በሞስኮ ስኬታማ የእጅ ንቅለ ተከላ ተከናወነ
#ethiopia | በሞስኮ የሚገኘው ስክሊፎሶቭስኪ የምርምር ኢንስቲትዩት እጅግ ረቂቅ እና ከፍተኛ ጥንቃቄ የሚጠይቀውን የማይክሮ ሰርጀሪ (Microsurgery) የንቅለ ተከላ ስራ በስኬት በማጠናቀቅ የዓለምን ትኩረት ስቧል።

የሩሲያ የጤና ጥበቃ ሚኒስቴር የፕላስቲክ ቀዶ ጥገና ባለሙያ ናታሊያ ማንቱሮቫ እንደገለጹት፣ ይህ ስኬት አካላቸውን ላጡና ሰው ሰራሽ ድጋፎችን ለሚጠቀሙ ወገኖች ተስፋ የሚሰጥ ታላቅ የሳይንስ ግኝት ነው።

📍 የሁለቱ ታካሚዎች አስገራሚ ጉዞ
ይህ ታሪካዊ ክዋኔ በሁለት ግለሰቦች ላይ የተከናወነ ሲሆን ውጤቱም የሚከተለውን ይመስላል፦

* የመጀመሪያው ታካሚ፦ የቀኝ እጅ ንቅለ ተከላ ተደርጎለት አሁን ላይ ሙሉ በሙሉ አገግሟል። ከመደበኛ ሥራው ባለፈ በራሱ መኪና መንዳት እስከመጀመር የደረሰ አስገራሚ ለውጥ አሳይቷል።

* ሁለተኛው ታካሚ፦ የሁለቱም እጆች ንቅለ ተከላ የተደረገለት ሲሆን፣ በአሁኑ ወቅት ቀላል ቁሶችን በእጆቹ ለመያዝ የሚያስችለውን የማገገሚያ (Rehabilitation) ልምምድ በማድረግ ላይ ይገኛል።

🧬 ከባዮኒክ እጅ ወደ ተፈጥሯዊ ንክኪ

የመጀመሪያው ሙከራ የተጀመረው በኤፕሪል 2025 ሲሆን፣ ታካሚው ለረጅም ጊዜ በቴክኖሎጂ የታገዘ የባዮኒክ እጅ ሲጠቀም ቆይቶ ነበር። ሆኖም በንቅለ ተከላው ለመተካት በወሰነው መሠረት፦

* ከ9 ሰዓታት በላይ የፈጀ ረቂቅ ቀዶ ጥገና ተደርጓል።

* የለጋሹ ደም ወሳጅ ቧንቧዎች፣ የደም ስሮች እና የነርቭ ጫፎች ከተቀባዩ እጅ ጋር በጥንቃቄ ተገናኝተዋል።

* ይህም ደም እንዲዘዋወርና እጁ የተፈጥሮ እንቅስቃሴና ስሜት እንዲኖረው አስችሏል።

ይህ ስኬት ሩሲያን በጣት የሚቆጠሩ የቴክኖሎጂው ባለቤት የሆኑ አገራት ተርታ እንድትሰለፍ ያደረገ ሲሆን፣ አካል ለጎደላቸው ወገኖች ወደ ቀድሞ ተፈጥሯዊ ህይወታቸው ለመመለስ ትልቅ ድልድይ ሆኗል።

Getu Temesgen - (ጌጡ ተመስገን)
#getutemesgen #getu #ጌጡ #capitalnews #የጤናዜና #ሩሲያ #ሳይንስናቴክኖሎጂ #ንቅለተከላ #ሕክምና #ሞስኮ #sklifosovskyinstitute