አሜሪካ የፍልስጤሙን ፕሬዝዳንት ማህሙድ አባስን እ በኒውዮርክ በሚካሄደው የተባበሩት መንግስታት ስብሰባ ላይ እንዳይገኙ አገደች

የፍልስጤሙ ፕሬዝዳንት ማህሙድ አባስ እና ከ80 በላይ ፍልስጤማውያን ባለስልጣናት ቪዛቸው በአሜሪካ ከተሰረዘ በኋላ በሚቀጥለው ወር በኒውዮርክ በሚካሄደው የተባበሩት መንግስታት ድርጅት ጠቅላላ ጉባኤ (UNGA) ላይ አይገኙም።

እንደ አሜሪካ የውጭ ጉዳይ መስሪያ ቤት ከሆነ የቪዛው መሰረዝ ከድርድር ውጭ የመንግስትነት እውቅና ለማግኘት ከፍልስጤማውያን ጥረት ጋር የተያያዘ ነው።

ፍልስጤማውያን ይህንን እርምጃ ህገወጥ እና በፖለቲካዊ ተነሳሽነት የተደረገ ነው ሲሉ አውግዘዋል።

የተመድ ቃል አቀባይ ስቴፋን ዱጃሪክ ድርጅቱ ጉዳዩን ለመፍታት ከዋሽንግተን ጋር እየተነጋገረ መሆኑን ገልጸዋል።
“ሁሉም አባል ሀገራት እና ቋሚ ታዛቢዎች በተለይም በዚህ ጉዳይ ላይ በፈረንሳይ እና በሳውዲ አረቢያ የሚካሄደውን የሁለት መንግስት መፍትሄ ስብሰባ መጀመሪያ ላይ መካሄድ ስላለበት ተወካዮቻቸው እንዲኖሩ ማድረግ አስፈላጊ ነው” ብለዋል።

ፈረንሳይ፣ ዩናይትድ ኪንግደም፣ ካናዳ እና አውስትራሊያ በጉባኤው ወቅት የፍልስጤምን እውቅና ለመደገፍ ከሚፈልጉ ሀገራት መካከል ይገኙበታል።

147 የተመድ አባላት ፍልስጤምን ቀድሞውንም እውቅና ቢሰጡም፣ ድንበሯ ያልተወሰነ ሲሆን ብዙ የዌስት ባንክ አካባቢዎች በእስራኤል ሰፈራ ቁጥጥር ስር ናቸው። ስለዚህ እውቅናው ቢፀድቅም እንኳን ወዲያውኑ በአካባቢው ላይ ለውጥ ይጠበቃል ብሎ መገመት ከባድ ነው።