የኦሮሚያ ጤና ቢሮ የደም እጥረትን ለማቃለል በሆስፒታሎች "ሚኒ ደም ባንክ" ለማቋቋም ማቀዱን አስታወቀ

የኦሮሚያ ክልል ጤና ቢሮ በሆስፒታሎች የሚያጋጥመውን የደም እጥረት ችግር ለመፍታት በክልሉ ከሚገኙ 17 የደም ባንኮች በተጨማሪ በሆስፒታሎች ደረጃ አነስተኛ የደም ባንክ ወይም "ሚኒ ደም ባንክ" ለማቋቋም ማቀዱን አስታውቋል።

አዲሱ አሠራር ሆስፒታሎች የራሳቸውን ደም በራሳቸው እንዲሰበስቡና እንዲያከማቹ እንዲሁም ደም እና የደም ተዋጽኦዎችን ለሚያስፈልጋቸው ለመስጠት የሚያስችል ነው።

የክልሉ ጤና ቢሮ ምክትል ቢሮ ኃላፊ አቶ ደረጀ አብደና ለአሐዱ ሬድዮ እንደገለጹት፤ አሠራሩ በበጀት ዓመቱ አዳዲስ የደም ባንኮችን ከማቋቋም ጎን ለጎን በሆስፒታሎች የሚኒ ደም ባንክ አገልግሎትን ለማስፋፋት ያለመ ነው።

በተለይም የፀጥታ ችግር ባለባቸው አካባቢዎች የሚገኙ ሆስፒታሎች የራሳቸው የደም ባንክ እንዲኖራቸው ይደረጋል ተብሏል።

አገልግሎቱ በአሁኑ ወቅት ከፍተኛ የወሊድ ሕክምና በሚሰጡ ሆስፒታሎች ላይ የተጀመረ ሲሆን፤ በተያዘው የበጀት ዓመት በሁሉም አካባቢዎች በሚገኙ ሆስፒታሎች ለማስፋት ቅድመ ዝግጅት ተደርጓል።

በክልሉ የማኅበረሰቡ የደም ልገሳ ባህል ከጊዜ ወደ ጊዜ እየተሻሻለ መምጣቱን አቶ ደረጀ ተናግረዋል። ደም መለገስ ላይ የነበሩ የአመለካከት ችግሮችም መፈታታቸውን ገልጸዋል።

በክልሉ ከዓመት ዓመት የሚሰበሰበው የደም መጠን እየጨመረ የመጣ ሲሆን፤ ከተጽዕኖ ፈጣሪዎች፣ ከሃይማኖት አባቶች እና አባቶች ገዳዎች ጋር በተሠራ ሥራ የማኅበረሰቡን አመለካከት መለወጥ ተችሏል ተብሏል።

በህይወቴ ጌትነት

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

በአሜሪካን ሐገር የ3 ዓመት ህፃን ልጅ ጥይት የተሞላበት ሽጉጥ የህፃናት ማቆያ ስፍራ ውስጥ ይዞ ተገኘ

በአሜሪካ ሚቺጋን ግዛት፣ ካንተን ታውንሺፕ በሚገኝ የህፃናት ማቆያ ውስጥ አንድ የሶስት ዓመት ህጻን ጥይት የተሞላበት ሽጉጥ በጀርባ ቦርሳው ይዞ ወደ ህጻናት ማቆያ መግባቱ የተሰማ ሲሆን፣ ድርጊቱን ተከትሎ የህጻኑ እናት በቁጥጥር ስር መዋሏን የጸጥታ አካላት አስታውቀዋል።

ይህ አስደንጋጭ ክስተት የተፈጠረው ‘ቺልድረንስ ዎርልድ’ በተሰኘው የህጻናት ማቆያ እና ማስተማሪያ ማዕከል ውስጥ ነው። የካንተን ፖሊስ አዛዥ ጆሴፍ ቢያሊ በሰጡት ጋዜጣዊ መግለጫ፣ ህጻኑ ሽጉጡን ከቦርሳው አውጥቶ ሲጫወትበት በክፍሉ ውስጥ የነበሩት መምህርት በአስቸኳይ ጣልቃ በመግባት መሳሪያውን በሰላም መቀማትና ማስጣል ችለዋል።

በዚህም ምክንያት በአካባቢው በነበሩት ህጻናትም ሆነ ሰራተኞች ላይ ምንም አይነት የአካል ጉዳት ሳይደርስ አደጋውን መከላከል ተችሏል።ፖሊስ እንዳስታወቀው ከሆነ ህጻኑ ይዞት የገባው መሳሪያ ‘ግሎክ’ የተሰኘ ሽጉጥ ሲሆን፣ የመሳሪያው ባለቤት ደግሞ የህጻኑ እናት መሆኗ ታውቋል። ሙያዋ ነርስ የሆነችው ይህቺው እናት በቸልተኝነት እና የጦር መሳሪያን በአግባቡ ባለመጠበቅ ወንጀል ተጠርጥራ በቁጥጥር ስር ውላለች።

የሚገርመው ነገር ደግሞ የህፃኑ ልጅ አባት በከተማው ውስጥ ህግ የሚያስከብር የከተማው ፖሊስ አባል መሆኑ ድርጊቱን ይባልጥ አነጋጋሪ አድርጎታል። ልጁ ግን ትምህርት ቤቱ ውስጥ ይዞት የተገኘው የፖሊስ አባቱን የመስሪያ ቤት ሽጉጥ እንዳልሆነ ተገልጿል።

መምህሯ መጀመሪያ ላይ ልጁ ሽጉጡን ከቦርሳው አውጥቶ ወደ ሌሎች ህፃናት ሽጉጡን ሲያነጣጥር ስትመለከት የአሻንጉሊት አርቴፊሻል ሽጉጥ መስሏት ነበር፣ በኋላ ግን ሽጉጡ ከፕላስቲክ ያልተሰራ እና የእውነተኛ ሽጉጥ መሆኑን ስታቅ፣ ከጀርባው ሄደ ቀስ ብላ ሽጉጡን ከህፃኑ ልትቀበለው ችላለች።የማዕከሉ መምህራን ላሳዩት ፈጣን እና ብልህ እርምጃ የፖሊስ አዛዡ ከፍተኛ ምስጋና ያቀረቡ ሲሆን፣ ጉዳዩ በዋይን ካውንቲ ዓቃቤ ህግ በኩል ተመርምሮ ክስ የመመስረት ሂደት ላይ እንደሚገኝ ተገልጿል።

ክስተቱ የወላጆችን የጦር መሳሪያ አያያዝ ጥንቃቄ በጥብቅ የፈተነ መሆኑን የመገናኛ ብዙኃን በስፋት እየዘገቡት ይገኛሉ።

#ዳጉ_ጆርናል

በብሔራዊ ፓርኮች ይፈጸም የነበረው ሕገ-ወጥ አደን መቆሙን የዱር እንስሳት ጥበቃ ባለሥልጣን አስታወቀ

በ2018 በጀት ዓመት በኢትዮጵያ ብሔራዊ ፓርኮች እና የዱር እንስሳት መጠለያዎች ይፈጸም የነበረው ሕገ-ወጥ አደን ሙሉ በሙሉ በሚባል ደረጃ መቆሙን የኢትዮጵያ ዱር እንስሳት ጥበቃ ባለሥልጣን ገልጿል።

የባለሥልጣኑ ምክትል ዋና ዳይሬክተር አቶ ሰለሞን መኮንን፣ ቀደም ሲል ከውጭ ሀገር ሕገ-ወጥ አጋፋሪዎች እና የ'ኮንትሮባንድ' ሰንሰለቶች ጋር በተያያዘ በዝሆኖች ላይ ከፍተኛ ግድያ ይፈጸም እንደነበር አስታውሰው፣ የዝሆን ጥርስ ንግድ እንቅስቃሴም እንደ ትልቅ ስጋት ተደቅኖ መቆየቱን ተናግረዋል።

ሆኖም በተጠናቀቀው የ2018 በጀት ዓመት ከየደረጃው አመራሮች እና ከሕብረተሰቡ ጋር በተሠራ የግንዛቤ ማስጨበጥ እንዲሁም የሕግ የማስከበር ሥራ ሕገ-ወጥ አደኑን ማስቆም ተችሏል።

በተለይም በሰሜን ተራሮች ብሔራዊ ፓርክ በዋልያ ላይ ይፈጸም የነበረውን አደን አካባቢው የሚገኘው ሕብረተሰብ ድርጊቱን ከሃይማኖትና ባህል የወጣ ነው በማለት በማወገዙ አደኑ ሙሉ በሙሉ እንዲቆም ማድረጉን ጠቁመዋል።

ምክትል ዋና ዳይሬክተሩ አክለውም፤ የዱር እንስሳትን እና መኖሪያ አካባቢያቸውን መጠበቅ ለሀገር ህልውና፣ ለአካባቢ ጥበቃና የአየር ንብረት ለውጥን ለመቋቋም ወሳኝ መሆኑን ገልጸዋል።

በየደረጃው የሚገኘው አመራርና ሕብረተሰብ ይህንን የተፈጥሮ ሀብት የመጠበቅና የመንከባከብ ኃላፊነቱን በመወጣት ከባለሥልጣኑ ጎን እንዲሰለፍ ጥሪ አቅርበዋል።

በወልደሐዋርያት ዘነበ

#አሐዱ_ሬዲዮ_94 .3
#አሐዱ_የኢትዮጵያውያን_ድምጽ

ኢትዮጵያ - ታላቅ ሀገር፣ ትልቅ ሕዝብ፣ ታላቅ ርዕይ

አዲስ አበባ መስከረም 19፣ 2019 (ኤፍ ኤም ሲ) ኢትዮጵያ በዓለም ፈጣን የኢኮኖሚ ዕድገት እያስመዘገቡ ካሉ ሀገራት ትጠቀሳለች፡፡

ከአፍሪካ ሁለተኛዋ ብዙ ሕዝብ ያላት ኢትዮጵያ፤ ሁለቱን ሀብቶች አቀናጅታ የልማት ሞተር ለማድረግ ዘርፈ ብዙ የሪፎርም ሥራዎችን እየተገበረች ትገኛለች፡፡

በሀገሪቱ ከሐምሌ 2016 ዓ.ም ጀምሮ ተግባራዊ የተደረገው የተሟላ የማክሮ ኢኮኖሚ ማሻሻያ የረጅም ጊዜ የኢኮኖሚ መዋቅራዊ ስብራቶችን በመጠገን ወሳኝ ስኬቶችን አስመዝግቧል።

በዛሬው ዕለት በተካሄደው የ2ኛው የኢትዮጵያ ፋይናንስ ፎረም ላይ ንግግር ያደረጉት ምክትል ጠቅላይ ሚኒስትር ተመስገን ጥሩነህ፥ ኢትዮጵያ በኢኮኖሚው ትልቅ ምዕራፍ ላይ እንደምትገኝ ገልጸዋል።

ኢኮኖሚ ሲነሳ የፋይናንስ ጉዳይ የአንበሳውን ድርሻ እንደሚወስድ ይታወቃል።

ባለፉት ዓመታት ሀገሪቱ በወሰደቻቸው ሁለንተናዊ የማክሮ ኢኮኖሚ ማሻሻያዎች የፋይናንስ ዘርፉን የሚያጠናክሩ፣ የውጭ ምንዛሬ ሥርዓትን የሚያሻሽሉ፣ የገንዘብ ፖሊሲን የሚያዘምኑና የፊስካል ፖሊሲና የዕዳ አስተዳደርን የሚለውጡ እንዲሁም ምቹ የኢንቨስትመንትና የንግድ ከባቢ የሚፈጥሩ ዘርፈ ብዙ ውጤቶችን ማስመዝገብ ተችሏል፡፡

የውጭ ምንዛሪ ቀደም ባሉት የሀገሪቱ ቁልፍ ተግዳሮት ሆኖ መቆየቱ ይታወሳል።

የአቅርቦት ችግርን ለመቅረፍና ሕገወጥ ግብይትን ለመቆጣጠር በለውጡ መንግሥት በቁርጠኝነት ተሠርቷል።

ምክትል ጠቅላይ ሚኒስትር ተመስገን እንደገለጹት፥ በማሻሻያው ምክንያት የወጪ ንግድ አድጓል፣ የውጭ ምንዛሪና የካፒታል ክምችት ከፍ ብሏል።

የብሔራዊ ባንክ ገዥ ኢዮብ ተካልኝ (ዶ/ር) በበኩላቸው፥ በተተገበሩት የሪፎርም ሥራዎች ጠንካራ የፋይናንስ ተቋማት መገንባት ተችሏል ብለዋል፡፡

በተቀማጭ ገንዘብ፣ በተንቀሳቃሽ ሀብት፣ በኢንሹራንስና በልማት ድጋፍ አማራጮች ፈጣን ዕድገት ማስመዝገብ እንደተቻለ አንስተዋል፡፡

የኢኮኖሚ ማሻሻያው እውነተኛ መለኪያ በዜጎች ሕይወት ላይ የሚያመጣው ተጨባጭ ለውጥና የፋይናንስ አካታችነት ነው፡፡

አርሶ አደሮች፣ ወጣቶች፣ ሴት ሥራ ፈጣሪዎችና አነስተኛ ኢንተርፕራይዞች የፋይናንስ አቅርቦት እንዲያገኙና ምርታማነታቸውን እንዲያሳድጉ አስችሏቸዋል።

በቀጣይም በግብርና፣ በቤቶች ግንባታ፣ በአምራች ዘርፍና በዲጂታል መሠረተ ልማት የብድር አቅርቦት ላይ መንግሥት በትኩረት እየሠራ ይገኛል፡፡

የኢትዮጵያ የሰነደ መዋዕለ ነዋይ ገበያ በኢትዮጵያ ታሪክ ለመጀመሪያ ጊዜ ጥር 2017 ዓ.ም በይፋ ሥራ የጀመረ ሲሆን፤ ኩባንያዎች ለኢንቨስትመንት የሚሆን የረጅም ጊዜ ካፒታል በሰፊው እንዲያገኙ የሚያስችል የካፒታል ገበያ ሥርዓት ነው።

ይህም የፋይናንስ ዘርፉ ትልቅ እምርታ ተደርጎ የሚወሰድ ነው፡፡

የመንግሥትና የግሉ ዘርፍ አጋርነትን በማጠናከር፣ በጽኑ ዲሲፕሊንና በጠንካራ ተቋማት ሁለንተናዊ ሉዓላዊነት ያላትን ታላቋን ኢትዮጵያ የመገንባት ሥራ በጠንካራ መሠረት ላይ መጣሉን የሚያመላክት ነው፡፡

በፋይናንስ ዘርፍ አካታች፣ ዘመናዊና ተደራሽ የፋይናንስ ሥርዓት ለመገንባት የተያዘውን ታላቅ ራዕይ አጠናክሮ በመተግበር ታላቅ ሀገር የመገንባት ጉዞው ተጠናክሮ ይቀጥላል፡፡

በቴዎድሮስ ሳህለ




ኢትዮጵያ - ታላቅ ሀገር፣ ትልቅ ሕዝብ፣ ታላቅ ርዕይ

አዲስ አበባ መስከረም 19፣ 2019 (ኤፍ ኤም ሲ) ኢትዮጵያ በዓለም ፈጣን የኢኮኖሚ ዕድገት እያስመዘገቡ ካሉ ሀገራት ትጠቀሳለች፡፡

ከአፍሪካ ሁለተኛዋ ብዙ ሕዝብ ያላት ኢትዮጵያ፤ ሁለቱን ሀብቶች አቀናጅታ የልማት ሞተር ለማድረግ ዘርፈ ብዙ የሪፎርም ሥራዎችን እየተገበረች ትገኛለች፡፡

በሀገሪቱ ከሐምሌ 2016 ዓ.ም ጀምሮ ተግባራዊ የተደረገው የተሟላ የማክሮ ኢኮኖሚ ማሻሻያ የረጅም ጊዜ የኢኮኖሚ መዋቅራዊ ስብራቶችን በመጠገን ወሳኝ ስኬቶችን አስመዝግቧል።

በዛሬው ዕለት በተካሄደው የ2ኛው የኢትዮጵያ ፋይናንስ ፎረም ላይ ንግግር ያደረጉት ምክትል ጠቅላይ ሚኒስትር ተመስገን ጥሩነህ፥ ኢትዮጵያ በኢኮኖሚው ትልቅ ምዕራፍ ላይ እንደምትገኝ ገልጸዋል።

ኢኮኖሚ ሲነሳ የፋይናንስ ጉዳይ የአንበሳውን ድርሻ እንደሚወስድ ይታወቃል።

ባለፉት ዓመታት ሀገሪቱ በወሰደቻቸው ሁለንተናዊ የማክሮ ኢኮኖሚ ማሻሻያዎች የፋይናንስ ዘርፉን የሚያጠናክሩ፣ የውጭ ምንዛሬ ሥርዓትን የሚያሻሽሉ፣ የገንዘብ ፖሊሲን የሚያዘምኑና የፊስካል ፖሊሲና የዕዳ አስተዳደርን የሚለውጡ እንዲሁም ምቹ የኢንቨስትመንትና የንግድ ከባቢ የሚፈጥሩ ዘርፈ ብዙ ውጤቶችን ማስመዝገብ ተችሏል፡፡

የውጭ ምንዛሪ ቀደም ባሉት የሀገሪቱ ቁልፍ ተግዳሮት ሆኖ መቆየቱ ይታወሳል።

የአቅርቦት ችግርን ለመቅረፍና ሕገወጥ ግብይትን ለመቆጣጠር በለውጡ መንግሥት በቁርጠኝነት ተሠርቷል።

ምክትል ጠቅላይ ሚኒስትር ተመስገን እንደገለጹት፥ በማሻሻያው ምክንያት የወጪ ንግድ አድጓል፣ የውጭ ምንዛሪና የካፒታል ክምችት ከፍ ብሏል።

የብሔራዊ ባንክ ገዥ ኢዮብ ተካልኝ (ዶ/ር) በበኩላቸው፥ በተተገበሩት የሪፎርም ሥራዎች ጠንካራ የፋይናንስ ተቋማት መገንባት ተችሏል ብለዋል፡፡

በተቀማጭ ገንዘብ፣ በተንቀሳቃሽ ሀብት፣ በኢንሹራንስና በልማት ድጋፍ አማራጮች ፈጣን ዕድገት ማስመዝገብ እንደተቻለ አንስተዋል፡፡

የኢኮኖሚ ማሻሻያው እውነተኛ መለኪያ በዜጎች ሕይወት ላይ የሚያመጣው ተጨባጭ ለውጥና የፋይናንስ አካታችነት ነው፡፡

አርሶ አደሮች፣ ወጣቶች፣ ሴት ሥራ ፈጣሪዎችና አነስተኛ ኢንተርፕራይዞች የፋይናንስ አቅርቦት እንዲያገኙና ምርታማነታቸውን እንዲያሳድጉ አስችሏቸዋል።

በቀጣይም በግብርና፣ በቤቶች ግንባታ፣ በአምራች ዘርፍና በዲጂታል መሠረተ ልማት የብድር አቅርቦት ላይ መንግሥት በትኩረት እየሠራ ይገኛል፡፡

የኢትዮጵያ የሰነደ መዋዕለ ነዋይ ገበያ በኢትዮጵያ ታሪክ ለመጀመሪያ ጊዜ ጥር 2017 ዓ.ም በይፋ ሥራ የጀመረ ሲሆን፤ ኩባንያዎች ለኢንቨስትመንት የሚሆን የረጅም ጊዜ ካፒታል በሰፊው እንዲያገኙ የሚያስችል የካፒታል ገበያ ሥርዓት ነው።

ይህም የፋይናንስ ዘርፉ ትልቅ እምርታ ተደርጎ የሚወሰድ ነው፡፡

የመንግሥትና የግሉ ዘርፍ አጋርነትን በማጠናከር፣ በጽኑ ዲሲፕሊንና በጠንካራ ተቋማት ሁለንተናዊ ሉዓላዊነት ያላትን ታላቋን ኢትዮጵያ የመገንባት ሥራ በጠንካራ መሠረት ላይ መጣሉን የሚያመላክት ነው፡፡

በፋይናንስ ዘርፍ አካታች፣ ዘመናዊና ተደራሽ የፋይናንስ ሥርዓት ለመገንባት የተያዘውን ታላቅ ራዕይ አጠናክሮ በመተግበር ታላቅ ሀገር የመገንባት ጉዞው ተጠናክሮ ይቀጥላል፡፡

በቴዎድሮስ ሳህለ

የሲዳማ ክልል ምክር ቤት ለርዕሰ መስተዳድር ደስታ ሌዳሞ እውቅና ሰጠ

​የሲዳማ ክልል ምክር ቤት 6ኛ የምርጫ ዘመን 5ኛ የሥራ ዘመን 11ኛ መደበኛ ጉባኤውን በስኬት ማጠናቀቁን የክልሉ ኮሙኒኬሽን ቢሮ አስታወቀ። በጉባኤው ማጠቃለያም በክልሉ ሁለንተናዊ አበይት ለውጦችን በማምጣት ከፍተኛ አፈፃፀም ላስመዘገቡ ተቋማትና መሪዎች የክብራና የእውቅና ሽልማት ተበርክቷል።

​በዚህም መሠረት የክልሉ ምክር ቤት «ክልሉን በጥበብ እና በራዕይ ያሻገረ መሪ!» በሚል መሪ ቃል ለክልሉ ርዕሰ መስተዳድር ለአቶ ደስታ ሌዳሞ ልዩ የእውቅና ሽልማት ሰጥቷቸዋል።

​ርዕሰ መስተዳድሩ ክልሉ ከተመሠረተበት ጊዜ ጀምሮ ላከናወኗቸው የልማት፣ የመልካም አስተዳደር እና የሰላም ማስከበር ሥራዎች እንዲሁም ክልሉን ወደ አዲስ የዕድገት ምዕራፍ ለማሸጋገር ላሳዩት አመራር ይህ እውቅና እንደተሰጣቸው ከኮሙኒኬሽን ቢሮው መረጃ ለማወቅ ተችሏል።

ቀደም ሲል 21 የነበሩት የኦሮሚያ ክልል ዞኖች ወደ 6 ዞኖች ተዋቀሩ

ጨፌ ኦሮሚያ ባካሄደው መደበኛ ጉባዔ የኦሮሚያ ክልላዊ መንግሥት አስፈጻሚ አካላት የማቋቋሚያ አዋጅ ማጽደቁን አስታወቀ። በአዲሱ አዋጅ መሠረት ቀደም ሲል በክልሉ የነበሩ 21 ዞኖች ተጠቃለው ወደ 6 ትላልቅ ዞኖች አዲስ አደረጃጀት ተዘርግቷል።

ይህ የዞኖች አደረጃጀት ሪፎርም በሕግ የተደገፈ ሲሆን፣ አገልግሎትን ከክልል ደረጃ ወደ ዞን፣ ወረዳና ቀበሌዎች በማውረድ የሕዝቡን ተጠቃሚነት ለማረጋገጥ ያለመ ነው ተብሏል። በመንግሥት ተቋማት መካከል ጠንካራ ቅንጅት በመፍጠር ኅብረተሰቡን ቀልጣፋና ዘመናዊ አገልግሎት ለመስጠት እንደሚያስችልም ተገልጿል።

በአዲሱ መዋቅር መሠረት ምሥራቅ ኦሮሚያ፣ ደቡብ ምሥራቅ ኦሮሚያ፣ ደቡብ ኦሮሚያ፣ ደቡብ ምዕራብ ኦሮሚያ፣ ምዕራብ ኦሮሚያ እና ማዕከላዊ ኦሮሚያ ዞኖች ተዋቅረዋል። ለእነዚህም አዳዲስ ዞኖች በምክትል ፕሬዚዳንት ማዕረግ የሚመሩ አስተዳዳሪዎች በጨፌው መመደባቸውን ለመረዳት ተችሏል።

Via capital

አርቲስት ኢቲቃ ተፈሪ በታሰሩት አቶ ታዬ ደንደአ ዙሪያ ያቀረበው ጥሪ ትኩረትን ሳበ
#fastmereja I ​ታዋቂው የአፋን ኦሮሞ ድምጻዊ አርቲስት ኢቲቃ ተፈሪ፣ በአሁኑ ወቅት በሕግ ጥላ ሥር በሚገኙት የቀድሞው የሰላም ሚኒስቴር ዴኤታ አቶ ታዬ ደንደአ ላይ የሚፈጸመው እስርና እንግልት እንዲቆም እና በነፃ እንዲለቀቁ በማህበራዊ ሚዲያ ገጹ ጥሪ አቀረበ። አርቲስቱ በሰጠው አስተያየት፣ አቶ ታዬ ከልጅነታቸው ጀምሮ ስለ ህዝብ መብትና ጥቅም በጽናት ሲታገሉ የቆዩ፣ ከሙስና እንዲሁም ከማንኛውም የደምና የስርቆት ወንጀል ነፃ የሆኑ እውነተኛ የህዝብ ተቆርቋሪ ናቸው ብሏል።

​አርቲስት ኢቲቃ ተፈሪ አክሎ እንደገለጸው፣ አቶ ታዬ ደንደአ በጽኑ አቋማቸውና በግልጽ ተናጋሪነታቸው ሰዎችን ያስቀየሙበት አጋጣሚ ሊኖር ቢችልም፣ ከግል ጥቅማቸው ይልቅ የጋራንና የህዝብን ጥቅም ያስቀደሙ ሰው መሆናቸውን ገልጿል። "ከእሳቸው በላይ ለህዝብ መብት ከፊት ቀድሞ የቆመ አካል የለም" ያለው አርቲስቱ፣ አገሪቱ ውስጥ በርካታ ጥፋተኞች በነፃነት እየተዘዋወሩ ባሉበት ሁኔታ እንዲህ ያሉ ጠንካራና አቋመኛ ሰዎችን ማሰርና ማንግላታት ለችግሮች መፍትሔ እንደማይሆን አስገንዝቧል።

​በመጨረሻም አርቲስት ኢቲቃ ተፈሪ ለሚመለከታቸው የመንግሥትና የፍትሕ አካላት ጥሪ በማቅረብ፣ አቶ ታዬ ደንደአ ከእስር ተፈተው ወደ ህዝባቸው እንዲመለሱ እና አላስፈላጊ እንግልት እንዲቆም መጠየቁን በግል የማህበራዊ ሚዲያ ገጹ ባሰራጨው መልእክት መመልከት ተችሏል።

ዋልያዎቹ ልምምዳቸውን ሰርተዋል !

ከፊቱ ወሳኝ የአፍሪካ ዋንጫ ማጣሪያ ጨዋታ ያለበት የኢትዮጵያ ብሔራዊ ቡድን ልምምዱን እየሰራ ይገኛል።

ዋልያዎቹ በባሕር ዳር ስታዲየም ከቀኑ 10:00 ሰዓት ጀምሮ ልምምዳቸውን በመስራት ላይ ይገኛሉ።

በልምምድ ወቅት ብሔራዊ ቡድኑ በጥሩ ተነሳሽነት እና በጥሩ መንፈስ ላይ እንደሚገኝ ለመመልከት ተችሏል።

ጨዋታውን የሚያስተናግደው የባሕር ዳር ስታዲየም የካፍን መስፈርት አሟልቶ እና ደረጃውን ጠብቆ ባመረ መልኩ ዝግጁ ሆኖ ይገኛል።

ኢትዮጵያ የአፍሪካ ዋንጫ ማጣሪያ ሁለተኛ ጨዋታዋን ከሴኔጋል ጋር ማክሰኞ ከቀኑ 10:00 ላይ ታደርጋለች።

@tikvahethsport kidusyoftahe

በኢትዮጵያ ከ18ሺህ በላይ የብድር እና ቁጠባ ማኅበራት ስራ ላይ መሆናቸው ተገለጸ

መስከረም 14 ቀን 2019 ዓ.ም.  (አሐዱ ሬዲዮ) በኢትዮጵያ በአሁኑ ወቅት ከ18 ሺህ በላይ የብድርና ቁጠባ ህብረት ስራ ማህበራት በስራ ላይ እንደሚገኙ የኢትዮጵያ ሕብረት ስራ ኮሚሽን አስታውቋል።

የኮሚሽኑ ምክትል ኮሚሽነር አቶ ሺህሰማ ገብረሥላሴ አሚጎስ የገንዘብ ቁጠባና ብድር መስረታዊ የሕብረት ስራ ማኅበር ከወረቀት ነፃ የሆነ የስማርት አገልግሎት ማዕከሉን ባስመረቀበት መርሃ-ግብር ላይ እንደገለፁት፣ በበጀት ዓመቱ በዘርፉ በተከናወኑ ስራዎች አበረታች ውጤት ተመዝግቧል።

በዚህም በፕላንና ልማት ሚኒስቴር በተካሄደው ግምገማ 78 በመቶ የአፈጻጸም ውጤት የተመዘገበ ሲሆን፣ የሕብረት ስራ ማኅበራቱ አጠቃላይ ካፒታልም ወደ 77.2 ቢሊዮን ብር ማሳደግ ተችሏል።

የማኅበራቱ ቁጠባ ከነበረበት 13.6 ቢሊዮን ብር ወደ 41.4 ቢሊዮን ብር ማደጉን የገለፁት ምክትል ኮሚሽነሩ፣ ከ1.3 ሚሊዮን በላይ ለሆኑ አባላት ከ45 ቢሊዮን ብር በላይ ብድር መሰጠቱንም አክለው ተናግረዋል።

በአጠቃላይ በሀገሪቱ የሚገኙት ከ18 ሺህ በላይ የብድርና ቁጠባ ሕብረት ስራ ማኅበራት እያከናወኑ በሚገኙት ውጤታማ ስራዎች የሕብረት ስራ ዘርፉን አብላጫ ድርሻ መያዛቸው ተመላክቷል።

በስፍራሽ ደመላሽ
 
#አሐዱ_ሬዲዮ_94 .3
#አሐዱ_የኢትዮጵያውያን_ድምጽ
ፌስቡክ ገጽ፡- https://web.facebook.com/a...
ቴሌግራም ገጽ፡- https://t.me/ahaduradi

ከ600 በላይ ተማሪዎችን የረዳው “አንድ እሽግ ለአንድ ተማሪ” የበጎነት መርሃ ግብር
#ethiopia | በደቡብ ምዕራብ ኢትዮጵያ ሕዝቦች ክልል ዳውሮ ዞን ታርጫ ከተማ፣ ከ600 በላይ ተማሪዎችን የሚደግፍ የትምህርት ቁሳቁስ ተሰብስቧል።

የትምህርት ቁሳቁሶቹ የተሰበሰቡት “አንድ እሽግ ለአንድ ተማሪ” በሚል መርህ በNew Dawro Foundation በ2019 ዓ.ም. የተካሄደው የበጎነት መርሃ ግብር አካል ነው።

የመርሃ ግብሩ ማጠናቀቂያና የNew Dawro Foundation 5ኛ ዓመት ክብረ በዓል በታርጫ ከተማ ተካሂዷል።

በዝግጅቱ ላይ የዳውሮ ዞን ትምህርት መምሪያ ኃላፊ እጩ ዶ/ር ታማኝ እንደገለጹት፣ የትምህርት ሥራ የሁሉም ባለድርሻ አካላት የጋራ ኃላፊነት ነው። በጎ አድራጎትን በማጠናከርም ማህበረሰቡን የሚጠቅሙ በርካታ ተግባራትን ማሳካት እንደሚቻል ጠቁመዋል።

የተሰበሰቡት የትምህርት ቁሳቁሶች በእጥረት ምክንያት ሕፃናት ከትምህርት ገበታ እንዳይቀሩ የሚያግዙ መሆናቸውን የደቡብ ምዕራብ ኢትዮጵያ ሕዝቦች ክልል ትምህርት ቢሮ ምክትል ኃላፊ አቶ አባተ ኡቃ ተናግረዋል።

አቶ አባተ እንዳሉት፣ በመርሃ ግብሩ ከ600 በላይ ተማሪዎች የትምህርት ቁሳቁስ በማግኘት ወደ ትምህርት ገበታ እንዲገቡ ማገዝ ተችሏል። በመሆኑም New Dawro Foundationንና በመርሃ ግብሩ የተሳተፉ አካላትን አመስግነዋል።

በተጨማሪም የትምህርት ቁሳቁስ እጥረት ሳቢያ ተማሪዎች ከትምህርት እንዳይቀሩ ሁሉም ባለድርሻ አካላት የበኩላቸውን ኃላፊነት እንዲወጡ ጠይቀዋል።

የNew Dawro Foundation መስራችና ባለቤት አቶ በሀይሉ ማቲዎስ በበኩላቸው፣ ባለፉት አምስት ዓመታት “አንድ እሽግ ለአንድ ተማሪ” በሚል መርሃ ግብር የተለያዩ የትምህርት ቁሳቁሶችን በማሰባሰብ በዳውሮ ዞን ከ2 ሺህ 400 በላይ ተማሪዎችን መደገፍ መቻሉን ገልጸዋል።

በመርሃ ግብሩ በርካታ ግለሰቦች፣ የመንግሥት አካላት፣ ወጣቶችና የሥራ ኃላፊዎች በበጎነት ተሳትፎ ማድረጋቸውን ጠቅሰው፣ ለተሳተፉ ሁሉ ምስጋና አቅርበዋል።

አቶ በሀይሉ ማቲዎስ ማህበራዊ ሚዲያን ለበጎ ዓላማ በመጠቀም ሕብረተሰቡን የሚጠቅሙ በርካታ ተግባራትን ማከናወን እንደሚቻልም አመልክተዋል።

Foundationኑ በቀጣይ ከትምህርት ቁሳቁስ ድጋፍ ባሻገር በንጹሕ የመጠጥ ውሃና በሌሎች የማህበረሰብ ጥቅም መስኮች ላይ በመሥራት ሕብረተሰቡን ተጠቃሚ ለማድረግ ማቀዱንም ገልጸዋል።

“አንድ እሽግ ለአንድ ተማሪ” የበጎነት መርሃ ግብር የትምህርት ቁሳቁስ እጥረት ያለባቸውን ተማሪዎች በመደገፍ በትምህርት ተሳትፎና ውጤታማነት ላይ አስተዋጽኦ ለማድረግ የታለመ መሆኑ ተገልጿል።

በመርሃ ግብሩ የክልልና የዞን የመንግሥት ሥራ ኃላፊዎች፣ የታርጫ ከተማ አስተዳደር አመራሮች፣ በጎ ፈቃደኛ ወጣቶች፣ ወላጆችና ተማሪዎች ተገኝተዋል።
#newdawuromedia



ከ600 በላይ ተማሪዎችን የረዳው “አንድ እሽግ ለአንድ ተማሪ” የበጎነት መርሃ ግብር
#ethiopia | በደቡብ ምዕራብ ኢትዮጵያ ሕዝቦች ክልል ዳውሮ ዞን ታርጫ ከተማ፣ ከ600 በላይ ተማሪዎችን የሚደግፍ የትምህርት ቁሳቁስ ተሰብስቧል።

የትምህርት ቁሳቁሶቹ የተሰበሰቡት “አንድ እሽግ ለአንድ ተማሪ” በሚል መርህ በNew Dawro Foundation በ2019 ዓ.ም. የተካሄደው የበጎነት መርሃ ግብር አካል ነው።

የመርሃ ግብሩ ማጠናቀቂያና የNew Dawro Foundation 5ኛ ዓመት ክብረ በዓል በታርጫ ከተማ ተካሂዷል።

በዝግጅቱ ላይ የዳውሮ ዞን ትምህርት መምሪያ ኃላፊ እጩ ዶ/ር ታማኝ እንደገለጹት፣ የትምህርት ሥራ የሁሉም ባለድርሻ አካላት የጋራ ኃላፊነት ነው። በጎ አድራጎትን በማጠናከርም ማህበረሰቡን የሚጠቅሙ በርካታ ተግባራትን ማሳካት እንደሚቻል ጠቁመዋል።

የተሰበሰቡት የትምህርት ቁሳቁሶች በእጥረት ምክንያት ሕፃናት ከትምህርት ገበታ እንዳይቀሩ የሚያግዙ መሆናቸውን የደቡብ ምዕራብ ኢትዮጵያ ሕዝቦች ክልል ትምህርት ቢሮ ምክትል ኃላፊ አቶ አባተ ኡቃ ተናግረዋል።

አቶ አባተ እንዳሉት፣ በመርሃ ግብሩ ከ600 በላይ ተማሪዎች የትምህርት ቁሳቁስ በማግኘት ወደ ትምህርት ገበታ እንዲገቡ ማገዝ ተችሏል። በመሆኑም New Dawro Foundationንና በመርሃ ግብሩ የተሳተፉ አካላትን አመስግነዋል።

በተጨማሪም የትምህርት ቁሳቁስ እጥረት ሳቢያ ተማሪዎች ከትምህርት እንዳይቀሩ ሁሉም ባለድርሻ አካላት የበኩላቸውን ኃላፊነት እንዲወጡ ጠይቀዋል።

የNew Dawro Foundation መስራችና ባለቤት አቶ በሀይሉ ማቲዎስ በበኩላቸው፣ ባለፉት አምስት ዓመታት “አንድ እሽግ ለአንድ ተማሪ” በሚል መርሃ ግብር የተለያዩ የትምህርት ቁሳቁሶችን በማሰባሰብ በዳውሮ ዞን ከ2 ሺህ 400 በላይ ተማሪዎችን መደገፍ መቻሉን ገልጸዋል።

በመርሃ ግብሩ በርካታ ግለሰቦች፣ የመንግሥት አካላት፣ ወጣቶችና የሥራ ኃላፊዎች በበጎነት ተሳትፎ ማድረጋቸውን ጠቅሰው፣ ለተሳተፉ ሁሉ ምስጋና አቅርበዋል።

አቶ በሀይሉ ማቲዎስ ማህበራዊ ሚዲያን ለበጎ ዓላማ በመጠቀም ሕብረተሰቡን የሚጠቅሙ በርካታ ተግባራትን ማከናወን እንደሚቻልም አመልክተዋል።

Foundationኑ በቀጣይ ከትምህርት ቁሳቁስ ድጋፍ ባሻገር በንጹሕ የመጠጥ ውሃና በሌሎች የማህበረሰብ ጥቅም መስኮች ላይ በመሥራት ሕብረተሰቡን ተጠቃሚ ለማድረግ ማቀዱንም ገልጸዋል።

“አንድ እሽግ ለአንድ ተማሪ” የበጎነት መርሃ ግብር የትምህርት ቁሳቁስ እጥረት ያለባቸውን ተማሪዎች በመደገፍ በትምህርት ተሳትፎና ውጤታማነት ላይ አስተዋጽኦ ለማድረግ የታለመ መሆኑ ተገልጿል።

በመርሃ ግብሩ የክልልና የዞን የመንግሥት ሥራ ኃላፊዎች፣ የታርጫ ከተማ አስተዳደር አመራሮች፣ በጎ ፈቃደኛ ወጣቶች፣ ወላጆችና ተማሪዎች ተገኝተዋል።
#newdawuromedia

(ዘ-ሐበሻ ዜና) ሩሲያ በኬይቭ ላይ መጠነ ሰፊ ጥቃት ስትፈፅም ዩክሬይን ደግሞ በሞስኮ የሚገኝ ነዳጅ ማጣሪያን መታች፡፡ በዛሬው እለት በሩሲያ ባሽኮርቶስታን ክልል ውስጥ በተፈፀሙ የድሮን ጥቃቶች የእሳት ቃጠሎዎች መነሳታቸው ተዘግቧል፡፡ እነዚህ ቃጠሎዎች የደረሱት ከዩክሬይን ድንበር 1300 እና 1400 ኪሎ ሜትር ርቀት ላይ ሲሆን የዩክሬይን መከላከያ ሀይል እንደገለፀው ኢላማ ያደረገው በኖቮ ኡፋ የነዳጅ ማጣሪያ ግቢ ውስጥ የሚገኙ ማማዎችን ነው፡፡

በዚህም በማጣሪያው የስራ እንቅስቃሴ ላይ ከፍተኛ ጉዳት ማድረሱን አስታውቋል፡፡ ይህንን ጥቃት የሩሲያ ባለስልጣናት ያላረጋገጡ ቢሆንም በተሰራጩ ፎቶግራፎች ግን በነዳጅ ማጣሪያው አካባቢ ጭስ እንደነበር ለመረዳት ተችሏል፡፡ የሩሲያ አየር መከላከያ እንደገለፀው በዛሬው እለት ክሬሚያንና አዞቭን ጨምሮ ወደተለያዩ የሩሲያ ግዛቶች የተላኩ 514 ድሮኖችን ለመጥለፍና ለማውደም ችሏል፡፡ ዩክሬይን ይህንን ጥቃት የፈፀመችው በዋና ከተማዋ ኬይቭ ላይ የተደረገውን መጠነ ሰፊ ጥቃት ተከትሎ ነው፡፡

ፕሬዝደንት ዘለንስኪ በተመድ ጠቅላላ ጉባኤ እየተሳተፉ በሚገኙበት በዚህ ወቅት በደረሰው ጥቃት ቢያንስ 2 ሰዎች ሲገደሉ ከ22 በላይ ቆስለዋል፡፡ እንዲሁም የኬይቭ የባቡር ጣቢያ በደረሰበት ጉዳት አገልግሎት ለማቋረጥ ተገዷል፡፡

ቱሪዝም ሚኒስቴር በበጀት ዓመቱ ከ5 ቢሊዮን ዶላር በላይ የውጭ ምንዛሬ ገቢ ማግኘቱን አስታወቀ

መስከረም 13 ቀን 2019 ዓ.ም. (አሐዱ ሬዲዮ) የቱሪዝም ሚኒስቴር ሚኒስትር ወ/ሮ ሰላማዊት ካሳ ዛሬ በሰጡት መግለጫ ኢትዮጵያ በ 2018 በጀት ዓመት በውጭ ቱሪስት ፍሰት ፣ በሀገር ውስጥ ቱሪዝም እና በዓለም አቀፍ ስብሰባዎች መስተንግዶ እድገት ማስመዝገቧን አስታውቀዋል።

በበጀት ዓመቱ 1 ሚሊዮን 650 ሺህ የውጭ ሀገር ቱሪስቶች ኢትዮጵያን እንደጎበኙ የገለጹት ሚኒስትሯ ይህም ከ 2017 በጀት ዓመት ጋር ሲነጻጸር ከ300 ሺህ በላይ ጎብኚዎች ብልጫ አለው ብለዋል።

ከዘርፉ የተገኘው የውጭ ምንዛሬ ገቢም ከ5 ቢሊዮን አሜሪካን ዶላር በላይ መድረሱን የገለጹ ሲሆን አፈፃፀሙ ካለፈው በጀት ዓመት ጋር ሲነጻጸር የ21 በመቶ ዕድገት አሳይቷል ብለዋል።

በሌላ በኩል አዲስ አበባን የዓለም አቀፍ ሁነቶች ማዕከል ለማድረግ በታቀደው የማይስ ቱሪዝም ዘርፍ በ 2018 በጀት ዓመት 221 ዓለም አቀፍ ሁነቶችን ማስተናገድ ተችሏል ሲሉ ገልጸዋል።

ሚኒስትሯ በመግለጫቸው የዓለም ቱሪዝም ቀን የፊታችን መስከረም 17 ቀን 2019 ዓ/ም በኢትዮጵያ ለ 39ኛ ጊዜ በዓለም ለ47ኛ ጊዜ እንደሚከበር አስታውቀዋል።

የዘንድሮው የዓለም ቱሪዝም ቀን “ዲጂታል አጀንዳ እና ሰው ሰራሽ አስተውሎት የቱሪዝም አዲስ ቅኝት በሚል መሪ ሀሳብ እንደሚከበርም ገልጸዋል።

መሪ ቃሉ ለዘንድሮው አከባበር የተመረጠበት ዋና ምክንያት የዲጂታል ቴክኖሎጂ እና የአርቴፊሻል ኢንተለጀንስ ፈጣን እድገት በዓለም አቀፍ የቱሪዝም ኢንዱስትሪ ላይ እያሳደረ ያለውን አዎንታዊ ፋይዳ ለማሳየት መሆኑን ተናግረዋል።

በፋሲል አረጋይ
#አሐዱ_ሬዲዮ_94 .3
#አሐዱ_የኢትዮጵያውያን_ድምጽ
ፌስቡክ ገጽ፡- https://web.facebook.com/a...

በኮንሶ ዞን የካላዛር በሽታ ስርጭት እየጨመረ መምጣቱ ተነገረ

👉 በአንድ ሳምንት ጊዜ ዉስጥ 6 ሰዎች በበሽታዉ እንደሚያዙ ተገልጿል፡፡

ካላዛር ሌሽማኒያ በሚባል ተህዋስያን አማካኝነት የሚከሰተዉ የካላዛር በሽታ በኮንሶ ዞን ስርጭቱ ካለፈዉ በጀት ዓመት ጋር ሲነፃፀር በያዝነዉ በጀት ዓመት ጭማሪ ማሳየቱን የዞኑ ጤና መምሪያ አስታውቋል ።

በመምሪያዉ የበሽታ መከላከል ዳይሬክቶሬት የወባ እና ትኩረት የሚሹ ሀሩራማ በሽታዎች መከላከልና መቆጣጠር ባለሙያ እና የህዝብ ግንኙነት ፎካል የሆኑት አቶ ገብረ እየሱስ ገመዳ ከብስራት ሬዲዮ ጋር ባደረጉት ቆይታ እንደተናገሩት በሽታዉ ህክምና ካላገኘ ለሞት ይዳርጋል ።

ባለፉት ዓመታት የበሽታዉ ስርጭት ዝቅተኛ እንደነበር የሚገልፁት አቶ ገብረ እየሱስ ከአዲስ አበባ ዩኒቨርስቲ ጋር በመተባበር በተደረገ ጥናት የበሽታዉ ስርጭት እየጨመረ መምጣቱን ማወቅ ተችሏል ብለዋል ።

በዋናነት የበሽታዉ አምጪ የሆነችዉ ተህዋስ በበረሃ አከባቢዎች በተለይም እንደ ግራር ባሉ የበረሃ ዛፎች ላይ የመራባት ዕድሏ ሰፊ መሆኑ ተጠቅሷል። አልፎ አልፎ የሚከሰት ትኩሳት ፣በግራ የሆድ ክፍል ላይ የሚፈጠር እብጠት ፣የሰዉነት ክብደት መቀነስ ፣ድካም ፣አቅም ማነስ ፣የምግብ ፍላጎት መጥፋት ፣ተቅማጥ እንዲሁም የነስር ህመም የበሽታዉ ምልክቶች ናቸዉ ።

በሽታዉ ህክምና ካለገኘ ለሞት የሚዳርግ በመሆኑ ምልክቶቹ ሲታዩ በአፋጣኝ ወደ ጤና ተቋም መሄድ አስፈላጊ ነዉ ተብሏል ።

በመባ ወርቅነህ
#ዳጉ_ጆርናል

ከውበት የተሻገረው የኢትዮጵያ ከተሞች አዲስ ምዕራፍ

አዲስ አበባ፣ መስከረም 12፣ 2019 (ኤፍ ኤም ሲ) በነባር ከተሞች ዕድሳትም ሆነ አዳዲሶችን ከመገንባት አኳያ ለአይበገሬነት፣ ለአረንጓዴ መሠረተ ልማቶችና ለሁኔታዎች ተላማጅ አወቃቀር የቅድሚያ ቅድሚያ መስጠት የመደመር መንግሥት ጽኑ ፖሊሲና አቋም ነው።

ይህ አካታችነትን ማዕከል ያደረገ ዘመናዊ የከተማ ልማት ርዕይ፣ የሕዝብ ስብጥርንና ኢኮኖሚያዊ ለውጦችን በቀላሉ እያስተናገደ ከተሞች ተፈጥሯዊ በሆነ መንገድ እንዲያድጉ ያደርጋል።

የከተሞች ዕድገት እና የዘመናዊነት ልኬት ከሚለካባቸው ዋና ዋና መመዘኛዎች መካከል የመሰረተ ልማት ዝርጋታ እና የከተማው ውበት ግንባር ቀደም ተጠቃሾች ናቸው።

ከቅርብ ጊዜ ወዲህ በሀገራችን በስፋት እየተከናወኑ ያሉ የኮሪደር ልማት ሥራዎችም ይህንኑ መርህ ማዕከል በማድረግ ከተሞች ታሪካዊና ባህላዊ ይዘቶቻቸውን ሳይለቁ ወደ ምቹና ዘመናዊነት እንዲሸጋገሩ ትልቅ ዕድል ፈጥረዋል።

አዲስ አበባን ጨምሮ በተለያዩ የክልል ከተሞች በተቀናጀ መልኩ በመተግበር ላይ የሚገኘው የኮሪደር ልማት ከግንባታና ከውበት ባሻገር የማህበረሰቡን ሁለንተናዊ የዕለት ተዕለት ኑሮ ማሻሻል ላይ ያተኮረ ስትራቴጂካዊ ንቅናቄ ነው።

ይህ ዘመናዊና የተሟላ መሠረተ ልማት ዝርጋታ የትራፊክ ፍሰትን በከፍተኛ ደረጃ ለማቀላጠፍ ከማስቻሉም በላይ፤ ምቹ የእግረኛ መንገዶችን፣ የብስክሌት መተላለፊያዎችን፣ ዘመናዊ የመብራት ዝርጋታዎችን እንዲሁም አካል ጉዳተኞችን ታሳቢ ያደረገ ነው፡፡

ይህም የሁሉንም ዜጋ እኩል ተጠቃሚነት በማረጋግጥ ምቹ ከተማን በመፍጠር ረገድ የላቀ ሚና እያበረከተ ይገኛል።

ከዚህ በተጨማሪ አረንጓዴ ልማትና የአካባቢ ጥበቃን ማጠናከር ከተሞች ለነዋሪዎቻቸው ጤናማና ሳቢ እንዲሆኑ በማድረግ ረገድ የኮሪደር ልማቱ ሌላኛው ስኬት ነው።

ሰፊ ክፍት ቦታዎችን በፓርኮች በማስዋብ፣ የወንዝ ዳርቻዎችን ለእረፍት፣ ለስፖርትና ለእይታ ምቹ በማድረግ ኢትዮጵያ እየተገበረች የምትገኘውን የአረንጓዴ ኢኮኖሚ ጉዞ ይደግፋል።

የኮሪደር ልማት የከተማን የስነ-ምህዳር ሚዛን ከመጠበቁም በላይ ነዋሪዎች ንጹህ አየር የሚያገኙባቸውን የህዝብ መዝናኛ ስፍራዎች በከፍተኛ ደረጃ አሳድጓል።

አዳዲስና ዘመናዊ የንግድ ቦታዎችን በመፍጠር አነስተኛና መካከለኛ የንግድ ዘርፍ ፈጣሪዎችን በማካተት፣ የቱሪስት መዳረሻዎችን በከፍተኛ ደረጃ በማሳደግ ለሀገር ውስጥና ለውጭ እንግዶች ሳቢ የሆኑ ኮሪደሮችን መፍጠር ተችሏል።

ይህም በተለይ ለወጣቶች ምቹና ሰፊ የሥራ አካባቢን በመፍጠር ረገድ አዲስ የኢኮኖሚ መነቃቃትን ይዞ መጥቷል።

በአጠቃላይ በኢትዮጵያ እየተከናወኑ ያሉት የኮሪደር ልማት ሥራዎች የከተሞችን ገጽታ ከመቀየርና ከማስዋብ ባለፈ፤ የነዋሪዎችን ማህበራዊና ኢኮኖሚያዊ ሕይወት ከስር መሰረቱ የሚቀይሩ ናቸው።

ከተሞችን ለትላልቅ ኢንቨስትመንቶች ማራኪ እና ለዜጎች ኑሮ ምቹ ለማድረግ በመደመር መንግሥት የተጀመረው ይህ ጉዞ የኢትዮጵያ የከተማ ልማት የላቀ ስኬት ማሳያና የወደፊት ተስፋ ማረጋገጫ ሆኖ ይቀጥላል።

በሶስና አለማየሁ

''ቆሻሻ'' ወርቅ ነው
#ethiopia | የመንግሥት ተወካዮች፣ የግል ሴክተር አካላት፣ የፋይናንስ ተቋማት እና የልማት አጋሮች የተሳተፉበትና በኢትዮጵያ የሰርኩላር ኢኮኖሚ እንቅስቃሴን ለማጠናከር ያለመ የውይይት መድረክ በአዲስ አበባ ተካሂዷል።

ቆሻሻ ውጋጅ ሳይሆን ወርቅ ነው የሚባለው በየአካባቢው የአንሺ ያለ እያሉ ተከምረው የሚከርሙት ''ቆሻሻዎች'' ረብጣ ቢሊዮን ገንዘብ ስለተሸከሙ ነው።

አመዱን ያራገፍነው እንደሆነ ወርቅነቱ ይገለጣል።የዚህ መድረክ ዓላማም ቆሻሻን እንደ ጥሬ ዕቃዎች ተጠቅመን ገንዘብ መስራት የምንችልበትን አቅም ለመፍጠር ምህዳሩን ለማስፋት ነው።

ፎረሙ በሪች ፎር ቼንጅ ኢትዮጵያ እና በአፍሪካ ሰርኩላር ኢኮኖሚ ኔትወርክ የኢትዮጵያ ቅርንጫፍ በጥምረት የተዘጋጀ ሲሆን፣ ትኩረቱንም "Refining the nuts and bolts to nurture Circular Business Models in Ethiopia" በሚል መሪ ቃል ተሰጥቶታል።

​በመድረኩ ላይ እንደተገለጸው የሰርኩላር ኢኮኖሚ እቅዶችንና ሀሳቦችን ወደ ተግባራዊ እንቅስቃሴ በመቀየር ለሥራ ፈጣሪዎች የገበያ ዕድል፣ የፋይናንስ አቅርቦት፣ የቴክኖሎጂና የክህሎት ድጋፍ እንዲሁም አመቺ አሰራርን መፍጠር ያስፈልጋል።

​የሪች ፎር ቼንጅ ኢትዮጵያ ሀገር አቀፍ ሥራ አስኪያጅ አቶ መቅድም ጉልላቱ እንደተናገሩት የሰርኩላር ቢዝነስ አምራቾች ለአካባቢ ጥበቃ ከሚያደርጉት አስተዋጽኦ ባሻገር ከፍተኛ ኢኮኖሚያዊ እሴት መፍጠር እንደሚችሉ በተግባር አሳይተዋል።

አክለውም “አሁን ያለው ዋናው ጥያቄ እነዚህን የፈጠራ ሥራዎች እንዴት በዘላቂነት ማሳደግ፣ በገበያ ውስጥ እንዲወዳደሩ ማድረግና ማስፋፋት እንችላለን የሚለው ነው” ብለዋል።

​በአይካ ፋውንዴሽን ድጋፍ በተከናወነው "በኢትዮጵያ የቆሻሻ አወጋገድ እና ተላላጭ (ሰርኩላር) ኢንተርፕራይዞችን መገንባት" ፕሮጀክት በኩል፤​ ከ 41 ሚሊዮን የኢትዮጵያ ብር በላይ ገቢ መፍጠር ፣​ ከ 1.8 ሚሊዮን ኪሎግራም በላይ ቆሻሻን መልሶ ጥቅም ላይ ማዋል እንዲሁም ​ከ 1,300 በላይ ለሚሆኑ ዜጎች የቋሚና የትርፍ ጊዜ የሥራ ዕድል መፍጠር ተችሏል።

​በመድረኩ ላይ ከፌደራል ቴክኒክና ሙያ ትምህርትና ሥልጠና (TVET)፣ ከፌደራል አካባቢ ጥበቃ ባለሥልጣን፣ ከኢትዮጵያ ስታርታፕ ኢኮሲስተም አሶሴሽን (EASE) እና ከሌሎች አጋር ድርጅቶች የተወጣጡ አመራሮችና ባለሙያዎች ተሳታፊ ሆነዋል።

​መድረኩ በዋናነት ለሰርኩላር ቢዝነስ ሥራ ፈጣሪዎች ተግባራዊ የገበያ ትስስር፣ ኢንቨስትመንትና የቴክኒክ ድጋፍ ማግኘት የሚያስችሉ ውሳኔዎች ላይ ትኩረት አድርጎ ተጠናቋል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

የማዕድን ዘርፍ፡ የኢትዮጵያ ኢኮኖሚ አዲሱ ምሰሶ

አዲስ አበባ፣ መስከረም 12፣ 2019 (ኤፍ ኤም ሲ) የመደመር መንግሥት ሀገራዊ የኢኮኖሚ እድገትን ለማፋጠን ካስቀመጣቸው አምስት ዋና ዋና የሀገር ኢኮኖሚ እድገት ምሰሶዎች መካከል የማዕድን ዘርፍ አንዱና ወሳኙ የትኩረት አቅጣጫ ነው።

ኢትዮጵያ በመሬቷ ጉያ እጅግ በርካታ የከበሩ ማዕድናት ሀብት የታደለች ቢሆንም፣ ቀደም ባሉት ዓመታት ዘርፉ ለሀገር ኢኮኖሚ ያበረከተው አስተዋጽኦ ከአቅሙ አንጻር ሲታይ አነስተኛ ነበር።

የመደመር መንግሥት ይህንን ክፍተት ለመሸፈን በዘርፉ መዋቅራዊ ማሻሻያ በማድረግ፣ የውጭና የሀገር ውስጥ ኢንቨስትመንትን በመሳብ እና የሕገ-ወጥ ንግድን በመግታት የላቀ እንቅስቃሴ በማድረግ ላይ ይገኛል።

ውስብስብ የነበሩ የአሠራር ሥርዓቶችን በማቃለል፣ ግልጽነትን በመፍጠር እና የውጭ ቀጥታ ኢንቨስትመንትን ለመሳብ የሚያስችሉ አዳዲስ የሕግ ማዕቀፎች እና የፈቃድ አሰጣጥ ደንቦች በማዘጋጀት ሥራ ላይ ውለዋል።

በሺዎች የሚቆጠሩ በባህላዊ መንገድ ይሠሩ የነበሩ ማዕድን አውጪዎች በማኅበር እንዲደራጁ፣ የቴክኒክና የፋይናንስ ድጋፍ እንዲያገኙ በማድረግ ከሕገ-ወጥ ንግድ ወደ ሕጋዊ ሥነ-ምህዳር እንዲገቡ ተደርጓል።

ጥሬ ማዕድናትን በቀጥታ ከመላክ ይልቅ በሀገር ውስጥ እሴት እንዲጨመርባቸው የሚያስችሉ የኢንዱስትሪ ማዕከላትና የማጣሪያ ፋብሪካዎች፣ ማለትም የወርቅና የከበሩ ድንጋዮች ማጣሪያዎች እንዲገነቡ በማበረታታት በርካቶች ወደ ሥራ እንዲገቡ ተደርጓል።

እንደ ወርቅ፣ ታንታለም፣ ሊቲየም፣ እብነ-በረድ ፣ ፖታሽ እና የድንጋይ ከሰል የመሳሰሉ ማዕድናት በሰፊው እንዲመረቱ በማድረግ ወደ ውጭ በመላክም ሆነ ከፍተኛ የውጭ ምንዛሪ ከማስገኘትና ከውጭ የሚገቡ ምርቶችን ከመተካት አንጻር ከፍተኛ ሥራ በመሠራት ላይ ይገኛል።

በኢትዮጵያ ብሔራዊ ባንክ በኩል የሚደረገውን የወርቅ ግዥ ማበረታታትን ጨምሮ በተወሰዱ ርምጃዎች፣ በሕገ-ወጥ መንገድ ይወጣ የነበረውን ወርቅ ወደ ሕጋዊ መስመር በማስገባት ከወርቅ ወጪ ንግድ የሚገኘውን የውጭ ምንዛሪ በከፍተኛ ደረጃ ማሳደግ ተችሏል።

በዚህም እንደ ማዕድን ሚኒስቴር መረጃ፥ በ2018 ዓ.ም. የመጀመሪያዎቹ ዘጠኝ ወራት ብቻ ከማዕድን ወጪ ንግድ ከ4 ቢሊየን ዶላር በላይ ገቢ ተገኝቷል።

ይህም ከሦስት ዓመታት በፊት የሀገሪቱ አጠቃላይ ዓመታዊ የኤክስፖርት ገቢ የነበረውን ያህል መሆኑ፣ ዘርፉ በተሰጠው ትኩረት በጥቂት ዓመታት ያመጣውን ትልቅ ስኬት ያሳያል።

በአጠቃላይ በ2018 በጀት ዓመት ከማዕድን ምርት ከ5 ነጥብ 7 ቢሊየን ዶላር በላይ ገቢ ተገኝቷል።

ለግንባታ ግብዓት ኢንዱስትሪዎች የሚያገለግለውን የድንጋይ ከሰል ምርትን በሀገር ውስጥ ለማምረት በተደረገው ጥረት፣ ለሲሚንቶ እና ለሌሎች ኢንዱስትሪዎች የሚሆን የድንጋይ ከሰል በማምረት ከውጭ ሀገር የሚገባውን በመተካት በቢሊየን ዶላር የሚቆጠር ወጪን አስቀርቷል።

ይህ ዘርፍ ለብዙ ሺህ ወጣቶች፣ በተለይም በማዕድን ሀብት በበለጸጉ አካባቢዎች፣ ከፍተኛ የሥራ ዕድል መፍጠር ችሏል።

በአጠቃላይ በመደመር መንግሥት የማዕድን ዘርፉ የውጭ ምንዛሪ ለማስገኘት እና የገቢ ምርቶችን ለመተካት እንደ ዋና አምድ ሆኖ በማገልገል ላይ ይገኛል።

በቀጣይ የተጀመሩትን ሥራዎች ማለትም የመሠረተ ልማት ዝርጋታዎችን በማስፋፋት፣ ሕገ-ወጥ ንግድን በመቆጣጠር እንዲሁም የውጭ ኢንቨስትመንትን አጠናክሮ በመሳብ ዘርፉ ለሀገሪቱ የኢኮኖሚ እመርታ የሚጫወተውን ሚና ይበልጥ ማጠናከር ይገባል።

በመልካም ፈቃዱ

ለተግዳሮቶች የማትበገር ሀገር

አዲስ አበባ፣ መስከረም 11፣ 2019 (ኤፍ ኤም ሲ) ኢትዮጵያ ባለፉት ከስምንት በላይ ዓመታት በርካታ የውስጥና የውጭ ተግዳሮቶችን እየተሻገረች ጠንካራ ኢኮኖሚ እየገነባች ትገኛለች፡፡

የለውጡ መንግሥት ወደ ሥልጣን ከመጣ አንድ ዓመት እንኳን ሳይሞላው ነበር የዓለምን ኢኮኖሚ ሥርዓት ያንገዳገደው የኮሮና ቫይረስ ወረርሽኝ የተከሰተው፡፡

ዓለም በአራቱም አቅጣጫዎች በያለበት ቀጥ አለ፤ በረራዎች፣ የባቡር ጉዞዎች፣ የአቅርቦትና የምርት እንቅስቃሴዎች ተገቱ፤ አልፎ ተርፎም ከቤት መውጣት ጭምር ተከለከለ፡፡

ይህ እንደ ኢትዮጵያ ላለ በኢኮኖሚው ጠንካራ ላልነበረና መሠረታዊ ሸቀጦችን ጭምር ከውጭ ለሚያስገባ ሀገር ከፍተኛ ተግዳሮት ነበር፡፡

በዚህም ሳያበቃ ኢትዮጵያ በሰሜኑ የሀገሪቱ ክፍል የተከፈተባት ጦርነት ከኮሮና ወረርሽኝ ለማገገም ለምትታገለው ሀገር እጅግ የሚያስቆጭ ክስተት ነበር፡፡

በጦርነቱ ከፍተኛ ሰብዓዊና ቁሳዊ ጉዳት ደርሷል፤ ይህ ሁኔታ ባይፈጠር ኖሮ ኢትዮጵያ በብዝሃ ዘርፍ ኢኮኖሚ የተሻለ ዕድገት ልታስመዘግብ ትችል እንደነበር መገመት አያስቸግርም፡፡

ከዚህ ባሻገር በተለያዩ የሀገሪቱ ክፍሎች ለውጭ ታሪካዊ ጠላቶች የመላላክ፤ የሀገርን ሉዓላዊነት አደጋ ላይ የመጣል፤ ልማቷን የማስተጓጎልና ሰላሟን የማወክ ተልዕኮ ያነገቡ ቡድኖች የልማት ጉዞዋን ለማደናቀፍ እየተፍጨረጨሩ ይገኛሉ፡፡

ከላይ ከተጠቀሱትና ከአየር ንብረት ለውጥ ጋር የተያያዙ ተደጋጋሚ የድርቅና ሌሎች ችግሮች ውስጥ ሆናም፤ ኢትዮጵያ በዓለም ላይ በዚህ ወቅት ፈጣን የኢኮኖሚ ዕድገት እያስመዘገቡ ካሉ ሀገራት ዝርዝር በመጀመሪያው ረድፍ ላይ ትገኛለች፡፡

የመደመር መንግሥት ሀገራችንን ተብትበው የያዟትንና እንዳታድግ መሰናክል የሆኑትን ችግሮች በመለየት የወሰዳቸው ተከታታይነት ያላቸው መሠረታዊ የለውጥ ርምጃዎች ለችግር የማይበገር ኢኮኖሚያዊ ዕምርታ እንዲመዘገብ አስችለዋል፡፡

ለአብነትም የሰሜኑን ጦርነት ለማስቆም "ለአፍሪካዊ ችግሮች አፍሪካዊ መፍትሔ" በሚለው መርህ በፕሪቶሪያ የሰላም ስምምነት መፈረም ተችሏል፡፡

በዚህም መንግሥት በጦርነቱ በተጎዱ አካባቢዎች በአጭር ጊዜ ውስጥ መሠረታዊ አገልግሎቶችን እንደገና በማስጀመር የመልሶ ግንባታ ሥራዎችን ከውኗል፡፡

በሁለት ዋና ዋና ምዕራፎች፥ ማለትም
ከ2012 እስከ 2015 ዓ.ም እና በሐምሌ 2016 ዓ.ም ጀምሮ አሁንም በትግበራ ላይ የሚገኘውን ሀገር በቀል የማክሮ-ኢኮኖሚ ሪፎርም ተግባራዊ አድርጓል።

የመጀመሪያው ምዕራፍ በዋናነት የማክሮ ኢኮኖሚ አለመረጋጋትን መቅረፍ፣ መዋቅራዊ ስብራቶችን ማከምና የግሉን ዘርፍ ማነቃቃት ላይ አተኩሮ በርካታ ወሳኝ ውጤቶችን አስመዝግቧል።

ሁለተኛው ምዕራፍ የተሟላ የማክሮ ኢኮኖሚ ማሻሻያ ሪፎርም ሲሆን፤ በኢትዮጵያ ታሪክ ትልቁ የኢኮኖሚ ሪፎርም ርምጃ ነው፡፡

ሪፎርሙ ከተጀመረበት ጊዜ አንስቶ በሀገሪቱ የፋይናንስ፣ የንግድና የፊስካል መዋቅር ላይ ተጨባጭ ለውጦች እየተመዘገቡ ይገኛሉ፡፡

የውጭ ምንዛሪ ገበያውን ማረጋጋትና ትይዩ ገበያውን ማዳከም ተችሏል፤ ታሪካዊ የተባለ ከፍተኛ የወጪ ንግድ ገቢ ተመዝግቧል።

ጥብቅ የሆነ የፊስካልና የገንዘብ ፖሊሲ በመከተል መንግሥት ቀጥተኛ ብድር እንዳይበደር ከማድረግ አንጻር ስኬታማ ሥራ ተሠርቷል፡፡

ከዚህ በተጨማሪ የሀገሪቱን የፋይናንስና ሌሎች ዘርፎች ለውጭ ባለሀብቶች ክፍት ማድረግ እንዲሁም የእዳ ክለሳና ሽግሽግ በማድረግ የኢኮኖሚ ጫናን የማቅለል ሥራ ተሠርቷል፡፡

ኢትዮጵያ ለግብርና፣ ማዕድን፣ ቱሪዝም፣ ኢንዱስትሪና ቴክኖሎጂ ዘርፎች እኩል ትኩረት የሰጠ የኢኮኖሚ መሠረት በመጣል መጠነ ሰፊ ሥራዎችን ሠርታ ከፍተኛ ውጤት አስመዝግባለች፡፡

ከኩታ ገጠም የበጋ ስንዴ ምርት እስከ ገበታ ለሸገር፣ ገበታ ለሀገር እና ገበታ ለትውልድ ልማቶች፤ ከመሶብ የአንድ ማዕከል አገልግሎት እስከ ኢትዮጵያ ታምርት እንዲሁም የኢንዱስትሪ ፓርኮች መስፋፋት፣ የከሰል ድንጋይ፣ ወርቅና የግንባታ ግብዓቶች ምርት ከብዙ በጥቂቱ የሚጠቀሱ ስኬቶች ናቸው፡፡

ኢትዮጵያ ለዘመናት የተሸጋገሩ ልዩነቶችንና የሕዝብ ጥያቄዎችን በሀገራዊ የምክክር መድረክ በጠረጴዛ ዙሪያ በውይይት የመፍታት ታሪካዊ ስኬት አስመዝግባለች፡፡

ሀገሪቱ ውስጣዊ ተግዳሮቶች ሳይበግሯት በልጆቿ ቆራጥ ተሳትፎ ሁለት ምርጫዎችን አካሂዳለች።

ለ8 ዓመታት የአረንጓዴ ዐሻራ መርሐ ግብርን አካሂዳለች፤ ታላቁ የሕዳሴ ግድብን አጠናቅቃ አስመርቃለች፤ ፈጣን ኢኮኖሚያዊና ዲፕሎማሲያዊ ድሎችንም ተቀዳጅታለች፡፡

አሁንም የውስጥ ችግሮችን በሰላም የመፍታቱ ተግባር የሚቀጥል ሲሆን፤ እየተመዘገበ ያለውም ፈጣን ኢኮኖሚያዊ እምርታና ለትውልድ በሚሻገሩ ታላላቅ ፕሮጀክቶችና የልማት ስራዎች የታጀበው ሀገራዊ የብልፅግና ጉዞ ተጠናክሮ ይቀጥላል፡፡

በቴዎድሮስ ሳህለ

የተዘረፉ ቅርሶችን በዲፕሎማሲያዊ ጥረት በማስመለስ ረገድ ውጤቶች ተመዝግበዋል - አሉላ ፓንክረስት (ዶ/ር)

አዲስ አበባ፣ መስከረም 10፣ 2019 (ኤፍ ኤም ሲ) የተዘረፉ ጥንታዊ ቅርሶችን በጠንካራ ዲፕሎማሲያዊ ጥረት ወደ ሀገር በማስመለስ ረገድ ተጨባጭና አበረታች ውጤቶች ተመዝግበዋል አሉ ተመራማሪና የኢትዮጵያ ቅርስ አስመላሽ ኮሚቴ አባል አሉላ ፓንክረስት (ዶ/ር)።

ባለፉት ሰባት ዓመታት የመደመር መንግሥት ኢትዮጵያ በጦርነት፣ በዝርፊያና በተለያዩ ምክንያቶች ያጣቻቸውን ጥንታዊ ቅርሶች በጠንካራ ዲፕሎማሲያዊ ጥረት በማስመለስ ረገድ ትኩረት ሰጥቶ በመንቀሳቀስ ተጨባጭና አበረታች ውጤቶች ተመዝግበዋል።

አሉላ ፓንክረስት (ዶ/ር) እንደሚሉት ፥ ኢትዮጵያ በተለያየ አጋጣሚ ሕገወጥ በሆነ መልኩ የወጡ ቅርሶችን ለማስመለስ ከቅርብ ዓመታት ወዲህ በተቀናጀ መልኩ እየሰራች ነው።

በኃይልና በዘረፋ የተወሰዱ ቅርሶች ሁልጊዜም ወደ መጡበት የታሪክ ባለቤት መመለስ እንዳለባቸው ተናግረዋል።

ቅርሶች በተለያዩ የውጭ ሀገራት ገበያዎችና ለጨረታ ሽያጭ በሚቀርቡበት ወቅት፣ ሕጋዊና ጠንካራ ዲፕሎማሲያዊ ተቃውሞዎችን በማቅረብ ጨረታዎቹ ሙሉ በሙሉ እንዲሰረዙ ማድረግ ተችሏልም ብለዋል።

ጨረታዎቹ ከተሰረዙ በኋላም መንግሥትና ባለድርሻ አካላት በመደራደር በርካታ ታሪካዊ ቅርሶችን መታደግ መቻሉንም አንስተው በአሁኑ ወቅትም ከመቅደላ ተዘርፎ ለሽያጭ የቀረበውን የዓጼ ቴዎድሮስ ወንጌል ለማስመለስ መንግሥት በዲፕሎማሲያዊ መንገድ ጥረት እያደረገ እንደሚገኝ ተናግረዋል።

በተጨማሪም ከዓለም አቀፍ ሙዚየሞች ጋር በቀጥታ በመደራደር ቅርሶችን ማስመለስ ሌላው ውጤታማ ስልት ሆኖ በመተግበር ላይ እንደሆነ እና ‎በዚህም ከአሜሪካው ቶሌዶ ሙዚየም ብቻ ወደ 380 ገደማ የኢትዮጵያ ቅርሶች ደረጃ በደረጃ ለመመለስ ስምምነት ላይ መደረሱን አመልክተዋል።

በቅርቡ ሁለት የ15ኛው ክፍለ ዘመን ብራናዎችን እና ሦስት መስቀሎችን እንደሚመልስ እንዲሁም ቀሪዎቹን ቅርሶች በሚቀጥሉት ከ5 እስከ 10 ዓመታት ውስጥ በሂደት ለመመለስ ፈቃደኛ መሆናቸውን ተናግረዋል።

ባለፉት ዓመታት ቅርሶችን በማስመለስ በኩል በመንግስት በኩል የታየው ቁርጠኛ የዲፕሎማሲ ብቃት የሚደነቅ ነው ማለታቸውን የዘገበው ኢዜአ ነው።

ባህልን የልማትና የትውልድ ግንባታ መሳሪያ ያደረገው የመደመር መንግሥት

አዲስ አበባ፣ መስከረም 9፣ 2019 (ኤፍ ኤም ሲ) የመደመር መንግሥት በኢትዮጵያ የሚገኙ የተለያዩ ቋንቋዎች፣ እምነቶች፣ ታሪኮች እና ባህሎችን በማቀራረብና በመደመር ለጋራ ብሔራዊ ከፍታ እንዲውሉ አድርጓል።

የኢትዮጵያን ባህል፣ ታሪካዊ እሴቶች እና ባህላዊ ሀብቶች ለማዳበር፣ ለመንከባከብ እና ለትውልድ ለማስተላለፍ የተለያዩ ስራዎችን አከናውኗል።

የህዝቦችን ማህበራዊ ትስስር ለማጠናከር፣ ሀገር በቀል ዕውቀቶችን በመሰነድና በማስተዋወቅ አብሮነትን እና መቻቻልን ማጎልበት ተችሏል።

ታሪካዊ ቅርስና መዳረሻዎችን በመገንባት እና በማስተዋወቅ የኢትዮጵያን ታሪክ፣ መታሰቢያዎች እና የባህል ቱሪዝም በማሳደግ ረገድ ትልቅ ስራ ተሰርቷል፡፡

ይህ ሂደት በኢትዮጵያውያን መካከል ያለውን መተማመን እና አብሮነት ከፍ አድርጎታል። የህብረተሰቡን ሰላም፣ እርቅ እና የጋራ መከባበር እሴቶች ከትውልድ ወደ ትውልድ እንዲሸጋገሩና በዘመናዊ አሰራር እንዲዳበሩ የማድረግ ስራዎች ተከናውኗል።

የመደመር መንግሥት ባህልን ከማሳደግ አንጻር ያደረጋቸው ጥረቶች ብዝሃነትን በሃብትነት እስከ መጠቀም የዘለቁ ናቸው።

ይህ አካሄድ የህብረተሰቡን ማህበራዊ ትስስር በማጠናከር በኩል አበረታች ጅምሮችን ያስመዘገበ ሲሆን፤ ወደፊትም የሀገር በቀል እሴቶችን እና የታሪክ መዳረሻዎችን ይበልጥ በማስፋፋት ዘላቂ ብልጽግናን ለማረጋገጥ መሰረት የሚጥል ነው።

በከተሞች የተከናወኑት የኮሪደር ልማት ሥራዎች የታሪካዊና ባህላዊ ቅርሶችን ገጽታ በጠበቀና በደመቀ መልኩ እንዲታዩ አድርገዋል፡፡

ከዚህም በተጨማሪም ኢትዮጵያውያን ባህላቸውን፣ ቋንቋቸውንና እሴቶቻቸውን የሚያሳዩባቸው ብሔራዊ የባህል ፌስቲቫሎች እና የጎዳና ላይ በዓላት በጋራና በድምቀት እንዲከበሩ አድርጓል፡፡ ይህ በዓላቱ የቱሪዝም እና የሰላም መድረክ እንዲሆኑ አድርጓል።

በአጠቃላይ የመደመር መንግሥት ባህልን የሀገር መታወቂያ ብቻ ሳይሆን የልማት፣ የሰላምና የትውልድ ግንባታ መሳሪያ አድርጎታል።

በትዕግስት ግዛቸው

ባሕር በር፤ ብሔራዊ ደኅንነትና ሉዓላዊነትን ለማስጠበቅ

አዲስ አበባ፣ መስከረም 9፣ 2019 (ኤፍ ኤም ሲ) ውሃ የሰው ልጅ የመኖር መሠረት ነው፤ ከዚህም ባሻገር በሀገራት እድገትና ስልጣኔ መመስረት እንዲሁም ሉዓላዊነት መከበር ውስጥ ትልቁን ድርሻ ይይዛል፡፡

የጥንት ስልጣኔ ባለቤቷ ምድረ ቀደምት ኢትዮጵያ ከአክሱም ዘመነ መንግሥት ከነበረው የአዱሊስ ወደብ ጀምሮ የተለያዩ የንግድ እንቅስቃሴዎችን ታካሂድ ነበር፡፡

ከ130 ሚሊየን በላይ ህዝብ ያላት ኢትዮጵያ ከ90 በመቶ በላይ የሚሆነውን የወጪ ገቢ ንግድ የምታካሂደው ጅቡቲ ወደብን ተጠቅማ በመሆኑ፤ ይህ ችግር በቀጥታ ተጽዕኖ ያሳድርባታል፡፡

የዓለም አቀፍ ህግ ወደብ አልባ የሆኑ ሀገራት የሚያስፈልጓቸውን ነገሮች ወደብ ባላቸው ሀገራት በኩል እንዲያሳልፉ መብት ይሰጣል፤ ነገር ግን ይህ የሚሆነው በወደቡ ላይ ሉዓላዊ መብት ያላቸው ሀገራት ለሚያስቀምጡት ህግ መገዛትንና በቅድመ ሁኔታቸው መስማማትን ይፈልጋል፡፡

ይህም ደህንነቷን አደጋ ላይ እንዲወድቅ የሚያደርገው በመሆኑ፤ በዋናነት ብሔራዊ ደህንነትና ሉዓላዊነቷን ለማስጠበቅም የባሕር በር ወሳኝነት ጥያቄ ውስጥ የሚገባ አይደለም፡፡

ዓለም አቀፍ የደህንነት ሁኔታዎች ከጊዜ ወደ ጊዜ እየተለዋወጡና ለመተንበይ አስቸጋሪ እየሆኑ መጥተዋል፡፡

የመካከለኛው ምስራቅ ላይ የተፈጠሩ ቀውሶች ወደ ቀይ ባሕር መስፋፋት የነዳጅና የሸቀጦች አቅርቦት ላይ ከሚያመጣው ተጽዕኖ ባሻገር ለከፍተኛ የደኅንነት ስጋትም የዳረገ ሆኗል፡፡

በሀገር ደህንነት ላይ ስጋት የሚደቅኑ በባሕር ላይ የሚፈጸሙ ህገወጥ ዝውውሮችን፣ የአሸባሪ ቡድን እንቅስቃሴዎችን ለመግታት የሚያስችል ጠንካራ የባሕር ኃይል ስራን ይፈልጋል፡፡

በባሕር ላይ የሚመጡ የደኅንነት ስጋቶችን መሬት ላይ ሆኖ ለመመከት አስቸጋሪ በመሆኑ ኢትዮጵያ ቀይ ባሕርን አስታከው ለሚመጡባት የደኅንነት ስጋቶችን መመከት የምትችለው የባለቤትነት መብቷን አስከብራ መቆም ስትችል ነው፡፡

ጠንካራ የባሕር ኃይልን የነበራት ኢትዮጵያ የጦር መርከቦቿ ቀይ ባሕርን እያሰሱ እስከ ሕንድ ውቅያኖስ ይደርሱ እንደነበር ይነሳል፡፡

ፕሮፌሰር ሹመት ሲሻኝ ጦቢያ መጽሔት ላይ ባሰፈሩት ጽሁፍ እንዲህ ይላሉ፤ "ኢትዮጵያ በታሪኳ ያለፈቻቸው መነሳትና መውደቅ ከባሕር ጋር ከነበራት ቅርበትና ርቀት ጋር ቀጥተኛ የሆነ ግንኙነት አለው፡፡

የባሕር በር በእጇ በነበረበት ዘመን የጎለበተችና የበለጸገች ኢትዮጵያን መመስረት ተችሏል፡፡ በአንጻሩ የባሕር በሯን በተነጠቀችባቸው ዘመኖች ኢኮኖሚዋ የኮሰሰ ባሕሏ የደበዘዘ፣ ፖለቲካዋ የተናጋ ኢትዮጵያን በተደጋጋሚ አይተናል፡፡

በኢትዮጵያ እጅግ አንጸባራቂ የነበረው የአክሱም ሥልጣኔ እንዲያ መግነኑ በሌላ አጋጣሚ ሳይሆን፤ አክሱም በቀይ ባሕር ጠረፍ ላይ በገነባችው የበላይነት ምክንያት ነበር፡፡

አዱሊስን ዋና በር በማድረግ በወቅቱ በነበረው ዓለም አቀፋዊ ንግድ በግንባር ቀደምትነት በመሳተፏ አክሱም እስካሁን የሚያስደንቀውን ሥልጣኔ መገንባት ቻለች፡፡" ብለዋል፡፡

በመሆኑም፤ የባሕር በርና ደህንነት ሊነጣጠሉ የማይችሉ ነገሮች በመሆናቸው ኢትዮጵያ የራሷን ደህንነትና ሉዓላዊነት ከማስጠበቅ ባሻገር በቀጣናው ያላትን የሰላም ማስከበር ሚና በአግባቡ እንድትወጣ የባሕር በር ባለቤትነት መብቷ መረጋገጥ ይሻል፡፡

በቤተልሔም ግርማ

የአፍሪካ ዋንጫ ማጣሪያ ውድድር ባሕር ዳር !

የአፍሪካ እግር ኳስ ፌደረሽን ባወጣው መርሃ ግብር መሰረት በዚህ አመት መስከረም 19 /2019ዓ.ም ቀን የአለም ዋንጫ የማጣሪያ ውድድር በኢትዮጵያ እንደሚደረግ አስታውቋል ። በዚህ መሰረት ውድድሮቹ በባህር ዳር አለም አቀፍ ስታድየም እንደሚካሄድ ከወጣው መረሃ ግብር ማወቅ ተችሏል ። በዚህ መሰረት በባህር ዳር ከተማ የሚገኙ ደረጃቸውን የጠበቁ ሆቴሎች እንግዶቹን ለማስተናገድ በቂ ዝግጅት አድርገዋል ።ውድድሩን ለመመልከት ወደ ውቢቱ ባሕር ዳር የምትመጡ እንግዶች በጣና ሀይቅ እና በአባይ ወንዝ ዳርቻ ዙሪያ እንዲሁም ውብ ሆና በተመሰረተችው ባህርዳር ከተማ ስትቆዩ ልዩ ትዝታ እንዲኖራችሁ ከታች የተዘረዘሩት ሆቴሎች :ሎጂዎች እና ሪዞርቶች ዝግጅታቸውን አጠናቀዋል ። አድራሻቸውም ከታች ተዘርዝሯል

❶ ፈለገ ግዮን ሪዞርት (ማሪና)
0903 33 33 33 -
ጎርጎራ ኢኮ ሪዞርት
0997 21 21 21-

❷ ጃካራንዳ ሆቴል=>0918760006፣

❸ ሆምላንድ ሆቴል=>0918340022፣

➍ ብሉናይል ሪዞርት ሆቴል(አቫንቲ )
=>0935981950፣

➎ አልዋቅ ሆቴል=>0935981950፣

❻ ድብ አንበሳ ሆቴል=>0918340094፣

❼ ፓፒረስ ሆቴል=>0911202504፣

❽ ራህ ናይል ሆቴል=>0918341727፣

❾ ቤተ ዳንኤል=>0911207665፣

❿ ዩኒሰን ሆቴል=>0918341157፣

⓫ ዲላኖ ሆቴል=>0930296600፣

⓬ ሶሊያና ሆቴል=>0918341474፣

⓭ ሰመርላንድ ሆቴል=>0917095292፣

⓮ ኖቫ ሆቴል=>0918004747፣

⓯ አዲስ አምባ ሆቴል=>0930111684፣

⓰ ዊን ሆቴል=>0930415765፣

⓱ ቤንማስ ሆቴል=>0918340958፣

⓲ ናኪ ሆቴል=>0918760075፣

⓳ ሌክማርክ ሆቴል=>0918761399፣

⓴ አሲኗራ ሆቴል=>0918340218፣

21.ፓልም ፓላስ=>0918248721፣

22.አዝዋ ሆቴል=>0936749369፣

23.ወተርፍሮንት=>0918560295/ 0934050506፣

24.አባይ ኢንተርናሽናል=>0918341055፣

25.ባህር ዳር ቁ.2 ሆቴል=>0918340024፣

27.ተፈሪ መኮንን ሆቴል=>0900909151፣

28. ኦሊቭ ሆቴል=>0946147546፣

29.ብሉ ናይል ሆቴል=>0930352095፣
0930101053

30.ናይል ቪው ሆቴል=>0911208663፣

31.ናርጋ ሆቴል=>0918286189፣

32.ህብርጸጋ ሆቴል=>0918353592፣

34.ሚናት ሆቴል=>0934221190፣

35.ሪቨርላንድ ሆቴል=>0918353443፣

36.አድያም ሆቴል=>0918349571፣

37.ፊደል ሆቴል=>0918489151፣

38.የአሜን ሆቴል=>0910576768፣

39.ስካይ ሪዞርት=>0583207080፣

40.አባይምንጭ ሎጂ=>0918353453፣

41.አጋር ሎጂ=>0918353421፣

42.ሽመላ ሎጂ=>0918340810፣

43.ኩሪፍቱ ሎጂ=>0923410789፣

44 , ፊደል ሆቴል
0583202212 / 0920157060
45 ኪትስል ሆቴል=>0918340953

ማስታወሻ

እንደዚህ አይነት አለም አቀፍ ውድድሮች በባህር ዳር ከተማ መካሄዳቸው የከተማዋን ገፅታ በአለም አቀፍ ደረጃ ለማስተዋወቅ የሚረዳ ትለቅ እድል በመሆኑ የከተማው ነዋሪ የተለመደውን እንግዳ ተቀባይነት ባህሉን ይበልጥ በማዘመን እንግዶቹን በፍቅር እና በአክብሮት ተቀብሎ ማስተናገድ እንዳለበት ባለሙያዎች ይመክራሉ ።

መልካም እድል ለኢትዮጰያ ብሄራዊ ቡድን !!!!

የመግባባት ዴሞክራሲ፣ ኢትዮጵያን በፅኑ መሰረት ላይ የመገንባት ቁልፍ

አዲስ አበባ፣ መስከረም 7፣ 2019 (ኤፍ ኤም ሲ) የመግባባት ዴሞክራሲ ኢትዮጵያን በፅኑ መሰረት ላይ ለመገንባት ዋነኛ ቁልፍ ነው፡፡

የመግባባት ዴሞክራሲ በሀገራችን ያሉትን ዘርፈ ብዙ የፖለቲካ፣ የማኅበራዊ እና የብሔር ልዩነቶች በውይይትና በጋራ መግባባት ለመፍታት የሚያስችል እጅግ አስፈላጊ የፖለቲካ ባህልና ፍልስፍና ነው።

ኢትዮጵያን ለማጽናት፣ ዘላቂ ሰላሟን ለማስፈንና ለማስጠበቅ የመግባባት ዴሞክራሲ አይተኬ ሚና ይጫወታል፡፡

የመግባባት ዴሞክራሲ የድምፅ ብልጫ ውጤትን ብቻ መሰረት ከማድረግ ይልቅ፣ ሁሉም ወገኖች በሃሳብ ተሟግተው የጋራ መግባባት ላይ የሚደርሱበትን ሥርዓት የሚበረታታ ነው።

በሀገራችን ያሉ የተለያዩ ብሔረሰቦች፣ የፖለቲካ ኃይሎች፣ የኃይማኖት ተቋማት እና የሲቪክ ማኅበራት በእኩልነት ድምፃቸው እንዲሰማ እና በውሳኔ አሰጣጥ ላይ እንዲሳተፉ ከማድረጉ በተጨማሪ በኢትዮጵያ ውስጥ ያሉ ልዩ ልዩ ታሪካዊ ትርክቶችንና ቅሬታዎችን በጠረጴዛ ዙሪያ በሰላማዊ መንገድ ለመፍታት ይረዳል።

ይህ ተግባር የሀገሪቱን መሠረታዊ ሕጎችና ተቋማት መዋቅር ሁሉንም በሚያስማማ መልኩ ለማሻሻል እና ለመቅረጽ ምቹ ሁኔታን የሚፈጥር ነው፡፡

የፖለቲካ ፍላጎቶችን በኃይል ከመጫን ይልቅ በውይይትና በድርድር የመፍታት ባህልን ያዳብራል። እንዲሁም በኃይል ወይም በግዴታ ሳይሆን በነፃነት እና በፈቃደኝነት ላይ የተመሠረተ ጠንካራ የኢትዮጵያዊነት አንድነትን ለመፍጠር ያለው ሚና የጎላ ነው፡፡

አሁን ላይ በኢትዮጵያ የተካሄደው ሀገራዊ ምክክር የመግባባት ዴሞክራሲ መርህ ልምምድ በተግባር የታየበት መድረክ ነው። ዜጎች በነጻነት ተወያይተው በዋና ዋና በሀገራዊ አጀንዳዎች ላይ ብሄራዊ መግባባት ላይ ለመድረስ ተችሏል፡፡

በአጠቃላይ፣ የመግባባት ዴሞክራሲ ኢትዮጵያን በጠንካራ መሰረት ላይ ለማጽናት፣ የህግ የበላይነትን ለማስፈን እና አስተማማኝ ሰላም ለማምጣት አማራጭ የሌለው የፖለቲካ መንገድ ነው፡፡

በትዕግስት ግዛቸው

ሁለት ተበዳዮችን በአንድ ለሊት አስገድዶ የደፈረው ግለሰብ በ17 ዓመት ጽኑ እስራት ተቀጣ!

የ39 ዓመት ዕድሜ ያለው ተከሳሽ ሰጣርጌ ግሩም በምስራቅ ጎጃም ዞን እነማይ ወረዳ ወይራ ጉሬዛም ቀበሌ ነዋሪ ሲሆን፣ በወቅቱ ለሥራ ከተመደበበት ዲማ ቀበሌ ከሥራ ቦታ በመሰወር እተበዳይ ቤት መሄዱን ፖሊስ ገልጿል።

ተከሳሹ የሕግ አካል እንደሆነ በመግለጽ በቤቱ ውስጥ ሌባ ተደብቋል በማለት በሩን አስከፍቶ ወደ ቤቱ እንደገባ ተመላክቷል።

ተከሳሹ ነሐሴ 18 ቀን 2018 ዓ.ም ከምሽቱ 2፡00 ሰዓት ላይ የቤቱን በር በመዝጋትና በጦር መሣሪያ በማስፈራራት በቤቱ የነበሩ ሦስት ሰዎች እንዲተኙ ካስገደደ በኋላ_የተባለች የ18 ዓመት ወጣት እና_ የተባለች  የ20 ዓመት እድሜ ያላት (የመጀመርያዋ ተደፋሪ አክስትን)  ሁለቱን ግለሠቦች እስከ ንጋቱ 11፡00 ሰዓት ድረስ አስገድዶ መድፈሩን የፖሊስ የምርመራ መዝገብ ያስረዳል።

የእነማይ ወረዳ ፖሊስ ጽ/ቤት የወንጀል ምርመራ ክፍል ኃላፊ ኢንስፔክተር ሹሜ ላቀው እንደገለጹት በማግስቱ መርማሪ ፖሊሶች በቦታው በመድረስ አስፈላጊውን የማጣራት ሥራ ካከናወኑ በኋላ ተጠርጣሪውንና ተጎጂዎችን ወደ ሆስፒታል በመውሰድ የሕክምና ምርመራ ማድረግ ተችሏል ብለዋል።

በምርመራውም በተጎጂዎቹ ላይ የአስገድዶ መድፈር ወንጀል መፈጸሙ መረጋገጡን ኃላፊው ገልጸዋል።

ተከሳሹ ከዚህ በፊት በግድያ ወንጀል የ16 ዓመት እስራት ተፈርዶበት የነበረ ሲሆን፣ ከዚያ ውስጥ አምስት ዓመት ከታሰረ በኋላ በ2015 ዓ.ም በክልሉ በተከሰተው የጸጥታ መደፍረስ ከማረሚያ ቤት አምልጦ ሕገ-ወጥ ታጣቂ ቡድንን ተቀላቅሎ ሲዋጋ ቆይቷል ተብሏል።

በኋላም መንግሥት ያቀረበውን የሰላም አማራጭ ተቀብሎ በመግባት በወረዳው የሰላም ማስከበር ሥራ ላይ ተሰማርቶ ሲሠራ እንደነበር ተመላክቷል።

ፖሊስ የምርመራ መዝገቡን በፍጥነት በማጣራት ለእነማይ ወረዳ አቃቤ ሕግ ከላከ በኋላ በተከሳሹ ላይ ክስ ተመስርቶ ጉዳዩ ሲታይ ቆይቷል።

የእነማይ ወረዳ ፍርድ ቤትም መስከረም 5 ቀን 2019 ዓ.ም በዋለው ችሎት የቀረቡለትን ማስረጃዎችና የቅጣት ማክበጃና ማቅለያ ሁኔታዎችን መርምሮ ተከሳሹ ሰጣርጌ ግሩም በ17 ዓመት ጽኑ እስራት እንዲቀጣ ወስኗል።

የእነማይ ወረዳ ፍትሕ ጽሕፈት ቤት እንደገለጸው፣ የፍርድ ውሳኔው በተመሳሳይ ወንጀል ሊሳተፉ ለሚችሉ ግለሰቦች ትምህርት የሚሰጥና የወንጀል ተጠያቂነትን የሚያሳይ ነው።

Seledadotio
Seledadotio

በኦሮሚያ ክልል በወጣቶች በጎ ፈቃድ 23 ሚሊየን ዜጎች ተጠቃሚ ሆኑ

አዲስ አበባ፣ መስከረም 6፣ 2019 (ኤፍ ኤም ሲ) በኦሮሚያ ክልል በወጣቶች የክረምት በጎ ፈቃድ አገልግሎት እስካሁን 23 ሚሊየን ዜጎች ተጠቃሚ ሆነዋል አለ የክልሉ ወጣቶችና ስፖርት ቢሮ።

በቢሮው የወጣቶች በጎ ፈቃድ አስተባባሪ ዳይሬክተር አሚኖ አማን ለፋና ዲጂታል እንዳሉት÷ በክረምት በጎ ፈቃድ መርሐ ግብር 10 ነጥብ 4 ሚሊየን ወጣቶችን ለማሳተፍ ታቅዶ እየተሰራ ነው።

በዚህም እስካሁን ድረስ 7 ነጥብ 9 ሚሊየን ወጣቶች በበጎ ፈቃድ ሥራው መሳተፋቸውን ጠቅሰው÷ በወጣቶቹ በተከናወኑ የተለያዩ ሥራዎች 23 ሚሊየን ዜጎችን ተጠቃሚ ማድረግ ተችሏል ብለዋል፡፡

ወጣቶቹ ከ40 በላይ በሚሆኑ የሥራ ዘርፎች በበጎ ፈቃድ መሳተፋቸውን እና ሥራው ከተለያዩ ባለድርሻ አካላት ጋር በቅንጅት እየተመራ መሆኑን አመልክተዋል፡፡
የተከናወነው የበጎ ፈቃድ ሥራ በገንዘብ ሲተመን ከ7 ነጥብ 6 ቢሊየን ብር በላይ የሚገመት መሆኑን ነው የገለጹት፡፡

የወጣቶችን ተሳትፎ ለማሳደግ ዘርፈ ብዙ የግንዛቤ ፈጠራ ሥራ መከናወኑን ጠቅሰው ÷ የበጎ ፈቃድ ሥራ በሀገር ደረጃ የተሰጠው ትኩረት የወጣቶችን ተነሳሽነት ይበልጥ ማጎልበቱን ተናግረዋል።

ወጣቶች በከተማ ትራፊክ ማሳለጥ፣ በደም ልገሳ፣ የአቅመ ደካማ የሕብረተሰብ ክፍሎችን ቤት መገንባትና ማደስ እንዲሁም በሌሎች ማህበራዊ ድጋፎች መሳተፋቸውን ጠቅሰዋል፡፡

በመርሐ ግብሩ እስካሁን 26 ሺህ 500 ቤቶችን ለመገንባት ታቅዶ 18 ሺህ 620 ቤቶች መገንባታቸውንና ከ10 ሺህ በላይ ቤቶች ደግሞ መጠገናቸውን አስረድተዋል።

የበጎ ፈቃድ ሥራ ከመንግሥት ካዝና የሚወጣን ወጪ በመቀነስ ረገድ ከፍተኛ አስተዋጽኦ እያበረከተ እንደሚገኝም አብራርተዋል፡፡

በዮናስ ጌትነት

የሀገር እጣፈንታን የሚወስነው የመምህራን ትጋትና አደራ
*******************

ትምህርት ከጥቁር ሰሌዳውና ከፊደል ገበታ አልፎ የፈጠራ፣ የመልካም ሥነ-ምግባርና የመልካም ጓደኝነት መገንቢያ ነው።

በሂሳብ፣ በፊዚክስ፣ በሥነ-ሕይወትና በሌሎችም የትምህርት ክፍለ-ጊዜዎች ከሚመነጩ የፈጠራ ሀሳቦች የሚጎለብቱ ብሩህ አእምሮዎች የነገዋን ሀገር የመገንባት ታላቅ አቅም አላቸው፤ በሥነ-ጽሑፍ የዳበረ ጥልቅ ዕውቀት ደግሞ የሀገራችንን ታሪክ፣ ባህልና የስልጣኔ እሴት ለዓለም የማስተዋወቅ ትልቅ ተስፋን ይሰንቃል።

በዚህ አገራዊ የትውልድ ግንባታ ሂደት ውስጥ ከወላጆች ሀላፊነት በተጨማሪ የትምህርት ቤት፣ የተማሪና የማህበረሰቡ ዋና ማዕከል የሆኑትን መምህራንን ነጥሎ ማየት ፈጽሞ አይቻልም።

መምህራን ዕውቀትን ከማስተላለፍ ባለፈ ማርፈድንና ኩረጃን የሚፀየፉ፣ የአነጋገር ዘይቤያቸው በስነ-ስርዓት የታነጸ፣ በፈጠራና በክህሎት የዳበሩ እንዲሁም አቅማቸውን የሚያወጡ መልካም ዜጎችን የሚያንፁ ዋና ተዋናይ ናቸው።

ጠቅላይ ሚኒስትር ዐብይ አህመድ (ዶ/ር) የ2019 ዓ.ም የትምህርት ዘመን ጅማሮን ተከትሎ ባስተላለፉት መልዕክት፤ ወጣቱ ትውልድ የሀገራችን ትልቁ ሀብት በመሆኑ ብቁና በራሱ የሚተማመን ትውልድ ለመገንባት በሚደረገው ጥረት ውስጥ የመምህራን ትጋት የመሠረት ድንጋይ ነው ብለዋል።

መምህራን ተማሪዎችን ለነገው ተፎካካሪና ፈጣን ዓለም የሚያዘጋጅ ዘመናዊ ዕውቀት፣ ተግባራዊ ክህሎትና አገራዊ እሴቶችን የማስታጠቅ ታላቅ አደራ አለባቸው።

በዚህ ዘመን የማህበራዊ ሚዲያ ተፅዕኖ እያየለ በመሆኑ ተማሪዎች የአልባሌ ነገሮች ምርኮኛ ሳይሆኑ፣ ቴክኖሎጂ ያመጣቸውን በጎ ዕድሎችና የመረጃ ምንጮች ለጥናት፣ ለፈጠራና ለሀገራቸው ዕድገት እንዲጠቀሙ መምህራን የማስገንዘብና የመምራት ኃላፊነት አለባቸው።

ከዚህም ባለፈ እያንዳንዱ ተማሪ ውስጥ ያለውን ድብቅ ክህሎት በመፈለግና በማነቃቃት፣ በራሳቸው እንዲተማመኑና የሀገራቸውን ታላቅ የስልጣኔ ታሪክ ወደፊት ለማስቀጠል ቁርጠኛ እንዲሆኑ ማነሳሳት ከመምህራን የሚጠበቅ ዋነኛ ተግባር ነው።

ዕውቀትን በትውልዱ ላይ ለማበልፀግ በትምህርት ሚኒስቴርና በመንግሥት ደረጃ በተሰሩ ስራዎች ተማሪዎች በምግብ እጥረት ምክንያት ከትምህርት ገበታ እንዳይሰናከሉና ትኩረታቸው እንዳይበታተን ሰፊ የተማሪዎች ምገባ ፕሮግራም ተዘርግቶ አዎንታዊ ለውጥ ማምጣት ተችሏል።

የመንግሥት የልማትና የመሠረተ ልማት ስራዎች ከትምህርት ሚኒስቴር የአሰራር ማሻሻያዎች ጋር ተጣጥመው ሲቀጥሉ፣ የመምህራን ያልተቆጠበ ትጋትና የተማሪዎች ጽናት ተጨምሮበት ኢትዮጵያ በውጤታማና ብቁ ትውልድ እጅ ወደ ላቀ የስልጣኔ ማዕረግ ተሸጋግራ ትቀጥላለች።

በልዩ እሸቱ

የመደመር እሳቤ ያበበበት ታሪካዊ ዲፕሎማሲ ኢትዮጵያ በብሪክስ ፕላስ እና አዲሱ የጂኦፖለቲካ አሻራ
*************************

ኢትዮጵያ በ1923 ዓ.ም የመንግሥታት ማህበር (League of Nations) አባል ለመሆን ያደረገችው እልህ አስጨራሽ ጥረት፣ በመቀጠልም የተባበሩት መንግሥታት ድርጅትና የአፍሪካ አንድነት ድርጅት መስራችና አንጋፋ ሀገር በመሆን ያስመዘገበችው ደማቅ ታሪክ የዲፕሎማሲዋ መሰረት ነው።

ዛሬ በዚህ ምዕተ ዓመት ደግሞ ታሪካዊ ቀጣይነቱን ያረጋገጠ ሌላ ታላቅ ዲፕሎማሲያዊ አሻራን ማሳረፍ ተችሏል።

ከታኅሣሥ 23 ቀን 2016 ዓ.ም ጀምሮ ኢትዮጵያ የብሪክስ ፕላስ ሙሉ አባል በመሆን የዓለም አቀፉ የፖለቲካና ኢኮኖሚ ዋና ተዋናይነቷን አረጋግጣለች።

ይህ ታላቅ ስኬት በአጋጣሚ የተገኘ ሳይሆን የኢትዮጵያ መንግሥት በተለይም የጠቅላይ ሚኒስትር ዐቢይ አሕመድ (ዶ/ር) ፉክክር እና ትብብርን በሚያስታርቀው የመደመር እሳቤ የተገበረው የላቀ የመሪነት ዲፕሎማሲ ፍሬ ነው።

አካሄዱ ወዳጅ እና ጠላት ከሚል ጠባብ ፍረጃ የተላቀቀ፣ አጋርነትን ማብዛት ላይ ያተኮረ እና የሀገራችንን ሉዓላዊነት በጽኑ መሰረት ላይ ያቆመ ነው።

ከ40 በላይ ሀገራት አባል ለመሆን ወረፋ በያዙበት በዚህ መድረክ ኢትዮጵያ ቀዳሚ መሆኗ የዲፕሎማሲ ክብደቷን ቁልጭ አድርጎ ያሳያል።

የብሪክስ መሪዎች የኢትዮጵያን ታላቅ ህልምና ስትራቴጂካዊ ቦታ ተረድተው አባል እንድትሆን የመረጡበት ቁልፍ ምክንያቶች በርካታ ናቸው።

ኢትዮጵያ በአፍሪካ ቀንድ ለቀይ ባህር እና ዓለም አቀፍ የንግድ መስመሮች ቅርብ በመሆኗ የብሪክስ ሀገራት በቀጣናው ያላቸውን ተፅእኖ ለማስፋት ምቹ መድረክ ትሆናቸዋለች።

በተጨማሪም ሰፊ የገበያ እድል እና የሰው ኃይል ባለቤት መሆኗ፣ የአፍሪካ የዲፕሎማሲ ማዕከልነቷ፣ ከነባሮቹ አባላት (ቻይና፣ ሩሲያ፣ ህንድ፣ ብራዚል እና ደቡብ አፍሪካ) ጋር ያላት ጠንካራ የሁለትዮሽ አጋርነት እና የባለብዙ ዋልታ (Multipolar) ዓለም ራዕይ በጥቂቱ ተጠቃሽ ናቸው።

ገለልተኛ የውጭ ፖሊሲ የምትከተለው ኢትዮጵያ ዓለም አቀፍ የፋይናንስና ፖለቲካ ተቋማት ፍትሃዊ መሆን አለባቸው ብላ የምታምነው ጽኑ አቋም ከብሪክስ መሠረታዊ ራዕይ ጋር ሙሉ በሙሉ ይጣጣማል።

ይህ አባልነት የረጅም ጊዜ ስትራቴጂካዊ ፍላጎታችንን ያማከለ ከመሆኑም በላይ በቀጣናችን ተፎካካሪዎቻችን ሊፈጥሩ የሚችሉትን የወደፊት መሰናክል አስቀድሞ በብልሃት ያመከነ ዲፕሎማሲያዊ ብስለት ነው።

አሁን ባለው ተጨባጭ ሁኔታ አስራ አንዱ የብሪክስ አባል ሀገራት የዓለማችንን 49 በመቶ የህዝብ ቁጥር፣ 36 በመቶ የቆዳ ስፋት፣ 40 በመቶ የዓለም አቀፍ ጠቅላላ የሀገር ውስጥ ምርት (GDP) እና 23 በመቶ የሚሆነውን የዓለም አቀፍ ንግድ ይወክላሉ።

ከምዕራባውያኑ የቡድን ሰባት (G7) ስብስብ ጋር ሲነጻጸር የብሪክስ ፕላስ የበላይነት እጅግ አስገራሚ ነው። የብሪክስ ፕላስ ኢኮኖሚ 88 ትሪሊየን ዶላር ወይም የዓለማችንን 45 በመቶ ሲሸፍን፣ የጂ-7 ሀገራት ግን 62 ትሪሊየን ዶላር ወይም 31 በመቶ ላይ ይገኛል።

ከህዝብ ብዛት አንጻር ብሪክስ ፕላስ ከ3.3 ቢሊየን በላይ ህዝብ (ከዓለም አጠቃላይ ህዝብ ግማሹን) ሲያቅፍ፣ ጂ-7 ግን 800 ሚሊየን ህዝብ ብቻ አለው። ከ40 በመቶ በላይ የሚሆነው የዓለም ነዳጅ እና ዋና ዋና የንግድ ማዕከላትም በዚሁ ስብስብ እጅ ይገኛሉ።

በአሁኑ ወቅት የኢትዮጵያ 37 በመቶ የውጪ ንግድ እንቅስቃሴ የሚከናወነው ከብሪክስ ሀገራት ከነበሩትና አዳዲስ አባላት ከሆኑት እንደ ቻይና፣ ህንድ፣ ሳውዲ አረቢያ እና ኢንዶኔዥያ ጋር ነው።

አባልነቱ ብሪክስ ፔይ (BRICS Pay) በተባለው አዲስ የክፍያ ስርአት እና በሀገር ውስጥ ገንዘብ የመገበያየት እድልን በመክፈት የውጪ ምንዛሬ እጥረታችንን ለመቅረፍ ትልቅ በር ይከፍታል።

በተጨማሪም 100 ቢሊየን ዶላር ካፒታል ያለው አዲሱ የልማት ባንክ (New Development Bank) ከምዕራባውያን የፖለቲካ ቅድመ ሁኔታ ነጻ የሆነ አማራጭ የልማት ፋይናንስ ምንጭ ሆኖ ያገለግላል።

ኢትዮጵያ በቅርቡ ያደረገችው የማክሮ ኢኮኖሚ ማሻሻያ ከዚህ አባልነት ጋር ሲቀናጅ ከፍተኛ የኢንቨስትመንት ፍሰት እና የቴክኖሎጂ ሽግግር እንደሚያመጣ የታመነበት ተስፋ ነው።

"ለጽናት፣ ለፈጠራ፣ ለትብብር እና ለዘላቂነት" በሚል መሪ ሀሳብ በሚካሄደው 18ኛው የብሪክስ መሪዎች ጉባኤ ላይ ሀገራችን በዓለም አቀፍ የንግድና የአየር ንብረት ድርድር ላይ ድምጿን ከፍ አድርጋ ፍትሃዊ ተጠቃሚነቷን አረጋግጣበታለች።

የብሪክስ ፕላስ ማዕበል የዓለማችንን የጂኦፖለቲካ እና ኢኮኖሚ ትርክት እየቀየረ ባለበት በዚህ ወቅት ኢትዮጵያ የታሪካዊ ሽግግሩ ተመልካች ሳይሆን ዋና ተዋናይ መሆን ችላለች።

መንግሥት በመደመር እሳቤ አጋር በማብዛት እና ብሄራዊ ጥቅምን በማስቀደም ያረጋገጠው ይህ የዲፕሎማሲ ስኬት መላው ኢትዮጵያዊ የሚኮራበት እና የሚደግፈው የጋራ ድል ነው።

በሜሮን ንብረት
#ethiopia #ebc #bricsplus #medemer #ethiopiandiplomacy #geopolitics

ሰላም፥ እንደምን አደራችሁ?

የኢትዮጵያ ሁለንተናዊ የማድረግ አቅም

የአንድ ሀገር ሁለንተናዊ ልዕልና እና ዘላቂ ጥንካሬ የሚለካው በወታደራዊ ግዝፈት ወይም በኢኮኖሚያዊ መስፈርቶች ብቻ አይደለም።

እውነተኛ፣ አስተማማኝና ዘላቂ ሀገራዊ ጥንካሬ የሚመነጨው በኢኮኖሚ ጽናት፣ በዲፕሎማሲ ተጽዕኖ ፈጣሪነት፣ በቴክኖሎጂ ልቀት እንዲሁም ግዙፍ ሀገራዊ ራዕዮችን ወደ መሬት በማውረድ ምሉዕ በሆነ ስኬት ጭምር ነው።

ከሀገራዊ ለውጡ ወዲህ ኢትዮጵያ በሁሉም መስኮች እያረጋገጠች ያለችው ሁለንተናዊ የማድረግ አቅም፤ የገጠሟትን ታሪካዊና ጊዜያዊ ፈተናዎችን ወደ እድል የመቀየር ጥበብ ተግባራዊ ማሳያ ነው።

ውስብስብ ሀገራዊ፣ ቀጣናዊና ዓለም አቀፋዊ የኢኮኖሚ ጫናዎችን በመቋቋም የሀገር ውስጥ ምርታማነትን ማሳደግ ተችሏል።

በተለይም በግብርናው ዘርፍ የተመዘገበው የመስኖ ስንዴ ልማት ስኬትና የምግብ ዋስትናን ለማረጋገጥ የተወሰዱ አበይት ርምጃዎች ሀገሪቱን ከጠባቂነት ወደ አምራችነትና ላኪነት ያሸጋገሩ ህያው ማሳያዎች ናቸው።

በአህጉራዊና ዓለም አቀፋዊ መድረኮች የኢትዮጵያን ብሔራዊ ጥቅም የሚያስከብር፣ በቀጣናዊ ዘላቂ ሰላም ግንባታ ግንባር ቀደም ሚና የሚጫወት ንቁ የውጭ ግንኙነት ፖሊሲ ተቀርጾ እየተሰራበት ይገኛል።
ይህም ሀገሪቱ በዓለም አቀፍ ደረጃ ያላትን የዲፕሎማሲ ተጽዕኖ የመፍጠር አቅም አዲስ ደረጃ ላይ አድርሶታል።

የኢኖቬሽንና የቴክኖሎጂ አቅምን በማጎልበት፣ የመንግሥትና የሕዝብ አገልግሎቶችን በዲጂታል መንገድ ማዘመን ተችሏል።

የወደፊቱን ትውልድ ለዓለም አቀፍ የቴክኖሎጂ ፉክክር ብቁ የሚያደርጉ የኮዲንግ፣ የሰው ሰራሽ አስተውሎት (ኤ.ኣይ) እና የዲጂታል መሰረተ ልማት ስራዎች ተስፋ ሰጪ ውጤት በማሳየት ላይ ይገኛሉ።

የታላቁ የኢትዮጵያ ሕዳሴ ግድብን ጨምሮ ሜጋ ፕሮጀክቶችን፣ የገበታ ፕሮጀክቶችንና የኮሪደር ልማት ስራዎችን በራስ አቅምና ብቃት በጥራት በመገንባት ሀገራዊ ህልሞችን ወደ ተጨባጭ እውነታ የመቀየር አቅም መጎልበቱን በተግባር አሳይቷል።

ተቋማትን በዘመናዊ አሰራርና በዕውቀት መገንባት፣ የዜጎችን እውቀትና ክህሎት ማሳደግ እንዲሁም አሰራሮችን ማቀላጠፍ የዚሁ ሁለንተናዊ አቅም ግንባታ አካል ናቸው።

ኢትዮጵያ ባለፉት ዓመታት ላጋጠሟት በርካታ ተፈጥሯዊና ሰው ሰራሽ መሰናክሎች፤ ኢኮኖሚያዊና ፖለቲካዊ ጫናዎች ሳትበገር አልፋቸዋለች።

የመደመር መንግሥት የተከተለው የፖሊሲ አቅጣጫ ፈተናዎችን ከመከላከል ባለፈ ለእድገትና ለላቀ ከፍታ መጠቀሚያ ማድረግ ላይ ያተኮረ ነው።

ኢትዮጵያ ዛሬ ላይ ቆማ ለዓለም የምታስተላልፈው መልዕክት ግልጽ ነው፤ ይኸውም ማናቸውም መሰናክሎች የቀጣይ ጉዞዋ እንቅፋት ሊሆኑ አይችሉም የሚል ነው።

በተቀናጀ ሀገራዊ አቅም፣ በሕዝቦች አንድነትና ቁርጠኝነት ወደተሻለ፣ የበለጸገና የጸና የከፍታ ዘመን በመሸጋገር ላይ ትገኛለች።

ትውልድን የማነፅ አዲስ ምዕራፍ

አዲስ አበባ፣ መስከረም 5፣ 2019 (ኤፍ ኤም ሲ) ትምህርት የማኅበራዊ፣ የኢኮኖሚና የቴክኖሎጂ ሽግግር ዋና መንገድ ከመሆኑም በላይ የትኛውንም ማኅበረሰብ ወደ ተሻለ የዕድገትና የብልጽግና ማዕረግ የሚያሸጋግር የማይተካ መሠረት ነው።

የሀገርን የነገ ተስፋ በጽኑ መሠረት ላይ ለመገንባት፣ በዕውቀትና በክህሎት የበለፀገ፣ በበጎ ሥነ ምግባር የታነፀ እንዲሁም የአካባቢውንና የሀገሩን መሠረታዊ ችግሮች መፍታት የሚችል ብቁ የሰው ኃይል ማፍራት የቀዳሚነት ድርሻ የሚሰጠው ተግባር ነው።

ባለፉት ዓመታት የተመዘገቡትን ዘላቂ የልማት ውጤቶች አጠናክሮ ለማስቀጠልም የትምህርት ጥራትን ማረጋገጥና የላቀ ብቃት ያለው የሰው ኃይል ማፍራት የኢትዮጵያ የኢኮኖሚና ማኅበራዊ ትራንስፎርሜሽን ዋና ማዕከል ሆኖ ቀጥሏል።

በዛሬው ዕለትም በመላው ሀገሪቱ የ2019 ትምህርት ዘመን በይፋ የተጀመረ ሲሆን፤ በሚሊየኖች የሚቆጠሩ ተማሪዎች፣ መምህራንና የትምህርት ማኅበረሰብ አባላት ወደ ትምህርት ገበታቸው ተሰማርተዋል።

የመደመር መንግሥትም የትምህርት ዘርፉን ወሳኝነት የሪፎርም አጀንዳው ዋና አካል በማድረግ ሰፋፊ የማሻሻያ ተግባራትን ሲያከናውን ቆይቷል።

በተለይም ባለፉት 3 ዓመታት በተካሄደውና የመላውን ሕዝብ አቅም ባንቀሳቀሰው የትምህርት ለትውልድ ንቅናቄ ከ146 ቢሊየን ብር በላይ ሀብት በማሰባሰብ አዳዲስ ትምህርት ቤቶች፣ የመማሪያ ክፍሎችና ልዩ ልዩ የመሠረተ ልማቶች ተገንብተው ለተማሪዎች አገልግሎት ክፍት ሆነዋል።

በሁለተኛ ደረጃ ትምህርት ቤቶች መጽሐፍትን ማሰራጨት የተቻለ ሲሆን፤ በአንደኛ ደረጃ ትምህርት ቤቶች የሚስተዋለውን የመጻሕፍት እጥረት ለመፍታት ተጨማሪ 25 ሚሊየን መጻሕፍት ታትመው እየተሰራጩ ይገኛሉ፡፡

ከዚህ ጎን ለጎን የተማሪዎችን የማቋረጥ ምጣኔ ለመቀነስና የመማር ፍላጎታቸውን ለማሳደግ ባለፈው ዓመት 8 ነጥብ 9 ሚሊየን ተማሪዎችን ተጠቃሚ ያደረገውን የትምህርት ቤት ምግብ ፕሮግራም ዘንድሮም አጠናክሮ ለመቀጠል ዝግጅት ተደርጓል፡፡

የመምህራንንና የትምህርት ዘርፉን አመራሮች ሙያዊ ብቃት ለማሳደግ በተከናወኑ ጥረቶች ባለፉት ሁለት ዓመታት ብቻ ከ100 ሺህ በላይ የሁለተኛ ደረጃ መምህራንን ማሰልጠን ተችሏል፡፡

ሁለተኛ ደረጃ ትምህርት ቤቶች በዘመናዊ ቴክኖሎጂ እንዲደራጁ የኮምፒውተርና የዲጂታል አሰራሮች ዝርጋታ በስፋት ሲካሄድ ቆይቷል፡፡

የመደመር መንግሥት በዘርፉ እየተገበራቸው የሚገኙት አጠቃላይ ጥረቶችና የፖሊሲ ማሻሻያዎች አዎንታዊ ፍሬዎችን ማሳየት ጀምረዋል።

ለአብነትም የቅድመ መደበኛ ትምህርት ተሳትፎ ከ36 ነጥብ 7 ወደ 59 ነጥብ 8 በመቶ ያደገ ሲሆን፤ በ6ኛ፣ 8ኛ እና 12ኛ ክፍል ሀገር አቀፍ ፈተናዎች የተማሪዎች ውጤትና የማለፍ ምጣኔ አበረታች መሻሻል አሳይቷል።

በዛሬው ዕለት በሀገር አቀፍ ደረጃ ከ20 ሚሊየን በላይ ተማሪዎች በትምህርት ዘመኑ የመጀመሪያ ቀን ወደ ትምህርት ቤቶች በመግባት የትምህርት ጉዟቸውን ጀምረዋል።

በተለያዩ ምክንያቶች በዛሬው ዕለት ሥራ ያልጀመሩ ትምህርት ቤቶች በሚቀጥሉት ጥቂት ቀናት ውስጥ ሙሉ በሙሉ የማስተማር ሥራቸውን እንደሚጀምሩ ተጠቁሟል።

በዮናስ ጌትነት

ዘ-ሐበሻ ዜና) አዲስ በተዋቀረችው ሸገር ከተማ "መሬታችንን ተነጠቅን፣ መብታችን ተረገጠ" በማለት የፍትሕ ያለህ እያሉ ወደ ፍርድ ቤት የሚያቀኑ ዜጎች፣ የፍርድ ቤቱን በሮች ዝግ ሆነው እያገኟቸው መሆኑ ተሰማ። የከተማዋ የፍርድ ቤት ኦፊሰሮች፣ የባለቤትነት ማረጋገጫ ካርታ ወይም ለእርሻ መሬት የሚሰጠውን 'ግሪን ካርድ' ማቅረብ ለማይችሉ ባለጉዳዮች የክስ መዝገብ እንዳይከፍቱ ከበላይ አካል ጥብቅ ትዕዛዝ እንደተሰጣቸው በመግለጽ፣ የፍትሕ ፈላጊዎችን አቤቱታ ውድቅ እያደረጉ መሆናቸው ታውቋል።

አብዛኞቹ የዚህ አስገራሚ አሰራር ሰለባዎች እና አቤቱታ አቅራቢዎች፣ ከሸገር ከተማ አዲስ አወቃቀር እና 'ከመልሶ ማልማት' ስም ጋር ተያይዞ ይዞታቸውን የተነጠቁ፣ ነገር ግን በይፋዊ ካርታ ያልተመዘገቡ ነዋሪዎች ናቸው። እነዚህ ዜጎች መሬታቸው ከመነጠቁም አልፎ፣ ጉዳያቸውን በሕግ አደባባይ ሞግተው ፍትሕ የማግኘት ሕገ-መንግሥታዊ መብታቸው፣ ካርታ የላችሁም በሚል ሰበብ ሙሉ በሙሉ ተነፍጓል።

ይህንን አሳሳቢ ክስተት ተከትሎ የሕግ ባለሙያዎች ከፍተኛ ተቃውሞ እያሰሙ ይገኛሉ። እንደ ባለሙያዎቹ ማብራሪያ፣ አንድ ሰው የካርታ ባለቤት ባይሆንም እንኳ በሕግ ፊት የመቅረብ፣ የመደመጥ እና አቤቱታ የማቅረብ መሠረታዊ መብቱ በፍጹም ሊጣስ አይገባም። "የፍርድ ቤትን ነጻ አሰራር እና የዜጎችን የፍትሕ ተደራሽነት በአንድ የቢሮ ደብዳቤ ወይም የቃል ትዕዛዝ ማገድ በሕግ ሚዛን እንዴት ይቻላል?" የሚለው የሕግ ባለሙያዎቹ ከባድ ጥያቄ ቢሆንም፣ የሸገር ከተማ አስተዳደር ግን ለጩኸቱ ጆሮ ዳባ ልበስ በማለት አወዛጋቢ እና ሕገ-ወጥ አሰራሩን እንደቀጠለበት ለማወቅ ተችሏል።

አስተያየታቸውን ለዘ-ሐበሻ የሰጡ ወገኖች እንደሚስማሙበት፣ እጅግ አደገኛው ጉዳይ የአስፈጻሚው አካል (የከተማ አስተዳደሩ) በነጻው የፍትሕ ተቋም (በፍርድ ቤቶች) ላይ እያሳረፈ ያለውን ከባድ ተጽዕኖ ነው። ዜጎች "ካርታ የላችሁም" ተብለው መሬታቸውን ከተነጠቁ በኋላ፣ ያንን የካርታ አልባነት ጥያቄ የሚያየው ፍርድ ቤት ራሱ "ካርታ ካላመጣችሁ አላናግራችሁም" ማለቱ፣ ፍርድ ቤቶች የዜጎች የመጨረሻ መጠጊያ መሆናቸው አብቅቶ የአስተዳደሩ ማስፈጸሚያ መሣሪያ ወደ መሆን ማሽቆልቆላቸውን ቁልጭ አድርጎ ያሳያል። የዜጎችን ሕገ-መንግሥታዊ መብት በአንድ አስተዳደራዊ ደብዳቤ የመሻር አደገኛ አዝማሚያም የሕግ የበላይነትን ገደል የሚከት ነው።
________________
የዘ-ሐበሻ የተሳትፎ ጥያቄ ለቤተሰቦቻችን: እናንተስ ይህንን ጉዳይ እንዴት ታዩታላችሁ? ፍርድ ቤቶች "ከበላይ አካል በታዘዝነው መሠረት" እያሉ የዜጎችን አቤቱታ አለመቀበላቸው፣ በሀገራችን ስላለው የፍትሕ ሥርዓት እና የተቋማት ነጻነት ምን ያሳየናል ብላችሁ ታስባላችሁ? ካርታ የሌላቸው፣ ነገር ግን ለዘመናት በኖሩበት ቀዬ ሀብት ያፈሩ የህብረተሰብ ክፍሎችስ የት ሄደው ፍትሕ ይፈልጉ? ሐሳባችሁን ኮሜንት ላይ አጋሩን!

በሳዑዲ በአስቸጋሪ ሁኔታ ውስጥ የነበሩ 1ሺህ 861 ኢትዮጵያውያን ወደ ሀገራቸው ተመለሱ
‎
አዲስ አበባ፣ መስከረም 5፣ 2019 (ኤፍ ኤም ሲ) በሳዑዲ ዓረቢያ በአስቸጋሪ ሁኔታ ውስጥ የነበሩ 1ሺህ 861 ኢትዮጵያውያን ወደ ሀገራቸው እንዲመለሱ ተደርጓል አለ የሴቶችና ማህበራዊ ጉዳይ ሚኒስቴር፡፡
‎
‎በሳምንቱ ውስጥ በተደረገ 10 ዙር በረራ ከተመለሱት ኢትዮጵያውያን መካከል 485 ሴቶች 63 ህፃናት እንዲሁም 100 ታዳጊዎች ይገኙበታል።
‎
‎ለተመላሽ ዜጎች በአየር ማረፊያና በማቆያ ማዕከላት ተገቢውን ድጋፍና እንክብካቤ በማድረግ ከቤተሰብ ጋር የማቀላቀል ስራም እየተሰራ ይገኛል፡፡
‎
‎ከ1 ዓመት በፊት በተጀመረው ዜጎችን ወደ ሀገር ቤት የመመለስ ሥራ እስካሁን ከ101 ሺህ 800 በላይ ኢትዮጵያውያንን ወደ ሀገር መመለስ ተችሏል።