ዴንማርክ አሜሪካ በግሪንላንድ ደሴት ላይ "ዘላቂ ቁጥጥር" እንዲኖራት የሚያስችል አስገዳጅ የደህንነት ስምምነት መደረጉን በበጎ መቀበሏን አሳወቀች።

ፕሬዝዳንት ዶናልድ ትራምፕ በደሴቲቷ ጉዳይ ላይ የተደረሰው ስምምነት ዘላቂ መሆኑንና አሜሪካ በአካባቢው ያላትን ወታደራዊ እንቅስቃሴ ወዲያውኑ ማሳደግ እንደምትጀምር ገልጸዋል።
ስምምነቱን ተከትሎ እንደ ሩሲያ እና ቻይና ያሉ የአሜሪካ ተፎካካሪዎች ያለ ዋሽንግተን የጽሑፍ ፈቃድ በግሪንላንድ ወታደራዊ ጣቢያ መክፈት፣ ወታደር መላክ ወይም ኢንቨስት ማድረግ አይችሉም ተብሏል።

ስምምነቱ በሚቀጥለው ሳምንት በኒውዮርክ በሚካሄደው የተባበሩት መንግሥታት ድርጅት ጠቅላላ ጉባኤ ጎን ለጎን በይፋ ይፈረማል ተብሎ ይጠበቃል።
የዴንማርክ ጠቅላይ ሚኒስትር ሜቴ ፍሬደሪክሰን ስምምነቱ የዴንማርክን የግዛት ሉዓላዊነት እና የግሪንላንድን ህዝብ የራስን እድል በራስ የመወሰን መብት ያከበረ ነው ብለዋል።
የዴንማርክ የውጭ ጉዳይ ሚኒስትር ላርስ ሎኬ ራስሙሰን በበኩላቸው ስምምነቱ በአርክቲክ እና በሰሜን አትላንቲክ ቀጠና ያለውን ደህንነት እንደሚያጠናክር ገልጸዋል።
አሜሪካ በሰሜን ግሪንላንድ ካላት የፒቱፊክ ወታደራዊ ጣቢያ በተጨማሪ በደቡባዊ የደሴቲቱ ክፍል ሶስት አዳዲስ ወታደራዊ ጣቢያዎችን ለመክፈት አቅዳለች።

ስምምነቱ ከዚህ ቀደም ትራምፕ ግሪንላንድን በኃይል ለመውሰድ መዛታቸውን ተከትሎ በሰሜን አትላንቲክ የጋራ መከላከያ ቃል ኪዳን ድርጅት (ኔቶ) አባላት መካከል ተፈጥሮ የነበረውን ከፍተኛ ውጥረት ያረግበዋል ተብሎ ይገመታል።

DW Amharic #amharicmezmur

ዴንማርክ አሜሪካ በግሪንላንድ ደሴት ላይ "ዘላቂ ቁጥጥር" እንዲኖራት የሚያስችል አስገዳጅ የደህንነት ስምምነት መደረጉን በበጎ መቀበሏን አሳወቀች።

ፕሬዝዳንት ዶናልድ ትራምፕ በደሴቲቷ ጉዳይ ላይ የተደረሰው ስምምነት ዘላቂ መሆኑንና አሜሪካ በአካባቢው ያላትን ወታደራዊ እንቅስቃሴ ወዲያውኑ ማሳደግ እንደምትጀምር ገልጸዋል።
ስምምነቱን ተከትሎ እንደ ሩሲያ እና ቻይና ያሉ የአሜሪካ ተፎካካሪዎች ያለ ዋሽንግተን የጽሑፍ ፈቃድ በግሪንላንድ ወታደራዊ ጣቢያ መክፈት፣ ወታደር መላክ ወይም ኢንቨስት ማድረግ አይችሉም ተብሏል።

ስምምነቱ በሚቀጥለው ሳምንት በኒውዮርክ በሚካሄደው የተባበሩት መንግሥታት ድርጅት ጠቅላላ ጉባኤ ጎን ለጎን በይፋ ይፈረማል ተብሎ ይጠበቃል።
የዴንማርክ ጠቅላይ ሚኒስትር ሜቴ ፍሬደሪክሰን ስምምነቱ የዴንማርክን የግዛት ሉዓላዊነት እና የግሪንላንድን ህዝብ የራስን እድል በራስ የመወሰን መብት ያከበረ ነው ብለዋል።
የዴንማርክ የውጭ ጉዳይ ሚኒስትር ላርስ ሎኬ ራስሙሰን በበኩላቸው ስምምነቱ በአርክቲክ እና በሰሜን አትላንቲክ ቀጠና ያለውን ደህንነት እንደሚያጠናክር ገልጸዋል።
አሜሪካ በሰሜን ግሪንላንድ ካላት የፒቱፊክ ወታደራዊ ጣቢያ በተጨማሪ በደቡባዊ የደሴቲቱ ክፍል ሶስት አዳዲስ ወታደራዊ ጣቢያዎችን ለመክፈት አቅዳለች።

ስምምነቱ ከዚህ ቀደም ትራምፕ ግሪንላንድን በኃይል ለመውሰድ መዛታቸውን ተከትሎ በሰሜን አትላንቲክ የጋራ መከላከያ ቃል ኪዳን ድርጅት (ኔቶ) አባላት መካከል ተፈጥሮ የነበረውን ከፍተኛ ውጥረት ያረግበዋል ተብሎ ይገመታል።

DW Amharic #amharicmezmur

(ዘ-ሐበሻ ዜና) ከወራት የጦርነት ዛቻ እና ዲፕሎማሲያዊ ውጥረት በኋላ፣ አሜሪካ እና ዴንማርክ በግሪንላንድ የጸጥታ ጉዳይ ላይ ታሪካዊ ስምምነት ላይ መድረሳቸውን ይፋ አደረጉ። ፕሬዝዳንት ዶናልድ ትራምፕ በማኅበራዊ ሚዲያ ገጻቸው እንዳስታወቁት፣ ይህ ስምምነት አሜሪካ በግሪንላንድ ላይ ቋሚ የደህንነት ቁጥጥር እንድታደርግ ሙሉ መብት ይሰጣታል። ያለ አሜሪካ የጽሑፍ ፈቃድ ሩሲያን እና ቻይናን ጨምሮ ማንም ጠላት በግሪንላንድ ጦር ማስፈርም ሆነ ስትራቴጂካዊ ኢንቨስትመንት ማድረግ አይችልም። የዴንማርክ ጠቅላይ ሚኒስትር ሜቴ ፍሬደሪክሰን በበኩላቸው፣ ስምምነቱ የአርክቲክን ሰላም የሚያጠናክር ቢሆንም የፓርላማቸው ይሁንታ እንደሚያስፈልገው አረጋግጠዋል። አሜሪካ በዚህ ስምምነት መሠረት ዴንማርክንም ሆነ ግሪንላንድን ሳታማክር የፈለገችውን ተጨማሪ ወታደራዊ ሠፈር መገንባት ትችላለች።

እዚህ ጋ ቆም ብለን የትራምፕን ፖለቲካዊ ስሌት በጥልቀት እንመርምር። ትራምፕ ግሪንላንድን የፈለጓት በረዶዋን ወደውት አይደለም፤ በዋናነት ሁለት ትላልቅ ዓላማዎች አሏቸው። አንደኛው፣ ከሩሲያ እና ቻይና ሊተኮሱ የሚችሉ ሚሳኤሎችን ለማክሸፍ ያቀዱትን 'ጎልደን ዶም' የተሰኘውን ግዙፍ የጸረ-ሚሳኤል መከላከያ ሥርዓት ለመገንባት ሲሆን፣ ሁለተኛው ደግሞ ለዘመናዊ ቴክኖሎጂዎች (እንደ ሞባይል እና የኤሌክትሪክ መኪና) እጅግ ወሳኝ የሆኑትን ያልተነኩ የ'ሬር እርዝ' ማዕድናት በብቸኝነት ለመቆጣጠር ነው። የጉልበት ፖለቲካ እንዴት አውሮፓውያንን ሳይቀር አንገት እንደሚያስደፋ ዴንማርክ ህያው ምስክር ሆናለች።

የዓለም የኃያላን ፖለቲካ መርህ አንድ ብቻ ነው፤ እርሱም የራስን ጥቅም በሌሎች ሉዓላዊነት ላይ መጫን! ትራምፕ "በኃይል እወስዳታለሁ" ሲሉ አውሮፓውያን ቢያንጓጥጧቸውም፣ ዛሬ ግን ሳይወዱ በግድ የአርክቲክን ቀጠና ለአሜሪካ የጦር ሠፈርነት እና የጥቅም ማስጠበቂያነት አሳልፈው ሰጥተዋል!

የዓለማችን አዲሱ የኃያላን ፉክክር ወደ አርክቲክ በረዶዎች መዛወሩን እና አሜሪካ ግሪንላንድን መቆጣጠሯን እንዴት ታዩታላችሁ? ሀ

ትራምፕ ካናዳ፣ ሜክሲኮ፣ ግሪንላንድ፣ አይስላንድ እና ሌሎችንም ግዛቶች ከአሜሪካ ጋር አቀላቅሎ የሚያሳይ ካርታ አጋሩ፡፡

የአሜሪካው ፕሬዝዳንት ዶናልድ ትራምፕ ሰሜን አሜሪካን እና አቅራቢያ የሚገኙ ግዛቶችን በአሜሪካ ሰንደቅ  ዓላማ ስር አጠቃሎ የሚያሳይ ካርታ በትሩዝ ሶሻል ገጻቸው ላይ አጋርተዋል።

ይህም አዘጋጅተው ያቀረቧቸውን ካርታዎች እና የጂኦግራፊያዊ ስሞች ለውጦችን ለፖለቲካዊ መልእክት ማስተላለፊያነት የመጠቀም አካሄዳቸው መቀጠሉን ያሳያል።ያለ ምንም ተጨማሪ ማብራሪያ የተለቀቀው ይህ ምስል፤ አሜሪካን ጨምሮ ሰፊውን የካናዳ፣ የግሪንላንድ እና የሜክሲኮ ግዛቶች በአሜሪካ ባንዲራ ተሸፍነው ያሳያል።

አርክቲክ ቱደይ እንዳስነበበው፤ ይህ ምስል ማዕከላዊ አሜሪካን፣ ካሪቢያንን እና አይስላንድን ያካተተ ሲሆን፤ መላው ቀጠናም የዩናይትድ ስቴትስ ኦፍ አሜሪካ መንግስት በሚል ተሰይሟል።

በምስሉ ላይ የአይስላንድ መካተት ልዩ ትኩረትን ስቧል። አርክቲክ ቱደይ ቀደም ሲል በትራምፕ እና በደጋፊዎቻቸው ይሰራጩ የነበሩ ካርታዎች ግሪንላንድ፣ ካናዳ እና ቬንዙዌላን ያካተቱ እንደነበሩ፣ አይስላንድ ግን ከዚህ ቀደም በዚህ መልኩ ተካታ እንደማታውቅ ገልጿል።

Seledadotio
Seledadotio

የሰሜን ዋልታ የሀብት ጦርነት የአርክቲክ መቅለጥ የፈጠረው የብሪክስ እና የኔቶ አዲስ የጂኦፖለቲካ ፍጥጫ
************************

ለአያሌ ዘመናት በበረዶ ተሸፍኖ እና ከሰው ልጅ ተደራሽነት ተሰውሮ የነበረው እጅግ ቀዝቃዛው የአርክቲክ ቀጠና፣ በአሁኑ ወቅት የዓለም ልዕለ-ኃያላን ሀገራት የኃይል ማሳያና የጂኦፖለቲካ ፍጥጫ ማዕከል ሆኗል።

አየር ንብረት ለውጥ ባስከተለው ተፅዕኖ የአርክቲክ ግግር በረዶ ከሌላው የዓለም ክፍል በሦስት እጥፍ በሚበልጥ ፍጥነት እየቀለጠ መምጣቱ፣ ለዘመናት ተቆልፈው የነበሩ አዳዲስ የባህር ንግድ መስመሮችንና ግዙፍ የተፈጥሮ ሀብቶችን በቀላሉ ለማግኘት መንገድ ከፍቷል።

ይህ አዲስ ሁኔታ የቀደመውን የዓለም የንግድ እንቅስቃሴ እና የጉዞ ጊዜ በእጅጉ እየቀየረው ሲሆን፣ ለአብነትም የደቡብ ኮሪያ የንግድ መርከብ በባህላዊው የስዊዝ ቦይ መስመር አውሮፓ ለመድረስ እስከ 80 ቀናት ይወስድባት የነበረውን ጉዞ በአዲሱ የአርክቲክ መስመር ወደ 40 ቀናት በማሳነስ ወጪና ጊዜዋን በግማሽ መቀነስ ችላለች።

በተለይም በመካከለኛው ምስራቅ እና በቀይ ባህር አካባቢ በሚስተዋሉ የጂኦፖለቲካ ፍጥጫዎች ሳቢያ መደበኛ የንግድ መስመሮች ስጋት ውስጥ በመውደዳቸው፣ ዓለም አርክቲክን እንደ ዋነኛ የንግድ አማራጭ እንድታማትር አስገድዷታል።

ከዚሁ የአርክቲክ ግግር በረዶ ስር የተሸሸገው ያልተነካ ግዙፍ የኢኮኖሚ ሀብት የኃያላኑን ፉክክር ይበልጥ አጋግሎታል።

በአርክቲክ ውቅያኖስ ስር 13 በመቶ ያልተነካ የዓለም የነዳጅ ክምችት፣ 30 በመቶ የተፈጥሮ ጋዝ እንዲሁም ውድ ማዕድናት የሚገኙ ሲሆን፣ እንደ ኖርዌይ ያሉ ሀገራት በአካባቢው የነዳጅ ቁፋሮአቸውን በስፋት እያከናወኑ ይገኛሉ።

ይህ ግዙፍ ሀብት በቀጠናው ላይ ከፍተኛ የወታደራዊና የደህንነት ስጋት የደቀነ ሲሆን፣ የብሪክስ አባል የሆነችው ሩሲያ ወታደራዊ ጣቢያዎቿን በማደስና አዳዲስ የኑክሌር መርከቦችን በመገንባት የበላይነቷን ለማረጋገጥ እየጣረች ነው።

ቻይናም በበኩሏ "የፖላር ሀር መንገድ" የሚል አዲስ የባህር መስመር በመቅረጽ መዋዕለ ነዋይ እያፈሰሰች ትገኛለች።

በተቃራኒው ፊንላንድ እና ስዊድን ኔቶን መቀላቀላቸውን ተከትሎ የምዕራባውያን ወታደራዊ እንቅስቃሴ በእጅጉ በመጨመሩ የአካባቢው ውጥረት እየጋለ መጥቷል።

የአርክቲክ ግግር በረዶ መቅለጥ የቀጠናውን የተፈጥሮ ገጽታ ብቻ ሳይሆን የዓለም አቀፉን የጂኦፖለቲካና የኢኮኖሚ ሚዛን በከፍተኛ ደረጃ እየቀየረው ይገኛል።

የሰሜን ዋልታ ከአካባቢ ጥበቃ አጀንዳነቱ አልፎ፣ የዓለም ልዕለ-ኃያላን ሀገራት ያልተነካ የኃይል ሀብት የሚቀራመሙበትና ወታደራዊ አቅማቸውን የሚያንፀባርቁበት አዲስ የአለም አቀፍ ፖለቲካ ግንባር ሆኖ ቀጥሏል።

በሰለሞን ገዳ
#arcticgeopolitics #bricsvsnato #northernsearoute #resourcerace #arcticmeltdown

ደቡብ ኮሪያ ወደ አውሮፓ የሚወስደውን አዲሱን የአርክቲክ የባሕር ንግድ መስመር በሙከራ ደረጃ ለመጠቀም ታሪካዊ ጉዞ ጀመረች
**************************

በዓለም አቀፍ የባሕር ትራንስፖርት ዘርፍ ትልቅ አቅም ያላት ደቡብ ኮሪያ፣ የቡሳን ወደቧን የዓለም አቀፍ የንግድ ማዕከል ለማድረግና ወደ አውሮፓ የሚደረገውን የጭነት ጉዞ የሚያሳጥር አዲስ አማራጭ መስመር በስኬት ለመፈተሽ የሚያስችላትን የመጀመሪያውን የንግድ መርከብ ጉዞ በይፋ አስጀምራለች።

«ፓንስታር አክሮ» (PanStar Acro) የተሰኘችውና 2 ሺህ 758 መደበኛ ባለ 20 ጫማ ኮንቴነሮችን የመሸከም አቅም ያላት ግዙፍ የኮንቴነር መርከብ፣ በምሥራቅ ሩሲያና በቤሪንግ ባህር አድርጋ በሰሜናዊው የአርክቲክ የበረዶ መስመር በኩል ወደ ብሪታንያ፣ ኔዘርላንድስ እና ፖላንድ የምታደርገውን የ40 እስከ 45 ቀናት ጉዞ ጀምራለች።

የደቡብ ኮሪያው ፕሬዚዳንት ሊ ጄ-ምዮንግ የአርክቲክ የባሕር ትራንስፖርት ልማትን የሀገሪቱ ዋና የኢኮኖሚ ትኩረት በማድረግ እስከ እ.ኤ.አ. 2030 ድረስ መስመሩን መደበኛ የንግድ መሸጋገሪያ ለማድረግ አቅደው እየሰሩ ይገኛሉ።

ይህ የዓለም አቀፍ የንግድ ትስስር አዲስ ተስፋ የፈነጠቀበት የባሕር መስመር፣ የመርከቦችን የጉዞ ጊዜና ወጪ በከፍተኛ ሁኔታ የሚቀንስ ከመሆኑም በላይ ለዓለም አቀፍ ንግድ አስተማማኝ አማራጭ መውጫ በመሆን አዲስ የዘመናዊ ትራንስፖርት ምዕራፍ የሚከፍት ነው።

የመርከቧ አስተማማኝ ጉዞ እንዲረጋገጥና የበረዶ እንቅፋቶችን ለመሻገር ከሩሲያ ጋር አስፈላጊው የቴክኒክ ውይይት የተደረገ ሲሆን፣ የዓለም አቀፍ አየር ንብረት ለውጥና የበረዶዎች መቅለጥ የሰሜናዊውን መስመር ለባሕር ጉዞ ይበልጥ ምቹ እያደረገው መጥቷል።

ባለፈው ዓመት ብቻ ከ100 በላይ መርከቦች ይህንን የሰሜን የባሕር መስመር ለንግድ እንቅስቃሴ የተጠቀሙበት ሲሆን፣ የደቡብ ኮሪያ አዲሱ የሙከራ ጉዞም የመለዋወጫ ዕቃዎችንና ልዩ ልዩ ምርቶችን ጭኖ በስኬት ወደ አውሮፓ በማምራት ላይ ይገኛል።
#arcticshipping #southkoreatrade #panstaracro #maritimeinnovation #globaltraderoutes

የሩሲያ የኑክሌር ሚሳኤል ተሸካሚ አውሮፕላኖች ለሰዓታት የቆየ የቅኝት በረራ አደረጉ

አዲስ አበባ፣ ሚያዚያ 22 ፣ 2018 (ኤፍ ኤም ሲ) የሩሲያ ስትራቴጂካዊ የኒውክሌር ሚሳኤል ተሸካሚ አውሮፕላኖች በባሬንትስ እና ኖርዌይ ባህሮች ላይ ለሰባት ሰዓታት የቆየ የቅኝት በረራ አድርገዋል።

የሩሲያ መከላከያ ሚኒስቴር ባወጣው መግለጫ፤ ሁለት የሩሲያ ቲዩ-95ኤምኤስ ስትራቴጂካዊ የኒውክሌር ሚሳኤል ተሸካሚ አውሮፕላኖች ገለልተኛ በሆነው የውሃ አካል ላይ ያደረጉት ለሰዓታት የቆየ በረራ ስኬታማ መሆኑን አስታውቋል።

የሩሲያ ኤሮስፔስ ኃይል የረጅም ርቀት አቪዬሽን አካል የሆኑት እነዚህ አውሮፕላኖች በረራውን ያካሄዱት በተያዘላቸው መርሐ ግብር መሰረት እንደሆነ ተገልጿል።

በበረራው ወቅት የአውሮፕላኑ አብራሪዎች በአየር ላይ ነዳጅ የመሙላት ልምምድ ያደረጉ ሲሆን፤ በኤስዩ-30ኤስኤም የጦር አውሮፕላኖችም እጀባ እንደተደረገላቸው ተጠቁሟል።

የሩሲያ ስትራቴጂካዊ የኒውክሌር ሚሳኤል ተሸካሚ አውሮፕላኖች በጉዟቸው ወቅት በተለያዩ መስመሮች ላይ የውጭ ሀገራት ተዋጊ ጄቶች ክትትል ሲያደርጉባቸው እንደነበርም ሚኒስቴሩ በመግለጫው አመልክቷል።

የሀገሪቱ አየር ኃይል የሚያደርጋቸው ማናቸውም በረራዎች ዓለም አቀፍ የአየር ክልል አጠቃቀም ደንቦችን በጥብቅ የተከተሉ ናቸው ሲልም አረጋግጧል።

የሩሲያ የረጅም ርቀት አቪዬሽን ቡድኖች በአርክቲክ፣ በሰሜን አትላንቲክ፣ በፓስፊክ ውቅያኖስ፣ በባልቲክ እና ጥቁር ባሕር ገለልተኛ ውሃዎች ላይ በየጊዜው ተመሳሳይ በረራዎችን እንደሚያደርጉ የአናዶሉ ዘገባ ያመላክታል።

በሶስና አለማየሁ

​🎂 ሪፐብሊካኖች የግሪንላንድ ቅርጽ ያለው ኬክ በመቁረስ መነጋገሪያ ሆኑ

​በዋሽንግተን ዲሲ በሚገኘው ኬኔዲ ሴንተር በተዘጋጀ ድግስ ላይ፣ ከፍተኛ የሪፐብሊካን ፓርቲ ተወካዮች የግሪንላንድን ቅርጽ የያዘና በአሜሪካ ሰንደቅ ዓላማ የተሸፈነ ኬክ በመቁረስ አነጋጋሪ ድርጊት ፈጽመዋል።

​"51ኛው ክፍለ ሀገር"፦ በዝግጅቱ ላይ ግሪንላንድ የአሜሪካ 51ኛ ክፍለ ሀገር እንደሆነች ተደርጎ ተገልጿል። ኬኩን የቆረሱት የፍሎሪዳ ተወካይ አና ፓውሊና ሉና የኬኩን ፎቶ በማህበራዊ ገጽ ላይ በማጋራት የዴንማርክን ጠቅላይ ሚኒስትር ታግ (Tag) አድርገዋል።

​የአለም አቀፍ ውዝግብ ስጋት፦ በዝግጅቱ ላይ ከነበሩት እንግዶች አንዱ "ይህ ድርጊት ዓለም አቀፍ ዲፕሎማሲያዊ ቀውስ ሊያስነሳ ይችላል" ሲል በቪዲዮው ላይ ሲናገር ይሰማል።

​የትራምፕ ፍላጎት፦ ይህ ድርጊት ፕሬዝዳንት ዶናልድ ትራምፕ ግሪንላንድን ከአርክቲክ ግዛት ጋር የመቀላቀል ፍላጎታቸውን የሚያንጸባርቅ እንደሆነ ተገልጿል።

​የዴንማርክ ምላሽ፦ ትራምፕ ግሪንላንድን ለመግዛት "አስቸኳይ ድርድር" እንዲደረግ ቢጠይቁም፣ ዴንማርክ እና የግሪንላንድ ባለስልጣናት ደሴቱ ለሽያጭ እንደማይቀርብ በድጋሚ አረጋግጠዋል።

​ትራምፕ በቅርቡ በዳቮስ ባደረጉት ንግግር "ኃይል ተጠቅመን ደሴቱን አንወስድም" ቢሉም፣ ግሪንላንድን ማልማትና መጠበቅ የሚችለው አሜሪካ ብቻ እንደሆነች መግለጻቸው ይታወሳል።

የአውሮፓ ኅብረት ከአሜሪካ ጋር ለነበረው የንግድ ስምምነት የሰጠውን ፈቃድ ሰረዘ

የአውሮፓ ኅብረት ምክር ቤት ባለፈው ዓመት ነሐሴ ከአሜሪካ ጋር ተደርሶ ለነበረው የንግድ ስምምነት የሰጠውን ፈቃድ ሰረዘ።
ፕሬዝዳንት ዶናልድ ትራምፕ ግሪንላንድን ለመጠቅለል መወሰናቸውን በመቃወም ስምምነቱ እንዲሰረዝ መወሰኑ የዓለም የምጣኔ ሃብት ፎረም ላይ ተገልጿል።
የትራምፕ ውሳኔ የፋይናንስ ገበያ ቀውስ ከማስከተሉ ባሻገር በአውሮፓ እና አሜሪካ መካከል ያለውን የንግድ ውጥረት አባብሷል።
ትራምፕ በበኩላቸው በግሪንላንድ ጉዳይ ስምምነት በሚደረስበት ጉዳይ ላይ ከኔቶ አባላት ጋር መነጋገራቸውን እና የአውሮፓ አገራት ላይ የጣሉትን ታሪፍ ማንሳታቸውን ተናግረዋል።
ነሐሴ ላይ አሜሪካ እና የአውሮፓ አገራት የደረሱበት ስምምነት ትራምፕ ጥለውት የነበረውን ታሪፍ ከ30% ወደ 15% ዝቅ ያደረገ ነው።
አውሮፓ ታሪፉ ከተቀነሰ በኋላ በምላሹ አሜሪካ ውስጥ ኢንቨስት ለማድረግ እና የአሜሪካ የውጭ ንግድ እንዲጨምር ለማገዝ ተስማምታለች።
ስምምነቱ እንዲተገበር ከአውሮፓ ኅብረት ፓርላማ ፈቃድ ሊሰጠው ይገባ ነበር።
ትራምፕ አዲስ ታሪፍ ለመጣል መዛታቸውን ተከትሎ ግን ምክር ቤቱ "አማራጭ ስለሌለን የስምምነቱን ፈቃድ ሰርዘናል" ብሏል። የንግድ ስምምነቱ ትግበራ "አሜሪካ ወደ ትብብር መንገድ እስከምትመጣ ድረስ" ተፈጻሚ እንደማይሆን አስታውቋል።
ባለፈው የአውሮፓውያኑ ዓመት ትራምፕ ጥለውት ለነበረው ታሪፍ ምላሽ የአውሮፓ ኅብረት 109 ቢሊዮን ዶላር በሚያወጡ የአሜሪካ ሸቀጦች ላይ ታሪፍ ለመጣል ዝተው ነበር። የንግድ ስምምነቱ የተሰጠው ፈቃድ መሰረዙን ተከትሎ ይህ የአውሮፓ ታሪፍ ተግባራዊ ሊደረግ ይችላል።
ትራምፕ በአውሮፓ ኅብረት አባል አገራት ላይ ታሪፍ ለመጣል መዛታቸውን በመጥቀስ "ማስፈራራቱ እስካልቆመ ድረስ አቋማችንን የምንለውጥበት ዕድል የለም" ብለዋል።

ትራምፕ በማኅበራዊ ሚድያ ገጻቸው ከሰሜን አትላንቲክ ጦር ቃልኪዳን (ኔቶ) ጋር "በጣም ገንቢ" ያሉትን ውይይት ማድረጋቸውን ቢያስታውቁም ዝርዝር መረጃ አልሰጡም።
ስለ ግሪንላንድ ስምምነት በሚደረስበት ጉዳይ ላይ ከኔቶ አባላት ጋር ማውራታቸውን እና የአውሮፓ አገራት ላይ የጣሉትን ታሪፍ ማንሳታቸውን ቢገልጹም፤ ስምምነቱ ግሪንላንድን የአሜሪካ ንብረት በማድረግ ጉዳይ ላይ ምን እንደሚል የሚታወቅ ነገር የለም።
ትራምፕ በትሩዝ ሶሻል ገጻቸው "በግሪንላንድ እና በአርክቲክ ቀጣና ጉዳይ ወደፊት ከስምምነት የምንደርስበትን ማዕቀፍ አዘጋጅተናል" ብለዋል።
የቢቢሲ የአውሮፓ ኅብረት ምንጭ ትራምፕ ታሪፍ ላለመጣል መወሰናቸውን በተመለከተ ተጠይቀው እምብዛም ለውጥ የማያመጣ መሆኑን ጠቁመዋል።
በአሜሪካ የቢቢሲ አጋር የሆነው ሲቢኤስ ከምንጮቹ ለማወቅ እንደቻለው ከሆነ አሜሪካ የዴንማርክ ክፍል የሆነችውን ራስ ገዝ ደሴት ሙሉ በሙሉ በመቆጣጠሯ ጉዳይ ከስምምነት አልተደረሰም።
ትራምፕ በዓለም ምጣኔ ሃብት ፎረም ላይ ባሰሙት ንግግር ግሪንላንድን "መቆጣጠር" አማራጭ የሌለው ነገር መሆኑን ጠቁመው "ወታደራዊ ኃይል" እንደማይጠቀሙ ቃል ገብተዋል።
"ኃይል መጠቀም አያስፈልገኝም። ኃይል መጠቀም አልፈልግም። ኃይል አልጠቀምም" ብለዋል።

BBC

ዴንማርክ ለትራምፕ ዛቻ ምላሽ የሚሆን ተጨማሪ ወታደሮችን ወደ ግሪንላንድ አሰማራች
#ethiopia | በዩናይትድ ስቴትስ እና በዴንማርክ መካከል ያለው ዲፕሎማሲያዊ ግንኙነት ወደ ወታደራዊ ፍጥጫ እያመራ መሆኑን የሚያሳዩ ምልክቶች እየታዩ ነው።

የዴንማርክ መንግስት ራሷን በራሷ የምታስተዳድረውን የግሪንላንድ ግዛትን "ለመቆጣጠር" ፍላጎት ካላቸው ከፕሬዚዳንት ዶናልድ ትራምፕ ለሚሰነዘረው ዛቻ ምላሽ የሚሆን ተጨማሪ ወታደራዊ ኃይል ወደ ግሪንላንድ ማዝመቷ ተሰምቷል።

የወታደራዊ እንቅስቃሴው ዝርዝር

የሮያል ዴንማርክ ጦር አዛዥ ፒተር ቦይሰን እንደገለጹት፣ የተላኩት ወታደሮች በምዕራብ ግሪንላንድ በምትገኘው ካንገርሉሱክ (Kangerlussuaq) ማረፊያቸውን አድርገዋል።

* የሰራዊቱ መጠን፦ 58 የዴንማርክ ወታደሮች በአርክቲክ ግዛት ያረፉ ሲሆን፣ ቀደም ብለው ከነበሩ 60 የሚጠጉ ሌሎች ኃይሎች ጋር ተቀላቅለዋል።

* የዘመቻው ስም፦ ይህ ወታደራዊ እንቅስቃሴ “አርክቲክ ኢንዱራንስ” (Arctic Endurance) በሚል ስያሜ በሚካሄደው ሁለገብ ወታደራዊ ልምምድ ስር የሚከናወን ነው።

የፕሬዚዳንት ትራምፕ አነጋጋሪ አስተያየት
ፕሬዚዳንት ትራምፕ ደሴቱን በኃይል ስለመቆጣጠር ለቀረበላቸው ጥያቄ የሰጡት ምላሽ በዴንማርክ በኩል ስጋትን ፈጥሯል። ከኤንቢሲ (NBC News) ጋር ባደረጉት ቃለ ምልልስ “ምንም አስተያየት የለኝም” ማለታቸው፣ ጉዳዩን ወደ ወታደራዊ እርምጃ ሊያመሩት ይችላሉ የሚል ጥርጣሬን አጭሯል።
በተጨማሪም ትራምፕ ለኖርዌይ ጠቅላይ ሚኒስትር ጆናስ ጋህር ስቶር በላኩት መልዕክት፣ የዘንድሮውን የኖቤል የሰላም ሽልማት ካጡ በኋላ “ስለ ሰላም ብቻ የማሰብ ግዴታ የለብኝም” ማለታቸው፣ በክልሉ ያለውን ጂኦፖለቲካዊ ውጥረት ይበልጥ አባብሶታል።
ዝምታን የመረጡት ወገኖች

ምንም እንኳን ወታደራዊ እንቅስቃሴው በግልጽ እየታየ ቢሆንም፣ የዴንማርክ መከላከያ ሚኒስቴር እና የጦር ኃይሎች ዋና መሥሪያ ቤት በጉዳዩ ላይ ተጨማሪ ማብራሪያ ከመስጠት ተቆጥበዋል።

ትንተና፦ ግሪንላንድ ለምን የትኩረት ማእከል ሆነች?

ግሪንላንድ በውስጧ በያዘችው እጅግ ከፍተኛ የተፈጥሮ ሀብት እና ለአሜሪካ መከላከያ ባላት ስልታዊ ጠቀሜታ ምክንያት በትራምፕ አስተዳደር ስር ትልቅ ትኩረት ተሰጥቷታል። የዴንማርክ ወታደራዊ ምላሽም የሀገሪቱን ሉዓላዊነት ለማስከበር የተወሰደ እርምጃ ተደርጎ ተወስዷል።

Getu Temesgen - (ጌጡ ተመስገን)
#greenland #denmark #trump #arcticendurance #geopolitics #militarydeployment #breakingnews #ግሪንላንድ #ዴንማርክ #ትራምፕ #ወታደራዊ_ውጥረት #አለምአቀፍዜና

ግሪንላንድ፦ የአዲሱ የዓለም ጦርነት መንስኤ ወይስ የትራምፕ የታሪክ አሻራ?

​በአርክቲክ ውቅያኖስ ቅዝቃዜ ውስጥ የምትገኘው ግሪንላንድ፣ ዛሬ የዓለምን ከፍተኛ ዲፕሎማሲያዊ ሙቀት እያቀጣጠለች ትገኛለች። የአሜሪካው ፕሬዝዳንት ዶናልድ ትራምፕ ይህችን የዴንማርክ ግዛት በኃይልም ይሁን በገንዘብ ለመቆጣጠር የያዙት ፅኑ እቅድ፣ ከሁለተኛው የዓለም ጦርነት በኋላ የተመሰረተውንና የዓለማችን እጅግ ጠንካራ የተባለውን የኔቶ (NATO) ጥምረት ወደ መፈራረስ አፋፍ እየገፋው ይገኛል።

​ትራምፕ ደሴቷን ለመያዝ ባላቸው ፍላጎት ዙሪያ ያሳዩት ግትርነት እና ተቃውሞ ባሳዩ የአውሮፓ አጋሮች ላይ የጣሉት የንግድ ታሪፍ፣ ዓለምን ወደ አዲስ የቀውስ ምዕራፍ ከቷታል። ታዲያ ይህን የጥፋት ጉዞ ሊገታ የሚችል ማን ነው?

​የኔቶ ህልውና እና የትራምፕ 'የንግድ ጥበብ'
​የኔቶ ስምምነት አንቀጽ 5 "በአንድ አባል ላይ የሚሰነዘር ጥቃት በሁሉም ላይ እንደተሰነዘረ ይቆጠራል" የሚል ቢሆንም፣ ዛሬ ግን ጥቃቱ ሊሰነዘር የታሰበው በራሱ በጥምረቱ መሪ ሀገር አሜሪካ መሆኑ ሁኔታውን እጅግ አስደንጋጭ ያደርገዋል። ትራምፕ ግሪንላንድን ለማግኘት ያላቸው ጉጉት ከግዛት ማስፋፋት ባለፈ፣ እንደ ቶማስ ጄፈርሰን ያሉ ታላላቅ የአሜሪካ ፕሬዝዳንቶችን ታሪክ ለመድገም ካላቸው ምኞት የሚመነጭ ይመስላል።

​ፕሬዝዳንቱ ከፈረንጆቹ የካቲት 1 ቀን 2026 ጀምሮ በዴንማርክ፣ ኖርዌይ፣ ስዊድን፣ ፈረንሳይ፣ ጀርመን፣ እንግሊዝ፣ ኔዘርላንድስ እና ፊንላንድ ላይ የ10% ታሪፍ እንደሚጥሉ ዝተዋል። ይህ ታሪፍ እስከ ሰኔ 1 ድረስ ስምምነት ካልተደረሰ ወደ 25% ከፍ ይላል።

ይህ እርምጃ የንግድ ጦርነት ብቻ ሳይሆን የ77 ዓመታት የደህንነት ትብብርን የሚንድ ክህደት ተደርጎ በአውሮፓውያን ዘንድ ተወስዷል።

​መፍትሄው በማን እጅ ነው?
​ይህን አደገኛ አካሄድ ለመግታት ሶስት ዋና ዋና ኃይሎች በግንባር ቀደምትነት ይጠቀሳሉ፦
​1. የአሜሪካ ኮንግረስ እና የሪፐብሊካን ፓርቲ መሪዎች
ትራምፕ በፓርቲያቸው ውስጥ ያላቸው ተሰሚነት ከፍተኛ ቢሆንም፣ እንደ ሴናተር ሊዛ ሙርኮውስኪ እና ሚች ማኮኔል ያሉ አንጋፋ ሪፐብሊካኖች የፕሬዝዳንቱን እርምጃ በግልጽ መተቸት ጀምረዋል። ሴናተሮች ራንድ ፖል እና ቲም ኬይን "የጦርነት ስልጣን ውሳኔ" (War Powers Resolution) በማቅረብ ትራምፕ ያለ ኮንግረሱ ፈቃድ ወታደራዊ እርምጃ እንዳይወስዱ ለማገድ እየሰሩ ነው። ኮንግረሱ የንግድ ታሪፎችን የመሻር እና አሜሪካ ከኔቶ እንዳትወጣ በህግ የመከልከል ስልጣን አለው። ሆኖም ይህን ለማድረግ በቂ የሪፐብሊካን ድምፅ ማግኘት ትልቁ ፈተና ነው።

​2. የአውሮፓ ህብረት 'የንግድ ባዙቃ'

የአውሮፓ ህብረት በዓለም ላይ ካሉት ትልቁ የንግድ ስብስቦች አንዱ ነው። ፈረንሳይ እና ጀርመን በትራምፕ ዛቻ ሳይንበረከኩ የአጸፋ እርምጃ ለመውሰድ እየተዘጋጁ ነው። የአውሮፓ ህብረት የአሜሪካን የንግድ ገበያ በማገድ ወይም በአጸፋ ታሪፍ የአሜሪካን የቁሳቁስ ዋጋ እንዲንር በማድረግ በትራምፕ ላይ የኢኮኖሚ ጫና ሊፈጥር ይችላል። ይህ ደግሞ በምርጫ ዓመት ውስጥ ያሉትን አሜሪካውያን መራጮች ሊያስቆጣ ስለሚችል ትራምፕን ወደ ድርድር ሊመልሳቸው ይችላል።

​3. የዴንማርክ እና የግሪንላንድ ጽናት

የግሪንላንድ ህዝብ እና የዴንማርክ መንግስት "ግሪንላንድ ለሽያጭ አይደለችም" በሚለው አቋማቸው ጸንተዋል። ይህ የሉዓላዊነት ጥያቄ በመሆኑ፣ የአውሮፓ መሪዎች እንደ ኢማኑኤል ማክሮን ያሉ "የአገራት የመወሰን መብት ሊከበር ይገባል" በሚል ጠንካራ አቋም ይዘዋል። ይህ ዓለም አቀፋዊ የሞራል እና የህግ ድጋፍ ትራምፕን በዓለም መድረክ ብቻቸውን እንዲቀሩ ሊያደርጋቸው ይችላል።

​መደምደሚያ

​የግሪንላንድ ቀውስ ከአንድ ደሴት ይዞታ ባለፈ፣ የዓለምን የሰላም እና የደህንነት መዋቅር የሚፈትን ክስተት ነው። ትራምፕ "የንግድ ጥበብ" (Art of the Deal) ስልታቸውን ወደ ዓለም አቀፍ ወታደራዊ እና ኢኮኖሚ ጫና ቀይረውታል። ይህን አደገኛ ጉዞ ሊያስቆም የሚችለው የአሜሪካ የህግ መወሰኛ ምክር ቤት ፅኑ አቋም እና የአውሮፓውያን የተባበረ የኢኮኖሚ ምላሽ ብቻ ነው።

​ኔቶ ቢፈርስ ትልቁን ድል የሚያገኙት ሩሲያ እና ቻይና ናቸው።

መጪዎቹ ጥቂት ወራት የኔቶን ህልውና እና የአርክቲክ ውቅያኖስን የወደፊት እጣ ፈንታ የሚወስኑ ይሆናሉ።

የአርክቲኩ ፍጥጫ፦ ዴንማርክ የአሜሪካን ግፊት ለመቋቋም ጦሯን እያጠናከረች ነው

​ዴንማርክ በደሴቷ ላይ ያላትን ሉዓላዊነት ለማስጠበቅ እና ማንኛውንም የውጭ ጣልቃ ገብነት ለመከላከል የላቁ የጦር መሣሪያዎችን እና ልዩ ወታደራዊ ቡድኖችን ማሰማራት ጀምራለች።

ይህ እርምጃ የተወሰደው አሜሪካ ግሪንላንድን ለመግዛት ያላትን ፍላጎት በይፋ ከገለጸች በኋላ ሲሆን፣ ዴንማርክም የአገሪቱን ዳር ድንበር ለማስከበር ያላትን ቁርጠኝነት ለማሳየት ወታደራዊ ትኩረቷን ከባልቲክ ባህር ወደ ሰሜን ዋልታ አቅጣጫ እንድታዞር አስገድዷታል።

​በአሁኑ ወቅት ወደ ስፍራው የተላከው የቅድመ ዝግጅት ቡድን (Advance Unit)፣ ወደፊት ለሚመጡ ትላልቅ የዴንማርክ እና የአጋር ኃይሎች የሚያስፈልጉ መሠረተ ልማቶችን የመገንባት እና አስተማማኝ የአቅርቦት መስመሮችን የመዘርጋት ሥራ ላይ ተጠምዷል።

ይህ ወታደራዊ እንቅስቃሴ ተራ የመከላከያ ዝግጅት ብቻ ሳይሆን፣ ግሪንላንድ ለሽያጭ እንደማትቀርብና የዴንማርክ የማይገሰስ ግዛት ሆና እንደምትቀጥል ለአሜሪካ የተሰጠ ጠንካራ ምላሽ ነው።

አሜሪካ ለደሴቷ ያላት ፍላጎት ከጂኦ-ፖለቲካዊ ስትራቴጂ ባሻገር፣ በግሪንላንድ የሚገኘውን እጅግ ከፍተኛና ያልተነካ የማዕድን ሀብት የመቆጣጠር ዓላማ ያለው መሆኑ በሁለቱ ወገኖች መካከል ያለውን ጥርጣሬ ይበልጥ አባብሶታል።

​በመሆኑም ዴንማርክ አብዛኛው ጦሯ በኔቶ ስምሪት ስር ቢቆይም፣ አሁን ላይ ግን ቅድሚያ የሚሰጠው ብሔራዊ ደህንነት ግሪንላንድ ላይ መሆኑን በማመን በደሴቷ ላይ ያላትን የጸጥታ ቁጥጥር በከፍተኛ ደረጃ እያጠናከረች ትገኛለች።

ይህ ሂደት በአርክቲክ ቀጠና ያለውን የኃይል ሚዛን የሚቀይር ከመሆኑም በላይ፣ በሁለቱ የቅርብ የኔቶ አጋሮች መካከል ያለውን ግንኙነት ወደማይታወቅ ምዕራፍ ሊያሸጋግረው እንደሚችል የፖለቲካ ተንታኞች ይገምታሉ።

ዋይት ሃውስ የፕሬዝዳንት ትራምፕን እና የግሪንላንድን ካርታ የሚያሳይ ፎቶ አጋራ
​
የዩናይትድ ስቴትስ ዋይት ሃውስ ፕሬዝዳንት ዶናልድ ትራምፕ ከግሪንላንድ ካርታ ፊት ለፊት ቆመው የሚያሳይ ምስል በፌስቡክ ገጹ ላይ ማጋራቱ አነጋጋሪ ሆኗል።

ዋይት ሃውስ ምስሉን ሲያጋራ ለተከታዮቹ "ሁኔታውን ለመከታተል ይጫኑ" የሚል መልዕክት ያካተተ ቢሆንም፣ ስለ ምስሉ መነሻም ሆነ ስላለው ወቅታዊ ሁኔታ ዝርዝር መረጃ ከመስጠት ተቆጥቧል።

​ይህ ምስል ይፋ የሆነው፣ በፍሎሪዳው የምክር ቤት አባል ራንዲ ፋይን የቀረበውን አዲስ ረቂቅ አዋጅ ተከትሎ ነው።

"የግሪንላንድ የግዛት ጠቀለላ እና የክልልነት አዋጅ" (Greenland Annexation and Statehood Act) የተሰኘው ይህ ረቂቅ፣ ፕሬዝዳንት ትራምፕ ግሪንላንድን ወደ አሜሪካ ግዛትነት ለመጠቅለል አስፈላጊውን እርምጃ እንዲወስዱ ሥልጣን የሚሰጥ ነው።

​ራንዲ ፋይን ለፎክስ ኒውስ በሰጡት ቃል፣ "አሜሪካ በግሪንላንድ ላይ ሉዓላዊነት እንዲኖራት ማድረግ ለዓለም ጥቅም ነው" ብለዋል። የግሪንላንድ ስልታዊ መገኛ ለብሔራዊ ደህንነትና ለአርክቲክ የንግድ መስመሮች ጥበቃ ወሳኝ መሆኑን የገለጹት ፋይን፣ ግሪንላንድ 51ኛዋ የአሜሪካ ግዛት መሆን አለመሆኗን ኮንግረሱ ውሳኔ እንደሚሰጥበትም አመልክተዋል።

​ምንም እንኳን የዴንማርክ እና የግሪንላንድ ባለሥልጣናት ሀሳቡን በተደጋጋሚ ውድቅ ቢያደርጉትም፣ የትራምፕ አስተዳደር ግሪንላንድን የአሜሪካ አካል ለማድረግ "ሁሉንም አማራጮች" እያጤነ መሆኑን ዋይት ሃውስ ከቀናት በፊት መግለጹ ይታወሳል። ይህ አዲስ የፎቶ ግፊትም አሜሪካ ለጉዳዩ የሰጠችውን ትኩረት የሚያሳይ መሆኑ ተነግሯል።

🧊 "ትራምፕ ይቸኩሉ፣ ግሪንላንድ የሩሲያ ልትሆን ትችላለች" — ዲሚትሪ ሜድቬዴቭ
#ethiopia | የሩሲያ ብሄራዊ ደህንነት ምክር ቤት ምክትል ሊቀመንበር ዲሚትሪ ሜድቬዴቭ፤ ፕሬዝዳንት ዶናልድ ትራምፕ የአርክቲክ ደሴት የሆነችውን ግሪንላንድን ለመቆጣጠር የሚያደርጉት ጥረት ካልተሳካ ደሴቷ የሩሲያ አካል ልትሆን ትችላለች ሲሉ በፌዝ (Sarcasm) አስጠነቀቁ።

🎭 የሜድቬዴቭ "የማስጠንቀቂያ" ድራማ

ሜድቬዴቭ "ማክስ" በተሰኘው የማህበራዊ ድረ-ገጽ ገጻቸው ላይ ባሰፈሩት አስተያየት፤ ትራምፕ ግሪንላንድን ለአሜሪካ ብሄራዊ ደህንነት ወሳኝ ናት በማለት ለመግዛት እያሳዩት ያለውን ፍላጎት ተሳልቀውበታል። ሜድቬዴቭ ሲቀጥሉም፦

* "ትራምፕ መቸኮል ይኖርበታል። በጥቂት ቀናት ውስጥ በሚካሄድ ድንገተኛ ህዝበ ውሳኔ 55,000 የሚጠጉ የግሪንላንድ ነዋሪዎች ወደ ሩሲያ ለመቀላቀል ሊመርጡ ይችላሉ" ብለዋል።

* ግሪንላንድ የሩሲያ "90ኛው የፌዴራል አካል" ልትሆን እንደምትችልም ጠቁመዋል።

የአሜሪካው "ኮከብ" ስጋት

"ያን ጊዜ ሁሉም ነገር ያበቃል። በአሜሪካ ሰንደቅ ዓላማ ላይ አዲስ ኮከብ አይጨመርም" ሲሉ ሜድቬዴቭ በትራምፕ ህልም ላይ ቀዝቃዛ ውኃ አፍስሰዋል። ይህም ትራምፕ ግሪንላንድን 51ኛው የአሜሪካ ግዛት የማድረግ ፍላጎታቸውን ለማጣጣል የታለመ አስተያየት ነው።

🔍 ከፌዙ ጀርባ ያለው እውነታ

ሩሲያ በይፋ ግሪንላንድ ላይ የይገባኛል ጥያቄ ባይኖራትም፣ የአርክቲክ ቀጠና ግን ለሀገሪቱ ከፍተኛ ስትራቴጂካዊ ጠቀሜታ አለው። የፖለቲካ ተንታኞች እንደሚሉት የሜድቬዴቭ ንግግር ሁለት ግቦች አሉት፦

* በትራምፕ ግትር የውጭ ጉዳይ ፖሊሲ ላይ ማሾፍ።

* በአሜሪካ እና ግሪንላንድን በባለቤትነት በምትይዘው ዴንማርክ መካከል ያለውን ግንኙነት ይበልጥ ማሻከር።

የክሬምሊን ባለስልጣናት የሜድቬዴቭን ንግግር እንደ ግል አስተያየት ቢመለከቱትም፣ ጉዳዩ በአለም አቀፍ መድረክ አነጋጋሪነቱ ቀጥሏል።

​Getu Temesgen - (ጌጡ ተመስገን)
#ሩሲያ #አሜሪካ #ትራምፕ #ሜድቬዴቭ #ግሪንላንድ #አርክቲክ #የአለምዜና #ዲፕሎማሲ #russia #usa #greenland #trump

"ትራምፕ ካልቸኮሉ ግሪንላንድ የሩሲያ አካል ልትሆን ትችላለች" ዲሚትሪ ሜድቬዴቭ

​ የሩሲያ ብሄራዊ ደህንነት ምክር ቤት ምክትል ሊቀመንበር ዲሚትሪ ሜድቬዴቭ፤ የአሜሪካው ፕሬዝዳንት ዶናልድ ትራምፕ የአርክቲክ ደሴት የሆነችውን ግሪንላንድን ለመቆጣጠር ፈጣን እርምጃ ካልወሰዱ፣ ደሴቷ ወደ ሩሲያ ለመቀላቀል ልትወስን ትችላለች ሲሉ በፌዝ መልክ አስጠነቀቁ።

​ሜድቬዴቭ ይህን ያሉት ትራምፕ ግሪንላንድን ለአሜሪካ ብሄራዊ ደህንነት ወሳኝ ናት በማለት ለመግዛት ወይም ለመቆጣጠር ዳግም ጥረት እያደረጉ ባሉበት ወቅት ነው።
​

​ሜድቬዴቭ "ማክስ" (በተሰኘው የሩሲያ ማህበራዊ ድረ-ገጽ ላይ ባሰፈሩት አስተያየት፤ "ትራምፕ መቸኮል ይኖርበታል። ባልተረጋገጠ መረጃ መሰረት በጥቂት ቀናት ውስጥ ድንገተኛ ህዝበ ውሳኔ ሊካሄድ ይችላል፤ በዚህም 55,000 የሚጠጉ የግሪንላንድ ነዋሪዎች ወደ ሩሲያ ለመቀላቀል ሊመርጡ ይችላሉ" ብለዋል።

​አክለውም "ያን ጊዜ ሁሉም ነገር ያበቃል። በአሜሪካ ሰንደቅ ዓላማ ላይ አዲስ ኮከብ አይጨመርም" ሲሉ በሳቅ የታጀበ (Sarcastic) አስተያየታቸውን ሰጥተዋል።

ሜድቬዴቭ ግሪንላንድ የሩሲያ "90ኛው የፌዴራል አካል" ልትሆን እንደምትችልም ጠቁመዋል።

​ምንም እንኳን ሩሲያ በይፋ ግሪንላንድ ላይ የይገባኛል ጥያቄ ባይኖራትም፣ የአርክቲክ ቀጠና ለሀገሪቱ ስትራቴጂካዊ ጠቀሜታ ያለው መሆኑን ትገልጻለች። የክሬምሊን ባለስልጣናት የሜድቬዴቭን ንግግር እስካሁን በይፋ ባያረጋግጡም፣ ቀደም ሲል በግሪንላንድ ዙሪያ የሚካሄደው ክርክር "ድራማዊ" መሆኑን ገልጸው ነበር።

​የፖለቲካ ተንታኞች እንደሚሉት ከሆነ የሜድቬዴቭ አስተያየት ሆን ተብሎ በአሜሪካ እና በአውሮፓ አጋሮቿ መካከል ያለውን አለመግባባት ይበልጥ ለማባባስ የታለመ የቃላት ጦርነት አካል ነው።

🌎 ትራምፕ ግሪንላንድን ለመውረር ወታደራዊ እቅድ እንዲወጣ አዘዙ

ይህ ውሳኔ በምዕራባውያን ወታደራዊ ቃል ኪዳን ድርጅት (ኔቶ) ውስጥ ትልቅ ድንጋጤን ፈጥሯል።

🔍 ለምን ግሪንላንድ?

ፕሬዝዳንቱ ግሪንላንድን ለመውረር የፈለጉት በሁለት ዋና ዋና ምክንያቶች እንደሆነ ተገልጿል፦

* የስትራቴጂክ ስጋት፦ የሩሲያን እና የቻይናን በአርክቲክ ቀጠና የሚያደርጉትን እንቅስቃሴ ለመግታት።

* የደህንነት ዋስትና፦ አሜሪካ ቀጠናውን ቀድማ በመያዝ የደህንነት የበላይነቷን ለማረጋገጥ።

🛡️ የጄነራሎች ተቃውሞ እና "የአማራጭ" ጥቃት

የአሜሪካ የጦር ኃይሎች የጋራ ኤታማዦር ሹሞች ትዕዛዙን ተቃውመዋል። እርምጃው "ህገ-ወጥ" እና የኮንግረስ ድጋፍ የሌለው መሆኑን በመግለጽ፣ ፕሬዝዳንቱን ከዚህ ሀሳብ ለማስቀየር "በኢራን ላይ ጥቃት መሰንዘር"ን እንደ አነስተኛ አማራጭ እያቀረቡላቸው እንደሆነ ተነግሯል።

⚠️ "ኔቶ ከውስጥ ይፈራርሳል''

ዲፕሎማቶች እንደሚያስጠነቅቁት አሜሪካ ግሪንላንድን ከወረረች አውሮፓውያን ከኔቶ እንዲወጡ ሊያደርግ ይችላል። አንዳንዶች ይህ እርምጃ ኔቶን ለማፍረስ በ "MAGA" ደጋፊዎች የታቀደ ሴራ ሊሆን እንደሚችል ይጠረጥራሉ።
* የአውሮፓ ምላሽ፦ የአውሮፓ የኔቶ አባላት የግሪንላንድን ሉዓላዊነት ለመጠበቅ ወታደሮችን እና መርከቦችን ወደ አካባቢው ለመላክ እየተወያዩ መሆኑ ተሰምቷል።

📉 የፖለቲካ አንድምታ

የእንግሊዝ ዲፕሎማቶች እንደሚሉት፣ ትራምፕ ይህንን አነጋጋሪ አጀንዳ ያመጡት በመጪው የሽግግር ምርጫ (Mid-term elections) ወቅት የአሜሪካን የኢኮኖሚ ችግሮች ለመሸፈን እና የመራጮችን ትኩረት ለማስቀየር ነው።

​Getu Temesgen - (ጌጡ ተመስገን)
#ትራምፕ #ግሪንላንድ #ኔቶ #አሜሪካ #ዴንማርክ #አርክቲክ #ዓለምአቀፍዜና #ወታደራዊውጥረት #trump #greenland #nato #globalnews

“አሜሪካዊ መሆን አንፈልግም!” — ግሪንላንድ

​የግሪንላንድ ፓርላማ አባላት የአሜሪካው ፕሬዝዳንት ዶናልድ ትራምፕ ደሴቷን በኃይል ለመውሰድ ላሳዩት ፍላጎት ጠንካራ ምላሽ ሰጡ።

​የግሪንላንድ አቋም፦ "አሜሪካዊ ወይም ዴንማርካዊ መሆን አንፈልግም፤ እኛ መሆን የምንፈልገው ግሪንላንዳዊያን ነው" ሲሉ በፓርላማው የሚገኙ አምስቱ ፓርቲዎች በጋራ አስታውቀዋል። የግሪንላንድ የወደፊት ዕጣ ፈንታ መወሰን ያለበት በህዝቧ መሆኑንም አፅንዖት ሰጥተዋል።

​የትራምፕ ማስፈራሪያ፦ ፕሬዝዳንት ትራምፕ ደሴቷን "በጥሩ መንገድ ካልሆነ በከባድ መንገድ" ለመውሰድ ዝግጁ መሆናቸውን ገልጸዋል። ለዚህም ምክንያታቸው "እኛ ካልወሰድናት ሩሲያ ወይም ቻይና ይወስዷታል፤ እነሱን ጎረቤት ማድረግ አንፈልግም" የሚል ነው።

​የኔቶ ስጋት፦ የዴንማርክ ጠቅላይ ሚኒስትር ሜቴ ፍሬደሪክሰን አሜሪካ በግሪንላንድ ላይ ጥቃት የምትሰነዝር ከሆነ የኔቶ ጥምረት ሊፈርስ እንደሚችል አስጠንቅቀዋል።

​የጀርመን ምላሽ፦ የጀርመኑ ቻንስለር ፍሬድሪክ ሜርዝ እና ሌሎች የአውሮፓ መሪዎች ለዴንማርክ ያላቸውን ድጋፍ ገልጸዋል። በወታደራዊ ግጭት የኔቶ አባል በሆነች ሀገር ላይ እርምጃ መውሰድ የጥምረቱን መተማመን ሙሉ በሙሉ እንደሚያጠፋው ተገልጿል።

​አዲስ መፍትሔ፦ የኔቶ አባል ሀገራት የአሜሪካን የፀጥታ ስጋት ለመቀነስ "Arctic Sentry" የተሰኘ የአርክቲክ ክልል የክትትል ተልዕኮ ለመጀመር እያሰቡ መሆኑ ተሰምቷል።

​ለምን አሁን?
ግሪንላንድ እጅግ ሰፊ የነዳጅ እና የማዕድን ክምችት ያላት ሲሆን፣ በአርክቲክ ውቅያኖስ ላይ ያላት ስትራቴጂካዊ መገኛ ለአሜሪካ፣ ለሩሲያ እና ለቻይና ከፍተኛ ፍላጎት ሆኗል።

​#greenland #usa #trump #nato #worldnews #denmark

​📍 ግሪንላንድን በሰላም ለማግኘት የቀረበ "የፍቅር" መፍትሔ? ባሮን ትራምፕ እና የዴንማርኳ ልዕልት!

​ ፕሬዝዳንት ዶናልድ ትራምፕ ግሪንላንድን ለመግዛት ያላቸውን ፍላጎት በድጋሚ ካነሱ በኋላ፣ በማኅበራዊ ሚዲያ ላይ አንድ አስገራሚ "ዲፕሎማሲያዊ መፍትሔ" በስፋት እየተነገረ ይገኛል፦ "ባሮን ትራምፕ የዴንማርኳን ልዕልት ኢዛቤላን ያግባ!"

​🔍 ዋና ዋና ነጥቦች፦
​የሃሳቡ መነሻ፦ ትራምፕ ግሪንላንድን "ታላቅ የሪል ስቴት ስምምነት" በማለት ለመግዛት ያላቸው ፍላጎት ይታወቃል። ዴንማርክ ግን ጥያቄውን "የማይረባ" በማለት ውድቅ አድርጋዋለች። አሁን ላይ ጉዳዩ ወደ ብሔራዊ ደኅንነትና ወደ ወታደራዊ አማራጭ እያመራ ባለበት ወቅት፣ ደጋፊዎች "የጋብቻ ስምምነት" (Dynastic Marriage) እንደ ሰላማዊ መውጫ እያቀረቡት ነው።

​የፕሬዝዳንቱ ታናሽ ልጅና ርዝመቱ 2.1 ሜትር የደረሰው 20 አመቱ ባሮን፣ በኒው ዮርክ ዩኒቨርሲቲ ትምህርቱን እየተከታተለ ይገኛል። ከቅርብ ጊዜ ወዲህ በፖለቲካዊ መድረኮች ላይ መታየት የጀመረው ባሮን፣ ለትራምፕ አስተዳደር አዲስ ተስፋ ተደርጎ ይታያል።

የዴንማርኩ ንጉሥ ፍሬድሪክ 10ኛ የበኩር ልጅ ስትሆን፣ በቅርቡ 18ኛ ዓመቷን አክብራለች። በዴንማርክ ንጉሣዊ ቤተሰብ ውስጥ ትልቅ ተወዳጅነት ያላትና ለዙፋኑ ሁለተኛ ተረኛ ናት።

​ግሪንላንድ ለምን አስፈለገ?፦ ደሴቱ እጅግ ከፍተኛ የሆነ የብርቅዬ ማዕድናት (Rare Earth Minerals) ክምችት ያላትና ለአርክቲክ ቀጠና ደኅንነት ወሳኝ ስትራቴጂካዊ ቦታ ናት።

ይህ የጋብቻ ጥያቄ እስካሁን በማኅበራዊ ሚዲያ ደረጃ ያለ "ቀልድና ግምት" ቢሆንም፣ የትራምፕ የግሪንላንድ ፍላጎት ግን እውነተኛና ለዴንማርክ እንዲሁም ለኔቶ (NATO) ትልቅ የራስ ምታት እየሆነ መጥቷል።

ግሪንላንድን ከትራምፕ ማን ይጠብቃታል?

​ዶናልድ ትራምፕ ለማንኛውም ድንበር እንደማይበገሩ እያሳዩ ነው። ከቬንዙዌላ በመቀጠል ግሪንላንድም በአሜሪካው ፕሬዝዳንት የትኩረት አቅጣጫ ውስጥ ገብታለች። ደሴቷ በኔቶ ትጠበቃለች - ይህ ጠባቂ ኃይል ደግሞ ራሱ አሁን ለደሴቷ ስጋት እየሆነ መጥቷል።

​የአሜሪካው ፕሬዝዳንት ዶናልድ ትራምፕ የማይታሰበውን ነገር ለማድረግ ዝግጁ መሆናቸውን አሳይተዋል። በቬንዙዌላው መሪ ኒኮላስ ማዱሮ ላይ የተወሰደው ወታደራዊ እርምጃ እንደ ማሳያ ሊወሰድ ይችላል፦

ዋሽንግተን በግልጽ አንድን መንግስት ከገለበጠች፣ ግሪንላንድን ወደ ራሷ ግዛት የማጠቃለል (annexation) ሃሳብ ለምን የማይታሰብ ይሆናል? ለረጅም ጊዜ እንደ አንድ ግልፍተኛ ፕሬዝዳንት እንግዳ ቅዠት ይታይ የነበረው ጉዳይ፣ አሁን እውነተኛ የጸጥታ ፖሊሲ ጥያቄ ሆኗል።

​ነገሩ እንዲህ ነው፦ ግሪንላንድ የዴንማርክ አካል ናት። ዴንማርክ ደግሞ የኔቶ አባል ናት። ስለዚህ ግሪንላንድ በኔቶ መከላከል አለባት። ይሁን እንጂ ኔቶ በገንዘብ የሚደገፈው በአሜሪካ ነው። እዚህ ጋር ነው ነገሩ የሚወሳሰበው። ያው አሜሪካ አሁን ራሱ እንደ ስጋት እየታየ ነው። የውጭ ጠላቶችን ለመመከት የተገነባው ጥምረት በአንድ ዓይኑ እውር ሆኗል፤ ከውስጥ ለሚመጣ ጥቃት ምንም ዓይነት የድንገተኛ ጊዜ ዕቅድ የለውም።

​አንቀጽ 5 – በወረቀት ላይ ጠንካራ፣ በተግባር ግን ደካማ

​ትራምፕ ራሳቸው በቅርቡ ለእነዚህ ስጋቶች መባባስ ምክንያት ሆነዋል። ባለፈው እሁድ፣ አሜሪካ ግሪንላንድን "በጣም ትፈልጋታለች" ሲሉ ተደምጠዋል። ይህ ንግግር ከቬንዙዌላ ወረራ በኋላ እንደ ተራ ፖለቲካዊ ንግግር ሳይሆን፣ እንደ ከባድ ዛቻ ነው የታየው።

​ከሕግ አኳያ ሁኔታው ግልጽ ይመስላል። ግሪንላንድ በኔቶ ስምምነት ሥር ትወድቃለች። በአንቀጽ 5 ላይ ያለው የጋራ መረዳዳት ደንብ ተፈጻሚ ሊሆን ይችላል። ነገር ግን ችግሩ የሚጀምረው እዚህ ጋር ነው። አንቀጽ 5 አባል አገራት ወታደራዊ ጣልቃ ገብነት እንዲያደርጉ በራስ-ሰር አያስገድድም፤ ይልቁንም አገራቱ ተገቢ ነው ብለው የሚያስቡትን እርምጃ እንዲወስዱ ብቻ ነው የሚደነግገው።

ከሁሉም በላይ ደግሞ በኔቶ ምክር ቤት ውስጥ አንድ ድምፅ ያለው ውሳኔ ያስፈልጋል። አሜሪካ በራሷ እርምጃ ላይ በሚሰጥ ማንኛውም የጋራ ምላሽ ላይ የድምፅን በድምፅ የመሻር (Veto) መብት ይኖራታል። ጥምረቱ በሕግ ደረጃ ግዴታ ቢኖርበትም በተግባር ግን አቅመ ቢስ ይሆናል።

​በወታደራዊ ረገድ አሜሪካ ግልጽ የሆነ የበላይነት አላት። አሁንም በአርክቲክ ክልል ውስጥ መሠረተ ልማት፣ የደህንነት መረጃ አቅም እና የሎጂስቲክስ ጥቅሞች አሏት። ዋሽንግተን በቦታው ላይ እውነታዎችን ለመፍጠር ምንም ዓይነት ቴክኒካዊ ችግር አይገጥማትም - ወታደራዊ ኃይልን በማጠናከር፣ በፖለቲካዊ ጫና ወይም በጸጥታ ትብብር ስም ቀስ በቀስ በመቆጣጠር ሊሆን ይችላል። እውነተኛው አደጋ ያለው በግልጽ ጦርነት ውስጥ ሳይሆን፣ ከዚያ በታች ባለው "ግራጫ ቀጠና" (gray area) ውስጥ ነው።

​አውሮፓ በአንድነት ምላሽ እየሰጠች ነው - በንግግር ደረጃ።

በርሊን፣ ፓሪስ፣ ለንደን እና ብራስልስ የግዛት ሉዓላዊነትን እያጎሉ ነው። ነገር ግን ይህ ሌላውን የሚያስፈራ (deterrence) አይደለም። ኔቶም ሆነ የአውሮፓ ህብረት ከአሜሪካ ፍላጎት ውጭ በአስተማማኝ ሁኔታ ሊጠቀሙበት የሚችሉት መሣሪያ የላቸውም። የአውሮፓ ህብረት የጋራ ድጋፍ አንቀጽ ከአንቀጽ 5 የበለጠ ጠንካራ ቃላት ቢኖሩትም፣ በፖለቲካዊ መልኩ ግን እጅግ ስሜታዊ ነው።

በአርክቲክ ቅዝቃዜ ውስጥ የአሜሪካ ወታደሮችን ለመጋፈጥ ማን ይፈልጋል?

​መከላከያው በወጪ እንጂ በመሣሪያ አይደለም
​ስለዚህ በጣም እውነተኛው መልስ ያለው ከወታደራዊው ዓለም ውጭ ነው። አሜሪካ ግሪንላንድን ለመቆጣጠር ብትሞክር በተባበሩት መንግስታት የሕግ ሂደቶችን፣ ዓለም አቀፍ ዕውቅና አለማግኘትን እና ከፍተኛ ፖለቲካዊና ኢኮኖሚያዊ ኪሳራዎችን ያስከትላል። ግሪንላንድ የአሜሪካ የሞራል እሴት መሸርሸር ምልክት ትሆናለች። የአትላንቲክ ማዶ ግንኙነቶች ለዓመታት ይበላሻሉ። በአሁኑ ጊዜ እነዚህ ከፍተኛ ዋጋዎች ብቸኛው ውጤታማ መከላከያዎች ናቸው።

​የትራምፕ ንግግሮች ቢያንስ ይህንን ዋጋ ለመፈተሽ እያሰቡ መሆናቸውን ያሳያሉ። በዚህም ግሪንላንድ ለምዕራባውያን ሥርዓት የመፈተኛ ነጥብ እየሆነች ነው። ይህም የሆነው ነገ የአሜሪካ ታንኮች በደሴቷ ዋና ከተማ ኑክ ስለሚገቡ ሳይሆን፣ ጉልበት ከሕግ በላይ በሚሆንበት ጊዜ ኔቶ ምንም ዓይነት መልስ ስለሌለው ነው።

​
​በሌላ በኩል ራሷ ግሪንላንድ አለች። ደሴቷ አቅመ ቢስ አይደለችም፤ የራሷ መንግስት እና ግልጽ የፖለቲካ ፍላጎት ያላት ራስ-ገዝ ግዛት ናት። አብዛኛው የግሪንላንድ ሕዝብ ከዴንማርክ የረጅም ጊዜ ነፃነትን ይፈልጋል እንጂ ከአሜሪካ ጋር መቀላቀልን አይቀበልም። ግሪንላንድን ተጋላጭ የሚያደርጋትም ይኸው የነፃነት ጥያቄ ነው፦ የኢኮኖሚ ተስፋዎች፣ ኢንቨስትመንቶች ወይም የጸጥታ ዋስትናዎች ኑክን ከኮፐንሃገን ለመነጠል ጥቅም ላይ ሊውሉ ይችላሉ - ያለ ግልጽ ዓመፅ፣ ግን ከፍተኛ ተጽዕኖ በሚያሳድር ሁኔታ።
​የዴንማርክ ጠቅላይ ሚኒስትር ሜቴ ፍሬደሪክሰን ትራምፕን በግልጽ እየተቃወሙ ነው። አሜሪካ "የዴንማርክ ግዛት የሆነውን ማንኛውንም ክፍል ወደ ራሷ የማጠቃለል መብት የላትም" ያሉት ጠቅላይ ሚኒስትሯ፣ ግሪንላንድ ለድርድር እንደማትቀርብ አሳስበዋል።

​ዴንማርክ ይህንን ለመመከት በአርክቲክ መከላከያ ላይ በቢሊዮኖች የሚቆጠር ገንዘብ በመመደብ እና ከግሪንላንድ ጋር ያለውን አጋርነት በማጉላት እየጣረች ነው።

ነገር ግን ኮፐንሃገን ራሷን እያስታጠቀች ያለችው በሩሲያ ወይም በቻይና ላይ ሳይሆን፣ በተዘዋዋሪ መንገድ በአጋሯ ላይ ነው። ይህ እውነታ ብቻ የትራምፕ ንግግሮች የአውሮፓን የጸጥታ መዋቅር ምን ያህል እንደጎዱት ያሳያል። ስለዚህ ግሪንላንድ በ21ኛው ክፍለ ዘመን "ምዕራባውያን" ማለት ምን ማለት እንደሆነ ማሳያ ፈተና ሆናለች።

ከቺየራ ሸልኒዝ ፅሁፍ የተወሰደ

ቀጣዩ የፕሬዝደንት ዶናልድ ትራምፕ ዘመቻ ወደ ግሪንላንድ ሊሆን እንደሚችል ከወዲሁ እየተገለፀ ነው።

የቬንዙዌላ መሪ ላይ የተወሰደውን እርምጃ ተከትሎ የአለም ህግ ትግበራ ላይ ጥያቄ እየተነሳ በሚገኝበት በአሁኑ ወቅት ፕሬዝደንት ትራምፕ ቀጣይ ዘመቻ ወደ ሰሜን ምእራባዊቷ የአውሮፓ ደሴት ሊሆን እንደሚችል ነው የሳቸው ቅርብ ሰዎች እየተናገሩ የሚገኙት።

ፕሬዝደንቱ ቀደም ሲል ግሪንላንድ የአሜሪካ ትሁን እያሉ እንደነበር ይታወሳል።
ጉዳዩም አይቀሬ መሆኑን ነበር ሲገልፁ የቆዩት።

ከ60 ሺህ የማይበልጥ ህዝብ ያላት በቆዳ ስፋት የኢትዮጵያን ሁለት የምታክለው የሰሜን ንፍቀ ክበቧ ግሪንላንድ በአውሮፓዊትዋ የዴንማርክ ንጉስ መንግስት ስር ሆኗ ራሷን የምታስተዳድር መሆኗ ይታወሳል።

ፕሬዝደንት ትራምፕ የሩስያ እና ቻይና የአርክቲክ ውቅያኖስ ከባቢ እንቅስቃሴን ለመከታተል እና ሊከሰት የሚችል ጥቃትን ለመቀልበስ ግሪንላንድ ለመፈለጋቸው በምክንያትነት የሚጠቀስ ነው።

የተፈጥሮ ሃብቷም ሌላኛው ትኩረታቸው ነው።

ትላንት የኒኮላስ ማዱሮ መያዝን ተከትሎ በተሰጠ መግለጫ አጋጣሚ የውጭ ጉዳይ ሚኒስትር ማርኮ ሩብዮ ፕሬዝደንት ትራምፕ የሚናገሩትን የሚፈፅሙ ናቸው፣ ለወሬ ፍጆታ የሚያወሩ አይደሉም ሲሉ ለሌሎች አስበርጋጊ ተብሎ በባለሞያዎች የተገለፀ ሃሳብ መጣላቸው ቀጣይ ስራ ግሪንላንድ ነች የሚለው እያጠናከረ ነው።

seledadotio
seledadotio

ሩሲያ ወደ ቻይና የምትልክው ፈሳሽ የተፈጥሮ የጋዝ አዲስ ክብረ-ወሰን አስመዘገበ
#ethiopia | ብሉምበርግ የቻይና የጉምሩክ ቢሮ መረጃን ጠቅሶ እንደዘገበው፣ እ.ኤ.አ. በ2024 ከነበረው ጋር ሲነፃፀር ባለፈው ወር የተደረገው አቅርቦት ከሁለት እጥፍ በላይ በመጨመር 1.6 ሚሊዮን ሜትሪክ ቶን ደርሷል።

ይህ ከፍተኛ ጭማሪ ሩሲያ አውስትራሊያን በመቅደም ከኳታር በመቀጠል ለቻይና ትልቋ ሁለተኛ አቅራቢ እንድትሆን አስችሏታል።

አውስትራሊያ ወደ ቻይና የምትልከው የፈሳሽ የተፈጥሮ ጋዝ አቅርቦት እ.ኤ.አ. በ2024 ከነበረው አንጻር በአንድ ሦስተኛ ቀንሷል።

በቻይና እና በአሜሪካ መካከል ባለው የንግድ ፍጥጫ እና በዝቅተኛ ፍላጎት ምክንያት ለረጅም ጊዜ ተቋርጦ የነበረው የጋዝ ግዢ፤ ቻይና በነሐሴ ወር በሩቅ ምስራቋ ቤሃይ ተርሚናል በኩል ከሩሲያው 'አርክቲክ ፈሳሽ የተፈጥሮ ጋዘ 2' ጣቢያ ጋዝ ማስገባት በመጀመሯ ዳግም ሊያንሰራራ ችሏል።

የአውሮፓ ሕብረት እ.ኤ.አ እስከ 2027 ድረስ ሁሉንም የሩሲያ ጋዝ ግዢ ለማቆም ያሳለፈውን ውሳኔ ተከትሎ፣ ሩሲያ ወደ ቻይና የምትልከው የፈሳሽ የተፈጥሮ ጋዝ መጠን በከፍተኛ ሁኔታ መጨመሩ የምዕራባውያን ማዕቀብ ተቃራኒ ውጤት እያመጣ መሆኑንና የሩሲያ የወጪ ንግድ ያለማንም ከልካይ መቀጠሉን ያሳያል ሲል ስፑትኒክ አስነብቧል።

የዛሬው የትራምፕ እና ፑቲን ስብሰባ ለምን በጣም አስፈላጊ ነው?

ብዙ የተነገረለት የአሜሪካው ፕሬዝዳንት ዶናልድ ትራምፕ እና የሩሲያው ፕሬዝዳንት ቭላድሚር ፑቲን ስብሰባ ዛሬ ነው። ስብሰባው በዩናይትድ ስቴትስ አላስካ አንኮሬጅ ውስጥ በአካባቢው ሰዓት አቆጣጠር ከጠዋቱ 11፡30 ላይ በዩክሬን ያለውን ጦርነት ለማስቆም ያለመ ነው። ሆኖም ተንታኞች በሁለቱ የዓለም መሪዎች ውይይት የሩሲያ እና ዩክሬን የተኩስ አቁም ስምምነት ይፈረማል የሚለውን ነገር በተመለከተ ጥርጣሬያቸውን ገልጸዋል።

በደህንነት ስጋቶች እና በጊዜ እጥረት ምክንያት የትራምፕ እና ፑቲን ስብሰባ የአሜሪካ ወታደራዊ ካምፕ ውስጥ ይካሄዳል። መላው ስብሰባ በሰዓታት ውስጥ ይጠናቀቃል ተብሎ ይጠበቃል። ይህ የመሪዎች ውይይት ትራምፕ ለሩሲያ የተኩስ አቁም የመጨረሻ ጊዜ ከሰጡ ከሳምንት በኋላ የመጣ ነው።

ትራምፕ ውይይቱ በጥሩ ሁኔታ ከሄደ ብዙም ሳይቆይ ከዩክሬኑ ፕሬዝዳንት ቮሎዲሚር ዘለንስኪ ጋር ሶስትዮሽ ስብሰባ ሊኖር እንደሚችል ጠቁመዋል።

ሆኖም ዘለንስኪ ዩክሬን ወደዚህ ንግግር ባለመጋበዟ በንዴት ምላሽ ሰጥተዋል። እንደ እሳቸው ገለጻ 'ያለእኛ የተደረገ ማንኛውም የሰላም ስምምነት ለፑቲን ድል ማለት ነው' ብለዋል።
የአውሮፓ መሪዎች የአሜሪካው ፕሬዝዳንት በሞስኮ ላይ ጫና እንዲጨምሩ ለማድረግ እየጣሩ ሲሆን ይህም በዩክሬን ያለውን ጦርነት ለእነሱ ተቀባይነት ባለው መንገድ እንዲያቆም ለማድረግ ነው። ትራምፕ ሩሲያ ጦርነቱን ለማቆም ካልተስማማች ከባድ መዘዞች እንደሚገጥማት አስቀድመው አስታውቀዋል።

ይህ በእንዲህ እንዳለ የሩሲያ ተንታኞች አሁን ስብሰባውን ለፑቲን ድል ብለውታል። እንደ የዜና ወኪል ሮይተርስ ዘገባ ከሆነ የሩሲያ መንግስት ባለስልጣናት እና ተንታኞች የመሪዎች ጉባኤውን ማስታወቂያ አድንቀዋል።

ከፑቲን ጋር ቅርበት ያላቸው ዲፕሎማት ዩሪ ኡሻኮቭ እንደተናገሩት አላስካ እና የአርክቲክ ክልል የሀገሮቻችንን ኢኮኖሚያዊ ጥቅም የሚያጣምሩ እና ትላልቅ የጋራ ተጠቃሚነት ያላቸውን ፕሮጀክቶች ለመተግበር እድል ይፈጥራሉ ብለዋል።

በአጠቃላይ፣ የአላስካው ስብሰባ ለሰላም ንግግሮች እድል ሊፈጥር ቢችልም፣ ስብሰባው በዩክሬን ጦርነት የወደፊት እጣ ፈንታ እና በአለም አቀፍ የኃይል ሚዛን ላይ ዘላቂ ተፅእኖ ሊኖረው እንደሚችል ይታመናል።

የሩሲያ ቀጣይ አስር አመታት ደህንነት ተረጋግጧል ! /ፑቲን /
‎
‎ሩሲያ የኔቶን መስፋፋት ለማስቀረት እጂግ ዘመናዊ የተባሉ በኒውክሌር ኃይል የሚንቀሳቀስ አዲስ የባህር ሰርጓጅ መርከቦችን ማሰማራቷ ተነገረ ።
‎
‎የሩሲያው ፕሬዝዳንት ቭላድሚር ፑቲን በሴቬሮድቪንስክ በሚገኘው ሴቭማሽ የመርከብ ጣቢያ በመገኘት
‎አቶሚክ ኃይል የሚንቀሳቀሰዉን ክኒያዝ ፖዝሃርስኪ ሰርጓጅ መርከብን አገልግሎት የማስገባትና የሰንደቅ ዓላማ ማውረድ ሥነ-ሥርዓትን አካሂደዋል ሲል የዘገበው ሞስኮ ታይምስ ነዉ።
‎
‎አዲሱ የሩሲያ ሰርጓጅ መርከብ አምስተኛው ትዉልድ የፕሮጀክት 955A ወይም Borei-A ከቀደምት ሞዴሎች ተሻሽሎ የተሰራ ሲሆን የላቁ የግንኙነት ሥርዓቶችን፣ የተቀነሰ የአኮስቲክ ፊርማዎችን እና የተሻሻለ የውሃ ውስጥ የመንቀሳቀስ ችሎታን ያካተተና ስድስት ማስወንጨፊያ ያሉትና እያንዳንዱም 16 የኑክሌር ጫፍ ቡላቫ አቋራጭ ባሊስቲክ ሚሳኤሎችን የታጠቁ ብዙ ኢላማዎችን በአንድ ጊዜ እንዲመታ ተደርጎ የተገነባ መሆኑ ተገልጿል ።
‎
‎በሴቬሮድቪንስክ ፋሲሊቲ ላይ ንግግር ያደረጉት ፑቲን የሩሲያ የባህር ሰርጓጅ መርከቦች መስፋፋት የሀገሪቱን ሉዓላዊነትና ደህንነት በማረጋገጥ ረገድ "ወሳኝ" ሲሉ ጠርተውታል። ሞስኮ ታይምስ ፑቲን "የሩሲያን ሉዓላዊነት እና ደህንነት በማረጋገጥ፣ ጥቅሟን በማስጠበቅ እና ለአካባቢያዊ እና አለምአቀፋዊ መረጋጋት ከፍተኛ አስተዋፅኦ በማበርከት የባህር ኃይል ባህር ሰርጓጅ ሃይሎች ወሳኝ ሚና እንዴት እንደሚጫወቱ" አፅንዖት ሰጥተዋል።
‎
‎ፑቲን እነዚህን የባረንትስ ባህርን እና የአርክቲክ ክልሎችን ጨምሮ ወሳኝ አካባቢዎችን ለመቆጣጠር ይችላሉ የተባሉት የባህር ሰርጓጅ መርከቦችም "የሀገራችንን ለሚመጡት አስርት አመታት ደህንነት የሚያረጋግጥ የስትራቴጂክ የባህር ሃይል የኑክሌር ሃይሎች ዋና አካል" ሲሉ ገልፀዋቸዋል።
‎
‎የስቶክሆልም ዓለም አቀፍ የሰላም ምርምር ኢንስቲትዩት እንዳስታወቀው በአሁኑ ወቅት የሩሲያ መርከቦች 280 ሚሳኤሎችን ከታጠቁት 14 የዩኤስ የባህር ኃይል 14 ስትራቴጂካዊ የባህር ሰርጓጅ መርከቦች ጋር መወዳደር የሚያስችል አቅም ላይ ትገኛለች ሲል ከመሬት በተጨማሪ በባህር ላይ የበላይነቷን ለማስጠበቅ እየሰራች መሆኑን አረጋግጧል ።
‎
‎የኔታ ቲዩብ ዘጋቢ ታዴ የማመይ ልጅ