"የራሱን አለም የፈጠረ ባለቅኔ ነበር!"—ፀደንያ ገ/ማርቆስ
#ethiopia | ባለቅኔ ሙሉጌታ ተስፋዬ በኢትዮጵያ የሙዚቃና የስነ ጽሁፍ ጉዞ ውስጥ የማይረሱ ደማቅ አሻራዎችን ካሳረፉ ታላላቅ ባለቅኔዎች መካከል አንዱ ነበር።

ባለቅኔ ሙሉጌታ ተስፋዬን አስመልካታ ድምፃዊት ፀደንያ ገማርቆስ የሰጠችው አስተያየት የብዙዎችን ቀልብ ስቧል።

ፀደንያ ስለ ሙሉጌታ ተስፋዬ ማንነት ጥበባዊ ጥልቅ ስሜቱና የህይወት ፍልስፍናው የተናገረችው አስገራሚ እውነት የባለቅኔውን የተለየ ስብእና አጉልቶ ያሳያል።

ፀደንያ እንደገለጸችው ከሆነ ሙሉጌታ ተስፋዬ ተራ ገጣሚ ሳይሆን "ከዘመኑ ቀድሞ የተፈጠረ ሰው" እንደነበር ገልጻለች።

የምናቡ ጥልቀት የቃላት መረጣውና የነገሮች እይታው የበርካታ ሰዎችን አስተሳሰብ ቀድሞ የተረዳ በሚመስል መልኩ የራሱን እውነተኛና ጥልቅ አለም ፈጥሮ ይኖር የነበረ ታላቅ ባለቅኔ እንደነበር ምስክርነቷን ሰጥታለች።

በዚህ ቁሳቁስና ጊዜያዊ ዝና በተቆጣጠረው አለም ውስጥ ሙሉጌታ የተለየ መንገድ መርጧል።

ፀደንያ እንደምትለው ሙሉጌታ ተስፋዬ "አለም ከማያጓጓቸው ጥቂት ሰዎች መካከል አንዱ" ነበር።

ለውጫዊ ሽልማት፣ ለዝና ወይም ለቁሳዊ ጥቅም ሳይሆን ለጥበቡ እውነተኛ ፍቅርና ለነፍሱ እርካታ ብቻ ይኖር የነበረ ብቸኛ ሰው ነበረ ብላለች።

ሙሌ አለም በጠበቃት ልክ ስላልሆነችለት ወደ ውስጣዊ ማንነቱ ወደ ግጥሙና ወደ አዘጋጀው የራሱ አለም በይበልጥ እንዲያዘነብል አድርጎታል።

የፀደንያ ገማርቆስ ለመጀመሪያ ጊዜ ለህዝብ የቀረበችበትና በሙዚቃ አፍቃሪዎች ዘንድ ትልቅ አድናቆትን ያተረፈው "ገዴ" የተሰኘው የመጀመሪያ አልበሟ ሙሉ በሙሉ በባለቅኔ ሙሉጌታ ተስፋዬ ግጥሞች የተሰራ ነው።

ፀደንያ ለስኬቷ መሰረት የሆነውን የሙሉጌታን ብዕርና የጥበብ ጥልቅነት በታላቅ አክብሮትና ፍቅር ታስታውሰዋለች።

በአጠቃላይ የፀደንያ ገማርቆስ ምስክርነት ባለቅኔ ሙሉጌታ ተስፋዬ በኪነ ጥበቡ አለም ውስጥ ትልቅ ስም ያለው ብቻ ሳይሆን በህይወት ፍልስፍናውና በመንፈሳዊ ማንነቱ የተለየና ጥልቅ የነፍስ እይታ የነበረው ድንቅ ሰው እንደነበር ዳግም አረጋግጧል።

ሔኖክ ወ/ገብርኤል

Getu Temesgen - (ጌጡ ተመስገን)
#ethiopia #getutemesgen