ከታሪፍ በላይ የሚያስከፍሉ አሽከርካሪዎች የአምስት ሺህ ብር የገንዘብ ቅጣት ይጣልባቸዋል
#ethiopia | በአዲስ አበባ ከተማ በሚገኙ የህዝብ ትራንስፖርት አሽከርካሪዎች ዘንድ የሚታየውን ያልተገባ የታሪፍ ጭማሪ እና የመስመር ማሳጠር ችግር ለመግታት ጥብቅ የቁጥጥር እርምጃ መውሰድ መጀመሩን የአዲስ አበባ ትራንስፖርት ቢሮ አስታወቀ።

የቢሮው የኦፕሬሽን ዘርፍ ምክትል ሃላፊ አቶ ዳኛቸው ሽፈራው ለኢትዮ ኤፍኤም እንደገለጹት፣ ባለፈው የበጀት ዓመት ከተለያዩ የትራፊክ ጥፋቶች ጋር ተያይዞ ከ120 ሺህ በሚበልጡ አሽከርካሪዎች ላይ አስተዳደራዊ እርምጃ ተወስዷል።

ከእነዚህም መካከል 25 በመቶ ያህሉ ከተደነገገው ታሪፍ በላይ በማስከፈል በህዝብ ላይ እንግልት ሲያደርሱ የተገኙ ናቸው።

የከተማው ነዋሪ መሰል ህገወጥ ድርጊቶች ሲያጋጥሙት ዝምታን ከመምረጥ ይልቅ የተሽከርካሪውን የታርጋ ቁጥር በመያዝ በ9417 ነፃ የስልክ መስመር ጥቆማ መስጠት እንደሚችል ቢሮው ጠቁሟል።

ከዚህ በኋላ ያለአግባብ የታሪፍ ጭማሪ በሚያደርጉ አሽከርካሪዎች ላይ የ5 ሺህ ብር ቅጣት የሚጣል ሲሆን፣ ድርጊቱን ደጋግመው በሚፈፅሙት ላይ ደግሞ እስከ ሙሉ ስራ ማገድ የሚደርስ የጠነከረ እርምጃ እንደሚወሰድ ተመል hisቷል።
#addisababatransport #transportbureau #tariffincrease #publictransport #getutemesgen #getu #ጌጡ #ጌጡተመስገን #addisababa

የታሪፍ ማሻሻያ አልተደረገም፤ በዘፈቀደ ዋጋ የሚጨምሩ አሽከርካሪዎች ላይ እርምጃ ይወሰዳል
#ethiopia | ​በቅርቡ የተደረገውን የነዳጅ ዋጋ ጭማሪ ተገን በማድረግ፣ በራስ ፍላጎት የታሪፍ ጭማሪ የሚያደርጉ አሽከርካሪዎችና የትራንስፖርት ማኅበራት ድርጊት "ሕገ-ወጥ" መሆኑን የአዲስ አበባ ከተማ ትራንስፖርት ቢሮ አስታወቀ።
​ቢሮው የነዳጅ ዋጋ ጭማሪውን ተከትሎ የጥናት ሥራ እያከናወነ ቢሆንም፣ እስካሁን ግን ምንም ዓይነት ይፋዊ የታሪፍ ማሻሻያ አለመደረጉን የኦፕሬሽን ዘርፍ ምክትል ኃላፊ አቶ ዳኛቸው ሽፈራው ገልጸዋል።

እንደ ባለሥልጣኑ ገለጻ፣ ከወር በፊት የተደረገው የታሪፍ ማሻሻያ ወደፊት ሊመጣ የሚችለውን የነዳጅ ዋጋ ጭማሪ አስቀድሞ ታሳቢ ያደረገ በመሆኑ፣ አሁን ላይ ተለዋጭ ዋጋ መጨመር ተገቢ አይደለም።

​ቢሮው በጉዳዩ ላይ ያስተላለፋቸው ዋና ዋና ነጥቦች፦
​
-በዘፈቀደ ዋጋ በሚጨምሩ አሽከርካሪዎች ላይ ብቻ ሳይሆን፣ በባለንብረቶችም ላይ ጠንካራና አስተማሪ እርምጃ ይወሰዳል።

​-ሕገ-ወጥ የዋጋ ጭማሪን ለመከላከል የሚደረገው የመስክ ቁጥጥር ተጠናክሮ ቀጥሏል።
​
- የትራንስፖርት እጥረትን ለመቅረፍና ፍላጎትን ለማመጣጠን ተጨማሪ የሕዝብ ማመላለሻ አውቶቡሶችና የኤሌክትሪክ ባሶች በስፋት እንዲሰማሩ እየተደረገ ይገኛል።

-ተጠቃሚዎች ከተቀመጠው ታሪፍ በላይ የሚጠይቁ አሽከርካሪዎችን ሲያጋጥሟቸው በነፃ የጥሪ መስመር 9417 ላይ ደውለው ጥቆማ እንዲሰጡ ጥሪ ቀርቧል።

​የከተማው ትራንስፖርት ቢሮ የነዳጅ ዋጋ መናር በኅብረተሰቡ ላይ የሚፈጥረውን ጫና ለመቀነስ ጥናት እያደረገ ቢሆንም፣ የጥናቱ ውጤት ታውቆ ይፋዊ መመሪያ እስካልወጣ ድረስ ነባሩ ታሪፍ ተፈጻሚነቱ እንደሚቀጥል አረጋግጧል።

Getu Temesgen - (ጌጡ ተመስገን) #getutemesgen #getu
​#ethiopia #addisababa #transporttariff #fuelprice #publictransport #electricbuses #trafficregulation

ቻይና ሙሉ በሙሉ በራሳቸው የሚንቀሳቀሱ ባቡሮችን ይፋ አደረገች
**************
በማዕከላዊ ቻይና ሁቤይ ግዛት ውስጥ የሚገኘው እና በእስያ አህጉር ረጅሙ ክበባዊ የሜትሮ መስመር ተብሎ የሚታወቀው የውሃን ሜትሮ 12 አዳዲስና ሙሉ በሙሉ አውቶማቲክ የሆኑ ባቡሮቹን ማክሰኞ ዕለት በይፋ አስተዋውቋል።

ይህ 59.9 ኪሎ ሜትር ርዝመት ያለው ታሪካዊ የሜትሮ መስመር እጅግ ዘመናዊ በሆነ ቴክኖሎጂ የተደራጀ ነው።

ባቡሮቹ የላቀ አውቶማቲክ የመንዳት ቴክኖሎጂን የሚጠቀሙ ሲሆን፣ ይህም ያለ አሽከርካሪ እርዳታ ሞተራቸውን በራሳቸው ማስነሳት፣ ጉዞ ማድረግ፣ መታጠፍ፣ ወደ ማቆሚያ መመለስ እና በተጠንቀቅ መቆም እንዲችሉ ያደርጋቸዋል።

ከዚህም በተጨማሪ የባቡሮቹን አጠቃላይ እንቅስቃሴ በርቀት መከታተልና መቆጣጠር የሚያስችል ዘመናዊ አሠራር ተገጥሞላቸዋል።

ፈጣን እና ምቹ አገልግሎት ለመስጠት የተዘጋጁት እነዚህ አዳዲስ ባቡሮች፣ በሰዓት ከፍተኛው እስከ 80 ኪሎ ሜትር ፍጥነት የመጓዝ አቅም አላቸው።

እያንዳንዱ ባቡር በተሟላ አቅሙ አገልግሎት ሲሰጥ በአንድ ጊዜ እስከ 2 ሺህ 592 መንገደኞችን የማጓጓዝ ከፍተኛ አቅም እንዳለው ፒፕልስ ዴይሊ ቻይና በዘገባው አመላክቷል።

በለሚ ታደሰ
#wuhanmetro #chinatech #autonomoustrains #publictransport #asialongestmetro #smartcity