ፑቲን በአደባባይ ላይ ብዙም የማይጠቀሙበትን እንግሊዘኛ ቋንቋን ትናንት በትንሽ ቃላት ሲናገሩ ተሰምተዋል

ቭላድሚር ፑቲን ከትራምፕ ጋር ትናንት ከነበረው ስብሰባው በኋላ በተረጋጋ መንፈስ ውስጥ የነበሩ ቢሆንም፣ ጋዜጠኞች ለፕሬዚዳንቶቹ የሰጧቸውን ጥያቄዎች ሳይመልሱ የጋዜጣዊ መግለጫውን አጠናቀዋል።

በመቀጠልም ፑቲን ቀጣዩ ስብሰባ የሩሲያ ዋና ከተማ በሆነችው ሞስኮ እንዲካሄድ ሐሳብ አቀረቡ። ይህንንም በአደባባይ ብዙም በማይጠቀሙበት በእንግሊዘኛ ቋንቋ ተናገሩ።

“Next time in Moscow,ቀጣዩ ስብሰባ ሞስኮ ውስጥ ይሁን” ሲሉም ፕሬዚዳንቱ ተናግረዋል።

ትራምፕ ሐሳቡን ለመመርመር ፈቃደኛ መሆናቸውን ቢናገሩም፣ ሐሳቡን በአዎንታዊም ይሁን በአሉታዊ መልኩ ስለመመልከታቸው ምንም ፍንጭ አልሰጡም።