ኢትዮጵያን ጨምሮ የብሪክስ አገራት ግዙፍ የባሕር ኃይል ልምምድ በደቡብ አፍሪካ ተጀመረ

​በቻይና መሪነት የሚካሄደውና የብሪክስ ፕላስ አባላትን የሚያሳትፈው “Exercise Will for Peace 2026” የተሰኘው ታላቅ የባሕር ኃይል ወታደራዊ ልምምድ ዛሬ በደቡብ አፍሪካ የባሕር ክልል በይፋ ተጀምሯል።

​🔹 ተሳታፊዎች፦ በቻይና መሪነት እና በደቡብ አፍሪካ አስተናጋጅነት የሚካሄድ ሲሆን፤ የሩሲያ እና የኢራን ግዙፍ የጦር መርከቦች በስፍራው መድረሳቸው ተገልጿል።

🔹 ቆይታ፦ ልምምዱ ከዛሬ ጥር 1 እስከ ጥር 8 ቀን 2018 ዓ.ም ድረስ ለተከታታይ ሰባት ቀናት ይቆያል።

🔹 ዓላማ፦ “የመርከብ ጉዞዎችን ደኅንነት እና የባሕር ላይ ኢኮኖሚያዊ እንቅስቃሴዎችን በጋራ ማረጋገጥ” በሚል መሪ ቃል የሚካሄድ ሲሆን፤ የንግድ መስመሮችን ደኅንነት መጠበቅና የአገራቱን ወታደራዊ ቅንጅት ማጠናከር ላይ ያተኩራል።
​
የደቡብ አፍሪካ መከላከያ ኃይል (SANDF) ዝግጅቱ መጠናቀቁን ያረጋገጠ ሲሆን፣ በአሁኑ ሰዓት የኢራን ትልቁ የጦር መርከብ በኬፕ ታውን የባሕር ዳርቻ እንደሚገኝና የቻይና እና የሩሲያ መርከቦችም በልምምዱ ላይ እየተሳተፉ መሆኑ ተዘግቧል።

​ይህ ወታደራዊ እንቅስቃሴ የብሪክስ አገራት በዓለም አቀፍ የባሕር መስመሮች ላይ ያላቸውን ተሰሚነት ለማሳደግ የሚያደርጉት ጥረት አካል ተደርጎ ተወስዷል።