ወ/ሮ አዳነች አቤቤ የአዲስ አበባ ከተማ ከንቲባ ሆነው ተሰየሙ

አዲስ አበባ፣ መስከረም 20፣ 2019 (ኤፍ ኤም ሲ) የአዲስ አበባ ከተማ አስተዳደር ምክር ቤት ወ/ሮ አዳነች አቤቤን በድጋሚ የአዲስ አበባ ከተማ ከንቲባ አድርጎ መርጧል፡፡

ከንቲባ አዳነች አቤቤ የተጣለባቸውን ኃላፊነት በቅንነት እና በታታሪነት ለመፈፀም ቃለ መኃላ ፈጽመዋል፡፡

የአዲስ አበባ ከተማ ምክር ቤት የከተማ አስተዳደር መንግስት ምስረታና 4ኛ ዙር የመክፈቻ ጉባኤውን በዓድዋ ድል መታሰቢያ በሚገኘው የምክር ቤቱ መሰብሰቢያ አዳራሽ እያካሄደ ይገኛል።






ወ/ሮ አዳነች አቤቤ የአዲስ አበባ ከተማ ከንቲባ ሆነው ተሰየሙ

አዲስ አበባ፣ መስከረም 20፣ 2019 (ኤፍ ኤም ሲ) የአዲስ አበባ ከተማ አስተዳደር ምክር ቤት ወ/ሮ አዳነች አቤቤን በድጋሚ የአዲስ አበባ ከተማ ከንቲባ አድርጎ መርጧል፡፡

ከንቲባ አዳነች አቤቤ የተጣለባቸውን ኃላፊነት በቅንነት እና በታታሪነት ለመፈፀም ቃለ መኃላ ፈጽመዋል፡፡

የአዲስ አበባ ከተማ ምክር ቤት የከተማ አስተዳደር መንግስት ምስረታና 4ኛ ዙር የመክፈቻ ጉባኤውን በዓድዋ ድል መታሰቢያ በሚገኘው የምክር ቤቱ መሰብሰቢያ አዳራሽ እያካሄደ ይገኛል።

የፕሮቴስታንት እምነት ዘላለማዊ አሻራ በዓለም የታሪክ መድረክ

ከ16ኛው መቶ ክፍለ ዘመን ጀምሮ የተነሣው የፕሮቴስታንት ንቅናቄ ዓለምን በአዲስ መነጽር እንዲታይ ያደረገ አብዮት ነው። ይህ እምነት የሰውን ልጅ ከባህላዊና ከስርዓታዊ ገደቦች ነፃ በማውጣት፤ በግል ሕሊና፣ በዕውቀት ተደራሽነት እና በማኅበራዊ ልማት መስክ ዓለምን የለወጠ የማይጠፋ አሻራ ጥሏል።

ማርቲን ሉተር መጽሐፍ ቅዱስን ወደ ጀርመንኛ መተርጎሙ እና በጉተንበርግ የሕትመት ማሽን መባዛቱ የሰውን ልጅ የማንበብና የመጻፍ አቅም በከፍተኛ ሁኔታ አሳድጎታል። በወቅቱ በነበረው እምነት መሰረት መጻሕፍት ለጥቂቶች ብቻ ተወስነው የነበረውን አሰራር በመስበር ሕዝቡ ራሱ አነፍንፎ ዕውቀትን እንዲቀስም በማድረግ የዘመናዊው የትምህርት ሥርዓት መሠረት ተጥሏል።

ይህ የዕውቀት ዲሞክራሲያዊነት ለዘመናዊ የከፍተኛ ትምህርት ተቋማት መመስረት ትልቅ መንገድ ከፍቷል። በዓለም ላይ የሚገኙ እንደ ሃርቫርድ፣ ዬል እና ፕሪንስተን ያሉት ታላላቅ የዓለም ዩኒቨርሲቲዎች መጀመሪያ ሲቋቋሙ በፕሮቴስታንት ክርስቲያናዊ ተቋማት እና ሰባኪዎች ተነሳሽነት ነበር። እነዚህ ተቋማት ሚሊዮኖችን በማስተማር የሳይንስ፣ የቴክኖሎጂ እና የፍልስፍና ባለሙያዎችን ለዓለም አበርክተዋል።

ዛሬ ከዓለም አጠቃላይ ክርስቲያኖች ውስጥ ከ900 ሚሊዮን በላይ የሚሆኑ የፕሮቴስታንት (Evangelical, Pentecostal, and Mainline Protestant) ቤተ ክርስቲያን ተከታዮች አሉ። ይህ ግዙፍ ማኅበረሰብ በየዓመቱ በቢሊዮን የሚቆጠር ዶላር በማውጣት በዓለም ዙሪያ ባሉ ድሆች ሀገራት የትምህርት፣ የንጹህ ውኃ፣ የጤና እና የሰብአዊ ድጋፍ ፕሮግራሞችን በመዘርጋት ግንባር ቀደም ሚና ይጫወታል።

ከዚህም ባሻገር እንደ ታዋቂው ሶሺዮሎጂስት ማክስ ቬበር ጥናት መሠረት ፕሮቴስታንታኒዝም "ማንኛውም ሐቀኛ ሥራ ለአምላክ የሚሰጥ አገልግሎት ነው" የሚለውን የሥራ ምግባር እና የካፒታሊዝም መንፈስ (The Protestant Work Ethic) ጽንሰ-ሐሳብ አስተዋውቋል። ይህ ፍልስፍና ግለሰቦች በዲሲፕሊን፣ በታታሪነት እና በኃላፊነት ስሜት እንዲሠሩ በማነሳሳት የዘመናዊውን የኢኮኖሚ፣ የንግድ እና የኢንዱስትሪ ሥርዓት እንዲጎለብት አስችሏል። በተጨማሪም እያንዳንዱ ሰው ከፈጣሪ ጋር ቀጥተኛ ግንኙነት እንዳለው እና የራሱን የሞራል ውሳኔ በሕሊናው የመወሰን መብት እንዳለው ማስተማሩ፤ ለዘመናዊው የዲሞክራሲ፣ የሰብአዊ መብት እና የሐሳብ ነፃነት ጽንሰ-ሐሳቦች መፈጠር የፍልስፍና መሠረት ሆኗል።

የፕሮቴስታንት መንፈስ እንደ አዲስ ንጋት የወጣ፣ የሰውን ልጅ ሕሊና የፈታ ኃይል ነው። ይህ ታሪክ በትውልዶች ልብ ውስጥ የሚዘመር የዕውቀትና የነጻነት ዜማ ነው። በአጠቃላይ የፕሮቴስታንት እምነት በታሪክ ውስጥ የሰውን ልጅ አእምሮ በዕውቀት፣ በታታሪነት እና በግል ኃላፊነት ላይ የተመሠረተ የዕድገት ጎዳና እንዲይዝ አድርጓል።

ዛዲግ አብርሃ
የአፍሌክስ ፕሬዝደንት

በ1974 ዓ.ም ከተዘረጋው አውቶማቲክ ቴሌፎን ማዞሪያ በኋላ በምስሉ ላይ ወደሚታየው የዲጂታል ቴሌፎን ማዞሪያ ማስፋፊያ ሥራ...

1988 ዓ.ም
መቀሌ

ትናንት በታታሪነት የተጣለው መሠረት ለዛሬው ፈጣን ግንኙነታችን መንገድ ጠርጓል!
#ትውስታ #throwbackthursday #ethiotelecom #telebirr #digitalafrica #digitalethiopia #realizingdigitalethiopia

በ1974 ዓ.ም ከተዘረጋው አውቶማቲክ ቴሌፎን ማዞሪያ በኋላ በምስሉ ላይ ወደሚታየው የዲጂታል ቴሌፎን ማዞሪያ ማስፋፊያ ሥራ...

1988 ዓ.ም
መቀሌ

ትናንት በታታሪነት የተጣለው መሠረት ለዛሬው ፈጣን ግንኙነታችን መንገድ ጠርጓል!
#ትውስታ #throwbackthursday #ethiotelecom #telebirr #digitalafrica #digitalethiopia #realizingdigitalethiopia

የ"ሸገሩ"፣ "የእነሆ መቆያው" እሸቴ አሰፋ!
#ethiopia | ባለፈው ሳምንት "እነሆ መቆያ" የተሰኘ መጽሐፉን ለንባብ ያበቃው፣ አንጋፋውና ስመ-ጥሩ ጋዜጠኛ እሸቴ አሰፋ (እሸቴ ከጃንሜዳ) ሐምሌ 19 ቀን 1953 ዓ.ም በሰሜን ሸዋ መንዝና ግሼ አውራጃ ተወለደ።

የአንደኛ ደረጃ ትምህርቱን በተወለደበት አካባቢ ራቤል የመጀመሪያ ደረጃ ትምህርት ቤት ያጠናቀቀ ሲሆን፣ ሁለተኛ ደረጃ ትምህርቱን ደግሞ በመሐል ሜዳ፣ በሆለታና በአቃቂ ተማሪ ቤቶች ተከታትሏል።

ገና በሁለተኛ ደረጃ ትምህርት ቤት እያለ በሚኒ-ሚዲያ በመሳተፍ የጋዜጠኝነት ፍቅሩን ያሳየው እሸቴ፣ ከአዲስ አበባ ዩኒቨርሲቲ በቋንቋና ሥነ-ጽሑፍ የመጀመሪያ ዲግሪውን አግኝቷል።

ለመጀመሪያ ጊዜ ጽሑፉ የታተመለት በአዲስ ዘመን ጋዜጣ "አድማስ" አምድ ላይ ነበር ይላል - ለዚህ ጽሑፍ ዋነኛ ምንጭ አድርገን የተጠቀምነው የ"ተወዳጅ ሚዲያ" መረጃ።

በተለይም "የካቲት" መጽሔት ላይ እንደ ጳውሎስ ኞኞ፣ ስብሐት ገብረእግዚአብሔር፣ ብርሃኑ ዘርይሁን፣ ወጋየሁ ንጋቱ፣ ይድነቃቸው ተሰማና ፕሮፌሰር አስራት ወልደየስ ያሉ ታላላቅ ሰዎችን ታሪክ በጥናት አስደግፎ በማቅረብ የአንባቢን ልብ መግዛት ችሏል።

በተለያዩ ዘርፎች ብዙ ውለታ የዋሉ ታላላቅ የሀገራችንን ሰብዕናዎችንም 'ቃለ-መጠይቅ' (Interview) አድርጓል።

በዚህ የጋዜጠኝነት ጉዞው ውስጥ የአጻጻፍና የጋዜጠኝነት ሙያዊ ዕውቀት የሰጡትንና እንደ መምህር የሚያያቸውን የመጽሔቷን ዋና አዘጋጅ አቶ ጸጋዬ ኃይሉ ተፈራን ምንጊዜም በታላቅ አክብሮት ያስታውሳል።

በአንድ ጊዜ በበርካታ ሚዲያዎች ላይ የመሥራት ልዩ ታታሪነት የነበረው እሸቴ፣ ከ1978 ዓ.ም ጀምሮ ለአምስት ዓመታት ያህል በለገዳዲ ሬዲዮ "የእሁድ ለአንዳፍታ" ፕሮግራም ላይ "እሸቴ ከጃንሜዳ" በሚል ስያሜ የገጠሪቱን ኢትዮጵያ ባህልና ውሎ የሚያሳዩ ማራኪ የሥነ-ቃል ስብስቦችን በራሱ አንደበት እያነበበ ለአድማጭ ያቀርብ ነበር።

በተያያዥነትም ከ1979 ዓ.ም ጀምሮ በኢትዮጵያ ቴሌቪዥን በፍሪላንስ ጋዜጠኛነት በመቀጠር፣ በተለይ ታሪካዊና ተፈጥሯዊ አካባቢዎች ላይ ያተኮሩ የተለያዩ ባለ አንድ ሰዓት ዘጋቢ ፊልሞችን (ዶክመንተሪዎችን) አዘጋጅቷል።

ከእነዚህም መካከል ስለ ጣና ሐይቅ አድባራት የሠራውና አዲስ አበባ 100ኛ ዓመቷን ስታከብር ያቀረበው ባለ አንድ ሰዓት ተኩል ልዩ ፕሮግራም ተጠቃሽ ናቸው።

በ1987 ዓ.ም "ሪፖርተር" ጋዜጣ ሲመሠረት ከዋና መሥራቾቹ አንዱ የነበረ ሲሆን፣ ከ1989 ዓ.ም ጀምሮ ደግሞ የ"ሪፖርተር" ጋዜጣና መጽሔት ምክትል ዋና አዘጋጅና ዋና አዘጋጅ በመሆን ሙያዊና እውነተኛ መረጃ ላይ የተመሠረተ ጋዜጠኝነት እንዲሰፍን ከፍተኛ አስተዋጽኦ አበርክቷል።

ላለፉት አስራ አምስት ዓመታት ደግሞ በሸገር 102.1 ኤፍ ኤም ሬዲዮ በቅዳሜው "እነሆ መቆያ" መሰናዶው የዓለም መሪዎችን፣ ታዋቂ ሰዎችንና ታላላቅ የስለላ ተቋማትን፣ ታሪካዊ ክስተቶችን እና ሌሎችንም ጉዳዮች በበቂ ንባብና ማስረጃ አደራጅቶ በማቅረብ ከፍተኛ ተወዳጅነትን አትርፏል።

በአሁኑ ወቅትም በሸገር fm 102.1 ሬዲዮ ጣቢያ በዋና አዘጋጅነት እያገለገለ ይገኛል። ጋዜጠኛ እሸቴ አሰፋ ባለትዳርና የሁለት ልጆች አባት ነው።

ስለራሱ በአንደበቱ ከማውራት ይልቅ በሥራው መናገርን የሚመርጠው ይህ በሳል ጋዜጠኛ፣ ባለፉት ሠላሳ ዓመታት በሀገሪቱ ሚዲያ ታሪክ ውስጥ የራሱን የማይረሳ ደማቅ አሻራ አስቀምጧል። እናመሰግናለን፤ እሼ!
#ወይ_አዲስ_አበባ_on_Sheger_fm_102 .1 #sheger_fm_102 .1 #zefenenazemen #jafarbooks #radio #አዲስ_አበባ

"የመድን ወኪል" የተሰኘው በዘርፉ የመጀመሪያው የአማርኛ መጽሐፍ በድምቀት ተመረቀ!
#ethiopia | በኢትዮጵያ የመድን (ኢንሹራንስ) ዘርፍ ለበርካታ አሥርት ዓመታት በታታሪነትና በታማኝነት ያገለገሉት አቶ ካሣሁን ዘውዴ፣ የዘርፉን ልምድና ተሞክሮ ያካተተውን "የመድን ወኪል" የተሰኘ አዲስ መጽሐፋቸውን ትናንት ቅዳሜ ሰኔ 27 ቀን 2018 ዓ.ም. በኢትዮጵያ ቤተ መዛግብትና ቤተ መጽሐፍት አገልግሎት (ወመዘክር) አዳራሽ በደማቅ ሥነ ሥርዓት አስመረቁ።

አቶ ካሣሁን ዘውዴ ከ1977 ዓ.ም. ጀምሮ በመድን ዘርፍ በላቀ የሥራ አፈጻጸም ዕውቅና ያተረፉ፣ ዕውቀታቸውንና ተግባራዊ ልምዳቸውን በታማኝነት ለሙያው ያዋሉ አንጋፋ የመድን ወኪል ናቸው።

ደራሲው ከ2012 ዓ.ም. ጀምሮ በጥንቃቄና በጥልቀት ያዘጋጁት ይህ መጽሐፍ፣ የኢንሹራንስ ሽያጭና የደንበኞች አገልግሎትን በተመለከተ ተጨባጭ እውነታዎችን፣ የሥራ ፈተናዎችን እና ስኬቶችን በስፋት ያቀርባል።

መጽሐፉ ለነባርም ሆነ ለአዲስ የመድን ድርጅቶች፣ ለመድን ወኪሎች፣ እንዲሁም ለዘርፉ ፍላጎት ላላቸው አንባቢዎች እንደ መመሪያ፣ ማነቃቂያ እና የሥራ ማጣቀሻ የሚያገለግል ጠቃሚ ሥራ መሆኑ ተገልጿል።

በምርቃት ሥነ ሥርዓቱ ላይ አንጋፋ ደራሲያን፣ የሥነ ጽሑፍና የኪነ ጥበብ ባለሙያዎች፣ ገጣሚያን እና የመድን ዘርፍ ባለሙያዎች ተገኝተው መጽሐፉ በኢትዮጵያ የመድን ገበያ ውስጥ የነበረውን የእውቀት ክፍተት በመሙላት ከፍተኛ አስተዋጽኦ እንደሚኖረው ገልጸዋል።

የመጽሐፉን አርትኦትና ዝግጅት የከወኑት ደራሲ ጌታቸው ዓለሙ ናቸው።

ሰላም! እንደምን አደራችሁ?

ሀገር የምትሰራው...

ሀገር የምትገነባው በአንድነት፣ በመተማመን እና በጋራ ኃላፊነት ነው፡፡ ሀገር ማለት ከመልክዓ ምድሩ ባሻገር የሕዝቦች ታሪክ፣ ባህል፣ ትውፊት፣ ሕልም እና የወደፊት ትውልድ ተስፋ በአንድነት ተሰናስለው የሚገኙበት ነው፡፡

ዛሬ የምናደርገው ትንሽ መልካም ተግባር የነገዋን ኢትዮጵያ ይቀርጻል። ስለዚህ "ኑ ሀገር እንስራ" የሚለው መልዕክት ለሁሉም ዜጋ የሚቀርብ የሀገር ግንባታ ጥሪ ነው። ልማት ከመንግሥት ብቻ አይጠበቅም፤ ከእያንዳንዱ ዜጋ ቅንነት፣ ታታሪነት፣ ሕግን ማክበር እና ለጋራ ጥቅም መስራት ይጀምራል።ይህን አገላለጽ በተግባር አሁን በኢትዮጵያ ካለው ሁኔታ ጋር ማያያዝ ስለሚያስፈልግ የሚከተለውን እንመልከት።

የለውጡ መንግሥት ከመጣ ጀምሮ ጠቅላይ ሚኒስትር ዐቢይ አሕመድ (ዶ/ር) ባደረጉት ኢኒሼቲቭ ከቅርብ ዓመታት ወዲህ በመሠረተ ልማት፣ በኢኮኖሚ፣ በማህበራዊ አገልግሎት እና በተቋማዊ ማሻሻያዎች ላይ የተለያዩ ሥራዎችን እያከናወነ ይገኛል፡፡ለአብነትም የመንገድ ግንባታ፣ የኮሪደር ልማት፣ የቱሪዝም መዳረሻዎች ልማት እና የአረንጓዴ ዐሻራ መርሐ ግብርን መጥቀስ ይቻላል፡፡

እንደ "ገበታ ለሀገር" እና "አረንጓዴ ዐሻራ" ያሉ መርሐ ግብሮች በቱሪዝም፣ በአካባቢ ጥበቃ እና በሥራ ዕድል ፈጠራ ላይ ትልቅ አስተዋጽኦ አበርክተዋል። በተለይ በአረንጓዴ ዐሻራ በቢሊየኖች የሚቆጠሩ ችግኞች መተከላቸው የአካባቢ ጥበቃን በማጠናከር ያለው በጎ አስተዋፅኦ ከአፍሪካ አልፎ ዓለም የመሰከረለት ለውጥ አምጥቷል።

እነዚህ ጥረቶች ለሀገሪቱ ኢኮኖሚ እድገት፣ ለቱሪዝም ማስፋፋት እና ለሥራ ዕድል ፈጠራ መሠረት ለመሆን ታስበውና ታቅደው መከናወናቸው በሀገሪቱ እድገት አሻራ ያኖሩ ተግባራት ሆነዋል።

በኢኮኖሚው ዘርፍም መንግሥት የግብርና ምርትን ለማሳደግ፣ የኢንዱስትሪ ምርትን ለማበረታታት እና የውጭ ምንዛሪ ገቢን ለማሳደግ የሚያስችሉ ሪፎርሞች በመተግበር ተጨባጭ ውጤት አስመዝግቧል፡፡ የማክሮ ኢኮኖሚ ማሻሻያዎች ብቻ ሳይሆን የኢንቨስትመንት ማበረታቻዎች፣ የግብርና ዘመናዊነት እና የውጭ ንግድ ማስፋፊያ ፕሮግራሞች ተግባራዊ በመደረጋቸው በሀገሪቱ ልማት የመጣው ለውጥ እንደተጠበቀ ሆኖ በእያንዳንዱ ዜጋ ኑሮ መሻሻል የሚታይና የሚጨበጥ አስተዋፅኦ አድርጓል።

በሌላ በኩል የኢትዮጵያ መንግሥት የኢኮኖሚ እድገት በቁጥር ብቻ ሳይሆን በዜጎች የኑሮ ሁኔታ ላይ በሚያመጣው ተጨባጭ ለውጥ ሊለካ ይገባል የሚል ፅኑ እምነት አለው። በሀገሪቱ የሚስተዋለውን የዋጋ ንረት፣ የኑሮ ውድነት እና የሥራ አጥነት ችግር በዘላቂነት ለመፍታትም በቁርጠኝነት እየተሰራ ይገኛል፡፡

በማህበራዊ ዘርፍ የትምህርት፣ የጤና እና የዲጂታል አገልግሎቶች ማስፋፋት ተስፋ ሰጪ ርምጃዎች ናቸው። የቴክኖሎጂ መስፋፋት ዜጎች አገልግሎትን በፍጥነት እንዲያገኙ እድል ፈጥሯል። መንግሥት በአንዳንድ አካባቢዎች የሚስተዋለውን የጸጥታ ችግር በዘላቂነት መፍትሄ ለማበጀትም የሰላም ጥሪን መሰረት ያደረገ የሰለጠነ አካሄድ እየተከተለ ይገኛል፡፡ለሰላማዊ ውይይት ዝግጁ የሆኑ አካላትን ለመቀበልና ለማስተናገድ ግማሽ መንገድ ድረስ ለመጓዝ ዝግጁ መሆኑንም በተደጋጋሚ ከመግለፅ ባለፈ በተግባር አሳይቷል። መንግሥት የሚያቀርበውን የሰላም ጥሪም በተሳሳተ መንገድ ጫካ ገብተው የነበሩ ወገኖች ተቀብለው ወደ ሰላማሚ ኑሯቸው እየተመለሱ ነው፡፡

"ኑ ሀገር እንስራ" ሲባል…

"ኑ ሀገር እንስራ" ማለት በሌላው ላይ ጣት ከመቀሰር ይልቅ የራሳችንን ድርሻ መወጣት ማለት ነው። ችግኝ መትከል፣ ግብር በታማኝነት መክፈል፣ ሕግን ማክበር፣ ዜጎች በተሰማሩበት የስራ መስክ ሁሉ ጥራት ያለው ሥራ መስራት፣ ሙስናን መቃወምና መታገል፣ እንደ የአንድ ሀገር ልጆች ልዩነቶቻችንን በሰላምና በውይይት መፍታት እና ለሌሎች መትረፍ ሁሉም የሀገር ግንባታ አካላት ናቸው።

ምክንያቱም ሀገር የምትገነባው በመንግሥት ብቻ አይደለም። አርሶ አደሩ በማሳ፣ መምህሩ በክፍል፣ ሐኪሙ በሆስፒታል፣ ኢንጂነሩ በግንባታ፣ ነጋዴው በታማኝነት፣ ወጣቱ በፈጠራ እና እናቶች በትውልድ ቀረጻ ጭምር ነው። እያንዳንዱ ዜጋ "እኔ ለኢትዮጵያ ምን አበርክቻለሁ?"ብሎ ራሱን ሲጠይቅ የሀገር ግንባታ በእውነት ይጀምራል።

ልማት የሚጀምረው በአእምሮ ነው። የበለጸገች ሀገር የምትገነባውም በተባበሩ ዜጎች ክንድ ነው፡፡ ስለሆነም ልዩነቶቻችንን እንደ ጥንካሬ በመቀበል፣ በመከባበር፣ በመተባበር እና በታማኝነት በመስራት የተሻለች ኢትዮጵያን መገንባት እንችላለን።

አዎን! ሀገር የምትገነባው በዜጎቿ ፅኑ እምነት፣ በትብብር፣ በትጋት እና በጋራ ራዕይ ነው። የኢትዮጵያ ነገ በዛሬው ውሳኔያችን፣ በዛሬው ሥራችን እና በዛሬው አንድነታችን ይወሰናል። ስንተባበር ልዩነታችን ጥንካሬ ይሆናል፤ ስንተማመን ተስፋችን ይጎለብታል፤ ስንሠራ ደግሞ ልማታችን ይፋጠናል።

ስለዚህ ዛሬ ከቃላት ወደ ተግባር፣ ከተስፋ ወደ ሥራ፣ ከመጠባበቅ ወደ ኃላፊነት እንሻገር። እጃችንን እናጣምር፣ ልባችንን እናቀራርብ፣ ለልጆቻችን የምንኮራባት ኢትዮጵያን በጋራ እንገንባ። በአንድ ድምፅ፣ በአንድ አላማ፣ በአንድ ቁርጠኝነት እንበል- ኑ ሀገር እንስራ!

በኮሪደር ልማት የመደመር መንግሥትን እሳቤዎችና የሥራ ጥራት ማሳየት ተችሏል - የከተማና መሠረተ ልማት ሚኒስትር ጫልቱ ሳኒ
****************

የከተማና መሠረተ ልማት ሚኒስቴር የዘርፉን አፈጻጸምና ቀጣይ አቅጣጫዎች የሚገመግምበት የሴክተር ጉባኤ በአርባምንጭ ከተማ እየተካሄደ ይገኛል።

በአርባምንጭ ከተማ ከንቲባ መስፍን መንዛ (ዶ/ር) የእንኳን ደህና መጣችሁ መልዕክት በተከፈተው የሴክተር ጉባኤ ግምገማ፥ የፌደራል፣ የክልልና የከተማ አስተዳደር ከፍተኛ የሥራ ኃላፊዎች እና ባለድርሻ አካላት ታድመዋል።

በመድረኩ የተገኙት የከተማና መሠረተ ልማት ሚኒስትሯ ወ/ሮ ጫልቱ ሳኒ፥ የኮሪደር ልማት ከተሞችን በመቅረጽና መልክ በመስጠት ረገድ ወሳኝ ሚና እየተጫወተ እንደሚገኝ አንስተው፤ በዚህም የመደመር መንግሥትን እሳቤዎችና የሥራ ጥራት ማሳየት መቻሉን ገልጸዋል።

በሀገራችን እየተከናወነ ያለው የመንገድና የኮሪደር ልማት፣ በበለጠ ትስስር የበለጸገች ፍትሐዊት ሀገር የመመስረት ራዕይን የሚያሳካ ስለመሆኑ በመድረኩ ተነስቷል።

በከተሞች የታየውን አስደማሚ ስኬት በገጠር ኮሪደር ልማት በማስቀጠል ሁለንተናዊ ብልጽግና ለማረጋገጥ በትኩረት እንደሚሠራም በጉባኤው ተመላክቷል።

የመደመር መንግሥት ፕሮጀክቶችን ከመጀመር ባለፈ የተጀመሩትን በጥራት በማጠናቀቅ ረገድ በትኩረት እየሠራ ስለመሆኑም ተነስቷል።

በጥቅሉ ዛሬ በየቦታው እየተመዘገቡ ያሉ ስኬቶች ሁሉ የኢትዮጵያ ሕዝብና መንግሥትን ታታሪነትና ትጋት ፍንትው አድርገው የሚያሳዩ ናቸው ተብሏል።

የተጀመረው የብልጽግና ጉዞ ተጠናክሮ እንዲቀጥል የሕዝብ፣ የመንግሥትና የባለድርሻ አካላት ቅንጅት ወሳኝ ነው የተባለ ሲሆን፣ በቀጣይም የመሠረተ ልማት ውጥኖችን በትብብር በመፈጸም ጠንካራ ሀገር ለመገንባት መረባረብ እንደሚገባ መልዕክት ተላልፏል።
#ethiopia #urbandevelopment #urbancorridor #ebc

የአዲስ አበባ ከተማ የቀድሞ ከንቲባ አምባሳደር ዓሊ አብዶ ከዚህ ዓለም በሞት ተለዩ

​የአዲስ አበባ ከተማ አስተዳደርን በ27ኛ ከንቲባነት ከ1990 እስከ 1995 ዓ.ል. የመሩት አምባሳደር ዓሊ አብዶ ከዚህ ዓለም በሞት መለየታቸው ተሰማ።

​አምባሳደር ዓሊ አብዶ ባደረባቸው ህመም ምክንያት በህክምና ሲረዱ ቆይተው፣ ዛሬ ሌሊት ህይወታቸው ማለፉ ታውቋል። በአርሲ ድሬ ከተማ ከአባታቸው ከአቶ ዓሊ ሱለይማን እና ከእናታቸው ከወ/ሮ አፀደ ወልደማሪያም የተወለዱት አምባሳደር ዓሊ፣ ከትዳር አጋራቸው ጋር በጋራ ያፈሯቸው ሁለት ሴት እና አንድ ወንድ ልጆች አሏቸው።

​አምባሳደር ዓሊ አብዶ በቆዩባቸው የሥራ ዘመናት ሀገራቸውንና ሕዝባቸውን በቅንነት፣ በታማኝነትና በታታሪነት ሲያገለግሉ የነበሩ መሪ እንደነበሩ ተገልጿል።

​የቀብር ሥነ-ሥርዓታቸው በዛሬው ዕለት ከጁምዓ ሶላት በኋላ፣ በዳለቲ አካባቢ በሚገኘው የሙስሊሞች መቃብር ስፍራ፤ ቤተሰቦቻቸው፣ ወዳጅ ዘመዶቻቸውና የመንግስት ከፍተኛ የሥራ ኃላፊዎች በተገኙበት ይፈጸማል።

የኔቲዩብ ለቤተሰቦቻቸው፣ ለወዳጅ ዘመዶቻቸው እና ለመላው የኢትዮጵያ ህዝብ መጽናናትን እየተመኘ፤ አላህ (ሱ.ወ) ጀነተል ፊርዶስ ይወፍቃቸው ዘንድ ዱዓ ያደርጋል።

Seledadotio
Seledadotio

ከስኬት ማማው በስተጀርባ ያሉት ብርቱ እናቶች
************************

እናትነት በቃላት የማይገለጽ ጥልቅ ፍቅር ብቻ ሳይሆን፣ የሕይወት መጀመሪያ ትምህርት ቤት እና የማያልቅ የጥንካሬ ምንጭ ነው።

ዛሬ በዓለም አቀፍ ደረጃ በታላቅ የክብር ስፍራ ላይ የምናያቸው ስመ-ጥር ግለሰቦች፣ ለደረሱበት የስኬት ማማ ትልቁን መንገድ የጠረጉላቸው በጸሎትና በጽናት ከጎናቸው የቆሙት እናቶቻቸው መሆናቸውን ታሪካቸው ምስክር ነው።

ለአብነት ያህል "የአፍሪካዋ ቴሬዛ" በመባል የሚታወቁት አበበች ጎበና፣ በረሃብ ለተጎዱ በሺዎች የሚቆጠሩ ሕፃናት እናት ለመሆን የገዛ ትዳራቸውንና ምቾታቸውን መስዋዕት በማድረግ ለሀገር የሚጠቅሙ በርካታ ዜጎችን አፍርተዋል።

በዓለም መድረክ ስማቸው በጉልህ የሚጠቀሱ ታላላቅ አትሌቶች እና በተለያዩ ዘርፎች የተሰማሩ ታዋቂ ሰዎች ለዛሬው ዝናቸውና ክብራቸው መሠረቱ በገጠር ሕይወት ውስጥ በታታሪነትና በሥነ-ምግባር ያሳደጓቸው እናቶቻቸው መሆናቸውን በኩራት ይናገራሉ።

በጥበቡ ዓለምም ብንመለከት፣ ድምፃዊ ሮፍናን በ"ነፀብራቅ" አልበሙ ላይ የእናቱን ምክር አካቶ ያቀረበበት መንገድ፣ የእናቶች ቃል ለስኬት ያለውን ጉልህ ሚና ያሳየበት አጋጣሚ ነው።

ዓለም አቀፉ የእግር ኳስ ኮከብ ክርስቲያኖ ሮናልዶም ቢሆን፣ ለዛሬው ዝናው እናቱ በልጅነቱ የከፈለችው መስዋዕትነት ትልቁን ድርሻ እንደሚይዝ ደጋግሞ ይገልጻል።

ታላቁ የፈጠራ ሰው ቶማስ ኤዲሰን ዓለምን በብርሃን የሞላ ግኝት እንዲያበረክት፣ እናቱ ናንሲ ኤዲሰን በልጃቸው ላይ የነበራቸው ጽኑ እምነት እና በቤት ውስጥ ያስተማሩት ትምህርት መሠረት ሆኖታል።

እነዚህ ጥቂት ምሳሌዎች እንጂ፣ ስማቸው በታሪክ መዝገብ ላይ ባይሰፍርም ለልጆቻቸው ሕልም ሲሉ የራሳቸውን ፍላጎት መስዋዕት ያደረጉ እልፍ እናቶች አሉ።

ከአንድ ስኬታማ የጥበብ ሰው፣ ሳይንቲስት ወይም ባለሙያ በስተጀርባ፤ ዓለም ሁሉ ፊቱን ሲያዞር "ትችላለህ" ብላ ተስፋ የሰጠችና የደከመች ብርቱ እናት ሁሌም ትገኛለች። እናትነት የዓለም ሁሉ ስኬት መነሻ ነችና ሁሌም ልትከበር ይገባታል።

በልዩ እሸቱ
#mothersday #successstories #ethiopia #inspiration

አንጋፋው ሰዓሊና ቀራጺ መጋቢ ጥበባት ሃይለማርያም ሰንበታ ከዚህ አለም ድካም አረፉ
#ethiopia | የኢትዮጵያ ሰዓሊዎችና ደራሲዎች ማህበር መስራች አባልና የኢዮቤልዩ ቤተመንግስት ሰዓሊ እንዲሁም በኢትዮጵያ ቤተክርስቲያን የስዕልና ቅርጻቅርጽ ታሪክ ውስጥ ጉልህ ድርሻ የነበራቸው መጋቢ ጥበባት ሃይለማርያም ሰንበታ ከዚህ አለም ድካም አርፈዋል፡፡

ቀብራቸውም ዛሬ በደብረሊባኖስ አቡነ ተክለሃይማኖት ገዳም ተፈጽሟል፡፡

ከአባታቸው ከአቶ ሰንበታ በዳኔ እና ከእናታቸው ከወይዘሮ ፋይቱ ዶዮ በቀድሞ አጠራር በሰላሌ አውራጃ ኢደቡ አቦቴ ወረዳ ስሬ ሞረሴ ቀበሌ ገበሬ ማህበር በ1921 ዓ.ም የተወለዱት መጋቢ ጥበባት ሃይለማርያም ሰንበታ በለጋ ዕድሜያቸው ስሬ መድሃኔአለም አለቃ ጥበቡ ገሜ እግር ስር የቤተክርስቲያን ትምህርት ተከታትለዋል፡፡

ትምህርታቸውን ሲያጠናቅቁም ከአዲስ አበባ መንበረ ጸባኦት ቅድስት ልደታ ቤተክርስቲያን የዲቁና ማዕረጋቸውን አግኝተዋል፡፡

መጋቢ ጥበባት ሃይለማርያም ሰንበታ ዲቁናቸውን ካገኙ በኋላ በጀሊሳ ተክለሃይማኖት ቤተክርስቲያን ለበርካታ አመታት በላቀ መንፈሳዊ ልዕልና ቤተክርስቲያኑን በዲቁና አገልግለዋል፡፡
መጋቢ ጥበባት ሃይለማርያም ሰንበታ ቤተክርስቲያንን በዲቁና ብቻ ያገለገሉ አባት አልነበሩም፡፡

ከፈጣሪ የተሰጣቸው የስዕል እና የቅርጻቅርጽ ጥበብ ባለቤትም ነበሩ፡፡ መምህራቸው የነበሩት የስሬ መድሃኔአለም ገዳም መምህር አለቃ ጥበቡ ይህንን መክሊታቸውን በማየት ለዚያን ጊዜው ዲያቆን ለአሁኑ መጋቢ ጥበባት ሃይለማርያም ሰንበታ የቤተክርስቲያን ስዕልና ቅርጻቅርጽ ትምህርት አስተምረዋቸዋል፡፡

ይህ የጥበብ ሙያቸው ከቤተክርስቲያን አገልግሎታቸው ጋር ተደምሮ ከትውልድ ሃገራቸው አልፎ በሃገርአቀፍ ደረጃ ከፍተኛ አድናቆትንና ተፈላጊነትን ስለፈጠረላቸውም ከ1949 ዓ.ም ጀምሮ ወደአዲስ አበባ እንዲመጡ ተደርጎ በታላቁ ገነተ ልዑል ቤተመንግስት በቋሚነት ተቀጥረው ከሌሎች የሃገራችን ታላላቅ ሰዓሊያን ጋር ለ12 ዓመታት በከፍተኛ ትጋትና ታማኝነት የቤተመንግስቱ ሰዓሊ ሆነው አገልግለዋል፡፡

ለጥበብ ስራዎቻቸውም ከተለያዩ ታዋቂ ግለሰቦችና ንጉሳውያን ቤተሰቦች እውቅናና ምስጋና ተችሯቸዋል፡፡

በቤተክርስቲያን የነበራቸውን የበርካታ ዘመናት አገልጋይነትና በተለይም በቤተክርስቲያን ጥንታዊ ስዕሎችና ቅርጻቅርጾች ላይ ያሳረፉትን የላቀ አሻራ ከግምት በማስገባትም የኢትዮጵያ ኦርቶዶክስ ቤተክርስቲያን ለረጅም ዘመን የክህነት አገልግሎትና የጥበብ አዋቂነት የምትሰጠውንና ከፍተኛ የሆነውን የ “መጋቢ ጥበባት” ማዕረግ ሰጥታቸዋለች፡፡

የመጋቢ ጥበባት ሃይለማርያም ሰንበታ ታማኝነት፣ ታታሪነትና የቤተክርስቲያን አስተዋዕጾ እጅግ ያስደነቃቸው የወቅቱ የኢትዮጵያ ንጉሰነገስት አጼ ሃይለስላሴ በዚያው ገነተ ልዑል ቤተመንግስት በተካሄደ ስነስርዓት በራሳቸው እጅ የንጉሰነገስቱን የክብር ሽልማት ሰጥተዋቸዋል፡፡

መጋቢ ጥበባት ሃይለማርያም ሰንበታ በሃገራዊ የጥበብ ታሪክ ላይ የነበራቸው አሻራ በዚህ ብቻ የሚቋጭ አይደለም፡፡ በጊዜው በነበረው የጽህፈት ሚኒስቴር ስር በኢትዮጵያ የመጀመሪያ የሆነውንና ለበርካታ አመታት የሃገሪቱን የጥበብ ሰዎች ሲያሰባስብ የኖረውን ታላቁን የኢትዮጵያ ሰዓሊያን እና ደራሲያን ማህበር ሜትር አርቲስት አፈወርቅ ተክሌና መቶ አለቃ ለማ ጉያን ከመሳሰሉ የሙያ ባልደረቦቻቸው ጋር በመሆን መስርተው በታታሪነት አገልግለዋል፡፡

መጋቢ ጥበባት ቀድሞ በዲቁና ሲያገለግሉበት የነበረው ጀሊሳ ተክለሃይማኖት ቤተክርስቲያን ካህን የነበሩትን የመምሬ ገብረስላሴ ልጅ ወይዘሮ ከበቡሽ ገብረስላሴን አጭተው በ1947 ዓ.ም በዚያው ቤተክርስቲያን ጋብቻቸውን ፈጽመዋል፡፡

መጋቢ ጥበባት ከወይዘሮ ከበቡሽ ጋር በነበራቸው የረጅም አመታት የትዳር ዘመን 14 ልጆችን ወልደው ለወግ ለማዕረግ በማብቃት 27 የልጅ ልጆችንና 8 የልጅ ልጅ ልጅ አይተዋል፡፡

ከሚወዷቸው ባለቤታቸው ህልፈተ ህይወት በኋላ ብዙም ጤና ያልነበራቸው መጋቢ ጥበባት ሃይለማርያም በተወለዱ በ97 ዓመታቸው ሚያዝያ 23 ቀን 2018ዓ.ም ከዚህ አለም በሞት ተለይተው ቀብራቸው ሚያዝያ 25 ቀን በታላቁ የደብረሊባኖስ ገዳም ወዳጅ ዘመዶቻቸው በተገኙበት በታላቅ የቤተክርስቲያን ስነስርዓት ተፈጽሟል፡፡

የክቡር መቶ አለቃ ለማ አሰፋ የላቀ የሥራ ስኬትና የላቁ ተግባራት በቢሾፍቱ ከተማ ተዘከሩ
#ethiopia | በኢትዮጵያ የግብርናና የኢንዱስትሪ ዘርፎች ውስጥ ለሰላሳ ዓመታት በሳቅ መሪነትና በታታሪነት ሲሰሩ የቆዩት የክቡር መቶ አለቃ ለማ አሰፋ የሕይወት ጉዞና የሥራ ውጤቶች የሚዘከርበት መርሃ ግብር ዛሬ በቢሾፍቱ ከተማ ተካሂዷል።

በዕለቱም የቤተሰቦቻቸውን የሥራ ቅብብሎሽ ይፋ የማድረግ ስነ ስርዓት ተከናውኗል።

ባለፈው የካቲት ወር 2018 ዓም በድንገተኛ አደጋ ከዚህ ዓለም በሞት የተለዩት መቶ አለቃ ለማ አሰፋ በ1969 ዓም የኢትዮጵያ አየር ኃይልን በመቀላቀል እስከ መቶ አለቃ ማዕረግ ድረስ ሀገራቸውን በታማኝነት ያገለገሉ የጦር መኮንን ነበሩ።

ከወታደራዊ ግዳጃቸው ጎን ለጎንም በአሥመራ ዩኒቨርሲቲ በሕዝብ አስተዳደር የመጀመሪያ ዲግሪያቸውን በመያዝ እውቀታቸውን ያዳበሩ አንጋፋ ሰው ነበሩ።

በግል የንግድ ዘርፍም ቀዳሚ ከሆኑት መካከል አንዱ የነበሩት እኚህ ባለሀብት በኢትዮጵያ የመጀመሪያውን ዓለም አቀፍ የዶሮና የእንስሳት መኖ ማምረቻ ድርጅት ከመመስረታቸው ባሻገር አለማ ፋርምስ እና ሊዮስ የምግብ ዘይት ፋብሪካን የመሳሰሉ ግዙፍ ተቋማትን በማቋቋም በግብርናው ዘርፍ የሚታየውን የግብዓት እጥረት ለመቅረፍ ግንባር ቀደም ሆነው ሰርተዋል።

ከግማሽ ሺህ በላይ ለሚሆኑ ዜጎች የሥራ ዕድል የፈጠሩትና በተለያዩ የሙያ ማህበራት የቦርድ አመራር በመሆን ለሀገር ኢኮኖሚ የላቀ አስተዋጽኦ ያበረከቱት መቶ አለቃ ለማ በጥረታቸውና በእውቀታቸው ለኢትዮጵያ ወጣቶች ትልቅ አርአያ ሆነው ማለፋቸው በመታሰቢያው ፕሮግራም ላይ ተገልጿል።

ክቡር አቶ አባዱላ ገመዳ እና ሌሎች ከፍተኛ የመንግሥት ኃላፊዎች እንዲሁም ታዋቂ ባለሀብቶች በተገኙበት በዚህ መድረክ ላይ ሊዮስ የምግብ ዘይትና አኩሪ ምርቶች ድርጅት በቢሾፍቱ ለሚገኘው የኛ ለኛው የአረጋውያን መርጃ ማዕከል የ500 ሺህ ብር ድጋፍ በማድረግ የሟቹን በጎ አድራጊነት በግብር አሳይቷል።
#ቢሾፍቱ #አለማፋርምስ #ሊዮስዘይት #ኢንቨስትመንት #በጎአድራጎት #ኢንዱስትሪ #getutemesgen #getu #ጌጡ #ጌጡተመስገን #addisababa

የመቶ አለቃ ለማ አስፋው የሥራ ስኬቶች ተዘከሩ!
#fastmereja :በኢትዮጵያ የግብርናው ዘርፍ በተለይም በእንስሳት እርባታና በምግብ ዘይት ማቀነባበሪያ ኢንዱስትሪ ውስጥ ላለፉት ሦስት አሥርት ዓመታት ከፍተኛ አሻራ ያሳረፉት የመቶ አለቃ ለማ አስፋው የሥራ ስኬቶች የሚዘከሩበትና የቤተሰቦቻቸውን የሥራ ቅብብሎሽ ይፋ የሚያደርግ መርሃ-ግብር በዛሬዉ እለት ተካሂዷል።

በዛሬዉ እለት በተከናወነው በዚህ መርሃ-ግብር ላይ የተከበሩ አቶ አባዱላ ገመዳን ጨምሮ ከፍተኛ የመንግሥት የሥራ ኃላፊዎች፣ ታዋቂ ባለሀብቶችና ጥሪ የተደረገላቸው እንግዶች ተገኝተዋል።

ባለፈዉ የካቲት 4 ቀን 2018ዓ.ም በድንገተኛ አደጋ ህይወታቸዉ ያለፉት መቶ አለቃ ለማ አስፋው፣ በአየር ኃይል መኮንንነት ካበረከቱት አገልግሎት ባሻገር በግሉ ዘርፍ ''አለማ ፋርምስ'' እና ''ሊዮስ የምግብ ዘይት'' የመሳሰሉ ግዙፍ ተቋማትን በመገንባት ከ500 በላይ ለሚሆኑ ዜጎች የሥራ ዕድል የፈጠሩ ታታሪ ባለሀብት እንደነበሩ ተገልጿል።

በተጨማሪም መርሃ-ግብሩን ምክንያት በማድረግ "ሊዮስ የምግብ ዘይትና አኩሪ ምርቶች" ድርጅት በቢሾፍቱ ከተማ ለሚገኘው ''ለየኛ ለኛው የአረጋውያን መርጃ ማዕከል" የ500 ሺህ ብር የገንዘብ ድጋፍ አድርጓል።

መቶ አለቃ ለማ አስፋው ከንግድ ሥራቸው ጎን ለጎን በኢትዮጵያ የእንስሳት መኖ፣ የወተትና የዘይት አምራቾች ማህበራት ውስጥ በቦርድ አመራርነት በማገልገል ለሀገራዊ ኢኮኖሚ ዕድገት ትልቅ አስተዋጽኦ ያበረከቱ የሀገር ባለውለታ እንደነበሩ በዕለቱ ተገልጿል።

በጋቶ ተወልደው፣ በአስመራ ዩኒቨርሲቲ ተምረው፣ በአየር ኃይል አገልግለውና በንግዱ ዓለም ስኬታማ ሆነው ያለፉት እኚህ ሰው፤ ለኢትዮጵያ ወጣቶች "በታታሪነትና በዕውቀት ማንኛውንም ከፍታ መድረስ ይቻላል" የሚል ትልቅ የህይወት ትምህርት ትተው ማለፋቸዉ ነዉ የተገለፀዉ።

(ዘ-ሐበሻ ዜና) የአፍሪካ ትልቁ አቪዬሽን የሆነው የኢትዮጵያ አየር መንገድ፣ በጀርመን ሀምቡርግ በተካሄደው የ2026ቱ የ 'PAX Readership' ዓለም አቀፍ የሽልማት መርሃ ግብር ላይ በአቪዬሽኑ ዘርፍ ሶስት ታላላቅ ሽልማቶችን ማሸነፉ ተገለጸ። አየር መንገዱ ዕውቅና ያገኘባቸው ሶስት ዘርፎች በአፍሪካ ምርጥ የምግብ አቅርቦት አገልግሎት ፣ በአፍሪካ ምርጥ አጠቃላይ የመንገደኞች ተሞክሮ ፣ እንዲሁም በአፍሪካ ምርጥ የህፃናት መገልገያ ቁሳቁስ የሚሉት ናቸው። እነዚህ ሽልማቶች አየር መንገዱ ዓለም አቀፍ ደረጃቸውን የጠበቁ የበረራ ላይ አገልግሎቶችን፣ አዳዲስ የፈጠራ ምርቶችን እና ለቤተሰብ ምቹ የሆኑ መገልገያዎችን በማቅረብ ወደር የለሽ የመንገደኞች ተሞክሮ ለመፍጠር ያለውን ቁርጠኝነት የሚያሳዩ መሆናቸው ተገልጿል።

የኢትዮጵያ አየር መንገድ ግሩፕ ዋና ስራ አስፈፃሚ አቶ መስፍን ጣሰው ሽልማቱን አስመልክተው በሰጡት አስተያየት፣ በመንገደኞቻቸው እና በአቪዬሽን ዘርፍ አጋሮቻቸው ዳግም ዕውቅና በማግኘታቸው ትልቅ ክብር እንደሚሰማቸው ገልጸዋል። በሶስት ዘርፎች ማሸነፋቸውም ከበረራ ላይ ምግብ አቅርቦት አንስቶ እስከ አጠቃላይ የደንበኛ ተሞክሮ እና ለቤተሰብ ምቹ የሆኑ አገልግሎቶችን ለማሻሻል ያላቸውን የማያወላውል ትኩረት እንደሚያሳይ ተናግረዋል። አያይዘውም ይህ ስኬት ከኢትዮጵያዊ መስተንግዶ እና ከዓለም አቀፍ ምርጥ ተሞክሮዎች የተቀዳ መሆኑን፣ እንዲሁም የሰራተኛው ቡድን ታታሪነት ውጤት መሆኑን አብራርተዋል።

በዘገባው እንደተመላከተው አየር መንገዱ ዘመናዊ አውሮፕላኖችን፣ የላቁ የካቢን ምርቶችን እና የበረራ ላይ የመዝናኛ ቴክኖሎጂዎችን በማቅረብ የመንገደኞችን ፍላጎት ለማሟላት እየሰራ ይገኛል። በተለይም በበረራ ላይ የሚቀርበው የህፃናት መገልገያ ቁሳቁስ ለቤተሰብ ምቹ የሆነ የጉዞ ልምድ በመፍጠር አየር መንገዱን ለሌሎች ተፎካካሪዎች አርአያ አድርጎታል።

በተጨማሪም የኢትዮጵያ አየር መንገድ ራዕይ 2035 በተሰኘው ስትራቴጂው መሰረት ከዓለም ቀዳሚ የአቪዬሽን ግሩፖች ተርታ ለመሰለፍ እያለመ ነው። ለዚህም በኤዥያ፣ አውሮፓ እና አሜሪካ ገበያዎች ላይ ተደራሽነቱን ይበልጥ በማስፋት ዓለም አቀፋዊ ተጽዕኖውን ማሳደግ፣ ዘመናዊ እና ለአካባቢ ተስማሚ የሆኑ አውሮፕላኖችን በስፋት መጠቀም፣ እንዲሁም የካርቦን ልቀትን በመቀነስ በዘላቂ የአቪዬሽን ኢንደስትሪ ውስጥ ግንባር ቀደም መሆን ዋነኛ የትኩረት አቅጣጫዎቹ መሆናቸው ተብራርቷል።

ማህበራዊ ትንሳኤ ከምኞት ወደ እውነታ
*****************
(የዕለቱ መልዕክት)

ኢትዮጵያ የነበሩባትን ሥር የሰደዱ ማህበራዊ ስብራቶች ባለፉት ስምንት የለውጥ ዓመታት በብልሃትና በጥልቀት ስትጠግን ቆይታለች። ዛሬ ላይ ቆመን ስንመለከት ሀገራዊ ግንባታችን በወረቀት ላይ ከሰፈረው ወጥቶ፣ በዜጎች ጤና፣ በእውቀት ብርሃንና በምግብ ዋስትና ዐውድማ ላይ በተግባር እየተተረጎመ ይገኛል። ይህ ጉዞ ተራ የፖሊሲ ማሻሻያ ሳይሆን የኢትዮጵያን የነገ ማንነት የሚወስን ታላቅ የታሪክ ምዕራፍ ነው።

ለሰላሳ ዓመታት በፖሊሲ ማነቆ ታስሮ የቆየው የጤናው ዘርፍ፣ ዛሬ አዲስ እስትንፋስ ዘርቶበታል። “ቀድሞ መከላከል ለነገው ተስፋ፣ አክሞ ማዳን ለዛሬው ዋስትና” በሚል ፖሊሲያችን መከላከልን ብቻ ሳይሆን ሕይወትን ታድጎ ማቆየትንም ትልቅ ግቡ አድርጓል። ባለፉት የለውጥ ዓመታት የተከናወኑት ተግባራት ዘርፉን ከመሠረቱ የለወጡ ናቸው።

ኢትዮጵያ በሀገር ውስጥ መድኃኒትና የሕክምና ግብዓቶችን የማምረት አቅሟን ማሳደጓ፣ የውጭ ጥገኝነትን ቀንሶ የሉዓላዊነታችን አንዱ አካል ሆኗል። ይህ ስኬት በሀገር ውስጥ ብቻ ሳይወሰን፣ በዓለም አቀፍ የጤና ዲፕሎማሲ መድረክ ኢትዮጵያን የአፍሪካ ድምፅ እንድትሆን አስችሏታል።

ወረርሽኞችን የመለየትና የመቆጣጠር አቅም ማደግ፣ የዲጂታል ጤና ሥርዓት ትግበራ እና የባለሙያዎች ብቃት መጨመር የሀገራችንን የጤና ዋስትና አስተማማኝ አድርገውታል።

“ሳይደግስ አይጣላም” እንዲሉ በትምህርት ዘርፍ የነበረውን የጥራት ውድቀት ለመቀልበስ የተከፈለው መስዋዕትነት ለነገው ትውልድ ትልቅ መሠረት ጥሏል። የሥርዓተ-ትምህርት ክለሳውና የፈተናዎች አስተዳደር መሻሻል የዕውቀት ሌብነትን አክስሞ፣ ብቁና ተወዳዳሪ ዜጋን የመቅረጽ ጉዟችንን አፋጥኖታል።

በተለይም ለጥራት መውደቅ ዋነኛ ምክንያት የነበረውን የቅድመ መደበኛ ትምህርት ክፍተት ለመሙላት የተጀመረው ንቅናቄ የሚደነቅ ነው። “እንጨት በለጋነቱ፣ ልጅ በጨቅላነቱ” እንደሚባለው የነገውን ምሁር ዛሬውኑ በጥራት ለመቅረጽ የተያዘው ስትራቴጂ በተግባር እየታየ ነው።

በቅርቡ በሀገር አቀፍ ደረጃ የሚገነቡት 1 ሺህ 452 አዳዲስ የቅድመ አንደኛ ደረጃ ትምህርት ቤቶች ከ87 ሺህ በላይ ሕጻናትን ወደ ዕውቀት ማዕድ የሚጋብዝ ድንቅ የሀገር ግንባታ ምሰሶ ነው። ይህ ኢንቨስትመንት ለነገው ትውልድ የሚቆረስ የዕውቀት እንጀራ ነው።

ሀገር የምትገነባውና ማህበራዊ ልማት ትርጉም የሚኖረው በምግብ ዋስትና ነውና “የዘሩትን ያጭዳሉ” የሚለው ብሂል በበጋ መስኖ ስንዴ ልማታችን ላይ እውን ሆኗል። በላባችንና በውኃ ሀብታችን የፈጠርነው ተዓምር፣ ኢትዮጵያ ከልመና እጅ ወደ ሰጪነት የምታደርገውን ሽግግር እያፋጠነው ይገኛል።

የውኃ ሀብታችንን በአግባቡ በመጠቀም፣ ባልተቋረጠ ጥረት እና ቁርጠኝነት፣ የመልማት ጉዟችን አስተማማኝና ዘላቂ የሆነ የምግብ ዋስትና ወደምናረጋግጥበት ብሩህ ተስፋ እያሸጋገረን ነው። ይህ የታታሪነት ውጤት ለሀገር ግንባታ ሂደት የጸና መሠረት ጥሏል።

ዛሬ ኢትዮጵያ ውስጥ የሚታዩት የማህበራዊ ዘርፍ እንቅስቃሴዎች የፖሊሲ ማሻሻያዎችን ብቻ ሳይሆን፣ የዜጎችን የኑሮ ጥራት የሚቀይሩ ተጨባጭ ተግባራትን ያቀፉ ናቸው። “ድር ቢያብር አንበሳ ያስር” እንዲሉ፣ እነዚህ የፖሊሲና የተግባር ውጤቶች ተደምረው ነገ የምንረከባት ኢትዮጵያ በጤና የተሻለች፣ በእውቀቷ የዳበረችና በልመና የማታፍር እንድትሆን አድርገዋታል።

ይህ የለውጥ ጉዞ የፖሊሲ ማሻሻያ ብቻ ሳይሆን፣ የዜጎችን ኑሮ በተግባር የመቀየር ታላቅ የትውልድ አደራ መፈጸሚያ ሆኗል። ባለፉት ዓመታት በትምህርት፣ በጤና፣ በክህሎት መር የሥራ ዕድል ፈጠራ፣ በባህልና ስፖርት የተመዘገቡ ውጤቶች የነገውን ጉዞ ብሩህ የሚያደርግ ነው። ኢትዮጵያ በማህበራዊ ልማት እመርታ ለሀገር ግንባታ የምታደርገው ጥረት ለሌሎችም አርአያ የሚሆንና የዜጎችን ተስፋ የሚያለመልም ታላቅ ስኬት ነው።

የኢቢሲዶትስትሪም ኤዲቶሪያል

በ3.5 ሚሊዮን ብር ሸልማት የታጀበው ''የመድን Grand Fight Night" ሊካሄድ ነዉ!
#fastmereja : በኢትዮጵያ የስፖርት ታሪክ ለመጀመሪያ ጊዜ ሦስት የውጊያ ስፖርቶችን በአንድ መድረክ ላይ የሚያገናኘው "የመድን Grand Fight Night I" የተሰኘው ዘመናዊ የውድድር መድረክ የፋታችን ቅዳሜ ሚያዝያ 17 ቀን 2018 ዓ.ም በአድዋ ሙዚየም እንደሚካሄድ በተሰጠ መግለጫ ተገልጿል።

ይህ ታሪካዊ ዝግጅት የሚክስድ ማርሻል አርትስ (MMA)፣ ሟይታይ (Muay Thai) እና ቦክሲንግን (Boxing) በአንድ ላይበማጣመር በሀገሪቱ የስፖርት ኢንዱስትሪ አዲስ ምዕራፍ እንደሚከፍት ተስፋ ተጥሎበታል።

ዝግጅቱን ስዌት ቦክስ ጂም፣ ሸጋ ኤቨንትስ እና የአዲስ አበባ ወጣቶችና ስፖርት ቢሮ በጋራ ያዘጋጁት ሲሆን፣ የኢትዮጵያ መድን ድርጅት የዝግጅቱ ዋነኛ ስፖንሰር (Title Sponsor) በመሆን ድጋፍ እያደረገ ይገኛል።

የዝግጅቱ አስተባባሪዎች እንደገለጹት፣ የውድድሩ ዋነኛ ዓላማ ኢትዮጵያ በማራቶን ያላትን ዝና በውጊያ ስፖርቶችም እንድታገኝ ማስቻል ሲሆን ዝግጅቱ በዘርፉ ያሉ ወጣቶች ያላቸውን ያልተነካ እምቅ አቅም ለዓለም በማሳየት፣ ኢትዮጵያን በአፍሪካ ደረጃ ቀዳሚ የውድድር መዳረሻ የማድረግ ራዕይ እንዳለዉም ነዉ የተገለፀዉ።

ከዚህም ባሻገር ውድድሩ የጡንቻ ጥንካሬ ብቻ ሳይሆን፣ የስፖርተኞችን ስነ-ምግባር፣ ታታሪነትና ትዕግስት የሚፈተንበት መድረክ እንደሚሆን ታውቋል። ስፖርቱ ለወጣቶች የሥራ ዕድልና መደበኛ የገቢ ምንጭ እንዲሆን ለማስቻልም ሰፊ ጥረት ተደርጓል።

ለዚህ ውድድር በአሸናፊነት ለሚወጡ ስፖርተኞች በአጠቃላይ ከ3.5 ሚሊዮን ብር በላይ የገንዘብ ሽልማት መዘጋጀቱ የተገለፀ ሲሆን ይህም ስፖርተኞች በዘርፉ ተስፋ እንዲኖራቸውና ራሳቸውን እንዲያሳድጉ ትልቅ ማበረታቻ እንደሚሆን ተጠቅሷል፡፡

ውድድሩ በዕለቱ ከቀኑ 10፡00 ሰዓት ጀምሮ እስከ ምሽቱ 4፡00 ሰዓት የሚቆይ ሲሆን፣ ታዋቂ ድምፃውያን የሙዚቃ ሥራዎቻቸውን በማቅረብ ዝግጅቱን እንደሚያደምቁትም ተገልጿል።

ይህ ዝግጅት በኢትዮጵያ ለሚገኙ የውጊያ ስፖርት አፍቃሪዎችና በዘርፉ ለተሰማሩ ባለሙያዎች አዲስ የትውውቅና የውድድር መድረክ በመሆን በታሪክ ማህደር ሰፍሮ እንደሚቀመጥ ይጠበቃል።

📷 Zemenu Atalay

ጋሽ አንተነህ በትንሳዔ ዋዜማ 2 ሚሊዮን ብር ተበረከተላቸው
#ethiopia | አዋሽ ባንክ 1 ሚሊዮን ብር የሸለመ ሲሆን፣ ታሜሶል ኮሙኒኬሽን ከታምኮን ሶፍትዌር ሶሉሽን እና ከሊያን ቢዝነስ ግሩፕ ጋር በመተባበር ተጨማሪ 1 ሚሊዮን ብር አበርክተዋል። በአጠቃላይ ደራሲ አንተነህ የ2 ሚሊዮን ብር ስጦታ ተረክበዋል።

ደራሲ አንተነህ ከጤና እክላቸው ጋር እየታገሉ ላሳዩት ከፍተኛ የሥራ ተነሳሽነትና ውጤታማነት የተሰጠ እውቅና ነው። ደራሲው ያዘጋጇቸውን የሥራ ውጤቶችም ሙሉ በሙሉ ሽጠው ማጠናቀቃቸው ተገልጿል።

የአዋሽ ባንክ ዋና ሥራ አስፈጻሚ አቶ ፀሐይ ሽፈራው ባንኩ በየዓመቱ ለማህበራዊ ኃላፊነት አገልግሎት ከ500 እስከ 700 ሚሊዮን ብር እንደሚመድብ ጠቁመው፣ እንደ ደራሲ አንተነህ ያሉ ጠንካራና ለሀገር ባለውለታ የሆኑ ዜጎችን መደገፍ የኩራት ምንጭ እንደሆነ ገልጸዋል።

ይህ እውቅና ለታታሪ ዜጎች የሚሰጥ ማበረታቻና የባለሙያዎችን ድካም የሚመጥን ተግባር መሆኑ በዕለቱ ተመላክቷል።

Getu Temesgen - (ጌጡ ተመስገን)
#getutemesgen #getu #sputnik #ደራሲ_አንተነህ #አዋሽ_ባንክ #ታሜሶል #ታታሪነት #ኢትዮጵያ #awashbank #tamesol #ethiopia #kidame_gebeya #etbusinessview

በእኩለ ሌሊት የጀበና ቡና የምትሸጠው ወጣት 😳🙏
#ethiopia | ​ሰልፉን ወደ ስራ፣ አሰልቺውን ምሽት ወደ ገቢ ምንጭነት የቀየረችው ብርቱ!

​ትናንት ማታ ለነዳጅ ተሰልፌ በአራት ሰዓታት አድካሚ መጠበቅ ውስጥ ሆኜ የታዘብኩት ገራሚ ታሪክ ነው። እኩለ ሌሊት አካባቢ፣ ሁሉም እንቅልፍና ቅዝቃዜ ተጭኖት በተሰላቸበት ቅጽበት፣ አንዲት ወጣት በአንድ እጇ እጣን የሚጨስበት ሲኒ የተደረደረበት ሰርቪስ፣ በሌላ እጇ ደግሞ ጀበና ይዛ ከመኪና መኪና ስትሯሯጥ አየኋት።

​ለምን ገረመችኝ?

​የፈጠራ ችሎታ (Genius Move): ሰዎች በነዳጅ ሰልፍ ተማርረው ባለበት ሰዓት፣ እሷ ግን ያንን "ሰልፍ" ወደ ትልቅ የገበያ መድረክ ቀይራዋለች።

​ታታሪነት፦ እንቅልፍን አሸንፋ፣ የሌሊቱን ቅዝቃዜ ተቋቁማ በፈገግታ ለደከመው ተሰላፊ ቡና ታቀርባለች።

​ለስራ ያላት ክብር፦ ስራን ሳትንቅ፣ ባገኘችው አጋጣሚ ሁሉ ለራሷ ህይወት የምትለፋ "ባለራዕይ" ናት።

​"የነዳጅ ሰልፍን ወደ ስራ መቀየር!" በእውነት የሚገርም የቢዝነስ አመለካከት ነው። እንቅልፍን አሸንፈው፣ ቅዝቃዜውን ተቋቁመው ለራሳቸው ህይወት የሚለፉ እንደ ምህረት ያሉ ብርቱዎች ክብር ይገባቸዋል! 🙌

​ድጋፍ ማድረግ ለምትፈልጉ፦

ምህረት ታፈሰ ለቤና

​የኢትዮጵያ ንግድ ባንክ
1000759097967

​ስልክ ቁጥር
+251-946-418016

Via Rita Gebrewold

​#getu #hardwork #inspiration #ethiopia #entrepreneurship #coffeeculture #streetvending #strongwomen #successstory #addisababa #ታታሪነት #ጀበናቡና #ኢትዮጵያዊነት #ጌጡተመስገን #getutemesgen

የሰብአዊነት ጥሪ
ለኮንሶ ወገኖቻችን እንድረስላቸው!
#ethiopia | ​ የጥንካሬና የታታሪነት ተምሳሌት የሆነው የኮንሶ ሕዝብ፣ በሰገን ዙሪያ ወረዳ በደረሰ የጎርፍ አደጋ ምክንያት አስቸጋሪ መከራ ውስጥ ይገኛል።

​ ከ2013 ዓ.ም ጀምሮ በግጭት ምክንያት ተፈናቅለው በሸራ ተጠልለው የነበሩ ወገኖች፣ በደረሰው ከባድ ዝናብና ጎርፍ መጠለያቸው በሙሉ ተወስዶባቸዋል።

​በዚህ የክረምት ዝናብ ወቅት መጠለያ ማጣት የሕፃናትና የእናቶችን ሕይወት ለከፋ አደጋ አጋልጧል።

​ ኮንሶ ሁልጊዜም ለችግሮች አገር በቀል መፍትሔ በማምጣት የሚታወቅ ድንቅ ሕዝብ ነው። ዛሬ ግን ይህ የታታሪ ሕዝብ ልጆች የእኛን እጅ ይሻሉ።

የክልሉና የዞኑ መንግሥታት ዘላቂ ማቋቋሚያ ሥራ ቢጀምሩም፣ ወቅቱ አጣዳፊ በመሆኑ የእኛ ድጋፍ ወሳኝ ነው።

በሰገን ዙሪያ ወረዳ የመልሶ ማቋቋሚያ ስም በተከፈተው የባንክ አካውንት አቅማችን የፈቀደውን በማድረግ ከወገኖቻችን ጎን እንቁም፦

​🔹 የኢትዮጵያ ንግድ ባንክ (CBE)፦ 1000418082438
🔹 አድራሻ፦ የሰገን ዙሪያ ወረዳ የመልሶ ማቋቋሚያ

​መከራን በጋራ ማለፍ ባህላችን ነው!

የቻልነውን በማበርከት፣ ካልቻልን ደግሞ ይህን መረጃ ሼር (Share) በማድረግ ለወገኖቻችን ድምፅ እንሁን።

ለጀግናው፤ ለታታሪው የኮንሶ ሕዝብ Getu Temesgen - (ጌጡ ተመስገን) ሚዲያና ኮሙኒኬሽንስ
5,000.00 ( አምስት ሺህ ብር ) ድጋፍ አድርገናል።

እንመጣለን - ኾንሶ ኻኖ

​#getu #savekonso #segenzuria #floodrelief #humanitariancall #ethiopiahelp #konsopeople #supportethiopia #emergencyaid #ኮንሶ #ሰገንዙሪያ #ሰብአዊነት #ድረሱልን #ኢትዮጵያ #ጌጡተመስገን #getutemesgen

የኀዘን መግለጫ
#ethiopia | ‌‎የኢትዮጵያ ፌደራል ፖሊስ የዩኒቨርስቲ ደህንነት ጥበቃ ፖሊስ መምሪያ ኃላፊ የነበሩት ረዳት ኮሚሸነር በላይ ከበደ ፍሬው መጋቢት 1 ቀን 2018 ዓ.ም በድንገተኛ ህመም ከዚህ ዓለም በሞት ተለይተዋል።

‎ረዳት ኮሚሽነር በላይ ከበደ በሥራ ዘመናቸው ተቋማቸውንና ህዝባቸውን በታታሪነት፣ በታማኝነትና በቅንነት ሲያገለግሉ የቆዩ አመራር ነበሩ።

‎የኢትዮጵያ ፌደራል ፖሊስ በረዳት ኮሚሽነሩ ድንገተኛ ህልፈት የተሰማውን ጥልቅ ሀዘን እየገለጸ፤ ለቤተሰቦቻቸው፣ ለወዳጅ ዘመዶቻቸውና ለሥራ ባልደረቦቻቸው መጽናናትን ይመኛል።

‎የረዳት ኮሚሽነሩ የቀብር ሥነ-ሥርዓት መጋቢት 3 ቀን 2018 ዓ.ም ከ8፡00-9፡00 በመካኒሳ አቦ ቤተክርስቲያን ወዳጅ ዘመዶቻቸውና የሥራ ባልደረቦቻቸው በተገኙበት ይፈፀማል፡፡

Via EFP

Getu Temesgen - (ጌጡ ተመስገን)
#getutemesgen #getu #ጌጡ

ወደ ኢቢሲ ተመልሻለሁ

ጋዜጠኛ የኑስ ሙሐመድ
በኢቢሲ ከፍተኛ ኤዳተር

📌ሐቄ በፍርድ ቤት ተረጋግጦልኛል!
#ethiopia | የተከበራችሁ ኢትዮጵያውያንና በጋዜጠኝነት ሕይወቴ ለምታውቁኝ ሁሉ፤

በ2016 ዓ.ም ነሀሴ ወር ላይ ለአዲስ ዓመት እና ለመውሊድ በዓል ቀረጻ እኔና ባልደረቦቼ ወደ አማራ ክልል ወሎና አካባቢው መላካችንን ተከትሎ ለ14 ቀናት በደረሰብን የታጠቁ ኃይሎች እገታ ምክኒያት በወቅቱ ኃላፊነት ላይ በነበሩት የኢቢሲ ዋና ሥራ አስፈጻሚ ውሳኔ ከሌሎች አብረውኝ ከታገቱ ባልደረቦቼ ተለይቼ ወደ ተቋሙ እንዳልገባ መከልከሌንና በግፍ መባረሬን ገልጨላችሁ ነበር።

በጊዜው ፍርድ ቤት በመሄድ ይግባኝ ማለቴን ተከትሎ ጉዳዩን ለዓመት ያህል ሲመለከት የቆየው የፌደራል ከፍተኛ ፍርድ ቤት ልደታ ምድብ ይግባኝ ሰሚ ችሎት ጥቅምት 3 ቀን 2018 ዓ.ም በሰጠው ውሳኔ መሠረት የኢቢሲ ዲስፕሊን ኮሚቴና የቀድሞው የተቋሙ ዋና ሥራ አስፈጻሚ የሰጡት ውሳኔ ተሽሮ በግፍ ከተባረርኩበት ክስ ነፃ ተደርጌያለሁ።

በፍርድ ቤቱ ውሳኔ መሠረትም አስፈላጊው ሄደት ተሟልቶና ጥቅማጥቅሜ ተከብሮልኝ በዛሬው ዕለት ወደ ቀደመው የሥራ መደቤና ክፍሌ ተመልሻለሁ።

አልሃምዱሊላህ! ምስጋና ለዓለማቱ ጌታ አላህ ሱብሃነሁ ተዓላ ይሁን! ክፉ ቀንን በበጎ የሚሽር የሁላችንም ፈጣሪ ክብሩንና ምስጋናውን ይወሰድ!

በታታሪነት ያለምንም የድስፕሊን ሪከርድ በሰራሁበት ተቋም ነገን አሻግሮ ማየት በተሳናቸውና ኃላፊነት በጎደላቸው ጥቂት ግለሰቦች አማካኝነት ለተጎዳሁበትና አለቅጥ ላዘንኩበት ረዥም ታሪክ በሕግ አካላት ተገቢውን ፍትህ አግኝቻለሁ። ለፌደራል ከፍተኛ ፍርድ ቤት ልደታ ምድብ ይግባኝ ሰሚ ችሎት ዳኞችና ሠራተኞች ሁሉ ምስጋናየን ለማቅረብ እወዳለሁ።

የፍርድ ቤት ውሳኔ ይዤ ወደ ኢቢሲ ስመለስ እንኳን ወደ ቤትህ በደህና ተመለስክ በማለት በክብር አስተናግደውኛል። በዚህም ሁሉንም እያመሰገንኩኝ በኔ ላይ የተፈጸመው ግፍ በማንም ላይ እንዳይደገም በጋዜጠኝነት ሙያ ላይ ለተሰማሩ አካላት ሁሉ ጥሪየን ለማቅረብ እወዳለሁ።

ከሥራና ከደመወዝ ከታገድኩበት ዕለት አንስቶ እስከ ዛሬዋ ቀን ድረስ ከአንድ ዓመት ተኩል በላይ ሕመሜን ሕመም አድርጋችሁ በሞራል፣ በገንዘብና በቁሳቁስ ድጋፍ ላደረጋችሁልኝና ይህችን ዕለት በትዕግሥት ጠብቄ ፍትህን እንዳገኝ ላገዛችሁኝ፤ እንዲሁም ስለኔ በመከራከር ፈተናን ለተጋፈጣችሁ ወንድም እህቶቼ ሁሉ ይኸው ምላሼ ሐቄና ሐቄ የተረጋገጠበት ማስረጃ ነው። ይህቺን የእውነት ቀን አሻግራችሁ በማየት አብራችሁኝ ብዙ ደክማችኋልና ምስጋናየ በያላችሁበት ይድረስልኝ።

የሥነ - ተግባቦት “ብርሃን እና የቃላት መሃንዲስ”

( አንጋፋው ጋዜጠኛ ~ ብዙአየሁ አሣሣኸኝ )
#ethiopia | ብዙአየሁ ጋዜጠኝነትን እና (ሥነ-ተግባቦትን) ከሥራ ባለፈ የማይናወጥ የሙያ ዐለት አድርጎ በመቆም እንደ ሕይወት ምዕራፍ ጥሪ ማገልገል ( Editorial Policy ) በማክበር በተመልካች ልብ ውስጥ ማይረሳ ንጣፍ የማዕዘን ድንጋይ ሕያው የታሪክ ሰበዝ እና አሻራን ማሳረፍ ችሏል በሞያው።

ነፍሱን በአፀደ ገነት ያድርግልንና ፤ አሜን “የሚዲያ- ዳሰሳ” ብሔራዊ ቴሌቪዥን -( ETV ) ፕሮግራም አዘጋጅና አቅራቢ ከተወዳጁ ጋዜጠኛ ታደሰ ሚዛን ( ዶ/ር ) ጋር ወዳጅ ነበሩ።

ብዕረኞቹ የልብ ወዳጆች ነበሩ በጊዜው ( ጀማሪ ጦማሪ ) ሳሉ አንሥቶ በጋራ “ውበት አማተር- የጋዜጠኞች ማሕበር” ለአምሥት በመሆን እንዳቋቋሙ ከታሪካቸው ሰምቻለው።

ብዙአየሁ ቃላቶች የመምረጥ እና ሐሳብን የመሰደር ብቃቱ ተወዳዳሪ የለውም። አንድ ርዕሰ ጉዳይ ሲያብራራ ብሎም ሲተነትን ጉዳዩን አያውቀውም ሚባል ሰው እንኳን ፍንትው ብሎ እንዲታይ የማድረግ ልዩ ተሰጥኦ አለው። ይኸ ደግሞ የሚመነጨው ለሞያው ካለው ልዩና ጥልቅ አክብሮት ነው።

ብዙአየሁ አሣሣኸኝ በሥራው ከአሜሪካ ድምፅ ስጦታ ከ Voice Of America - ( VOA ) ራዲዮ ጣቢያ በ ፖስታ ሽልማት እንዳበረከቱለት ቀደምት ታሪኩን ዳሩ ሰማውኝ።

ብዕረኛው ብዙአየሁ በርካታ ሥራዎች አሉት እድሜ ጠገቡ የኢትዮጵያ ራዲዩ እና አዲስ - ዘመን ጋዜጣ ዕትም ላይ።

ቡዙአየሁ ጋዜጠኝነትን ወደ ጥበብ ደረጃ የሳረገ አንደበተ ርቱዕ እና ብርቅዬ የሙያ አጋሬ ሰው ነው። የእርሱን ንግግር መሥማት በእውነቱ ከሆነ ልክ እንደ ዜማ በጆሮ ያረካል።

ብልኃቱ የማይመለሱ ፤ የሚመሥሉ ጥያቄዎችን በለሠለሰ አንደበቱ እያውረገረግ ዳሩ በማይናወጥ ጽናት ይጠይቃል።

ብዙአየሁ ቃላትን እንደ ጌጣ-ጌጥ የመደርደር ሀሳብን እንደ ጅረት ማፍሰሥ ጥበቡ ተመልካች ካለበት ቦታ ነቅሎ ጉዳዩ ጥልቀት እንዳለው በመሳል ቡዜ በአንደበቱ ይወሥደዋል።

ከሁለት 10 ዓመታት በፊት በወርሃ ግንቦት - 1994 ዓ.ም “ጦቢያ መፅሔት” ቁ.10 ላይ ብዙአየሁ መራራ ፓለቲካዊ ሽሙጥ ፅሑፉን አሥነብቧል መሠላችሁ ተደራሲያንን።

ብዙአየሁ የሕዝብ ድምፅ የፍትሕ ሞጋች እና የታሪክ ምስክር በመሆን የሙያ ብቃትን ልዩ ተሠጥኦ በምንም አይነት ጫና ውስጥ ቢሆን ዳሩ ፤ ለእውነት መቆምን ሙያዊ ብሂሉ ነው። የሚናገረው ቃል ሠማያዊ ሚዛን የሚደፋው ከሥራ ተግባሩ ከሥነ- ምግባሩ ጋር ሲታረቅ ወዝ-አደር ባለሞያ ያስብለዋል።

ሙያዊ (ሥነ- ምግባር) ከታታሪነት ጋር አጣምሮ መያዝ ምን ያሕል ዋጋ እንደ ሚያስከፍል ፤ በተግባር ተፈትኖ አሳይቷል።

ያ ውብ ብዕር እና ያ ብሩህ አንደበትህ ለዘላለም ይድመቅ !

እርሱ በሥራዎቹ አማካኝነት ሁሌም ግልፀኝነትና ተጠያቂነት እንዲሰፍን ዳሩ ድምፅ ለሌላቸው ወገኖች ድምፅ በመሆን ሕዝቡ እንዲነቃ በማድረግ ትልቅ አሥተዋጽኦ አበርክቷል።

ከሥክሪን በሥተ- ጀርባ እርሱ ሰዓታትን በንባብ ያሳልፋል። የአካል ብቃት እንቅስቃሴው ፤ ብሎም የተመረጡ የቃላት አጠቃቀሙ ተመልካችን የመማረክ አንዳች ኃይል አለው።

ብዙአየሁ አሣሣኸኝ በሥክሪኑ ላይ ሚታየው ምስለ ድምፁ ብቻ ሳይሆን ከምስሉ ጀርባ ያለው የኃሳብ ጥራት ለሙያው ያለው ምሉዕ ታማኝነቱ ለትውልዱ በብዙ አርአያ ያደርገዋል።

እርሱ ሲናገር “ጋር-ናንስ እና ኤሲኒ” ይሰማሉ እሱ በሥራው ሲጠይቅ እውነት ትገለጣለች ለሞያ አጋሮቹ እና ለሰው ልጅ ያለው ጥልቅ አክብሮት ብሎም ፍቅር ለትውልድ ይተርፋል።

ብዙአየሁ አሣሣኸኝ ፤ ዳሩ ጋዜጠኝነት ምን ያኸል የሰፊው ሕዝቡ የሕሊና መሥታወት መሆኑን አሳይቶናል ክብር ለዚህ ታላቅ የቃላት መሃንዲስ ሰው ክብር ለዚህ የእውነት ዘበኛ።

ብዙአየሁ ባለው ፤ ከፍተኛ የሆነ የሥነ- ምግባር እሴት ሆነ ባለው ታታሪነት ለዓመታት ፤ ለሞያ ባሳየው ታማኝነት ከሊቅ እስከ ደቂቅ በአደባባይ ፤ ይኮሩበታል በኸያው ሥራዎቹ።

ጌታመሳይ ሙሉጌታ ( Getamesay Mulugeta )

በ103 አመታቸው ያረፉት የእማሆይ ዋሪት መልዕክት
#ethiopia | ለምታከብሩኝና ለማከብራችሁ፤ ለምትመኩብኝና ለምመካባችሁ ለመርኬና አራዳ ልጆቼ እንዲሁም ወዳጆቼ!

መልዕክቱ ሰፋ ያለና ረጅም ነበር፡፡ በሌላ ጊዜና በሌላ መድረክ እዘረዝረዋለሁ፡፡ ለዛሬው ግን በአጭሩ ወቅታዊውን ''እናታዊ መልዕክቴን'' ከመልዕክተኛዬ አድምጡት፡፡

ልጆቼ ሆይ!
ትለፋላችሁ፤ ትደክማላችሁ፡፡ በእኩል ባይሆንም ታፈራላችሁ፤ ታገኛላችሁ! ግና ብዙዎቻችሁ ብኩኖች ሆናችሁብኝ። አጥፊዎች ሆናችሁብኝ። ለፍታችሁ ደክማችሁ፤ ወጥታችሁና ወርዳችሁ፤ በፀሐይ በሀሩሩ ተቃጥላችሁ፤ በዝናብና በብርድ ተኮማትራችሁ ያፈራችሁትን ንብረት ውለታዬን ረስታችሁ ታባክኑታላችሁ። የእኔንም ሆነ የናንተን የታታሪነትና የተደናቂነት ስያሜ ወደ ተቃራኒው በመለወጥ ላይ ትገኛላችሁ። ለምን? ኧረ ለምን?

ልጄ ሆይ!
ጥረህ፤ ግረህ ወጥተህና ወርደህ፤ ምለህ አስምለህና ተገዝተህ በላብህ ባገኘኸው እንጂ በውርስ፣ በቅሚያ፣ ወይም የሰፊውን ሕዝብ ሃብት እንደጥቂቶቹ በስጦታ፣ በጉቦ፣ በሽልማት መልክና በሙስና አልተቀራመትከውም። በዚህ እኮራብሃለሁ!

ታዲያ ያገኘኸውንና የሰጠሁህን ያንተን ስምና የኔንም ዝና በሚያስጠራ መልኩ እንዲሆን ለምን ጠቅመህ አትጠቀምበትም? ያልተማሩ የልጅ ልጆች የሉኝም? የታመሙ፣ የተራቡና የታረዙ እናትና አባት፣ ያልተማሩ ፊደል የናፈቃቸው፣ ንፁህ ውሃ የጠማቸው የባላገር ወገኖች የሉኝም? አደራ የሰጠኋችሁ እኮ ለአንተና ላንቺ ነው። ታዲያ ምን ሆናችሁብኝ?

እናንተ እኮ ከታታሪነት፣ ከጠንካራነትና ከትጉህነት ባሻገር በሁሉም ዘርፍ የስር ነቀል ለውጥ ምንጮች ናችሁ። ለምሳሌ፦ በብልህነታችሁና በአርቆ አስተዋይነታችሁ ያስቀራችሁትን የ''ሠልስት'' ሁኔታ ከአገር ውስጥ ተቀባይነትና ተፈፃሚነት አልፎ በአውሮፓና አሜሪካ አድናቆትን በተቸረ ሁኔታ በተመሳሳይ መልኩ አድናቆትና ተቀባይነት አግኝቶ ተከታዮችን አብዝቷል። ታዲያ በሌላውስ?

ልጄ ሆይ!
ተጨንቀህ ያበላሃው ብቻ ሳይሆን ያጎረስከው፤ ያጠጣሃው ብቻ ሳይሆን የጋትከው፤ በሞኝነት መሳቂያና መሳለቂያ ሲያደርግህ ይታያል። በልዩ ሁኔታ ያተኩርብሃል። ይፈርጁሃልም። በአጠቃላይ ለሁሉም ነገር ኢላማ ያደርጉሃል። ታዲያ ብልህነትህ የት ሄደ?

ልጆቼና ወዳጆቼ ተጠንቀቁ። ያለፈው አልፏል። አስተውሉ፤ ምክሬንም ስሙኝ። የትም ብትኖሩ የትም፤ ከአያት-ሰበታ፣ ከአቃቂ-ሱሉልታ፤ ከእንጦጦ-ፒያሳ፣ ከፒያሳ-ቦሌ፣ ከቦሌ- ካራቆሬ፣ ከገፈርሳ-ላፍቶ፣ ልዩነት አላውቅም። የሁሉም እናት ነኝ። የሁሉም ምንጭ ነኝ።

የናንተው መርካቶ፤ ማን እንደ እናት!!
❤❤❤
ከሰሞኑ በ103 አመታቸው ያረፉት እማሆይ ዋሪት "ስሞት የህይወት ታሪክ ተብሎ እንዳይቀርብልኝ፡፡ ይልቁኑም ልጄ (የዋሪት-ዝ መስራች አቶ ለገሰ ዘሪሁን) ካለ እሱ ከሌለም ሌላ ሰው አጭር መልዕክት ብሎ ያቅርብልኝ" ብለው ያስተላለፉትና በስርዓተ-ቀብራቸው ወቅትም በልጃቸው አቶ ለገሰ ዘሪሁን-ዝ አማካይነት የተነበበላቸው መልዕክት ነው፡፡

ስመጥሯ እማሆይ ዋሪት በስርዓተ-ቀብራቸው እለት ሊነበብላቸው የሚችል ሌላ ታሪክ አጥተው ወይም ሳይፈጽሙ ቀርተው አይደለም፡፡ ይልቁኑም ይህ መልዕክት እማሆይ ዋሪት አንድም በወቅቱ የነበረውን፤ ሁለትም አሁን ላይ በግልጽ የሚታየውን የሀብት አባካኝነት በሚገባ የተረዱበትና ይህንንም በ"መርካቶ" አስመስለው የገለጹበት ነው፡፡ ከ18 አመት በፊት ልጃው (የዋሪት-ዝ መስራች አቶ ለገሰ ዘሪሁን) በመርካቶ አብሮ አደጎች ማሕበር ክብረበዓል ወቅት እንደ ንግግር የተጠቀሙት ሲሆን የኋላ ኋላም "ዝክረ መርካቶ"በተሰኘ የማህበሩ መፅሄት ታትሞ ነበር፡፡

አሁን ላይ አንዳንድ ባለህብቶች በዚህ መልኩ ያፈሩትን ጥሪት ምንምና ማንም ረዳት ከሌላቸው ወገኖች ጋር ተካፍሎ በመጠቀም ወይም በማገዝ ፈንታ በለቅሶ፣ በሰርግ፣ በማህበርና በቸግ ዝግጅቶቻቸው ሳይቀር ከልክ ባለፈ መጠን ሲያባክኑት ሲታይ ይህን መልዕክት ''ጊዜውን ቀድሞ የተረዳና የተነበየ መልዕክት'' ያስብለዋል፡፡ አንዳንዴ መልካም ስም ከመቃብር በላይ የሚውለው በመልካም ንግግርም ነው!

ነፍስ ይማር!

#special #message #specialmom #waryt #furniture #woodwork

♦️ለባለውለተኞቿ ዕውቅናና ምስጋና የሠጠችው፣ካባ የደረበችው ቄራ

♦️"ብስራት ሬዲዮ በሚሊዮን ብሮች የተገነባ፣በከተማው ከፍተኛ ተደማጭነት ያለው ትልቅ ሬዲዮ ጣቢያ ነው፤ብስራት ሬዲዮ እንደገና ስም ይሠጠው ቢባል እምዬ ቄራ ነው የምለው"

ጋዜጠኛ መሠለ መንግስቱ

ቄራ አሁንም በልጆቿ ስሟ ከፍ ብሎ እየተነሳ ነው፤ከአብራክዋ የወጡ ልጆችዋ ለሠፈር ብሎም ለሀገር ላቅ ያለ ውለታን የፈፀሙ ጀግኖቿን አክብራ ውላለች፤ ቄራ የባለውለተኞቿን ዕዳ የማትበላ ይልቁንም ለበጎ ስራቸው ካባ የምትደርብ፣የምስጋናና የዕውቅና ስስታም አለመሆኗን እሁድ ዕለት በባላንስ ህንፃ አዳራሽ በተዘጋጀው የምስጋናና የዕውቅና ፕሮግራም በተግባር አሳይታለች።

የተወዳጅ አርቲስቶች፣የጋዜጠኞች፣የታላላቅ እግር ኳስ ተጫዋቾችና በተለያዩ የሙያ ዘርፎች አንቱ የተባሉ ሠዎችን በማፍራት የምትታወቀው ይህቺ ታሪካዊ ሠፈር "የቄራና አካባቢው ማህበረሠብ የዕውቅናና የምስጋና ፕሮግራም"በማዘጋጀት ከማይነጥፈው ማህፀኗ የወጡ ለማህበረሰቡ የሚተርፍና ለምሳሌነት የሚበቃ በጎ ስራ የሠሩ ጀግኖቿን አክብራ ውላለች።

የመረዳዳት፣የመተሳሰብ፣የመከባበርና የመመሰጋገን እንዲሁም የታታሪነት መገለጫ ተደርጋ የምትወሠደው ቄራ"የቄራና አካባቢው ማህበረሠብ የዕውቅናና የምስጋና ፕሮግራም"በሚል በተዘጋጀው ፕሮግራም ጋዜጠኛ፣አርቲስት፣የእግር ኳስ ተጫዋችንና በሙያቸው ወይም በተሠማሩበት የስራ ዘርፍ ለማህበረሰቡ የሚተርፍ በጎ ስራን የሠሩ ሠዎች "ቄራንና ሀገራችንን በሙያችሁ ከፍ ስላደረጋችሁ እናመሠግናለን"በሚል በአደባባይ ተከብረዋል፣ዕውቅናም ተችረዋል።

አዳራሹን ያጨናነቁ በርካታ ታላላቅ የክብር እንግዶችን ጨምሮ የተነፋፈቁ የተገናኙበት፣አብሮ አደጎች ለበጎ አላማ በአንድ መድረክ በርከት ብለው በተሠባሠቡበት፣በተመሠጋገኑበትና ዕውቅና በተሠጣጡበት"የቄራና አካባቢው ማህበረሠብ የዕውቅናና የምስጋና ፕሮግራም"

♦️በአርቱ ዘርፍ

👉ቢታዋቂዎቹ አርቲስቶች ቢንያም ወርቁ፣
👉አርቲስት ሠለሞን ቦጋለ እና
👉አርቲስት ፍቃዱ ከበደ

♦️በስፖርቱ ዘርፍ
የቀድሞ የመብራት ኃይል፣የኢትዮጵያ ቡናና የኢትዮጵያ ብሄራዊ ቡድን በአሁን ሠዓት የድሬዳዋ ከነማ ተጫዋች የሆነው ተወዳጁና አመለሸጋው
👉 መስዑድ መሀመድ

♦️በማህበራዊ ተፅዕኖ ፈጣሪ ዘርፍ
👉አቶ ደጀኑ በቀለ፣አቶ ታጁዲን አህመድ እና አቶ ጥላሁን አበበ

♦️በባለሀብት ነጋዴ ለቄራ ልጅ ለችግር ደራሾች ደግሞ
👉አቶ ንጉሱ በየነ፣
👉ፍፁም ትሁት፣ትንሽ ትልቁን አክባሪና ለተቸገሩ ወገኖቹ የደግነት እጁን በመዘርጋት የሚታወቀው ከድር አህመድ እና
👉አቶ ጥላሁን ወርቁ

♦️ከጋዜጠኛ(ከሚዲያ)

የኤፍ ኤም 101,1 ኤፍ ኤም ሬዲዮ የብስራት ሬዲዮ ጣቢያ መስራችና ባለቤት
👉ተወዳጁና አንጋፋው ጋዜጠኛ መሠለ መንግስቱና ስማቸው የተዘረዘሩት በሙሉ የክብር ካባ ተደርቦላቸዋል፣ለበጎ ስራቸውም ምስጋናና ዕውቅና ተበርክቶላቸዋል።

ሳይታሰብ ከውስጥ ፈንቅሎ የወጣ እንባ፣ገደብ የሌለው ደስታና አንድነት ከፍ ብለው በታየበት ፕሮግራም ደ እሱም ከካባው ሽልማት በኃላ በደስታ ስሜት ውስጥ ሆኖ ተወዳጁና አንጋፋው ጋዜጠኛ መሠለ መንግስቱን እንዲህ ብሏል።

"ብስራት ሬዲዮ በሚሊዮን ብሮች የተገነባ፣በከተማው ከፍተኛ ተደማጭነት ያለው ትልቅ ሬዲዮ ጣቢያ ነው፤ብስራት ሬዲዮ እንደገና ስም ይሠጠው ቢባል እምዬ ቄራ ነው የምለው"በማለት በእንባ የታጀበ የደስታ ስሜት ውስጥ ሆኖ የተናገረው ጋዜጠኛ መሠለ መንግስቱ "የቄራ ልጅ መሆን የመጀመሪያ ድግሪ መያዝ ነው"በማለት በአደባባይ ያከበረውን ሠፈሩን ቄራንና መላው ቄራዊያን አዳራሹን በጩኸትና በደስታ እስከማናጋት ያደረሠ ስሜት ቀስቃሽ መልዕክት አስተላልፏል።

ያማረውን መድረክ በመቆጣጠር ለፕሮግራሙ ተጨማሪ ውበት ሆኖ የዋለው የቄራ አካባቢ የምስጋናና የእውቅና ኮሚቴ ዋና ሰብሳቢ ኢኒስፔክተር የኔነህ በቀለ ከማስተባበር ጀምሮ ለዚህ ስኬት እንዲበቃ በማድረጉ ከታዳሚዎች ከፍተኛ ምስጋና የቀረበለት ሲሆን ከእሱ በተጨማሪ ከፕሮግራሙ ጥንስስ እስከ ፍፃሜው ሌተ ቀን ደፋ ቀና በማለት ውለታ የዋሉትን

አብረውት በመድከም ፕሮግራሙ በድምቀት እንዲጠናቀቅ ያደረጉትን አቶ ንጉሱ፣አቶ ዳንኤልንና አቶ ተሾመን በዋናነት ኢንስፔክተር የኔነህ በቀለ ያመሠገነ ሲሆን መላው የቄራን ወጣቶች፣ለፕሮግራሙ በገንዘ፣በጉልበትና በሃሳብ የተረባረቡት በሀገር ውስጥ ያሉና ከሀገር ውጪ ያሉ የቄራ ልጆች የሆኑ በመላው አለም የሚገኙ ዲያስፖራዎችን ዝቅ አመሠግናለሁ ብሏል ኢንስፔክተር የኔነህ በቀለ በአስተያየቱ መጨረሻ።

✍️✍️በጋዜጠኛ ይስሀቅ በላይ(ሀትሪክ ስፖርት ኦፊሺያል)

የክህደት ጥላና የፍትህ ብርሃን፡ በድሬዳዋ

​በድሬዳዋ ሞቃታማ አየር ውስጥ የሚንሸራሸረው የሰላም ድባብ በአንድ ምሽት ይበጠበጣል ተብሎ አልተገመተም ነበር። አቶ ሳሙኤልና ባለቤታቸው ወይዘሮ ማርታ፣ በታማኝነት ቀጥረው ያሰሩት ዮሴፍ (ደምላሽ) የተባለው አስተናጋጅ፣ የሁለት ዓመት ልጃቸውን ናታንን አግቶ ይሰወራል ብለው በፍጹም አላሰቡም። ዮሴፍ ለቤተሰቡ ያሳየው የነበረው ትህትና እና ታታሪነት የክፋት ድግሱን መሸፈኛ ጭንብል ብቻ ነበር። "2 ሚሊዮን ብር ካልተከፈለኝ ልጁን እገድላለሁ" የሚለው የዛቻ መልእክት በደረሳቸው ቅጽበት፣ የቤቱ ደስታ ወደ ሲኦል ተቀየረ።

ይህ አይነቱ እገታ በኢትዮጵያ ብቻ ሳይሆን፣ እንደ ሜክሲኮ ባሉ ሀገራትም የተለመደና አሰቃቂ የወንጀል አይነት መሆኑን መርማሪዎች ያውቃሉ።

​በተመሳሳይ ወቅት በሜክሲኮ ሲውዳድ ጁዋሬዝ፣ መርማሪ አንቶኒዮ ካርሎስ ተመሳሳይ ፋይል ላይ ተቀምጦ ነበር። እዚያም አንዲት ሞግዚት የቤተሰቡን ልጅ አግታ ከፍተኛ ገንዘብ ጠይቃለች። መርማሪ አንቶኒዮ እንዲህ አለ "አጋቾች መጀመሪያ የሚያጠኑት የቤተሰቡን ስነ-ልቦናዊ ድክመት ነው" ።

በሁለቱም ሀገራት የታዩት ወንጀለኞች የሚጋሩት አንድ ባህሪ አለ፤ እሱም የቅርብ ሰራተኛ መሆናቸውና የቤተሰቡን የፋይናንስ አቅም ጠንቅቀው ማወቃቸው ነው። ዮሴፍ በድሬዳዋ ሆቴል ውስጥ ሲሰራ የነበረው አንድ ወር ብቻ ቢሆንም፣ የልጁን እንቅልፍ፣ የቤተሰቡን የባንክ ዝውውርና የፖሊስን የጥበቃ ሁኔታ በንቃት ይከታተል ነበር።

​መርማሪ ታደሰ ወዲያውኑ የድሬዳዋን ፖሊስ የቴክኖሎጂ ቡድን አሰማራ። በሜክሲኮ የነበረው ኦፕሬሽን እንደሚያስተምረው፣ አጋቾች ብዙውን ጊዜ ገንዘብ ለመቀበል የሚጠቀሙበት መንገድ ወጥመዳቸው ይሆናል። ዮሴፍ ስልኩን ደጋግሞ ቢቀያይርም፣ የኢትዮጵያ ፖሊስ በዘመናዊ የጂፒኤስ (GPS) ክትትል ምልክቱን ሐረማያ ከተማ ላይ አረፈው። በሜክሲኮ የነበረው ወንጀለኛ ገንዘቡን በጫካ ውስጥ እንዲቀመጥ ሲጠይቅ፣ ዮሴፍ ግን በድፍረት በአወዳይ ከተማ በሚገኝ ባንክ በኩል እንዲላክለት አዘዘ። ይህ በራስ መተማመን የመነጨው ፖሊስን ካለማወቅና በገንዘብ ጥማት አይኑ ከመታወሩ የተነሳ ነበር።

​በሜክሲኮ የተካሄደው ኦፕሬሽን በደም መፋሰስ ተጠናቆ ነበር፤ ምክንያቱም ፖሊስ በችኮላ እርምጃ በመውሰዱ ህጻኑ ለአደጋ ተጋልጦ ነበር። መርማሪ ተመስገን ግን ይህንን ስህተት መድገም አልፈለገም። "ልጁ የእኛ ጋሻ ነው፣ እሱ ላይ ጭረት እንዳይደርስ ጥንቃቄው በሴኮንድ ውስጥ መለካት አለበት" ሲል ለቡድኑ መመሪያ ሰጠ።

ፖሊስ ዮሴፍን ብቻ ሳይሆን ግብረ አበሮቹ ህጻኑን ይዘው ያሉበትን ቦታ ለማወቅ ስልታዊ ትዕግስት ማድረግ ነበረበት። በባንኩ አካባቢ የተሰማሩት የሲቪል ፖሊሶች እንደ ተራ ደንበኛ ሆነው ሰዓታቸውን ይቆጥሩ ነበር።

​ዮሴፍ በአወዳይ ከተማ ወደሚገኘው ባንክ ሲገባ፣ በዙሪያው የነበሩት እናቶች፣ ወጣቶችና ደንበኞች በሙሉ በሚገባ የሰለጠኑ የፖሊስ አባላት መሆናቸውን አላወቀም። ልክ ገንዘቡ መግባቱን ለማረጋገጥ መስኮቱ ጋር ሲደርስ፣ መርማሪ ታደሰ በስተጀርባው መጥቶ "ጨዋታው አብቅቷል" አለው። ዮሴፍ ለመታገል ቢሞክርም፣ የፖሊስ ብቃትና ፍጥነት አላፈናፈነውም። በዚህ ወቅት ነበር ዮሴፍ በፍርሃት ተውጦ ግብረ አበሮቹ በሐረማያ ሆቴል ውስጥ ህጻኑን ይዘው እንደሚጠብቁት የተናዘዘው። የሜክሲኮው መርማሪ አንቶኒዮ እንዳለው "ወንጀለኞች ገንዘብ እጃቸው ሲገባ የሚሰማቸው የድል ስሜት ነው ለውድቀታቸው ትልቁ ምክንያት"።

​የፖሊስ ቡድኑ ወደ ሐረማያ አመራ። እዚያም ህጻኑ ናታን በአንድ ጠባብ ክፍል ውስጥ በጨለማ ታስሮ ተገኘ። የሁለት ዓመቱ ህጻን የዮሴፍን ፊት ሲያይ ይስቅ የነበረ ቢሆንም፣ አሁን ግን በሰው ላይ ያለው እምነት መሟጠጡን በሚያሳዩ ትልልቅ አይኖቹ ፖሊሶቹን በፍርሃት ይመለከት ነበር። የዮሴፍ ግብረ አበሮችም ምንም አይነት የመከላከል እድል ሳይሰጣቸው በቁጥጥር ስር ዋሉ። ይህ ቅጽበት የፍትህ የበላይነት የታየበትና የክፋት ድግስ የፈረሰበት ታላቅ የድል ቀን ነበር። በድሬዳዋ ጎዳናዎች ላይ የተሰማው የፖሊስ ሳይረን የፍርሃት ሳይሆን የተስፋ ድምጽ ሆኖ አስተጋባ።

​ህጻኑ ናታን ወደ ወላጆቹ እቅፍ ሲመለስ የተፈጠረው ስሜት ቃላት ሊገልጹት የማይችሉት ነበር። ወይዘሮ ማርታ ልጃቸውን አጥብቀው ሲያቅፉ፣ "አምላክ በፖሊሶች እጅ አደረልን" እያሉ ያለቅሱ ነበር። አቶ ሳሙኤልም ቢሆኑ በሰራተኛቸው ላይ የነበራቸው እምነት ቢሰበርም፣ በሀገራቸው ፖሊስ ላይ ግን አዲስ ኩራት አደሩባቸው። መርማሪ ተመስገን ቡድኑ በሜክሲኮ ካጋጠመው አሳዛኝ ፍጻሜ በተቃራኒ፣ ህጻኑን ያለምንም ጉዳት ማዳን በመቻላቸው ትልቅ የሞራል እርካታ አገኙ።

ይህ ድል የቴክኖሎጂና የሰው ሰራሽ ብልሃት ጥምረት ውጤት ነበር።

​ከዚህ አሰቃቂ ክስተት በኋላ፣ ፖሊስ ለህብረተሰቡ ጥብቅ ማሳሰቢያ አስተላለፈ። በሜክሲኮም ሆነ በኢትዮጵያ የታየው ትምህርት አንድ ነው፦ "የቤት ሰራተኛ ወይም የአስተናጋጅ ቅጥር በዝምድና ወይም በደላላ ምክር ብቻ መሆን የለበትም"። እያንዳንዱ አሰሪ የሰራተኛውን የነዋሪነት መታወቂያ፣ የቤተሰብ አድራሻና ታማኝ ዋስ መያዝ ግዴታው ነው። ዮሴፍ በድሬዳዋ ተቀጥሮ ሲሰራ የነበረው ያለ ምንም መረጃ ነበር፤ ይህም ለወንጀሉ ምቹ ሁኔታ ፈጥሮለታል። ፖሊስ "ጥንቃቄ ለራስ ነው" የሚለውን መፈክር ደጋግሞ አሳሰበ።

​መርማሪ ተመስገን ማስታወሻ ደብተሩን ሲዘጋ፣ በሜክሲኮው መርማሪ በአንቶኒዮ የተፃፈውን ጥቅስ አሰበ፦ "ወንጀል ድንበር የለውም፣ ፍትህ ግን ሁልጊዜም ከወንጀል ቀድማ ትራመዳለች"። ይህ የድሬዳዋ ኦፕሬሽን በኢትዮጵያ ፖሊስ ታሪክ ውስጥ በቴክኖሎጂ የታገዘና እጅግ ስኬታማ ከሆኑ ስራዎች አንዱ ሆኖ ተመዘገበ።

ዮሴፍና ግብረ አበሮቹ በፈጸሙት ከባድ እገታና ዛቻ በሚገባቸው የህግ ቅጣት እንዲቀጡ መዝገቡ ወደ ፍርድ ቤት ተመራ። የህጻኑ ናታን ሳቅም እንደገና በቤቱ ውስጥ ማስተጋባት ጀመረ።

​በመጨረሻም፣ ይህ ታሪክ የሚያስተምረን ታማኝነት የጎደለው የቅርብ ሰው ከሩቅ ጠላት በላይ አደገኛ መሆኑን ነው። ወላጆችና የንግድ ተቋማት ባለቤቶች ለደህንነታቸው ቅድሚያ እንዲሰጡና ከፖሊስ ጋር ያላቸውን ግንኙነት እንዲያጠናክሩ ተመክረዋል። የድሬዳዋው ፖሊስ ብቃትና የቴክኖሎጂ አጠቃቀም በሌሎች ከተሞችም እንደ ምሳሌ ተወሰደ። ክፋት ለጊዜው ቢያሸንፍም፣ በእውነትና በብልሃት የሚመራ የፍትህ አካል እስካለ ድረስ ንጹሃን ሁልጊዜም መጠለያ አላቸው።

በዶክተር አንዱዓለም ዳኘ ገዳይ ላይ የተጣለው ቅጣት ወደ "እድሜ ልክ" ከፍ አለ

​በኢትዮጵያ የሕክምና ባለሙያዎችና በሕዝብ ዘንድ ከፍተኛ ቁጣንና ሀዘንን ቀስቅሶ የነበረው የዶክተር አንዱዓለም ዳኘ ግድያ መዝገብ፣ በክልሉ ጠቅላይ ፍርድ ቤት የመጨረሻ ውሳኔ አግኝቷል።

​📌 የቅጣት ማሻሻያውን በተመለከተ፡
የባሕር ዳር እና አካባቢዋ ከፍተኛ ፍርድ ቤት ቀደም ሲል በታህሳስ ወር 2018 ዓ.ም በተከሳሽ እሱባለው ነበረው (ሳሙኤል) ላይ ጥሎት የነበረው የ25 ዓመት ጽኑ እስራት፣ በአቃቤ ሕግ ይግባኝ ባይነት ወደ #እድሜ_ልክ_ጽኑ_እስራት እንዲያድግ ተወስኗል።

​🔍 የተከሳሹ ወንጀሎች በአጭሩ፡
ተከሳሹ ከግብረ-አበሩ (ሀብታሙ ጌትነት - በአሁኑ ወቅት ያልተያዘ) ጋር በመሆን የሚከተሉትን ሦስት ከባድ ወንጀሎች መፈጸሙ ተረጋግጧል፦

​ከባድ የውንብድና ወንጀል፡ በዶክተር አንዱዓለም ዳኘ ላይ ሞትን ያስከተለ ዝርፊያና ጥቃት መፈጸም፤

​የመግደል ሙከራ፡ ሌላኛውን የጥበበ ጊዮን ስፔሻላይዝድ ሆስፒታል ሐኪም ዶክተር በረከት አማረን በጥይት ተኩሶ ለመግደል መሞከር፤
​የሰነድ ማጭበርበር፡ ወንጀሉን ለመሸሸግ በሐሰተኛ መታወቂያ ሲጠቀም መገኘት።

​⚖️ የይግባኙ ምክንያት ምን ነበር?

የሰሜን ጎጃም ዞን ፍትሕ መምሪያ እንደገለጸው፣ የመጀመሪያው ፍርድ ቤት የቅጣት ማክበጃዎችን ውድቅ በማድረጉ ቅጣቱ ከወንጀሉ ክብደት ጋር አልተመጣጠነም ነበር። በተለይም "ሞትን ያስከተለ የውንብድና ወንጀል" በሕጉ መሠረት እስከ ሞት ቅጣት ሊያደርስ የሚችል ቢሆንም፣ ጠቅላይ ፍርድ ቤቱ የግራ ቀኙን ክርክር መዝኖ ወደ እድሜ ልክ ከፍ አድርጎታል።

​💡 ለምን ትኩረት ሳበ?
ዶክተር አንዱዓለም ዳኘ በባሕር ዳር ጥበበ ጊዮን ሆስፒታል በቅንነትና በታታሪነት ሲያገለግሉ የነበሩ ወጣት ባለሙያ ነበሩ። ግድያው የጤና ባለሙያዎች በሥራ ገበታቸው ላይ ያላቸውን ደህንነት ጥያቄ ውስጥ የከተተ በመሆኑ፣ ይህ የፍርድ ውሳኔ የፍትሕ ሥርዓቱ ለባለሙያዎች ደህንነት የሰጠው ትኩረት ማሳያ ተደርጎ ተወስዷል።

ነጠላዎች ወይስ ባለትዳሮች? የትኞቹ የበለጠ ስኬታማ ናቸው? ጥናቱ መልስ አለው

​በሴንት ሉዊስ የሚገኘው የዋሽንግተን ዩኒቨርሲቲ ተመራማሪዎች ባካሄዱት አዲስ ጥናት፣ የአንድ ሰው የትዳር አጋር በሰውየው የሙያ ስኬት ላይ ቀጥተኛ ተጽዕኖ እንዳለው አረጋግጠዋል።

ተመራማሪዎቹ ለ5 ተከታታይ ዓመታት ወደ 5,000 የሚጠጉ ሰዎችን የኑሮ ሁኔታ እና የስራ ውጤት በጥንቃቄ ተከታትለዋል።

ውጤቱም ባለትዳሮች ከነጠላዎች ይልቅ በአማካይ 75% የበለጠ ስኬታማ የመሆን ዕድል እንዳላቸው አሳይቷል።

​ለምን ባለትዳሮች ይበልጣሉ? 🤔
ጥናቱን የመሩት ፕሮፌሰር ጆሹዋ ጃክሰን እንደገለጹት፣ ለዚህ ስኬት ዋናው ምክንያት "Conscientious Partner" ወይም ታታሪ እና ኃላፊነት የሚሰማው አጋር መኖር ነው። ይህ ሁኔታ በሦስት መንገዶች ስኬትን ያመጣል፡

​✅ የሥራ ጫናን መጋራት፦ ታታሪ አጋር የቤት ውስጥ ኃላፊነቶችን በሚገባ ስለሚወጣ፣ ሌላኛው አጋር ሙሉ ትኩረቱን በሥራው ላይ እንዲያደርግ ይረዳዋል።

✅ መነሳሳትን መፍጠር፦ የአጋርዎ ታታሪነት እና ዲሲፕሊን ሳያውቁት ወደ እርስዎ ይጋባል።

✅ የአእምሮ ሰላም፦ የተረጋጋ የትዳር ሕይወት በሥራ ላይ የሚገጥሙ ውጥረቶችን ለመቋቋም ትልቅ ጉልበት ይሆናል።

​ባጭሩ፦ ስኬታማ ለመሆን ጠንክሮ መሥራት ብቻ ሳይሆን፣ አብሮዎት የሚጓዘውን ሰው በጥንቃቄ መምረጥም ወሳኝ ነው! 💍💰

ሳምና ቡርቴ፦ እስከ መቃብር የዘለቀው ያ የመጨረሻ እቅፍ 😭💔

​በወላይታ ዞን ጠበላ ከተማ ዛሬ ጥር 15 ቀን 2018 ዓ.ም የነገሰው ፀሐይ ሳይሆን፣ ከተማዋን ክው ያደረገ ጥቁር ሀዘን ነው። "ሐሙስ ሻፋ" ተብሎ በሚጠራው ስፍራ ላይ የፈሰሰው ደም፣ የአንድ ታታሪ ወጣትና የቆንጆ ሚስቱ የሕይወት ታሪክ ፍጻሜ ሆኗል። ሳምና ቡርቴ፤ በሳቅ ጀምረውት የነበረውን የጥዋት ጉዞ፣ በአስፋልት ላይ ደማቸው ተቀላቅሎ፣ ነፍሳቸው በአንድነት ተሳስራ አጠናቀዋል።

​የተቀደደው የንጋት ተስፋ

​ንጋት ላይ ሳም እንደ ወትሮው በፈገግታ ተነስቶ ሞተር ሳይክሉን አስነሳ። ቡርቴ ደግሞ ልጆቿን ዳብሳ፣ ግንባራቸውን ስማ "ደህና ዋሉ" ብላ ከሳም ጀርባ ተሳፈረች። ሳም በጠበላ ከተማ ለትንሽ ለትልቁ የሚሰጠው ክብር፣ ለሥራው ያለው ታታሪነት በሁሉም ዘንድ የሚወደድ "የከተማዋ እንቁ" አድርጎታል። ቡርቴ ደግሞ የቤቱ ምሰሶ፣ የሳም የልብ ትርታና የልጆቹ አለኝታ ነበረች።

​"ቶሎ እንመለሳለን" የሚለው የሳም የመጨረሻ ቃል፣ ዛሬ በቤቱ ግድግዳዎች ላይ እያስተጋባ ቀረ። ማንም አያውቅም ነበር—ያ የሞተር ሳይክል ድምፅ ዳግም ወደ ቤት እንደማይመለስ።

​ያ የመጨረሻውና ልብ ሰባሪው እቅፍ

​ረፋድ 3፡15 ላይ፣ ከጠበላ ወደ ወላይታ ሶዶ ይጓዝ የነበረው ኮድ - 3 - 14708 ደሕ የህዝብ ማመላለሻ ሚኒባስ፣ የሞት መልእክተኛ ሆኖ ከፊት ለፊታቸው መጣ። አደጋው ሲከሰት የተሰማው ድምፅ የብረትና የብረት መጋጨት ብቻ አልነበረም፤ የአንድ ቤተሰብ ህልም ሲሰባበር የሚሰማ ጩኸት እንጂ።

​በአደጋው ቦታ የደረሱ ሰዎች ያዩት ትዕይንት ግን ማንኛውንም የጨከነ ልብ የሚሰብር ነበር። ሳምና ቡርቴ ተለያይተው አልወደቁም፤ እንዲያውም ሳም አደጋው ሲመጣ ቡርቴን በሰውነቱ ለመሸፈን ሞክሮ ነበር። ሁለቱም በአስፋልቱ ላይ እንደተቃቀፉ፣ ደማቸው ተቀላቅሎ እየፈሰሰ ነፍሳቸው በአንድነት ወጣች።

ሞት እንኳ እጆቻቸውን ሊያላቅቅ አልቻለም። በፍቅር ኖረው፣ በፍቅር ተቃቅፈው፣ በአንድ ቅጽበት ወደማይመለሱበት ዓለም አብረው ነጎዱ።

​ከጠበላ እስከ ጣሊያን፦ ተመሳሳይ የፍቅር አሻራ

​ይህ የሳምና የቡርቴ አሰቃቂ ፍጻሜ፣ በ2017 ዓ.ም በጣሊያን ቬሮና ከተማ የተከሰተውን ተመሳሳይ ታሪክ ያስታውሳል። ማርኮ እና ጁሊያ የተባሉ ባልና ሚስት ልክ እንደ ሳምና ቡርቴ በሞተር ሳይክል እየተጓዙ በደረሰባቸው አደጋ ሕይወታቸው አልፏል። በወቅቱ ማርኮ ባለቤቱን ጁሊያን ከከባድ ተሽከርካሪው ለመከላከል በደረትዋ ተኝቶ እቅፍ አድርጓት መገኘቱ ዓለምን አስለቅሶ ነበር። ዛሬ ደግሞ በጠበላ ከተማ ሳምና ቡርቴ ያንን "የመጨረሻ እቅፍ" ደገሙት። ሞት ሥጋቸውን ቢበላውም፣ ፍቅራቸውን ግን መንካት አልቻለም።

​ወላጅ አልባ የቀሩት ህፃናት እንባ

​በጣም የሚከብደውና ልብን የሚሰብረው ግን፣ ወደ ቤት ሲመለሱ የሚታየው ትዕይንት ነው። ዛሬ ማታ እነዚያ ገና ዳዴ የሚሉ ህፃናት የሚጠብቁት የሞተር ድምፅ አይመጣም። እናታቸው ቡርቴ ማታ ራት ልታዘጋጅ፣ አባታቸው ሳም ደግሞ "አይዟችሁ" ሊላቸው አይመለሱም። ዛሬ በሳምና በቡርቴ ቤት ውስጥ ያለው ጸጥታ የሚጮህ ነው። ልጆቻቸው ደጃፍ ላይ ቆመው የመንገዱን አቧራ እያዩ ወላጆቻቸውን ይጠብቃሉ፤ የሚመጣው ግን የሰፈር ሰው ጥቁር ልብስ ለብሶ ነው።

​አባትና እናትን በአንድ ቀን፣ በአንድ ቅጽበት ማጣት ለህፃናት የሚሸከሙት የማይችሉት ከባድ ተራራ ነው። ሳሚና ባለቤቱ ቡርቴ ተቃቅፈው እንደሳቁ፣ ልጆቻቸውን ሜዳ ላይ ጥለው ላይመለሱ አሸለቡ።

​የፖሊስ መረጃና የመጨረሻ ስንብት

​የጠበላ ከተማ አስተዳደር ፖሊስ ትራፊክ አስተባባሪ ዋና ሳጂን ፈለቀ ዳንሳ እንደገለጹት፣ አደጋው የቅድሚያ አለመሰጣጣትና የፍጥነት ውጤት ነው። በአደጋው ዛሬ ሁለት ንጹሃን ነፍሶች ጠፍተዋል፣ አንድ ቤት ፈርሷል፣ ልጆችም ያለ ወላጅ ቀርተዋል። በሚኒባሱ ውስጥ የነበሩ አምስት ተሳፋሪዎችም በጠበላ ሆስፒታል ለሕክምና ተኝተዋል።

​ሳም እና ቡርቴ ዛሬ ጎን እና ጎን ባለ ሬሳ ሳጥን ውስጥ ሆነው፣ እንደተዋደዱ ወደ አፈር ሊመለሱ ነው። የጠበላ ከተማ ነዋሪዎች "ሳሚ" እያሉ የሚጠሩት ያ ታታሪ ወጣት ዛሬ ዝም ብሏል። ቡርቴም የልጆቿን ድምፅ ሳትሰማ፣ የሳምን እጅ እንደያዘች ተሰናብታለች።

በኢትዮጵያ የውበትና የቆዳ እንክብካቤ ዘርፍ ለሦስት አሥርተ ዓመታት ስሟ በጉልህ የሚነሳው የTerry Style H₂O መስራች ትርሐስ (ቴሪ) ገብረኪዳን ከዚህ ዓለም በሞት ተለየች

​🌟 የጥንካሬና የስኬት ተምሳሌት

በሀምሳዎቹ አጋማሽ እድሜ ላይ የነበረችው እና ትናንት ህይወቷ ያለፈው ቴሪ የሁለት ልጆች እናት በመሆን፣ ባላት ያልተገደበ ጉልበትና ታታሪነት በዘርፉ "ተፈጥሮአዊ ኃይል" (Force of Nature) የሚባል ስኬት ተቀዳጅታለች። በኢትዮጵያ የውበት ኢንዱስትሪ ውስጥ የማይፋቅ አሻራ ያሳረፈች ታላቅ ሴት ነበረች።

​🌍 ዓለም አቀፍ ዕውቀትን ለሀገር ውስጥ
ለጥራት ልዩ ቦታ የምትሰጠው ቴሪ፣ ደንበኞቿ ምርጥ አገልግሎት እንዲያገኙ፦
​በአውሮፓ፣ እስያ እና አሜሪካ የውበት መዲናዎች በመዘዋወር ዘመናዊ ስልጠናዎችን ወስዳለች።

​ዓለም አቀፍ ደረጃቸውን የጠበቁ ምርቶችን በማስተዋወቅ የደንበኞቿን ጤናና ደህንነት አስጠብቃለች።

ደንበኞቿ ​በስራዋ ጥራት ላይ በፍጹም አትደራደርም በማለት ይመሰከሩላታል።

​🤝 የብዙዎች ደጋፊና መካሪ
የቴሪ ስኬት በንግድ ስራ ብቻ የተወሰነ አልነበረም፦
​በርካታ ወጣቶች የራሳቸውን የውበት ሳሎን እንዲከፍቱ በሙያና በቁሳቁስ ደግፋለች።
​በችግር ሰዓት ለደረሱላቸው ወገኖች ሁሉ ያለምንም ማስታወቂያና ዝና ፈላጊነት ደራሽ ነበረች።
​አስቸጋሪ ሁኔታዎች እንኳ ፈገግታዋን ሊሰርቁት ያልቻሉ የሕይወት አፍቃሪ ነበረች።

ቲርሐስ (ቴሪ) ገብረኪዳን በኢትዮጵያ የውበትና ስታይል ኢንዱስትሪ ውስጥ ትልቅ አሻራ ጥላ አልፋለች። የነበራት ቸርነት፣ ሙያዊ ብቃትና ተምሳሌታዊ ጥንካሬ በወዳጆቿና በደንበኞቿ ልብ ውስጥ ለዘላለም ሲታወስ ይኖራል።

seledadotio
seledadotio

በኢትዮጵያ የውበትና የቆዳ እንክብካቤ ዘርፍ ለሦስት አሥርተ ዓመታት ስማቸው በጉልህ የሚነሳው የTerry Style H₂O መስራች ትርሐስ (ቴሪ) ገብረኪዳን ከዚህ ዓለም በሞት ተለየች

​🌟 የጥንካሬና የስኬት ተምሳሌት

በሀምሳዎቹ አጋማሽ እድሜ ላይ የነበረችው እና ትናንት ህይወቷ ያለፈው ቴሪ የሁለት ልጆች እናት በመሆን፣ ባላት ያልተገደበ ጉልበትና ታታሪነት በዘርፉ "ተፈጥሮአዊ ኃይል" (Force of Nature) የሚባል ስኬት ተቀዳጅታለች። በኢትዮጵያ የውበት ኢንዱስትሪ ውስጥ የማይፋቅ አሻራ ያሳረፈች ታላቅ ሴት ነበረች።

​🌍 ዓለም አቀፍ ዕውቀትን ለሀገር ውስጥ
ለጥራት ልዩ ቦታ የምትሰጠው ቴሪ፣ ደንበኞቿ ምርጥ አገልግሎት እንዲያገኙ፦
​በአውሮፓ፣ እስያ እና አሜሪካ የውበት መዲናዎች በመዘዋወር ዘመናዊ ስልጠናዎችን ወስዳለች።

​ዓለም አቀፍ ደረጃቸውን የጠበቁ ምርቶችን በማስተዋወቅ የደንበኞቿን ጤናና ደህንነት አስጠብቃለች።

ደንበኞቿ ​በስራዋ ጥራት ላይ በፍጹም አትደራደርም በማለት ይመሰከሩላታል።

​🤝 የብዙዎች ደጋፊና መካሪ
የቴሪ ስኬት በንግድ ስራ ብቻ የተወሰነ አልነበረም፦
​በርካታ ወጣቶች የራሳቸውን የውበት ሳሎን እንዲከፍቱ በሙያና በቁሳቁስ ደግፋለች።
​በችግር ሰዓት ለደረሱላቸው ወገኖች ሁሉ ያለምንም ማስታወቂያና ዝና ፈላጊነት ደራሽ ነበረች።
​አስቸጋሪ ሁኔታዎች እንኳ ፈገግታዋን ሊሰርቁት ያልቻሉ የሕይወት አፍቃሪ ነበረች።

ቲርሐስ (ቴሪ) ገብረኪዳን በኢትዮጵያ የውበትና ስታይል ኢንዱስትሪ ውስጥ ትልቅ አሻራ ጥላ አልፋለች። የነበራት ቸርነት፣ ሙያዊ ብቃትና ተምሳሌታዊ ጥንካሬ በወዳጆቿና በደንበኞቿ ልብ ውስጥ ለዘላለም ሲታወስ ይኖራል።