ዋሊያዎቹ ከአምስት ዓመት በኋላ ከስደት ሊመለሱ ነው
#ethiopia | ሁለት የኢትዮጵያ ስታዲዬሞች ኢንተርናሽናል ጨዋታ እንዲያስተናግዱ የካፍን ይሁንታ አገኙ

የአፍሪካን እግር ኳስ በበላይነት የሚያስተዳድረው ካፍ ለአዲሱ የውድድርዓመት ኢንተርናሽናል ጨዋታዎችን እንዲያስተናግዱ ይሁንታ የፈቀደላቸውን ሃገራት ይፋ አድርጓል።

ኢትዬጵያም በሚያስገርም ሁኔታ ሁለት ስታዲዬሞች ኢንተርናሽናል ጨዋታ ኢንዲያስተናግዱ ፍቃድ አግኝተዋል ተብሏል።

ካፍ ይፋ ባደረገው መረጃ መሰረት የድሬዳዋ እና የአበበ ቢቂላስታዲየም ኢንተርናሽናል ጨዋታ እንዲያስተናገዱ መፈቀዱ ይነገራል።

ይህ ደግሞ ለክለቦቻችንና ለብሄራዊ ቡድኑ መልካም አጋጣሚ የሚፈጥር ከመሆኑ ባሻገር ከስደት የሚታደግ ይሆናል።

በሚቀጥለው ወር መጨረሻ ኢንተርናሽናል ጨዋታ የሚጠብቃቸው ሲዳማ ቡና እና ወልዋሎ ጨዋታቸውን በአበበ ቢቂላ ስታዲየም ለማድረግ መወሰናቸው ታውቋል።

እግር ኳስ ፌዴሬሽኑ ሁለቱን ክለቦች ጠርቶ ባነጋገረበት ወቅት ነው የአበበ ቢቂላ ስታዲየም ምርጫቸው አድርገዋል።

ከአምስት ዓመት በኋላ ከስደት የሚመለሰው የኢትዮጵያ ብሄራዊ ቡድን የአፍሪካ ዋንጫ የማጣሪያ ጨዋታውን ድሬዳዋ ላይም ያደርጋል።

ወርልድ ስፖርት (ጋዜጠኛ ጥሩነህ ካሳ)
#ethiopia #getutemesgen #getunews #worldsport #cafethiopianstadium