የዝንጀሮ ፈንጣጣ (Mpox) ወረርሽኝ በማዳጋስካር እና ኮሞሮስ ዳግም አገረሸ
#ethiopia | ከጥቂት ወራት በፊት ከምሥራቅ አፍሪካ ቀጠና ሙሉ በሙሉ መጥፋቱ ተነግሮት የነበረው የዝንጀሮ ፈንጣጣ (Mpox) ወረርሽኝ፣ በማዳጋስካር እና በኮሞሮስ በከፍተኛ ሁኔታ መቀስቀሱ ተረጋገጠ።
የአፍሪካ በሽታ መከላከል እና ቁጥጥር ማዕከል (Africa CDC) ባወጣው መግለጫ መሠረት፦

* ማዳጋስካር፦ እስካሁን ባለው መረጃ 202 ሰዎች በበሽታው መያዛቸው ተረጋግጧል። ወረርሽኙ በሀገሪቱ ካሉት 114 የጤና ዲስትሪክቶች በ20ዎቹ ውስጥ በስፋት እየተሰራጨ ይገኛል።

* ኮሞሮስ፦ እስካሁን 9 ሰዎች በቫይረሱ መያዛቸው ተመዝግቧል።

ምን እየተደረገ ነው?

በአሁኑ ወቅት በሁለቱም ሀገራት የመድኃኒት ስርጭት እና የመከላከል ሥራዎች መጀመራቸውን ተቋሙ ገልጿል። ይሁን እንጂ፣ መሰል ድንገተኛ የጤና ቀውሶችን በዘላቂነት ለመመከት አህጉራዊ የበጀት ድጋፍ ሊጠናከር እንደሚገባ ማዕከሉ ጥሪ አቅርቧል።
ይህ አዲስ ክስተት፣ በሽታው ሙሉ በሙሉ ጠፍቷል ተብሎ በታመነበት ወቅት መከሰቱ በቀጠናው ያለውን የጤና ስጋት ዳግም አንስቶታል።

Getu Temesgen - (ጌጡ ተመስገን)
#getutemesgen #getu #ጌጡ #mpox #africacdc #madagascar #comoros #healthalert #africahealth #የዝንጀሮፈንጣጣ #ጤና

በኬንያ 314 ሰዎች በ #mpox በሽታ መያዛቸው ተገለጸ
በኬንያ በ22 አውራጃዎች የMpox በሽታ መስፋፋቱን ተከትሎ እስካሁን ድረስ 314 ሰዎች በበሽታው መያዛቸውን የሃገሪቱ ጤና ሚኒስቴር አስታወቀ።

በሽታው በተለያዩ የሀገሪቱ ክፍሎች መስፋፋቱ ከባድ ስጋት መፍጠሩን የሃገሪቱ ጤና ባለስልጣናት ገልጸዋል።

የጤና ሚኒስቴሯ ማሪ ሙሪዩኪ በሰጡት መግለጫ፣ መንግስት በሽታውን ለመቆጣጠር ክትትልና ምርመራውን ማጠናከሩን አስታውቀዋል። ህብረተሰቡም ራሱን ከበሽታው ለመጠበቅ የጥንቃቄ እርምጃዎችን እንዲወስድ አሳስበዋል።

የMpox በሽታ ምልክቶች ትኩሳት፣ ራስ ምታት፣ የጡንቻና የጀርባ ህመም፣ የሊምፍ ኖዶች ማበጥ እና የቆዳ ሽፍታ እንደሆኑ የጤና ባለሙያዎች ይናገራሉ። በሽታው የሚተላለፈው በታመመ ሰው የቆዳ ሽፍታ፣ ፈሳሽ ወይም በንክኪ እንደሆነም ተገልጿል።

Seledadotio
Seledadotio

234 ሰዎች በጋና በMpox በሽታ መለከፋቸው ተገለፀ

ጋና 16 አዲስ በዝንጀሮ ፈንጣጣ (Mpox) ወረርሽኝ የተያዙ ሰዎች መገኘታቸውን አስታውቃለች።

የጋና ጤና አገልግሎት (GHS) ባወጣው ሪፖርት በድምሩ በበሽታው የተያዙ ሰዎች ቁጥር 234 መድረሳቸውን ገልጿል።

አገልግሎቱ አዲስ የሞት ሪፖርት አለመመዝገቡን አመላክቷል።

Seledadotio
Seledadotio