ቃል ኢንተርናሽናል የውበት ማሰልጠኛ ተቋም በተለያዩ በዉበት መስኮች ያሰለጠናቸዉን ተማሪዎች አስመረቀ!
#fastmereja :ቃል ኢንተርናሽናል የዉበት ማሰልጠኛ ተቋም ለ47ተኛ ዙር በተለያዩ የዉበት መስኮች ያሰለጠናቸዉን ከ50 በላይ ተማሪዎችን በደመቀ ሁኔታ አስመረቀ።

በዛሬዉ እለት በሜካፕ፣ በጥፍር፣ በጸጉር በአይላሽ ሽፋሽፍት የውበት ሞያ ዘርፎች ስልጠናቸውን ያጠናቀቁ ተማሪዎችን ነዉ ያስመረቀዉ።

በምርቃት ሥነ-ሥርዓቱ ላይ የመንግስት የስራ ኃላፊዎች፣ ታዋቂ አርቲስቶች፣ የዲጂታል እና የመደበኛ ሚዲያ ተጽእኖ ፈጣሪዎች፣ በውበት ዘርፍ ላይ የተሰማሩ ነጋዴዎች/የድርጅት ባለቤቶች እና የተማሪዎች ወዳጅ ዘመዶችና ሌሎችም ጥሪ የተደረገላቸው እንግዶች ተገኝተዋል።

የቃል ኢንተርናሽናል የዉበት ማሰልጠኛ ተቋም ዓለም አቀፍ ደረጃውን የጠበቀ የውበት ትምህርት ለማድረስ ካለው ቁርጠኛነትና ትጋት ባለፈ የኢኮኖሚ አቅማቸው ዝቅተኛ ለሆኑ እና ከፍለው መማር የማይችሉ ሴቶችን በመደገፍና በማበረታታት የሞያ ባለቤት በማድረግ ብሩህ ተስፋ ያላቸውና የፋይናንስ ነጻነት ያላቸው አምራች ዜጎች እንዲሆኑ እድሎችን በማመቻቸት ማህበራዊ ግዴታውን እየተወጣ የሚገኝ ስመጥር ድርጅት ነው፡፡

ቃል ኢንተርናሽናል የዉበት ማሰልጠኛ ተቋም ከተለያዩ የአውሮፓ ተቋማት ጋር የሀገራችን የውበት ኢንዱስትሪ ደረጃ ለማሳደግ እና ለተማሪዎች የስራ እድሎችን ለማስፋት በስፋት እየሰራም የሚገኝ ሲሆን በአሁን ወቅት ተደራሽነቱን በማስፋት በካናዳ በተለያዩ ስቴቶች በርካታ ተማሪዎችን በማስተማር ላይ ትገኛለች።

ጀቢና - በሐበሻቪው የቀረበው አዲስ ፊልም
በነፃ ይመልከቱ
#ethiopia | ሐበሻቪው ያዘጋጀውን አዲስ የፊልም ምርቃት እና የማሳያ መርሃ ግብር ቅዳሜ፣ መስከረም 30 ቀን 2019 ዓ.ም እንደሚያቀርብ አስታውቋል።

ይህ የፊልም ማሳያ መርሃ ግብር በቦሌ ፍላሚንጎ በሚገኘው የህፃናት እና ወጣቶች ቴአትር ቤት ከቀኑ 10:00 ሰዓት ጀምሮ የሚካሄድ ይሆናል።

የመግቢያ ክፍያው ሙሉ በሙሉ በሐበሻቪው የተሸፈነ በመሆኑ ተመልካቾች በነፃ መከታተል ይችላሉ።

ታዳሚያን በሰዓቱ እንዲገኙ ተጠይቋል።
#habeshaview #ethiopianmovie #ethiopiancinema #film #art #getutemesgen #getu #ጌጡ #ጌጡተመስገን #addisababa

"የህዝብ፣ በህዝብ፣ ለህዝብ የሆነ አስተዳደር ከምድረ ገጽ አይጠፋም!"— አብርሃም ሊንከን
#ethiopia |ይህ 16ኛው የአሜሪካ ፕሬዝዳንት አብርሃም ሊንከን በፔንስልቬንያ በተደረገው የጌቲስበርግ ብሔራዊ መቃብር ምርቃት ወቅት ያደረጉትና የዓለምን የዲሞክራሲ ስርአት የለወጠ ታሪካዊ ንግግር ነበር።

በወቅቱ አሜሪካ በደም አፋሳሹ የእርስ በእርስ ጦርነት ውስጥ በነበረችበት ወቅት የተደረገው ይህ ንግግር እስከዛሬ ድረስ በዓለም ታሪክ ውስጥ እጅግ ተፅዕኖ ፈጣሪ ከሆኑ ንግግሮች አንዱ ተብሎ ይጥቀሳል።

ንግግሩ እጅግ አጭርና 272 ቃላት ብቻ የነበሩት ሲሆን ለማንበብ ከ2 እስከ 3 ደቂቃ ብቻ ነበር የፈጀው።

ከሊንከን በፊት ተናጋሪ የነበሩት ኤድዋርድ ኤቨሬት ለ2 ሰዓታት ያህል ረጅም ንግግር አድርገው የነበረ ቢሆንም ታሪክ ግን የሊንከንን አጭር ንግግር ዘክሮታል።

ሊንከን ዲሞክራሲን "የህዝብ፣ በህዝብ፣ ለህዝብ" በማለት ያቀረቡት ብያኔ እስከዛሬ ድረስ የመንግስታትና የዲሞክራሲ ዋነኛ መለኪያ ሆኖ እያገለገለ ይገኛል።

ንግግሩ በጦርነቱ የወደቁትን ወታደሮች ከማሰብ ባሻገር አሜሪካ አንድነቷ ተከብሮ የሰው ልጅ ሁሉ በነጻነትና በእኩልነት የሚኖርበት ሀገር እንድትሆን አዲስ ተስፋ የሰጠ ነበር።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopiaabrahamlincoln #democracy #government #gettysburgaddress #abrahamlincoln

የሆራ ፊንፊኔ ኢሬቻ በአዲስ አበባ በደማቅ ሁኔታ ተከበረ!
 
ከበርካታ የኢትዮጵያ ክፍሎች የተመሙ ታዳሚዎችን ያሰባሰበውና ለሁለት ቀናት የሚቆየው የኦሮሞ ህዝብ የኢሬቻ በዓል የመጀመሪያ ቀን ስነ-ስርዓት በዋና ከተማዋ አዲስ አበባ በሆራ ፊንፊኔ በደማቅ ሁኔታ እየተከበረ ይገኛል።
 
የኦሮሞን ህብረ-ብሄራዊ እሴቶች የሚያንጸባርቁ ባህላዊ አልባሳትን የለበሱ ወጣቶች (ቄሮዎችና ቀሬዎች)፣ የሲንቄ እናቶች እና አባ ገዳዎች በዚህ ደማቅ በዓል ላይ እየተሳተፉ ይገኛሉ።ትላንት ከልዩ ልዩ የአገሪቱ ክፍሎች ለመጡት እንግዶች በአምስቱም የአዲስ አበባ መግቢያ በሮች  የሞቀ አቀባበል ተደርጓል።
 
በአዲስ አበባ የሚደረገው ይህ ስነ-ስርዓት፣ እሁድ መስከረም 24 ቀን 2019 ዓ.ም በቢሾፍቱ ሆራ አርሰዲ ከሚከበረው የዓመቱ በዓል በፊት የሚከናወን ነው።
 
በፀደይ (አርፋሳ) እና በበጋ/መኸር (ብራ) ወቅቶች የሚከበረው የኢሬቻ በዓል፤ የምስጋና፣ የምርቃት፣ የሕዳሴና የእርቅ ምልክት የሆነ የኦሮሞ ባህላዊ በዓል ነው።

(AS)
@YeneTube FikerAssefa

በምርቃት ሥነ ስርዓት የጀመረው የሆረ ፊንፊኔ ኢሬቻ በዓል አከባበር #ኢትዮጵያ #ትልቅሀገር #ትልቅሕዝብ #ታላቅርዕይ




በምርቃት ሥነ ስርዓት የጀመረው የሆረ ፊንፊኔ ኢሬቻ በዓል አከባበር #ኢትዮጵያ #ትልቅሀገር #ትልቅሕዝብ #ታላቅርዕይ

ኢሬቻ ሆረ ፊንፊኔ አከባበር በአባገዳዎች ምርቃት ተጀምሯል
#ትልቅ_ሀገር #ትልቅ_ሕዝብ #ታላቅ_ርዕይ

(ዘ-ሐበሻ ዜና) በጦርነት እና በመጠፋፋት አዙሪት ውስጥ ለምትገኘው ኢትዮጵያ፣ የሃይማኖት አባቶች የሰላም ጥሪ ከፖለቲከኞች የጦርነት ነጋሪት ጋር ግብግብ ከገጠመ ሰነባብቷል። የሚኒሶታ እና አካባቢው ሀገረ ስብከት ሊቀ ጳጳስ አቡነ ናትናኤል ዛሬ በሚኒሶታ ሴንት ፖል ከተማ፣ የመስቀል ደመራ በዓል ሲከበር ለተሰበሰበው ምዕመን ያደረጉት ልብ የሚነካ የምርቃት እና የጸሎት ቃል፣ የሀገሪቱን ወቅታዊ እና አሳዛኝ የፖለቲካ እውነታ ገልጦ የሚያሳይ ሆኖ ተገኝቷል።

ሊቀ ጳጳሱ በጸሎታቸው "በየጊዜው እና በየስፍራው የምንሰማውን ጦርነቱን፣ ችግሩን፣ መገዳደሉን፣ መጠፋፋቱን ሁሉ እግዚአብሔር አምላክ ያስወግድልን" ሲሉ ተማጽነዋል። ይህ ጸሎት መሬት ላይ ካለው የኢትዮጵያ እውነታ ጋር ሲነጻጸር ግን የልብ ስብራት ይፈጥራል። ዛሬ ላይ ከሰሜን እስከ ደቡብ፣ ከምስራቅ እስከ ምዕራብ፤ በተለይም በአማራ፣ በኦሮሚያ፣ በአፋር እና ዳግም አዲስ የጦርነትና የውጥረት ደመና ባንዣበበባት ትግራይ ክልሎች ውስጥ ዜጎች የዕለት ተዕለት ኑሯቸው ከመገዳደል እና ከስጋት ጋር የተቆራኘ ሆኗል። የፖለቲካ ልሂቃኑ የሥልጣን ቼዝ ሲጫወቱ፣ ገበሬው ማሳውን ትቶ ጥይት እንዲያርሰው ተፈርዶበታል።

በተለይም አቡነ ናትናኤል "ዘመኑ የጠመንጃ አፈሙዝ አፍ የሚዘጋበት ያድርግልን... ጦርነቱን ያስወግድልን" በማለት ያቀረቡት ምኞት በሽ*ብር እና በጠመንጃ ኃይል ብቻ ፖለቲካዊ የበላይነትን ለማረጋገጥ ለሚሽቀዳደሙት የሀገራችን ታጣቂ ኃይሎች እና መንግስታዊ መዋቅሮች ትልቅ የህሊና ጥያቄ የሚያጭር ነው። አፈሙዝ መዝጋት ያልቻለች ሀገር፣ እንዴት የዜጎቿን የዕለት ጉርስ መሙላት ትችላለች? የትግራይ፣ የአማራ፣ ኦሮሚያ እና የአፋር አዋሳኝ አካባቢዎች በጦርነት ጠባሳ ገና ሳያገግሙ ዳግም ወደ እሳት እና ወደ አዲስ መፈናቀል እየተገፉ መሆናቸው የዚሁ ማሳያ ነው።

በጣም ልብ የሚነካው እና የሀገራችንን የሞራል ውድቀት የሚያሳየው ሌላኛው የሊቀ ጳጳሱ ጸሎት ደግሞ "አረጋውያን ሽማግሌዎች በሰላም የሚጦሩባት፣ ልጆቻቸውን የሚመርቁባት ያድርግልን" የሚለው ነው። በተጨባጭ ግን ዛሬ በኢትዮጵያ የተለያዩ አካባቢዎች አረጋውያን ልጆቻቸውን የመመረቅ ዕድል ተነፍገዋል። በየጦር ግንባሩ በከንቱ የሚረግፉትን ልጆቻቸውን በየዕለቱ እየቀበሩና እያለቀሱ ይገኛሉ። የባሰባቸው ደግሞ በስተእርጅና ዘመናቸው ቀያቸውን ጥለው በየመጠለያ ካምፑ ለልመና እና ለእንግልት ተዳርገዋል።

አቡነ ናትናኤል ዜጎች "በሰላም ወጥተው በሰላም የሚገቡባት" ሀገር እንድትኖረን ተመኝተዋል። ይሁን እንጂ ዛሬ ላይ ከአንዱ ክልል ወደ ሌላው ክልል በሰላም ተጉዞ መመለስ የቅንጦት ያህል ርቆናል። መንገዶች በእ*ገታ፣ ግ*ድያ እና በጥቃቶች ታጥረዋል።

የሃይማኖት አባቶች ጸሎት እና የምህረት ልመና የራሱ የሆነ መንፈሳዊ ቦታ ቢኖረውም፣ አፈሙዝ የጨበጡትና የፖለቲካውን መዘውር የሚዘውሩት አካላት ለሰው ልጅ ህይወት ክብር እስካልሰጡ ድረስ፣ ይህች ሀገር ከመጠ*ፋፋት አዙሪት ልትወጣ አትችልም። የሊቀ ጳጳሱ ጸሎት ለፖለቲከኞቻችን የህሊና ደወል ሊሆን ይገባል፤ "ከንቱ ሞት ይብቃ" ተብሎ አፈሙዝ ወደ መሬት የሚዘቅዘቅበት ጊዜ አሁን ነው።

ሰላም ለኢትዮጵያችን!









(ዘ-ሐበሻ ዜና) በጦርነት እና በመጠፋፋት አዙሪት ውስጥ ለምትገኘው ኢትዮጵያ፣ የሃይማኖት አባቶች የሰላም ጥሪ ከፖለቲከኞች የጦርነት ነጋሪት ጋር ግብግብ ከገጠመ ሰነባብቷል። የሚኒሶታ እና አካባቢው ሀገረ ስብከት ሊቀ ጳጳስ አቡነ ናትናኤል ዛሬ በሚኒሶታ ሴንት ፖል ከተማ፣ የመስቀል ደመራ በዓል ሲከበር ለተሰበሰበው ምዕመን ያደረጉት ልብ የሚነካ የምርቃት እና የጸሎት ቃል፣ የሀገሪቱን ወቅታዊ እና አሳዛኝ የፖለቲካ እውነታ ገልጦ የሚያሳይ ሆኖ ተገኝቷል።

ሊቀ ጳጳሱ በጸሎታቸው "በየጊዜው እና በየስፍራው የምንሰማውን ጦርነቱን፣ ችግሩን፣ መገዳደሉን፣ መጠፋፋቱን ሁሉ እግዚአብሔር አምላክ ያስወግድልን" ሲሉ ተማጽነዋል። ይህ ጸሎት መሬት ላይ ካለው የኢትዮጵያ እውነታ ጋር ሲነጻጸር ግን የልብ ስብራት ይፈጥራል። ዛሬ ላይ ከሰሜን እስከ ደቡብ፣ ከምስራቅ እስከ ምዕራብ፤ በተለይም በአማራ፣ በኦሮሚያ፣ በአፋር እና ዳግም አዲስ የጦርነትና የውጥረት ደመና ባንዣበበባት ትግራይ ክልሎች ውስጥ ዜጎች የዕለት ተዕለት ኑሯቸው ከመገዳደል እና ከስጋት ጋር የተቆራኘ ሆኗል። የፖለቲካ ልሂቃኑ የሥልጣን ቼዝ ሲጫወቱ፣ ገበሬው ማሳውን ትቶ ጥይት እንዲያርሰው ተፈርዶበታል።

በተለይም አቡነ ናትናኤል "ዘመኑ የጠመንጃ አፈሙዝ አፍ የሚዘጋበት ያድርግልን... ጦርነቱን ያስወግድልን" በማለት ያቀረቡት ምኞት በሽ*ብር እና በጠመንጃ ኃይል ብቻ ፖለቲካዊ የበላይነትን ለማረጋገጥ ለሚሽቀዳደሙት የሀገራችን ታጣቂ ኃይሎች እና መንግስታዊ መዋቅሮች ትልቅ የህሊና ጥያቄ የሚያጭር ነው። አፈሙዝ መዝጋት ያልቻለች ሀገር፣ እንዴት የዜጎቿን የዕለት ጉርስ መሙላት ትችላለች? የትግራይ፣ የአማራ፣ ኦሮሚያ እና የአፋር አዋሳኝ አካባቢዎች በጦርነት ጠባሳ ገና ሳያገግሙ ዳግም ወደ እሳት እና ወደ አዲስ መፈናቀል እየተገፉ መሆናቸው የዚሁ ማሳያ ነው።

በጣም ልብ የሚነካው እና የሀገራችንን የሞራል ውድቀት የሚያሳየው ሌላኛው የሊቀ ጳጳሱ ጸሎት ደግሞ "አረጋውያን ሽማግሌዎች በሰላም የሚጦሩባት፣ ልጆቻቸውን የሚመርቁባት ያድርግልን" የሚለው ነው። በተጨባጭ ግን ዛሬ በኢትዮጵያ የተለያዩ አካባቢዎች አረጋውያን ልጆቻቸውን የመመረቅ ዕድል ተነፍገዋል። በየጦር ግንባሩ በከንቱ የሚረግፉትን ልጆቻቸውን በየዕለቱ እየቀበሩና እያለቀሱ ይገኛሉ። የባሰባቸው ደግሞ በስተእርጅና ዘመናቸው ቀያቸውን ጥለው በየመጠለያ ካምፑ ለልመና እና ለእንግልት ተዳርገዋል።

አቡነ ናትናኤል ዜጎች "በሰላም ወጥተው በሰላም የሚገቡባት" ሀገር እንድትኖረን ተመኝተዋል። ይሁን እንጂ ዛሬ ላይ ከአንዱ ክልል ወደ ሌላው ክልል በሰላም ተጉዞ መመለስ የቅንጦት ያህል ርቆናል። መንገዶች በእ*ገታ፣ ግ*ድያ እና በጥቃቶች ታጥረዋል።

የሃይማኖት አባቶች ጸሎት እና የምህረት ልመና የራሱ የሆነ መንፈሳዊ ቦታ ቢኖረውም፣ አፈሙዝ የጨበጡትና የፖለቲካውን መዘውር የሚዘውሩት አካላት ለሰው ልጅ ህይወት ክብር እስካልሰጡ ድረስ፣ ይህች ሀገር ከመጠ*ፋፋት አዙሪት ልትወጣ አትችልም። የሊቀ ጳጳሱ ጸሎት ለፖለቲከኞቻችን የህሊና ደወል ሊሆን ይገባል፤ "ከንቱ ሞት ይብቃ" ተብሎ አፈሙዝ ወደ መሬት የሚዘቅዘቅበት ጊዜ አሁን ነው።

ሰላም ለኢትዮጵያችን!

ዩኒቲ ብድርና ቁጠባ በሀዋሳ ከተማ ተጨማሪ ቅርንጫፍ አስመረቀ

ዩኒቲ የገንዘብ ቁጠባ እና ብድር ከደንበኞች እየጨመረ በመጣው ጥያቄ መሠረት በሀዋሳ ከተማ መሃል አረብ ሰፈር የከፈተውን ተጨማሪ ቅርንጫፍ ዛሬ በይፋ አስመርቋል።

በቅርንጫፉ የምርቃት ሥነ-ሥርዓት ላይ የሲዳማ ክልል ሥራና ክህሎት ቢሮ ኃላፊ ሀገረፅሆን አበባ፣ የዩኒቲ የገንዘብ ቁጠባና ብድር ቦርድ ሰብሳቢ አቶ ሀብታሙ ሳሙኤል፣ የሲዳማ ክልል ህብረት ሥራ ኤጀንሲ ዳይሬክቶሬት ዳይሬክተር አቶ ዳንባሎ ዳንግሶ፣ የሀዋሳ ከተማ ሕብረት ሥራ ጽ/ቤት ኃላፊ አቶ ክፍሌ ዋሬ፣ የብርሃን ባንክ ዲስትሪክት ኃላፊ አቶ ኤርሚያስ ግርማ እና የሀዋሳ ንግድ ባንክ ዲስትሪክት ኃላፊ አቶ ወዬሳ ጥላሁን ተገኝተዋል።

በተጨማሪም የተለያዩ ባንኮች ዲስትሪክት ኃላፊዎች፣ የአካባቢው ሀገር ሽማግሌዎች፣ የዩኒቲ ደንበኞች፣ የቦርድ አባላትና ማኔጅመንት እንዲሁም የተጋበዙ እንግዶች በምርቃት ሥነ-ሥርዓቱ ተገኝተዋል።

የዩኒቲ የገንዘብ ቁጠባና ብድር ተጨማሪ ቅርንጫፉን መክፈቱ በሀዋሳ ከተማ ያሉ ደንበኞች የተቋሙን የቁጠባና የብድር አገልግሎቶች በቀላሉ እንዲያገኙ ከማድረጉ ባሻገር፣ የዩኒቲን የአገልግሎት ሽፋን ለማስፋት ያለውን ትኩረት ያሳያል።

ከ100 ሚሊዮን ብር በላይ ወጪ የተገነባው ዘመናዊ ትምህርት ቤት ተመረቀ

አቢሲኒያ ግሩፕ ኦፍ ኢንዱስትሪስ (አቢሲኒያ ስቲል) በቢሾፍቱ ከተማ የቀድሞ የድርጅቱ ሊቀመንበር የማሄንድራባይ ፓቴል መታሰቢያ "ኤጂአይ" የተሰኘ የመጀመሪያ ደረጃ ትምህርት ቤት ከ100 ሚሊዮን ብር በላይ ወጪ በማድረግ ገንብቶ ለአካባቢው ማህበረሰብ አስረከበ።

ትምህርት ቤቱ የመንግስት የህዝብ ትምህርት ቤት ሆኖ  ተማሪዎች በነጻ የሚማሩበት ነው ተብሏል።  380 ተማሪዎችን የማስተናገድ አቅም ያለው ይህ ትምህርት ቤት  ከ1ኛ እስከ 4ኛ ክፍል በሁለት ፈረቃ እንዲሁም 100 የኬጂ ተማሪዎችን ያስተምራል።

የአቢሲኒያ ግሩፕ ተወካይ አቶ ሄኖክ ደምሰው ለብስራት ሬዲዮ እንደገለፁት ድርጅቱ ለተማሪዎች ለአንድ ዓመት የምግብ፣ የኬተሪንግ፣ የደህንነትና የጥበቃ ወጪዎችን ይሸፍናል ብለዋል።

የድርጅቱ ዋና ሥራ አስፈጻሚ ጃቲን ፓቴል በበኩላቸው ትምህርት ቤቱ ለህፃናት የተሻለ የወደፊት እድል የሚገነቡበት መሰረት መሆኑን ተናግረዋል።

አቢሲኒያ ስቲል በተጨማሪም ለአካባቢው ማህበረሰብ የንጹህ መጠጥ ውሃ አቅርቦትና ለአቅመ ደካሞች ድጋፍ ሲያደርግ መቆየቱ ተገልጿል።

በትምህርት ቤቱ ምርቃት ሥነ-ሥርዓት ላይ የኦሮሚያ ትምህርት ቢሮ ኃላፊ፣ የቢሾፍቱ ከተማ ከንቲባ፣ የኬንያ አምባሳደርና ሌሎች ተጋባዥ እንግዶች ተገኝተዋል።

በሳምራዊት ስዩም
#ዳጉ_ጆርናል

(ዘ-ሐበሻ ዜና) በካይሮ የሰለጠኑት የሱማሊያ ልዩ ኮማንዶዎች ተመረቁ፡፡ ሱማሊያና ግብፅ ያደረጉትን ወታደራዊ ትብብር ስምምነት ተከትሎ ስልጠናቸውን የተከታተሉ የሱማሊያ ልዩ ኮማንዶዎች መመረቃቸው ተዘገበ፡፡

የሱማሊያን ብሄራዊ ጦር ሀይል ለማጠናከር በማለም የካይሮ መንግስት ለእነዚህ ኮማንዶዎች ስልጠና መስጠቱ የተገለፀ ሲሆን ስልጠናው የኮማንዶ ኦፐሬሽኖችን፣ የፀረ ሽብር ዘመቻን፣ የከተማ ውስጥ ጦርነትንና የፓራሹት ዝላይን ያካተተ መሆኑን ዘገባዎች ገልፀዋል፡፡ ዛሬ በካይሮ በተከናወነው የምርቃት ስነስርአት ላይ የሱማሊያ ብሄራዊ ጦር ልዩ ሀይል አዛዥ ብርጋዴር ጄኔራል አዳን መሀመድ ኡመር ተገኝተው ባደረጉት ንግግር ሰልጣኞቹ ያገኙትን ክህሎት በአገር አቀፍ ስምሪታቸው ላይ ተግባራዊ እንዲያደርጉ አሳስበዋል፡፡

በምርቃቱ ወቅት በግብፅ የሱማሊያ አምባሳደር አብዲሀኪም አህመድ፣ የኤምባሲው ወታደራዊ አታሼ ብርጋዴር ጄኔራል መሀመድ አብዱላሂና የግብፅ አየር ወለድ አዛዦችም መገኘታቸው ተዘግቧል፡፡ የግብፅ ባለስልጣናት እንዳሉት ይህን ስልጠና መስጠት ያስፈለገው በአልሸባብ ላይ ለሚደረገው ዘመቻ ሀላፊነት የሚወስዱና ብቁ የፀጥታ ሀይሎችን ለመገንባት በማሰብ ነው፡፡






(ዘ-ሐበሻ ዜና) በካይሮ የሰለጠኑት የሱማሊያ ልዩ ኮማንዶዎች ተመረቁ፡፡ ሱማሊያና ግብፅ ያደረጉትን ወታደራዊ ትብብር ስምምነት ተከትሎ ስልጠናቸውን የተከታተሉ የሱማሊያ ልዩ ኮማንዶዎች መመረቃቸው ተዘገበ፡፡

የሱማሊያን ብሄራዊ ጦር ሀይል ለማጠናከር በማለም የካይሮ መንግስት ለእነዚህ ኮማንዶዎች ስልጠና መስጠቱ የተገለፀ ሲሆን ስልጠናው የኮማንዶ ኦፐሬሽኖችን፣ የፀረ ሽብር ዘመቻን፣ የከተማ ውስጥ ጦርነትንና የፓራሹት ዝላይን ያካተተ መሆኑን ዘገባዎች ገልፀዋል፡፡ ዛሬ በካይሮ በተከናወነው የምርቃት ስነስርአት ላይ የሱማሊያ ብሄራዊ ጦር ልዩ ሀይል አዛዥ ብርጋዴር ጄኔራል አዳን መሀመድ ኡመር ተገኝተው ባደረጉት ንግግር ሰልጣኞቹ ያገኙትን ክህሎት በአገር አቀፍ ስምሪታቸው ላይ ተግባራዊ እንዲያደርጉ አሳስበዋል፡፡

በምርቃቱ ወቅት በግብፅ የሱማሊያ አምባሳደር አብዲሀኪም አህመድ፣ የኤምባሲው ወታደራዊ አታሼ ብርጋዴር ጄኔራል መሀመድ አብዱላሂና የግብፅ አየር ወለድ አዛዦችም መገኘታቸው ተዘግቧል፡፡ የግብፅ ባለስልጣናት እንዳሉት ይህን ስልጠና መስጠት ያስፈለገው በአልሸባብ ላይ ለሚደረገው ዘመቻ ሀላፊነት የሚወስዱና ብቁ የፀጥታ ሀይሎችን ለመገንባት በማሰብ ነው፡፡

በአርቲፊሻል ኢንተለጀንስ ዘርፍ ወጣቶችን የሚያንጽ አዲስ የአማርኛ መጽሐፍ ለንባብ በቃ
#ethiopia | ታዳጊዎችና ወጣቶች የሰው ሰራሽ አስተውሎት ወይም የአርቲፊሻል ኢንተለጀንስ ቴክኖሎጂን በበሰለና በተጠና መንገድ እንዲጠቀሙ የሚያስችል አዲስ መጽሐፍ ለተንባቢያን ተበሰረ።

አርቲፊሻል ኢንተለጀንስ የመጨረሻ ፈጠራ ወይስ የፈጠራ መጨረሻ በሚል ርዕስ የተዘጋጀው ይህ መጽሐፍ፣ በቴክኖሎጂ አማካሪው፣ ደራሲና የቴሌቪዥን ፕሮግራም አዘጋጁ ሰለሞን ሙሉጌታ ካሳ የተደረሰ ሲሆን፣ ዝግጅቱም ከኢትዮጵያ አርቲፊሻል ኢንተለጀንስ ኢንስቲትዩት ጋር በመተባበር የተከናወነ ነው።

መጽሐፉ የቴክኖሎጂውን መሠረታዊ ምንነት፣ በተለያዩ የሥራ ዘርፎች የሚያበረክተውን አስተዋጽኦ፣ የሚያስገኛቸውን ሰፋፊ ዕድሎችና ሊከተሉ የሚችሉ ሥጋቶችን በስፋት ይዳስሳል።

በተለይም ወጣቶች የቴክኖሎጂውን አቅም ተረድተው በዘርፉ ያላቸውን ተሳትፎ እንዲያሳድጉ ትልቅ እገዛ የሚያደርግ መሆኑ ተገልጿል።

ይህም ሀገሪቱ የያዘችውን የዲጂታል 2030 ግብ ለማሳካት በሚደረገው ጥረት ውስጥ ወጣቱን በቴክኖሎጂ እውቀት ለማበልጸግ እንደ አንድ ቁልፍ የዕውቀት ምንጭ እንደሚያገለግል ታምኖበታል።

ደራሲው ሰለሞን ሙሉጌታ በመጽሐፉ የምርቃት ሥነ ሥርዓት ላይ ባደረገው ንግግር፣ መጽሐፉ ባለራዕይ ወጣቶች በቴክኖሎጂው ዘርፍ ያላቸውን ግንዛቤ በማሳደግ ህልማቸውን እውን እንዲያደርጉ ለመደገፍ ታስቦ የተዘጋጀ መሆኑን ገልጿል።

በሥነ ሥርዓቱ ላይ የተገኙት የኢትዮጵያ አርቲፊሻል ኢንተለጀንስ ኢንስቲትዩት ምክትል ዋና ዳይሬክተር ታዬ ግርማ (ዶ/ር) እና ዶ/ር ምህረት ደበበ በበኩላቸው፣ ቴክኖሎጂውን በጥናት ላይ ተመስርቶ ለመጠቀምና ከሰው ልጅ አእምሮ እንዲሁም ማኅበራዊ ሕይወት ጋር ያለውን ቁርኝት በተለያዩ እይታዎች ለመረዳት የመጽሐፉ መኖር ከፍተኛ ጠቀሜታ እንዳለው አስረድተዋል።

ኢትዮጵያ የአርቲፊሻል ኢንተለጀንስ ዘርፍን ለማልማትና ለመቀላቀል ጥረት በማድረግ ላይ በምትገኝበት በዚህ ወቅት፣ በአማርኛ ቋንቋ የተዘጋጀው ይህ መጽሐፍ ስለ ቴክኖሎጂው ያለውን ግንዛቤ ለማስፋትና ሥርዓት ያለው አጠቃቀም እንዲኖር ለማስቻል ከፍተኛ አስተዋጽኦ ይኖረዋል።
#artificialintelligence #aibook #technology #digitalethiopia #solomonmulugetakassa #getutemesgen #getu #ጌጡ #ጌጡተመስገን #addisababa

የፊልድ ማርሻል ብርሃኑ ጁላ አዲስ መጽሐፍ ተመረቀ

የኢፌዴሪ ጦር ኃይሎች ጠቅላይ ኤታማዦር ሹም ፊልድ ማርሻል ብርሃኑ ጁላ የሕይወት ታሪክ እና ወታደራዊ ጀግንነት የሚያሳይ «ድል ቁርሱ» የተሰኘው መጽሐፍ ተመረቀ።

መጽሐፉ የግለሰብ ታሪክ ላይ ብቻ ሳይሆን፣ ከገጠሬዋ ኢትዮጵያ ክፍል ተነስቶ የወታደራዊ ሕይወትን በመቀላቀል ሀገር በፈተና ማዕበል በተናጠችበት ወቅት በፅናት የቆመ ታላቅ መሪን መንፈስ የሚያሳይ እና የሕይወት ውጣ ውረድን በጥልቀት የሚያስቃኝ  መሆኑን የመንግሥት ሚዲያ ዘግቧል፡፡

በዚሁ የመጽሐፍ ምርቃት ሥነ-ሥርዓት ላይ ፕሮፌሰር ዳኛቸው አስፋ፣ የአፍሪካ ልህቀት አካዳሚ ዳይሬክተር አቶ ዛዲግ አብራሃ እንዲሁም አቶ ብርሃኑ ደቦጭ በመጽሐፉ ላይ ምሁራዊ ሂስና ዳሰሳ አቅርበዋል፡፡ 

በምረቃው ሥነ-ሥርዓት ላይ ምክትል ጠቅላይ ሚኒስትር አቶ ተመስገን ጥሩነህ፣ ፊልድ ማርሻል ብርሃኑ ጁላ፣ ጄኔራል አበባው ታደሰ እና ሌሎች ከፍተኛ የሥራ ኃላፊዎች ተገኝተዋል።

Seledadotio
Seledadotio

ጋዜ ማስቃላ እና ዮኦ ማስቃላ፤
የፍቅር፣ የይቅርታ፣ የአንድነትና የባህል መገለጫ

ሳውላ፣ ጎፋ — ደቡብ ኢትዮጵያ
#ethiopia | በደቡብ ኢትዮጵያ ክልል በጎፋ ዞን የሚገኙት የጎፋና የኦይዳ ብሔረሰቦች የዘመን መለወጫ በዓላት የሆኑትን “ጋዜ ማስቃላ” እና “ዮኦ ማስቃላ” በየዓመቱ በልዩ ድምቀት ያከብራሉ። በ2019 ዓ.ም. የሚከበሩት በዓላትም በመስከረም 13 እና 14 ቀን በሳውላ ከተማ ይከበራሉ።

ጋዜ ማስቃላና ዮኦ ማስቃላ አዲስ ዘመንን ከመቀበል ባሻገር፣ የጎፋና የኦይዳ ሕዝቦችን ታሪክ፣ ባህል፣ ማንነትና የአብሮነት እሴቶች የሚያንጸባርቁ ሕያው ባህላዊ በዓላት ናቸው።

በዓላቱ የቤተሰብና የጎረቤት መሰባሰብ፣ የጋራ ማዕድ፣ መረዳዳትና መተሳሰብ በተግባር የሚገለጹበት ወቅት ነው። በተለይም በዓሉ በተጣሉ ሰዎች መካከል ዕርቅ የሚፈጠርበት፣ የተኮራረፉ የሚቀራረቡበት፣ ቂምና በቀል በይቅርታና በመግባባት የሚተካበት የማኅበረሰብ የእርቅ መድረክ መሆኑ ልዩ ትርጉም ይሰጠዋል።

በበዓሉ ወቅት ሽማግሌዎች ለትውልዱ ምርቃትና የሕይወት ምክር ይሰጣሉ። የአባቶች ዕውቀትና ልምድ ለቀጣዩ ትውልድ የሚተላለፍበትም ልዩ መድረክ ይፈጠራል።

የደመራ ሥነ-ሥርዓት፣ የባህላዊ ዜማና ጭፈራ፣ የባህላዊ አልባሳት ውበት፣ የምስጋናና የምርቃት ሥነ-ሥርዓቶችም የበዓሉን ድምቀት ይጨምራሉ። የባህል ሥነ-ሥርዓቶቹ የሁለቱን ሕዝቦች ታሪካዊ ትስስርና የባህል ሀብት በግልጽ ያሳያሉ።

እነዚህ በዓላት የዘመን መለወጫ ሥነ-ሥርዓት ብቻ ሳይሆኑ፣ የሕዝቦችን የመከባበር፣ የመረዳዳትና የአብሮነት እሴቶች የሚያድሱ ባህላዊ መድረኮች ናቸው። ከዚህ አንጻር ጋዜ ማስቃላና ዮኦ ማስቃላ የጎፋና የኦይዳ ሕዝቦች ብቻ ሳይሆኑ የኢትዮጵያ የባህል ብዝሃነት አካል የሆኑ ውድ ባህላዊ ቅርሶች ናቸው።

የመስከረም ወርም በደቡብ ኢትዮጵያ በሚገኙ በርካታ ሕዝቦች የዘመን መለወጫ በዓላት የሚከበሩበት ወቅት ነው። የወላይታ ጊፋታ፣ የጋሞ ዮ ማስቃላ፣ የጎፋ ጋዜ ማስቃላ፣ የኦይዳ ዮኦ ማስቃላና የጌዴኦ ዳራሮ ከእነዚህ ባህላዊ በዓላት መካከል ይጠቀሳሉ።

የእነዚህ በዓላት ዋነኛ መልዕክት የአዲስ ዘመን ተስፋን መቀበል ብቻ ሳይሆን፣ ያለፈውን በይቅርታ መዝጋት፣ በአዲሱ ዘመን በፍቅርና በመግባባት አብሮ ለመጓዝ ቃል መግባት ነው።

በዚህም ጋዜ ማስቃላና ዮኦ ማስቃላ ከትውልድ ወደ ትውልድ የሚተላለፉ የፍቅር፣ የይቅርታ፣ የዕርቅ፣ የአንድነትና የባህል መገለጫዎች ሆነው ይቀጥላሉ።

ዮ ጎፋ ጋዜ ማስቃላ!
ዮ ኦይዳ ዮኦ ማስቃላ!
ዮዮ ማስቃላ፣
ዳናው ዳና፣
አልባ ዙማዳ ዳና፣
ኪንቲ ሻላዳ ዳና፣
ገላኦይ ገሊውራናው ዳና፣
ሀረይ ካጨ ከሳናው ዳና፣
ዮ… ዮዮ… ዮ ማስቃላይ!

(ዘ-ሐበሻ ሕይወት) ብዙ ጊዜ ስለ ባህል ስናወራ... ባህል ማለት የድሮ ዕቃ ማከማቻ ሙዚየም፣ ወይም በዓመት አንዴ አቧራው እየተጠረገ የሚወጣ የሳሎን ጌጥ ይመስለናል። ነገር ግን ወደ ደቡቡ የሀገራችን ክፍል ጎራ ብለን የሐዲያን ሕዝብ ስንመለከት፣ ባህል ማለት ከዕለት ተዕለት ኑሮ ጋር የተጋመደ፣ በየወቅቱ የሚተነፈስ ሕያው የሕይወት ቅመም መሆኑን እንረዳለን።

የሐዲያ ሰው ዝምታን ብዙም አይወድም። ደስታው፣ ሐዘኑ፣ ሹመቱ፣ የደቦ ስራውና ግርዛቱ ሁሉ የየራሱ መቼትና ስልተ-ምት አለው። ልክ እንደ ሞባይል ኔትወርክ፣ እያንዳንዱ ማኅበራዊ ክንውን የራሱ የሆነ የዜማ ‘ኮኔክሽን’ አለው። ከነዚህ ሁሉ ግን ማኅበረሰቡን እንደ አንድ ልብ የሚያስተሳስረውና እንደ ማኅበራዊ ሙጫ አጣብቆ የያዘው የዘመን መለወጫው "ያሆዴ" በዓል ነው።

ያሆዴ ሲጠባ.. በሐዲያ ምድር አሮጌው ዓመት ዝም ብሎ ሻንጣውን ጠቅልሎ አይወጣም፤ በደማቅ የሀገረሰብ ጭፈራና ዜማ ነው የሚሸኘው። አብዛኛውን ጊዜ በሀገራችን ባህል፣ ወጣት ሆኖ አዛውንትን መመረቅ "ከአፍህ ይውጣና በጆሮህ ይግባ" የሚያሰኝ፣ እንደ ድፍረት የሚቆጠር ድርጊት ነው። ልጆች አፋቸውን ዘግተው፣ እጃቸውን አጣምረው የአባቶችን ምርቃት መቀበል እንጂ፣ አንደበት አውጥተው ወላጆቻቸውን ሲመርቁ ብዙም አንታዘብም። በያሆዴ ምሽት ግን ነገሩ የተገላቢጦሽ ነው።

የያሆዴ ዋዜማ ላይ.. የሰፈሩ ወጣቶች "ነፈራ" (ደጅ) ላይ ይሰበሰባሉ። የሌሊቱን ፀጥታ በጣፋጭ ሀገረሰባዊ ዜማቸው እየቀደዱ፣ መንደሩን በጋራ ያነቃቁታል። ከዚያም ከቤት ቤት እየተዘዋወሩ ምሽቱን ሙሉ ሲያዜሙ ያድራሉ። እዚህ ጋ ነው እንግዲህ የያሆዴ ልዩ ትርኢት የሚጀምረው። ወጣቶቹ እየጨፈሩ አባወራውንና እማወራውን፣ እንዲሁም ታላላቆቻቸውን በምርቃት ያንበሸብሿቸዋል። "ዘመን ዘመንን ያወርሳችሁ፣ ክፉ አይንካችሁ" እያሉ ሲዘፍኑና ሲመርቁ፣ የቤቱ ባለቤት አንጀቱ ቅቤ ጠጥቶ በደስታ ይፍለቀለቃል።

ታዲያ ይህ ሁሉ ጉልበት የሚጠይቅ የሌሊት ጭፈራና ምርቃት በባዶ ሆድ የሚደረግ እንዳይመስላችሁ። የሐዲያ እናቶች የያሆዴን ምርቃት በ"አሜን" ብቻ ተቀብለው አይሸኙም። ወጣቱ ሰፈር አቋርጦ፣ ጉሮሮው እስኪሰነጠቅ ዘፍኖ ወደ ቤታቸው ሲገባ፣ “አተካና” የተባለው ተወዳጅና ልዩ ባህላዊ ምግብ ተዘጋጅቶ ይጠብቀዋል። አተካና ዝም ብሎ የሆድ ማሙያ አይደለም፤ የሐዲያ እናቶች የፍቅር መግለጫ፣ የጣዕም ፊርማቸው ነው።

ወጣቱ ዘፋኝ የቤተሰቡን ታላላቆች መርቆ፣ አተካናውን ሲጎርስ የደከመው ጉልበቱ ይታደሳል፤ ለቀጣዩ ቤት የሚሆን አዲስ የዜማ ስንቅ ያገኛል። ያሆዴ ማለት እንግዲህ ይህ ነው። ትውልድን ከትውልድ የሚያስተሳስር፣ የአሮጌውን ዓመት ሸክም በአዲስ ተስፋ የሚያቀል፣ አዛውንቱ በወጣቱ ዜማ የሚደሰትበት፣ ወጣቱም በአዛውንቱ ፍቅርና በአተካናው ጣዕም የሚረካበት አስደናቂ የአብሮነት ማሳያ ነው።

ዘ-ሐበሻ እንኳን ለሀድያ ብሔር ዘመን መለወጫ "ያሆዴ" በዓል በሰላም አደረሳችሁ ይላል!

በዓይነቱ የመጀመሪያ የሆነ የተቀናጀ የህፃናት እድገት ማዕከል ተገንብቶ ለአገልግሎት ክፍት ሆነ ።

ኔክሰስ ፎር ኢምፖወርመንት ኤንድ ዴቨሎፕመንት - N4ED ዛሬ መስከረም 7 ቀን 2019 ዓ.ም በንፋስ ስልክ ላፍቶ ክ/ከ ያስገነባውን የተቀናጀ የህፃናት ዕድገት ማዕከል ከፍተኛ የመንግስት ሀላፊዎች እና አጋር ድርጅቶች በተገኙበት በደማቁ አስመርቋል።
የቀዳማዊ ልጅነት ልማት ፕሮግራም በከተማ አስተዳደሩ በከፍተኛ ትኩረት እየተሰራ ሲሆን ይህንኑ ለማጠናከር N4ED ከአዲስ አበባ ከተማ አስተዳደር ጤና ቢሮ እና ሴቶች ህፃናት እና ማህበራዊ ጉዳይ ቢሮ ጋር በመተባበር ማዕከሉን በንፋስ ስልክ ላፍቶ ክ/ከተማ ወረዳ 12 ጤና ጣቢያ ቅጥር ግቢ ውስጥ በዓይነቱ የመጀመሪያ በሆነ መልኩ ለአገልግሎት ክፍት ያደረገ ሲሆን ለሚቀጥሉት ሦስት ዓመታት የሚተገበረውን የተቀናጀ የህፃናት ልማት ፕሮግራም በይፋ አስጀምሯል።

ኔክሰስ ፎር ኢምፖወርመንት ኤንድ ዴቨሎፕመንት -N4ED የቀዳማዊ ልጅነት ልማት ፕሮግራም እና ሴቶችን በማህበራዊ እና በኢኮኖሚያዊ ዘርፎች ለማብቃት በአዲስ አበባ ፣ በድሬዳዋ ፣ በሀረር እና በመቀሌ የተለያዩ ፕሮጀክቶችን በመቅረፅ እየሰራ ያለ ሀገር በቀል የበጎ አድራጎት ድርጅት መሆኑ ይታወቃል፡፡

በምርቃት እና የፕሮጀክቱ ሁለተኛ ምዕራፍ ማስጀመሪያ ፕሮግራም ላይ የቢሮው ሃላፊ ፣ የሴቶች ዘርፍ ምክትል ቢሮ ሀላፊ ፣ የህጻናት ዘርፍ ምክትል ቢሮ ሀላፊ ፣ የቀዳማዊ ልጅነት ዕድገት ክትትል ዳይሬክቶሬት ዳሬክተር ፣ የህጻናት መብት ደህንነት ድጋፍና እንክብካቤ ዳይሬክቶሬት ዳሬክተር፣ የፕሮጀክት ዝግጅት እና ሀብት ማሰባሰብ ዳይሬክቶሬት ዳሬክተር እና ተጋባዥ እንግዶች በተገኙበት መረሀግብሩ ተከናውኗል።

የአባቶች ምርቃት፦ ከልብ የመነጨ የደስታ እንባና ምስጋና!

ዓመት አልፏል…

ወጥተናል… ወርደናል…
ነግደናል… አትርፈናል…
ተምረናል… ሠርተናል…
ብዙ ነገር አድርገናል…

ግን… ለነፍሳችንስ?

እኛ አዲሱን ዓመት በአዲስ ተስፋ፣ በአዲስ ሕልምና በአዲስ ጉልበት ልንቀበል ስንዘጋጅ፣ በገዳማት፣ በረሃማ አካባቢዎችና በገጠር አብያተ ክርስቲያናት የሚኖሩ አባቶች፣ መነኮሳትና መነኮሳያት ምን ይጠብቃሉ?

ምናልባት… የእርስዎን ትንሽ ልግስና ብቻ።

አንድ ጧፍ…
እጣን…
ዘቢብ…
ዕጣን ማቅረቢያ ወይም ሌላ የአምልኮ አገልግሎት ቁሳቁስ…
እንኳን መርፌና ክር ቢሆን…

ለእነሱ ትልቅ ተስፋ ሊሆን ይችላል።

ማኅበረ ጽዮን — 53 ዓመታት የአገልግሎት ጉዞ

ማኅበረ ጽዮን ለ53 ዓመታት በታማኝነት ያገለገለውን ተልዕኮ በመቀጠል፣ የጳጉሜን ወራትንና የመስቀል በዓልን አስመልክቶ ልዩ የዲጂታል ገቢ ማሰባሰቢያ ዘመቻ ጀምሯል።

እግዚአብሔር ቢፈቅድ፣ ዘንድሮም በገዳማትና በረሃማ አካባቢዎች የሚገኙ አባቶችን፣ መነኮሳትን፣ መነኮሳያትን እና የእመቤታችንን እንግዶች ለመደገፍ ይሠራል።

አዲሱን ዓመት በአዲስ ልብ እንቀበል።

የምንሰጠው ምንም ያህል ትንሽ ቢሆን፣ ለሌላ ሰው ትልቅ ተስፋ ሊሆን ይችላል።

መልካም ሥራ ከተሠራ በኋላ የለውም።

ለመለገስ

አቢሲኒያ ባንክ: 2121 / 1365417
ሕብረት ባንክ: 1481111630915017
አሐዱ ባንክ: 0008364120301

ዛሬ የምንሰጠው ትንሽ ነገር፣ ነገ የአንድ አባት የደስታ እንባ ሊሆን ይችላል።

እንለግስ፤ እንደግፍ፤ በረከትን እንካፈል!
#ማኅበረጽዮን #የበጎአድራጎትጥሪ #ምርቃት #በጎሥራ #share #ethiopia

ፈተናዎችን ወደ ዕድል በመቀየር፤ የሕዝባችንን የልማት ጥያቄዎች ደረጃ በደረጃ ለመመለስና የጀመርናቸውን ሜጋ ፕሮጀክቶች በጥራትና በፍጥነት አጠናቆ ለምርቃት ለማብቃት ያለንን ቁርጠኝነት በተግባር እያሳየን እንቀጥላለን - ጠቅላይ ሚኒስትር ዐቢይ አሕመድ (ዶ/ር)

ጻድቃኔ ማርያም 25 መምህራንን ልታስመርቅ ነው
‎
‎#ethiopia |የደብረ ምጥማቅ ጻድቃኔ ማርያም ገዳም በብሉያት፣ በሐዲሳትና በሊቃውንት ትምህርት የሰለጠኑ 25 የሚያህሉ መምህራንን በመጪው መስከረም 12 ቀን 2019 ዓ.ም ሊያስመርቅ መሆኑ ተገለጸ።
‎
‎በ2015 ዓ.ም የተቋቋመው የአራቱ ጉባኤያት አዳሪ ትምህርት ቤት ተማሪዎችን በመደበኛው የትርጓሜ ጉባኤ ትምህርት በተጨማሪ በተለያዩ ኮርሶች በማሰልጠን እንደሚያስተምር ታውቋል።
‎
‎ትምህርት ቤቱ በተለይም በቤተክርስቲያን ትውፊትና በመንፈሳዊ ትምህርት የሰለጠኑ ደቀመዛሙርትን በማፍራት የሚያደርገውን ሥራ በማስቀጠል ላይ መሆኑም ተገልጿል።
‎
‎የመምህራኑ ምርቃት መርሐ ግብር በሰሜን ሸዋ ሀገረ ስብከቱ ሊቀ ጳጳስ አቡነ ቀሌምንጦስ መሪነት የሚካሄድ ሲሆን፣ በመርሐ ግብሩ ላይ የተጋበዙ እንግዶችና የቤተክርስቲያን አባቶች እንደሚገኙ ይጠበቃል።
‎
‎የገዳሙንና የጉባኤ ቤቱን የትምህርት አገልግሎት በማስቀጠል ላይ ካሉ መምህራን መካከል ሊቀ ሊቃውንት ነቢየ ልዑል አዳሙ ይገኙበታል። በገዳሙ ቆይተው ደቀመዛሙርትን በማስተማርና በማሰልጠን ላይ ይገኛሉ።
‎
‎#ethiopianorthodoxtewahedo
‎#ethiopianorthodoxchurch #tsadkanemariam #monastery #spiritualeducation #ethiopianchurch #graduation

ያዙ ምርቃት ለዓውደ ዓመት! 🎉
ምርቃቱ እንደቀጠለ ነው!
የአዋሽን ምርቃት እንዴት ያገኛሉ? የበዓል ሸመታና መዝናኛዎን በተመረጡ የአገልግሎት መስጫ ማዕከላት ሲያደርጉና በአዋሽ ብር ፕሮ የQR ኮድ እንዲሁም በአዋሽ ካርድን በPOS ማሽን እስከ 5000 ብር ድረስ ግብይት ሲፈጽሙ የ7% ተመላሽ አዋሽ ባንክ ይበረክትልዎታል!
የንግድ ተቋማቱን ዝርዝር ለማግኘት ማስፈንጠሪያውን ይጫኑ:- https://awashbank.com/qr-a...

Eebba Ayyaana Waggaa fudhaa 🎉
Deebiin maallaqaa bittaafi gurgurtaa Baankii Awaash akkuma itti fufetti jira!
Deebii maallaqaa bittaafi gurgurtaa kana akkamitti argattu?
Bittaafi gurgurtaa Ayyaanaaf ykn badhannannaaf giddu gala kenna tajaajilaa filataman deemuun QR koodii Baankii Awaash iskaan taasisuudhaan ykn Kaardiiwwan Baankichaa fayyadamuun kaffaltii hanga Qarshii 5,000.00 yeroo raawwattan Baankiichi maallaqa deebii 7% isiniif kenna.
Maqaa dhaabbilee daldalaa argachuuf geessituu itti aanu fayyadamaa: https://awashbank.com/qr-a...

Akkuma wal eebbisnetti waggaa waggaan nuhaa gahu!
Baankii Awaash!
#awashbank #nurturingliketheriver #awashbirrpro #poscard #newyear #cashback

ያዙ ምርቃት ለዓውደ ዓመት! 🎉
ምርቃቱ እንደቀጠለ ነው!

የአዋሽን ምርቃት እንዴት ያገኛሉ? የበዓል ሸመታና መዝናኛዎን በተመረጡ የአገልግሎት መስጫ ማዕከላት ሲያደርጉና በአዋሽ ብር ፕሮ የQR ኮድ እንዲሁም በአዋሽ ካርድን በPOS ማሽን እስከ 5000 ብር ድረስ ግብይት ሲፈጽሙ የ7% ተመላሽ አዋሽ ባንክ ይበረክትልዎታል!

የንግድ ተቋማቱን ዝርዝር ለማግኘት ማስፈንጠሪያውን ይጫኑ:- https://awashbank.com/qr-a...

Eebba Ayyaana Waggaa fudhaa 🎉
Deebiin maallaqaa bittaafi gurgurtaa Baankii Awaash akkuma itti fufetti jira!
Deebii maallaqaa bittaafi gurgurtaa kana akkamitti argattu?
Bittaafi gurgurtaa Ayyaanaaf ykn badhannannaaf giddu gala kenna tajaajilaa filataman deemuun QR koodii Baankii Awaash iskaan taasisuudhaan ykn Kaardiiwwan Baankichaa fayyadamuun kaffaltii hanga Qarshii 5,000.00 yeroo raawwattan Baankiichi maallaqa deebii 7% isiniif kenna.
Maqaa dhaabbilee daldalaa argachuuf geessituu itti aanu fayyadamaa: https://awashbank.com/qr-a...

Akkuma wal eebbisnetti waggaa waggaan nuhaa gahu!
Baankii Awaash!
#awashbank #nurturingliketheriver #awashbirrpro #poscard #newyear #cashback

እግዚአብሔር ይመስገን የአዲስ አመት በዓልን በተስፋ አዲስ ማዕከል ከሚገኙ የካንሰር ህሙማን ህፃናት እና ወላጆች ጋር በደስታ አሳልፈናል ።

ለ70 የሚሆኑ ህፃናት ልብስ እና ጫማ ተገዝቶልኝ እንዲሁም ከ140 በላይ ለሚሆኑ ወላጆቻቸውን ጨምሮ ምግብ ታዞልኝ ለህፃናቱ በግ ተገዝቶልኝ ምንም ነገር ሳይጎድል ደስ በሚል ሁኔታ በዓሉን አክብረናል ።

ይሄ እንዲሳካ ያገዛችሁኝ ወዳጆቼ ጓደኞቼ እግዚአብሔር በመልካም ይጎብኛችሁ 🥰የወላጆቻቸው ምርቃት ይድረሳችሁ ።

ከካንሰር ህመም ጋር ትግል ላይ ያሉ ህፃናት እና እነሱን ለማስታመም ቤታቸውን ጥለው የመጡ ወላጆች ደስ ብሏቸው እንዲውሉ ምክንያት ስለሆናችሁ እግዚአብሔር ይባርካችሁ🥰🙏

እንዲሁም ጥሪዬን አይታችሁ ቤታችሁን ትታችሁ ከእኛ ጋር የዋላችሁ የፌስቡክ ወዳጆቼ ም ተባረኩልኝ🙏

የኢትዮጵያ የድሮን ምርት‼️
ኤኤፍፒ ‹‹ኢትዮጵያ አማፅያንን ለመዋጋት የድሮን ምርቷን አሳድጋለች›› ሲል ዘገበ፡፡ የፈረንሳይ ዜና አገልግሎት የሆነው ኤኤፍፒ ዛሬ ባቀረበው ዘገባ ኢትዮጵያ ድሮን የማምረት አቅሟን ማሳደጓን ገልጿል፡፡ እንደዘገባው ካለፈው አመት አንስቶ በሁለት ፋብሪካዎች ውስጥ ድሮኖችን እያመረተች ሲሆን አሁን በሺህ የሚቆጠሩ ድሮኖች አሏት፡፡ እ.ኤ.አ ከ2020 እስከ 2022 በነበረው አውዳሚ የእርስ በእርስ ጦርነት ወቅት ቱርክ ሰራሽ ድሮኖች ወሳኝ ሚና መጫወታቸውን የገለፀው ዘገባው የፌዴራል መንግስቱ ከአዲስ አበባ 200 ኪሎ ሜትር ርቀት ላይ የደረሱትን የትግራይ ክልል አማፅያን ጉዞ ለመግታት እንደተጠቀመባቸው አስረድቷል፡፡ 130 ሚሊዮን ህዝብ ባለባት አገር ወታደራዊ ድሮኖች ያሉት የፌዴራል መንግስቱ ብቻ መሆኑንም አስታውቋል፡፡

በተለያዩ ክልሎች ውስጥ በሚንቀሳቀሱ አማፅያን ላይ እነዚህን ድሮኖች በመጠቀም ላይ እንደሚገኝ ገልፆም አሁን በአገር ውስጥ ድሮኖችን የማምረት አቅሙን ማሳደጉን አስረድቷል፡፡ ባለፈው አመት መጋቢት ወር ጠቅላይ ሚኒስትር አብይ አህመድ ስካይዊን ኤሮናቲክስ ኢንዱስትሪ ፋብሪካን በመረቁበት ወቅት ፋብሪካው ለሲቪልም ሆነ ለወታደራዊ አገልግሎት የሚውሉ ድሮኖችን እንደሚያመርት መናገራቸውን አውስቷል፡፡ ፋብሪካውን ‹‹በራሳችን ወጣት ባለሙያዎች የተነደፉና የተገነቡ ናቸው›› በማለት መናገራቸውን ጨምሮ ያወሳው ዘገባው አላማው ግጭትን ማቀጣጠል ሳይሆን መከላከል ላይ ትኩረት ያደረገ እንደሆነ መግለፃቸውን ጠቅሷል፡፡

ዘገባው በመቀጠል አብዛኛው የኢትዮጵያ ድሮን የማምረት አቅም ሚስጥራዊ እንደሆነና የውጭ ሚዲያዎች ፋብሪካውን እንዳይጎበኙ መከልከላቸውን አስታውቋል፡፡ በስቶኮልም አለም አቀፍ የሰላም ምርምር ተቋም ተመራማሪ የሆኑት ፒተር ዌዜማን ለዜና ምንጩ ሲናገሩ ‹‹አብለጭልጨው የምናያቸው ድሮኖች ስለእውነተኛው የምርት አቅምና ቴክኖሎጂው ወይንም ወሳኝ አካላቱ ከየት እንደሚመጡ ብዙም አይነግሩንም›› ካሉ በኋላ በእሳቸው ግምት አብዛኛው የድሮኖቹ አካላት ከውጭ የሚገቡ እንደሚመስላቸው ገልፀዋል፡፡

ኢትዮጵያ ከዚህ ቀደም የቱርክን ከፍተኛ ደረጃ ያላቸው አካንቺ ድሮኖችና መሰረታዊ የሆኑትን ባይራክታር ቲቢ 2 ሞዴሎችን መግዛቷን ያወሳው ዘገባው እንዲሁም ርካሽ የሆኑትን የቻይናውን ዊንግ ሉንግና የኢራንን ሞሀጅር 6 ድሮኖችን ገዝታ እንደነበር ጠቅሷል፡፡ የጄንስ መከላከያና የደህንነት ተቋም ባለሙያው ጄረሚ ቢኒ እንደገለፁት በስካይ ዊን ምርቃት ላይ የታየውና ‹‹ኤስደብሊው01›› የሚል ምልክት የተፃፈበት ድሮን በገበያ ላይ ካሉት የቻይና ምርቶች ጋር ይመሳሰላል፡፡ እነዚህን ድሮኖች በብዛት ማምረት በጦርነት ላይ ከመድፍ በሁለትና በ3 እጥፍ የበለጠ ውጤታማነትን ሊያመጣ እንደሚችል ገልፀው ምናልባትም እነዚህ ድሮኖች አነስተኛ ቦምቦችን እንዲይዙ ተደርገው ሊሻሻሉ እንደሚችሉ ግምታቸውን አስቀምጠዋል፡፡

ሁለተኛው የድሮን ፋብሪካ ኤሮአባይ ባለፈው አመት መገባደጃ የተመረቀ መሆኑን የጠቀሰው ዘገባው እያንዳንዳቸው ከ5000 እስከ 10000 ዶላር የሚያወጡ በሺህ የሚቆጠሩ ድሮኖችን ማምረቱን አስታውቋል፡፡ ግጭቶችን የሚከታተለው አክሊድ በአማራ ክልልና በኦሮሚያ ክልል በሚንቀሳቀሱ አማፅያን ላይ 102 የድሮን ጥቃት መከናወኑን መጥቀሱን ያስታወቀው ዘገባው በዚህም በሰላማዊ ሰዎች ላይ ጉዳት ማድረሳቸውን አስረድቷል፡፡ 

Seledadotio
Seledadotio

(ዘ-ሐበሻ ዜና) ኤኤፍፒ ‹‹ኢትዮጵያ አማፅያንን ለመዋጋት የድሮን ምርቷን አሳድጋለች›› ሲል ዘገበ፡፡ የፈረንሳይ ዜና አገልግሎት የሆነው ኤኤፍፒ ዛሬ ባቀረበው ዘገባ ኢትዮጵያ ድሮን የማምረት አቅሟን ማሳደጓን ገልጿል፡፡ እንደዘገባው ካለፈው አመት አንስቶ በሁለት ፋብሪካዎች ውስጥ ድሮኖችን እያመረተች ሲሆን አሁን በሺህ የሚቆጠሩ ድሮኖች አሏት፡፡ እ.ኤ.አ ከ2020 እስከ 2022 በነበረው አውዳሚ የእርስ በእርስ ጦርነት ወቅት ቱርክ ሰራሽ ድሮኖች ወሳኝ ሚና መጫወታቸውን የገለፀው ዘገባው የፌዴራል መንግስቱ ከአዲስ አበባ 200 ኪሎ ሜትር ርቀት ላይ የደረሱትን የትግራይ ክልል አማፅያን ጉዞ ለመግታት እንደተጠቀመባቸው አስረድቷል፡፡ 130 ሚሊዮን ህዝብ ባለባት አገር ወታደራዊ ድሮኖች ያሉት የፌዴራል መንግስቱ ብቻ መሆኑንም አስታውቋል፡፡

በተለያዩ ክልሎች ውስጥ በሚንቀሳቀሱ አማፅያን ላይ እነዚህን ድሮኖች በመጠቀም ላይ እንደሚገኝ ገልፆም አሁን በአገር ውስጥ ድሮኖችን የማምረት አቅሙን ማሳደጉን አስረድቷል፡፡ ባለፈው አመት መጋቢት ወር ጠቅላይ ሚኒስትር አብይ አህመድ ስካይዊን ኤሮናቲክስ ኢንዱስትሪ ፋብሪካን በመረቁበት ወቅት ፋብሪካው ለሲቪልም ሆነ ለወታደራዊ አገልግሎት የሚውሉ ድሮኖችን እንደሚያመርት መናገራቸውን አውስቷል፡፡ ፋብሪካውን ‹‹በራሳችን ወጣት ባለሙያዎች የተነደፉና የተገነቡ ናቸው›› በማለት መናገራቸውን ጨምሮ ያወሳው ዘገባው አላማው ግጭትን ማቀጣጠል ሳይሆን መከላከል ላይ ትኩረት ያደረገ እንደሆነ መግለፃቸውን ጠቅሷል፡፡

ዘገባው በመቀጠል አብዛኛው የኢትዮጵያ ድሮን የማምረት አቅም ሚስጥራዊ እንደሆነና የውጭ ሚዲያዎች ፋብሪካውን እንዳይጎበኙ መከልከላቸውን አስታውቋል፡፡ በስቶኮልም አለም አቀፍ የሰላም ምርምር ተቋም ተመራማሪ የሆኑት ፒተር ዌዜማን ለዜና ምንጩ ሲናገሩ ‹‹አብለጭልጨው የምናያቸው ድሮኖች ስለእውነተኛው የምርት አቅምና ቴክኖሎጂው ወይንም ወሳኝ አካላቱ ከየት እንደሚመጡ ብዙም አይነግሩንም›› ካሉ በኋላ በእሳቸው ግምት አብዛኛው የድሮኖቹ አካላት ከውጭ የሚገቡ እንደሚመስላቸው ገልፀዋል፡፡

ኢትዮጵያ ከዚህ ቀደም የቱርክን ከፍተኛ ደረጃ ያላቸው አካንቺ ድሮኖችና መሰረታዊ የሆኑትን ባይራክታር ቲቢ 2 ሞዴሎችን መግዛቷን ያወሳው ዘገባው እንዲሁም ርካሽ የሆኑትን የቻይናውን ዊንግ ሉንግና የኢራንን ሞሀጅር 6 ድሮኖችን ገዝታ እንደነበር ጠቅሷል፡፡ የጄንስ መከላከያና የደህንነት ተቋም ባለሙያው ጄረሚ ቢኒ እንደገለፁት በስካይ ዊን ምርቃት ላይ የታየውና ‹‹ኤስደብሊው01›› የሚል ምልክት የተፃፈበት ድሮን በገበያ ላይ ካሉት የቻይና ምርቶች ጋር ይመሳሰላል፡፡ እነዚህን ድሮኖች በብዛት ማምረት በጦርነት ላይ ከመድፍ በሁለትና በ3 እጥፍ የበለጠ ውጤታማነትን ሊያመጣ እንደሚችል ገልፀው ምናልባትም እነዚህ ድሮኖች አነስተኛ ቦምቦችን እንዲይዙ ተደርገው ሊሻሻሉ እንደሚችሉ ግምታቸውን አስቀምጠዋል፡፡

ሁለተኛው የድሮን ፋብሪካ ኤሮአባይ ባለፈው አመት መገባደጃ የተመረቀ መሆኑን የጠቀሰው ዘገባው እያንዳንዳቸው ከ5000 እስከ 10000 ዶላር የሚያወጡ በሺህ የሚቆጠሩ ድሮኖችን ማምረቱን አስታውቋል፡፡ ግጭቶችን የሚከታተለው አክሊድ በአማራ ክልልና በኦሮሚያ ክልል በሚንቀሳቀሱ አማፅያን ላይ 102 የድሮን ጥቃት መከናወኑን መጥቀሱን ያስታወቀው ዘገባው በዚህም በሰላማዊ ሰዎች ላይ ጉዳት ማድረሳቸውን አስረድቷል፡፡
-

በምርቃቱ ቀን የጋዝ ሲሊንደር ተሸክሞ የዋለው ወጣት
#ethiopia | ​በብራዚል ኢንጂነሪንግ የተመረቀው ወጣት ሎሬንዞ ሞንፋርዲኒ በምርቃት ስነ ሥርዓቱ ወቅት በትከሻው ያኖረው ቁስ የብዙዎችን ቀልብ ስቧል።

ወጣቱ በምርቃቱ ዕለት የጋዝ ሲሊንደር ተሸክሞ በመገኘት ለአባቱ ያለውን የላቀ አክብሮትና ምስጋና ገልጿል። አባቱ ለ26 ዓመታት ያህል በጋዝ ማደል ሥራ ላይ ተሰማርተው በመስራት የወጣቱን የትምህርት ህልም እውን ለማድረግ ከፍተኛ መስዋዕትነት ከፍለዋል።

​ለሎሬንዞ ይህ ተሸክሞት የቀረበው የጋዝ ሲሊንደር ተራ ቁስ ሳይሆን የአባቱ የዓመታት ድካም፣ ጥረት እና የመስዋዕትነት ምልክት ነው።

ወጣቱ የምርቃት ስኬቱ የራሱ ብቻ ሳይሆን አባቱ እስከዚያች ታላቅ ቀን ድረስ እንዲደርስ ያደረገውን ሁለንተናዊ ድጋፍና መስዋዕት ማሰብያ እንደሆነ ተናግሯል።

ይህ የልጆች ስኬት ጀርባው ትልቅ ታሪክና ዋጋ ያለውን የቤተሰብ ፍቅርና ድካም ለዓለም ያሳየ ድንቅ ክስተት ሆኗል።

በያፌት ገ/ህይወት

Getu Temesgen - (ጌጡ ተመስገን)
#getutemesgen #getu

እንቁ ሴቶች ተሸለሙ

እሁድ ጷግሜ 1 2018 ዓ.ም በተደረገው ዝግጅት ላይ በሥራቸው ስኬታማ፣ ለሌሎች ሴቶች ምሣሌ መሆን ለቻሉ ሴቶች ዕውቅና ተበርክቶላቸዋል።

"ዕንቁ ሴት- ንቁ ሴት" ሽልማት ከዚህ ቀደም ለ8 ጊዜ ያህል የተካሄደ ሲሆን ከ 50 በላይ ለሆኑ ተምሳሌት ሴቶች እናመሠግናለን ተብለዋል።

ጳጉሜ 1 ከቀኑ 7:00 ጀምሮ በዮድ አቢሲኒያ የባህል ምግብ አዳራሽ (ፒያሳ ቴዎድሮስ አደባባይ መርሀ ግብሩ የተደረገ ሲሆን ታላላቅ እንግዶችም ታድመው ነበር።

ሽልማቱ በይፋ ከመጀመሩ አስቀድሞ የእድሜ ባለፀጋዎች መልካም ምኞታቸውን በማቅረብ ምርቃት አድርገዋል።

በዕለቱ በተደረገው የእውቅና ሽልማት አምባሳደር ሙሉ ሰሎሞን፣ ወይዘሮ ምህረት ጎሳዬ፣ የቻለ ማሞ፣መካነ ሰላምመሐመድ እና ቲና ተረፈ፣መስከረም አሰግድ፣ሰናይት በዙ፣ ፍሬህይወት ታምሩ፣ ፅላት ገዝሙ እና ገነት ከበደ (አቢሲያኒያ) እውቅና እንዳገኙ ታውቋል።

ሲስተር ዘቢደር ዘውዴ የበላይ ጠባቂ በሆኑበት በዚህ የሽልማት መርሀ ግብር ላይ ዶክተር ወዳጄነህ ማህረነ እና ዶክተር ሮዳስ ታደሰ ንግግር አድርገዋል።

የአዲስ አበባ የባህል ኪነ ጥበብ ቢሮ ምክትል ኃላፊ ዶክተር አዲሱ ሻንቆ በመርሀ- ግብሩ ላይ ተገኝተው በየሙያ ዘርፉ የማይረሳ አሻራ ያኖሩ ሴቶች መሸለማቸው ከስር እየመጡ ያሉ ሴቶችንም የሚያበረታታ ተግባር ነው ብለዋል።

ዕንቁ ኤቨንትስና ሳሜሎስ ሚዲያና ኮሚኒኬሽን በጋራ የሚያዘጋጁት "ዕንቁ ሴት - ንቁ ሴት" የዕውቅና ሽልማት ወደፊትም በተጠናከረ መልኩ እንደሚቀጥል የሽልማቱ ሀሣብ አመንጪ እና መሥራች አቶ ሳሙኤል ገረመው ተናግሯል። አቶ ሳሙኤል እንዳለው ሴቶችን ወደፊት ማምጣት ማለት አገርን ከፍ ማድረግ መሆኑን ገልፆ ይህን የሽልማት መርሀ ግብር ለማገዝ ተቋማት እና ግለሰቦች መረባረብ አለባቸው ብሏል።

አቶ ሳሙኤል እንዳስረዳው፣ ይህን የዕውቅና አሰጣጥ የሚከታተል የዝግጅት ቦርድ ተዋቅሮ ኃላፊነቱን ሲወጣ መቆየቱን ገልፆ በዚህ ነሐሴ ወር መከበር ያለባቸውን 10 ሴቶች በዛሬው ዕለት ዕውቅና ሰጥተናል ብሏል።

አጠቃላይ የዕንቁ ሴቶች ሽልማት ዛሬ የተደረገውን ጨምሮ ለ55 ሴቶች ዕውቅና የሰጠ ሲሆን ወደፊትም በልዩ ልዩ ዘርፍ የተሰማሩ ሴቶችን ካሉበት በማፈላለግ ለሽልማት እንደሚያበቃ ታውቋል።

ተሸላሚዎቹ ያበረከቱት አስተዋጽኦ ግምት ውስጥ ገብቶ በአደባባይ መመስገናቸው ለበለጠ ሥራ እንዲተጉ እንደሚያስችላቸው ተናግረዋል ። መርሀ ግብሩ በሰዓቱ ጀምሮ በተመደበለት ጊዜ የተጠናቀቀ ሲሆን የታደሙ ሰዎችም ቀናችንን ያሳመረ ድንቅ ጊዜ ነበረን ሲሉ ለሽልማቱ አዘጋጆች ያላቸውን አክብሮት ገልፀዋል።

የሕይወት ታሪክ ማሰናዳቱና የሚድያ ማስተባበር ሥራው በተወዳጅ ሚድያና ኮምዩኒኬሽን እንደተከናወነ ለማወቅ ተችሏል።

በተጨማሪም መርሀ ግብሩ የተሳካ እንዲሆን ማርቭልስ ኤቨንትና ዲኮር ፣ ዲጄ ዊሊ፣ ዲጄ ሳሚዚ፣ አሌክስ ዲኮርና ኤቨንት ዮድ አቢሲኒያ የባህል ምግብ አዳራሽ፣ቢራቢሮ
catering ፣ ስለኔ የሴቶች የሥልጠና ማማከር ተቋም፣ ሄዋን የውበት ማሰልጠና ፣ አርትስ ቲቪ፣ ቢያ ኮፊ፣ ኤልጌል ሆቴልና ስፓ፣ ብስራት ባር፣ ሳምሪ ሙካሽ፣ ፣ ኤዞፕ የባህል ቡድን፣ ሲሳይ በገና ትልቅ አስተዋፅዖ በማድረግ እውቅና ተበርክቶላቸዋል።

ከግለሰቦች ደግሞ የሽልማት መርሀ ግብሩ እውን እንዲሆን ሲስተር ዘቢደር ዘውዴ፣ ወይንሸት ገረመው፣ ዶክተር ሮዳስ ታደሰ፣ የፕሮዳክሽኑ ሞተር ደረጀ ምክሩ፣ ባላገሩ ቲቪና አንድሮ ሜዳ፣ ዶክተር ወዳጄነህ ማህረነ፣ አቶ ገዘኸኝ አባተ፣ ዶክተር አዲሱ ሻንቆ ፣አቶ ቴዎድሮስ ሞላ ፣ አቶ ትዕዛዙ ኮሬ፣ ትዕግስት በጋሻው የመድረኳ ንግስት ፣ የሸዋ ማስረሻ አማካሪዬ፣ ጉልላት መብራቱ ፣ አስመላሽ ገረመው፣ አጋፋሪ ለገሰ አለማየሁ ዊዲንክ ፕላነር ፣ ዘውድዬ ፎከስ ስቱዲዩ ፣ ሙሉፀሐይ ገረመውና ሂሩት፣ሀና ጸጥ አድርጋቸው ፣ ተፈሪ ኤሮሞ፣ ዘሚካኤል ተፈራ፣ ገብርኤል ሀይሉ፣ ቶማስ ሀይሉ፣ ታዲዮስ መንግስቱና ታምራት አለሙ፣ ንጉሴ፣ ሔዋና ሜሮን ለሥራው በስኬት መጠናቀቅ የበኩላቸው እንዳደረጉ ታውቋል።

(ከዕዝራ እጅጉ)

🎁 ያዙ ምርቃት የአውድ ዓመት ስጦታ
================
እንኳን አደረስዎ!
አዲስ ዓመት ሲመጣ
አዋሽ ባንክ ምርቃት ይዞልዎ መጣ።
ለበዓል ሸመታዎ የአዋሽ ባንክ ካርዶችንና አዋሽ ብር ፕሮን ተጠቅመው በአዋሽ ፖስ ማሽኖችና QR ላይ ግብይቶዎን ሲፈጽሙ በደንብና ሁኔታዎች መሠረት 7 በመቶ ተመላሽ ያገኛሉ።
🛍 ይሸምቱ፣ ይክፈሉ፣ ይመለስልዎ! 💸
እንደተመራረቅን ዓመት ያድርሰን!
ለበለጠ መረጃ https://awashbank.com/qr-a... ይጎብኙ!
አዋሽ ባንክ!

🎁 Baga Geessan!
Barrii haaraa dhufnaan, Baankiin Awaash eebba siniif fidee dhufeera
Bittaafi gurgurtaa Ayyaana Waggaan wal qabatee karaa AwaashBirr Pro, QR Koodiifi Kaardiiwwan Baankii Keenyaa fayyadamtanii yeroo raawwattan maallaqa deebii dhibbeentaa 7 argattu.
🛍Bittaafi gurgurtaa raawwachuun, maallaqa deebii argadhaa!
Odeeffannoo dabalataaf geessituu https://awashbank.com/qr-a... itti aanu tuqaa.
Baankii Awaash! #awashbank #nurturingliketheriver #awashbirrpro #poscard #newyear #cashback

«የእናቴ ሮሚዮ» መጽሐፍ በአድዋ መታሰቢያ ሙዚየም ተመረቀ!
#fastmereja :- የጋዜጠኛና ደራሲ ስመኝ ግዛው አዲስ «የእናቴ ሮሚዮ» የተሰኘ አጭር ልቦለዶችን ያቀፈ መጽሐፍ ታዋቂ የሥነ-ጽሑፍ ባለሙያዎች፣ ምሁራን፣ አርቲስቶችና በርካታ አንባቢያን በተገኙበት በአድዋ መታሰቢያ ሙዚየም በድምቀት ተመረቀ።

መጽሐፉ ከምርቃቱ ቀደም ብሎ ለአንባቢያን የቀረበ ሲሆን ይህም አንባቢያን ያዩትን የተሰማቸዉን በነፃነት እንዲገልፁ እና ገንቢ አስተያየት እንዲሰጡበት ታስቦ ሲሆን፣ በዕለቱ በሥራው ጥበባዊ ይዘት እና የቴክኒክ ጥራት ላይ ጥልቅ ሂስና ዳሰሳ ቀርቧል።

የመጽሐፉን ዳሰሳ ያቀረቡት ረዳት ፕሮፌሰር መኩሪያ መካሻ እንደገለጹት፣ «የእናቴ ሮሚዮ» አንባቢን አጥብቆ የመያዝ እና ከፍተኛ ምስል ከሳችነት ያለው ጥበብ የተላበሰ ድንቅ ሥራ ነው፡፡

በምርቃት ሥነ-ሥርዓቱ ላይ የኪነ-ጥበብ ት ትዕይንቶች የቀረቡ ሲሆን፣ ከመጽሐፉ የተወሰደው «የሳቄ ኦዲተር» የተሰኘው ድርሰት ተዘጋጅቶ በመድረክ ተውኔት መልክ ቀርቧል። በተጨማሪም አንጋፋው ድምጻዊ ጌታቸው ጋዲሳ እና የሀገር መከላከያ ሰራዊት ማርች ባንድ በመድረኩ ላይ በመገኘት ዝግጅቱን አደምቀውታል።

ጋዜጠኛና ደራሲ ስመኝ ግዛው በሥነ-ሥርዓቱ ላይ ባደረገችው ንግግር፣ መጽሐፉን ለመጻፍ ባሳለፈችበት ወቅት የነበረባትን ከባድ የጤና እክል አልፋ ለዚህ በመብቃቷ እግዚአብሔርን አመስግናለች።

ደራሲ ስመኝ አክላም በመጽሐፉ ውስጥ የትዳርና የቤተሰብ ሕይወት ተቋማዊ እሴቶችን ለመጠበቅና እውነተኛ ታሪኮችን ለማቅረብ ከፍተኛ ጥንቃቄ ማድረጓን ገልጻለች።

«የእናቴ ሮሚዮ» መጽሐፍ ተመረቀ
‎
‎#ethiopia | ​ከእውነተኛው ሕይወት ገጽታዎች የተቀዱ ውብ አጫጭር ታሪኮችን ያቀፈው የጋዜጠኛና ደራሲ ስመኝ ግዛው «የእናቴ ሮሚዮ» መጽሐፍ ታዋቂ የሥነ ጽሑፍ ባለሙያዎች፣ ምሁራን፣ አርቲስቶችና በርካታ አንባብያን በተገኙበት በድምቀት ተመረቀ።
‎
‎መጽሐፉ ከምርቃቱ ቀደም ብሎ ለአንባብያን የደረሰ በመሆኑ፣ በዕለቱ በሥራው ላይ ጥልቅ ግምገማና ዳሰሳ የቀረበ ሲሆን፣ ከመጽሐፉ የተወሰዱ ታሪኮችም በታዋቂ ተዋንያን አማካኝነት በመድረክ ላይ ቀርበዋል።
‎
‎ደራሲዋ መጽሐፉን አስቀድሞ ለንባብ ማብቃቷ አንባብያን ያዩትንና የተሰማቸውን በነፃነት እንዲገልጹ እንዲሁም ገንቢ ሂስና አስተያየት እንዲሰጡበት ሰፊ መድረክ የከፈተ መሆኑን ገልጻለች።
‎
‎​በምርቃት ሥነ ሥርዓቱ ላይ ንግግር ያደረገችው ደራሲ ስመኝ ግዛው፣ መጽሐፉን ለመጻፍ ባሳለፈችበት ወቅት ከባድ የጤና እክል ይፈታተናት እንደነበርና ያንን ሁሉ የጽናት ጉዞ አልፋ ለዚህ በመብቃቷ እግዚአብሔርን አመስግናለች።
‎
‎ለአንድ ደራሲ ከመነበብና በሥራው ላይ ውይይት ከመደረጉ በላይ ትልቅ ሽልማት የለውም ያለችው ደራሲዋ፣ በመጽሐፉ ውስጥ የትዳርና የቤተሰብ ሕይወት ተቋማዊ እሴቶችን ለመጠበቅና ማንኛውም አንባቢ ራሱን የሚያገኝበትን እውነተኛ ታሪክ ለማቅረብ ከፍተኛ ጥንቃቄ ማድረጓን ተናግራለች።
‎
‎​አዳራሹን በነጻ ከመስጠት ጀምሮ እስከ ዝግጅቱ ማብቂያ ድረስ ከጎኗ ለቆሙ ድርጅቶችና ባልደረቦቿ፣ ለሀገር መከላከያ ማርች ባንድ ሙዚቀኞች፣ ለቤተሰቦቿ እንዲሁም ሁልጊዜም ከጎኗ ሆነው ለሚያበረታቷት ወዳጆቿ ልባዊ ምስጋናዋን አቅርባለች።
‎
‎📷 ከበደ መክብብ
‎
‎​#yenateromeo #semegngizaw #amharicbooks #ethiopianliterature #booklaunch #ethiopianwriters #ethiopianauthors #amharicliterature #ethiopianarts #newbookrelease
‎

ጌጅ ዩኒቨርሲቲ ኮሌጅ በዛሬው እለት ተማሪዎችን አስመረቀ!

ጌጅ ዩኒቨርሲቲ ኮሌጅ ለ2018 ዓ.ም. የትምህርት መርሀ ግብር ተማሪዎችን አስመርቋል።

ዩኒቨርሲቲ ኮሌጁ በሁለተኛ ዲግሪ፣ በመጀመሪያ ዲግሪና በቴክኒክና ሙያ መርሀ ግብር በማስተማር ዛሬ ነሐሴ 30 ቀን 2018 ዓ.ም በአዲስ አበባ ዩኒቨርሲቲ ነው ያስመረቀው።

የ23 ዓመታት ዓመታት የሥራ ልምድ ያለዉ ና ከከፍተኛ ትምህርት አግባብነትና ጥራት ኤጀንሲ እና ከአዲስ አበባ የትምህርትና ሥልጠና ጥራት፣ የሙያ ብቃት ምዘና ማረጋገጫ ባለሥልጣን የሚሰጠውን እውቅና ፈቃድ በመውሰድ በአዋጅ በተሰጠው ሥልጣን መሠረት በሁለተኛ ዲግሪ፣ በመጀመሪያ ዲግሪና በቴክኒክን ሙያ ሥልጠና የመግቢያ መስፈርቱን የሚያሟሉ ተማሪዎችን ተቀብሎ በማስተማር ነሐሴ 30 ቀን 2018 ዓ.ም በአዲስ አበባ ዩኒቨርሲቲ ልደት አዳራሽ ለምርቃት አብቅቷል፡፡

በተጨማሪም ዩኒቨርሲቲ ኮሌጁ በተለያዩ ማህበራዊና ሀገራዊ ጉዳዮች ላይ በመሳተፍ ተቋማዊ ግዴውን በመወጣት ላይ ይገኛል፡፡

ከነዚህም መካከል አሂድ ከተባለ ግብረ ሰናይ ድርጅት ጋር በመተባበር 120 ወገኖች የነጻ ትምህርት እድል በማመቻቸት በዛሬው ዕለት እንዲመረቁ አድርጓል፡፡

በዛሬው ዕለት በአበበ አበባ ዩኒቨርሲቲ ልደት አዳራሽ በተከናወነው የምረቃ ፕሮግራም የተከበሩ ዶ/ር ሙሉጌታ ስዩም በአዲስ አበባ ዩኒቨርሲቲ የሥነ ልሳን ትምህርት ከፍል ተባባሪ ፕሮፌሰር የዕለቱ የክብር እንግዳ እና የተከበሩ ዶ/ር ኃየሎም ባንትይርጋ የዕለቱ ተጋባዥ እንግዳ በክብር እንግድነት ተገኘተው በቅደም ተከተል ለተመራቂዎች የሙያና የሕይወት ተሞክሮሯችሁን በመግለጽ ለተመራቂ ተማሪዎች መልእከት አስተላልፈዋል፡፡

በዛሬው የምረቃ በዓል በማስተርስ፣ በመጀመሪያ ዲግሪ መርሐ ግብር እና በቴክኒክና ሙያ ትምህርት ሥልጠና ዘርፍ ትምህርታቸውን ያጠናቀቁ፡-

የ2018 የሁለተኛ ዲግሪ፣ የመጀመሪያ ዲግሪ እና የቴክኒክና ሙያ ተመራቂዎች በቴክኒክና ሙያ ወንድ 151 ሴት 493 ድምር 644፣ በመጀመሪያ ዲግሪ መርሐ ግብር ወንድ 736 ሴት 1,764 ድምር 2,500

በሁለተኛ ዲግሪ መርሐ ወንድ 17 ሴት 15 ድምር 32 አጠቃላይ ድምር በቴክኒክና ሙያ፣ በመጀመሪያ ዲግሪ እና በሁለተኛ ዲግሪ 3176 ተማሪዎች ተመርቀዋል፡፡

«የእናቴ ሮሚዮ እና ሌሎች አጫጭር ታሪኮች»
መጽሐፍ ነገ በድምቀት ሊመረቅ ነው
#ethiopia | በደራሲና ጋዜጠኛ ስመኝ ግዛው የተጻፈውና በአንባብያን ዘንድ ተወዳጅነትን ያተረፈው «የእናቴ ሮሚዮ እና ሌሎች አጫጭር ታሪኮች» መጽሐፍ በይፋ ነገ ሊመረቅ ነው።

የመጽሐፉ የምርቃት መርሐ ግብር ነገ፣ በነሐሴ 30 ቀን 2018 ዓ.ም. ከቀኑ 8፡00 ሰዓት ጀምሮ በአዲስ አበባ አድዋ ድል መታሰቢያ ሙዚየም አዳራሽ ይካሄዳል።

ይህ የአጫጭር ታሪኮች ስብስብ ለአንባብያን ቀድሞ የደረሰ በመሆኑ፣ የምርቃት መርሐ ግብሩም በልዩና በተለየ አቀራረብ ተዘጋጅቷል።

በዚህ ታላቅ የምርቃት መርሐ ግብር ላይ ታዋቂ የሥነ ጽሑፍ ምሁራን ስለ መጽሐፉ ጥልቅ የሙያ እይታቸውን ያቀርባሉ።

በተጨማሪም አንጋፋና ታዋቂ የቲያትር ባለሙያዎች ከመጽሐፉ የተመረጡ ታሪኮችን በመድረክ ሕያው በማድረግ በቲያትር መልክ ያቀርባሉ።

በመሆኑም ደራሲዋ ስመኝ ግዛው መላውን የመጽሐፍ ወዳጅና አንባቢ በዚህ ደማቅ የምርቃት መርሐ ግብር ላይ እንዲገኝ በፌስቡክ ገጿ በኩል ጥሪ አቅርባለች።

ነገ፣ ነሐሴ 30፣ 2018 ዓ.ም.
ከቀኑ 8፡00 ሰዓት ጀምሮ
አድዋ ድል መታሰቢያ ሙዚየም አዳራሽ
— አዲስ አበባ

መጽሐፉን አንብበው ከሆነም ሆነ ገና ለማንበብ እየተዘጋጁ ከሆነ፣ በዚህ ልዩ የሥነ ጽሑፍ በዓል ላይ ይገኙ!

​#የመጽሐፍምርቃት #ስመኝግዛው #ሥነጽሑፍ #አድዋመታሰቢያ #አጫጭርታሪኮች #getutemesgen #getu #ጌጡ #ጌጡተመስገን #addisababa #የእናቴሮሚዮ #ስመኝግዛው #መጽሐፍምርቃት #ሥነጽሑፍ #ethiopianliterature