ቻይናውያን ሳይንቲስቶች የፈንድሻ መዓዛ ያለው ቲማቲም በጂን ማሻሻያ ዘዴ ፈጠሩ

በምስራቅ ቻይና ዢጂያንግ ግዛት በሚገኝ የምርምር ግሪን ሃውስ ውስጥ፣ እጅግ ማራኪ እና ጣፋጭ የሆነ የፈንድሻ መዓዛ ያላቸው ቲማቲሞች ለዕይታ በቅተዋል።

ይህ አዲስ ግኝት በአጋጣሚ የተገኘ ዝርያ ሳይሆን፣ በ ጂን ማስተካከያ መሳሪያ አማካኝነት በቲማቲም የዘረ-መል ላይ በተደረገ ጥንቃቄ የተሞላበት የቀዶ ጥገና መሰል ማሻሻያ የተገኘ ውጤት ነው።

ሳይንቲስቶቹ የመዓዛ ውህዶችን እንዳይወጡ የሚያግዱ ሁለት ጂኖችን እንዲጠፉ በማድረግ፣ ቲማቲሙ እንደ ቆንጆ መዓዛ ያለው ሩዝ ወይም እንደ ትኩስ ፈንድሻ የሚመስል ሽታ እንዲያወጣ ማድረግ ችለዋል። ቲማቲም በዓለም ላይ በከፍተኛ መጠን ከሚመረቱ አትክልቶች መካከል አንዱ ሲሆን፣ በ2023 ብቻ ቻይና ከ70 ሚሊዮን ቶን በላይ በማምረት የዓለምን ሲሶ ድርሻ ይዛለች።

ይሁን እንጂ ይህ ሰፊ ምርት ተጠቃሚዎች ሲያማርሩበት የቆዩበት አንድ ችግር ነበረበት፤ እሱም የቲማቲሙ ጣዕም እየጠፋ መምጣቱ ነው። የቻይና እና የአውስትራሊያ ተመራማሪዎች ቡድን የቲማቲሙን የቀድሞ ጣዕም ለመመለስ ከመሞከር ይልቅ፣ መዓዛ ካለው ሩዝ በመነሳት ይህን አዲስና ማራኪ ሽታ ያለው ዝርያ ለመፍጠር መርጠዋል።

የዢያንግሁ ላቦራቶሪ የባዮቴክኖሎጂ ምርምር ኢንስቲትዩት ምክትል ዳይሬክተር የሆኑት ሹ ሼንግቹን ባሰፈሩት ጽሁፍ፣ ሰዎች መዓዛ ያለው ሩዝ ይወዳሉ፤ የሽያጭ ዋጋውም ቢሆን ከተራው ሩዝ ከፍ ያለ ነው ብለዋል። እሳቸው እ.ኤ.አ ጥር 24 ቀን በዘርፉ ባለሙያዎች በሚገመገመው ጆርናል ኦፍ ኢንተግሬቲቭ አግሪካልቸር ድረ-ገጽ ላይ ለታተመው የምርምር ጥናት ዋነኛ  ደራሲ ናቸው።

seledadotio
seledadotio