(ዘ-ሐበሻ ስፖርት) ለማንቸስተር ዩናይትድ የጨዋታው ዋዜማ ፈጽሞ ጥሩ አልነበረም! የቡድኑ የጀርባ አጥንት የሆነው ሉክ ሾው በጉዳት ምክንያት ከስብስብ ውጪ መሆኑ ለዩናይትድ የመከላከል አቅም ትልቅ ምት ሆኖበታል። ሾው ሐሙስ ዕለት ቡድኑ ሳባህን ባሸነፈበት የሻምፒዮንስ ሊግ ጨዋታ ላይም አልተሰለፈም ነበር።

በዚህም የተነሳ አሰልጣኙ ከባለፈው የሻምፒዮንስ ሊጉ ጨዋታ አንጻር ሦስት ወሳኝ ለውጦችን ለማድረግ ተገደዋል። ኑሳይር ማዝራዊ እና ሌኒ ዮሮን በማሳረፍ፣ ዲዮጎ ዳሎት እና ሃሪ ማጓየርን ወደ መጀመሪያ አሰላለፍ መልሰዋቸዋል።

በአጥቂ መስመር ላይም ለውጥ አለ፤ ቤንጃሚን ሴስኮን በማውጣት ማርከስ ራሽፎርድን ወደ አሰላለፍ አስገብተዋል። ነገር ግን እንግሊዛዊው ኮከብ ራሽፎርድ በግራ መስመር ይጫወት ወይም የፊት አጥቂ ሆኖ ይውረድ እስካሁን በእርግጠኝነት የታወቀ ነገር የለም።

🔴 የማንቸስተር ዩናይትድ አሰላለፍ (XI):
ላመንስ፣ ዳሎት፣ ማጓየር፣ ማርቲኔዝ፣ ዶርጉ፣ ቴሌማንስ፣ ማይኖ፣ እምቡሞ፣ ኩንሃ፣ ፈርናንዴዝ፣ ራሽፎርድ።

በሌላኛው የማንቸስተር ከተማ ጥግ ግን ነገሮች የተረጋጉ ናቸው። ተቀናቃኛቸው ማንቸስተር ሲቲ ከዩናይትድ የሁለት ቀናት ተጨማሪ ዕረፍት በማግኘቱ በአካል ብቃት በኩል የተሻለ ጉልበት አለው። አሰልጣኝ ኢንዞ ማሬስካ ማክሰኞ ዕለት በፖርቶ ላይ ድል ካደረገው ስብስብ ላይ ያደረጉት አንድ ለውጥ ብቻ ነው።

ያ ለውጥ ደግሞ የራሱ የሆነ ትልቅ ትርጉም አለው። በክረምቱ የዝውውር መስኮት ወደ ማንቸስተር ዩናይትድ ያመራል ተብሎ በስፋት ሲወራ የነበረው፣ ነገር ግን ሲቲን የተቀላቀለው ኤሊዮት አንደርሰን፣ ወጣቱን አዩብ ቡዋዲን ተክቶ ቋሚ ሆኖ ወደ ሜዳ ገብቷል። ፊል ፎደን እና ራያን ቼርኪ በአሰላለፉ ውስጥ ሲካተቱ፣ ኢሊማን ንዲያዬ እና ኒኮ ኦ'ራይሊ በተጠባባቂ ወንበር ላይ ተቀምጠው የጨዋታውን ሂደት ይከታተላሉ።

🔵 የማንቸስተር ሲቲ አሰላለፍ (XI):
ዶናሩማ፣ ኑኔዝ፣ ዲያስ፣ ጉሂ፣ ግቫርዲዮል፣ አንደርሰን፣ ፈርናንዴዝ፣ ፎደን፣ ሴሜንዮ፣ ቼርኪ፣ ሃላንድ።
__________
የዘ-ሐበሻ የተሳትፎ ጥያቄ ለቤተሰቦቻችን - በዚህ የደርቢ ፍልሚያ የትኛው ቡድን የከተማዋን ክብር ይጎናጸፋል ብላችሁ ትገምታላችሁ? የዩናይትድ የጉዳት ችግር ወይስ የሲቲ የዕረፍት ብልጫ የጨዋታውን ውጤት ይወስነዋል?

ማንቸስተር ዩናይትድ በቻምፒዮስ ሊጉ ከሳባህ ጋር በሚያደርገው የመጀመሪያ ጨዋታ ማርቆስ ራሽፎርድ ቤንች ሆኗል። ሴስኮ የፊት መስመሩን ሲመራ ኩኛ እና ምቤሞም ከፊት ተሰልፈዋል።

(ዘ-ሐበሻ ስፖርት) በዘንድሮው የፕሪሚየር ሊግ የመክፈቻ ጨዋታ ማንቸስተር ዩናይትድ አዲስ አዳጊው ሀል ሲቲ ሜዳ ላይ ባልተጠበቀ ሁኔታ የ2 ለ 0 አስደንጋጭ ሽንፈት አስተናግዷል። የመጀመሪያዎቹ 15 ደቂቃዎች ተመጣጣኝ ፉክክር የታየባቸው ቢሆንም፣ በ17ኛው ደቂቃ ላይ ሴሚ አጃዪ ከማዕዘን የተሻገረለትን ኳስ ወደ ግብነት በመቀየር ሀል ሲቲን መሪ አድርጓል። በ38ኛው ደቂቃ ደግሞ ኖቤል ሜንዲ በግንባሩ በመግጨት መሪነታቸውን ወደ ሁለት ከፍ አድርጎታል። ዩናይትድ በሁለተኛው አጋማሽ የነ ማርከስ ራሽፎርድን ወደ ሜዳ መግባት ተከትሎ ጨዋታውን ለመቀልበስ ቢሞክርም፣ ሀል ሲቲዎች በሜዳቸው ውድ የሆኑትን ሦስት ነጥቦች አስጠብቀው ወጥተዋል።

ብዙዎች ሀል ሲቲ ከጨዋታው ነጥብ ይዞ ይወጣል ብለው ባይገምቱም፣ ቡድኑ በመጀመሪያው አጋማሽ ባሳየው የጉልበት እና የአካል ብቃት የበላይነት ዩናይትድን አርበድብዶታል። የሀል ሲቲው አሰልጣኝ ሰርጌይ ጃኪሮቪች የተጠቀሙት የ5-4-1 ፎርሜሽን ለማይክል ካሪክ ትልቅ የታክቲክ ራስ ምታት ሆኖባቸዋል። ሀል ሲቲዎች ወደ ራሳቸው የግብ ክልል ከማፈግፈግ ይልቅ በአማካይ ክፍሉ ላይ ኃይለኛ ጫና መፍጠርን መርጠዋል። የክንፍ ተከላካዮቹ ራያን ጃይልስ እና ሊዊ ኮይል ትክክለኛውን ጊዜ እየጠበቁ ወደ ፊት በመሄድ የኑሳየር ማዝራዊን እና የሉክ ሾውን የጨዋታ ሪትም አበላሽተውታል። ከዚህም በላይ ሬጋን ስሌተር ያሻገራቸው የቅጣት ምቶች የዩናይትድን ተከላካዮች ክፉኛ ፈትነዋል። በቁመት እና በጉልበት የበለጡት ሀል ሲቲዎች፣ በመጀመሪያው አጋማሽ ብቻ 65 በመቶ የአየር ላይ ኳሶችን እንዲሁም 59 በመቶ የመሬት ላይ ፍልሚያዎችን በማሸነፍ በጨዋታው ላይ ሙሉ የበላይነትን ወስደው ነበር።

በዚህ ታሪካዊ ድል የጨዋታው ኮከብ ለመባል የሚያበቁ በርካታ የሀል ሲቲ ተጫዋቾች ነበሩ። ሬጋን ስሌተር ለሁለቱም ግቦች መቆጠር ቀጥተኛ ሚና የነበረው ሲሆን፣ የሴሚ አጃዪን እና የኖቤል ሜንዲን ግቦች በድንቅ ሁኔታ አመቻችቶ አቀብሏል። ግብ አስቆጣሪዎቹ አጃዪ እና ሜንዲ በበኩላቸው በሁለቱም የሜዳ ክፍሎች ድንቅ ነበሩ፤ በተለይም ከመሀል ተከላካዩ ጆን ኢገን ጋር በመሆን የዩናይትድን የክንፍ ጥቃት ለማክሸፍ በጋራ 17 ጊዜ ኳሶችን ከግብ ክልላቸው አርቀዋል። ሌላው የጨዋታው ድምቀት የሆነው አጥቂው ኦሊ ማክበርኒ ነው። ቡድኑ 34 በመቶ ብቻ የኳስ ቁጥጥር በነበረው ጨዋታ ላይ ብቸኛ አጥቂ ሆኖ መሰለፉ ከባድ ቢሆንም፣ የዩናይትዱን አማካይ አንድሬይ ሳንቶስን በማስቸገር እና ኳሶችን በመያዝ የቡድኑ የፊት መስመር ኃይል ሆኖ ውሏል።

ዩናይትድ በአማካይ ክፍሉ ላይ ቴክኒካዊ የበላይነትን ለማግኘት በማሰብ ዩሪ ቴሌማንስን እና አንድሬይ ሳንቶስን በ85 ሚሊዮን ፓውንድ ቢያስፈርምም፣ ሁለቱም ተጫዋቾች ሀል ሲቲ ላቀረበው የጉልበት ፈተና ዝግጁ አልነበሩም። ዩናይትድ ኳሱን ቢቆጣጠርም፣ ሁለቱ አማካዮች የሀል ሲቲን ጠንካራ መከላከያ ሰብረው መግባት ተስኗቸው ነበር። በሌላ በኩል ዩናይትድ 2 ለ 0 እየተመራ ማርከስ ራሽፎርድ በሁለተኛው አጋማሽ ተቀይሮ ቢገባም፣ የዩናይትድ የአጥቂ ክፍል ስልት (4-2-3-1) የሀል ሲቲን አምስት ተከላካዮች ማስከፈት አልቻለም።

ራሽፎርድ ከሀል ሲቲ ተከላካዮች ጀርባ ለመግባት ትክክለኛ ሩጫዎችን ቢያደርግም፣ ኳሶቹ በጊዜው እና በሚፈለገው ጥራት ሊደርሱት ባለመቻላቸው የተጠበቀውን ለውጥ ማምጣት ሳይችል ቀርቷል። ማይክል ካሪክ በ66ኛው ደቂቃ ኮቢ ማይኖን እና ቤንጃሚን ሴስኮን አስገብተው የቡድኑን እንቅስቃሴ ለመቀየር ቢሞክሩም፣ ዩናይትድ ከዚህ አስደንጋጭ ሽንፈት ማምለጥ አልቻለም።

(ዘ-ሐበሻ ስፖርት) የቀድሞው የቀዮቹ ሰይጣኖች እና የቶተንሃም አጥቂ ዲሚታር በርባቶቭ ማንቸስተር ዩናይትድ በኤሲ ሚላን 4-2 ስለመሸነፉ የሰጠው አስተያየት «ይህ ተራ ሽንፈት ብቻ አይደለም፤ በአንድ ጨዋታ ውስጥ የተገኙ ሁለት ትልልቅ ትምህርቶች እንጂ! በመጀመሪያ ደረጃ፣ ሩበን አሞሪም በማንቸስተር ዩናይትድ ላይ ባስመዘገበው ድል ስለ ማርከስ ራሽፎርድ እና ኮቢ ማይኖ የተናገረው ነገር ሁሉ እውነት እንደነበር በተግባር አስመስክሯል።

"ብሩኖ ፈርናንዴዝ የፍጹም ቅጣት ምት ካመከነ በኋላ ሳሙኤል ቹክዌዜ ጎል ቢያስቆጥርም፣ ማንቸስተር ዩናይትድ በዶርጉ አማካኝነት መሪነቱን መልሶ መያዝ ችሎ ነበር።

"ነገር ግን ሲሴ አቻ ሲያደርግ፣ ማይክል ካሪክ ቡድኑን ይታደጉታል በሚል ራሽፎርድን እና ኮቢ ማይኖን ወደ ሜዳ አስገባቸው፤ ሆኖም በተቃራኒው ጎንካሎ ራሞስ እና ሩበን ሎፍተስ-ቺክ በሶስት ደቂቃዎች ውስጥ ሁለት ጎሎችን በማስቆጠር በማንቸስተር ዩናይትድ ላይ አሳፋሪ ሽንፈት አሸከሟቸው።

"ባለፈው የውድድር ዘመን የኦልድ ትራፎርድ ደጋፊዎች "ችግሩ አሞሪም ነው" ብለው እንዲያምኑ አድርገዋቸው ከነበሩት ከራሽፎርድም ሆነ ከኮቢ ማይኖ ቅንጣት ታክል ተጽዕኖ አልታየም።

"በሁለተኛ ደረጃ ይህ ጨዋታ ለሰር ጂም ራትክሊፍ፣ ለኢኒዮስ (INEOS) እና ለማይክል ካሪክ ትልቅ የዓይን መክፈቻ ነው። የዩሪ ቲለማንስ እና የሳንቶስ ዝውውር ብቻውን በጭራሽ በቂ አይደለም።

"ማንቸስተር ዩናይትድ እንደ ማንቸስተር ሲቲ፣ አርሰናል፣ ሊቨርፑል እና ቼልሲ ካሉ ክለቦች ጋር መፎካከር የሚፈልግ ከሆነ፣ ለሉክ ሾው ተተኪ ማስፈረም፣ እንዲሁም ማቴዎስ ኩኛ እና ብሪያን ምቤውሞ ብቻቸውን ስራውን መወጣት ስለማይችሉ ከቤንጃሚን ሴስኮ ጋር አብሮ የሚሰራ አጥቂ ማምጣት አለባቸው።

"ሌኒ ዮሮ፣ ዴ ሊክት እና ሊሳንድሮ ማርቲኔዝ በተደጋጋሚ ለጉዳት የሚጋለጡ ተጫዋቾች በመሆናቸው ክለቡ በሄቨን እና በሃሪ ማጓየር ላይ ብቻ ተማምኖ ሊዘልቅ አይችልም።

"ስለ ሴኔ ላመንስ ደግሞ በቅንነት መጠየቅ የምፈልገው ነገር አለ፤ ከአንድሬ ኦናና የተሻለ ምን የሰራው ነገር አለ? ባለፈው የውድድር ዘመን በርካታ ጎሎች ገብተውበታል፤ በተመሳሳይ በርካታ ኳሶችን አድኗል። ጥሩ ግብ ጠባቂ የሚታወቀው ኳሶችን በማዳን ብቻ ሳይሆን መረቡን ሳያስደፍር (clean sheet በማስመዝገብ) ጭምር ነው።

"በዚህ አሁን ባለው የማንቸስተር ዩናይትድ ስብስብ ላይ አፋጣኝ እርምጃ ካልተወሰደ በቀጣዩ የውድድር ዘመን ስኬታማ መሆን አይችሉም፤ እኔም ለዚህ ውድቀት ተጠያቂ የማደርገው የክለቡን ባለቤቶች እንጂ አሰልጣኝ ካሪክን አይደለም!»

(ዘ-ሐበሻ ስፖርት) የኒውካስሉ ተወዳጅ የቀድሞ አሰልጣኝ ኬቨን ኪጋን ካረፉ ገና አስር ቀናት ብቻ ቢቆጠሩም፣ ክለቡ ሌላ ያልተጠበቀ መርዶ አስተናግዷል፦ የኪጋንን ህልም እውን በማድረግ ክለቡን ለክብር ያበቁት አሰልጣኝ ኤዲ ሃው ከኃላፊነታቸው መልቀቃቸውን ይፋ አድርገዋል።

ከእጅግ አስከፊው የ2025-26 የውድድር ዘመን በኋላ በኃላፊነታቸው ለመቀጠል እና ክለቡን መልሰው ለመገንባት ቃል ገብተው የነበሩት ኤዲ ሃው፣ አዲሱ የፕሪሚየር ሊግ የውድድር ዘመን ሊጀመር ሶስት ሳምንታት ብቻ ሲቀሩት ውሳኔያቸውን ቀልብሰዋል።

ማክሰኞ ምሽት በቅድመ-ውድድር ዝግጅት ኒውካስል ከብሪስቶል ሲቲ ጋር ባደረገው የወዳጅነት ጨዋታ 4-1 በሆነ አሳፋሪ ውጤት መሸነፉ ብዙ ነገሮችን የቀየረ ይመስላል። ከሜዳቸው ውጪ ስታዲየሙን ሞልተው የነበሩት የኒውካስል ደጋፊዎች ያሰሙት የተቃውሞ እና የቁጣ ድምፅ፣ ይህ "ትርጉም አልባ" የሚመስል የወዳጅነት ጨዋታ ትልቅ መዘዝ ይዞ እንደሚመጣ አመላካች ነበር።

በማግስቱ ረቡዕ ጠዋት እንደተሰማው ኤዲ ሃው ኃላፊነታቸውን ለመልቀቅ ወስነዋል። የቅርብ ምንጮች እንደሚያሳዩት ይህ ውሳኔ የቅጽበት የብስጭት ውሳኔ ሳይሆን፣ ከከባዱ የውድድር ዘመን መገባደጃ አንስቶ አሰልጣኙ በውስጣቸው ሲያብሰለስሉት የቆዩት እና ሊሸከሙት ያልቻሉት ከባድ ሸክም ውጤት ነው።

ለኤዲ ሃው፣ ይህ ስንብት እጅግ አስደናቂ ለነበረው የኒውካስል ቆይታቸው የማይመጥን አሳዛኝ ማብቂያ ነው። ከ30 ዓመታት በፊት ኬቨን ኪጋን እጅግ ተቃርበውት የነበረውን፣ ደጋፊውም ለ70 ዓመታት ሲናፍቀው የነበረውን ትልቅ ዋንጫ ወደ ሴንት ጀምስ ፓርክ ያመጡት እርሳቸው ነበሩ።

እ.ኤ.አ በ2021 ክለቡ በፕሪሚየር ሊጉ 19ኛ ደረጃ ላይ ተቀምጦ ወደ መውረድ አፋፍ በደረሰበት ወቅት ኃላፊነቱን የተረከቡት ሃው፣ ኒውካስልን በሊጉ ማቆየት ብቻ ሳይሆን በሚቀጥለው ዓመት ወደ ቻምፒዮንስ ሊግ መድረክ መልሰውታል። በ2024-25 ደግሞ በካራባኦ ካፕ የፍጻሜ ጨዋታ የሊጉን ሻምፒዮን ሊቨርፑልን በዌምብሌይ አሸንፈው ታሪካዊ ዋንጫ በማንሳት ስማቸውን በኒውካስል ታሪክ በወርቅ ቀለም አጽፈው ነበር።

ይህ የዋንጫ ድል የሳዑዲው የኢንቨስትመንት ፈንድ (PIF) በባለቤትነት ለሚያስተዳድረው እና የፕሪሚየር ሊጉን ዋንጫ ለሚያልመው ኒውካስል እንደ ትልቅ መነሻ መታየት ነበረበት። ሆኖም፣ የ2025ቱ ክረምት የሁሉንም ነገር አቅጣጫ ቀየረው።

በተለይም አሌክሳንደር ኢሳክን በክለቡ ለማቆየት የተደረገው ተስፋ አስቆራጭ እና መራር ትግል፣ በመጨረሻም ስዊድናዊው አጥቂ በብሪታንያ የዝውውር ሪከርድ በዝውውር መስኮቱ መዘጋጃ ዕለት ወደ ሊቨርፑል ማምራቱ ክለቡን ክፉኛ ጎድቶታል። ኒውካስል የኢሳክን ክፍተት ሊተካ የሚችል ተጫዋች ማምጣት አልቻለም። እንደ ሁጎ ኤኪቲኬ፣ ቤንጃሚን ሴስኮ እና ጆአዎ ፔድሮ ያሉ ታላላቅ ኢላማዎቹን ለተቀናቃኝ የፕሪሚየር ሊግ ክለቦች አሳልፎ ሰጠ።

በምትኩ ክለቡ እና ኤዲ ሃው በጋራ ያመጧቸው ኒክ ዎልቴማዴ፣ ዮአን ዊሳ እና አንቶኒ ኤላንጋ አጠቃላይ 180 ሚሊዮን ፓውንድ ($243m) ቢወጣባቸውም፣ ያሳዩት አቋም እና የገጠማቸው የጉዳት ችግር የተከፈለባቸውን ዋጋ ፈጽሞ ሊያጸድቅ አልቻለም። የኤላንጋ እና ዎልቴማዴ ብቃት ሲዋዥቅ፣ አጥቂው ዊሳ በሙሉ የውድድር ዘመኑ በሊጉ ያስቆጠረው አንድ ጎል ብቻ ነበር። በ43 ሚሊዮን ፓውንድ የመጣው ጃኮብ ራምሴይም በቁርጭምጭሚት ጉዳት ሲሰቃይ ጊዜውን አሳልፏል።

የዝውውር ውድቀቱ በሜዳ ላይ ውጤት ቢሸፈን ኖሮ የኤዲ ሃው ጫና ያን ያህል አይከፋም ነበር። ሆኖም የ2025-26 የውድድር ዘመን ለኒውካስል እውነተኛ ቅዠት ሆኖ አለፈ።

በዓመቱ መጀመሪያ ጥሩ አጀማመር ያሳየው ክለቡ፣ ከአዲሱ ዓመት በኋላ ግን የመውረድ ስጋት ወዳለባቸው ቡድኖች ወረደ። ከጥር መጨረሻ አንስቶ እስከ የውድድር ዘመኑ ማብቂያ ድረስ ካደረጋቸው 16 ጨዋታዎች በ10ሩ በመሸነፉ፣ ከ6ኛ ደረጃ ወደ 12ኛ ደረጃ በማሽቆልቆል ደጋፊውን በሀዘን እና በቁጣ ሞላው።

ይባስ ብሎ በኤፍኤ ካፕ እና በካራባኦ ካፕ በማንችስተር ሲቲ በቀላሉ ሲሰናበት፣ በቻምፒዮንስ ሊጉ ደግሞ ባርሴሎና በድምር ውጤት 8-3 በሆነ አሳፋሪ የጎል ናዳ አዋርዶ ከውድድሩ አስወጣው።

የኤዲ ሃው የወደፊት እጣ ፈንታ ጥያቄ ውስጥ የገባው ገና በጊዜ ነበር። በሚያዝያ ወር ኒውካስል በተከታታይ ለሶስተኛ ጊዜ በቦርንማውዝ ከተሸነፈ በኋላ፣ የክለቡ ታሪካዊ ሌጀንድ አላን ሺረር እንዲህ ብሎ ነበር፦ "ለኤዲ ምን ያህል ከባድ ጊዜ እንደሆነ ባውቅም፣ የወደፊት እጣ ፈንታው ምን እንደሚሆን አላውቅም። ዳግም የመዋጋት እና ክለቡን የማንሳት አቅሙ ያለው አይመስለኝም። በሚቀጥለው የውድድር ዘመን ኤዲ ሃው ኒውካስልን ያሰለጥናል ብዬ አላስብም።"

ሺረር እንዳለውም ሆነ ኤዲ ሃው ኒውካስልን ወደ ቀደመ ክብሩ የመመለስ ትልቅ ታሪክ ሰርተው፣ ነገር ግን በኋለኛው አመታቸው በዝውውር ውድቀት እና በሜዳ ላይ አስከፊ ውጤቶች ታጅበው የሴንት ጀምስ ፓርኩን በር ዘግተው ወጥተዋል።

ቤንጃሚን ሴስኮ በድጋሚ ተመረጠ
#ethiopia | በማይክል ካሪክ እየተመራ አዲስ ምዕራፍ የጀመረው ማንችስተር ዩናይትድ፣ የየካቲት ወር የክለቡን ኮከብ ይፋ ሲያደርግ ስሎቫንያዊው የፊት መስመር ተጫዋቾች ቤንጃሚን ሴስኮ በደጋፊዎች ድምፅ የክብር ሽልማቱን ወስዷል።

ሴስኮ በወሩ ውስጥ ለቀያይ ሰይጣኖቹ

በቋሚነትም ሆነ ከተጠባባቂ ወንበር እየተነሳ ባሳየው አስደናቂ ብቃትና በቆጠራቸው 3 ወሳኝ ጎሎች ነው የክለቡን "የወሩ ምርጥ" ተኳሽ የሚል ስያሜ ማግኘት የቻለው።

በተለይም በጨዋታዎች መገባደጃ ላይ እየገባ ውጤት የመቀየር ብቃቱ የአሰልጣኝ ማይክል ካሪክን እምነት ከመግኘቱም በላይ ደጋፊውን በደስታ ፈንቅሏል።

ካሪክ በኦልድ ትራፎርድ የጀመሩት አዲስ ጉዞ በሴስኮ ጎሎች ታጅቦ ግስጋሴውን ቀጥሏል።

Getu Temesgen - (ጌጡ ተመስገን)
#getutemesgen #getu #ጌጡ #mufc #benjaminsesk
#playerofthemonth #michaelcarrick #manunited #የካቲት #ዩናይትድ

🔴 "የካሪክ አስማትና የሴስኮ ግድያ"
ማንችስተር ዩናይትድ ኤቨርተንን 1 ለ 0 አሸነፈ! 👹
#ethiopia | ​በእንግሊዝ ፕሪሚየር ሊግ ተጠባቂ መርሃ-ግብር ማንችስተር ዩናይትድ በሜዳው ኤቨርተንን አስተናግዶ 1 ለ 0 በሆነ ጠባብ ውጤት ወሳኝ ድል አስመዝግቧል።

ዩናይትድ በዚህ ድሉ በደረጃ ሰንጠረዡ አራተኛነቱን አጽንቷል።

​ የጨዋታው ቁልፍ ነጥቦች፦
​አዳኙ ቤንጃሚን ሴስኮ፦
ተቀይሮ የገባው ስሎቬኒያዊው አጥቂ ቤንጃሚን ሴስኮ፣ ብቸኛዋንና የአሸናፊነት ግብ አስቆጥሯል። ሴስኮ ባለፉት 7 ጨዋታዎች 6 ግቦችን በማስቆጠር በዩናይትድ ቤት የማይተካ ኮከብ እየሆነ መጥቷል።

​ተቀይሮ የመግባት ጥበብ፦
ሴስኮ በዘንድሮው የውድድር ዓመት ተቀይሮ እየገባ 3 ግቦችን ያስቆጠረ ሲሆን፣ በዚህም በሊጉ ቀዳሚው ተጫዋች ሆኗል።

​የማይክል ካሪክ ስኬት፦
አሰልጣኝ ማይክል ካሪክ ቡድኑን ከመሩባቸው 6 ጨዋታዎች ውስጥ በ5ቱ ድል ሲቀናቸው፣ በአንዱ ብቻ አቻ በመውጣት እስካሁን ሽንፈት አላስተናገዱም።

​የሊግ ደረጃቸው፦
​4ኛ. ማንችስተር ዩናይትድ፦
48 ነጥብ (የቻምፒዮንስ ሊግ ተስፋቸው እያበበ ነው)

​9ኛ. ኤቨርተን፦ 37 ነጥብ

​🗓️ የቀጣይ ሳምንት መርሃ-ግብር፦

​ቅዳሜ፦ ኒውካስል ከ ኤቨርተን

​እሁድ፦ ማንችስተር ዩናይትድ ከ ክሪስታል ፓላስ

​ ትንታኔ፦
ማንችስተር ዩናይትድ በካሪክ ስር የተከላካይ ክፍሉን በማጠናከርና በሴስኮ አማካኝነት ግቦችን በማግኘት የተረጋጋ ጉዞ እያደረገ ይገኛል። የሴስኮ "ሱፐር ሰብ" (Super Sub) ሆኖ መቀጠል ለካሪክ ትልቅ የታክቲክ ብልጫ ሰጥቷቸዋል።

ቤንጃሚን ሴስኮ በቀጣይ ጨዋታዎች በቋሚነት መሰለፍ አለበት ወይንስ ተቀይሮ እየገባ የሚያሳየው ውጤታማነት ይቀጥል? ማይክል ካሪክስ በቋሚነት ቡድኑን እንዲመሩ እድል ሊሰጣቸው ይገባል?

የእርስዎ አስተያየት እንጠብቃለን።

​#manchesterunited #mufc #benjaminsesko #michaelcarrick #premierleague #everton #footballnews #getutemesgen #getu #ጌጡ #ጌጡተመስገን

🔴 "ዮኬሬሽ ለክለባችን ፍጹም ምርጫ ነው!" — አርቴታ
#ethiopia | አርሰናል በክረምቱ የዝውውር መስኮት ከአጥቂዎች ፍለጋ ጋር ተያይዞ ስሙ ሲነሳ ከቆየው ቤንጃሚን ሴስኮ ይልቅ ቪክቶር ዮኬሬሽን ለማስፈረም መወሰኑ ትክክለኛ እርምጃ እንደነበር አሰልጣኝ ሚኬል አርቴታ በልበ ሙሉነት ተናግረዋል።

አርቴታ ለምን ዮኬሬሽን መረጡ?

አሰልጣኙ እንደገለጹት፣ ቡድኑ በአጥቂ መስመሩ ላይ ይጎድለው የነበረውን "ክሊኒካል" አጨራረስ እና ጉልበት ለመሙላት ዮኬሬሽ ተመራጩ ተጫዋች ሆኖ ተገኝቷል።

* የግብ ጥማት፦ አርሰናል ጥራት ያለው እና ግብ በማስቆጠር ረገድ የማይሳሳት (Prolific) አጥቂ ይፈልግ ነበር።

* ጥንካሬ፦ ዮኬሬሽ ካለው የአካል ብቃት እና ግብ የማሽተት ችሎታ አንጻር አርሰናል ለነበረበት ሁኔታ ከሴስኮ ይልቅ የተሻለ መፍትሔ እንደሚሰጥ አሰልጣኙ ያምናሉ።

* የአርቴታ ንግግር፦ "ከነበርንበት ሁኔታ አንጻር ዮኬሬሽ ትክክለኛ ምርጫ መሆኑን እናምናለን፤ እርሱ የምንፈልገውን ጥራት እና ጥንካሬ ወደ ቡድኑ ያመጣል" ብለዋል።

ይህ ዝውውር አርሰናል ለዘንድሮው የዋንጫ ፉክክር ያለውን ቁርጠኝነት የሚያሳይ ሲሆን፣ ደጋፊዎችም የዮኬሬሽን የግብ ማሽንነት በኤምሬትስ ለመመልከት በጉጉት እየጠበቁ ነው።

Getu Temesgen - (ጌጡ ተመስገን)
#arsenal #coyg #arteta #gyokeres #transfernews #premierleague #footballupdates #ethiopia #lansbury

🌟 ቤንጃሚን ሴስኮ የሳምንቱ ምርጥ ተጨዋች ተባለ!
#ethiopia | በእንግሊዝ ፕሪሚየር ሊግ የሀያ አንደኛ ሳምንት ተጠባቂ ጨዋታዎች ተካሂደው ሲጠናቀቁ፣ የማንችስተር ዩናይትዱ ተስፈኛ አጥቂ ቤንጃሚን ሴስኮ የሳምንቱ ምርጥ ተጨዋች ተብሎ በክብር ተመርጧል።

⚽ የሴስኮ ድንቅ ብቃት

ማንችስተር ዩናይትድ ከበርንሌይ ጋር ባደረገውና በአቻ ውጤት በተጠናቀቀው ጨዋታ፣ ሴስኮ የቡድኑን የማጥቃት መስመር በመምራት ሁለት እጅግ ግሩም ግቦችን ማስቆጠር ችሏል። ምንም እንኳን ክለቡ ሙሉ ሶስት ነጥብ ባያገኝም፣ የሴስኮ የግል ብቃትና ግብ የማስቆጠር ተሰጥኦ ግን በሊጉ ተንታኞችና ደጋፊዎች ዘንድ ከፍተኛ አድናቆትን አትርፎለታል።

📊 የሳምንቱ ምርጥ ተጨዋች ምርጫ

ሴስኮ ይህንን ክብር ሊያገኝ የቻለው በሳምንቱ በሊጉ ከታዩ ሌሎች ተጫዋቾች በላቀ ሁኔታ በሜዳ ላይ በነበረው ተጽዕኖ እና ግቦችን በማስቆጠር ረገድ በነበረው ክህሎት ነው። ይህ ሽልማት ለወጣቱ አጥቂ በቀጣይ ጨዋታዎች ላይ የበለጠ መነሳሳትን እንደሚፈጥርለት ይጠበቃል።

Getu Temesgen - (ጌጡ ተመስገን)
#ቤንጃሚንሴስኮ #ማንችስተርዩናይትድ #ፕሪሚየርሊግ #የሳምንቱምርጥ #እግርኳስ #ሴስኮ #manutd #benjaminsesko #premierleague

ቤንጃሚን ሴስኮ በካሪንግተን ይቆያል
#ethopia | የማንችስተር ዩናይትዱ የፊት መስመር አጥቂ ቤንጃሚን ሴስኮ ወደ ብሔራዊ ቡድኑ እንደማያመራ ተገልጿል።

በሳምንቱ መጨረሻ ጉዳት ያጋጠመው ሴስኮ በብሔራዊ ቡድኖች ጨዋታ እረፍት ወቅት በካሪንግተን እንደሚቆይ ተነግሯል።

ማንችስተር ዩናይትዶች ቤንጃሚን ሴስኮ ያጋጠመው ጉዳት ከባድ ይሆናል የሚል እምነት #እንደሌላቸው ተጠቁሟል።

የስሎቬኒያ ብሔራዊ ቡድን አሰልጣኝ በሰጡት አስተያየት ከማንችስተር ዩናይትድ የደረሰን ምንም መልዕክት የለም ሲሉ ተናግረዋል።

አሰልጣኙ አክለውም የብሔራዊ ቡድናችን የህክምና ቡድን ጉዳዩን እንዲመለከተው እንፈልጋለን ብለዋል።
#ts #gtmc #sport

ማን ያሸንፋል?
#ethiopia | በእንግሊዝ ፕሪሚየር ሊግ የውድድር አመት የመጀመሪያ ሳምንት በዕለተ እሁድ ማንቸስተር ዩናይትድ በግዙፉ ኦልድትራፎርድ ስታዲየም አርሰናልን ያስተናግዳል።

ሁለቱ የእግር ኳስ ፈርጦች በእንግሊዝ እግር ኳስ ስማቸው የገነነ ጉምቱዎች በአንድ ከተማ ሳይገኙ ለባላንጣነት የተጎራበቱ የስኬት ተቀናቃኞች ናቸዉ ፡፡

የቀድሞ ኃያልነታቸውን ለሊቨርፑልና ለማንችስተር ሲቲ አስረክበው የበይ ተመልካች ለመሆን የበቁት የሰሜን ለንደን ፈርጦቹ አርሰናሎችና የላንክሻየሩ ማንችስተር ዩናይትድ በሊጉ መክፈቻ ይገናኛሉ፡፡

ዛሬ ምሽት አይኖች ሁሉ አስደናቂ ፍልሚያ በተደገሰበት ግዙፉ ኦልድትራፎርድ ይሆናሉ፡፡ የብዙኃኑን ልብ ሰቅዞ የሚይዘው የሁለቱ ቡድኖች ጨዋታ አንደቀደመው ዘመን አጓጊነቱ ባይጎላም አሁንም ግን በብዙዎች ዘንድ ግን ተጠባቂ ነው፡፡

በአገራችን አግር ኳስ አፍቃሪያንን ለሁለት ከፍሎ በሰልፍ የሚታይ የተመልካቹ ሁሉ ጉጉት የሆነ ስፖርታዊ ቲያትር ነው፤ የሁለቱ ቡድኖች ፍልሚያ ሳቅና ደስታ፤ የሜዳ ላይ ጸብና ፍልሚያ ሚያጅበው ማራኪ ቴያትር ነው፡፡

በስኮትላንደዊው የውጤት ባለሟል ሰር አሌክስ ፈርጉሰን የሚመራው ማንችስተር ዩናይትድ ከፕሮፌሰሩ አርሰን ዌንገር አርሰናል ጋር የነበራቸው ከፍተኛ ትንቅንቅ እንዲሁም የሁለቱ ቡድኖች ነውጠኛና ተናዳፊ አምበሎች ሮይ ኪንና ፓትሪክ ቬራ የመሪነት ፍልሚያም አይዘነጋም፡፡

በ2011/12 የውድድር ዘመን በኦልድትራፎርድ ስታዲየም የአርሰን ቬንገሩ አርሰናል 8 ለ 2 የተሸነፈበት ታሪካዊ ጨዋታ ነሐሴ ወር በደረሰ ግዜና ሁለቱ ቡድኖች ሲገናኙ የደጋፊዎች መበሻሸቂያ ነው፡፡

ቡድኖቹ ከሁለቱ ታላላቅ አሠልጣኞች ሰር አሌክስ ፈርጉሰንና አርሰን ቬንገር መልቀቅ በኃላ ታላቅነታቸው ከድቷቸው፤በውጤት እጦት ሲቸገሩ ታይቷል፡፡ ባለፉት ሁለት አመታት በተለምዶ ቶፕ 6 ተብለው ከሚጠሩት ቡድኖች ጋር በሚያደርገው ጨዋታ አርሰናል ሽንፈትን አላስተናገደም፡፡

ከአውሮፓ ውድድር ውጪ የሆኑትና የሀገር ውስጥ ውድድር ብቻ ተሳታፊ የሆኑት ማንችስተር ዩናይትዶች ያለፈውን አስከፊ የውድድር ዘመን መጥፎ ትዝታ በተሻለ ለመቀየርና የደጋፊው ልብ ላይ የነበረውን የውጤት ማጣት ቁስል የማጥፋት ተስፋን ሰንቀው የሊጉ ዋንጫን ለማሸነፍ የሚገመተውን የሰሜን ለንደኑን ፈርጥ አርሰናል ለማሸነፍ አሞሪምና ሰራዊታቸው ተዘጋጅተዋል ፡፡

ሁለቱም ቡድኖች በእንግሊዝ የእግር ኳስ ታሪክ በሊግ መጀመሪያ ሳምንት ጨዋታ ሲገናኙ የዘንድሮው ለሁለተኛ ግዜ ሲሆን ለመጀመሪያ ግዜ ከዚህ ቀደም በ1989-90 የውድድር ዘመን በኦልድትራፎርድ ባደረጉት ጨዋታ ማንችስተር ዩናይትድ 4 ለ 1 አሸንፏል፡፡

አርሰናሎች ለ11 ተከታታይ ጨዋታ በኦልድትራፎርድ ማንችስተር ዩናይትድ ላይ 14 ግቦችን ማስቆጠር ችለዋል ነገር ግን ያሸነፉት ሁለቱን ብቻ ነው፡፡ ማንችስተር ዩናይትድ በፕሪሚየር ሊጉ የመጀመሪያ ሳምንት ጨዋታዎች ላይ 22 ግዜ በማሸነፍ ባለሪከርድ ነው፡፡

በአርሰናል በኩል የቡድን ዜናዎችን ስንመለከት ጋብሬል ጄሱስ በጅማት ጉዳት እስከ መስከረም ድረስ ወደ ሜዳ የማይመለስ ሲሆን የሊያንድሮ ትሮሳርድ መሰለፍ አጠራጣሪ ሆኗል። ሆኖም ሚኬል አርቴታ ከሁለቱ ተጨዋቾች ውጪ ሙሉ ስብስቡ ለጨዋታው ዝግጁ ነው ሲል ተናግሯል።

አሰልጣኙ አክሎምል አርቴታ ስለ ትሮሳርድ ''እንደማስበው ትሮሳርድ ተሻሽሏል፤ ነገ አብሮን ልምምድ ማድረግ ይችላል ብየ አስባለሁ፣ ዝግጁ ይሆናል'' ሲል ተናግሯል።

በማንችስተር ዩናይትድ በኩል አዲሶቹ ፈራሚዎች ቤንጃሚን ሴስኮ፣ ማቲያስ ኩንያ እና ብሪያን ምቤሞ ለመጀመሪያ ግዜ በቋሚነት መሰለፍ ይችላሉ ተብሎ ይጠበቃል፡፡ ኑሰይር ማዝራዊ እና ሊሳንድሮ ማርቲኔዝ ግን በጉዳት ምክኒያት በጨዋታው ላይ አይሠለፉም።

አሰልጣኝ ሩበን አሞሪም በካሪንግተን የልምምድ ማዕከል ተገኝተው ባደረጉት ቃለ መጠይቅ ''ማዝራዊ እና ማርቲኔዝ አይጫወቱም፣ነገር ግን ዜርክዚ ኦናና እያገገሙ ነው፣ ለዚህ ጨዋታ የመሰለፍ ዕድል ይኖራቸዋል፤ '' ሲል ተናግሯል።

✍በጋዜጠኛ ብሩክ ተስፋዬ

ቼልሲ ጋርናቾን ለማስፈረም ተስማማ !
#ethiopia | የምዕራብ ለንደኑ ክለብ ቼልሲ አሊሀንድሮ ጋርናቾን ለማስፈረም በግል ከተጨዋቹ ጋር ከስምምነት መድረሳቸው ተገልጿል።

ቼልሲዎች አሁን ላይ በዝውውር ሂሳቡ ዙሪያ ከማንችስተር ዩናይትድ ጋር ድርድር በማድረግ ላይ መሆናቸው ተዘግቧል።

ማንችስተር ዩናይትድ ሴስኮን ለማስፈረም በመስማማቱ ምክንያት ቼልሲ ጋርናቾን ለማስፈረም ከፍተኛ ጥረት እያደረገ ይገኛል።

ቼልሲ አሊሀንድሮ ጋርናቾ እና ዣቪ ሲሞንስን በጋራ ለማስፈረም በመስራት ላይ መሆናቸውን ፋብሪዝዮ ሮማኖ ዘግቧል። #ts #gtmc #sport

ሼሽኮ ቀይ ሆኗል
#ethiopia I ከበርካታ ክለቦች ጋር ስሙ ተያይዞ የቆየው ቤንጃሚን ሼሽኮ በመጨረሻ ማረፍያው ማንችስተር ዩናይትድ ሆኗል።

ተጫዋቹ ከዩናይትድ ውጪ የትም አልሄድም ማለቱ ይታወሳል።

ቤንጃሚን ሴስኮን በሚመለከት በማንቸስተር ዩናይትድ እና አርቢ ሌብዢክ መካከል ስምምነት ላይ መድረሳቸው ታውቋል።

ሼሽኮ ሙሉ ለሙሉ ስምምነቱ ከመጠናቀቁ በፊት ወደማንችስተር ዩናይትድ ሄዶ የህክምና ምርመራውን እንዲያጠናቅ ፍቃድ አግኝቷል፡፡

ዩናይትድ ተጫዋቹን የግሉ ለማድረግ 85ሚሊዮን ዩሮ መክፈሉ ታማኙ ጋዜጠኛ ፋብሪዚዮ ሮማኖ አስነብቧል።

ሔኖክ ወ/ገብርኤል

ዩናይትድ ሌላ አጥቂ ሊመለከት ይችላል ?
#ethiopia | ማንችስተር ዩናይትድ የፊት መስመሩን ለማጠናከር አጥቂ ለማስፈረም በጥረት ላይ መሆናቸው ይታወቃል።

ቀያዮቹ ሴጣኖች ቤንጃሚን ሴስኮን ከሌፕዚግ ለማስፈረም ቅድሚያ ሰጥተው እየሰሩ ይገኛሉ።

በሌላ በኩል ከጁቬንቱስ ጋር ሊለያይ እንደሚችል ተነገረው ቭላሆቪች ማንችስተር ዩናይትድ እንዲያስፈርመው መጠየቁ ተገልጿል።

ይሁን እንጂ ማንችስተር ዩናይትድ አሁን ላይ የመጀመሪያ ምርጫቸው ሴስኮ መሆኑን በመግለፅ ሳይቀበሉ መቅረታቸው ተነግሯል።

ቤንጃሚን ሴስኮ ኒውካስል ዩናይትድን የሚመርጥ ከሆነ ማንችስተር ዩናይትድ ሌሎች አማራጮችን ሊመለከት እንደሚችል ፋብሪዝዮ ሮማኖ ተናግሯል። #sport #ts #gtmc