💍 በጭራሽ እንዳያገቡ! (ቢያንስ እነዚህን ሳያሟሉ)

(በዳዊት ይዘንጋው /ዳይተም/)
#ethiopia | ​ትዳር በእሳት እንደመጫወት ነው።

ተቃጥለው ሌላውን ከማቃጠልዎ በፊት ቆም ብለው ያስቡ። እነዚህ ነገሮች ከሌሉዎት ወደ ትዳር አይግቡ፦

​✅ 1. አቅም (በስጋና በመንፈስ) ከሌለዎት፡-

የገንዘብ አቅም ለኑሮ አስፈላጊ ነው፤ የመንፈስ ጥንካሬ ደግሞ ችግሮችን በብልሃት ለማለፍ ወሳኝ ነው። "ጨለማን የሚሽረው ብርሃን ብቻ ነው!"

​✅ 2. እውነተኛ ፍቅር ከሌለዎት፡-

ፍቅር የትዳር መሰረት ነው። ያለ ፍቅር ማግባት የራስን፣ የአጋርን እና የልጆችን ተስፋ ማጨለም ነው።

​✅ 3. ይቅር ባይ ካልሆኑ፡-

"ደስተኛ ትዳር የሁለት ጥሩ ይቅር ባይ ጥምረት ነው።" ቂመኛ እና በቀለኛ ከሆኑ ትዳር ለእርስዎ አይደለም።

​✅ 4. ሃላፊነት መውሰድ ካልቻሉ፡-

ትዳር ሀላፊነት ነው። የተቀረፀውም በፈጣሪ ነው። ሚስት ለባሏ፣ ባልም ለሚስቱ ራሱን አሳልፎ የሚሰጥበት የተቀደሰ ተቋም ነው።

​✅ 5. በሰው ግፊት ወይም በእድሜ ምክንያት፡-

ሰው አይቶ ስራ ይሰራል እንጂ አይቶ አይኖርም! የቤተሰብ ጫና ወደ አላሰቡት አቅጣጫ የሚወስድ "ደቦ" ነው።

​✅ 6. በራስዎና በአጋርዎ ካልተማመኑ፡-

ያለ እምነት የሚገነባ ትዳር፤ ድቡሽት ላይ እንደተገነባ ቤት ነው።

​✅ 7. ልብዎ ሌላ ቦታ ከሆነ፡-

በሌላ ሰው ፍቅር እየዋኙ ወደ ትዳር አይግቡ። "ፍቅር በሁለት አካላት፣ በአንድ ነፍስ ውስጥ የተዋቀረ ነው!"
​ትዳር የህይወት ጉዞ ነው፤ በጥንቃቄ ይጀምሩት!

​ሰላም ለኢትዮጵያ!
​#marriageadvice #relationshipgoals #lifepartner #loveandmarriage #ethiopia #dawityizengaw