"ለኤል-ኒኖ ቅድመ ጥንቃቄ የሚውል 1 ዶላር እስከ 7 ዶላር የሚያክል ኪሳራን ያድናል" - ICPAC

⚫ኤል-ኒኖ በሀገር አቀፍ ደረጃ በ37 ዞኖች ውስጥ በሚገኙ 178 ወረዳዎች ላይ ተጽዕኖ ሊያሳድር ይችላል።

የኢጋድ የአየር ንብረት ትንበያና አገልግሎት ማዕከል (ICPAC) በቅርቡ በአዲስ አበባ ላይ ያካሄደውን ጉባኤ ተከትሎ ባወጣው "የኤል-ኒኖ ቅድመ-ዝግጅት ጥሪ" ሰነድ የቅድመ-ዝግጅት ሥራዎች እንዲጠናከሩ አሳሰበ።

በሰነዱ ላይ እንደተቀመጠው  ቅድመ-ጥንቃቄ እርምጃ ላይ የሚውል 1 የአሜሪካ ዶላር ኪሳራን ለመከላከል እስከ 7 ዶላር ድረስ የማዳን አቅም እንዳለው ጠቅሷል።

በምስራቅ አፍሪካ ሁለት አይነት ተቃራኒ የሆኑ ከባድ የአየር ንብረት አደጋዎች መደቀናቸውን ያሳወቀው ማዕከሉ ከግንቦት እስከ ነሐሴ 2026 ባሉት ወራት በሰሜን ኢትዮጵያ፣ ሱዳን፣ ደቡብ ሱዳን፣ ኤርትራ፣ ጅቡቲ እና ሶማሊያ ከፍተኛ የዝናብ እጥረት በመመዝገቡ የድርቅ አደጋ ተደቅኗል።

ከጥቅምት እስከ ታኅሳስ ወቅት ባለው ደግሞ ከመደበኛ በላይ ዝናብ የመታየት ከፍተኛ እድል ያለባቸውን አካባቢዎች የለየ ሲሆን በዚህም በደቡብ ኢትዮጵያ፣ መካከለኛ እና ደቡብ ሶማሊያ እንዲሁም ሰሜን ምሥራቅ ኬንያ ከፍተኛ ዝናብ፣ የጎርፍ መሬት መንሸራተት እና የሰውና እንስሳት በሽታዎች ስጋት ጨምሯል።

የኢትዮጵያ አደጋ ስጋት ሥራ አመራር ኮሚሽን መረጃ መሰረት፥ ደግሞ ኤል-ኒኖ በሀገር አቀፍ ደረጃ በ37 ዞኖች ውስጥ በሚገኙ 178 ወረዳዎች ላይ ተጽዕኖ ሊያሳድር እንደሚችል ትንበያ መኖሩን ገልጸው፣ በየደረጃው ካሉ አካላት ጋር በቅንጅት ዝግጅት እየተደረገ መሆኑን ይገልጻል።

ኮሚሽኑ፤ ለ2019 ዓ.ም የበጋ ወቅት (ጥቅምት-ጥር) ያወጣው "የጎርፍ አደጋ ስጋት ቅድመ-ማስጠንቀቂያ" ላይ የሸበሌ፣ የገናሌ ደዋ፣ የኦሞ ጊቤ፣ የቢላቴ፣ የባሮ እና የአዋሽ ወንዞች ተፋሰሶች በተለይ ለጎርፍ አደጋ የተጋለጡ መሆናቸውን ገልጿል።

በክልል ደረጃም፤ በሶማሌ፣ ኦሮሚያ፣ ደቡብ ኢትዮጵያ፣ ሲዳማ፣ መካከላዊ ኢትዮጵያ፣ ደቡብ ምዕራብ እና ጋምቤላ ክልሎች ውስጥ የሚገኙ ዝቅተኛና ቆላማ ወረዳዎች ከፍተኛ ጥንቃቄ የሚያስፈልጋቸው መሆናቸውን ለይቷል።

የኢትዮጵያ ሚቲዎሮሎጂ ኢንስቲትዩት ለወቅታዊ ትንበያ በሚጠቀምበት ከ8 ዞናዊ አከባቢዎች መካከል በደቡብና ደቡባዊ ምሥራቅ ኢትዮጵያ ክፍሎች ላይ ከመደበኛ በላይ ዝናብ የማስተናገድ እድሉ ከፍተኛ ነው ተብሏል።

የቅድመ-ማስጠንቀቂያ ስርዓቶችን መዘርጋት፤ ከጎርፍ ጋር ተያይዘው የሚመጡ ወረርሽኞችን ለመከላከል የጤና ሥርዓቶችን ማጠንከር፤ የአደጋ ምላሽ ዝግጁነትን ማሳደግ፤ ወቅታዊ መረጃን ማድረስ ላይ የሚመለከታቸው አካላት እንዲሰሩ ጥሪ ቀርቧል።

ቲክቫህ ኢትዮጵያ
መስከረም 17 ቀን 2019 ዓ/ም

@TikvahethMagazine

(ዘ-ሐበሻ ዜና ዳሰሳ) እናትዓለም መለሰ የመንግስት ኮሙኒኬሽን አገልግሎት ሚኒስትር ሆነው ከተሾሙ እነሆ አንድ ዓመት ሞላቸው። በዚህ አንድ ሙሉ ዓመት ውስጥ... እሳቸው ብቅ ብለው የሰጡት መግለጫ ግን ከአንድ እጅ ጣቶች አይበልጥም። በሰሜኑ የሀገራችን ክፍል የጦርነት እሳት ሲነድ፣ የውጭ መንግስታትና ዓለም አቀፍ ሚዲያዎች በጉዳያችን ላይ የራሳቸውን ትርክት ሲያራግቡ፣ የእኛዋ ሚኒስትርና መስሪያ ቤታቸው ግን በከባድ የዝምታ ጾም ላይ ናቸው። ኮሙኒኬሽን (ተግባቦት) ተብሎ ተሰይሞ፣ ተግባሩ ግን "የመንግስት የዝምታ አገልግሎት" የሆነ ይመስላል።'

የመስሪያ ቤቱን የተልዕኮ፣ ራዕይ እና እሴቶች ሰነድ ስንመለከት ደግሞ ነገሩ "በሰማይ ስንት ኮከብ አለ ቢሉት፣ መሬት አይነግርህም አለው" ዓይነት ይሆንብናል። ተቋሙ በተልዕኮው ላይ "ፈጣንና ውጤታማ የመረጃና ተግባቦት" ሥርዓት በመዘርጋት ለሁሉም ዜጎች የመንግስት መረጃን የማግኘት ዕድል መፍጠርን አስፍሯል። ነገር ግን "ፈጣን" የሚለው ቃል እዚህ ላይ ትርጉሙ "ከሚዲያ በፍጥነት መደበቅ" ካልሆነ በስተቀር፣ መሬት ላይ ባለው እውነት ዜጎች መረጃ እያገኙ ያሉት ከባዕዳን እንጂ ከኮሙኒኬሽን ቢሮ አይደለም።

ወደ ራዕዩ ስንመጣ ደግሞ "ተአማኒ፣ ውጤታማ እና ቀድሞ ተነባቢ የኮሙኒኬሽን ሥርዓት" ማምጣት የሚል እናነባለን። እዚህ ላይ "ቀድሞ ተነባቢ" የምትለዋ ሐረግ ራሷ የዘመኑን የተቋም ቁመና ፍንትው አድርጋ ታሳያለች። ምናልባት በእንግሊዝኛው "Proactive" (ቀዳሚነትን የሚወስድ) ለማለት አስበው፣ ቃሉን በጉልበት ልክ እንደ ጉግል ትርጉም ወደ አማርኛ ሲመልሱት የተፈጠረች እንቆቅልሽ ቋንቋ ናት። ለህዝብ ግልጽ መረጃ መስጠት ቀርቶ... የራሱን ራዕይ እንኳ በሚገባ አማርኛ መግለጽ የተቸገረ ተቋም፣ እንዴት ሀገር ያግባባል ብሎ መጠየቅ ተገቢ ነው። 'ቀድሞ ተነባቢ' መሆን ቀርቶ፣ ክስተቶች ተፈጥረው ሀገር ከታመሰች በኋላ እንኳ 'ተከታትሎ ተነባቢ' መሆን አቅቷቸዋል።

የበረታው ቀልድ ያለው ግን በእሴቶቻቸው ላይ ነው። አንደኛው እሴታቸው "ግልፅነትና ክፍትነት" ሲሆን፣ ሦስተኛው ደግሞ "ተደራሽነት፣ ወቅታዊነትና ምላሽ ሰጪነት" ይላል። ሀገር በስጋት ስትታመስ፣ ወቅታዊ መረጃ ጠምቶን ስንቃጠል፣ ያ የተባለው ምላሽ ሰጪነት የት ገባ? ምናልባት "ክፍትነት" ያሉት የቢሮአቸውን መስኮት እንጂ የመረጃውን ቋት አይመስልም።

ዳሰሳችንን ስንቋጨው... ባለቤቱ ያቀለለውን አሞሌ ባለዕዳ አይቀበለውም እንደሚባለው፣ መንግስት የራሱን እውነት በራሱ አንደበት መግለጽ ሲሳነው፣ የውጭ አካላት ለሚነዙት የፈጠራ ትርክት ሰፊ በር ይከፍታል። ወረቀት ላይ ያሰፈሩትን ድንቅ "ሙያዊነትና ፈጠራ" መግለጫ ወደ መስጠት ቀይረው፣ ከዝምታው ማህበር ወጥተው ቢያወሩን የተሻለ ነው። አለበለዚያማ የመስሪያ ቤቱን ስም "የመንግስት ሚስጥር አጠባበቅ አገልግሎት" ብሎ መቀየር ሳይሻል አይቀርም።








(ዘ-ሐበሻ ዜና ዳሰሳ) እናትዓለም መለሰ የመንግስት ኮሙኒኬሽን አገልግሎት ሚኒስትር ሆነው ከተሾሙ እነሆ አንድ ዓመት ሞላቸው። በዚህ አንድ ሙሉ ዓመት ውስጥ... እሳቸው ብቅ ብለው የሰጡት መግለጫ ግን ከአንድ እጅ ጣቶች አይበልጥም። በሰሜኑ የሀገራችን ክፍል የጦርነት እሳት ሲነድ፣ የውጭ መንግስታትና ዓለም አቀፍ ሚዲያዎች በጉዳያችን ላይ የራሳቸውን ትርክት ሲያራግቡ፣ የእኛዋ ሚኒስትርና መስሪያ ቤታቸው ግን በከባድ የዝምታ ጾም ላይ ናቸው። ኮሙኒኬሽን (ተግባቦት) ተብሎ ተሰይሞ፣ ተግባሩ ግን "የመንግስት የዝምታ አገልግሎት" የሆነ ይመስላል።'

የመስሪያ ቤቱን የተልዕኮ፣ ራዕይ እና እሴቶች ሰነድ ስንመለከት ደግሞ ነገሩ "በሰማይ ስንት ኮከብ አለ ቢሉት፣ መሬት አይነግርህም አለው" ዓይነት ይሆንብናል። ተቋሙ በተልዕኮው ላይ "ፈጣንና ውጤታማ የመረጃና ተግባቦት" ሥርዓት በመዘርጋት ለሁሉም ዜጎች የመንግስት መረጃን የማግኘት ዕድል መፍጠርን አስፍሯል። ነገር ግን "ፈጣን" የሚለው ቃል እዚህ ላይ ትርጉሙ "ከሚዲያ በፍጥነት መደበቅ" ካልሆነ በስተቀር፣ መሬት ላይ ባለው እውነት ዜጎች መረጃ እያገኙ ያሉት ከባዕዳን እንጂ ከኮሙኒኬሽን ቢሮ አይደለም።

ወደ ራዕዩ ስንመጣ ደግሞ "ተአማኒ፣ ውጤታማ እና ቀድሞ ተነባቢ የኮሙኒኬሽን ሥርዓት" ማምጣት የሚል እናነባለን። እዚህ ላይ "ቀድሞ ተነባቢ" የምትለዋ ሐረግ ራሷ የዘመኑን የተቋም ቁመና ፍንትው አድርጋ ታሳያለች። ምናልባት በእንግሊዝኛው "Proactive" (ቀዳሚነትን የሚወስድ) ለማለት አስበው፣ ቃሉን በጉልበት ልክ እንደ ጉግል ትርጉም ወደ አማርኛ ሲመልሱት የተፈጠረች እንቆቅልሽ ቋንቋ ናት። ለህዝብ ግልጽ መረጃ መስጠት ቀርቶ... የራሱን ራዕይ እንኳ በሚገባ አማርኛ መግለጽ የተቸገረ ተቋም፣ እንዴት ሀገር ያግባባል ብሎ መጠየቅ ተገቢ ነው። 'ቀድሞ ተነባቢ' መሆን ቀርቶ፣ ክስተቶች ተፈጥረው ሀገር ከታመሰች በኋላ እንኳ 'ተከታትሎ ተነባቢ' መሆን አቅቷቸዋል።

የበረታው ቀልድ ያለው ግን በእሴቶቻቸው ላይ ነው። አንደኛው እሴታቸው "ግልፅነትና ክፍትነት" ሲሆን፣ ሦስተኛው ደግሞ "ተደራሽነት፣ ወቅታዊነትና ምላሽ ሰጪነት" ይላል። ሀገር በስጋት ስትታመስ፣ ወቅታዊ መረጃ ጠምቶን ስንቃጠል፣ ያ የተባለው ምላሽ ሰጪነት የት ገባ? ምናልባት "ክፍትነት" ያሉት የቢሮአቸውን መስኮት እንጂ የመረጃውን ቋት አይመስልም።

ዳሰሳችንን ስንቋጨው... ባለቤቱ ያቀለለውን አሞሌ ባለዕዳ አይቀበለውም እንደሚባለው፣ መንግስት የራሱን እውነት በራሱ አንደበት መግለጽ ሲሳነው፣ የውጭ አካላት ለሚነዙት የፈጠራ ትርክት ሰፊ በር ይከፍታል። ወረቀት ላይ ያሰፈሩትን ድንቅ "ሙያዊነትና ፈጠራ" መግለጫ ወደ መስጠት ቀይረው፣ ከዝምታው ማህበር ወጥተው ቢያወሩን የተሻለ ነው። አለበለዚያማ የመስሪያ ቤቱን ስም "የመንግስት ሚስጥር አጠባበቅ አገልግሎት" ብሎ መቀየር ሳይሻል አይቀርም።

(ዘ-ሐበሻ ዜና) በአዲስ አበባ የሚገኘው የአሜሪካ ኤምባሲ በሰሜን ኢትዮጵያ እያገረሸ ያለውን የጸጥታ ችግር ተከትሎ፣ የአሜሪካ ዜጎች ወደ አማራ፣ ትግራይ እና አፋር ክልሎች ከማቅናት ሙሉ በሙሉ እንዲቆጠቡ ጥብቅ ማሳሰቢያ አስተላልፏል።

የአሜሪካ የውጭ ጉዳይ ሚኒስቴር የጉዞ ማሳሰቢያ ክፍል ማምሻውን ባወጣው መረጃ መሰረት ኤምባሲው በአማራ ክልል ላሊበላ ከተማ አካባቢ ከባድ ውጊያ እየተካሄደ መሆኑን የሚያሳዩ ሪፖርቶች ደርሰውታል። ይህንን ተከትሎም የኢትዮጵያ አየር መንገድ ከሴፕቴምበር 24፣ 2026 ጀምሮ ወደ ላሊበላ አየር ማረፊያ እና ከላሊበላ የሚያደርጋቸውን በረራዎች ያቋረጠ ሲሆን፣ ኤምባሲው በረራዎቹ መቼ ዳግም ወደ መደበኛ እንቅስቃሴ እንደሚመለሱ እስካሁን መረጃ እንደሌለው አስታውቋል።

በሌላ በኩል በትግራይ ክልል የኢንተርኔት እና የስልክ አገልግሎቶች መቋረጣቸውን የሚያሳዩ መረጃዎች እንዳሉት ኤምባሲው በመግለጫው ጠቁሟል። ይህንን አሳሳቢ የጸጥታ ሁኔታ ግምት ውስጥ በማስገባት፣ የአሜሪካ ዜጎች በማንኛውም ምክንያት ላሊበላን ጨምሮ ወደ አማራ፣ ትግራይ እና አፋር ክልሎች ጉዞ እንዳያደርጉ ኤምባሲው አጥብቆ መክሯል።

በአሁኑ ወቅት በነዚህ ክልሎች ውስጥ የሚገኙ አሜሪካውያንም፣ መንገዱ ደህንነቱ የተጠበቀ ከሆነ በአስቸኳይ አካባቢውን ለቀው እንዲወጡ፤ ይህ የማይቻል ከሆነ ደግሞ የጸጥታ ሁኔታው እስኪሻሻል ድረስ ባሉበት ቦታ ራሳቸውን ደብቀው እንዲቆዩ ጥብቅ ትዕዛዝ ተላልፏል። ኤምባሲው ዜጎቹ ወቅታዊ መረጃዎችን ለማግኘት የአካባቢውን ሚዲያዎች በንቃት እንዲከታተሉ እና ስለ በረራዎች ሁኔታ ከአየር መንገዱ ጋር ቀጣይነት ያለው ግንኙነት እንዲያደርጉ አሳስቧል።






(ዘ-ሐበሻ ዜና) በአዲስ አበባ የሚገኘው የአሜሪካ ኤምባሲ በሰሜን ኢትዮጵያ እያገረሸ ያለውን የጸጥታ ችግር ተከትሎ፣ የአሜሪካ ዜጎች ወደ አማራ፣ ትግራይ እና አፋር ክልሎች ከማቅናት ሙሉ በሙሉ እንዲቆጠቡ ጥብቅ ማሳሰቢያ አስተላልፏል።

የአሜሪካ የውጭ ጉዳይ ሚኒስቴር የጉዞ ማሳሰቢያ ክፍል ማምሻውን ባወጣው መረጃ መሰረት ኤምባሲው በአማራ ክልል ላሊበላ ከተማ አካባቢ ከባድ ውጊያ እየተካሄደ መሆኑን የሚያሳዩ ሪፖርቶች ደርሰውታል። ይህንን ተከትሎም የኢትዮጵያ አየር መንገድ ከሴፕቴምበር 24፣ 2026 ጀምሮ ወደ ላሊበላ አየር ማረፊያ እና ከላሊበላ የሚያደርጋቸውን በረራዎች ያቋረጠ ሲሆን፣ ኤምባሲው በረራዎቹ መቼ ዳግም ወደ መደበኛ እንቅስቃሴ እንደሚመለሱ እስካሁን መረጃ እንደሌለው አስታውቋል።

በሌላ በኩል በትግራይ ክልል የኢንተርኔት እና የስልክ አገልግሎቶች መቋረጣቸውን የሚያሳዩ መረጃዎች እንዳሉት ኤምባሲው በመግለጫው ጠቁሟል። ይህንን አሳሳቢ የጸጥታ ሁኔታ ግምት ውስጥ በማስገባት፣ የአሜሪካ ዜጎች በማንኛውም ምክንያት ላሊበላን ጨምሮ ወደ አማራ፣ ትግራይ እና አፋር ክልሎች ጉዞ እንዳያደርጉ ኤምባሲው አጥብቆ መክሯል።

በአሁኑ ወቅት በነዚህ ክልሎች ውስጥ የሚገኙ አሜሪካውያንም፣ መንገዱ ደህንነቱ የተጠበቀ ከሆነ በአስቸኳይ አካባቢውን ለቀው እንዲወጡ፤ ይህ የማይቻል ከሆነ ደግሞ የጸጥታ ሁኔታው እስኪሻሻል ድረስ ባሉበት ቦታ ራሳቸውን ደብቀው እንዲቆዩ ጥብቅ ትዕዛዝ ተላልፏል። ኤምባሲው ዜጎቹ ወቅታዊ መረጃዎችን ለማግኘት የአካባቢውን ሚዲያዎች በንቃት እንዲከታተሉ እና ስለ በረራዎች ሁኔታ ከአየር መንገዱ ጋር ቀጣይነት ያለው ግንኙነት እንዲያደርጉ አሳስቧል።

የአሜሪካ ኢሚግሬሽን 5 ወቅታዊ መረጃዎችን ከጠበቃ ሙሉዓለም ይከታተሉ | VOEA Amharic ዩቱብ ቻናል ላይ ያገኙታል

ኤርትራዊቷ ሞዴል ስኒት ሀብተአብ በ2 ሰዓት ውስጥ 100ሺ ድምጽ አገኘች

​#fastmereja I በዓለም አቀፉ Miss World ውድድር ኤርትራን ወክላ በመሳተፍ ላይ የምትገኘው ሞዴል ስኒት ሀብተአብ በህዝባዊ የኦንላይን ድምፅ አሰጣጥ በዓለም ደረጃ የመጀመሪያውን ደረጃ በመያዝ አዲስ ታሪክ አስመዘገበች።

​በቀረበው ወቅታዊ መረጃ መሰረት ሞዴል ስኒት ሀብተአብ በተደረገላት ከፍተኛ የህዝብ ድጋፍ በሁለት ሰዓታት ውስጥ ብቻ 100 ሺህ ተጨማሪ ድምፆችን በማከማቸት አጠቃላይ ያገኘችውን የድምፅ መጠን ከ700 ሺህ ወደ 800 ሺህ በላይ ማሳደግ ችላለች። ይህም በውድድሩ የህዝብ ድምፅ ምዕራፍ እየመራች ሲሆን የድምፅ አሰጣጡ ፍጥነት በከፍተኛ ሁኔታ እየጨመረ እንደሚገኝ ታይቷል።

በሁለተኛ ደረጃ ላይ የምትገኘው ኢትዮጵያዊቷ ሞዴል ሩት ድምጽ አሰጣጥ ምሽቱን በተለያዩ የማህበራዊ ሚዲያ ገጾች ቅስቀሳ እየተደረገላት ሲሆን በርካታ ድምጽ እያገኘች ትገኛለች።

"የዜሮ እዳ ባለቤቶች"
#ethiopia | በዓለም አቀፉ የገንዘብ ተቋም (IMF) በኩል የሚሰጡ የብድር አቅርቦት እና የፋይናንስ ድጋፍ ለብዙ አፍሪካ ሀገራት ኢኮኖሚ የጀርባ አጥንት ነው።

2026 ከተቋሙ አነስተኛ የብድር እዳ ያለባቸው የአፍሪካ ሀገራት ዝርዝር ይፋ ሆኗል።

እንደ አለም አቀፉ የገንዘብ ተቋም ወቅታዊ መረጃ አነስተኛ የብድር እዳ ካለባቸው ሀገራት መካከል በመጀመሪያው ተሰልፈው የሚገኙት በድርጅቱ አሰራርና አጠራር መሠረት የዜሮ እዳ ባለቤት የሆኑት ሀገራት ናቸው።

በዚህም ቦትስዋና፣ ሊቢያ፣ ኤርትራ፣ አልጄሪያ፣ ናይጄሪያ እና ሞሪሸስ ከIMF ጋር አሁናዊ የብድር እዳ የሌለባቸው ሀገራት በመሆን የዝርዝሩን አናት ይዘዋል።

በሌላ በኩል ከተቋሙ ጋር ንቁ የብድር ፕሮግራም እያካሄዱ ነገር ግን በዝቅተኛ የብድር መጠን ዝርዝር ውስጥ የተካተቱት 10 የአፍሪካ ሀገራትም አሉ።

ሌሶቶ፣ ኤስዋቲኒ፣ ጂቡቲ፣ ኮምሮስ፣
ሳኦ ቶሜ ፕሬንስፔ፣ኢኳቶሪያል ጊኒ፣ጊኒ ቢሳዎ፣ኬፕ ቨርዴ፣ ሲሸልስ እና ቡሩንዲ ከድርጅቱ አነስተኛ የብድር መጠን ያለባቸው የአፍሪካ ሀገራት ናቸው ተብሏል።

አነስተኛ የብድር እዳ ካለባቸው ሀገራት መሀከል አብዛኞቹ ደሴትና አነስተኛ የህዝብ ቁጥር ያላቸው ሀገራት ናቸው።

የIMF እዳ አነስተኛ መሆኑ ሀገራቱ የራሳቸውን የኢኮኖሚ ፖሊሲ በነጻነት ለመቅረጽና ከውጭ ጫና ለመጠበቅ ትልቅ እድል እንደሚፈጥርላቸው ነው የምጣኔ ሀብት ባለሙያዎች የሚናገሩት።

ሔኖክ ወ/ገብርኤል
#ethiopia #getutemesgen #getunews #imf #debt #economi

የመጽሐፍት አውደ ርዕይና ሽያጭ በታሪካዊው ራስ ሆቴል ግቢ ውስጥ ተጀመረ

​በዋና ከተማችን የአንባቢነትንና የንባብ ባህልን አዲስ ትንፋሽ ለመዝራት ያለመ፣ እጅግ ማራኪ የመጽሐፍት ኤግዚቢሽንና ሽያጭ በዛሬው ዕለት በራስ ሆቴል ቅጥር ግቢ ውስጥ በድምቀት ተጀምሯል።

​የዝግጅቱ አስተባባሪዎች እንደገለጹት፣ በአውደ ርዕዩ ላይ ከገበያ የጠፉና ለማግኘት አስቸጋሪ የሆኑ ብርቅዬ የጥበብ ስራዎችን ጨምሮ፣ በሺዎች የሚቆጠሩና ልዩ ልዩ የርዕስ ጉዳዮችን የዳሰሱ መጽሐፍት ለአንባብያን ያቀርበዋል ብለዋል። ይህ ለየት ያለ መድረክ የሶስት ቀናት ቆይታ የሚኖረው ሲሆን ከዛሬ አርብ ጀምሮ እሁድ እንደሚጠናቀቅ አዘጋጆቹ ገልፀዋል።

አዘጋጆቹ እንዳሉት​"የዕውቀት ጥማትዎን የሚያረኩ የትም ተፈልገው ያወጧቸውን መፃህፍት እኛ ጋር ያገኛሉ ''ብለዋል። በተጨማሪም ​አንባቢዎች የሚፈልጓቸውን መጽሐፍት በቀላሉ እንዲያገኙና ወቅታዊ መረጃዎችን እንዲከታተሉ፣ በቴሌግራም፣ በቲክቶክ እና በሌሎች የማህበራዊ ሚዲያ አማራጮች አማካኝነት የማስተዋወቅ ስራው በስፋት እየተሰራ ይገኛል።

ዛሬ በኤግዚቢሽኑ ላይ ያልተካተቱ በርካታ አዳዲስ መጽሐፍት ነገ በልዩ ሁኔታ ተጨምረው ለሽያጭና ለንባብ እንደሚቀርቡ አስተባባሪዎቹ በምስራችነት ገልጸዋል።

​ይህ የዕውቀትና የጥበብ ድግስ እንዳያመልጥዎ! መጽሐፍ ወዳውያን በሙሉ በአካል በመገኘት የልባቸውን መጽሐፍ እንዲመርጡና ከዚህ ታላቅ የዕውቀት ማዕድ ተጠቃሚ እንዲሆኑ አዘጋጆቹ የከበረ ጥሪያቸውን አስተላልፈዋል።

(ዘ-ሐበሻ ዜና) የሕወሓት ጽሕፈት ቤት ኃላፊ ወ/ሮ ፈትለወርቅ ገብረእግዚአብሔር (ሞንጆሪኖ)፣ የፌደራል መንግስቱ ወታደሮቹን ከምዕራብ ትግራይ ወደ ምስራቅ ትግራይ እያዘዋወረ መሆኑን አስታወቁ። ኃላፊዋ ይህንን ወሳኝ ወቅታዊ መረጃ ይፋ ያደረጉት ዛሬ ማምሻውን በሰጡት ጋዜጣዊ መግለጫ ነው።

በጋዜጣዊ መግለጫው ላይ በዋናነት ከተነሱት አበይት ጉዳዮች አንዱ የጸጥታ እና የጦር እንቅስቃሴ ጉዳይ ነው። ወ/ሮ ፈትለወርቅ እንዳስታወቁት፣ የፌደራል መንግስቱ በአሁኑ ወቅት ወታደሮቹን ከምዕራብ ትግራይ አካባቢዎች በማንሳት ወደ ምስራቅ ትግራይ እያሰማራ ይገኛል ብለዋል። የዚህን ወታደራዊ እንቅስቃሴ ዝርዝር ዓላማ በመግለጫው ላይ በግልጽ ባያብራሩም፣ ድርጊቱን በቅርበት እየተከታተሉት መሆኑን አመላክተዋል።

በቅርቡ የዩናይትድ ስቴትስ መንግስት "አክራሪ" ባላቸው የሕወሓት አመራሮች እና አባላት ላይ የጣለውን የቪዛ እገዳ አስመልክቶ ኃላፊዋ ጠንከር ያለ ምላሽ ሰጥተዋል። ወ/ሮ ፈትለወርቅ አሜሪካ የወሰደችው ይህ የቪዛ እገዳ እርምጃ፣ በግለሰቦች ላይ የተጣለ ማዕቀብ ሳይሆን በቀጥታ በሕወሓት "መርሆች" ላይ ያነጣጠረ ነው ሲሉ ኮንነውታል። ሕወሓት በማንኛውም ጫና ውስጥ ቢሆን በመሠረታዊ መርሆዎቹ ላይ ፈጽሞ እንደማይደራደርም በመግለጫቸው አጽንዖት ሰጥተዋል።

ይህንኑ ማዕቀብ ተከትሎ አክለውም፣ የሕወሓት አመራር ወደ አዲስ አበባም ሆነ ከኢትዮጵያ ውጭ የመጓዝ ምንም ዓይነት ፍላጎት እንደሌለው ለአሜሪካ መንግስት በግልጽ ተናግረዋል።

ኃላፊዋ በንግግራቸው ማጠቃለያ ላይ የትግራይ ሕዝብ እና የሕወሓት መሠረታዊ ጥያቄ "ራስን በራስ የማስተዳደርና የራስን ዕጣ ፈንታ በራስ የመወሰን" መብትን ማረጋገጥ መሆኑን አስታውሰዋል።

ለአሜሪካ መንግስት ግልጽ መልዕክት ያስተላለፉት ወ/ሮ ፈትለወርቅ፤ የአሜሪካ መንግስት ቀጠናዊ ጥቅሙን ሊያረጋግጥ እና ሊያስጠብቅ የሚችለው ሕወሓትን በማስፈራራት ሳይሆን፣ ከሕወሓት ጋር አብሮ በመስራት ብቻ መሆኑን ማሳሰባቸውን በዘገባው ተጠቅሷል።

-

✈️🌍 የጉዞ መረጃዎችን በጽሑፍ መልዕክት በነጻ ያግኙ!

አሁን ወደ ተመረጡ የዓለማችን አገራት (UAE፣ ሳውዲ አረቢያ፣ ኳታር፣ ዮርዳኖስ፣ እንግሊዝ፣ ሌባኖስ፣ ፈረንሳይ፣ ናይጄሪያ፣ ቱርክ እና ጣሊያን) ሲጓዙ፣ ስለሚገኙበት አካባቢ ጠቃሚና ወቅታዊ መረጃዎችን በፈጣን የጽሑፍ መልዕክት (SMS) በነጻ ያገኛሉ።

📍 ወደ አገራቱ ሲገቡ ወዲያውኑ የሚደርስ
📱 ምንም ዓይነት የኢንተርኔት ግንኙነት ወይም የሞባይል መተግበሪያ ሳይፈልግ በSMS ብቻ 🛡 አገልግሎቱን በማንኛውም ጊዜ መቀላቀል ወይም ማቋረጥ የሚያስችል
💬 በቀን ቢበዛ እስከ 3 የጽሑፍ መልዕክቶች ብቻ

የሮሚንግ አገልግሎት ሲመዘገቡ አብረው ያስጀምሩ፤ የትም ቦታ ቢሆኑ መረጃ ከጎንዎ ነው!
#ethiotelecom #sibiatech #roamingservice #telebirr #telebirrsuperapp #digitalethiopia #realizingdigitalethiopia

አትሌት ጉዳፍ ጸጋዬ አዲስ መግለጫ አወጣች
#ethiopia | ታዋቂዋ አትሌት ጉዳፍ ጸጋዬ ለስፖርት ወዳጆችና ለደጋፊዎቿ ወቅታዊ መረጃ አጋርታለች።

ከእርሷ ጋር ተያይዞ ለቀረበው ዜና ምላሽ በሰጠችበት እንደገለጸችው የመውለድ አቅሟን ለማሻሻል በሃኪሟ ትዕዛዝ መሠረት የሌትሮዞል የተሰኘ ማሟያ መድኃኒት ስትወስድ ቆይታለች።

በአሁኑ ወቅት እርግዝናዋ በጥሩ ሁኔታና በጥሩ ጤንነት ላይ እንደሚገኝ የገለጸችው አትሌቷ ልጇ እንደተወለደች ወደምትወደው የስፖርት ውድድር በፍጥነት ለመመለስ ተስፋ እንደምታደርግ አስታውቃለች።

በተጨማሪም ለደጋፊዎቿ በሙሉ ላሳዩዋት ፍቅርና ድጋፍ ምስጋናዋን ያቀረበች ሲሆን የዓለም አትሌቲክስ ክፍል ላሳያት ግንዛቤና ድጋፍ አድናቆቷን ገልጻለች።
#gudaftsegay #athletics #ethiopianathletics #sportsnews #getutemesgen #getu #ጌጡ #ጌጡተመስገን #addisababa

በጋምቤላ ፕሬዝዳንት ቤተ መንግስት ለሰዓታት የቆየ ተኩስ‼

በጋምቤላ ከተማ የክልሉ ፕሬዝዳንት ቤተ መንግስት አጠገብ ከ 12:20 አንስቶ እስከ 2:30 ሰዓት ከፍተኛ የተኩስ ድምጽ እንደተሰማ የከተማዋ ኗሪዎች ገልፀዋል።

የጋምቤላ ክልላዊ መንግሥት ዘግይቶ ባወጣው መግለጫም፤ አንድ የፌዴራል ፖሊስ አባል ተኩስ መክፈቱን ገልጿል።

ለሰዓታት በቆየው የተኩስ ልውውጥ የደረሰ ጉዳት ይኑር/አይኑር የገለፀው ነገር የለም።

ከጋምቤላ ክልላዊ መንግሥት በተሰጠ ወቅታዊ መረጃ መሠረት፣ ዛሬ ማምሻውን በጋምቤላ ከተማ ውስጥ በአንድ የፌዴራል ፖሊስ አባል የተነሳ ያልተጠበቀ የተኩስ ክስተት መፈጠሩን ገልጿል።

ክስተቱ ከተፈጠረ በኋላ የክልሉና የፌዴራል ፀጥታ አካላት በቅንጅት በመንቀሳቀስ ሁኔታው ወደ ከፋ ደረጃ እንዳይሸጋገር እንቅስቃሴ አድርጓል ብሏል።

Seledadotio
Seledadotio

አፍሪካ ተቀይራለች በጣም ያማረና አስደናቂ ቦታ ነው‼️

ዲላን ፔጅ የኢትዮጵያ አርቲፊሻል ኢንተለጀንስ ኢንስቲትዩትን ጎበኘ

አዲስ አበባ — በዓለማቀፍ ደረጃ በሚሊዮኖች ዘንድ ተወዳጅነትን ያተረፈው ታዋቂው የዲጂታል ጋዜጠኛ እና የማህበራዊ ሚዲያ ይዘት ፈጣሪ ዲላን ፔጅ (Dylan Page) በኢትዮጵያ አርቲፊሻል ኢንተለጀንስ ኢንስቲትዩት የስራ ጉብኝት አደረገ።

ጉብኝቱ በተቋሙ ውስጥ እየተከናወኑ ያሉ የቴክኖሎጂ ፈጠራዎችን እና የምርምር ስራዎችን በቅርብ ለመመልከት ያለመ መሆኑ ታውቋል።

ዲላን ፔጅ በኢንስቲትዩቱ ባደረገው ቆይታ የተመለከታቸውን ዘመናዊ የቴክኖሎጂ ስራዎች አድንቆ፣ ጉብኝቱ ስለ አፍሪካ አህጉር ያለውን የተሳሳተ ግንዛቤ የሚቀይር መሆኑን ገልጿል። ይዘት ፈጣሪው በሰጠው አስተያየት፡

"ይህን በቴክኖሎጂ የተቃኘ ቦታ ሳየው እጅግ ተደምሜያለሁ፤ በጣም ያማረና አስደናቂ ቦታ ነው። አፍሪካ ተቀይራለች፤ ይህ ተቋም ደግሞ የአህጉሪቱን አዲስ ገፅታ ለዓለም የሚያሳይ ስፍራ ሆኖ አግኝቼዋለሁ። ባየሁት ነገር ሁሉ እጅግ ደስተኛ ነኝ።"

ዲላን ፔጅ እና በዲጂታል ጋዜጠኝነት ያለው ተፅዕኖ
በፈጣን፣ አጭር፣ ሳቢ እና ለመረዳት ቀላል በሆኑ አቀራረቦች ዓለማቀፍ ዜናዎችን እና ወቅታዊ መረጃዎችን ለወጣቱ ትውልድ በማድረስ የሚታወቀው ዲላን ፔጅ፣ በማህበራዊ ሚዲያ ላይ ከፍተኛ ተፅዕኖ ካላቸው ግለሰቦች መካከል አንዱ ነው።

በተለይም በቲክቶክ (TikTok) ገጹ ከ19 ሚሊዮን በላይ ተከታዮችን ማፍራት የቻለው ዲላን፣ ወጣቱ ትውልድ መረጃና ዜናዎችን የሚቀበልበትን ባህላዊ መንገድ በመቀየር ረገድ በዓለም አቀፍ ደረጃ ግንባር ቀደም ተጠቃሽ መሆን ችሏል።

Via የኢትዮጵያ አርቲፊሻል ኢንተለጀንስ ኢንስቲትዩት

seledadotio
seledadotio

የዘ-ሐበሻ ስፖርት ዝግጅት ክፍል ዓመቱን ሙሉ የፕሪሚየር ሊግ ውድድሮችን ትኩስ እና ወቅታዊ መረጃዎች ለእናንተ ለክቡራን ተከታታዮቻችን ሲያደርስ መቆየቱ ይታወሳል። በቀጣዩ የውድድር ዓመት ደግሞ ካለፉት ስህተቶቻችን በመማር፣ ይበልጥ በተሻለ እና በተቀላጠፈ አቀራረብ እናንተን ለማገልገል ከወዲሁ ዝግጁ ነን። ለዛሬው የክለቡን ዋንጫ ማንሳት ተከትሎ፣ የታዋቂ ኢትዮጵያውያን የአርሰናል ደጋፊዎችን ምስል በአንድ ላይ እንደሚከተለው ጋብዘናችኋል፤ አብራችሁን ሁኑ!

(ዘ-ሐበሻ ዜና) በካሊፎርኒያ ግዛት በሳን ዲዬጎ ከተማ በሚገኘው ታላቁ መስጂድ ላይ የተፈጸመውን አሰቃቂ ጥቃት ተከትሎ፣ የሳን ዲዬጎ የካቶሊክ ዲዮሴስ ከሙስሊሙ ማህበረሰብ ጋር በኅብረት እና በጸሎት አብሮ እንደሚቆም በይፋ አስታውቋል። የዲዮሴሱ ቢሾፍ ማይክል ፋም በዛሬው ዕለት ባወጡት መግለጫ፣ ድርጊቱን ምክንያት አልባ እና ዘግናኝ የጥቃት ድርጊት ሲሉ የኮነኑት ሲሆን፤ ለተጎጂ ቤተሰቦች እና ለመላው የሙስሊም ማህበረሰብ ያላቸውን ጥልቅ መረዳት፣ አጋርነት እና ልባዊ ጸሎት አቅርበዋል።

ቢሾፍ ፋም በመግለጫቸው ላይ እንዳሰፈሩት፣ ጥቃቱ የተፈጸመበት የሳን ዲዬጎ እስላማዊ ማዕከል በተለይም ስደተኞችን በመደገፍ እና ፍትህን በማስፈን ረገድ ለረጅም ጊዜ አብሮአቸው የሠራ የቆየ የቅርብ አጋራቸው ነው። የአምልኮ ሥፍራዎች ሁልጊዜም የሰላም፣ የደህንነት እና የጸሎት መጠለያዎች መሆን እንዳለባቸው የጠቆሙት ቢሾፉ፣ በአንድ የእምነት ማህበረሰብ ላይ የሚሰነዘር ጥቃት በሰው ልጅ የተቀደሰ ክብር ላይ የተሰነዘረ ጥቃት መሆኑን አጽንኦት ሰጥተዋል።

በአሁኑ ወቅት የወጡ ዘ-ሐበሻ ያሰባሰባቸው ወቅታዊ መረጃዎች እንደሚያመለክቱት፣ በዚህ አሰቃቂ ጥቃት የጥበቃ ሰራተኛውን ጨምሮ የሦስት ንፁሃን ዜጎች ሕይወት አልፏል። የሳን ዲዬጎ ፖሊስ አዛዥ ስኮት ዋህል እንደገለጹት፣ ሕይወቱን የሰጠው ጥበቃ ሰራተኛ በወቅቱ ባሳየው እጅግ አስደናቂ የጀግንነት ተጋድሎ የብዙዎችን ሕይወት ማዳን ችሏል። ጥቃቱን ፈጽመዋል ተብለው የተጠረጠሩት የ17 እና የ18 ዓመት ሁለት ታዳጊዎች ከመስጂዱ አቅራቢያ በቆመ መኪና ውስጥ ራሳቸውን አጥፍተው ሞተው ተገኝተዋል።

ከተባባሪዎቹ መካከል አንዱ የ17 ዓመቱ ኬን ክላርክ መሆኑ የተረጋገጠ ሲሆን፣ ጥቃቱ ከመፈጸሙ ከሰዓታት በፊት እናቱ ልጇ፣ መኪናዋ እና ሦስት ገዳይ መሣሪያዎች አብረው መጥፋታቸውን ለፖሊስ አመልክታ ነበር። በአሁኑ ሰዓት የሕግ አስከባሪ አካላት ጥቃቱን የጥላቻ ወንጀል በማድረግ ምርመራቸውን በስፋት ቀጥለዋል። ለጥቃቱ ጥቅም ላይ ከዋሉት መሣሪያዎች በአንዱ ላይ የጥላቻ ንግግሮች ተፅፈው የተገኙ ሲሆን፣ ከተጠርጣሪዎቹ በአንዱ ቤት ውስጥ ደግሞ ስለ ዘር የበላይነት እና ኩራት የሚናገር የራስ ማጥፊያ ማስታወሻ መገኘቱን የደህንነት ባለሥልጣናት ለሲኤንኤን አረጋግጠዋል።

የረምብል ገጻችንን ቢከተሉ ወቅታዊ መረጃዎች፣ ዕለታዊ ዜናዎች፣ ትንታኔዎች እና ሌሎችንም ያገኛሉ።

" target="_blank" class="inline-link">https://new-en.yenevibe.co...

እስካሁን ከ42 ሚሊዮን በላይ መራጮች ተመዝግበዋል - ምርጫ ቦርድ

ለ7ኛው ጠቅላላ ምርጫ እስካሁን ከ42 ሚሊዮን በላይ መራጮች መመዝገባቸውን የኢትዮጵያ ብሔራዊ ምርጫ ቦርድ አስታወቀ፡፡

የኢትዮጵያ ብሔራዊ ምርጫ ቦርድ ለ7ኛው ጠቅላላ ምርጫ እየተከናወኑ ያሉ ተግባራትን በተመለከተ ወቅታዊ መረጃዎችን ይፋ አድርጓል።

ቦርዱ ባወጣው መረጃ መሠረት፣ እስከ ሚያዚያ 1 ቀን 2018 ዓ.ም ድረስ ባለው ጊዜ ውስጥ በድምሩ 42,167,911 መራጮች መመዝገባቸውን ገልጿል።

ከተመዝጋቢዎቹ ውስጥ 22,746,079 የሚሆኑት ወንዶች ሲሆኑ፣ ቀሪዎቹ 19,421,832 ደግሞ ሴት መራጮች መሆናቸው ተመልክቷል።

ቦርዱ ይፋ ባደረገው መረጃ መሠረት የአካል ጉዳተኞችን ተሳትፎ በተመለከተም 96,274 ወንድ እና 67,978 ሴት የአካል ጉዳተኛ መራጮች ለምርጫው መመዝገባቸው ታውቋል።

seledadotio
seledadotio

በኢራን ተራራማ ምድር የተካሄደው አስገራሚው ኦፕሬሽን !

"አሜሪካ የአየር ኃይል መኮንኗን ከኢራን ለማስለቀቅ ያከናወነችው ኦፕሬሽን እንዴት ተካሄደ?"

የኔታ ሚዲያ

የአለምን ትኩረት በሳበውና በከፍተኛ ውጥረት ውስጥ በነበረው የኢራን እና አሜሪካ ግጭት ውስጥ ሌላ አዲስ አስገራሚ ክስተት ተሰምቷል።
ፕሬዝዳንት ዶናልድ ትራምፕ እንዳስታወቁት በኢራን ምድር የጦር አውሮፕላናቸው ተመትቶባቸው ተሰውረው የነበሩት ሁለተኛው የአየር ኃይል መኮንን በልዩ ኮማንዶ ኦፕሬሽን በሰላም ተርፈዋል።

ባለፈው አርብ እለት የአሜሪካው ዘመናዊ የጦር አውሮፕላን F-15E ስትራይክ ኢግል (Strike Eagle) በደቡባዊ ኢራን ላይ ተመትቶ ወደቀ። አውሮፕላኑ ውስጥ የነበሩት ሁለት መኮንኖች በፓራሹት ዘልለው ቢወጡም አብራሪው (Pilot) ወዲያውኑ ሲገኝ የጦር መሳሪያ ስርአት መኮንኑ (Weapons Systems Officer) ግን በኢራን አስቸጋሪ ተራራማ ስፍራዎች ውስጥ ተሰውሮ ለሁለት ቀናት ቆይቷል።

የ7 ሰዓታት የሞት እና የሽረት ትግል!

ፕሬዝዳንት ትራምፕ "በጣም የተከበሩ ኮሎኔል" ሲሉ የጠሯቸው ይህ መኮንን በኢራን ወታደሮች እየታደኑ ለሁለት ቀናት በተራራማው የኮጊሉዬህ እና ቦየር-አህመድ ግዛት ውስጥ ለመደበቅ ተገደው ነበር።

ኢራን መኮንኑን በቁጥጥር ስር አውላ ለፖለቲካዊ መጠቀሚያ (የጦር ምርኮኛ) ለማድረግ ከፍተኛ ፍለጋ ብታደርግም አሜሪካ ግን በመኮንኑ ላይ የተገጠመውን ዘመናዊ መከታተያ በመጠቀም በደቂቃ ልዩነት እንቅስቃሴውን ስትከታተል ነበረ።

ብቸኛ አልነበረም! ያሉት ትራምፕ በመቶዎች የሚቆጠሩ የአየር ኃይል አባላት እና ዘመናዊ ጄቶች መኮንኑን ለማዳን በኢራን ሰማይ ላይ ለ7 ሰዓታት ያህል ሲያንዣብቡ መቆየታቸውን ገልጸዋል።

በመጨረሻም በሁለተኛው ዙር ጥቃት በጠራራ ፀሐይ በተካሄደ ኦፕሬሽን መኮንኑን ከኢራን ምድር ነጥቀው አውጥተውታል።

ኦፕሬሽኑ ያለ መስዋዕትነት አላለፈም የኢራን አብዮታዊ ዘበኛ (IRGC) እንደገለጸው በአሜሪካ የነፍስ አድኑ ዘመቻ ወቅት ሁለት የሲ-130 (C-130) የጭነት አውሮፕላኖች እና ሁለት ብላክ ሃውክ ሄሊኮፕተሮች ተመትተዋል።
አሜሪካ በበኩሏ አውሮፕላኖቹ በጠላት እጅ እንዳይወድቁ በሚል ራሷ እንዳፈነዳቻቸው ፍንጭ ሰጥታለች።

ግጭቱ ከተቀሰቀሰበት የካቲት 28 ጀምሮ 13 የአሜሪካ ወታደሮች ተገድለዋል ከ300 በላይ ቆስለዋል። ነገር ግን እስካሁን በኢራን እጅ የወደቀ አንድም የአሜሪካ ወታደር የለም።

በዚሁ ኦፕሬሽን ወቅት በኢራን ምድር በተሰነዘሩ ጥቃቶች 9 ሰዎች መገደላቸው ተዘግቧል።
ፕሬዝዳንት ትራምፕ ዛሬ ሰኞ በኢትዮጵያ አቆጣጠር ምሽት ላይ በኋይት ሃውስ ከጦር አዛዦች ጋር በመሆን ስለ ኦፕሬሽኑ ዝርዝር መግለጫ ይሰጣሉ ተብሎ ይጠበቃል።

ለተጨማሪ ወቅታዊ መረጃዎች የኔታ ሚዲያን ይከታተሉ!
#us #iran #trump #militaryoperation #yenetamedia #ethiopia #breakingnews

የወንጀል ምስክሮችና ጠቋሚዎች የሕግ ጥበቃ
በኢትዮጵያ ህግ ማእቀፍ

ጠበቃና የህግ አማካሪ ፋንታሁን ደለለው
0929101037,0983337690

መግቢያ #ethiopia | በኢትዮጵያ ወንጀልን እና ሙስናን ለሚያጋልጡ ጠቋሚዎች ማንነትን መደበቅ፣ ምስጢራዊነትን መጠበቅ እና ከበቀል እርምጃ የመከላከል ህጋዊ ጥበቃ ይደረጋል። ይህ ጥበቃ በተለይም ሙስናን የሚዘግቡ ወገኖች ላይ የሚደርስን ተጽዕኖ ለመቀነስ እና ጠቋሚዎች ያለስጋት መረጃ እንዲሰጡ ለማበረታታት ያለመ ነው።

የተለያዩ የአለማችን ሀገራት ለወንጀል ጠቋሚዎችና ምስክሮች ጥበቃ የሚያደርጉ ሲሆን ይህን የሚያደርጉትም ከባድ እና የተደራጁ ወንጀሎችን በሚመለከት ለሚቀርቡ ጠቋሚዎችና ምስክሮች ነው፡፡ ሀገራችንም ይህንኑ በመረዳት የወንጀል ምስክሮችና ጠቋሚዎች ጥበቃ አዋጅ ቁጥር 699/2003 አውጥታ በህግ በተመለከቱ ወንጀሎች ላይ ምስክሮችና ጠቋሚዎች ለሆኑ ሰዎች ጥበቃ ለማድረግ ጥረት በማድረግ ላይ ትገኛለች፡፡ በዚህ ፅሁፍ የምስክር እና ጠቋሚዎችን ጥበቃ ምንነትና የጥበቃ ስምምነት፣ የጥበቃ እርምጃ ዓይነቶችን እና ጥበቃ የሚደረግባቸውን ወንጀሎች በአጭሩ እንዳስሳለን፡፡

1. የጠቋሚዎችና ምስክሮች ጥበቃ ምንነት እና የጥበቃ ስምምነት

የጠቋሚዎችና ምስክሮች ጥበቃ ማለት አንድን ወንጀል በተመለከተ የሚያውቀውን ለፍርድ ቤት ወይም ለፖሊስ ለመግለፅ የተስማማ ጠቋሚ ወይም ምስክር ቃሉን ወይም መረጃውን በመስጠቱ ምክንያት በራሱ ወይም በቤተሰቡ ላይ ከሚቃጣበት ጉዳት የሚጠበቅበት በህግ የተዘረጋ ሥርአት ነው፡፡ ይህም በጥበቃ ስምምነት መሰረት የሚፈፀም ሲሆን ስምምነቱ በጥበቃ ተጠቃሚው እና በፍትህ ሚኒስቴር መካከል የሚደረግ ነው፡፡ በአዋጁ አንቀፅ 2(2) መሰረት የጥበቃ ተጠቃሚ ከሚኒስቴሩ ጋር የጥበቃ ስምምነት የተፈራረመ ጠቋሚ ወይም የምስክር ወይም የጠቋሚ ወይም የምስክር ቤተሰብ አባል ነው፡፡ የጥበቃ ተጠቃሚው አካለ መጠን ያላደረሰ ወይም በፍርድ የተከለከለ ሰው ከሆነ የጥበቃ ስምምነቱ ከወላጆቹ ወይም ከአሳዳሪው ጋር የሚፈረም ሲሆን ነገር ግን የጥበቃ ተጠቃሚው አካለ መጠን ከደረሰ ወይም የህግ ችሎታውን መልሶ ካገኘ በኋላ ጥበቃው የሚቀጥል ከሆነ ስምምነቱን የጥበቃ ተጠቃሚው ራሱ መፈረም እንዳለበት በአዋጁ አንቀፅ 8(3) ተደንግጎ ይገኛል፡፡

2. የጥበቃ ተጠቃሚው የሆነው አካለ መጠን ያላደረሰ ልጅ ሲሆን

መረጃ ወይም ምስክርነት የሚሰጠው በወላጁ ወይም በአሳዳሪው ላይ ሲሆን፣ ወላጅ ወይም አሳዳሪ የሌለው ሲሆን፣ አስፈላጊው ጥረት ተደርጎ ወላጁን ወይም አሳዳሪውን ማግኘት ያልተቻለ እንደሆነ፣ ወላጁ ወይም አሳዳሪው በቂ ባልሆነ ምክንያት ፈቃዱን ሳይሰጥ ሲቀር ወይም በማናቸውም ምክንያት ፈቃዱን መስጠት ሳይችል ሲቀር ሚኒስቴሩ ከልጁ ጋር ልዩ የጥበቃ ስምምነት ሊፈራረም እንደሚችል ከአዋጁ አንቀፅ 9(1) መረዳት ይቻላል፡፡ ሆኖም አካለ መጠን ካላደረሰ ልጅ ጋር የተደረገ ልዩ የጥበቃ ስምምነት ከተፈረመበት ዕለት ጀምሮ ባሉት አስር ቀናት ውስጥ ለፌዴራል ከፍተኛ ፍርድ ቤት ቀርቦ መጽደቅ አለበት፡፡ ፍርድ ቤቱም አካለ መጠን ያላደረሰው ልጅ ጥቅምና ደህንነት ይበልጥ ሊረጋገጥ የሚችልበትን ሁኔታ ግምት ውስጥ በማስገባት የጥበቃ ስምምነቱን መሻር፣ ማጽደቅ ወይም ማሻሻል እንደሚችል በአዋጁ አንቀጽ 9(4) ስር ተደንግጎ ይገኛል፡፡

3. ዋና ዋና የጥበቃ አይነቶች

3.1 ማንነትን መደበቅ፦ የጠቋሚው ማንነት በምርመራ እና ክስ ሂደት ውስጥ በምስጢር እንዲያዝ ይደረጋል።

3.2 ከበቀል ጥበቃ፦ ጠቋሚዎች በስራ ቦታቸው ወይም በሌላ ቦታ ላይ ለጠቆሙት ጥቆማ በቀል እንዳይደርስባቸው ህጉ ይከለክላል።

3.3 የደህንነት ከለላ፦ የወንጀል ድርጊቶችን በመጠቆማቸው ህይወታቸው ወይም ንብረታቸው አደጋ ላይ ሊወድቅ በሚችልበት ጊዜ ጥበቃ ይደረግላቸዋል።

3.4 ህጋዊ ጥበቃ (Immunities): ጠቋሚዎች ከሰጡት መረጃ ጋር በተያያዘ ከፍትሐብሔር ወይም የወንጀል ተጠያቂነት ጥበቃ ሊደረግላቸው ይችላል። እነዚህ ዋና ዋናዎቹ ሲሆኑ በዝርዝር ሌሎቹንም ጨምሮ ከዚህ በታች ባለው ክፍል የጥበቃ አይነት እና ጥበቃ ለሚያስፈልጋቸው አካላት የሚወሰድላቸው የህግ ጥበቃ አፈጻጸም እንመለከታለን።

4. የጥበቃ ዓይነቶች እና አፈጻጸም

ለወንጀል ጠቋሚዎችና ምስክሮች የሚደረጉ የጥበቃ እና የጥንቃቄ እርምጃዎች በአዋጁ አንቀጽ 4 ስር ተዘርዝረው ይገኛሉ፡፡ የጥበቃ እና የጥንቃቄ እርምጃዎች እንደ ሁኔታው በተናጠል ወይም በጣምራ ለጥበቃ ተጠቃሚ ተፈጻሚ የሚደረጉ ሲሆን ይህም ፡-

 የአካልና ንብረት ደህንነት ጥበቃ

 የመኖሪያ ስፍራ መቀየርን ጨምሮ ደህንነቱ የተጠበቀ የመኖሪያ ቦታ መስጠት

 ማንነትንና ባለንብረትነትን መደበቅ

 ማንነትን መቀየር

 ለራስ መጠበቂያ የነፍስ ወከፍ መሳሪያ መስጠት

 መረጃ በተሰጠበት የወንጀል ድርጊት ያለመከሰስ

 መረጃ በሚሰጥበት የወንጀል ጉዳይ ላይ የመጨረሻ ውሳኔ ከመሰጠቱ በፊትም ሆነ በኋላ ተከሳሽ በጥበቃ ተጠቃሚው መኖሪያ ወይም የሥራ ቦታ ወይም ትምህርት ቤት አካባቢ እንዳይደርስ ማገድ

 የፍርድ ሂደት ተጀምሮ ምስክርነት እስከሚሰጥ ድረስ የምስክር ማንነት እንዳይገለጽ ማድረግ

 ምስክርነት በዝግ ችሎት እንዲሰጥ ማድረግ

 ምስክርነት በአካል ሳይታይ ከመጋረጃ በስተጀርባ ሆኖ ወይም ማንነትን በመሸፈን እንዲሰጥ ማድረግ

 ማስረጃ በኤሌክትሮኒክስ ወይም በሌላ የተለየ ዘዴ እንዲቀርብ ማድረግ

 በሚስጥር መያዝ ያለበት ካልሆነ በስተቀር ለጠቋሚ ጥቆማ ባቀረበበት ጉዳይ ላይ ወቅታዊ መረጃና ምክር መስጠት

 እንዲመሰክር ለተጠራ ምስክር የጉዞና የውሎ አበል መስጠት

 የጥበቃ እርምጃው የመኖሪያ ስፍራን ለውጥ ካስከተለ የጓዝ ማንሻ ወጪን መሸፈን

 በበቀል የተወሰደ አስተዳደራዊ እርምጃ እንዲታገድ ወይም እንዲሻር ማድረግ ወይም ተመጣጣኝ የሆነ የማካካሻ እርምጃ መውሰድ

 በበቀል እርምጃ ለደረሰ ጉዳት የህክምና አገልግሎት በመንግሥት ሆስፒታል በነጻ መስጠት

 በጥበቃ እርምጃው ምክንያት ለደረሰ የገቢ ማጣት ወይም በበቀል እርምጃ ለደረሰ የመሥራት ችሎታ ማጣት የመሠረታዊ ፍላጎት ማሟያ ወጪን መሸፈን

 በጥበቃ ሥር እያለ ለደረሰ ሞት የቀብር ማስፈጸሚያ ወጪ መሸፈንና ለቤተሰብ የገንዘብ ድጋፍ ማድረግ

 የጥበቃ ተጠቃሚው የሥራና የትምህርት ዕድል እንዲያገኝ መርዳት

 ለምስክሩ ወይም ለጠቋሚው የምክር አገልግሎት መስጠት ወይም እንዲያገኝ ማድረግን የሚያካትት ነው፡፡

5. ለምስክር ወይም ጠቋሚዎች ጥበቃ የሚደረግባቸው ወንጀሎች የትኞቹ ናቸው?

ለምስክሮች ወይም ለጠቋሚዎች ጥበቃ የሚደረገው በህጉ ለተመለከቱት ወንጀሎች ሲሆን በወንጀል ምስክሮችና ጠቋሚዎች ጥበቃ አዋጅ ቁጥር 699/2003 አንቀጽ 3 መሰረት የጥበቃ እና የጥንቃቄ እርምጃዎች ማግኘት የሚቻለው የፅኑ እስራት መነሻው ምንም ይሁን ምን ጣራው ግን 10 (አስር አመት) እና ከዚያ በላይ በሆነ ፅኑ እስራት ወይም በሞት ሊያስቀጣ በሚችል ወንጀል ምስክርነት ወይም ጥቆማን የተመለከተ ሆኖ

 የወንጀል ድርጊቱ ያለምስክሩ ወይም ያለጠቋሚው ምስክርነት ወይም ጥቆማ በሌላ ማናቸውም መንገድ ሊረጋገጥ ወይም ሊደረስበት የማይችል ሲሆን እና

 በምስክሩ፣ በጠቋሚው ወይም በቤተሰቡ ህይወት፣ አካላዊ ደህንነ፣ ነፃነት ወይም ንብረት ላይ ከባድ አደጋ ያደርሳል ተብሎ ሲታመን እንደሆነ ከአዋጁ አንቀፅ 3(1) መረዳት ይቻላል፡፡
ለአብነትም በኢትዮጵያ የሽብር ወንጀልን ለመከላከል እና ለመቆጣጠር የወጣው አዋጅ ቁጥር 1176/2012 አንቀፅ 16 እና በሰው የመነገድ እና ሰውን በህገ ወጥ መንገድ ድንበር የማሻገር ወንጀልን ለመከላከልና ለመቆጣጠር የወጣው አዋጅ ቁጥር 1178/2012 አንቀፅ 25 የወንጀል ምስክሮችና ጠቋሚዎች በአዋጅ ቁጥር 699/2003 መሰረት ለወንጀል ምስክሮችና ጠቋሚዎች ስለሚደረግ ጥበቃ ደንግገው ይገኛሉ፡፡
ነገር ግን አዋጁ ይህንን መስፈርት ቢያስቀምጥም የፍትህ ሚኒስቴሩ የጥበቃ ተጠቃሚ ላልሆኑ ለማንኛቸውም ምስክሮችና ጠቋሚዎችም በዚህ አዋጅ አንቀጽ 4 ስር ከተቀመጡ አንዳንድ ጥበቃዎችን እንደአስፈላጊነቱ ሊያደርግ ይችላል፡፡

ይህም

 በሚስጥር መያዝ ያለበት ካልሆነ በስተቀር ለጠቋሚ ጥቆማ ባቀረበበት ጉዳይ ላይ ወቅታዊ መረጃና ምክር መስጠት

 እንዲመሰክር ለተጠራ ምስክር የጉዞና የውሎ አበል መስጠት

 በበቀል የተወሰደ አስተዳደራዊ እርምጃ እንዲታገድ ወይም እንዲሻር ማድረግ ወይም ተመጣጣኝ የሆነ የማካካሻ እርምጃ መውሰድ

 በበቀል እርምጃ ለደረሰ ጉዳት የህክምና አገልግሎት በመንግሥት ሆስፒታል በነጻ መስጠት

 ለምስክሩ ወይም ለጠቋሚው የምክር አገልግሎት መስጠት ወይም እንዲያገኝ ማድረግን የሚያካትት ነው፡፡

6. የጹሁፉ ቁልፍ የህግ ማጠቃለያ

የዚህ ጽሁፍ መነሻ የአዋጅ ቁጥር 699/2003 ስለ ወንጀል ጠቋሚዎችና ምስክሮች የሚደረግ የህግ ጥበቃ ሲሆን ከላይ በቀረበው አግባብ የህግ ግንዛቤ መስጠት በተለይም ረቂቅና ከበድ ወንጀሎችን በህዝብና በሀገር ላይ ከባድ ጉዳትን የሚያስከትሉትን ወንጀሎች እንዲጋለጡ ምስክሮችም የህግ ጥበቃ ኖሮዋቸው የበኩላቸውን ድርሻ እንዲወጡ መንግስት አስፈላጊውን ጥበቃ በዚህ አዋጅ መሠረት ማድረጉ ለህበረተሰቡና ለሀገር ሰላም የሚበጅ ሲሆን በተቃራኒው እንደዚህ አይነት ሰወች በመጠቆማቸው ወይም በመመስከራቸው ምክንያት የአደጋ ወይም የወንጀል ሰለባ ቢሆኑ ለሌላውም ዜጋ በዚህ ልክ ትብብር ለመስጠት የሚፈራ በመሆኑ ፍትህ ተደብቃ የምትቀርበት ሁኔታ ይፈጠራል።ስለሆነም ለከባድ ወንጀል ጠቋሚዎች እና ለምስክሮች መንግስት አስፈላጊውን የህግ ጥበቃ ሊያደርግና ከዚህ አንጻር ለማህበረሰቡ አስፈላጊውን የህግ ግንዛቤ ሊሰጥ ያስፈልጋል።

https://t.me/Fantahunlawye...
https://www.facebook.com/s...

ማጣቀሻዎች/References/
1. የወንጀል ምስክሮችና ጠቋሚዎች ጥበቃ አዋጅ ቁጥር 699/2003
2. የኢፊድሪ ወንጀል ህግ 1996
3. የወንጀለኛ መቅጫ ህግ ስነስረአት
4. የኢፊድሪ ወንጀል ስነስረአት እና የማስረጃ ህግ

5. የፍትህ ሚኒስቴርን የማህበራዊ ሚዲያ ትስስር የፌስቡክ ገጽ

የጨረር ፍንዳታው የባህረ ሰላጤው ሀገራትን መቃብር ሊያደርግ ይችላል — ኢራን
የኔታ ሚዲያ

ከኢራን-እስራኤል ጦርነት ጀርባ የተደቀነው አዲሱ የኒውክሌር ስጋት

በመካከለኛው ምስራቅ እየተባባሰ የመጣው ግጭት እጅግ አደገኛ ወደሆነ ደረጃ መሸጋገሩን የሚያሳዩ መረጃዎች እየወጡ ነው። የኢራን የውጭ ጉዳይ ሚኒስትር አባስ አራቅቺ በቡሸህር የኒውክሌር ጣቢያ አቅራቢያ ተፈጽሟል የተባለውን ጥቃት ተከትሎ በሰጡት መግለጫ ድርጊቱ በቀጠናው ላይ ሊያስከትል የሚችለውን አስከፊ መዘዝ አስጠንቅቀዋል።

ሚኒስትር አራቅቺ በማህበራዊ ገጻቸው ባሰፈሩት ፅሁፍ እስራኤልና አሜሪካ የቡሸህር የኒውክሌር ጣቢያን እስካሁን አራት ጊዜ መደብደባቸውን ገልጸዋል። ከኒውክሌር ጣቢያው የሚወጣ የጨረር ብክለት (Radioactive fallout) የሰዎች ህይወትን የሚጨርሰው በቴህራን ሳይሆን በባህረ ሰላጤው ሀገራት ዋና ከተሞች ላይ ነው ሲሉ አስደንጋጭ መልዕክት አስተላልፈዋል።

ኢራን በዛሬው ዕለት በእስራኤል ላይ የሚሳይል ጥቃቶችን የሰነዘረች ሲሆን በቴል አቪቭ ምስራቃዊ ክፍል በምትገኘው ራማት ጋን ከተማ በመኖሪያ ህንፃዎች ላይ ጉዳት መድረሱ ተዘግቧል።

የእስራኤል መከላከያ ሰራዊት (IDF) ህዝቡ ወደ መከላከያ መጠለያዎች እንዲገባ ትዕዛዝ ሰጥቶ የነበረ ቢሆንም እስካሁን በሰው ህይወት ላይ የደረሰ ጉዳት የለም ተብሏል።

በሌላ በኩል በሆርሙዝ ወሽመጥ የባህር ትራንዚት ደህንነትን ለማስጠበቅ እና አባል ሀገራት አስፈላጊውን የመከላከያ እርምጃ እንዲወስዱ ስልጣን የሚሰጠው የፀጥታው ምክር ቤት የውሳኔ ሃሳብ ዛሬ ድምፅ ይሰጥበታል ተብሎ ቢጠበቅም ድምፅ አሰጣጡ ላልተወሰነ ጊዜ መራዘሙን የተባበሩት መንግስታት ድርጅት ገልጿል።

ባህሬን ያቀረበችው ይህ የውሳኔ ሃሳብ በቀጠናው ያለውን ውጥረት ይበልጥ ሊያባብሰው ይችላል ተብሎ ተሰግቷል።

ባህሬን ጦርነቱ ከተቀሰቀሰበት የካቲት 28 ጀምሮ ከኢራን የተተኮሱ 453 ድሮኖችን እና 188 ሚሳይሎችን መትታ መጣሏን አስታውቃለች።

የተባበሩት አረብ ኤምሬትስ (UAE) በበኩሏ ዛሬ ሚያዝያ 4 ብቻ 23 ባለስቲክ ሚሳይሎችን እና 56 ድሮኖችን ማክሸፏን ገልጻለች።

በኤምሬትስ እስካሁን በደረሱ ጥቃቶች 13 ሰዎች ሲሞቱ 217 ሰዎች ቆስለዋል።

በሌላ በኩል ኢራን የተከሰከሰውን የአሜሪካ ኤፍ-15 (F-15) ተዋጊ ጀት ሁለተኛውን አብራሪ በቁጥጥር ስር አውያለሁ ማለቷን የአካባቢው ገዥዎች አስተባብለዋል።

ይሁን እንጂ የኢራን ሚዲያዎች አብራሪውን በህይወት ለያዘ ዜጋ 66,100 ዶላር ሽልማት እንደሚሰጥ በማስታወቅ ላይ ይገኛሉ።

ለተጨማሪ ወቅታዊ መረጃዎች ገጻችንን ይከታተሉ! #middleeastconflict #iran #israel #nuclearsafety #breakingnews #internationalaffairs

በደቡብ ኢትዮጵያ ክልል ከፍተኛ የመንግስት ኃላፊ በደረሰባቸው ጥቃት ህይወታቸው አለፈ
#ethiopia | የደቡብ ኢትዮጵያ ክልል የወሳኝ ኩነቶች ምዝገባ ኤጀንሲ ምክትል ዋና ዳይሬክተር የነበሩት ወ/ሮ አዱኛ አዛዥ፣ የተሰጣቸውን የመንግስት የስራ ተልዕኮ አጠናቅቀው በመመለስ ላይ እያሉ በደረሰባቸው ድንገተኛ ጥቃት ህይወታቸው ማለፉ ተገለጸ።

ኃላፊዋ ጥቃቱ ከደረሰባቸው በኋላ በህክምና ማዕከል እርዳታ ሲደረግላቸው የቆየ ቢሆንም፣ ህይወታቸውን ማትረፍ አልተቻለም። ወ/ሮ አዱኛ በቀድሞው የጋሞ ጎፋ ዞን፣ በደቡብ ብሔሮች፣ ብሔረሰቦችና ሕዝቦች ክልል፣ እንዲሁም አዲሱ የደቡብ ኢትዮጵያ ክልል ከተመሰረተ ወዲህ በተለያዩ የኃላፊነት እርከኖች ላይ ሀገርንና ህዝብን በቅንነት ያገለገሉ ብርቱ አመራር እንደነበሩ ተገልጿል።

የደቡብ ኢትዮጵያ ክልል መንግስት በባለስልጣኗ ህልፈት የተሰማውን ጥልቅ ሀዘን በመግለጽ፤ ድርጊቱን ያልተገቡ ፍላጎቶችን በጉልበትና በጦር መሳሪያ ለማስፈጸም የሚንቀሳቀሱ ጥቂት ኋላቀር ቡድኖች የፈጸሙት የጥፋት ተግባር ሲል ኮንኖታል።

በመሆኑም የክልሉ መንግስት እንዲህ አይነት እኩይ ተግባራትን አምርሮ እንደሚታገል አሳውቆ፣ በጥቃቱ ተሳታፊ የሆኑና የተባበሩ አካላትን ለይቶ ለህግ ለማቅረብና የህግ የበላይነትን ለማረጋገጥ እየሰራ መሆኑን አስታውቋል። ፍትህ እስኪሰፍንም ድረስ ህብረተሰቡ የተለመደውን ትብብር እንዲያደርግ ጥሪውን አስተላልፏል።

Getu Temesgen - (ጌጡ ተመስገን)
#getutemesgen #getu #ጌጡ #ዜና #ደቡብ_ኢትዮጵያ #ኢትዮጵያ #ወቅታዊ_መረጃ #southethiopia #ethiopiannews

የ64 ሰዎች አስክሬን ተገኝቷል፤ 128 የጠፉ ሰዎችን ፍለጋ ላይ ነን
#ethiopia | በጋሞ ዞን የአደጋው ሰለባዎች ቁጥር እና የፍለጋ ሂደትበጋሞ ዞን በሦስት ወረዳዎች በተከሰተው የጎርፍ አደጋ ዙሪያ የዞኑ ፖሊስ መምሪያ የቅርብ ጊዜውን መረጃ ይፋ አድርጓል። እንደ ዞኑ ፖሊስ አዛዥ ኢንስፔክተር አብረሀም ቡሔ ገለጻ፣ በአሁኑ ሰዓት ትኩረቱ በቀሪ አስክሬኖች ፍለጋ ላይ ሆኗል።

የአደጋው ዝርዝር መረጃ

* የተገኙ አስክሬኖች፦ 64
* የጠፉ ሰዎች ቁጥር፦ 128 (ፍለጋው እንደቀጠለ ነው)
* ከፍተኛ ጉዳት የደረሰበት ወረዳ፦
ዳጮ ባባ ወረዳ (59 አስክሬኖች ተገኝተዋል)
* ሌሎች ወረዳዎች፦ በቦንኬ እና በከምባ ዙሪያ ወረዳዎች 5 አስክሬኖች ተገኝተዋል።

ኢንስፔክተር አብረሀም ቡሔ በተለያዩ ማኅበራዊ ሚዲያዎች የሚለቀቁ የተዛቡ መረጃዎች እንዳሉ ጠቁመው፣ ኅብረተሰቡ የተሳሳቱ ቁጥሮችን ከመቀበል እንዲቆጠብ አሳስበዋል። ትክክለኛና ወቅታዊ መረጃዎችን ለማግኘት፦

የደቡብ ኢትዮጵያ ክልል ፖሊስ ኮሚሽን (South Ethiopia Regional State Police Commission) ይፋዊ ገጾችን እንዲጠቀሙ ጥሪ ቀርቧል።

ፖሊስ እንደገለጸው፣ አደጋው ከተከሰተ ጊዜ አንጻር አሁን ላይ የነፍስ አድን (Rescue) ሥራው ተስፋ የሚጣልበት ባለመሆኑ፣ ዋናው ትኩረት የቀሪ አስክሬኖችን ፍለጋ በማጠናከር ላይ ሆኗል።

በዚህ አሰቃቂ አደጋ ሕይወታቸውን ላጡ ወገኖቻችን ቤተሰቦችና ለመላው የጋሞ ሕዝብ መጽናናትን እንመኛለን። አሁንም ፍለጋ ላይ ላሉ ወገኖች ድካማቸው እንዲሳካና ወገኖቻችን በክብር እንዲያርፉ ምኞታችን ነው።
#ጋሞ #ደቡብኢትዮጵያ #ጎርፍአደጋ #ወቅታዊመረጃ #ኢትዮጵያ #gamo #southethiopia #floodemergency #ethiopianews #getu #temesgen #getutemesgen #ጌጡ #ተመስገን #ጌጡተመስገን

በብፁዕ ወቅዱስ ፓትርያርክ ልዩ ጽሕፈት ቤት "ድረ-ገጽ" ይፋ ሆነ
#ethiopia | የቅዱስ ፓትርያርኩን “ሐዋርያዊ አገልግሎት ፤ አባታዊ ትምህርት ፤ ወቅታዊ መረጃዎችና ታሪካዊ ሰነዶችን” የሚያቀርብ ድረ-ገጽ በብፁዕ ወቅዱስ ፓትርያርክ ልዩ ጽሕፈት ቤት ይፋ ተደረገ፡፡

በኢትዮጵያ ኦርቶዶክስ ተዋሕዶ ቤተክርስቲያን የብፁዕ ወቅዱስ ፓትርያርክ ልዩ ጽሕፈት ቤት ፤ የቅዱስነታቸውን የዕለት ከዕለት ሐዋርያዊ ተግባራት አባታዊ መመሪያዎች፣ የቅዱስ ሲኖዶስ ውሳኔዎችን እና የቤተክርስቲያኒቱን ዘመናዊና ታሪካዊ ክንውኖች ለዓለም አቀፉ ማኅበረሰብ ተደራሽ የሚያደርግ አዲስ ድረ-ገጽ በይፋ ሥራ ማስጀመሩን አስታወቀ።

የብፁዕ ወቅዱስ ፓትርያርክ ልዩ ጽሕፈት ቤት eotcp.org በሚል አድራሻ ይፋ ያደረገው ይህ ዲጂታል መድረክ፤ ከመደበኛ የዜና ማሰራጫነት ባለፈ የቤተክርስቲያኒቱን አስተዳደራዊና መንፈሳዊ መረጃዎች በአንድ ማዕከል አደራጅቶ የያዘ “ዲጂታል መረጃ ማዕከል” ሆኖ ያገለግላል፡፡

ይህ አዲስ ድረ-ገጽ ከመንበረ ፓትርያርክ የሚወጡ ይፋዊ መግለጫዎችና የቅዱስ ሲኖዶስ ውሳኔዎች ለምዕመናን የሚደርሱበት አማራጭም ይሆናል ተብሏል፡፡

በድረ-ገጹ የቅዱስ ሲኖዶስ ዓመታዊ ጉባኤያት ውጤቶችና መመሪያዎች ለሕዝብ ግልጽ በሆነ መንገድ የሚቀመጡ በመሆናቸው መረጃዎችን ከወሬና ከግምት ባለፈ በቀጥታ ከምንጩ ለማግኘት እንደሚያስችል ተጠቁሟል፡፡

የብፁዕ ወቅዱስፓትርያርኩን ዕለታዊ ክንውኖችና አባታዊ ትምህርቶችንም ድረ-ገጹ ሠፊ ሽፋን ሰጥቷቸዋል።

በዚህም በድረ-ገጹ “ቃለ በረከት” በሚለው ክፍል ሥር የቅዱስነታቸው መንፈሳዊ መመሪያዎች በጽሑፍ ተቀምጠው የሚገኙ ሲሆን፣ “ዜና መዋዕል” በሚሰኘው ገጽ ደግሞ የፓትርያርኩን ታሪካዊ ጉዞዎችና ዓበይት ኩነቶች በዝርዝር ማግኘት የሚያስችል ነው፡፡

ይህም ምዕመናን ስለ ብፁዓን ወቅዱሳን አባቶቻቸው ሐዋርያዊ አገልግሎት ወቅታዊና ተአማኒ መረጃ እንዲኖራቸው ትልቅ ፋይዳ እንዳለው ተመልክቷል።

የቅዱስ ፓትርያርኩ ሐዋርያዊ አገልግሎት የቤተክርስቲያናችን ታሪክ አካል እንደመሆኑ በሁለት ዋና ዋና ዘርፎች ተከፍሎም በዚሁ ድረ-ገጽ ቀርቧል።

የሀገር ውስጥ አገልግሎቶችን በተመለከተም በአህጉረ ስብከት የሚደረጉ ጉብኝቶችና በዓላት አከባበር በስፋት የሚዘገብበት ሲሆን ፣ የውጭ አህጉር ሐዋርያዊ ጉዞዎች ደግሞ ቤተክርስቲያኒቱ በዓለም አቀፍ ደረጃ ያላትን ተጽዕኖና የወንጌል ሥርጭት በሚወክል መልኩ የሚሰፍርበት ይሆናል ተብሏል፡፡

ከመረጃ ሥርጭት ባለፈ ድረ-ገጹ የብፁዕ ወቅዱስ ፓትርያርክ ልዩ ጽሕፈት ቤት ራሱን ለዘመናዊ የመረጃ ፍሰት ክፍት ማድረጉን የሚያሳዩ የቴክኖሎጂ አማራጮችንም አካቷል።

በአማርኛና በእንግሊዝኛ ቋንቋዎች የተዘጋጀው ይህ ድረ-ገጽ ፣ ከተለያዩ ማኅበራዊ የመገናኛ አውታሮች ጋር ቀጥተኛ ትስስር ያለው በመሆኑ ምእመናን መረጃዎችን ዘመኑን በዋጀ መልኩ እንዲያገኙ ያግዛል።

በተጨማሪም በስልክ፣ በኢሜይልና በፖስታ ሣጥን ቁጥር አማካኝነት ከብፁዕ ወቅዱስ ፓትርያርክ ልዩ ጽሕፈት ቤት ጋር ቀጥተኛ ግንኙነት የሚደረግበት “ያግኙን” የሚሰኝ የግንኙነት መስመርም በድረ-ገጹ በግልጽ ተቀምጧል።

በብፁዕ ወቅዱስ ፓትርያርክ ልዩ ጽሕፈት ቤት በኩል ይፋ የሆነው ይህ ዲጂታል መድረክ፤ የኢትዮጵያ ኦርቶዶክስ ተዋሕዶ ቤተክርስቲያን ያሏትን ሠፊ መንፈሳዊና ማኅበራዊ አገልግሎቶች ለዓለም ለማስተዋወቅና ሐሰተኛ መረጃዎችን ለመከላከል በምታደርገው ጥረት ውስጥ እንደ ትልቅ ስኬት የሚቆጠር ነው፡፡

ድረ-ገጹ ይፋ መሆኑን አስመልክተው መረጃ የሰጡን የብፁዕ ወቅዱስ ፓትርያርክ ልዩ ፀሐፊ መልአከ ሕይወት ቆሞስ አባ ኃይለ ገብርኤል ነጋሽ ድረ-ገጹ እውን እንዲሆን በሃገር ውስጥና በባህር ማዶ የሚገኙ የቅድስት ቤተክርስቲያን ልጆች በብር እስከ 400 ሺህ የሚገመት በሙያቸው እና በሌሎችም መልኮች አስተዋጾ ማድረጋቸውን ገልጸዋል፡፡

የቅድስት ቤተክርስቲያን ምዕመናንና መረጃ ፈላጊዎች eotcp.org በመግባት ትክክለኛውንና ይፋዊውን የኢትዮጵያ ኦርቶዶክስ ተዋሕዶ ቤተክርስቲያን መረጃዎች እንዲከታተሉም የብፁዕ ወቅዱስ ፓትርያርክ ልዩ ፀሐፊ መልአከ ሕይወት ቆሞስ አባ ኃይለ ገብርኤል ነጋሽ ጥሪ አቅርበዋል፡፡

በሜክሲኮ የታወጀው ወታደራዊ እርምጃ እና
የ"ኤል ሜንቾ" መውደቅ
#ethiopia | የሜክሲኮ ጦር ባወጣው መግለጫ፣ ለዓመታት በአደገኛ እፅ ዝውውር እና በግድያ ወንጀሎች ሲፈለግ የነበረው የጃሊስኮ አዲስ ትውልድ (CJNG) መሪ ኤል ሜንቾ፣ በልዩ ኦፕሬሽን መገደሉን አረጋግጧል። ግለሰቡ ሜክሲኮን የዓለም አቀፍ የአደገኛ እፅ መተላለፊያ እና የደም አፋሳሽ ግጭቶች ማዕከል በማድረግ ቀዳሚውን ስፍራ ይዞ የቆየ ነበር።

ከግድያው በኋላ የተቀሰቀሰው ሀገራዊ ቀውስ

የመሪው መገደል በታወጀ በጥቂት ሰዓታት ውስጥ፣ የቡድኑ አባላት በሀገሪቱ የተለያዩ ከተሞች ከፍተኛ የጥፋት እርምጃዎችን መውሰድ ጀምረዋል።

በአሁኑ ወቅት፦

* የመንገድ መዘጋት፦ በርካታ ዋና ዋና መንገዶች በታጠቁ ኃይሎች ተዘግተዋል።

* ቃጠሎ እና ውድመት፦ የንግድ ሱቆች፣ የነዳጅ ማደያዎች እና በርካታ ተሽከርካሪዎች በእሳት ጋይተዋል።

* የተኩስ ልውውጥ፦ በከተሞች ውስጥ በሰላማዊ ሰዎች ላይ ከፍተኛ ስጋት የፈጠረ የተኩስ ልውውጥ የቀጠለ ሲሆን፣ በሰው ህይወት እና አካል ላይም ጉዳት ደርሷል።

የፖለቲካዊ አንድምታው

የኤል ሜንቾ መወገድ ሜክሲኮ ከአሜሪካው ፕሬዝዳንት ዶናልድ ትራምፕ ሲሰነዘርባት የነበረውን "የወንጀለኞች መሸሸጊያ" የሚል ወቀሳ እና የንግድ ማዕቀብ ዛቻ ሊቀንስላት እንደሚችል ቢገመትም፣ በሀገር ውስጥ ግን የከፋ የጸጥታ ስጋት ደቅኗል። መንግስት የቡድኑን መበታተን ተከትሎ ሊመጣ የሚችለውን የኃይል ክፍተት ለመሙላት ከፍተኛ ጫና ውስጥ ወድቋል።
ለተጨማሪ ወቅታዊ መረጃዎች አብራችሁን ቆዩ።

Getu Temesgen - (ጌጡ ተመስገን)
#getutemesgen #getu #ጌጡ #mexico #elmencho #breakingnews #cjng #internationalnews #mexicocrisis #securityalert

ወቅታዊ መረጃ፡ ስለ አዲሱ የሠራተኛ ምደባ መመሪያ‼️
የአማራ ክልል ሲቪል ሰርቪስና የሰው ሀብት ልማት ቢሮ፣ በአዲሱ የአደረጃጀት ለውጥ መሠረት ለተቀላቀሉ ተቋማት ሠራተኞች ፍትሃዊ ምደባ እንዲካሄድ የሚያስችል የ3 ገጽ ማስፈጸሚያ መመሪያ ለዞን መምሪያዎች መላኩን አስታውቋል።

ዋና ዋና ነጥቦች፡ ✅ መመሪያው በአዋጅ ቁጥር 300/2017 መሠረት የተዘጋጀ ነው። ✅ ዓላማው በተቀላቀሉና አዲስ በተደራጁ ተቋማት ውስጥ ያሉ ሠራተኞችን ምደባ ፍትሃዊ ለማድረግ ነው። ✅ መመሪያው ለሚመለከታቸው የዞን መምሪያዎች በይፋ ተሰራጭቷል።

የሠራተኞችን መብትና አሠራርን የተከተለ ምደባ እንዲኖር ይህ መመሪያ ትልቅ ሚና ይጫወታል ተብሎ ይጠበቃል።

seledadotio
seledadotio

ጀነራል ጉዑሽ ገብረ (ፈንቅል) በቁጥጥር ስር መዋላቸውን ተከትሎ ለኤርትራ ተላልፈው ሊሰጡ እንደሚችሉ ተጠቆመ

ቀደም ሲል በሕወሃት ክትትል ሲደረግባቸው የነበሩትና በኢትዮ-ኤርትራ ድንበር አቅራቢያ የሚንቀሳቀሰው የትግራይ ኃይሎች "አርሚ 15" አዣዥ ጀነራል ጉዑሽ ገብረ (ፈንቅል) ሕወሃት በቁጥጥር ስር እንዳዋላቸው ተረጋግጧል።

ከዚህ ቀደም የትግራይ ሕዝባዊ ኃይል (TPF) ቃል አቀባይ አቶ ተስፋዬ ንጉሴ በመናኸሪያ ሬዲዮ "ምልከታ" ፕሮግራም ላይ ቀርበው ጀነራሉ በሕወሃት ታድነው እጅ ሊሰጡ እንደሚችሉ ፍንጭ መስጠታቸው የሚታወስ ቢሆንም አሁን በደረሰን ወቅታዊ መረጃ መሠረት ጀነራሉ መታሰር ብቻ ሳይሆን ለኤርትራ መንግሥት ተላልፈው ሊሰጡ እንደሚችሉ ተመልክቷል።

ጀነራሉ ከጥቂት ቀናት በፊት በመተላለፊያ በረሃዎች ላይ በሕወሃት ኃይሎች ተከበው በቁጥጥር ስር መዋላቸው የተረጋገጠ ሲሆን ታማኝ ምንጮች እንደጠቆሙት በጀነራሉ ዙሪያ ያለው ቀጣይ እጣ ፈንታ ለኤርትራ ተላልፈው መሰጠት ነው።

የTPF ቃል አቀባይ ተስፋዬ ንጉሴ ጀነራል ጉዑሽ ከድርጅታቸው ጋር ምንም ዓይነት ግንኙነት እንዳልነበራቸው በድጋሚ ገልጸው ጀነራሎቹ "ያሳደገኝን ድርጅት አልለቅም" ቢሉም በመጨረሻ ግን ራሳቸውን መከላከል የማይችሉበት ደረጃ ላይ መውደቃቸውን አስረድተዋል።

ቃል አቀባዩ አክለውም TPF ሕወሃትን ከትግራይ መሬት ለማስወጣት በትግራይ በረሃዎች ትግሉን እንደሚቀጥል ገልጾ፤ ሕዝቡ በሚኖርበት መንደር ለመንደር በመንቀሳቀስ ሕዝቡን ለዳግም ስቃይ መዳረግ እንደማይፈልግ አጽንኦት ሰጥተውበታል።

ይህ የጀነራል ጉዑሽ ገብረ በቁጥጥር ስር መዋልና ለኤርትራ ተላልፎ የመሰጠት ጉዳይ በትግራይ ፖለቲካና በታጣቂ ኃይሎች መካከል ያለውን መቃቃር ይበልጥ እንደሚያባብሰው ተገምቷል።

seledadotio
seledadotio

ወቅታዊ መረጃ፦ በታይላንድ በህክማና ላይ የሚገኘው ማስተር አቢነት ወደ ቀዶ ጥገና ክፍል ገብቷል—ሁላችንም በጸሎት እናስበው!

ታዋቂውና በብዙዎች ዘንድ የሚወደደው ማስተር አቢነት፣ ለረጅም ጊዜ ሲከታተለው የነበረውን የሕክምና ሂደት ለማጠናቀቅ በአሁኑ ሰዓት ወደ ቀዶ ጥገና (Surgery) ክፍል መግባቱ ታውቋል።

ማስተር አቢነት ወደ ሕክምና ክፍሉ ከመግባቱ በፊት ለኢትዮጵያውያን በሙሉ ባስተላለፈው መልዕክት፦

"በሁሉም መልካም ነገር ከጎኔ ቆማችሁ ለደገፋችሁኝ ኢትዮጵያውያንና ለታላቅ የደግነት ልብ ባለቤቶች ሁሉ ምስጋናዬ ከልብ ነው።

የጭንቅ ቀን ወዳጆቼ ሁላችሁም ከሕክምናዬ በሰላም እንደተመለስኩ በታላቅ ምስጋና እንደምንገናኝ እምነቴ ሙሉ ነው።" በማለት ልባዊ ምስጋናውን አቅርቧል።

ማስተር አቢነት አሁንም ጸሎታችን እንዳይለየው በትህትና ጠይቋል። ይህ የደግነት እና የጥንካሬ ተምሳሌት የሆነ ወንድማችን፣ የጀመረው የሕክምና ጉዞ በስኬት ተጠናቆ፣ በጤና ተመልሶ እንድናየው ሁላችሁም በያላችሁበት በጸሎት እንድታስቡት ጥሪያችንን እናስተላልፋለን።

ፈጣሪ ሆይ! ማስተር አቢነትን በሰላም ለጤናው አብቃው!
ብርታቱንና ሙሉ ጤንነቱን ይስጥህ፤ በቅርቡ በታላቅ ደስታ እንደምንገናኝ ተስፋ እናደርጋለን።

​​seledadotio
seledadotio

ወቅታዊ መረጃ❕

ማስተር አብነት ለተጨማሪ ህክምና ከሀገር ወጣ!

ለበርካታ ወገኖች መመኪያ የሆነውና በበጎ አድራጎት ስራው የምናውቀው ማስተር አብነት፣ ለተጨማሪና ለዘላቂ የህክምና ክትትል ከሀገር መውጣቱ ተሰምቷል።

"ምንም አትሁንብን... ታክመህ ድነህ እናይህ ዘንድ የሁላችንም ጸሎትና ምኞት ነው!"

ፈጣሪ ጤናውን ይመልስለት!

ሁላችንም በጸሎታችን እናስበው፤

በሰላም ለሀገርህ ያብቃህ ።

seledadotio
seledadotio

የቤት እድለኞች የሐሰተኛ መረጃ ሰለባ እንዳይሆኑ ቢሮው አስቸኳይ ማስጠንቀቂያ ሰጠ

የአዲስ አበባ ቤቶች ልማትና አስተዳደር ቢሮ በ20/80 እና 40/60 የቤት ልማት ፕሮግራሞች የተመዘገቡ ዜጎች በማህበራዊ ሚዲያ በሚሰራጩ የተሳሳቱ መረጃዎች እንዳይታለሉ ጥብቅ ማሳሰቢያ አስተላለፈ።

ቢሮው ይህንን ጥሪ ያስተላለፈው "የምዝገባ ቆይታችሁን አረጋግጡ" እና "የምዝገባ ሁኔታችሁን ነቁ ወይም አክቲቭ አድርጉ" በሚሉ ማታለያዎች ተመዝጋቢዎች ወደ ቢሮው እየመጡ አላስፈላጊ እንግልት እየደረሰባቸው መሆኑን በማስተዋሉ ነው።

በመሆኑም ማንኛውም ተመዝጋቢ የሐሰተኛ መረጃ ሰለባ ከመሆን ይልቅ የራሱን የቆጠባ ሂሳብ ቁጥር ብቻ በመጠቀም ካለበት ሆኖ በድረ-ገጽ ምዝገባውን ማረጋገጥ እንደሚችል ቢሮው አረጋግጧል።

በተለይ ሰሞኑን በተለያዩ የማህበራዊ ትስስር ገጾች የሚሰራጩ የሐሰት ጥሪዎች ተመዝጋቢዎችን ለከፍተኛ እንግልትና ለተጨማሪ ወጪ እየዳረጉ መሆኑን የገለጸው ቢሮው ዜጎች ያለምንም የጊዜ ገደብ መረጃቸውን ማግኘት እንደሚችሉ አስታውቋል።

ተመዝጋቢዎች ወደ ቢሮው በአካል በመምጣት መሰለፍ ሳያስፈልጋቸው [http://aahdab.et/saving](h... የተሰኘውን የቢሮውን ይፋዊ ድረ-ገጽ በመጠቀም ያለበትን ደረጃ በቀላሉ ማወቅ ይችላልተብሏል።

ከዚህ በተጨማሪም ማንኛውም ወቅታዊ መረጃ የሚሰራጨው በቢሮው የፌስቡክ፣ የቴሌግራም፣ የቲክቶክና የዩቲዩብ ገጾች ብቻ በመሆኑ ዜጎች ጥንቃቄ እንዲያደርጉ ተመክሯል።
#አሐዱ

📢 በኢትዮጵያ የማርበርግ ወረርሽኝን የመቆጣጠር ስራ ውጤት እያሳየ ነው
#ethiopia | የጤና ሚኒስቴር በሀገራችን ተከስቶ የነበረውን የማርበርግ ቫይረስ ወረርሽኝን አስመልክቶ ወቅታዊ መረጃ ሰጥቷል። ሚኒስቴሩ ባወጣው መግለጫ፣ ወረርሽኙን በአጭር ጊዜ ውስጥ ለመቆጣጠር በተደረገው የተቀናጀ ርብርብ አመርቂ ውጤት መመዝገቡን ገልጿል።

📊 የወረርሽኙ ሁኔታ በቁጥር (ከህዳር 5 እስከ ታህሳስ 27)

ባለፉት ሁለት ወራት ውስጥ የበሽታውን ስርጭት ለመለየት ሰፊ የላብራቶሪ ምርመራዎች ተካሄደዋል፦

* አጠቃላይ የተመረመሩ ሰዎች፦ 3,800
* ቫይረሱ የተገኘባቸው፦ 14 ሰዎች
* የሞቱ፦ 9 ሰዎች
* ያገገሙ፦ 5 ሰዎች

🛡️ ጥንቃቄው አሁንም ይቀጥላል!

ሚኒስቴሩ በአሁኑ ወቅት ከተረጋገጠ ታማሚ ጋር ንክኪ ኖሮት ክትትል የሚደረግለት ሰው አለመኖሩን ቢያረጋግጥም፣ "ቸልተኝነት አያስፈልግም" ሲል አስጠንቅቋል። የበሽታውን ዳግም መከሰት ሙሉ በሙሉ ለመከላከል የሚከተሉት ጥንቃቄዎች ለቀጣዮቹ 21 ቀናት ተጠናክረው እንዲቀጥሉ አሳስቧል፦
* የማኅበረሰብ አቀፍ መከላከያ መንገዶችን መተግበር።
* የጤና ስጋት ተግባቦቶችንና መመሪያዎችን መከተል።

🙏 ምስጋና እና እውቅና

በመጨረሻም ሚኒስቴሩ ወረርሽኙን ለመግታት በቆራጥነት ለተሳተፉ የጤና ባለሙያዎች፣ ለዘርፉ አመራሮች፣ ለአጋር ድርጅቶች እና መመሪያዎችን ተግባራዊ ላደረገው መላው የሕብረተሰብ ክፍል ላቅ ያለ ምስጋናውን አቅርቧል።

Getu Temesgen - (ጌጡ ተመስገን)
#marburgvirus #ethiopiahealth #publichealth #staysafe #ministryofhealth #ethiopia #የጤናሚኒስቴር #ማርበርግ

በአሁኑ ወቅት በደቡበ ኢትዮጵያ ከልል የተከሰተውን ሄሞራጅክ ፊቨር (Hemorragic Fever ) በሽታ አስመልክቶ ከጤና ሚኒስቴርና ከኢትዮጵያ የሕብረተሰብ ጤና ኢንስቲትዩት የተሰጠ ወቅታዊ መረጃ

የጤና ሚኒሰቴር ከኢትዮጵያ የሕብረተሰብ ጤና ኢንስቲትዩት እና ከክልል ጤና ቢሮዎች ጋር በመተባበር የሕብረተሰብ ጤና አደጋዎችን እንዳይከሰቱ የመከላከል እና ከተከሰቱም በአፋጣኝ የማረጋገጥና የተቀናጀ የቅኝትና የምላሽ ስራዎችን እያከናወነ ይገኛል።

በዚህም መሰረት በደቡበ ኢትዮጵያ ክልል በጅንካ ከተማ የሄሞራጅከ ፊቨር (Viral Hemorragic Fever) በሽታ መከሰቱን እና የበሽታዉን ምንነት በማረጋገጥ ላይ መሆኑን አስቀድመን መግለፃችን ይታወቃል፡፡

በኢትዮጵያ ሕብረተሰብ ጤና ኢንስቲትዩት ብሄራዊ ሪፈረንስ ላብራቶሪ በተሰራው የዘረመል ምርመራ መሰረት የበሽታዉ መንስኤ ማርበርግ ቫይረስ (Marburg Virus) መሆኑን መለየት ተችሏል ። በዚህም የዘረመል ምርመራ በአሁኑ ሰዓት ኢትዮጵያ ውስጥ የተገኘዉ ቫይረስ ሌሎች ምስራቅ አፍሪካ ሃገራት ላይ ከዚህ በፊት ከተከሰቱት ጋር ተመሳሳይ ዝርያ ያለዉ መሆኑ ታዉቋል።

በዛሬው እለትም አዲስ የበሽታውን ምልክት ያሳየ ወይም በቫይረሱ የተጠረጠረ ሰው ያልተገኘ ሲሆን፤ በአሁኑ ሰዓት የተለያዩ የሙያ ስብጥርያካተተ ከፍተኛ ፈጣን ምላሽ ሰጭ ቡድን ወደ ክልሉ በመላከ በሽታዉን የመከላከል እና የመቆጣጠር ስራዎች እየተሰሩ ይገኛሉ።ከነዚህም ውስጥ የማህበረሰብ አቀፍ የቅኝት ስራዎች፣ በቫይረሱ የተያዙ ሰዎችን ለይቶ ማከም፤ የማህበረሰብ ግንዛቤ ማስጨበጫ ስራዎች እና ከተጠረጠሩ ሰዎች ጋር ንክኪ ያላቸዉን ሰዎች የመለየት ስራዎች እየተከናወኑ ሲሆን በሃገር አቀፍ እንዲሁም በክልል ደረጃ የሕብረተሰብ ጤና አደጋዎች የክስተት አስተዳደር ስርዓት (Incident Management System) 14ሞ የፈጣን ምላሽ ስራዎችን በማስተባበር ላይ ይገኛል።

ስለበሽታው አዲስ እና ተጨማሪ መረጃዎች በሚኖሩበት ግዜ በጤና ሚንስቴር ይፋዊ ማህበራዊ ሚዲያ ገጾች ላይ የምናሳውቅ መሆኑን እየገለጽን መላዉ ሕብረተሰባችንና የሚመለከታቸዉ ባለድርሻ አካላት በበሽታው ክስተት ሳይደናገጡ በሽታዉን ለመከላከል እና ለመቆጣጠር የሚከተሉትን ምከረ-ሃሳቦች በተረጋጋ መልኩ ተግባራዊ እንዲያደርጉ እናሳስባለን፡፡

➢ ከጤና ሚኒስቴር እና ከኢትዮጵያ የሕብረተሰብ ጤና ኢንስቲትዩት የሚተላለፉ መረጃዎችንና የጥንቃቄ መልዕከቶችን መከታተልና መተግበር፥

➢ የበሽታው ምልከት የሆኑትን በአፍ፣አፍንጫ እና ሌሎች የሰውነት ከፍሎች የመድማት፣ትኩሳት፣ማስቀመጥ እና ማስመለስ ምልከት ሲኖር ወደ ህክምና ተቋማት መሄድና በወቅቱ የላቦራቶሪ ምርመራ ማድረግ፣

➢ ምልክት ከታየበት ማንኛዉም ሰዉ ጋር ንክኪ በሚኖርበት ግዜ ራስን የመከላከያ ዘዴዎችን መጠቀም፣

➢ ሁልጊዜ እጅን በውሃና ሳሙና መታጠብ ወይም በሳኒታይዘር ማጽዳት፣

ማንኛውም ጤና ተቋም ለታካሚዎች ልየታ ልዩ ትኩርት በመስጠት የማርበርግ በሽታ (Marburg viral disease) መሰል በሸታ መለየት፣ ማከም እና በአፋጣኝ ሪፖርት ማድረግ ያስፈልጋል።

ለተጨማሪ መረጃ ወደ 8335 እና 952 ነጻ የስልክ መስመሮች በመደወል ተጨማሪ መረጃዎችን ማግኘት ይቻላል፡፡

ዶ/ር መቅደስ ዳባ
የጤና ሚኒስቴር ሚኒስትር
ህዳር 05/2018 ዓም
አዲስ አበባ፣ ኢትዮጵያ