"የአረቡ ተጓዥ ስህተት የዓለምን የምግብ ባህል እንዴት ቀየረው?"
#ethiopia | ዛሬ በዓለም ዙሪያ የምንመገበውና የበርካታ ምግቦች ማስዋብያ የሆነው "አይብ" የተፈጠረው ሙሉ በሙሉ በስህተት እንደነበር ያውቃሉ?

ከሺህ ዓመታት በፊት አንድ የአረብ ተጓዥ በበረሃ ውስጥ ረጅም መንገድ ለመጓዝ ያስባል።

ለመንገዱ ስንቅ የሚሆነውን ወተት በእንስሳት ቆዳ በተሰራ ባህላዊ ከረጢት ውስጥ አድርጎ ጉዞውን ይጀምራል።

ነገር ግን በበረሃው ከፍተኛ ሙቀት እና በከረጢቱ ውስጥ በነበሩ ተፈጥሯዊ ኢንዛይሞች ምክንያት ያልተጠበቀ ነገር ተከሰተ።

ወተቱ ረግቶ ወደ ጠጣር መልክ ተለወጠ።

ተጓዡ መንገዱን ጨርሶ ከረጢቱን ሲከፍተው ወተቱ በሙቀቱ ቢበላሽም የረጋው ጠንካራ ክፍል ግን እጅግ የሚጣፍጥና አዲስ ጣዕም ያለው ሆኖ አገኘው።

በዚህ ድንገተኛ አጋጣሚ የዓለማችን የመጀመሪያው አይብ ተሰራ።

ዛሬ በየቤታችን እና በየሬስቶራንቱ የምንመገበው ይህ ጣፋጭ የምግብ አይነት በዕለቱ በዚያ ተጓዥ ስህተት ባይፈጠር ኖሮ ምናልባት ዛሬ ድረስ ላናውቀው እንችል ነበር።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #cheesehistory #foodfacts #accidentalinventions #didyouknow #funfacts #foodhistory

"ላሞች ሙዚቃ ሲያዳምጡ የሚሰጡት የወተት መጠን ይጨምራል!" ጥናት
#ethiopia | ይህ አስደናቂና አዝናኝ እውነታ ይፋ የሆነው በእንግሊዝ በሚገኘው ታዋቂው የሌስተር ዩኒቨርሲቲ (University of Leicester) የስነ-ልቦና ተመራማሪዎች በተደረገ ጥናት ነው።

ተመራማሪዎቹ ላሞች በቀን ለ12 ሰዓታት ያህል የተለያዩ የሙዚቃ አያነቶችን እንዲያዳምጡ በማድረግ ባካሄዱት ምርምር ነው ይህንን ውጤት ያወጡት።

ለስለስ ያሉ ሙዚቃዎች ሲከፈቱላቸው ላሞች ጭንቀታቸው ቀንሶ ዘና ስለሚሉ በቀን የሚሰጡት የወተት መጠን ከ3በመቶ እስከ 5 በመቶ መጨመሩ ተረጋግጧል።

በአንጻሩ ፈጣንና የሚጮሁ ሙዚቃዎች ሲከፈቱባቸው ግን ላሞቹ እንደሚናደዱ፣ እንደሚጨነቁና የወተት ምርታቸውም እንደሚቀንስ ጥናቱ አመልክቷል።

ባለሙያዎቹ እንደሚሉት ከሆነ ለስለስ ያሉ ሙዚቃዎችን ማጫወት የላሞቹን የሆርሞን ሁኔታ በማስተካከል የመረጋጋት ስሜት ይፈጥርላቸዋል ብለዋል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen #funfacts #sciencenews #dairyfarm #musicandanimals