የእባብ መርዝ የማይበግረው አስደናቂው ሰው

​አሜሪካዊው ቲም ፍሪዴ ለሁለት አስርት ዓመታት ያህል ራሱን እጅግ አደገኛ ለሆኑ የእባብ መርዞች በማጋለጥ ልዩ የተፈጥሮ በሽታ መከላከያ አዳብሯል።

ይህ አማተር ሳይንቲስት እስካሁን ከ200 በላይ የሚሆኑ ገዳይ የእባብ ንክሻዎችን ሆን ብሎ አስተናግዷል።

​ከእነዚህም መካከል በአለማችን እጅግ አስፈሪ ተብሎ የሚታወቀው የጥቁር ማምባ ንክሻ ይገኝበታል።

ተራ ሰውን በደቂቃዎች ውስጥ ሊገድል የሚችለው ይህ መርዝ ለቲም ግን እንደ ተራ ነገር ሆኖለታል።

የቲም አላማ በደሙ ውስጥ የሚገኘውን የተፈጥሮ መከላከያ በመጠቀም ለሰው ልጆች አዲስ የመርዝ ማርከሻ መድኃኒት እንዲገኝ የራሱን አስተዋጽኦ ማበርከት ነው።