አርቴታ የስታዲየሙን ማስፋፊያ እቅድ ተቃወሙ !

አርሰናል የኤምሬትስ ስታዲየምን ተመልካች የመያዝ አቅም ወደ 80ሺህ ለማሳደግ አቅዶ ነበር።

ክለቡ ስታዲየሙን ሲያስፋፋ የቡድኑን ጨዋታዎች ወደ ሌላ ስታዲየም የመውሰድ ሀሳብ እንደነበረው ተገልጿል።

ይሁን እንጂ አሰልጣኝ ሚኬል አርቴታ ጨዋታዎቹን ወደ ሌላ ቦታ የማዘዋወር እቅዱን መቃወማቸው ተነግሯል።

አሰልጣኝ ሚኬል አርቴታ የሜዳ ተጠቃሚነት እንዳያጡ እና የቡድኑ የአሸናፊነት ግስጋሴ ይረበሻል የሚል ፍራቻ እንዳደረባቸው ተገልጿል።

@tikvahethsport       kidusyoftahe

ሚኬል አርቴታ ከአርሰናል ጋር ውሉን ለማደስ ተስማማ

አዲስ አበባ፣ መስከረም 12፣ 2019 (ኤፍ ኤም ሲ) የሰሜን ለንደኑ ክለብ አርሰናል አሰልጣኝ ሚኬል አርቴታ ከእንግሊዝ ፕሪሚየር ሊጉ ሻምፒዮን ጋር የተሻሻለ አዲስ ውል ለመፈራረም ተስማምቷል።

ስፔናዊው አሰልጣኝ ከአርሰናል ጋር ያለው ኮንትራት በዚህ የውድድር ዘመን መጨረሻ የሚያበቃ ሲሆን ከክለቡ ጋር ስለሚኖረው የወደፊት ቆይታ ላለፉት በርካታ ወራት ድርድር ሲካሄድ ቆይቷል።

አሁን ላይ ታዲያ አሰልጣኝ ሚኬል አርቴታ ከመድፈኞቹ ጋር የተሻሻለ አዲስ ውል ለመፈራረም የመጨረሻ ስምምነት ላይ መድረሱ ተረጋግጧል።

የአዲሱ ውል ትክክለኛ የጊዜ ርዝመት በይፋ ያልተገለጸ ቢሆንም አርቴታ ከፈረንጆቹ 2019 የጀመረው የስፔናዊው አሰልጣኝ የአርሰናል ቤት ቆይታ ቢያንስ እስከ 10ኛ ዓመቱ ያራዝማል ተብሎ ይጠበቃል።

ከአዲሱ ውል ጋር ተያይዞ የአርቴታ ደመወዝም ከፍተኛ ጭማሪ እንደሚያገኝ የተገለጸ ሲሆን አሁን በዓመት 10 ሚሊየን ፓውንድ የሚያገኘው አሰልጣኙ በአዲሱ ውል እስከ 5 ሚሊዮን ፓውንድ የሚደርስ ተጨማሪ የጉርሻ ክፍያ በማግኘት የዓለማችን ውዱ ተከፋይ አሰልጣኝ ይሆናል ነው የተባለው።

አርቴታ በቅርቡ ስለ ውሉ ድርድር ሲናገር ÷ የአርሰናል ደጋፊዎች ስለ ወደፊቱ መጨነቅ እንደሌለባቸው እና እሱ በአርሰናል ቤት መቆየት እንደሚፈልግ ገልጿል።

አርቴታ በአርሰናል የሚኖረውን ቆይታ ማራዘሙ ክለቡ ከእሱ ጋር የጀመረውን የረጅም ጊዜ ፕሮጀክት ለመቀጠል ያለውን ፍላጎት የሚያሳይ እንደሆነ የዘገበው ቢቢሲ ነው።

በአቤል ነዋይ

ሚኬል አርቴታ ከአርሴናል ጋር የረጅም ጊዜ ውል ስምምነት ላይ ደረሰ

የአርሴናሉ አሰልጣኝ ሚኬል አርቴታ በኤሚሬትስ የሚቆያውን አዲስ የረጅም ጊዜ ውል ለመፈረም ከአርሴናል ጋር ሙሉ ስምምነት ላይ መድረሱ ተረጋገጠ።

የ42 ዓመቱ ስፓኒሽ አሰልጣኝ ከሰሜን ለንደኑ ክለብ ጋር ያለው የወቅቱ ውል በዚህ የውድድር ዘመን መጨረሻ የሚያበቃ የነበረ ቢሆንም፣ አሁን በተደረሰው አዲስ ስምምነት መሰረት በክለቡ የመቆየት እድሜውን ወደ አንድ አስርት ዓመት (10 ዓመታት) የሚያጠጋጋው ይሆናል።

አርቴታ በ2019 አርሴናልን ከተረከበ ወዲህ ክለቡን ወደ ድል እና ወደ እንግሊዝ ፕሪሚየር ሊግ የዋንጫ ተፎካካሪነት የመለሰ ሲሆን፣ የክለቡ አስተዳደርም በአሰልጣኙ የረጅም ጊዜ ፕሮጀክትና ስኬት ላይ ያለውን ሙሉ እምነት በዚህ አዲስ ውል አጽንቷል።

ውሉ በይፋ በቅርብ ቀናት ውስጥ እንደሚፈረም ይጠበቃል።

"አይ! አሁን ላይ ተነስቼ አርሰናልን ልተች ወይም ልዘምትበት አልችልም... ነገር ግን ስለ ብራይተን ገና ያልገባን እና ያላወቅነው አንድ የተደበቀ ሚስጥር አለ!

"አሁን ነገሮችን ሳያቸው፣ ማንቸስተር ዩናይትድ በአጋማሽ ሳምንት በብራይተን ለገጠመው ሽንፈት የሚያቀርባቸውን ሰበቦች ሳይቀር አሳማኝ ሆነው አግኝቻቸዋለሁ። ማለቴ... ምናልባት ያ ሽንፈት ሙሉ በሙሉ በማይክል ካሪክ ስህተት ብቻ የመጣ ላይሆን ይችላል! (ብራይተኖች ከሚገባው በላይ ገዝፈው ነው!)

"አርሰናል ጨዋታው ውስጥ ተመልሶ ምላሽ መስጠት እጅግ ከብዶት ነበር፤ ብራይተኖች ግን አሁንም ተጨማሪ ግቦችን ለማስቆጠር ተርበው ነበር! እንዲያውም አሁን ላይ ሆኜ ሳስበው፣ ተመርቶ ከመነሳት (Comeback) አኳያ የዩናይትድ ሙከራ ከአርሰናል የተሻለ ነበር እንዴ? እያልኩ ራሴን እየጠየቅኩ ነው።

" አርሰናል ግን ምንም ዓይነት ሰበብ ማቅረብ አይችልም። ሳካ ሜዳ ላይ አለ፣ ሀቨርትዝ አለ፣ ብሩኖ ጊማሬስ አለ... ምንም ሰበብ የላቸውም! ነገር ግን ልክ እንደ ዩናይትድ ሁሉ፣ አርቴታም ከዚህ አስደንጋጭ ጨዋታ በኋላ ቀበቶውን ጠበቅ እንደሚያደርግ እና ስህተቱን እንደሚያርም አስባለሁ።"

- ሪዮ ፈርዲናንድ ስለ ብራይተን አስፈሪ አቋም የሰጠው አስተያየት

አርሰናል ወደ ካራባዎ ካፕ 4ኛ ዙር ተሸጋገረ

የ16 ዓመቱ ማክስ ዳውማን አንፀባራቂ ብቃት — ድንቅ ምሽት!

ከአለባቸው ደሳለኝ አበሻ — ኢትዮጵያ
#ethiopia | በፖርትማን ሮድ ስታዲየም በተደረገው የካራባዎ ካፕ 3ኛ ዙር ጨዋታ አርሰናል ኢፕስዊች ታውንን 4–2 በማሸነፍ ወደ 4ኛው ዙር ተሸጋግሯል። በጨዋታው የተለየ ትኩረት የሳበው ግን 16 ዓመቱ የአርሰናል ወጣት ኮከብ ማክስ ዳውማን ነበር።

ዳውማን በ7ኛው ደቂቃ ከግማሽ ሜዳ አካባቢ ኳሱን ይዞ በፍጥነት ወደ ኢፕስዊች የግብ ክልል በመግባት ተከላካዮችን አልፎ በማስደነቅ የአርሰናልን የመጀመሪያ ግብ አስቆጠረ። ከዚያም በ47ኛው ደቂቃ ሁለተኛ ግቡን በማስቆጠር የራሱን የመጀመሪያ የሁለት ግብ ጨዋታ አሳክቷል።

ይህም ዳውማንን በእንግሊዝ ፕሪሚየር ሊግ ታሪክ በአንድ ጨዋታ ሁለት ግቦችን ያስቆጠረ ሁለተኛው 16 ዓመት ተጫዋች እንዲሆን አድርጎታል፤ ከእርሱ በፊት ይህን ያደረገው ዌይን ሩኒ እ.ኤ.አ. በ2002 ነበር።

አርሰናል ከዳውማን ሁለት ግቦች በተጨማሪ በኖኒ ማዱዌኬ እና ሚኬል ሜሪኖ ግቦች የ4–0 መሪነት አግኝቶ ነበር። ማዱዌኬ በ16ኛው ደቂቃ ሁለተኛውን ግብ ሲያስቆጥር፣ ሜሪኖ ደግሞ በ58ኛው ደቂቃ አራተኛውን ግብ አስቆጥሯል።

ኢፕስዊች ታውን ግን በቀላሉ እጅ አልሰጠም። አኒስ መህሜቲ በ62ኛው ደቂቃ አንድ ግብ ሲያስቆጥር፣ የቀድሞ የአርሰናል የአካዳሚ ተጫዋች ቹባ አክፖም በተጨማሪ ጊዜ ሁለተኛውን ግብ አስቆጥሮ የውጤቱን ልዩነት ወደ 2–4 አጥብቧል።

የአርቴታ የወጣቶች ዕድል

ሚካኤል አርቴታ ከሳምንቱ መጨረሻ የሱንደርላንድ 2–0 ድል ጋር ሲነፃፀር 9 ለውጦችን በማድረግ በኢፕስዊች ላይ የተለየ ስብስብ አሰልፏል። በዚህም በርካታ ወጣት ተጫዋቾች የመድረኩን ዕድል አግኝተዋል።

በተለይ 17 ዓመቱ ማርሊ ሳልሞን በመከላከያ ክፍል ጎልቶ የታየ ሲሆን፣ የወጣቱ ተጫዋች የመድረክ መዳመጥ እና የኳስ ቁጥጥር ትኩረት ስቧል።

አርቴታም ስለ ዳውማን ብቃት ሲናገር የወጣቱ ተጫዋች በሜዳ ላይ የሚያሳየውን ችሎታ እንደሚያስደስተው ገልጾ፣ እድገቱ በጥንቃቄ መመራት እንዳለበት አመልክቷል።

በመጨረሻም የፖርትማን ሮድ ምሽት ለአርሰናል ከውድድሩ ቀጣዩን ዙር ከማለፍ በላይ የቡድኑን የስብስብ ጥልቀት እና የአካዳሚውን የወጣት ተጫዋቾች አቅም ያሳየ ሆኗል።

በተለይ የ16 ዓመቱ ማክስ ዳውማን ሁለት ግቦችን በማስቆጠር ያሳየው አንፀባራቂ ብቃት የምሽቱ ዋና ትዝታ ሆኖ ቀርቷል።

አበቃሁ!

አርሰናል ጥያቄ አለው
#ethiopia | የእንግሊዝ ፕሪሚየር ሊግ መሪው አርሰናል በሰንደርላንዱ ጨዋታ የተሰጠበትን አወዛጋቢ ፍፁም ቅጣት ምት ተከትሎ ከሊጉ የዳኞች ማህበር ጋር ወደ ውዝግብ ገብቷል።

የክሉቡ ዋና አሰልጣኝ ሚኬል አርቴታ ከጨዋታው በኋላ በሰጡት አስተያየት የዳኛውን ውሳኔ “ተቀባይነት የለውም” ሲሉ በፅኑ የኮነኑ ሲሆን አሁን ላይ መድፈኞቹ የዳኞች ማህበር ሃላፊውን ሀዋርድ ዌብ አግኝተው ስለ ውሳኔው ማብራሪያ እንዲሰጧቸው ጠይቀዋል።

​በጨዋታው ላይ የተሰጠውን ያንን ፍፁም ቅጣት ምት ግብ ጠባቂው ዴቪድ ራያ በጥሩ ብቃት ያከሸፈው ቢሆንም የውሳኔው ትክክለኛነት ግን ክለቡን እስከ ከፍተኛ አመራሮችን ጭምር አሳስቧል።

አርሰናል የሊጉን መሪነት አጠናክሮ ለመቀጠል በሚያደርገው ጉዞ ላይ መሰል የዳኝነት ውሳኔዎች ተፅዕኖ እንዳያሳድሩበት ያለው ስጋት አሁንም በስፖርቱ ዓለም ትልቅ የመነጋገሪያ ርዕስ ሆኖ ቀጥሏል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu #ts

(ዘ-ሐበሻ ስፖርት) የአርሰናል የውድድር ዘመን ፍጹም እና እንከን የለሽ ጉዞ አሁንም ቀጥሏል። በስታዲየም ኦፍ ላይት በነበረው እጅግ ፈታኝ ምሽት፣ መድፈኞቹ በዴቪድ ራያ እና ብሩኖ ጊማሬሽ ሁለት አስማታዊ ቅጽበቶች ታግዘው ሰንደርላንድን በሜዳው ማንበርከክ ችለዋል።

ጨዋታው 55ኛው ደቂቃ ላይ ሲደርስ የመድፈኞቹ ተከላካይ ኤዝሪ ኮንሳ ዳን ባላርድን በሳጥን ውስጥ በመጥለፉ ለሰንደርላንድ የፍጹም ቅጣት ምት ተሰጠ። የሰንደርላንዱ ኤንዞ ሉ ፊ ኳሷን ወደ መረብ ለማሳረፍ ቢሞክርም፣ ግብ ጠባቂው ዴቪድ ራያ ኳሷን በሚገርም ብቃት ወደ ግራ ተወርውሮ አዳናት።

ይህ የራያ ድንቅ ማዳን የፈጠረው ትልቅ ትርጉም በስታዲየሙ የታየው ልክ ከ121 ሰከንዶች በኋላ ነበር። ከእረፍት መልስ ተቀይሮ የገባው ብሩኖ ጊማሬሽ ከ20 ያርድ ርቀት ላይ አስቆጥሮ ያሳረፋት ማራኪ ኳስ፣ የግብ አግዳሚውን ለቃ መረብ ላይ ስታርፍ የአርሰናል ደጋፊዎችን በደስታ አጥለቀለቀች። ይህች ግብ የክረምቱ ፈራሚ በአርሰናል ማልያ ያስቆጠራት የመጀመሪያ ግቡ ስትሆን፣ የቀድሞ ክለቡ ኒውካስል ዩናይትድ የዘላለም ጠላት በሆነው በሰንደርላንድ ላይ መቆጠሯ ደግሞ ለጊማሬሽ ድርብ ደስታ ሆናለች።

በጨዋታው ማጠናቀቂያ ሰከንዶች ላይም፣ ሬይኒልዶ ማንዳቫ በቡካዮ ሳካ ላይ በሰራው ጥፋት (እና በሁለተኛ ቢጫ ካርድ ከሜዳ በተሰናበተበት ቅጽበት) የተሰጠውን የፍጹም ቅጣት ምት ሳካ ወደ ግብነት ቀይሮ የአርሰናልን 2-0 አሸናፊነት አረጋግጧል።

በሚኬል አርቴታ የሚመሩት መድፈኞቹ ይህንን ድል ያገኙት በቀላሉ አልነበረም። በመጀመሪያው አጋማሽ 66% የኳስ ቁጥጥር ቢኖራቸውም፣ በሬጂስ ሉ ብሪስ ስልታዊ የሰንደርላንድ ተጫዋቾች ጥብቅ መከላከያ ተተብትበው ነበር። የአርሰናል የጥቃት ሞተር የሆነው ማርቲን ኦዴጋርድ፣ በቀድሞው መድፈኛ ግራኒት ዣካ ተጠፍሮ ከመዋሉም በላይ፤ ካይ ሃቨርትዝ ያገኛቸውን አጋጣሚዎች ሳይጠቀምበት ቀርቷል። ከዚሁ ጭንቀት የተነሳም አሰልጣኝ ሚኬል አርቴታ የቴክኒካል ክልላቸውን ጥሰው በመውጣታቸው የቢጫ ካርድ ሰለባ ሆነዋል። ከዚህም በተጨማሪ ቤን ዋይት በእረፍት ሰዓት በጉዳት መውጣቱ ለአርሰናል ተጨማሪ ሥጋት ፈጥሮ ነበር።

የአርሰናል የፊት መስመር ተጫዋቾች በተቸገሩበት በዚህ ምሽት፣ የዴቪድ ራያ የግብ ዘብነት ቡድኑን ታድጓል። ስፔናዊው ግብ ጠባቂ በስድስት ጨዋታዎች ውስጥ ለአምስተኛ ጊዜ መረቡን ደፍሮ አስጠብቋል። አርሰናልም በሊጉ እስካሁን ያስተናገደው 9 ዒላማውን የጠበቀ ሙከራ ብቻ ሲሆን፣ ይህም በሊጉ አነስተኛው ሆኖ ተመዝግቧል። በዚህም አርሰናል በሁሉም ውድድሮች ስድስት ለዜሮ በማሸነፍ በሊጉ የደረጃ ሰንጠረዥ አናት ላይ ተቀምጧል።

በአንጻሩ፣ ሰንደርላንድ ምንም እንኳን ለሊጉ ሻምፒዮን ጠንካራ ፉክክር ቢሰጥም እና ግራኒት ዣካ በሜዳ ላይ ድንቅ እንቅስቃሴ ቢያሳይም፣ በአርሰናል ላይ ያላቸው አስከፊ ታሪክ ግን ሊቀየር አልቻለም። ጥቋቁሮቹ ድመቶች ከአርሰናል ጋር ካደረጓቸው 30 የፕሪሚየር ሊግ ግንኙነቶች ማሸነፍ የቻሉት በአንዱ ብቻ ሲሆን፣ በ18ቱ ደግሞ ድል ርቋቸዋል።
አሁን ላይ በ4 ነጥብ 14ኛ ደረጃ ላይ የሚገኘው ሰንደርላንድ፣ ይህንን ሽንፈት አራግፎ ከ53 ዓመታት በኋላ ለመጀመሪያ ጊዜ በሚያደርገው የአውሮፓ ሊግ መድረክ የፊታችን ረቡዕ AZ አልክማርን ለማስተናገድ ዝግጅቱን ይጀምራል።

⚽ አንድ ግብ፣ አንድ ድል፣ ሦስት ነጥብ!

ናፖሊ 0–1 አርሰናል

✍️ በአለባቸው ደሳለኝ አበሻ — ኢትዮጵያ

ግን ከ1–0 ውጤት በስተጀርባ ያለው ታሪክ ምንድነው?
#ethiopia | በውጤት ሰሌዳው ላይ የተቀመጠው አንድ ግብ፣ አንድ ድልና ሦስት ነጥብ ብቻ ነው። ነገር ግን በናፖሊ ሜዳ የተከናወነውን 90 ደቂቃ ሙሉ በሙሉ ለመግለጽ 1–0 በቂ ነው?

መልሱ አይደለም።

ከመጀመሪያው ፊሽካ ጀምሮ አርሰናል ኳሱን በመቆጣጠር ጨዋታውን ለመምራት ተነሳ። ናፖሊ ግን በጥብቅ መከላከያ ወደኋላ ተሰብስቦ ክፍተት ላለመስጠት መረጠ።

የጨዋታው ዋና ስዕልም እዚህ ላይ ተገነባ፦
አርሰናል ይገነባል፣ ናፖሊ ይጠብቃል።
አርሰናል ይጫናል፣ ናፖሊ ክፍተት ሲያገኝ መልሶ ለማጥቃት ይሞክራል።

የሚኬል አርቴታ 4-2-3-1 አሰላለፍም በዚህ የጨዋታ ስዕል ውስጥ ትልቅ ሚና ተጫውቷል። የመሀል አማካዮቹ ሚዛኑን ሲጠብቁ፣ ከፊታቸው የነበሩት ሦስት አማካዮች የናፖሊን የመከላከያ መዋቅር ከተለያዩ አቅጣጫዎች ለመክፈት ሞክረዋል።

⏱️ 75ኛው ደቂቃ…

ኳሱ ወደ ማርቲን ኦዴጋርድ ደረሰች። ኖርዌያዊው አማካይ ለማሰብ ብዙ ጊዜ አልፈጀበትም። ኃይለኛ ምት፣ ኳሷ ከምሰሶው ጋር ተገናኘች፣ ከዚያም መረቡን አንቀጠቀጠች!

ናፖሊ 0–1 አርሰናል! 🔴⚪

የግቡ ውበት ግን በኦዴጋርድ ምት ብቻ አልነበረም።

🔥 29 ተከታታይ ፓሶች!

አርሰናል በትዕግስት ኳሷን አንሸራሸረ፣ ተጫዋቾቹ ቦታ ቀያየሩ፣ ናፖሊም ኳሷን ለመከተል ሲሞክር የመከላከያ መዋቅሩ መፈረካከስ ጀመረ። ከዚያ የመጨረሻው ንክኪ መጣ።

ኦዴጋርድ — አንድ ምት።
አንድ ግብ።
አንድ ድል።
ሦስት ነጥብ።

📊 ከ26 የጎል ሙከራዎች 1 ግብ

አርሰናል 26 የጎል ሙከራዎችን አድርጓል፤ የተጠበቀው የጎል መጠንም 4.05 xG ደርሷል።

ይህም አርሰናል ጨዋታውን በቁጥጥሩ ስር ከማድረጉ በተጨማሪ በተደጋጋሚ የጎል ዕድሎችን መፍጠሩን ያሳያል።

ስለዚህ 1–0 የሚለው ውጤት የጨዋታውን ሙሉ ታሪክ አይናገርም።

⭐ የምሽቱ ሰው — ማርቲን ኦዴጋርድ

የድሉ ፊርማ የሆነውን ግብ ብቻ አላስቆጠረም። 6 የጎል ዕድሎችን ፈጥሯል፤ የናፖሊን የመከላከያ መስመር ለመስበር በሚያግዙ ፓሶችም ቀዳሚ ነበር።

ይህም ኦዴጋርድ የቀድሞ ቅርጹን በማስታወስ ወደ መድረኩ እየተመለሰ መሆኑን ያሳየ ነበር።

የTNT Sports ተንታኝ ጆ ኮል ውጤቱን ብቻ እንዳንመለከት በማሳሰብ ይህን አስደናቂ የአውሮፓ የሜዳ ውጭ አፈጻጸም አድንቆታል። የቀድሞው የአርሰናል ተከላካይ ማርቲን ኪዎንም የመድፈኞቹን ጽናት አድንቆ ቡድኑ ያለመታከት እንደተጫወተ ገልጿል።

🏆 የዚህ ድል እውነተኛ ትርጉም

አርሰናል በናፖሊ ሜዳ ያሳየው ነገር የአንድ ተጫዋች ብቃት ብቻ አልነበረም።

የቡድን ሥራ፣ የተረጋጋ አሰራር፣ የተደራጀ ጨዋታ፣ የኳስ ቁጥጥር፣ የዕድል ፈጠራ እና በጥቂት የጎል ልዩነት እንኳን ውጤትን የማስጠበቅ ብቃት።

እነዚህ ሁሉ በአንድ ላይ ሲጣመሩ፣ አርሰናል በቻምፒዮንስ ሊጉ የጀመረው ጉዞ ጥሩ መልዕክት ይዞ መሆኑን ያሳያል።

ናፖሊ 0–1 አርሰናል።

አንድ ግብ ተቆጠረ።
ሦስት ነጥብ ወደ ኪስ ገባ።
ግን ከውጤቱ በላይ የሚናገር አፈጻጸም ቀረ።

የድሉ ግብ የኦዴጋርድ ነበር።
የድሉ ታሪክ ግን የአርሰናል ነው። 🔴⚪

ከተስፋ ወደ ክብር፤ አርቴታ ያልጨረሰው ጉዞ

✍️ በጋዜጠኛ ብሩክ ተስፋዬ
#ethiopia | የሰሜን ለንደን ቀይ ለባሾቹ አርሰናል በእንግሊዝ እግር ኳስ ታሪክ ከታላላቅና ስኬታማ ክለቦች ተርታ ቢመደቡም፣ በአውሮፓ ትልቁ መድረክ ያላቸው ሕልም እስካሁን እውን አልሆነም።

“ባለትልቅ ጆሮው” በሚል ቅጽል የሚጠራውን የUEFA ቻምፒየንስ ሊግ ዋንጫ የማንሳት ሕልማቸው በ2006 በፍራንክ ራይካርድ ባርሴሎና ፊት ተገትቶ ቀርቷል። በቅርቡም በፓሪስ ሴን-ዠርመን ፊት የደረሰባቸው ሽንፈት ያንን የቆየ ቁጭት ዳግም ቀስቅሶታል።

ከክለቡ ታሪካዊ አሰልጣኝ አርሰን ቬንገር ስንብት በኋላ የውጤት መንገዱን ያጣውን አርሰናል የተረከበው የፔፕ ጋርዲዮላ ደቀ መዝሙር ሚኬል አርቴታ፣ መድፈኞቹን በትዕግሥት እና በተከታታይ ሥራ ወደ ከፍታቸው መልሷል።

አርቴታ የረጅም ዓመታትን የዋንጫ ጥማት በማስታገስ ክለቡን እንደገና ከእንግሊዝ ታላላቅ ክለቦች ጋር በአንድ ደረጃ አስቀምጧል። አሁን ግን የቀረው አንድ ትልቅ ፈተና ብቻ ነው—የቻምፒየንስ ሊግ ዋንጫን ወደ ኢሚሬትስ ማምጣት።

በአለት የጠነከረ የተከላካይ ክፍል፣ በአውሮፓ ምርጥ ከሚባሉ የአማካይ ስብስቦች አንዱ እና በዝውውር መስኮቱ የተጨመሩ አዳዲስ ኃይሎችን ይዘው፣ መድፈኞቹ ለታላቅ የአውሮፓ ዘመቻ ዝግጁ ናቸው።

ያለፈው የቁጭት ስሜት ገና አልበረደም፤ የዘንድሮው ጉዞ ግን የታሪክ ጉዞ ሊሆን ይችላል?

ከቻምፒየንስ ሊግ ዋንጫ አሸናፊነት እጩዎች ቀዳሚዎቹ መካከል የሚጠቀሱት መድፈኞቹ፣ የአውሮፓ ዘመቻቸውን ከኔፕልስ ይጀምራሉ።

ጥያቄው አንድ ነው...

በመጨረሻ ባለትልቅ ጆሮውን ዋንጫ ወደ ኢሚሬትስ ያመጣሉ?

አርሰናል በዛሬው ጨዋታ ለመጀመሪያ ጊዜ መሪነቱን ከተረከበ በኋላ በኤምሬትስ ስታዲየም ያለው የደጋፊው ጩኸት እና የደስታ ድባብ እጅግ አስገራሚ ሆኗል!

በ'Wenger Out" የዘመቻ ቀናት፣ በኡናይ ኤምሬ የቆይታ ጊዜ ወይም በሚኬል አርቴታ የጅማሮ ዓመታት ውስጥ በስታዲየሙ ይስተዋል የነበረው ያ አሰልቺ እና ቀዝቃዛ ድባብ አሁን ላይ ፈጽሞ ተቀይሯል፤ ያ ጭር ያለ ስሜትም የተረሳ የድሮ ታሪክ ሆኖ ቀርቷል።
⚽️ አርሰናል 2 - 1 ቼልሲ | 60ኛ ደቂቃ

216ኛው የለንደን ደርቢ አርሰናል ከ ቼልሲ

ሁለቱ የባስክ ግዛት ተወላጆች እና አብሮ አደጎቹ ሚኬል አርቴታ እና ዣቢ አሎንስ በዓለም ትልቁ ሊግ የእንግሊዝ ፕሪሚየር ሊግ ሁለት ትልልቅ ክለቦችን ይዘው ተፋጠዋል።

እግር ኳስን በተወለዱበት አካባቢ በሚገኝው የአንቲጎኩ አካዳሚ የጀመሩት እና ለ6 ዓመት በዚሁ አካዳሚ አብረው የተጫውቱት አርቴታ እና አሎንሶ ለሪያል ሶሴዳድ ዋናው ቡድንም ተጫውተው አሳልፈዋል።

በባየር ሊቨርኩሰን ድንቅ ጊዜ ካሳለፈ በኋላ በማድሪድ የተወሰን ጊዜ የቆየው ዣቢ አሎንሶ በቼልሲ ራሱን ለትልቁ ፈተና አዘጋጅቷል።

በሊጉ የመጀመሪያ ሁለት ጨዋታዎችን ያሸነፈው አሎንሶ፤ የመጀመሪያ ትልቁን ፈተና ዛሬ ይጋፈጣል። ምሽት 12፡30 በኤምሬትስ ከሊጉ ሻምፒዮን አርሰናል የሚያደርገው ጨዋታ ይጠበቃል።

በተመሳሳይ አርሰናልም የመጀመሪያ ሁለት ጨዋታዎችን ያሸነፈ ሲሆን በአሸናፊነቱ ለመቀጥል በለንደን ደርቢ ጠንካራ የፊት መስመር ካለው ቼልሲ ይገናኛል።

በኤምሬስት የሚደረገው ጨዋታ 7 ግቦችን ያስቆጠረው የቼልሲ የፊት መስመር ምንም ግብ ካልተቆጠረበት የአርሰናል ተከላካይ የሚያደርጉት ትንቅንቅ በመሆኑ ጨዋታውን እንዲጠበቅ የሚያደርግው ሲሆን በሌላ በኩል ሁለቱ ስፔናዊያን ታክቲሺያን ጨዋታውን እንዴትባለ መልኩ ይወጡታል የሚለው የሚጠበቅ ነው።

አርሰናል ከቼልሲ በተገናኝባቸው ያልፉት 9 ጨዋታዎች በአንዱም ያልተሸነፍ ሲሆን 6ቱን አሸንፏል።

በጨዋታው በመድፈኞቹ በኩል ዩሪየን እና ዊሊያም ሳሊባ አሁንም ከጉዳቱ ያልተመለሱ ተጨዋቾች ሲሆኑ፤ ኤዝሪ ኮንሳ በመድፍኞቹ ማልያ ለመጀመሪያ ጊዜ በቋሚነት ሊጀምር ይችላል ተብሏል።

ሞይሰስ ካይሴዶ የመሰለፉ ነገር ያልተረጋገጥ ሲሆን ጆርዳን ሄንደርሰን እና ፓሊስትራ አሁንም በጉዳት ከስብስቡ ውጪ ናቸው።

Seledadotio
Seledadotio

u121au12acu120d u12a0u122du1274u1273 u12ebu1208u134bu1278u12c9 u1348u1270u1293u12ceu127d #michaelarteta #arsenal #englishpremierleague #football ","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"Hashtag","__isEntity":"Hashtag","url":"https://www.facebook.com/h...
ሚኬል አርቴታ ያለፋቸዉ ፈተናዎች #michaelarteta #arsenal #englishpremierleague #football

"አስቶን ቪላ በርካታ ቁልፍ ተጫዋቾቹን በማጣቱ አሁንም እንደ አዲስ ራሱን እየገነባ የሚገኝ ቡድን ነው። ለአርሰናል ግን ይህ የዛሬው ድል ተራ ማሸነፍ አይደለም፤ ተጋጣሚን ወደ ግብ ምንም ዓይነት ሙከራ እንዳያደርግ ሙሉ በሙሉ አፍኖ በማስቀረት ያገኘው ግዙፍ እና 'መልዕክት አዘል' ድል ነው!
"መድፈኞቹ በሚገርም ሁኔታ ትዕግስተኞች፣ ንቁ እና በስልት የበሰሉ ነበሩ። ጨዋታውን ከመጀመሪያ እስከ መጨረሻ በቁጥጥራቸው ስር አድርገውት ነበር። አሰልጣኝ ሚኬል አርቴታም ቡድኑ እያሳየ ባለው ጠንካራ እና የማይዋዥቅ አቋም ልቡ በደስታ እንደሚሞላ አያጠራጥርም።"
- ጋሪ ኔቪል

ለመድፈኞቹ ተስፋን የፈነጠቀው ክሪስቶስ ዞሊስ…

አዲስ አበባ፣ ነሐሴ 20፣ 2018 (ኤፍ ኤም ሲ) ግሪካዊው የ24 ዓመት የመስመር ተጫዋች ክሪስቶስ ዞሊስ በአርሰናል የጀመረው አዲስ የእግር ኳስ ምዕራፍ በጥሩ አጀማመር ተውቧል።

ተጫዋቹ በ2026/27 የፕሪሚየር ሊግ መክፈቻ ጨዋታ አርሰናል ኮቨንትሪ ሲቲን 3 ለ 0 ሲያሸንፍ፤ ለቡካዮ ሳካ የግብ እድል በመፍጠር ትኩረት ስቧል።

ዞሊስ የእግር ኳስ ሕይወቱን በግሪኩ ፓኦክ አካዳሚ አጎልብቶ ወደ ዋናው ቡድን በመድረስ በወጣትነቱ ራሱን ማሳየት ጀመረ። በፓኦክ ቆይታው በሁሉም ውድድሮች በ57 ጨዋታዎች 17 ግቦችን አስቆጥሯል፡፡

የፓኦክ ብቃቱ ድንበር ተሻግሮ በእንግሊዝ ፕሪሚየር ሊግ አቅሙን ለማሳየት መንገድ ከፍቶለታል፡፡

በፈረንጆቹ 2021 ወደ ኖርዊች ሲቲ ተዛወረ። ሆኖም በእንግሊዝ ያሳለፈው የመጀመሪያ ጊዜ ቀላል አልነበረም፤ በቋሚ አሰላለፍ ውስጥ የመሰለፍ በቂ እድል ባለማግኘቱ በውሰት ወደ ኤፍሲ ቴዌንቴ እና ፎርቱና ዱሰልዶርፍ አመራ፡፡

ዞሊስ በፎርቱና ዱሰልዶርፍ ያሳለፈው የ2023/24 የውድድር ዘመን የሕይወቱ አስፈላጊ የለውጥ ወቅት ነበር። ለቡድኑ በ30 ጨዋታዎች የተሰለፈ ሲሆን፤ 22 ግቦች እና 6 ለግብ የሚሆኑ ኳሶችን በማስመዝገብ ግብ አስቆጣሪነቱንና የፈጠራ ችሎታውን አሳየ።

በፈረንጆቹ 2024 ወደ ቤልጂየሙ ክለብ፤ ክለብ ብሩዥ በመዛወር በመጀመሪያው የውድድር ዘመን 16 የሊግ ግቦችን እና 9 የግብ እድሎችን የፈጠረው ዞሊስ በ2025/26 የውድድር ዘመን በቤልጂየም ሊግ 36 ጨዋታዎች ላይ 17 ግቦችን እና 23 የግብ እድሎችን በመፍጠር 40 የግብ አስተዋፅዖዎችን አስመዝግቧል።

አርሰናል ዞሊስን ሲያስፈርም በግራ መስመር በኩል የነበረበትን ክፍተት በተለይም ፍጥነት፣ የግብ አስተዋጽኦ እና የፈጠራ ችሎታው የላቀ ተጫዋቸን በማምጣት ቦታውን ለማጠናከር በማሰብ ነው፡፡

ተጫዋቹ በብሩዥ ያሳየው የግብና የግብ እድሎችን የመፍጠር ቁጥር እንዲሁም በአውሮፓ ውድድሮች ያገኘው ልምድ ለአርሰናል ተመራጭ አድርጎታል።

ክሪስቶስ ዞሊስ በቅድመ ውድድር ዝግጅት ጨዋታዎች፣ በኮሚኒቲ ሺልድ ጨዋታ እንዲሁም በሊጉ በኮቨንትሪ ላይ ያሳየው ብቃት ተጫዋቹ በመድፈኖቹ ቤት አጀማማሩን አሳምሮለታል፡፡

በጨዋታው ከሳካ ጋር የፈጠረው ግንኙነት እና በግራ መስመር ያሳየው እንቅስቃሴ የአርሰናል የማጥቃት መስመር ተጨማሪ ኃይል እንዳገኘ ያመላክታል።

ፍጥነት፣ አካላዊ ብቃት፣ ብሃት እዲሁም የላቀ ውሳኔ አሰጣጡ ከቡድኑ አሰልጣኝ ሚኬል አርቴታ አድናቆትን አስገኝቶለታል፡፡

ነገር ግን የዞሊስን በአርሰናል የሚኖረውን ስኬት በአንድ ጨዋታ ብቻ መመዘን አይቻልም። ፕሪሚየር ሊግ ከቤልጂየም ሊግ በተለየ መልኩ ፈጣን፣ አካላዊ እና በትንሽ ስህተት የሚቀጣ ውድድር ነው። ስለዚህ ዞሊስ በብሩዥ ያሳየውን የግብ አምራችነት ብቃት በእንግሊዝ ማስቀጠል ዋናው ፈተና ይሆናል።

የክሪስቶስ ዞሊስ የእግር ኳስ ጉዞ በአንድ ሌሊት የተፈጠረ ስኬት አይደለም። ከግሪክ ወጣት አካዳሚ ተጫዋችነት ተነስቶ በፓኦክ፣ ኖርዊች፣ ቴዌንቴ፣ ዱሰልዶርፍ እና ክለብ ብሩዥ በኩል አልፎ ዛሬ አርሰናል ደርሷል።

የእርሱ ታሪክ ችሎታ ብቻ ሳይሆን ከአስቸጋሪ ወቅቶች በኋላ መመለስና ራስን እንደገና ማረጋገጥ የሚቻል መሆኑንም የሚያሳይ ነው።

ዞሊስ ለግሪክ ብሔራዊ ቡድን እስካሁን ድረስ 32 ጨዋታዎችን አድርጎ 9 ግቦችን አስቆጥሯል።

ከፓኦክ የተነሳው እና በብሩዥ የፈነጠቀው የግሪክ ተስፈኛ አሁን በአርሰናል ታሪክ ውስጥ የራሱን ስም ለመጻፍ በር ተከፍቶለታል።

የመጀመሪያው ጨዋታ ጥሩ ምልክት ሰጥቷል፤ ቀጣዩ ፈተና ግን ይህንን ብቃት በተከታታይ ጨዋታዎች ማረጋገጥ ነው።

በአቤል ነዋይ

(ዘ-ሐበሻ ስፖርት) ባለፈው የውድድር ዘመን የ22 ዓመታቱን የዋንጫ ጥማት ያረካው የሚኬል አርቴታው ስብስብ፣ ዘንድሮም ክብሩን ለማስጠበቅ ቀዳሚ ግምቱ እንደሚሰጠው በሜዳ ላይ በተግባር አሳይቷል። በኤምሬትስ ስታዲየም አዲስ አዳጊውን እና ፍራንክ ላምፓርድ የሚያሰለጥነውን ኮቨንትሪ ሲቲን ያስተናገደው አርሰናል፣ 3 ለ 0 በሆነ አሳማኝ ውጤት አሸንፏል።

ገና ከጅምሩ ፍጹም ብልጫ የወሰዱት መድፈኞቹ፣ በ15ኛው ደቂቃ ላይ አዲሱ ፈራሚ ሪካርዶ ካላፊዮሪ ያሻገረለትን ኳስ ካይ ሃቨርትዝ መረብ ላይ በማሳረፍ ቀዳሚ አድርጓቸዋል። (ሃቨርትዝ በተከታታይ ጨዋታዎች ላይ ግብ ማስቆጠር ችሏል!)። ከስምንት ደቂቃዎች በኋላም የኮቨንትሪው ግብ ጠባቂ ካርል ረሽዎርዝ የግሪካዊውን ክሪስቶስ ዞሊስን ሙከራ ሲመልስበት፣ ኳሷን ያገኘው ቡካዮ ሳካ በቀላሉ ወደ ግብነት ቀይሮታል። በሁለተኛው አጋማሽ 4ኛው ደቂቃ ላይ ደግሞ አምበሉ ማርቲን ኦዴጋርድ ከቤን ኋይት የተቀበለውን ኳስ አስቆጥሮ የአርሰናልን ፍጹም የበላይነት እና የጨዋታውን ውጤት አረጋግጧል።

አርሰናል በጉዳት ምክንያት አዲሱን ፈራሚ ብሩኖ ጊማሬስን ባያሰልፍም (እንዲሁም ቪክቶር ጂዮከሬስ በተቀያሪ ወንበር ላይ ቢቀመጥም)፣ ሌላኛው አዲስ ፈራሚ ክሪስቶስ ዞሊስ ግን በፕሪሚየር ሊግ የመክፈቻ ጨዋታው ላይ ልዩነት ፈጣሪ ሆኖ አምሽቷል። በግራ መስመር ተሰልፎ እረፍት የነሳው ዞሊስ፣ ኳሶችን በመቀማትና ዕድሎችን በመፍጠር ለመጀመሪያዎቹ ሁለት ግቦች መቆጠር ከፍተኛ አስተዋጽኦ አድርጓል።

በሌላ በኩል ሪካርዶ ካላፊዮሪ በግራ መስመር የማያቋርጥ የኃይል ምንጭ ሆኖ ያመሸ ሲሆን፤ ጋብሬል ማጋልሄስም የዊሊያም ሳሊባን አለመኖር ሳያሳብቅ የኋላ ክፍሉን በጽናት መርቷል። ጨዋታው ከመጀመሩ በፊት ለደጋፊዎች የተዋወቀው አዲሱ ፈራሚ ኤዝሪ ኮንሳም በቀጣይ ከጋብሬል ጋር የሚኖረው ጥምረት በጉጉት ይጠበቃል።

ከ25 ዓመታት በኋላ ወደ ፕሪሚየር ሊጉ የተመለሰው ኮቨንትሪ ሲቲ፣ የሊጉ ፉክክር ምን ያህል ከባድ እንደሆነ በገሃድ አይቷል። በክረምቱ የዝውውር መስኮት 130 ሚሊዮን ፓውንድ ያወጡት እና በክለቡ የሪከርድ ዋጋ (£23m) የተገዛውን ካሌብ ይሬንኪን ጨምሮ አምስት አዳዲስ ፈራሚዎችን ያሰለፉት የፍራንክ ላምፓርድ ልጆች፣ በጨዋታው ላይ ኢላማውን የጠበቀ አንድ ኳስ ብቻ ነው መሞከር የቻሉት። ላምፓርድ እንደ ተጫዋች 3 የፕሪሚየር ሊግ ዋንጫዎችን ቢያነሳም፣ ለተጫዋቾቹ ግን ሊጉ ፈጽሞ አዲስ እና ፈታኝ ሆኖባቸዋል።

በቀጣይ መድፈኛው ሰኞ፣ ኦገስት 31 (20:00 BST) ከ አስቶን ቪላ ጋር ከሜዳው ውጪ ይጫወታል። ኮቨንትሪ ሲቲ በበኩሉ ማክሰኞ፣ ኦገስት 25 በካራባዎ ካፕ ሁለተኛ ዙር ከ ፕሊማውዝ አርጋይል ጋር ከተጫወተ በኋላ፤ ቀጣዩን የሊግ ጨዋታውን ከሌላኛው አዲስ አዳጊ ሀል ሲቲ ጋር በሜዳው (ቅዳሜ፣ ኦገስት 29) ያደርጋል። ኮቨንትሪ በቀጣዩ ወር ከማንቸስተር ሲቲ እና ኖቲንግሃም ፎረስት ጋር ከባድ ጨዋታዎች ስለሚጠብቁት የሀል ሲቲው ጨዋታ እጅግ ወሳኝ ይሆንበታል።

ከፍተኛ ግምት የተሰጠው የእንግሊዝ ፕሪሚየር ሊግ አዲስ የውድድር ዘመን ዛሬ ምሽት ይጀመራል
#ethiopia | የዓለም ዋንጫ ፍጻሜ በኒው ጀርሲ ከተጠናቀቀ ከአምስት ሳምንታት በኋላ፣ በዓለም ዙሪያ ከፍተኛ ተወዳጅነት ያለው የእንግሊዝ ፕሪሚየር ሊግ ዛሬ ምሽት በታላቅ ድምቀት ይጀምራል።

የዘንድሮው የውድድር ዘመን በርካታ ታዋቂ ተጫዋቾችና አሰልጣኞች ክለቦቻቸውን የለቀቁበት፣ በሌላ በኩል ደግሞ አዳዲስ ኮከቦችና ታዳጊዎች ብቅ የሚሉበት እጅግ አፎካካሪና ግምቶችን የሚፈታተን እንደሚሆን ይጠበቃል።

በክለቦች በኩል የተደረጉ ዋና ዋና እንቅስቃሴዎች፡

ማንቸስተር ሲቲ፡ አሰልጣኝ ፔፕ ጓርዲዮላን ጨምሮ እንደ ሮድሪ፣ በርናርዶ ሲልቫ እና ጆን ስቶንስ ያሉ ቁልፍ ተጫዋቾቹን አጥቷል።

ኒውካስል ዩናይትድ፡ አሰልጣኝ ኤዲ ሃው ክለቡን የለቀቁ ሲሆን በ38 ዓመቱ ማቲያስ ያይስሌ ተተክተዋል። በተጨማሪም ሳንድሮ ቶናሊን ለቶተንሃም፣ ብሩኖ ጊሜሬሽን ለአርሰናል እንዲሁም አንቶኒ ጎርዶንን ለባርሴሎና ሽጠዋል።

ቶተንሃም እና ቼልሲ፡ ቶተንሃሞች በ237 ሚሊዮን ፓውንድ አዳዲስ ተጫዋቾችን ያስፈረሙ ሲሆን፣ ቼልሲዎች ደግሞ የቀድሞውን የባየር ሌቨርኩሰን አሰልጣኝ ዣቢ አሎንሶን በዋና አሰልጣኝነት ሰይመዋል።

አርሰናል፡ የዋንጫ አሸናፊ ስብስቡን እንደያዘ ከ120 ሚሊዮን ፓውንድ በላይ ወጪ በማድረግ የሀገር ውስጥ ኮከቦችን በመቀላቀል የበላይነቱን ለማስቀጠል ተዘጋጅቷል።

በዚህ የውድድር ዘመን አብዛኞቹ የፕሪሚየር ሊግ ክለቦች ከአውሮፓ ውጪ ካሉ ሊጎች ይልቅ በፕሪሚየር ሊጉ ልምድ ያላቸውን ተጫዋቾች በከፍተኛ ገንዘብ ለመግዛት መርጠዋል። የዝውውር መስኮቱ ከመዘጋቱ በፊት የሀገር ውስጥ ዝውውር ወጪ 1 ቢሊዮን ፓውንድ ይደርሳል ተብሎ ይገመታል።

እንደ ሞሃመድ ሳላህ እና ሮድሪ ያሉ ታላላቅ ኮከቦች ሊጉን ለቀው መውጣታቸው የታዋቂ ተጫዋቾችን ቁጥር ቢቀንሰውም፣ እንደ ኤርሊንግ ሃላንድ፣ ብሩኖ ፈርናንዴዝ፣ ቡካዮ ሳካ እና ኮል ፓልመር ያሉ ኮከቦች የሊጉ ዋነኛ ተስፋዎች ሆነው ይቀጥላሉ።

በአሰልጣኞች በኩልም ከአስር ዓመታት በፊት ከነበሩት አንጋፋ አሰልጣኞች ይልቅ አሁን በታላላቁ ስድስት ክለቦች ዕድሜያቸው ከ44 እስከ 47 የሆኑ ወጣት አሰልጣኞች ሊጉን ተቆጣጥረውታል።

የ2026/27 ፕሪሚየር ሊግ ዛሬ ምሽት ሲጀመር ሚኬል አርቴታ የበላይነቱን ለማስቀጠል፣ አዳዲሶቹ አሰልጣኞች ደግሞ ስማቸውን በታሪክ ለማስፈር ጠንካራ ፉክክር ያደርጋሉ።

Getu Temesgen
#premierleague #football #sports #england #arsenal #mancity #chelsea #tottenham #ethiopia #getutemesgen #getu #ጌጡ #ጌጡተመስገን #addisababa

አርሰናል ኤዝሪ ኮንሳን ማስፈረሙን ይፋ አደረገ
*****************

የሰሜን ለንደኑ ክለብ አርሰናል የመከላከል መስመሩን የበለጠ ለማጠናከር አልሞ ሲያደርግ የቆየውን ጥረት በማጠናቀቅ፣ የእንግሊዝ ብሔራዊ ቡድን እና የቀድሞ አስቶንቪላ ተከላካይ የነበረውን ኤዝሪ ኮንሳን ማስፈረሙን ይፋ አድርጓል።

የ28 ዓመቱ ኤዝሪ ኮንሳ በቪላ ፓርክ በነበረው የበርካታ ዓመታት ቆይታው ድንቅ ብቃቱን ያሳየ ሲሆን፣ በፕሪምየር ሊጉ የዳበረ ልምድ ያለው በመሆኑ ለሚኬል አርቴታ ቡድን ትልቅ ተጨማሪ አቅም እንደሚሆን ተገልጿል።

ተጫዋቹ በአርሰናል ቤት የ15 ቁጥር መለያን ለብሶ እንደሚጫወትም ታውቋል፡፡

ከዝውውሩ መጠናቀቅ በኋላ የአርሰናሉ አሰልጣኝ ሚኬል አርቴታ፤ ኮንሳ የቡድኑን የመከላከል ጥንካሬ ወደ ላቀ ደረጃ የሚያሸጋግር፣ በስብስብ ውስጥ ጤናማ ውድድርን የሚፈጥር እና በበርካታ የመከላከል ቦታዎች ላይ ተጣጥሞ መጫወት የሚችል ድንቅ ተጫዋች ነው ብሏል።

በአርሰናል ቤት በይፋ ዝውውሩን ያጠናቀቀው ኤዝሪ ኮንሳ በበኩሉ፣ አርሰናልን በመቀላቀሉ ትልቅ ኩራት እንደተሰማውና ከቡድኑ ጋር በመሆን ዋንጫዎችን ለማንሳት ዝግጁ መሆኑን ተናግሯል።

አርሰናል ከ ኮቨንትሪ ሲቲ - የእንግሊዝ ፕሪሚየር ሊግ የ2026/27 የውድድር ዘመን የመክፈቻ ጨዋታ
***********************

በመጀመሪያው ሳምንት የእንግሊዝ ፕሪሚየር ሊግ የመክፈቻ ጨዋታ ዛሬ ምሽት 4:00 ሰዓት ሻምፒዮኑ አርሰናል አዲስ አዳጊውን ኮቨንትሪ ሲቲን በኢሚሬትስ ያስተናግዳል።

በፕሪሚየር ሊጉ ከ22 ዓመታት በኋላ ሻምፒዮን የሆነው አርሰናል ባለፉት አራት የውድድር ዘመናት ሁሉንም የመክፈቻ ጨዋታዎቹን በድል ጀምሯል። በተለይም መድፈኞቹ ወደ ሊጉ አዲስ ከሚመጡ ቡድኖች ጋር በሜዳቸው ባደረጓቸው ያለፉት 45 ጨዋታዎች ሽንፈት አለማስተናገዳቸው ለዛሬው ጨዋታ ትልቅ የሞራል የበላይነት ይሰጣቸዋል።

አሰልጣኝ ሚኬል አርቴታ ዛሬ ምሽት በጨዋታው ቡድናቸውን ለድል ካበቁ ከፔፕ ጋርዲዮላ፣ ከጆዜ ሞሪንሆ፣ከየርገን ክሎፕ እና ከሰር አሌክስ ፈርጉሰን በመቀጠል በታሪክ በ249 ጨዋታዎች 150 የፕሪሚየር ሊግ ድሎችን ያስመዘገቡ አምስተኛው አሰልጣኝ በመሆን ስማቸውን በታሪክ መዝገብ ላይ ያሰፍራሉ።

በተቃራኒው እንግዶቹ ኮቨንትሪ ሲቲዎች ከ25 ዓመታት ረጅም የሊጉ ቆይታ በኋላ ወደ ታላቁ መድረክ ተመልሰዋል። ይህ ረጅም ቆይታ በፕሪሚየር ሊጉ ታሪክ በአንድ ቡድን የተመዘገበ ከፍተኛው ጊዜ ነው።

በቀድሞ የቼልሲ ኮከብ ፍራንክ ላምፓርድ የሚመሩት ኮቨንትሪዎች፣ ምንም እንኳን በ1993 የውድድር ዘመን መክፈቻ አርሰናልን በሜዳው 3 ለ 0 ያሸነፉበት ትዝታ ቢኖራቸውም፣ ከዚያ በኋላ ባደረጓቸው 14 የሊግ ግንኙነቶች ግን ማሸነፍ የቻሉት አንድ ጊዜ ብቻ ነው።

አርሰናል ወሳኞቹን ተከላካዮች ዊሊያም ሳሊባን እና ዩሪየን ቲምበርን በጉዳት ምክንያት በዛሬው ጨዋታ የማያገኝ ሲሆን፣ በኮቬንትሪ በኩል ደግሞ ሀጂ ራይት በተመሳሳይ ምክንያት እንደማይሰለፍ ታውቋል።

ዛሬ በሚደረገው በዚህ የመክፈቻ ጨዋታ፣ አርሰናል አሸንፎ ይወጣ ይሆን? ወይስ ኮቨንትሪ? ግምታችሁን አጋሩን።

በዘረንቶስ ሰለሞን
#arsenal #coventrycity #premierleague #epl #arteta #lampard #football #matchday #ebcdotstream

ጋላታሳራይ ቪክቶር ኦሲሜንን ለአርሰናል አልሸጥም ሲል ማስጠንቀቂያ ሰጠ

የቱርኩ ግዙፍ ክለብ ጋላታሳራይ፣ የፊት መስመር አጥቂ ፍለጋ ላይ ለሚገኘው አርሰናል ቪክቶር ኦሲሜንን በምንም ዓይነት ሁኔታ የመሸጥ ፍላጎት እንደሌለው አስታወቀ።

መድፈኞቹ ባለፈው የውድድር ዘመን በሁሉም ውድድሮች 21 ጎሎችንቢያስቆጥርም ወጥ የሆነ አቋም ለማሳየት የተቸገረውን ቪክቶር ዮከሬስን የሚፎካከር ሌላ አጥቂ ለማስፈረም ይፈልጋሉ። በተጨማሪም ጋብሬል ሱስ ክለቡን ለመልቀቅ በመቃረቡ፣ ክለቡ የፕሪሚየር ሊግ ዋንጫውን ለማስከበርና በቻምፒየንስ ሊግ ስኬታማ ለመሆን የፊት መስመሩን ማጠናከር ግዴታ ሆኖበታል።

አርሰናልቀደም ሲል የዋና ኢላማው ያደረገውን አትሌቲኮ ማድሪድ አልቫሬዝን የማስፈረም እቅዱ መደናቀፉን ተከትሎ (አትሌቲኮ ማድሪድ ከሪያል ማድሪድና ባርሴሎና የቀረቡለትን ጥያቄዎች ውድቅ ማድረጉን ተከትሎ)፣ ፊቱን ወደ ናይጄሪያዊው አጥቂ ኦሲሜን አዙሯል።

ይህ በእንዲህ እንዳለ ጋላታሳራይም በበኩሉ የአርሰናሎቹን ገብርኤል ማርቲኔሊ እና ኢታን ንዋኔሪን ለማስፈረም ጥረት በማድረግ ላይ ይገኛል።

ዕድሜው 27 የደረሰው ኦሲሜን ከናፖሊ ከተዛወረ ወዲህ በቱርክ በነበረው ቆይታ በ74 ጨዋታዎች 59 ጎሎችን ማስቆጠር የቻለ ሲሆን፣ በክለብ እስካሁን 175 ጎሎችን አዝንቧል።

ስለ መጪው እድሉ ተጠይቆም "በዝውውር ወቅት ወሬዎች ሁልጊዜ አሉ፤ ትኩረቴ በስራዬ ላይ ነው፣ ወደፊት የሚሆነውን አብረን እናያለን" ሲል መውጣቱን አልሸሸገም።

ነገር ግን የጋላታሳራዩ ፕሬዚዳንት ዱርሱን ኦዝቤክ ለቅርብሰዎቻቸው እንደተናገሩት "ለጋላታሳራይ ጥቅም የሌለውን ማንኛውንም ዝውውር አልቀበልም። ዋጋው ምንም ያህል ይሁን ምን ኦሲሜንን አልሸጥም" ብለዋል። ክለቡ ቀደም ሲል ከሳውዲው አል ሂላል የቀረበለትን የ130 ሚሊዮን ዩሮ (€130m) ጥያቄ ውድቅ ማድረጉ ይታወቃል።

ሆኖም የጋላታሳራይ አቋም ቢጠነክርም፣ የአርሰናሉ አሰልጣኝ ሚኬል አርቴታ ተጫዋቹን ለማስፈረም ቁርጠኛ እንደሆነና ኦሲሜንን ከጁሊያን አልቫሬዝ ይልቅ በቀላሉ ማግኘት የሚቻል እንደሆነ አድርጎ እንደሚመለከተው ተገልጻል።

አርሰናል ከ ማንቸስተር ሲቲ - የኮሚዩኒቲ ሺልድ አሸናፊን የሚለየው ፍልሚያ
*************************

የ2026 የኢንግሊዝ ኮሚዩኒቲ ሺልድ ዓመታዊ የዋንጫ ጨዋታ ዛሬ ይደረጋል። የኢንግሊዝ እግር ኳስ የውድድር ዘመን መክፈቻ ተደርጎ የሚወሰደው ይህ መርሐ-ግብር፣ የቀደመውን የውድድር ዘመን የፕሪሚየር ሊግ ሻምፒዮን አርሰናልን ከኤፍ ኤ ካፕ አሸናፊው ማንቸስተር ሲቲ አገናኝቷል።

ይህ ታሪካዊ ጨዋታ ከ20 ዓመታት በኋላ ለመጀመሪያ ጊዜ ከለንደን ውጭ በዌልስ ካርዲፍ በሚገኘውና 74,500 ተመልካቾችን በሚይዘው ፕሪንሲፓሊቲ ስታዲየም ይካሄዳል።

የፕሪሚየር ሊጉ ሻምፒዮን የሚኬል አርቴታው አርሰናል፣ በቅድመ ውድድር ዘመን ዝግጅት ወቅት ከጂሮና እና ኤምኬ ዶንስ ጋር ያደረጋቸውን ጨዋታዎች በድል ቢያጠናቅቅም፣ ከሪያል ቤቲስና ቦሩሲያ ዶርትሙንድ ጋር ባደረጋቸው ጨዋታዎች ሽንፈት ገጥሞታል።

ሆኖም ባለፈው ረቡዕ ከጣሊያኑ ክለብ ኮሞ ጋር ባደረገው ጨዋታ በመለያ ምት በማሸነፍ ለዚህ የዋንጫ ፍልሚያ መልካም ስንቅ ሰንቋል።

የአርሰናሉ የተከላካይ ስፍራ ተጫዋች የሆነው ዊሊያም ሳሊባ በጉዳት ምክንያት ከጨዋታው ውጪ መሆኑ ለመድፈኞቹ ስጋት ሆኗል።

ለማንቸስተር ሲቲ ይህ ጨዋታ የፔፕ ጋርዲዮላ ስኬታማ ዘመን አብቅቶ ከአዲሱ አሰልጣኝ ኤንዞ ማሬስካ ጋር የአዲስ ምዕራፍ መጀመሪያ ነው።

ሲቲ በቅድመ ውድድር ዘመን የወዳጅነት ጨዋታዎች ከአትሌቲኮ ማድሪድ እና ከኬ ሊግ ጋር ባደረጋቸው ጨዋታዎች የ3 ለ 1 ተከታታይ ድል አስመዝግቧል።

በሁለቱ ቡድኖች የቅርብ ጊዜ ግንኙነት ማንቸስተር ሲቲ የበላይነት አለው። ካለፉት አምስት ጨዋታዎች ሲቲ ሁለት ጊዜ ሲያሸንፍ፣ አርሰናል አንድ ጊዜ ባለ ድል ሆኗል። በተቀሩት ሁለት ጨዋታዎች አቻ ተለያይተዋል፡፡

የኮሚዩኒቲ ሺልድ ዋንጫን አርሰናል 17 ጊዜ፣ ማንቸስተር ሲቲ ደግሞ 7 ጊዜ አንስተዋል። በ2023 አርሰናል ሲቲን በመለያ ምት አሸንፎ ዋንጫውን ማንሳቱ የቅርብ ጊዜ ትዝታ ነው።

ዛሬ 11:00 ሰዓት በሚጀምረው በዚህ ጨዋታ ማን የዓመቱን የመጀመሪያ ዋንጫ ያነሳ ይሆን? ግምታችሁን አጋሩን።

በዘረንቶስ ሰለሞን
#communityshield #arsenal #mancityfc #premierleague #epl #facup #football #sports #ebcdotstream

(ዘ-ሐበሻ ስፖርት) ማይልስ ሉዊስ-ስኬሊ የ2025-26 የውድድር ዘመንን እጅግ ደማቅ በሆነ ታሪክ ነው ያጠናቀቀው! ገና በ19 ዓመቱ የአርሰናል ቋሚ የመሀል ሜዳ ተጫዋች፣ የፕሪሚየር ሊግ ሻምፒዮን፣ እንዲሁም በቻምፒየንስ ሊጉ የፍጻሜ ጨዋታ ላይ በቋሚነት መሰለፍ የቻለ ድንቅ ኮከብ ሆኗል። ይሁን እንጂ የክረምቱ የዝውውር መስኮት ሊዘጋ ጥቂት ጊዜ ሲቀረው፣ ይህ ወጣት ኮከብ ወደ የሀገር ውስጥ ተቀናቃኞቹ ቼልሲ ወይም ማንችስተር ዩናይትድ ሊሸጥ እንደሚችል የሚጠቁሙ አጓጊ ዘገባዎች እየወጡ ይገኛሉ።

ታዲያ አሁን ላይ ያለው ትክክለኛው ሁኔታ ምንድነው? ሉዊስ-ስኬሊ ስለ ወደፊት የኳስ ህይወቱ ምን ያስባል? ከሌሎች ክለቦች ያለው የፍላጎት መጠንስ ምን ያህል ነው? የዝውውር መስኮቱ በሴፕቴምበር 1 ከመዘጋቱ በፊት በሳምንታት ውስጥ ምን ሊፈጠር ይችላል? ከጉዳዩ ጋር የቅርብ ትስስር ያላቸውን ምንጮች በማነጋገር የተገኘውን ትኩስ መረጃ እነሆ!

ወደ ዋናው ቡድን ሲቀላቀል በግራ ተከላካይነት የጀመረው ሉዊስ-ስኬሊ፣ ባለፈው የውድድር ዘመን ወደሚወደው የመሀል ሜዳ ተጫዋችነት ሚና ተመልሶ እጅግ አስደናቂ ብቃትን አሳይቷል። በ2025-26 የውድድር ዘመን አጋማሽ ላይ ብዙም የመሰለፍ ዕድል ባያገኝም፣ በውድድር ዘመኑ መጠናቀቂያ ላይ ግን ወደ መሀል ሜዳው በመግባት አርሰናል ከ2004 ወዲህ የመጀመሪያውን የፕሪሚየር ሊግ ዋንጫ እንዲያነሳ ትልቅ አስተዋጽኦ አድርጓል፤ በቻምፒየንስ ሊግ ፍጻሜም ቋሚ ተሰላፊ መሆን ችሏል።

ነገር ግን አርሰናል ባለፈው ሳምንት ብሩኖ ጊማሬስን ከኒውካስል ዩናይትድ በ75 ሚሊዮን ፓውንድ (101 ሚሊዮን ዶላር) ማስፈረሙ፣ በአሰልጣኝ ሚኬል አርቴታ አስደናቂ ስብስብ ውስጥ ሌላ ተጨማሪ የመሀል ሜዳ ተጫዋች እንዲኖር አድርጓል። የ28 ዓመቱ ጊማሬስ ከዴክላን ራይስ ጋር በቋሚነት ይጣመራል ተብሎ ሲጠበቅ፣ ሉዊስ-ስኬሊ እና ማርቲን ዙቢሜንዲ ደግሞ ተጠባባቂ ሆነው ለቋሚነት ይፋለማሉ። ባለፈው የውድድር ዘመን እንግሊዛዊው ታዳጊ ስፔናዊውን ዙቢሜንዲን በቋሚ ተሰላፊነት በልጦት እንደነበር አይዘነጋም።

ከስምንት ዓመቱ ጀምሮ በአርሰናል ያደገው ሉዊስ-ስኬሊ አቋሙ እጅግ ግልጽ ነው፤ በክለቡ መቆየት ይፈልጋል! ከኤሚሬትስ ስታዲየም የመልቀቅ ምንም ዓይነት ፍላጎትም ሆነ ሀሳብ የለውም።

ባለፈው ወር የቅድመ-ውድድር ዘመን ልምምድን ከተቀላቀሉት የመጀመሪያዎቹ ተጫዋቾች አንዱ የሆነው ሉዊስ-ስኬሊ፣ በአርቴታ ዕቅድ ውስጥ ትልቅ ቦታ አለው። አርሰናል ካደረጋቸው አራት የአቋም መፈተሻ ጨዋታዎች በሶስቱ ላይ በቋሚነት የጀመረ ሲሆን፣ የአሰልጣኝ ቡድኑም የመሀል ሜዳ ግንዛቤውን ይበልጥ ለማሳደግ ከእርሱ ጋር በልዩ ሁኔታ እየሰራ ይገኛል።

የብሩኖ ጊማሬስ መምጣት ሉዊስ-ስኬሊን አላስፈራውም። በወጣትነት የኳስ ዘመኑ ልምድ ካላቸው ፕሮፌሽናሎች ጋር ለቦታው የመፋለም እና ራሱን የማስመስከር አስደናቂ ቁርጠኝነት አሳይቷል። በ2025 ክረምት የረጅም ጊዜ ኮንትራት የፈረመው የ19 ዓመቱ ኮከብ፣ ገና እያደገ ያለ ተጫዋች መሆኑን በሚገባ ይረዳል፤ ተሰጥኦውን ይበልጥ ለማሳደግም ጠንካራ ፉክክር ያለበት የቡድን ውስጥ ድባብ ተመራጭ መሆኑን ያምናል።

አርሰናል ሉዊስ-ስኬሊን ለመሸጥ በይፋ ለገበያ አላቀረበም። ባለፈው የውድድር ዘመን መጨረሻ ላይ ካሳየው አስደናቂ ብቃት አንጻር፣ ክለቡ በዚህ የዝውውር መስኮት ሊሸጠው ካሰባቸው ተጫዋቾች ዝርዝር ውስጥ አይካተትም። ሆኖም፣ አርሰናል የፋይናንስ ደንቦችን ለማክበር እና ተጨማሪ ወጪዎችን ለማድረግ ሲል ተጫዋቾችን የመሸጥ ዕቅድ ይዞ ወደ ክረምቱ የዝውውር ገበያ መግባቱ ይታወቃል።

እስካሁን ክርስቲያን ኖርጋርድ በ7 ሚሊዮን ፓውንድ ወደ ኤቨርተን፣ እንዲሁም ሊያንድሮ ትሮሳርድ እስከ 20 ሚሊዮን ዩሮ (17.1 ሚሊዮን ፓውንድ) ሊደርስ በሚችል ሂሳብ ወደ ቤሺክታሽ አምርተዋል። በሌላ በኩል እንደ ገብርኤል ጂሰስ፣ ሪስ ኔልሰንእና ፋቢዮ ቪየራ ያሉትን ተጫዋቾች ለመሸጥ ቢሞክሩም ገዥ ማግኘት ከብዷል። ለገብርኤል ማርቲኔሊ ወይም ለኢታን ኑዋኔሪ አጓጊ ጥያቄዎች ቢቀርቡ ለማዳመጥ ፈቃደኛ ቢሆኑም፣ እስካሁን ተገቢ የሆነ የዝውውር ጥያቄ አልቀረበም።

አርሰናል ሉዊስ-ስኬሊን ማጣት አይፈልግም። ነገር ግን በእግር ኳሱ ዓለም "በፍጹም" የሚባል ነገር የለም። የዝውውር መስኮቱ ሊዘጋ ጥቂት ጊዜ ሲቀረው፣ ክለቡ ተጫዋቾችን ለመሸጥ በሚያደርገው ጥረት ተለዋዋጭ አቋም ሊይዝ ይችላል። ክለቡ ሊሸጣቸው ያሰባቸው ተጫዋቾች ገዥ ካላገኙ፣ አርሰናል ለሌሎች ተጫዋቾቹ የሚቀርቡለትን የዝውውር ጥያቄዎች ለማስተናገድ ሊገደድ ይችላል።

የክለቡ ምንጮች እንዳረጋገጡት ሉዊስ-ስኬሊ ለቼልሲ ቀርቦላቸዋል፤ ነገር ግን በቼልሲ ስብስብ ውስጥ ለእርሱ የሚሆን ቦታ የለም።

በአዲሱ አሰልጣኝ ዣቢ አሎንሶ ስር በቼልሲ የመሀል ሜዳ ሞይሰስ ካይሴዶ፣ ኤንዞ ፈርናንዴዝ፣ ሮሚዮ ላቪያ፣ ዳሪዮ ኤሱጎ፣ ሪስ ጀምስ፣ እንዲሁም በዚህ መስኮት የፈረሙት ቫለንቲን ባርኮ እና ጆርዳን ሄንደርሰን ለቦታው ከፍተኛ ፉክክር ያደርጋሉ ተብሎ ይጠበቃል። በግራ ተከላካይነትም ቢሆን ቦታው በጆረል ሀቶ፣ ማርኮ ፓሌስትራ እና ፔፕ ቻቫሪያ የተያዘ ነው። በመሆኑም ከባድ የጉዳት ቀውስ ካልተፈጠረ ወይም በርካታ ተጫዋቾች ካልለቀቁ በስተቀር፣ ሉዊስ-ስኬሊ በቼልሲ ቤት ቋሚ ቦታ ማግኘቱ እጅግ አጠራጣሪ ነው።

ተጫዋቹ በአርሰናል የመቆየት ጽኑ ፍላጎት ቢኖረውም፣ ለማንችስተር ዩናይትድ የዝውውር ጥያቄ ቀርቦለታል። ዩናይትድ በበኩሉ የተጫዋቹ የዝውውር ዋጋ 45 ሚሊዮን ፓውንድ እና ከዚያ በላይ ሊሆን ስለሚችል በዋጋው ላይ ጥርጣሬ አድሮበታል።

የኦልድ ትራፎርዱ ክለብ የ31 ዓመቱን ሉክ ሾው ጤንነት ለማስተዳደር ሲል አዲስ የግራ ተከላካይ በማፈላለግ ላይ ይገኛል። ሉዊስ-ስኬሊ በአርሰናል እንዳሳየው በግራ ተከላካይነትም ሆነ በመሀል ሜዳ ላይ መጫወት መቻሉ ለዩናይትድ ተመራጭ ያደርገዋል። ነገር ግን ዩናይትዶች በዚሁ ምክንያት የኒውካስል ዩናይትዱን ሌዊስ ሆልን እና የሪያል ማድሪዱን ኤድዋርዶ ካማቪንጋን በቅርበት እየተከታተሉ ይገኛሉ።

የዝውውር መስኮቱ ሊዘጋ የጣት ቁጥር ቀናት ብቻ ሲቀሩት የማይልስ ሉዊስ-ስኬሊ ዕጣ ፈንታ ምን ይሆን? አስደናቂው የእግር ኳስ ትኩሳት ቀጥሏል!

(ዘ-ሐበሻ ስፖርት) ከ22 ዓመታት የፕሪሚየር ሊግ የዋንጫ ጥማት በኋላ ባለፈው የውድድር ዘመን የሊጉን ክብር ያነሳው እንዲሁም በሻምፒዮንስ ሊጉ የፍጻሜ ተፋላሚ የነበረው አርሰናል፣ ገና የድሉን ሻምፓኝ ጠጥቶ አልጨረሰም። በፓሪስ ሴንት ዠርመን (በፍጻሜው የተነጠቀው የሻምፒዮንስ ሊግ ዋንጫ ቁስል፣ አሰልጣኝ ሚኬል አርቴታ ቡድኑን ወደ "ተለየ ማዕዘን" እንዲያሸጋግር ገፋፍቶታል። ለዚህ ታላቅ የዝውውር ምዕራፍ ደግሞ የተመረጠው የ28 ዓመቱ ብራዚላዊ እና የኒውካስል ዩናይትዱ አንበል ብሩኖ ጊማሬስ ነው። ክለቡ ይህንን ድንቅ አማካይ በ75 ሚሊዮን ፓውንድ በማስፈረም የመሀል ሜዳውን በማይታመን ሁኔታ አጠናክሯል።

ብሩኖ ጊማሬስ ኒውካስል ዩናይትድን መልቀቅ ለእርሱ "በህይወቱ ካሳለፋቸው እጅግ ከባድ ውሳኔዎች አንዱ" እንደነበር አልሸሸገም። በስፔን ላ ማንጋ ከሚገኘው የኒውካስል የልምምድ ካምፕ ውስጥ ንብረቶቹን ሰብስቦ ወደ ኤምሬትስ ስታዲየም ሲያመራ ስሜቱ ተረብሾ ነበር። "ኒውካስል ለእኔ ትልቅ ትርጉም አለው፣ ነገር ግን በህይወቴ አዲስ ነገር መሞከር ፈለግሁ። ታሪክ መስራት እና ዋንጫዎችን ማሸነፍ እሻለሁ፣ ለዚህ ደግሞ ትክክለኛው ቦታ ላይ እንደምገኝ ይሰማኛል" በማለት የ4 ዓመት ኮንትራቱን (ተጨማሪ የ12 ወራት አማራጭን ያካተተ) በደስታ ፈርሟል።

ጊማሬስ ወደ ሴንት ጀምስ ፓርክ የመጣው በጥር 2022 ቡድኑ በመውረድ ስጋት ውስጥ በነበረበት ፈታኝ ጊዜ ነበር። ሆኖም በኤዲ ሃው ስር ቡድኑን ታድጎ፣ በ2023 እና 2025 የሻምፒዮንስ ሊግ ተሳትፎ እንዲያገኝ ትልቅ ሚና ተጫውቷል። ከሁሉም በላይ ደግሞ ባለፈው የ2025 የካራባዎ ካፕ ፍጻሜ ሊቨርፑልን በማሸነፍ፣ ከሰባት አስርት ዓመታት በኋላ ለኒውካስል ትልቅ የሀገር ውስጥ ዋንጫ ያነሳ የመጀመሪያው አንበል በመሆን በክለቡ ታሪክ ደማቅ አሻራ አሳርፏል።

አርቴታ ጊማሬስን ለምን ፈለገው? መድፈኞቹ ባለፈው የውድድር ዘመን በሁሉም ውድድሮች 63 ጨዋታዎችን አድርገዋል። ይህ አድካሚ ጉዞ በተለይ በመሀል ሜዳው ላይ ከፍተኛ ጫና አሳድሮ ነበር። ባለፈው ክረምት 250 ሚሊዮን ፓውንድ ወጪ ተደርጎም፣ እንደ ክርስቲያን ኖርጋርድ ያሉ ተጫዋቾች (በሊጉ 7 ጨዋታዎች ብቻ ተሰልፎ ወደ ኤቨርተን ሊያመራ የተቃረበው) የአርቴታን እምነት ማግኘት አልቻሉም። በዚህም ምክንያት የማርቲን ዙቢሜንዲ እና የዴክላን ራይስ ጫንቃ እጅግ ከብዶ ነበር። ራይስ ከማንም በላይ ብዙ ደቂቃዎችን በመጫወቱ የቋንጃ (hamstring) ጉዳት እያስተናገደ እንግሊዝን በዓለም ዋንጫው እስከ ግማሽ ፍጻሜ አድርሶ ተመልሷል።

ጊማሬስ ይህንን ክፍተት ለመድፈን ወደር የማይገኝለት ሞተር ነው። በአርሰናል ተጫዋቾች ዘንድ ቀድሞውኑ አቀባበል ተደርጎለታል። የሀገሩ ልጅ የሆነው ገብርኤል እና ዴክላን ራይስ የጽሁፍ መልዕክት ልከውለታል። ከዚህ ቀደም በሜዳ ላይ በተደጋጋሚ ሲጋጩ የነበረው ራይስ፣ "እባክህ ና፣ ከእንግዲህ ጸብ የለም፣ አሁን ጓደኛማቾች ነን" የሚል አዝናኝ መልዕክት ልኮለታል። የጊማሬስ ጠንካራ አካላዊ ብቃት መድፈኞቹን በእጅጉ ማርኮታል፤ ከ2022 ጀምሮ ያመለጠው 16 የፕሪሚየር ሊግ ጨዋታዎችን ብቻ ነው።

ይህ ኮከብ በሌለበት የኒውካስል የማሸነፍ ምጣኔ ከ50.7% ወደ 12.5% ማሽቆልቆሉ፣ ባለፈው የውድድር ዘመን በ9 ግቦች የክለቡ ኮከብ ግብ አስቆጣሪ መሆኑ፣ እንዲሁም ከፍተኛ ጫና ውስጥ ሆኖ 998 ኳሶችን ማቀበል መቻሉ የአርቴታን ትኩረት ስቦታል። በተጨማሪም ተከላካይ ሰንጣቂ ኳሶችን በማቀበል በሊጉ ከሚገኙ ምርጥ 5 ተጫዋቾች አንዱ ነው።

አሁን አርሰናል የህክምና ክፍሉን በአዲስ መልክ አዋቅሮ፤ ራይስን፣ ዙቢሜንዲን፣ አንበሉ ማርቲን ኦዴጋርድን፣ ኤቤሬቺ ኤዜን፣ ሚኬል ሜሪኖን፣ ማይልስ ሉዊስ-ስኬሊን፣ ኢታን ኑዋኔሪን፣ እና አዲሱን ፈራሚ ብሩኖ ጊማሬስን ያጣመረ እጅግ አስፈሪ የመሀል ሜዳ ስብስብ ገንብቷል። በአመራር ብቃቱ "አነቃቂ" ተብሎ የሚሞገሰው ጊማሬስ ኦዴጋርድን በማገዝ የኤምሬትሱን ክለብ ወደ ፈለገው "አዲስ ከፍታ" ያሸጋግረው ይሆን? በብዙዎች ዘንድ በጉጉት የሚጠበቅ ታሪካዊ ምዕራፍ ሆኗል!

(ዘ-ሐበሻ ስፖርት) የቅድመ ውድድር ዘመን ዝግጅቱን እያደረገ የሚገኘው አርሰናል፣ በአየርላንዷ ዱብሊን ከተማ ከስፔኑ ሪያል ቤቲስ ጋር ባደረገው ጨዋታ ያልተጠበቀ ሽንፈት ማስተናገዱን ተከትሎ የተጫዋቾቹ ስሜት በእጅጉ መጎዳቱን አሰልጣኝ ሚኬል አርቴታ ገለጹ።

መድፈኞቹ ባልተለመደ ሁኔታ የመከላከያ ክፍላቸው ክፉኛ ተዳክሞ በታየበት የመጀመሪያው አጋማሽ ብቻ ሶስት ግቦችን ለማስተናገድ ተገደዋል። ምንም እንኳን ቤቲሶች የኳስ ቁጥጥሩን ለአርሰናል አሳልፈው ቢሰጡም፣ እጅግ አደገኛ በሆኑ ሙከራዎች እና ዒላማቸውን በጠበቁ ኳሶች የአርቴታን ልጆች ብልጫ ወስደውባቸዋል።

ከመጀመሪያው አጋማሽ መጥፎ አቋም በኋላ በመልበሻ ክፍል ውስጥ ስለነበረው ድባብ የተጠየቁት አርቴታ "በጣም ተበሳጭተዋል፣ ከባድ ጊዜ ነበር ያሳለፉት። በንዴት ጦፈዋል፤ ግን ይሄ ጥሩ ነው። እኛም የምንፈልገው ይሄንን ነው" ሲሉ ምላሽ ሰጥተዋል።

አርቴታ አክለውም "ዋናው ነገር ማሸነፍ ነበር፣ ግን አልቻልንም፤ ስለዚህ በውጤቱ ማዘናችን አይቀርም። ሆኖም መጥፎ ውጤት ማምጣት ለቀጣይ የተሻለ ስራ የድል ረሃብን ስለሚፈጥር አንዳንድ ጊዜ ጠቃሚ ነው" ብለዋል።

የዓለም ዋንጫ ተሳትፎን ተከትሎ ዴክላን ራይስ፣ ኤቤሬቺ ኤዜ፣ ኖኒ ማዱኤኬ እና ቡካዮ ሳካ አሁንም ስብስቡን አልተቀላቀሉም። የስፔን ብሔራዊ ቡድን ተጫዋቾቹ ሚኬል ሜሪኖ፣ ዴቪድ ራያ እና ማርቲን ዙቢሜንዲም እንዲሁ አልተመለሱም። አምበሉ ማርቲን ኦዴጋርድ ግን ከኖርዌይ ብሔራዊ ቡድን ተሳትፎው መልስ ግላዊ ልምምድ ጀምሯል።

ይሁን እንጂ አርሰናል እነዚህ ቁልፍ ተጫዋቾች ባይኖሩትም በቋሚ አሰላለፉ አራት ዓለም አቀፍ ተከላካዮችን፣ እንዲሁም ኢታን ኑዋኔሪ፣ ካይ ሃቨርትዝ፣ አዲሱ ፈራሚ ክሪስቶስ ዞሊስ እና ማክስ ዶውማንን በአማካይ ስፍራ፣ ቪክቶር ጊዮከረስን ደግሞ በአጥቂ መስመር አሰልፎ ነበር።

ባለፈው ሳምንት ጂሮናን 4-1 ባሸነፈበት አሰላለፍ ወደ ሜዳ የገባው አርሰናል፣ በጨዋታው መባቻ ጊዮከረስ ያገኘውን ግሩም አጋጣሚ የቤቲሱ ግብ ጠባቂ አልቫሮ ቫሌስ በእግሩ መልሶበታል። ሆኖም በ9ኛው ደቂቃ ላይ አርሰናሎች ጠንካራ ከሆኑበት የማዕዘን ምት ቤቲሶች ቀዳሚውን ግብ አግኝተዋል። ተቀያሪው ግብ ጠባቂ ኬፓ አሪዛባላጋ በፓብሎ ፎርናልስ የተመታውን ኳስ በአግባቡ ባለማንበቡ፣ ሮድሪጎ ሪኬልሜ ያለምንም ከልካይ ኳሷን መረብ ላይ አሳርፏል።

በአማካይ ስፍራ የተሰለፈው ወጣቱ ማይልስ ሉዊስ-ስኬሊ ከሌሎች የተሻለ እንቅስቃሴ ያሳየ ሲሆን፣ ሪካርዶ ካላፊዮሪ ወደ ፊት በሚሄድበት ጊዜ ቦታውን እየሸፈነ ድንቅ ስራ ሰርቷል። የግሪኩ ክንፍ ተጫዋች ዞሊስ የግብ ጠባቂውን ስህተት ተጠቅሞ አቻ የሚያደርግበትን ኳስ ቢያገኝም ኢላማውን ሳይጠብቅ ወደ ውጪ ወጥቶበታል።

ከ20 ዓመታት በኋላ ወደ ሻምፒዮንስ ሊግ የተመለሰው ሪያል ቤቲስ፣ በአርሰናል ስህተቶች ላይ በሚገባ ተጫውቷል። በ26ኛው ደቂቃ ኬፓ የሰራውን ደካማ የኳስ አወጣጥ ስህተት ተጠቅሞ ኔልሰን ዴኦሳ ከ25 ያርድ ርቀት ላይ አስደናቂ ግብ አስቆጥሯል። በ32ኛው ደቂቃ ዞሊስ ያሻገረውን ኳስ ፒዬሮ ሂንካፒ በጭንቅላቱ በመግጨት ለአርሰናል አንድ ግብ ቢመልስም፣ በ43ኛው ደቂቃ ላይ ካይ ሃቨርትዝ የሰራውን ስህተት ተጠቅሞ ፓብሎ ፎርናልስ የቤቲስን ሶስተኛ ግብ ከመረብ አዋህዷል።

በሁለተኛው አጋማሽ አርቴታ ጋብሪኤል ማርቲኔሊን እና ጋብሪኤል ማጋልሃስን ጨምሮ ሰባት ተጫዋቾችን ቀይረው አስገብተዋል። የ16 ዓመቱ ተከላካይ ማርሊ ሳልሞን እና የ19 ዓመቱ ሉዊ ኮፕሊም የመሰለፍ እድል ቢያገኙም፣ ኮፕሊ ገብቶ በሰባት ደቂቃ ውስጥ በደረሰበት የጉልበት ጉዳት ለመውጣት ተገዷል። በቅያሪዎች ብዛት የጨዋታው ምት የቀዘቀዘ ሲሆን፣ ጋብሪኤል ጄሱስ የተሻለ ሙከራ ቢያደርግም፣ አርቴታ በሜዳው ዳርቻ በብስጭት ሲንጎራደዱ ታይተዋል፤ መድፈኞቹም ያጡትን ክፍተት ማጥበብ ሳይችሉ ጨዋታው ተጠናቋል።

(ዘ-ሐበሻ ዜና) አርሰናል የኒውካስል ዩናይትዱን አማካይ ብሩኖ ጊማሬስን ለማስፈረም ያቀረበው የመጀመሪያ የዝውውር ጥያቄ ውድቅ ተደርጓል። ኒውካስሎች በሴንት ጄምስ ፓርክ የሁለት ዓመት ኮንትራት (እንዲሁም ተጨማሪ የአንድ ዓመት አማራጭ) የቀረውን የ28 ዓመቱን ብራዚላዊ ኮከብ ማቆየት እንደሚፈልጉ አሳውቀዋል። ተጫዋቹ እሁድ ዕለት ከብራዚል የተነሳ ሲሆን፣ ከክለቡ ጋር ባደረገው ስምምነት መሰረት በስፔን ላ ማንጋ በሚገኘው የኒውካስል የቅድመ-ውድድር ልምምድ ላይ ከቡድን አጋሮቹ ጋር ተቀላቅሏል።

ብሩኖ ጊማሬስ በ2022 ከፈረንሳዩ ክለብ ሊዮን በ40 ሚሊዮን ፓውንድ ኒውካስልን ከተቀላቀለ በኋላ፣ ለክለቡ ባደረጋቸው 195 ጨዋታዎች 31 ግቦችን ማስቆጠር ችሏል።

ይህ የዝውውር ሂደት የኒውካስሉ አሰልጣኝ ኤዲ ሃው መልቀቃቸውን ተከትሎ የመጣ ነው። ጊማሬስ በኢንስታግራም ገጹ ላይ የቀድሞ አሰልጣኙን ምስል በማጋራት "የዚህ ክለብ ንጉስ!! ላደረግህልን ሁሉ እናመሰግናለን፤ የተሻልኩ ተጫዋች እና ሰው ስላደረግከኝ አመሰግናለሁ" በማለት አድናቆቱን ገልጿል። የእግር ኳስ ባለሙያው ጁሊያን ላውረንስ እንዳሉት፣ የኤዲ ሃው መልቀቅ አንዱ ምክንያት ጊማሬስ በመጨረሻ ወደ አርሰናል እንደሚሸጥ ማወቃቸው ነው።

ላውረንስ ይህንን የዝውውር ሂደት በሁለቱ ክለቦች መካከል የተጀመረ "የቼዝ ጨዋታ" ሲሉ ገልጸውታል። አርሰናል ከተጫዋቹ ግምት በላይ ለመክፈል እንደማይፈልግ እና ኒውካስል በበኩሉ ከፍተኛ ገንዘብ ለማግኘት እንደሚጥር ባለሙያው አብራርተዋል። ይሁን እንጂ የኒውካስልን የፋይናንስ ሁኔታ እና የተጫዋቹን ከአርሰናል ጋር ምንም አይነት የግል ችግር አለመኖር መሰረት በማድረግ፣ ዝውውሩ በሚቀጥሉት ሳምንታት ሊጠናቀቅ እንደሚችል ይጠበቃል።

ሚኬል አርቴታ ተጫዋቹን የሚፈልግበት ዋነኛ ምክንያት ጫናን ተቋቁሞ ኳስን የማንሸራሸር ብቃቱ ነው። አርሰናል ተጫዋቹን ማስፈረም ከቻለ፣ ዴክላን ራይስ እና ማርቲን ኦዴጋርድን በሁለት ጎኑ በማድረግ በአማካይ ስፍራ (ቁጥር 6) ላይ እንደሚያሰልፈው ይጠበቃል። ጄይ ቦዝሮይድ በስካይ ስፖርት ትንታኔው ላይ እንደጠቆመው፣ የራይስ እና የጊማሬስ ጥምረት በፕሪሚየር ሊጉ ምርጡ የአማካይ ክፍል ይሆናል።

(ዘ-ሐበሻ ስፖርት) ክሪስቶስ ቶሊስ ለመድፈኞቹ ባደረገው የመጀመሪያ የቅድመ-ውድድር ዘመን ጨዋታ ግብ በማስቆጠር፣ የአርሰናል ደጋፊዎች በቀጣዩ የውድድር ዘመን ከእርሱ ምን ሊጠብቁ እንደሚችሉ አስደሳች ፍንጭ ሰጥቷል። አርሰናል የስፔኑን ክለብ ጅሮናን 4 ለ 1 ባሸነፈበት በዚህ የመክፈቻ የአቋም መፈተሻ ጨዋታ፣ አዲሱ ፈራሚ ድንቅ እንቅስቃሴ አሳይቷል። ወደ ቤሺክታሽ ያቀናውን ሊያንድሮ ትሮሳርድን ለመተካት ከቤልጂየሙ ክለብ ክለብ ብሩጅ በ34 ሚሊዮን ፓውንድ የዝውውር ሂሳብ ወደ ሰሜን ለንደን ያመራው የ24 ዓመቱ ግሪካዊው ኢንተርናሽናል፣ በ30ኛው ደቂቃ ላይ አርናው ማርቲኔዝን በሚያምር ሁኔታ በማለፍ መሬት ለመሬት የመታው ኳስ ተከላካይ ታክኮ መረብ ላይ አርፏል።

ከዚህች ግብ 14 ደቂቃዎች አስቀድሞ የሚኬል አርቴታውን ስብስብ ቀዳሚ ያደረገችውን የመጀመሪያ ግብ ያስቆጠረው ጀርመናዊው አጥቂ ካይ ሃቨርትዝ ነበር። የ16 ዓመቱ ታዳጊ ማክስ ዶውማን ተከላካዮችን ሰንጥቆ ያቀበለውን ማራኪ ኳስ፣ ሃቨርትዝ ከጅሮናው ግብ ጠባቂ ፓውሎ ጋዛኒጋ ጋር ፊት ለፊት ተገናኝቶ በእርጋታ ወደ ግብነት ቀይሮታል።

ከእረፍት መልስ በ49ኛው ደቂቃ ላይ የጅሮናው ማርቲኔዝ ከማዕዘን የተሻገረለትን ኳስ ከፍ ብሎ በግንባሩ ገጭቶ በማስቆጠር የግብ ልዩነቱን ማጥበብ ቢችልም፣ ደስታቸው ግን ከሶስት ደቂቃዎች በላይ አልዘለቀም። ድንቁ ታዳጊ ዶውማን ወዲያውኑ የአርሰናልን የሁለት ግብ መሪነት መልሶ አረጋግጧል። የጎል ዝናቡ በዚህ ያላበቃ ሲሆን፣ ገብርኤል ጄሱስ በአምስት ደቂቃዎች ልዩነት ውስጥ ሌላ ግብ ከመረብ በማዋሃድ መድፈኞቹን 4 ለ 1 በሆነ ሰፊ ውጤት አሸናፊ ማድረግ ችሏል።

አርቴታ በስፔኑ ግጥሚያ ጠንካራ ቋሚ አሰላለፍ ይዘው ወደ ሜዳ የገቡ ሲሆን፣ ከዓለም ዋንጫ ተሳትፎ የተመለሱት ቪክቶር ጂዮክሬስ፣ ሃቨርትዝ እና ፒዬሮ ሂንካፒ እያንዳንዳቸው ለ30 ደቂቃዎች ያህል በሜዳ ላይ አሳልፈዋል። አርሰናል ሁለተኛውን የቅድመ-ውድድር ዘመን የአቋም መፈተሻ ጨዋታውን ለማድረግ ወደ ደብሊን የሚያመራ ሲሆን፣ በቀጣዩ ኦገስት 5 በአቪቫ ስታዲየም ከሪያል ቤቲስ ጋር ይፋለማል።

(ዘ-ሐበሻ ዜና) በሪያል ማድሪድ ቤት ድባቡ ከጊዜ ወደ ጊዜ እየሻከረ መጥቷል። ክለቡ የዓለም እግር ኳስ ፈርጥ እና የቡድኑ ዋልታ በሆነው ቪኒሽየስ ዙሪያ እያደረገ ያለው የኮንትራት ድርድር አጣብቂኝ ውስጥ በመግባቱ፣ የ26 ዓመቱ ኮከብ በስፔን ዋና ከተማ ስላለው የረጅም ጊዜ ቆይታው ከፍተኛ ጥርጣሬ ውስጥ የወደቀበት ወቅት ላይ ይገኛል። የኮንትራት ማራዘሚያው ሒደት አለመሳካቱ፣ የቤርናባው የበላይ ጠባቂዎች ሁኔታውን እያስተናገዱበት ባለው መንገድ ላይ ጠንካራ ትችቶች እንዲሰነዘሩባቸው በሩን ወለል አድርጎ ከፍቷል።

ይህን ጠንካራ ትችት የሰነዘረው የቀድሞው የሪያል ማድሪድ እና ቫለንሲያ ግብ ጠባቂ ሳንቲያጎ ካኒዛሬስ ነው። በካዴና ኮፔ የ'ትዬምፖ ዴ ሁዌጎ' ፕሮግራም ላይ በሰጠው አስተያየት፣ ሎስ ብላንኮዎቹ በቪኒሽየስ ዙሪያ ያላቸውን የትርክት ቁጥጥር እንዳጡ በግልጽ ተናግሯል። ቪኒሽየስ አሁን ባለው ኮንትራት መሰረት በሚቀጥለው ክረምት በነጻ ሊለቅ ስለሚችል፣ ክለቡ የፋይናንስ እና የስፖርታዊ ጥቅሙን ለማስጠበቅ ቀድሞ ጠንካራ አቋም መውሰድ ነበረበት ብሏል።

ካኒዛሬስ ቁጣውን ሲገልጽ፣ "ሪያል ማድሪድ ለሁሉም ነገር ይዘገያል። ተጫዋቹ የፈረመው ስምምነት የለውም የሚባለው እውነት ከሆነ፣ ማድሪድ አሁኑኑ እሱን የመሸጥ ግዴታ አለበት። ተጫዋቹን ኮንትራቱን ጨርሶ እንዲወጣ በማድረግ ከመቶ ሚሊዮን ዩሮ በላይ ማጣት አይቻልም፤ ግን ይህ የሚሆን ይመስለኛል። ይህ ይቅር የማይባል የአመራር ስህተት ነው" በማለት የክለቡን ቦርድ ክፉኛ ወቅሷል።

ማድሪዶች በዚህ የኮንትራት ውዝግብ ውስጥ እያሉ የእንግሊዝ ፕሪሚየር ሊጉ ሀያል ክለብ አርሰናል ይህንን ውጥንቅጥ ለመጠቀም አድፍጦ እየጠበቀ ይገኛል። መድፈኞቹ ለብራዚላዊው ኮከብ እውነተኛ ፈላጊ ሆነው ብቅ ያሉ ሲሆን፣ የሚኬል አርቴታው ስብስብ ይህንን ፈጣን የክንፍ ተጫዋች ወደ ለንደን ለማምጣት ከፍተኛ ገንዘብ ለመክፈል ፈቃደኛ መሆኑን ከእንግሊዝ የሚወጡ መረጃዎች ያመለክታሉ።

ቪኒሽየስ አሁን ባለው ክለቡ ተገቢው ክብር እንዳልተሰጠው ከተሰማው፣ የፕሪሚየር ሊጉ ማራኪነት እና ሊቀርብለት የሚችለው ከፍተኛ የደሞዝ ጭማሪ ከስፔን ሊያባብለው የሚችልበት አቅም አለው። ይሁን እንጂ፣ ማድሪዶች አሁንም ቢሆን ቪኒሽየስን በአዲስ ኮንትራት እንደሚያስሩት ሙሉ በሙሉ በራስ መተማመን እንዳላቸው ተዘግቧል።

ይህንን የተወሳሰበ የዝውውር ሒደት ይበልጥ እንዲወሳሰብ የሚያደርገው ደግሞ ክለቡ አዲስ ተሰጥኦን ለማምጣት የሚያደርገው ጥረት፣ በተለይም የያን ዲዮማንዴ እምቅ ዝውውር ነው። አንዳንድ የስፖርት ተንታኞች እንደሚሉት፣ ወጣቱን ኮከብ ለማምጣት የሚደረገው ጥረት ማድሪድ ከቪኒሽየስ ውጪ ላለው ህይወት ቀድሞ እየተዘጋጀ መሆኑን የሚያሳይ የቅድመ-ጥንቃቄ እርምጃ ነው። ምንም እንኳን ይህ ግምት ቢኖርም፣ አዲሱ የሪያል ማድሪድ አሰልጣኝ ሆሴ ሞሪንሆ ብራዚላዊውን ኢንተርናሽናል የአዲሱ ፕሮጀክታቸው ቁልፍ አካል አድርገው ለማቆየት ቆርጠው መነሳታቸው ተነግሯል።

በቅርቡ ነገሮችን በተጨባጭ ሁኔታ ወደ ተግባር መለወጥ እንጀምራለን

ሚኬል አርቴታ ስለ ተጫዋቾች ዝውውር

ብዙ ነገሮች እየተከናወኑ ነው የዚህን የዝውውር መስኮት ሁኔታ እና ሁኔታዎች ሁላችንም እናውቃቸዋለን።

ከባለቤቶቹ ጀምሮ እስከ ቦርዱ እስከ ስፖርት ዳይሬክተሩ እና እኔ ድረስ ይህን ክለብ ወደ ተሻለና ወደ ላቀ ደረጃ ማሸጋገር እንደምንፈልግ እናውቃለን።

ይህ ደግሞ የተሻለ ቡድን፣ የተሻሉ ተጫዋቾችን ይፈልጋል ጨዋታችንን ለማሳደግ፣ ለማሻሻል እና ለማዳበር የት አካባቢ ክፍተቶችና እድሎች እንዳሉን እንዲሁም ለዚህ ስኬት ምን እንደሚያስፈልገን ለይተናል።

በቅርቡ ነገሮችን በተጨባጭ ሁኔታ ወደ ተግባር መለወጥ እንጀምራለን ብለን ተስፋ እናደርጋለን

ቀጣይ ማን አርሰናልን ሊቀላቀል ይችላል? ኮሜንት ላይ ሃሳባችሁን

የክርስቶስ ዞሊስ የህይወትና የእግር ኳስ ጉዞ

ከተሰሎንቄ የጎዳና ኳስ እስከ ኤምሬትስ

ክርስቶስ ዞሊስ (Christos Tzolis) ጥር 30 ቀን 2002 ዓ.ም በግሪክ በመፅሃፍ ቅዱስ የምናውቃት ታሪካዊቷ ከተማ ተሰሎንቄ (Thessaloniki) ተወለደ። ወላጆቹ ከአልባንያ የመጡ የኦርቶዶክስ ግሪካውያን ዘሮች (Greek minority) ሲሆኑ በጽኑ የሃይማኖት ባህልና በኦርቶዶክስ ክርስትና እሴቶች ውስጥ አድጓል።

«ክርስቶስ» የሚለው መጠሪያ ስሙም በግሪክ ኦርቶዶክስ እምነት ባህል መሠረት ከፍተኛ መንፈሳዊ ትርጉም ያለው ሲሆን በግል ህይወቱ እና በስፖርታዊ እንቅስቃሴዎቹ ውስጥ የእምነቱ ተጽዕኖ በግልጽ ይንጸባረቃል።

ዞሊስ ገና በ4 ዓመቱ ዶክሳ ፔንታሎፎስ በተባለ የአካባቢው አካዳሚ እግር ኳስ መጫወት የጀመረ ሲሆን በ2010 ወደ ሀገሪቱ ታላቅ ክለብ PAOK Thessaloniki ታዳጊ ቡድን ተቀላቀለ።

በ18 ዓመቱ በዋናው ቡድን ውስጥ ድንቅ ብቃቱን ማሳየት ጀመረ። በሁለት የውድድር ዘመናት ውስጥ በበ57 ጨዋታዎች 17 ግቦችን በማስቆጠር የዓመቱ ኮከብ ወጣት ተጫዋች እና የካፕ ውድድሩ ከፍተኛ ግብ አስቆጣሪ በመሆን ድቅድቅ አቅሙን አሳየ።

በ2021 ኖርዊች ሲቲ በ11 ሚሊዮን ዩሮ ገደማ ወደ ፕሪመር ሊግ ቢያስፈርመውም በቂ የጨዋታ ዕድል ባለማግኘቱ ፈታኝ ጊዜ አሳለፈ (በኖርዊች እና በውሰት በኔዘርላንዱ ቴቨንቴ በድምሩ 45 ጨዋታዎች 6 ግቦች ብቻ)።

ሆኖም በ2023–24 የውድድር ዘመን በውሰት ወደ ጀርመኑ ፎርቱና ዱሰልዶርፍ ማምራቱ የሙያ ህይወቱን ሙሉ በሙሉ ለወጠው፦

በ30 የሊግ ጨዋታዎች 22 ግቦችን በማስቆጠር የ2ኛው ቡንደስሊጋ ከፍተኛ ግብ አስቆጣሪ (Top Scorer) በመሆን አጠናቀቀ።

በ2024 ወደ ቤልጅየሙ ክለብ ብሩጅ (Club Brugge) የተዛወረው ዞሊስ፣ በአውሮፓ መድረክ ትልቅ ስም መገንባት ቻለ፦

2024–2026 (Club Brugge)በ108 ጨዋታዎች 43 ግቦችን አስቆጥሯል።

በተለይም ባለፈው የውድድር ዘመን በሁሉም ውድድሮች 22 ግቦችን በማስቆጠር እና 29 ግቦችን አመቻችቶ በመስጠት (51 G/A) የቤልጅየም ሊግ የዓመቱ ኮከብ ተጫዋች (Player of the Season) ሽልማትን አሸንፏል።

በቻምፒየንስ ሊግም ቢሆን በዋና ዋና ቡድኖች ላይ ያስቆጠራቸው ግቦች የትልልቅ ክለቦችን ትኩረት ስበዋል።

በ2020 ገና በ18 ዓመቱ የብሔራዊ ቡድኑን ማልያ የለበሰ ሲሆን በታሪክ 7ኛው ትንሹ ተጫዋች ሆኖ ተመዝግቧል። እስካሁን ለግሪክ በ20+ ጨዋታዎች ተሰልፎ 5+ ግቦችን አስቆጥሯል።

በሚኬል አርቴታ ጥራት ያለው የግራ መስመር አጥቂ ፍለጋ መሠረትአርሰናል በ£34 ሚሊዮን ክፍያ አስፈርሞታል። በፈጣን ድሪብሊንግ፣ ከሳጥን ውጭ በሚመታቸው ጠንካራ ኳሶች እና በስብዕናው አርሰናልን በግራ መስመር ትልቅ ጥንካሬ ይሰጠዋል ተብሎ ይጠበቃል።

የአለም ዋንጫ ሁለተኛ ጨዋታዎች ቀጥለዋል አንዶኒ ኢራዮላና ሚኬል አርቴታ በዝዉዉሩ ምን እያሰቡ ነዉ! #ebcsport #worldcup2026 #football #ebcdotstream #etv #sports

" target="_blank" class="inline-link">https://new-en.yenevibe.co...

የአርሰናል የሻምፒዮንስ ሊግ የዋንጫ ህልም በፍጹም ቅጣት ምት መክሸፍ እና አጨቃጫቂው የምሽቱ ጨዋታ
#ethiopia | በለንደን የሚገኙት አለባቸው ደሳለኝ አበሻ እንደዘገቡት የፒኤስጂ እና የአርሰናል የሻምፒዮንስ ሊግ የፍጻሜ ፍልሚያ በዳኝነት ውሳኔዎች ታጅቦ እጅግ አነጋጋሪ በሆነ መልኩ ተጠናቋል።

በውድድር ዘመኑ በሻምፒዮንስ ሊጉ ምንም ሳይሸነፍ ለፍጻሜ የደረሰው አርሰናል መደበኛውና ተጨማሪው ሰዓት 1 ለ 1 በሆነ አቻ ውጤት ከተጠናቀቀ በኋላ በተሰጠው የፍጹም ቅጣት ምት 4 ለ 3 በሆነ ውጤት ተሸንፎ ዋንጫውን አጥቷል። ይህ ምሽት ለአርሰናል ደጋፊዎች እጅግ ልብ ሰባሪ ነበር።

ስለ ጨዋታው የስፖርት ተንታኞችና ጋዜጠኞች የሰጧቸውን ዋና ዋና አስተያየቶች ከመመልከታችን በፊት የጨዋታውን አጠቃላይ ገጽታ በወፍ በረር እንቃኝ።

የአርሰናል የመከላከል ጥበብ እና የኮከቦች መዛል
ጨዋታው ከተጀመረበት ደቂቃ አንስቶ እስከ ፍጹም ቅጣት ምት ድረስ የአርሰናል የመከላከል ብቃት ፍጹም ሊደነቅ የሚገባው ነበር። ፒኤስጂ በዚህ የውድድር ዘመን እንደፈለገ ጎል እያዘነበ የመጣ ፈጣንና ጠንካራ የፊት መስመር ጥቃት ያለው ክለብ መሆኑ ይታወቃል።

አርሰናል ግን እስከ መጨረሻው ደቂቃ ድረስ በከፍተኛ ዲሲፕሊን ተቆልፎ የፒኤስጂን አስፈሪ የማጥቃት ኃይል አምክኖ የዋለበት መንገድ ቡድኑ ምን ያህል ጠንካራ መዋቅር እንዳለው ያሳየበት ምሽት ነበር። ነገር ግን የኳስ ጨካኝነት እዚህ ላይ ነው 120 ደቂቃ ሙሉ በጥንካሬ ተከላክለህ በመጨረሻው የዕድል ፈተና በፍጹም ቅጣት ምት ዋንጫውን ማጣት በእውነትም ያማል።

በርካታ ተንታኞች በአሰልጣኝ ሚኬል አርቴታ የአሰላለፍ ውሳኔ ላይ ትኩረት አድርገዋል። በተለይም ቶማስ ፓርቴይን ወይም የተለመዱ ተከላካዮችን ከመጠቀም ይልቅ ክሪስቲያን ሞስኬራን በቀኝ ተከላካይነት መሰለፉ ስህተት እንደነበር አንስተው ተችተዋል። ፒኤስጂ በሁለተኛው አጋማሽ በክቪቻ ኳራፅኬሊያ በኩል ጫና ሲፈጥር ሞስኬራ ፍጹም ቅጣት ምት የተሰጠበትን ጥፋት በመስራቱ የጨዋታውን አቅጣጫ ቀይሮታል ብለዋል።

አርሰናል ጨዋታውን በካይ ሀቨርትዝ ቀደመ ግብ ድንቅ አጀማመር ቢያደርግም በሁለተኛው አጋማሽ እና በትርፍ ሰዓት ላይ ቡድኑ በከፍተኛ ሁኔታ መዛሉ ታይቷል። ፒኤስጂ 72 በመቶ የኳስ ቁጥጥር የበላይነት የነበረው ሲሆን አርሰናል ሙሉ ጨዋታውን በመከላከል ማሳለፉ ለፍጹም ቅጣት ምት ሲደርሱ ተጫዋቾቹ ላይ የትኩረት ማጣት እንዲከሰትና የአርሰናል አስደናቂ ጥንካሬ እንዲዝል አድርጎታል።

የዳኝነት ውሳኔዎች እና የቪዲዮ ረዳት ዳኛ (VAR) ውዝግብ
የዳኝነት ውሳኔው በማህበራዊ ሚዲያ በተለይም በኤክስ እና በፌስቡክ ላይ በደጋፊዎችና በስፖርት ተንታኞች መካከል እጅግ ሞቅ ያለና የአርሰናልን ደጋፊዎች ያስቆጣ አጀንዳ ሆኗል። ዳኛው አድላዊ ነበሩ በሚል ማህበራዊ ሚዲያውን እያነጋገሩ ያሉት 3 ዋና ዋና አጨቃጫቂ ውሳኔዎች የሚከተሉት ናቸው።

በኖኒ ማዱዌኬ ላይ የተፈጸመው ጥፋት እና የቪዲዮ ረዳት ዳኛ ዝምታ ጉዳይ በትክክል ፍጹም ቅጣት ምት መሆን ነበረበት ተብሏል። የፒኤስጂው ተከላካይ ኑኖ ሜንዴስ በሳጥን ውስጥ ማዱዌኬን በግልጽ ሲገፋውና ሲያንገላታው ቢታይም የቪዲዮ ረዳት ዳኛው ዋናውን ዳኛ ሄዶ በስክሪን እንኳ እንዲያይ አለመጋበዙ ግልጽ አድሎ ነው በሚል የአርሰናል ደጋፊዎች ቁጣቸውን እየገለፁ ይገኛሉ። ገለልተኛ ተንታኞችም የግፊው ኃይል ለፍጹም ቅጣት ምት በቂ ባይሆን እንኳ ጉዳዩ ቢያንስ በቪዲዮ ረዳት ዳኛ መታየት እንደነበረበት ይስማማሉ።

የእርምጃዎች ድርብ መስፈርት በሁለተኛው አጋማሽ ክሪስቲያን ሞስኬራ በክቪቻ ኳራፅኬሊያ ላይ በሰራው ጥፋት ፒኤስጂ በቀላሉ የፍጹም ቅጣት ምት አግኝቷል። ብዙዎች ኳራፅኬሊያ በቀላሉ ነው የወደቀው ዳኛው ግን ለፒኤስጂ የነበራቸው አዝማሚያ ለስላሳ ስለነበር ወዲያውኑ ፍጹም ቅጣት ምት ሰጡ በማለት ይተቻሉ። በተመሳሳይ ጥፋት በአርሰናል በኩል የቀረቡት ጥያቄዎች ውድቅ መደረጋቸው የዳኛውን ሚዛናዊነት ጥያቄ ውስጥ ጥሎታል።

የሰዓት ማጥፋት እርምጃዎች መዘግየትን በተመለከተ የፒኤስጂ ተጫዋቾች ሆን ብለው ሰዓት ሲያጠፉ እና ጨዋታውን ሲያደናቅፉ ዳኛው ጥብቅ እርምጃ አለመውሰዳቸው ሌላው ቅሬታ ነው። በተቃራኒው በአርሰናል ተጫዋቾች ላይ የተሰጡት የቅጣት ውሳኔዎች ፍጹም ጥብቅ እና ቡድኑን የተጫኑ ነበሩ ተብሏል።

የአርሰናል የቀድሞ ኮከብ አለን ስሚዝ ጨምሮ በርካታ ተንታኞች እንደሚስማሙት ዳኛው በጨዋታው ላይ የተጠቀሙት ድርብ መስፈርት አርሰናል ዋንጫውን እንዲያጣ ትልቅ ተፅዕኖ አሳድሯል።
የስፖርት ተንታኞች እንደሚሉት የፍጹም ቅጣት ምት ሁሌም የዕድል ጉዳይ ነው።

በጨዋታው ላይ ኤበሬቺ ኤዜ ሳይጠቀምበት የቀረውን ኳስ ዴቪድ ራያ የኑኖ ሜንዴስን መቅጫ ምት በማዳን ተስፋ ቢመልስም በመጨረሻው ወሳኝ ምት ተከላካዩ ጋብሬል ማጋልሃሽ ኳሱን ወደ ላይ መስቀሉ ጨካኝ የሆነ የውጤት መደምደሚያ ነበር። ሆኖም ጋብሬል በጨዋታው ላይ የነበረው ድንቅ የመከላከል ብቃት ሳይዘነጋ ይህ ስህተት እሱን ብቻ ተጠያቂ ሊያደርገው እንደማይገባ ተንታኞች ይሟገታሉ።

የሳካ እና ኦዴጋርድ መቀየር ስህተት ነበር?

ሚኬል አርቴታ ቡካዮ ሳካንና ማርቲን ኦዴጋርድን በማስወጣቱ ለሽንፈቱ ምክንያት ሆኗል ለሚለው ጥያቄ ተንታኞች ሁለት ዋና ዋና እይታዎችን እያነሱ ነው።

በአንድ በኩል ሳካ እና ኦዴጋርድ የቡድኑ መሪዎች ብቻ ሳይሆኑ በፍጹም ቅጣት ምት ወቅት እጅግ አስተማማኝ የተረጋጉና ልምድ ያላቸው ተጫዋቾች ናቸው። እነሱ በሌሉበት ሜዳ ላይ የቀሩት ወጣት ወይም የተከላካይ መስመር ተጫዋቾች እንደ ጋብሬል ማጋልሃሽ የፍጹም ቅጣት ምት የመምታት ከባድ ጫና እንዲወድቅባቸው አድርጓል። በተጨማሪም ሁለቱ ኮከቦች ሲወጡ አርሰናል ኳስን መስርቶ ማጥቃትና ፒኤስጂን ወደ ኋላ ማስጨነቅ ሙሉ በሙሉ አቆመ።

ይህም ፒኤስጂዎች ያለ ምንም ስጋት ሙሉ ኃይላቸውን ወደ አርሰናል ሳጥን እንዲልኩና በአርሰናል ተከላካዮች ላይ ከፍተኛ የአእምሮና የሰውነት ድካም እንዲፈጠር አድርጓል ይላሉ።

በሌላ በኩል ጨዋታው ወደ ትርፍ ሰዓት ሲያመራ ሳካ እና ኦዴጋርድ በፒኤስጂ ተጫዋቾች ከፍተኛ ክትትልና ጫና ስለነበረባቸው በከፍተኛ ሁኔታ ዝለው ነበር።

አርቴታ እነሱን የቀየረው የጡንቻ ጉዳት እንዳይገጥማቸውና ትኩስ ጉልበት ያላቸውን ተጫዋቾች ለምሳሌ ማዱዌኬን በማስገባት የፒኤስጂን መስመር ለመስበር በማሰብ ሊሆን ይችላል የሚሉም አሉ።

ሆኖም አርቴታ ጨዋታውን በ120 ደቂቃ ውስጥ ለመጨረስ ወይም በመከላከል ለመጨረስ አስቦ ሊሆን ይችላል ነገር ግን ጨዋታው ወደ ፍጹም ቅጣት ምት ማምራቱ የማይቀር መሆኑን እያወቀ ሁለቱን ምርጥ የቅጣት ምት መቺዎቹን እና የቡድኑን የልብ ትርታዎች ቀይሮ ማስወጣቱ በታክቲክ ደረጃ ትልቅ ስህተት እንደነበር ይነገራል።

ይህ የሻምፒዮንስ ሊግ ሽንፈት ለአርሰናል እና ለደጋፊዎቹ እጅግ መራራ ምሽት ቢሆንም ክለቡ በዚህ የውድድር ዘመን የኢንግሊዝ ፕሪሚየር ሊግ ዋንጫን በማንሳቱ ትልቅ ስኬት ማስመዝገቡ አይዘነጋም።

ቡድኑ ካሳየው አስደናቂ ጥንካሬ እና መዋቅር አንፃር በቀጣይ ዓመታት ይበልጥ ጠንክሮ እና ተምሮበት እንደሚመለስ የስፖርት ተንታኞች ትልቅ ተስፋ ጥለውበታል።

አለባቸው ደሳለኝ ለንደን
#arsenal #psg #championsleague #football #getutemesgen #getu #ጌጡ #ጌጡተመስገን #addisababa