በመቅደላ ጦርነት ወቅት ከኢትዮጵያ የተዘረፈ እና የአጼ ቴዎድሮስ ሊሆን እንደሚችል የሚገመት መጽሐፍ ቅዱስ በአቡ ዳቢ በ250000 ዩሮ ለሽያጭ ሊቀርብ ነው።

ከነገ ጀምሮ ለአንድ ሳምንት ለሽያጭ የሚቀርበው በግዕዝ ቋንቋ በብራና ላይ የተጻፈው መጽሐፍ የሉቃስ ወንጌልን ሙሉ በሙሉ፤ እንዲሁም ከዮሐንስ ወንጌል ደግሞ ከመጨረሻዎቹ 16 ጥቅሶች በስተቀር ሙሉውን የያዘ ነው።

መጽሐፉ እ.ኤ.አ. ከ1730-1740 ጎንደር ውስጥ እንደተጻፈ የተገመተ ሲሆን፣ ተአምራትንና የክርስቶስን ትንሣኤ የሚያሳዩ 235 ሥዕሎችን አካቷል።

ዋና መቀመጫው ኦስትሪያ የሆነው "ኢንሊብሪስ" የተባለ በተለይ ጥንታዊ መጻሕፍትን የሚሰበስብና የሚሸጥ ተቋም አማካኝነት በአቡ ዳቢ ለሽያጭ የቀረበው ከኢትዮጵያ የተወሰደው መጽሐፍ ቅዱስ 250000 ዩሮ የመሸጫ ዋጋ ተቆርጦለታል።

መረጃውን የነገሩን የታሪክ ተመራማሪውና በኢትዮጵያ ቅርሶች ላይ የሚያጠኑት፣ የተዘረፉትም እንዲመለሱ በማድረግ የሚታወቁት ዶ/ር አሉላ ፓንክኸርስት "ከነገ ጀምሮ ለሽያጭ የሚቀርበው መጽሐፍ ቅዱስ የአፄ ቴዎድሮስ የራሳቸው ስለመሆኑ ማረጋገጫ ማግኘት ቢያስቸግርም፣ መጽሐፉ ለየት ያለና ውብ በመሆኑ የእሳቸው የመሆኑ ዕድሉ አያጠራጥርም" ብለውናል።

መጽሐፉ በመቅደላ ጦርነት ወቅት በእንግሊዝ ጦር አዛዥ ናፒር መወሰዱን፣ ከዚያም ለሕንድ የእንግሊዝ ግዛት ዋና አዛዥ በስጦታ መበርከቱን፣ ከዚያም ከአንዱ ሙዚየም ወደ ሌላኛው፣ ከአንድ ግለሰብ ወደ ሌላ ግለሰብ በሽያጭ ሲተላለፍ 158 ዓመታት ማስቆጠሩን ዶ/ር አሉላ አስረድተዋል።

በ19ኛው ክፍለ ዘመን ለተዘረፉ ቅርሶች ዩኔስኮ ከለላ እንደማይሰጥ የነገሩን የታሪክና የቅርስ ተመራማሪው ዶ/ር አሉላ፣ በሕግ በኩል ኢንሊብሪስ መጽሐፉን የመሸጥ መብት ስላለው ምንም ማድረግ አይቻልም ብለዋል።

ሆኖም የተዘረፈ ቅርስ በአሁኑ ወቅት ለሽያጭ መቅረብ የለበትም የሚል የሞራል መከራከሪያ እንዳለና በዚህም አማካኝነት ቅርሱ ለኢትዮጵያ እንዲመለስ መሥራት እንደሚያስፈልግ አስረድተዋል።

መጽሐፉ ከኢትዮጵያ መዘረፉና ለሽያጭ መቅረቡ በየሚዲያውና በዲፕሎማሲው በኩል ጫና ከተደረገ ግለሰቦችም ሆኑ ሙዚየሞች ለመግዛት እንደማይደፍሩ ተመራማሪው ነግረውናል።

በዲፕሎማሲው መንገድ መጽሐፉን ለሽያጭ ያቀረበው ተቋም ኦስትሪያ የሚገኝ በመሆኑና ሽያጩ የሚካሄደው ደግሞ በተባበሩት ዓረብ ኤሚሬትስ አቡ ዳቢ በመሆኑ ከሁለቱ ሀገራት ጋር መነጋገር እንደሚያስፈልግ ጠቅሰዋል።

"ዘመኑ ተለውጧል፣ ስለ ቅርሶች መመለስ ያለው እይታም ተቀይሯል። ስለዚህ ኢንሊብሪስ ሽያጩን በማቆም፣ ይህ ድንቅ የብራና ጽሑፍ በሌላ የግል ስብስብ ውስጥ ገብቶ ከሕዝብ ዕይታ ከመሰወሩ በፊት፣ ወደ ኢትዮጵያ ተመልሶ ለዕይታ እንዲበቃ ጥረት መደረግ አለበት" ሲሉም አክለዋል።

መጽሐፉን ከመሸጥ ለማዳን ያለው ጊዜ አንድ ሳምንት ብቻ፣ዋጋውም ውድ መሆኑን ያስገነዘቡት ዶ/ር አሉላ፣ በዚህም ቢቻል በነፃ ካልተቻለም ለጨረታ ከቀረበበት ዝቅተኛ ዋጋ ተገዝቶ ቅርሱ ለሀገሩ እንዲበቃ ሁሉም ጥረት እንዲያደርግ ጠይቀዋል።

Sheger Fm

የኢትዮጵያ ዘመን አቆጣጠር ዓ.ም (ዓመተ ምህረ) እኢአ ( እንደ ኢትዮጵያውያን አቆጣጠር ) እና ዓ.ል (ዓመተ ልደት ) እንዲባል ምክክሩ ተስማምተዋል

በኢትዮጵያ "የነገ ዕጠፋ ፋንታ" ሲሉ በጠሯቸው ጉዳዮች ላይ ሲመክሩ የቆዩ ተመካካሪዎች አሁን ያለው የዘመን አቆጣጠር እንዲቀጥል በተጨማሪም ዓመተ ልደት፣እንደ ኢትዮጵያ አቆጣጠር እና የሂጅራ የዘመን አቆጣጠር ቢካተት የሚል ምክረ ሀሳብ አቅርበው ምክክሩ ተጠናቋል፡፡

ጉባዔተኛውም በዚሁ ሀሳብ ላይ ተስማምቷል፡፡

የኢትዮጵያ የዘመን አቆጣጠር ዓመተ ምህረት የሚለው "አካታች ስላልሆነ ይቅር" የሚል ምክር ሀሳብ ቀርቦ የነበረ ቢሆንም እንዳይቀር ጉባዔተኞች ተስማምተው ነገር ግን ዓመት ልደት ፣እንደ ኢትዮጵያ አቆጣጠር የሚለው ስራ ላይ ቢውል ሲሉ ምክረ ሀሳብ ሰጥተዋል፡፡

እንዲሁም ዓመተ ሂጅራም ቢካተት በሚለው ላይ ተመካካሪዎች ተግባብተናል ብለው የምክረ ሀሳብ ሰነዱን አስረክበዋል፡፡

ተመካካሪዎች ሌላው የተስማሙባቸው ጉዳዮች የኢሬቻ በዓል እና የበዓለ 50 ባዓል በካላንደር ታስበው ይዋሉ በሚለው ነው፡፡

ለሙስሊሞች ጁማዓ የስግደት ሰዓት ከ5 እስከ 8 ሰዓት ይሁን በሚለው መስማማታቸውን የሚያስረዳው ለ4ሺ ጉባዔተኛ በንባባ የቀረበው ሰነድ ለ7ኛ ቀን አድቬንቲስት እምነት ተከታዮች እለተ ቅዳሜ አስገዳጅ የስራ እና የፈተና ቀን እንዳይሆንም መስማማታቸውን ያስረዳል፡፡

በዩኔስኮ የተመዘገቡ በዓላት ደግሞ "ህዝባዊ" በዓላት እንዲሆኑ መስማማታቸውን ይጠቅሳል፡፡

Via Sheger FM

የ12ኛ ክፍል ሀገር አቀፍ ፈተና ውጤት ዛሬ ይፋ ይደረጋል።

ትምህርት ሚኒስቴር በላከልን መረጃ የዘንድሮ የ12ኛ ክፍል የሀገር አቀፍ ፈተና ውጤትን በተመለከተ ከሰዓት በኋላ መግለጫ እንደሚሰጥ ጠቅሷል።

በዓመቱ ፈተናውን ከወሰዱ ተማሪዎች መካከል 62 በመቶ የሚሆኑት በኦንላይን ፈተናውን ወስደዋል።

በ2018 የትምህርት ዘመን አጠቃላይ 563 ሺህ 501 ተማሪዎች በ607 የፈተና ማዕከላት ውስጥ የተፈተኑ ሲሆን ፈተናው በ6 ዙሮች ተሰጥቷል።

ከዘንድሮ ጠቅላላ ተፈታኞች መካከል 306 ሺህ 456 የተፈጥሮ ሳይንስ ተማሪዎች ሲሆኑ፣ 257 ሺህ 45 ደግሞ የማኅበራዊ ሳይንስ ተማሪዎች ነበሩ፡፡

ውጤቱን በተመለከትም ትምህርት ሚኒስቴር በ9 ሰዓት መግለጫ እሰጣለሁ ብሏል፡፡

Sheger Fm

በመጪው ረቡዕ ለስምንቱም አጀንዳዎች የቀረቡ ምክረ ሀሳቦች በ4 ሺህ ጉባዔተኞች እንደሚጸድቁ የምክክር ኮሚሽን ተናገረ፡፡

በአዲስ አበባ ኮንቬንሽን ማዕከል ሐምሌ 8 ቀን 2018 ዓ.ም ጀምሮ ውይይት ሲካሄድባቸው ለቆዩ አጀንዳዎች የቀረቡ ምክረ ሀሳቦች በመጪው ረቡዕ እንደሚጸድቁ የኮሚሽኑ ምክትል ኮሚሽነር ሂሩት ገብረስላሴ ተናግረዋል፡፡

ምክትል ኮሚሽነሯ ዛሬ ለጋዜጠኞች በሰጡት መግለጫ ተመካካሪዎች ከዛሬ ከሰዓት ጀምሮ በራሳቸው እና በሌሎች ቡድኖች ምክረ ሀሳብ ላይ መወያየት እንደሚጀምሩ ተናግረዋል፡፡

እንደ ኮሚሽነሯ ማብራሪያ ካለፈው ሐሙስ ጀምሮ ተመካካሪ ቡድኖች የመረጧቸው ተወካዮች በቀረቡ ምክረ ሀሳቦች ላይ ድግግሞሽ እና ተቃርኖ እንዳይኖር የማጠናከር እና የማጣጣም ስራ ሲሰሩ ቆይተዋል፡፡

ያጣጣሟቸውን ስራዎች ደግሞ ዛሬ ከሰዓት በኋላ ለ500 ቡድኖች የሚያቀርቡ ይሆናል፡፡

ስምንቱም ቡድኖች በየራሳቸው አጀንዳዎች ላይ ብቻ ሳይሆን የሌሎች ቡድኖችን ምክረ ሀሳብ ይረዳሉ፤ ባልተሳተፉባቸው ቡድኖች ምክረ ሀሳቦች ላይም ግብዓት ይሰጣሉ ብለዋል ኮሚሽነሯ በመግለጫቸው፡፡

ግብዓቱም ተሰብስቦ የመጨረሻ ሰነድ ይዘጋጃል፡፡

በዚህም ከነገ በስቲያ ወይም ረቡዕ በ4000 ጉባዔተኞች ይጸድቃል፡፡

Sheger Fm

በፋብሪካ የሚመረቱ አልኮሎችና ትንባሆ ላይ የኤክሳይዝ ታክስ መጣል የምርቶቹን ዋጋ አንዲጨምር በማድረጉ የምርቶቹ የተጠቃሚዎች ቁጥር መቀነሱን ጥናት አሳየ፡፡

በሌላ በኩል ግን ጠጅ ፣ ጠላ ፣ አረቄ የመሳሰሉት ምርቶች ተጠቃሚያቸው መብዛቱን በጥናቱ ግኝት ተጠቅሷል፡፡

ጥናቱን ያጠናው በጤናው መስክ ጥናትና ምርምሮችን የሚያካሂደው ፍኖት የተሰኘ ድርጅት ነው ።

ድርጅቱ ይህን ጥናት ይፋ ያደረገው ከስድስት ዓመት በፊት በአልኮል እና በትንባሆ ላይ የተጣለው ኤክሳይዝ ታክስ ምን ውጤት እንዳመጣ በአማራ፣ኦሮሚያና በአዲስ አበባ ላይ ያካሄደው ዳሰሳዊ ጥናት ነው ።

በአልኮልና በትንባሆ ምርቶች ላይ የተጣለው ኤክሳይዝ ታክስ የተጠቃሚዎችን ቁጥር ከ10 እስከ 20 በመቶ እንዲቀንስ አድርጓል ሲሉ በፍኖት አሶሼት የሄልዝ ኬር ፋይናንሲንግ ባለሙያና አማካሪ የሆኑት ፕሮፌሰር አስማማው አጥናፉ የጥናቱን ውጤት ጠቅሰው ነግረውናል፡፡

በሌላ በኩል መንግስት የሚያገኘው ገቢ እንዲያድግ ማስቻሉንም በጥናቱ አረጋግጠናል ይላሉ።

የፍኖት አሶሼት መስራች አባል እና የፍኖት ፕሮጀክት ዳይሬክተር ዶ/ር ፅኑኤል ግርማ በበኩላቸው
እንደ ትንባሆ እና ሲጋራ ምርቶች በህገወጥ መንገድ አሁንም እየገቡ መሆኑን ነግረውናል።

በፍኖት አሶሼት የፋይናንሲንግ ም/ ዳይሬክተር ዶ/ር ግርማ ደዬ በፋብሪካዎች የማይመረቱ፣ የአልኮል መጠናቸውም በማይታወቁ እንደ ጠላ፣ ጠጅ እና አረቄ ያሉ መጠጦች በሰዎች ጤና ላይ አሉታዊ ተጽዕኖ እያመጡ ነው ብለዋል ።

በሌላ በኩል በህገወጥ የሚገቡ ምርቶችን መቆጣጠር እንደሚገባም ጠቁመዋል ።

Via Sheger Fm

የአዲስ አበባ ከተማ አስተዳደር የግል ትምህርት ቤቶችን የክፍያ ጭማሪ ጉዳይ በተመለከተ አምና ያወጣው ደንብ ትምህርት ቤቶች እንደ ደረጃቸው እስከ 68 በመቶ የዋጋ ጭማሪ እንዲያደርጉ ፈቅዷል።

የዋጋ ጭማሪውም ለሦስት ዓመት የሚያገለግል ቢሆንም ለሁለተኛ ጊዜ ጭማሪ ያደረጉና የተጋነነ ክፍያ የሚጠይቁ እንዳሉ እየተሰማ ነው።

ይህ በፍፁም ህጋዊ አይደለምም ተብሏል።

Sheger Fm

በ"ፊንቴክ" ኢንቨስትመንት ማጭበርበር በተጠረጠሩ አርቲስቶች እና ቲክቶከሮች ላይ አቃቤ ሕግ ላቀረበው ምላሽ ብይን ለመስጠት ተለዋጭ ቀጠሮ ተሰጠ።

​በ"ፊንቴክ" (Fintech) ኢንቨስትመንት ሽፋን በተፈጸመ መጠነ ሰፊ የማጭበርበር ወንጀል ተጠርጥረው በቁጥጥር ስር የዋሉ ታዋቂ አርቲስቶች እና ቲክቶከሮች፣ ከ5ኛ ተከሳሽ በስተቀር የዋስትና መብታቸው ተከብሮላቸው በውጭ ሆነው ጉዳያቸውን እንዲከታተሉ መወሰኑ ይታወሳል።

​ከዚህ በፊት በነበረው ችሎት ተከሳሾቹ በጠበቆቻቸው አማካኝነት በፅሁፍ የክስ መቃወሚያ አቅርበው ነበር።

​1ኛ ተከሳሽ 5 ገጽ፣ ሌሎች ተከሳሾች ደግሞ እያንዳንዳቸው 6 ገጽ የፅሁፍ የክስ መቃወሚያ ያቀረቡ ሲሆን፤ አቃቤ ሕግ ምላሽ እንዲሰጥበት ፍርድ ቤቱ ለዛሬ ሐምሌ 8 ቀን 2018 ዓ.ም ተለዋጭ ቀጠሮ መስጠቱ ይታወቃል።

​በዚሁ መሠረት ዛሬ አቃቤ ሕግ ለቀረበው የክስ መቃወሚያ የ11 ገጽ የፅሁፍ ምላሽ ሰጥቷል።

የ​ግራ ቀኙን በፅሁፍ የቀረበ የክስ መቃወሚያ እና ለመቃወሚያው የተሰጠውን ምላሽ የተመለከተው የፌደራል ከፍተኛ ፍርድ ቤት ልደታ ምድብ ችሎት፣ አቃቤ ሕግ ያቀረበውን ምላሽ መርምሮ ብይን ለመስጠት ለሐምሌ 29 ቀን 2018 ዓ.ም ተለዋጭ ቀጠሮ መስጠቱን ከተከሳሾቹ ጠበቃ ከአቶ አበባው አበበ ሰምተናል።

Sheger Fm

የ"ሸገሩ"፣ "የእነሆ መቆያው" እሸቴ አሰፋ!
#ethiopia | ባለፈው ሳምንት "እነሆ መቆያ" የተሰኘ መጽሐፉን ለንባብ ያበቃው፣ አንጋፋውና ስመ-ጥሩ ጋዜጠኛ እሸቴ አሰፋ (እሸቴ ከጃንሜዳ) ሐምሌ 19 ቀን 1953 ዓ.ም በሰሜን ሸዋ መንዝና ግሼ አውራጃ ተወለደ።

የአንደኛ ደረጃ ትምህርቱን በተወለደበት አካባቢ ራቤል የመጀመሪያ ደረጃ ትምህርት ቤት ያጠናቀቀ ሲሆን፣ ሁለተኛ ደረጃ ትምህርቱን ደግሞ በመሐል ሜዳ፣ በሆለታና በአቃቂ ተማሪ ቤቶች ተከታትሏል።

ገና በሁለተኛ ደረጃ ትምህርት ቤት እያለ በሚኒ-ሚዲያ በመሳተፍ የጋዜጠኝነት ፍቅሩን ያሳየው እሸቴ፣ ከአዲስ አበባ ዩኒቨርሲቲ በቋንቋና ሥነ-ጽሑፍ የመጀመሪያ ዲግሪውን አግኝቷል።

ለመጀመሪያ ጊዜ ጽሑፉ የታተመለት በአዲስ ዘመን ጋዜጣ "አድማስ" አምድ ላይ ነበር ይላል - ለዚህ ጽሑፍ ዋነኛ ምንጭ አድርገን የተጠቀምነው የ"ተወዳጅ ሚዲያ" መረጃ።

በተለይም "የካቲት" መጽሔት ላይ እንደ ጳውሎስ ኞኞ፣ ስብሐት ገብረእግዚአብሔር፣ ብርሃኑ ዘርይሁን፣ ወጋየሁ ንጋቱ፣ ይድነቃቸው ተሰማና ፕሮፌሰር አስራት ወልደየስ ያሉ ታላላቅ ሰዎችን ታሪክ በጥናት አስደግፎ በማቅረብ የአንባቢን ልብ መግዛት ችሏል።

በተለያዩ ዘርፎች ብዙ ውለታ የዋሉ ታላላቅ የሀገራችንን ሰብዕናዎችንም 'ቃለ-መጠይቅ' (Interview) አድርጓል።

በዚህ የጋዜጠኝነት ጉዞው ውስጥ የአጻጻፍና የጋዜጠኝነት ሙያዊ ዕውቀት የሰጡትንና እንደ መምህር የሚያያቸውን የመጽሔቷን ዋና አዘጋጅ አቶ ጸጋዬ ኃይሉ ተፈራን ምንጊዜም በታላቅ አክብሮት ያስታውሳል።

በአንድ ጊዜ በበርካታ ሚዲያዎች ላይ የመሥራት ልዩ ታታሪነት የነበረው እሸቴ፣ ከ1978 ዓ.ም ጀምሮ ለአምስት ዓመታት ያህል በለገዳዲ ሬዲዮ "የእሁድ ለአንዳፍታ" ፕሮግራም ላይ "እሸቴ ከጃንሜዳ" በሚል ስያሜ የገጠሪቱን ኢትዮጵያ ባህልና ውሎ የሚያሳዩ ማራኪ የሥነ-ቃል ስብስቦችን በራሱ አንደበት እያነበበ ለአድማጭ ያቀርብ ነበር።

በተያያዥነትም ከ1979 ዓ.ም ጀምሮ በኢትዮጵያ ቴሌቪዥን በፍሪላንስ ጋዜጠኛነት በመቀጠር፣ በተለይ ታሪካዊና ተፈጥሯዊ አካባቢዎች ላይ ያተኮሩ የተለያዩ ባለ አንድ ሰዓት ዘጋቢ ፊልሞችን (ዶክመንተሪዎችን) አዘጋጅቷል።

ከእነዚህም መካከል ስለ ጣና ሐይቅ አድባራት የሠራውና አዲስ አበባ 100ኛ ዓመቷን ስታከብር ያቀረበው ባለ አንድ ሰዓት ተኩል ልዩ ፕሮግራም ተጠቃሽ ናቸው።

በ1987 ዓ.ም "ሪፖርተር" ጋዜጣ ሲመሠረት ከዋና መሥራቾቹ አንዱ የነበረ ሲሆን፣ ከ1989 ዓ.ም ጀምሮ ደግሞ የ"ሪፖርተር" ጋዜጣና መጽሔት ምክትል ዋና አዘጋጅና ዋና አዘጋጅ በመሆን ሙያዊና እውነተኛ መረጃ ላይ የተመሠረተ ጋዜጠኝነት እንዲሰፍን ከፍተኛ አስተዋጽኦ አበርክቷል።

ላለፉት አስራ አምስት ዓመታት ደግሞ በሸገር 102.1 ኤፍ ኤም ሬዲዮ በቅዳሜው "እነሆ መቆያ" መሰናዶው የዓለም መሪዎችን፣ ታዋቂ ሰዎችንና ታላላቅ የስለላ ተቋማትን፣ ታሪካዊ ክስተቶችን እና ሌሎችንም ጉዳዮች በበቂ ንባብና ማስረጃ አደራጅቶ በማቅረብ ከፍተኛ ተወዳጅነትን አትርፏል።

በአሁኑ ወቅትም በሸገር fm 102.1 ሬዲዮ ጣቢያ በዋና አዘጋጅነት እያገለገለ ይገኛል። ጋዜጠኛ እሸቴ አሰፋ ባለትዳርና የሁለት ልጆች አባት ነው።

ስለራሱ በአንደበቱ ከማውራት ይልቅ በሥራው መናገርን የሚመርጠው ይህ በሳል ጋዜጠኛ፣ ባለፉት ሠላሳ ዓመታት በሀገሪቱ ሚዲያ ታሪክ ውስጥ የራሱን የማይረሳ ደማቅ አሻራ አስቀምጧል። እናመሰግናለን፤ እሼ!
#ወይ_አዲስ_አበባ_on_Sheger_fm_102 .1 #sheger_fm_102 .1 #zefenenazemen #jafarbooks #radio #አዲስ_አበባ

በዋናው ሀገራዊ ምክክር ጉባኤ የሚሳተፉ ከ4,000 በላይ ተወካዮች በመጪው ሳምንት አዲስ አበባ ይገባሉ ተባለ።

ተወካዮች ከትግራይ ክልል ውጪ ከተለያዩ የኢትዮጵያ አካባቢዎች የተወከሉ እና የተለያዩ የማህበረሰብ ከፍሎችን የወከሉ ናቸው።

በምክክሩ ወቅት 4ሺዎች ጉባዔተኞች በስምንት ቡድን ተከፋፍለው ይመክራሉ ሲሉ የተናገሩት ምክትል ኮሚሽነር ሂሩት ገብረስላሴ ናቸው።

በእያንዳንዱ ቡድን 500 ጉባኤተኞች ይካተታሉ ተብሏል፡፡

ምክትል ኮሚሽነር ሂሩት ገብረ ስላሴ ይህን የተናገሩት ሐምሌ 8 ቀን 2018 በሚጀመረው ዋናው የምክክር ጉባኤ ወቅት ሙያዊ ማብራሪያ ከሚያቀርቡ ( Panel of experts) ጋር በስካይ ላይት ሆቴል ውይይት ሲደረግ ነው::

በምክክር ወቅት ሞያዊ ማብራሪያ የሚቀርበው ቡድን ከተለያዩ የትምህርት ተቋማት እና የሞያ ዘርፍ የተወከሉ ናቸው።

ቡድኑ በምክሩ ወቅት አለመግባባቶች ሲፍጠሩ ጉባዔተኞች ከስሜት ወጥተው በአጀንዳዎቹ ላይ በአግባቡ እንዲመክሩ የማስቻል ሃላፊነት አለበት ተብሏል።

በተጨማሪም በቀረቡ ዋና ዋና 8 አጀንዳዎች ላይ ማብራሪያ የማቅረብ ሀላፊነትም እንዳለበት ምክትል ኮሚሽነሯ አስረድተዋል።

የምክክር ጉባዔ ተሳታፊዎች የመንግስት ፣ የፖለቲካ ፓርቲዎች፣ አርብቶ አደሩ ፣አርሶ አደሩ፣ የንግድ ማህበረሰብ ፣ የጸጥታ ተቋማት ፣ የሲቪል ማህበረሰብ ድርጅት ፣ አካል ጉዳተኞች እና የሌሎችም የማህበረሰብ ከፍል ተወካዮች መሆናቸው ይታወቃል።

ኮሚሽኑ ሰኔ 17 ቀን 2018 ዓ.ም ለዋና ጉባዔ የሚቀርቡ 8 ዋና ዋና አጀንዳዎችን ይፋ ማድረጉ ይታወሳል።

ከቀረቡ አጀንዳዎች ውስጥ፤

የመንግስት አስተዳደር ስርዓት ዓይነት እና የክልል እና የፌደራል መንግስታት ስልጣን ዘመን ፣

የማንነት እና የባለቤትነት ጉዳዮች፣

የፖለቲካ ስርዓት፣

የመንግስት አደረጃጀት ቅርጽ ፣

የመንግስት አደረጃጀት ስርዓት ፣

የራስን በራስ የመወሰን መብት ወይም አንቀጽ 39 (1)፣

የብሔር ብሔረሰቦች ትርጓሜ ፣

የመንግስት አስተዳደር ስርዓት ዓይነት ፣

የክልል መንግስታት እና የፌደራል መንግስት የስልጣን ዘመን እና

የፌደራል እና የክልል መንግስታት ግንኙነቶች የሚሉት ይገኙበታል።

በተጨማሪም አዲስ አበባ ከኦሮሚያ ጋር ያላት ግንኙነት እና የድሬደዋ ከተማ ውክልና ጉዳይን ፣ አጀንዳ አራት ደግሞ የሃይማኖት ጉዳዮች ፣ አጀንዳ አምስት የተቋማት ግንባታ የተቋማት ገለልተኝነት ጉዳዮች ፣ የሰብዓዊ መብቶች ጥበቃ ፣ የጸጥታ ተቋማት ገለልተኝነት ጉዳይ ፣ የመሬት ባለቤትነት ጉዳዮች እና ሌሎች አጀንዳዎች ቀርበዋል።

Sheger Fm

የፌዴራል መንግስት በዋናነት በግምጃ ቤት ሰነድ ሽያጭ በ2019 የሚኖረውን የበጀት ጉድለት ለመሙላት አስቤያለሁ ብሏል፡፡

ትላልቆቹን ጨምሮ የገንዘብ ተቋማት በግምጃ ቤት ሰነድ ሽያጭ ለመንግስት የሚያበድሩ ከሆነ የግሉ ዘርፍ የፋይናንስ እጥረት ሊገጥመው እንደሚችል ባለሞያዎች እየተናገሩ ነው።

ለካፒታል የተመደበው በጀት ከቀዳሚው ዓመት ብዙም ዕድገት አለማሳየቱም የስራ ዕድል ፈጠራ ላይ አሉታዊ ተፅዕኖ እንደሚኖረው ተጠቅሷል።

የ2019 የፌዴራል መንግስት አጠቃላይ በጀት 2 ነጥብ 34 ትሪሊየን ብር እንዲሆን ረቂቅ ተዘጋጅቷል።

ከዚህ በጀት 1 ነጥብ 8 ትሪሊየን ብሩ ከሀገር ውስጥ በሚሰበሰብ ገቢ እንዲሸፈን መታሰቡን የገንዘብ ሚኒስትሩ አቶ አህመድ ሽዴ ፤ በረቂቁ ዙሪያ ለህዝብ እንደራሴዎች ምክር ቤት ማብራሪያ ሲሰጡ ተናግረዋል።

ቀሪውን 522 ቢሊየን ብር ደግሞ በዋናነት በመንግስት የግምጃ ቤት ሰነድ ለመሙላት እንደታሰበ ጠቅሰዋል።

ጉድለቱን ለመሙላት ከብሄራዊ ባንክ የሚወሰድ ብድር ግን አይኖርም ተብሏል።

የምጣኔ ሃብት ባለሙያ አቶ ዋስይሁን በላይ የመንግስት የግምጃ ቤት ሰነድም የግሉ ዘርፍ በቂ ብድር እንዳያገኝ ሊያደርግ እንደሚችል ይናገራሉ።

በባንኮች የብድር ጣሪያ ላይ ከተቀመጠው ገደብ እና በየጊዜው ከሚካሄደው የውጭ ምንዛሪ ጨረታ ጋር ሲደመር አሰራሩ የግሉ ዘርፍ ብድር የማግኘት ዕድል ጫና አለው ብለዋል።

በሌላ በኩል ለአመቱ ከተያዘው በጀት 568 ነጥብ 2 ቢሊየን ብሩ ለካፒታል ወጪ የተመደበ እንደሆነ ተጠቁሟል።

በ2018 ለካፒታል ወጪ ተመድቦ የነበረው 415 ቢሊዮን ብር ነው ። ልዩነቱ ሲታይ ለካፒታል ወጪ የተመደበው ገንዘብ ብዙም ዕድገት አለማሳየቱን መረዳት ይቻላል።

ሁኔታው መንግስት አዳዲስ ፕሮጀክቶችን መጀመር ላይ ትንሽ ያዝ ማድረግ መፈለጉን ያሳያል የሚሉት አቶ ዋሲሁን ትኩረቱ የነበሩትን መጨረስ ላይ አድርጓል ሲሉም አክለዋል፡፡

መንግስት አዳዲስ ፕሮጀክቶችን ከመጀመር ቆጠብ ሲል ሊፈጠር የሚችል የስራ ዕድልም አብሮ ይቀንሳል የሚሉት ፤የምጣኔ ሃብት ባለሞያው አቶ ዋሲሁን አማራጩ የግሉ ዘርፍ ማሳተፍ እንደሆነ ተናግረዋል።

ክልሎች ከፌዴራል መንግስት ያገኙትን በጀት ለካፒታል ወጪ ማዞር ከቻሉ ግን ገንዘቡ ትንሽ እንዳልሆነ አቶ ዋሲሁን ተናግረዋል።

ዋናው ጉዳይ የተመደበው የካፒታል በጀት ስራ መፍጠር እና የወጪ ንግድን ለሚያሳድጉ ዘርፎች መዋሉ ነው ብለዋል።

ለካፒታል ወጪ ከፍተኛ ገንዘብ ቢመደበም የሚሰበሰበው ገቢ ካላደገ የበጀት ጉድለቱ ከፍ ከማለት ውጪ ሊተገገበር እንደማይችል የምጣኔ ሃብት ባለሞያው አቶ ዋሲሁን ተናግረዋል።

Sheger Fm

ከመንግስት መ/ቤቶች የጠፉ እና የባለቤትነት መታወቂያ ደብተራቸው በሌሎች ድርጅቶች ተመዝግቦ የተገኙ ተሽከርካሪዎች መኖራቸው በኦዲት ተረጋገጠ፡፡

የፌዴራል ዋና ኦዲተር መስሪያ ቤት የመስሪያ ቤቶችን የተሽከርካሪ አያያዝና ስምሪትን በተመለከተ ባካሄደው ምርመራ በተለያዩ መ/ቤቶች ዘጠኝ መኪኖች ከናካቴው ጠፍተዋል ብሏል፡፡

ተጨማሪ ስድስት ሞተር ብስክሌቶችም የጠፋባቸው መ/ቤቶችን አግኝቻለሁ ብሏል፡፡

የተቋማቱን ስም ግን በኦዲት ሪፖርቱ አልተጠቀሰም፡፡

በሌላ በኩል የባለቤትነት መታወቂያ ደብተራቸው በሌሎች መ/ቤቶችና ድርጅቶች ስም ተመዝግቦ የተገኘ 595 የመንግስት ተሽከርካሪዎች በኦዲት ምርመራው ተገኝተዋል፡፡

እንዲሁም የሰሌዳ ቁጥር የሌላቸው 13 መኪኖች፣ 10 የሞተር ብስክሌቶችና 20 ትራክተሮች የንብረት አያያዛቸው በተፈተሹባቸው የመንግስት ተቋማት መገኘታቸውን የፌዴራል ዋና ኦዲተር መ/ቤት በሪፖርቱ ተናግሯል፡፡

ሌሎች 146 መኪኖች ፣ 27 ሞተር ብስክሌቶች፣ 18 የቁፋሮ መኪኖች ፣ 1 ሎደርና 1 ትራንክተር የሊብሬ ወይም የባለቤትነት መታወቂያ ደብተር ሊቀርብላቸው አልቻለም ተብሏል፡፡

Sheger Fm

ማንኛውም ደረሰኝ ሳይቆርጥ የተገበያየ አካል በወንጀል እስከመጠየቅ የሚያደርሰው የተሻሻለው የታክስ አስተዳደር ረቂቅ አዋጅ ለህዝብ እንደራሴዎች ምክር ቤት ቀረበ፡፡

ረቂቁ የታክስ ማጭበርበርን ለመከላከል ለ10 ዓመታት ወደኋላ በመሄድ ሂሳቡን በመመርመር ወይም ሂሳብ ኦዲት በማድረግ ተጨማሪ ግብር ማስከፈልን ለገቢ ሰብሳቢው የሚፈቅድ ነው፡፡

ዛሬ ለምክር ቤቱ የቀረበው ረቂቅ የግብር አስተዳደር አዋጅ በተለይ ደረሰኝ ባለመቁረጥ የሚደረግ ግብይት ላይ ከፍ ያለ ቅጣትን የሚያስከትሉ አንቀፆችን የያዘ ነው፡፡

ማንኛውም ሰው ህጋዊ ደረሰኝ ያልሰጠ እንደሆነ በእያንዳንዱ ባልሰጠው ደረሰኝ ልክ 100 ሺህ ብር አስተዳደራዊ ቅጣት በገንዘብ ይቀጣል ይላል የማሻሽያ አዋጁ ማብራሪያ፡፡

በተጨማሪ ይሄንኑ አስተዳደራዊ ቅጣት በዓመት ሁለት ጊዜ የተቀጣ እንደሆነ እና ሆን ብሎ ድርጊቱን መፈፀሙን ከቀጠለ ድርጊቱ እንደ ወንጀል ጥፋት ተቀጥሮ በወንጀል የሚያስጠይቅ መሆኑም ተብራርቷል፡፡

በተጠቀሰው ድርጊት የድርጅት ስራ አስኪያጅ በግል በወንጀል ተጠያቂ የሚሆነው በወንጀሉ ተግባር ተባባሪ ከሆነ ወይንም ደረሰኝ ያለመስጠትን መከላከል የሚያስችል የቁጥጥር ሥርዓት ያልዘረጋ ከሆነ እንዲሆንም ተደንግጓል፡፡

በሌላ በኩል አንድ ግብር ከፋይ ግብር ከከፈለ በኋላ በ10 አመት ጊዜ ውስጥ በማንኛው ጊዜ እንደገና ሂሳቡ ተመርምሮ ወይም በኦዲት ተጨማሪ ግብር ሊጠየቅ ይችላል ይላል የረቂቅ አዋጁ ማብራሪያ፡፡

ይህም በ10 ዓመት የተገደበው በኢትዮጵያ የንግድ ህግና የሂሳብ አያያዝ ህጎች መሰረት የሂሳብ ሰነዶች ተጠብቀው መቆየት ያለባቸው ለ10 ዓመታት ብቻ በመሆኑ ነው ተብሏል፡፡

ሌላው የታክስ አስተዳደር አዋጁ ማሻሻያ የያዘው አዲስ ነገር በታክስ ባለስልጣኑ እና በታክስ ከፋዩ መካከል የሚፈጠርን አለመግባባት መፍቻ ዘዴን ይመለከታል፡፡

ከዚህ ቀደም በነበረው ህግ ግብር ከፋዮች የተጣለባቸውን ግብር ተገቢ አይደለም ብለው ባመኑ ጊዜ መፍትሄ ፍለጋ በታክስ አስተዳደሩ ስር ለተቋቋመ የቅሬታ ሰሚ ፣ ለግብር ይግባኝ ኮሚሽን እና የህግ ትርጉምን በተመለከተ በየደረጃው ባሉ ፍርድ ቤቶች እንዲመለከቱት የሚያስችል ስርዓት ነበር፡፡

ይህን ለማድረግ ግን ግብር ከፋዮች ቅድሚያ የተወሰነባቸውን ግብር ከ50 እስከ 75 በመቶ መክፈልም ይጠበቅባቸው ነበር፡፡

ያም ሆኖ መፍትሄ ለማግኘት ረዥም ጊዜ ሊወስድ እንደሚችል በማብራሪያው ተጠቅሷል፡፡

በተሻሻለውና በረቂቅ ደረጃ ለህዝብ እንደራሴዎች ምክር ቤት በቀረበው የታክስ አስተዳደር አዋጅ የተጠቀሰው አሰራር እንዳለ ሆኖ በአጭር ጊዜ አለመግባባቶችን ለመፍታት ያግዛል የተባለ የገለልተኛ አስማሚን አሰራር ስራ ላይ ያውላል ተብለዋል፡፡

ይህም አዲስ “የመስማማት ሥርዓት” በሚል አዋጁ እንዲዘረጋ በሚፈቅደው ገለልተኛ አስማሚ ግብር ከፋዩን እና ግብር ሰብሳቢውን በሚስጥራዊነት መርህዎች ጭምር የሚያስማማበት ሥርዓት ነው ተብሏል፡፡

Sheger Fm

አሁን በስራ ላይ ያሉ ሁሉም አሽከርካሪዎች ሰልጥነው የብቃት ምዘና አንዲወስዱ የሚያስገድድ ዘመናዊ የቁጥጥር ሥርዓት ሊዘረጋ ነው፡፡

ሁሉም አሽከርካሪዎች እንደገና እንዲሰለጥኑና እንዲመዘኑ በማድረግ ብቃታቸውን እንዲያረጋግጡ የሚያስችል I አጠቃላይ የሰነድ ዝግጅት ተጠናቋል ያለው የትራንስፖርትና ሎጂስቲክስ ሚኒስቴር ነው፡፡

ይህ አዲስ አሰራር ከተለመደው አሰራር በተለየ መልኩ ሙሉ በሙሉ በቴክኖሎጂ የተደገፈ ፣ የምዘና ሂደቱ በዲጂታል ሲስተም እንዲመራ ተደርጎ ተቀርጿል ሲል ሚኒስቴር መ/ቤቱ መባህበራዊ ትስስር ገጹ ባወጣው መገለጫ ላይ ጠቅሷል ።

አሽከርካሪዎች ፈተናውን ከመውሰዳቸው በፊት ቅድሚያ ስልጠና ይወስዳሉ ተብሏል ።

በዚሁ መሰረት ይህንን ሀገራዊ ፕሮጀክት በይፋ ወደ ትግበራ ለማስገባት በተለይም አጠቃላይ የአሽከርካሪዎች ምዝገባ እና ስልጠና በተመለከተ የትራንስፖርትና ሎጂስቲክስ ሚኒስቴር ከኤስ ዲ ኤስ ሴፍቲ ኤንድ ድራይቪንግ ስኪልስ ጋር በትብብር ለመስራት የሚያስችለውን የስራ ውል ስምምነት መፈረማቸው ተሰምቷል።

በመሆኑም ይህ "ሀገር አቀፍ የአሽከርካሪዎች የብቃት ምዘና፣ የስልጠና እና የደህንነት ማሻሻያ ፕሮጀክት" የመንገድ የትራፊክ ደህንነትን በማጠናከር ረገድ የጎላ ሚና ይኖረዋል ተብሎ ተገምቷል፡፡

ማናቸውም አሽከርካሪዎች በሙሉ አዲሱን የብቃት ምዘና በመውሰድ እና በተቀመጠው መስፈርት መሰረት ብቃታቸውን በተጨባጭ በማረጋገጥ ብቻ እንዲያሽከረክሩ የሚያስገድድ ዘመናዊ የቁጥጥር ሥርዓት ይዘረጋል ተብሏል።

ይህ አሰራር የመንገድ ደህንነትን በከፍተኛ ደረጃ በማሻሻል ዜጎቻችን ብሎም ሁሉም የህብረተሰብ ክፍሎች በመንገድ የትራፊክ አደጋ ምክንያት ሞትና የአካል ጉዳት እንዲሁም የንብረት ውድመት ለመቀነስ ጉልህ አስተዋፅኦ የሚያበረክት መሆኑ ከፍተኛ እምነት ተጥሎበታል።

በመሆኑም ሁሉም አሽከርካሪ በዚህ ሂደት የሚያልፍ መሆኑ እንደተጠበቀ ሆኖ በተለይም ለዚህ ዙር በቅድሚያ ማንኛውም የንግድ ተሽከርካሪ የሚያሽከረክር አሽከርካሪ የምዝገባና የስልጠና እንዲሁም የምዘና ሂደቱ በቅርቡ ስለሚጀመር ሁሉም ዝግጁ እንዲሆን የትራንስፖርትና ሎጂስቲክስ ሚኒስቴር አሳስቧል።

Sheger Fm

መምህራንን የሚያግዝ የሰው ሰራሽ አስተውህሎት ( #ai ) ስርዓት ለመዘርጋት በሙከራ ላይ መሆኑን የትምህርት ሚኒስቴር ተናገረ፡፡

ወሬው የተሰማው በቅርቡ ህዋዌ ኢትዮጵያ በሳናዳው የትምህርት ጉባኤ ላይ ሲሆን በመድረኩም የዩኒቨርስቲ ፕሬዚዳንቶች፣ ፖሊሲ አውጭዎች፣ የቴክኖሎጂ ኩባንያዎች እና ሌሎች ከትምህርት ጋር በተያያዘ የሚሰሩ ተቋመት ተወካዮች ተገኝተዋል፡፡

በመድረኩ በኢትዮጵያ የትምህርት ሥርዓት ውስጥ AI እና ዲጂታል መሠረተ ልማት ያላቸው ሚና ምን አንደሚመስል ውይይት ተደርጓል።

የትምህርት ሚኒስቴር የትምህርት ስርዓቱን በዲጂታል መንገድ ለመደገፍ የተለያዩ ስራዎችን እየሰራ አንደሆነ በጉበኤው ላይ አስረድቷል፡፡

ከእነዚህ ስራዎች መከካል አንደኛው መምህራንን የሚያግዝ የሰው ሰራሽ አስተውህሎት (AI ) ስርዓት መዘርጋት መሆኑን የትምህርት ሚኒስቴር ተናግሯል፡፡

መምህራንን የትምህርት እቅድ በማውጣት፣ፈተና በማዘጋጀት በመሳሰሉት ጉዳዩች አንዲያግዝ ተብሎ በሙከራ ላይ ያለው የሰው ሰራሽ አስተውህሎት ስርዓት በኢትዮጵያ የትምህርት ስርዓትወይንም ካሪኩለምን መሰረት አድርጎ የተሰናዳ መሆኑን ሰምተናል፡፡

ስርዓቱ በመተግበሪያ ወይንም አፕሊካሽን የተዘጋጀ ሲሆን አንድ ጊዜ በኮምፒውተር ላይ ከተጫነ ያለ ኢንተርኔትም መስራት ይችላል ሲሉ በትምህርት ሚኒስቴር የኢ-ለርኒንግ አስተባባሪ አቶ ሙሉነህ አጥናፉ ነግረውናል፡፡

በተወሰኑ የመጀመሪያ ደረጃ ተምህርት ቤቶች ላይ በሙከራ ላይ የሚገኘው ይህ ፕሮግራም ውጤቱ ታይቶ ወደፊት በሁሉም ትምህርት ቤቶች ላይ ለመተግበር እቅድ መኖሩንም ሰምተናል፡፡

ይህን በሰው ሰራሽ አስተውህሎት (AI) የታገዘ የዲጂታል የትምህርት ስርዓት መጀመር ያስፈለገው የመምህራንን አቅም ለማጎልበት፣ ተማሪዎችንም በመማሪያ መጻህፍት ምክያንት የሚያጋጥማቸውን ችግር ለመቅረፍ አንደኛው መንገድ ይህ በመሆኑ ነው ሲሉ አቶ ሙሉነህ አጥናፉ አስረድተዋል፡፡

ህዋዌ ኢትዮጵያ የትምህርት ስርዓቱን በቴክኖሎጂ ለማገዝ አንሰራ አንደሆነ በጉባኤው ላይ ተናግሯል፡፡

በቴክኖሎጂ ኩባንያዎች እና በትምህርት ተቋማት መካከል የተጠናከረ ትብብር መኖር የኢትዮጵያን ትምህርት በዲጂታል ስርዓት ለመደገፍ እንደሚያግ ህዋዌ ተናግሮ፣ለዚህም አንደሚሰራ አስረድቷል፡፡

ኩባንያው በዲጂታል ስልጠና እና በመሰረተ ልማት ዝርጋታ በኩል የኢትይጵያ ትምህርት በቴክኖሎጂ እንዲታገዝ በመድረግ ላይ ያለውን ተሳትፎ አንደሚቀጥል በሃላፊዎቹ በኩል አረጋግጧል፡፡

Sheger Fm

የደቡብ አፍሪካ መንግስት በኢትዮጵያዊያን ላይ የደረሰውን ጉዳት መርምሮ ውጤቱን በቅርብ ይፋ እንደሚደረግ ቃል መግባቱን የውጭ ጉዳይ ሚኒስቴር ተናገረ።

ለተፈጠረው ችግር መፍትሄ የሚያፈላልግ ልዑክ ወደ ስፍራው በቅርብ እንደሚያቀና ሚኒስቴሩ ዛሬ በሰጠው መግለጫ ተናግሯል፡፡

የውጭ ጉዳይ ሚኒስቴር በመግለጫው በሳምንቱ የተከናወኑ ዋና ዋና ጉዳዮችን አካቷል፡፡

መግለጫውን የሰጡት የውጭ ጉዳይ ሚኒስቴር ቃል አቀባይ አምባሳደር ነብያት ጌታቸው ናቸው።

ቃል አቀባዩ በቅርቡ የተከናወኑ ዜጋ ተኮር ዲፕሎማሲ እንቅስቃሴን አስመልክተው በሰጡት መግለጫ በቅርቡ በህንድ በተካሄደው የብሪክስ አባላት የውጪ ጉዳይ ሚኒስትሮች ስብሰባ ላይ የውጪ ጉዳይ ሚኒስትር ዶ/ር ጌዲዮን ጢሞቲዮስ በደቡብ አፍሪካ ጥቃት ስለደረሰባቸው ኢትዮጵያዊያን ጉዳይ ከአቻችው ጋር መወያየታቸውን አስረድተዋል።

በዚህም ወይይት ላይ ሁለቱ የስራ ሃላፊነት በደቡብ አፍሪካ በሚገኙ ኢትዮጵያዊያን እየደረሱ ያሉ ችግሮችን ለመፍታት መነጋገራቸው ጠቁመዋል።

በተጨማሪም የውጭ ጉዳይ ሚኒስትር ዴኤታ ብርሃኑ ጸጋዬ በኢትዮጵያ የሚገኙትን የደቡብ አፍሪካ አምባሳደር ኖንሴባ ሎሲ ጋር በጉዳዩ ላይ ማብራሪያ እንዲሰጡ አስጠርተው ማነጋገራቸውን ከቃል አቀባዩ ሰምተናል፡፡

በውይይታቸውም የሀገሪቱ መንግስት በኢትዮጵያ ላይ የደረሰውን ችግር መርምሮ በቅርቡ ይፋ እንደሚያደርግ ቃል መግባቱን አምባሳደር ነብያት ለጋዜጠኞች ተናግረዋል፡፡

ይህንኑ ጉዳይ የሚከታተል እና የጋራ መፍትሄ የሚያፈላልግ ልዑክም ወደ ደቡብ አፍሪካ እንደሚላክ አክለው ጠቅሰዋል፡፡

Sheger Fm

በአብዛኛዎቹ አካባቢዎች ላይ ምርጫ ለማድረግ አስቻይ የፀጥታ ሁኔታ መኖሩን በቀረቡ ሪፖርቶች ተረጋግጧል ሲል የኢትዮጵያ ብሔራዊ ምርጫ ቦርድ ተናገረ፡፡

አሁንም ግን ትኩረት የሚሹ ቦታዎች መኖራቸው ተጠቅሷል፡፡

የኢትዮጵያ ብሔራዊ ምርጫ ሥምሪት የሰጣቸው የክትትል ቡድኖች 7ኛው ጠቅላላ ምርጫ የሚካሄድባቸውን አካባቢዎች የፀጥታ ሁኔታን በተመለከተ ዝርዝር ሪፖትርት ማቅረባቸውን ባወጣው መግለጫ አስረድቷል፡፡

በአካባቢዎቹ ላይ ያለውን ተጨባጭ የፀጥታ ሁኔታና የፖለቲካ ምኅዳር ክትትል አድርጎ ሪፖርት የሚያቀርብ ቡድን ከፖለቲካ ፓርቲዎች፣ ከሲቪል ማኅበረሰብ ድርጅቶች እንዲሁም ከቦርዱ የተውጣጣ የክትትል ቡድን አዋቅሮ ሥምሪት መስጠቱን ቦርዱ አስታውሷል፡፡

የሥምሪት ቡድኑም ክትትል ሲያደርግ ቆይቶ ሪፖርቱን ግንቦት 6 ቀን 2018 ዓ.ም በይፋ ለቦርዱና ለባለድርሻ አካላት በልዩ መድረክ አቅርቧል ተብሏል።

በዘጠኝ ቡድን የተዋቀረው የክትትል ቡድን በመድረኩ ሪፖርቱን ያቀረበ ሲሆን፤ በሪፖርቱም ከፀጥታ ሁኔታ በተጨማሪ የየአካባቢዎቹ የፖለቲካ ምኅዳር፣ ፓርቲዎች በነፃነት ተንቀሳቅሰው የምርጫ ሥራቸውን ለመሥራት ምን ያኽል አስቻይ ሁኔታ አለ የሚለውን፣ ለምርጫው ያለው የሕዝብ ተነሣሽነትና የምርጫ ካርድ አወሳሰድ ሁኔታን ጨምሮ በርካታ የምርጫ ነክ ጉዳዮች መዳሰሳቸው ተጠቅሷል፡፡

በሪፖርቱቶቹ በአብዛኛዎቹ አካባቢዎች ላይ ምርጫ ለማድረግ አስቻይ ሁኔታ መኖሩን የተረጋገጠ ቢሆንም፤ አሁንም ትኩረት የሚሹ ቦታዎች መኖራቸው ተነግሯል።

በየትኞቹ አካባቢዎች ምርጫውን ለማድረግ አስቻይ ሁኔታ እንዳለ፣ የትኖች አካባቢዎች ደግሞ ትኩረት የሚሹ እንደሆኑ በቦርዱ መግለጫ ላይ አልተጠቀሰም፡፡

Sheger Fm

የአፍሪካን ታሪክ በአዲስ መልክ እየጻፉ ያሉት የአህጉሪቱ ዲጂታል አምባሳደሮች
**************

በአሁኑ ወቅት የአፍሪካ ታሪክ የሚነገርበት መንገድ ከመደበኛው ሚዲያ ባለፈ በዲጂታል ይዘት ፈጣሪዎች (Content Creators) እጅ እየወደቀ ይገኛል።

በአህጉሪቱ መዲና አዲስ አበባ እየተካሄደ የሚገኘው የመጀመሪያው የአፍሪካ የማኅበራዊ ሚዲያ ተፅዕኖ ፈጣሪዎች ጉባኤ (ASMIS 2026) እንደሚያሳየው፣ እነዚህ ግለሰቦች ከዝና ባለፈ ለአህጉራዊ ገጽታ ግንባታ እና ለኢኮኖሚ ዕድገት ቁልፍ ሚና እየተጫወቱ ነው።

በጉባኤው እየተሳተፉ ካሉ የአህጉሪቱ የማኅበራዊ ሚዲያ ተፅዕኖ ፈጣሪዎች መካከል የተወሰኑትን እናስተዋውቃችሁ፡-

አቤል ብርሃኑ በአፍሪካ 3ኛ ደረጃ ላይ የሚገኝ የጉዞ ቪሎገር (Travel Vlogger) ሲሆን፣ በቅርቡ በናይሮቢ በተካሄደው 'Africa Golden Awards 2026' የዓመቱ ምርጥ የአፍሪካ የጉዞ ተፅዕኖ ፈጣሪ ተብሎ ተሸልሟል። አቤል በአማርኛ ቋንቋ የሚያቀርባቸው ይዘቶች የሀገር ባህልን እና ዓለም አቀፋዊ እውነታዎችን በማገናኘት ረገድ ትልቅ አቅም አላቸው።

ዎዴ ማያ (Wode Maya) ጋናዊ የአፍሪካ ተቆርቋሪ ሲሆን፣ አፍሪካን "በተስፋ እና በኩራት" መነጽር ለዓለም በማሳየት ይታወቃል። አዲስ አበባን ለሥራው እንደ መነሻ (Launchpad) በመጠቀም የኢትዮጵያን የልማት እንቅስቃሴዎች፣ ዘመናዊ ከተሞች እና የኢንቨስትመንት አማራጮች በሚሊዮን ለሚቆጠሩ ተመልካቾቹ አሳይቷል። የእርሱ ይዘቶች የአህጉሪቱን አሉታዊ ገጽታ በመቀየር የውጭ ቀጥታ ኢንቨስትመንት እና ቱሪዝምን በማበረታታት ረገድ ቀዳሚ ናቸው።

ቪክቶር አዱዋ (Victor Adua) ናይጄሪያዊ ወጣት ነው። በቴክኖሎጂ እና ማርኬቲንግ ዘርፍ ወጣቶች እንዴት በዲጂታል ክህሎት ራሳቸውን መለወጥ እንደሚችሉ ያስተምራል። በተለይም በጊግ ኢኮኖሚ (Gig Economy) ላይ ያለው ልዩ ትኩረት ለኢትዮጵያ ዲጂታል ስትራቴጂ ጠቃሚ ትምህርት ይሰጣል።

ማጊ ሙኩታ (Maggie Mukuta) የኮንጎ ዴሞክራሲያዊ ሪፐብሊክ ተወላጅ ነች። በአፍሪካ የጨርቃ ጨርቅ ውጤቶች እና በሴቶች የንግድ ተሳትፎ ላይ በማተኮር የአህጉሪቱን የፋሽን ኢንዱስትሪ ለዓለም ታስተዋውቃለች።

ወጣቶች ወደ ግብርና እንዲመለሱ እና በቴክኖሎጂ የታገዘ ዘመናዊ እርሻ እንዲያካሂዱ የሚያነሳሱ ይዘቶችን የሚያቀርበው አፍሪካዊ ወጣት ደግሞ ኡጋንዳዊው ስቲቭ ካንባ (Steve Kamba) ነው።

እንደ ሄኒ የሻነው (Henny Yeshanew) እና ሸገር ዲጂታል (Sheger Digital) ያሉ የማህበራዊ ሚዲያ ይዘት ፈጣሪዎችም በኢትዮጵያ ዲጂታል ኢኮኖሚን ለማሳደግ እና የሥራ ፈጠራን ለማስፋት በሚደረገው ጥረት የራሳቸው አበርክቶ ይኖራቸዋል።

እነዚህ የማህበራዊ ሚዲያ ይዘት ፈጣሪዎች ከመደበኛው ሚዲያ በበለጠ ወደ ወጣቱ የመድረስ አቅም አላቸው። እነዚህ ዲጂታል አምባሳደሮች ከማዝናናት ባለፈ የአፍሪካን እና የኢትዮጵያን ታሪክ በአዲስ መልክ የመጻፍ (Narrative Transformation) ኃይል አላቸው።

በንፍታሌም እንግዳወርቅ

Ethiopian Broadcasting Corporation #africa #ethiopia #contentcreators #asmis2026 #narrativetransformation #ebc

በኢትዮጵያ በየዓመቱ አዲስ በኤችአይቪ (HIV) ከሚያዙት ውስጥ የአፍላ ወጣት ሴቶች ቁጥር ከፍተኛ ሆኗል ተባለ፡፡

ኮንዶምን በመጠቀም ኤች አይ ቪን ጨምሮ የአባላዘር በሽታዎች እና ያልተፈለገ እርግዝናን መከላከል ቢቻልም በመዘናጋትና የመጠቀም መጠኑም ዝቅተኛ በመሆኑ እድሜያቸቸው ከ15 ዓመት ጀምሮ የሆኑና በአፍላ ወጣትነት ላይ ያሉ ሴቶች ይበልጥ ተጋላጭ መሆናቸው ተነግሯል፡፡

በጤና ሚኒስቴር የኤች አይ ቪ ጉበትና የአባላዘር በሽታዎች መከላከልና መቆጣጠር መሪ ስራ አስፈጻሚው አቶ ፈቃዱ ያደታ እንደሚናገሩት ኤች አይ ቪን በመቆጣጠርና ከዚህ ቀደም የነበረውን ከፍተኛ ስርጭት በመቀነስ በኩል ኮንዶም አስተዋጽኦ አለው አሁን ላይ ግን ከአጠቃቀም እና ከአቅርቦት እጥረት ጋር መከላከሉ ላይ ተጽእኖ እያሳደረ ነው ብለዋል፡፡

ኤች አይቪ ኤድስን የማህበረሰብ ጤና ችግር ስለ መሆኑ የመዘናጋት ሁኔታ አለ የስርጭቱ መጠን እየቀነሰ እንደነበረ ይታወቃል አሁን ላይ ግን በቂ አቅርቦት እንዲኖር የኮንደም ስትራቴጂ ተቀርጾ በሶስት ስርዓቶች እንዲገኝ የተደረገ መሆኑን ጠቅሰዋል፡፡

በተለይም መዘናጋት፣ ኤች አይ ቪ የጤና ችግር ስለመሆኑን ዝቅ አድርጎ የማየት ጉዳይ አንድ ችግር ነው፣ ሁለተኛው ደግሞ ኮንደም በሚፈለግበት ጊዜና በሚፈልግበት ቦታ እንደልብ ባለመቅረቡ የወጣቶች የኤች አይ ቪ መከላከል ስራ ላይ ተጽዕኖ እየፈጠረ መሆኑን አቶ ፈቃዱ ተናግረዋል፡፡

በኤች አይ ቪ መከላከል በተለይም በትምህርቱና ኮንዶም አቅርቦት ላይ የነበሩ ድጋፎች በመቀነሳቸው አሁን እየተሰራ ያለው ይበልጥ ለኤች አይ ቪ ተጋላጭ የሆኑ የማህበረሰብ ክፍሎች ላይ በማተኮር ነው ተብሏል፡፡

በሌላ በኩል ተፈናቃዮዎች እንዲሁም የጸጥታ ችግር ባሉባቸው አካባቢዎች የኤች አይ ቪ መከላከል ስራዎች ተዘንግቶ የስርጭት መጠኑ እንዳይጨምር መለዮ ለባሾችና ሌሎች ይበልጥ ለኤች አይ ቪ ተጋላጭ የሆኑት ላይ በማተኮርም እየተሰራ ነው ተብሏል፡፡

በኢትዮጵያ በየአመቱ ስምንት ሺህ ያህል ሰዎች አዳዲስ በኤች አይ ቪ እንደሚያዙና ከዚህ ውስጥ 29 በመቶ እድሜያቸው ከ15-24 ዓመት የሆኑ ወጣት ሴቶች መሆናቸውን የኢትዮጵያ ህብረተሰብ ጤና ኢንስቲትዩት ያወጣው ጥናት ያሳያል፡፡

በሀገሪቱ ከሚያስፈልገው የኮንዶም መጠንም አሁን ላይ እየቀረበ ያለው 40 በመቶ ያህል ሲሆን 300 ሚሊዮን የኮንዶም አቅርቦት ቢያስፈልግም ያለው አቅርቦት ግን ከ70 ሚሊዮን እንደማይበልጥ የጤና ሚኒስቴር ተናግሯል፡፡

Sheger Fm

በአማራ ክልል በጤና ባለሙያዎች ላይ የሚደርስ ድብደባና ግድያ አሳሳቢ ደረጃ ላይ መድረሱ እንዳሳሰባቸው የአለም ጤና ድርጅት ዋና ዳይሬክተር ዶ/ር ቴዎድሮስ አድሃኖም ተናገሩ፡፡

ጉዳዩም በገለልተኛ አካል እንዲጣራም ጠይቀዋል፡፡

ዶ/ር ቴዎድሮስ አድሃኖም በማህበራዊ ትስስር ገፃቸው ባሰራጩት መረጃ በአማራ ክልል ግጭት ከተቀሰቀሰ ወዲህ የጤና ባለሙያዎችን ያነጣጠረ የመታሰር ፣ የመደብደብ የግድያ ጥቃት እየደረሰባቸው መሆኑን ጠቅሰዋል፡፡

ለአብነትም የካቲት 4 ቀን የሕክምና ባለሙያው ዶ/ር ፀጋሁን ስሜ በባህር ዳር ተገድሎ መገኘቱን ጠቅሰዋል፡፡

በግጭቱም ሆስፒታሎች ጉዳት ደርሶባቸዋል ፣ የእርዳታ ሰራተኞችም ሕይወታቸውን አጥተዋል ሲሉ ዶ/ር ቴዎድሮስ ባወጡት መረጃ ይፋ አድርገዋል፡፡

የጤና ተቋማትና የጤና ባለሙያዎች የጥቃት ዒላማ መሆን የለባቸውም ያሉት ዶ/ር ቴዎድሮስ በገለልተኛ አካል ለጥፋቱ ተጠያቂዎች የሆኑት እንዲጣራ ጠይቀዋል፡፡

Sheger Fm

የተሰጠው የስራ ጊዜ ሲጠናቀቅ 2 ሳምንት የቀረው የኢትዮጵያ ሀገራዊ ምክክር ኮሚሽን ተጨማሪ ጊዜ ያስፈልገኛል አለ፡፡

የካቲት 14 ቀን 2018 ዓ.ም የተሰጠው ጊዜ ገደብ የሚጠናቀቀው የሀገራዊ ምክክር ኮሚሽን "የጀመርኩት ስራ ተንጠልጥሎ እንዳይቀር " ተጨማሪ ጊዜ ያስፈልገኛል ብሏል።

መሰረታዊ በሆኑ ጉዳዮች ላይ ተነጋግሮ መፍትሄ ለመስጠት በ2014 ዓ.ም እና አላግባብ ብለው በቆዩ ሃገራዊ የተቋቋመው የምክክር ኮሚሽን መጀመሪያ የተሰጠው የጊዜ ገደብ 3 ዓመት ነበር።

በሰላም እጦት፣ በፖለቲካ አለመረጋጋት እና በተለያዩ ምክንያቶች በተሰጠው 3 ዓመት ተልዕኮውን ማጠናቀቅ ባለመቻሉ የህዝብ እንዳራሴዎች ምክር ቤት የካቲት 11 ቀን 2017 ዓ.ም ባካሄደው አስቸኳይ ሰብሰባ ነበር የኮሚሽኑን የስራ ዘመን በአንድ ዓመት ያራዘመው።

ኮሚሽኑም በተሰጠው የአንድ ዓመት ጊዜ ውስጥ ከአማራ ክልል ፣ ከትግራይ ክልል፣ ከታጣቂዎች ፣ በተለያዩ አገራት ከሚገኙ ኢትዮጵያዊን (ዲያስፖራዎች) ከፖለቲካ ፓርቲዎች እና እስረኞች አጀንዳዎች እንደሚሰበሰብ እና የምክክር ጉባዔን አድርጎ እንደሚያጠናቅቅ ተናግሮ ነበር።

የምክክር ኮሚሽን እስካሁን አቅዶት ከነበረው ወስጥ ከትግራይ ክልል አጀንዳ ፣ ከእስረኞች ፣ በከፊል ከታጣቂዎች እና ከተወሰኑ የፖለቲካ ፓርቲዎች አጀንዳዎችን በእቅዱ መሰረት መረከብ እንዳልቻለ ተናግሯል።

ከኮሚሽኑ ኮሚሽነሮች አንዱ የሆኑት ኮሚሽነር ሙሉጌታ አጎ ኮሚሽኑ እስካሁን ድረስ ከ11 ክልሎች ፣ ከሁለቱ ከተማ አስተዳደር እና ዲያስፖራዎች አጀንዳዎችን መረከባቸውን አስታውሰው ፤ ይሁንና ኮሚሽነሩ ከትግራይ ከእስረኞች እና ከታጣቂዎች አካላት አጀንዳ ስላልተሰበሰበ እንዲሁም የምክክር ጉባዔው ስላልተካሄደ ተጨማሪ ጊዜ ያስፈልገናል ሲሉ ነግረውናል፡፡

ኮሚሽኑ ተጨማሪ ጊዜ የሚያስፈልገኝ የተሰጠኝ ሀላፊነት በአግባቡ እንድከውን ነው ብሏል፡፡

ኮሚሽነሩ በትግራይ ክልል ያለው የፖለቲካ አለመረጋጋት እና በጊዜአዊ አስተዳደሩ የሚቀመጡ ቅደመ ሁኔታዎች ኮሚሽኑ በእቅድ መሰረት እንዳይሰራ አድርጓል ሲሉ አስረድተዋል።

Sheger Fm

በአሁኑ ወቅት በቂ የነዳጅ ምርት ቢኖርም የነዳጅ አቅራቢዎች በየቀኑ ወደ አዲስ አበባ መግባት ያለበትን መጠን እያስገቡ አይደለም ተብሏል።

በዚህም ምክንያት ከሰሞኑ ነዳጅ ለመቅዳት በማዲያዎች የሚደረጉ ረጃጅም ሰልፎች ተስተውለዋል ያለን የዘርፉን ግብይት የሚቆጣጠረው የአዲስ አበባ ንግድ ቢሮ ነው።

በከተማዋ ባሉ 125ቱም ማደያዎች ምን ያህል ነዳጅ በየትኛው ማደያ አለ የሚለውን እለታዊ መረጃ በማሰራጨት ቁጥጥር የሚያደርገው ቢሮው በቂ ነዳጅ አለ ለማለት በቀን ከ2.8 ሚሊዮን ሊትር በላይ ናፍጣ፣ ቤንዚን 2 ሚሊዮን ሊትር መኖር አለበት፤ አሁን ያለው 2.5 ሚሊዮን ሊትር ናፍጣ ነው ፤ ለዚህ ነው በየቦታው ሰልፍ የበዛው ሲሉ በቢሮው የንግድ ኢንስፔክሽንና ሬጉላቶሪ ዳይሬክተር አቶ ዮሴፍ አሰፋ አስረድተዋል።

የወሩ መጨረሻ ሲቃረብ ሆን ብለው ዋጋ ሊጨምር ይችላል በሚል በየመንገዱ በመቆምና የተለያዩ ምክንያቶችን በመደርደር በየቀኑ ወደ ከተማዋ መግባት ያለበትን የማያስገቡ ነዳጅ አቅራቢዎች የሚፈጥሩት ችግር ነው የሚሉት አቶ ዮሴፍ፤ በኛ በኩል ለሚቆጣጠራቸው የነዳጅና ኢነርጂ ባለስልጣን ሪፖርት አድርገናል ሲሉም አስረድተዋል።

ከሰሞኑ በፓርላማ ተገኝተው ከምክር ቤት አባላት ለተነሱላቸው ጥያቄዎች ማብራሪያ የሰጡት ጠቅላይ ሚኒስትር ዐቢይ አህመድ ስግብግብ ነጋዴዎች በሚያደርጉት የነዳጅ ቅሸባው የምርት እጥረት ሳይኖር ያለ እንዲመስል አድርጓል ይህንንም መቆጣጠር አልቻልንም ብለዋል።

በአዲስ አበባ ያሉ ሁሉም የነዳጅ ማደያዎች ላይ በተደረገው አሰሳ አንድም ነዳጅ የሸሸገ የለም፤ ሁሉም ያስገቡትን በአግባቡ እየሸጡ ነው ተብሏል።

Sheger Fm

ለሀገር ውስጥ ፍጆታ እየቀረበ ካለው መድሃኒት ከ40 በመቶ በላዩ በሃገር ቤት የተመረተ መሆኑ ተነገረ፡፡

በ5 ዓመታት ጊዜ ውስጥም የፍጆታውን ከ1/3ኛ ወይም ከ60 በመቶ በላዩን መድሃኒት በሃገር ቤት ማምረት እንደሚቻልም ከጤና ሚኒስቴር ሰምተናል፡፡

በኢትዮጵያ ለህክምና ግልጋሎት የሚውሉ መድሃኒቶችንና የህክምና ግብዓቶችን ከውጭ በማስገባት የሃገር ውስጡ ፍላጎት እንደሚሸፈን ይታወቃል፡፡

ለረጅም ዓመታት የሃገር ውስጥ የመድሃኒት አምራቾች ድርሻ ከ8 እስከ 10 በመቶ ሳይበልጥ እንደቆየ በጤና ሚኒስቴር የድንገተኛ ህክምና የመድሃኒቶችና ግብዓቶች አቅርቦት አማካሪ የሆኑት አቶ መሃመድ አማን ጀማል ነግረውናል፡፡

የመንግስቱን ጨምሮ በሃገር ውስጥ ያሉ 12 የግል የህክምና መሳሪያና መድኃኒት አምራች ፋብሪካዎች የኢትዮጵያን 40 በመቶ የመድሃኒት ፍላጎት እየሸፈኑ ነው፤ ምርቶቻቸውን እንዲያቀርቡም የተለየ የጨረታ እድል ተከፍቶላቸዋል ብለዋል።

ከዚህም በተጨማሪ አምራቾቹ እስከ 7 ዓመት የሚደርስ የገበያ ዋስትና እንዲያገኙና ከቀረጥ ነፃ የሆኑ ማበረታቻዎች እንዲመቻቹላቸው በመደረጉ በተሻለ መንገድ እያመረቱ መሆኑንም አንስተዋል፡፡

የዛሬ 4 ዓመት ማስክና አልኮል ሳይቀር ከውጭ ይገባ እንደነበር የሚያስታውሱት የሚኒስቴሩ አማካሪ አቶ መሃመድ አማን፤ አሁን እንደ ሃገር በተፈጠረው አቅም ትልልቅ የህክምና ግብዓቶችም ጭምር በሃገር ቤት እየተመረቱ ነው፤ በመጪዎቹ 5 ዓመታትም ከ60 በመቶ በላይ የሃገር ውስጥ የመድሃኒት ፍላጎት በሃገር ውስጥ ምርት ይተካል ነው ያሉት፡፡

ለአምራቾች እየተሰጡ ያሉ ማበረታቻዎች ኢንቨስተሮችን ወደ ዘርፉ እየሳቡ መሆኑ ተጠቅሷል፡፡

ከ5 ዓመታት በፊት ተከስቶ የነበረው የኮቪድ 19 ወረርሽኝ ከሳኒታይዘር ጀምሮ እስከ መተንፈሻ መሳሪያዎች ድረስ ያሉብን ክፍተቶች አጉልቶ ያሳየን ነበር፡፡

ከዚህ በኋላ ነው፤ አምራቾቹን ለመደገፍ ምን እንስራ ብለን ተነስተን አብዛኛው ምርት የተመረተው ሲሉም ያስረዳሉ፡፡

የህብረተሰቡን ፍላጎት ተከትሎ የሕክምና ተቋማት እየተስፋፉ መምጣትና የመድሃኒትና የህክምና ግብዓት ፍላጎት መጨመር ለመድኃኒት አምራች ኢንዱስትሪዎች አስተማማኝ ገበያ ይሆናል መባሉንም ሰምተናል፡፡

Sheger Fm

የመጠቀሚያ ጊዜያቸው ያለፈባቸው መድሃኒቶችን ሲሸጡ የተገኙ 44 የመድሃኒት መደብሮች ተቀጡ፡፡

በመደሮቹ ላይ እስከ እገዳ የደረሰ እርምጃ መውሰዱን የአዲስ አበባ ምግብና መድሃኒት ባለስልጣን ተናግሯል፡፡

ባለስልጣኑ በመንፈቅ ጊዜ ውስጥ በመድሃኒት መሸጫ መደብሮች ከወንኩት ባለው የቁጥጥር ስራ 1275 ኪሎ ግራም የመጠቀሚያ ጊዜያቸው ያለፈባቸው መድሃኒቶች ማግኘቱንና ግምታዊ ዋጋቸውም 5.5 ሚሊዮን ብር መሆኑን የነገሩን በባለስልጣኑ የጤና ተቋማትና ባለሙያዎች ቁጥጥር ዳይሬክተር የሆኑት አቶ ገልገሎ ኦልጅራ ናቸው፡፡

መድሃኒቶቹ መወገዳቸውን የተናገሩት ሃላፊው ይህንን ጊዜው ያለፈበት መድሃኒት ይዘው የተገኙ 44 የመድሃኒት ችርቻሮ መደብሮችና 2 የባህል ህክምና ባለሙያዎች ላይ ከከባድ የጽሁፍ ማስጠንቀቂያ የሙያ ፍቃድን የማገድ እርምጃ ስለመወሰዱም አስረድተዋል፡፡

በዚህም በአዲስ አበባ ከተማ ብቻ 112 ከአነስተኛ እስከ ከፍተኛ ደረጃ ያሉ የጤና ተቋማት አንድን ህክምና ለመስጠት በሚያስችላቸው ቁመና ላይ ባለመገኘታቸው ከደረጃ በታች በሚል በባለስልጣኑ ከባድ የፅሁፍ ማስጠንቀቂያ ገሚሶቹ ሲሰጣቸው ገሚሶቹ ደግሞ የሙያ ፍቃዳቸው ታግዷል ተብሏል፡፡

በተጨማሪም ባለፉት 6 ወራት 1ሺህ 778 አዲስ የህክምና ሙያ ብቃት ወስደው ወደ ስራው ገብተዋል፤በተመሳሳይ ለ1ሺህ 628 የመድሃኒት ችርቻሮ ድርጅቶች አዲስ የሙያ ብቃት ማረጋገጫ ተሰጥቷቸው ወደ ስራው ስለመግባታቸው ሰምተናል፡፡

በስራ ላይ ያሉትም በየ3 ዓመቱ ፍቃዳቸውን ማደሳቸውን እንደሚከታተል የጠቀሱት ሃላፊው ያለ ሙያዊ ፍቃድ እንዳይሰራ እንዲሁም የሚሰጠውም አገልግሎት ከተቀመጠው ደረጃ በታች እንዳይሆን ማድረግ ላይ ትኩረት አድርገው እየሰሩ መሆኑንም አንስተዋል፡፡

በቁጥጥር ስራው የሚሰጡት ህክምና አገልግሎት ከደረጃ በታች ነው የተባሉ 112 የጤና ተቋማትን ጨምሮ ጊዜው ያለፈበት መድሃኒት ሲሸጡ ነበር የተባሉት 44 የመድሃኒት መደብሮችና 2 የባህል ህክምና ባለሙያዎች ባጠቃላይ በ1መቶ 58 ግለሰቦችና ተቋማት ላይ እርምጃው መወሰዱን ሰምተናል፡፡

Sheger Fm

በጋምቤላ ክልል ከቀናት በፊት ተከስቶ በነበረው የፀጥታ ችግር እጃቸው አለበት የተባሉ የመንግስት አመራሮች በቁጥጥር እየዋሉ ነው ተባለ፡፡

የክልሉ ሠላም አሁን ላይ በአንጻራዊነት መሻሻል ማሳየቱንም የጋምቤላ ክልል ፖሊስ ኮሚሽን ነግሮናል፡፡

በጋምቤላ ክልል ከተወሰኑ ሣምንታት በፊት ተከስቶ የነበረው የፀጥታ ችግር አሁን እየተፈታ ነው ተብሏል፡፡

የክልሉ መንግስት በጊዜው ባወጣው መግለጫ የመጣውን ሰላም እና ልማት ወደ ኋላ ለመመለስ እየሰሩ ያሉ እኩይ ሀይሎች ያላቸው ወገኖች ፤ በየቦታው ሰዎች በመግደል ፤ ተሽከርካሪዎች ላይ ጥቃት በማድረስ እና ህይወት እንዲጠፋ በማድረግ ጉዳት አድርሰዋል ማለቱ ይታወሳል።

የፀጥታ አካላትን እና አመራርን ዒላማ በማድረግ ክልሉን ወደ ለየለት የህዝቦች እልቂት ለማስገባት የተለያዩ ሙከራዎች ሲደረጉ ተስተውለዋል ሲልም በመግለጫው ጠቅሶ ነበር፡፡

አሁን ስላለው አጠቃላይ የክልሉ የሠላም ሁኔታ ዛሬ ስልክ ደውለን የጠየቅናቸው የጋምቤላ ክልል ፖሊስ ኮሚሽን ምክትል ኮሚሽነር ዶች ገድኮት ሠሞኑን በጋምቤላ ከተማ ከተፈጸመ ጥቃት ውጪ አጠቃላይ ሁኔታዎች ነገሮች እየተሻሻሉ ናቸው ብለውናል፡፡

የሀገር መከላከያ እና የፌዴራል ፖሊስ አባላት ፀጥታውን እየተቆጣጠሩት እንደሚገኙም ነግረውናል፡፡

ትምህርት ቤቶች እና የጤና ተቋማትም ተከፍተው አገልግሎት እየሰጡ እንደሚገኙ የነገሩን ምክትል ኮሚሽነሩ በስጋት ምክንያት ስራ ያልጀመሩ ትምህርት ቤቶችም ግን አሉ ብለዋል፡፡

የተፈጠረውን የፀጥታ ችግር ተከትሎ የሞቱ እና የቆሰሉ ሰዎችን አጠቃላይ ብዛት ለማወቅ ሪፖርቶች ከተለያዩ የክልሉ አካባቢዎች እየተሰበሰቡ እንደሆነ እና ሲጠቃለሉ እንደሚገለጹ አቶ ዶች ነግረውናል፡፡

በችግሩ ውስጥ የመንግስት አመራሮችም ተሳትፎ እንዳላቸው አረጋግጠናል ያሉት ኮሚሽነሩ በዚህ ተጠርጥረው በቁጥጥር ስር የዋሉ እንዳሉም አክለዋል፡፡

የሠላም ችግሩን ፈጠረዋል የተባሉ ታጣቂዎችን በቁጥጥር ስር ያዋሉ ስራ አሁንም መቀጠሉንም ምክትል ኮሚሽነሩ ነግረውናል፡፡

Sheger Fm

⚫ አሳዛኝ ዜና! 4 የቤተክርስቲያን አገልጋይ ወጣቶች በኤሌክትሪክ አደጋ ህይወታቸው አለፈ 🕯️

​ብፁዕ አቡነ ሳዊሮስ የሀዘን መግለጫ አስተላለፉ።
#ethiopia | ​በሸገር ሀገረ ስብከት በኮዬ ፈጬ ክፍለ ከተማ በፋንታ መድሃኔዓለም ደብር አገልጋይ የሆኑ 4 ወጣቶች በኤሌክትሪክ አደጋ ምክንያት ህይወታቸው ማለፉ ተሰማ።

​ለሐዋርያዊ አገልግሎት ጎንደር የሚገኙት የኢ/ኦ/ተ/ቤ/ክ መንበረ ፓትርያሪክ ጠቅላይ ጽሕፈት ቤት ዋና ሥራ አስኪያጅ ብፁዕ አቡነ ሳዊሮስ፤ በተፈጠረው አደጋ ጥልቅ ሀዘን እንደተሰማቸው ገልጸዋል።

​ብፁዕነታቸው በመልዕክታቸው፡-
"ወጣት ልጆቻችን ሕይወታቸውን እንዳጡ ስንሰማ ታላቅ ሐዘን ተሰምቶናል። ልዑል እግዚአብሔር ለወዳጅ ዘመዶቻቸው መጽናናትን እንዲሰጥልንና ነፍሳቸውንም ከአብርሃ፣ ከይስሐቅና ከያዕቆብ ጎን እንዲያኖርልን የዘወትር ጸሎታችን ነው።"

​ለቤተሰብ እና ለወዳጆች መጽናናትን እንመኛለን!
ነፍስ ይማር! 🙏

​#eotc #condolence #abunesawiros #sheger #sadnews #ethiopia

ud83dudd25 TONIGHT TONIGHT TONIGHT ud83dudd25
ud83dudd25 SATURDAY SATURDAY SATURDAY ud83dudd25
Music Revolution Live Music To The Next level Legendar Newaye Debebe Alongside. Wondemu..Meselu..Gezachw.. Petros Performing Live At The World Famous Club Revolution Door Open 7Pm Band Starts 10Pm Early Arrivals Strictly suggested Dress to impress For Reservation Call +251965687384 Sheger building 3rd Floor #livemusic #musicrevolution
https://t.me/MusicRevoluti...
u0040music_revolution_addis","delight_ranges":[],"image_ranges":[],"inline_style_ranges":[],"aggregated_ranges":[],"ranges":[{"entity":{"__typename":"ExternalUrl","__isEntity":"ExternalUrl","url":"https://l.facebook.com/l.p...
🔥 TONIGHT TONIGHT TONIGHT 🔥
🔥 SATURDAY SATURDAY SATURDAY 🔥
Music Revolution Live Music To The Next level Legendar Newaye Debebe Alongside. Wondemu..Meselu..Gezachw.. Petros Performing Live At The World Famous Club Revolution Door Open 7Pm Band Starts 10Pm Early Arrivals Strictly suggested Dress to impress For Reservation Call +251965687384 Sheger building 3rd Floor #livemusic #musicrevolution
https://t.me/MusicRevoluti...
music_revolution_addis

የፍትህ ሚኒስቴር "የሰው እና ሰነድ ማስረጃ ማቅረብ ባለመቻሉ፤ በማንነታቸው እና በፖለቲካ አቋማችው የታሰሩ ሰዎች ለከፍተኛ ሰብዓዊ ጉዳት " ተዳርገዋል ሲሉ የምክርቤት አባል ተናገሩ፡፡

ሚኒስቴር መስሪያ ቤት በበኩሉ በማንነቱ ሆነ በፖለቲካ አቋሙ የሚታሰርም ሆነ የታሰረ ሰው እንደሌለ ተናገሮ ግን እንድ ሰው የፖለቲካ ግቡን ለማሳካት በህገወጥ መንገድ የሚንቀሳቀስ ፖለቲከኛም ፣የመንግስት ሰራተኛም ሆነ የመንግስት ኃላፊ ላይ የህግ ተጠያቂነትን አረጋግጣለሁ ብሏል፡፡

ይህ ጉዳይ የተነሳው የፍትህ ሚኒስቴር ዛሬ በፓርላማ መደበኛ ስብሰባ ላይ ቀርቦ ከምክርቤት አባላት ለተነሱለት ጥያቄዎች የ25 ደቂቃ ምላሽ እና ማብራርያ ባቀረበበት ወቅት ነው፡፡

የምክርቤት አባሉ አበባው ደስአለው (ዶ/ር) የፍትህ ሚኒስቴር ዋነኛው ስራው ክስ በመመስረት ፣ክሱን ሂደት በመከታታል አፋጣኝ ፍትህ ለዜጎች ማደረስ መሆኑንን አስተውሰው "በማንነታቸው እና በፖለቲካ አመለካከታቸው ብቻ ከ2 ዓመት ከስድስት 6 ወር በላይ የታሰሩ የአማራ ፖለቲከኞች ፣ጋዜጠኖች ፣እንቂዎች እና የሃይማኖት አባቶች እናንተ የሚጠበቅባችሁን የሰነድ ፣የሰው ማስረጃ እና መስክር ማቅረብ ባለመቻላችሁ ለክፍተኛ ሰብዓዊ ጉዳት ተዳርገዋል" ሲሉ ተናግረዋል፡፡

የምክርቤት አባሉ"ማስረጃ እና ምስክር ማቅረብ ካልቻላችሁ የተሰጣችሁን ክስ የማቋረጥ ስልጣን መጠቀም ሲገባችሁ ዜጎች በፍትህ መጓደል የሚሰቃዩት አስከመቼ ነው?"ሲሉ ጠይቀዋል፡፡

"ከፖለቲካ ጫና ወጥታቹሁስ እውነተኛ ፍትህ የምታሰፍኑት መቼ ነው "በሚል ሌላ ጥያቄም አበባው ደስአለው (ዶ/ር)አክለዋል ፡፡

በማረሚያቤት የሚገኙ አስረኞች ላይ የሰብዓዊ መብት ጥሰት ሲያጋጥም ዳኞችም ፍርድ ሲሰጡ ፌደራል ማረሚያ ቤቶች ግን ይህን ትዕዛዝ ሲተገብሩ አይታይም ሲሉ የምክርቤት አባሉ ከስዋል፡፡

በስብዓዊ ተቋት እንደተረጋገጠው በአገሪቱ በተለያዩ ክፍሎች በተለይም በአማራ እና በኦሮሚያ ክልሎች ከፍተኛ የመብት ጥሰቶች መኖራቸውን የምክርቤት አባሉ ተናግረው ለዚህ የመብት ጥሰት ፍትህ እንዲረጋገጥ ተቋሙ ምን ሰራ ነው? የሚል ጥያቄ ጠይቀዋል፡፡

ለጥያቄዎቹ ምላሽ የሰጡት የፍትህ ሚኒስትሯ ወ/ሮ ሃና አርዕያ ስለሳሴ ናቸው፡፡

ሚኒስትሯ በማንነቱ አልያም በፖለቲካ አቋሙ ብቻ የከሰስነውም ሆነ ፍርድ ቤት ያቆምንው ሰው የለም ሲሉ ተናግረው "ግን አንድ ሰው የፖለቲካ ግቡን ለማሳካት በህገወጥ መንገድ የሚንቀሳቀስ ከሆነ ፖለቲከኛም ፣የምንግስት ሰራተኛም ሆነ የመንግስት ሃላፊ የህግ ተጠያቂነትን እናረጋግጣለን ሲሉ መልሰዋል፡፡

ህገ መንግስታዊ ስርዓቱን መጠበቅ ማለት ማንኛውም ሰው ከህግ በታች ነው ያሉት ሚኒስትር ወ/ሮ ሃና በህጉ በተቀመጡ ገደቦች ነው የትኛውም የፖለቲካ አጀንዳ ሊከናውን የሚችለው ሲሉ ተናግረዋል፡፡

ስለዚህም አሁንም "በክስ ሂደት ላይ ያሉ ጉዳዮቻችን በሙሉ ህገ መንግስቱን፣ ህገ መንግስታዊ ስርዓቱን ሌሎች ህጎችን ማስጠበቅ ላይ የተኮሩ ናቸው" ብለዋል ሚኒስትሯ፡፡

በአቃቢ ህግ በኩል ምስክሮችን እና ሰነዶችን ማቅረብ ላይ ችግር አለ የሚለውን ሲመልሱ ደግሞ እኛ መስክር ሳናቀርብ የተንጓተተ ሆነ የቀረ ጉዳይ የለም፤ ምስከሮችም ሰነዶችም ይቀርባሉ ሲሉ ወ/ሮ ሃና ተናግረዋል፡፡

ነገር ግን "መገንዘብ የለብን የሽብር እና ተመሳሳይ ውስብስብ የሆኑ ወንጀሎች ላይ ክርክሩ ረጀም ጊዜ የሚወስድ ነው ፡፡ጉዳይውም ውስብስብ ስለሆነና ብዙ መስክሮች ሰለሚጠራ ብዙ ሰነዶች የሚቀርቡበት እንዲሁም ደግሞ ከመጀመርያ ደረጃ መቃወሚያዎች ጀምሮ በየደረጃው እያንዳንዱ ጭብጥ ላይ ክርክር ተደርጎ ብይን የሚሰጥበት ስለሆነ ሂደቱ በራሱ የሚውስደው ጊዜ አለ"ሲሉ አስረድተዋል፡፡

ይህ ማላት ግን የወንጀል ምርመራ እና ክስ ሂደቱ ቅልጥፍና የምንፈልገው ደረጃ ነው ማለት እይደለም ሲሉ የፍትህ ሚኒስትሯ ወ/ሮ ሃና አርዕያ ስለሳሴ መልሰዋል፡፡

የውንጀል ተጠያቂነትን ማረጋገጥ ከባድ ስራ ስለሆነ ውሳኔውም አንድ ሰው ስለፈለገ ብቻ ማስወሰን እንደማይቻል አስረድተዋል ሚኒስትሯ፡፡

በግጭት ውስጥ የሚፈጸሙ ጥቃቶችን በተመለከተ ደግሞ መንግስት ችግሩን ለመፍታት ሁለት የመፍተሄ መላዎችን እየተከተለ እንደሆነ ሚኒስትር ሃና ጠቅሰዋል፡፡

በግጭት ወስጥ የመብት ጥስት እንደሚፈጸም ያስረዱት ሚኒስትሯ ግጭትን ለመስቆም እና ችግሮችን በዘላቂነት ለመፍታት የሀገራዊ ምክር በስራ ላይ ነው በግጭት አውድ ውስጥ ለተፈጸሙ የመብት ጥሰቶች ደግሞ በሽግግር ፍትህ ለመፍታት እየተሰራ ነው ብለዋል፡፡

ይህ እንዳለ ሆነ የመንግስት የጸጥታ አካላት ግጭት ባለባቸው አካባቢዎች የህግ የማስከበርስራን እየሰሩ እንደሆነ ጠቁመዋል፡፡

Sheger Fm

የዲጂታል ይዘት ፈጣሪዎችና የሶሻል ሚዲያ ነጋዴዎች ግብር ሊከፍሉ ነው! ታህሳስ 16 ቀን 2018 ዓ.ም

* ከዩቲዩብ (YouTube)፣
* ከቲክቶክ (TikTok) እና ከሌሎች የዲጂታል መድረኮች ገቢ የሚያገኙ ግለሰቦችም ሆኑ ተቋማት፣ ከሚያገኙት ገቢ ላይ ግብር እንዲከፍሉ የሚያስገድድ አሰራር እየተዘረጋ መሆኑ ተሰማ።

ባለፈው ዓመት በተሻሻለው የገቢ ግብር አዋጅ መሰረት፣ በኦንላይን ይዘቶችን በማምረት ገቢ የሚያገኙ አካላት በሙሉ፦

* በገቢዎች ቢሮ የመመዝገብ፣

* የግብር መለያ ቁጥር (TIN) የማውጣት ግዴታ ተጥሎባቸዋል።

የአዲስ አበባ ገቢዎች ቢሮ እንዳስታወቀው፣ ክፍያዎችን የሚያመቻቹ የኦንላይን መድረኮች ለእያንዳንዱ ይዘት ፈጣሪ የከፈሉትን ዓመታዊ ጠቅላላ ገቢ ለቢሮው ሪፖርት የማድረግ ኃላፊነት ይኖርባቸዋል።

ቢሮው ይህንን ስራ ከኢትዮ ቴሌኮም፣ ከንግድ ቢሮ እና ከፋይናንስ ደህንነት አገልግሎት ጋር በቅንጅት እንደሚሰራ ገልጿል።

የቢሮው የህዝብ ግንኙነት ባለሙያ አቶ ሰውነት አየለ እንደገለጹት፣ እስካሁን ከዚህ ዘርፍ የሚገኘው ግብር እዚህ ግባ የሚባል አይደለም። በመሆኑም የዲጂታል ይዘት ፈጣሪዎች ገቢያቸውን በፈቃደኝነት እንዲያሳውቁ ጥሪ የቀረበ ሲሆን፣ ይህ የማይሆን ከሆነ ግን ቢሮው ወደ ማስገደድ ስራ እንደሚገባ አስጠንቅቀዋል።

ቁጥጥሩ ይዘት ፈጣሪዎችን ብቻ ሳይሆን፣ የተለያዩ ምርቶችንና አገልግሎቶችን በማህበራዊ ሚዲያ (Facebook, Telegram ወዘተ) የሚያስተዋውቁና የሚሸጡ ነጋዴዎችንም የሚጨምር መሆኑ ታውቋል።

Via SHEGER FM 102.1 RADIO

seledadotio
seledadotio

በጋምቤላ ክልል የተከሰተው ግጭት ተጨማሪ ጉዳት እንዳያደረስ በቂ የጸጥታ አካል ''በአስቸኳይ'' እንዲሰማራ ኢሰመኮ ጠየቀ፡፡

የኢትዮጵያ ሰብዓዊ መብቶች ኮሚሽን(ኢሰመኮ) ይህን የጠየቀው በክልሉ የተከሰተውን ግጭት አስመልክቶ ባወጣው ጋዜጣዊ መግለጫ ነው፡፡

ኮሚሽኑ ከህዳር 28 ጀምሮ በጋምቤላ ከልል ኢታንግ ልዩ ወረዳ፣ በጋምቤላ ወረዳ፣ በጋምቤላ ከተማ እና በዙሪያው ባሉ አካባቢዎች የተፈጠረውን ግጭት ተከትሎ የተፈጸሙ የመብት ጥሰቶችን እየተከታተለ እንደሆነ አስረድቷል።

ኮሚሽኑ የጋምቤላ ከተማ ፖሊስ ጸህፈት ቤት አዛዥ የነበሩት ዋና ኢንስፔክተር ኡሙድ ኡጁሉ መገደልን ተከትሎ በአካባቢው የተኩስ ልውውጥ ሲካሄድ በመቆቱ የሰው ሕይወት እንዲጠፋ፣ አካል እንዲጎድለም ምክንያት ሆኗል ብሏል።

ኮሚሽኑ በመግለጫው የሰዓት ገበድ እላፊ ተጥሏል፤ የመንግስት ተቋማት እና የባንኮች አገልግሎትም ጨምሮ በርካታ አካላት አገልግሎቶች ጨመቋረጣቸውን ተረድቻለሁ ሲል ተናግሯል፡፡

በክልሉ በተለያዩ አካባቢዎች የተፈጠረውን ግጭትና የሰላም መደፍረስ በፍጥነት በማስቆም በሰዎች በሕይወት የመኖር፣ የአካል ደኅንነት፣ ከቦታ ቦታ የመዘዋወር፣ የንብረት፣ የሥራ እንዲሁም ሌሎች ሰብአዊ መብቶች ላይ ተጨማሪ ጥሰቶች እንዳይደርሱ ለመከላከል በቂ የጸጥታ አካላት በአስቸኳይ እንዲሰማሩ እንዲደረግ ኢሰመኮ አሳስቧል።

በጋምቤላ ክልል በተለያዩ ጊዜያት የሚፈጠሩ ግጭቶችን በዘላቂነት ለማስቆም፣ ተጠያቂነትን ለማረጋገጥ እና ወደፊት ተመሳሳይ የሰብአዊ መብቶች ጥሰቶች እንዳይከሰቱ ለመከላከል የፌዴራሉ እና የክልሉ መንግሥታት ተገቢ እርምጃዎችን ሊወስዱ ይገባል ብሏል ኢሰመኮ።

ኮሚሽኑ አጥፊዎች በህግ እንዲጠየቁም ጠይቋል፡፡

በተለይም በግጭቶችና ጥቃቶች ላይ ተሳታፊ የሆኑ ቡድኖች እና ግለሰቦች ላይ ተገቢውን የወንጀል ምርመራ በማድረግ ተጠያቂነት የማረጋገጥ ጥረቶችን የበለጠ አጠናክሮ መቀጠል እንዲሁም የክልሉ የጸጥታ ተቋማት ግጭቶችን ለመከላከል እና ለመቆጣጠር የሚያስችል ብቃት እንዲኖራቸው ማድረግ ይገባል ብሏል የኢትዮጵያ ሰብዓዊ መብቶች ኮሚሽን።

Sheger Fm

የኢትዮጵያ አየር መንገድ አመቺ ባልሆነ የአየር ፀባይ ምክንያት በረራዎች ለማቋረጥ በመገደዱን ተናገረ።

የኢትዮጵያ አየር መንገድ ባወጣው መግለጫ በተለያዩ የሀገራችን ክፍሎች ጭጋጋማ እና ለበረራ አመቺ ያልሆነ የአየር ፀባይ አጋጥሞኛል ብሏል።

የተሰበሰበ የሚቲዎሮሎጂ መረጃ ይህ የአየር ፀባይ ለተወሰኑ ቀናት የሚቀጥል መሆኑን አረጋግጧል ብሏል መግለጫው።

በዚህ ምክንያት ወደተወሰኑ የሀገሪቱ ክፍሎች የሚደረጉ በረራዎችን ለማቋረጥ በመገደዱን ተናግሯል።

የአየር ፀባዩ እስከሚስተካከል እና በረራዎችን መቀጠል እስከሚቻል ድረስ መንገደኞች እንዲታገሱ ጠይቋል።

አስቸኳይ ጉዞ ያለባቸው መንገደኞችም ሌላ የጉዞ አማራጭ ይጠቀሙ ብሏል።

አየር መንገዱ በአየር ፀባይ ምክንያት የተስተጓጎሉ በረራዎች ወደ መደበኛ አገልግሎታቸው እንደተመለሱ ለመንገደኞች አሳውቃለው ብሏል በመግለጫው።

በዚህ ምክንያት ለሚፈጠሩ መጉላላቶችም ይቅርታ ጠይቋል።

Sheger Fm