊ ፖለቲካ እና ከፓርቲ ወገንተኝነት በላይ በሆነ ትውልድ ተሻጋሪ ብሄራዊ አጀንዳ አድርጎ እንደሚሰራበት ተናግረዋል።

የመደመር መንግስት በያዘዉ ጠንካራ አቋም የኢትዮጵያ ስልጣኔና እድገት ያለ ባህር በር እውን ሊሆን ስለማይችል ሀገራችን በሰጥቶ መቀበል በጋራ ተጠቃሚነት እና በሰላማዊ ዲፕሎማሲ መርህ ወደ አለም የምትወጣበትን መስመር የማረጋገጥ ጉዞዋ ተጠናክሮ ይቀጥላል።

እውነተኛ ብሄራዊ ደህንነትና ሉአላዊነት የሚረጋገጠው ስትራቴጂካዊ ቁሳቁሶች ያለ ምንም የውጭ ጫና እገዳ ወይም የጎረቤት ሀገራት በጎ ፈቃድ በቀጥታ ወደ ሀገር ውስጥ መግባት ሲችሉ እንደመሆኑ መጠን ቀጥተኛ የባህር በር ማግኘት የኢንዱስትሪና ኢንቨስትመንት እድሎችን በመክፈት የወጣቶችን ስራ አጥነት ከመቅረፉ ባሻገር ኢትዮጵያ በቀይ ባህር እና በስትራቴጂካዊ የውሃ አካላት ቀጠናዊ ውሳኔዎች ላይ ያላትን የዲፕሎማሲና የፖለቲካ ተሰሚነት ከፍ ያደርገዋል።

በአሁኑ ወቅት ኢትዮጵያ የቀይ ባህር ተፈጥሯዊ እና ታሪካዊ አካል እንጂ ከሩቅ የመጣች እንግዳ እንዳልሆነችና በጂኦ ፖለቲካዊ ሴራዎች የባህር በር አልባ እንድትሆን መደረጓን ለአለም እያስረዳች ትገኛለች።

ኢትዮጵያ ቀይ ባህር ላይ እግሯን እንዳትተክል የሚደረጉ የተለያዩ የፖለቲካ የዲፕሎማሲ እና የፕሮፓጋንዳ ሸፍጦች አልቆሙም እነዚህን ሸፍጦች ሲጠነስሱ እንቅልፍ አጥተው የሚያድሩ አካላት መፍጨርጨራቸው ባይገታም ኢትዮጵያን በዘላቂነት ሊያግዷት አይችሉም።

ኢትዮጵያ የአፍሪካ ቀንድ የሰላም እና የአካባቢያዊ ትስስር ዋና ምሰሶ እንደመሆኗ የባህር በር ማግኘቷ ለአካባቢው ሀገራትም ቢሆን ትልቅ የኢኮኖሚ ጥቅም የሚያስገኝ በመሆኑ በቅርብም በሩቅም ያሉ ሀገራት ለኢትዮጵያ ቀና ምላሽ በመስጠት በጋራ መስራትን ተመራጭ ያደርጋሉ።

ፈጣን እድገት እያስመዘገበ ያለው ኢኮኖሚና ትልቅ ህዝብ ያላት ሀገር መሆኗም ይህን ግስጋሴ የሚያስተናግድ የባህር በር የማግኘት ትልሟን እውን ለማድረግ ትልቅ አቅም ይሆናታል።

በአጠቃላይ የታሪክ እውነታ የህግ መብት እና የህልውና ጥያቄ የኢትዮጵያን የባህር በር ባለቤትነት ጉዳይ አይቀሬ ያደርጉታል።

ይህንን አገራዊና ታሪካዊ ሀላፊነት ከግብ ለማድረስ የውስጥ አንድነትን ማፅናትና ደህንነትን ማረጋገጥ የሃሳብ ፖለቲካን ማጠናከር እና በጋራ ጥቅም ላይ የተመሰረተ ሀገራዊ መግባባትን መፍጠር ወሳኝ መፍትሄ ነው።

በአለም አቀፍ የባህር ህግጋት እና በዲፕሎማሲያዊ አማራጮች የታገዘው ይህ ጥረት የመጪውን ትውልድ መብትና እድል የማስከበር የታሪክ ጥሪም ሲሆን ኢትዮጵያን በጠንካራ መሰረት ላይ ገንብቶ ለዘላቂ ብልፅግና የሚያሸጋግር ጨዋታ ቀያሪ ምእራፍ ነው።

ዛሬ ብርቱዋ ኢትዮጵያ ለሶስት አስርት አመታት ካቀረቀረችበት ቀና ብላለች የቀይ ባህር ተጋሪነቷን ለማደናቀፍ የሚደረጉ ማናቸውም ሸፍጦች ጊዜያዊ እንቅፋት ሊሆኑ ይችላሉ እንጂ የህዝቧን የታሪክ እና የተፈጥሮ መብት ሊያጠፉ አይችሉም።

ኢትዮጵያ አትቆምም የጂኦ-ፖለቲካ ሴራዎችን ሁሉ በጣጥሳ ከባህሩ ትደርሳለች ባህር ሀይሏና መርከቦቿም በቀይ ባህር ዳግም ይጓዛሉ።

በብሌን ደምበሎ
#የመደመርመንግሥት
#ethiopia #ebc #medemer #seaaccess #redsea #diplomacy

በቅድሚያ ለረዳኝ ላገዘኝ በመንገዴ ሁሉ ከኔ ጋራ ለነበረ ክብር ለሆነኝ ለአምላኬ ከፍ ያለ ምስጋናዬ ይድረሰው!!🙏🏾🙏🏾🙏🏾

ክቡራትና ክቡራን - በድጋሚ ለማገልገል እድል ያገኛችሁ እንዲሁም አዲስ ለተሾማችሁ የካቢኔ አባላት እንኳን ደስ አላችሁ!! በጋራ በታላቅ ፍቅር በትብብርና በአብሮነት መንፈስ ለነበረን ቆይታ ከልብ እያመሠገንኩ መልካም የስራ ጊዜ እንዲሆንላችሁ እመኛለሁ!!

ላለፉት ስምንት (8) አመታት በሚኒስትርነት ወደ ትልቅ የሀገርና የህዝብ ሀላፊነት በመምጣት በታማኝነት ለማገልገል እንዲሁም የተቻለኝን ሁሉ ማበርከት እንድችል ታላቅ ዕድል በማግኘቴ ክብር ይሰማኛል ! ለዚህም መንግስትን ፓርቲዬንና መላው ህዝባችንን በታላቅ ክብር አመሠግናለሁ🙏🏾

በተለይ ክቡር ጠ/ሚ ዶ/ር ዐብይም በቀድሞ የካቢኔዎ አባል ሆኜ ለ2 ጊዜ የማገልገል ዕድል ስለሰጡኝ ለዚህም እምነት ስላሳደሩብኝ በነጻነት እንድሰራና ሀላፊነቴን እንድወጣ ስላበረታቱኝ ስለደገፉኝ ከልብ አመሠግናለሁ!! ፈጣሪ ረጅም እድሜ ጤናን ጥበብና ሞገስን ይስጥዎ🙏🏾
ለስራዬ መቃናት ድጋፍና ትብብር ስታደርጉልኝ ለነበራችሁ የምወዳችሁ ቤተሰቦቼ የስራ ሀላፊዎችና ባልደረቦቼ የአጋር አካላት እንዲሁም መላው ማህበረሰባችን አክብሮቴን ምስጋናዬንና ፍቅሬን ከልቤ ልገልጽላችሁ እወዳለሁ 🙏🏾

በቀሪ ዘመኔም ፈጣሪዬ በፈቀደልኝ ሁኔታ ሁሉ አገሬንና ህዝቤን አገለግላለሁ!!
ክብር ይስጥልኝ! አመሠግናለሁ! 🙏🏾🙏🏾🙏🏾
ዶክተር ኤርጎጌ ተስፋዬ የቀድሞ የሴቶች እና ማህበራዊ ጉዳይ ሚኒስቴር ሚንስትር

ኢትዮጵያ የራሷን የተፈጥሮ ሃብት አቅም ለማስተዋወቅ 3ኛውን የአፍሪካ የተፈጥሮ ሀብት ፖሊሲ ፎረም መጠቀም እንዳለባት ተገለፀ

መስከረም 27 ቀን 2019 ዓ.ም. (አሐዱ ሬድዮ) ኢትዮጵያ ከአፍሪካ ልማት ባንክና ከሌሎች አጋሮች ጋር በመተባበር ያዘጋጀችው 3ኛው የአፍሪካ የተፈጥሮ ሀብት ፖሊሲ ፎረም በሀገራት መካከል ያለውን ኢኮኖሚያዊ ትስስር ማጠናከር ላይ ትኩረት በማድረግ ከማክሰኞ እለት ጀምሮ በአዲስ አበባ እየተካሄደ ይገኛል።

የምጣኔ ሃብት ባለሙያ አቶ ዘላለም በቀለ ኢትዮጵያ በምስራቅ አፍሪካም ሆነ በመላው አህጉሪቱ ያለውን የራሷን የኢኮኖሚና የተፈጥሮ ሀብት አቅም በመለየት፣ የንግድ ማስተዋወቅ ስራዎችን በስፋት መስራት እንዳለባት ተነግረዋል ፡፡

ይህ ፎረም አፍሪካውያን ሀገራት በንግድ፣ በፋይናንስና በመሰረተ ልማት ዘርፎች እርስ በርሳቸው በመደጋገፍ ኢኮኖሚያቸውን የሚያሳድጉበት ትልቅ እድል የሚፈጥር እንደሆነም መቁመዋል።

ኢትዮጵያ ፎረሙ እንደ መልካም አጋጣሚ በመጠቀም፣ ለኢኮኖሚ እድገቷ ወሳኝ የሆኑ እንደ የባህር በር እና የንግድ መስመር ያሉ ሀገራዊ አጀንዳዎቿን ለተሳታፊ ሀገራት ለማሳወቅና ዲፕሎማሲያዊ ድጋፍ ለማሰባሰብ መጠቀም አለባት ያሉት ደግሞ መምህርና ፖለቲከኛ ዶ/ር ጌትዬ ትርፌ ናቸው።

ኢትዮጵያን ጨምሮ የአፍሪካ ሀገራት በተፈጥሮ ሀብት የበለጸጉ ቢሆኑም፣ ሀብታቸውን በአግባቡ ባለመጠቀማቸው ተገቢውን ጥቅም እዳላገኙ ባለሙያዎቹ ገልፀዋል ፡፡ በዚህ ረገድ ሀገራቱ በጋራ መስራት እንደሚገባቸው አፅንኦት ሰጥተዋል።

በደረጄ መንግስቱ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ሼር

🚗 የቴስላ ሳይበር ካብ (Tesla Cybercab)፡ አለምን የሚቀይረው መኪና!

ከሰሞኑ በአካል ወደ ኦስቲን ሄጄ ይህንን የኢላን ማስክን አዲስና አስገራሚ ፈጠራ የሆነውን "የቴስላ ሳይበር ካብ" (Tesla Cybercab) በቅርበት የመጎብኘት እና ኤክስፒሪያንስ የማድረግ ልዩ እድል አግኝቻለሁ። ይህ ወርቃማው መኪና ዝም ብሎ ተራ መኪና አይደለም፤ የዓለምን የትራንስፖርት ታሪክ በአዲስ መልክ የሚጽፍ ተአምረኛ ቴክኖሎጂ እንጂ!

በአካል ስመለከተውና ስሞክረው የተሰማኝን ስሜት እንዲሁም የመኪናውን አስገራሚ ገጽታዎች በዝርዝር የሚያሳየውን ሙሉ ቪዲዮ በቅርቡ በቻናሌ የማጋራችሁ ይሆናል። ዛሬ ግን ይህ መኪና ለምን አለምን እንደሚቀይር እና ከዚህ ቀደም ከነበሩት እንዴት እንደሚለይ ላካፍላችሁ።

ከዚህ ቀደም የነበሩት እንደ ዙግስ (Zoox) ወይም ዌይሞ (Waymo) ያሉ ራሳቸውን የሚነዱ መኪኖች ውድ የሆነውን የ'ላይዳር' (LiDAR) ሴንሰር የሚጠቀሙ፣ በተወሰነ ክልል እና ካርታ (Geofenced) ብቻ የሚሰሩ እንዲሁም ለግለሰብ የማይሸጡ ነበሩ። የቴስላው ሳይበር ካብ ግን ከነዚህ ፈጽሞ የተለየ ነው! እጅግ ውድ የሆኑ ሴንሰሮችን ትቶ በካሜራ (Vision-only) እና በአርቲፊሻል ኢንተለጀንስ (AI) ብቻ የሚሰራ፣ ለግለሰብ ባለቤትነት የሚሸጥ እና ከሁሉ በላይ ደግሞ መሪም ሆነ የፍሬን ፔዳል ፈጽሞ የሌለው አብዮታዊ መኪና ነው።
የቴስላ ሳይበር ካብ አለምን የሚቀይርባቸው 10 ቁልፍ ምክንያቶች፦

1. መሪ እና ፔዳል አልባ ቴክኖሎጂ (No Steering Wheel & Pedals): ይህ መኪና ሙሉ በሙሉ በሰው አልባ ቴክኖሎጂ የሚመራ በመሆኑ የሰው ልጅ ጣልቃ ገብነት (መሪ መዘወርም ሆነ ፍሬን መርገጥ) አይፈልግም። ውስጡ ሲገባ ልክ እንደ ምቹ ሳሎን ዘና ብሎ መጓዝ ብቻ ነው።

2. የትራንስፖርት ዋጋን ከመሬት ማውረዱ:
በአሁኑ ሰዓት በኡበር ወይም በታክሲ ለመጓዝ ከምንከፍለው ዋጋ በተለየ መልኩ፣ ሳይበር ካብ የጉዞ ወጪን በከፍተኛ ሁኔታ (በአንድ ማይል እስከ 20 ሳንቲም) በመቀነስ ትራንስፖርትን እንደ አውቶቡስ ርካሽ ያደርገዋል።

3. እጅግ ተመጣጣኝ የሆነ የመሸጫ ዋጋ (Affordability):
አዳዲስ እና ዘመናዊ መኪኖች እጅግ ውድ በሆኑበት በዚህ ዘመን፣ ሳይበር ካብ ከ30 ሺህ ዶላር በታች በሆነ ዋጋ ለገበያ ስለሚቀርብ በርካታ ሰዎች በቀላሉ ሊገዙት ይችላሉ።

4. ገመድ አልባ ቻርጂንግ (Inductive Charging):
ልክ እንደ ስማርት ስልኮች ሁሉ፣ ይህ መኪና ቻርጅ ለማድረግ ገመድ መሰካት አይጠበቅበትም። ቻርጀሩ (ፓዱ) ላይ ራሱ ሄዶ ሲቆም ያለ ምንም ንክኪ ዋየርለስ (Wireless) ቻርጅ ያደርጋል።

5. አዲስ የገቢ ምንጭ መፍጠሩ (Airbnb for Cars):
ይህ መኪና አለምን ከሚቀይርባቸው ትልቁ መንገድ አንዱ ይሄ ነው። መኪናዎን በማይጠቀሙበት ሰዓት (ለምሳሌ ስራ ቦታ ሆነው ወይም ተኝተው) ልክ እንደ ኡበር ራሱ እየሰራ እና ሰዎችን እያመላለሰ ገንዘብ እንዲያስገባላችሁ ማድረግ ትችላላችሁ።

6. ለማንኛውም ግለሰብ በባለቤትነት መፈቀዱ:
ሌሎች ራሳቸውን የሚነዱ መኪኖች (እንደ Zoox) ለኩባንያ አገልግሎት ብቻ ሲውሉ፣ ሳይበር ካብን ግን ማንኛውም ግለሰብ ገዝቶ የግሉ ማድረግ ይችላል።

7. የላቀ የካሜራ እና AI ቴክኖሎጂ (End-to-End AI):
ውድ የሆኑ የሌዘር ሴንሰሮችን (LiDAR) ባለመጠቀም፣ በካሜራዎች እና በሰው ሰራሽ አስተውሎት (AI) ብቻ ልክ እንደ ሰው አይቶ በማሰብ እና በመተንተን ማሽከርከር መቻሉ ቴክኖሎጂውን ወደ አዲስ ምዕራፍ አሸጋግሮታል።

8. ከፍተኛ የደህንነት ጥበቃ (Superhuman Safety):
ኮምፒውተሮች ከሰው ልጅ ይልቅ እጅግ ፈጣን ውሳኔ ስለሚሰጡ፣ በስልክ ስለማይዘናጉ፣ እንቅልፍ ስለማይመጣባቸው እና ስለማይደክማቸው፤ ይህ መኪና የትራፊክ አደጋን በከፍተኛ ደረጃ በመቀነስ የሰዎችን ህይወት ይታደጋል።

9. የመኪና ማቆሚያ (Parking) ችግርን መፍታቱ:
መኪናው እርስዎን ከስራ ቦታዎ ወይም ከገበያ ማዕከል አድርሶ ሌላ ስራ ስለሚሄድ ወይም ራሱ ሄዶ ሩቅ ቦታ ስለሚያቆም፣ በከተሞች ላይ ያለውን የፓርኪንግ ቦታ መጨናነቅ ሙሉ በሙሉ ያስቀራል።

10. በጉዞ ላይ ጊዜን በአግባቡ መጠቀም:
መኪናው ራሱን ስለሚነዳ፣ ተሳፋሪዎች በጉዞ ሰዓት ትኩረታቸውን መንገድ ላይ ማድረግ አይጠበቅባቸውም። በምትኩ መተኛት፣ ፊልም ማየት፣ ማንበብ ወይም ስራቸውን በላፕቶፕ መስራት ይችላሉ።

ይህ ቴክኖሎጂ የሰው ልጅን የዕለት ተዕለት ኑሮ በእጅጉ የሚቀይር ነው። ቪዲዮው እስኪደርሳችሁ ድረስ ቻናሌን ሰብስክራይብ በማድረግ ጠብቁኝ! እናንተስ ስለዚህ አዲስ መኪና ምን ታስባላችሁ? ሀሳባችሁን ኮመንት ላይ አስቀምጡልኝ!

ከ1986 በኋላ ለመጀመሪያ ጊዜ በኳታር 2022 የዓለም ዋንጫ ክብርን ሲያመጡ፣ ከዚሁ በፊትና በኋላ ተከታታይ የኮፓ አሜሪካ ድሎችን ሲያጣጥሙ፣ እና በዚህኛው የክረምት የ2026 ዓለም ዋንጫ እስከ ፍጻሜ ሲጓዙ... አርጀንቲና ለአንድ ትውልድ ርቋት የነበረውን ስኬት በሜሲ መሪነት አግኝታለች።

በወንዶች የዓለም ዋንጫ ታሪክ ከሜሲ (34 ጨዋታዎች) በላይ የተጫወተ ማንም የለም። በስድስት የዓለም ዋንጫዎች ላይ በመሳተፍም ክብረወሰን ይጋራል። ከሁሉ በላይ ግን የእሱ ትሩፋት ከኳታሩ 2022 እና ከሰሜን አሜሪካው 2026 ዓለም ዋንጫዎች ጋር በጥብቅ የተቆራኘ ነው። በዓለም ዋንጫ ታሪክ 33 ግቦች ላይ ቀጥተኛ ተሳትፎ በማድረግ ሪከርድ የያዘ ሲሆን፣ ከነዚህ ውስጥ 22ቱ የመጡት በ2022 እና 2026 ውድድሮች ላይ ነው።

በዘንድሮው ዓለም ዋንጫ በኦስትሪያ ላይ ያስቆጠራቸውን ሁለት ግቦች ተከትሎ አጠቃላይ የዓለም ዋንጫ ግቦቹን 18 በማድረስ፣ የጀርመኑን ሚሮስላቭ ክሎዜን ሪከርድ ሰብሮ ነበር (ምንም እንኳን በመጨረሻ በ21 ግቦች ውድድሩን ቢያጠናቅቅም፣ ኪሊያን ምባፔ በ22 ግቦች በልጦታል)። ይሁን እንጂ ሜሲ በዘጠኝ ተከታታይ የዓለም ዋንጫ ጨዋታዎች ላይ ግብ በማስቆጠር (ከኳታር 2022 ጀምሮ እስከ 2026) ሌላ አዲስ ታሪክ ጽፏል። በሦስት የወንዶች የዓለም ዋንጫ ፍጻሜዎች (2014፣ 2022 እና 2026) በቋሚነት በመሰለፍም የመጀመሪያው ተጫዋች ሆኗል (ካፉ በሦስት ፍጻሜዎች በመጫወት ብቸኛው ሌላ ተጫዋች ነው)።

ከሁሉም በላይ ግን የኳታር 2022ቱ ድል ትርጉሙ የላቀ ነበር። በ2021 የኮፓ አሜሪካን ዋንጫ ቢያነሳም፣ "ፔሌ እና ማራዶና የዓለም ዋንጫ አላቸው" እያሉ ለሚያብጠለጥሉት ተቺዎቹ፣ ኳታር ላይ አርጀንቲናን አነቃቅቶ ዋንጫውን በማንሳት የመጨረሻውን የክብር ካባ ደረበ። ያ የመጨረሻው ምሽግ ነበር። የ2026ቱ የፍጻሜ ሽንፈት ቢያስከፋም፣ የኳታሩ ድል ግን የሜሲን ትሩፋት ጥይት የማይበሳው አድርጎታል።

የስካሎኒን አበርክቶ ማሳነስ አይቻልም። ከእሱ በፊት የነበሩ በርካታ አሰልጣኞች፣ ምናልባትም በግለሰብ ደረጃ የተሻለ ክህሎት ያላቸውን ተጫዋቾች ይዘው፣ ሜሲን እያሰለፉ ዓለም አቀፍ ዋንጫዎችን ማምጣት ተስኗቸው ነበርና።

የዛሬው ጨዋታ አርጀንቲና ወደ አዲስ ዘመን መሸጋገሯን የሚያበስር ነው። ያለ ሜሲ ጥበብ፣ ያለ እሱ አስማት፣ አርጀንቲና ምን ልትሆን ትችላለች? የሚለው የጥርጣሬ ደመና አጥልቶባታል። አንበላቸው፣ ኮከባቸው፣ የመጨረሻ ጨዋታው ድረስ የቡድኑ ምርጥ ተጫዋች ሆኖ ቆይቷል። ታዲያ ያለ እሱ የፈጠራ ብልሃትና ወሳኝነት ቡድኑ እንዴት ይላመዳል? ወይስ ያዳበሩት የጋራ የስራ ባህል እና ህብረት ያስቀጥላቸው ይሆን?

ጊዜ የሚመልሰው ይሆናል። ለጊዜው ግን፣ አርጀንቲናውያን በሜሲ ያገኙትን ክብር በልዩ ድምቀት የሚያከብሩበት ወቅት ላይ ናቸው። ምክንያቱም፣ ይህን የመሰለ ድንቅ ጊዜ ዳግም ስለመምጣቱ ምንም ዋስትና የለም። አርጀንቲና ከዚህ ቀደም በማራዶና የመጀመሪያውን የእጣ ማውጣት (Lottery) አሸንፋ ነበር፤ በሜሲ ደግሞ ሁለተኛውን ወርቅ ዘገነች። ሶስተኛውን ወርቅ ለማግኘት፣ በእርግጠኝነት ረዥም ጊዜ መጠበቅ ሊኖርባቸው ይችላል። እንደ እድል ሆኖ ግን፣ ሊዮኔል ሜሲ ለዘመናት የማይጠወልግ፣ እድሜ ልክ የሚዘከር የማይሞት ትዝታን አውርሷቸዋል።

እንኳን ለዚህ ክብር በቃህ... ስንብት ለአረንጓዴው ሜዳ ንጉስ!

🎈 በየወሩ 1 ፐርሰንት በመክፈል ብቻ የሱቅ ባለቤት ይሁኑ!!!

💫 የአዲስ አመት ስጦታ ከቴምር ፕሮፐርቲስ!!

✅ገበያ በሚደራባቸው…
       ⚫️ሳርቤት
       ⚫️ቡልጋሪያ እና 
       ⚫️ገላን

✅በተመጣጣኝ ዋጋ በእውነተኛ ቅናሽ እና
ከወለድ ነጻ አከፋፈል፤ ስርአቱ የሚታወቀው
ቴምር ፕሮፐርቲስ

🔔 በ2019 ተጨማሪ ብስራት ይዞ ብቅ ብሏል!

🌟 ነጋዴው በአንድ ጊዜ ክፍያ ወረቱን ሳያጣ የሱቅ ባለቤት የሚሆንበትን እድል!!
ሱቅዎን ከነገበያው ለመውሰድ የሚጠበቅብዎት

✅25 በመቶ ቅድመ ክፍያ
✅ለ24 ወራት በየወሩ የሱቁን ዋጋ 1 በመቶ ብቻ መክፈል ነው!
✅ቀሪውን ክፍያ በ4 የግንባታ ምዕራፎች ሳይጨናነቁ ይከፍላሉ!

✅ቴምር የህልምዎን ማረፊያ በአዲስ አበባ አራቱም አቅጣጫ እየገነባ ነው!

☑️ የእርስዎ ትልቁ ህልም ቋሚ አድራሻ ስለሚያስፈልገው ምርጫዎን ብቻ ይንገሩን!
በፈለጉት አካባቢና ካሬ ንግድ ሳይጀምሩ የሚያተርፉባቸው ሱቆች አሉን!

☎️ለበለጠ መረጃ 09-88-34-49-12  ይደውሉልን

🔴 GUNNERS MEDIA × YOD ABYSSINIA

የአርሰናል ፍቅር ከእድል ጋር ሲገናኝ!

ዛሬ ገነርስ ሚዲያ እና ዮድ አቢሲኒያ የመድፈኞችን ቤተሰብ በአንድነት ለማሰባሰብ፣ በጋራ ለመስራት እና ለአርሰናል ደጋፊዎች የተሻለ የደጋፊነት ልምድ ለመፍጠር የትብብር ስምምነት ፈጽመናል።

ይህ ከንግድ በላይ ነው። የመድፈኞችን ቤተሰብ ለማቀራረብ፣ እርስ በርስ ለመደጋገፍ እና እድሎችን በጋራ ለመፍጠር የተጀመረ አዲስ ምዕራፍ ነው።

🎁 ለGunners Media አባላት ልዩ ጥቅም

በዮድ አቢሲኒያ የምግብና የመጠጥ ግዢ ላይ 20% ልዩ ቅናሽ ያገኛሉ።

ይህ ግን መጀመሪያው ነው! 🔥

Gunners Media አባላቱን ከተለያዩ የንግድና የአገልግሎት አጋሮች ጋር በማገናኘት እስከ 20% የሚደርስ ጥቅም የሚያስገኝ የአባልነት መረብ እየገነባ ነው።

🛒 አስቤዛ | 👕 Garment & Fashion | 🎟️ ቲኬትና ጉዞ | 🏨 ሆቴል | 🏥 ጤና | 🛍️ ሌሎች አጋር ተቋማት

የGunners Media ራዕይ የአርሰናል ዜናን ብቻ ማቅረብ አይደለም።
Arsenal Fans Supporting Arsenal Fans — እርስ በርስ የምንደጋገፍ፣ እድል የምንፈጥር እና አንድ ጠንካራ የገነርስ ቤተሰብ የምንገነባ ማህበረሰብ።

አርሰናልን እንወዳለን።
እርስ በርስ እንደጋገፋለን።
እድልን በጋራ እንፈጥራለን።
አንድ ቤተሰብ ነን!

GUNNERS MEDIA × YOD ABYSSINIA
አንድ ፍቅር። አንድ ቤተሰብ። ብዙ እድሎች።

Once a Gunner, Always a Gunner.

በጭራሽ ይህንን ቤት ሳይጎበኙ ቤት እንዳይገዙ !

የተዋቂው የቾይዠዝ ዉሃ እህት ኩባንያ የሆነው My Choice Real Estate በቦሌ ደምበል(ጋዜቦ አደባባይ) በዉብ ዲዛይን እና በከፍተኛ ጥራት የተገነቡ ቅንጡ አፓርታማዎችን በማስረከብ ላይ እንገኛለን!

5 Basement የመኪና ማቆሚያ

🏢 742 ካሬ ሜትር ላይ ያረፈ ሰገነት

🏋️ ዘመናዊ Gym

🏛️ ሰፊና ውብ አዳራሽ

በሆቴል ስታንዳርድ የተገነቡ ቅንጡ አፓርታማዎች

የቀሩትን ዉስን አፓርታማዎች !
በ50/50(ባንክ) በረጅም ጊዜ አከፋፈል
እንዲሁም
በ30% ቅድሚያ ክፍያ የቤት ባለቤት የሚሆኑበት እድል ተመቻችቷል

ለበለጠ መረጃ
09 99 11 11 99
📞 09 99 11 11 22

Telegram: https://t.me/mychoicereale...

my choice real estate.com
ለላቀ ሕይወት፣ ምርጥ ምርጫ!

(ዘ-ሐበሻ ዜና) የፌደራል መንግስት መቀሌን መቆጣጠሩን ተከትሎ የትግራይ ኃይሎች ወደ ኤርትራ ድንበር እያፈገፈጉ መሆናቸውንና ይህም ጦርነቱን ወደ አዲስ እና አደገኛ የቀጥታ የኢትዮ-ኤርትራ ግጭት ሊያሸጋግረው እንደሚችል አቶ ጃዋር መሐመድ ባወጡት አዲስ የፖለቲካ ትንታኔ አስጠነቀቁ።

አቶ ጃዋር ባወጡት ሰፊ ትንታኔ እንዳብራሩት የህወሓት አመራሮች እና የዕዝ ሰንሰለቱ ከመደበኛ የከተማ ውጊያ ወደ ተንቀሳቃሽ (ደፈጣ) ውጊያ ለመሸጋገር በማሰብ ወደ ኤርትራ ድንበር አካባቢ ማፈግፈጋቸውን ጠቁመዋል። ይህ የህወሓት እንቅስቃሴ በአዲስ አበባ እና በአስመራ መካከል ያለው ዲፕሎማሲያዊ ግንኙነት ሙሉ በሙሉ በተቋረጠበት በአሁኑ ወቅት የሁለቱን አገራት መሪዎች ከባድ የፖለቲካ እና ወታደራዊ ፈተና ውስጥ እንደከተታቸው ትንታኔው ያብራራል።

በጥናቱ መሰረት የኤርትራው ፕሬዚዳንት ኢሳያስ አፈወርቂ ሁለት የተጣረሱ ምርጫዎች ተደቅነውባቸዋል። አንደኛው የህወሓት ኃይሎች ወደ ግዛታቸው ገብተው እንዲደራጁ መፍቀድ ሲሆን፣ ይህ እርምጃ በኢትዮጵያ መንግስት ላይ የሚፈልጉትን የተኪ ጦርነት (Proxy war) ግፊት ለማስቀጠል ይረዳቸዋል። ይሁን እንጂ ይህን ማድረጋቸው፣ ጠቅላይ ሚኒስትር አብይ አህመድ ድንበር ጥሰው ወደ ኤርትራ እንዲገቡ ህጋዊ እና የደህንነት ሽፋን ሊሰጣቸው ስለሚችል አስመራን በቀጥታ ወደ ጦርነት ያስገባታል።

በተመሳሳይ የኢትዮጵያ መንግስትም ከባድ የውሳኔ ማዕበል ውስጥ እንደሚገኝ አቶ ጃዋር ጠቁመዋል። የፌደራል መንግስቱ የህወሓት ኃይሎች ጊዜ አግኝተው ዳግም እንዳይደራጁ ድንበር ጥሶ ፈጣን እርምጃ መውሰድን ከመረጠ፣ ከኤርትራ መደበኛ ጦር ጋር በቀጥታ ጦርነት ውስጥ ከመግባቱም በላይ ዓለም አቀፉን ማህበረሰብ ሊያስቆጣ ይችላል።

በአንፃሩ እርምጃ ሳይወስድ መጠበቁ፣ ህወሓት ጊዜ አግኝቶ ከውጭ አጋሮቹ (በተለይም በድንበር እና በጂኦ-ፖለቲካ ውዝግብ ውስጥ ካሉት ሱዳን እና ግብፅ) ጋር በመቀናጀት ይበልጥ አደገኛ ሀይል ሆኖ እንዲወጣ እድል ሊሰጠው እንደሚችል ተንትነዋል።

ሲያጠቃልልም አቶ ጃዋር የኢትዮጵያ መከላከያ ሰራዊት ተጨማሪ ክፍለ ጦሮችን እና ተንቀሳቃሽ ድልድዮችን ወደ ሰሜን ዕዝ እያንቀሳቀሰ መሆኑን ጠቁመው፤ አስቸኳይ ዲፕሎማሲያዊ መፍትሄ ተፈልጎ ጠቅላይ ሚኒስትር አብይ እና ፕሬዚዳንት ኢሳያስ ወደ ድርድር ጠረጴዛ ካልመጡ በቀር፣ ግጭቱ የትግራይን ድንበር አልፎ ወደ ኤርትራ ግዛት የሚሸጋገርበት እጅግ አደገኛ ምዕራፍ ላይ መድረሱን አጽንኦት ሰጥተዋል።







(ዘ-ሐበሻ ዜና) የፌደራል መንግስት መቀሌን መቆጣጠሩን ተከትሎ የትግራይ ኃይሎች ወደ ኤርትራ ድንበር እያፈገፈጉ መሆናቸውንና ይህም ጦርነቱን ወደ አዲስ እና አደገኛ የቀጥታ የኢትዮ-ኤርትራ ግጭት ሊያሸጋግረው እንደሚችል አቶ ጃዋር መሐመድ ባወጡት አዲስ የፖለቲካ ትንታኔ አስጠነቀቁ።

አቶ ጃዋር ባወጡት ሰፊ ትንታኔ እንዳብራሩት የህወሓት አመራሮች እና የዕዝ ሰንሰለቱ ከመደበኛ የከተማ ውጊያ ወደ ተንቀሳቃሽ (ደፈጣ) ውጊያ ለመሸጋገር በማሰብ ወደ ኤርትራ ድንበር አካባቢ ማፈግፈጋቸውን ጠቁመዋል። ይህ የህወሓት እንቅስቃሴ በአዲስ አበባ እና በአስመራ መካከል ያለው ዲፕሎማሲያዊ ግንኙነት ሙሉ በሙሉ በተቋረጠበት በአሁኑ ወቅት የሁለቱን አገራት መሪዎች ከባድ የፖለቲካ እና ወታደራዊ ፈተና ውስጥ እንደከተታቸው ትንታኔው ያብራራል።

በጥናቱ መሰረት የኤርትራው ፕሬዚዳንት ኢሳያስ አፈወርቂ ሁለት የተጣረሱ ምርጫዎች ተደቅነውባቸዋል። አንደኛው የህወሓት ኃይሎች ወደ ግዛታቸው ገብተው እንዲደራጁ መፍቀድ ሲሆን፣ ይህ እርምጃ በኢትዮጵያ መንግስት ላይ የሚፈልጉትን የተኪ ጦርነት (Proxy war) ግፊት ለማስቀጠል ይረዳቸዋል። ይሁን እንጂ ይህን ማድረጋቸው፣ ጠቅላይ ሚኒስትር አብይ አህመድ ድንበር ጥሰው ወደ ኤርትራ እንዲገቡ ህጋዊ እና የደህንነት ሽፋን ሊሰጣቸው ስለሚችል አስመራን በቀጥታ ወደ ጦርነት ያስገባታል።

በተመሳሳይ የኢትዮጵያ መንግስትም ከባድ የውሳኔ ማዕበል ውስጥ እንደሚገኝ አቶ ጃዋር ጠቁመዋል። የፌደራል መንግስቱ የህወሓት ኃይሎች ጊዜ አግኝተው ዳግም እንዳይደራጁ ድንበር ጥሶ ፈጣን እርምጃ መውሰድን ከመረጠ፣ ከኤርትራ መደበኛ ጦር ጋር በቀጥታ ጦርነት ውስጥ ከመግባቱም በላይ ዓለም አቀፉን ማህበረሰብ ሊያስቆጣ ይችላል።

በአንፃሩ እርምጃ ሳይወስድ መጠበቁ፣ ህወሓት ጊዜ አግኝቶ ከውጭ አጋሮቹ (በተለይም በድንበር እና በጂኦ-ፖለቲካ ውዝግብ ውስጥ ካሉት ሱዳን እና ግብፅ) ጋር በመቀናጀት ይበልጥ አደገኛ ሀይል ሆኖ እንዲወጣ እድል ሊሰጠው እንደሚችል ተንትነዋል።

ሲያጠቃልልም አቶ ጃዋር የኢትዮጵያ መከላከያ ሰራዊት ተጨማሪ ክፍለ ጦሮችን እና ተንቀሳቃሽ ድልድዮችን ወደ ሰሜን ዕዝ እያንቀሳቀሰ መሆኑን ጠቁመው፤ አስቸኳይ ዲፕሎማሲያዊ መፍትሄ ተፈልጎ ጠቅላይ ሚኒስትር አብይ እና ፕሬዚዳንት ኢሳያስ ወደ ድርድር ጠረጴዛ ካልመጡ በቀር፣ ግጭቱ የትግራይን ድንበር አልፎ ወደ ኤርትራ ግዛት የሚሸጋገርበት እጅግ አደገኛ ምዕራፍ ላይ መድረሱን አጽንኦት ሰጥተዋል።

የአዲስ አበባ ከተማ ገቢዎች ቢሮ የሂሳብ መዝገብ የማይዙ ግብር ከፋዮች የሚስተናገዱበትን የአሰራር ስርዓትን የሚዘረጋ ማስተናገጃ መመሪያ ይፋ አደረገ።

• ይህ ሁሉን አቀፍ የማስተናገጃ አሰራር ተግባራዊ የሚሆነው ለ2018 የግብር ዘመን ብቻ ነው።

​የአዲስ አበባ ከተማ አስተዳደር ገቢዎች ቢሮ በ2018 የበጀት ዓመት የግብር ማሳወቂያ ወቅት የሂሳብ መዝገብ የማቅረብ ግዴታቸውን መወጣት ላልቻሉ የተወሰኑ የንግድና አገልግሎት ዘርፎች የተዘጋጀውን ዝርዝር የማስተናገጃ የአሰራር ስርዓት ይፋ አፍርጓል።

ቢሮው መስከረም 2019 ዓ.ም ባወጣው የክንውን መመሪያ እንዳብራራው፣ በተሻሻለው የፌዴራል ገቢ ግብር አዋጅ ቁጥር 1395/2017 እንዲሁም በነባሮቹ አዋጆች ቁጥር 979/2008 እና 983/2008 መሰረት የደረጃ «ሀ» እና «ለ» ግብር ከፋዮች የሂሳብ መዝገብና መግለጫ መያዝ ህጋዊ ግዴታቸው ቢሆንም፣ በርካታ ከፋዮች የስራ ባህሪያቸውን ጠቅሰው ቅሬታ በማቅረባቸው ፍትሃዊ የታክስ አሰባሰብን ለማረጋገጥ የመጨረሻ የሽግግር አሰራር ዘርግቷል።

​በመመሪያው ላይ በዝርዝር እንደተቀመጠው፣ ስራዎችን ከመንግስት ጋር በተገባ ውል ብቻ የሚያከናውኑ እና የተለየ ድጋፍ የሚሹ ግብር ከፋዮች ማለትም:-

- በትምህርት ቤቶችና በምግብ ማዕከላት ውስጥ በምግብ አቅራቢነት የተደራጁ መጋቢ እናቶች፣

- በከተማ ፅዳትና ውበት፣

- በደረቅ ቆሻሻ አሰባሰብ እና በገፀ-ምድር ማስዋብ ላይ የተሰማሩ ማህበራት ከመንግስት ተቋማት የተከፈላቸውን ዓመታዊ ክፍያ የሚያሳይ ሰነድ ሲያቀርቡ፣ በደንብ ቁጥር 410/2009 ሠንጠረዥ «ሐ» መሠረት ግብራቸው ተሰልቶ እንዲከፍሉ ይደረጋል።

ከዚህም በተጨማሪ የሸገር ዳቦ የሚሸጡ ማህበራት በተጓዳኝ የሚያከናውኑት ተጨማሪ ንግድ መኖሩ በመስክ ምልከታ ከተረጋገጠ ተጨማሪው ስራ ብቻ ተለይቶ ግብር እንዲጣልበት ይደረጋል።

• የጫኝና አውራጅ፣

• የኢትዮጵያ መብራት ኃይል ኤሌክትሪክ ምሰሶ ጉድጓድ ቆፋሪዎች፣

• በጥበቃ ስራ የተደራጁ ማህበራት እንዲሁም የታክሲ ታራ አስከባሪዎች የሂሳብ መዝገብ መያዝ ሲኖርባቸው ያልያዙ ግብር ከፋዮች ለዘርፉ በተቀመጠው የትርፍ ህዳግ መሰረት ግብራቸው ይሰላል።

​በሌላ በኩል፣ የንግድ ስራ ፈቃድ ሳይኖራቸው በሙያ ፈቃድ ብቻ አገልግሎት የሚሰጡ እንደ ጠበቆች፣ የኢንሹራንስ ወኪሎች፣ የኢንሹራንስ ጉዳት ገማቾች እና በአዋጁ የተዘረዘሩ ሌሎች 8ቱ ዘርፎች የሂሳብ መዝገብ ማቅረብ የሚጠበቅባቸው ቢሆንም፣ የገንዘብ ሚኒስቴር ወጪን በተመለከተ ዝርዝር መመሪያ እስካላወጣ ድረስ ቀደም ሲል በተጠኑ ጥናቶች መሰረት ከተገኘው አጠቃላይ ገቢ ላይ 35 በመቶው እንደ ወጪ እንዲያዝላቸው፣ ቀሪው 65 በመቶ ደግሞ ግብር የሚሰላበት የተጣራ ገቢ ሆኖ በሠንጠረዥ «ሐ» እንዲስተናገዱ ይደረጋል።

በግምት ግብር አዋሳኝ አዋጅ ቁጥር 138/2010 መሰረት የደረጃ «ሀ» የንግድና የመኖሪያ ኪራይ ገቢ ያላቸው አካላትም መዝገብ ካላቀረቡ በተመሳሳይ መልኩ 35 በመቶ ወጪ ተቀናሽ ተደርጎ በ65 በመቶ ገቢያቸው ላይ ግብሩ ይሰላል።
​
መመሪያው የትራንስፖርት ዘርፉን እና የአነስተኛ ግብር ከፋዮችን እድገት በተመለከተም ዝርዝር መፍትሔዎችን አስቀምጧል።

በትራንስፖርት ዘርፍ የተሰማሩ የደረጃ «ሀ» ግብር ከፋዮች በ2016 ወይም በ2017 የበጀት ዓመት የ57 በመቶ የዋጋ ግሽበት ማስተካከያ ተደርጎላቸው በደረጃ «ለ» ቀመር መሰረት ግብራቸውን እንዲያሳውቁ ይደረጋል።

በአዋጅ ቁጥር 979/2008 መሰረት በደረጃ «ለ» እና «ሐ» ስር ቆይተው በአዲሱ ማሻሻያ አዋጅ ቁጥር 1395/2017 ወደ ደረጃ «ሀ» ያደጉ ግብር ከፋዮችም የ2017 ዓመታዊ የንግድ ስራ ግብር እና የትርፍ ድርሻ ክፍያቸው ተወስዶ በደረጃ «ለ» አሰራር እንዲሰላ ተወስኗል።

በአዋጅ ቁጥር 1395/2017 አንቀጽ 23 አማራጭ አነስተኛ ግብር ለደረጃ «ሀ» ግብር ከፋዮች የተደነገገውም ከ2 ሚሊዮን ብር አማራጭ አነስተኛ ግብር 2.5 በመቶ ጋር ተነጻጽሮ የተሻለው ተወስዶ ግብር ይወሰናል።

​ቢሮው በመሪሪያው ላይ እንዳመለከተው ፣ ይህ ሁሉን አቀፍ የማስተናገጃ አሰራር ተግባራዊ የሚሆነው ለ2018 የግብር ዘመን ብቻ ነው።

በዚህ እድል ተጠቃሚ የሚሆኑ ማናቸውም ግብር ከፋዮች ለቀጣዩ የበጀት ዓመት የሂሳብ መዝገብ ይዘው ለመቅረብ ህጋዊ የቃል-መሐላ እንዲፈፅሙ የሚደረግ ሲሆን፣ የሰነድ አለመያዝ አስተዳደራዊ ቅጣትም አብሮ ተግባራዊ እንደሚሆንባቸው ተመላክቷል።

ቲክቫህ ኢትዮጵያ
አዲስ አበባ
መስከረም 23 ቀን 2019 ዓ/ም

@tikvahethiopia

አርቲፊሻል ኢንተሊጀንስ (AI) እና የወደፊቱ አገልግሎት ሂደት!
#ethiopia | ቴክኖሎጂ እያደገ ሲሄድ፣ ቻትቦቶች፣ አፕሊኬሽኖች እና የድኅረ -ገፅ ስርዓቶች የደንበኛ አገልግሎትን ፈጣን እና ቀልጣፋ እያደረጉት ነው። የሰዉ ልጅ ቢበዛ ስምንት እስከ አስር ሰዓታትን ሊሰራ ይችላል ነገር ግን በ AI ሲዘምን እና ሲበለጽግ 24 ሰዓት/ 7 ቀናት ሳምንት/365 ቀናትን በዓመት ያለማቋረጥ መስራት እና ማምረት ይችላል፣ መረጃዎችን በፍጥነት ማጣራት እና ማቀነባበር ይችላል፤ ይህ ለሰዉ ልጆች ትልቅ በጎ እድል ነው።

ሆኖም ግን ማስታወስ ያለብን አንድ ትልቅ ቁም ነገር አለ፤ ይህም AI ሊተካው የማይችለው የሰው ልብን መረዳት፣ ርህራሄ፣ ማመዛዘን፣ ማገናዘብ፣ መመርመር እና የማይታወቁ ተግዳሮቶችን ተረድቶ የመፍታት ብቃት እና ችሎታ ነው።

የወደፊቱ የደንበኛ አገልግሎት ዕድል የሚሆነው AIን ለተደጋጋሚ ስራዎች መጠቀም፣ ሰውን ደግሞ ለጥልቅ፣ ልባዊ እና ስሜታዊ ግንኙነቶች በማዋል ነው። እናም ቴክኖሎጂ እጃችንን ይረዳል እንጂ ልባችንን ፈፅሞ አይተካም!

~ በ “#ደንበኛሎጂ” መጽሀፍ ውስጥ ስለ ደንበኛ አገልግሎት ጥልቅ ዕውቀት እና ክህሎቶችን ይቅሰሙ።

~ መፅሃፋ በሁሉም የጃፋር መፅሃፍ መደብሮች ውስጥ ይገኛል፣ ያንብቡ እና ንግድዎን ይበልጥ ያዘምኑ።

0911 932088/ 0911 125324






አርቲፊሻል ኢንተሊጀንስ (AI) እና የወደፊቱ አገልግሎት ሂደት!
#ethiopia | ቴክኖሎጂ እያደገ ሲሄድ፣ ቻትቦቶች፣ አፕሊኬሽኖች እና የድኅረ -ገፅ ስርዓቶች የደንበኛ አገልግሎትን ፈጣን እና ቀልጣፋ እያደረጉት ነው። የሰዉ ልጅ ቢበዛ ስምንት እስከ አስር ሰዓታትን ሊሰራ ይችላል ነገር ግን በ AI ሲዘምን እና ሲበለጽግ 24 ሰዓት/ 7 ቀናት ሳምንት/365 ቀናትን በዓመት ያለማቋረጥ መስራት እና ማምረት ይችላል፣ መረጃዎችን በፍጥነት ማጣራት እና ማቀነባበር ይችላል፤ ይህ ለሰዉ ልጆች ትልቅ በጎ እድል ነው።

ሆኖም ግን ማስታወስ ያለብን አንድ ትልቅ ቁም ነገር አለ፤ ይህም AI ሊተካው የማይችለው የሰው ልብን መረዳት፣ ርህራሄ፣ ማመዛዘን፣ ማገናዘብ፣ መመርመር እና የማይታወቁ ተግዳሮቶችን ተረድቶ የመፍታት ብቃት እና ችሎታ ነው።

የወደፊቱ የደንበኛ አገልግሎት ዕድል የሚሆነው AIን ለተደጋጋሚ ስራዎች መጠቀም፣ ሰውን ደግሞ ለጥልቅ፣ ልባዊ እና ስሜታዊ ግንኙነቶች በማዋል ነው። እናም ቴክኖሎጂ እጃችንን ይረዳል እንጂ ልባችንን ፈፅሞ አይተካም!

~ በ “#ደንበኛሎጂ” መጽሀፍ ውስጥ ስለ ደንበኛ አገልግሎት ጥልቅ ዕውቀት እና ክህሎቶችን ይቅሰሙ።

~ መፅሃፋ በሁሉም የጃፋር መፅሃፍ መደብሮች ውስጥ ይገኛል፣ ያንብቡ እና ንግድዎን ይበልጥ ያዘምኑ።

0911 932088/ 0911 125324

Africa 🌍

ናይጄሪያዊው ቢሊየነር አሊኮ ዳንጎቴ " ከእኛ ከአፍሪካውያን ውጭ ማንም አህጉሯን ታላቅ ማድረግ አይችልም " ሲሉ አፍሪካውያን በውጭ ላይ ጥገኛ ከመሆን ይልቅ የአህጉራቸውን መፃዒ እድል በእጃቸው እንዲያደርጉ አሳሰቡ።

ቢሊየነሩ ይህን ያሉት በኬንያ፣ ላሙ የነዳጅ ማጣሪያ ግንባታ ማስጀመራቸውን ተከትሎ ከ ' ቢቢሲ ፎከስ ኦን አፍሪካ ' ጋር ባደረጉት ቃል ምልልስ ነው።

የአፍሪካ ትልቁ ችግር የሰዎች፣ የምርቶች እና አገልግሎቶች ዝውውር አለመኖር እንደሆነ የተናገሩት ዳንጎቴ " የአፍሪካ የነፃ ንግድ ስምምነት በተግባር መስራቱን ማረጋገጥ አለብን " ብለዋል።

አፍሪካ ወጣት እና ታታሪ ሕዝብ ያላት እንዲሁም የነዳጅ ድፍድፍን ጨምሮ የሌሎች ማዕድናት ባለቤት መሆኗ ለአፍሪካ ትልቅ እድል መሆኑን ዳንጎቴ ገልጸዋል።

ሆኖም " አፍሪካውያን በገዛ አህጉራችን ኢንቨስት ማድረግ ስለምንፈራ እና የውጭ ሰዎች መጥተው ያንን እንዲያደርጉ ስለምንፈልግ አፍሪካ ያላትን አቅም መጠቀም አልቻለችም " ብለዋል።

" የውጭ ሰዎች የእኛን አህጉር ታላቅ ማድረግ አይችሉም፣ ከእኛ በስተቀር ማንም መጥቶ አፍሪካን ታላቅ ማድረግ እንደማይችል እኛ አፍሪካውያን መረዳት ይኖርብናል " ሲሉም አስረድተዋል።

ቢሊየነር አሊኮ ዳንጎቴ ከቀናት በፊት በኬንያ ላሙ 16 ቢሊዮን ዶላር የሚያወጣ የነዳጅ ማጣሪያ ግንባታን አስጀምረዋል።

የነዳጅ ማጣሪያው ሲጠናቀቅ በቀን 700 ሺህ በርሜል ድፍድፍ ነዳጅ እንደሚያመርት ይጠበቃል።

ቢቢሲ ፎከስ ኦን አፍሪካ
መስከረም 22 ቀን 2019 ዓ/ም

@tikvahethiopia #dangote አሊኮ ዳንጎቴ በኬንያ 16 ቢሊዮን ዶላር የሚገመት ግዙፍ የነዳጅ ማጣሪያ ፋብሪካ (East Africa Petroleum Refinery) ግንባታ አስጀመሩ። የናይጄሪያው ቢሊየነር እና የአፍሪካ ቁጥር አንድ ባለሃብት አሊኮ ዳንጎቴ ከኬንያው ፕሬዜዳንት ዊሊያም ሩቶ ጋር በመሆን በኬንያ ሰሜናዊ የባህር ጠረፍ ላሙ (Lamu) አካባቢ 16 ቢሊዮን ዶላር የሚፈጅ ግዙፍ የነዳጅ ማጣሪያ ፋብሪካ የመሰረት…

“ ቴንሀግ ተጨዋች አያያዝ ላይ ደካማ ነበር ” ፍሬድ

የቀድሞ የማንችስተር ዩናይትድ አማካይ ፍሬድ አሰልጣኝ ኤሪክ ቴንሀግ ከተጨዋቾች ጋር ስምምነት እንዳልነበራቸው ተናግሯል።

ፍሬድ ቴን ሀግ የማንችስተር ዩናይትድን ተጨዋቾች የመሩበትን መንገድ “ በጣም ደካማ "ሲል ገልፆታል።

“ እሱ ከሁሉም ጋር መነታረክ ይወድ ነበር “ ያለው ፍሬድ " ከእኔ ፣ ሮናልዶ ፣ ካሴሚሮ ፣ ራሽፎርድ ጋር ይጨቃጨቅ ነበር "ብሏል።

አክሎም “ ኔዘርላንዳዊ ተጨዋቾች ብቻ ነበሩ የመጫወት እድል የሚያገኙት " ሲል ተናግሯል።

ከተጨዋቾች አያያዝ ውጪ ቴን ሀግ “ በታክቲክ ካሰለጠኑኝ ምርጥ አሰልጣኞች አንዱ ነው "ሲል አወድሷል።

“ እሱ የሚያመጣው ተጨዋች ኔዘርላንዳዊ ፣ የአያክስ እና ከራሱ ወኪል ነበር እንግዳ ነገር ነበር “ ፍሬድ

@tikvahethsport           YisakAH

ፂም ወይስ ለስላሳ ፊት? የጀርመን ጥናት የሴቶችን ሚስጥራዊ ምርጫ ይፋ አደረገ

​በወንዶች ውበትና መስህብ ዙሪያ ለዘመናት ሲካሄድ የነበረው ክርክር አዲስ ምዕራፍ የያዘ ይመስላል።

በቅርቡ ከጀርመን የወጣ አንድ አስደናቂ የምርምር ውጤት እንደሚያመላክተው ከሆነ፣ ረጅም ፀጉርና ያደገ ፂም ያላቸው ወንዶች የብዙ ሴቶችን ልብ በላቀ ሁኔታ የማሸነፍ እድል አላቸው።

​በጥናቱ ከተሳተፉት ሴቶች መካከል 75 በመቶ ያህሉ ሙሉ በሙሉ የፀጉሩንና የፂሙን ተፈጥሯዊ ገጽታ የያዘ ወንድ እንደሚስባቸው ገልጸዋል።

ሴቶቹ ለስላሳና ፂሙ ከተላጨ ወንድ ጋር ምንም አይነት ጥላቻ እንደሌላቸው ቢናገሩም፣ "ፀጉራም" የሆኑ ወንዶች ግን ይበልጥ ማራኪና ስሜትን የሚቀሰቅሱ ሆነው አግኝተዋቸዋል።

​ሴቶች ለዚህ ምርጫቸው የሰጡት ምክንያት ምንድን ነው?

​ሴቶች ረጅም ፀጉርና ፂም ያላቸውን ወንዶች የሚመርጡበት ዋናው ምክንያት ከተለመደው የወንዶች ገጽታ ወጣ ያሉና ለየት ያሉ ሆነው ስለሚታዩ ነው። ከዚህም በላይ ይበልጥ ወንዳወንድና ጠንካራ ሆነው ስለሚታዩ፣ በዙሪያቸው በሚሆኑበት ጊዜ ከፍተኛ የሆነ የደህንነትና የጥበቃ ስሜት ይሰማቸዋል።

​በጥናቱ ላይ የተሳተፈች አንዲት ሴት ሁኔታውን ስታስረዳ፡ "ሸካራና ተፈጥሯዊ የሆነ የወንዶች ገጽታ ሁልጊዜም ቢሆን የሴቶችን ቀልብ ይስባል። አንድ ወንድ ረጅም ፀጉርና ጎልቶ የሚታይ ፂም ሲኖረው፣ የጠንካራነትና የማራኪነት ጥምረት ስለሚኖረው በቀላሉ ልባችንን ያሸንፈዋል" ስትል ተናግራለች።

​የሳይንስ ሊቃውንት አስተያየት

​ሳይንቲስቶች የሴቶችን ምላሽ በመደገፍ ምክንያታዊ እንደሆነ ያረጋግጣሉ። በጥንታዊው የድንጋይ ዘመን ፀጉራም ወንዶች የጥንካሬ፣ የወንዳወንድነትና የዘር የማስተላለፍ ብቃት ምልክት ተደርገው ይታሰቡ ነበር።

በመሆኑም ይህ ጥንታዊ የተፈጥሮ ስሜትና ፍላጎት በሴቶች ንቃተ-ህሊና (subconscious) ውስጥ አሁንም ድረስ ተደብቆ እንደሚገኝና ለዚህም ውሳኔ ምክንያት እንደሆነ የባለሙያዎች ጥናት ያመላክታል።

​በአጠቃላይ፣ የፊት ፂምንና ረጅም ፀጉርን መንከባከብ የወንዶችን ግላዊ ማራኪነት ከመጨመሩም በላይ፣ የሴቶችን ቀልብ ለማረክ ትልቅ መንገድ እንደሚከፍት ይህ የጀርመን ጥናት ይገልፃል።

Seledadotio
Seledadotio

ኢትዮጵያ በግብፅ ምክንያት የተስተጓጎሉ የዓባይ ተፋሰስ ፕሮጀክቶችን ኪሳራ የሚያጠና የካሳ ኮሚቴ አቋቋመች።

ኢትዮጵያ በግብፅ ጣልቃ ገብነት የተስተጓጎሉ የውሃና የልማት ፕሮጀክቶች ያደረሱባትን ኢኮኖሚያዊ ኪሳራዎች እና ያመለጡ የልማት ዕድሎች የሚገመግም አገራዊ የዓባይ የካሳ ኮሚቴ ማቋቋሟን የውሃና ኢነርጂ ሚኒስቴር አስታወቀ።

የውሃና ኢነርጂ ሚኒስትር ኢንጂነር ሀብታሙ ኢተፋ ለኢትዮጵያ ዜና አገልግሎት እንደገለጹት፣ የታላቁ የኢትዮጵያ ሕዳሴ ግድብን ጨምሮ በግብፅ ተፅዕኖ ሳቢያ የተስተጓጎሉ ከ22 በላይ የልማት ፕሮጀክቶች በኮሚቴው ተለይተው ጥናቱ ተጀምሯል።

አዲስ የተቋቋመው ኮሚቴ ባለሙያዎችን፣ የቀድሞ ሚኒስትሮችን፣ አማካሪዎችን እና የሕግ ባለሙያዎችን ያካተተ ሲሆን፣ የኪሳራውን መጠን በመተመንና የሕግ መሠረቶችን በመመርመር የካሳ ጥያቄዎችን ለማዘጋጀት የሚያስችሉ መረጃዎችን እያጠናቀረ ይገኛል።

ኮሚቴው የተስተጓጎሉ ፕሮጀክቶችን ብቻ ሳይሆን ኢትዮጵያ በተከናወኑ ዘላቂ የውሃ አስተዳደርና የአካባቢ ጥበቃ ሥራዎች የታችኞቹ ተፋሰስ አገራት ያገኙትን ጥቅም ጭምር የሚያስላ ይሆናል።

በዚሁ መሠረት በአረንጓዴ ዐሻራ መርሃ ግብር በአባይ፣ ባሮ እና ተከዜ ተፋሰሶች በተካሄዱ ጥረቶች የተተከሉ ከ50 ቢሊዮን በላይ ዛፎች እንዲሁም የታላቁ ሕዳሴ ግድብ የውሃ ፍሰትን በመቆጣጠር ሱዳንና ግብፅን ከጎርፍና ከድርቅ አደጋ በመታደግ ረገድ ያላቸው አወንታዊ ተፅዕኖ በግምገማው ውስጥ ይካተታል።

ሚኒስትሩ አክለውም ኢትዮጵያ ለደረሰባት ታሪካዊ ኢኮኖሚያዊ ኪሳራና ላጣችው የልማት እድል ማካካሻ ለማግኘት የምትከተለው ዋነኛ መንገድ ድርድርና የጋራ መግባባትን እንደሆነ ገልጸው፣ በዓባይ ተፋሰስ የልማት አለመመጣጠን ዙሪያ እያደገ የመጣው የዓለም አቀፍ ምሁራን ድጋፍ የአገሪቱን የካሳ ጥያቄ ያጠናክረዋል ብለዋል።

መስከረም 21 ቀን 2019 ዓ.ም

@TikvahethMagazine

🥊 ሆርጌ ሄሱስ Vs ሮናልዶ 🥊

ብዙውን ጊዜ በ ሁለት ሰዎች መሀከል
" አብዝቶ መከበር " የሚፈልግ አይነት ማንነት የሚኖር ከሆነ አብሮ መስራት ፣ መማር ፣ ጓደኝነት መፍጠር ከባድ ሊሆን ይችላል። በ እርግጥ መከበርን የማይፈልግስ ማን አለ? ነገር ግን አንድ ሰው ለረዥም አመታት በነበረው ሞያ ጋር ተያይዞ የሚመጣ ግዙፍ የስራ ፕሮፋይል ሳይወድ በግዱ ወደዚህ ብዙዎቻችን ወደምንፈልገው መከበር የሚለውን ስሜት ከ ትልቅ ቁጣ ጋር ይዞት ይመጣል። በ እግርኳሱ ደግሞ ይህ ስሜት በ ተጫዋች እና በ አሰልጣኝ መሀከል የሚፈጠር ከሆነ መልበሻ ክፍሉን ከ ቁጥጥር ውጪ የሚያደርገው ይሆናል።

በ 1954 በ ሀገረ ፖርቱጋል ተወልደው በ አማዶራ ከተማ እድገታቸውን ያደረጉትና በ ፖርቱጋል የማሰልጠንም ሆነ በመጫወት የስራ ህይወታቸውን የጀመሩት ሆርጌ ሄሱስ የበለጠ በ አሰልጣኝነት የስራ ህይወታቸው በርካቶቻ ያውቋቸዋል። አንዳንድ ሰዎች ፊታቸውን አይታቹ ገና ምን አይነት ማንነት ሊኖራቸው እንደሚችል ትገምታላቹ በ እርግጥ ቁጡ ፊት ያላቸው ሰዎች ሁሉ ተቆጪ ባይሆኑም። ሆርጌ ሄሱስ ግን የፊት ገፅታቸውን አይታቹ ስለ ሞገዳማ ባህሪያቸው ብትገምቱ አትሳሳቱም።

ከዚህ ቀደም በ ፍላሚንጎ ስኬታማ በነበረ የአሰልጣኝነት ቆይታቸው ወይንም በ ስፖርቲንግ ሊዝበን በቆዮባቸው እንዲሁም በ ቤኔፊካ ባሳለፏቸው ወቅቶች ላይ የነበራቸውን ጋዜጣዊ መግለጫዎች ወይንም ተጫዋቾቻቸውን የሚቆጣጠሩበትን መንገድ የሚያውቅ ሰው ከ ሰሞኑ ከ ሮናልዶ ጋር የገቡበትን እሰጣ ገባ በ ጥቂቱም ቢሆን ሊረዳ ይችላል። ወቅቱ 2016 ላይ ነበር እናም በ ስፖርቲንግ ሊዝበን ቤት በነበሩበት ወቅት ላይ አንድ ጋዜጠኛን በ ጋዜጣዊ መግለጫ ሰአት ላይ ቅር ተሰኝተውበት በ ቁጣ " ዝም ማለት ትችል ይሆን? " ሲሉ ተናግረውታል ፤ እሱ ብቻ ሳይሆን በቅርብ ጊዜ በ አልናስር አሰልጣኝነቱ ጊዜ ላይ ሳለ  አንድ ጋዜጠኛ ከዚህ ቀደምም በ ፖርቶ ሲያሰለጥን ይበልጥ የማሸነፍ ንፃሬ ሲወስደበት በቆየው ሰርጂዮ ኮንሴሳኦ ቡድን በ አል ኢትሀድ ተሸንፎ በቁጥሮቹ የበላይነት ስለተወሰደበት ይህንን ጥያቄ ሲያነሳለት " ይሄ ደግሞ ምን የሚሉት ጥያቄ ነው? " ሲል በ ቁጣ ተሞልቶ መልሶለት ነበር።

በ አጠቃላይ ሆርጌ ከ ጋዜጠኞች ጋር በ ጋዜጣዊ መግለጫ ሰአት ላይ ግብግብ ውስጥ የሚገባ ፣ ከ ክለብ ፕሬዚዳንት ወይንም ባለቤት ጋር በቀጥታ ፀብ ውስጥ ለመግባት ቅርብ የሆነ ፣ መልበሻ ክፍል ውስጥ ተጫዋቾቹ ሀሳቡን የሚፃረኑት ከሆነ ቅጣቱ ከበድ የሚል አይነት የአሰልጣኝነት ማንነት አለው። በ አንፃሩ ሮናልዶን በርካቶች ያውቁታል በታሪክ ከታዮ ትልቅ ተጫዋቾች መካከል ብቻ ሳይሆን ትልቅ የሚድያ መስእብ የሆነ እና ካሜራዎች ሁሉ ሌንሶቻቸውን የሚያነጣጥሩበት እሱም ቢሆን መሰማትን አብዝቶ የሚፈልግ እና ከ አሰልጣኞችም ቢሆን ለ በርካታ አመታት በገነባው ትልቅ የእግርኳሰ ስም ምክንያት መከበርን የሚፈልግ ተጫዋች ነው። ሆርጌ ከ ወራቶች በፊት በ አልናስር ቤት አብረውት ከሰሩት ሮናልዶ ጋር በ ፖርቱጋል ብሔራዊ ዳግም ሲጣመሩ ጥሩ ግንኙነት በ ሁለቱ መሀከል ይኖራል ተብሎ ቢጠበቅም ከሰሞኑ በተለይ ከ ኖርዌይ ጋር ተደርጎ በነበረው ጨዋታ ላይ ለ 30 ደቂቃ ያክል ተች ላይኑ ላይ ሲያሟሙቅ ቢቆይም ቀይረው ሳያስገቡት ቀርተው ከዛም አልፎ በ ጋዜጣዊ መግለጫ ሰአት ላይ የሰጧቸው ግልፍተኛ አስተያየቶች እና በ ውስጥ የተፈጠሩ ግልፅ ያልሆኑ አለመግባባቶች ምክንያት ሮናልዶ ትላንት ከ ኮፐንሀገን በ ግል ጀቱ ስፔን ማድሪድ ገብቷል።

በ ጋዜጣዊ መግለጫ ሰአት ላይ ሮናልዶን በተጠባባቂ ወንበር ላይ የማስቀመጥ ሙሉ መብት እንዳላቸው ደጋግመው ለመናገር ያልቦዘኑት ሆርጌ በ ብሔራዊ ቡድኑ ስለ አንድ ተጫዋች ብቻ መናገር ስለማይፈልጉ እና 23 ተጫዋቾቻቸውን ወክለው የ ፖርቱጋል ብሔራዊ ቡድንን እንደሚወክሉ እንዲሁም ከዚህ ቀደም በ አል ናስር ቤት በነበሩበት ወቅት ላይ ሮናልዶን 18 ጊዜ ቀይረው ማሶጣታቸውን ተናግረው የማይደፈር የሚመስለውን ሮናልዶን በተጠባባቂ ወንበር ላይ ለማስቀመጥ ድፍረት እንዳላቸው በ ጥቂቱም ቢሆን አብሪት የተሞላበት በሚመስል መልኩ ለ ጋዜጠኞች ተናግረዋል። ትላንት ከነዚህ ሁሉ ድራማዎች ቡሀላ ሮናልዶ የተፈጠረውን ወደፊት ግልፅ እንደሚያደርግ ተናግሮ ከ አሰልጣኙ እና ከ ፖርቱጋል ፌዴሬሽን ጋር ንግግር ማድረጉን ተናግሮ ለ ቡድን አጋሮቹ መልካም እድልን ተመኝቶ ካምፑን ለቆ ወቷል።

ሆርጌ እራሱ ሮናልዶ እሳቸው ወደ ብሔራዊ ቡድኑ ሲመጡ እሱን ካሻቸው በ ተጠባባቂ ወንበር ፣ ከፈልጉ ከነ ጭራሹ በ ጨዋታ ላይ አለማሳተፍ ወይንም ከደጋፊዎች ጋር ተቀምጦ ጨዋታውን እንዲከታተል የማድረግ ስልጣን እንዳላቸው አሳውቋቸው እንደነበር ተናግረው የ ሮናልዶ እዳ እንደሌለባቸው ለማሳወቅ ጥረዋል። ነገሮች በዚሁ ከቀጠሉ የ 41 አመቱ ሮናልዶ ከ ሀገሩ ፖርቱጋል ጋር ዳግም የሚጫወት አይመስልም። የበርካቶች ጥያቄ ታድያ ፊጎ ፣ ዮሴብዮ ወይንም ዴኮ ያላደረጉትን ስኬቶች ( የአውሮፓ ዋንጫ ፣ ኔሸንስ ሊግ 2x ) ማሳካት የቻለው ሮናልዶ ይህ ይገባዋል ወይ??? የሚለው ሆኗል በ ሶሻል ሚድያ ትልቅ ተፅእኖ ያላቸው የ 5 ጊዜ የ ባላንዲዮር አሸናፊው አድናቂዎችም ለ ፖርቱጋል ምላሻቸውን መስጠት የጀመሩት የ ፖርቱጋል ብሔራዊ ቡድን የ ሶሻል ሚድያ ገፆች UNFOLLOW በማድረግ ሆኗል። ለ ሀገሪቱ ከሜዳ ላይ ግልጋሎት ባለፈ ትልቅ የምስል ሽያጭ ትርፍ ሚያስገባው ሮናልዶ በ ኢኮኖሚው ክለቡን ምን ያሀል ይጎዳው ይሆን የሚለውም ጥያቄ ጭሯል።

በ መሳይ ተስፋዬ ✍️

ባለስልጣኑ የህዝብ ተወካዮች ም/ቤት አባሉን ተሳደቡ

የአዲስአበባ ከተማ መስተዳድር የኢንዱስትሪ ቢሮ ሃላፊ አቶ ግርማ ሰይፉ በግላቸዉ የፌስቡክ ገጽ ላይ የኢትዮጵያ ኦሎምፒክ ኮሚቴ ፕሬዚዳንት እና የህዝብ ተወካዮች ም/ቤት አባሉን ዶ/ር አሸብር ወልደ ጊዮርጊስን ተችተዋል።

አቶ ግርማ በፌስቡክ ገጻቸዉ ላይ የጻፉትን መልዕክት ከታች አቅርበነዋል👇🏼

አሽብር
ስምን መልዓክ ያወጣዋል ይባላል። አሸብር የሚባል ፕሬዝዳንት የመባል ልክፍት ያለበት ፍጡር ስሞኑን እድል አጥቼ ያልተናገርኩት ብሎ ስሜን አንስቶ ሲዘልፈኝ ሰማሁት።  ነጠላ አቀብሉኝ ብዬ በስልክ ላጥረገርገው እችል ነበር። ግን በአደባባይ ድንቁርናውን ስለገለጸ ባደባባይ ምላሽ መስጠት ያስፈለገኝ ብዙ ወዳጅና ጠላት ስማኽው እያሉ ስላስቸገሩኝ ነው።

አሽብር የምክር ቤት አባልነትም ሆነ "የሴቶች" ማህበር ፕሬዝዳንት መሆን የሚፈልገው ለክልኒኮቹ በሻንጣ የሚያመላልስውን ውድ የጥርስ መለዋወጫ ለማምጣት የዱፕሎማቲክ ፓስፖርት እንዱኖረው ነው። በቃ!

ወደ ገደለው ስንገባ "ግርማ ማለት ያቀረበውን የተቃውሞ ሞሽን ድምጽ ሲስጥ ድምጸ ተዓቅቦ የሚያደርግ አስገራሚ ፍጡር ነው።" ብሎኛል።

በቃ አሽብር በምክር ቤት ወንበር ይጎለታል እንጂ ይህን ሁሉ ዓመት እንዴት ድምጽ እንደሚስጥ እንኳን አያውቅም። በምክር ቤት ቆይታዬ ፕሬዝዳንት በሚያቀርቡት የመክፈቻ ንግግር  ገዢው ፓርቲ የሚያቀርበው የድጋፍ ሞሽን በተቃራኒ የተቃውሞ ሞሽን የማቀርበው እኔ ብቻ ነኝ። በቀረበው የድጋፍና የተቃውሞ ሞሽን ውይይት ይደረግና እነ አሸብር የፕሬዝዳንቱ ንግግር በቀጣይ ገነት ሊያስገባ ይቻላል በሚያስብል ደረጃ ያንቆለጳጵሱና በቀጣይ መንግስት ባቀረበው የድጋፍ ሞሽን የፕሬዝዳንቱ ንግግር እንዱጸድቅ የምትደግፉ ይባላል። አሽብር አፉን ከፍቶ አፈ ጉባዔው እንዲያየው ቀና ብሎ የድጋፍ ድምጽ ይስጣል። የእኔ የተቃውሞ ሃስብ ከመመዝግበ ውጭ አይካተትም። ስለዚህ ድምጽ አልስጥም። ስለዚህ ብዙ ጊዜ ተዓቅቦ አደርጋለሁ። የእኔ ሃሳብ ባይካተትም፣ የቀረበው ሁሉ ስህተት ስለማይሆን መቃወም ስለሌለብኝ ተዓቅቦ አደርጋለሁ። ይህ ውስብስብ ፖለቱካ አሸብር አይገባውም።

ይህ ሞላጫ እድል አጥቼ ብሎ የተሳደበው  ለዚህ ነው። ወዳጅ ጠላቶቼ ጉዳዩ ይህ ነው። አሸብር ሀገር ማሸበር ስራው ያደረግ የተከበሩ በሚል ጥላ የሚሽቅጥ ባለጌ ነው። ይህ ይመዝገብልኝ።

👉🏼ዳጉ ጆርናል የአቶ ግርማ ሰይፉን ጽሁፍ ሳይጨመር ሳይቀነስ ሙሉ ለሙሉ ነዉ ያቀረበዉ።

#ዳጉ_ጆርናል