(ዘ-ሐበሻ ዜና) ፕሬዝዳንት ዶናልድ ትራምፕ፣ ኤም.ኤስ ናው፣ ሲ.ኤን.ኤን እና ፖሊቲኮ የተባሉትን ታላላቅ የሚዲያ ተቋማት ዘገባቸውን ምክንያት በማድረግ ከዋይት ሃውስ ማገዳቸውን ዛሬ አርብ አስታወቁ። ፕሬዝዳንቱ በ'ትሩዝ ሶሻል'ገጻቸው ባሰፈሩት መልዕክት፣ እነዚህ የዜና አውታሮች "የፈጠራ ወሬ እና ውሸት" ዘወትር ስለሚያሰራጩ ከዋይት ሃውስ መታገድ አለባቸው ብለዋል። እርምጃ የወሰዱበትን የተለየ ዘገባ በስም ባይጠቅሱም፣ "ሌሎች የውሸት ዜና አውታሮችም ተራቸውን ይጠብቃሉ" በማለት ዛቻቸውን አክለዋል። ስለ ጉዳዩ የዋይት ሃውስ ጽሕፈት ቤት እስካሁን የሰጠው ይፋዊ ምላሽ የለም።

እዚህ ጋ ልብ በሉ! አሜሪካ ለዓለም "የዲሞክራሲ እና የነጻ ፕሬስ" ጠበቃ ነኝ እያለች በምትሰብክበት አንደበት፣ የራሷ መሪ ግን የማይወዱትን ሀሳብ የሚያንጸባርቁ ሚዲያዎችን ከቤተ-መንግሥት ሲያባርሩ እያየን ነው። ትራምፕ "የውሸት ዜና" የሚለውን ቃል ደጋግመው የሚጠቀሙት እውነትን ለመፈለግ ሳይሆን፣ የራሳቸውን የፖለቲካ ትርክት የማይደግፉ ተቋማትን ለማዳከም እና ለማፈን መሆኑን ይህ እርምጃቸው ፍንትው አድርጎ ያሳያል። ፕሬዝዳንቱ በዙሪያቸው የሚፈልጉት ገለልተኛ ታዛቢን ሳይሆን፣ የ"አሜን" ባይ ስብስብን መሆኑን በሚገባ ያሳብቃል።

ዲሞክራሲ እውነተኛ ፈተና ውስጥ የሚወድቀው፣ መሪዎች የማይመቻቸውን እውነት ወይም ጠንካራ ትችት ለመስማት ትዕግስት ሲያጡ ነው! የፕሬስ ነጻነት የሚለካው መንግሥትን በሚያወድሱ ሚዲያዎች ሳይሆን፣ መንግሥትን ያለ አንዳች ፍርሃት በሚሞግቱት ላይ በሚኖረው የመቻቻል አቅም ነው!

ትራምፕ እነዚህን ሚዲያዎች ከዋይት ሃውስ ማገዳቸው ትክክለኛ ርምጃ ነው ብላችሁ ታስባላችሁ ወይስ የዲሞክራሲ ጥሰት? ሀሳባችሁን ኮመንት ላይ አስቀምጡልኝ! ቪዲዮውን ላይክ እና ሼር ማድረግ አትርሱ!