ሀገራት ምን አሉ?

ሩሲያ ድርጊቱን "በአንድ ሉዓላዊት ሀገር ላይ የተፈጸመ ግልጽ ወረራ እና ዓለም አቀፍ ህግን የጣሰ የሽንገላ ተግባር" ስትል ጠርታታለች።

ሞስኮ ይህ እርምጃ በዓለም ላይ "ማንኛውም ሀገር ያልተመቸውን መሪ በሃይል እንዲያስወግድ በር የሚከፍት አደገኛ አካሄድ ነው" ስትል አስጠንቅቃለች።

ቻይና በቬንዙዌላ የውስጥ ጉዳይ ጣልቃ መግባትን እንደማትደግፍ ገልጻ፣ በሀገሪቱ ላይ የተከፈተው ወታደራዊ ጥቃት በአካባቢው አለመረጋጋትን ይፈጥራል የሚል ስጋት እንዳላት ገልጻለች።

እንደ አርጀንቲና እና ፓራጓይ ያሉ ሀገራት "አምባገነኑ ስርአት መውደቁ ለቀጠናው ሰላም ነው" በሚል ድጋፋቸውን ገልጸዋል።

እንደ ኩባ፣ ኒካራጓ እና ቦሊቪያ ያሉ ሀገራት ድርጊቱን "የአሜሪካ ኢምፔሪያሊዝም ወረራ" ሲሉ አውግዘውታል። ሜክሲኮ እና ኮሎምቢያ ደግሞ ሁኔታው ወደ ቀጠናዊ ጦርነት እንዳያመራ ስጋታቸውን ገልጸዋል።

በካራካስ ጎዳናዎች ላይ ግራ መጋባትና ስጋት ነግሷል። አንዳንድ ወገኖች "ነፃ ወጣን" በሚል ደስታቸውን ሲገልጹ፣ የማዱሮ ደጋፊዎችና ታጣቂዎች ደግሞ ከአሜሪካ ጦር ጋር ግጭት ውስጥ ሊገቡ እንደሚችሉ እየተፈራ ነው።