የቀዳማይ ልጅነት ጉባዔ በአዲስ አበባ መካሄድ ጀመረ
#ethiopia | ​አዲስ አበባ የሕፃናትን ሁለንተናዊ ዕድገት ለማረጋገጥ በነደፈችው ስልታዊ ፍኖተ ካርታ፣ በአህጉሪቱ አርአያ ሊሆን የሚችል ስኬት እያስመዘገበች መሆኑን ከንቲባ አዳነች አቤቤ ገለጹ።

​በመዲናዋ እየተካሄደ በሚገኘው ዓለም አቀፍ የቀዳማይ ልጅነት ጉባዔ ላይ የተገኙት ከንቲባዋ፣ ከተማ አስተዳደሩ ከስድስት ዓመት በታች ለሚገኙ 1.3 ሚሊዮን ሕፃናት ምቹ ሁኔታን በመፍጠር ላይ እንደሚገኝ ጠቁመዋል።

"ለሕፃናት ማሳደጊያ ምርጥ የአፍሪካ መዲና" የመሆን ራዕይ የሰነቀው ይህ ንቅናቄ፣ ዛሬ ላይ በቢሊዮን የሚቆጠር መዋዕለ ነዋይ የሚፈስበት ታላቅ ሀገራዊ አሻራ ሆኗል።

​የቤት ለቤት አገልግሎትን በተመለከተ ዝቅተኛ ገቢ ያላቸውን 330 ሺህ ተጋላጭ ቤተሰቦች ለመርዳት ከ5 ሺህ በላይ ባለሙያዎች በቋሚነት ተቀጥረው የምክር አገልግሎት እየሰጡ ይገኛሉ።

ቅድመ አንደኛ ደረጃ ተማሪዎች በቀን ሁለት ጊዜ የምገባ አገልግሎት፣ ነጻ ዩኒፎርምና የትምህርት ቁሳቁስ ተጠቃሚ ሆነዋል።

​-​የሕፃናት ማቆያ ማዕከላት፡ ከ11 ወደ 1,100 አድገዋል።

-​የመጫወቻ ቦታዎች፡ ከ20 ወደ 5,000 ከፍ ብለዋል።

​የአንደኛ ደረጃ ትምህርት ዝግጁነት ምጣኔ ከ49 በመቶ ወደ 90 በመቶ በመዝለል አስገራሚ መሻሻል አሳይቷል።

​ከንቲባዋ አክለውም፣ ይህ ግዙፍ የልማት ሥራ ከ7 ሺህ 700 በላይ ለሚሆኑ ሞግዚቶች የሥራ ዕድል መፍጠሩን ገልጸዋል።

"ለሕፃናት የምትመች ከተማ ለሁላችንም ትመቻለች" በሚለው መርሕ መሠረት፣ የፓርኮች፣ የወንዝ ዳርቻና የስፖርት መሠረተ ልማቶች መስፋፋት ከተማዋን ለነዋሪዎቿ ይበልጥ ተስማሚ እያደረጋት መሆኑን አስገንዝበዋል።

Getu Temesgen - (ጌጡ ተመስገን) #getutemesgen #getu
​#አዲስአበባ #የሕፃናትዕድገት #ኢትዮጵያ #የቀዳማይልጅነት #ልማት #adanechabiebie #addisababa #earlychildhooddevelopment