የመቅደሱ እንባ📍 ዘማሪ ዲያቆን ታዴዎስ ግርማ || አዲስ ወቅታዊ ዝማሬ

" target="_blank" class="inline-link">https://new-en.yenevibe.co...

ከሰባ ሁለቱ አርድእት አንዱና ቅዱስ ያዕቆብ የተባለው ሐዋርያ ወንድም ነው፡፡ አስቀድሞም ስሙ ታዴዎስ ይባል ነበር፡፡

ከጌታችን ከመድኃኒታችን ኢየሱስ ክርስቶስ ትንሣኤ በኋላ ያመነና በብዙ ሀገሮች የሰበከ ነው ሐዋርያው ቅዱስ ይሁዳ፡፡ በ65 ዓ.ም አካባቢ በእስያና በመካከለኛው ምሥራቅ የሚገኙ ክርስቲያኖች በግኖስቲክ ትምህርት ሳቢያ ግራ መጋባታቸውን በሰማ ጊዜ የሊቀ ነቢያት ሙሴ ገድል የተካተተበት መልእክት ጽፎ ልኮላቸዋል፡፡ ከሐዋርያት መልእክቶች ሰባተኛ የሆነችና ምሥጢርን የተመላችው መልዕክቱ ቅዱሳን ሐዋርያት ለአዋልድ መጽሐፍት የሚሰጡትን ክብር አሳይታለች፡፡ በመልዕክቱ ብዙዎች አረማውያንን በክርስቶስ ወደ ማመን ሲመልሳቸው፣ መጽሐፈ ሄኖክንም በመጥቀሱ ደግሞ የመጽሐፍ ቅዱስ ቁጥር ከ66 በላይ መሆኑን አሳይቷል፡፡

የሐዋርያው ቅዱስ ይሁዳ መልእክት “…ወዳጆች ሆይ፣ ስለምንካፈለው ስለ መዳናችን ልጽፍላችሁ እጅግ ተግቼ ሳለሁ ለቅዱሳን አንድ ጊዜ ፈጽሞ ስለ ተሰጠ ሃይማኖት እንድትጋደሉ እየመከርኋችሁ እጽፍላችሁ ዘንድ ግድ ሆነብኝ።” በማለት ይጀምራል፡፡ ብሉይ ኪዳንን እያጣቀሰም ትእቢተኞችና ሴሰኞች አምላካቸውን እንደሚክዱ ይገልጻል፡፡ ዋነኛ መገለጫቸው የሆነውን ሲነግረን “እነዚህ ሰዎች ደግሞ እያለሙ ሥጋቸውን ያረክሳሉ፤ ጌትነትንም ይጥላሉ፤ ሥልጣን ያላቸውንም ይሳደባሉ። የመላእክት አለቃ ሚካኤል ግን ከዲያብሎስ ጋር በተከራከረ ጊዜ ስለ ሙሴ ሥጋ ሲነጋገር ጌታ ይገሥጽህ አለው እንጂ የስድብን ፍርድ ሊናገረው አልደፈረም፤” ይለናል፡፡

አያይዞም በቅዱሳን ሐዋርያት አስቀድሞ የተነገረውን ማሰብ እንደሚገባ፣ ቅዱሳንን የሚሳደቡትና ስለ ጥቅም ብለው ሃይማኖት የሚክዱት እንደሚጠፉ በብሉይ ኪዳን ተገልጾ የማናገኘውን ታሪክ በማጣቀስ ይነግረናል፡፡ ክርስቲያኖችም አኗኗራችን ምን መምሰል እንዳለበትም “እናንተ ግን ወዳጆች ሆይ፥ ከሁሉ ይልቅ በተቀደሰ ሃይማኖታችሁ ራሳችሁን ለማነጽ እየተጋችሁ፣ በመንፈስ ቅዱስም እየጸለያችሁ፣ ወደ ዘላለም ሕይወት የሚወስደውን የጌታችንን የኢየሱስ ክርስቶስን ምሕረት ስትጠባበቁ በእግዚአብሔር ፍቅር ራሳችሁን ጠብቁ።” በማለት የቀናውን መንገድ ያስተምራል፡፡ ገዳማውያን የሕይወት መመሪያ አድርገውት የሚኖሩት ይህንን የሐዋርያቱን ቃል ነው፡፡ ገዳማቸውን እንደግፍ በዓታቸውን እናጽና፡፡

ድጋፍ ለማድረግ፦ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

የገዳሙ ስልክ ቁጥር:-0918077957 ወይም 0938644444

ከኢራን የሚሳኤል መአት የተረፈችዉ ኦማን !

/የመካከለኛው ምስራቅ ስዊዘርላንድ/

በታዴ የማመይ ልጅ
#ethiopia | ኢራን ዛሬ ጠዋት የአፀፋ ምላሽ ነዉ ባለችዉ የሮኬት ጥቃቶቿ የአሜሪካን ወታደራዊ ተቋማት አሉባቸዉ እንዲሁም ለዋሽንግተን ስስ ልዝ አላቸዉ ያለቻቸውን የአረብ ባህረ ሰላጤ ሀገራትን ሰማይ በሚሳኤል ፈትናዋለች ።

በአንድ ሰዓት ጊዜ ውስጥ የኢራን ባላስቲክ ሚሳኤሎች በዶሃ፣ ኳታር፣ አቡ ዳቢ፣ የተባበሩት አረብ ኤምሬትስ፣ ማናማ፣ ባህሬን፣ ኩዌት ሲቲ፣ ኩዌት፣ አማን፣ ጆርዳን እና ሪያድ፣ ሳውዲ አረቢያ የደበደበችው ቴህራን ምሽትም ላይ ማጥቃት እንደምትቀጥል ዝታለች ።

በዚህ ቀጠና ከኢራን ሮኬቶችን ያመለጠች ብቸኛ የአረብ ባህረ ሰላጤ ሀገር አለች ኦማን ።

ኦማን ብዙውን ጊዜ 'የመካከለኛው ምስራቅ ስዊዘርላንድ' ተብላ የምትጠራ ሲሆን፣የጂሲሲ አካል ብትሆንም ገለልተኛ የውጭ ፖሊሲን ጠብቃ ጠንካራ የፀረ-ኢራን አቋም ከመያዝ ትታወቃለች ።

ባለሙያዎች እንደሚሉት የኦማን ከኢራን ጋር ያለው ልዩ ግንኙነት፣ በዲፕሎማሲ፣ በስትራቴጂካዊ ትብብር እና በገለልተኝነት ለአስርተ ዓመታት የተገነባው፣ አገሪቱ ለምን ኢላማ እንዳልተደረገች ያብራራል።

በኢራን እና በኦማን መካከል ያለው ግንኙነት የተጀመረው በ1970ዎቹ መጀመሪያ ላይ ነው። በኦማን በዶፋር ዓመፅ ወቅት፣ የኢራን ሻህ የማርክሲስት አማፅያንን በማሸነፍ ሱልጣን ቃቡስ ቢን ሰኢድን ለመደገፍ በሺዎች የሚቆጠሩ ወታደሮችን ልኳል። ይህ ትብብር በሙስካት እና በቴህራን መካከል ለረጅም ጊዜ የቆየ የደህንነት አጋርነት መሰረት ጥሏል።

በኢራን በ1979 የእስልምና አብዮት ከተከሰተ በኋላም ብዙ የባህረ ሰላጤ ንጉሣዊ መንግሥታት አዲሱን የኢራን አገዛዝ ሲፈሩ፣ ኦማን ከቴህራን ጋር ያላትን ዲፕሎማሲያዊ ግንኙነት ቀጠለች። ከጊዜ በኋላ ይህ በጋራ መተማመን እና በመከባበር ላይ የተመሰረተ ግንኙነት ፈጥሯል።

ሀገሪቱ ጣልቃ ገብነት የሌለውን አካሄድ ትመርጣለች እና ከምዕራባውያን አገሮች እና ከኢራን ጋር ያላትን ግንኙነት ትጠብቃለች። ይህ የዲፕሎማሲ ሚዛን ኦማን በብዙ የክልል ግጭቶች ወቅት ገለልተኛ እንድትሆን አስችሏታል።

በኢራን እና በምዕራቡ ዓለም መካከል ቁልፍ አስታራቂ

ኦማን በክልላዊ ውጥረቶች ውስጥ ጸጥተኛ አስታራቂ ሚና ተጫውታለች። በኢራን እና በዩናይትድ ስቴትስ መካከል ሚስጥራዊ ድርድሮችን አስተናግዳለች፣ከፍተኛ ውጥረት በነበረባቸው ጊዜያት እንኳን፣ ሙስካት በቴህራን እና በዋሽንግተን መካከል የመገናኛ መስመሮችን ክፍት አድርጋለች። ይህ የዲፕሎማሲ ድልድይ ሚና ኦማንን ለኢራን ጠቃሚ ያደርገዋል።

ስትራቴጂካዊ እና ኢኮኖሚያዊ ጥቅሞች

ጂኦግራፊ በግንኙነቱ ውስጥም ትልቅ ሚና ይጫወታል። ኦማን እና ኢራን የሆርሙዝ የባህር ወሽመጥን በጋራ ይቆጣጠራሉ፣ ይህም በዓለም ላይ ካሉት በጣም አስፈላጊ የነዳጅ ማጓጓዣ መንገዶች አንዱ ነው። በዚህ አካባቢ መረጋጋት ለሁለቱም አገሮች ወሳኝ ነው፣ ይህም በባህር ደህንነት ላይ ትብብርን ያበረታታል።

ኢኮኖሚያዊ ግንኙነቶች ግንኙነቱን የበለጠ ያጠናክራሉ። እንደ የታቀደው የኢራን-ኦማን የጋዝ ቧንቧ መስመር ያሉ ዕቅዶች ኦማንን የኢራን የጋዝ ኤክስፖርት ማዕከል ለማድረግ ያለሙ ሲሆን ኢራን ማዕቀቦችን ቢያገኝም ወደ ዓለም አቀፍ ገበያዎች አስፈላጊ መንገድ እንድትሆን ያደርጋሉ። ንግድ፣ ቱሪዝም እና የመርከብ ግንኙነቶች ሽርክናውን ይደግፋሉ።

ኢራን ከሌሎች የባህረ ሰላጤ አገሮች ጋር ያላት ውጥረት ብዙውን ጊዜ ቀጥተኛ ጦርነትን ሳይሆን የተኪ ቡድኖችን፣ የባህር አደጋዎችን ወይም የፖለቲካ ጫናዎችን ያካትታል። በርካታ የባህረ ሰላጤ አገሮች ትላልቅ የአሜሪካ ወታደራዊ ማዕከሎችን ያስተናግዳሉ እና የኢራንን የክልል ተቀናቃኞች ይደግፋሉ፣ ይህም ለግጭት አስተዋጽኦ አድርጓል።

ሆኖም ግን ኦማን በአብዛኛው ከእነዚህ ፉክክርዎች ውስጥ አልፋለች። በጥንቃቄ የተመጣጠነ ዲፕሎማሲ እና ገለልተኛ አቋሟ በክልላዊ ግጭቶች ወቅት ኢላማ እንዳትሆን ረድቷታል።

ለረጅም ጊዜ የዘለቀ የገለልተኝነት ፖሊሲ

የኦማን የውጭ ጉዳይ ፖሊሲ በተከታታይ በውይይት እና በሰላም አብሮ መኖር ላይ ያተኮረ ነው። የቀድሞው ገዥ ሱልጣን ቃቡስ ቢን ሰይድ በአንድ ወቅት የአገሪቱን አካሄድ ኦማን “በትክክለኛነት፣ በፍትህ፣ በወዳጅነት እና በሰላም” ጎን እንደምትቆም በመግለጽ በአገሮች መካከል ትብብርን እንደምታበረታታ ተናግረዋል።

ለአስርተ ዓመታት፣ ይህ የገለልተኝነት ፖሊሲ ኦማን በተቀናቃኝ ቡድኖች መካከል የተረጋጋ ግንኙነት እንድትጠብቅ አስችሏታል - ይህ ስትራቴጂ በባህረ ሰላጤው የቅርብ ጊዜ ውጥረቶች ወቅት እንኳን ጥበቃ ያደረገለት ይመስላል።

ይህ በጥበብ የመንቀሳቀስ ችሎታም ኦማን በየመን የእርስ በርስ ጦርነት ወቅት በሳዑዲ አረቢያ እና የሁቲ አማጽያን መካከል የተደረገውን ድርድር የመሳሰሉ ሌሎች አስቸጋሪ ሁኔታዎችን እንድታስተናግድ አስችሎታል።

ኦማን የአመቻችነት ሚናዋን በክልል ግጭቶች ብቻ አይገድበውም። ሱልጣኔቱ በዓለም አቀፍ ደረጃ በሌሎች የሰላም ሂደቶች ውስጥ ተሳትፏል። ለምሳሌ ሙስካት በዩናይትድ ስቴትስ እና በሰሜን ኮሪያ መካከል በሚደረጉ ውይይቶች እና በአፍሪካ ውስጥ በተለያዩ ግጭቶች መካከል በሚደረጉ ውይይቶች ላይ ድጋፍ ሰጥቷል. ይህ ለአለም አቀፍ ሰላም የበኩሉን አስተዋፅኦ የማድረግ ፍላጎት የኦማንን የረዥም ጊዜ ራዕይ የሚያንፀባርቅ ሲሆን ይህም በቀጣናዊ ብቻ ሳይሆን በአለም አቀፍ ደረጃም የመረጋጋት አራማጅ ያደርጋታል።

“እሸቱን ከወዴት አገኘኸው?”

ጌታችን ከሐዋርያት አስቀድሞ ይህን ቅዱስ ታዴዎስን እንደ መረጠው መጽሐፈ ስንክሳር ይናገራል፡፡ እርሱም በየአገሩ እየተዘዋወረ ወንጌልን በመስበክ ከአይሁድና ከአረማውያን ወገን ብዙዎችን ወደ ክርስትና መልሶ አጥምቋል፡፡ በማቴ. 10÷3 እንደተጻፈው አባቱ እልፍዮስ ይባላል፡፡ በሉቃስ 6÷16 ደግሞ ሐዋርያው “ታዴዎስ ልብድዮስ”፣ “የያዕቆብ ልጅ ይሁዳ” ተብሎም ሲጠራ እናያለን፡፡ አንድ ቀን ወደ ሀገረ ስብከቱ ወደ ሦርያ ለስብከተ ወንጌል ሲሔድ ጌታችን በጐልማሳ አምሳል ተገልጦ “ወዳጄ ታዴዎስ ሆይ፣ እኔ ከአንተ ጋር ነኝና አትፍራ” ብሎ ሰላምታ ሰጥቶት ወደ ሰማይ ዐረገ፡፡ ሊቀ ሐዋርያት ቅዱስ ጴጥሮስም እንደ አባትነቱ ወደ ሦርያ አብሮት ሔደ፡፡

ከከተማዋ አጠገብ ሲደርሱም አንድ ሽማግሌ በሮችን ጠምደው ሲያርሱ አገኙ፡፡ ቅዱስ ጴጥሮስም ሽማግሌውን ምግብ ለመናቸው፡፡ ሽማግሌው እስኪመለሱ ቅዱስ ጴጥሮስ ሠላሳ ትልም አረሰ ቅዱስ ታዴዎስም በዚያ የነበረውን የሥንዴ ዘራበት፡፡ የተዘራውም ወዲያዉኑ በቅሎ፣ አድጎ፣ እሸት ኾነ፡፡ ሽማግሌው ምግብ ይዘው ከቤታቸው ሲመለሱም ሐዋርያት ያደረጉትን ተአምር አይተው ደነገጡ፡፡ ከእግራቸው ሥር ወድቀውም “እናንተ ከሰማይ የወረዳችሁ አማልክት ናችሁን?” አሏቸው፡፡ ሽማግሌውም የሥንዴውን እሸት ይዘው፣ በሬዎቻቸውን እየነዱ ወደ ከተማ ሔዱ፡፡

ሰዎችም ወቅቱ የእርሻ እንጂ የእሸት ጊዜ ስላልነበረ እየተገረሙ “እሸቱን ከወዴት አገኘኸው?” አሏቸው፣ ጉዳዩን ሲያውቁም ከሀገሪቱ ሹማምንትጋር በብዙ አሰቃዩዋቸው፡፡ ቅዱስ ታዴዎስም መጥቶ አስተማራቸው፡፡ በርካቶችም ተጠመቁ፡፡ አንድ ባለጸጋም በእምነት ፈተነው እርሱም ጌታችን እንደተናገረ ግመል በመርፌ ቀዳዳ ስትሾልክ አሳየው፡፡ ሐዋርያው ቅዱስ ታዴዎስ ወንጌልን በየአገሩ እየተዘዋወረ ሲሰብክ ቆይቶ አገልግሎቱን ፈጽሞ ሐምሌ 2 ቀን ዐርፏል፡፡

በብዙ ስጋዊ መከራ ውስጥ የሚያልፉ ቅዱሳን ገዳማውያንም የሐዋርያትን ፈለግ ተከትለው ዓለምን ንቀዋል፡፡ በዓታቸውን እናጽና ገዳማቸውንም እንደግፍ፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

በኢራን የቅድስት ድንግል ማርያም ክብር ተገለጠ !
#ethiopia | የኢራን መንግሥት በቴህራን የሚገኘዉን ዋናዉን የምድር ውስጥ የባቡር መስመር 6 የሚገኘውን አዲሱን የሜትሮ ጣቢያ “የቅድስት ማርያም ሜትሮ ጣቢያ።” ስትል ሰየመችው ።

ከክርስቶስ ልደት በኋላ 66 አመተምህረት ከክርስቶስ አስራሁለቱ ሃዋርያት አንዱ የሆነዉ ሀዋርያ ታዴዮስ ክርስትናን በተሰበከችዉና
ዛሬ ላይ የሙስሊም አብላጫ ቁጥር ባለባት ሀገር ውስጥ፣ እንደዚህ አይነት ክርስትያናዊ ሥነ ሕንፃ የተላበሰው እና በሃይማኖታዊ እና በባህላዊ ተምሳሌትነት አጉልቶ የሚያሳይ
ጎዳና መሰየሟ የህዝብን ትኩረት ከመሳቡ ባሻገር ለብዙ የምዕራባውያን ታዛቢዎች ያልተጠበቀ ተብሏል ።

የዚህ ጣቢያ ግድግዳዎች በቅድስት ማርያም እና በኢየሱስ ክርስቶስ (ሰላም በእሱ ላይ ይሁን) ምስሎች ያጌጡ ሲሆኑ በኢራን ሃይማኖታዊ ጥበብ ተመስጦ የተሰሩ ዲዛይኖች፣ በአብርሃም ሃይማኖቶች ተከታዮች መካከል የጋራ መከባበርን ያመለክታሉ።

በአርመኖች ዋና ከተማ ውስጥ ካሉት በጣም ውክልና ካላቸው የክርስቲያን ቤተመቅደሶች አንዱ በሆነው በሳርኪስ ካቴድራል አቅራቢያ የሚገኘው ጣቢያው በክርስቲያኖችም ሆነ በሺዓ ሙስሊሞች ዘንድ ለለከበረችው ለድንግል ማርያም ክብር ሲባል "ቅድስት ድንግል ማርያም" (ሃዝራት ማርያም ሞጋዳስ) ተብሎ መሰየሙም ተገልጿል ።

የኢራን ክርስቲያንኖች ይህ ጣቢያ በመከፈቱ ደስታቸውን እየገለፁ ሲሆን

በቴህራን የምትኖር ናዛኒን የተባለች ክርስቲያን ልጃገረድ በኢንስታግራም ላይ እንዲህ ስትል ጽፋለች፡- “በየቀኑ በዚህ መንገድ አልፋለሁ። የቅድስት ማርያምን ምስል በቴህራን ሜትሮ መሃል ላይ ስትመለከቱ በጣም ጥሩ ስሜት ይሰማኛል። በእውነት የኩራት ምንጭ ነው።”

በኢስፋሃን የምትኖር ክርስቲያን ልጃገረድ ፓሪሳ በኤክስ ላይ እንዲህ ስትል ጽፋለች፡- “ይህ ጣቢያ ግልጽ መልእክት ይዟል፡- ኢራን ለሙስሊሞች ብቻ ሳይሆን ራሳቸውን ኢራናውያን አድርገው ለሚቆጥሩ የሃይማኖት ተከታዮች ሁሉ አገር ናት።” ብላለች።

ይህ ጣቢያ የቴህራን የምድር ውስጥ ባቡር መስመር 6 25ኛ ጣቢያ ሲሆን በካሪም ካን ዛንድ ጎዳና እና በኦስታድ ነጃቶላሂ ጎዳና መገናኛ ላይ፣ በሴንት ሳርኪስ ካቴድራል አቅራቢያ ይገኛል።

የምዕራብ እስያ የዜና ኤጀንሲ ስለ ጣቢያው እንዲህ ሲል ዘግቧል ።
ኢራን፣ የተለያዩ ሃይማኖቶች ምድር
“የቅድስት ድንግል ማርያም ጣቢያ” በተመረቀበት ወቅት፣ ኢራን እንደገና የሃይማኖቶች መካከል የሚደረግ ውይይት መፈክር ብቻ ሳይሆን የአገሪቱ ታሪካዊ ማንነት አካል መሆኑን አሳይታለች።

ከአካይመኒድ ዘመን ጀምሮ እስከ ዛሬ ድረስ፣ አብሮ የመኖር እና የሌሎችን እምነት የማክበር መንፈስ በኢራን ባህል ውስጥ ተሸፍኗል - ይህ ባህል በቴህራን የምድር ውስጥ ባቡር ውስጥ እንኳን በውበት እና በመረጋጋት እራሱን ያሳያል። በማለት አስነብቧል ።

የኢራን የመንግስት ሚዲያዎች ስያሜውን የባህል አብሮ የመኖር ምልክት አድርገው ገልጸውታል፣ የኢራን፣ መንግሥት እንደ ክርስቲያኖች፣ አይሁዶች እና ዞራስትሪያኖች ላሉ ታሪካዊ የሃይማኖት አናሳዎች የአምልኮ ነፃነትን እውቅና ይሰጣል ። የዚህ ጣቢያ ምረቃ ለድንግል ማርያም የጋራ ፍቅርን ያሳያል
ብለዋል ።

ብዙ ተጠቃሚዎች እርምጃውን “ያልተጠበቀ” ግን “አዎንታዊ” ሲሉ ተቀብለውታል ።

ከአናቶሊያ እስከ ኢንደስ ወንዝ ከካውካሰስ እስከ ፋርስ ባህረ ሰላጤ ድረስ የተዘረጋችዉ ከክርስቶስ ልደት በፊት ሺህ ዓመታት የሚመዘዝ ታሪክ ባለቤቷ ፋርስ ክርስትናን ቀድመዉ ከተቀበሉ ሀገራት መካከል አንዷ ስትሆን ዛሬ ላይ የምንጠቀምበትን ሂሳብ ማስላት ለአለም አስተምራለች ጃላለዲን ሩሚ እና ኦማር ካያምን የሚያህሉ ግዙፍ ገጣሚዎችን በስነህንፃ፣ በፍልስፍና፣ በሕክምና የተራቀቁ ልጆች ያሏት ፋርስ ።

600 የሚጠጉ አብያተ ክርስቲያናት መገኛ ስትሆን 90 ያህሉ በብሔራዊ የሀገር ኩራት ቅርስ ዝርዝር ውስጥ ሦስት ገዳማትን ደግሞ በዓለም ቅርስነት በዩኔስኮ አስመዝግባለች ።

ታዴ የማመይ ልጅ

አብያተ ክርስቲያናት እና የተቋቋሙት ሃይማኖት የታሪክ ዋና አካል ናቸው።
#ethiopia | በመላው ሀገሪቱ፣ አብያተ ክርስቲያናት ለአምልኮ፣ ለትምህርት ቤቶች፣ ለሀገር ታሪክ ዘብ የአንድነት ምሰሶ፣ እና ለማህበራዊ ዝግጅቶች የመሰብሰቢያ ቦታዎች ሆነው አገልግለዋል።

የጆርጂያ ኦርቶዶክስ አብያተ ክርስቲያናት
የጆርጂያ ክርስትያኖች በሥላሴ ያምናሉ እናም የኢየሱስን ትስጉት ሙሉ በሙሉ አምላክ እና ከድንግል የተወለደ ሙሉ በሙሉ ሰው እንደሆነ ያረጋግጣሉ።

ጥምቀት አንድ ሰው ከክርስቶስ ጋር የሚዋሃድበት እና እንደገና የሚወለድበት መንገድ እንደሆነ ያምናሉ፤ በጽሑፍ ግን ሮሜ 6:1-6ን እንደ ክርስቶስ ሞትና ትንሣኤ በውሃ ጥምቀት እንደሚያገኙ ይጠቀማሉ።

መናዘዝ ወደ ንስሐ ስለሚመራ እና አማኙ ይቅር መባሉን ስለሚያረጋግጥ አስፈላጊ ልምምድ ነው። ሰማዕታት ፃድቃን ልዩ ክብር ይሰጣቸዋል ።

ለቅዱስ ጊዮርጊስ ያላቸው ፍቅር ይለያል !
ስለሚታመን በጆርጂያ በልዩ ሁኔታ ይከበራል፣ እና በአገሪቱ ታሪክ ውስጥ ቁልፍ በሆኑ ጦርነቶች ከጆርጂያ ወታደሮች ጋር እንደታየ እና እንደተጋደለ ይነገራል።

አብዛኛዎቹ የጆርጂያ አብያተ ክርስቲያናት ለክብሩ የተገነቡ ሲሆን በዚህም ምክንያት በየቀኑ በጆርጂያ ውስጥ የታላቁ ሰማዕት ጆርጅ በዓል ይከበራል።

በየአመቱ በብሄራዊ ደረጃ በጆርጂያ የሚከበረው ይህ በዓል ቅዱስ ጊዮርጊስ ለሮማውያን አማልክት መስዋዕት ለማቅረብ ፈቃደኛ ባለመሆኑ የደረሰበትን ስቃይ ያስታውሳል። ቀኑ 'የታላቁ ሰማዕት ቅዱስ ጊዮርጊስ መንኮራኩር መሰበር' በመባልም ይታወቃል ።

የቅዱስ ጊዮርጊስ ቀን በጆርጂያ (ጊዮርጊባ በመባልም ይታወቃል) የጆርጂያ ጠባቂ የሆነውን የቅዱስ ጊዮርጊስን ሰማዕትነት ለማክበር የሚከበር የሕዝብ በዓል ነው።

ለቅዱስ ጊዮርጊስ ልዩ አክብሮትና መዉደድ አላት ። በዚህም በመላ ሀገሪቱ ቢያንስ 365 የሚደርሱ ኦርቶዶክሳዊ አብያተ ክርስቲያናት በቅዱስ ጊዮርጊስ ስም ሰይማለች ።

ዛሬም በጆርጂያ በቅዱስ ጆርጅ ቀን፣ በእያንዳንዱ ቤተክርስቲያን ውስጥ ደወሎች ይደውላሉ እና ቄሶች የቅዱሱን ሞገስ ለማግኘት ልዩ ሥነ ሥርዓቶችን ያካሂዳሉ ይዘመራል ከቤተሰብ እና ከጓደኞች ጋር በግብዣ፣ በጭፈራ እና በባህላዊ ዘፈኖች ይደምቃል።

ከአንድ ትውልድ ወደ ትውልድ የሚተላለፉበት እና የቤተክርስቲያኗን አንድነት ከአንድ ትውልድ ወደ ትውልድ መጠበቅ ብሄራዊ ግዴታችን ነዉ ብለዉ የሚያምኑት ጆርጂያዉያን አብያተ ክርስቲያናት ሁልጊዜ የጆርጂያ ታሪክ እና ባህል ዋና አካል አድርገው ይመለከቷቸዋል ።

ታዴ የማመይ ልጅ

ለአለም ስልጣኔ ያስተማረችዉ ሀገር !

" ዛን ዜንዲጊ አዛዲ ሴት ህይወት ነፃነት "/ኢራናውያን /

በሰዉ ልጆች ታሪክ ለመጀመሪያ ጊዜ ሆስፒታል ገንብታ ማከም የጀመረች ።
#ethiopia | በአልጀህብራን ቀመር ሂሳብ አስልታ ለአለም ያስተማረች ። ኬሚካል በማዋሀድ የጥበብ የተራቀቀች ። በአርክቴክቸር ሳይንስና ዲፕሎማሲ በመካከለኛው ምስራቅ አሀዱ ያለች ።በጠቢባን ልጆቿ በቀጠናው ለመጀመሪያ ጊዜ ድሮን አምርታ ለገበያ ያቀረበች የሴቶችን የመማር ነፃነት በመስጠት 70 % ሴቶች በዲግሪ ደረጃ ያስመረቀች ። ሴቶችን ማስተማር እንብዛም ባልሆነበት ቀጠኒ 25% የሀገሪቱን የኒኩሊየር ሳይንቲስቶች ለሴት ልጆቿ የሰጠች ።በፕላኔታችን በምዕራባውያን ማዕቀብ ብዛት ቀዳሚ የሆነች የአለም ፖለቲካ የወሬ ማጣፈጫ ሀገረ ኢራን ።

እነሆ በዛሬው አለምን እንወቅ ዝግጂታችን ወገንተኛዉ የአዉሮጳዉያን ሚዲያዎች ክፉዋን ብቻ እየጠቀሱ የሚነግሩን ጥንታዊቷን ኢራንን ልንጎበኝ ወድደናል ።

አብራችሁን ስትዘልቁ ቀደምት ኢትዮጵያዊን ሀበሾች መኖርያ የሆነችዉን በባህል ከእኛ ጋር የምትመሳሰለዉን ከእግር እስከ እራሷ እየቃኘን ስለሀገሪቱ ሰምታችሁት የማታዉቁትን ታሪክ እንነግራችኋለንና ከፓለቲካ ምልከታ ገለል ብላችሁ ሌላ ገፅታዋን ለማየት አብራችሁን ዝለቁ ።

መቼም እኛ ኢትዮጵያዊያን ከምንታወቅበት አንዱ መግደርደርና እንብላ እንጠጣ የሚል ሰወኛ ግብዣችን ነዉ ታዲያ ይህ ባህል በእኛ ብቻ አይደለም ኢራንም ዉስጥ ወላ በሬስቶራን ወይም በካፌ እንብላ እንጠጣ መባባል ። እየፈለጉም ቢሆን መግደርደርን ከእነ ሙሉ ክብሩ እናገኘዋለን ።

ደግሞ ሌላ መቼም እንግዳ በቤት ለማስተናገድ ቡና ማፍላት የተለመደ ነዉ እነሱም ታሮፍ በሚሉት የእኛን መሰል ባህል ሻይ አፍልተዉ እግር አጥበው አልጋ ለቀው ያስተናግዳሉ ።

እንደ ታሪክ አዋቂዎች ከሆነ በኢራን ከሚገኙ በርካታ ዝርያዎች መካከል በደቡባዊ ኢራን ሆርሙዝጋን ግዛት የሚኖሩት ከ4 ክፍለዘመን ጀምሮ በሀገሪቱ ሁለንተናዊ ጉዳይ የሚሳተፉ መነሻቸው ከኢትዮጵያ እንደሆነ የሚነገርላቸው በአሴርያዉያን ስርዎ መንግስት ጎልተዉ የነበሩ ከሀበሻ የሄዱ አፍሮ ኢራናውያን አስተምረዋቸዉ ይሆናል ።

ወጋችን ከተገረምኩበት ጉዳይ ልሰልስ
ከሰሞኑ አንዳንዶቹ የኢራንን 1 ዶላር በሚሊዮን ተመነዘረ የሚል የገንዘብ ጉዳይ አንስተው ሙድ ለመያዝ ሲሞክሩ አይቻለሁ ። በእርግጥ ማዕቀቡ ጉዳት ቢኖረውም የኢራን የገንዘብ ቁጥር የሚጀምረው ከአምስት ሽህ ሪያል ነዉ ማለትም የእኛ አስር ሳንቲም እንደማለት ። ለማንኛውም ኢራን የብር ኖቶ በቁጥር ሲሰማ ቢያስደነግጥም የ ሁለት ሚሊዮን ድረስ ኖቶች አሉ ።

ከአሜሪካ ጋር በገባችበት እሰጣ ገባ ያልተጣለባት የማዕቀብ ናዳ የለም ። ምናልባት ሀገሪቱ ኢራን ባትሆን ኑሮ የማዕቀቦቹን ናዳ የሚሸከም ጫንቃ ሊኖራት አይችልም ።

ይህ ማዕቀብ ያላጎበጣት ኢራን ምንም ጥሬ እቃ ከዉጭ ማስገባት ባትችልም 50 ዶላር ባልሞላ ወጭ ተምዘግዛጊ ሰዉ አልባ ድሮኖች ። ሰማይ ሰንጣቂ ሚሳኤሎች ቀላልና ከባድ መሳርያዎች ተሻግራ 60% የተብላላ ኒኩሊየር ባለቤት መሆን ችላለች ።

የአያቶላሆቹ በራስ መቆም ምሳሌዎች ናቸዉ ። ዘጠና ከመቶ የመኪናውን ክፍል በራሷ የምትሰራቸዉ የጭነት የትራንስፖርት ሞተርና የግል "ኢራን ኮድሮ" ሳይፓ "ፋርስ ኮድሮ " የመኪና ብራንዶችን በአመት 1 ሚሊዮን መኪኖች አምርታ ትሸጣለች ።

ሀገሪቱ ትላንቷን አጥብቃ ትወዳለች ። ዋና ከተማዋ ታሪክን ከባህል ዘመናዊነትን ከፓለቲካ ጋር ያጣመረች ከተማ ናት ። ከእነዚህም መካከል የከተማዋ እንብርትና የሀገሪቱ የእርቀት ስሌት ዜሮ ዜሮ ተብሎ የሚጀመርበት የፋርስን ስልጣኔ ለማስታወስ የተገነባው አዛዲ ታወር የአለማችን ስድስተኛው ረጂሙ ታወር ሚላት ታወር ጨምሮ ማንነቷን ገላጭ አርክቴክቸር ዉጤቶች ። ከ400 አመታት በላይ እድሜ ያለዉ የግራንድ ባዛር ዛሬም በድምቀት የፋርስ ምንጣፎችን የሀገር በቀል ምርቶች ይሸጡበታል ።

ከ60 በላይ ዩንቨርስቲዎች መገኛ የሆነችው ቴህራን በመካከለኛው ምስራቅ ትልቅ እንደሆነ የሚነገርለት ሜትሮ ዘመናዊ ትራንስፖርት በከረሜላ መግዣ ዋጋ ለህዝብ አገልግሎት ይሰጣል ።

የዱባይን ዱባይ ሞል የቻይናውን ሳዉዝ ቻይና ሞል በመብለጥ የአለማችን ትልቁ የገበያ ሞል በኢራን ይገኛል 2ሚሊዮን ካሬ ይሰፋል ።

በቴህራን የፐርሺያን ስልጣኔ 2050 አመት መታሰቢያ ባከበረችበት ወቅት በ24 አመት የዩንቨርስቲ ተማሪ ንድፉ የተሰራ የነፃነት ሀዉልት የከተማዋ ግርማ ነዉ በየቀኑ አምስት ሚሊዮን ተሳፋሪዎች የሚያስተናግደው ዘመናዊ የምድር ዉስጥ ባቡርና ሜትሮ አገልግሎት በመስጠት ከጎረቤቶቿ ትለያለች ።

ከቴህራን ወጣ ስንል ደግሞ የኢራንን መንፈሳዊ ከተማ ማሻድን እናገኘዋለን ። በአመት 25 ሚሊዮን ጎብኝዎችነ የምታስተናግድ ከምድራችን ትላልቅ የእምነት ስፍራዎች አንዱ የሆነዉን መስጊድ የያዘች በሽአ አማኞች ቅድስት የተባለች ከተማ ናት ።

ኢስፋሀን ደግሞ የሀይማኖት መቻቻል የሚታይባት የአይሁዶች ቤተ እምነት የክርስትያን አብያተክርስቲያናት መሳጂዶች ጎን ለጎን የሚገኙባት ዩኔስኮ በቅርስነት የመዘገባት ከተማ ናት ።

የአያቶላሆቹ ሀገር በሀገርነት ሽህ አመት የሚለው ቁጥር ከሚያዉቁት ጥቂቶች አንዷ ከጫካ ወጥቶ ቤት ቀልሶ መኖር የጀመረባት የመግስታዊ ስርአት አስተዳደር በመስኖ ማረስ ከቃል አልፎ በፅሁፍ መግባባት መነሻው ከዚሁ ነዉ ።

አለማችን ላይ ለዘመናት የራሷን የቀን አቆጣጠር እስካሁን የምትጠቀም የራሷ ካላንደር ያላት ባህልን ከታሪክ በራስ የመቆም መቻልን ከዘመናዊነት በማዋሀድ እልፍ የቱሪስት መዳረሻዎች የያዘች ብትሆንም የአለም ስርአት በጣለባት ማዕቀብ ተጠቃሚ አልሆነችም

ለማሳረግያ አንድ ታሪክ እናካፍላችሁ ።
እስራኤል እና ኢራን የዛሬን አያድርገው እና ወዳጅ ሀገራት ነበሩ ያዉም የአሜሪካዉን ሲአይኤ ያልደረሰበት ምስጢር የተጋሩ ወዳጆች ።

ዛሬ ካልተጋደልን የሚሉት ሁለቱ ፍቅራቸዉ ለአይታ ያስቀና ነበር እስራኤል ዙርያውን ያሉ የአረብ ሀገራት ነዳጅ አንሸጥም ባሏት ወቅት ኢራን በሯን ከፍታ ከመስጠት ባሻገር ከአሜሪካ ተደብቀው ፕሮጀክት ፍላወር የተባለ የአሜሪካን ሚሳኤሎች እስራኤላውያን በእዉቀት ኢራን በገንዘብ ተባብረው ያመርቱም ነበር ።

ከአራት አስርታት ዓመታት በፊት እስራኤል ሀገር ለመሆን እና በአንድ እግሯ ለመቆም ስትጣጣር በነበረበት ወቅት ለእስራኤል የሀገርነት እውቅና ለመስጠት ቀዳሚ ከነበሩ ሁለት የእስልምና እምነት ተከታይ ሀገራት መካከል ኢራን አንዷ ነበረች።

ኢራን የአየር መቃወሚያ መርከቦች ራዳሮች ሌሎችም መሳርያዎች በእስራኤል በኩል ይቀርብላት ነበር ዛሬ ላይ የሁለቱ ሀገራት ግጭት መንስኤ የሆነው ኒኩሊየር እንድታመርትም የእስራኤል ተሳትፎ አለበት ።

ሞሳድ በመካከለኛው ምስራቅ የአረብ ሀገራትን የሚሰልልበት ቢሮዉ ቴህራን ላይ ነበረው በአሁኑ ጊዜ በቴህራን ከ30 ሽህ በላይ እስራኤላዉያን ይኖራሉ ትላንት ተመልካችና ሰሚ የሚቀናባቸዉ ሁለቱ ሀገራት በሀይማኖት የተጀቦነ ፖለቲካ ነጠላቸዉ እንጂ ህዝብ ለህዝብስ ጥላቻ የለባቸውም ። ማን ያዉቃል ነገ ደግሞ ፍቅራቸው ሊመለስ ይችላል ።

ታዴ የማመይ ልጅ

የአሜሪካ ኦርቶዶክሳውያን ፅንስ ማስወረድ እንዲታገድ ጠየቁ !
#ethiopia | የአሜሪካ ኦርቶዶክሳዊት ቤተክርስቲያን የተውጣጡ በአስር ሺዎች የሚቆጠሩ አማኒያን 'ሕይወት ስጦታ ናት' በሚል መርህ በዋሽንግተን ዲሲ ታላቅ መንፈሳዊ ጉዞ ማድረጋቸው ተነገረ።

በዚህ አሜሪካ ያልተለመደ የክረምት የአየር ሁኔታ በገጠማት ወቅት በረዶና ቁር ያልበገራቸዉ ኦርቶዶክሳዊያን "ሕይወት ስጦታ ናት" በሚል መሪ ቃል ወደ ከአሜሪካ ጠቅላይ ፍርድ ቤት ፊት ለፊት በመዘመር፣ በመጸለይ እና ኦርቶዶክሳዊ ምልክቶችን በመያዝ ብሔራዊ ብሔራዊ የጸሎት ሥነ ሥርዓት አካሂደዋል ።

በዝግጂቱም ከአሜሪካ ኦርቶዶክስ ቤተክርስቲያን የተውጣጡ ጳጳሳት፣ ቀሳውስት እና ምእመናን ጋር በመሆን በቅዱስ ኒኮላስ ካቴድራል በሚገኘው መለኮታዊ ሥነ ሥርዓት ላይ ተገኝተዋል።

ሰልፉ የተከፈተው የዩናይትድ ስቴትስ የቀኖና ኦርቶዶክስ ጳጳሳት ጉባኤ አባል የሆኑት ጳጳስ አይሪንጅ ዶብሪጄቪች ባቀረቡት ጸሎት “ክርስቶስ እንዳስተማረን - እና በእርግጥም እንደተፈጸመ እና አሁን እዚህ እንዳለ - ሁለት ወይም ሶስት በስሙ በተሰበሰቡበት ቦታ ሁሉ እርሱ ይገኛል።” ብለዋል።

በመላ አገሪቱ የተውጣጡ ሰልፈኞች ፅንስ ማስወረድ እንዲታገድ ጥሪ አቅርበዋል ።
ይህ የፀሎትና የመንፈሳዊ ጉዞ የህይወትን ክብር እና ዋጋ እንደ ፖለቲካዊ ጉዳይ ብቻ ሳይሆን በማህበረሰቦች እና በትውልዶች መካከል የሚጋራ መሰረታዊ የሞራል እውነት መሆኑንም ገልፀዋል ።

ተናጋሪዎችና በሰልፉ ላይ የተገኙ ተሳታፊዎች የጋራ ተልእኳቸው ከህግ ድሎች ባሻገር የሰው ልጅን ሕይወት በእያንዳንዱ ደረጃ የሚያንፀባርቅ ባህልን ማሳደግን እንደሚጨምር አፅንዖት ሰጥተዋል።

“እያንዳንዱ ሕይወት፣ የተወለደውም ሆነ ያልተወለደው፣ ሊለካ የማይችል ዋጋ፣ ዓላማ እና ቃል ኪዳን አለው” ሲሉ የምክር ቤቱ አፈ-ጉባኤ ማይክ ጆንሰን ተናግረዋል።

ሰልፉ የተከፈተው የዩናይትድ ስቴትስ የቀኖና ኦርቶዶክስ ጳጳሳት ጉባኤ አባል የሆኑት ጳጳስ አይሪንጅ ዶብሪጄቪች ባቀረቡት ጸሎት “ክርስቶስ እንዳስተማረን - እና በእርግጥም እንደተፈጸመ እና አሁን እዚህ እንዳለ - ሁለት ወይም ሶስት በስሙ በተሰበሰቡበት ቦታ ሁሉ እርሱ ይገኛል።” ብለዋል።

አዘጋጆቹ በአስር ሺዎች የሚቆጠሩ ሰዎች የተሳተፉ መሆኑን የገለፁ ሲሆን ከብፁዕነታቸው ጋር የፒትስበርግ ሊቀ ጳጳስ መልከጼዴክ፣ የኒውዮርክ ሊቀ ጳጳስ ሚካኤል እና የክሊቭላንድ ሊቀ ጳጳስ አንድሬይ፣ ከሌሎች የጳጳሳት ጉባኤ ተዋረድ ጋር፣ በሰርቢያ ኦርቶዶክስ ቤተክርስቲያን ዋሽንግተን-ኒውዮርክ እና ምስራቅ አሜሪካ ጳጳስ በግሬስ ሬቨረንድ ኢሪኔጅ መሪነት መገኘታቸውን የቤተክርስትያኗ እና ሌሎች አለምአቀፋዊ ሚዲያዎች ዘግበዋል ።

በአለማችን በተከታይ ብዛት ቁጥር አንድ የክርስትያን ሀገር በሆነችዉ አሜሪካ የኦርቶዶክሳዊት ቤተክርስቲያን ያላት ዋጋ ከፍ ያለ ሲሆን ከጊዜ ወዲህ የኦርቶዶክስ እምነትን ተቀብለዉ በድንግል ማርያም በፃድቃን ሰማዕታት አማላጅነት እያመኑ የሚጠመቁ ቁጥራቸው እየበረከተ ይገኛል ።

የታዴ የማመይ ልጅ

በየአገሩ እየተዘዋወረ ወንጌልን በመስበክ ከአይሁድና ከአረማውያን ወገን ብዙዎችን ወደ ክርስትና መልሶ አጥምቋል፡፡

ጌታችን ከሐዋርያት አስቀድሞ እንደ መረጠው መጽሐፈ ስንክሳር ይናገራል፡፡ ሐዋርያው ቅዱስ ታዴዎስ አባቱ እልፍዮስ እንደሚባል በማቴዎስ 10÷3 ተጽፎ ይገኛል፡፡ በሉቃስ 6÷16 ደግሞ “ታዴዎስ ልብድዮስ”፣ “የእልፍዮስ ልጅ ያዕቆብ” ተብሎ ሲጠራ እናያለን፡፡ አንድ ቀን ወደ ሀገረ ስብከቱ ወደ ሦርያ ለስብከተ ወንጌል ሲሔድ ጌታችን መድኀኒታችን ኢየሱስ ክርስቶስ በጐልማሳ አምሳል ተገልጦ “ወዳጄ ታዴዎስ ሆይ፣ እኔ ከአንተ ጋር ነኝና አትፍራ” ብሎ ሰላምታ ሰጥቶት ወደ ሰማይ ዐረገ፡፡ የሐዋርያት አለቃ ቅዱስ ጴጥሮስም እንደ አባትነቱ ወደ ሦርያ አብሮት ሔዶ ነበረ፡፡ ከከተማዋ አጠገብ ሲደርሱም አንድ ሽማግሌ በሮችን ጠምደው ሲያርሱ አገኙ፡፡ ቅዱስ ጴጥሮስም ሽማግሌውን ምግብ ለመናቸው፡፡ ሽማግሌው “በሮቼን ጠብቁ” ብላዋቸውም ሊያመጡላቸው ወደ ቤታቸው ሔዱ፡፡

እርሳቸው እስኪመለሱ ቅዱስ ጴጥሮስ ሠላሳ ትልም ካረሰ በኋላ ቅዱስ ታዴዎስ በዚያ የነበረውን ሥንዴ ዘራበት፡፡ የተዘራውም ወዲያዉኑ በቅሎ፣ አድጎ፣ እሸት ሆነ፡፡ ሽማግሌው ምግብ ይዘው ከቤታቸው ሲመለሱም ሐዋርያት ያደረጉትን ተአምር አይተው ደነገጡ፡፡ ከእግራቸው ሥር ወድቀውም “እናንተ ከሰማይ የወረዳችሁ አማልክት ናችሁን?” አሏቸው፡፡ እነርሱም “እኛ የእግዚአብሔር ባሮች እንጂ አማልክት አይደለንም” አሉ፡፡ ሽማግሌውም ስላደረጋችሁልኝ በጎ ሥራ በምትሔዱበት ቦታ ኹሉ ልከተላችሁን? አሏቸው፡፡ እነርሱም “በሬዎቹን ለጌታቸው መልስና በቤትህ የምንበላውን ታዘጋጅልን ዘንድ ለባለቤትህ ንገራት ወደ ከተማዋ ገብተን እግዚአብሔር እስከሚጠራን ጊዜ ድረስ እንቆያለንና” አሏቸው፡፡ ሽማግሌውም የሥንዴው እሸት ይዘው፣ በሬዎቻቸውን እየነዱ ወደ ከተማ ሔዱ።

በመንገድ ያዩአቸው ሰዎችም ወቅቱ የእርሻ እንጂ የእሸት ጊዜ ስላልነበረ እየተገረሙ “እሸቱን ከወዴት አገኘኸው?” አሏቸው፡፡ ሽማግሌው ግን መልስ አልሰጧቸውም፡፡ ሐዋርያት እንደዘዟቸው በሬዎቹን ለጌታቸው መልሰው ሚስታቸው ራት እንድታዘጋጅላቸው ነገሯት፡፡ የከተማው መኳንንት ስለ እሸቱ ሲሰሙ “በክፉ አሟሟት እንዳትሞት ከወዴት እንዳገኘኸው ንገረን” አሏቸው፡፡ ሽማግሌውም ሐዋርያት ያደረጉትን ሁሉና ወደ እርሳቸው ቤት ቢመጡ ሊያገኟቸው እንደሚችሉ ነገሯቸው፡፡ መኳንንቱም ሰይጣን ልቡናቸዉን አነሳስቶታልና ሐዋርያቱን ለመግደል ወሰኑ፡፡ ሌሎች ግን “አምላካቸው ኢየሱስ የሚሹትን ኹሉ ያደርግላቸዋልና ልንገድላቸው አንችልም፡፡ ይልቅ በከተማው በር አመንዝራ ሴት ርቃኗን ብናስቀምጥ ወደ ከተማችን አይገቡም” አሉ፡፡ እንደተባባሉትም አደረጉ፤ ሐዋርያቱ ግን በሰዎቹ ልብና በሴቲቱ ላይ ያደሩትን ርኩሳን መንፈስ አስወጧቸው።

የወንጌልን የምስራች በማስተማርም በሥላሴ ስም አጥምቀው አገልጋዮችን ሾሙላቸው፡፡ ያቺንም ሴት ዲያቆናዪት አደርጎ ሾማት፡፡ ብዙ ድንቅና ተአምራትም አደረጉ፡፡ ሕዝቡም በእግዚአብሔር አመኑ፡፡ ከዚህ በኋላ አንድ ሰይጣን ያደረበትና ገንዘብ የሚወድ ጐልማሳ ባለጸጋም ታዴዎስን በበዙ ተፈታተነው እርሱም ጌታችን እንደተናገረ ግመል በመርፌ ቀዳዳ ስትሾልክ አሳየው፡፡ ያ ባለጸጋም ከቅዱስ ታዴዎስ እግር ስር ወድቆ ይቅርታ ጠየቀ ገንዘቡንም ሁሉ ለድሆች አከፋፈለ፡፡ ተምሮና አምኖም ተጠመቀ፡፡ ቅዱስ ታዴዎስ በየአገሩ እየተዘዋወረ ወንጌልን ሲሰብክ ቆይቶ ከአይሁድና ከአረማውያን ዘንድ ብዙ መከራ ከደረሰበት በኋላ አገልግሎቱን ፈጽሞ ሐምሌ 2 ቀን በሰማዕትነት ዐርፏል፡፡

በብዙ ስጋዊ መከራ ውስጥ የሚያልፉ ቅዱሳን ገዳማውያንም የሐዋርያትን ፈለግ ተከትለው ዓለምን ንቀዋልና ገዳማቸውንም እንደግፍ፣ በዓታቸውንም እናጽና፡፡ የበረከታቸውም ተሳታፊ እንሁን፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

አሜሪካ ለአፍሪካውያን እጅ ሰጠች !
#ethiopia | የናይጄሪያ ተወላጅ የሆነችው መኮንን አማንዳ አዙቡኬ በአሜሪካ ጦር ኃይሎች ውስጥ የጄኔራል መኮንንነት ደረጃ ላይ የደረሰች የመጀመሪያዋ የአፍሪካ ደም ያላት ናይጄሪያዊት ሴት መሆን መቻሏ አለምአቀፋዊ ሚዲያዎች ትኩረት ስቧል ።

በአሜሪካ ታሪክ ለረጅም ጊዜ በወንዶች ቁጥጥር ስር በነበረው ወታደራዊ ተቋም ውስጥ አማንዳ አዙቡኬ የመጀመሪያዋ የናይጄሪያ ዝርያ ያላት ሴት አማንዳ አዙቡኬ በወታደራዊ ተቋሙ ውስጥ ወደ ብርጋዴር ጄኔራልነት የተሸጋገረች የመጀመሪያዋ የናይጄሪያ ሴት ታሪክ ሰርታለች ።

በ1984፣ በ14 ዓመቷ፣ ከእናቷና ከእህቷ ጋር ወደ አሜሪካ የተሰደደችዉ በአሥራዎቹ ዕድሜ ውስጥ እያለች ወደ ወታደራዊ ኃይሉ መቀላቀሏ መጀመሪያ ላይ ወደ አእምሮዋ አልመጣም ነበር ነገር ግን ድንገት ራሷን በአርካንሳስ ብሔራዊ ጥበቃ ውስጥ አገኘችው ።

ጊዜዉን እንዲህ ታስታውሳለች።
“ቀጭን፣ ትንሽ 100 ፓውንድ የሚመዝን የ17 ዓመት ልጅ ነበርኩ። ስፖርት አልጫወትኩም ምክንያቱም ከአፍሪካ ቤት ስለመጣሁ፣ ወላጆቼ በአካዳሚክ ላይ ያተኮሩ ስለነበሩ።”ትላለች

አዙቡይኬ በጃክሰንቪል ሁለተኛ ደረጃ ትምህርት ቤት እያለች፣ የአየር ኃይል ጁኒየር ROTC ፕሮግራምን ተቀላቀለች፣ ይህም በአገልግሎት ላይ ያላትን ፍላጎት ቀስቅሷል። እ.ኤ.አ. በ1993 ከሴንትራል አርካንሳስ ዩኒቨርሲቲ በኮሙኒኬሽን የመጀመሪያ ዲግሪ አግኝታ በሚቀጥለው ዓመት የጦር ሰራዊቷን ኮሚሽን ተቀበለች።

አዙቡኪኬ የአቪዬሽንን በመምረጥ በ1995 የበረራ ትምህርት ቤትን በUH-1 ሄሊኮፕተር አብራሪነት ተመርቃለች፣ በኋላም በRC-12 የስለላ አውሮፕላን ብቁ ሆናለች። የመጀመሪያ ምደባዎቿ በጆርጂያ እና በደቡብ ኮሪያ ወደሚገኘው የሃንተር ጦር አየር ማረፊያ በ3ኛው ወታደራዊ የስለላ ጦር እንድትሄድ አድርጓታል።

ለዓመታት በአቪዬሽን እና በስለላ ስራ ከቆየች በኋላ ወደ ህዝብ ጉዳዮች ተሸጋገረች፣ ከጆርጅታውን ዩኒቨርሲቲ በሕዝብ ግንኙነት እና በኮርፖሬት ኮሙኒኬሽን የማስተርስ ዲግሪ አገኘች። ይሄኔ ነዉ የእሷ ሚና ከፍተኛ ደረጃ ላይ የደረሰው ።

ከዚህ የጀመረዉ እድገቷ በኮሪያ የኦፕሬሽን ኦፊሰር፣ የፕላቶን መሪ፣ በአሜሪካ ጦር ካዴት ኮማንድ ምክትል አዛዥ፣ ለአሜሪካ ደቡባዊ እዝ የህዝብ ጉዳዮች ኃላፊ እና በፔንታጎን ከፍተኛ ወታደራዊ አማካሪ ሆና ተመርጣለች።

በየካቲት 2024 የሠራዊቱ የህዝብ ጉዳዮች ኃላፊ ሆና ተመርጣለች። በሰኔ 2024 የ38ኛው የህዝብ ጉዳዮች ኃላፊ ሆና ለሠራዊቱ ስትራቴጂካዊ ግንኙነቶችን በበላይነት መቆጣጠር ችላለች።

ጥቅምት 28 ቀን 2022 በፎርት ኖክስ፣ ኬንታኪ የተካሄደው የሽልማት ሥነ ሥርዓት
"ወደ ጄኔራል መኮንኖች ደረጃ በመድረሴ ክብር እና ትህትና ይሰማኛል" ስትል በኋላ ላይ ጽፋለች። "ማገልገል የመቀጠል እድል ማግኘት እንዴት ያለ መብት ነው!" ስትል ተደምጣለች ።

ከሶስት አስርት ዓመታት በላይ በቆየው የስራ ዘመኗ አዙቡይኬ በአሜሪካ ጦር ውስጥ ቁልፍ የአመራር እና የስትራቴጂክ ቦታዎችን አስተናግዳለች።

በአሁኑ ወቅትም በአሜሪካ ጦር ካዴት ኮማንድ ምክትል አዛዥ በአሜሪካ ደቡባዊ እዝ የህዝብ ጉዳዮች ኃላፊ በፔንታጎን ከፍተኛ ወታደራዊ አማካሪ ቁርጠኝነቷ እና አስደናቂ ስኬቶቿ ወደ ብርጋዴር ጄኔራልነት ታሪካዊ እድገት እንድታገኝ አድርገውታል፣ ይህም በአሜሪካ ጦር ውስጥ ወደዚህ ደረጃ የደረሰች የመጀመሪያዋ ናይጄሪያዊት አፍሪካዊት ሴት አድርጓታል።

አማካሪ ቦርድ የጀግንነት ሴት ሽልማትን በተቀበለችው ወቅትም። "ለአፍሪካ እህቶቼ ሁሉም እንደሚቻል በማሳየቴ መንገድ በመክፈት በመቻሌ በጣም አመስጋኝ ነኝ" ብላለች።

የአማንዳ አዙቡይኬ እስከ ጄኔራል መኮንንነት ደረጃ መድረሷና ጉዞዋ የጽናት ማሳያ ስደተኛ መሆን የአሜሪካ ወታደራዊ ኃይል ትልቅ ስፍራን የመያዝ የይገታ ሴቶች እንደሚችሉ የሚያሳይ ኃይለኛ ምስክርነት ነው። ተብሏል ።

ታዴ የማመይ ልጅ

♦️ "ጠንካራ እና ውጤታማ ብሔራዊ ቡድን እንዲኖረን እሻለሁ፤ የበኩሌን ድርሻ እወጣለሁ!!!"በሚል ታላቅ የፓናል ውይይት ሊደረግ ነው

♦️"አዝናኝ የእግር ኳስ ውድድር በቀድሞ የብሔራዊ ቡድን ተጫዋቾችና ባለውለተኞች፤በጋዜጠኞችና በቲክቶከሮች መካከል ለማካሄድ ቀጠሮ ተይዟል"
#ethiopia | የኢትዮጵያ ብሔራዊ ቡድን ደጋፊዎች ማህበር ከባለድርሻ አካላት ጋር በመሆን "ጠንካራ እና ውጤታማ ብሔራዊ ቡድን እንዲኖረን እሻለሁ፤ የበኩሌን ድርሻ እወጣለሁ!!!" በሚል መሪ ቃል የተዘጋጀው ታላቅ የፓናል ውይይት ጥር 01 ቀን 2018 ዓ.ም እንደሚካሄድ የፓናል ውይይቱ አስተባባሪዎች በበተለይ ለሀትሪክ ስፖርት ከላኩት መረጃ ለማወቅ ተችሏል።

በርካታ ታላላቅ የስፖርት ሠዎች፣ተጫዋቾች፣አሠልጣኞች፣አመራሮችና የሚዲያና ባለድርሻ አካላት የተጋበዙበትና የተለያዩ ጥናታዊ ፅሑፎች ይቀርብበታል ተብሎ የሚጠበቀው የፓናል ውይይትጥር 1 ካዛንችስ በሚገኘው መለስ ፋውንዴሽን ፊት ለፊት ባለው ሜዳ ከቀኑ 9:00 ላይ ለማካሄድ ቀጠሮ ተይዟል።

"ሀገራችን ኢትዮጵያ የአፍሪካ እግር ኳስ ማህበር ከመመስረቱ በፊት አለም አቀፍ የእግር ኳስ ውድድሮችን የጀመረች፤ የአለም አቀፉ እግር ኳስ ማህበራት ፌዴሬሽን አባል የነበረችና የአፍሪካ እግርኳስ ማሀበርን ከመሰረቱ ሶስት ሀገራት አንደኛዋ መሆኗ ይታወቃል፤ከዚህ በተጨማሪም በተለያዩ ጊዜያት በተካሔዱ የአፍሪካ ዋንጫ ውድድሮች የተሳተፈች ሲሆን 3 ኛውን የአፍሪካ ዋንጫ ማሸነፍ የቻለች ሀገር ናት"የሚሉት የፓናል ውይይቱ አዘጋጆች"እስከ 1974 ዓ.ም ድረስ ብሄራዊ ቡድናችን ጠንካራ፣በየመድረኩ ታሳታፊና ተፎካካሪ የነበረ ቢሆንም ከዚህ ጊዜ በኋላ ውጤቱ እየደከመ መጥቶ ወደ መድረኩ ለተሳትፎ ለመመለስ እንኳን 31 አመታትን መጠበቅ የተገደድንበትና በድጋሚ ለመመለስ ደግሞ 8 አመት ፈጅቶብናል፤በአሁኑ ወቅት የአፍሪካ እግር ኳስ ዋንጫ ውድድር በሞሮኮ አስተናጋጅነት እየተካሄደ ሲሆን ከመስራች ሀገራት መሳተፍ ያልላቻልነው እኛ ብቻ መሆናችን እጅጉን የሚያስቆጭም ነው"ብለዋል።

የኢትዮጵያ ብሔራዊ ቡድን ደጋፊዎች ማህበር ባሳለፋቸው 10 ዓመታት የውጤት ቀውሱን በቋሚነት ለመቀየርና የበኩሉን ኃላፊነት ለመወጣት ጥረት ሲያደርግና በርካታ ስራዎችን ሲሰራ የቆየና በመስራት ላይ ያለ፣ ብሔራዊ ቡድናችን ውድድር በሚያካሒድባቸው ሐገራት ሁሉ አብሮ በመጓዝ ድጋፍ እያደረገ ቢሆንም የሚፈለገውን ጠንካራና ተፎካካሪ ብሔራዊ ቡድን ማግኘት አልተቻለም"የሚሉት የፓናሉ አዘጋጆች በሃሳባቸው ሲቀጥሉ"መንግስት በተለይም ክቡር ጠቅላይ ሚኒስትር አብይ አህመድ(ዶ/ር )ለጉዳዩ ልዩ ትኩረት በመስጠትና በቁጭትም ጭምር በመነሳት 28ኛውን የአፍሪካ ዋንጫ ለማዘጋጀት ይፋዊ ጥያቄ ማቅረባቸው ይታወሳል፤ይህንንም በተግባር ለማረጋገጥ በታዳጊዎች ላይ መሰረት ያደረገ ስራ ለመስራት ዘርፈ ብዙ እንቅስቃሴ እየተደረገ ነው:፤ከ 22 ዓመታት በኋላ ለአፍሪካ ዋንጫ ያለፈው ታዳጊ ብሔራዊ ቡድናችን የዚህ ስራ ውጤት አንዱ ማረጋገጫ ነው፤

የአዲስ አበባ አደይ አበባ ኢንተርናሽናል ስታዴየም በልዩ ውሳኔና ክትትል ዘመኑን በሚመጥን መልኩ እንዲገነባም እየተደረገ ነው፤ በክልል ዋና ከተሞችም እየተገነቡ የሚገኙት ስታዴየሞች የመንግስትን ትኩረቅና ለዘርፉ የሰጡትን ትኩረትና ቁርጠኝነት የሚያረጋግጡ መሆናቸው የአደባባይ እውነቶች ናቸው፡፡"በማለት በአስተያየታቸው የቀጠሉት የፓናል ውይይቱ አስተባባሪዎች"የኢትዮጵያ ብሔራዊ ቡድን ደጋፊዎች ማህበር አስረኛ ዓመት የምስረታ በዓሉን ምክንያት በማድረግ የተለያየዩ ሐገራዊ ፋይዳ ያላቸው ፕሮጀክቶችን ቀርዖ እያከበረ የሚገኝ ሲሆን ከነእዚህ ውስጥ አንዱና ዋናው "ጠንካራ እና ውጤታማ ብሔራዊ ቡድን እንዲኖረን እሻለሁ፤ የበኩሌን ድርሻም እወጣለሁ' በሚል መሪ ቃል ሁሉንም ባለድርሻ አካላትን ያሳተፈ ታላቅ የምክክርና የውይይት መድረክ (የፓናል ውይይት) የፊታችን ጥር 1 ቀን 2018 ዓ.ም. 9:00 ሰዓት ካዛንቺስ መለስ ፋውንዴሽን ፊት ለፊት ባለው ሜዳ ላይ ለማካሔድ ዝግጅቱን ማጠናቀቁንም አስተባባሪዎቹ አሳውቀዋል፡፡

አስረኛ ዓመት የምስረታ በዓላቸውን በተለያዩ ፕሮግራሞች እያከበሩ የሚገኙት የኢትዮጵያ ብሔራዊ ቡድን ደጋፊዎች ማህበር አባላት ከፓናል ውይይቱ በተጨማሪ ትውስታን የሚያጭሩና የስፖርት ቤተሰቡን የሚያነቃቁ አዝናኝ ጨዋታ ለማካሔድ እንዲሁም በሀገር ውስጥና በመላው ዓለም የሚገኙ እጅግ በጣም የምንወዳቸው ባለውለታዎች የቀድሞ የብሔራዊ ቡድን ተጫዋቾች እርስ በእርስ የወንድማማችነትና የመነፋፈቅ ስሜትን የሚገልፅ ልዩ የእግር ኳስ ጨዋታ ጥር 03 ቀን 2015 ዓ.ም በአዲስ አበባ ስታዲየም ያካሂዳሉ

"ካሉ በኃላ"ከዚህ ጨዋታ በፊት ጋዜጠኞችና ቲክቶከሮች አጋርነታቸውን የሚያረጋግጡበት አዝናኝ ውድድር የሚደረግ ይሆናል፡፡"ካሉ በኃላ"በመሆኑም ሁሉም የሀገራችን የሚዲያ አካላት በዚህ በዓይነቱም ሆነ በይዘቱ ለየት ያለ፣አላማው ትልቅና የጋራ በሆነው መርሀ ግብር ላይ ውድ ጊዜያችሁን መስዋዕት አድርጋችሁ በመሳተፍ ሀገራዊ የዜግነት ግደታችሁን በፍቅር እንድትወጡ ከአደራ ጭምር እናሳስባለን፤ለፕሮግራሙ ስኬት ለምታደርጉት አስተዋፅኦ በማህበራችን አባላት፣በስፖርት ቤተሰቡ፣በአጋር አካላት እና ውጤት በራበውና በጠማው መላው ህዝባችን ስም ከልብ እናመሠግናለን"ብለዋል የኢትዮጵያ ብሔራዊ ቡድን ደጋፊዎች ማህበር አባላትበአስተያየታቸው መጨረሻ።

✍️✍️በጋዜጠኛ ይስሀቅ በላይ(ሀትሪክ ስፖርት ኦፊሺያል)

አስቀድሞ ስሙ ታዴዎስ ይባል ነበር፡፡

ከጌታችን ከመድኃኒታችን ኢየሱስ ክርስቶስ ትንሣኤ በኋላ ያመነና በብዙ ሀገሮች የሰበከ ነው፤ ከሰባ ሁለቱ አርድእት አንዱ የሆነው የፀራቢው የዮሴፍ ልጅ ቅዱስ ያዕቆብ የተባለው ሐዋርያም ወንድም ሐዋርያው ቅዱስ ይሁዳ፡፡

በመጽሐፈ ስንክንሳር እንደተጻፈው ከአስተማረባቸው ካስተማረባቸው ሀገር ስብከቶች መካከል በአንዲት ደሴት ገብቶ ነዋሪዎቹን በጌታችን ስም አሳምኖ ቤተ ክርስቲያን እንደሠራላቸውና በቀናች ሃይማኖትም እንዳጸናቸው ይነገራል፡፡ በ65 ዓ.ም አካባቢም በእስያና በመካከለኛው ምሥራቅ የሚገኙ ክርስቲያኖች በግኖስቲክ ትምህርት ሳቢያ ግራ መጋባታቸውን በሰማ ጊዜ የሊቀ ነቢያት ሙሴን ገድል የተካተተበት መልእክት ጽፎ ልኮላቸዋል፡፡ ከሐዋርያት መልእክቶች ሰባተኛ የሆነችና ምሥጢርን የተመላችው መልዕክቱ ቅዱሳን ሐዋርያት ለአዋልድ መጽሐፍት የሚሰጡትን ክብር አሳይቷል፡፡

በመልዕክቱ ብዙዎች በሃይማኖት ያልነበሩትን ክብር ይግባውና ጌታችን ኢየሱስ ክርስቶስን ወደ ማመን ሲመልሳቸው፣ መጽሐፈ ሄኖክንም በመጥቀሱ ደግሞ የመጽሐፍ ቅዱስ ቁጥር ከስድሳ ስድስት በላይ መሆኑን አሳይቷል፡፡ የሐዋርያው ቅዱስ ይሁዳ መልእክት “…ወዳጆች ሆይ፣ ስለምንካፈለው ስለ መዳናችን ልጽፍላችሁ እጅግ ተግቼ ሳለሁ ለቅዱሳን አንድ ጊዜ ፈጽሞ ስለ ተሰጠ ሃይማኖት እንድትጋደሉ እየመከርኋችሁ እጽፍላችሁ ዘንድ ግድ ሆነብኝ።” በማለት የሚጀምር ሲሆን ብሉይ ኪዳንን እያጣቀሰ በትእቢትና በሴሰኝነት አምላካቸውን እንደሚክዱ ይገልጻል፡፡ በአንድ ምዕራፍ ብቻ በተጠቃለለው በዚህ መልዕክቱ ከላይ የገለጻቸውን ሰዎች ጸባይ ይበልጥ ያብራራዋል፡፡ በተለይ ዋነኛ መገለጫቸው የሆነውን ሲነግረን “እነዚህ ሰዎች ደግሞ እያለሙ ሥጋቸውን ያረክሳሉ፤ ጌትነትንም ይጥላሉ፤ ሥልጣን ያላቸውንም ይሳደባሉ።

የመላእክት አለቃ ሚካኤል ግን ከዲያብሎስ ጋር በተከራከረ ጊዜ ስለ ሙሴ ሥጋ ሲነጋገር ጌታ ይገሥጽህ አለው እንጂ የስድብን ፍርድ ሊናገረው አልደፈረም፤ እነዚህ ግን የማያውቁትን ሁሉ ይሳደባሉ፤ አእምሮም እንደሌላቸው እንስሶች በፍጥረታቸው በሚያውቁት ሁሉ በእርሱ ይጠፋሉ። ወዮላቸው፣ በቃየል መንገድ ሄደዋልና…” በማለት በብሉይ ኪዳን ተገልጾ የማናገኘውን ታሪክ በማጣቀስ ይነግረናል፡፡ በጌታችን በኢየሱስ ክርስቶስ ሐዋርያት ቃል ቀድሞ የተነገረውን ማሰብ እንደሚገባና ቅዱሳንን የሚሳደቡትና ስለ ጥቅም ብለው ሃይማኖት የሚክዱት እንደሚጠፉ በመልዕክቱ ያሳስባል፡፡ ክርስቲያኖችም አኗኗራችን ምን መምሰል እንዳለበትም “እናንተ ግን ወዳጆች ሆይ፥ ከሁሉ ይልቅ በተቀደሰ ሃይማኖታችሁ ራሳችሁን ለማነጽ እየተጋችሁ፣ በመንፈስ ቅዱስም እየጸለያችሁ፣ ወደ ዘላለም ሕይወት የሚወስደውን የጌታችንን የኢየሱስ ክርስቶስን ምሕረት ስትጠባበቁ በእግዚአብሔር ፍቅር ራሳችሁን ጠብቁ።

አንዳንዶች ተከራካሪዎችንም ውቀሱ፤ አንዳንዶችንም ከእሳት ነጥቃችሁ አድኑ፤ አንዳንዶችንም በሥጋ የረከሰውን ልብስ እንኳ እየጠላችሁ በፍርሃት ማሩ።” በማለት ይነግረናል፡፡ በመጨረሻም ኢየሱስ ክርስቶስ የዘለዓም ብቸኛ አምላክና መድኃኒት፣ ክብርና ግርማ ኃይልም ሥልጣንም የእርሱ እንደሆነ አስረግጦ ጽፏል፡፡ ሐዋርያው ቅዱስ ይሁዳ ሮሃ ወደሚባል ሀገር ሄዶም ንጉሡን ከደዌው በመፈወስ የክርስትና ጥምቀት አጥምቆታል፤ ሐራፒ በተባለ ሀገርም ብዙዎቹንም አስተምሮ ካጠመቀ በኋላ ቤተ ክርስቲያን ሠርቶላቸዋል፡፡ ይሁንና የሀገሩ ገዥ ይዞ ጽኑዕ ሥቃይ አሠቃየው፤ ችንካር ያለው ጫማ በእግሮቹ ውስጥ አድርጎ አንድ ምዕራፍ ያህል አስሮጠው፤ ከዚህም በኋላ ሰቅሎ በፍላፃ ነደፈው፤ ክብር ይግባውና በጌታችን በኢየሱስ ክርስቶስ እጅ ነፍሱን ሰጠ፡፡

ስለክርስቶስ ፍቅር ዓለምን የተዉ በምድር ተጎሳቁለዋል በሰማያት ግን ክብራቸው ከፍ ያለ ነው፡፡ ገዳማውያንም ይህንን ፈለግ ተከትለዋልና ገዳማቸውን እናግዝ በዓታቸውን እናጽና፡፡

ድጋፍ ለማድረግ:- ሙትአንሳ ማር ቅዱሰ ሚካኤል አንድነት ገዳም

ኢትዮጲያ ንግድ ባንክ
1000442598391

ወይም

አቢሲኒያ ባንክ
141029444

ለበለጠ መረጃ:- 09 38 64 44 44/0918077957

tade የማመይ ልጅ:
ህንድን ሰጥ ለጥ አድርገው የገዙት አያቶቻችን !

( በታዴ የማመይ ልጅ )
#ethiopia | ከዚህ ዘመናት መቀያየር ያላደበዘዘዉ ተአምር የእንግሊዝ ቀኝ ግዛት አንደኛውና ሁለተኛው የአለም ጦርነት ያላጠፋዉ ዉበት ይገኛል።

በ16ኛው ክፍለ ዘመንና በዚያን ጊዜ ቆንጆ እና ትልቅ ከተማ የነበረችውን በአይኑ የተመለከተ የዛ ዘመን ጣሊያናዊ ተጓዥ ሉዶቪኮ ዲ ቫርቴማ 'በዓለም ላይ ካሉት ምርጥ ቦታዎች ማለትም ለመኖርያ' ሲል ገልጿታል ። በኢትዮጵያዉያን ሱልጣኖች መሪዎች ተገንብታ ዛሬ ላይ የደረሰችውን ጋኡር እና የቤንጋል የስልጣኔ ዋና ከተማን።

በዛሬው አፍታ ቱሪዝም ነብዩ ሙሐመድ ተከታዮቹ በገዛ ወገኖቻቸዉ በሚሳደዱበት ወቅት መግቢያው ማምለጫ በጨነቃቸዉ ጊዜ ከአጥፊዎቻቸዉ ጥፋት ለማምለጥ ብቸኛዋ ስፍራ መሆኗን በመረዳት ከአለም ሁሉ መርጦ ወደ "ሀበሻ ምድር ሂዱ" ካለላት ከምስራቅ የአፍሪካ ንፍቅ ቀንድ የምትገአዉ ኢትዮጵያ ተነስተው ባህር ተሻግረው ከባህር ማዶ ሰጥ ለጥ አድርገው የገዙትን ስልጡን ኢትዮጵያዊያን ሙስሊም ሱልጣኖች ፈለግ ተከትለን ። በስልጣኔ ሰልጥነዉ በጥበብ ተራቀዉ ዛሬም ድረስ የሚያስደምም ቅርስ ያኖሩባትን ግዛት ልንጎበኝ ህንድ ገብተናል ።

የምናብ ተጓዦች ካፒቴናችሁ ታዴ ነኝ ። አሁን የምንገኘዉ ምዕራብ ህንድ ሲሆን ዙርያ ገባዉን የቆዳ ቀለማቸው ወደ ጥቁርነት ያደላ ጠያይም ገራገር ገፅታ ያላቸው ሃበሻዎች መኖርያ ራጅሻሂ ባንግላዴሽ ድንበር ውስጥ ነን ።

ጥበበኛ እና ቸር ይባል ከነበረው ኢትዮጵያዊዉ ሱልጣን ሰይፉዲን አስዉቦ የሞሸራት ይህቺ ከተማና አካባቢዋ የምስራቅ ህንድ ኩባንያ ኦፊሰር ሄንሪ ክሪቴንተን በ 19 ኛው ክፍለ ዘመን የመጀመሪያ ዓመታት ውስጥ በተካሄደው የጋኡር ፍርስራሽ ላይ ባደረገው የዳሰሳ ጥናት ፣ ጉብኝቶች እና ሥዕሎች ላይ በመመርኮዝ - ከተማዋ 'በሃያላን ኢትዮጵያዊያን ገዢዎች የተከተመችዉ ከተማ በብዛት ኢትዮጵያዊያን ይኖሩባት የነበረችና ስፋቷም ለአስራ ዘጠኝ ማይሎች እና አንድ ማይል ተኩል ስፋት' ጋር ተዘርግታ የነበረች የስልጣኔ ከተማ ነበረች ይለናል ።

እያወራን ያለነው ባርህ ተሻግረዉ ስለገዙት የሀብሺ የቤንጋል አገዛዝ ዘመንና ስለ አራቱ ጥቁር ገዢዎች ነዉ ።

ኢ ፊሪሽታ የሐብሺ አገዛዝ ካበቃ ከ100 ዓመታት በኋላ በጻፈው ታሪክ እንደተናገረው፣ በሱልጣን ሩኩኑዲን ባርባክ ሻህ (1459-74) ዘመን 8,000 ሐብሺዎችን ወደ ቤንጋል አምጥተዋል። ሁሉም የሀበሻ ገዥዎች ነፃ ሰዎች ነበሩ እና ነፃነታቸውን ያገኙት በአስተሳሰብ ልቀዉ በለይል ጎልብተዉ በዉጊያ ሀይለዉ ነዉ ።ይለናል ።

የሆነው ሆነና የሀበሻ ስርዎ መንግስት አጀማመሩ እንዲህ ነበር ይለናል የባንግላዴሽ ቤተመፅፍት ሰነድ ።

ለስድስት ወራት ያህል የገዛው የመጀመሪያው አቢሲኒያ የቤንጋል ገዥ ሱልጣን ሻህዛዳ ባርባክ ሻህ ይባላል ። በሌላም በኩል ኢትዮጵያዊዉ ጃንደረባ ተብሎ ይገለጻል ።በህጋዊ መንገድ ህጋዊ ሱልጣን ሆኖ የተቀበለ ስለመሆኑ የሚያረጋግጡ መረጃዎች በኋላ ቀኝ የገዟት እንግሊዛዊያን እንዴት አፍሪካውያን ተሻግረዉ ገዝተዋል የሚል ታሪክ ይነገራል በሚል ያወደሙት ሲሆን አንዳንዶች እንደሚሉት ሱልጣኖቹ ባርያ አልነበሩም ። ምክንያቱም በጊዜው የባሪያነቱ ሁኔታ በየትኛውም ዋና ምንጮች ላይ አልተነገረም አልተፃፈም ይለናል ።

ይህም ማለት ነፃ ሰው ነበሩ ሱልጣን ሰይፉዲን ፊሩዝ ሻህ የሆነውን ማሊክ አንዲልን እንደ ‘ፕሪሚየር-መኳንንት’ ይገልጹታል።

የታሪክ ሰነዶች ውስጥ ያልተቀመጠዉ ከኢትዮጵያ በባርነት ነዉ የሄዱት የሚለዉ ታሪክ አመጣጡም እንዲህ ነዉ ።

ሱልጣን ሰይፉዲን የተሾመው የፋይናንስ እና የአስተዳደር ጉዳዮች ዋና አስተዳዳሪ የሆነውን የሕፃኑን ሱልጣን እንዲንከባከብ አደራ የተጣለበት ሀበሻ ካን እንደ ባሪያ መገለፁን የሚገልጽ መረጃ በመገኘቱ ከዚያ በመነሳት ባርያ ተብለዋል ነገር ግን አይደለምና ህንድ ከዚሁ ከሃገር ቤት
እስከ ቅርብ ጊዜ ባለፈዉ ነገስታቶች መኳንንት ዘር ባርያና አሳዳሪ የሚሉ አጠራርሮች የነበሩ በመሆኑ የቤንጋል ሥርወ መንግሥት ሐብሺ፣ ኢትዮጵያዊ ወይም አቢሲኒያ የሚባለዉ ሥርወ መንግሥትና እነዚህ አራቱ ሱልጣኖች ግለሰቦች ከአቢሲኒያውያን ብቻ ሳይሆን ከአንዳንድ የህብረተሰብ ክፍሎች ድጋፍ አግኝተው ስልጣን የያዙ ሁሉም ነፃ ሰዎች መሆናቸው አይቀርም ወይም ናቸዉ ።

የአፍሪካ ነገሥታት ጊዜ እንዴት ሊኖር ቻለ?
መቼም ከዘመኑ እርቀት በቀጣይ የምነግራችሁን የዛሬዋ ህንድ ህንድ የምትባል ሀገር ከመሆኗ በፊት የተፈፀመ የአያቶቼን ታሪክ ላታምኑት ስለምትችሉ ወደ ለንደን ላይብረሪ ልሂድ አንድ ፅሁፍ ልጥቀስ
'Gaur: Its Ruins and Inscriptions by John Henry Ravenshaw, 1878) እዉነቱን እንደዚህ ይገልፀዋል ።

እ.ኤ.አ. በ 1487-94 የቤንጋል ሱልጣኔት በተከታታይ አፍሪካዊ ነገሥታት ተገዛ። በሰሜናዊ ህንድ የሙስሊሞች አገዛዝ ከጀመረበት ጊዜ አንስቶ ከቱርክ ባሪያዎች እያስመጡ ይገዙ የነበሩ ሐብሺ (ኢትዮጵያውያን) መኳንንትን፣ ወታደራዊ አዛዦችን እና ሱልጣኖችን ሲሆኑ የወቅቱ ባንግላዴሻዉን ህንዳዉያን ቱርኮች በእነዚህ ስር እንዲያገለግሉ በዋናነት በባርነት በወታደርነት ይኖሩ ነበር። ተብሎ ተፅፏል ።

ከዚያ በፊት ጭዉ ያለዉን ሜዳ የተበታተኑ ሰዎች አኗኗር የዘላን ህይወት ወደአንድ የመጣዉ በ16ኛው ክፍለ ዘመን ሲሆን የዚያን ጊዜ ነዉ ቆንጆ እና ትልቅ ከተማ የነበረችው ጋኡር እና የቤንጋል ስልጣኔት መገለጫ የሆነችዉ ከተማ የተገነባችው የሚለዉ ባገላበጥኳቸዉ መዛግብት ያረጋገጥኩት ወቅቱ የተሻለ ግንዛቤን ለማዳበር የሚያስችል የጥረቴ አካል ነው።

የቤንጋል የሐሳን ሻሂ ሥርወ መንግሥት መስራች የአላህ አል-ዲን የህይወት ታሪክ እንደሚነግረን አባቱ የነብዩ ሙሐመድ ቀጥተኛ ዘር ያለዉና ነብዩ ወደ ኢትዮጵያ ሂዱ ካሏቸዉ መካከል ከአንዱ እንዲሁም ከኢትዮጵያውያን በጋብቻ ከተሳሰሩት ጋር በኢትዮጵያ የተወለደ ትምህርቱን እንደጨረሰ፣ አል-ዲን የቤንጋል አቢሲኒያ ገዥ የነበረውን ሙሀፋር ሻህን ተከትሎ (እ.ኤ.አ. 1491-93 የነገሰውን) ተከትሎ የሄደ ነዉ ።

በሻህ ላይ የተሳካ አመጽ ሲመራ ቆይቷሎ፣ ከዚያም ንጉስ ተብሏል። ቦታውን ለማጠናከር ዋና ከተማውን ከጋኡር ወደ ኢክዳላ በማዛወር እና ሁሉንም ሊሆኑ የሚችሉ ተቀናቃኞችን በዘዴ በማስወገድ የአቢሲኒያውያን የበላይነት በማንገስ መግዛት ችሏል ።

አል-ዲን ምንም እንኳን አጥባቂ ሙስሊም ቢሆንም አናሳውን የሂንዱ ቡድን አያዳላም ነበር ይህ ፖሊሲ ለቤንጋሊ መንግሥት ትክክለኛ የፖለቲካ መዋቅር በመገንባት ረገድ ትልቅ ድርሻ ነበረው።

በ 1498 የካምሩፕ እና የአሳም አጎራባች ግዛቶችን ድል በማድረግ የግዛቱ አካል ማድረግ ችሏል ።አል-ዲን ጥበበኛ እና ቸር ገዥ፣ ንቁ የጥበብ ደጋፊ እና ታላቅ የህዝብ ስራዎች ገንቢ ነበር።

ለአብነት የሚጠቀሰዉ ዛሬም በቤንጋል ምድር ላይ ገዝፎ የሚታየዉ ትልቅ ማማ ሲሆን
ቅርሱን ለማየት ሲጠጉ መግቢያው ላይ በቤንጋልና እንግሊዝኛ ቋንቋም " ይህ የ25 ሜትር ከፍታ ያለዉ ማማ ከአምስት መቶ አመታት በፊት በአቢሲኒያዊዉ ሳይፍ አል-ዲን ፊሩዝ ሻህ ተገነባ ይላል ።

የባንግላዲሽ ጥናቶች ኢንስቲትዩት ጆርናል፣ ጥራዝ 35 2012 እንዳሳተመዉ ከሆነ
በዚህ ስፍራ ከአንድ አይሉ ሁለት ሶስት አራት ኢትዮጵያዊ ሱልጣኖች ሰጥ ለጥ አድርገው ገዝተዋታል ።

ከሁሉም የገነነዉ ግን ሳይፍ አል-ዲን ፊሩዝ ሻህ (1488-1490) ድረስ የቤንጋል ሱልጣን የነበሩት ትክክለኛ የመጀመርያ ስማቸዉ ማሊክ የተባሉት የቤንጋል የቀድሞ የጦር አዛዥ ኢትዮጵያዊዉኔ ኢሊያስ ሻህ በማሸነፍ የቤንጋል የሃብሺ ሥርወ መንግሥት ሁለተኛ ገዥ የነበሩትና የፋርስ ታሪክ ጸሐፊዎች ለድሆች እና ለችግረኞች ላሳየዉ ደግነት እና ደግነት በጣም ያወደሱት። ፍትህንና ልግስናን ከፍ አድርጎ የገለፁለት፤ ለዜጎቹም ሰላምና ምቾትን ለማስፈንም ከፍተኛ ጥረት ከማድረግ ባሻገር የኪነጥበብና የሕንፃ ጥበብ ደጋፊ እንደነበር የሚነገርለት ሳይፍ አል-ዲን ፊሩዝ ነዉ ። ይለናል ።

በቤንጋል ሱልጣናት ታሪክ ላይ ደማቅ አሻራ ያሳረፉ ዛሬም ድረስ የሚታይ አሻራ ያላቸዉ የሀበሻ ሥርወ መንግሥት አገዛዝ ዘመን እንደነበር በማዕረግ ተነስተው የጦር አዛዦች፣ ከፍተኛ ባለ ሥልጣናት፣ መኳንንት፣ ገዥና ገዥ በመሆን ከፍተኛ ቦታ ነበራቸዉ የሚለዉ በM Ahmedullah አማካኝነት በተደረገ ጥናት በጥቅምት 2024 ለንባብ የበቃና የተመሰረተዉ ታሪክ አስጠባቂ ቡድን ያረጋግጥልናል ።

ባጠቃላይ፣ ከኢትዮጵያውያን የመጡ አራት ሱልጣኖች የቤንጋል ሱልጣንነት ለአስራ ሰባት ዓመታት ያህል ያስተዳድሩ ነበር።

በባርነት ወደ ህንድ የገቡ አፍሪካውያን በሙሉ ከኢትዮጵያውያን መሪዎች ስር አድረዉ ተገዝተዋል በመሆኑም ወደህንድ ከአፍሪካ የሄዱ ባርያዎች ሌሎችም እንጂ ኢትዮጵያዊን አይደሉም ።

ለዚህም ራጅሻሺ ዩኒቨርሲቲ የእንግሊዝ ሙዚየሞች እጅ የሚገኙ በርካታ በአይን የሚታዩ መገልገያ ቁሳቁሶች እና በወርቅና በብር የተሰሩ የንጉሱን ስምና ማዕረግ ሀበሻነቱን የሚገልፅ መረጃ ጀርባቸው ላይ ያተሙ ሳንቲሞች ዛሬም ህያው ምስክር ናቸዉ ።

ነገር ሲረዝም የአንባቢያን ድርቅ ያጋልጣልና ለዛሬው ጀግና አያቶቻችን ባህር ተሻግረዉ ህንድን በተከታታይ ማለትም በህንድ የገዙ ኢትዮጵያን ሱልጣኖች ቁትብ አል-ዲን ማህርኑድ ሻህ ፣ሻርንስ አል-ዲን ሙዛፋር ሻህ ናሲሩዲን ማህሙድ ሻህ ዳግማዊ ሰይፉዲን ፊሩዝ ገዝተው እንደነበር በዘመናቸውም ሃያል እንደነበሩ ለማስታወስ ያዘጋጀሁትን ፅሁፍ በጥያቄ ላብቃ ።የኢትዮጵያ የታሪክ ምሁራን የትምህርት ፖሊሲ አርቃቂዎች ይህን የአያቶቻችንን ገድል መቼ ልትነግሩን ነዉ ?

ይህን ታሪክ ስታነቡ ምን ተሰማችሁ ? እኛስ ?

አመሰግናለሁ 🙏

#ethiopia ሞሮኮ የአፍሪካን የእግርኳስ አባት አመሰገነች !

ሀገሩ የናቀቻቸዉ ሞሮኮ ያከበረችዉ ታላቅ ሰዉ !
#ethiopia | እነሆ ወትሮም ቱሪስት የሚወዳት ሞሮኮ " Africa is calling " በሚል መፈክር የጠራቻቸዉ እንግዶቿ ወደሀገሪቱ ጎርፈዋል ። ካዛብላንካ እና ራባትን ጨምሮ በዘጠኝ ውብ ከተሞቿ ደምቀዋል ።

የጥቋቁር ክዋክብቶቹ የእግር ኳስ ዳንኪራ በሆነው ይህ ለ35ኛ ጊዜ የሚዘጋጀዉ የአህጉሩን መድረክ ሀሳብ አፍልቃ እዉን ያደረገችዉ መስራቿ ኢትዮጵያ በሌለችበት 24 ሀገራት በ6 ምድብ ለአንድ ዋንጫ ይፋለማሉ ። ከዚህ ሚሊዮኖች በጉጉት የሚከታተሉት ሁነት ጀርባ አንድ ሁገርና አንድ ታላቅ ሰዉ አሉ ።

ነገርን ከስሩ እንዲሉ አበዉ ጥቂት ወደኋላ እንመለስ ።የአፍሪካ ዋንጫ በደረሰ ቁጥር አፍሪካውያን ከእነሱ ጋር እኩል እንዳልሆኑና በነጮች ጨለማው በተባለው አህጉር፣ ህዝቦቿ የባርነት ቀንበር በሚማምቅቁባት ዘመን አፍሪካ አንድ የራሷ የስፖርት መድረክ ያስፈልጋታል በሚል በ1957 ካርቱም ምስረታውን አደረገ ።

እነሆ ይህ መድረክ ከሀምሳ አመታትን በላይ ተሻግሮ ነዉ በትላንትናው እለት ለ 35ኛ ጊዜ በሞሮኮ የተጀመረው ።

የያኔዉ በአፍሪካ እግር ኳስ ታሪክ በመጀመሪያዎቹ ጊዚያት ቀላል አልነበሩም ።

በዚህ ወድድር ደቡብ አፍሪካ በአፓርታይድ ፖሊሲ ምክንያት ብሄራዊ ቡድኗ ነጭ ተጫዋቾችን ብቻ በመምረጧ ከወድድሩ እንደትወጣ መደረጓ ምን ያህል ጥቁሮች አይገባንም የሚል አስተሳሰብ እንደነበራቸዉ ገላጭ ነዉ ።

ለማንኛውም በጊዜዉ የኢትዮጵያ ብሔራዊ ቡድን ከተፅዕኖ ፈጣሪ ፊታውራሪዎቹ ውስጥ ይገኝ ነበር ።

እንዲሁም በግለሰቤ ደረጃ ለአፍሪካ እግር ኳስ መወለድና ማበብ የኢትዮጵያ አበርክቶ በአንድ ግለሰብ አመራር ሰጪነት አማካኝነት ከፍ ያለ ቦታም ይዞ እናገኘዋለን ፤ በዚህም የተነሳ እኝህ ኢትዮጵያዊ ‘የአፍሪካ የእግር ኳስ አባት’ የሚል ስያሜ እስከማግኘት የደረሱ አንድ ታላቅ ሰዉ አሉ ።

የአፍሪካ እግር ኳስ ኮንፌዴሬሽን ለምሰረታ በቅቶ ዛሬ ላይ በአህጉሪቱ የሚገኙ ሁሉም ሃገራትን እንዲሳተፉ ማድረግ እንዲችል አንድ ታላቅ ኢትዮጲያዊ ሚናቸው ቀላል አልነበርም ክቡር አቶ ይድነቃቸው ተሰማ ።

እርግጥ ነዉ የአፍሪካ እግር ኳስ ኮንፌዴሬሽን ለምሰረታ በቅቶ ዛሬ ላይ በአህጉሪቱ የሚገኙ ሁሉም ሃገራትን እንዲሳተፉ ማድረግ እንዲችል አንድ ታላቅ ኢትዮጲያዊ ልፋትና ጥንካሬ አለ እሳቸዉም ክቡር አቶ ይድነቃቸው ተሰማ ናቸዉ ብለህ አለም ያወቀው ፀሐይ የሞቀውን ታሪክ ለአንድ ኢትዮጵያዊ የኳስ አፍቃሪ ማንነታቸውን ብትጠይቅ በቅጡ አይነግርህም።

ለማንኛውም እኒህ ታላቅ የስፖርት ሰው የእግር ኳስ ተጨዋች፤ አሰልጣኝ፤ አስተማሪ፤ የቡድን መሪ፤ ኮሜንታተር፤ የስነ ልቦና ባለሙያ እና በተለያዩ አህጉራዊ እና ዓለም አቀፋዊ የስፖርት መድረኮች ፕሬዝዳንት ሆነው ያገለገሉት ታላቅ ሰዉ ናቸዉ ።

ክቡር ይድነቃቸው ተሰማ የአፍሪካ እግር ኳስ ኮንፌዴሬሽን CAF ምስረታ ላይ የአንበሳውን ድርሻ የተወጡ ታላቅ ሰዉ ።

ተቋሙንም ለ14 ዓመታት በፕሬዝደንት በብቃት የመሩ ዛሬም ድረስ CAF የሚመራባቸው አብዛኞቹ ሕጎችም በክቡር አቶ ይድነቃቸው ተሰማ የተዘጋጁ ናቸው፡፡ ከዚህም በተጨማሪ ክቡር አቶ ይድነቃቸው አፍሪካ በዓለም ዋንጫ የመካፈል መብት እንደታገኝ ከፊፋ ጋር ለብዙ ዓመታት ታግለዋል። የትንባሆና የአልኮል ማስታወቂያዎች በአፍሪካ ስታድየሞች እንዳይሰቀሉ ፣ እንደ ድርጅት አፓርታይድን በሰፋት ተቃውመዋል ፣ የአፍሪካ ዳኞች እና ኮሚሽነሮች የአለም አቀፍ ውድድሮች ልምድ እንዲቀስሙ አድረገዋል። ክቡር አቶ ይድነቃቸው ተሰማ ለአፍሪካ እግር ኳስ ከሰሯቸው ከብዙ በጥቂቱ ናቸው።

ክቡር አቶ ይድነቃቸው ተሰማ ለአፍሪካ እግር ኳስ ኮንፊደሬሽን እና ለአፍሪካ እግር ኳስ ላበርከተቱ አስተዋጾ በሃገራቸው አንድ መታሰቢያ ባይቆምላቸውም በሞሮኮ ንጉሥ ሐሰን ዳግማዊ በተሰጠ መመርያ ግን በ1981 አም በካዛብላንካ የሚገኝ ስታዲየም በስማቸው እንዲሰየምላቸው ተደርጓል ። ሀገሬ ያላት ሀገሩ ግን ምንም አላደረገችለትም ።
#ታዴ_የማመይ_ልጅ

ነገ ፀሐይ ከጠዋቱ 12:35 ላይ ትወጣለች !

የኢትዮጵያ ቀደምት አባቶች ያረጋገጡት ሃቅ !
#ethiopia | በስነ ፈለክ ስነ ክዋክብት ቀደምት የኢትዮጵያ ምርምሮች በማጥናት የሚታወቀው ዶክተር ሮዳስ በነገው እለት ታህሳስ 12 በመላው አለም ቀኑ አጭርና ለሊቱ ረጂም እንደሚሆን ገለፀ ።

ዶክተር ሮዳስ ክስተቱን በተመለከተ በቪዲዮ ባቀረበው ዝግጂት እንደገለፀው ።

ፀሐይ በአመት ዉስጥ በሰማያዊ ሉል በምታደርገው ጉዞ 4 ልዩ ክስተቶች ይፈጠራሉ ። በዚህም ምክንያት የቀንና ለሊት የሰአት መለያየት ይፈጠራል ።

ከእነዚህም አንዱ የሆነው የታህሳስ ጀምበር ይጠቀሳል ።

በመሆኑም ታህሳስ 12 ፀሐይ ከጠዋቱ 12:35 ላይ የምትወጣ ሲሆን 12:11 ።ደቂቃ ላይ ወደጀንበሯ ትጠልቃለች ። ብሏል

ዶክተር ጉዳዩን እንዲህ እንዲህ በሰፊዉ አብራርቶታል ።

"ታህሳስ 12 ፀሀይ በፍኖተ ፀሐይ ወይም በፀሐይ ጎዳና ወደ ደቡብ የምታደርገውን ጉዞ የምታቆምበት እለት ነዉ ። እለቱ በሰሜኑ ንፍቀክበብ የክረምት መጀመርና በረዶና ዝናብ የሚጀምርበት ቀን ሲሆን ቀኑ አጭርና ለሊቱ ረጂም ይሆናል ። ይህ እለት በተለይም በሰሜኑ ንፍቀክበብ ሰዓት አቆጣጠር ስለሚያዛቤ ፈረንጆቹ ሰአቱን ለማመጣጠን ማስተካከያ ያደርጉበታል ።
በአንፃሩ ደግሞ በደቡብ ንፍቀክበብ ለአንድ ቀን ሙሉ የማትወጣበት ሙሉ ቀኑ በጨለማ የሚዋጥበት ሁኖ ይዉላል ።

በእርግጥ እኛ የምድር ወገብ አካባቢ ስለሆንን ልዩነት ብዙም አንረዳዉም በወደ አዉሮጳ አካባቢ ከቀኑ 9 ሰአት ላይ ድቅድቅ ጨለማ ይሆናል ከእኛ ግን 12/30 ድረስ ሊቆይ ይችላል ይህም የገና ጀምበር ተብሎ ይጠራል ። ትርጉሙም የአለም ገናናው ንጉሥ እየሱስ ክርስቶስ ዉልደት ለአለም ሁሉ ሁሉ የከፈተው የብርሃን በርን ያመለክታል ።" ሲል ገልጿል ።

በተመሳሳይ አጠቃላይ ስለምድሪቱና ኢትዮጵያዊያን ጠበብት የገለፀው ዶክተር ስለ ኢትዮጵያ ፊደላት ይህን ብሏል ።

በኢትዮጵያ ፊደለ ቀመር ከያዛቸው ሚስጥራት መካከል አንዱ "የብርሃን ቀመር " የተፈጥሮ የወቅቶች ኡደት እንደሆ የገለፀው ዶክተር ሮዳስ አባቶቻችን የፀሀይን መዞርን በማጥናት በምድር ወገብ እኩል የምትሆንበትን ተመራምረው የቀኑና የሌሊት እኩል 12 የሚሆኑበትን የመስከረምና የመጋቢት እኩሌን አሜስጥረዋል።

የግዕዙን ፊደላችን ካየነዉ ወደታች 26 ወደጎን 7 ሲሆን 26×7 =182 ይመጣል በዚህም ቀኑና ለሊቱ እኩል ይሆናል ።
ፌደላቶቻችን ጥልቅና ረቂቅ ሚስጥር ያለዉ ሲሆን ወደጎን ሰባቱ ብሩሃን ደማቅ አካላትን የሚወክሉ ናቸው ሀ ፀሐይን ፣ ሁ= ጨረቃን ፣ሂ= ማርስን ሃ ሜርኩሪን ሄ =ጁፒተር ፣ህ ቬኑስ፣ ሆ =ሳተርንን ይወክላሉ ።

እለታትን ስያሜ ጨምሮ በዓላትን በቀመርና በሚስጥር ነዉ በአቡሸሀር የተረቀቀው ለምሳሌ እኛ አዲስአመት መስከረም 1 ፀሐይ በምድር መካከል ስለምትዉል ቀኑና ለሊቱም እኩል ስለሆነ ነዉ ኢትዮጵያዊያን ሊቃውንት ከዘመን ወደዘመን የምንሸጋገርበት ያደረጉት በማለት ከሳይንስና ከኢትዮጵያዊ ጥንት ጥበብ በማጣቀስ አስረድቷል ።
#ታዴ_የማመይ_ልጅ

ኢትዮጵያዊነት ኩራት ነዉ !
#ethiopia የገረመኝ የቬሮኒካ አዳነ ስብእና

ማህበራዊ ሚዲያ አጠቃቀማችን ከደግ ደጉ ይልቅ ስህተቶች ነቀፌታን የሆነ ያልተለመደ ማፈንገጥ የሚወድ ሆነና ብዙ ጊዜ መጥፎውን ነጥለን በማራገብ ስሜትን ተከትሎ ሻራያል ለሚያወጣዉ አልጎሪዝም በመስጠት ትልቁም ትንሹም አሉባልታ ተራ አጀንዳ መድረኩን ይሞላዋል ። በዚህም ጥሩና አርአያነት ያለው ተግባር የፈፀሙት መልካም ምግባራቸው ተዘንግቶ ሲቀር የግድ ተጠቃሚው የሚወደዉን ለማድረግ ይገደዳሉ ።

ይህን መግቢያ ያደረኩት ብዙ ጊዜ ባለባበሷ የመነጋገሪያ ርእስ የምትሆነዉ ከሰሞኑን በዳሬሰላም ታንዛንያ በተካሄደዉ "2025 Zikomo Africa Awards" ላይ ያሸነፈችው ቬሮኒካ አዳነና ለመድረኩ ሀገርን ለመወከል የሚያስችል ዝግጂቷ ጉዳይ ማንም ምንም ሲል ባለማየቴ የተሰማኝን ጥቂት ለማለት ነዉ ።

በቅድሚያ "2025 Zikomo Africa Awards" ላይ በ4 የተለያዩ ዘርፎች በመታጨት በሁለት ዘርፎች አሸናፊ የሆንሽዉ ድምፃዊት ቬሮኒካ አዳነ እንኳን ደስ አለሽ ! እላለሁ ። በማስቀጠልም የ"ዓመቱ ምርጥ ሴት አርቲስት" (Female Artist of the Year) ዘርፍ አሸናፊ በመሆን የክብሩ ባለቤት ከመሆንሽ ባሻገር የሽልማት መርሃ-ግብር በሽልማት ሥነ-ሥርዓቱ ላይ ከአለባበስ እስከ ንግግር ከመድረኩ ከተዜመዉ የቦብ "One world "የሰላም ጥሪ ሙዚቃ እስከ ንግግር ያጠለብሽዉ ሰንደቅዓላማ እያንዳንዱ ያየሁት በሙሉ በእርግጥም 100 ምናምን ሚሊዮን የኢትዮጵያ ህዝብ መወከልሽን በቅጡ የተረዳሽ በሚገባ የተዘጋጀሽበትና ክብራችን የሚመጥን በመሆኑ ከወገቤ ጎንበስ በማለት አክብሮቴን ለመግለጽ እወዳለሁ ።

ለመሆኑ ይሄን ለምን አልክ አትሉኝም ? እያልኩኝ ያለዉማ ያች እንኳን ከድምፃዊያን መካከል የሚዲያ መነጋገሪያ የምትሆነው ሪያናን ለመምሰል ትሞክራለች እየተባለ በአለባበሷ የምትብጠለጠለዉ ቬሮኒካ አዳነ ራሷን ሁና አየኋት ነዉ ።

እዉነት ለመናገር ዘመነኛዉ ሙዚቃ አዳማጭ ባለመሆኔ ሙዚቃዎቿን አጣጥሜያለሁ ለማለት ይከብደኛል ነገር ግን በዚህ መንደር አጀንዳ ስትሆን አያለሁ ብዙ ጊዜ ደግሞ አለባበሷ ጉዳይ ነዉ የሚነሳ ። በዚህ መድረክ ግን በሀገሯ ልጆች ተፈትሎ ተሸምኖ የተሰራውን ረጂም ክትት ያለ ዘርፋፋ የባህል ቀምሷን አጥልቃ እምር ከማለቷ በላይ ተዘጋጅታበት የሀገሯን ሰንደቅዓላማ ይዛ በመገኘት ልክ ማሸነፏ ሲነገራት መድረኩ ላይ ያን የነፃነትና የአሸናፊነት ምሳሌ የሆነዉን አረንጓዴ ቢጫ ቀይ ሰንደቋን እንደሸማ ስትከናነብ ላስተዋለና ድምጿ በሲቃ ቁርጥ ቁርጥ እያለ ኢትዮጵያን ወክላ ለዚህ ደረጃ በመድረሷ የተሰማትን ደስታ ሐሴት በልዩ ስሜት ስትገልፅ ለተመለከተ ልጂቱ ሀገሯን ምን ያህል እንደምትወድ ያሳያል ።

በኋላም ዘመዴ ጎንደሬዉ የሚለዉን ሙዚቃ ስትጫወት ቀድማ የተዘጋጀችበት ታሪካዊቷን ጎንደር የሚገልጽ ቪዲዮ ከጀርባ ባለው ግዙፍ ስክሪን እየተላለፈ እስክታዉን ስታስነካዉ በእርግጥም ቬሮኒካ እኛን ወክላ መገኘቷ ትክክል ነዉ ያስብላል ።

ቬሮኒካ በንግግሯ መጀመሪያ ላይ ራሷን ስታስተዋውቅ፣ "ክቡራን፣ የአፍሪካ ህብረት ሰራተኞች፣ አጋሮች፣ ቤተሰቦች እና የክብር እንግዶች እንደምን ዋላችሁ። ከመቀጠሌ በፊት አጭር ትውውቅ ላድርግ... ማይክሮፎኑን የያዘው ማነው ብላችሁ እያሰባችሁ ከሆነ፤ እኔ ቬሮኒካ አዳነ እባላለሁ። ኢትዮጵያዊት ዘፋኝ፣ የዜማ ደራሲ፣ አርቲስት፣ ተዋናይት እንዲሁም በጋዜጠኝነት እና ኮሙኒኬሽን የመጀመሪያ ዲግሪ (Bachelor's Degree) በኩራት የያዝኩ ነኝ። ሙዚቃን ስሜቴን ለመግለጽ፣ ትወናን ታሪክ ለመንገር፣ የጋዜጠኝነት ትምህርቴን ደግሞ በዙሪያዬ ያለውን ዓለም ለመታዘብ፣ ለመስማት እና ለመረዳት እጠቀምበታለሁ።" በማለት ተናግራለች። "ከሁሉም በላይ ግን እኔ ኩሩ አፍሪካዊት ነኝ፤ ድምፄን በመድረክም ሆነ ከመድረክ ውጭ የአፍሪካን ታሪክ ለዓለም ለማውራት እጠቀምበታለሁ" ስትል የአፍሪካዊነት ስሜቷን በጣፋጭ እንግሊዝኛ አስተዋወቀች ።

ቬሮኒካ በመልዕክቷ መካከለ የአፍሪካውያንን "ኡቡንቱ" (ሰው በሰው ለሰው) ፍልስፍና በማንሳት፤ "እኔ ያለሁት በእናንተ መኖር ምክንያት ነው)" ስትል በአዳራሹ የነበረውን የአንድነት መንፈስ አድንቃለች አባቷን ኢትዮጵያዊያን አመሰገነች።

በጥቅሉ ቬሮኒካ በእለቱ መድረኩ ላይ ደምቃበት አመሸች ማለት ይቀላል ። እናማ ዉድ እህታችን ቬሮኒካ ሆይ ከሽልማቱ በላይ ማንነትሽን ሀገርሽን ታሪክሽን ባህልሽን ለማስተዋወቅ የሄድሽበት እርቀት ምስጋና ይገባዋልና ምስጋናዬ ይድረስሽ 🙏 #ታዴ_የማመይ_ልጅ

‎" ሕዝቡን ያስቆጣ ተግባር የፈፀሙት ከንቲባ ከስልጣን ወርደዋል" - የሺንሽቾ ከተማ ነዋሪዎች

‎በባሳለፍነው ሳምንት በከንባታ ዞን ሺንሽቾ ከተማ አስተዳደር ለሰርግ መልስ በሚል የፌዴራል መንገድ በሁለቱም በኩል በድንኴን ተዘግቶ ነበር።

ቃላቸውን ለቲክቫህ ኢትዮጵያ የሰጡ ነዋሪዎች ሰርግ ደጋሹ ግለሰብ በአከባቢው ባለሃብትና የባለስልጣናት ዘመድ በመሆኑ ከሌሎች ነዋሪዎች የተለየ ሰርግ ለመደገስ በማሰብ ሁለት ግዙፍ ድንኳኖችን በግራና በቀኝ በመተከል ሺሽቾን ከወላይታ ሶዶ ፣ ከዱራሜ ፣ ወራቤና ሆሳዕና ቡታጅራ የሚያገናኘው የፌዴራል መንገድ በሁለቱም አቅጣጫ መዝጋቱን ገልጸዋል።

በዚህ ምክንያት አንድ ተሽከርካሪ በውስጥ ለውስጥ ልዋጭ መንገድ ሲሄድ ከኤሌክትሪክ መስመር ጋር ተነካክቶ መቃጠሉን አክለዋል።

ለአንድ ባለሃብት ልጅ ተብሎ መንገዱ እንዲዘጋ የሆነው በከተማዉ ከንቲባ በነበሩት አቶ ታርኩ ተስፋዬ ቀጥተኛ ትዕዛዝ ሰጪነት ነው ያሉት ነዋሪዎች ይኸው ህዝብን ያስቆጣ ተግባር የፈጸሙት ከንቲባ ከስልጣን መነሳታቸውን ተናግረዋል።

‎የሺንሽቾ ከተማ አስተዳደር ጊዜያዊ  የሽግግር አማካሪ ምክር ቤት ዛሬ ባካሄደው አስቸኳይ ጉባኤ ከከንቲባቅን ከስልጣን እንዳነሳ ነው ያስረዱት።
‎
‎የሺንሽቾ ከተማ አስተዳደር ጊዜያዊ የሽግግር ምክር ቤት ዛሬ ባካሄደው 4ኛ ዙር 12 ኛ ዓመት የሥራ ዘመን 10ኛ አስቸኳይ ጉባኤ የከተማዋ ከንቲባ የነበሩትን አቶ ታሪኩ ተስፋየን ከስልጣን በማንሳት አቶ መለሰ ገብሬን በቦታቸው መሾሙንም ነዋሪዎቹ ገልፀዋል።
‎
" ‎በከንቲባውና አስተዳደራቸው ሕዝቡ ደስተኛ አልነበረም " ያሉት አስተያየት ሰጪዎቹ " በምክር ቤቱ ዉሳኔ ደስተኛ ነን " ሲሉ ተናግረዋል።
‎
‎ከዚህ ባለፈ ምክር ቤቱ ዛሬ ባካሄደዉ አስቸኳይ ጉባኤ ሌላች የስልጣን ማሰናበትና ሽግሽግ አድርጓል።

‎በዚህም  መሠረት፦
‎
‎➡️ አቶ መለሰ ገብሬ የሺንሽቾ ከተማ አስተዳደር ክቡር ከንቲባ

‎➡️ ወ/ሮ ባንቺ ማቴዎስ የሺንሽቾ ከተማ ምክር ቤት ዋና አፈ-ጉባኤ

‎➡️ ኢ/ር ቢኒያም ጴጥሮስ የሺንሽቾ ከተማ አስተዳደር ብልፅግና ፓርቲ ጽ/ቤት ኃላፊና የመንግሥት ዋና ተጠሪ

‎➡️ አቶ አድማሱ ወልዴ የሺንሽቾ ከተማ አስተዳደር ብልጽግና ፓርቲ ጽ/ቤት የፖለቲካና አቅም ግምባታ ዘርፍ ኃላፊና  የመንግስት ረዳት ተጠሪ

‎➡️ ወ/ሮ አጥናፏ ታዴዎስ የሺንሽቾ ከተማ አስተዳደር ብልጽግና ፓርቲ ጽ/ቤት የአደረጃጀት ዘርፍ ኃላፊና የመንግስት ረዳት ተጠሪ

‎➡️ አቶ ሽመልስ ተስፋዬ የሺንሽቾ ከተማ አስተዳደር ማዘጋጃ ቤታዊ አገልግሎት ጽ/ቤት ዋና ሥራ አስኪያጅ አድርጎ መሾሙን ገልጿል።

ቲክቫህ ኢትዮጵያ
ሀዋሳ

@tikvahethiopia

‎" ሕዝቡን ያስቆጣ ተግባር የፈፀሙት ከንቲባ ከስልጣን ወርደዋል" - የሺንሽቾ ከተማ ነዋሪዎች
#ethiopia | ‎በባሳለፍነው ሳምንት በከንባታ ዞን ሺንሽቾ ከተማ አስተዳደር ለሰርግ መልስ በሚል የፌዴራል መንገድ በሁለቱም በኩል በድንኴን ተዘግቶ ነበር።

ቃላቸውን ለቲክቫህ ኢትዮጵያ የሰጡ ነዋሪዎች ሰርግ ደጋሹ ግለሰብ በአከባቢው ባለሃብትና የባለስልጣናት ዘመድ በመሆኑ ከሌሎች ነዋሪዎች የተለየ ሰርግ ለመደገስ በማሰብ ሁለት ግዙፍ ድንኳኖችን በግራና በቀኝ በመተከል ሺሽቾን ከወላይታ ሶዶ ፣ ከዱራሜ ፣ ወራቤና ሆሳዕና ቡታጅራ የሚያገናኘው የፌዴራል መንገድ በሁለቱም አቅጣጫ መዝጋቱን ገልጸዋል።

በዚህ ምክንያት አንድ ተሽከርካሪ በውስጥ ለውስጥ ልዋጭ መንገድ ሲሄድ ከኤሌክትሪክ መስመር ጋር ተነካክቶ መቃጠሉን አክለዋል።

ለአንድ ባለሃብት ልጅ ተብሎ መንገዱ እንዲዘጋ የሆነው በከተማዉ ከንቲባ በነበሩት አቶ ታርኩ ተስፋዬ ቀጥተኛ ትዕዛዝ ሰጪነት ነው ያሉት ነዋሪዎች ይኸው ህዝብን ያስቆጣ ተግባር የፈጸሙት ከንቲባ ከስልጣን መነሳታቸውን ተናግረዋል።

‎የሺንሽቾ ከተማ አስተዳደር ጊዜያዊ የሽግግር አማካሪ ምክር ቤት ዛሬ ባካሄደው አስቸኳይ ጉባኤ ከከንቲባቅን ከስልጣን እንዳነሳ ነው ያስረዱት።
‎
‎የሺንሽቾ ከተማ አስተዳደር ጊዜያዊ የሽግግር ምክር ቤት ዛሬ ባካሄደው 4ኛ ዙር 12 ኛ ዓመት የሥራ ዘመን 10ኛ አስቸኳይ ጉባኤ የከተማዋ ከንቲባ የነበሩትን አቶ ታሪኩ ተስፋየን ከስልጣን በማንሳት አቶ መለሰ ገብሬን በቦታቸው መሾሙንም ነዋሪዎቹ ገልፀዋል።
‎
" ‎በከንቲባውና አስተዳደራቸው ሕዝቡ ደስተኛ አልነበረም " ያሉት አስተያየት ሰጪዎቹ " በምክር ቤቱ ዉሳኔ ደስተኛ ነን " ሲሉ ተናግረዋል።
‎
‎ከዚህ ባለፈ ምክር ቤቱ ዛሬ ባካሄደዉ አስቸኳይ ጉባኤ ሌላች የስልጣን ማሰናበትና ሽግሽግ አድርጓል።

‎በዚህም መሠረት፦
‎
‎➡️ አቶ መለሰ ገብሬ የሺንሽቾ ከተማ አስተዳደር ክቡር ከንቲባ

‎➡️ ወ/ሮ ባንቺ ማቴዎስ የሺንሽቾ ከተማ ምክር ቤት ዋና አፈ-ጉባኤ

‎➡️ ኢ/ር ቢኒያም ጴጥሮስ የሺንሽቾ ከተማ አስተዳደር ብልፅግና ፓርቲ ጽ/ቤት ኃላፊና የመንግሥት ዋና ተጠሪ

‎➡️ አቶ አድማሱ ወልዴ የሺንሽቾ ከተማ አስተዳደር ብልጽግና ፓርቲ ጽ/ቤት የፖለቲካና አቅም ግምባታ ዘርፍ ኃላፊና የመንግስት ረዳት ተጠሪ

‎➡️ ወ/ሮ አጥናፏ ታዴዎስ የሺንሽቾ ከተማ አስተዳደር ብልጽግና ፓርቲ ጽ/ቤት የአደረጃጀት ዘርፍ ኃላፊና የመንግስት ረዳት ተጠሪ

‎➡️ አቶ ሽመልስ ተስፋዬ የሺንሽቾ ከተማ አስተዳደር ማዘጋጃ ቤታዊ አገልግሎት ጽ/ቤት ዋና ሥራ አስኪያጅ አድርጎ መሾሙን ገልጿል ሲል ቲክቫህ ዘግቧል።

ፑቲን ከእግዚአብሔር የተሰጠን ስጦታ ነዉ
#ethiopia | የሩሲያ ቤተክርስቲያን ጳጳስ ፑቲን “ከላይ የመጣ ስጦታ” ሲሉ መናገራቸው ተሰማ ።

የሩሲያ ከፍተኛ ጳጳስ ለፕሬዝዳንት ቭላድሚር ፑቲንን በአሁኑ ጊዜ ሩሲያን መምራታቸዉ እንደ መለኮታዊ ሞገስ እና ስጦታ አድርገው አቅርበዋል። “ፑቲን በእርግጥ ከላይ የተሰጠ ስጦታ ነው።” ሲሉ ተናግረዋል ።

የሩሲያ ኦርቶዶክስ ቤተክርስቲያን ኃላፊ ፓትሪያርክ ኪሪል ይህንን ያሉት በሞስኮ ክሪላትስኮዬ አውራጃ በሚገኘው የቅዱስ ቭላድሚር ታላቁ ቤተክርስቲያን በስብከት ወቅት ለምዕመናን ሲሆን ሩሲያውያን “በጣም በበለጸገ ዘመን” ውስጥ እየኖሩ ነው ምክንያቱም ፑቲን “ከዛሪስት ዘመን ጀምሮ የመጀመሪያው የኦርቶዶክስ ፕሬዝዳንት” በመሆናቸው ብለዋል

ፓትርያርኩ የፑቲንን የግል እምነት ደጋግመው አወድሰው ፣ “የጥሩ ክርስቲያን ምሳሌ” ብለው ጠርተውታል፣ ፕሬዚዳንቱንም ቤተክርስቲያን ለመገኘት ወይም ቁርባን ለመቀበል የማያፍር “ቅን አማኝ” ሲሉ ገልጸውታል።

አክለዉም ኪሪል ሩሲያውያን ቤተክርስቲያኗንም ሆነ መንግሥቱን እንዲደግፉ ጥሪ አቅርበዋል፣ አገሪቱን ከመንገዷ ለማዞር እየሞከሩ ነው በማለት የውጭ ተጽዕኖዎች አስጠንቅቀዋል።
ሩሲያውያን ለፕሬዚዳንቱ እንዲጸልዩ አሳስበዋል።

ለአገሪቱ ብቻ ሳይሆን ለአመራሯም ምስጋና ያቀረቡት ጳጳሱ ። “ስለዚህ፣ ለምንኖርባት ሀገር እግዚአብሔርን እና በግልጽ ለመንግስት… እና ሩሲያ ዛሬ ላለችበት ጥንካሬ ሁሉ ምስጋናችንን ማቅረብ አለብን” ብለዋል ሲል moscow times ዘግቧል ።

በሌላም በኩል የሩሲያን ጠንካራ አቋም ከምዕራቡ ዓለም ውድቀት ጋር አነጻጽሯል። ‘በማንም አንፈርድም፣ ነገር ግን የዚያ ማህበረሰብ መንፈሳዊ እና ሥነ ምግባራዊ ቀውስ ሙሉ በሙሉ ግልጽ ነው’ ብለዋል፣ ማህበረሰቦች ሰዎችን ለማስደሰት በ‘ሳይንስ፣ ቴክኖሎጂ እና ካፒታል’ ላይ ብቻ የተገነቡ መሆናቸውን አክለዋል ሲል digi24.ro ዘግቧል።

በጠንካራ ኦርቶዶክሳዊ እምነታቸው የሚታወቁት የሩሲያው ፕሬዘዳንት ቭላዲሚር ፑቲን ከዩክሬንና ሀይማኖትና ማንነትን ለማጥፋት ዙርያዉን ካሰፈሰፉ ጋር ግጭት ከጀመረበት ጊዜ ጀምሮ በክሪምሊን እና በሩሲያ ኦርቶዶክስ ቤተክርስቲያን መካከል ያለውን የጠበቀ ትስስር ይበልጥ እንደሚያጠናክሩ ገልፀዋል ።
#ታዴ የማመይ ልጅ

የቀይ ባህር እንቁ አሥመራ ሽኮሪና

የአለማችን የመጀመርያዋ የቅርስ ከተማ!

( በታዴ የማመይ ልጅ )
#ethiopia | በእርግጥም በምስራቅ በፅሎትና ቤተ ጊዮርጊስ ፣ በምዕራብ በፀራራት ፣በሰሜን በአክሪያና ባዕታ አስመራ፣ በደቡብ አዲ ጓእዳ ኮረብታዎች ደጀን የሆኗት በፅዳቷ ፣ በእርጋታዋ ፣ እንደሚፈርጥ እንቁላል በጥንቃቄ በተደረደሩት እፁብ ህንፃዎቿ በተንዠረገጉት ዘንባባዎቿ፣ የአፍሪካ ዘመናዊ ከተማ ፣የቀይ ባህር እንቁ ትመስላለች ።

በዛሬዉ የአፍታ ቱሪዝም ጉብኝታችን ባለፉት ሦስት አስርት አመታት ክፉ ክፉዉን አግዝፈው የሚነግሩን ቤኒቶ ሙሶሊኒም “ፒኮላ ሮማ” ወይም “ትንሿ ሮም” ሲል ያሞካሻት የኤርትራ ዋና ከተማ አስመራ ገብተናል ።

በቆይታችን ደግነትና ባህል አክባሪነት መገለጫው ሰዉን ያለልዩነት የሚወደው ቸርነት ከባህሪዉ የሆነው የአስመራ ህዝብ አለና ወደኋላም ከመነሻዋ ወደፊትም ከገፅታዋ መለስ ቀለስ እያልን በጎዳናዎቿ ሸር ብትን እንላለንና አብራችሁን ዝለቁ ።

ጥንት ከሁለት ሺህ ዓመት በላይ ታሪክ ያለዉ አዶሊስ በዝያን ጊዜ ከነበሩ ከታወቁ የተለያዩ ሃገሮች ጋር ትልቅ የንግድ ግንኙነት የነበረዉ፤ አዶላዉያን በዝያን ጊዜ እስከ ሕንድ አልፈዉ እስከ ቻይና ግንኙነት ያደርጉባት የነበረዉ የወደብ ከተማ ናት የሰሜን ፈርጧ አስመራ።

በአሥመራ በሠምበል አካባቢ የተገኘው የአርኪዮሎጂ ማስረጃ ከተማዋ ስያሜ በ 800 ዓ.ዓ. ይወስደናል ።

የኦና ባህል ተብሎ የሚጠራውን የአሥመራ ታሪክ በ 800 ዓ.ዓ. እና በኤርትራ ትግሪኛ ቃል ባሕላዊ ታሪክ መሠረት፣ በቀበሳ አምባ ላይ በአስመራ አካባቢ አራት ጎሳዎች ይኖሩ ነበር።

በዘመኑ ተበታትነው የነበሩት ገዛ ጉርቶም። ገዛ ሽሌሌ፣ ገዛ ሴሬንሰር እና ገዛ አስመኤ የተባሉ ግዛቶች ጎሳዎች በአንድነት በመሆን ከተማ በመመስረት "አርባተ አስመራ" የሚል ስም ሰጧት ይባላል ይህም አርባተ አስመራ ማለት በትግርኛ ቋንቋ 'አራቱ ጎሳዎች' ማለት ነው።

ከባህር ጠለል በላይ ከ2,300 ሜትር በላይ ከፍታ ላይ የምትገኝ ሲሆን ከአካባቢው ዝቅተኛ ቦታዎች ሙቀት ጋር የሚቃረን መለስተኛ የአየር ንብረት ያላት አስመራ ግብፆች፤ ቱርኮች፤ጣልያኖች እንጊሊዞች ተዋግተዉባታል። ከተማዋን የጎዳ ማንም ኃይል ግን አልነበረም ወዘናዋ ዛሬም በእርጋታ ተዉቦ ይገኛል ።

ከተማዋና ዙርያዋ ታሪክ ከ 2000 ዓመት ወደኋላ ይወስደናል 2000 አመታት በላይ ስልጣኔ የነበረዉ ታሪካዉ" መጠራ በለዉ ከለዉ" የተባለ በአፍሪቃዉ ቀንድ ላይ ለሚገኙ ሁለቱም ሃገሮች የሥነ-ጽሑፍ የተከሰተበት ታሪካዊ ቦታ ሲሆን በሃዉልቱ ላይ አናባቢ የሌለዉ የግዕዝ ጽሑፍ ሰፍሮ ይገኛል ።

ሰፊ ከተማ የነበረችዉ 17 ኪሎሜትር ስፋት የነበራት ቆሃይቶ እስከ ትልቅ የአፍሪቃ ከተማ ያደርጋታል። ከዚህም ባሻገር በአፍሪቃ እስልምናን ከተቀበሉት አካባቢዎች የመጀመርያዉ የሆነው ዳህላክኬሪስ
ጥንታዊ መቃብሮች ጥንታዊ የዉኃ ማጠራቀምያ ገንዳዎች መገልገያዎች አስመራና ዙርያዋ የረጂም ታሪክ እንዳላት ህያው እማኝ ይሆናሉ ።

ይሁንና የዛሬውን ገፅታ የያዘችው በጎርጎረሳዉያኑ 1930ዎቹ በቅኝ ግዛት ኤርትራን የያዘዉ ኢጣልያዊዉ ፋሺስት ሞሶሎኒ በምስራቅ አፍሪቃ ለሚያካሂደዉ የቅኝ ግዛት ዘመቻ ማዕከል እና መነሻ እንድትሆነዉ ዓይኑን ከጣለባት በኋላ ነበር ።

የጣልያንን መምጣት ተከትሎም አስመራ የምትባለዉ ትንሽ መንደር ሞቅ ደምቅ ማለት ጀመረች ። በአፍሪካ የመጀመሪያው የቴሌቪዥን ስርጭት ፣ የመጀመሪያው Am FM አጭር መካከለኛ ረጂም ሞገድ ራዲዮ ፣
የኤርትራ የባቡር መስመር በጊንዳ ከተማ በኩል በካርሎ ካቫና መሪነት ወደ ምጽዋ የባህር ዳርቻ የሚያመራ ሀዲድ ፣ ሲኒማ
ፋብሪካዎች በብዛት ተገንብተው በአፍሪካ ምድር ላይ የአውሮፓ ዘመናዊነት እውነተኛ ማሳያ ያደርጋታል ።

ሲኒማ ኢምፔሮ፣ የፊያት ታግሊየሮ አገልግሎት ጣቢያ እና የቅዱስ ጆሴፍ ካቴድራል ያሉ ታዋቂ ሕንፃዎች ለዚህ የፈጠራ ኃይል ምስክር ናቸው። ፊያት ታግሊየሮ፣ እንደ አውሮፕላን ለመነሳት ዝግጁ የሆነ አውሮፕላን ቅርጽ ያላቸው የተጠናከረ የኮንክሪት ክንፎቹ ያሉት፣ የዘመኑን የቴክኖሎጂ፣ የእድገት እና የፍጥነት ውበት ያለውን ማራኪነት መገለጫዎች ናቸው ።

ጋዜጠኛ ጆን ጉንተር እ.ኤ.አ. በ 1955 እንደገለጸው "ጣሊያኖች [አስመራን] እንደ ትሪፖሊ በጥሩ ሁኔታ እንደገነቧት ጽፏል።

በሚያማምሩ ሰፊ ጎዳናዎች ፣ ያጌጡ የህዝብ መገልገያ ሕንፃዎች እና የሥልጣኔ ምልክት የሆነው በከተማዋ የተገነባው ዘመናዊ የፍሳሽ ማስወገጃ ስርዓት ... የጣልያኖች የስራ ውጤት መሆኑን ጽፏል።

የኢጣሊያ መንግሥት በአስመራ እና በአስመራ ዙሪያ ባሉ አካባቢዎች በኢንዱስትሪ ልማት ላይ ኢንቨስት አድርጓል ።

ከሥነ ሕንፃዋ ባሻገር፣የጂኦሜትሪክ ዲሲፕሊን እና የሜዲትራኒያን ጸጋ ድብልቅ አሰራሯ አስመራን ልዩ ውበት ይሰጣታል ።

አስመራ ሙሉ በሙሉ በዘመናዊነት ሀሳብ ዙሪያ ለተቀረፀ የከተማ ፕላን ትታወቃለች፤ ሰፊ አውራ ጎዳናዎች፣ ሥርዓታማ ሰፈሮች፣ ለጋስ የሕዝብ ቦታዎች እና ቀልጣፋ መሠረተ ልማቶች የጣልያኖች የስራ ዉጤት የተመለከተው ፋሽስት ሞሶሎኒም በዝያን ጊዜ አስመራን አፍሪቃዊትዋ ትንሽዋ የሮም ከተማ ሲል አንቆለጳጽሷታል።

ሲኒማ ቤቶቹ ራሳቸዉ ድንቅ ናቸዉ ሲኒማ ኤንፔሮ፤ ሲኒማ ዳንቴ፤ ሲኒማ ካፒቶል፤ ሲኒማ ሮማ፤ ሲኒማ ኦዲዎን የሚባሉ ሲኒማ ቤቶች አሉ።ሁሉም ሲኒማ ቤቶች የተሰሩት በአዉሮጳ ደረጃ ነዉ። ሌሎቹ ሕንጻዎች ቡናማ ሰማያዊ አረንጓዴ ቀለም ያላቸዉ ሲሆኑ የአስመራ ቅድስተ ማርያም ቤተ ክርስትያን ዉብ ቪላ ቤቶች ፤ ፋብሪካዎች አስመራ የሚገኘዉ ትልቁ መስጊድ የመሳሰሉት ሁሉ የሚያማልሉ ናቸዉ።

ከተማዋ እድለኛ ከተማም ናት 30 እና 40 ዓመት ጦርነት ተካሂዶ ከተማዋ ምንም አልተጎዳችም ከተማዋን የጎዳ ኃይል የለም። በመጀመርያ ከተማ አስመራን በኦቶማን ኤምፓየር በሚባለዉ ዘመን ቱርኩች ያዙ፤ ከዝያ በኋላ ግብጾች ያዙ ከዝያ በኋላ ጣልያኖች ያዙ ከዝያ በኋላ እንጊሊዞች ያዙ። ይህ ሁሉ ትርምስ ሲካሄድ ግን ከተማዋ አልተጎዳችም ።

የተባበሩት መንግሥታት የትምህርት የሳይንስ እና የባህል ድርጅት አስመራ የዓለም ቅርስ ሆና እንድትመዘገብ በፖላንድ ዋርሶ ባካሔደው ጉባዔ ላይ የአለማችን የመጀመርያዋ የቅርስ ከተማ ክብር መዝገብ አስፍሯታል ።

በአስመራ የሚገኙትና ቅኝ ግዛቱ ዘመን የተሰሩት ከ 50 በላይ ሕንፃዎች በሙሉ በዓለሙ መንግሥታት የቅርስ መዝገብ በመስፈራቸዉ ኤርትራ ጥንታዊና የባህል ቅሪቶች በሙሉ የተመዘገበላት ቀዳሚዋ የዓለም ሀገር ያደርጋታል ።

UNESCO ስለ ከተማዋ ሲገልፅ
«አስመራ በጣም ዉብ የሆነች ከተማ ናት። ከሁሉ ደግሞ ሕዝብዋ በዉስጥዋ እየኖረ ባህሉን እየጠበቀ ሥነ ሕንጻዉን እየጠበቀ በመሆኑ ነዉ። የአስመራ ሕንጻዎች ለየት ያለ ንድፍና ቅርስ የያዙ ናቸዉ። ጣልያኖቹ በቅኝ ግዛት ወቅት ሃገራቸዉ ዉስጥ የሌለ ነጻነት አስመራ ዉስጥ፤ ቅኝ ሃገር ዉስጥ ነጻነት ተሰምቶአቸዉ ፤ በምህንድስናዉ ረገድ አብዮት ያካሄዱ ይመስላል። ምክንያቱም ኢጣልያ ዉስጥ የማይገኘዉ ሕንጻ አስመራ ዉስጥ አለ።» ሲል ገልጿል ።

አስመራ ከተማ በኪነ ሕንጻ ብቻ ሳይሆን በጽዳትዋ ፤ በአየር ፀባይዋና በተለያዩ ሁኔታዎች ከአፍሪቃ የታወቁ ከተማ በመሆንዋ አስመራ በዓለሙ የቅርስ መዝገብ መመዝገብዋ ለኛ ለኢትዮጵያዉያን ለዓለም ሕዝብ ሁሉ ኩራት ነዉ ሲሉ የወቅቱ የበኢትዮጵያ ቅርስ ጥናትና ጥበቃ ባለስልጣን ገልጿል ።

አስመራ ሕያው ሙዚየም እና ሕያው የስልጣኔ ከተማ የአፍሪካን ዘመናዊነት ማሳያ የተረጋጋች እጅግ ማራኪ ብትሆንም ከተማዋ ከቱሪዝም ዘርፉ ተጠቃሚ አልሆነችም።

ሜሳረጊያዉን የባለቅኔዉን የሎሬት ፀጋዬ ገ/መድህን ግጥም እንገባበዝና ለዛሬው ይብቃን ።

አስመራ
ምነው ሁሉ እንዳንቺ አስመራ
እንደ ከተሞች መዲና አቀያየሱ ቢጠራ
ያውራ ጎዳናሽ ጠለላ ፡
ሁሉን በአክናፉ እየጠራ
አስር ሰዓት ላይ ሲደራ
ለመንገደኛሽ መዝናኛ ፣ሲያጠላ ሲያብብ ሲያፈራ
ምነው ሁሉ እንዳንቺ አስመራ
አደባባይ ሲያነጥፉ
አድባራትና መስኪዱን ፣ ካቴድራሉን በየረድፉ
ገበያውን በየመልኩ ፣ እንደ አውታር እያሰለፉ
በወግ እየደረደሩ ፣በስምረት እያሰመሩ
በውበት እያዳበሩ ፣እያሳመሩ ቢያደሩ
በየክፍሉ በየበሩ በየመልኩ በየተራ
ፋኖሱን እንደ ደመራ
ቡና ቤቱን እንደ ሦራ
ምነው ሁሉ እንደ አንቺ አስመራ
እንደ ከተሞች መዲና አቀያየሱ ቢጠራ፡፡

እሳት ወይ አበባ (ሎሬት ጸጋዬ ገ/መድህን )

ማሩ ቀመስ ደምቢያ ደብረ ሲና ማርያም ተገኘን !!

(ታዴ የማመይ ልጅ )
#ethiopia | ተወዲያ ከውቢቷ ባሕር ዳር እስከ ታሪካዊቷ ጎንደር፤ ከለምለሙ የጎጃም ምድር እስከ ማማው በጌምድር የተዘረጋው የጣና ሐይቅ ከሕዋ ላይ ሆነው ሲያዩት የሰውን ልጅ ❤️ የልብ ቅርጽ ገፅታ ይዞ ይታየኛል ።

ከዘጌ እስከ ጣና ቂርቆስ፣ ከደልጊ እስከ ሬማ መድኃኒዓለም፣ ከክብራን እስከ ጀበራ ማርያም፣ ከእንጦስ እስከ ማንዳባ፣ ከጉረር እስከ አንጋራ ከቁንዝላ እስከ ጎርጎራ እና ሌሎችም የተንጣለለዉን ሐይቅ ጉማራ ጉዛራና ርብ የተባሉ አፍላጎች ሰርክ ይገብሩለታል ።

ለማንቻዉም በጣና ሃይቅ ወደብ፤ በቤጌምድር መደብ በጎንደር እናት ባሕላዊ፣በቅዱሳን መኖሪያ፣ የበረከት ማደሪያ፣ የእውቀትና የጥበብ መፍለቂያ፣ መንፈሳዊና ሞራላዊ ሃብቶች መጠለያ ፣ለዘመነ መሳፍንት ማክተም ምክንያት ከሆኑ ቦታዎች አንዱም ነው፤ ማሩ ቀመስ ደንቢያ ዉስጥ ነኝ ፡፡

መዳረሻዬ ደግሞ ከረጂም ዘመን ጀምሮ እስከዛሬ በተዘረጋዉ ታሪኳ በዋሻዎቿ የሰው ልጅ ይኖርባት እንደነበር የሚነገርላት ፣ከህገ ልቦና እስከ ህገ ኦሪት፣ ከንጉሰ ነገስት እስከ ወታደራዊ መንግሥት፣ ከጥንታዊው እስከ ዘመናዊው፣ ከተዘመረለት እስካልተዘመረለት ፣የኢትዮጵያ የረጅም ዘመን ታሪክ በሚነገርበት፣ ስርዓተ ክህነት እና ስርዓተ መንግሥት የጸናባት ጎርጎራና የ704 ዓመቷ ደብረ ሲና ማርያም ገዳም ናት ፡፡
ከዚያ በፊት ግን ስላለሁበት ለጥ ያለዉ የደምቢያ ምድር ጥቂት ልበል አሁን የምገኝበት ስፍራ በኢትዮጵያ ታሪክ ያላስተናገደው ሁነት የለም ፡፡

አፄ ሱስንዮስ ኢትዮጵያ የሮማን ሐይማኖት እንድትቀበል አዋጅ ያስነገሩት ከዚህ ስፍራ ነዉ።

የአፋሩ ጦረኛው አህመድ ኢብን ኢብራሂም አልጋዚ …ግራኝ አህመድ ከርቀት የሰማዉ ገናናው ስሟን አይቶ ለመናገሻነት መረጦ በረሃውን አቋርጦ ለህልሙ መሳካት ከአስር አመት በላይ የተይከራተተላት በመጨረሻም አፈሯን ቀምሷል።

ግራኝ አህመድ መርጦ ጣና ዳርቻ ዋና መዲናውን ለማድረግ እንዳሰበ ሁሉ፤ ፋሺሽት ጥሊያንም ጎርጎራን እና ደንቢያን ዋና መናገሻው ለማድረግ ዳድቶት ነበር አሉ፡፡

ሐማሴኖች ትናንታችን የዘር ሀረጋችን ከዚህ ይመዘዛል ይሉናል ፣ዮዲት ጉዲትም መዲናዋ ለማድረግ መርጣታለች ፣ የዘመናዊቷ ኢትዮጵያ አንጥረኛ እና ጥበበኛ የሆኑት ቋረኛው ንጉስ የመሪነት ጥበብ ስንቃቸውን የቋጠሩት፣ የታላቅነት ራዕይ ህልማቸውን የወጠኑባት ማሩ ቀመስ ደንቢያ ነበር ፡፡

ስፍራው ከአፄ አምደ ፅዮን እስከ ታላቁ ንጉስ ሰርፀ ድንግል፣ ከ አፄ ፋሲል እስከ አፄ ሱስንዮስ ፣ከእንግሊዝ ተስፋፊዎች እስከ የፖርቹጋል አሳሾች ከሮም ቀሳውስት እስከ የግሪክ መልዕክተኞች ፋሺሽት ጣሊያን እስከ ሚሲዮናዊያን ከአፄ ኃይለ ስላሴ እስከ ኮሎኔል መንግስቱ እልፍ ታሪኩን በአጭር ቃላት ገልፀን መጨረስ አያስችልምና ቀጥታ ወደዛሬዋ መዳረሻዬ ላቅና ።

ይህ ሥፍራ በቅዱሳን መኖሪያ፣ የበረከት ማደሪያ፣ የእውቀትና የጥበብ መፍለቂያ ፣ ትናንት ጥበብ የተቀዳበት ፣ ዛሬም የሚቀዳበት ጥበብን የሚሹ ሁሉ የሚረኩበት ስለመሆኑ ሞገሱ ያሳብቃል ።

አሁን የምገኘው ከጎንደር ከተማ በስተምዕራብ 61 ኪ.ሜ ርቀት ላይ ጣና ሀይቅ ዳር ነዉ ።

በስተምስራቅ የተንጣለለው ሐይቁ በማዕበል ይወዛዋዛል፡፡ ዛፎች ለጌታቸው ምስጋና የሚያቀርቡ ይመስላሉ፡፡ ጎንበስ ቀና ሲሉ አጀብ ያሰኛሉ፡፡ አበው መነኮሳት ስጋዬን ለመነኩሴ ነብሴንም ለስላሴ ብለው ሳያርፉ ለአገልግሎት ይፋጠናሉ፡፡ ስጋቸውን እያስራቡ ነብሳቸውን ይመግባሉ፡፡ ስለ ዓለም ሀጥያት፣ ስለ ምድር በረከት፣ ስለ ኢትዮጵያ ፅናት፣ ስለ ሕዝቦቿ አንድነት ሳይሰለቹ ይማፀናሉ፡፡

በሃገር በቀል እፅዋት በተሸበበዉ ግቢ አዕዋፋት ይዘምራሉ፡፡

እለቱ ህዳር 21ም አይደል በጣና ሀይቅ ዳር በምትገኘው የ704 ዓመቷ ደብረ ሲና ማርያም ገዳም ደርሻለሁ ።

ገዳሟን ብዙዎች ሊያዩት ሊጎበኙት ይሻሉ፤ ይጎበኙታልም። የተገደመችበት እድሜ እሩቅ ነዉ ።

የተመሰረተችው በ1312 ዓ/ም በአጼ ዓምደ ጽዮን ዘመነ መንግስት ነበር በንጉስ አምደ ፅዮን መንግስት ወቅት ኤስድሮስ በተሰኘ የ ንጉስ አምደፂዮን የጦር መሪ አማካኝነት ነበር ይባላል ። እንደ ገዳሙ አባቶች ገለፃ ከሆነ የደብረሲና ማርያም አመሰራረት አስደማሚና ተዓምራዊ ጭምርም ነው።

ነገሩ እንዲህ ነው። ገዳሟ አሁን የምትገኝበት የሀይቁ ዳር አካባቢ በደን የተጠቀጠቀና የሽፍቶች መኖሪያ ነበር። ሽፍቶቹም ባሻ ጐርጐጎር፣ ባሻ አትርፍ፣ ባሻ ስማንና ባሻ ጐራድ ይባሉ እንደነበር ይነገራል።

እነዚህ ሽፍቶች የአካባቢውን ነዋሪ አላስወጣ አላስገባ በማለት፣ በመዝረፍና በመግደል በእጅጉ በማማረራቸው ህዝቡ ለንጉስ አምደ ፂዮን አቤቱታ ማቅረቡን ይናገራሉ። ንጉስ አምደ ጺዮን የህዝቡን አቤቱታና እሮሮ ካዳመጡ በኋላ ሽፍቶቹን ለመዋጋት ኤስድሮስ በተባለ የጦር መሪያቸው አማካኝነት ጦር ያዘምታሉ።

ኤስድሮስ ሽፍቶቹ ድል ከነሳ በኋላ በዚህ አካባቢ ለስሜ መጠሪያ የሚሆን አንድ ማስታወሻ ተክዬ መሄድ አለብኝ ብሎ አሰበ ዙሪያ ገባውንም ቃኘ። በዚህ ቅኝቱ አንድም ቤተ ክርስቲያን ባለማየቱ ጦርነቱን ድል እንዲነሳ ያገዘችውን ማርያም ቤተክርስቲያንን ለማሰራት ወሰነ ይላሉ የገዳሙ አባቶች።

እናም ለቤተ-ክርስቲያኑ ማቆሚያ የሚሆን 12 ዓምድ (ወጋግራ) የዝግባ እንጨት እንዲያመጡለት ሰራተኞቹን ወደ ጎጃም ዘጌ አካባቢ የላከው ኤስድሮ፤ 11ዱ እንጨቶች ተገዝተው ሲጫኑ 12ኛውን እንጨት ለመግዛት ከሻጩ ጋር በዋጋ መፋረሳቸውን ይገልጻሉ። ሰራተኞቹም 11ዱን ወጋግራ ጭነው መጡ።

ይህ በዋጋ መፋረስ ምክንያት የቀረው አንድ ወጋግራ ባልታወቀ መልኩ በጣና ማዕበል እየተገፋ አሁን ገዳሟ ያለችበት ቦታ ድረስ መምጣቱን ይህም ተዓምረ ማርያም ሆኖ በገዳሟ ታሪክ የሚነገር ነው።

የዚህን ተዕምር ያዩት በሙሉ ለፍጥረት አዛኝ የሆነችውን እመቤታችንን አመሰገኑዋት። በመቀጠል እነዚህን 12ቱን ዓምዶች ከቤተ ክርስቲያኑ አቆሙት። ይህንን ተአምረኛ ዓምድ በሴቶች ዓምድ አንቀጽ (መግቢያ) በደቡብ ምዕራብ በኩል ተከሉት አስካሁን በስፍራው ይገኛል ።

ግብጻዊት ማርያም ስዕል “ግብፃዊት ማርያም” የተባለች የምትጠራውንና ምስሏ በገዳሟ ምስራቃዊ ክፍል ላይ አሁንም የምትገኘውን ምስለ ማርያም አስሎ ማስመጣቱን ነው ታሪክ የሚናገረው።

ግብጻዊት ማርያም ስዕል''በዚህች ገዳም ውስጥ የምትገኘው የእመቤታችን ቅድስት ድንግል ማርያም ስዕል ከግብጽ እንደመጣች ይነገራል።

ታሪክ እንደሚያስረዳው ከግድግዳው ያለችው ስዕለ አድኅኖ በግብጻውያን እንደተሳለች አያጠራጥርም። ይህችን ስዕል ለየት የሚያደርጋት ነገር ቢኖር እቴጌ መለኮታዊት በልዩ ሱባኤ ከእንባ ጋር እንዳሰራቻትና ሌባ ሰርቆ ወደ ግብጽ እንደወሰዳትና በተአምር ወደ ግብጽ ተመልሳ እንደመጣች ታሪክ ያስረዳል።

ጥንታዊቷ ገዳም ከተገደመችበት ጊዜ ጀምሮ በሳር ክዳን ያላት ሲሆን አሁንም ከሰባት መቶ አመታት በኋላ የሳር ክዳን ታሪክን ሃይማኖትን እያሻገረች ትገኛለች ።

ከገዳሟ ተሳልመን እንዲሁ ወደመጣንበት አንመለስም ምክንያቱም ደምቢያ ዉስጥ አያሌ ታሪክ የሚቀዳባቸው፣ የጸና ሃይማኖት ያለባቸው፣ የኢትዮጵያ አንድነት የሚመነጭባቸው ፣አንደበት ችሎ የማይናገራቸው፣ ልብ ሆኖለት የማይመረምራቸው ፣ እጹብ የሚያሰኙ ታሪካዊ እና መንፈሳዊ ሥፍራዎች መልተዋልና፡፡

ደምቢያ ከደብረ ሲና ማርያም እስከ ገሊላ፣ ከአትማረኝ የተራራ ሰንሰለት እስከ ሱስንዮስ ቤተ መንግስት፣ ከፈረስ ግንብ እስከ ጉርአምባ፣ ከታሪካዊው አንጋራ ተክለ ሐይማኖት እስከ ማንዳባ ገዳም፣ ከሞሶሎኒ ሐውልት እስከ ቸንከር ተክለ ሐይማኖት መገኛም ናት ።

የአዊ ብሄ/አስ - አባይ ባንክ የሁለትዮሽ ስምምነት
#ethiopia | የአዊ ብሄ/አስ የመንግሥት ሠራተኞችን የረጅም ጊዜ የብድር ተጠቃሚ ለማድረግ የሚያስችል የውል ስምምነት ከአባይ ባንክ ጋር ተፈራርሟል።

የአባይ ባንክ -የአዊ ብሄ/አስ የመንግስት ሰራተኞች ሁለትዮሽ ስምምነቱ የቤት መግዣ፣የመኪና መግዣ እና ለቤት ቁሳቁስ መግዣ የረጅም ጊዜ የብድር አቅርቦት መሆኑ ተነግሯል።

የአዊ ብሄ/አስ ም/አስተዳዳሪ እና ከተማና መሠረተ ልማት መምሪያ ሀላፊ አይተነው ታዴ እና የአባይ ባንክ የእንጅባራ ቅርንጫፍ ስራአስኪያጅ ዘውድነህ አዲሱ በፈረሙት ስምምነት መሰረትም በዚህ አንድ አመት 100 የመንግስት ሰራተኞች ተጠቃሚ እንደሚሆኑ ተመላክቷል።

አቶ አይተነው እንደገለጹት የመግባቢያ ስምምነቱ ለአመታት መንግሥት ሰራተኛው ሲያቀርበው ለነበረውን ጥያቄ ምላሽ የሰጠ ነው።የብድር አቅርቦቱ ከመንግስት ስራው ጎን ለጎን ኢኮኖሚውን ለማሳደግ ጠቀሜታው የጎላ መሆኑንም ተናግረዋል።ከስምምነቱ በኋላ በፍጥነት ወደ ተግባር እንዲገባ ያስገነዘቡት አቶ አይተነው ቀጣይ በመንግስት ሰራተኛው አንገብጋቢ ነገሮች ላይ የብድር አቅርቦቱ እንዲያመቻችም አሳስበዋል ።

በብድሩ ቅድሚያ ተጠቃሚ የሚሆኑት ከዚህ ቀደም ብድር የሌለባቸው እና ቅድመ ሁኔታዎችን ያሟሉት የብሄረሰብ አስተዳደሩ መንግስት ሰራተኞች መሆናቸውም ተገልጿል።

በስምምነቱ መሰረትም ባንኩ ለቤት እና መኪና መግዣ 95 በመቶ ብድሩን ያመቻቻል።ሌላኛው ቦታ ኑሯቸው የቤት መስሪያ የሚሆን ገንዘብ በብድር የቀረበ ሲሆን ፤ለ5 አመት የሚቆይ ደግሞ እስከ 500ሽህ ብር ለቤት ቁሳቁስ ማሟያ ብድር እንደሚሰጥ ታውቋል።

የብድር አመላለሱም በዝቅተኛ የወለድ መጠን(7 ፕርሰንት)እንዲሁም እስከ 25 አመት የሚቆይ መሆኑም ተመላክቷል።

የአባይ ባንክ የእንጅባራ ቅርንጫፍ ስራአስኪያጅ ዘውድነህ አዲሱ ፥ባንኩ ከዚህ ቀደም በሌሎች አካባቢዎች ለሰራተኞች የማበደር ልምድ ያለው ሲሆን ቀጣይ የመንግስት ሰራተኛውን የኢኮኖሚ ክፍተት ለመሙላት በሌሎች የብድር አማራጮች ጭምር ትኩረት አድርጎ እንደሚሰራ ተናግረዋል ።

የመንግስት ሰራተኞች በሰጡት አስተያየት አባይ ባንክ ከሌሎች አቻ ባንኮች ቀድሞ ለሰራተኛው የብድር አቅርቦት ማመቻቸቱ የእኛ ባንክ መሆኑን ማረጋገጥ ችለናል።

ሰራተኛው በኢኮኖሚ ተጠቃሚ እንዲሆን በሌሎች የብድር አቅርቦትም እንዲመጣ ጠይቀዋል ።

በዚህ አመት 100 የመንግስት ሰራተኞች የብድር ተጠቃሚ ለማድረግ ኮሚቴ ተዋቅሮ ወደ ስራ መገባቱም ታውቋል።

የሰይፉ ደግነቶች ጊዜ ጠብቀው እየፈነዱ ነው

በተመስገን ባዲሶ
#ethiopia | ሰው ደካማ ገመናውን እና ነውሩን ሸፍኖ በሚኖርበት ዓለም ሰይፉ ደግነቱን ደብቆ የኖረ ሰው ነው። አንዳንዴ የረሳቸው ውለታዎች ተመልሶ ከሰው ሲሰማቸው እንደ-አዲስ አብሮ ይደመማል። ሰጥቶ መርሳት ልማዱ ነው። ብዙ የደግነት አሻራዎቹን የት እና መቼ እንዳኖራቸው ዘንግቷቸዋል። ደግነት መደበኛ ሕይወቱ ስለሆነ በየጊዜው ያደርገዋል። እነዚህ ደግ የዋለባቸው ገጠመኞች ከዘመን ርቀት ጋር የሚዘነጉ ክምችቶች ይሆናሉ። ግን ውለታ የተዋለለት ሰው መቼም አይረሳቸውም። እንዴት ይረሳቸዋል? በአደባባይ አያወሩት ነገር የሰይፉ ውለታ እና ቃል አስሮ በዝምታ ሸብቦ ያኖራቸዋል።

👉....………ከሰይፉ የሕይወት-መርሕ ውስጥ አንዱ የሚያግዘው ሰው በፍፁም ሚስጥር-ጠባቂ መሆን አለበት። ሲያደርግ አደራው ይከብዳል። ወንጀሌን ደብቁልኝ የሚል እንጂ፣ ደግነቴ አይወራ የሚል አይመስልም። እንደ- እኔ ዓይነት ያገኘውን ለሰዎች የሚያካፍል ሰውን እንኳን በዝምታ ሸብቦኝ ኖሯል። ላለፉት ሁለት ዓመታት ከህመሜ ጎን ሆኖ ያላገዘኝ ነገር የለም። ለዘመን መለወጫ ቤት ድረስ መጥቶ ለአውድ-ዓመት ብሎ 100 ሺ ብር ጀባ ሲለኝ እምብዛም ያልተገረምኩት እጆቹ አመላቸውን ስለማውቀው ነው። ደጋግሜ የእጁን-ጣዕም ስለቀመስኩት ሰበር-ዜና አልሆነብኝም። አደባባይ ወጥቼ ለሕክምና አግዙኝ ሳልል እስካሁን በነፃነት የታመምኩትና-ራሴን ያስታመምኩት የእነ-ሰይፉ ዓይነት ደግ እጆች ከጀርባ ምርኩዜ ስለሆኑ ነው። ሁሌ ጤናዬ ያሳስበዋል። በደወለ ቁጥር ……… ከእግዚአብሔር ሰላምታ ቀጥሎ ከአንደበቱ የሚወጣ ቃል ነው።

👉....……አሁን አሁን በተገኘው አጋጣሚ እንደ-Timeing Bomb ደግነቱ እየፈነዳ ነው። ሰዎችም ይኼ ድፍረት ሆኗቸው ደብቀው ያኖሩትን የውለታ ሚስጥር እያፈነዱት ነው። ያለፈው ሰኞ ለሰይፉ ተዘጋጅቶ በነበረው የአቀባበልና-የምሥጋና ፕሮግራም ላይ ከዕድምተኞች መሀል እንድካፈል በክብር ተጠርቼ ነበር። ግን ከጀግናው አትሌት ዋሚ-ቢራቱ ልደት ጋር ሰዓቱ ገጠመብኝና ሁለት ቦታ መከሰት አልቻልኩም። የዝግጅቱን አጠቃላይ ድባብ ግን በቴሌቭዥን መስኮት ቤቴ ሆኜ ተከታተልኩ ጥቂቶች ይኼን ምሥክርነት ሰጡ………
.
.
.
.
.
.
.....
«የሰይፉ ውለታ ብዙ አለብኝ። ከአስር ዓመት በፊት ቀብድ ከፍሎ፣ 'የቀረውን ክፈል!' ብሎ መኖሪያ ቤት እንዲኖረኝ ያደረገው ሰይፉ ነው፡፡» ሲል ድምጻዊ ታደለ ሮባ ደግነቱን መሰከረ።

👉....……ታዴ መድረክ እና አጋጣሚውን አግኝቶ አስር ዓመት ደብቆ የኖረውን የደግነቱን ሚስጥር አፈነዳው። ስለሰይፉ ደግነት በአደራ-ቃሉ የተለጎሙ አንደበቶች በየቦታው፣ በየቤቱ፣ በየሀገሩ ታፍነው አሉ። ውለታው በልባቸው የታሰረ ሺዎች አሉ። ስለሰይፉ ደግነት ለማውራት መድረኩን ቢያገኙ ከጉሊት ነጋዴ፣ ስኬትን እስከጨበጡ ሚሊየነሮች የሚያፈነዱት ውለታ አለባቸው። የሚገርመኝ ሰይፉ እነዚህን ደግነቶቹን የት እንደቀበራቸው አያስታውሰውም። ጊዜ ጠብቀው ሲፈነዱ ድምፁ ለጆሮው እንግዳ ይሆንበታል። እሱ ግን ጋዜጣ እንዲጀምር በአንድ ወቅት ያገዘውን የሪፖርተር ጋዜጣ ባለቤት የአቶ አማረ አረጋዊን ውለታ ባ'ገኘው አጋጣሚ ያፈነዳዋል።

👉....……… ናቸው። እነሱ የቀበሩትን ደግነት እየዘነጉ፣ የተደረገላቸውን ግን መቼም አይረሱም። የሰው መጥፎም-ጥሩም ሥራ እንደ-አደራ ይቀመጣል። አንድ ባልታይዘር የተባለ ሴት-አውል አፍሪካዊ 400 የወሲብ ቅሌቶቹ በአንድ አዳር ፈንድተው አይደል ነውሩ ፀሐይ የሞቀው? የነውሩ ክምችት ግን የዘመናት ሥራው ውጤት ነው። ሰው ከሰራው ውጪ ምንም ታሪክ የለውም……በሰማይም-በምድርም ሰው በሥራው ይመዘናል። ሰይፉ ከምናውቀው የውጪ ማንነቱ ጀርባ ኽንዲህ ዓይነት ከባድ-ሚዛን የሆነ የደግነት ቆንጆ ነው። ሳይታይ በየቦታው የቀበራቸው ደግነቶች አሁን አሁን በየቦታው ጊዜ ጠብቀው እየፈነዱ ነው። ሰይፍሻ እኔም ታፍኜ ልሞት ነው………ላፈንዳው እንዴ?😃😃😃😃😃😃😃😃😃😃

ረጅም ዕድሜና-የተሟላ ጤና………ከእነ-መላው ቤተሰብህ ይስጥህ፣ ከፍ በልልን…………
/ሻሎም/

በሰአታት 14 ሚሊዮን ብር በእናትዋ ጎንደር ታሪክ ተሰራ !
#ethiopia | ህዳር 14 በተካሄደው "መስጅዴን እሰራለሁ ለትውልድ አስተላልፋለሁ" የገቢ ማሰባሰቢያ ከ 14 ሚሊዮን ብር በላይ ተሰበሰበ !

በጎንደር ከተማ በ2014 ዓ.ም በእሳት ሙሉ ለሙሉ መዉደሙን ተከትሎ 11/2018 ዓ/ል ወደ ግንባታው ሲጀመር በወቅቱ የእምነት ተቋማት ሰዎች በስነምግባር የሚታነፁበት ነዉና ዳግም እንዲገነባ ሁላችንም የቻልነውን እናድርግ ስል በዚህ ገፅ ጥሪ ማቅረቤ ይታወሳል ።

ይህን ተከትሎ አማኒያን ደጋጎች ባደረጉት ታሌቅ ተሳትፎ በአጭር ጊዜ የመሰረት ሰራዉ አልቆ ቀጣይ ሰራ ለማሰቀጠል ህዳር 14/2018 ዓ/ም በጃሚአል ከቢር መሰጅድ ቅጥር ግቢ የመጀመሪያ ዙር የገቢ ማሰባሰቢያ ቴሌቶን የተዘጋጀ ሲሆን በዚህ ገቢ ማሰባሰቢያ ከሀገር ዉስጥና ዉጭ በሚኖሩ ደጋጎች ከ14 ሚሊዮን ብር በላይ መሰብሰብ መቻሉን ከአስተባባሪዎች ባገኘነው መረጃ ለማወቅ ችለናል ።

ይህንና ከተጀመረ ጀምሮ የነበረው አብሮነት በተመለከተ መግለጫ ያወጣው አሰሪ ኮሚቴዉም ግንባታው በጎንደር ከተማ መስተዳድር እና መጅሊስ ቢሮ የበላይ ጠባቂነት ፣ እንዲሁም በወገኖቻችን በጎንደር ፅዋ ማህበራት ፣ ጫኝ እና አውራጅ ማህበራት ኦርቶዶክስ አማኝ ወገኖቻችን ጎንደሬዎችና የጎንደር ወዳጆች ሀጅ አህመዲን መስጅድ ስም ምስጋናቸውን ገልፀዋል ።

ከአስተባባሪዎች መካከል የሆኑት አንድ ወንድማችን በገፃቸዉ እንዲህ ሲሉ ፅፈዋል ።

"ሙስሊም ወጣቶች ግንባታውን ሲያስጀመሩ ፣ ሙሉ ድፍን ኢትዮጵያን በደስታ አፍን በእጅ ያስጫነ በጎ የተቀደሰ ዓላማ እና አርአያነት ለኢትዮጵያችን !! ያሳለፍነው ወር ላይ ክስተት ነበር።"

ታዴ የማመይ ልጅ ከጎንደር

44ቱ ቅዱስ ሚካኤል ጎንደር !
#ethiopia | በሰርክ የፈጣሪ ስም ይጠራባታል፣ ኪዳን ይደረስባታል፣ ቅዳሴ ይቀደስባታል፣ ምስጋና እና ውዳሴ ይቀርብባታል፣ ጸሎትና ምስጋና አይቋረጥባትም፣ ጠቢባን፣ ዘማሪያን፣ ጀግኖች፣ ነጋዴዎችና ሌሎች በአንድ ላይ የኖሩባት፣ የሚኖሩባት ታላቅ ከተማ ናት፡፡

አሁን በ19ነኛው አጋማሽ ጎንደር የጎብኙ ፈረንሳዊ ፍርቱና ጋሊነሪይ የአፍሪካ ፓሪስ በማለት የገለፁት በዘመኑ ከጎንደር በአስብ በኩል የሚደረገውን ንግድ ድመራ የነበረው መራቱ የተባለ አርመናዊ በካይሮ ባስፈረው መዛግብቱ ጎንደርን የኢስታንቡልን አራት እጥፍ ትልቅ የሆነች ከካይሮ ቀጥላ የዓለማችን ሁለተኛ ግዙፍ እንደ ነበረች በመሰከረላት የመናገሻዋ ከተማ ጎንደር መሐል ፒያሳ ነኝ ።

የዛሬዉ ከታሪክ ገፃችን መዳረሻዬ የሀገሬው ሰው አጣጣሚ ቅዱስ ሚካኤል ሲል የሚጠራው የደብረ ገነት አጣጣሚ ቅዱስ ሚካኤል ነዉ !! ምናልባት ከአሁን በፊት ያልሰማችሁት 13ኛዉ የፋሲል ግብረ ህንፃዎች መግቢና ሌሎችንም ልንቃኝ ነዉና ተከተሉኝ ።

ከአፄ ፍሲል አብያተ መንግስት ግቢ ዙሪያውን ከሚገኙት ግምጃ ቤት ማርያም፣ ቅዱስ ጊዮርጊስ ፣አቡነ ተክለሀይማኖት፣አቡነ ሀራ ድንግል፣ባለ ወልድ እና እድሜ ጠገቡ ይሄውን የደብረ ገነት አጣጣሚ ቅዱስ ሚካኤል ይጠቀሳሉ ።

ደብሩም አድባር ሰገድ በሚል የንግስና ስማቸው የሚታወቁት አፄ ዳዊት ወይም ዘማሪዉ ዳዊት በ1708 ዓ.ም የኢትዮጵያ ንጉሰ ነገስት በመሆን በትረ ስልጣኑን መያዛቸውን ተከትሎ በአማረ ጥበብ እንደተገነባ ድርሳናቱ ይገልፃሉ ።

ቆይ ለመሆኑ አፄ ዳዊት ማን ናቸዉ ? አትሉኝም ?

የድሮ ነገሥታት የክብራቸው ልክ የሚገለጥባት የዘመኑ ስልጡን መሀንዲሶችን የጥበብ ልህቀት ማስመስከሪያዋ
ጎብኚዎች ለማየት የሚመኟት አይተው በፍቅሯ የሚነደፉላት በናፍቆት የሚንሰፈስፉላት ሙሽሪት ጎንደር የመናገሻ መዲናነት ዘመን ከነገሱ ሃያላን ነገስታቶቿ መካከልም አንዱ ነበሩ ።

ለኪነጥበብ ልዩ ፍቅር እንደነበራቸው የሚነገርላቸው በገና ደርዳሪዉ ዳዊት ወይም በንግስና ስማቸዉ አድባር ሰገድ ዳዊት እንደሌሎቹ ነገስታት ዘመናቸውን ዋጅተው በጥበብ እና በሞገስ እስከዚህ ትውልድ የተንሰላሰለ አሻራ አስቀምጠው አልፈዋል ።

አድባር ሰገድ በሚል የንግስና ስማቸው የሚታወቁት አፄ ዳዊት ወይም ዘማሪዉ ዳዊት በዘመናቸዉ ከፈፀሟቸዉ ከሚጠቀሱ ተግባራት መካከልም በሃገራችን የመጀመርያው የሆነዉ በፋሲል አብያተ መንግስት ግቢ ዉስጥ ያስገነቡት እጅግ የሚያስደንቅ ቤተ ተዉኔትን ትያትር ቤት ፣ ከአፄ ፋሲል ግቢ ዙርያ ከሚገኙ ጥንታዊ አብያተ ክርስትያናት አንዱ የሆነው ሃገሬዉ አጣጣሚ ሚካኤል እያለ የሚጠራው የደብረ ገነት አጣጣሚ ቅዱስ ሚካኤል ቤተክርስቲያን ፣ በነገስታቱ ግቢ ዉስጥ የሚገኙት ደንበኛ የአንበሳ ቤቶች ዋነኞቹ ናቸዉ።

የደብረ ገነት አጣጣሚ ቅዱስ ሚካኤል ቤተክርስቲያን
ንጉሰ ነገሥቱ በዘመኑ ከግብጽ አሌክሳንደርያ በመጡት የኢትዮጵያ ጳጳስ አቡነ ክርስቶደሉ ባላባቱና ም ዕመናኑ በተገኙበት ሰኔ 1 ቀን 1709 የተመረቀ ሲሆን በአራት ማዕዘን ቅርጽ የተሰራው ይህ ቤተክርስቲያን ግድግዳው በጥቁር ድንጋይና ተቃትሎ ከስድስት ወር እስከ ሁለት ዓመት በውሃ ተዘፍዝፎ በተብላላ ኖራ በጌጠኛ አሰራር እንደተገነባ አመታትን ተሻግሮ ዛሬም ድረስ ያልደበዘዘዉ ዉበቱ መረዳት ይቻላል ።

ደጀሰላሙ እና ከቤተ መንግስት ጋር ትይዩ የተሰራዉ ይህ ደብር በወቅቱ በሮቹ ከቁስቋም ተጠርቦ በመጣ ቀይ ልዝብ ድንጋይ በቅስት እንደተጌጠ ጣራው በባኅላዊ በተጠረበ እንጨት ወራጅ ተሰክተው ጠፍጣፋ ድንጋይ ከለበሰ በኋላ ውሃ እንዳይሰርግ በኖራ ተለብጦ በግድግዳው ላይ ወራጅ አሸንዳዎች ተደረጎበት እንደነበር ከመዛግብት ያገኘኋቸው መረጃዎች ይገልፃሉ ።

ከቤተ መንግስቱ ጋር "አስቄት" በር በተባለችና ከአስራ ሁለቱ የአፄ ፋሲል ግቢ በሮች በማይጠቀሰው በር በኩል ንጉሱ ነገሥቱና ባለሟሎቻቸው ይገቡ እንደነበር የታሪክ ባለሙያዎች ይናገራሉ ።

በአፀዱ ተሻግረዉ ወደ ታላቁ የመናገሻ ስፍራ ፋሲል አብያተ መንግስታት ሲያቀኑም በንጉሥ ዳዊት ዘመነ መንግስት የተገነባው ትያትር ቤት እና የአንበሶች ቤት ይገኛሉ ።

ንጉሱ ለስነጥበብ እጅግ የተሰጡ በመሆናቸው በመጀመርያው የስልጣን ዘመናቸው በፋሲል አብያተ መንግስት ግቢ ዉስጥ እጅግ የሚያስደንቅ ቤተ ተዉኔትን አስገንብተዋል ።

ፀሀፈ ተዉኔት አያልነህ ሙላቱ ቲያትር ወደ ኢትዮጵያ መቼ እንደገባ ሲያስረዱ ብልጭታዉ በዛጉየ ስርዎ መንግስት እንደታየ በመጠቆም ነገር ግን ለዘመናዊ ቲያትር መመስረት በዋናነት የምትጠቀሰው ጎንደር ከተማ ስለመሆኗ ሲያስረዱ ይህንን አፄ ዳዊት ያስገነቡትን ቤተ ተዉኔት በመጥቀስ ነዉ ።

በገና የሚደረድሩት አፄ ዳዊት ሲበዛ ጥበብን አፍቃሪ እንደነበሩ የነገስታቱ ዜና መዋል ከትቦት እናገኘዋለን ።

በዘመናቸው ለሊቃውንት በተለይም ለክፍለ ዩሃንስ ከፍ ያለ ክብር እንደነበራቸው ቅኔዎቹ በመዝገብ ላይ እንዲሰፍሩና ከትዉልድ ወደትዉልድ እንዲነገር አድርገዋል ።

እኒህ ንጉሥ በፋሲል ግቢ ዉስጥ ያስገነቡት "ደባል" የሚባለው ቤተ ተዉኔት በወቅቱ የተለያዩ የጥበብ ስራዎች ይቀርቡበት የነበረ ሲሆን ህንፃዉ ዛሬም በግቢው ይገኛል ።

ታዴ የማመይ ልጅ
______

ሃማስ ስምምነቱን ካላከበረ መጥፊያው ይሆናል ! /እስራኤል /

የእስራኤል የመከላከያ ሚኒስትሩ ካትስ ሃማስ የእርቅ ስምምነቱን ካላከበረ ጦርነቱ እንደሚቀጥል ገልጸው፣ ወታደራዊ ኃይሉ በድጋሚ ጦርነት በሚነሳበት ጊዜ የፍልስጤም አሸባሪ ቡድንን “ለመጨፍለቅ” ዕቅድ እንዲያዘጋጅ ትእዛዝ ሰጥተዋል ተባለ ።

"ሃማስ ስምምነቱን ለማክበር ፈቃደኛ ካልሆነ እስራኤል ከዩናይትድ ስቴትስ ጋር በመተባበር ጦርነቱን ይቀጥላል እና የሃማስን አጠቃላይ ሽንፈት ለማሳካት በጋዛ ያለውን እውነታ ለመለወጥ እና የጦርነቱን ዓላማዎች ሁሉ ያሳካል" ሲል የካትዝ ጽህፈት ቤት መግለጫ ተናግሯል ።

የእስራኤል የመከላከያ ሚኒስትር ይህን መግለጫ ያወጣው አሁንም በጋዛ የሞቱትን የ19 ታጋቾች አስከሬን አለመመለሱን ተከትሎ ነዉ ።

ነገር ግን የሃማስ ወታደራዊ ክንፍ በዩናይትድ ስቴትስ በሚደገፈው የተኩስ አቁም ስምምነት መሰረት ሁሉንም ህይወት ያላቸው ታጋቾችን ወደ እስራኤል በመመለስ እና የሞቱት ምርኮኞች ሁሉ አስከሬን “እያፈላለገ ነዉ” በማለት ስልጣኑን ከማስረከቡ በፊት ገልጿል።

"የታጋቾች አስከሬን (ያልተመለሱት) አስከሬን - ለመፈለግ ከፍተኛ ጥረት እና ልዩ መሳሪያዎችን ይፈልጋል እናም ይህንን ችግር ለመፍታት ከፍተኛ ጥረት እያደረግን ነው" ብሏል። ቡድኑ

በተያያዘ ሃማስ ረቡዕ ምሽት የሞቱትን የሁለት ታጋቾች አስከሬን የያዙ ሁለት ሬሳ ሳጥኖችን አስተላልፏል፣ የሟቾቹን ምርኮኞች ሁሉ “ማግኘት የቻለውን” አስከሬን እንዳስረከበ ተናግሯል።

የሬሳ ሣጥኖቹ በጋዛ ከተማ ከሚገኘው ሃማስ ተፈልገዉ የተገኙ ሲሆን በቀይ መስቀል አማካኝነት ከጋዛ ሰርጥ ወጥተው ለመከላከያ ሰራዊት አባላት ተላልፈዋል።

ፖሊስ ቴል አቪቭ ወደሚገኘው አቡ ከቢር ፎረንሲክ ኢንስቲትዩት ወስዶ የሟቾችን መንስኤ ለማወቅ እና ለማጣራት የወሰዳቸው ሲሆን ይህ ሂደትም እስከ ሁለት ቀናት ሊወስድ እንደሚችል ባለስልጣናት ተናግረዋል።

የዩናይትድ ስቴትስ ፕሬዝዳንት ዶናልድ ትራምፕ አስከሬኑ ወደ እስራኤል ግዛት ከተመለሰ በኋላ ለጋዜጠኞች በሰጡት መግለጫ ሃማስ በጋዛ የተያዙትን የሞቱትን ቀሪዎችን እየፈለገ ነው ብለዋል።

"ይህ አሰቃቂ ሂደት ነው ... እየቆፈሩ ነው እና ብዙ አካላትን እያገኙ ነው. ከዚያም አስከሬኖቹን መለየት አለባቸው" ሲል በኦቫል ኦፊስ ውስጥ ለጋዜጠኞች ተናግሯል.

"ከእነዚያ አስከሬኖች ውስጥ ጥቂቶቹ ለረጅም ጊዜ የቆዩ ሲሆን አንዳንዶቹም በፍርስራሾች ውስጥ ይገኛሉ። ፍርስራሾችን ማስወገድ አለባቸው" ሲል በቀጠለው መግለጫ ። “አንዳንዶቹ በዋሻዎች ውስጥ ናቸው…ከመሬት በታች ወደታች ስለሆኑ እስራኤል ጊዜ መስጠት አለባት ብለዋል ።

ሸምጋዮች ረቡዕ እለት ከጋዜጠኞች ጋር ባደረጉት አጭር መግለጫ ሃማስ የሁሉንም ታጋቾች አስከሬን ለማግኘት ሳምንታት ሊፈጅ እንደሚችል አስጠንቅቀዋል፣ በጋዛ ላይ እየደረሰ ባለው ውድመት የተነሳ፣ፍለጋው አስቸጋሪ እንደሆነ ገልፀዋል ።

የትራምፕ ከፍተኛ አማካሪዎች አንዱ "ሀማስ ስምምነቱን ጥሷል ሲሉ ብዙ ሰዎች ሰምተናል። ግን ተቸግሮ እንጂ ሆን ብሎ አይደለም አይደለም ያሉት አማካሪው የጦር ቀጠና በመሆኗ የተኩስ አቁም ስምምነት ተግባራዊ ከሆነ በኋላ አስከሬኖችን ማሰባሰብ መጀመር የሚቻለው ባለፈው ሳምንት ብቻ እንደሆነ ጠቁመዋል።ሲል የዘገበው ታይምስ ኦፍ እስራኤል የዜና ወኪል ነዉ ።

የኔታ ቲዩብ ዘጋቢ ፦ ታዴ የማመይ ልጅ

ሰላም እንዴትስ ናችሁ ? ታዴ ነኝ ዛሬ በብርቱ ጉዳይ ወዳጅነታችሁ ያስፈልገኛልና ሶስት ደቂቃ በመስጠት እንድታነቡት በአክብሮት እጠይቃለሁ ።
#ethiopia | ይህን ከማለቴ በፊት ከራሴ ጋር ብዙ ታግያለሁ ነገር ግን ነገሮች እየተደራረቡ ቀስ በቀስ በጨላለመ ሃሳብና ስሜት ተስፋ ማጣት ዉስጥ መክተት ሲጀምሩ ላለፉት አመታት በነበረን ቆይታ ያበረታኝን የእናንተ ወዳጅነት በመተማመን ትብብራችሁን ለመጠየቅ ወደድኩኝ ።

መቼም ላለፉት አራት አመታት በነበረን ወዳጅነት ከዘር ከፖለቲካ ከልዩነት ሃሳቦች በመራቅ በዘመን ሀዲድ ላይ ወደኋላ በመጓዝ ቆየት ያሉ ዜማዎች፣ ባህሎች፣ ታሪኮች፣እሴትና የአብሮነት መገለጫዎች ከያሉበት በመፈለግ ወደእናንተ በማድረስ እንደ አንድ የማትከፍሉበት የመዝናኛ አማራጭ በመሆን ትዝታችን እንድንካፈል መረጃዎች እንድናገኝ ጊዜ ጉልበት ገንዘቤን በማዉጣት ያለመሰልቸት ሳገለግላችሁ ቆይቻለሁ።

በዚህ ሁሉ አገልግሎታችን ወቅት ለእናንተ ደስታና መዝናናት ስንታትር በተለይም ካለፈዉ ጥቅምት በኋላ (ቋሚ ስራዬን የራዲዮ ፕሮግራሜ ከተቋረጠ እና ያዘጋጀሁት የቱሪዝም መፅሔት የመፅሐፍ እረቂቅ ሙሉ ፋይል ከጠፋ በተፈጠሩ ግጭቶች ምክንያት በኋላ በተዳከመዉ የቱሪዝምና ኪነጥበብ እንደልብ ተንቀሳቃሽ መስራት ከባድ ከሆነበት ጊዜ ጀምሮ ያለሁበት ሁኔታ እጂግ በጣም ከባድና ለመግለጽ የሚቸግር ነዉ ።

“የህይወት ፋይዳ ምንድነው?” ከሚል ጥያቄ ጋር ተጭኖ የሚመጣ የጨላለመ መንፈስ
አንዳች ነገር ማጣት”ን የሚያመለክት "ራስን ማጣት” ስሜት ተስፋ መቁረጥ ባልኖርስ የሚል ሀሳብ ከትንሽ እስከ ትልቅ
አቤት ያሳለፍኩት የሃዘን አይነትና መጠን አበዛዙ! በቃ አቅምና ችሎታው እያለኝ ህሊናዬን ለሽያጭ አቅርቤ ለአንዱ የፖለቲካ አሰላለፍ ቡድንና ሹም ካላጎበደድኩ መስራት አልችልም ? በቃ ብዙ ነገር ሁና ከዚህ ያደረሰችኝን እናቴን በእስርጅና እድሜዋ ጧሪዋ ሳልሆን ልቀር ነዉ ? ብቻ ከሚገባኝ በታች በሆነው የፋይናንስ እጥረት ያለፍኩትን አስቸጋሪ ሁኔታ ለመግለጽ የሚያስቸግር ነበር ። እዉነቱን ለመናገር ላለፈው አንድ አመት ከካርድ ባልዘለለ ደሞዝ ለአንድ የግል ሚዲያ በዜና ዘጋቢ በመሆን ስታገል ቆይቻለሁ ።

ብዙ ሀተታ አላብዛ አሁን ያለሁበት ሁኔታ የእናንተን እገዛና ድጋፍ የሚሻ ነዉ በአዲስ መልክ ለመምጣት አስቤያለሁ ።

የወርቃማው ዘመን የሙዚቃ ስራዎች ፣ታላላቅ የኪነጥበብ ሰዎች እንግዳ መዝናኛ ፣በህብረተሰቡ ዉስጥ ያሉ ያልታዩ ባህሎች የአኗኗር ልማዶች ፣ሃገር በቀል የምርምር ዉጤቶች ፣የልጅነት ትዝታዎች፣ የስኬታማ ሰዎች ልምድና ተሞክሮ ፣የቱሪዝም መዳረሻዎች ፣የጥበብ ስራዎች ፣የመዝናኛ መረጃዎች ግጥም ሌሎችንም በዲጂታል መፅሄት በዩቲዩብ በፌስቡክና በሌሎች አማራጮች ወደ እናንተ ለማድረስ ዘጠና በመቶ ተፅፎ ያለቀውን መፅሐፌን ለአንባቢያን ለማድረስ የእናንተን የገንዘብ የቁሳቁስና የሃሳብ ድጋፍ እሻለሁ ።

መቼም በርታ ጎበዝ ነህ ከጎንህ ነን የሚለዉ አበረታች አስተያየቱም ሆነ አክብሮቱ፤ ምስጋናዉም ሆነ አድናቆቱ፤ ትርጉም የሚኖረው፤ በህይወት እያለን በህልውና ሲገኙ በመደገፍና አለሁ በማለት ነዉና ያሰብኩት እንዲሳካ የአንድ ቀን ማኪያቶ በመጋበዝ ከጎኔ እንድትሆኑ በአክብሮት እጠይቃለሁ ።

በእናንተ ሙሉ እምነት አለኝና እንደሚሳካ አልጠራጠርም ስለሁሉም ነገር አመሰግናለሁ።

የኢ.ን.ባ 1000284446667 ታዴዮስ ሲሳይ
ቴሌ ብር 0900171840 ➛ ታዴዮስ ሲሳይ መጠቀም ትችላላችሁ ።

ኬንያ የነፃነት አባቷን አጣች !

ለአስርት አመታት የኬንያ ፖለቲካ ዘዋሪ
የአንድ ፓርቲ ራስ ገዝ አስተዳደርን በመታገል ለበርካታ ጊዜያት ለእስር የተዳረጉት እና አምስት ጊዜ ለፕሬዚዳንትነት የተወዳደሩት አንጋፋው የኬንያ ተቃዋሚ መሪ ራይላ ኦዲንጋ በ80 ዓመታቸው ረቡዕ እለት ሕንድ ውስጥ ከዚህ ዓለም በሞት መለየታቸው ተሰማ።

ኦዲንጋ በውጪ በህክምና ሲረዱ እንደነበር እና የልብ ድካም እንደገጠማቸው ህይወታቸው ያለፈው በኮቺ ከተማ የሚገኘው ሆስፒታል አስታውቋል።

በሐይቅ ዳርቻ በምትገኘው ኪሱሙ ከተማ እና ኤልዶሬት በምትባለው ሪፍት ቫሊ ከተማ የተወለዱት ኦዲንጋ ከተቀናቃኞቹ ጋር የመሥራት ችሎታ በሉዎ ቋንቋ "አግዋምቦ" ("ሚስጥራዊ") የሚል ቅጽል ስም አስገኝቶለታል።

ለአስርት አመታት የኬንያ ፖለቲካ ቁልፍ ሰዉ፣ ከቀድሞ ጠላቶች ጋር ህብረት በመፍጠር፣ ለተወሰነ ጊዜ በጠቅላይ ሚኒስትርነት፣
ለዓመታት የዲሞክራሲ ተሟጋች በመሆን የኬንያ ዋና ዋና ለውጦችን ሁለቱን ማለትም የመድበለ ፓርቲ ዴሞክራሲን በ1991 እና በ2010 አዲስ ሕገ መንግሥት እንዲዘጋ አድርገዋል ።

"ዴሞክራሲ በአንድ ጊዜ አፍልተህ እንደጠጣው ፈጣን ቡና አይደለም፣ሂደት ነው"ሲል በወቅቱ ተናግሯል።

እ.ኤ.አ. በ2007 የተካሄደው አጨቃጫቂ ምርጫ ኬንያ ከነፃነት በኋላ ወደ ከፋ የፖለቲካ ብጥብጥ ከገባች በኋላ ኦዲንጋ ተቃውሞውን መርቷል።

በተለይም በምእራብ ሉኦስ እና በዋና ከተማይቱ ናይሮቢ ውስጥ ባለው የዕድሜ ልክ ታማኝነትን አበረታቷል።

ኦዲንጋ ኪቤራን ጨምሮ የፓርላማ መቀመጫቸውን ለመጀመሪያ ጊዜ በ1992 አሸንፈዋል። እ.ኤ.አ. እስከ 2013 ድረስ የምርጫ ክልሉን መቀመጫ የነበራቸዉ ሲሆን ደፋር ተናጋሪ ነበሩ ።

እ.ኤ.አ. በ1997 በሞይ ላይ የመጀመሪያውን የፕሬዝዳንትነት ዉድድር ተሸንፏል። ከአራት አመታት በኋላ ኦዲንጋ ከሳቸው ጋር ጥምር መንግስት መስርተዋል፣ ኦዲንጋ በቀጣዮቹ ሁለት አስርት አመታት ውስጥ ከተቀናቃኞች ጋር ጥምረት በመፍጠር ለዲሞክራሲ ተጋድሎ አድርገዋል ።

እ.ኤ.አ. በ2008 በቀድሞ ጠላታቸው ኪባኪ በሚመራው የብሔራዊ አንድነት መንግሥት ውስጥ ጠቅላይ ሚኒስትር በመሆን ፣በኬንያ ደም መፋሰስን ለማስቆም ያስቻለ ስምምነት ፈፅመዋል ።

እ.ኤ.አ. በ 2017 የተካሄደውን ምርጫ ተከትሎ ከተቀናቃኛቸው ፕሬዝዳንት ኡሁሩ ኬንያታ ጋር "እጅ መጨባበጥ" ተብሎ በሚጠራው እርቅ መፈፀማቸው ይጠቀሳል ።

እ.ኤ.አ. በ 2022 ምርጫ አሁን በፕሬዚዳንት ዊሊያም ሩቶ ተሸንፈዋል እና ውጤቱን በመቃወም በጠቅላይ ፍርድ ቤት ተቀባይነት አግኝቷል ።

ኦዲንጋ ከውጪ በተለይም በአፍሪካ አካባቢ ታዋቂ ሰው በነበረበት ወቅት ውዳሴ ያገኙ ሲሆን የአፍሪካ ህብረት ኮሚሽን ሃላፊ ማህሙድ አሊ ዩሱፍ በዚህ አመት በህብረቱ የአመራር ውድድር ኦዲንጋን ያሸነፉበት "ኤች.ኢ. ራይላ ኦዲንጋ በኬንያ የፖለቲካ ህይወት ውስጥ ትልቅ ሰው እና የዲሞክራሲ፣ የመልካም አስተዳደር እና ህዝብን ያማከለ ልማት የጸኑ ነበሩ" ብለዋል።

የኔታ ቲዩብ ዘጋቢ ፦ታዴ የማመይ ልጅ

የአለም ግጭት ጠማቂዋ አሜሪካ ስለ ሰላም መናገር አትችልም ! ኢራን /

ኢራን የዩኤስ ፕሬዝዳንት ዶናልድ ትራምፕ ቴላቪቭን ከቴህራን ጋር ለማስታረቅ ያቀረቡትን የሰላም ስምምነት ጥሪ እንደማትቀበል ገለፀች ።

በሰኔ ወር በኢራን የኒውክሌር ቦታዎች ላይ ያደረሰችውን ጥቃት በመጥቀስ "በዩኤስ ፕሬዝዳንት የተገለፀው የሰላም እና የውይይት ፍላጎት አሜሪካ በኢራን ህዝብ ላይ ካላት የጥላቻ እና የወንጀል ባህሪ ጋር ይቃረናል" ሲል የውጭ ጉዳይ ሚኒስቴር በመግለጫው ተናግሯል።

ቴህራን ይህን ምላሽ የሰጠችው
ሰኞ ዕለት በእስራኤሉ ክኔሴት ንግግር ላይ ትራምፕ ከኢራን ጋር የሰላም ስምምነት እንደሚፈልጉ እና ማንኛውም ስምምነት እንዲፈፀም ኳሱ በቴህራን ፍርድ ቤት እንዳለ መናገራቸውን ተከትሎ ነዉ ።

ኢራን በመግለጫዋ ጥሪውን ውድቅ አድርጋለች።

በፖለቲካዊ ድርድር ውስጥ በአንድ ሀገር የመኖሪያ አካባቢዎችን እና የኒውክሌር መስሪያ ቤቶችን ማጥቃት፣ ከ1,000 በላይ ሰዎችን ንፁሃን ሴቶችን እና ህጻናትን ገድሎ ሰላምና ወዳጅነትን እንዴትስ ጠየቀ?" ሲል መግለጫዉን የጀመረው የውጭ ጉዳይ ሚኒስቴር ።

የዩኤስ ፕሬዝዳንት ዶናልድ ትራምፕ
በኢየሩሳሌም በሚገኘው ክኔሴት ያደረጉትን ንግግር “ኃላፊነት የጎደለው እና አሳፋሪ” በማለት ዩናይትድ ስቴትስ “የሽብርተኝነት ግንባር ቀደም ተዋናይ እና የአሸባሪው እና የዘር ማጥፋት የጽዮናውያን አገዛዝ ደጋፊ ናት” ስትል ወቅሳለች።

የኢራን ውጭ ጉዳይ ሚኒስቴር “ዩናይትድ ስቴትስ… ሌሎችን ለመወንጀል የሞራል ብቃት የላትም” ብሏል።

የአሜሪካው ፕሬዝዳንት የገለፁት የሰላም ፍላጎት እና የውይይት ፍላጎት አሜሪካ በኢራን ህዝብ ላይ ካላት የጥላቻ እና የወንጀል ባህሪ ጋር ይቃረናል ሲል የውጭ ጉዳይ ሚኒስቴር በመግለጫው አስታውቋል።

እንደሚታወሰው በሰኔ ወር አጋማሽ እስራኤል በኢራን ላይ ታይቶ የማያውቅ የቦምብ ጥቃት የኒውክሌር እና ወታደራዊ ተቋማትን እንዲሁም የመኖሪያ አካባቢዎችን በመምታት ከ1,000 በላይ ሰዎችን ገድሏል።

ዩናይትድ ስቴትስ በኢራን ቁልፍ የሆኑትን የኒውክሌር መስሪያ ቤቶችን የመታበት የ12 ቀን ጦርነት ከእስራኤል ጋር በቴህራን እና በዋሽንግተን መካከል የነበረውን ከፍተኛ የኒውክሌር ድርድር ውድቅ ቢያደርገዉም
ከሰኔ 24 ጀምሮ በኢራን እና በእስራኤል መካከል የተኩስ አቁም ስምምነት መደረጉ ይታወሳል ።

ለዘገባዉ ጀሩሳሌም ፖስት ሮይተርስ ቴህራን ፖስንት ተጠቅመናል ።

የኔታ ቲዩብ ዘጋቢ ፦ ታዴ የማመይ ልጅ

ታላቋ ሩሲያ የሶርያ የባህር ዳርቻ እንድትጠብቅ እንፈልጋለን !/ ደማስቆ /

የሶሪያው ፕሬዝዳንት አህመድ አል ሻራራ
የበሽር አል አሳድ ቁልፍ አጋር ከሆነችው ከሞስኮ ጋር "ግንኙነቱን ወደነበረበት ለመመለስ እና እንደገና ለማስተካከል"እንደሚፈልጉ መናገራቸው ተሰማ ።

የሶሪያው ፕሬዝዳንት አህመድ አል ሻራራ ለሩሲያው ፕሬዝዳንት ቭላድሚር ፑቲን እንደተናገሩት የረዥም ጊዜ የክሬምሊን አጋርና ከስልጣን ከተባረሩት የበሽር አል አሳድ ቁልፍ ወዳጄ ከሆነችው ከሞስኮ ጋር "ግንኙነቱን ወደነበረበት ለመመለስ እና እንደገና ለማስተካከል" እንደሚፈልግ ተናግረዋል ሲል አልጀዚራ ዘግቧል ።

የሶሪያው ፕሬዝዳንት አህመድ አል ሻራ ከሩሲያው ፕሬዝዳንት ቭላድሚር ፑቲን ጋር በጥቅምት 15 ሩሲያ ሞስኮ በተካሄደ ስብሰባ ላይ በሶሪያ የባህር ዳርቻ የአየር እና የባህር ሃይል ጦር ሰፈሯን እንዲሁም የባህር ዳርቻዎችን እንድትጠብቅ ፍላጎት እንዳላቸው ገልፀዋል ።

አል ሻራ ይህን የገለፀው ከ10 ወራት በፊት ከሶሪያ ከተሰደደበት ጊዜ አንስቶ አል አሳድን በምታስተናግድበት የመጀመሪያ ጉብኝቱ በሞስኮ ከፑቲን ጋር በተገናኘበት ወቅት ነው።

"በታደሰዉ ግንኙነታችን በማሳደግና በአዲስ መንገድ በመመለስ እንደገና ለመወሰን እየሞከርን ነው ስለዚህም ለሶሪያ ነፃነት, ሉዓላዊቷ እና የግዛት አንድነት እንዲሁም የደህንነት መረጋጋት እንሰራለን " ሲል የክሬምሊን መንግስት ቃል ገብቷል ።

ሶሪያ የሩሲያን ግንኙነት 'እንደገና ለመወሰን' ትፈልጋለች ያሉት የሶሪያ መሪ ደማስቆ ከሞስኮ ጋር ያለፉትን ስምምነቶች ሁሉ እንደምታከብር አረጋግጠዋል። "ከሩሲያ ጋር የሚያስተሳስሩን የሁለትዮሽ ግንኙነቶች እና የጋራ ፍላጎቶች አሉ, እና ከእሱ ጋር የተደረጉ ስምምነቶችን ሁሉ እናከብራለን" ብለዋል.

ፑቲን የአል-ሻራውን 'ታላቅ ስኬት' አወድሰው
በሁለቱ ሀገራት መካከል ለአስርተ አመታት የቆየውን "ልዩ ግንኙነት" አድንቀው ሞስኮ ሁል ጊዜ በሶሪያ ህዝብ ፍላጎት እንደምትሰራ እና መንግስታቸውም ማስፋት እንደሚፈልግ ተናግረዋል።

አክለዉም ሩሲያ በበኩሏ በሶሪያ የባህር ዳርቻ የአየር እና የባህር ሃይል ጦር ሰፈሯን እንዳቆየች እና ክሬምሊን የባህር ዳርቻዎችን ለመጠበቅ ስምምነት ለመደራደር ተስፋ እንዳለው በመግለፅ ወደ ሶሪያ የነዳጅ ጭነቶችን መላክ መጀመራቸውን ገልፀዋል ተብሏል።

ሶሪያ በአሁኑ ጊዜ በአስቸጋሪ ጊዜያት ውስጥ ብትሆንም, ሆኖም ግን በሩሲያ ድጋፍና እርዳታ በሶሪያ ውስጥ በሁሉም የፖለቲካ ኃይሎች መካከል ያለውን ግንኙነት እና ትብብር ያጠናክራል" ብለዋል ፑቲን ሲሉ ያስነበቡት አልጀዚራ እና ሞስኮ ታይምስ ናቸዉ ።

የኔታ ቲዩብ ዘጋቢ ፦ ታዴ የማመይ ልጅ