ሞሀመድ አሙራ የኮንጎ ሕዝብ ይቅርታ ጠየቀ

⚽️"ስለ ምልክቱ ትርጉም አላውቅም ነበር"
#ethiopia | ትላንት በአልጄሪያ እና በዲሞክራቲክ ሪፐብሊክ ኮንጎ መካከል የተደረገውን ጨዋታ ተከትሎ የተቀሰቀሰው ውዝግብ በይፋዊ ይቅርታ መቋጫ አግኝቷል። የአልጄሪያው የፊት መስመር ተጫዋች ሞሀመድ አሙራ ግብ ካስቆጠረ በኋላ ባሳየው የደስታ አገላለጽ በኮንጎው ታሪካዊ መሪ ፓትሪስ ሉሙምባ ላይ እንደቀለደ ተቆጥሮ ከፍተኛ ተቃውሞ ገጥሞት ነበር።

የውዝግቡ መነሻ🔎

አሙራ ግብ ካስቆጠረ በኋላ ያሳየው ምልክት እና የተጠቀመው መልዕክት የዲሞክራቲክ ኮንጎ ደጋፊዎችንና ሕዝብን ክፉኛ አስቆጥቶ ነበር። ድርጊቱ የሀገሪቱን ታሪካዊ ምልክት እና የቀድሞ መሪያቸውን "ሉሙምባን" የሚያቃልል ነው በሚል በስፖርታዊ ጨዋነት መጓደል ተወግዟል።

"በክፉ አላሰብኩትም" - አሙራ

ተጫዋቹ ጉዳዩን አስመልክቶ በሰጠው መግለጫ ድርጊቱን የፈጸመው ታሪካዊ ዳራውን ሳያውቅ እንደሆነ ገልጿል።

"ስለ ደጋፊው መልዕክት እና ምልክት ምንም አይነት መረጃ አልነበረኝም፤ ያደረግኩት በእግር ኳሳዊ ቋንቋ ለጨዋታ ያህል በመቀለድ ነበር" ብሏል።''

ተጫዋቹ አክሎም ለኮንጎ ሕዝብና ለብሔራዊ ቡድኑ ያለውን አክብሮት በመግለጽ፦

* ድርጊቱ በመጥፎ በመተርጎሙ በእጅጉ እንደሚፀፀት፤
* ለኮንጎ ትልቅ ክብር እንዳለውና ለዓለም ዋንጫ እንዲያልፉ እንደሚመኝ፤
* ድርጊቱ ሆን ተብሎ የተደረገ አለመሆኑን በይፋ አስታውቋል።

ይህ ይቅርታ በሁለቱ ሀገራት ደጋፊዎች መካከል ተፈጥሮ የነበረውን ውጥረት ያረግባል ተብሎ ይጠበቃል።

Getu Temesgen - (ጌጡ ተመስገን)
#እግርኳስ #አልጄሪያ #ኮንጎ #ሞሀመድአሙራ #ሉሙምባ #ስፖርታዊጨዋነት #አፍሪካ #የዓለምዋንጫ #algeriavsdrc