ሳካ ከኤምሬትስ ጣራ ስር
#ethiopia | ​የመድፈኞቹ አሰልጣኝ ሚኬል አርቴታ ዛሬ በሰጡት ጋዜጣዊ መግለጫ፣ ሳካ ወደ ልምምድ መመለሱ ለቡድኑ ትልቅ አቅም እንደሚሆን ገልጸዋል። ኮከቡ በካራባኦ ዋንጫ ከማንችስተር ሲቲ ጋር ከተደረገው ጨዋታ ጀምሮ በጉዳት ምክንያት ከሜዳ ርቆ የቆየ ቢሆንም፣ አሁን ግን ለጨዋታ ዝግጁ መሆኑን አሰልጣኙ አረጋግጠዋል።

​አርቴታ ​"ለሳካ ትክክለኛውን የእረፍት እና የህክምና ጊዜ ሰጥተነዋል። አሁን ግን ቡድኑ በከፍተኛ ሁኔታ ይፈልገዋል፤ መመለሱም ለእኛ መልካም ዜና ነው" ብለዋል።

​ምንም እንኳን ሳካ በዚህ የውድድር ዘመን በሁለት የተለያዩ ጉዳቶች ቢፈተንም፣ ካለፉት 32 የሊግ ጨዋታዎች በ27ቱ ላይ በመሰለፍ የቡድኑ የጀርባ አጥንት መሆኑን አስመስክሯል።

​የሌሎች ተጫዋቾች ሁኔታ

​ሪካርዶ ካላፊዮሪ፦ ጣሊያናዊው ተከላካይ በአውሮፓ ሻምፒዮንስ ሊግ ከስፖርቲንግ ሊዝበን ጋር ከተደረገው ጨዋታ በኋላ ወደ ሜዳ እንደሚመለስ ተነግሯል።

​ጁሪየን ቲምበር፦ ለደጋፊዎች ጥቂት የማይዋጥ ዜና፣ ኔዘርላንዳዊው ተከላካይ ቲምበር አሁንም ከጉዳቱ ባለማገገሙ የነገው ጨዋታ እንደሚያመልጠው ታውቋል። ቲምበር ካለፉት ሰባት ጨዋታዎች ውጪ መሆኑ ይታወሳል።

​
​አርሰናል ዛሬ ምሽት 1:30 ላይ በኤምሬትስ ስታዲየም ኒውካስልን ያስተናግዳል። ይህ ጨዋታ ለመድፈኞቹ እጅግ ወሳኝ ነው፤ ጨዋታውን ማሸነፍ ከቻሉ የፕሪሚየር ሊጉን መሪነት ዳግም ለመረከብ ትልቅ እድል ይፈጥርላቸዋል።

Getu Temesgen - (ጌጡ ተመስገን) #getutemesgen #getu
​#nbcethiopia #ethiopia #arsenal #premierleague #bukayosaka #mikelarteta #coyg

ቡካያ ሳካ ለመመለስ ተቃርበዋል!
#ethiopia | የአርሰናሉ አሰልጣኝ ሚኬል አርቴታ በጉጉት የሚጠበቁትን የቡድኑን ቁልፍ ተጫዋቾች ዝግጁነት አስመልክቶ ዛሬ መግለጫ ሰጥተዋል። እንደ አሰልጣኙ ገለጻ ከሆነ፣ አርሰናል ወደ ሙሉ ጥንካሬው ለመመለስ ተቃርቧል።

🌟 የቡካዩ ሳካ ሁኔታ

በጉዳት ምክንያት ከሜዳ ርቆ የነበረው ኮከቡ ቡካዩ ሳካ አስደሳች መሻሻል እያሳየ ይገኛል። አርቴታ ስለ ሳካ ሲናገሩ፡

> "ቡካዩ በጥሩ ሁኔታ ላይ ነው፤ በሚገባ ተሻሽሏል። በቅርቡም ከእኛ ጋር ወደ ሜዳ ይሆናል"
>

⚡ የማርቲን ኦዴጋርድ እና ጁሪየን ቲምበር ዜና
የቡድኑ አምበል ማርቲን ኦዴጋርድ ጉዳይ አሳሳቢ የነበረ ቢሆንም፣ አሁን ግን የ"ቀናት ጉዳይ" ብቻ ሆኗል። አሰልጣኙ አክለውም ኦዴጋርድ በነገው ጨዋታ ላይ የመሳተፍ ዕድል እንዳለው ፍንጭ ሰጥተዋል። በተጨማሪም ተከላካዩ ጁሪየን ቲምበር በጥሩ ጤንነት ላይ እንደሚገኝ ተረጋግጧል።

ይህ መረጃ አርሰናል ለሚቀጥሉት ወሳኝ ጨዋታዎች በሙሉ አቅሙ እንዲሰለፍ ትልቅ ተነሳሽነትን የሚፈጥር ነው።

Getu Temesgen - (ጌጡ ተመስገን)
#getutemesgen #getu #ጌጡ #arsenal #arteta #bukayosaka #odegaard #jurrientimber #coyg #premierleague #ethiopia #የስፖርትዜና #አርሰናል

🔴 "ሁኔታው አሳሳቢ አይደለም"
#ethiopia | የመድፈኞቹ ደጋፊዎች በስጋት ሲጠብቁት የነበረው የቡካዩ ሳካ የጉዳት ዜና አዎንታዊ ምላሽ አግኝቷል። አሰልጣኝ ሚኬል አርቴታ እንደገለጹት፣ ኮከቡ ክንፍ ተጫዋች ያጋጠመው ጉዳት መጀመሪያ ከታሰበው በላይ ቀላ ያለና "ከባድ የማይባል" ነው።

📍 ዋና ዋና ነጥቦች፡-

* የጉዳቱ ሁኔታ፦ ሳካ ከሊድስ ዩናይትድ ጨዋታ በፊት በማሟሟቅ ላይ እያለ ጉዳት ቢያጋጥመውም፣ አሁን ላይ ግን ፈጣን መሻሻል እያሳየ ይገኛል።

* የአርቴታ አስተያየት፦ "ዛሬ ሁኔታው የተሻለ ነው፤ ጉዳቱ ሲታይ ያን ያህል ከባድ አይመስልም" ሲሉ አሰልጣኙ ለጋዜጠኞች ተናግረዋል።

* ቀጣይ ጨዋታዎች፦ ሳካ በነገው ጨዋታ ላይ የመሰለፉ ነገር አሁንም አጠራጣሪ ቢሆንም፣ ለሳምንቱ መጨረሻ ጨዋታ ግን ሙሉ በሙሉ ሊደርስ እንደሚችል ተስፋ ተጥሏል።

አርሰናል የፕሪሚየር ሊጉን ዋንጫ ለማንሳት በሚያደርገው ብርቱ ፉክክር ላይ የሳካ በጤና መመለስ ለቡድኑ ትልቅ አቅም እንደሚሆን ይታመናል።

Getu Temesgen - (ጌጡ ተመስገን)
#getutemesgen #getu #ጌጡ #arsenal #bukayosaka #arteta #epl #gunners #ethiopia #sakainjury