የቱርክ የነዳጅ ቁፋሮ መርከብ ሞቃዲሹ ገባች
#ethiopia | ሶማሊያ በታሪኳ የመጀመሪያ የሆነውን የባህር ላይ የነዳጅ ቁፋሮ ፕሮጀክት ለመጀመር የሚያስችላትን ወሳኝ እርምጃ አከናወነች።

የቱርክን ሰንደቅ ዓላማ ያነገበችውና "ቻግሪ ቤይ" የተሰኘችው ግዙፍ የቁፋሮ መርከብ ዓርብ ዕለት ሞቃዲሹ ወደብ መድረሷ ተበስሯል።

ይህ የቁፋሮ እንቅስቃሴ በ2024 በሁለቱ ሀገራት መካከል የተፈረመውን የሃይድሮካርቦን ልማት ስምምነት ተፈጻሚ የሚያደርግ ነው።

ስምምነቱ ለቱርክ የመንግሥት የነዳጅ ኩባንያ እያንዳንዳቸው 5,000 ስኩዌር ኪሎ ሜትር ስፋት ባላቸው ሦስት የባህር ክልሎች ላይ የፍለጋ እና የቁፋሮ መብት ይሰጣል።

ሥራው በ2024 ማጠናቀቂያ ላይ በተካሄደው የሴይስሚክ ጥናት ግኝት ላይ ተመስርቶ የሚከናወን ይሆናል።

ለየት የሚያደርገው ምንድን ነው?

በታሪኳ የመጀመሪያው የባህር ላይ የነዳጅ ቁፋሮ ፕሮጀክት ነው።

ከራሷ የባህር ክልል ውጪ የምታካሂደው የመጀመሪያው ጥልቅ ባህር ላይ የሚደረግ የቁፋሮ እንቅስቃሴ ነው።
በመርከቧ አቀባበል ሥነ-ሥርዓት ላይ የሶማሊያው ፕሬዝዳንት ሀሰን ሼክ መሀሙድ እና የቱርክ ኢነርጂ ሚኒስትር አልፓርስላን ባይራክታር ተገኝተዋል።

ይህም በሁለቱ ሀገራት መካከል የነበረውን ጠንካራ ወታደራዊ እና ኢኮኖሚያዊ ትብብር ወደ አዲስ የኃይል ልማት ምዕራፍ ያሸጋገረ ክስተት ተብሏል።

Getu Temesgen - (ጌጡ ተመስገን)
#getutemesgen #getu #capitalnews #ethiopia #somalia #turkey #oilexploration #energynews #mogadishu #hornofafrica #ኢነርጂ #ሶማሊያ #ቱርክ