" የተዘጉ ቤቶች ቢያንስ እንኳ የቆጣሪ ኪራይ መክፈል አለባቸው " - ኢንጂነር ጌቱ ገረመው

የኢትዮጵያ ኤሌክትሪክ አገልግሎት ከሁለት ዓመት በፊት ይፋ ከተደረገው የታሪፍ ማሻሻያ ውጪ "ምንም ዓይነት አዲስ የተጨመረ የታሪፍ ማሻሻያ የለም" ሲል አስታወቀ።

የተቋሙ ዋና ስራ አስፈጻሚ ኢንጅነር ጌቱ ገረመው ከታሪፍ ጭማሪ ጋር ተያይዞ ከደንበኞቹ ለሚነሱ ጥያቄዎች በሰጡት ማብራሪያ፤ ከ18 ዓመታት በኋላ የተደረገው የታሪፍ ማሻሻያ በሕዝቡ ላይ ከፍተኛ ጫና እንዳይፈጥር ለአራት ዓመታት ተከፋፍሎ በየሩብ ዓመቱ እንዲተገበር መወሰኑን ገልጿል።

​በዚህም መሠረት በአሁኑ ወቅት የሁለተኛው ምዕራፍ ትግበራ አጋማሽ ላይ እንደሚገኝና አሁን እየተከፈለ ያለው ቀደም ሲል በተቀመጠው እቅድ መሠረት የሚፈጸም እንጂ አዲስ የተጨመረ ታሪፍ አለመሆኑን አብራርቷል።

ዋና ስራ አስፈጻሚ ኢንጅነር ጌቱ ገረመው ምን አሉ ?

" በወር ከ50 ኪሎ ዋት ሰዓት በታች የሚጠቀሙ አነስተኛ ገቢ ያላቸው ደንበኞች (ከ50% በላይ የሚሆኑት) ክፍያቸው በተቋሙ በኩል ከ50% በላይ ይሸፈንላቸዋል (ይደጎማሉ)።
​
1 ኪሎ ዋት ኤሌክትሪክ ለማመንጨትና ለማሰራጨት ከ6.5 እስከ 7 የUS ሳንቲም የሚወጣ ቢሆንም፣ ለአገልግሎት ተጠቃሚው እየተሸጠ ያለው ግን ከ2 የUS ሳንቲም በታች በመሆኑ ተቋሙ ከፍተኛ ኪሳራ እየተሸከመ ነው።

አብዛኞቹ ቆጣሪዎች አሮጌ በመሆናቸው በንባብ ጊዜ የሰው ሰራሽ ስህተቶች ይፈጠራሉ፤ ከተጠቀሙት በላይም ሊጠየቁ ይችላሉ። ተቋሙም ቅሬታዎችን እየተቀበለ የማረም ስራ እየሰራ ነው።

"የተዘጉ ቤቶች የኤሌክትሪክ ፍጆታቸው '0' ቢሆንም፣ የቆጣሪ አገልግሎት/ኪራይ (የሲንግል ወይም የስሪ ፌዝ) ክፍያ የሚታሰብባቸው በመሆኑ ቢል ይመጣባቸዋል፣ መክፈልም አለባቸው።

ተቋሙ በበጀት ዓመቱ ከሰበሰበው ከ118.9 ቢሊዮን ብር በላይ ተጨማሪ በጀት በመመደብ እስከ 133 ቢሊዮን ብር የሚደርስ ገንዘብ ለኤሌክትሪክ መሰረተ ልማት ዝርጋታ እና ለገጠር ኤሌክትሪክ ማስፋፊያ እየሰራን ነው።

አንድ አባወራ በአማካይ ከ4.5 እስከ 5 ቤተሰብ አለው ተብሎ ሲሰላ በሀገራችን ከ25 እስከ 30 ሚሊዮን የሚደርሱ አባወራዎች ቢኖሩም እስካሁን ተደራሽ የሆኑት 6 ሚሊዮን ገደማ የሚሆኑት ብቻ ናቸው።

በመሆኑም ይህን ሰፊ የአቅርቦት ክፍተት ለመሙላትና ይበልጥ ተቃራራቢ ለመሆን በመጪዎቹ 10 ዓመታት ውስጥ ከ10 ሚሊዮን በላይ አዳዲስ ተጠቃሚዎችን ለማድረስ የሚያስችሉ በርካታ የሀገር ውስጥ አቅምን የሚያጎለብቱ ሥራዎች እየተከናወኑ ይገኛሉ። "

@tikvahethiopia

የነዳጅ ቦቴ ባለንብረቶች ከገበያ ልንወጣ እንችላለን ሲሉ ስጋታቸውን ገለጹ

በሀገሪቱ እየታየ ያለው የመለዋወጫ እቃዎች ዋጋ መናር እና የታሪፍ ማሻሻያ አለመደረግ አክሳሪ እንደሆነባቸው የገለጹት የፈሳሽ ጭነት ማጓጓዣ ባለንብረቶች፣ ችግሩ ባልተፈታበት ሁኔታ ስራቸውን ማስቀጠል አስቸጋሪ እንደሆነባቸው በመግለጽ ከገበያው የመወጣት ስጋት እንደደቀነባቸው አስታወቁ።

የኢትዮጵያ የፈሳሽ ጭነት ማጓጓዣ ባለንብረቶች ማህበር የነዳጅ ፍላጎት እድገትን እና የወጡ ወጪዎችን ያገናዘበ የታሪፍ ማሻሻያ እንዲደረግ ተደጋጋሚ ጥናቶችን ማቅረቡን ያስታወሰ ቢሆንም፣ በመንግስት በኩል ግን እስካሁን አዎንታዊ ምላሽ ማግኘት አለመቻሉን ገልጿል።

የማህበሩ ፕሬዝደንት አቶ ፀጋ አስማረ እንደገለጹት፤ ጥናቱ ዝም ብሎ የቀረበ ሳይሆን ከነዳጅና ኢነርጂ ባለስልጣን፣ ከትራንስፖርት እና ሎጀስቲክስ ሚኒስቴር እንዲሁም ከንግድ እና ቀጣናዊ ትስስር ሚኒስቴር ከተወጣጡ ባለሙያዎች ጋር በጥጋቢ ሁኔታ ተጠናቆ የቀረበ ነው። ሆኖም ምላሽ በመዘግየቱ አባላቱ ለአላስፈላጊ ክሳራ መዳረጋቸውን አብራርተዋል።

ከታሪፍ መዘገየት በተጨማሪ ባለንብረቶች ሌላ አጣብቂኝ ውስጥ የከተታቸው አሽከርካሪዎች ከባለንብረቱ እውቅና ውጪ በሚፈጽሙት የኮንትሮባንድ እንቅስቃሴ ምክንያት ተሽከርካሪዎች እና ነዳጅ የመወረስ እርምጃ እየተወሰደባቸው ይገኛል ብለዋል።

ይህንን ተከትሎ የኢትዮጵያ የፈሳሽ ጭነት ትራንስፖርት ባለንብረቶች ማህበር አባላቱን በመጥራት በዘርፉ በተደቀኑ ዘርፈ-ብዙ ችግሮች እና በቀጣይ የጋራ አቋሞች ዙሪያ የምክክር ስብሰባ አካሂዷል።

Seledadotio
Seledadotio

የታሪፍ ማሻሻያ ጥያቄ ምላሽ በማጣቱ የፈሳሽ ጭነት ማጓጓዣ ባለንብረቶች ከስራ የመውጣት ስጋት ላይ መሆናቸው ተገለጸ

የፈሳሽ ጭነት አገልግሎት የታሪፍ ማሻሻያ ጥያቄ ምላሽ ባለመግኘቱ ምክንያት ባለንብረቶች ከገበያው የመወጣት ስጋት እንደደቀነባቸው የኢትዮጵያ የፈሳሽ ጭነት ማጓጓዣ ባለንብረቶች ማህበር አስታወቀ።

ማህበሩ በሀገሪቱ የነዳጅ ፍላጎት መጨመር እና የተሽከርካሪ መለዋወጫ እቃዎች ዋጋ መናርን ያገናዘበ የታሪፍ ማሻሻያ እንዲደረግ ተደጋጋሚ ጥናቶችን በማካሄድ ለመንግሥት ቢያቀርብም እስካሁን ምላሽ ማግኘት አለመቻሉን ተገልጿል። ጥናቱም ከኢፌዴሪ ትራንስፖርት እና ሎጀስቲክስ ሚኒስቴር፣ ከንግድ እና ቀጣናዊ ትስስር ሚኒስቴር እንዲሁም ከነዳጅ ቁጥጥር ባለስልጣን ከተወጣጡ አባላት ጋር በጋራ እንደተጠና የማህበሩ ፕሬዝደንት አቶ ፀጋ አስማረ አብራርተዋል።

ባለንብረቶች ከታሪፍ ማነስ በተጨማሪ ለከባድ ችግር ዳርገውናል ያሏቸውን ዋና ዋና ነጥቦ አንስተዋል የዕቃዎች ዋጋ ግሽበት፣ የመለዋወጫ እቃዎች እና የተሽከርካሪ ጥገና ዋጋ በከፍተኛ ሁኔታ ማደጉና በዘርፉ ላይ ድርብርብ ጫና መፍጠሩ እና በተጨማሪም የተሽከርካሪዎች መወረስ ባለንብረቶች በሌሉበትና እውቅናቸው ውጪ በሹፌሮች በሚፈጸሙ የኮንትሮባንድ ወንጀሎች ምክንያት ተሽከርካሪዎቻቸውና የያዙት ነዳጅ እየተወረሰባቸው መሆኑ እነዚህ ድርብርብ ችግሮች ስራውን መቀጠል አዳጋች እንዳደረገባቸው የገለጹት ባለንብረቶቹ፣ በማህበሩ አስተባባሪነት በዛሬው ዕለት ከሚመለከታቸው አካላት ጋር በችግሮቹ ዙሪያ ሰፊ ውይይት አካሂደዋል።

‹‹በኤሌክትሪክ ክፍያ ላይ የታየው ለውጥ አዲስ ጭማሪ ሳይሆን ቀድሞ የተወሰነ ማስተካከያ ሂደት ነው››-የኢትዮጵያ ኤሌክትሪክ አገልግሎት

የኢትዮጵያ ኤሌክትሪክ አገልግሎት፣ በደንበኞች ላይ የተደረገው የታሪፍ ማስተካከያ ክፍያ ቀደም ሲል በስትራቴጂው መሠረት የተወሰነ መሆኑን አስታዉቋል።

የኢትዮጵያ ኤሌክትሪክ አገልግሎት የሽያጭና ደንበኞች አገልግሎት ዳይሬክቶሬት ዳይሬክተር ዶ/ር ይኸይስ ስዩም ለኢትዮ ኤፍኤም 107.8 እንደገለጹት፤ በ2017 ዓ.ም መስከረም ወር ላይ የተጀመረው የታሪፍ ማሻሻያ የኅብረተሰቡን የመክፈል አቅም ባገናዘበ መልኩ በ24 የሩብ ዓመታት ተከፋፍሎ ተግባራዊ እየተደረገ ይገኛል ብለዋል።

ይህ የታሪፍ ማስተካከያ ተቋሙ ከአራት ዓመት በኋላ የሚሰበሰበውን አጠቃላይ ክፍያ በመስከረም 2017 ዓ.ም ላይ በአንድ ጊዜ ማስከፈል የነበረበት ቢሆንም፣ የኅብረተሰቡን የመክፈል አቅም ታሳቢ በማድረግ በጥቂት በጥቂቱ ከፋፍሎ እንዲከፍል የተዘረጋ ስትራቴጂ ነው በማለት ዳይሬክተሩ አብራርተዋል።

በአሁኑ ወቅት በሥራ ላይ ያለው ታሪፍ ዝቅተኛውን የኅብረተሰብ ክፍል በልዩ ሁኔታ ለመደገፍ  የመንግሥት ድጎማ የሚደረግበት ነው ያሉ ሲሆን፣ እስከ 50 ኪሎ ዋት ሰዓት የሚጠቀሙ ደንበኞች በአንድ ኪሎ ዋት ሰዓት 96 ሳንቲም ብቻ እንዲከፍሉ እየተደረገ እንደሆነ ገልጸዋል።

ዶ/ር ይኸይስ አክለውም፤ እስከ 2መቶ ኪሎ ዋት የሚጠቀም ማንኛውም ደንበኛ በትክክለኛው የታሪፍ ዋጋ ሳይሆን በድጎማ እንዲከፍል እየተደረገ ነው ብለዋል።

ደንበኞች በአንድ ወር ውስጥ በተደጋጋሚ ኃይል ሲገዙ ስለሚገጥማቸው የዋጋ ልዩነት ሲያብራሩም፤ የዋጋ አተማመን ሥርዓቱ በ30 ቀናት ውስጥ የተጠቀሙትን አጠቃላይ የኃይል መጠን በአንድ ላይ ደምሮ ስለሚያሰላው የኪሎ ዋት መጠኑ ሲጨምር ታሪፉም አብሮ እንደሚጨምር አስገንዝበዋል።

ይህንን ሁኔታ ተከትሎ የሚነሱ ቅሬታዎችን ለመፍታት ተቋሙ በየክፍለ ከተማው ከነዋሪዎች ጋር ሰፊ የግንዛቤ ማስጨበጫ ውይይቶችን እያደረገ ሲሆን፣ ባለፉት 15 ቀናት ውስጥም ከፖሊሲ ጥናት ኢንስቲትዩት ጋር በመተባበር ለሚዲያ አካላት ስልጠና መሰጠቱ ተገልጿል።
ኢትዮ ኤፍ ኤም

Seledadotio
Seledadotio

ዜጎች ከጊዜ ወደ ጊዜ እየጨመረ ከመጣው የሸቀጦች ዋጋ በበለጠ ከመንግስት ለሚያገኙት አገልግሎት የሚከፍሉት ክፍያ እየፈተናቸው ነው ተባለ።

በተለይ ከቅርብ ጊዜ ወዲህ በመንግስት አገልግሎቶች ላይ የሚታየው የታሪፍ ማሻሻያ እና ተገልጋዩ አገልግሎት ለማግኘት የሚጠየቀው ወጪ ከፍተኛ መሆን የነዋሪውን ኑሮ በእንቅርት ላይ ጆሮ ደግፍ አድርጎበታል።

በዚህ ምክንያትም የሸማቹ መብት እየተጣሰ በመሆኑ ትኩረት ሊደረግበት ይገባል ሲል የኢትዮጵያ ሸማቾች መብት ተቆርቋሪ ድርጅት ተናግሯል።

የመንግሥት አገልግሎቶች ትርፍ ማጋበሻ ሳይሆኑ ዜጎችን ለመደገፍ፣ ማኅበራዊ ፍትሕን ለማረጋገጥና በሕግ የተጣሉ ግዴታዎችን ለመወጣት የሚቀርቡ መሠረታዊ አገልግሎቶችና መብቶች ቢሆኑም በአሁኑ ወቅት በጅምላ እየታዩ ያሉ የዋጋ ጭማሪዎች ሸማቹን ማኅበረሰብ ተስፋ የሚያስቆርጡ፣ ወደ ከፋ ድህነት የሚገፉና ዜጎች መሠረታዊ አገልግሎቶችን እንዳያገኙ በማድረግ በሚከፍሉት ግብር የመገልገል የዜግነት መብታቸውን አደጋ ላይ የሚጥሉ ሆነው አግኝቻቸዋለሁ ብሏል ድርጅቱ፡፡

የተለያዩ የመንግሥት ተቋማት ያደረጓቸው የዋጋ ጭማሪዎች የማክሮ-ኢኮኖሚውን ሕመምና የሕዝቡን የደመወዝ ወለል ያላገናዘቡ፣ የሸማቹን ኪስ ሙሉ በሙሉ የሚያራቁቱ መሆናቸውን ያነሳ ሲሆን ፤ የኢሚግሬሽንና ዜግነት አገልግሎት የአዲስ ፓስፖርት ክፍያ፣ በአዲስ አበባ ከተማ አዲስ የተሽከርካሪ ሰሌዳ ዋጋ፣ የቴሌኮም አገልግሎትን ጨምሮ ሌሎች አገልግሎቶች ላይ የታወጣን ጭማሬ እንደማሳያ አንስቷል፡፡

በእነዚህ እና በሌሎች የመንግስት ተቋማት የአገልግሎት ጭማሬዎች አገልግሎት ፈላጊው ማህበረሰብ እየፈተነው እንደሆነ ተመልክተናል ሲል የኢትዮጵያ ሸማቾች መብት ተቆርቋሪ ድርጅት ተናግሯል፡፡

Seledadotio
Seledadotio

ዜጎች ከጊዜ ወደ ጊዜ እየጨመረ ከመጣው የሸቀጦች ዋጋ በበለጠ ከመንግስት ለሚያገኙት አገልግሎት የሚከፍሉት ክፍያ እየፈተናቸው ነው ተባለ።

በተለይ ከቅርብ ጊዜ ወዲህ በመንግስት አገልግሎቶች ላይ የሚታየው የታሪፍ ማሻሻያ እና ተገልጋዩ አገልግሎት ለማግኘት የሚጠየቀው ወጪ ከፍተኛ መሆን የነዋሪውን ኑሮ በእንቅርት ላይ ጆሮ ደግፍ አድርጎበታል።

በዚህ ምክንያትም የሸማቹ መብት እየተጣሰ በመሆኑ ትኩረት ሊደረግበት ይገባል ሲል የኢትዮጵያ ሸማቾች መብት ተቆርቋሪ ድርጅት ተናግሯል።

የመንግሥት አገልግሎቶች ትርፍ ማጋበሻ ሳይሆኑ ዜጎችን ለመደገፍ፣ ማኅበራዊ ፍትሕን ለማረጋገጥና በሕግ የተጣሉ ግዴታዎችን ለመወጣት የሚቀርቡ መሠረታዊ አገልግሎቶችና መብቶች ቢሆኑም በአሁኑ ወቅት በጅምላ እየታዩ ያሉ የዋጋ ጭማሪዎች ሸማቹን ማኅበረሰብ ተስፋ የሚያስቆርጡ፣ ወደ ከፋ ድህነት የሚገፉና ዜጎች መሠረታዊ አገልግሎቶችን እንዳያገኙ በማድረግ በሚከፍሉት ግብር የመገልገል የዜግነት መብታቸውን አደጋ ላይ የሚጥሉ ሆነው አግኝቻቸዋለሁ ብሏል ድርጅቱ፡፡

የተለያዩ የመንግሥት ተቋማት ያደረጓቸው የዋጋ ጭማሪዎች የማክሮ-ኢኮኖሚውን ሕመምና የሕዝቡን የደመወዝ ወለል ያላገናዘቡ፣ የሸማቹን ኪስ ሙሉ በሙሉ የሚያራቁቱ መሆናቸውን ያነሳ ሲሆን ፤ የኢሚግሬሽንና ዜግነት አገልግሎት የአዲስ ፓስፖርት ክፍያ፣ በአዲስ አበባ ከተማ አዲስ የተሽከርካሪ ሰሌዳ ዋጋ፣ የቴሌኮም አገልግሎትን ጨምሮ ሌሎች አገልግሎቶች ላይ የታወጣን ጭማሬ እንደማሳያ አንስቷል፡፡

በእነዚህ እና በሌሎች የመንግስት ተቋማት የአገልግሎት ጭማሬዎች አገልግሎት ፈላጊው ማህበረሰብ እየፈተነው እንደሆነ ተመልክተናል ሲል የኢትዮጵያ ሸማቾች መብት ተቆርቋሪ ድርጅት ተናግሯል፡፡

ዘገባው የሸገር ሬዲዮ ነው

ከ3 ጊዜ በላይ ጥቆማ የሚቀርብባቸውና ከታሪፍ በላይ የሚጭኑ አሽከርካሪዎች አገልግሎት እንዳይሰጡ ሊደረግ መሆኑ ተገለጸ።
ከነዳጅ ዋጋ መጨመር ጋር ተያይዞ አጠቃላይ ሁኔታውን ታሳቢ ያደረገ የታሪፍ ማሻሻያ ቢደረግም፣ በርካታ አሽከርካሪዎች ከተቀመጠው ታሪፍ ውጪ እያስከፈሉ መሆኑ በጥናት መረጋገጡን የአዲስ አበባ ትራንስፖርት ቢሮ ለመናኸሪያ ሬዲዮ በሰጠው ገለፃ አስታውቋል።

በመዲናዋ የሚገኙ የሚኒባስ አሽከርካሪዎች ከታሪፍ ውጪ ከማስከፈልም ባለፈ፣ ከተሰጣቸው ስምሪት ውጪ እንደሚያሽከረክሩ የተናገሩት የቢሮው ምክትል ኃላፊ አቶ ዳኛቸው ሽፈራው፤ ይህንን ችግር ለመፍታት ጥብቅ ቁጥጥር እየተደረገ መሆኑን ገልጸዋል።

ችግሩን ለመፍታት ካሁን ቀደም በኪሎ ሜትር ይገለጽ የነበረው የጉዞ ታሪፍ ተሳፋሪውን ያወዛግብ እንደነበር አስታውሰው፤ በተያዘው ሰኔ ወር በመነሻና መዳረሻ ላይ ያለውን የጉዞ ታሪፍ የሚገልጽ ዝርዝር እንደሚለጠፍ አስታውቀዋል።

ቢሮው ከታሪፍ በላይ በሚያስከፍሉ አሽከርካሪዎች ላይ የሚሰራውን የቁጥጥር ስራ በይበልጥ ማሻሻሉን ገልጸው፤ ከ3 ጊዜ በላይ ጥቆማ የሚቀርብባቸውና ከታሪፍ በላይ የሚያስከፍሉ አሽከርካሪዎች አገልግሎት እንዳይሰጡ እንደሚደረግም ተናግረዋል።

ባለፈው የግንቦት ወር ብቻ ከታሪፍ በላይ በማስከፈልና የተቀመጠውን የታሪፍ ዝርዝር ባለመስቀላቸው ከ3 ሺህ 300 በላይ አሽከርካሪዎች ላይ እርምጃ መወሰዱን ያመለከቱት ምክትል ኃላፊው፤ የቁጥጥር ስራውን በይበልጥ ለማጠናከር በልዩ ትኩረት እየተሰራ መሆኑን አመልክተዋል።

በሌላ በኩል ባለፉት ጊዜያት በመሰረተ ልማት ዝርጋታ ምክንያት ተቋርጦ የነበረው 9417 አጭር የስልክ መስመር አሁን ላይ በርካታ ጥቆማዎችን እየተቀበለበት መሆኑን አቶ ዳኛቸው ገልጸዋል። በተጠናቀቀው ግንቦት ወር ብቻ ወደ 400 የሚጠጉ ጥቆማዎችን ማስተናገድ መቻሉንና በ300ዎቹ ላይ እርምጃ እንደተወሰደባቸው አብራርተዋል።

Seledadotio
Seledadotio

ከአቅም በላይ የሆነው የትራንስፖርት ዋጋ

አብዛኛው የመንግሥትም ሆነ የግል ሠራተኞች ነጋዴዎችም ሆኑ የቀን ሠራተኞች የዕለት ሥራቸውን የሚጀምሩትና የሚያጠናቅቁት በትራንስፖርት ነው። ይሁን እንጂ በየወቅቱ የሚወጡት አዳዲስ የታሪፍ ማሻሻያዎች በትራንስፖርት ተጠቃሚዎችን ላይ ተገማች ያልሆነ ጫና እያሳደረ ይገኛል፡፡ የዓለም አቀፍ የነዳጅ ዋጋ መናጋትን ተገን በማድረግ በአገር ውስጥ የሚደረጉ የዋጋ ማስተካከያዎች፣ ዛሬ ላይ የዜጎችን የመንቀሳቀስና የኢኮኖሚ አቅም በእጅጉ እየፈተኑት ነው፡፡ ታሪፍ በየወቅቱ ይጨምራል፣ የተሳፋሪው ደመወዝና ገቢ ግን ባለበት እንደቀጠለ ነው፡፡

አቶ መለስ አምሳሉ ከሸገር ከተማ ኮዬ ፈጨ ተነስተው ሽሮ ሜዳ በየዕለቱ ከባለቤታቸው ጋር ለሥራ ይመላለሳሉ፡፡ ‹‹አጋጣሚ የእኔም የባለቤቴም ሥራ አንድ አካባቢ በመሆኑ ሁሌም በጧት ተነስተን ተያይዘን ነው የምንወጣው›› የሚሉት አቶ መለሰ፣ ‹‹ብዙ ጊዜ በከተማ ባስ አንዳንድ ጊዜ ደግሞ በታክሲ እየተመላለሰን ነው የምንሠራው፡፡ እኔም ባለቤቴም አብረን ስለምንሄድ ነው መሰል የትራንስፖርቱ ክፍያ ከሁሉም በላይ ያሰለቻል የሚዘለቅ አይመስልም›› ሲሉ ይገልጻሉ፡፡

በቀን ከባለቤታቸው ጋር ከ300 እስከ 500 ብር ለትራንስፖርት እንደሚያወጡ የተናገሩት አቶ መለስ፣ የሚከፈላቸው ደመወዝና የሚያወጡት የቀን ወጪ ሊጣጣም እንዳልቻለ ይጠቁማሉ፡፡

በተለይ የትራንስፖርት ወጪው፣ ነዳጅ በጨመረ ቁጥርትራንስፖርት አገልግሎት ሰጪዎች ዋጋ መጨመር በየቀኑ የተለያየ ክፍያ መጠየቅና ተደራድሮ መጫን፣ መሸት ካለ በእጥፍ እስከመጨመር መድረስ ለሕዝቡ ሸክም መሆኑን ይጠቁሟሉ፡፡

መንግሥት አምስት ብር ወይም አሥር ብር ታሪፍ ጨመረ ሲባል እነሱ ከተባለው እጥፍ በላይ አድርገው ይጨምራሉ፣ ኅብረተሰቡ ተመጣጣኝ ክፍያን ያስከፍሉ የነበሩት የከተማ አውቶብሶች ዛሬ ላይ በተደረገ ጭማሪ ውድ መሆናቸውን ያስረዳሉ፡፡

‹‹በምግብ፣ በዕቃና በሌሎች ነገሮች ላይ የሚደረገውን የዋጋ ጭማሪ አንዳንዱን ልታልፈው ትችላለህ፡፡ አንዳንዱም ለጊዜው ላያስፈልግ ስለሚችል ልተወው ትችላለህ፡፡ ነገር ግን ትራንስፖርት ልተው ወይም ለነገ ሊባል የሚችል አይደለም፡፡ ከሥራህ ታክሲ አጣሁ ወይም ብር የለኝም ብለህ ብትቀርከደመወዝህ ይቀነሳል፤›› ሲሉም ያሉበትን ፈተና ይገልጻሉ፡፡

በተደጋጋሚ ከሥራ መቅረት እስከ መባረር ለሚያደርስ ቅጣት ይደረጋል በመሆኑም ትራንስፖርት ላይ የሚደረግ የዋጋ ጭማሪ በደንብ ሊታሰብበት እንደሚገባም በማለት አስተያየታቸውን ሰጥተዋል፡፡

‹‹ኅብረተሰቡም ቢሆን ችግር አለበት›› የሚሉት አቶ መለስ፣ ‹‹አንዳንድ ተቆጣጣሪዎች በተለይ መነሻው ላይ ስንት ብርእንደተጠየቅን ሲጠይቁን፣ ትክክለኛውን አንናገርም፡፡ በመሆኑም ይኼ ነገር ለመንግሥት ቁጥጥርም አስቸጋሪ ይመስለኛል፤›› ሲሉ አክለዋል፡፡

በተለይ ከቅርብ ጊዜ ወዲህ የሚታየው የትራንስፖርት እጥረትና እጥረቱን ተከትሎ የሚደረገው የዋጋ ጭማሪ በጣም እንዳስመረራቸው የሚናገሩት ደግሞ ወ/ሮ መሠረት ኃይሉ ናቸው፡፡

ወ/ሮ መሠረት ከአራብሳ ተነስተው መስቀል አደባባይአካባቢ ወደሚገኘው የሥራ ቦታቸው ዘወትር ይመላለሳሉ ‹‹አሁን ላይ የሚታየውን የትራንስፖርት ችግር ለየት የሚያደርገው ነገር ቢኖር ችግሩ ተደራራቢ መሆኑ ነው፣ የመጀመሪያው ረዥም ሠልፍ መሠለፍ፣ ከዚያም ከታሪፍ በላይ መክፈል፣ ታሪፍ ነው ብለን ለመከራከር ስንሞክር ነዳጅ ስለጨመረ ጨምሯል እንባላለን፤›› በማለት ያስረዳሉ፡፡

‹‹ቤት እንዳልውል ከቤት ኪራይ ጀምሮ ያለው ወጪ ከአቅም በላይ ነው፡፡ ተሯሩጦ ለመሥራት ደግሞ ከሁሉም በላይየትራንስፖርት ወጪው ያሰለቻል፣ ነገር ግን ቁጭ ከማለት ይሻላል በሚል እየለፋን ለቤት ኪራይና ለትራንስፖርት እንሰጣለን፣ ለነገ ብንታመም፣ ብንሞት ብለን የምናስቀምጠው ጥሪት የለንም፤›› ሲሉ ሐሳባቸውን አጋርተዋል፡፡

እነዚህና መሰል ቅሬታዎች በተለይ በመካከለኛው ምሥራቅ ጦርነት መቀስቀስ ጋር ተያይዞ በነዳጅ ላይ ከፍተኛ የዋጋ ጭማሪ ከተደረገ ወዲህ በስፋት ይስተዋላሉ፡፡ ጦርነት ከፍተኛ አሉታዊ ተፅዕኖ ከደረሰባቸው ሴክተሮች መካከልም የትራንስፖርት ዘርፉ ግንባር ቀደም ተጠቃሽ ነው፡፡

በነዳጅ እጥረት ምክንያት የሚከሰቱ ችግሮች ዞረው ዞረው ማረፊያቸው እንደ አቶ መለስና እንደ ወ/ሮ መሠረት ባሉ ተጠቃሚዎች ላይ መሆኑ ይታወቃል፡፡

ዓለም አቀፍ የነዳጅ ዋጋ ሲጨምር መንግሥት የትራንስፖርት ‹‹የታሪፍ ማሻሻያ በሚል በየወቅቱ ይጨምራል፡፡ መንግሥት ከሚጨምረው የታሪፍ ጭማሪ ባሻገር ጭማሪውን ተከትለው የሚጨምሩ አሽከርካሪዎች መበራከታቸውን አስተያየት ሰጪዎቹ ተናግረዋል፡፡

በሌላ በኩል የሚደረገው የታሪፍ ጭማሪ የኅብረተሰቡን ገቢ ያላገናዘበ መሆኑን ተሳፋሪዎች ይናገራሉ፡፡

‹‹በሁለት ዓመትና በሦስት ዓመት ምንም ዓይነት የደመወዝ ጭማሪ ሳይደረግልኝ በትራንስፖርት ታሪፉ ላይ ግን በቀላሉ ከሦስት ጊዜ በላይ የታሪፍ ጭማሪ በሚል ቢያንስ ከ2ዐ እስከ 3ዐ ብር በቀን በአንድ ጉዞ ላይ ጭማሪ መደረጉን አውቃለሁ፤›› ሲሉ የተናገሩት የሕዝብ ትራንስፖርት ተጠቃሚ አባት ናቸው፡፡

እሳቸው እንደሚሉት፣ አዘውትረው የሚጠቀሙት የከተማ አውቶብስን ነው፡፡ ምክንያታቸው ደግሞ ገቢያቸው ዝቅተኛ በመሆኑ በታክሲ መሄድ ስለማይችሉ ነው፡፡ ነገር ግን አሁን ያለው የባስ አገልግሎት ታሪፉም ቢሆን የሚቀመስ አልሆነም ይላሉ፡፡

ምንም እንኳን ኅብረተሰቡ መንግሥት ካስቀመጠው ታሪፍ በላይ የሚገደድባቸው ሁኔታዎች፣ በተለይ በምሽት ቢኖሩም፣ ተገቢው ቁጥጥር አለ ብለው እንደማያምኑም ያክላሉ፡፡

የሚኒባስ አሽከርካሪው ተስፋ ብርሃኑ፣ ተሳፋሪዎች የሚያቀርቡት ጥያቄም ሆነ አስተያየት ትክክል ነው፣ ነገር ግን ያላወቁልን ነገር ቢኖር የእኛን መቸገር ነው ሲል ተናግሯል፡፡

በአሁኑ ወቅት ነዳጅ ከማደያ እስከ 18ዐ ብር ነው እየከፈልን የምንቀዳው፡፡ ነገር ግን ነዳጅ ሲጨምር እኛ ታሪፍ አንጨምርም፡፡ ሰው በየዕለቱ ከቤት ወደ ሥራ ቦታ ከሥራ ቦታ ወደ ቤት ሲመላለስ 5ዐ ሆነ መቶ ሲያወጣ ከባድ ይሆንበታል፡፡

እኛ ደግሞ ከነዳጅ ባሻገር የምናወጣው የጥገና ወጪ እንዲሁ የሚነገር አይደለም፡፡ በዚያ ላይ የተለያዩ ሕጋዊ የሆነም ሕጋዊ ያልሆነም ምክንያቶችን በመፍጠር በየመንገዱ ለቅጣት የምናወጣው ወጪም ቀላል እንዳልሆነ ያስረዳል፡፡

እንደ አሽከርካሪው፣ አብዛኛው ሹፌር የሚሠራው በልቶ ለማደር ነው፡፡ ከሰዓት እላፊ በላይ ከሠራ ምን አልባት ጭማሪ ሊያደርግ ይችላል፡፡ ከዚያ ውጪ አብዛኛው ሰው ዘይትና ሽንኩርት መጨመሩን ያውቃል፡፡ ነገር ግን ትራንስፖርት ከአምስት ወር በፊት በነበረው የሚቀጥል የሚመስላቸው ሰዎች አሉ፡፡ ብዙ ሰዎች የትራንስፖርት ማሻሻያ ተደርጓል መባሉን የሚሰሙት ቆይተው ነው፡፡

እነዚህን መሰል ከኅብረተሰቡና ከአሽከርካሪዎች የተነሱ ጥያቄዎችን በተለይ የነዳጅ አቅርቦት ተስተካክሏል ከተባለ ወዲህ ያሉ መሻሻሎች ካሉ ምላሽና ማብራሪያዎችን ለማግኘት ጉዳዩ ወደሚመለከተው የአዲስ አበባ ትራንስፖርት ቢሮ ምላሽ ለማግኘት ሐሙስ ግንቦት 2ዐ ቀን 2018 ዓ.ም. ከሰዓት በቢሮው ብንገኝም፣ ከምርጫ ጋር የተያያዙ ጉዳዮች ስለሚበዙ በወቅቱ መረጃ ለመስጠት እንደማይችሉ በቃል አሳውቀውናል፡፡

ዘገባው የሪፖርተር ጋዜጣ ነው።

የታሪፍ ማሻሻያ አልተደረገም፤ በዘፈቀደ ዋጋ የሚጨምሩ አሽከርካሪዎች ላይ እርምጃ ይወሰዳል
#ethiopia | ​በቅርቡ የተደረገውን የነዳጅ ዋጋ ጭማሪ ተገን በማድረግ፣ በራስ ፍላጎት የታሪፍ ጭማሪ የሚያደርጉ አሽከርካሪዎችና የትራንስፖርት ማኅበራት ድርጊት "ሕገ-ወጥ" መሆኑን የአዲስ አበባ ከተማ ትራንስፖርት ቢሮ አስታወቀ።
​ቢሮው የነዳጅ ዋጋ ጭማሪውን ተከትሎ የጥናት ሥራ እያከናወነ ቢሆንም፣ እስካሁን ግን ምንም ዓይነት ይፋዊ የታሪፍ ማሻሻያ አለመደረጉን የኦፕሬሽን ዘርፍ ምክትል ኃላፊ አቶ ዳኛቸው ሽፈራው ገልጸዋል።

እንደ ባለሥልጣኑ ገለጻ፣ ከወር በፊት የተደረገው የታሪፍ ማሻሻያ ወደፊት ሊመጣ የሚችለውን የነዳጅ ዋጋ ጭማሪ አስቀድሞ ታሳቢ ያደረገ በመሆኑ፣ አሁን ላይ ተለዋጭ ዋጋ መጨመር ተገቢ አይደለም።

​ቢሮው በጉዳዩ ላይ ያስተላለፋቸው ዋና ዋና ነጥቦች፦
​
-በዘፈቀደ ዋጋ በሚጨምሩ አሽከርካሪዎች ላይ ብቻ ሳይሆን፣ በባለንብረቶችም ላይ ጠንካራና አስተማሪ እርምጃ ይወሰዳል።

​-ሕገ-ወጥ የዋጋ ጭማሪን ለመከላከል የሚደረገው የመስክ ቁጥጥር ተጠናክሮ ቀጥሏል።
​
- የትራንስፖርት እጥረትን ለመቅረፍና ፍላጎትን ለማመጣጠን ተጨማሪ የሕዝብ ማመላለሻ አውቶቡሶችና የኤሌክትሪክ ባሶች በስፋት እንዲሰማሩ እየተደረገ ይገኛል።

-ተጠቃሚዎች ከተቀመጠው ታሪፍ በላይ የሚጠይቁ አሽከርካሪዎችን ሲያጋጥሟቸው በነፃ የጥሪ መስመር 9417 ላይ ደውለው ጥቆማ እንዲሰጡ ጥሪ ቀርቧል።

​የከተማው ትራንስፖርት ቢሮ የነዳጅ ዋጋ መናር በኅብረተሰቡ ላይ የሚፈጥረውን ጫና ለመቀነስ ጥናት እያደረገ ቢሆንም፣ የጥናቱ ውጤት ታውቆ ይፋዊ መመሪያ እስካልወጣ ድረስ ነባሩ ታሪፍ ተፈጻሚነቱ እንደሚቀጥል አረጋግጧል።

Getu Temesgen - (ጌጡ ተመስገን) #getutemesgen #getu
​#ethiopia #addisababa #transporttariff #fuelprice #publictransport #electricbuses #trafficregulation

የትራንስፖርት ታሪፍ በተወሰነው መሰረት እንዲቀጥል ትዕዛዝ ተላለፈ

የትራንስፖርት እና ሎጂስቲክስ ሚኒስቴር የትራንስፖርት ታሪፍ በተወሰነው መሰረት ብቻ እንዲቀጥል ተዕዛዝ አስተላልፏል።

ሚኒስቴሩ የትራንስፖርት አገልግሎት ወደ መደበኛ ሁኔታ መመለሱን ለማሳወቅ ባወጣው መግለጫ÷ በመካከለኛው ምሥራቅ የተከሰተው ግጭት በዓለም አቀፍ የነዳጅ ገበያ ላይ ከፍተኛ ተፅዕኖ አሳድሮ የነዳጅ ዋጋ ግሽበትና በአቅርቦት ላይ መስተጓጎል እንዲፈጠር አድርጓል ብሏል።

ይህም ሁኔታ በኢትዮጵያ የናፍታ ዕለታዊ አቅርቦትን ከ9 ሚሊየን ሊትር ወደ 4 ነጥብ 5 ሚሊየን ሊትር እንዲቀንስ አድርጎ በትራንስፖርት አገልግሎት ላይ የሚታወቁ መስተጓጎሎችን አስከትሎ እንደነበር አስታውሷል።

መንግሥት ይህንን ችግር በፍጥነት ለመቆጣጠር የታሪፍ ማሻሻያ፣ የአቅርቦት አደረጃጀት ማሻሻል እና የሎጂስቲክስ ቅንጅት ማጠናከርን ጨምሮ በርካታ አስቸኳይ እና ዘላቂ ርምጃዎች መውሰዱን አመልክቷል።

ይህም የውጭ ጫናዎች ቢኖሩም የሀገር ውስጥ ኢኮኖሚ መረጋጋትን በመጠበቅ እና የሕዝብ አገልግሎቶች እንዳይቋረጡ በማድረግ በኩል መንግሥት የሕዝብ ጥቅምን በማስቀደም የሚከተለውን የፖሊሲ አቅጣጫ የሚያሳይ መሆኑን አስረድቷል።

የገንዘብ ሚኒስቴር በይፋ እንዳሳወቀው የነዳጅ አቅርቦት ወደ መደበኛ ሁኔታው ተመልሷል ያለው ሚኒስቴሩ÷ ይህ ሁኔታ በትራንስፖርት ዘርፍ የተፈጠሩ መስተጓጎሎች በፍጥነት እንዲፈቱ ያስችላልም ብሏል።

በመሆኑም በነዳጅ እጥረት ምክንያት የተፈጠሩ የትራንስፖርት አገልግሎት መስተጓጎሎች ሙሉ በሙሉ እንዲቀረፉ፣ ከአዲስ አበባ እስከ ክልሎች የሚገኙ ሁሉም የዘርፉ አመራሮች እና ተዋናዮች ታሪፍ በተወሰነው መሰረት ብቻ እንዲቀጥል በጥብቅ እንድከታተሉና ትግበራውንም በጋራ ግብረ ኃይል እንዲያረጋግጡ አሳስቧል፡፡

seledadotio
seledadotio

በአዲስ አበባ የሕዝብ ትራንስፖርት ታሪፍ ላይ ማሻሻያ ተደረገ
#ethiopia | የአዲስ አበባ ከተማ አስተዳደር ትራንስፖርት ቢሮ በነዳጅ ምርቶች የችርቻሮ መሸጫ ዋጋ ላይ የተደረገውን ለውጥ ተከትሎ፣ በሕዝብ ትራንስፖርት አገልግሎት ታሪፍ ላይ ማሻሻያ ማድረጉን አስታውቋል። ይህ አዲስ የታሪፍ ጭማሪ ከነገ ሰኞ መጋቢት 7 ቀን 2018 ዓ.ም ጀምሮ ተግባራዊ መሆን ይጀምራል።

ማሻሻያው ሚኒባስ ታክሲዎችን፣ ሚዲባሶችን (ሃይገርና ቅጥቅጥ) እንዲሁም የከተማ አውቶብስ አገልግሎቶችን ያጠቃልላል።

1. የሚኒባስ ታክሲ አገልግሎት

የሚኒባስ ታክሲ ታሪፍ እንደ ርቀቱ ከ5 እስከ 10 ብር የሚደርስ ጭማሪ ታይቶበታል።
* እስከ 2.5 ኪ.ሜ፡ 10.00 ብር (ያለ ለውጥ ይቀጥላል)
* ከ 2.6 - 5 ኪ.ሜ፡ 20.00 ብር (የ5 ብር ጭማሪ)
* ከ 7.6 - 10 ኪ.ሜ፡ 35.00 ብር (የ10 ብር ጭማሪ)
* ረጅሙ ርቀት (17.6 - 20 ኪ.ሜ)፡ 55.00 ብር ደርሷል
2. የሚዲባስ (ሃይገርና ቅጥቅጥ) አገልግሎት
* እስከ 8 ኪ.ሜ፡ 15.00 ብር
* ከ 12.01 - 16 ኪ.ሜ፡ 30.00 ብር
* ከ 24.01 - 28 ኪ.ሜ፡ 45.00 ብር ሆኗል

3. የከተማ አውቶብስ አገልግሎት
* እስከ 7.5 ኪ.ሜ፡ 10.00 ብር
* ከ 30.01 - 45 ኪ.ሜ፡ 60.00 ብር
* ከ 40.01 - 50 ኪ.ሜ፡ 70.00 ብር እንዲሆን ተወስኗል

ልዩ ማሳሰቢያ፡ የሸገር ትራንስፖርት አገልግሎት በተስተካከለው ታሪፍ መሠረት በሁሉም መስመሮች 10 ብር ሆኖ እንደሚቀጥል ቢሮው አረጋግጧል።

ሕገ-ወጥ አሰራርን እንዴት እንከላከል?
አገልግሎት ሰጪዎች ከተቀመጠው ታሪፍ ውጪ ሲያስከፍሉ ወይም እንግልት ሲያደርሱ ከተገኙ፣ የሰሌዳ ቁጥራቸውንና ሰዓቱን በመያዝ በነፃ የጥሪ መስመር 9417 ላይ በመደወል ጥቆማ መስጠት እንደሚቻል ተገልጿል።

Getu Temesgen - (ጌጡ ተመስገን)
#getutemesgen #getu #ጌጡ #መናኸሪያFm #አዲስ_አበባ #ትራንስፖርት #ታሪፍ_ማሻሻያ #ኢትዮጵያ #የታክሲ_ታሪፍ #addisababa #ethiopia #transportupdate

በአዲስ አበባ የሕዝብ ትራንስፖርት አገልግሎት መስጫ ታሪፍ ላይ ማሻሻያ ተደረገ

በወቅታዊ የነዳጅ ምርቶች የችርቻሮ መሸጫ ዋጋ ላይ የተደረገውን የዋጋ ማስተካከያ ተከትሎ የትራንስፖርት ታሪፍ ላይ ማሻሻያ ማድረጉን የአዲስ አበባ ከተማ ትራንስፖርት ቢሮ አስታወቀ።

አዲሱ የታሪፍ ማሻሻያ ከነገ ሰኞ መጋቢት 7/2018 ዓ.ም ጀምሮ ተግባራዊ የሚደረግ ሲሆን ጭማሪው የከተማ አውቶብስ አገልግሎትን ጨምሮ በሚኒባስ፣ በሚዲባስ እና የባጃጅ ትራንስፖርት አገልግሎት የሚሰጡ ተሽከርካሪዎችን ይመለከታል።

በመሆኑም የሕዝብ ትራንስፖርት አገልግሎት የሚሰጡ ሁሉም ተቋማት፣ ባለንብረቶች፣ ማኅበራት እና ግለሰቦች በአገልጋይነት ስሜት ኅብረተሰቡን እንድታገለግሉ ቢሮው ጠይቋል።

አገልግሎቱን በተገቢው መንገድ የማይሰጡ እና ኅብረተሰቡን ለተለያዩ እንግልቶች እና ቢሮው ካስቀመጠው ሕጋዊ ታሪፍ ውጪ የሚያስከፍሉ አገልግሎት ሰጪዎች ሲያጋጥሙ በነፃ የስልክ መስመር 9417 ወይም በአካል በአቅራቢያዎ በሚገኝ የትራንስፖርት ቅርጫፍ ጽሕፈት ቤቶች እና የትራንስፖርት ዘርፍ ባለሙያች የተሽከርካሪውን ሰሌዳ እና ሰዓት በመያዝ ጥቆማ መስጠት እንደሚቻል ቢሮው አስታውቋል።
#ebc

በአዲስ አበባ አዲስ የትራንስፖርት ታሪፍ ጭማሪ ተደረገ

​የአዲስ አበባ ከተማ አስተዳደር ትራንስፖርት ቢሮ በነዳጅ ምርቶች ላይ የተደረገውን የዋጋ ጭማሪ ተከትሎ፣ በከተማዋ የሕዝብ ትራንስፖርት አገልግሎት ላይ የታሪፍ ማሻሻያ ማድረጉን በይፋ አስታውቋል።

​📅 ተግባራዊ የሚሆንበት ቀን፦ ከነገ ሰኞ መጋቢት 7 ቀን 2018 ዓ.ም ጀምሮ በሁሉም የከተማዋ የትራንስፖርት ዘርፎች ላይ ተግባራዊ ይሆናል።

​🚐 1. የሚኒባስ ታክሲ ታሪፍ

​እስከ 2.5 ኪ.ሜ ፦ ነባር 10 ብር 👉 አዲሱ 10.00 ብር
​ከ 2.6 እስከ 5 ኪ.ሜ ፦ ነባር 15 ብር 👉 አዲሱ 20.00 ብር
​ከ 5.1 እስከ 7.5 ኪ.ሜ ፦ ነባር 20 ብር 👉 አዲሱ 25.00 ብር
​ከ 7.6 እስከ 10 ኪ.ሜ ፦ ነባር 25 ብር 👉 አዲሱ 35.00 ብር
​ከ 10.1 እስከ 12.5 ኪ.ሜ ፦ ነባር 30 ብር 👉 አዲሱ 40.00 ብር
​ከ 12.6 እስከ 15 ኪ.ሜ ፦ ነባር 35 ብር 👉 አዲሱ 45.00 ብር
​ከ 15.1 እስከ 17.5 ኪ.ሜ ፦ ነባር 40 ብር 👉 አዲሱ 50.00 ብር
​ከ 17.6 እስከ 20 ኪ.ሜ ፦ ነባር 45 ብር 👉 አዲሱ 55.00 ብር

​🚌 2. የሚዲ-ባስ (ሀይገርና ቅጥቅጥ) ታሪፍ

​እስከ 8 ኪ.ሜ ፦ ነባር 10 ብር 👉 አዲሱ 15.00 ብር
​ከ 8.01 እስከ 12 ኪ.ሜ ፦ ነባር 15 ብር 👉 አዲሱ 20.00 ብር
​ከ 12.01 እስከ 16 ኪ.ሜ ፦ ነባር 20 ብር 👉 አዲሱ 30.00 ብር
​ከ 16.01 እስከ 20 ኪ.ሜ ፦ ነባር 25 ብር 👉 አዲሱ 35.00 ብር
​ከ 20.01 እስከ 24 ኪ.ሜ ፦ ነባር 30 ብር 👉 አዲሱ 40.00 ብር
​ከ 24.01 እስከ 28 ኪ.ሜ ፦ ነባር 35 ብር 👉 አዲሱ 45.00 ብር

​🚍 3. የከተማ አውቶቡስ ታሪፍ

​እስከ 7.5 ኪ.ሜ ፦ አዲሱ 10.00 ብር
​ከ 7.6 እስከ 12 ኪ.ሜ ፦ ነባር 10 ብር 👉 አዲሱ 15.00 ብር
​ከ 12.01 እስከ 17 ኪ.ሜ ፦ ነባር 20 ብር 👉 አዲሱ 25.00 ብር
​ከ 17.1 እስከ 23 ኪ.ሜ ፦ ነባር 20 ብር 👉 አዲሱ 30.00 ብር
​ከ 23.01 እስከ 30 ኪ.ሜ ፦ ነባር 30 ብር 👉 አዲሱ 40.00 ብር
​ከ 30.01 እስከ 45 ኪ.ሜ ፦ ነባር 40 ብር 👉 አዲሱ 60.00 ብር
​ከ 40.01 እስከ 50 ኪ.ሜ ፦ ነባር 50 ብር 👉 አዲሱ 70.00 ብር

​ ከተቀመጠው ተመን በላይ የሚያስከፍሉ አሽከርካሪዎችን በነፃ ስልክ መስመር 9417 በመደወል ወይም በአቅራቢያ በሚገኙ የትራንስፖርት ቅርንጫፍ ጽህፈት ቤቶች በመገኘት የተሽከርካሪውን ሰሌዳ ቁጥር በመጥቀስ ማሳወቅ ይቻላል።

​📌 ምንጭ፦ የአዲስ አበባ ከተማ አስተዳደር ትራንስፖርት ቢሮ

በአዲስ አበባ ከተማ የሕዝብ ትራንስፖርት ታሪፍ ላይ ጭማሪ ተደረገ
​ #fastmereja I የአዲስ አበባ ከተማ ትራንስፖርት ቢሮ በነዳጅ ምርቶች የችርቻሮ መሸጫ ዋጋ ላይ የተደረገውን ጭማሪ ተከትሎ በሕዝብ ትራንስፖርት ታሪፍ ላይ ማሻሻያ ማድረጉን አስታወቀ።

​ቢሮው መጋቢት 06 ቀን 2018 ዓ.ም ባወጣው መግለጫ መሠረት፣ አዲሱ የታሪፍ ማሻሻያ ከነገ ሰኞ መጋቢት 7 ቀን 2018 ዓ.ም ጀምሮ በተግባር ላይ ይውላል። ይህ ማሻሻያ የከተማ አውቶብስ፣ የሚኒባስ፣ የሚዲባስና የባጃጅ ትራንስፖርት አገልግሎት የሚሰጡ ተሽከርካሪዎችን ሁሉ የሚመለከት መሆኑ ተገልጿል።

የስኳርና የአብሽ አዲሱ ኤክሳይዝ ታክስ ውሳኔ፡ ስኳር ነፃ፣ አብሽ በቫት

​ጉምሩክ ኮሚሽን በስኳር እና በአብሽ ምርቶች ላይ የሚተገበረውን የታክስ አፈጻጸም በተመለከተ አዲስ መመሪያ አስተላልፏል።

ከገንዘብ ሚኒስቴር በተሰጠው ማብራሪያ መሠረት፣ ስኳር ከኤክሳይዝ ታክስ ነፃ ሆኖ እንደሚቀጥል ተረጋግጧል። ነሐሴ 28 ቀን 2017 ዓ.ም የተላለፈው ውሳኔ የታሪፍ ማሻሻያን ብቻ የሚመለከት እንጂ በስኳር ላይ አዲስ ታክስ የሚጥል እንዳልሆነ ኮሚሽኑ አብራርቷል።

​በሌላ በኩል፣ አብሽ የተጨማሪ እሴት ታክስ (VAT) የሚከፈልበት መሆኑ ታውቋል።

አብሽ በታሪፍ አመዳደቡ በ "ቅመማ ቅመም" ስር የሚመደብ በመሆኑ፣ በእህልና ጥራጥሬ ምድብ ውስጥ ተካቶ ከታክስ ነፃ ሊሆን አልቻለም።

በመሆኑም ምርቱ ወደ አገር ሲገባም ሆነ በአገር ውስጥ ሲገበያይ የተጨማሪ እሴት ታክስ ተፈጻሚ ይሆንበታል።

መመሪያው በሁሉም የጉምሩክ ጣቢያዎች በአፋጣኝ ተፈጻሚ እንዲሆን ታዟል።

በኤሌክትሪ ሀይል ላይ የታሪፍ ጭማሪ ተደረገ

ኢትዮጵያ እየተገበረችው ያለው የኢኮኖሚው ማሻሻያ ተከትሎ የዋጋ ማሻሻያ ከተደረገባቸው ዘርፎች አንዱ የኤሌክትሪክ ሀይል አቅርቦት ነው።

መንግስት የኤሌክትሪክ አገልግሎትን በራስ ወጪ ለመሸፍን እንደሚሰራ በተደጋጋሚ ሲገልጽ መደመጡ የሚታወስ ሲሆን ቅዳሜ ገበያ ከተቋሙ የተመለከተችው መረጃ እንደሚያሳየው ከመስከረም 2017ዓ.ም ጀምሮ ለ4 ተከታታይ አመታት በየሩብ አመቱ የታሪፍ ማሻሻያ እንደሚደረግ ይገልጻል፡፡

በተያዘው አመት በሶስተኛው ሩብ አመት በኪሎ ዋት እስከ አምስት ብር የሚደርስ ጭማሪ ተደርጓል።

seledadotio
seledadotio

ኢትዮ ቴሌኮም በአገልግሎቶቹ ላይ የታሪፍ ማሻሻያ ማድረጉን አስታወቀ

ኢትዮ ቴሌኮም ወቅታዊውን የሀገሪቱን የማክሮ ኢኮኖሚ ሁኔታ ታሳቢ ያደረገ እና በአማካይ የ23 በመቶ የዋጋ ማስተካከያ ማድረጉን በዛሬው ዕለት ይፋ አድርጓል። ተቋሙ ማሻሻያውን ያደረገው የአገልግሎት ጥራትን በዘላቂነት ለማስጠበቅና የቴክኖሎጂ አቅሙን ለማሳደግ መሆኑን ገልጿል።

የታሪፍ ማሻሻያው ዋና ዋና ነጥቦች፦

✅ የ20% የቴሌብር ቅናሽ ስጦታ፦ በቴሌብር (telebirr) ጥቅል ለሚገዙ ደንበኞች ቀደም ሲል የነበረው የ10% ቅናሽ ወደ 20% ከፍ እንዲል ተደርጓል።

✅ ዋጋቸው ያልተቀየሩ ጥቅሎች፦ በርካታ ደንበኞች ዘንድ ተመራጭ የሆኑ 38 የተለያዩ ጥቅሎች ላይ ምንም ዓይነት የዋጋ ጭማሪ አልተደረገም።

✅ ዝቅተኛ ገቢ ላላቸው ደንበኞች፦ ዲጂታል አካታችነትን ለማረጋገጥ ሲባል የ1 ብር፣ የ2 ብር፣ የ5 ብር እና የ1 ሰዓት ጥቅሎች ባሉበት ዋጋ እንዲቀጥሉ ተወስኗል።

እንደ ተቋሙ መግለጫ ከሆነ፤ በዘርፉ ላይ የታየውን የወጪ ጫና መቋቋም፣ የዲጂታል ኢኮኖሚ ግንባታን ማፋጠን እና መሰረተ ልማቶችን ለማስፋፋት የታሪፍ ማስተካከያው የግድ አስፈላጊ ሆኖ ተገኝቷል።

ኢትዮ ቴሌኮም የዋጋ ጭማሪው ተመጣጣኝ እንዲሆን ጥረት ማድረጉን የገለፀ ሲሆን፣ ይህም ደንበኞች በዲጂታል አገልግሎቶች ላይ ያላቸውን ተጠቃሚነት ለማስቀጠል ያለመ መሆኑን ጠቁሟል።

Via Ethio Telecom

seledadotio
seledadotio

ኢትዮ ቴሌኮም የ23% አማካይ የዋጋ ማስተካከያ አደረገ!

ኢትዮ ቴሌኮም ለሚድያ አካላት በላከው እና ለደንበኞቹ በተለያዩ ማህበራዊ ገፆቹ ባሰራጨው መግለጫ በአሁኑ ወቅት ያለውን ማክሮ ኢኮኖሚያዊ ሁኔታ ታሳቢ በማድረግ፣ የአገልግሎት ጥራትን በዘላቂነት ለማስጠበቅ የታሪፍ ማሻሻያ ማድረግ አስፈላጊ ሆኖ ተገኝቷል ብሏል።

እናም የአገልግሎት ጥራትን በዘላቂነት ለማስጠበቅና የቴክኖሎጂ አቅሙን ለማሳደግ የሚያስችል ስትራቴጂካዊ የታሪፍ ማስተካከያ በዛሬው ዕለት ይፋ አድርጓል።

በዚህም መሰረት ኢትዮ ቴሌኮም በአማካይ የ23% የዋጋ ጭማሪ ማድረጉን አስታውቋል።

ይህ ማስተካከያ የደንበኞችን ተጠቃሚነት ለማረጋገጥ እንዲቻል ሶስት አበይት ነጥቦችን ማካተቱንም የጠቆመ ሲሆን፡፡ እነዚህም፦

• የቴሌብር ልዩ ስጦታ ማዕቀፍ፦ በቴሌብር በኩል ጥቅል ሲገዛ የነበረው የ10% ቅናሽ ወደ 20% ከፍ እንዲል ተደርጓል።
• ዋጋቸው ያልተቀየሩ ጥቅሎች፦ በርካታ ደንበኞች የሚጠቀሙባቸው 38 የተለያዩ ጥቅሎች ላይ ምንም ዓይነት የዋጋ ጭማሪ አልተደረገም።
• ዲጂታል አካታችነትን ለማስቀጠል፦ ዝቅተኛ ገቢ ያላቸው የኅብረተሰብ ክፍሎች የሚጠቀሙባቸው የ1 ብር፣ የ2 ብር፣ የ5 ብር እና የ1 ሰዓት ጥቅሎች ባሉበት እንዲቀጥሉ ተወስኗል።

ኢትዮ ቴሌኮም የዋጋ ጭማሪው ለኢትዮጵያውያን የዲጂታል አገልግሎት ተጠቃሚነት ቀጣይነት እንዲሁም የሀገሪቱን አካታች የዲጂታል ኢኮኖሚ ግንባታ የሚያፋጥን እንዲሆን በማሰብ ተመጣጣኝ እንዲሆን ማድረጉን ገልፃል፡፡

የቴሌኮም ዘርፉን የወጪ ጫና መብዛትና የዘርፉ ተዋናዮች ዋጋ እንዲጨምር በተደጋጋሚ ያሳደሩትን ጫና ተከትሎ ኢትዮ ቴሌኮም የዋጋ ማሻሻያ ሊያደርግ እንደሚገደድ ቅዳሜ ገበያ መዘገቧ ይታወሳል፡፡
#ቅዳሜገበያ #ethiotelecom #etbusinessview

ሳፋሪኮም ኢትዮጵያ የታሪፍ ማሻሻያ ማድረጉ ተሰማ

ጭማሪ ተደርጎበታል የተባለው የዳታ ጥቅል አገልግሎት ላይ ነው።

ሳፋሪኮም ኢትዮዽያ ይህንን ጭማሪ ያደረገው የኢንቨስትመንት እና የኦፕሬሽናል ወጪዎች ከፍ ማለታቸውን ተከትሎ እንደሆነ ሰምተናል።

ኩባንያው ለጊዜው ጭማሪ ያደረገበት የዳታ ጥቅል አገልግሎት ዋጋ ምን ያህል እንደሆነ አልጠቀሰም።

ሳፋሪኮም ኢትዮጵያ የሞባይል ኢንተርኔት እያቀረበ ያለው ካወጣው ዋጋ ከእጥፍ በላይ እየቀነሰ ወይም እየከሰረ መሆኑንን መናገሩ ይታወሳል፡፡

ኩባንያው ስራውን እያስፋፋ፣ አገልግሎቱን እያቀረበ ያለውም በባለ አክሲዮኖቼ ድጋፍ ነው ብሎ ነበር፡፡

የኮሙኒኬሽን ባለስልጣን የሞባይል ኢንተርኔት ዋጋን ተመልክቶ አዲስ ተመን እንደሚያወጣ እንጠብቃለን ፣ ያ ካልሆነ ግን የቴሌኮም ዘርፍ ባለበት ይቆማል የሚል ስጋት አንዳለሁ ኩባንያው ከወራት በፊት መናገሩ ይታወሳል፡፡

ሳፋሪኮም ኢትዮዽያ በሐገር ቤት የቴሌኮም ገበያ ለውድድር ክፍት መሆኑን ተከትሎ አገልግሎት መስጠት ከጀመረ ሶስት አመት አሰቆጥሯል።

ሳፋሪኮም ኢትዮጵያ በኬንያው ሳፋሪኮም ለሚመራ "ግሎባል ፓርትነርሽፕ ፎር ኢትዮጵያ" የተሰኘ ጥምረት አካል ነው፡፡

ጥምረቱ የኬንያው ሳፋሪኮም ፤ የዩናይትድ ኪንግደም ቮዳፎን እና ቢአይአይ ግሩፕ፣ የአለም ባንኩ አይ ኤፍ ሲ፣ የደቡብ አፍሪካ ቮዳኮም፣ የጃፓኑ ሱሚቶሞ ያቀፈ ነው።

ጥምረቱም ከኢትዮጵያ መንግሥት ጋር በደረሰው ስምምነት መሠረት ጨረታ ያሸነፈበትን 850 ሚሊዮን ዶላር ለመንግሥት ከፍሎ የደንበኞች የኔትወርክ ሙከራ በድሬዳዋ ከተማ የጀመረው በነሃሴ ወር 2014 ዓ.ም ነበር፡፡

ኩባንያው የደንበኞቼ ቁጥር 12 ሚሊዮን በላይ ደርሷል፣ ይህም ከፍተኛ ስኬት ነው መለቱ ይታወሳል፡፡

seledadotio
seledadotio

ሳፋሪኮም ኢትዮጵያ የታሪፍ ማሻሻያ ማድረጉ ተሰማ

ጭማሪ ተደርጎበታል የተባለው የዳታ ጥቅል አገልግሎት ላይ ነው።

ሳፋሪኮም ኢትዮዽያ ይህንን ጭማሪ ያደረገው የኢንቨስትመንት እና የኦፕሬሽናል ወጪዎች ከፍ ማለታቸውን ተከትሎ እንደሆነ ሰምተናል።

ኩባንያው ለጊዜው ጭማሪ ያደረገበት የዳታ ጥቅል አገልግሎት ዋጋ ምን ያህል እንደሆነ አልጠቀሰም።

ሳፋሪኮም ኢትዮጵያ የሞባይል ኢንተርኔት እያቀረበ ያለው ካወጣው ዋጋ ከእጥፍ በላይ እየቀነሰ ወይም እየከሰረ መሆኑንን መናገሩ ይታወሳል፡፡

ኩባንያው ስራውን እያስፋፋ፣ አገልግሎቱን እያቀረበ ያለውም በባለ አክሲዮኖቼ ድጋፍ ነው ብሎ ነበር፡፡

የኮሙኒኬሽን ባለስልጣን የሞባይል ኢንተርኔት ዋጋን ተመልክቶ አዲስ ተመን እንደሚያወጣ እንጠብቃለን ፣ ያ ካልሆነ ግን የቴሌኮም ዘርፍ ባለበት ይቆማል የሚል ስጋት አንዳለሁ ኩባንያው ከወራት በፊት መናገሩ ይታወሳል፡፡

ሳፋሪኮም ኢትዮዽያ በሐገር ቤት የቴሌኮም ገበያ ለውድድር ክፍት መሆኑን ተከትሎ አገልግሎት መስጠት ከጀመረ ሶስት አመት አሰቆጥሯል።

ሳፋሪኮም ኢትዮጵያ በኬንያው ሳፋሪኮም ለሚመራ "ግሎባል ፓርትነርሽፕ ፎር ኢትዮጵያ" የተሰኘ ጥምረት አካል ነው፡፡

ጥምረቱ የኬንያው ሳፋሪኮም ፤ የዩናይትድ ኪንግደም ቮዳፎን እና ቢአይአይ ግሩፕ፣ የአለም ባንኩ አይ ኤፍ ሲ፣ የደቡብ አፍሪካ ቮዳኮም፣ የጃፓኑ ሱሚቶሞ ያቀፈ ነው።

ጥምረቱም ከኢትዮጵያ መንግሥት ጋር በደረሰው ስምምነት መሠረት ጨረታ ያሸነፈበትን 850 ሚሊዮን ዶላር ለመንግሥት ከፍሎ የደንበኞች የኔትወርክ ሙከራ በድሬዳዋ ከተማ የጀመረው በነሃሴ ወር 2014 ዓ.ም ነበር፡፡

ኩባንያው የደንበኞቼ ቁጥር 12 ሚሊዮን በላይ ደርሷል፣ ይህም ከፍተኛ ስኬት ነው መለቱ ይታወሳል፡፡

ሸገር ሬድዮ

የአዲስ አበባ የከተማ አውቶብስ አገልግሎት ድርጅት በተመደቡበት መስመር ላይ ረዥም ደቂቃ የሚቆሙ አሽከርካሪዎችና የተመደቡበትን መስመር በአግባቡ ስለመሸፈናቸው ዘመናዊ የመቆጣጠሪያ መላ በመጠቀም ክትትል እያደረግሁ ነው አለ።

ድርጅቱ የአገልግሎት ታሪፍ ጭማሪ አድርጓል የሚል ቅሬታ ቢቀርብም የከተማ አውቶብስ ተጠቃሚዎች አንዳንዴ የተራዘመ መስመር ሲጠቀሙ ከተቀመጠው ታሪፍ በተጨማሪ ይከፍላሉ እንጂ የዋጋ ጭማሪ ተደርጎ አይደለም ብሏል።

የአዲስ አበባ የከተማ አውቶብስ አገልግሎት ድርጅት አዳዲስ በተመሠረቱ የመኖሪያ አካባቢዎች ላይ የሚያጋጥም የትራንስፖርት እጥረት ለማስተካከል የመጠበቂያ ሰዓቱን በማሳጠር የትራንስፖርት አገልግሎቱ እንዲደረስ ለማድረግ ጥረት እያደረግሁ ነው ብሏል።

የአዲስ አበባ የከተማ አውቶብስ ተጠቃሚዎች አንዳንዴ አገልግሎቱን ለማግኘት በአሽከርካሪዎች እንዲሁም በትኬት ቆራጭ ፈቃደኝነት ላይ ተመስርተን ነው የምንገለገለው የሚል ቅሬታ ያነሳሉና ድርጅቱ አሽከርካሪዎቹ መስመራቸውን በአግባቡ ስለመሸፈናቸው ተጠቃሚዎችን አለማንገላታታቸውን እንዴት ይቆጣጠራል ስንል በድርጅቱ የአገልግሎት ዘርፍ ድጋፍ ዳይሬክተር የሆኑትን አቶ እንዳልካቸው ከበደ ጠይቀናል።

አሽከርካሪ የተመደበበትን መስመር መቀየር አይችልም ስለዚህ የተመደበበት መስመር አለ ያንን መስመሮችን ተከትለን አንቆጣጠራለን በተጨማሪ በአውቶቡሶቹ ላይ ዘመናዊ መቆጣጠሪያ ጂፒኤስ በመግጠም በሰአታቸው እየተንቀሳቀሱ ስለመሆኑ ክትትል ይደረጋል ብለዋል።

ድርጅቱ ምንም ዓይነት የታሪፍ ማሻሻያ አለማድረጉን የነገሩን አቶ እንዳልካቸው በተጠቃሚዎች ፍላጎት የተራዘመ ተጨማሪ ጉዞ ሲኖር ነው የዋጋ ልዩነት እየመጣ ያለው ብለዋል።

በሌላ በኩል ድርጅቱ አዳዲስ የተመሰረቱ መንደሮችና የመኖሪያ አካባቢዎች ላይ ያለን የትራንስፖርት እጥረት ለማሻሻል የመጠበቂያ ሰዓቱን በማሳጠር እንዲሁም የምልልስ መጠኑን በመጨመር የማሻሻያ ስራ እየሰራ መሆኑን ዳይሬክተሩ ተናግረዋል።

የአዲስ አበባ የከተማ አውቶብስ አገልግሎት ድርጅት ከአገልግሎት አሰጣጡ ጋር በተያያዘ ቅሬታ ያለው ማንኛውም ተገልጋይም በተቋሙ የአጭር ቁጥር 8981 በመደወል አቤቱታ ማቅረብ ይችላል አሁንም የሚደረጉ የአገልግሎት ማሻሻያዎችም እየተጨመሩ ይሄዳሉ ብሏል፡፡

Sheger Fm

ኢትዮጵያ ለዳታ ማይኒንግ ድርጅቶች የታሪፍ ማሻሻያ አደረገች

የኢትዮጵያ ኤሌክትሪክ ሃይል በክሪፕቶ ማይኒንግ ስራ ላይ ለተሰማሩ ድርጅቶች ከህዳር 22 ጀምሮ ተግባራዊ የሚደረግ የታሪፍ ማሻሻያ ማድረጉን አሳውቋል።

በተቋሙ ማስታወቂያ መሰረት የዳታ ማይኒንግ ድርጅቶች የታህሳስ ወር የኤሌክትሪክ ሽያጭ ሂሳብ የሚከፍሉት በተሻሻለው ታሪፍ መሰረት ይሆናል።

seledadotio
seledadotio

ኢትዮጵያ ለዳታ ማይኒንግ ድርጅቶች የታሪፍ ማሻሻያ አደረገች

የኢትዮጵያ ኤሌክትሪክ ሃይል በክሪፕቶ ማይኒንግ ስራ ላይ ለተሰማሩ ድርጅቶች ከህዳር 22 ጀምሮ ተግባራዊ የሚደረግ የታሪፍ ማሻሻያ ማድረጉን አሳውቋል።

በተቋሙ ማስታወቂያ መሰረት የዳታ ማይኒንግ ድርጅቶች የታህሳስ ወር የኤሌክትሪክ ሽያጭ ሂሳብ የሚከፍሉት በተሻሻለው ታሪፍ መሰረት ይሆናል።

አሁንም ማሻሻያ የሚሻው የጫኝና አውራጅ ጉዳይ

በአዲስ አበባ ከጫኝና አውራጆች ጋር ተያይዞ ከነዋሪዎች ብዙ ቅሬታዎች ሲነሱ ይስተዋላል።

ይህንንም ችግር ለመቅረፍ የአዲስ አበባ ከተማ አስተዳደር የሰላምና ፀጥታ ቢሮ የጫኝና አውራጆችን የመምራት ሥልጣንን በመረከብ ማኅበራትን እያስተዳደረ ይገኛል።

በዘርፉ የሚነሱ ችግሮችን ለመፍታት ትናንት በቢሮው የሕዝብ አደረጃጀት ዘርፍ ከጫኝና አውራጅ ማኅበራት አመራሮች ጋር የውይይት መድረክ አካሂዷል።

የአዲስ አበባ ከተማ አስተዳደር ሰላምና ፀጥታ ቢሮ ምክትል ኃላፊ አቶ ተስፋዬ ደንድር ከጫኝና አውራጅ ጋር ተያይዞ በርካታ ነገሮች እየተሻሻሉ ቢመጡም አሁንም መስተካከል ያለባቸው ጉዳዮች መኖራቸውን ይገልፃሉ።

ይህንንም በተሠሩ ጥናቶች እንዲሁም ሕዝብ ከሚያነሳቸው ቅሬታዎች መረዳት መቻሉን ይናገራሉ።

አቶ ተስፋዬ እንደሚናገሩት፣ በተሠሩ ጥናቶች ለማረጋገጥ እንደተቻለው የጫኝና አውራጅ ማኅበራት የሌለን አባል የማስመዝገብ፣ ያልተገባ ክፍያ በመጨመር ሕዝብን የማማረር፣ ተገልጋዮችን የመሳደብ እና ሌሎች የሥነምግባር ጉድለቶች ይታያሉ።

በሌላ በኩል የሌብነት ወንጀልን የሚከላከሉ እንዲሁም ማጭበርበሮች ሲኖሩ ለፀጥታ አካላት ጥቆማ የሚያደርሱ ጫኝና አውራጆች የመኖራቸውን ያህል የተወሰኑት ደግሞ በሌብነት ተግባር የሚሳተፉበት ሁኔታ መኖሩን በጥናት ማረጋገጥ ተችሏል።

ሌላው ሕዝብን በጣም እያማረረ ያለው ነገር አንድ ግለሰብ ገንዘብ ሳይኖረው ቀርቶ ከቤተሰቦቹ ጋር እቃውን ማውረድ ቢፈልግ እንኳ አይቻልም በማለት ችግር የመፍጠር ሁኔታ ነው።

በተቀመጠው መመሪያ መሠረት ግን አንድ ሰው ከሌላ ቦታ ጫኝና አውራጅ እስካላመጣ ድረስ ከቤተሰቦቹ ጋር የማውረድ ነፃነት አለው።

“ቢሮው የከተማውን ሰላም ለማስጠበቅ እስከተቋቋመ ድረስ ሰላምን የሚያደፈርሱ ነገሮች እንዲፈፀሙ አይፈቅድም” ያሉት ምክትል ኃላፊው፣ ችግሮችን ለመቅረፍ በተገቢው መንገድ መሥራት እና መግባባት ላይ መድረስ አስፈላጊ መሆኑን ያመለክታሉ።

በንፋስ ስልክ ላፍቶ ክፍለ ከተማ የጌታቸውና ሞርካ ጫኝና አውራጅ ማኅበር አባል አብዲ ዋሞ፣ በጫኝና አውራጅ ማኅበር መንግሥት ዕድል አመቻችቶ ተደራጅተው መሥራት ከጀመሩ ወዲህ ኑሯቸው እጅግ በጣም መሻሻሉንና በርካታ ወጣቶች ከጎዳና ተነስተው ሠርተው መብላት የቻሉበት ሁኔታ መፈጠሩን ይገልጻል።

ነጋዴዎች ያልተገባ ሥራ ሲሠሩ ጫኝና አውራጆች ስለሚያጋልጧቸው ወይም እንዳያውቁባቸው በማሰብ አንዳንድ ነጋዴዎች የጫኝና አውራጆችን ስም እንደሚያጠፉም ይናገራል።

በዚህም ምክንያት ሁልጊዜ ቅሬታ በማቅረብ ጫኝና አውራጆች ከሥራ እንዲወጡ የሚያደርጉት ጫና ስላለ መንግሥት ለጉዳዩ መፍትሔ ቢሰጥ መልካም እንደሆነም ያስረዳል።

“ከክፍያ ማሻሻያ ጋር ተያይዞ ከስድስት ወራት በፊት ታሪፍ ተስተካክሎ በየክፍለ ከተማችን እንደተላከ ቢነገረንም ምንም የተለጠፈ የዋጋ ተመን የለም፤ እስካሁን በቀድሞው ዋጋ እንደቀጠለ ነው።

የቤተሰብ አስተዳዳሪ በመሆናችን እየተጎዳን ነው። ብዙ ጊዜ ከነጋዴዎች ጋር ጭቅጭቅ የሚፈጠረውም በዚህ ምክንያት ነው” የሚለው አብዲ፣ ይህ ችግር ከተፈታ የሚፈጠሩ አለመግባባቶች ይቀንሳሉ የሚል እምነት እንዳለው ይገልፃል።

ከአዲስ ከተማ ክፍለ ከተማ እህል በረንዳ የመጣው ዳዊት ቀነነው በበኩሉ፣ “ከሰላምና ፀጥታ ቢሮ ጋር በመተባበር በማዕድ ማጋራት፣ የድሃ ቤቶችን በመገንባት እና በሌሎች የበጎ ሥራዎች የምንሳተፍ ቢሆንም አሁን ላይ እየተጣለብን ያለው ግብር አቅማችንን ያገናዘበ አይደለም።

ካለው የኑሮ ውድነት አንጻር የታሪፍ ማሻሻያ አልተደረገም” ይላል። ከሥነምግባር ችግር ጋር ተያይዞ የሚነሱ ጉዳዮች እሱ በሚሠራበት ማኅበር ውስጥ እንደሌሉ የሚናገረው ዳዊት፣ ይህንንም የማኅበሩ ኃላፊ በመሆኑ ጉዳዩን የማረጋገጥ ሥራ እንደሚሠራ ይገልጻል።

በአዲስ አበባ ሰላምና ፀጥታ ቢሮ የሕዝብ አደረጃጀት ዘርፍ፣ የብዙኃን ማኅበር ድጋፍና ክትትል ቡድን መሪ አቶ ልህቅናው ታሪኩ በበኩላቸው፣ የጫኝና አውራጆች ችግር አይሰማም የሚል ቅሬታ እንደሚነሳ ጠቁመው፣ “ያልተገባ ሥራ የሚሠሩ ጫኝና አውራጆች እንዳሉ በጥናት ለማወቅ ተችሏል።

በመሆኑም የሚነሱ ችግሮች ሲኖሩ ከወረዳ ሰላምና ፀጥታ ጽሕፈት ቤት ጋር መነጋገር እንጂ ሁከት መፍጠር ተገቢ አይደለም” ብለዋል።

ጫኝና አውራጆች በፀጥታ እና በበጎ አድራጎት ዘርፎች የሚሠሩት ሥራ የሚመሰገን እንደሆነ ጠቁመው፣ ችግር የሚፈጥሩ ማኅበራት ካሉ እንዲፈርሱ የሚደረግ መሆኑን እና ጥፋተኞችን በሕግ ተጠያቂ የማድረግ ሥራ እንደሚሠራ ገልፀዋል፡፡
#ጋዜጣ ፕላስ

የንግድ ባንክ ደንበኞች እጅግ ከፍተኛ የአገልግሎት ክፍያ ቅሬታ አስነስቷል

የኢትዮጵያ ንግድ ባንክ (CBE) በመስከረም 19 ባደረገው የአገልግሎት ክፍያ ማሻሻያ ምክንያት ደንበኞች እጅግ ያልተለመደ እና ከፍተኛ የሆነ የኮሚሽን እና የ15% ቫት ቅነሳ እየገጠማቸው መሆኑን ገለጹ።

ባንኩ ተግባራዊ ባደረገው አዲስ የክፍያ ሥርዓት ሳቢያ፣ የተቆረጠው የገንዘብ መጠን ከሚላከው ገንዘብ በላይ የሆናቸው በርካታ ደንበኞች ቅሬታቸውን አሰምተዋል።

ከማህበራዊ ሚዲያወች እንደተመለከትነው:-

ደንበኞች ከንግድ ባንክ ወደ ሌላ ባንክ በላኩት 100 ብር ላይ 57.7 ብር ተቆርጦባቸዋል።

ሌላ ደንበኛ ደግሞ 20 ብር ብቻ ልኮ 57 ብር በጠቅላላ እንደተቆረጠባቸው አስታውቀዋል።

ኮሚሽኑ ከሚላከው ገንዘብ በላይ መሆን ከባንክ አሰራር ውጪ በመሆኑ፣ ይህ ከፍተኛ ቅነሳ በባንኩ የሲስተም ስህተት የተፈጠረ ነው ወይስ በታሪፍ ማሻሻያ የተከሰተ የሚለው ጉዳይ እስካሁን ድረስ ግልጽ አይደለም።

የኢትዮጵያ ንግድ ባንክ (CBE) በደንበኞቹ ላይ ለተፈጠረው ከፍተኛ ግራ መጋባት እና ቅሬታ በአፋጣኝ ኦፊሴላዊ ማብራሪያ ይሰጣል ተብሎ ይጠበቃል።

seledadotio
seledadotio

ከ2017 ዓ.ም ከመስከረም ጀምሮ የተሻሻለው የኤሌክትሪክ ታሪፍ በማህበረሰቡ ቅሬታ እየፈጠረ ነው
ከወርሃ መስከረም ጀምሮ ተግባራዊ የተደረገው አዲሱ የኤሌክትሪክ_ታሪፍ ማስተካከያ ለቀጣይ 4 ዓመታት በየሶስት ወር ተከፋፍሎ በ16 ጊዜ ተግባራዊ እንደሚደረግ የኢትዮጵያ ኤሌክትሪክ አገልግሎት መናገሩ ይታወቃል፡፡

ይህም አነስተኛ የኤሌክትሪክ ኃይል መጠን የሚጠቀሙ ደንበኞችን እንዳይጎዳ፣ የኑሮ ደረጃን ያገናዘበና ድጎማን መሰረት ያደረገ ማስተካከያ እንዳደረገም በተደጋጋሚ ሲናገር ሰምተናል።

ነገር ግን ይህ ጭማሬ በብዙዎች የአገልግሎቱ ደንበኞች ዘንድ ቅሬታ እየፈጠረ መሆኑን ነዋሪዎቹ ነግረውናል።

የኢትዮጵያ ኤሌክትሪክ አገልግሎት በበኩል ተግባራዊ የተደረገው የታሪፍ ማሻሻያ ኑሮ ውድነትን እና የዋጋ ግሽበትን እንዳያባብስ ዝቅተኛ ገቢ ያላቸውን ደንበኞች የመክፈል አቅም ያገናዘበ እና ድጎማ የሚያርግ ነው ብሏል፡፡ 

የኤሌክትሪክ ታሪፍ ማሻሻያ መደረጉ ብቻ ከፍተኛ ጭማሬ አያመጣም ያለው አገልግሎቱ ህብረተሰቡ የሚያነሳው ጥያቄም ካጠቃቀማቸው ጋር ሊገናኝ የሚችል ነው ብሏል።

ከኤሌክትሪክ ታሪፍ ጭማሪው ባለፈ ግን ደንበኞች ወርሃዊ የሀይል ፍጆታ ሂሳባቸውን ሲከፍሉ የአገልግሎት ክፍያ፣ የተጨማሪ እሴት ታክስ፣ ለተቆጣጣሪ ባለስልጣን የሚከፈል ቀረጥ እና የቴሌቪዥን የሚከፈል መኖሩን ማወቅ ይኖርባችኋል ብሏል አገልግሎቱ።

Seledadotio
Seledadotio

2017 ዓ.ም ከመስከረም ጀምሮ የተሻሻለው የኤሌክትሪክ ታሪፍ በማህበረሰቡ ቅሬታ እየፈጠረ ነው።

ከወርሃ መስከረም ጀምሮ ተግባራዊ የተደረገው አዲሱ የኤሌክትሪክ_ታሪፍ ማስተካከያ ለቀጣይ 4 ዓመታት በየሶስት ወር ተከፋፍሎ በ16 ጊዜ ተግባራዊ እንደሚደረግ የኢትዮጵያ ኤሌክትሪክ አገልግሎት መናገሩ ይታወቃል፡፡

ይህም አነስተኛ የኤሌክትሪክ ኃይል መጠን የሚጠቀሙ ደንበኞችን እንዳይጎዳ፣ የኑሮ ደረጃን ያገናዘበና ድጎማን መሰረት ያደረገ ማስተካከያ እንዳደረገም በተደጋጋሚ ሲናገር ሰምተናል።

ነገር ግን ይህ ጭማሬ በብዙዎች የአገልግሎቱ ደንበኞች ዘንድ ቅሬታ እየፈጠረ መሆኑን ነዋሪዎቹ ነግረውናል።

የኢትዮጵያ ኤሌክትሪክ አገልግሎት በበኩል ተግባራዊ የተደረገው የታሪፍ ማሻሻያ ኑሮ ውድነትን እና የዋጋ ግሽበትን እንዳያባብስ ዝቅተኛ ገቢ ያላቸውን ደንበኞች የመክፈል አቅም ያገናዘበ እና ድጎማ የሚያርግ ነው ብሏል፡፡

የኤሌክትሪክ ታሪፍ ማሻሻያ መደረጉ ብቻ ከፍተኛ ጭማሬ አያመጣም ያለው አገልግሎቱ ህብረተሰቡ የሚያነሳው ጥያቄም ካጠቃቀማቸው ጋር ሊገናኝ የሚችል ነው ብሏል።

ከኤሌክትሪክ ታሪፍ ጭማሪው ባለፈ ግን ደንበኞች ወርሃዊ የሀይል ፍጆታ ሂሳባቸውን ሲከፍሉ የአገልግሎት ክፍያ፣ የተጨማሪ እሴት ታክስ፣ ለተቆጣጣሪ ባለስልጣን የሚከፈል ቀረጥ እና የቴሌቪዥን የሚከፈል መኖሩን ማወቅ ይኖርባችኋል ብሏል አገልግሎቱ።

SHEGER FM

የኤሌትሪክ ታሪፍ መረጃ

ከሀምሌ 1 ቀን 2017 እስከ መስከረም 30 ቀን 2018 ዓ.ም ድረስ ተግባራዊ እየተደረገ የሚገኘው የታሪፍ ዝርዝር እንደሚከተለው ለመረጃ አቅርበናል።

እንደሚታወቀው ይህ የታሪፍ ማሻሻያ የኑሮ ውድነትና የዋጋ ግሽበትን እንዳያባብስ ዝቅተኛ ገቢ ያላቸው ደንበኞችን የመክፈል አቅም ያገናዘበና ድጎማ የሚያደርግ ሲሆን፤ ጫናውን ለመቀነስ ደግሞ በየሩብ ዓመቱ ተከፋፍሎ የሚተገበር መሆኑንም ይታወቃል፡፡ በዚህም ከ0 እስከ 200 ኪሎ ዋት ሰዓት የሚጠቀሙ የመኖሪያ ቤት ደንበኞች የድጎማው ተጠቃሚ ናቸው፡፡    

✅ የመኖሪያ ቤት ታሪፍ

➡️ 0 - 50 ኪ.ዋ.ሰ. = 0.6764 ብር  በ ኪ.ዋ.ሰ.  (+0.0807 )
➡️ 51 - 100 ኪ.ዋ.ሰ. = 1.6708 ብር በ ኪ.ዋ.ሰ. (+0.1807)
➡️ 101 - 200 ኪ.ዋ.ሰ. = 2.9320 ብር በኪ.ዋ.ሰ. (+0.2614)
➡️ 201 - 300 ኪ.ዋ.ሰ. = 4.2983ብር በኪ.ዋ.ሰ. (+0.4596)
➡️ 301 - 400 ኪ.ዋ.ሰ. = 4.4898 ብር በኪ.ዋ.ሰ. (+0.458)
➡️ 401 - 500 ኪ.ዋ.ሰ. = 4.6169 ብር በኪ.ዋ.ሰ. (+0.4424)
➡️ 500 ኪ.ዋ.ሰ. በላይ = 4.6627 ብር በኪ.ዋ.ሰ. (+0.4364)

✅ ለንግድ እና ለአጠቃላይ አገልግሎት = 4.5324 (+0.4817)
✅ለአነስተኛ ኢንዲስትሪ (380v) = 2.8224 ብር በኪ.ዋ.ሰ. (+0.2635)
✅ ለመካከለኛ ኢንዱስትሪ (15kv) = 2.2714 ብር በኪ.ዋ.ሰ. (+0.2208)

👉 የዲማንድ ቻርጅ ክፍያ ታሪፍ

➡️ ለአነስተኛ ኢንዲስትሪ = 404.4ብር በኪዋ (+36.88)
➡️ ለመካከለኛ ኢንዱስትሪ = 297.23 ብር በኪዋ (+27.1)

👉 የአገልግሎት ክፍያ የመኖሪያ ቤት

ለድህረ ክፍያ
✅ ከ0 - 50 ኪ.ዋ.ሰ. = 11.19 ብር (+0.24)
✅ ከ 50 ኪ.ዋ.ሰ. በላይ = 46.75 ብር (+0.95)

ለቅድመ ክፍያ
✅ከ0 - 50 ኪ.ዋ.ሰ.= 4.36 ብር(+0.18)
✅ ከ 50 ኪ.ዋ.ሰ. በላይ = 16.28 ብር (+0.31)

👉 የንግድ አጠቃላይ
✅ለድህረ ክፍያ = 59.94 ብር(+1.19)
✅ ለቅድመ ክፍያ = 20.94 ብር (+0.41)

👉 ለዝቅተኛ እና ከፍተኛ ኢንዱስትሪ = 59.94 ብር(+1.19) ነው።

Seledadotio
Seledadotio

የኤሌክትሪክ ሽያጭ ዋጋ ማስተካከያ ለቀጣይ 3 አመታት ይቀጥላል ተባለ

የኤሌክትሪክ ሽያጭ ዋጋ ማስተካከያ በእቅዱ መሰረት ለቀጣይ ሶስት አመታት እንደሚቀጥል የኢትዮጵያ ኤሌክትሪክ ሃይል አስታዉቋል ፡፡

የተቋሙ ዋና ሥራ አስፈፃሚ ኢንጂነር አሸብር ባልቻ እንደተናገሩት ተቋሙ ከአስር ዓመታት በላይ የታሪፍ ማሻሽያ ሳያደርግ በከፍተኛ ብድር የኃይል ተደራሽነትን የሚያሳድጉ የኃይል መሰረተ ልማት ስራዎችን ሲያከናውን ቆይቷል ብለዋል ፡፡

ዋና ሥራ አስፈፃሚ ኢንጂነር አሸብር ይህንን ያሉት ነሐሴ 1/2017 ዓ.ም በተቋሙ የ2017 በጀት ዓመት ዕቅድ አፈጻጸምና በ2018 በጀት ዓመት ዕቅድ ዙሪያ ለመገናኛ ብዙኃን በሰጡት መግለጫ ላይ ነው።

በዚህም ተቋሙ የህልውና አደጋ ውስጥ በመግባቱ በመንግሥት በኩል የሀገር ውስጥ ዕዳ ጫና ስረዛ እንደተደረገለት አስታውሰዋል፡፡

በተጨማሪም ተቋሙ የፋይናንስ ቁመናውን ለማሻሻል፣ የኃይል ሽፋንን ለማሳደግ እና የኦፕሬሽንና የፕሮጀክት ወጪዎችን ለመሸፈን በጥናት ላይ ተመስርቶ የታሪፍ ማሻሻያ መተግበሩን ዋና ስራ አስፈፃሚዉ ተናግረዋል፡፡

የታሪፍ ማሻሽያው በየሩብ ዓመቱ ተከፋፍሎ በቀጣዮቹ ሦስት ዓመታት ተግባራዊ የሚደረግ መሆኑን ኢንጂነር አሸብር አንስተዋል ፡፡

የታሪፍ ማሻሻያው ከጎረቤት ሀገራት አንፃር ሲታይ አሁንም እጅግ ዝቅተኛና የተቋሙን ወጪ መሸፈን የማይችል መሆኑን ገልፀዋል፡፡
Seledadotio
Seledadotio

የኤሌክትሪክ ሽያጭ ዋጋ ማስተካከያ ለቀጣይ 3 አመታት ይቀጥላል ተባለ

የኤሌክትሪክ ሽያጭ ዋጋ ማስተካከያ በእቅዱ መሰረት ለቀጣይ ሶስት አመታት እንደሚቀጥል የኢትዮጵያ ኤሌክትሪክ ሃይል አስታዉቋል ፡፡

የተቋሙ ዋና ሥራ አስፈፃሚ ኢንጂነር አሸብር ባልቻ እንደተናገሩት ተቋሙ ከአስር ዓመታት በላይ የታሪፍ ማሻሽያ ሳያደርግ በከፍተኛ ብድር የኃይል ተደራሽነትን የሚያሳድጉ የኃይል መሰረተ ልማት ስራዎችን ሲያከናውን ቆይቷል ብለዋል ፡፡

ዋና ሥራ አስፈፃሚ ኢንጂነር አሸብር ይህንን ያሉት ነሐሴ 1/2017 ዓ.ም በተቋሙ የ2017 በጀት ዓመት ዕቅድ አፈጻጸምና በ2018 በጀት ዓመት ዕቅድ ዙሪያ ለመገናኛ ብዙኃን በሰጡት መግለጫ ላይ ነው።

በዚህም ተቋሙ የህልውና አደጋ ውስጥ በመግባቱ በመንግሥት በኩል የሀገር ውስጥ ዕዳ ጫና ስረዛ እንደተደረገለት አስታውሰዋል፡፡

በተጨማሪም ተቋሙ የፋይናንስ ቁመናውን ለማሻሻል፣ የኃይል ሽፋንን ለማሳደግ እና የኦፕሬሽንና የፕሮጀክት ወጪዎችን ለመሸፈን በጥናት ላይ ተመስርቶ የታሪፍ ማሻሻያ መተግበሩን ዋና ስራ አስፈፃሚዉ ተናግረዋል፡፡

የታሪፍ ማሻሽያው በየሩብ ዓመቱ ተከፋፍሎ በቀጣዮቹ ሦስት ዓመታት ተግባራዊ የሚደረግ መሆኑን ኢንጂነር አሸብር አንስተዋል ፡፡

የታሪፍ ማሻሻያው ከጎረቤት ሀገራት አንፃር ሲታይ አሁንም እጅግ ዝቅተኛና የተቋሙን ወጪ መሸፈን የማይችል መሆኑን ገልፀዋል፡፡

Ethio Fm